ponomar-pwa/static/data/shared/triodion/22.json

[
 {
  "type": "HEADER",
  "value": "Сꙋббѡ́та д҃-ѧ седми́цы"
 },
 {
  "type": "HEADER",
  "value": "На ᲂу҆́трени: А҆ллилꙋ́їа, и҆ тропарѝ, гла́съ в҃:"
 },
 {
  "type": "TEXT",
  "value": "А҆пⷭ҇ли, мч҃нцы:"
 },
 {
  "type": "TEXT",
  "value": "Сла́ва: Помѧнѝ гдⷭ҇и:"
 },
 {
  "type": "TEXT",
  "value": "И҆ ны́нѣ: Мт҃и ст҃а́ѧ:"
 },
 {
  "type": "HEADER",
  "value": "И҆ стїхосло́вїе. Та́же мч҃нчны сѣда́льны гла́са. По непоро́чныхъ же пое́мъ тропарѝ:"
 },
 {
  "type": "TEXT",
  "value": "Ст҃ы́хъ ли́къ:"
 },
 {
  "type": "HEADER",
  "value": "И҆ по є҆ктенїѝ сѣда́ленъ ме́ртвенъ, гла́съ є҃:"
 },
 {
  "type": "TEXT",
  "value": "Поко́й сп҃се на́шъ съ првⷣными:"
 },
 {
  "type": "HEADER",
  "value": "Сла́ва, коне́цъ: И҆ ны́нѣ, бг҃оро́диченъ:"
 },
 {
  "type": "TEXT",
  "value": "Ѿ дв҃ы возсїѧ́вый:"
 },
 {
  "type": "HEADER",
  "value": "Та́же канѡ́нъ мине́и, и҆ свѧта́гѡ ѻ҆би́тели, и҆ настоѧ́щыѧ четверопѣ́снцы по чи́нꙋ и҆́хъ. Четверопѣ́снецъ, є҆гѡ́же краегране́сїе:"
 },
 {
  "type": "TEXT",
  "value": "Пѣ́снь на мч҃нки, господи́на і҆ѡ́сифа."
 },
 {
  "type": "HEADER",
  "value": "И҆ стїхосло́вѧтсѧ пѣ̑сни. Гла́съ д҃."
 },
 {
  "type": "HEADER",
  "value": "Пѣ́снь ѕ҃."
 },
 {
  "type": "TEXT",
  "value": "І҆рмо́съ: Пꙋчи́ною жите́йскою:"
 },
 {
  "type": "TEXT",
  "value": "Преидо́сте предѣ́лы плѡтскі́ѧ страда́льцы мно́гимъ терпѣ́нїемъ, претерпѣ́вше мꙋ̑ки и҆ бѡлѣ́зни. Тѣ́мже всѧ́кꙋю болѣ́знь и҆ ско́рбь ѡ҆блегча́ете, ва́съ воспѣва́ющихъ."
 },
 {
  "type": "TEXT",
  "value": "Тьма́мъ а҆́гг҃лъ во́инство совокꙋпи́сѧ ст҃ы́хъ страстоте́рпєцъ, и҆ мо́литъ всебл҃га́го бг҃а, согрѣше́нїй тьмочи́сленныхъ на́съ и҆зба́вити, ꙗ҆́кѡ хрⷭ҇тꙋ̀ ᲂу҆годи́вшїи."
 },
 {
  "type": "TEXT",
  "value": "Оу҆мертви́всѧ и҆ во гро́бѣ хрⷭ҇тѐ ᲂу҆снꙋ́въ, возста́вилъ є҆сѝ мє́ртвыѧ, и҆ въ вѣ́рѣ ᲂу҆ме́ршымъ дае́ши бл҃гости бога́тство хрⷭ҇тѐ, поко́й ѧ҆̀ со всѣ́ми ст҃ы́ми."
 },
 {
  "type": "TEXT",
  "value": "Бг҃оро́диченъ: Бж҃їе бг҃ъ сло́во, и҆скі́й ѡ҆божи́ти человѣ́ка чⷭ҇таѧ, и҆з̾ тебѐ воплоща́етсѧ, и҆ зе́мленъ ви́дитсѧ: є҆го́же непреста́ннѡ молѝ, ѡ҆брѣстѝ на́мъ млⷭ҇ть во вре́мѧ ѿвѣ́та."
