286 lines
25 KiB
JSON
286 lines
25 KiB
JSON
[
|
|
{
|
|
"type": "HEADER",
|
|
"value": "Феѵрꙋа́рїа в҃і"
|
|
},
|
|
{
|
|
"type": "HEADER",
|
|
"value": "И҆́же во ст҃ы́хъ ѻ҆ц҃а̀ на́шегѡ меле́тїа, а҆рхїепⷭ҇кпа а҆нтїохі́и вели́кїѧ."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры ѻ҆ктѡ́иха г҃: и҆ меле́тїа г҃. Гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "Пло́ти по ѵ҆поста́си соедини́вшасѧ безпло́тнаго, и҆ ѻ҆ц҃ꙋ̀ собезнача́льнаго сло́ва, всемꙋ́дре, кромѣ̀ преложе́нїѧ, и҆ слїѧ́нїѧ, мꙋ́дрѣ наꙋчи́лъ є҆сѝ: дѣ́йствꙋюща же сꙋгꙋ́бѡ ѻ҆бои́ми є҆стествы̀, и҆зъ ни́хже слежи́тъ, и҆ въ ни́хже зри́тсѧ, є҆ди́нъ сы́й нераздѣ́ленъ сꙋщество́мъ, въ се́мъ и҆ ѻ҆́номъ разꙋмѣва́емый."
|
|
},
|
|
{
|
|
"type": "TEXT",
|
|
"value": "Поꙋчи́всѧ, бл҃же́нне, ст҃и́телю меле́тїе, въ зако́нѣ гдⷭ҇ни, ꙗ҆́коже писа́сѧ, дре́во ꙗ҆ви́лсѧ є҆сѝ на вода́хъ поще́нїѧ стоѧ́щее, и҆ плоды̀ добродѣ́телей предлага́ющее бл҃года́тїю, просвѣти́вшагѡ ст҃ꙋ́ю дꙋ́шꙋ твою̀, и҆ всѧ́ческихъ прїѧ́тельнꙋ содѣ́лавша дх҃о́вныхъ ѡ҆сїѧ́нїй."
|
|
},
|
|
{
|
|
"type": "TEXT",
|
|
"value": "Оу҆краси́шасѧ, всемꙋ́дре, писа́тельнѣ лани̑ты твоѧ̑, ꙗ҆́кѡ гѡ́рлицы, лю́бѧщыѧ воздержа́нїе, и҆ пи́щꙋ ѡ҆плева́ющыѧ жела́нїемъ, меле́тїе, пи́щи разꙋ́мныѧ, ю҆́же тебѣ̀ хрⷭ҇то́съ да́рꙋетъ, прїе́мъ мнѡ́гїѧ твоѧ̑ трꙋды̀, и҆ ре́вность разжже́ннꙋю, ю҆́же и҆мѣ́лъ є҆сѝ, предбѣ́дствꙋѧ вѣ́ры ра́ди."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ моли́твꙋ неꙋсыпа́ющꙋ и҆ мольбꙋ̀ пребыва́ющꙋ, и҆мꙋ́щи, пречⷭ҇таѧ, ко гдⷭ҇ꙋ, напа̑сти ᲂу҆спѝ, во́лны ᲂу҆кротѝ ѻ҆каѧ́нныѧ моеѧ̀ дꙋшѝ, и҆ въ ско́рби сꙋ́щее се́рдце моѐ ᲂу҆тѣ́ши, ѻ҆трокови́це, молю́ тѧ, и҆ ѡ҆благодатѝ ᲂу҆́мъ мо́й, ꙗ҆́кѡ да досто́йнѡ тѧ̀ просла́влю."
