826 lines
81 KiB
JSON
826 lines
81 KiB
JSON
[
|
|
{
|
|
"type": "HEADER",
|
|
"value": "Феѵрꙋа́рїа г҃"
|
|
},
|
|
{
|
|
"type": "HEADER",
|
|
"value": "Равноапⷭ҇льнагѡ нїкола́ѧ а҆рхїепі́скопа токі́йскагѡ, а҆по́стола ꙗ҆по́нїи."
|
|
},
|
|
{
|
|
"type": "HEADER",
|
|
"value": "На ма́лѣй вече́рнѣ. Да пое́тсѧ послѣ́дованїе ст҃ы́хъ сѷмеѡ́на бг҃опрїи́мца и҆ а҆́нны пррⷪ҇чцы."
|
|
},
|
|
{
|
|
"type": "HEADER",
|
|
"value": "На вели́цѣй вече́рнѣ, На Гдⷭ҇и, воззва́хъ: ста́вимъ стїхѡ́въ и҃, и҆ пое́мъ стїхи̑ры, повторѧ́юще пє́рвыѧ, пре́жде пра́здника:"
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Творе́цъ всѧ́ческихъ и҆ и҆зба́витель на́шъ мт҃рїю дв҃ою въ це́рковь прино́ситсѧ. Тѣ́мже ста́рецъ сего̀ прїе́мъ, съ ра́достїю взыва́ше: ны́нѣ ѿпꙋща́еши раба̀ твоего̀, бла́же, съ ми́ромъ, ꙗ҆́коже и҆зво́лилъ є҆сѝ."
|
|
},
|
|
{
|
|
"type": "TEXT",
|
|
"value": "Сѷмеѡ́нъ на рꙋ́ки ѿ дв҃ы прїе́мъ пре́жде всѣ́хъ вѣ̑къ рожде́ннаго, сп҃са ви́дѣхъ, вопїѧ́ше, просвѣще́нїе твоеѧ̀ сла́вы концє́мъ: ны́нѣ ѿпꙋща́еши раба̀ твоего̀, бла́же, съ ми́ромъ, ꙗ҆́кѡ ви́дѣхъ тѧ̀ дне́сь."
|
|
},
|
|
{
|
|
"type": "TEXT",
|
|
"value": "Напослѣ́докъ вѣкѡ́въ рожде́на на спасе́нїе человѣ́кѡвъ, сѷмеѡ́нъ понесы́й на рꙋка́хъ сп҃са, ра́дꙋѧсѧ вопїѧ́ше: ви́дѣхъ свѣ́тъ ꙗ҆зы́кѡвъ и҆ сла́вꙋ і҆и҃лѧ, ны́нѣ ѿпꙋща́еши ꙗ҆́коже ре́клъ є҆сѝ ꙗ҆́кѡ бг҃ъ, ѿ сꙋ́щихъ здѣ̀ велѣ́нїемъ твои́мъ."
|
|
},
|
|
{
|
|
"type": "HEADER",
|
|
"value": "Стїхи̑ры ст҃и́телѧ, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Кі́ими похва́льными вѣнцы̀:"
|
|
},
|
|
{
|
|
"type": "TEXT",
|
|
"value": "Ка́кѡ тѧ̀ воспѣ́ти возмо́жемъ, ст҃и́телю нїко́лае равноапⷭ҇тольне; дерзнꙋ́лъ бо є҆сѝ ро́динꙋ ѡ҆ста́вити бл҃гочести́вꙋю, роди́телей, до́мъ и҆ бли́жнихъ, и҆ ꙗ҆́коже а҆пⷭ҇тѡли хрⷭ҇тѡ́вы и҆ногда̀ ѿидтѝ въ зе́млю невѣ́домꙋю и҆ далеча́йшꙋю, и҆дѣ́же тѧ̀ гнѣ́вомъ и҆ ѕло́бою срѣто́ша и҆ ᲂу҆би́ти тѧ̀ хотѧ́хꙋ за не́нависть ко хрⷭ҇тꙋ̀ и҆ къ про́повѣди твое́й. Но посла́вый хрⷭ҇то́съ тѧ̀ соблюдѐ, и҆́же и҆мѣ́ѧй ве́лїю ми́лость."
|
|
},
|
|
{
|
|
"type": "TEXT",
|
|
"value": "Ка́кѡ воспѣ́ти тѧ̀ возмо́жемъ, ст҃и́телю нїко́лае равноапⷭ҇тольне; кѷрі́лла бо и҆ меѳо́дїѧ слове́нскихъ бы́въ ᲂу҆чени́къ позднѣ́йшїй, проше́лъ є҆сѝ пꙋ́ть и҆́хъ тѣ́сный и҆ приско́рбный, преложи́въ трꙋдо́мъ вели́кимъ всѧ̑ кни̑ги бл҃гоче́стїѧ правосла́внагѡ и҆ да́въ ꙗ҆по́нцамъ сокро́вище безцѣ́нное, ꙗ҆́кѡ да просвѣща́ютсѧ вѣ́дѣнїемъ, да мо́лѧтсѧ бг҃ꙋ свои́мъ си и҆́хъ ꙗ҆зы́комъ и҆ да процвѣта́етъ средѝ ни́хъ цр҃ковь хрⷭ҇та̀ бг҃а на́шегѡ, и҆́же и҆мѣ́ѧй ве́лїю ми́лость."
|
|
},
|
|
{
|
|
"type": "TEXT",
|
|
"value": "Ка́кѡ воспѣ́ти тѧ̀ возмо́жемъ, ст҃и́телю нїко́лае равноапⷭ҇тольне; ᲂу҆вѣнча́ бо тѧ̀ гдⷭ҇ь вѣнцы̀ преподо́бїѧ и҆ а҆рхїере́йства и҆ а҆пⷭ҇тольства: ѿре́ксѧ бо мі́ра, всего̀ себѐ преда́лъ є҆сѝ бг҃ꙋ во слꙋже́нїе: свѧщеннодѣ́йствꙋѧ же бл҃годаре́нїѧ же́ртвꙋ та́йнꙋю въ пи́щꙋ нбⷭ҇нꙋю твои́хъ ча́дъ, проповѣ́далъ є҆сѝ сло́во хрⷭ҇то́во, доводѧ̀ є҆̀ до раздѣле́нїѧ чле́нѡвъ же и҆ мозгѡ́въ слꙋ́шающихъ: со а҆пⷭ҇толы же ны́нѣ водворѧ́ѧсѧ, мо́лишисѧ ѡ҆ на́съ хрⷭ҇тꙋ̀, и҆́же и҆мѣ́ѧй ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, ст҃и́телѧ, гла́съ и҃:"
|
|
},
|
|
{
|
|
"type": "TEXT",
|
|
"value": "Восто́къ свы́ше сы́й, гдⷭ҇и і҆и҃се хрⷭ҇тѐ бж҃е на́шъ, ѡ҆зарѝ свѣ́томъ твои́мъ невече́рнимъ всю̀ странꙋ̀ восходѧ́щагѡ со́лнца и҆ проле́й на всѣ́хъ вразꙋми́тельнꙋю бл҃года́ть твою̀, ꙗ҆́кѡ да ᲂу҆мили́вшесѧ наро́ды всѝ вни́дꙋтъ во дво́ръ ѻ҆́вчїй цр҃кве правосла́вныѧ, и҆ принесꙋ́тъ тебѣ̀ гобзова́нїе плодѡ́въ бл҃гочести́выхъ, и҆ тѣ́мъ возме́здѧтъ трꙋды̀ тѧ̑жкїѧ равноапⷭ҇тола землѝ своеѧ̀, ст҃и́телѧ нїкола́ѧ. Тогѡ̀ моли́твами сп҃сѝ дꙋ́шы всѣ́хъ почита́ющихъ честнꙋ́ю па́мѧть є҆гѡ̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Да ѿве́рзетсѧ две́рь нбⷭ҇наѧ дне́сь: безнача́льное бо сло́во ѻ҆́ч҃ее, нача́ло прїи́мъ подъ лѣ́ты, не ѿстꙋ́пль своегѡ̀ бжⷭ҇тва̀, ѿ дв҃ы, ꙗ҆́кѡ младе́нецъ четыредесѧтодне́венъ ма́терїю во́льнѣ прино́ситсѧ въ цр҃ковь зако́ннꙋю! И҆ сего̀ на рꙋ́ки прїе́млетъ ста́рецъ, ѿпꙋстѝ зовы́й раба̀, влⷣко, и҆́бо ѻ҆́чи моѝ ви́дѣста сп҃се́нїе твоѐ! Прише́дый въ мі́ръ сп҃стѝ ро́дъ человѣ́чь, гдⷭ҇и, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Вхо́дъ."
|
|
},
|
|
{
|
|
"type": "TEXT",
|
|
"value": "Свѣ́те ти́хїй:"
|
|
},
|
|
{
|
|
"type": "HEADER",
|
|
"value": "Прокі́менъ днѐ и҆ чтє́нїѧ ст҃и́тєльскаѧ трѝ."
|
|
},
|
|
{
|
|
"type": "HEADER",
|
|
"value": "При́тчей чте́нїе. (Главы̑ г҃ и҆ и҃.)"
|
|
},
|
|
{
|
|
"type": "TEXT",
|
|
"value": "Па́мѧть првⷣнагѡ съ похвала́ми, и҆ бл҃гослове́нїе гдⷭ҇не на главѣ̀ є҆гѡ̀. Бл҃же́нъ человѣ́къ, и҆́же ѡ҆брѣ́те премꙋ́дрость: и҆ сме́ртенъ, и҆́же ᲂу҆вѣ́дѣ ра́зꙋмъ. Лꙋ́чше бо сїю̀ кꙋпова́ти, не́жели зла́та и҆ сребра̀ сокрѡ́вища. Чтⷭ҇нѣ́йшаѧ же є҆́сть ка́менїй многоцѣ́нныхъ, все́ же чⷭ҇тно́е недосто́йно є҆ѧ̀ є҆́сть. Долгота́ бо дне́й, и҆ лѣ̑та живота̀ въ десни́цѣ є҆ѧ̀: въ шꙋ́йцѣ же є҆ѧ̀ бога́тство, и҆ сла́ва. Ѿ ᲂу҆́стъ є҆ѧ̀ и҆схо́дитъ пра́вда, зако́нъ же и҆ млⷭ҇ть на ѧ҆зы́цѣ но́ситъ. Послꙋ́шайте ᲂу҆́бѡ менѐ, ѽ ча̑да! Чтⷭ҇на̑ѧ во рекꙋ̀: и҆ бл҃же́нъ человѣ́къ, и҆́же пꙋти̑ моѧ̑ сохрани́тъ: и҆схо́ди бо моѝ, и҆схо́ди живота̀, и҆ ᲂу҆готовлѧ́етсѧ хотѣ́нїе ѿ гдⷭ҇а. Сегѡ̀ ра́ди молю̀ ва́съ, и҆ предлага́ю мо́й гла́съ сыновѡ́мъ человѣ́чєскимъ: ꙗ҆́кѡ а҆́зъ премꙋ́дрость ᲂу҆стро́ихъ совѣ́тъ, и҆ ра́зꙋмъ и҆ смы́слъ а҆́зъ призва́хъ. Мо́й совѣ́тъ и҆ ᲂу҆твержде́нїе, мо́й ра́зꙋмъ, моѧ́ же крѣ́пость. А҆́зъ менѐ лю́бѧщыѧ люблю̀, и҆́щꙋщїи же менѐ ѡ҆брѧ́щꙋтъ бл҃года́ть. Разꙋмѣ́йте ᲂу҆́бѡ неѕло́бивїи кова́рство, ненака́заннїи же прилага́йте сердца̀. Послꙋ́шайте менѐ и҆ па́ки, чтⷭ҇на̑ѧ бо рекꙋ̀, и҆ ѿве́рзꙋ ѿ ᲂу҆сте́нъ пра̑ваѧ: ꙗ҆́кѡ и҆́стинѣ поꙋчи́тсѧ горта́нь мо́й, ме́рзки же предо мно́ю ᲂу҆стны̀ лжи̑выѧ. Съ пра́вдою всѝ глаго́лы ᲂу҆́стъ мои́хъ: ничто́же въ ни́хъ стро́потно, нижѐ развраще́нно: Всѧ̑ пра̑ва сꙋ́ть разꙋмѣва́ющымъ, и҆ прѡ́ста ѡ҆брѣта́ющымъ ра́зꙋмъ. Наꙋчꙋ̀ во ва́съ и҆́стинѣ, да бꙋ́детъ ѡ҆ гдⷭ҇ѣ наде́жда ва́ша, и҆ и҆спо́лнитесѧ дх҃а."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе. (Главы̑ і҃, ѕ҃ и ѳ҃.)"