 },
 {
  "type": "HEADER",
  "value": "И҆́ный господи́на ѳео́дѡра, гла́съ то́йже."
 },
 {
  "type": "TEXT",
  "value": "І҆рмо́съ: Бꙋ́рею грѣхо́вною:"
 },
 {
  "type": "TEXT",
  "value": "Пло́ти и҆ кро́ве ст҃і́и не пощадѣ́вше, ко всѧ́комꙋ мꙋче́нїю ста́сте небоѧ́зненни, хрⷭ҇та̀ не ѿмета́ющесѧ: тѣ́мже съ нб҃съ низпосла̀ хрⷭ҇то́съ ва́мъ вѣнцы̀."
 },
 {
  "type": "TEXT",
  "value": "Мꙋ́чєникъ торжество̀ ᲂу҆срѧ́щимъ, просвѣти́вшесѧ дѣ́тельми, и҆ возопїи́мъ бг҃одꙋхнове́нными пѣ́сньми: вы̀ є҆стѐ вои́стиннꙋ денни̑цы на землѝ, хрⷭ҇тѡ́вы мꙋ́чєницы."
 },
 {
  "type": "TEXT",
  "value": "Трⷪ҇ченъ: Трⷪ҇це ст҃а́ѧ сла́влю тѧ̀, є҆стество̀ безнача́льное, є҆ди́наго бг҃а, є҆ди́наго гдⷭ҇а, трѝ ли́ца, ѻ҆ц҃а̀, сн҃а и҆ дх҃а: нерожде́нна, рожде́нна, и҆схо́дна, тꙋ́южде и҆ присносꙋ́щнꙋ."
 },
 {
  "type": "TEXT",
  "value": "Бг҃оро́диченъ: Ѽ бл҃же́ннаѧ бг҃оневѣ́сто, ка́кѡ родила̀ є҆сѝ без̾ мꙋ́жа, и҆ пребыла̀ є҆сѝ ꙗ҆́коже пре́жде; бг҃а бо родила̀ є҆сѝ, чꙋ́до стра́шное: но молѝ сп҃сти́сѧ пою́щымъ тѧ̀."
 },
 {
  "type": "TEXT",
  "value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
 },
 {
  "type": "TEXT",
  "value": "Мч҃нченъ: Оу҆сѣчє́нїѧ ᲂу҆дѡ́въ ва́шихъ зрѧ́ще, наслажда́стесѧ кровьмѝ ра́дꙋющесѧ: но моли́те ѡ҆ на́съ прилѣ́жнѡ гдⷭ҇а, мꙋ́чєницы присносла́внїи."
 },
 {
  "type": "TEXT",
  "value": "Сті́хъ: Дꙋ́шы и҆́хъ во бл҃ги́хъ водворѧ́тсѧ."
 },
 {
  "type": "TEXT",
  "value": "Ѿ землѝ созда́вый мѧ̀, и҆ ѡ҆живи́вый мѧ̀, и҆ въ зе́млю возврати́тисѧ мнѣ̀ па́ки рекі́й, ꙗ҆̀же прїѧ́лъ є҆сѝ рабы̑ твоѧ̑ ᲂу҆поко́й, и҆ ѿ тлѝ сме́ртныѧ возведѝ гдⷭ҇и."
 },
 {
  "type": "TEXT",
  "value": "І҆рмо́съ: Бꙋ́рею грѣхо́вною погрꙋжа́емь, ꙗ҆́кѡ во чре́вѣ ки́товѣ содержи́мь, съ прⷪ҇ро́комъ зовꙋ́ ти: возведѝ ѿ тлѝ живо́тъ мо́й гдⷭ҇и, и҆ сп҃си́ мѧ."
