530 lines
43 KiB
JSON
530 lines
43 KiB
JSON
[
|
|
{
|
|
"type": "HEADER",
|
|
"value": "І҆ꙋ́нїа а҃"
|
|
},
|
|
{
|
|
"type": "HEADER",
|
|
"value": "Преподо́бнагѡ ѻ҆ц҃а̀ на́шегѡ дїонѵ́сїа глꙋши́цкагѡ, но́вагѡ чꙋдотво́рца."
|
|
},
|
|
{
|
|
"type": "HEADER",
|
|
"value": "Ве́черъ, Бл҃же́нъ мꙋ́жъ: На Гдⷭ҇и, воззва́хъ, стїхи̑ры на ѕ҃, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Да́лъ є҆сѝ зна́менїе:"
|
|
},
|
|
{
|
|
"type": "TEXT",
|
|
"value": "Пе́рвѣе пости́всѧ, пло́ти взыгра̑нїѧ воздержа́нїемъ ᲂу҆мертви́лъ є҆сѝ: второ́е побѣ́дꙋ взѧ́лъ є҆сѝ на врагѝ, и҆ низложи́лъ є҆сѝ и҆́хъ кова̑рства твои́ми пѡ́двиги, дїонѵ́сїе бг҃облаже́нне. Тѣ́мже тѧ̀ вѣнча̀ сꙋгꙋ́быми вѣнцы̑ і҆и҃съ чл҃вѣколю́бецъ, и҆ сп҃съ дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Стрꙋѧ́ми сле́зъ твои́хъ сѣ́мѧ бжⷭ҇твенное напои́лъ є҆сѝ, ꙗ҆́кѡ землѧ̀ благоплодови́та, бг҃одꙋхнове́нне, стори́цею воздаѧ̀, преподо́бїѧ пло́дъ прозѧ́блъ є҆сѝ вои́стиннꙋ, и҆ въ жи̑тницы собра́лъ є҆сѝ мы́слєнныѧ, си́лою дꙋхо́вною, тебѐ претво́ршагѡ премѣне́нїемъ лꙋ́чшимъ, дїонѵ́сїе пресла́вне."
|
|
},
|
|
{
|
|
"type": "TEXT",
|
|
"value": "Вѣ́рою и҆ любо́вїю, ѽ празднолю́бцы, соше́дшесѧ дне́сь, ѱалмы̑ и҆ пѣ́сньми восхва́лимъ нбⷭ҇наго человѣ́ка, земна́го а҆́гг҃ла. Къ немꙋ́же возопїе́мъ: ѽ всеблаже́нне преподо́бне, пꙋсты́нный жи́телю, по́стникѡвъ похвало̀, ѡ҆ на́съ моли́сѧ ко гдⷭ҇ꙋ, ѻ҆́ч҃е дїонѵ́сїе, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Прпⷣбне и҆ бг҃облаже́нне ѻ҆́ч҃е дїонѵ́сїе, вои́стиннꙋ сподо́билсѧ є҆сѝ бжⷭ҇твенныѧ жи́зни, посто́мъ и҆ бдѣ́нїемъ и҆знꙋрѧ́ѧ тѣ́ло твоѐ, ѻ҆́бразъ бы́въ мона́хѡмъ: а҆́ще бо и҆ тѣле́сный ѧ҆зы́къ ᲂу҆молчѐ, но чꙋдеса̀ свидѣ́тельствꙋютъ, пꙋсты́нѧ проповѣ́дающи хва́литсѧ, и҆мѣ́ющи въ себѣ̀ неѿе́млемое сокро́вище: лю́дїе бо зрѧ́ще честнꙋ́ю ра́кꙋ моще́й твои́хъ и҆ чꙋдеса̀ быва́ємаѧ, прославлѧ́ютъ просла́вльшаго тѧ̀ гдⷭ҇а. Є҆мꙋ́же моли́сѧ непреста́ннѡ, дарова́ти во́инствꙋ на́шемꙋ на врагѝ побѣ̑ды, и҆ вселе́ннѣй ми́ръ и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Цр҃ь нбⷭ҇ный, за чл҃вѣколю́бїе:"
|
|
},
|
|
{
|
|
"type": "HEADER",
|
|
"value": "А҆́ще н҃-ца, И҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. Чтє́нїѧ трѝ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ є҃.)"
|
|
},
|
|
{
|
|
"type": "TEXT",
|
|
"value": "Пра́вєдницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе благолѣ́пїѧ, и҆ вѣне́цъ добро́ты ѿ рꙋкѝ гдⷭ҇ни: занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ: прїи́метъ щи́тъ непобѣди́мый, преподо́бїе: поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ: по́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ благокрꙋ́гла лꙋ́ка ѻ҆блакѡ́въ на намѣ́ренїе полетѧ́тъ. И҆ ѿ каменоме́тныѧ ꙗ҆́рости, и҆спо́лнь падꙋ́тъ гра́ды: вознегодꙋ́етъ на ни́хъ вода̀ морска́ѧ: рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дх҃ъ си́лы, и҆ ꙗ҆́кѡ ви́хоръ развѣ́етъ и҆̀хъ, и҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. Слы́шите ᲂу҆̀бо, ца́рїе, и҆ разꙋмѣ́йте: навы́кните, сꙋдїи̑ концє́въ землѝ. Внꙋши́те, держа́щїи мно́жєства и҆ гордѧ́щїисѧ ѡ҆ наро́дѣхъ ꙗ҆зы̑къ: ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ г҃.)"