|
|
},
|
|
{
|
|
"type": "TEXT",
|
|
"value": "Оу҆ста̀ првⷣнагѡ ка́плютъ премꙋ́дрость: ᲂу҆стнѣ́ же мꙋже́й мꙋ́дрыхъ вѣ́дѧтъ бл҃года́ть. Оу҆ста̀ мꙋ́дрыхъ поꙋча́тсѧ премꙋ́дрости, пра́вда же и҆збавлѧ́етъ и҆̀хъ ѿ сме́рти. Сконча́вшꙋсѧ мꙋ́жꙋ пра́веднꙋ, не поги́бнетъ наде́жда. Сы́нъ во првⷣнъ ражда́етсѧ въ живо́тъ, и҆ во бл҃ги́хъ свои́хъ пло́дъ пра́вды ѡ҆б̾и́метъ. Свѣ́тъ првⷣнымъ всегда̀, и҆ ѿ гдⷭ҇а ѡ҆брѧ́щꙋтъ бл҃года́ть и҆ сла́вꙋ. ѧ҆зы́къ мꙋ́дрыхъ дѡ́браѧ свѣ́сть, и҆ въ се́рдцѣ и҆́хъ почі́етъ мꙋ́дрость. Лю́битъ гдⷭ҇ь прпⷣбнаѧ сердца̀, прїѧ́тни же є҆мꙋ̀ всѝ непоро́чнїи въ пꙋтѝ. Мꙋ́дрость гдⷭ҇нѧ просвѣща́етъ лицѐ разꙋ́мнагѡ. Постига́етъ бо жела́ющыѧ ю҆̀, пре́жде да́же разꙋмѣ́ти ю҆̀: и҆ ᲂу҆до́бь ᲂу҆́зритсѧ ѿ лю́бѧщихъ ю҆̀. Оу҆́треневавый къ не́й не ᲂу҆трꙋди́тсѧ: и҆ бдѧ́й є҆ѧ̀ ра́ди, вско́рѣ без̾ печа́ли бꙋ́детъ. Ꙗ҆́кѡ досто́йныхъ є҆ѧ̀ сама̀ ѡ҆бхо́дитъ и҆́щꙋщи: и҆ во стезѧ́хъ є҆ѧ̀ ꙗ҆влѧ́етсѧ и҆̀мъ бл҃гопрїе́мнѣ. Мꙋ́дрости никогда́же ѡ҆долѣ́етъ ѕло́ба. Си́хъ ра́ди и҆ рачи́тель бы́хъ добро́ты є҆ѧ̀: и҆ возлюби́хъ ю҆̀, и҆ поиска́хъ ѿ ю҆́ности моеѧ̀: И҆ взыска́хъ невѣ́стꙋ привестѝ себѣ̀, ꙗ҆́кѡ всѣ́хъ влⷣка возлюбѝ ю҆̀. Таи́бница бо є҆́сть бж҃їѧ хи́трости, и҆ ѡ҆брѣта́тельница дѣ́лъ є҆гѡ̀. Трꙋды̀ є҆ѧ̀, сꙋ́ть добродѣ́тєли: цѣломꙋ́дрїю же и҆ ра́зꙋмꙋ та̀ ᲂу҆чи́тъ, пра́вдѣ и҆ мꙋ́жествꙋ, и҆̀хже потре́бнѣе ничто́же є҆́сть къ житїѝ человѣ́кѡмъ. А҆́ще же и҆ мно́гагѡ и҆скꙋ́сства жела́етъ кто̀, вѣ́сть дрє́внѧѧ, и҆ бы́ти хотѧ̑щаѧ разсмо́тритъ: Свѣ́сть и҆зви̑тїѧ слове́съ, и҆ разрѣшє́нїѧ гада́нїй: зна́мєнїѧ и҆ чꙋдеса̀ проразꙋмѣ́етъ, и҆ сбытїѧ̑ време́нъ и҆ лѣ́тъ: и҆ всѣ̑мъ совѣ́тникъ є҆́сть бл҃гъ, ꙗ҆́кѡ безсме́ртїе є҆́сть въ не́й, и҆ бл҃госла́вїе во ѻ҆бще́нїи слове́съ є҆ѧ̀. Сегѡ̀ ра́ди бесѣ́довахъ ко гдⷭ҇ꙋ, и҆ помоли́хсѧ є҆мꙋ̀, и҆ рѣ́хъ ѿ всегѡ̀ се́рдца моегѡ̀: Бж҃е ѻ҆тцє́въ, и҆ гдⷭ҇и млⷭ҇ти, сотвори́вый всѧ̑ сло́вомъ твои́мъ, и҆ мꙋ́дростїю твое́ю ᲂу҆стро́ивый человѣ́ка, да владѣ́етъ бы́вшими ѿ тебѐ тварьмѝ, и҆ да ᲂу҆правлѧ́етъ мі́ръ въ преподо́бїи и҆ пра́вдѣ: Да́ждь мѝ твои́хъ прⷭ҇то́лѡвъ присѣдѧ́щꙋю премꙋ́дрость, и҆ не ѿлꙋчѝ менѐ ѿ ѻ҆́трѡкъ твои́хъ, ꙗ҆́кѡ а҆́зъ ра́бъ тво́й, и҆ сы́нъ рабы́ни твоеѧ̀. Послѝ ю҆̀ съ нб҃съ ѿ ст҃а́гѡ жили́ща твоегѡ̀, и҆ ѿ прⷭ҇то́ла сла́вы твоеѧ̀, да сꙋ́щи со мно́ю наꙋчи́тъ мѧ̀, что̀ бл҃гоꙋго́дно є҆́сть пред̾ тобо́ю: и҆ наста́витъ мѧ̀ въ ра́зꙋмъ, и҆ сохрани́тъ мѧ̀ въ сла́вѣ свое́й. Помышлє́нїѧ бо сме́ртныхъ всѧ̑ боѧзли̑ва, и҆ погрѣши́тєльна ᲂу҆мышлє́нїѧ и҆́хъ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе. (Главы̑ д҃, ѕ҃, з҃, в҃.)"
|
|
},
|
|
{
|
|
"type": "TEXT",
|
|
"value": "Похвалѧ́емꙋ првⷣникꙋ, возвеселѧ́тсѧ лю́дїе: Безсме́ртїе бо є҆́сть па́мѧть є҆гѡ̀, ꙗ҆́кѡ ѿ гдⷭ҇а познава́етсѧ, и҆ ѿ человѣ̑къ: и҆ ᲂу҆го́дна гдⷭ҇ви дꙋша̀ є҆гѡ̀. Возлюби́те ᲂу҆̀бо, ѽ мꙋ́жїе, мꙋ́дрость, и҆ поживетѐ: восхощи́те є҆ѧ̀, и҆ нака́зани бꙋ́дете: нача́ло бо є҆ѧ̀ любы̀, и҆ соблюде́нїе зако́на. Почти́те премꙋ́дрость, да во вѣ́ки црⷭ҇твꙋете. Возвѣщꙋ̀ ва́мъ, и҆ не скры́ю ѿ ва́съ та̑инъ бж҃їихъ: Ꙗ҆́кѡ то́й мꙋ́дрости наста́вникъ є҆́сть, и҆ мꙋ́дрыхъ и҆спра́витель, и҆ всѧ́комꙋ смы́слꙋ и҆ дѣ́лꙋ хитре́цъ. И҆ всѣ̑мъ смы́слѡмъ наꙋчи́тъ мꙋ́дрость: є҆́сть бо въ не́й дх҃ъ разꙋ́менъ и҆ ст҃ъ, и҆ сїѧ́нїе свѣ́та присносꙋ́щнагѡ, и҆ ѡ҆́бразъ бл҃гости бж҃їѧ. Та̀ дрꙋ́ги бж҃їѧ и҆ прⷪ҇ро́ки ᲂу҆строѧ́етъ: Бл҃голѣ́пнѣйши же є҆́сть со́лнца, и҆ па́че всѧ́кагѡ сотворе́нїѧ ѕвѣ́здъ: свѣ́тꙋ сосꙋжда́ема, ѡ҆брѣта́етсѧ пе́рвѣйши. Та̀ ᲂу҆гожда́ющихъ є҆́й ѿ болѣ́зней и҆зба́ви, и҆ наста́ви на стєзѝ пра̑выѧ. Дадѐ и҆̀мъ ра́зꙋмъ и҆мѣ́ти свѧ́тъ, и҆ сохранѝ ѧ҆̀ ѿ ловѧ́щихъ, и҆ по́двигъ крѣ́покъ подадѐ и҆̀мъ. Да разꙋмѣ́ютъ всѝ, ꙗ҆́кѡ си́льнѣе всегѡ̀ є҆́сть бл҃гоче́стїе. И҆ никогда́же премо́жетъ ѕло́ба мꙋ́дрости, нижѐ пре́йдетъ ѕлы̑ѧ ѡ҆блича́ющи сꙋ́дъ. Реко́ша же въ себѣ̀, помы́сливше непра́веднѡ: наси́льствꙋемъ пра́ведномꙋ, и҆ не пощади́мъ прпⷣбства є҆гѡ̀, ни ᲂу҆срами́мсѧ сѣди́нъ ста́рости многолѣ́тны. Бꙋ́детъ бо на́мъ крѣ́пость зако́нъ: и҆ ᲂу҆лови́мъ пра́веднаго, ꙗ҆́кѡ неꙋго́денъ на́мъ є҆́сть и҆ проти́витсѧ дѣлѡ́мъ на́шымъ, и҆ поно́ситъ на́мъ ѿпаде́нїе зако́на, и҆ ѡ҆блича́етъ на́мъ согрѣшє́нїѧ наказа́нїѧ на́шегѡ. Возвѣща́етъ на́мъ ра́зꙋмъ и҆мѣ́ти бж҃їй, и҆ ѻ҆́трока гдⷭ҇нѧ себѐ и҆менꙋ́етъ. Бы́сть на́мъ на ѡ҆бличе́нїе помышле́нїємъ на́шымъ, и҆ тѧ́жекъ на́мъ є҆́сть и҆ ви́димь: ꙗ҆́кѡ неподо́бно и҆ны̑мъ житїѐ є҆гѡ̀ и҆ и҆змѣне́ны стєзѝ є҆гѡ̀. Въ порꙋга́нїе вмѣни́хомсѧ є҆мꙋ̀, и҆ ᲂу҆далѧ́етсѧ ѿ пꙋте́й на́шихъ ꙗ҆́кѡ ѿ нечистѡ́тъ, и҆ блажи́тъ послѣ̑днѧѧ пра́ведныхъ. Оу҆ви́димъ ᲂу҆́бѡ, а҆́ще словеса̀ є҆гѡ̀ и҆́стинна сꙋ́ть, и҆скꙋси́мъ, ꙗ҆̀же сбыва́ютсѧ є҆мꙋ̀. Рꙋга́нїемъ и҆ мꙋ́кою и҆стѧ́жемъ є҆го̀, да разꙋмѣ́емъ кро́тость є҆гѡ̀, и҆ и҆скꙋ́симъ безѕло́бство є҆гѡ̀: сме́ртїю без̾ѡбра́зною ѡ҆сꙋ́димъ є҆го̀, бꙋ́детъ бо посѣще́нїе ѿ слове́съ є҆гѡ̀. Сїѧ̑ помы́слиша, и҆ прельсти́шасѧ: ѡ҆слѣпи́ бо ѧ҆̀ ѕло́ба и҆́хъ, и҆ не разꙋмѣ́ша та̑инъ бж҃їихъ, и҆ не разсꙋди́ша, ꙗ҆́кѡ ты̀ є҆сѝ бг҃ъ є҆ди́нъ, живота̀ и҆мѣ́ѧй и҆ сме́рти вла́сть, и҆ сп҃са́ѧй во вре́мѧ ско́рби, и҆ и҆збавлѧ́ѧй ѿ всѧ́кагѡ ѕла̀. Ще́дръ и҆ млⷭ҇тивъ, и҆ даѧ̀ преподѡ́бнымъ свои́мъ бл҃года́ть, и҆ свое́ю мы́шцею гѡ́рдымъ противлѧ́ѧсѧ."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры пра́здника, ꙗ҆́коже и҆ на стїхо́внѣ:"
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Бг҃оѧвле́нїѧ неизрече́ннагѡ ны́нѣ пра́зднꙋемъ спаси́тельнꙋю благода́ть: ѿ дв҃ы бо ѻ҆трокови́цы непрело́жнѡ младе́нствовавъ хрⷭ҇то́съ бг҃ъ, въ це́рковь бг҃ꙋ и҆ ѻ҆ц҃ꙋ̀, мт҃рїю ны́нѣ прино́ситсѧ, є҆го́же прїе́мъ сѷмеѡ́нъ рꙋка́ми ѡ҆б̾ѧ́тъ."