 },
 {
  "type": "TEXT",
  "value": "Конда́къ: Со ст҃ы́ми ᲂу҆поко́й:"
 },
 {
  "type": "TEXT",
  "value": "І҆́косъ: Са́мъ є҆ди́нъ є҆сѝ безсме́ртный, сотвори́вый и҆ созда́вый человѣ́ка: земні́и ᲂу҆́бѡ ѿ землѝ созда́хомсѧ, и҆ въ зе́млю тꙋ́южде по́йдемъ, ꙗ҆́коже повелѣ́лъ є҆сѝ, созда́вый мѧ̀ и҆ рекі́й мѝ: ꙗ҆́кѡ землѧ̀ є҆сѝ, и҆ въ зе́млю ѿи́деши: а҆́може всѝ человѣ́цы по́йдемъ, надгро́бное рыда́нїе, творѧ́ще пѣ́снь: а҆ллилꙋ́їа."
 },
 {
  "type": "HEADER",
  "value": "Пѣ́снь з҃."
 },
 {
  "type": "TEXT",
  "value": "І҆рмо́съ: Ѡ҆́бразꙋ злато́мꙋ:"
 },
 {
  "type": "TEXT",
  "value": "Ѡ҆бо́лкшесѧ страда́льцы въ нетлѣ́нїе бж҃е́ственное, ѡ҆бнаже́нїемъ тлѣ́нныѧ пло́ти, на́съ ра́ди пло́ть ѿ нетлѣ́нныѧ прїе́мшемꙋ жены̀, ны́нѣ предстоитѐ свѣ́тлїи: сегѡ̀ ра́ди мѧ̀ ѡ҆блецы́те во ѻ҆де́ждꙋ сщ҃е́ннꙋю ѡ҆бнаже́ннаго ѕло́бою."
 },
 {
  "type": "TEXT",
  "value": "Воздержа́нїемъ пожи́вый, страда́льческїй собо́ръ, воздержа́нїѧ на́съ по́прище ᲂу҆крѣпи́те тещѝ невозбра́ннѡ, ꙗ҆́кѡ проповѣ́давый хрⷭ҇та̀ на по́прищи мꙋ́жественнѡ, и҆ предстоѧ́й прⷭ҇то́лꙋ вѣнцено́сный, въ наслажде́нїе мы́сленнѡ со а҆́гг҃лы."
 },
 {
  "type": "TEXT",
  "value": "Мл҃твами бж҃е твои́хъ ст҃ы́хъ мч҃нкъ, ᲂу҆со́пшыѧ вѣ́рнѡ рабы̑ твоѧ̑, раѧ̀ жи́тели покажѝ, и҆ свѣ́та мы́сленнагѡ сподо́би ѧ҆̀, непреста́ннѡ вопїю́щыѧ тебѣ̀: бл҃гослове́нъ бг҃ъ ѻ҆тцє́въ на́шихъ."
 },
 {
  "type": "TEXT",
  "value": "Бг҃оро́диченъ: Тѧ̀ є҆ди́нꙋ бл҃гꙋ́ю мо́лимъ дв҃о, ѡ҆ѕло́блєнныѧ ны̀ ᲂу҆бл҃жѝ, и҆ прилѣ́жнѡ хрⷭ҇та̀ молѝ є҆стество́мъ сꙋ́ща бл҃га́го, воздержа́нїѧ вре́мѧ, бл҃га̑ѧ дѣ́ющымъ, и҆спо́лнити на́мъ пою́щымъ є҆го̀: бл҃гослове́нъ бг҃ъ ѻ҆тцє́въ на́шихъ."
 },
 {
  "type": "HEADER",
  "value": "И҆́ный."
 },
 {
  "type": "TEXT",
  "value": "І҆рмо́съ: Глаго́лавый на горѣ̀:"
 },
 {
  "type": "TEXT",
  "value": "Возвели́чивый ст҃ы̑ѧ твоѧ̑ всѧ̑, зна́меньми ᲂу҆диви́въ ѧ҆̀ въ мі́рѣ: бл҃гослове́нъ є҆сѝ во вѣ́ки гдⷭ҇и бж҃е ѻ҆тцє́въ на́шихъ."
 },
 {
  "type": "TEXT",
  "value": "Всѧ́кїй ви́дъ ра́нъ проше́дше, и҆ колѣ̑на ваа́лꙋ не поко́ршесѧ преклони́ти, вѣнцы̀ сла́вы взѧ́сте ѿ бг҃а хрⷭ҇тѡ́вы мч҃нцы."