|
|
},
|
|
{
|
|
"type": "TEXT",
|
|
"value": "Првⷣныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѿ на́съ ше́ствїе, сокрꙋше́нїе, ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено, и҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ: ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ благода́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ д҃.)"
|
|
},
|
|
{
|
|
"type": "TEXT",
|
|
"value": "Првⷣникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости житїѐ нескве́рное. Бл҃гоꙋго́денъ бг҃ови бы́въ, возлю́бленъ бы́сть: и҆ живы́й посредѣ̀ грѣ̑шникъ, преста́вленъ бы́сть: восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ. Лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "Ꙗ҆ви́всѧ ѿ ма́тернихъ пеле́нъ, бг҃оно́се преподо́бне дїонѵ́сїе, сосꙋ́дъ, ѻ҆́ч҃е, бы́лъ є҆сѝ, и҆ до́мъ прест҃а́гѡ дх҃а."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ пред̾ гдⷭ҇емъ сме́рть преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Носѧ̀ на ра̑мꙋ твоє́ю гдⷭ҇ень крⷭ҇тъ, дїонѵ́сїе ѻ҆́ч҃е преподо́бне, бѣсо́вское мечта́нїе до конца̀ потреби́лъ є҆сѝ, и҆ вѣ̑рнымъ и҆сцѣле́нїе дарова́лъ є҆сѝ."
|
|
},
|
|
{
|
|
"type": "TEXT",
|
|
"value": "Сті́хъ: Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Пре́лесть лꙋка́выхъ бѣсѡ́въ ѡ҆бличи́лъ є҆сѝ крⷭ҇тною си́лою, бо́дренными моли́твами и҆ сле́зными и҆стѡ́чники, цр҃кви вѣ́рныхъ ѡ҆богати́лъ є҆сѝ, бг҃облаже́нне дїонѵ́сїе."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Є҆́же по ѻ҆́бразꙋ соблю́дъ невреди́мѡ, ᲂу҆́мъ влⷣкꙋ на стра̑сти па̑гꙋбныѧ по́стнически поста́вивъ, во є҆́же по подо́бїю ꙗ҆́кѡ мо́щно возше́лъ є҆сѝ: мꙋ́жески бо є҆стество̀ понꙋ́дивъ, потща́лсѧ є҆сѝ хꙋ́ждшее покори́ти лꙋ́чшемꙋ, и҆ пло́ть порабо́тити дꙋ́хꙋ. Тѣ́мже мона́шествꙋющихъ ꙗ҆ви́лсѧ є҆сѝ ве́рхъ, жи́тель пꙋсты́нный, благотекꙋ́щихъ ѡ҆бꙋчи́тель, пра́вило добродѣ́тели и҆звѣ́стнѣйшее. И҆ ны́нѣ на нб҃сѣ́хъ, зерца́лѡмъ разрѣ́шшымсѧ, ѻ҆́ч҃е на́шъ дїонѵ́сїе, чи́стѣ зри́ши ст҃ꙋ́ю трⷪ҇цꙋ, молѧ́сѧ несре́дственнѣ ѡ҆ и҆̀же вѣ́рою и҆ любо́вїю чтꙋ́щихъ тѧ̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бцⷣе, ты̀ є҆сѝ лоза̀ и҆́стиннаѧ:"
|
|
},
|
|
{
|
|
"type": "HEADER",
|
|
"value": "А҆́ще н҃-ца: И҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "Тропа́рь, гла́съ а҃:"
|
|
},
|
|
{
|
|
"type": "TEXT",
|
|
"value": "Бж҃е́ственною любо́вїю ѿ ю҆́ности распала́емь, дїонѵ́сїе преподо́бне, всѧ̑ ꙗ҆̀же въ мі́рѣ кра̑снаѧ возненави́дѣвъ, хрⷭ҇та̀ є҆ди́наго возлюби́лъ є҆сѝ: и҆ сегѡ̀ ра́ди во внꙋ́треннюю пꙋсты́ню всели́лсѧ є҆сѝ, со ѕвѣрьмѝ живы́й ве́сь хрⷭ҇тꙋ̀: ѿѻнꙋ́дꙋже и҆ всеви́дѧщее ѻ҆́ко твоѧ̑ трꙋды̀ ви́дѣвъ, да́ромъ чꙋде́съ и҆ по преставле́нїи ѡ҆богати́лъ тѧ̀ є҆́сть. Тѣ́мже вопїе́мъ тѝ: молѝ непреста́ннѡ ѡ҆ всѣ́хъ на́съ, честнꙋ́ю па́мѧть твою̀ при́снѡ въ пѣ́снехъ почита́ющихъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Гаврїи́лꙋ вѣща́вшꙋ тебѣ̀, дв҃о:"
|
|
},
|
|
{
|
|
"type": "HEADER",
|
|
"value": "На ᲂу҆́трени, по а҃-й стїхоло́гїи, сѣда́ленъ, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Красотѣ̀:"
|
|
},
|
|
{
|
|
"type": "TEXT",
|
|
"value": "Сою́зомъ любвѐ привѧза́всѧ хрⷭ҇тꙋ̀, земна̑ѧ же и҆ мимотекꙋ̑щаѧ возненави́дѣвъ, пꙋсты́нное ѡ҆ѕлобле́нїе ᲂу҆се́рднѡ под̾ѧ́лъ є҆сѝ: бѣсѡ́вскаѧ же ѡ҆полчє́нїѧ, и҆ и҆́хъ многоко́зненнꙋю си́лꙋ до конца̀ посрами́лъ є҆сѝ, и҆ подвигополо́жникъ хрⷭ҇то́съ дарова́нїемъ чꙋде́съ ѡ҆богати́ тѧ. Тѣ́мже тѧ̀ почита́емъ, дїонѵ́сїе бг҃омꙋ́дре. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ невоздѣ́ланнаѧ, дв҃о, лоза̀, краснѣ́йшїй гро́здъ прозѧбла̀ є҆сѝ, и҆сточа́ющь на́мъ вїно̀ спасе́нїѧ, всѣ́хъ веселѧ́щее дꙋ́шы же и҆ тѣлеса̀. Тѣ́мже ꙗ҆́кѡ винꙋ́ тѧ до́брыхъ бл҃жа́ще при́снѡ, со а҆́гг҃ломъ вопїе́мъ тѝ: ра́дꙋйсѧ, благода́тнаѧ."