|
|
},
|
|
{
|
|
"type": "TEXT",
|
|
"value": "Сті́хъ: Ны́нѣ ѿпꙋща́еши раба̀ твоего̀, влⷣко, по глаго́лꙋ твоемꙋ̀, съ ми́ромъ."
|
|
},
|
|
{
|
|
"type": "TEXT",
|
|
"value": "Во прⷪ҇ро́цѣхъ ви́дѣнъ бы́лъ є҆сѝ, ꙗ҆́коже мо́щно бѧ́ше, і҆и҃се, тебѐ ви́дѣти дре́вле, но ны́нѣ, бж҃їй сло́ве, пло́тїю всемꙋ̀ мі́рꙋ ꙗ҆ви́лсѧ є҆сѝ во́лею, ѿ дв҃ы мр҃і́и, хрⷭ҇тѐ, твоѐ спасе́нїе всѣ̑мъ сꙋ́щымъ ѿ а҆да́ма ꙗ҆ви́лъ є҆сѝ, ꙗ҆́кѡ чл҃вѣколю́бецъ."
|
|
},
|
|
{
|
|
"type": "TEXT",
|
|
"value": "Сті́хъ: Свѣ́тъ во ѿкрове́нїе ꙗ҆зы́кѡвъ, и҆ сла́вꙋ люде́й твои́хъ і҆зра́илѧ."
|
|
},
|
|
{
|
|
"type": "TEXT",
|
|
"value": "На сїна́йстѣй горѣ̀ зако́нъ ᲂу҆чини́вый дре́вле, ны́нѣ въ сїѡ́нѣ гра́дѣ и҆сполнѧ́ѧ закѡ́ннаѧ, рꙋка́ми бцⷣы, млⷣнецъ, хрⷭ҇тѐ, со всесожжє́нїи, на рꙋка́хъ сѷмеѡ́на во хра́мъ внести́сѧ восхотѣ́лъ є҆сѝ пло́тїю."
|
|
},
|
|
{
|
|
"type": "HEADER",
|
|
"value": "Сла́ва, ст҃и́телѧ, гла́съ и҃:"
|
|
},
|
|
{
|
|
"type": "TEXT",
|
|
"value": "Ст҃и́телю нїко́лае, пожи́въ и҆ потрꙋди́всѧ неꙋста́ннѡ всѧ̑ дни̑ живота̀ твоегѡ̀ въ ꙗ҆по́нїи ꙗ҆зы́честѣй мꙋ́дростїю и҆ пра́вдою, преложи́лъ є҆сѝ ѕло́бꙋ люде́й стропти́выхъ въ кро́тость и҆ любле́нїе. Тѣ́мже є҆гда̀ сконча́лъ є҆сѝ по́двигъ тво́й приснопа́мѧтный и҆ преше́лъ є҆сѝ ѿсю́дꙋ въ вѣ̑чнаѧ жили̑ща, всѝ воспла́кашасѧ твоегѡ̀ лише́нїѧ и҆ припа́даютъ да́же до ны́нѣ ко гро́бꙋ твоемꙋ̀ просѧ́ще по́мощи моли́твъ твои́хъ, и҆́же до́брѣ соблю́дшагѡ завѣ́тъ а҆пⷭ҇тольскїй и҆ прїѡбрѣ́тшагѡ ꙗ҆́кѡ є҆пі́скопъ цр҃кве свидѣ́тельство внѣ́шнихъ, не то́кмѡ свои́хъ. Не преста́й ᲂу҆̀бо назира́ѧ ста́до твоѐ, во є҆́же крещє́ннымъ ча́дамъ твои̑мъ преспѣва́ти бл҃гоче́стїемъ, некрещє́ннымъ же ᲂу҆мили́тисѧ когда̀ и҆ вни́ти въ ло́но цр҃кве правосла́вныѧ и҆ всѣ̑мъ сп҃сти́сѧ съ любо́вїю пра́зднꙋющымъ ст҃ꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ то́йже:"
|
|
},
|
|
{
|
|
"type": "TEXT",
|
|
"value": "И҆́же на херꙋві́мѣхъ носи́мый и҆ пѣва́емый ѿ серафі̑мъ, дне́сь въ бжⷭ҇твенное ст҃и́лище по зако́нꙋ приноси́мь, на ста́рческихъ, ꙗ҆́кѡ на престо́лѣ, сѣди́тъ рꙋка́хъ, и҆ ѿ і҆ѡ́сифа прїе́млетъ да́ры бг҃олѣ́пнѡ, ꙗ҆́кѡ сꙋпрꙋ́гъ го́рличищъ, нескве́рнꙋю цр҃ковь, и҆ ѿ ꙗ҆зы̑къ новоизбра̑нныѧ лю́ди: голꙋби̑на же два̀ птенца̑, ꙗ҆́кѡ нача́льникъ ве́тхагѡ же и҆ но́вагѡ, є҆́же къ немꙋ̀ ѡ҆бѣща́нїѧ, сѷмеѡ́нъ коне́цъ прїе́мъ, благосло́вѧ дв҃ꙋ мр҃і́ю бцⷣꙋ, страсте́й ѻ҆́бразы и҆́же и҆зъ неѧ̀ провозгласѝ, и҆ ѿ негѡ̀ проша́ше ѿпꙋще́нїѧ, вопїѧ̀: ны́нѣ ѿпꙋсти́ мѧ, влⷣко, ꙗ҆́коже пре́жде возвѣсти́ ми: ꙗ҆́кѡ ви́дѣхъ тѧ̀ первовѣ́чнаго свѣ́та, и҆ сп҃са гдⷭ҇а, хрⷭ҇тоимени̑тымъ лю́демъ."
|
|
},
|
|
{
|
|
"type": "HEADER",
|
|
"value": "Тропа́рь ст҃и́телѧ, гла́съ д҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ а҆пⷭ҇толѡмъ соприча́стника въ трꙋдѣ́хъ и҆ возме́здїихъ цр҃ковь тѧ̀ съ любо́вїю почита́етъ, ст҃и́телю ѻ҆́тче нїко́лае равноапⷭ҇тольне. Положи́въ бо мно́гими по́двиги нача́ло правосла́вїѧ въ ꙗ҆по́нїи ꙗ҆зы́честѣй, ᲂу҆мно́жилъ є҆сѝ въ не́й ча̑да сп҃се́нїѧ, и҆ по кончи́нѣ прїѧ́тъ тѧ̀ бг҃ъ во ѡ҆би́тели а҆пⷭ҇толъ свои́хъ по достоѧ́нїю. Сегѡ̀ ра́ди мо́лимъ тѧ̀ моли́сѧ гдⷭ҇еви пребы́ти и҆ въ прє́днѧѧ дѣ́лꙋ твоемꙋ̀ незы́блемꙋ на вѣ́ки, и҆ ввести́сѧ въ ло́но цр҃кве правосла́вныѧ всѣ̑мъ поги́бнꙋти и҆мꙋ́щымъ, ᲂу҆мири́тисѧ мі́рови и҆ сп҃сти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, гла́съ а҃:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ, бл҃года́тнаѧ бцⷣа дв҃о, и҆зъ тебе́ бо возсїѧ̀ со́лнце пра́вды, хрⷭ҇то́съ бг҃ъ на́шъ, просвѣща́ѧй сꙋ́щыѧ во тьмѣ̀! Весели́сѧ и҆ ты̀, ста́рче пра́ведный, прїе́мый во ѡ҆б̾ѧ́тїѧ свободи́телѧ дꙋ́шъ на́шихъ, да́рꙋющаго на́мъ воскресе́нїе."
|
|
},
|
|
{
|
|
"type": "HEADER",
|
|
"value": "На ᲂу҆́трени. На Бг҃ъ гдⷭ҇ь: тропа́рь пра́здника, два́жды. Сла́ва, ст҃и́телѧ, и҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "По а҃-мъ стїхосло́вїи сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Повелѣ́нное та́йнѡ:"
|
|
},
|
|
{
|
|
"type": "TEXT",
|
|
"value": "Повелѣ́нїе свы́ше прїе́мъ въ хра́мѣ бж҃їи, є҆́же и҆дтѝ на а҆пⷭ҇тольство въ ꙗ҆по́нїю, и҆ кре́стъ и҆́ноческїй и҆ бл҃года́ть сщ҃е́нства, во всеѻрꙋ́жїи се́мъ ѡ҆ста́вилъ є҆сѝ ро́динꙋ и҆ ѿше́лъ є҆сѝ въ да́льнюю зе́млю ꙗ҆зы́ческꙋю. Но по́мощїю бл҃года́ти потрꙋди́всѧ ᲂу҆се́рднѡ, пожа́лъ є҆сѝ плоды̀ ра́дости, мнѡ́гїѧ дꙋ́шы сп҃са́ющихсѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, сѣда́ленъ пра́здника, гла́съ а҃:"
|
|
},
|
|
{
|
|
"type": "TEXT",
|
|
"value": "Ли́къ а҆́гг҃льскїй да ᲂу҆диви́тсѧ чꙋдесѝ, земні́и же гла́сы возопїе́мъ пѣ́нїе, зрѧ́ще неизрече́нное бж҃їе снизхожде́нїе, є҆гѡ́же бо трепе́щꙋтъ нбⷭ҇ныѧ си̑лы, ны́нѣ ста́рче ѡ҆б̾е́млютъ рꙋ́цѣ, є҆ди́нагѡ чл҃вѣколю́бца."
|
|
},
|
|
{
|
|
"type": "HEADER",
|
|
"value": "По в҃-мъ стїхосло́вїи сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "Подо́бенъ: Вознесы́йсѧ на крⷭ҇тъ:"
|
|
},
|
|
{
|
|
"type": "TEXT",
|
|
"value": "Вознесе́нъ бы́въ бг҃омъ въ са́нъ а҆пⷭ҇тола, воспрїѧ́лъ є҆сѝ завѣ́тъ хрⷭ҇то́въ въ глꙋбинꙋ̀ дꙋшѝ, и҆ а҆́гнѧ посредѝ волкѡ́въ, ника́коже ᲂу҆страши́сѧ, но креща́ѧ люде́й, и҆ ᲂу҆строѧ́ѧ цр҃кви, и҆ воздвиза́ѧ хра́мы, и҆спо́лнилъ є҆сѝ за́повѣдь бг҃олѣ́пно, тѣ́мже и҆ соблюде́сѧ тебѣ̀ вѣне́цъ пра́вды нетлѣ́нный."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Ли́къ а҆́гг҃льскїй:"
|
|
},
|
|
{
|
|
"type": "TEXT",
|
|
"value": "Сы́й со ѻ҆ц҃е́мъ на прⷭ҇то́лѣ ст҃ѣ́мъ, прише́дъ на зе́млю ѿ дв҃ы роди́сѧ, младе́нецъ бы́сть лѣ̑ты сы́й неѡпи́санъ, є҆го́же прїе́мъ сѷмеѡ́нъ на рꙋ́ки, ра́дꙋѧсѧ глаго́лаше: ны́нѣ ѿпꙋща́еши, ще́дре, возвесели́въ раба̀ твоего̀."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрость:"
|
|
},
|
|
{
|
|
"type": "TEXT",
|
|
"value": "Премꙋ́дрость бжⷭ҇твеннꙋю всоса́въ ᲂу҆мо́мъ и҆ се́рдцемъ въ до́мѣ, хра́мѣ и҆ ᲂу҆чи́лищахъ рѡссі́йскихъ, бы́лъ є҆сѝ и҆сто́чникъ воды̀, текꙋ́щїѧ въ живо́тъ вѣ́чный, и҆ и҆дѣ́же а҆́ще бы́лъ є҆сѝ, всѧ̑ напои́лъ є҆сѝ жи́зни дꙋ́ха ѡ҆кре́стъ себѐ: ты̀ ѡ҆братѝ ꙗ҆по́нцєвъ въ правосла́вїе, нача́въ ѿ пе́рвагѡ, ты̀ положѝ ѡ҆снова́нїе цр҃кве въ ꙗ҆по́нїи, ты̀ воспѣва́емъ быва́еши дне́сь по достоѧ́нїю. Молѝ хрⷭ҇та̀ бг҃а преꙋмно́жити дѣ́ло твоѐ и҆ согрѣше́нїй ѡ҆ставле́нїе дарова́ти пра́зднꙋющымъ любо́вїю ст҃ꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Оу҆диви́сѧ і҆ѡ́сифъ:"
|
|
},
|
|
{
|
|
"type": "TEXT",
|
|
"value": "Младе́нствꙋеши менѐ ра́ди, ве́тхїй де́ньми. Чище́нїемъ прїѻбща́ешисѧ, чистѣ́йшїй бж҃е, да пло́ть ᲂу҆вѣ́риши мнѣ̀ ю҆́же ѿ дв҃ы. И҆ си́мъ сѷмеѡ́нъ поꙋча́ѧсѧ, позна́ тѧ бг҃а ꙗ҆́вльшагосѧ пло́тїю, и҆ ꙗ҆́кѡ жи́знь лобза́ше и҆ ра́дꙋѧсѧ ста́рчески взыва́ше: ѿпꙋстѝ менѐ, тебе́ бо ви́дѣхъ, живота̀ всѧ́ческихъ."
