290 lines
21 KiB
JSON
290 lines
21 KiB
JSON
[
|
|
{
|
|
"type": "HEADER",
|
|
"value": "І҆ꙋ́нїа з҃"
|
|
},
|
|
{
|
|
"type": "HEADER",
|
|
"value": "Ст҃а́гѡ сщ҃енномꙋ́ченика ѳеодо́та, є҆пⷭ҇копа а҆гкѵ́рскагѡ."
|
|
},
|
|
{
|
|
"type": "HEADER",
|
|
"value": "Стїхи̑ры, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ."
|
|
},
|
|
{
|
|
"type": "TEXT",
|
|
"value": "Ра́достнымъ се́рдцемъ и҆ тве́рдымъ по́мысломъ, подвигѡ́мъ, мꙋ́чениче, бл҃годерзнꙋ́лъ є҆сѝ вои́стиннꙋ, не ᲂу҆боѧ́всѧ мꙋчи́тельныхъ болѣ́зней, ни нꙋ́ждныѧ сме́рти. Тѣ́мже зако́ннѡ пострада́въ, свѣ́тлѡ вѣнча́лсѧ є҆сѝ, ѳеодо́те."
|
|
},
|
|
{
|
|
"type": "TEXT",
|
|
"value": "И҆скꙋше́ньми пло́ти твоеѧ̀ ᲂу҆ѧзви́лъ є҆сѝ сꙋпоста́ты, блаже́нне, и҆ сострѣлѧ́лъ є҆сѝ си́хъ ѡ҆бличє́нїи сердца̀: ка́плѧми же и҆злїѧ́нїй крове́й твои́хъ, пото́ки и҆зсꙋши́лъ є҆сѝ до конца̀, безбо́жїѧ, пребл҃же́нне."
|
|
},
|
|
{
|
|
"type": "TEXT",
|
|
"value": "Терпѣли́внѡ свѣща́ми ѡ҆палѧ́емь и҆ ра́нами хребе́тъ сокрꙋша́емь, мꙋ́чениче, претерпѣ́лъ є҆сѝ зовы́й: хрⷭ҇то́вы любвѐ ѿню́дъ ничто́же мѧ̀ разлꙋчи́тъ, ни сме́рть, ни живо́тъ, нижѐ всѧ́ка и҆́на мꙋ́ка."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры прест҃ы́ѧ бцⷣы, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Ѡ҆держи́ми падє́нїи ненаде́жными, чⷭ҇таѧ, тѧ̀ предста́тельницꙋ є҆ди́нꙋ и҆мꙋ́ще, дв҃о, вопїе́мъ благода́рственнѡ: ѡ҆чи́сти ны̀, прест҃а́ѧ бг҃оневѣ́сто: ты́ бо є҆сѝ мі́рꙋ прибѣ́жище, и҆ застꙋпле́нїе ро́дꙋ на́шемꙋ."
|
|
},
|
|
{
|
|
"type": "TEXT",
|
|
"value": "Жезло́мъ твоегѡ̀ предста́тельства, бг҃ороди́тельнице чⷭ҇таѧ, ѕвѣри̑ныѧ стра̑сти ѻ҆каѧ́нныѧ дꙋшѝ моеѧ̀ ѿженѝ вско́рѣ, ми́рнѡ живо́тъ мо́й ᲂу҆правлѧ́ющи, и҆ ст҃о́мꙋ мѧ̀ ста́дꙋ и҆збра́нныхъ твои́хъ ѻ҆ве́цъ причтѝ."