|
|
},
|
|
{
|
|
"type": "HEADER",
|
|
"value": "По в҃-й стїхоло́гїи, сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Ли́къ а҆́гг҃льскїй:"
|
|
},
|
|
{
|
|
"type": "TEXT",
|
|
"value": "Житїѐ благоче́стнѡ на землѝ стѧжа́въ, прїѧ́телище чи́сто дх҃ꙋ ты̀ ꙗ҆ви́лсѧ є҆сѝ, просвѣща́ѧ вѣ́рою къ тебѣ̀ притека́ющыѧ, блаже́нне. Тѣ́мже молѝ твоего̀ влⷣкꙋ, просвѣти́ти дꙋ́шы на́съ воспѣва́ющихъ тѧ̀, дїонѵ́сїе преподо́бне, ѻ҆́ч҃е на́шъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Всѣ́хъ творца̀, и҆ бг҃а, и҆ содѣ́телѧ, всенепоро́чнаѧ чⷭ҇таѧ, дх҃омъ бж҃е́ственнымъ въ ложесна́хъ заче́нши, безъ и҆стлѣ́нїѧ родила̀ є҆сѝ. Є҆го́же сла́вѧще, тѧ̀ воспѣва́емъ, дв҃о, ꙗ҆́кѡ пала́тꙋ цр҃ѧ̀ всѣ́хъ, и҆ мі́рꙋ застꙋпле́нїе."
|
|
},
|
|
{
|
|
"type": "HEADER",
|
|
"value": "По полѷеле́и, сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Ѡ҆кормлѧ́емь си́лою вседѣ́тельною, и҆ вѣ́триломъ кре́стнымъ ѡ҆бложе́нъ, легкѡ̀ преплы́лъ є҆сѝ житїѧ̀ мо́ре, и҆ къ бж҃е́ствєннымъ вои́стиннꙋ приста́нищємъ дости́глъ є҆сѝ, добродѣ́телей кꙋ́плю мно́гꙋ стѧжа́въ, ю҆́же всѣ́хъ влⷣцѣ прине́слъ є҆сѝ, и҆́же, благі́й ра́бе, слы́шалъ є҆сѝ. Недꙋ́гꙋющихъ и҆сцѣли́лъ є҆сѝ, ско́рчившихсѧ рꙋ́цѣ и҆спра́вилъ є҆сѝ, слѣпы̑ѧ просвѣща́ѧ, нѣмы̑мъ повелѣ́лъ є҆сѝ вопи́ти: дїонѵ́сїе преподо́бне, молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти чтꙋ́щымъ любо́вїю ст҃ꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Въ напа̑сти многоплетє́нныѧ впа́дъ, ѿ вра̑гъ ви́димыхъ и҆ неви́димыхъ, бꙋ́рею ѡ҆держи́мь безчи́сленныхъ согрѣше́нїй мои́хъ: и҆ ꙗ҆́кѡ къ те́пломꙋ застꙋпле́нїю и҆ покро́вꙋ моемꙋ̀, чⷭ҇таѧ, ко приста́нищꙋ притека́ю твоеѧ̀ бл҃гости. Тѣ́мже, пречⷭ҇таѧ, и҆зъ тебє̀ воплоще́нномꙋ безсѣ́меннѡ, моли́сѧ прилѣ́жнѡ ѡ҆ всѣ́хъ рабѣ́хъ твои́хъ, непреста́ннѡ молѧ́щихтисѧ, бцⷣе пречⷭ҇таѧ, молѧ́щи є҆го̀ при́снѡ, согрѣше́нїй ѡ҆ставле́нїе дарова́ти воспѣва́ющымъ досто́йнѡ сла́вꙋ твою̀."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "TEXT",
|
|
"value": "Прокі́менъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе матѳе́а, зача́ло м҃г."