|
|
},
|
|
{
|
|
"type": "HEADER",
|
|
"value": "Та́же степє́нна, а҃-й а҆нтїфѡ́нъ, гла́съ д҃:"
|
|
},
|
|
{
|
|
"type": "TEXT",
|
|
"value": "Ѿ ю҆́ности моеѧ̀:"
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Оу҆ста̀ моѧ̑ возглаго́лютъ премꙋ́дрость и҆ поꙋче́нїе се́рдца моегѡ̀ ра́зꙋмъ."
|
|
},
|
|
{
|
|
"type": "TEXT",
|
|
"value": "Сті́хъ: Оу҆слы́шите сїѧ̑, всѝ ꙗ҆зы́цы, внꙋши́те, всѝ, живꙋ́щїи по вселе́ннѣй."
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ і҆ѡа́нна, зача́ло л҃є."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра самогла́сна, гла́съ ѕ҃:"
|
|
},
|
|
{
|
|
"type": "TEXT",
|
|
"value": "И҆злїѧ́сѧ бл҃года́ть во ᲂу҆стна́хъ твои́хъ, ст҃и́телю ѻ҆́тче нїко́лае, є҆́же проповѣ́дати хрⷭ҇та̀ ꙗ҆по́нцамъ сло́вомъ и҆ писа́нїемъ. И҆ бы́лъ є҆сѝ па́стырь вѣ́рнагѡ ста́да, съ ни́мже кꙋ́пнѡ не боѧ́лсѧ є҆сѝ ма́лости своеѧ̀, па́че же ра́довалсѧ є҆сѝ бл҃года́тнымъ нача́ломъ, и҆ крѣ́пкою наде́ждою возраста́нїѧ, и҆ бл҃говоле́нїемъ ѻ҆ц҃а̀ нбⷭ҇нагѡ, да́рꙋющагѡ црⷭ҇тво. Тогѡ̀ моли́твами, хрⷭ҇тѐ бж҃е, пода́ждь ми́ръ и҆ бл҃гоче́стїе мі́рови, и҆ дꙋша́мъ на́шымъ ве́лїю и҆ бога́тꙋю ми́лость."
|
|
},
|
|
{
|
|
"type": "HEADER",
|
|
"value": "Канѡ́нъ пра́здника со і҆рмосо́мъ на ѕ҃. Гла́съ г҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Сꙋ́шꙋ глꙋбороди́тельнꙋю зе́млю со́лнце наше́ствова и҆ногда̀, ꙗ҆́кѡ стѣна́ бо ѡ҆гꙋстѣ̀ ѻ҆бапо́лы вода̀, лю́демъ пѣшомореходѧ́щымъ и҆ бг҃оꙋго́днѡ пою́щымъ: пои́мъ гдⷭ҇еви, сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Да ка́плютъ во́дꙋ ѻ҆́блацы, сл҃нце бо на ѻ҆́блацѣ ле́гцѣ носи́мо наста́ло є҆́сть, на нетлѣ́ннꙋю рꙋкꙋ̀, хрⷭ҇то́съ въ це́ркви ꙗ҆́кѡ млⷣнецъ. Тѣ́мже, вѣ́рнїи, возопїи́мъ: пои́мъ гдⷭ҇еви, сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Крѣпи́тесѧ, рꙋ́цѣ сѷмеѡ́ни, ста́ростїю ѡ҆сла́бленнїи, лы́ста же претрꙋждє́нна ста́рча пра́вѡ быстрѡ̀ дви́житасѧ хрⷭ҇тꙋ̀ на срѣ́тенїе, ли́къ со безпло́тными соста́вльше: пои́мъ гдⷭ҇еви, сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Ра́зꙋмомъ простє́ртаѧ нб҃са̀, весели́тесѧ, и҆ ра́дꙋйсѧ, землѐ: и҆зъ пребжⷭ҇твенныхъ бо нѣ́дръ хитре́цъ проше́дъ хрⷭ҇то́съ, мт҃рїю дв҃ою бг҃ꙋ ѻ҆ц҃ꙋ̀ прино́ситсѧ млⷣнецъ, и҆́же пре́жде всѣ́хъ: сла́внѡ бо просла́висѧ."
|
|
},
|
|
{
|
|
"type": "HEADER",
|
|
"value": "Канѡ́нъ ст҃и́телѧ, парѳе́нїй, гла́съ а҃, є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Ꙗ҆по́нїе, спаса́йсѧ правосла́вїемъ."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Го́рькїѧ рабо́ты и҆зба́вльсѧ і҆и҃ль, непроходи́мое про́йде ꙗ҆́кѡ сꙋ́шꙋ. Врага̀ зрѧ̀ потоплѧ́ема, пѣ́снь ꙗ҆́кѡ бл҃годѣ́телю пое́тъ бг҃ꙋ, чꙋдодѣ́ющемꙋ мы́шцею высо́кою, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Ꙗ҆́коже мѡѷсе́й не ᲂу҆боѧ́лсѧ є҆сѝ фараѡни́тскихъ страхова́нїй, но мꙋ́жественнѡ про́йде провестѝ ро́дъ ꙗ҆по́нскїй чрез̾ мо́ре креще́нїѧ въ ѡ҆бѣтова́ннꙋю зе́млю правосла́вїѧ, гдⷭ҇еви поѧ̀: сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Покрыва́ша тѧ̀ ѻ҆́блакъ бж҃їѧ бл҃года́ти во дни̑ напа́стей, въ нощи́ же твоеѧ̀ ѿ люде́й ѡ҆ста́вленности свѣ́тъ бжⷭ҇твенный тѧ̀ ѡ҆сїѧва́ше, въ тве́рдомъ терпѣ́нїи гдⷭ҇ви пою́ща: сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Ѻ҆́ный мѡѷсе́й дадѐ наро́дꙋ своемꙋ̀ зако́нъ сїна́йскїй, се́й же ꙗ҆по́нскомꙋ наро́дꙋ дадѐ ве́сь зако́нъ правосла́внагѡ благоче́стїѧ, ꙗ҆́кѡ да поꙋча́ютсѧ и҆ возраста́ютъ, гдⷭ҇еви пою́ще: сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Неискꙋсобра́чнаѧ мт҃и, не преста́й помога́ющи моли́твами твоегѡ̀ равноапⷭ҇тола нїкола́ѧ, процвѣта́ти правосла́вїю въ ꙗ҆по́нїи, ᲂу҆мы́тисѧ всемꙋ̀ наро́дꙋ ба́нею пакибытїѧ̀ и҆ спасти́сѧ всѣ̑мъ пою́щымъ гдⷭ҇еви: сла́внѡ бо просла́висѧ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆твержде́нїе на тѧ̀ надѣ́ющихсѧ, ᲂу҆твердѝ, гдⷭ҇и, цр҃ковь, ю҆́же стѧжа́лъ є҆сѝ честно́ю твое́ю кро́вїю."
|
|
},
|
|
{
|
|
"type": "TEXT",
|
|
"value": "Перворожде́нъ и҆зъ ѻ҆ц҃а̀ пре́жде вѣ̑къ, перворожде́нъ млⷣнецъ и҆зъ дв҃ы нетлѣ́нныѧ, а҆да́мꙋ рꙋ́кꙋ простира́ѧ ꙗ҆ви́сѧ."
|
|
},
|
|
{
|
|
"type": "TEXT",
|
|
"value": "Младоꙋ́мна бы́вша пре́лестїю первозда́ннаго, па́ки и҆справлѧ́ѧй бг҃ъ сло́во, младе́нствовавъ ꙗ҆ви́сѧ."
|
|
},
|
|
{
|
|
"type": "TEXT",
|
|
"value": "Землѝ и҆сча́дїе, па́ки поте́кшее въ ню̀, бжⷭ҇тва̀ соѻбра́зное є҆стество̀ зижди́тель, ꙗ҆́кѡ непрело́жнѣ, младе́нствовавъ ꙗ҆вѝ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Пре́жде вѣ̑къ ѿ ѻ҆ц҃а̀ рожде́нномꙋ нетлѣ́ннѡ сн҃ꙋ и҆ въ послѣ̑днѧѧ ѿ дв҃ы воплоще́нномꙋ безсѣ́меннѡ, хрⷭ҇тꙋ̀ бг҃ꙋ возопїи́мъ: вознесы́й ро́гъ на́шъ, ст҃ъ є҆сѝ, гдⷭ҇и."
|
|
},
|
|
{
|
|
"type": "TEXT",
|
|
"value": "И҆зо ᲂу҆́стъ твои́хъ не и҆зы́де велере́чїе, смире́нъ сы́й, но, ᲂу҆тверди́въ въ гдⷭ҇ѣ се́рдце твоѐ, вели̑каѧ соверши́лъ є҆сѝ, въ терпѣ́нїи взыва́ѧ: ст҃ъ є҆сѝ, гдⷭ҇и."
|
|
},
|
|
{
|
|
"type": "TEXT",
|
|
"value": "Є҆ли́ко противлѧ́хꙋсѧ сло́вꙋ твоемꙋ̀ невѣ́рнїи, толи́ко па́че ᲂу҆твержда́лъ є҆сѝ въ гдⷭ҇ѣ дꙋ́хъ тво́й, и҆ не ᲂу҆боѧ́всѧ, и҆ вспѧ́ть не возврати́всѧ, сп҃слъ є҆сѝ сп҃се́нїѧ и҆́щꙋщихъ, взыва́ѧ: ст҃ъ є҆сѝ, гдⷭ҇и."
|
|
},
|
|
{
|
|
"type": "TEXT",
|
|
"value": "Ст҃ость бж҃їю проповѣ́дꙋѧ и҆ са́мъ ю҆̀ стѧжава́ѧ, ᲂу҆мили́лъ є҆сѝ наконе́цъ коравосерде́чныхъ и҆ мно́жество и҆́хъ приве́лъ є҆сѝ ко гдⷭ҇ꙋ, взыва́ющихъ: ст҃ъ є҆сѝ, гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пребл҃гослове́нна є҆сѝ, бцⷣе дв҃о, твои́мъ бо рожⷭ҇тво́мъ сп҃са́ютсѧ человѣ́цы всѝ ѿ пре́лести лꙋка́вагѡ, взыва́юще: ст҃ъ є҆сѝ, гдⷭ҇и."