|
|
},
|
|
{
|
|
"type": "TEXT",
|
|
"value": "Согрѣше́нїй пꙋчи́ною потоплѧ́емь, къ ти́хомꙋ приста́нищꙋ пречⷭ҇тыѧ твоеѧ̀ моли́твы, бг҃ороди́тельнице, прибѣ́гъ, взыва́ю тѝ: спаси́ мѧ, держа́внꙋю твою̀ пода́вши десни́цꙋ рабꙋ̀ твоемꙋ̀, пренепоро́чнаѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ:"
|
|
},
|
|
{
|
|
"type": "TEXT",
|
|
"value": "Нра́вомъ гнилы́мъ попо́лзсѧ, ни́цъ лежꙋ̀, и҆ къ твое́й дв҃о, притека́ю тишинѣ̀, ѿ бꙋ́ри сопроти́вныѧ и҆ и҆скꙋше́нїй многоѻбра́зныхъ мѧ̀ и҆зба́ви, да пою̀ твою̀ благода́ть непреста́ннѡ, бцⷣе мт҃и приснодв҃о."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: Оу҆ крⷭ҇та̀ предстоѧ́щи сн҃а и҆ бг҃а твоегѡ̀, и҆ долготерпѣ́нїе тогѡ̀ смотрѧ́ющи, глаго́лаше пла́чꙋщи мт҃и чⷭ҇таѧ: ᲂу҆вы̀ мнѣ̀, ча́до сладча́йшее, что̀ сїѧ̑ стра́ждеши непра́веднѡ, сло́ве бж҃їй, да спасе́ши человѣ́чество;"
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "И҆ нра́вѡмъ прича́стникъ, и҆ прⷭ҇то́лѡмъ намѣ́стникъ а҆пⷭ҇лѡмъ бы́въ, дѣѧ́нїе ѡ҆брѣ́лъ є҆сѝ, бг҃одохнове́нне, въ видѣ́нїѧ восхо́дъ, сегѡ̀ ра́ди сло́во и҆́стины и҆справлѧ́ѧ, и҆ вѣ́ры ра́ди пострада́лъ є҆сѝ да́же до кро́ве, сщ҃енномꙋ́чениче ѳеодо́те: молѝ хрⷭ҇та̀ бг҃а, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Канѡ́нъ, творе́нїе і҆ѡ́сифово, гла́съ ѕ҃, є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Бж҃їе даѧ́нїе бы́лъ є҆сѝ и҆́стиннѡ, блаже́нне."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ꙗ҆́кѡ по сꙋ́хꙋ, пѣшеше́ствовавъ і҆и҃ль по бе́зднѣ стопа́ми, гони́телѧ фараѡ́на ви́дѧ потоплѧ́ема, бг҃ꙋ побѣ́днꙋю пѣ́снь, пои́мъ, вопїѧ́ше."
|
|
},
|
|
{
|
|
"type": "TEXT",
|
|
"value": "Бг҃осїѧ́ннꙋю тѧ̀ ѕвѣздꙋ̀ мы́сленное показа́въ сл҃нце, на высотѣ̀ своеѧ̀ цр҃кве, всю̀ зе́млю блиста́ньми, бл҃же́нне, твои́хъ страда́нїй ᲂу҆ѧснѝ."
|
|
},
|
|
{
|
|
"type": "TEXT",
|
|
"value": "Ѿ ю҆́на во́зраста возложе́нъ бы́въ бг҃ꙋ, ѳеодо́те, бг҃ода́нными добродѣ́тельми дꙋ́шꙋ просвѣти́лъ є҆сѝ ꙗ҆́вѣ, и҆ мі́ръ чⷭ҇тны́ми страда̑нїи ᲂу҆краси́лъ є҆сѝ."
|
|
},
|
|
{
|
|
"type": "TEXT",
|
|
"value": "Сла́вный мꙋ́ченикъ смотрѧ́ѧ льсти́вагѡ мрє́жи простє́рты на землѝ, всю́дꙋ прохожда́ше, дꙋ́шы ᲂу҆че́ньми бл҃гочести́выхъ ᲂу҆твержда́ѧ благода́тїю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Премно́гимъ милосе́рдїемъ нб҃са̀ прекло́нь, сни́де сн҃ъ бж҃їй, и҆ и҆зъ тебє̀ воплоти́сѧ, чⷭ҇таѧ, спаса́ѧ человѣ́ка ѿ пре́лести ѕмїи́ны."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Нѣ́сть свѧ́тъ, ꙗ҆́коже ты̀, гдⷭ҇и бж҃е мо́й, вознесы́й ро́гъ вѣ́рныхъ твои́хъ, бл҃же, и҆ ᲂу҆тверди́вый на́съ на ка́мени и҆сповѣ́данїѧ твоегѡ̀."