|
|
},
|
|
{
|
|
"type": "HEADER",
|
|
"value": "Ѱало́мъ н҃. Стїхи́ра, гла́съ в҃:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ, преподо́бне ѻ҆́ч҃е дїонѵ́сїе, всече́стне, и҆́же зако́нъ гдⷭ҇ень до́брѣ и҆звы́клъ є҆сѝ, и҆ вѣ́рꙋ соблю́лъ є҆сѝ невреди́мꙋ, хода́тай ꙗ҆ви́всѧ ѡ҆ ста́дѣ твое́мъ хрⷭ҇тꙋ̀ бг҃ꙋ. Того̀ молѝ ᲂу҆мири́ти мі́ръ, и҆ спастѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Канѡ́нъ бцⷣы на ѕ҃: И҆ ст҃а́гѡ на и҃. Гла́съ и҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Колесницегони́телѧ фараѡ́нѧ погрꙋзѝ чꙋдотворѧ́й и҆ногда̀ мѡѷсе́йскїй же́злъ, крⷭ҇тоѻбра́знѡ порази́въ и҆ раздѣли́въ мо́ре, і҆и҃лѧ же бѣглеца̀, пѣшехо́дца, спасѐ, пѣ́снь бг҃ови воспѣва́юща."
|
|
},
|
|
{
|
|
"type": "TEXT",
|
|
"value": "Ѡ҆заре́нїемъ ст҃а́гѡ дх҃а ѡ҆зарѝ бл҃гоче́стнѡ любо́вїю пѣ́сньми восхвалѧ́ющихъ тѧ̀, по́стникѡвъ похвало̀, мона́шествꙋющихъ сла́во, пꙋсты́ни ᲂу҆краси́телю, бл҃гоче́стїѧ ᲂу҆чи́телю, дїонѵ́сїе."
|
|
},
|
|
{
|
|
"type": "TEXT",
|
|
"value": "Ѿ ю҆́ности жела́нїе къ бг҃ꙋ возложи́въ, и҆ къ немꙋ̀ ра́дꙋѧсѧ возше́лъ є҆сѝ, и҆мѣ́ѧ всѐ твоѐ помышле́нїе, взыгра́нїе пло́ти и҆ страсте́й нахожде́нїе воздержа́нїемъ ᲂу҆мертви́лъ є҆сѝ, дїонѵ́сїе прехва́льне."
|
|
},
|
|
{
|
|
"type": "TEXT",
|
|
"value": "Попра́въ ѕмі́ѧ, тогѡ̀ сѣ̑ти легкѡ̀ прелетѣ́лъ є҆сѝ, кри́лы бл҃гоче́стїѧ впери́всѧ, ѻ҆́ч҃е: живо́тъ бо ра́дꙋѧсѧ ѡ҆б̾ѧ́лъ є҆сѝ ѿ са́да крⷭ҇тнагѡ, блаже́нне дїонѵ́сїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆ста́ви неꙋста́вное помышле́нїе смꙋще́нїѧ, пречⷭ҇таѧ дв҃о, мт҃и бж҃їѧ, къ сн҃ꙋ твоемꙋ̀ направлѧ́ющи движє́нїѧ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ є҆сѝ ᲂу҆твержде́нїе притека́ющихъ къ тебѣ̀, гдⷭ҇и, ты̀ є҆сѝ свѣ́тъ ѡ҆мраче́нныхъ, и҆ по́етъ тѧ̀ дꙋ́хъ мо́й."
|
|
},
|
|
{
|
|
"type": "TEXT",
|
|
"value": "Во свѣ́тѣ невеще́ственнѣ и҆ мы́сленнѣ, ѿ печа́лей веще́ственныхъ восте́къ къ нбⷭ҇нымъ невеще́ствєннымъ чинѡ́мъ, преподо́бне, моли́твами твои́ми на́съ просвѣтѝ."
|
|
},
|
|
{
|
|
"type": "TEXT",
|
|
"value": "Воздержа́нїѧ сла́дость и҆ска́павъ, ѿри́нꙋлъ є҆сѝ го́ресть страсте́й: тѣ́мже па́че ме́да и҆ со́та наслади́лъ є҆сѝ, ѻ҆́ч҃е, чꙋ̑вствїѧ на̑ша."