 },
 {
  "type": "TEXT",
  "value": "Трⷪ҇ченъ: Во є҆ди́ницѣ трⷪ҇це, покланѧ́емое сꙋщество̀, ѻ҆́ч҃е, сн҃е и҆ дш҃е, воспѣва́ющыѧ тѧ̀ сохранѧ́й, бж҃е ѻ҆тцє́въ на́шихъ."
 },
 {
  "type": "TEXT",
  "value": "Бг҃оро́диченъ: Дв҃о мт҃и ѻ҆трокови́це всесвѣ́тлаѧ, є҆ди́на къ бг҃ꙋ хода́тайство, не преста́й влⷣчце моли́ти сп҃сти́сѧ на́мъ."
 },
 {
  "type": "TEXT",
  "value": "Сті́хъ: Ст҃ы̑мъ, и҆̀же сꙋ́ть на землѝ є҆гѡ̀, ᲂу҆дивѝ гдⷭ҇ь:"
 },
 {
  "type": "TEXT",
  "value": "Безсме́ртномꙋ цр҃ю̀ во́инствовавше, и҆ вѣ́рꙋ къ немꙋ̀ показа́вше соверше́ннꙋю, кро́вь свою̀ мч҃нцы за него̀ и҆злїѧ́сте."
 },
 {
  "type": "TEXT",
  "value": "Сті́хъ: Бл҃же́ни, ꙗ҆̀же и҆збра́лъ, и҆ прїѧ́лъ є҆сѝ гдⷭ҇и."
 },
 {
  "type": "TEXT",
  "value": "И҆дѣ́же свѣ́тъ тво́й жи́зни и҆стека́етъ, преложѝ ꙗ҆̀же преста́вилъ є҆сѝ ѿ вре́менныхъ, вѣ̑рныѧ твоѧ̑ рабы̑, гдⷭ҇и бж҃е ѻ҆тє́цъ на́шихъ."
 },
 {
  "type": "TEXT",
  "value": "І҆рмо́съ: Глаго́лавый на горѣ̀ съ мѡѷсе́емъ, и҆ ѡ҆́бразъ дѣ́вства ꙗ҆вле́й въ кꙋпинѣ̀, бл҃гослове́нъ є҆сѝ бж҃е ѻ҆тє́цъ на́шихъ."
 },
 {
  "type": "HEADER",
  "value": "Пѣ́снь и҃."
 },
 {
  "type": "TEXT",
  "value": "І҆рмо́съ: Во ѻ҆гнѝ пла́меннѣмъ:"
 },
 {
  "type": "TEXT",
  "value": "Великоимени́тїи хрⷭ҇тѡ́вы страда́льцы, и҆ честні́и въ бз҃ѣ, всѧ̑ воспѣва́ющыѧ па̑мѧти ва́шѧ, вели́кихъ согрѣше́нїй, и҆ та́мошнихъ мꙋ́къ и҆зба́вите ны̀, къ немꙋ̀ ва́шими вели́кими мл҃твами."
 },
 {
  "type": "TEXT",
  "value": "Ст҃оизбра́нное хрⷭ҇та̀ бг҃а, и҆ тве́рдое вои́стиннꙋ во́инство, мч҃нкъ собо́ры ѡ҆ст҃и́те на́шъ ᲂу҆́мъ и҆ се́рдце, въ сїѧ̑ ст҃ы̑ѧ дни̑ пѡ́стныѧ, ва́шими ст҃ы́ми мл҃твами."
 },
 {
  "type": "TEXT",
  "value": "И҆зба́ви че́рвїѧ мꙋ́чащагѡ, и҆ скре́жета зꙋ́бнагѡ, гдⷭ҇и, и҆ внѣ́шнїѧ тьмы̀ несвѣти́мыѧ, всѧ̑ ꙗ҆̀же вѣ́рою прїѧ́лъ є҆сѝ: и҆ ᲂу҆чинѝ сїѧ̑, и҆дѣ́же свѣ́тъ лица̀ твоегѡ̀ хрⷭ҇тѐ, сїѧ́етъ во вѣ́ки."