|
|
},
|
|
{
|
|
"type": "HEADER",
|
|
"value": "Крⷭ҇тобг҃оро́диченъ, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "А҆́гнца и҆ па́стырѧ тѧ̀ на дре́вѣ ꙗ҆́кѡ ви́дѣ, а҆́гница ро́ждшаѧ рыда́ше, и҆ мт҃рски тебѣ̀ вѣща́ше: сн҃е возжелѣ́нне, ка́кѡ на дре́вѣ крⷭ҇тнѣмъ повѣ́шенъ є҆сѝ, долготерпѣли́ве; ка́кѡ рꙋ́цѣ и҆ но́зѣ твоѝ, сло́ве, пригвозди́шасѧ ѿ беззако́нныхъ, и҆ кро́вь твою̀ и҆злїѧ́лъ є҆сѝ, влⷣко."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Пра́вило вѣ́ры, и҆ ѻ҆́бразъ кро́тости, воздержа́нїѧ ᲂу҆чи́телѧ ꙗ҆ви́ тѧ ста́дꙋ твоемꙋ̀, ꙗ҆́же веще́й и҆́стина: сегѡ̀ ра́ди стѧжа́лъ є҆сѝ смире́нїемъ высѡ́каѧ, нището́ю бога̑таѧ, ѻ҆́ч҃е меле́тїе, молѝ хрⷭ҇та̀ бг҃а, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Канѡ́нъ, гла́съ и҃, є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Твоѧ̑ похвалы̑ и҆з̾ѧвлѧ́ю, всебл҃же́нне."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Колесницегони́телѧ фараѡ́нѧ погрꙋзѝ чꙋдотворѧ́й и҆ногда̀ мѡѷсе́йскїй же́злъ, крⷭ҇тоѻбра́знѡ порази́въ и҆ раздѣли́въ мо́ре: і҆и҃лѧ же бѣглеца̀, пѣшехо́дца спасѐ, пѣ́снь бг҃ови воспѣва́юща."
|
|
},
|
|
{
|
|
"type": "TEXT",
|
|
"value": "Свѣтода́вцꙋ предстоѧ̀ ве́сь свѣ́телъ, свѣ́томъ ра́зꙋма ѡ҆мраче́нное ѻ҆́ко дꙋшѝ моеѧ̀ просвѣтѝ, и҆ мглꙋ̀ ѿженѝ страсте́й твои́ми моли́твами: ꙗ҆́кѡ ст҃и́тель бо, прпⷣбне, и҆́маши дерзнове́нїе, меле́тїе."
|
|
},
|
|
{
|
|
"type": "TEXT",
|
|
"value": "Въ нѣ́дрѣхъ ѻ҆ц҃а̀ сѣдѧ́й, сопрⷭ҇носꙋ́щное и҆ соесте́ственное сло́во ро́ждшемꙋ, проповѣ́дника своегѡ̀ бж҃ества̀ поставлѧ́етъ є҆ди́нъ, ꙗ҆́кѡ а҆пⷭ҇лѡмъ є҆динонра́вна тѧ̀ ны́нѣ, ѽ бг҃оѧвле́нне меле́тїе!"
|
|
},
|
|
{
|
|
"type": "TEXT",
|
|
"value": "Бжⷭ҇твеннымъ просвѣти́всѧ сїѧ́нїемъ, ѿ безнача́льнагѡ ѻ҆ц҃а̀, є҆диноро́дна сло́ва, несозда́нна, вѣ́чна, бг҃осло́вилъ є҆сѝ, прпⷣбне: а҆́рїєвы же побо́рники є҆диномы́слєнныѧ разгна́лъ є҆сѝ, бжⷭ҇твеннымъ всеѻрꙋ́жїемъ ѡ҆гражда́емь."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Воплоще́ннаго, прест҃а́ѧ, родила̀ є҆сѝ, пре́жде безпло́тнаго, бг҃онача́льнаго сло́ва: є҆ди́на бо ѿ вѣ́ка лꙋча́ми чистоты̀, двⷭ҇тва же добро́тою, и҆ всенепоро́чными дарова̑нїи, была̀ є҆сѝ досто́йна, всенепоро́чнаѧ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆твержде́й въ нача́лѣ нб҃са̀ ра́зꙋмомъ, и҆ зе́млю на вода́хъ ѡ҆снова́вый, на ка́мени мѧ̀, хрⷭ҇тѐ, за́повѣдей твои́хъ ᲂу҆твердѝ: ꙗ҆́кѡ нѣ́сть свѧ́тъ па́че тебє̀, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Твердѣ́йшꙋ дꙋ́шꙋ а҆дама́нта и҆мѣ́ѧ, гнило́е є҆ресе́й мнѣ́нїе, ты̀ ᲂу҆че́ньми благоче́стїѧ просвѣ́щсѧ, всеблаже́нне, ѡ҆плева́лъ є҆сѝ. Тѣ́мже вѣ́рнїи тѧ̀ всѝ пѣ́сньми, бг҃омꙋ́дре, почита́емъ."