|
|
},
|
|
{
|
|
"type": "TEXT",
|
|
"value": "Возше́дъ на высотꙋ̀ добродѣ́телей, до́лꙋ влекꙋ́щыѧ ѡ҆плева́лъ є҆сѝ сла̑сти, сла́дость показа́всѧ спасе́нїѧ, ѻ҆́ч҃е преподо́бне, ста́дꙋ твоемꙋ̀ просѝ грѣхѡ́въ ѡ҆ставле́нїѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Премꙋ́дрость и҆ сло́во ѻ҆́ч҃ее несказа́ннѡ родила̀ є҆сѝ, дꙋшѝ моеѧ̀ лю́тꙋю и҆сцѣлѝ ꙗ҆́звꙋ, и҆ серде́чнꙋю болѣ́знь ᲂу҆толѝ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃:"
|
|
},
|
|
{
|
|
"type": "TEXT",
|
|
"value": "Красоты̑ мїрскі̑ѧ ѿ млады́хъ ногте́й, преподо́бне, возненави́дѣвъ, є҆ди́наго хрⷭ҇та̀ ѿ се́рдца возлюби́лъ є҆сѝ, и҆ томꙋ̀ все́ю дꙋше́ю прилѣпи́всѧ, ꙗ҆́кѡ безпло́тенъ на землѝ пожи́лъ є҆сѝ съ пло́тїю: сла́вꙋ же мимотекꙋ́щꙋю, и҆ бога́тство нивочто́же вмѣни́въ, нбⷭ҇ное бога́тство воспрїѧ́лъ є҆сѝ, и҆ сла́вꙋ вѣ́чнꙋю. Тѣ́мже и҆ ᲂу҆блажа́емъ ст҃о́е твоѐ ᲂу҆спе́нїе, и҆ въ не́мъ торжествꙋ́юще вопїе́мъ тѝ: бг҃обл҃же́нне ѻ҆́ч҃е на́шъ дїонѵ́сїе, молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти чтꙋ́щымъ любо́вїю ст҃ꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ дв҃ꙋ и҆ є҆ди́нꙋ въ жена́хъ, тѧ̀ безъ сѣ́мене ро́ждшꙋю бг҃а пло́тїю, всѝ ᲂу҆блажа́емъ ро́ди человѣ́честїи: ѻ҆́гнь бо всели́сѧ въ тѧ̀ бжⷭ҇тва̀, и҆ ꙗ҆́кѡ млⷣнца млеко́мъ пита́еши зижди́телѧ и҆ гдⷭ҇а. Тѣ́мъ а҆́гг҃льскїй и҆ человѣ́ческїй ро́дъ, досто́йнѡ сла́вимъ прест҃о́е ржⷭ҇тво̀ твоѐ, и҆ согла́снѡ вопїе́мъ тѝ: молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти покланѧ́ющымсѧ вѣ́рою прест҃о́мꙋ ржⷭ҇твꙋ̀ твоемꙋ̀."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ моѧ̀ крѣ́пость, гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. Тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Дꙋше́вное ѡ҆чища́ѧ чꙋ́вство, и҆ разширѧ́ѧ бжⷭ҇твенными видѣ̑нїи, бж҃е́ственныхъ дарова́нїй сподо́билсѧ є҆сѝ, бг҃облаже́нне, къ ра́цѣ моще́й твои́хъ притека́ющымъ, дїонѵ́сїе преподо́бне, подае́ши ско́рое и҆сцѣле́нїе."
|
|
},
|
|
{
|
|
"type": "TEXT",
|
|
"value": "Зако́нѡмъ бж҃їимъ повинꙋ́ѧсѧ, прпⷣбне, къ смотре́нїю безпло́тныхъ и҆ мы́сленныхъ твоѐ хꙋдо́жество ᲂу҆пра́вилъ є҆сѝ, преходѧ̀ вы́нꙋ ѿ сла́вы въ сла́вꙋ, ѿ си́лы, ѻ҆́ч҃е, въ си́лꙋ."
|
|
},
|
|
{
|
|
"type": "TEXT",
|
|
"value": "Бг҃оꙋго́днѡ пожи́въ, пꙋсты̑ни ꙗ҆́кѡ гра́ды сотвори́лъ є҆сѝ, потрє́бны и҆ дꙋшеполє́зны, и҆сто́чникъ и҆сцѣле́нїй пролива́ѧ вѣ́рою покланѧ́ющымсѧ ра́цѣ моще́й твои́хъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Новора́сленный безсме́ртїѧ ра́й, и҆ красе́нъ вои́стиннꙋ показа́ласѧ є҆сѝ, дв҃о: дре́во бо жи́зни въ тебѣ̀ насади́сѧ бг҃онача́льно, є҆́же во чре́вѣ твое́мъ носѧ́щи родила̀ є҆сѝ, всѣ̑мъ и҆ска́пающее спасе́нїѧ наде́ждꙋ, вѣ́рнѡ, бцⷣе, и҆сповѣ́дающымъ тѧ̀."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннаго, но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Оу҆гаси́въ пла́мень страсте́й росо́ю подвигѡ́въ твои́хъ, ѻ҆́ч҃е блаже́нне дїонѵ́сїе, бога́тнѡ вже́глъ є҆сѝ ѻ҆гне́мъ любвѐ вѣ́ры воздержа́нїѧ свѣти́льникъ, просвѣще́нїе безстра́стїѧ, и҆ сы́нъ днѐ ꙗ҆ви́лсѧ є҆сѝ."
|
|
},
|
|
{
|
|
"type": "TEXT",
|
|
"value": "Вѣ́ры гро́здъ бжⷭ҇твеннымъ дѣ́ланїемъ, ѻ҆́ч҃е, воспита́лъ є҆сѝ, и҆ въ точи́лѣхъ поста́вивъ, и҆згне́лъ є҆сѝ болѣ́зньми поще́нїѧ, и҆ ча́шꙋ напо́лнилъ є҆сѝ дꙋхо́внꙋю воздержа́нїѧ, весели́ши сердца̀ ста́да твоегѡ̀."
|
|
},
|
|
{
|
|
"type": "TEXT",
|
|
"value": "До́блественнѣ претерпѣ́въ бїє́нїѧ неви́димыхъ врагѡ́въ, показа́лсѧ є҆сѝ сто́лпъ непоколеби́мь, ᲂу҆твержда́ѧ ста́до твоѐ па́лицею бжⷭ҇твенною, словесы̀ медото́чными, бл҃же́нне дїонѵ́сїе преподо́бне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Є҆ди́на ро́ждши дв҃ою, є҆ди́на мꙋженеискꙋ́снаѧ ꙗ҆ви́ласѧ є҆сѝ, всенепоро́чнаѧ, во ᲂу҆тро́бѣ сло́во ѻ҆́ч҃ее прїе́мши безнача́льное, млеко́мъ дои́ши, чⷭ҇таѧ, чꙋ́до стра́шно! Дѣ́вствꙋеши, и҆ зако́ны ѡ҆бновлѧ́еши є҆стества̀."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆чи́сти мѧ̀, сп҃се, мнѡ́га бо беззакѡ́нїѧ моѧ̑, и҆ и҆зъ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е спасе́нїѧ моегѡ̀."