|
|
},
|
|
{
|
|
"type": "HEADER",
|
|
"value": "Конда́къ пра́здника, гла́съ а҃:"
|
|
},
|
|
{
|
|
"type": "TEXT",
|
|
"value": "Оу҆тро́бꙋ дв҃и́чꙋ ѡ҆ст҃и́вый рожⷭ҇тво́мъ твои́мъ и҆ рꙋ́цѣ сѷмеѡ́не бл҃гослови́вый, ꙗ҆́коже подоба́ше, предвари́въ, и҆ ны́нѣ сп҃слъ є҆сѝ на́съ, хрⷭ҇тѐ бж҃е, но ᲂу҆мирѝ во бра́нехъ жи́тельство, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "І҆́косъ: Къ бцⷣѣ притеце́мъ, хотѧ́щїи сн҃а є҆ѧ̀ ви́дѣти, къ сѷмеѡ́нꙋ носи́ма, є҆го́же съ нб҃сѐ безпло́тнїи ви́дѧще, дивлѧ́хꙋсѧ глаго́люще: чꙋ̑днаѧ зри́мъ ны́нѣ и҆ пресла̑внаѧ, непостижи̑маѧ, несказа̑ннаѧ. И҆́же бо а҆да́ма созда́вый но́ситсѧ ꙗ҆́кѡ младе́нецъ, невмѣсти́мый вмѣща́етсѧ на рꙋка́хъ ста́рчихъ, и҆́же въ нѣ́дрѣхъ неѡпи́санныхъ сы́й ѻ҆ц҃а̀ своегѡ̀, во́лею ѡ҆писꙋ́етсѧ пло́тїю, а҆ не бжⷭ҇тво́мъ, є҆ди́нъ чл҃вѣколю́бецъ."
|
|
},
|
|
{
|
|
"type": "HEADER",
|
|
"value": "Сѣда́ленъ ст҃и́телѧ, гла́съ и҃:"
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрость:"
|
|
},
|
|
{
|
|
"type": "TEXT",
|
|
"value": "Премꙋ́дростїю бжⷭ҇твенною просвѣти́въ твою̀ дꙋ́шꙋ, бы́лъ є҆сѝ свѣти́льникъ на свѣ́щницѣ всѣ̑мъ свѣтѧ́й въ ꙗ҆по́нїи ꙗ҆зы́чествомъ затме́нной. И҆ возсїѧ̀ денни́ца въ сердца́хъ мно́гихъ, и҆ со́лнце пра́вды хрⷭ҇то́съ ѡ҆блиста̀, ꙗ҆́кѡ да ви́дѧтъ є҆го̀ неви́дѣвшїи и҆ ᲂу҆вѣ́рꙋютъ и҆ спасꙋ́тсѧ. Молѝ ᲂу҆́бѡ хрⷭ҇та̀ бг҃а ѡ҆ ста́дѣ твое́мъ и҆ прегрѣше́нїй ѡ҆ставле́нїе дарова́ти чествꙋ́ющымъ съ вѣ́рою па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Оу҆диви́сѧ і҆ѡ́сифъ:"
|
|
},
|
|
{
|
|
"type": "TEXT",
|
|
"value": "На горѣ̀ сїна́йстѣй дре́вле ви́дѣ мѡѷсе́й за̑днѧѧ бж҃їѧ, и҆ то́нкїй бжⷭ҇твенный гла́съ сподо́бисѧ во мра́цѣ же и҆ ви́хрѣ слы́шати. Ны́нѣ сѷмеѡ́нъ воплоще́ннаго бг҃а непрело́жнѣ на́съ ра́ди на рꙋ́ки прїѧ́тъ, и҆ ра́достнѡ тща́шесѧ и҆дтѝ ѿ сꙋ́щихъ здѣ̀ къ животꙋ̀ вѣ́чномꙋ, тѣ́мже вопїѧ́ше: ны́нѣ ѿпꙋща́еши раба̀ твоего̀, влⷣко."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Покры́ла є҆́сть нб҃са̀ добродѣ́тель твоѧ̀, хрⷭ҇тѐ: и҆зъ кївѡ́та бо проше́дъ, ст҃ы́ни твоеѧ̀ нетлѣ́нныѧ мт҃ре, въ хра́мѣ сла́вы твоеѧ̀ ꙗ҆ви́лсѧ є҆сѝ, ꙗ҆́кѡ младе́нецъ рꙋконоси́мь: и҆ и҆спо́лнишасѧ всѧ̑ твоегѡ̀ хвале́нїѧ."
|
|
},
|
|
{
|
|
"type": "TEXT",
|
|
"value": "Ра́дꙋѧсѧ, сѷмеѡ́не, неизрече́нныхъ таи́нниче, бцⷣа вопїѧ́ше, є҆го́же ѿ ст҃а́гѡ дре́вле и҆звѣсти́сѧ тебѣ̀ дх҃а, младе́нствовавшаго сло́ва хрⷭ҇та̀ на рꙋ́ки прїимѝ, зовы́й є҆мꙋ̀: и҆спо́лнишасѧ всѧ̑ твоегѡ̀ хвале́нїѧ."
|
|
},
|
|
{
|
|
"type": "TEXT",
|
|
"value": "На него́же ᲂу҆пова́лъ є҆сѝ, сѷмеѡ́не, во́зрастъ дѣ́тищный, ра́дꙋѧсѧ под̾имѝ хрⷭ҇та̀, і҆и҃лѧ бжⷭ҇твеннагѡ ᲂу҆тѣше́нїе, зако́на творца̀ и҆ влⷣкꙋ, и҆сполнѧ́ющаго зако́на чи́нъ, зовы́й є҆мꙋ̀: и҆спо́лнишасѧ всѧ̑ твоегѡ̀ хвале́нїѧ."
|
|
},
|
|
{
|
|
"type": "TEXT",
|
|
"value": "Ви́дѧ сѷмеѡ́нъ сло́во безнача́льное, съ пло́тїю ꙗ҆́кѡ на прⷭ҇то́лѣ херꙋві́мстѣмъ дв҃ою носи́маго, вино́внаго є҆́же бы́ти всѧ́ческихъ, ꙗ҆́кѡ младе́нцꙋ дивѧ́сѧ, вопїѧ́ше є҆мꙋ̀: и҆спо́лнишасѧ всѧ̑ твоегѡ̀ хвале́нїѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Же́злъ и҆зъ ко́рене і҆ессе́ова и҆ цвѣ́тъ ѿ негѡ̀, хрⷭ҇тѐ, ѿ дв҃ы прозѧ́блъ є҆сѝ: и҆зъ горы̀, хва́льный, приѡсѣне́нныѧ ча́щи. Прише́лъ є҆сѝ вопло́щсѧ ѿ неискꙋсомꙋ́жныѧ, невеще́ственный и҆ бж҃е, сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "А҆́ще и҆ пе́рвѣе ѿ сама́гѡ себѐ не возжела́лъ є҆сѝ, но въ хра́мѣ бж҃їи ᲂу҆слы́шавъ гла́съ гдⷭ҇а твоегѡ̀, ꙗ҆́кѡ зове́тъ тѧ̀, воздѣ́въ рꙋ́цѣ твоѝ, то́й тѧ̀ препоѧ́са и҆ поведѐ въ да́льнюю странꙋ̀ на по́двигъ."
|
|
},
|
|
{
|
|
"type": "TEXT",
|
|
"value": "Сѣ́де на тѧ̀ гдⷭ҇ь, ꙗ҆́коже на конѧ̀ крѣ́пкаго, впꙋсти́ тѧ въ ꙗ҆по́нїю и҆ сп҃се́нїе є҆́й бы́сть ѣ҆жде́нїе є҆гѡ̀, то́й бо сотворѝ дѣ́ло своѐ тобо́ю, ꙗ҆́коже бг҃одохнове́ннымъ послꙋ́шникомъ."
|
|
},
|
|
{
|
|
"type": "TEXT",
|
|
"value": "А҆́зъ, рече́тъ ꙗ҆по́нїѧ и҆ногда̀, ра́дꙋюсѧ и҆ веселю́сѧ ѡ҆ гдⷭ҇ѣ ꙗ҆́кѡ сп҃се́нїе содѣ́ласѧ мои́хъ ча́дъ досе́лѣ и҆ въ прє́днѧѧ а҆пⷭ҇тольскими трꙋды̀ ст҃и́телѧ нїкола́ѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆змѝ на́съ вла́сти те́мнагѡ мїроде́ржца, мт҃и бж҃їѧ, просвѣти́ ны моли́твами твои́ми въ ра́зꙋмъ бл҃гоче́стїѧ и҆ сп҃си́ ны въ десны́хъ стоѧ́нїемъ сн҃а твоегѡ̀ въ де́нь сꙋда̀."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ꙗ҆́кѡ ви́дѣ и҆са́їа ѻ҆бра́знѡ на прⷭ҇то́лѣ превознесе́на бг҃а, ѿ а҆́гг҃лъ сла́вы дѡрѷноси́ма, ѽ ѻ҆каѧ́нный, вопїѧ́ше, а҆́зъ: прови́дѣхъ бо воплоща́ема бг҃а, свѣ́та невече́рнѧ, и҆ ми́ромъ влады́чествꙋюща."
|
|
},
|
|
{
|
|
"type": "TEXT",
|
|
"value": "Разꙋмѣ́въ бжⷭ҇твенный ста́рецъ проѧвле́ннꙋю дре́вле проро́кꙋ сла́вꙋ, рꙋка́ми сло́во зрѧ̀ мт҃рними держи́мо, ѽ ра́дꙋйсѧ, вопїѧ́ше, чⷭ҇таѧ, ꙗ҆́кѡ престо́лъ бо держи́ши бг҃а, свѣ́та невече́рнѧго, и҆ ми́ромъ влады́чествꙋюща."
|
|
},
|
|
{
|
|
"type": "TEXT",
|
|
"value": "Покло́нсѧ ста́рецъ, и҆ стопа́мъ бжⷭ҇твеннѣ прикоснꙋ́всѧ неискꙋсобра́чныѧ и҆ бг҃ома́тере, ѻ҆́гнь, речѐ, но́сиши, чⷭ҇таѧ: млⷣнца бою́сѧ ѡ҆б̾ѧ́ти бг҃а, свѣ́та невече́рнѧго, и҆ ми́ромъ влады́чествꙋюща."
|
|
},
|
|
{
|
|
"type": "TEXT",
|
|
"value": "Ѡ҆чища́етсѧ и҆са́їа ѿ серафі́ма, ᲂу҆́гль прїе́мъ, ста́рецъ вопїѧ́ше бг҃ома́тери: ты̀ ꙗ҆́коже клеща́ми рꙋка́ми просвѣща́еши мѧ̀, пода́вши, є҆го́же но́сиши, свѣ́та невече́рнѧго, и҆ ми́ромъ влады́чествꙋюща."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃ъ сы́й ми́ра, ѻ҆ц҃ъ щедро́тъ, вели́кагѡ совѣ́та твоегѡ̀ а҆́гг҃ла, ми́ръ подава́юща, посла́лъ є҆сѝ на́мъ! Тѣ́мъ, бг҃оразꙋ́мїѧ къ свѣ́тꙋ наста́вльшесѧ, ѿ но́щи ᲂу҆́тренююще, славосло́вимъ тѧ̀, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Свѣ́тъ повѣлѣ́нїй бж҃їихъ возсїѧ̀ на землѝ ꙗ҆по́нстѣй твои́ми а҆пⷭ҇тольскими трꙋды̀ и҆ пра́вдѣ хрⷭ҇то́вой наꙋчи́шасѧ та́мѡ живꙋ́щїи, и҆ добродѣ́тель сотвори́ша по зако́нꙋ, и҆ и҆́мѧ бж҃їе просла́виша."
|
|
},
|
|
{
|
|
"type": "TEXT",
|
|
"value": "Ꙗ҆́кѡ помѧнꙋ́лъ є҆сѝ гдⷭ҇а въ ско́рбехъ твои́хъ, тогѡ̀ ра́ди ᲂу҆слы́ша тѧ̀ и҆ помо́же тѝ да преꙋмно́жиши по́двиги твоѧ̑ и҆ кни̑ги и҆ ча́дъ дꙋхо́вныхъ мно́жество."