|
|
},
|
|
{
|
|
"type": "TEXT",
|
|
"value": "Вы́нꙋ взира́ѧ къ бг҃ꙋ ѻ҆чесы̀ ᲂу҆́мными, приснопа́мѧтне мꙋ́чениче, не чꙋ́лъ є҆сѝ ра́нъ тѣлесѝ приближа́ющихсѧ, и҆ мꙋ́ками всю́дꙋ ѡ҆держи́мь."
|
|
},
|
|
{
|
|
"type": "TEXT",
|
|
"value": "Ника́коже, мꙋ́чениче, прилѡ́ги болѣ́зненными поколеба́лсѧ є҆сѝ, ни ласка̑нїи беззако́нныхъ, на ка́мени тве́рдыѧ вѣ́ры хрⷭ҇то́вы водрꙋже́нъ, сла́вне ѳеодо́те."
|
|
},
|
|
{
|
|
"type": "TEXT",
|
|
"value": "Сокрꙋша́ѧ тѣ́ло мно́гими ра́нами гони́тель, не возмо́же ѿню́дъ твоеѧ̀ крѣ́пости дꙋше́вныѧ разсла́бити, бж҃е́ственною любо́вїю сп҃са, бл҃же́нне, ᲂу҆твержда́емь."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ви́дѣвъ твоегѡ̀ и҆здале́ча ли́къ прⷪ҇ро́ческїй бг҃огла́сный та́инства глꙋбинꙋ̀, многоѻбра́зными гла̑сы бг҃ꙋ мт҃рь чⷭ҇тꙋю тѧ̀ проповѣ́дꙋетъ, пречⷭ҇таѧ бг҃оневѣ́сто."
|
|
},
|
|
{
|
|
"type": "HEADER",
|
|
"value": "Сѣда́ленъ гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Гро́бъ тво́й:"
|
|
},
|
|
{
|
|
"type": "TEXT",
|
|
"value": "Многосвѣ́тлаѧ ѕвѣзда̀, дарова̑нїи чꙋде́сными, и҆ страда̑нїи свѧще́нными ѡ҆зарѧ́ѧ тва́рь, ѳеодо́те бл҃же́нне, вои́стиннꙋ бы́лъ є҆сѝ. Тѣ́мже дне́сь свѣтоно́снꙋю твою̀ па́мѧть пра́зднꙋюще, въ весе́лїи се́рдца хрⷭ҇та̀ велича́емъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, и҆лѝ бг҃оро́диченъ:"
|
|
},
|
|
{
|
|
"type": "TEXT",
|
|
"value": "Безневѣ́стнаѧ чⷭ҇таѧ бцⷣе дв҃о, є҆ди́на вѣ́рныхъ предста́тельнице и҆ покро́ве, бѣ́дъ и҆ скорбе́й, и҆ лю́тыхъ ѡ҆бстоѧ́нїй всѣ́хъ и҆зба́ви, на тѧ̀ ᲂу҆пова́нїе, ѻ҆трокови́це и҆мꙋ́щихъ: и҆ дꙋ́шы на́шѧ спасѝ бжⷭ҇твенными моли́твами твои́ми."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: Нескве́рнаѧ а҆́гница, а҆́гнца и҆ па́стырѧ повѣ́шена на дре́вѣ ме́ртва зрѧ́щи, пла́чꙋщи вѣща́ше, ма́терски восклица́ющи: ка́кѡ претерплю̀ твоѐ є҆́же па́че сло́ва, сн҃е мо́й, сни́тїе и҆ вѡ́льныѧ стрⷭ҇ти, бж҃е пребл҃гі́й;"
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Хрⷭ҇то́съ, моѧ̀ си́ла, бг҃ъ и҆ гдⷭ҇ь, честна́ѧ цр҃ковь бг҃олѣ́пнѡ пое́тъ, взыва́ющи ѿ смы́сла чи́ста, ѡ҆ гдⷭ҇ѣ пра́зднꙋющи."