|
|
},
|
|
{
|
|
"type": "TEXT",
|
|
"value": "И҆сцѣле́нїй рѣ́ки и҆сточа́еши, стра̑сти земноро́дныхъ бж҃е́ственнѡ ѡ҆чища́еши, ра́дꙋющесѧ вѣ́рою, восхвалѧ́емъ твоѧ̑ по́двиги, чꙋ́дне."
|
|
},
|
|
{
|
|
"type": "TEXT",
|
|
"value": "Зако́ннѡ ѿ всѣ́хъ содѣ́телѧ десни́цею вѣнча́лсѧ є҆сѝ, преподо́бне дїонѵ́сїе, небе́сный граждани́не, а҆́гг҃лѡмъ равностоѧ́телю."
|
|
},
|
|
{
|
|
"type": "TEXT",
|
|
"value": "Нетлѣ́ннагѡ и҆ бжⷭ҇твеннагѡ пребыва́нїѧ, и҆ непости́жныхъ наслажда́ѧсѧ ны́нѣ бл҃ги́хъ. А҆́гг҃лѡмъ собесѣ́дниче, дїонѵ́сїе бг҃омꙋ́дре, восхвалѧ́ющыѧ тѧ̀ спаса́й."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Бг҃а ро́ждши, всѧ́кїѧ тва́ри влⷣчце, ꙗ҆́кѡ вои́стиннꙋ є҆ди́на бцⷣе, превы́шши ꙗ҆ви́ласѧ є҆сѝ."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃."
|
|
},
|
|
{
|
|
"type": "TEXT",
|
|
"value": "Всѐ твоѐ ᲂу҆́мное жела́нїе къ бг҃ꙋ впери́въ, томꙋ̀ невозвра́тнѡ ѿ дꙋшѝ послѣ́довалъ є҆сѝ, въ пꙋсты́ню всели́всѧ, и҆ та́мѡ а҆́гг҃льски пожи́въ, мнѡ́гимъ пꙋ́ть бы́лъ є҆сѝ ко спасе́нїю: сегѡ̀ ра́ди и҆ хрⷭ҇то́съ тебѐ просла́ви, и҆ да́ромъ чꙋде́съ ѡ҆богатѝ. Тѣ́мже всѝ вопїе́мъ тѝ: ра́дꙋйсѧ, дїонѵ́сїе преподо́бне, пꙋсты́нный жи́телю."
|
|
},
|
|
{
|
|
"type": "TEXT",
|
|
"value": "І҆́косъ: Хра́мъ бг҃ꙋ, ꙗ҆́кѡ вои́стиннꙋ себѐ содѣ́лавъ, ѻ҆́ч҃е, и҆ вы́шнѧгѡ і҆ерꙋсали́ма ꙗ҆ви́всѧ граждани́нъ, бж҃е́ственными добродѣ́тельми твои́ми безпло́тныхъ че́сти сподо́билсѧ є҆сѝ. Тѣ́мже и҆ мы̀ зрѧ́ще чꙋдеса̀, похвале́нїю достѡ́йнаѧ, ꙗ҆̀же ᲂу҆дивлѧ́ютъ на́съ, и҆ наꙋча́ютъ тебѣ̀ зва́ти такова̑ѧ: ра́дꙋйсѧ, бл҃гочести́вагѡ ѻ҆тца̀ ѻ҆́трасль, и҆ ма́тере бл҃гоговѣ́йныѧ вѣ́твь: ра́дꙋйсѧ, цѣломꙋ́дрїѧ сто́лпе, и҆́мже бѣсѡ́вскаѧ шата̑нїѧ и҆скорени́шасѧ: ра́дꙋйсѧ, свѣти́льниче многосвѣ́тлый: ра́дꙋйсѧ, ꙗ҆́кѡ ᲂу҆вѧди́лъ є҆сѝ плотска̑ѧ мꙋдрова̑нїѧ: ра́дꙋйсѧ, пꙋсты́ни до́брое прозѧбе́нїе: ра́дꙋйсѧ, пра́ведныхъ бж҃е́ственное наслажде́нїе: ра́дꙋйсѧ, ꙗ҆́кѡ презрѣ́лъ є҆сѝ текꙋ̑щаѧ и҆ тлѣ̑ннаѧ: ра́дꙋйсѧ, ꙗ҆́кѡ на нб҃сѣ́хъ со а҆́гг҃лы живе́ши: ра́дꙋйсѧ, ꙗ҆́кѡ мона́шествꙋющихъ и҆звѣ́стное пра́вило: ра́дꙋйсѧ лѣнѧ́щихсѧ къ бг҃ꙋ дерзнове́нїе: ра́дꙋйсѧ, и҆сто́чниче чꙋде́съ бг҃ото́чный: ра́дꙋйсѧ, чⷭ҇тны́й дх҃а сосꙋ́де, наста́вниче на́шегѡ спасе́нїѧ: ра́дꙋйсѧ, дїонѵ́сїе преподо́бне, пꙋсты́нный жи́телю."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿ і҆ꙋде́и доше́дше, ѻ҆́троцы въ вавѷлѡ́нѣ и҆ногда̀, вѣ́рою трⷪ҇ческою пла́мень пе́щный попра́ша, пою́ще: ѻ҆ц҃є́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Вре́мєннаѧ ѿложи́въ, вѣ́чными ᲂу҆краси́лсѧ є҆сѝ: со а҆́гг҃лы ликꙋ́еши, ꙗ҆́кѡ а҆́гг҃льское пожи́въ житїѐ, съ ни́миже пое́ши: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Непреста́ннѡ мо́лимъ, дїонѵ́сїе бг҃омꙋ́дре, ѡ҆ ста́дѣ твое́мъ прилѣ́жнѡ моли́сѧ, тебѐ на моли́твꙋ призыва́ющихъ и҆ плоды̀ приносѧ́щихъ, и҆ любо́вїю пою́щихъ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Въ ѕла́цѣ вы́шнѧгѡ црⷭ҇твїѧ ста́до твоѐ, ѻ҆́ч҃е, воспита́лъ є҆сѝ, и҆ жезло́мъ ᲂу҆че́нїй ᲂу҆па́слъ є҆сѝ вѣ́рнѡ пою́щыѧ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆зба́ви на́съ, хрⷭ҇тѐ, ѿ стрⷭ҇те́й и҆ бѣ́дъ, и҆ ѡ҆бстоѧ́нїй, и҆ недꙋ́гѡвъ многоѻбра́зныхъ, моли́твами пречⷭ҇тыѧ твоеѧ̀ мт҃ре и҆ преподо́бнагѡ дїонѵ́сїа, взыва́ющихъ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Цр҃ѧ̀ нбⷭ҇наго, є҆го́же пою́тъ вѡ́и а҆́гг҃льстїи, хвали́те и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Сто́лпъ тѧ̀ ѡ҆дꙋшевле́нъ ꙗ҆́кѡ вои́стиннꙋ, и҆ ѻ҆́бразъ воздержа́нїѧ, ѻ҆́ч҃е, стѧжа́вше, всѝ твою̀, дїонѵ́сїе, па́мѧть почита́емъ."
|
|
},
|
|
{
|
|
"type": "TEXT",
|
|
"value": "Собо́ръ ра́дꙋетсѧ мона́шескїй, и҆ ликꙋ́етъ преподо́бныхъ со́нмъ, съ ни́миже пра́ведныхъ вѣне́цъ досто́йнѡ воспрїѧ́лъ є҆сѝ."
|
|
},
|
|
{
|
|
"type": "TEXT",
|
|
"value": "Оу҆кра́шенъ добродѣ́тельми, въ невѣ́стницѣ неизрече́нныѧ сла́вы возле́глъ є҆сѝ, пѣ́снь воспѣва́ѧ хрⷭ҇тꙋ̀ во вѣ́ки всѧ̑."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Поглоще́на болѣ́зньми, и҆ па́дша возста́ви, бг҃ома́ти, ꙗ҆́кѡ да тѧ̀ сла́влю во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Чтⷭ҇ꙋю сла́внѡ почти́мъ, лю́дїе, бцⷣꙋ, ѻ҆́гнь бж҃ества̀ прїи́мшꙋю во чре́вѣ неѡпа́льнѡ, пѣ́сньми велича́емъ."
|
|
},
|
|
{
|
|
"type": "TEXT",
|
|
"value": "Недꙋ́гꙋющихъ въ паде́нїи вра́чь ѿ бг҃а показа́лсѧ є҆сѝ, и҆ ѡ҆чи́стникъ, бл҃же́нне, и҆ прогони́тель лꙋка́выхъ дꙋхѡ́въ, бг҃оно́се дїонѵ́сїе, тѣ́мъ тѧ̀ всѝ велича́емъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ тлѣ́нно жили́ще, зе́млю ѡ҆ста́вивъ, ѻ҆́ч҃е, всели́лсѧ є҆сѝ въ зе́млю кро́ткихъ, и҆ съ ни́ми ра́дꙋешисѧ, бж҃е́ственнагѡ наслажда́ѧсѧ, ѻ҆́ч҃е, сїѧ́нїѧ."
|
|
},
|
|
{
|
|
"type": "TEXT",
|
|
"value": "Неꙋкло́ненъ къ вѣ́рѣ предѣ́лъ, и҆ ѻ҆́бразъ воздержа́нїѧ и҆мꙋ́ще, по́двиги твоѧ̑ къ зижди́телю вои́стиннꙋ, пѣ́сньми тѧ̀ велича́емъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Въ тѧ̀ всели́всѧ, всенепоро́чнаѧ, пе́рвѣе родонача̑льныѧ ѕлоѻбра́знѡ запе́ншаго, человѣкоꙋбі́йцꙋ низложѝ роди́выйсѧ, и҆ всѣ́хъ на́съ спасѐ."