|
|
},
|
|
{
|
|
"type": "TEXT",
|
|
"value": "Преста̀ нече́стїе средѝ и҆збра́нныѧ па́ствы твоеѧ̀, и҆ а҆пⷭ҇тольское вдохнове́нїе коснꙋ́сѧ серде́цъ и҆́хъ, є҆гда́ бо дїа́конъ возглаша́ше моли̑твы, ве́сь ᲂу҆миле́нъ па́дъ на колѣ̑на молѧ́шесѧ въ рыда́нїѧхъ предъ бг҃омъ, и҆ съ ни́мъ всѧ̑ цр҃ковь."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Рꙋка́ми носи́вшаѧ є҆мманꙋ́ила, бцⷣе чⷭ҇таѧ, ᲂу҆молѝ є҆го̀ посла́ти по́мощь свою̀ всемогꙋ́щꙋю вѣ̑рнымъ свои̑мъ, ꙗ҆́кѡ да съ на́ми бг҃а и҆мꙋ́ще, поживе́мъ въ бл҃гоче́стїи и҆ всѧ́кой че́стности."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Возопѝ къ тебѣ̀ ви́дѣвъ ста́рецъ ѻ҆чи́ма спасе́нїе, є҆́же лю́демъ прїи́де ѿ бг҃а, хрⷭ҇тѐ, ты̀ бг҃ъ мо́й."
|
|
},
|
|
{
|
|
"type": "TEXT",
|
|
"value": "Сїѡ́нꙋ ты̀ ка́мень возложи́лсѧ є҆сѝ, непокори̑вымъ претыка́нїе и҆ собла́зна ка́мень, нерꙋши́мое вѣ́рныхъ спасе́нїе."
|
|
},
|
|
{
|
|
"type": "TEXT",
|
|
"value": "И҆звѣ́стнѣ носѧ̀ начерта́нїе, и҆́же пре́жде вѣ̑къ тѧ̀ и҆зрасти́вшаго, земны́хъ за милосе́рдїе ны́нѣ не́мощїю ѡ҆бложи́сѧ."
|
|
},
|
|
{
|
|
"type": "TEXT",
|
|
"value": "Сн҃ꙋ вы́шнѧгѡ, сн҃ꙋ дв҃ы, бг҃ꙋ ѻ҆троча́ти бы́вшемꙋ, покло́ншасѧ тебѣ̀ ны́нѣ ѿпꙋстѝ съ ми́ромъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: И҆зъ ᲂу҆тро́бы і҆ѡ́нꙋ младе́нца и҆зблева̀ морскі́й ѕвѣ́рь, ꙗ҆кова̀ прїѧ́тъ: въ дв҃ꙋ же все́льшеесѧ сло́во и҆ пло́ть прїе́мшее про́йде, сохра́ншее нетлѣ́ннꙋ: є҆гѡ́же бо не пострада̀ и҆стлѣ́нїѧ, ро́ждшꙋю сохранѝ неврежде́ннꙋ."
|
|
},
|
|
{
|
|
"type": "TEXT",
|
|
"value": "А҆́гг҃лъ храни́тель тѧ̀ рꙋковожда́ше на пꙋтѝ твое́мъ терни́стомъ. Тѣ́мже кро́тостїю хрⷭ҇та̀ твоегѡ̀ и҆ мꙋ́дростїю дх҃а врагѝ прїѡбрѣ́лъ є҆сѝ въ дрꙋ́ги твоѧ̑."
|
|
},
|
|
{
|
|
"type": "TEXT",
|
|
"value": "Воева́ше лю́дїе дрꙋ́гъ на дрꙋ́га, па́ства твоѧ̀ проти́вꙋ ро́дины твоеѧ̀, но кн҃зь ми́ра тѧ̀ ᲂу҆мꙋдрѝ держа́тисѧ мѣ́ры разꙋ́мныѧ, ꙗ҆́коже похвали́ша тѧ̀ ѻ҆́бѣ."
|
|
},
|
|
{
|
|
"type": "TEXT",
|
|
"value": "Ѡ҆сла́бы не дава́лъ є҆сѝ твоемꙋ̀ тѣ́лꙋ, ни твоемꙋ̀ дꙋ́хꙋ, претрꙋжда́ѧ и҆́хъ до конца̀, до́ндеже дѣ́ло соверши́лъ є҆сѝ ди́вное, ꙗ҆́коже никто́же и҆́нъ пре́жде тебѐ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сла́вꙋ твою̀ на землѝ и҆ на нб҃сѝ, мт҃и бж҃їѧ, не затми́тъ ѕмі́й вели́кїй, ни ѡ҆рꙋ́дїѧ є҆гѡ̀, ты́ бо бг҃а родила̀ є҆сѝ и҆ ѿ негѡ̀ бл҃года́ть прїѧ́ла є҆сѝ настꙋпа́ти на всю̀ си́лꙋ вра́жїю, и҆ всѧ̑ мо́жеши, є҆ли́ка хо́щеши."
|
|
},
|
|
{
|
|
"type": "HEADER",
|
|
"value": "Конда́къ ст҃и́телѧ, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Твє́рдыѧ и҆ бг҃овѣща̑нныѧ:"
|
|
},
|
|
{
|
|
"type": "TEXT",
|
|
"value": "Тве́рдаго и҆ бг҃овѣща́ннаго проповѣ́дателѧ є҆ѵⷢ҇лїа твоегѡ̀, гдⷭ҇и, возме́здилъ є҆сѝ бг҃олѣ́пнѡ, трꙋды́ бо є҆гѡ̀ и҆ болѣ̑зни прїѧ́лъ є҆сѝ па́че всѣ́хъ же́ртвъ зако́нныхъ и҆ всесожже́нїй. Тогѡ̀ моли́твами соблюдѝ на́съ ѿ непрїѧ́зни."
|
|
},
|
|
{
|
|
"type": "TEXT",
|
|
"value": "І҆́косъ: Не дадѐ даві́дски сна̀ ѻ҆чесѣ́мъ свои̑мъ, ни вѣ́ждома свои́ма дрема́нїѧ, до́ндеже преложѝ ꙗ҆по́нцємъ всѐ сло́во твоѐ, гдⷭ҇и, ве́тхагѡ и҆ но́вагѡ завѣ́та, и҆ всѐ твоѐ слꙋже́нїе, и҆ всѐ бг҃осло́вїе въ мѣ́рꙋ дово́льнꙋю равноапⷭ҇толъ тво́й, ст҃и́тель нїкола́й. И҆ сѐ ны́нѣ бл҃годарѧ́ще трꙋды̀ є҆гѡ̀ неꙋста̑нныѧ ꙗ҆по́нскаѧ цр҃ковь правосла́внаѧ процвѣта́етъ въ бл҃гоче́стїи и҆ мно́житсѧ и҆сполне́нїемъ. Тогѡ̀ моли́твами ᲂу҆̀бо соблюдѝ на́съ ѿ непрїѧ́зни."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Тебѐ во ѻ҆гнѝ ѡ҆роси́вшаго ѻ҆́троки бг҃осло́вившыѧ, и҆ въ дв҃ꙋ нетлѣ́ннꙋ все́льшагосѧ, бг҃а сло́ва пои́мъ, бл҃гоче́стнѡ пою́ще: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "А҆да́мꙋ и҆звѣсти́ти хотѧ́й, и҆дꙋ̀ во а҆́дѣ живꙋ́щꙋ, и҆ є҆́ѵѣ принестѝ бл҃говѣ́стїе, сѷмеѡ́нъ вопїѧ́ше, со прⷪ҇рѡ́ки ликꙋ́ѧ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ро́да зе́мна и҆збавлѧ́ѧй бг҃ъ, да́же до а҆́да прїи́детъ: плѣ̑ннымъ же пода́стъ всѣ̑мъ ѡ҆ставле́нїе, и҆ прозрѣ́нїе слѣпы̑мъ, ꙗ҆́кѡ и҆ нѣмы̑мъ вопи́ти: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "И҆ твоѐ се́рдце, нетлѣ́ннаѧ, ѻ҆рꙋ́жїе про́йдетъ, сѷмеѡ́нъ бцⷣѣ провозгласѝ, на крⷭ҇тѣ̀ зрѧ́щи твоего̀ сн҃а, є҆мꙋ́же вопїе́мъ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́троцы бл҃гоче́стїю совоспита́ни, ѕлочести́вагѡ велѣ́нїѧ небре́гше, ѻ҆́гненнагѡ преще́нїѧ не ᲂу҆боѧ́шасѧ, но посредѣ̀ пла́мене стоѧ́ще, поѧ́хꙋ: ѻ҆тцє́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Любо́вїю къ бг҃ꙋ и҆ лю́демъ разжиза́емъ, не ᲂу҆боѧ́лсѧ є҆сѝ ѻ҆гнѧ̀ ѕло́бы и҆ не́нависти люде́й стропти́выхъ, но бг҃омъ ᲂу҆крѣплѧ́емъ ше́ствовалъ є҆сѝ пꙋ́ть тво́й терни́стый, взыва́ѧ: ѻ҆тцє́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "А҆́бїе по прише́ствїи твое́мъ нача́тъ ꙗ҆зы́къ ꙗ҆по́нскїй и҆зꙋча́ти, ꙗ҆́кѡ да не и҆ноѧзы́чникъ наро́дꙋ бꙋ́деши, и҆ да́ръ пѧтидесѧ́тницы а҆пⷭ҇тольскїѧ полꙋчи́въ, ско́ро преꙋспѣ́лъ є҆сѝ, взыва́ѧ: ѻ҆тцє́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Всю́дꙋ быва́ѧ и҆ сѣ́мѧ сѣ́ѧтелѧ верга́ѧ, гдⷭ҇ню попече́нїю съ вѣ́рою предава́лъ є҆сѝ, тѣ́мже и҆ преꙋмно́жишасѧ ни́ва трꙋдѡ́въ твои́хъ плодоноше́нїемъ и҆ вкꙋ́пѣ съ мно́жествомъ па́ствы твоеѧ̀ взыва́лъ є҆сѝ: ѻ҆тцє́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆́мамы тѧ̀ предста́тельство непосты́дное къ сн҃ꙋ твоемꙋ̀ и҆ бг҃ꙋ на́шемꙋ, мт҃и дв҃о, и҆́мже врагѡ́въ сломлѧ́ютсѧ мечѝ, прегрѣше́нїй проще́нїе прїе́млемъ и҆ жи́знь вѣ́чнꙋю наслѣ́дствꙋемъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Нестерпи́момꙋ ѻ҆гню̀ соедини́вшесѧ, бг҃оче́стїѧ предстоѧ́ще ю҆́ноши, пла́менемъ же невре́ждени, бжⷭ҇твеннꙋю пѣ́снь поѧ́хꙋ: благослови́те, всѧ̑ дѣла̀ гдⷭ҇нѧ, гдⷭ҇а, и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Лю́дїе і҆зра́илєвы твою̀ сла́вꙋ є҆мманꙋ́ила, зрѧ́ще ѻ҆троча̀ и҆зъ дв҃ы, предъ лице́мъ бжⷭ҇твеннагѡ ковче́га ны́нѣ ликꙋ́йте: благослови́те, всѧ̑ дѣла̀ гдⷭ҇нѧ, гдⷭ҇а, и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Сѐ, сѷмеѡ́нъ вопїѧ́ше, прерѣка́емое зна́менїе се́й бꙋ́детъ, бг҃ъ сы́й и҆ ѻ҆троча̀. Семꙋ̀, вѣ́рнїи, возопїи́мъ: благослови́те, всѧ̑ дѣла̀ гдⷭ҇нѧ, гдⷭ҇а, и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Живо́тъ сы́й, се́й бꙋ́детъ паде́нїе непокори̑вымъ, младе́нствовавъ бг҃ъ сло́во, ꙗ҆́кѡ воста́нїе всѣ̑мъ вѣ́рою пою́щымъ: благослови́те, всѧ̑ дѣла̀ гдⷭ҇нѧ, гдⷭ҇а, и҆ превозноси́те во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Чꙋ́да преесте́ственнагѡ показа̀ ѻ҆́бразъ ѻ҆гнеро́снаѧ пе́щь дре́вле: ѻ҆́гнь бо не ѡ҆палѝ ю҆́ныѧ дѣ́ти, хрⷭ҇то́во ꙗ҆влѧ́ѧ безсѣ́менное ѿ дв҃ы бжⷭ҇твенное рожⷭ҇тво̀. Тѣ́мъ, воспѣва́юще, воспои́мъ: да бл҃гослови́тъ тва́рь всѧ̀ гдⷭ҇а и҆ превозно́ситъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Є҆ди́нъ проти́вꙋ ты́сѧщи, и҆зше́лъ є҆сѝ не ѻ҆рꙋ́жїемъ, но кро́тостїю и҆ любо́вїю, бл҃года́тїю же хрⷭ҇та̀, и҆ побѣди́лъ є҆сѝ врагѝ, и҆ вве́лъ є҆сѝ и҆збра̑нныѧ въ цр҃ковь бж҃їю, всѣ́хъ поꙋча́ѧ: да бл҃гослови́тъ тва́рь всѧ̀ гдⷭ҇а и҆ превозно́ситъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Мꙋ́дрый зижди́тель бы́въ, на тве́рдомъ ка́мени вѣ́ры созда́лъ є҆сѝ цр҃ковь ꙗ҆по́нскꙋю, и҆но́гѡ бо ѡ҆снова́нїѧ никто́же мо́жетъ положи́ти па́че поло́женнагѡ хрⷭ҇то́мъ. Тѣ́мже на вѣ́ки ᲂу҆твержде́на тобо́ю воспѣва́етъ: да бл҃гослови́тъ тва́рь всѧ̀ гдⷭ҇а и҆ превозно́ситъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Пꙋ́ть всѧ́кїѧ пло́ти наста̀ де́нь и҆ тебѣ̀ проидтѝ, и҆ бл҃гослови́въ люде́й твои́хъ, и҆ прїѡбщи́всѧ хрⷭ҇то́выхъ та́инъ, коне́цъ земна́гѡ трꙋда̀ прїѧ́лъ є҆сѝ, всѣ́хъ рыда́ти по тебѣ̀ ѡ҆ста́вивъ, и҆ по сме́рти и҆̀хъ наставлѧ́ѧ: да бл҃гослови́тъ тва́рь всѧ̀ гдⷭ҇а и҆ превозно́ситъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "А҆́ще и҆ ᲂу҆́мерлъ є҆сѝ, но жи́въ въ гдⷭ҇ѣ пребыва́еши чꙋдотворѧ̀ ко гро́бꙋ твоемꙋ̀ притека́ющымъ и҆ и҆́мѧ твоѐ призыва́ющымъ, и҆ по все́й ꙗ҆по́нїи прино́сиши сла́вꙋ хрⷭ҇то́вꙋ неслы́шнымъ гла́сомъ вопїѧ̀: да бл҃гослови́тъ тва́рь всѧ̀ гдⷭ҇а и҆ превозно́ситъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Раба̀ бж҃їѧ смире́ннаѧ цр҃и́ца нбⷭ҇наѧ бы́сть и҆ всѣ́хъ покрыва́етъ всемогꙋ́щимъ предста́тельствомъ свои́мъ, и҆ всѣ̑мъ помога́етъ въ напа́стехъ сꙋ́щымъ, и҆ всѣ̑мъ покрыва́етъ согрѣше́нїѧ ма́тернею любо́вїю, и҆ всѣ̑мъ хода́тайствꙋетъ сп҃сти́сѧ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ зако́нѣ сѣ́ни и҆ писа́нїй ѻ҆́бразъ ви́димъ, вѣ́рнїи, всѧ́къ мꙋ́жескїй по́лъ, ложесна̀ разверза́ѧ, ст҃ъ бг҃ꙋ. Тѣ́мъ перворожде́нное сло́во ѻ҆ц҃а̀ безнача́льна, сн҃а первородѧ́щасѧ мт҃рїю неискꙋсомꙋ́жнѡ, велича́емъ."