 },
 {
  "type": "TEXT",
  "value": "Бг҃оро́диченъ: Крⷭ҇тъ хрⷭ҇то́въ чⷭ҇тны́й, бцⷣе чⷭ҇таѧ, ви́дѣвшыѧ и҆ ѿ се́рдца поклони́вшыѧсѧ ны̀, твои́ми ко влⷣцѣ сподо́би мл҃твами, ви́дѣти и҆ стра̑сти честны̑ѧ, страсте́й ѡ҆чище́нныхъ."
 },
 {
  "type": "HEADER",
  "value": "И҆́ный."
 },
 {
  "type": "TEXT",
  "value": "І҆рмо́съ: Землѧ̀, и҆ всѧ̑ ꙗ҆̀же на не́й:"
 },
 {
  "type": "TEXT",
  "value": "Ѽ до́брагѡ и҆змѣне́нїѧ, и҆́мже ѡ҆брѣто́сте сме́ртїю живо́тъ, сщ҃енномч҃нцы хрⷭ҇тѡ́вы, ѻ҆гнѧ̀ и҆ меча̀, мра́за и҆ ѕвѣре́й ника́коже ᲂу҆боѧ́вшесѧ, и҆ вопїю́ще: по́йте гдⷭ҇а, и҆ превозноси́те во всѧ̑ вѣ́ки."
 },
 {
  "type": "TEXT",
  "value": "Горѣ̀ ли́къ а҆́гг҃льскїй, до́лѣ же мы̀ земні́и, хва́лимъ мч҃нцы хрⷭ҇тѡ́вы, стра̑ннаѧ страда̑нїѧ, и҆ по́двиги ва́шегѡ мꙋ́жества, бл҃гословѧ́ще, пою́ще гдⷭ҇а, и҆ превозносѧ́ще во всѧ̑ вѣ́ки."
 },
 {
  "type": "TEXT",
  "value": "Бл҃гослови́мъ ѻ҆ц҃а̀, и҆ сн҃а, и҆ ст҃а́го дх҃а, гдⷭ҇а."
 },
 {
  "type": "TEXT",
  "value": "Свѣ́тъ, живо́тъ же и҆ животы̀, почита́ю тѧ̀ ѻ҆ц҃а̀, и҆ сн҃а, и҆ дх҃а и҆схо́дна, є҆стество̀ є҆ди́но, трѝ ѵ҆поста̑си, бг҃а є҆ди́наго поѧ̀, бл҃гословлю́ тѧ, пою́ тѧ гдⷭ҇а, и҆ превозношꙋ́ тѧ во всѧ̑ вѣ́ки."
 },
 {
  "type": "TEXT",
  "value": "Бг҃оро́диченъ: Кто̀ не воспое́тъ тѧ̀ ѿ земноро́дныхъ, нескве́рнаѧ чⷭ҇таѧ голꙋби́ца; ты́ бо родила̀ є҆сѝ на́мъ свѣ́тъ вели́кїй, жи́зни бога́тство, і҆и҃са сп҃са: є҆го́же пое́мъ хва́лѧще ꙗ҆́кѡ гдⷭ҇а, и҆ превозно́симъ во всѧ̑ вѣ́ки."
 },
 {
  "type": "TEXT",
  "value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
 },
 {
  "type": "TEXT",
  "value": "По́двиги чꙋ̑дныѧ, мч҃нцы, сла́вѧще ва́шѧ, бл҃годѣ́телѧ и҆ бг҃а бл҃гослови́мъ и҆ покланѧ́емсѧ, на по́прище по́двигѡвъ ва́съ ᲂу҆крѣпи́вшаго: є҆го́же превозно́симъ во всѧ̑ вѣ́ки."
 },
 {
  "type": "TEXT",
  "value": "Сті́хъ: Дꙋ́шы и҆́хъ во бл҃ги́хъ водворѧ́тсѧ."
 },
 {
  "type": "TEXT",
  "value": "Ты̀ сме́рти и҆ живота̀ гдⷭ҇ь сы́й и҆ бг҃ъ, преста́вльшихсѧ бл҃гоче́стнѡ воздвиза́ѧй, та́мѡ преложѝ въ селе́нїихъ првⷣныхъ, бл҃гословѧ́щыѧ, пою́щыѧ тѧ̀ гдⷭ҇и, и҆ превозносѧ́щыѧ во всѧ̑ вѣ́ки."