|
|
},
|
|
{
|
|
"type": "TEXT",
|
|
"value": "Свѣти́ленъ: Пристра́стїѧ мїрска́гѡ ꙗ҆́кѡ ѿ скве́рны ᲂу҆клони́лсѧ є҆сѝ, разꙋ́мнагѡ сл҃нца свѣтоза́рнаѧ лꙋча̀ возсїѧ̀, свѣти́льникъ многосвѣ́тлый, пꙋсты́нное воспита́нїе, и҆ чистоты̀ ѻ҆би́телище, хрⷭ҇тѡ́вы добрѡ́ты ꙗ҆́снѡ зрѧ̀, є҆гѡ́же сїѧ́нїемъ ᲂу҆́мъ тво́й ѡ҆зари́лъ є҆сѝ, и҆ сла́вою ѡ҆богати́лсѧ є҆сѝ нб҃сною, дїонѵ́сїе сла́вне. Мо́лимъ тѧ̀, въ ми́рѣ сохранє́нымъ бы́ти па́мѧть твою̀ почита́ющымъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ и҆мꙋ́щи милосе́рдїе и҆ ми́лость ве́лїю, при́зри, препѣ́таѧ бцⷣе дв҃о, на моѐ смире́нїе, и҆ страсте́й молвꙋ̀, и҆ собла́знъ житїѧ̀ разорѝ, ѻ҆трокови́це, и҆ ѻ҆гнѧ̀ гее́нскагѡ и҆зба́ви мѧ̀ моли́твами твои́ми."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры на д҃, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Є҆гда̀ ѿ дре́ва:"
|
|
},
|
|
{
|
|
"type": "TEXT",
|
|
"value": "Дїонѵ́сїе, мона́хѡвъ ᲂу҆добре́нїе, прозѧбе́нїе кра́сное пꙋсты́ни, преподо́бныхъ похвало̀, вѣ́рныхъ ᲂу҆твержде́нїе, любо́вїю творѧ́щихъ твою̀ всечестнꙋ́ю па́мѧть, и҆ къ ра́цѣ моще́й твои́хъ пристꙋпа́ющихъ, и҆зба́ви ѡ҆бстоѧ́нїѧ всѧ́кагѡ и҆ ѻ҆́гненнагѡ ѡ҆сꙋжде́нїѧ. Два́жды."
|
|
},
|
|
{
|
|
"type": "TEXT",
|
|
"value": "Трⷪ҇цѣ хра́мъ са́мъ себѐ содѣ́лалъ є҆сѝ, ѻ҆́ч҃е бг҃обл҃же́нне, въ пꙋсты̑ни непрохѡ́дныѧ заше́дъ, ꙗ҆́кѡ мѡѷсе́й въ сїна́йскꙋю го́рꙋ, всели́лсѧ є҆сѝ: и҆дѣ́же прїи́мъ бж҃е́ственный зако́нъ, мона́хѡвъ же мно́жество вои́стиннꙋ наꙋчи́лъ є҆сѝ и҆зрѧ́дномꙋ житїю̀: и҆ ны́нѣ прикаса́ющымсѧ къ ра́цѣ моще́й твои́хъ, подае́ши всѣ̑мъ и҆сцѣле́нїе."
|
|
},
|
|
{
|
|
"type": "TEXT",
|
|
"value": "И҆мѣ́ѧ дерзнове́нїе ко хрⷭ҇тꙋ̀ бг҃ꙋ, моли́сѧ ѡ҆ ста́дѣ твое́мъ, преподо́бне, сохрани́тисѧ ѿ и҆скꙋше́нїй вра́жїихъ, и҆ ꙗ҆зы́ческихъ нахожде́нїй, ѻ҆гнѧ̀ и҆ меча̀, и҆ всѧ́кагѡ прило́га, и҆ навѣ́та лꙋка́вагѡ: тебе́ бо гра́дъ и҆ покро́въ и҆мꙋ́ще, на тѧ̀ наде́ждꙋ съ бг҃омъ стѧжа́хомъ, бл҃же́нне."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃. Самогла́сенъ."
|
|
},
|
|
{
|
|
"type": "TEXT",
|
|
"value": "На нб҃о текꙋ́щꙋю возше́дъ колесни́цꙋ, чꙋ́дне, добродѣ́телей дости́глъ є҆сѝ кра́йнее, житїѧ̀ воздержа́нїемъ: и҆зъ пꙋсты́ни смотрѧ́ѧ вы́шнѧгѡ і҆ерⷭ҇ли́ма красѡты̀, и҆ болѣ́зненныхъ подвигѡ́въ досто́йнѡ по́чєсти воспрїи́мъ, съ нб҃сными ра́дꙋешисѧ чинонача̑лїи, преблаже́нне, вѣ́чныхъ бла̑гъ наслѣ́дникъ ꙗ҆ви́лсѧ є҆сѝ, нбⷭ҇нагѡ црⷭ҇твїѧ жи́тель бы́въ. Моли́сѧ, бг҃оно́се дїонѵ́сїе, сп҃сꙋ всѣ́хъ, ᲂу҆мири́ти мі́ръ и҆ спастѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Влⷣчце, прїимѝ моли́твꙋ:"
|
|
},
|
|
{
|
|
"type": "HEADER",
|
|
"value": "А҆́ще ли пѧтьдесѧ́тница, И҆ ны́нѣ, пра́здника. Славосло́вїе вели́кое. И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и: Блажє́нна, ѿ канѡ́на пѣ́снь г҃-ѧ и҆ ѕ҃-ѧ:"
|
|
},
|
|
{
|
|
"type": "TEXT",
|
|
"value": "Прокі́менъ: Честна̀ предъ гдⷭ҇емъ:"
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ гала́тѡмъ, зача́ло сг҃і."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ ѕ҃: Блаже́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе лꙋкѝ, зача́ло к҃д."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю бꙋ́детъ пра́ведникъ:"
|
|
}
|
|
] |