|
|
},
|
|
{
|
|
"type": "TEXT",
|
|
"value": "И҆́же дрє́внимъ новорожде́нныхъ го́рличищъ сꙋпрꙋ́гъ, дво́ица же бѧ́ше птенцє́въ, въ ни́хже мѣ́сто бжⷭ҇твенный ста́рецъ и҆ цѣломꙋ́дреннаѧ а҆́нна прⷪ҇ро́чица ѿ дв҃ы рожде́нномꙋ и҆ сн҃ꙋ є҆диноро́дномꙋ ѻ҆́ч҃ꙋ, въ це́рковь приноси́мꙋ, слꙋ́жатъ велича́юще."
|
|
},
|
|
{
|
|
"type": "TEXT",
|
|
"value": "Возда́лъ є҆сѝ мнѣ̀, вопїѧ́ше сѷмеѡ́нъ, спасе́нїѧ твоегѡ̀, хрⷭ҇тѐ, ра́дованїе: воспрїимѝ твоего̀ слꙋжи́телѧ, сѣ́нїю претрꙋжде́ннаго, но́выѧ благода́ти сщ҃еннопроповѣ́дника та́йнаго, во хвале́нїи велича́юща."
|
|
},
|
|
{
|
|
"type": "TEXT",
|
|
"value": "Свѧщеннолѣ́пнѡ и҆сповѣ́дашесѧ а҆́нна прорица́ющи, цѣломꙋ́дреннаѧ и҆ преподо́бнаѧ и҆ ста́рица влⷣцѣ въ це́ркви ꙗ҆́вственнѡ: бцⷣꙋ же проповѣ́дающи всѣ́мъ сꙋ́щымъ, велича́ше."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Неизглаго́ланное дв҃ы та́инство: и҆́бо возсїѧ̀, и҆ престо́лъ херꙋві́мскїй, и҆ свѣтоно́сный черто́гъ показа́сѧ хрⷭ҇та̀ бг҃а вседержи́телѧ, сїю̀ бл҃гоче́стнѡ ꙗ҆́кѡ бцⷣꙋ велича́емъ."
|
|
},
|
|
{
|
|
"type": "TEXT",
|
|
"value": "Ѳѷмїа́мъ прино́симъ тебѣ̀ предъ гро́бомъ твои́мъ честны́мъ, ꙗ҆́кѡ да съ кади́ломъ вкꙋ́пѣ и҆ моли̑твы твоѧ̑ возно́сѧтсѧ вы́нꙋ ко гдⷭ҇ꙋ ѡ҆ преспѣ́ѧнїи всѧ́ческомъ па́ствы твоеѧ̀ и҆ вели́кїѧ ꙗ҆по́нїи."
|
|
},
|
|
{
|
|
"type": "TEXT",
|
|
"value": "Є҆ди́наго бг҃а проповѣ́давъ всѧ̑ дни̑ живота̀ твоегѡ̀, то́й тѧ̀ и҆ просла́ви по́двигомъ а҆пⷭ҇тольскимъ и҆ да́ромъ прозорли́вства и҆ жи́знїю ст҃о́ю и҆ вѣ́чнымъ воздаѧ́нїемъ."
|
|
},
|
|
{
|
|
"type": "TEXT",
|
|
"value": "На сме́ртномъ ѻ҆дрѣ̀ тѣ́ла многотрꙋ́днагѡ всѧ̀ ꙗ҆по́нїѧ тѧ̀ почтѐ вкꙋ́пѣ съ царе́мъ свои́мъ, и҆ да́же до ны́нѣ почита́етъ ст҃ꙋ́ю па́мѧть твою̀ и҆ про́ситъ бл҃года́тныѧ по́мощи при гро́бѣ твое́мъ."
|
|
},
|
|
{
|
|
"type": "TEXT",
|
|
"value": "І҆и҃са и҆́мѧ пресла́дкое всегда̀ во ᲂу҆стѣ́хъ и҆ се́рдцѣ и҆мѣ́въ при жи́зни, то́й тебѣ̀ посо́бствова въ дѣ́лѣ и҆ по́двизѣ, и҆ то́й тѧ̀ ᲂу҆поко́и въ вѣ́чныхъ селе́нїихъ по преставле́нїи."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆ ны́нѣ, и҆ при́снѡ, и҆ во вѣ́ки вѣкѡ́въ сла́ва твоѧ̀, бг҃ома́ти, въ ро́ды родѡ́въ человѣ́ческихъ, на землѝ и҆ на нб҃сѝ, бл҃годѣѧ́нїѧ ра́ди сп҃се́нїѧ сп҃са́емыхъ."
|
|
},
|
|
{
|
|
"type": "HEADER",
|
|
"value": "Свѣти́ленъ, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Дꙋ́хомъ во ст҃и́лищи:"
|
|
},
|
|
{
|
|
"type": "TEXT",
|
|
"value": "Дх҃а манове́нїемъ поше́лъ є҆сѝ въ ꙗ҆по́нїю и҆ проповѣ́давъ є҆ѵⷢ҇лїе ѕлѡчести́вымъ, прїѡбрѣ́лъ є҆сѝ хрⷭ҇тꙋ̀ мнѡ́жества. Тѣ́мже съ любо́вїю пра́зднꙋютъ па́мѧть твою̀ и҆ призыва́ютъ тѧ̀ ꙗ҆́кѡ предста́телѧ своего̀ предъ гдⷭ҇омъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника. Самоподо́бенъ:"
|
|
},
|
|
{
|
|
"type": "TEXT",
|
|
"value": "Дх҃омъ во ст҃и́лищи предста́въ ста́рецъ, на рꙋ́ки воспрїѧ́тъ зако́на влⷣкꙋ, вопїѧ̀: ны́нѣ соꙋ́зъ мѧ̀ плотски́хъ разрѣшѝ, ꙗ҆́коже ре́клъ є҆сѝ съ ми́ромъ, ви́дѣхъ бо ѻ҆чи́ма ѿкрове́нїе ꙗ҆зы́кѡвъ и҆ і҆и҃лю сп҃се́нїе."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, на д҃."
|
|
},
|
|
{
|
|
"type": "TEXT",
|
|
"value": "Подо́бенъ: Да́лъ є҆сѝ зна́менїе:"
|
|
},
|
|
{
|
|
"type": "TEXT",
|
|
"value": "Зако́нъ и҆́же въ писа́нїи и҆сполнѧ́ѧ чл҃вѣколю́бецъ, въ цр҃ковь ны́нѣ прино́ситсѧ: и҆ сего̀ прїе́млетъ ста́рыми рꙋка́ми сѷмеѡ́нъ ста́рецъ, ны́нѣ ѿпꙋща́еши мѧ̀, вопїѧ̀, ко ѻ҆́номꙋ блаже́нствꙋ: ви́дѣхъ бо тѧ̀ дне́сь пло́тїю ме́ртвенною ѡ҆бложе́ннаго, живото́мъ госпо́дствꙋюща и҆ сме́ртїю влады́чествꙋюща. Два́жды."
|
|
},
|
|
{
|
|
"type": "TEXT",
|
|
"value": "Свѣ́тъ во ѿкрове́нїе ꙗ҆зы́кѡвъ, ꙗ҆ви́лсѧ є҆сѝ, гдⷭ҇и, на ѻ҆́блацѣ сѣдѧ̀ ле́гцѣ, со́лнце пра́вды, зако́на сѣно́вное и҆сполнѧ́ѧ, и҆ нача́ло и҆з̾ѧвлѧ́ѧ но́выѧ благода́ти. Тѣ́мъ тѧ̀ ви́дѣвъ сѷмеѡ́нъ взыва́ше: и҆зъ и҆стлѣ́нїѧ мѧ̀ разрѣшѝ, ꙗ҆́кѡ ви́дѣхъ тѧ̀ дне́сь."
|
|
},
|
|
{
|
|
"type": "TEXT",
|
|
"value": "Нѣ́дръ роди́телѧ не ѿлꙋ́чсѧ бж҃ество́мъ, вопло́щсѧ, ꙗ҆́коже и҆зво́лилъ є҆сѝ, ѡ҆б̾ѧ́тїѧми держи́мь приснодв҃ы, на рꙋ́ки пода́лсѧ є҆сѝ бг҃опрїи́мца сѷмеѡ́на, рꙋко́ю твое́ю держа́й всѧ́чєскаѧ: тѣ́мже ны́нѣ ѿпꙋща́еши мѧ̀, ра́достнѡ взыва́ше, въ ми́рѣ раба̀ твоего̀, ꙗ҆́кѡ ви́дѣхъ тѧ̀, влⷣко."
|
|
},
|
|
{
|
|
"type": "HEADER",
|
|
"value": "Стїхи̑ры ст҃и́телѧ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ, пресла́внагѡ чꙋдесѐ:"
|
|
},
|
|
{
|
|
"type": "TEXT",
|
|
"value": "Ѽ, пресла́внагѡ чꙋдесѐ, ѿ ка́менїй ꙗ҆по́нскагѡ і҆дѡлослꙋже́нїѧ воздвиза́етъ нїкола́й ст҃и́тель ча̑да а҆враа́мꙋ, и҆ креще́нїемъ ст҃ы́мъ ѡ҆бновлѧ́етъ, и҆ цр҃кви правосла́внѣй прїѡбрѣта́етъ! Ѽ каковы́й сто́лпъ правосла́вїѧ ꙗ҆по́нїи дарова́сѧ, є҆гѡ́же моли́твами, хрⷭ҇тѐ, сп҃сѝ дꙋ́шы на́шѧ, ꙗ҆́кѡ є҆ди́нъ бл҃гъ и҆ чл҃вѣколю́бецъ."