 },
 {
  "type": "TEXT",
  "value": "І҆рмо́съ: Землѧ̀, и҆ всѧ̑ ꙗ҆̀же на не́й, мо́ре и҆ всѝ и҆сто́чницы, небеса̀ небе́съ, свѣ́тъ и҆ тьма̀, мра́зъ и҆ зно́й, сы́нове человѣ́честїи, сщ҃е́нницы бл҃гослови́те гдⷭ҇а, и҆ превозноси́те є҆го̀ во вѣ́ки."
 },
 {
  "type": "HEADER",
  "value": "Пѣ́снь ѳ҃."
 },
 {
  "type": "TEXT",
  "value": "І҆рмо́съ: Ꙗ҆́кѡ сотворѝ мнѣ̀:"
 },
 {
  "type": "TEXT",
  "value": "Свѣти́льницы сꙋ́ще неле́стнїи, хрⷭ҇тѡ́вы страда́льцы, просвѣти́те на́шѧ по́мыслы, ᲂу҆тверди́те твори́ти свѣтоза̑рнаѧ и҆ чⷭ҇таѧ бж҃їѧ хотѣ̑нїѧ."
 },
 {
  "type": "TEXT",
  "value": "Ѻ҆рꙋ̑жїѧ зрите́сѧ закала́ющаѧ врагѝ, до́блїи хрⷭ҇тѡ́вы страда́льцы: но и҆зба́вите на́съ ѿ стрѣ́лъ лꙋка́вагѡ предста́тельствы ва́шими."
 },
 {
  "type": "TEXT",
  "value": "Поко́й ще́дре въ нѣ́дрѣхъ а҆враа́мовыхъ рабы̑ твоѧ̑, вѣ́рою ѿ на́съ ѿше́дшыѧ, къ тебѣ̀ всѧ́ческихъ зижди́телю и҆ пребл҃го́мꙋ."
 },
 {
  "type": "TEXT",
  "value": "Бг҃оро́диченъ: Пло́ти моеѧ̀ ᲂу҆мертвѝ движє́нїѧ, бг҃а пло́тїю ро́ждшаѧ па́че ᲂу҆ма̀, и҆ пода́ждь просвѣще́нїе мы́сли мое́й, чи́стый ѻ҆́блакъ сꙋ́щи свѣ́та."
 },
 {
  "type": "HEADER",
  "value": "И҆́ный."
 },
 {
  "type": "TEXT",
  "value": "І҆рмо́съ: Велича́емъ всѝ:"
 },
 {
  "type": "TEXT",
  "value": "Воспѣва́емъ всѝ па̑мѧти ва́шѧ, мч҃нцы прехва́льнїи, по́двиги ви́дѧще сщ҃е́нныхъ ва́шихъ страда́нїй, и҆ ᲂу҆диви́вшесѧ хрⷭ҇та̀ велича́емъ."
 },
 {
  "type": "TEXT",
  "value": "Дрꙋ́гъ ко дрꙋ́гꙋ стра́ждꙋще глаго́лахꙋ стрⷭ҇тоте́рпцы: пло́ти не пощади́мъ, прїиди́те, ᲂу҆́мремъ ѡ҆ хрⷭ҇тѣ̀, да во всѧ̑ вѣ́ки поживе́мъ ликꙋ́ющѣ непреста́ннѡ."
 },
 {
  "type": "TEXT",
  "value": "Трⷪ҇ченъ: Ѽ трⷪ҇це во є҆ди́номъ є҆стествѣ̀, тѧ̀ воспѣва́ющыѧ, ѻ҆́ч҃е нерожде́нный, и҆ рожде́нный сн҃е, и҆ дш҃е и҆схо́дный, твое́ю млⷭ҇тїю невреди́мы соблюдѝ."
 },
 {
  "type": "TEXT",
  "value": "Бг҃оро́диченъ: Ра́дꙋйсѧ всечⷭ҇тна́ѧ чⷭ҇таѧ, двⷭ҇тва похвало̀, ма́терей ᲂу҆твержде́нїе, человѣ́кѡвъ по́моще, и҆ мі́ра ра́досте, мр҃і́е мт҃и, и҆ рабо̀ бг҃а на́шегѡ."
 },
 {
  "type": "TEXT",
  "value": "Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ."