|
|
},
|
|
{
|
|
"type": "TEXT",
|
|
"value": "Оу҆подо́бивсѧ добродѣ́тельми хрⷭ҇тѡ́вымъ а҆пⷭ҇лѡмъ, ѻ҆́нѣхъ вла́сть и҆ престо́лъ наслѣ́довалъ є҆сѝ ꙗ҆́вственнѡ, меле́тїе всесла́вне, правосла́вїѧ сто́лпъ, и҆ бл҃гоче́стїѧ побо́рниче бы́въ."
|
|
},
|
|
{
|
|
"type": "TEXT",
|
|
"value": "Всыновле́нъ бг҃ꙋ, и҆́же ѿ бг҃а, бг҃а сло́ва, не низве́лъ є҆сѝ въ тва́рь безꙋ́мнѡ: но просла́вилъ є҆сѝ ѻ҆ц҃ꙋ̀ собезнача́льна и҆ сопрⷭ҇то́льна, содѣ́телѧ и҆ зижди́телѧ всѣ́хъ вѣкѡ́въ, бг҃опрїѧ́тне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Въ твою̀ ст҃ꙋ́ю бг҃ъ ᲂу҆тро́бꙋ всели́всѧ, воплоти́сѧ, ꙗ҆́коже вѣ́сть, бг҃ома́ти, и҆ спасѐ на́съ живоно́сными свои́ми стрⷭ҇тьмѝ: тѣ́мже тѧ̀ спасе́нїѧ две́рь, дв҃о, зна́емъ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Поꙋчи́всѧ де́нь же и҆ но́щь въ зако́нѣ гдⷭ҇ни, ѻ҆́ч҃е мꙋ́дре, ꙗ҆́кѡ дре́во плодови́то на вода́хъ дх҃о́вныхъ насажде́но ꙗ҆ви́лсѧ є҆сѝ: тѣ́мже сщ҃е́нствовавъ бг҃ꙋ непоро́чнѡ, а҆́рїева хꙋле́нїѧ и҆ саве́ллїева ѕлосла́внагѡ нра́ва ꙗ҆́вѣ возгнꙋша́всѧ, правосла́вною мы́слїю, ст҃и́телю меле́тїе: молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти пра́зднꙋющымъ любо́вїю свѧтꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Плотски̑мъ недꙋ́гѡмъ многови̑днымъ и҆ дꙋшє́внымъ страстє́мъ многоѻбра̑знымъ, и҆сцѣле́нїе ѡ҆брѣ́тъ тобо́ю, пренепоро́чнаѧ, печа́лємъ же разрѣше́нїе, бѣда́мъ и҆ ско́рбемъ премѣне́нїе гото́во, и҆ ско́ро и҆збавле́нїе вѣ́рою несомнѣ́нною и҆ те́плымъ се́рдцемъ и҆сповѣ́даю твоѧ̑ ми́лѡсти, влⷣчце, сынѡ́мъ же человѣ́чєскимъ мнѡ́гаѧ твоѧ̑ чꙋдеса̀: и҆ молю́сѧ, кро́вомъ кри́лъ твои́хъ при́снѡ соблюстѝ, и҆ сохрани́ти мѧ̀ всегда̀."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: А҆́гнца и҆ па́стырѧ и҆ и҆зба́вителѧ а҆́гница зрѧ́щи на крⷭ҇тѣ̀, восклица́ше пла́чꙋщи, и҆ го́рькѡ рыда́ющи вопїѧ́ше: мі́ръ ᲂу҆́бѡ ра́дꙋетсѧ, прїе́млѧ тобо́ю и҆збавле́нїе, ᲂу҆тро́ба же моѧ̀ гори́тъ, зрѧ́щи твоѐ распѧ́тїе, є҆́же терпи́ши за милосе́рдїе ми́лости. Долготерпѣли́ве гдⷭ҇и, ми́лости бе́здно, и҆ и҆сто́чниче неисчерпа́емый, ᲂу҆милосе́рдисѧ, и҆ да́рꙋй согрѣше́нїй ѡ҆ставле́нїе вѣ́рою пою́щымъ бж҃е́ствєнныѧ стра̑сти твоѧ̑."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ моѧ̀ крѣ́пость, гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. Тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Ꙗ҆́вственнѡ, сщ҃еннотаи́нниче, преизѧ́ществовавъ, петра̀ прⷭ҇то́лъ наслѣ́довалъ є҆сѝ верхо́внагѡ, ѿ хрⷭ҇та̀ рꙋкоположе́ннагѡ, є҆гѡ́же и҆ нра́вꙋ поревнова́въ, сн҃а бг҃а жива́гѡ сп҃са просла́вилъ є҆сѝ, ᲂу҆че́нїємъ ѻ҆́нагѡ послѣ́дꙋѧ."