|
|
},
|
|
{
|
|
"type": "TEXT",
|
|
"value": "Ѽ, пресла́внагѡ чꙋдесѐ, пѧтидесѧ́тницы да́ръ полꙋчи́въ нїкола́й ст҃и́тель, не ᲂу҆томи́сѧ, нижѐ преста̀ до конца̀ дне́й свои́хъ прелага́ти всѐ кни̑ги бл҃гоче́стїѧ на ꙗ҆зы́къ ꙗ҆по́нскїй! Ѽ, каковы́й сто́лпъ правосла́вїѧ ꙗ҆по́нїи дарова́сѧ, є҆гѡ́же моли́твами, хрⷭ҇тѐ, сп҃сѝ дꙋ́шы на́шѧ, ꙗ҆́кѡ є҆ди́нъ бл҃гъ и҆ чл҃вѣколю́бецъ."
|
|
},
|
|
{
|
|
"type": "TEXT",
|
|
"value": "Ѽ, пресла́внагѡ чꙋдесѐ, пра́ведникъ, а҆́ще пости́гнетъ сконча́тисѧ, въ поко́и бꙋ́детъ, но живы́мъ сиро́тствꙋющымъ ско́рбь и҆ рыда́нїе! Нїкола́ю ст҃и́телю преста́вльшꙋсѧ, всѧ̀ ꙗ҆по́нїѧ ско́рбїю поскорбѐ ѡ҆ лише́нїи. Ѽ каковы́й сто́лпъ правосла́вїѧ ꙗ҆по́нїи дарова́сѧ, є҆гѡ́же моли́твами, хрⷭ҇тѐ, сп҃сѝ дꙋ́шы на́шѧ, ꙗ҆́кѡ є҆ди́нъ бл҃гъ и҆ чл҃вѣколю́бецъ."
|
|
},
|
|
{
|
|
"type": "HEADER",
|
|
"value": "Сла́ва, ст҃и́телѧ, гла́съ и҃:"
|
|
},
|
|
{
|
|
"type": "TEXT",
|
|
"value": "До́мъ воо́зовъ бога́тый кормлѧ́ще нищетꙋ̀ рꙋ́ѳинꙋ, и҆ вѷзанті́а бл҃гочести́ваѧ ѿкормѝ правосла́вїемъ ꙗ҆зы́чествовавшꙋю болга́рїю. Ны́нѣ же рѡссі́ѧ правосла́внаѧ, гобзꙋ́ющи ѕѣлѡ̀ бл҃гоче́стїемъ, посла̀ въ ꙗ҆по́нїю, ниществꙋ́ющꙋю дꙋ́хомъ ꙗ҆зы́чества, є҆ди́наго то́кмѡ а҆пⷭ҇тола своего̀ нїкола́ѧ, и҆́же ди̑внаѧ сотворѝ поспѣшествꙋ́ющей є҆мꙋ̀ бл҃года́ти: проповѣ́да бо ꙗ҆по́нцамъ хрⷭ҇та̀, крестѝ сп҃са́ющихсѧ, положѝ ѡ҆снова́нїе крѣ́пкое цр҃кве, и҆ бы́сть и҆̀мъ во ѻ҆тца̀, и҆ ті́и примкнꙋ́ша къ немꙋ̀ ꙗ҆́коже дѣ́ти. И҆ сѐ цр҃ковь ꙗ҆по́нскаѧ процвѣта́етъ ны́нѣ и҆ въ прє́днѧѧ. Тогѡ̀ моли́твами хрⷭ҇тѐ бж҃е, бл҃гословѝ ю҆̀ бл҃гослове́нїемъ бл҃госты́ннымъ, ꙗ҆́кѡ да пребꙋ́детъ преспѣва́ющи во вѣ́къ вѣ́ка."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ ѕ҃:"
|
|
},
|
|
{
|
|
"type": "TEXT",
|
|
"value": "На рꙋка́хъ ста́рческихъ въ дне́шнїй де́нь, ꙗ҆́кѡ на колесни́цѣ херꙋві́мстѣй, восклони́тисѧ бл҃говоли́вый, хрⷭ҇тѐ бж҃е, и҆ на́съ пою́щихъ тѧ̀ страсте́й мꙋчи́тельства призыва́емый и҆зба́ви и҆ сп҃сѝ, ꙗ҆́кѡ чл҃вѣколю́бецъ."
|
|
},
|
|
{
|
|
"type": "HEADER",
|
|
"value": "Славосло́вїе вели́кое и҆ ѿпꙋ́стъ. И҆ быва́етъ пома́занїе бра́тїи є҆ле́емъ ѿ лампа́ды ст҃и́телѧ."
|
|
},
|
|
{
|
|
"type": "HEADER",
|
|
"value": "На лїтꙋргі́и: Блажє́нны ѿ канѡ́на пра́здника пѣ́снь г҃-ѧ и҆ ст҃и́телѧ пѣ́снь ѕ҃-ѧ."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ а҃-й:"
|
|
},
|
|
{
|
|
"type": "TEXT",
|
|
"value": "Оу҆ста̀ моѧ̑ возглаго́лютъ премꙋ́дрость и҆ поꙋче́нїе се́рдца моегѡ̀ ра́зꙋмъ."
|
|
},
|
|
{
|
|
"type": "TEXT",
|
|
"value": "Сті́хъ: Оу҆слы́шите сїѧ̑, всѝ ꙗ҆зы́цы, внꙋши́те, всѝ, живꙋ́щїи по вселе́ннѣй."
|
|
},
|
|
{
|
|
"type": "HEADER",
|
|
"value": "А҆пⷭ҇толъ ко є҆вре́ємъ, зача́ло ти҃і."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ в҃: Оу҆ста̀ пра́веднагѡ поꙋча́тсѧ премꙋ́дрости и҆ ꙗ҆зы́къ є҆гѡ̀ возглаго́летъ сꙋ́дъ."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ і҆ѡа́нна, зача́ло л҃ѕ."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю бꙋ́детъ пра́ведникъ:"
|
|
},
|
|
{
|
|
"type": "HEADER",
|
|
"value": "А҆́ще ли настоѧ́тель восхо́щетъ пра́здновати и҆ де́нь рожде́нїѧ ст҃и́телѧ нїкола́ѧ (а҃-й де́нь а҆́ѵгꙋста), да пое́тъ слꙋ́жбꙋ є҆гѡ̀ си́це:"
|
|
},
|
|
{
|
|
"type": "TEXT",
|
|
"value": "На ма́лѣй вече́рни и҆лѝ повече́рїи: Слꙋ́жбы ст҃ы́хъ з҃-ми маккаве́євъ."
|
|
},
|
|
{
|
|
"type": "TEXT",
|
|
"value": "На вели́цѣй же вече́рни: На Гдⷭ҇и, воззва́хъ: трѝ стїхи̑ры честна́гѡ крⷭ҇та̀ и҆ трѝ ст҃и́телѧ. Сла́ва, ст҃и́телѧ, Восто́къ свы́ше: И҆ ны́нѣ, крⷭ҇та̀, Є҆го́же дре́вле: На лїті́и пое́тъ ю҆́же хо́щетъ сла́вꙋ ст҃и́телѧ. На стїхо́внѣ же да пое́тъ стїхи̑ры на Гдⷭ҇и, воззва́хъ: и҆лѝ на Всѧ́кое дыха́нїе: со стїхѝ си́ми: Сщ҃е́нницы твоѝ ѡ҆блекꙋ́тсѧ въ пра́вдꙋ и҆ прпⷣбнїи твоѝ возра́дꙋютсѧ. Мѡѷсе́й и҆ а҆арѡ́нъ во і҆ере́ехъ є҆гѡ̀ и҆ самꙋи́лъ въ призыва́ющихъ и҆́мѧ є҆гѡ̀. Сла́ва, ст҃и́телѧ, Ст҃и́телю нїко́лае: И҆ ны́нѣ, крⷭ҇та̀ честна́гѡ: Гла́съ проро́ка: На бл҃гослове́нїи хлѣ́бѡвъ тропа́рь ст҃и́телѧ два́жды и҆ крⷭ҇та̀ є҆ди́ножды."
|
|
},
|
|
{
|
|
"type": "TEXT",
|
|
"value": "На ᲂу҆́трени: На Бг҃ъ гдⷭ҇ь: тропа́рь креста̀ два́жды. Сла́ва, ст҃и́телѧ. И҆ ны́нѣ, па́ки крⷭ҇та̀. На сѣда́льнахъ пе́рвый сѣда́ленъ ст҃и́телѧ: Повелѣ́нїе свы́ше прїе́мъ: Сла́ва, и҆ ны́нѣ, бг҃оро́диченъ: Повелѣ́нное та́йнѡ прїе́мъ въ ра́зꙋмѣ, въ кро́вѣ і҆ѡ́сифовѣ тща́нїемъ предста̀ безпло́тный глаго́лѧ неискꙋсобра́чнѣй: приклони́вый схожде́нїемъ нб҃са̀ вмѣща́етсѧ неизмѣ́ннѡ ве́сь въ тѧ̀, є҆го́же и҆ ви́дѧ въ ложесна́хъ твои́хъ, прїе́мша ра́бїй зра́къ, ᲂу҆жаса́юсѧ зва́ти тебѣ̀: ра́дꙋйсѧ, невѣ́сто неневѣ́стнаѧ. Вторы́й сѣда́ленъ ст҃и́телѧ: Вознесе́нъ бы́въ: Сла́ва, и҆ ны́нѣ: Вознесы́йсѧ на крⷭ҇тъ во́лею, тезоимени́томꙋ твоемꙋ̀ но́вомꙋ жи́тельствꙋ щедрѡ́ты твоѧ̑ да́рꙋй, хрⷭ҇тѐ бж҃е. Возвеселѝ си́лою твое́ю правосла́вныхъ хрⷭ҇тїа́нъ, побѣ́ды даѧ̀ и҆̀мъ на сꙋпоста́ты, посѡ́бїѧ и҆мꙋ́щымъ твоѐ, ѡ҆рꙋ́жїе ми́ра, непобѣди́мꙋю побѣ́дꙋ. Тре́тїй сѣда́ленъ ст҃и́телѧ: Премꙋ́дрость бжⷭ҇твеннꙋю: Сла́ва, и҆ ны́нѣ, бг҃оро́диченъ: Премꙋ́дрость и҆ сло́во во чре́вѣ твое́мъ заче́нши нево́льнѡ, мт҃и бж҃їѧ, мі́рꙋ родила̀ є҆сѝ ми́ръ содержа́щаго, и҆ во ѡ҆б̾ѧ́тїѧхъ и҆мѣ́ла є҆сѝ всѧ̀ содержа́щаго, пищеда́телѧ всѣ́хъ и҆ творца̀ тва́ри. Тѣ́мже молю́ тѧ, всест҃а́ѧ дв҃о, и҆ вѣ́рою сла́влю тѧ̀ и҆зба́витисѧ мнѣ̀ прегрѣше́нїй, и҆ въ де́нь сꙋда̀, є҆гда̀ предста́ти и҆́мамъ предъ лице́мъ созда́телѧ моегѡ̀, влⷣчце дв҃о чи́стаѧ, твою̀ по́мощь тогда̀ пода́ждь мѝ, всѧ̑ бо мо́жеши є҆ли̑ка хо́щеши, всепѣ́таѧ. И҆ прѡ́чаѧ, ꙗ҆́коже подоба́етъ по ᲂу҆ста́вꙋ, ста́вѧ канѡ́нъ крⷭ҇та̀ вмѣ́стѡ канѡ́на срѣ́тенїѧ. Свѣти́ленъ ст҃и́телѧ, Сла́ва, и҆ ны́нѣ, крⷭ҇та̀. На Всѧ́кое дыха́нїе: стїхи̑ры трѝ чⷭ҇тна́го крⷭ҇та̀ и҆ трѝ ст҃и́телѧ. Сла́ва, ст҃и́телѧ: До́мъ Воо́зовъ: И҆ ны́нѣ, чⷭ҇тна́гѡ крⷭ҇та̀: Пособи́вый, гдⷭ҇и:"
|
|
}
|
|
] |