 },
 {
  "type": "TEXT",
  "value": "Ли́че ст҃ы́хъ, прїимѝ мольбꙋ̀ мою̀: и҆ ꙗ҆́кѡ сподо́билъ мѧ̀ є҆сѝ крⷭ҇тъ цѣлова́ти, и҆ сп҃си́тельнѣй стрⷭ҇ти поклони́тисѧ мнѣ̀, хрⷭ҇та̀ моли́те."
 },
 {
  "type": "TEXT",
  "value": "Сті́хъ: Бл҃же́ни, ꙗ҆̀же и҆збра́лъ, и҆ прїѧ́лъ є҆сѝ гдⷭ҇и."
 },
 {
  "type": "TEXT",
  "value": "Ѡ҆сла́би, ѡ҆ста́ви ще́дре, къ тебѣ̀ чл҃вѣколю́бцꙋ преста́влєннымъ, и҆ си́хъ поко́й въ селе́нїихъ и҆збра́нныхъ: ты́ бо є҆сѝ жи́знь и҆ воскрⷭ҇нїе."
 },
 {
  "type": "TEXT",
  "value": "І҆рмо́съ: Велича́емъ всѝ чл҃вѣколю́бїе твоѐ, хрⷭ҇тѐ сп҃се на́шъ, сла́во ра̑бъ твои́хъ, и҆ вѣ́нче вѣ́рныхъ, возвели́чивый па́мѧть ро́ждшїѧ тѧ̀."
 },
 {
  "type": "TEXT",
  "value": "Є҆ѯапостїла́рїй: Нб҃о ѕвѣзда́ми ᲂу҆краси́вый ꙗ҆́кѡ бг҃ъ, и҆ твои́ми ст҃ы́ми всю̀ зе́млю просвѣти́вый, содѣ́телю всѣ́хъ пою́щыѧ тѧ̀ сп҃са́й."
 },
 {
  "type": "TEXT",
  "value": "Сла́ва: Живы́ми и҆ ме́ртвыми ѡ҆блада́ѧй ꙗ҆́кѡ бг҃ъ, ᲂу҆поко́й твоѧ̑ рабы̑ въ селе́нїихъ и҆збра́нныхъ а҆́ще бо и҆ согрѣши́ша сп҃се, но не ѿстꙋпи́ша ѿ тебѐ."
 },
 {
  "type": "TEXT",
  "value": "И҆ ны́нѣ: Сла́дость а҆́гг҃лѡвъ, скорбѧ́щихъ ра́дость, хрⷭ҇тїа́нъ предста́тельнице, дв҃о мт҃и гдⷭ҇нѧ, застꙋпѝ на́съ, и҆ и҆зба́ви вѣ́чныхъ мꙋ́къ."
 },
 {
  "type": "HEADER",
  "value": "На хвали́техъ мꙋ́ченичны гла́са."
 },
 {
  "type": "HEADER",
  "value": "На стїхо́внѣ же подо́бны господи́на ѳеофа́на."
 },
 {
  "type": "HEADER",
  "value": "На лїтꙋргі́и и҆з̾ѡбрази́тєльнаѧ, и҆ бл҃жє́нны гла́са. Прокі́менъ, а҆пⷭ҇ла ме́ртвенъ."
 },
 {
  "type": "HEADER",
  "value": "А҆по́столъ, зача́ло тг҃і. И҆ за ᲂу҆поко́й: къ корі́нѳѧнѡмъ, зача́ло рѯ҃г."
 },
 {
  "type": "HEADER",
  "value": "А҆ллилꙋ́їа, ме́ртвенъ."
 },
 {
  "type": "HEADER",
  "value": "Є҆ѵⷢ҇лїе ма́рка, зача́ло л҃а. И҆ за ᲂу҆поко́й, ѿ і҆ѡа́нна, зача́ло ѕ҃і."
 },
 {
  "type": "TEXT",
  "value": "Прича́стенъ: Ра́дꙋйтесѧ првⷣнїи:"
 },
 {
  "type": "TEXT",
  "value": "Дрꙋгі́й за ᲂу҆поко́й: Бл҃же́ни, ꙗ҆̀же и҆збра́лъ:"
 }
]