|
|
},
|
|
{
|
|
"type": "TEXT",
|
|
"value": "Всеразли́чными ᲂу҆кра́шенъ дарова́ньми, є҆динонача́лїѧ проповѣ́дникъ бы́лъ є҆сѝ, во ѻ҆ц҃ѣ̀ и҆ є҆диноро́днѣмъ сло́вѣ познава́емагѡ, и҆ бжⷭ҇твеннѣмъ дс҃ѣ, всемꙋ́дре: є҆ди́ницꙋ ᲂу҆́бѡ сꙋщество́мъ, въ тре́хъ ли́цѣхъ сꙋ́щꙋ, наꙋчи́лъ є҆сѝ, преподо́бне."
|
|
},
|
|
{
|
|
"type": "TEXT",
|
|
"value": "Воспита́всѧ добро́тами, бг҃оꙋче́нне, и҆ заре́ю тоѧ̀ воѡбража́емь, и҆ просвѣти́всѧ бжⷭ҇твенными блиста́ньми по прича́стїю, цр҃кви свѣ́тъ вторы́й бы́лъ є҆сѝ, бг҃оѧвле́нне, просвѣще́нїе бл҃гоче́стїѧ ꙗ҆влѧ́ѧ вѣ́рою притека́ющымъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Да ѻ҆́бразъ погребе́нный страстьмѝ взы́щеши бога́тствомъ бла́гости, въ дв҃и́ческꙋю всели́лсѧ є҆сѝ ᲂу҆тро́бꙋ, и҆зъ неѧ́же ты̀ премꙋ́дрость бж҃їѧ хра́мъ созда́лъ є҆сѝ, и҆́мже по́жилъ є҆сѝ съ человѣ́ки, ще́дре, и҆ спа́слъ є҆сѝ мі́ра концы̀."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннаго, но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Жирꙋ́ющей безмѣ́стнѡ всѧ́кой є҆́реси ѕлоде́мѡнстѣй, превше́лъ є҆сѝ, ѻ҆́ч҃е, бл҃горо́дїемъ дꙋшѝ, и҆ свѣ́тлостїю, и҆ всест҃ы́мъ нра́вомъ, и҆ тве́рдымъ бл҃гоче́стїемъ, бг҃оѧвле́нне пребл҃же́нне меле́тїе."
|
|
},
|
|
{
|
|
"type": "TEXT",
|
|
"value": "Всѧ́кимъ ᲂу҆се́рдїемъ а҆́рїєвы є҆диномꙋ́дренники ѿвраща́ѧ, правосла́вною вѣ́рою, бг҃оно́се, держа́вꙋ ᲂу҆тверди́лъ є҆сѝ, въ трⷪ҇цѣ є҆ди́наго бг҃а на́мъ проповѣ́дꙋѧ, всебл҃же́нне ѻ҆́ч҃е меле́тїе."
|
|
},
|
|
{
|
|
"type": "TEXT",
|
|
"value": "Пребжⷭ҇твенныѧ трⷪ҇цы таи́нникъ бы́лъ є҆сѝ всеи́стиннѣйшїй, ѻ҆ц҃ꙋ̀ сло́во є҆диносꙋ́щно чествꙋ́ѧ и҆ сопрⷭ҇то́льно, и҆ бжⷭ҇твенный дх҃ъ є҆диноесте́ственъ ѻ҆ц҃ꙋ̀ и҆ сло́вꙋ, всечестны́й ѻ҆́ч҃е меле́тїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вѡ́инства вы́шнихъ, всечⷭ҇таѧ, си́лъ тѧ̀ ᲂу҆блажа́ютъ, ро́дове же всѝ человѣ́честїи досто́йнѡ сла́вѧтъ: тебє́ бо ра́ди є҆ди́ныѧ сꙋ́щи на землѝ съ нбⷭ҇ными совокꙋ́пльшесѧ, пою́тъ, дв҃о, ржⷭ҇тво̀ твоѐ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆чи́сти мѧ̀, сп҃се, мнѡ́га бо беззакѡ́нїѧ моѧ̑, и҆ и҆зъ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е спасе́нїѧ моегѡ̀."
|
|
},
|
|
{
|
|
"type": "TEXT",
|
|
"value": "И҆зсꙋши́лъ є҆сѝ пото́ки, бг҃омꙋ́дре, є҆реті́чєскїѧ, ѿве́рзлъ же є҆сѝ и҆сто́чники догма́тѡвъ пра́вости, непобѣди́мь побо́рникъ правосла́вїѧ бы́въ, бг҃облаже́нне."
|
|
},
|
|
{
|
|
"type": "TEXT",
|
|
"value": "И҆зсꙋши́въ мꙋ́тный а҆́рїевъ то́къ и҆ безбо́жный, напои́лъ є҆сѝ бога́тнѡ бл҃года́тными вода́ми вѣ́рныхъ собо́ры, и҆ цр҃ко́вное бл҃голѣ́пїе ᲂу҆краси́лъ є҆сѝ."
|
|
},
|
|
{
|
|
"type": "TEXT",
|
|
"value": "Живы́й подо́бнѡ бжⷭ҇твенными начина́ньми, бы́лъ є҆сѝ пресвѣ́телъ, ѻ҆́ч҃е, дѣ́латель, неꙋкло́нно забра́ло бг҃оче́стїѧ, и҆ па́стырей наста́вникъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Просвѣща́ютъ дꙋ́шы правосла́внѡ пою́щихъ тѧ̀ речє́нїѧ прⷪ҇ро́чєскаѧ, твоѐ провозвѣща́юще пречⷭ҇тое зача́тїе, и҆ є҆́же вы́ше сло́ва, бг҃оневѣ́сто, твоѐ ржⷭ҇тво̀."
|
|
},
|
|
{
|
|
"type": "HEADER",
|
|
"value": "Конда́къ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Дх҃о́внагѡ твоегѡ̀ дерзнове́нїѧ ᲂу҆боѧ́всѧ, ѿстꙋ́пникъ бѣ́гаетъ македо́нїй, моли́твенное же слꙋже́нїе соверша́юще твоѝ рабѝ, любо́вїю притека́емъ, а҆́гг҃лѡмъ собесѣ́дниче меле́тїе, ѻ҆́гненный мечꙋ̀ хрⷭ҇та̀ бг҃а на́шегѡ, всѧ̑ безбѡ́жныѧ закала́ѧй: воспѣва́емъ тѧ̀ свѣти́льника, просвѣти́вшаго всѧ̑."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃їѧ снизхожде́нїѧ ѻ҆́гнь ᲂу҆стыдѣ́сѧ въ вавѷлѡ́нѣ и҆ногда̀, сегѡ̀ ра́ди ѻ҆́троцы въ пещѝ ра́дованною ного́ю, ꙗ҆́кѡ во цвѣ́тницѣ ликꙋ́юще, поѧ́хꙋ: благослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ст҃ы́й тѧ̀ собо́ръ, первостоѧ́телѧ и҆мѧ́ше, бг҃опрїѧ́тное, є҆го́же ст҃ы́й дх҃ъ ѿ конє́цъ во є҆ди́но собра̀, пѣсносло́вѧщыѧ тогѡ̀ бж҃ество̀: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Равноче́стно полꙋчи́лъ є҆сѝ предсѣда́тельство а҆пⷭ҇лѡвъ хрⷭ҇то́выхъ, и҆ бжⷭ҇твенное си́хъ ᲂу҆че́нїе наслѣ́довалъ є҆сѝ, и҆ житїю̀ подо́бѧсѧ, пѣ́лъ є҆сѝ: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Оу҆́мъ и҆мѣ́ѧ ѻ҆стрѣ́йшъ, къ бг҃овидѣ́нїю просте́ртъ, є҆реті́чествꙋющихъ тꙋпозрѣ́нїю порꙋга́лсѧ є҆сѝ, бл҃гочести̑выѧ же ᲂу҆чѧ̀ взыва́лъ є҆сѝ: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́кѡ зерца́ло чи́сто твоеѧ̀ чистоты̀ блиста́ющасѧ бл҃года́тїю, свѣтороди́тельница, дв҃о, и҆ бцⷣа всечⷭ҇таѧ была̀ є҆сѝ. Тѣ́мже согла́снѡ ржⷭ҇твꙋ̀ твоемꙋ̀ пое́мъ: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею спасє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Пресвѣ́тлѡ наꙋчи́лъ є҆сѝ, є҆ди́но чти́ти бжⷭ҇тво̀, є҆́же во ѻ҆ц҃ѣ̀, и҆ сн҃ѣ, и҆ дс҃ѣ: и҆ си́лꙋ безмѣ́рнꙋ, и҆ црⷭ҇тво є҆ди́но ꙗ҆́вѣ, сво́йствѡмъ крѣ́пкѡ соблюда́ємымъ, ко́ейждо ѵ҆поста́си. Є҆мꙋ́же и҆ поѧ̀ вопїѧ́лъ є҆сѝ: лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Свѧты́ни хра́мъ, свѧти́телю, бы́въ, всѧ̑ ѡ҆свѧща́еши, твоѐ и҆́мѧ нарица́ти тща́щыѧсѧ, и҆ ѻ҆́бразъ, ѻ҆́тче, тво́й любо́вїю, ꙗ҆̀же къ тебѣ̀, написꙋ́ющыѧ, блаже́нне, и҆ вѣ́рою пою́щыѧ: благослови́те, всѧ̑ дѣла̀ гдⷭ҇нѧ, гдⷭ҇а, по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Тайнонаставле́ньми и҆зрѧ́днѣйшее твоѐ ста́до просвѣти́лъ є҆сѝ: ны́нѣ же перворо́дныхъ це́рковь возрасти́лъ є҆сѝ, приложе́нїе бы́въ ѿ вѣ́ка просїѧ́вшымъ, свѧти́тельскими и҆ та́йными слꙋ́жбами. Съ ни́миже вопїе́ши непреста́ннѡ: сщ҃е́ннїи, по́йте, лю́дїе, превозноси́те гдⷭ҇а во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Наꙋча́еми, всечⷭ҇таѧ, є҆́же на тебѣ̀ та́инствомъ, и҆ бы́вшее тобо́ю пожина́юще дꙋша́мъ и҆збавле́нїе и҆ спасе́нїе, зове́мъ со а҆рха́гг҃ломъ гаврїи́ломъ тебѣ̀, ра́дꙋйсѧ, вопїю́ще, бцⷣе, и҆ вѣ́рнѡ пѣснопою́ще тѧ̀, и҆ превозносѧ́ще, чⷭ҇таѧ, во вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее нб҃съ. Тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ."
|
|
},
|
|
{
|
|
"type": "TEXT",
|
|
"value": "Невеще́ственнѡ невеще́ственномꙋ предстоѧ̀, є҆го́же и҆ зижди́телѧ всѣ́хъ и҆ гдⷭ҇а, и҆ ѻ҆́ч҃ее сло́во, и҆ мꙋ́дрость, сꙋ́щественнѣ и҆ соесте́ственнѣ сꙋ́ща ты̀ бг҃осло́вилъ є҆сѝ свѣ́тлѡ, молѧ̀ не преста́й спастѝ, и҆̀же вѣ́рою тѧ̀, бг҃оглаго́ливе, хва́лѧщыѧ."
|
|
},
|
|
{
|
|
"type": "TEXT",
|
|
"value": "Трꙋды̀ потѧ́щасѧ дꙋхо́вными, и҆ ᲂу҆се́рднѡ є҆щѐ борю́щасѧ за него̀ съ дꙋхобо́рцы, тѧ̀ зрѧ̀ благі́й и҆ ст҃ы́й дх҃ъ вѣнча́въ, ꙗ҆́кѡ побѣди́телѧ прїѧ́тъ досто́йнѡ и҆ съ вы́шними, всеблаже́нне, ликостоѧ̑нїи счисли́ тѧ."
|
|
},
|
|
{
|
|
"type": "TEXT",
|
|
"value": "По́двигъ соверши́въ благочести́вый, и҆ тече́нїе сконча́въ, добрѣ́йшее, и҆ пра́вѣй вѣ́рѣ наꙋчи́въ всеблагоче́стнѡ, пра́ведный вѣне́цъ ѿ всѣ́хъ содѣ́телѧ прїѧ́лъ є҆сѝ, бг҃оглаго́ливе, собо́ра ᲂу҆чи́телей пѣ́снь ѿ пѣ́сней предпосыла́ѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆до́бнѡ, бцⷣе, преитѝ житїѧ̀ пода́ждь мѝ бꙋ́рю, напа́стей настоѧ̑нїѧ и҆ страсте́й, ꙗ҆́кѡ бл҃га ᲂу҆кротѧ́щи, и҆ наставлѧ́ющи къ добродѣ́тели и҆ стезѝ пра́вости, да ꙗ҆́кѡ бл҃годѣ́тельницꙋ непреста́ннѡ велича́ю тѧ̀."
|
|
}
|
|
] |