|
|
},
|
|
{
|
|
"type": "TEXT",
|
|
"value": "Мꙋ́дростїю слове́съ твои́хъ, и҆ дѣ́лъ бл҃года́тїю, тмы̀ предста́телѧ ꙗ҆́вѣ посрами́лъ є҆сѝ, ѳеодо́те, и҆ побѣ́дꙋ взѧ́лъ є҆сѝ на него̀, сла́внѡ подви́гсѧ."
|
|
},
|
|
{
|
|
"type": "TEXT",
|
|
"value": "Ѻ҆гне́мъ страда́нїй твои́хъ ꙗ҆́вѣ запали́лъ є҆сѝ многобо́жнꙋю ле́сть: и҆ ꙗ҆́кѡ свѣща̀ дх҃омъ ст҃ы́мъ, мꙋ́чениче, вже́гсѧ та́йнѡ, подсо́лнечнꙋю просвѣти́лъ є҆сѝ."
|
|
},
|
|
{
|
|
"type": "TEXT",
|
|
"value": "Крѣ́пкѡ, сла́вне, въ ре́бра стрꙋ́жемь, и҆ ѕѣ́льными болѣ́зньми ꙗ҆́кѡ вои́стиннꙋ всю́дꙋ ѡ҆крꙋже́нъ, непоколе́блемь ᲂу҆мо́мъ позна́лсѧ є҆сѝ, вѣ́ры ра́ди, приснопа́мѧтне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сохрани́въ нетлѣ́ннꙋ тѧ̀ по ржⷭ҇твѣ̀, ꙗ҆́коже пре́жде ржⷭ҇тва̀, дв҃о, содѣ́тель, всели́сѧ въ ложесна̀ твоѧ̑, и҆ и҆стлѣ́вшыѧ мно́гими согрѣшє́нїи ѡ҆бновѝ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃їимъ свѣ́томъ твои́мъ, бл҃же, ᲂу҆́тренюющихъ тѝ дꙋ́шы любо́вїю ѡ҆зарѝ, молю́сѧ, тѧ̀ вѣ́дѣти, сло́ве бж҃їй, и҆́стиннаго бг҃а, ѿ мра́ка грѣхо́внагѡ взыва́юща."
|
|
},
|
|
{
|
|
"type": "TEXT",
|
|
"value": "Терпѣ́нїемъ твои́мъ, мꙋ́чениче мꙋ́дре, беззако́ннꙋющихъ стремлє́нїѧ, и҆ мꙋ́къ ѡ҆ѕлоблє́нїѧ, и҆ ѡ҆палє́нїѧ ꙗ҆́вѣ терпѣ́лъ є҆сѝ, бжⷭ҇твеннымъ посо́бїемъ ѡ҆гражде́нъ."
|
|
},
|
|
{
|
|
"type": "TEXT",
|
|
"value": "Проповѣ́дꙋѧ сло́во благочести́вое, пꙋ̑тнаѧ шє́ствїѧ дале́че, мч҃ниче бг҃омꙋ́дре, ше́ствовалъ є҆сѝ, и҆ заблꙋждє́нныѧ къ свѣ́тꙋ ѡ҆брати́лъ є҆сѝ, тмо́ю води̑мыѧ сꙋ́етства."
|
|
},
|
|
{
|
|
"type": "TEXT",
|
|
"value": "Воздви́женъ бы́въ ꙗ҆́коже а҆́гнецъ, мꙋ́чениче, на дре́во, желѣ́зныхъ ногте́й терпи́ши терза̑нїѧ, ꙗ҆́коже безпло́тенъ, бл҃же́нне, ᲂу҆мерщвле́нїѧ дебельство̀ совлача́ѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Воплоще́нно вои́стиннꙋ сло́во ѻ҆́ч҃ее, ѿ чи́стыхъ, чⷭ҇таѧ дв҃о, крове́й твои́хъ родила̀ є҆сѝ, во двою̀ совершє́ннꙋ є҆стєствꙋ̀, є҆ди́ной же ѵ҆поста́си, бг҃ора́дованнаѧ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Жите́йское мо́ре воздвиза́емое зрѧ̀ напа́стей бꙋ́рею, къ ти́хомꙋ приста́нищꙋ твоемꙋ̀ прите́къ, вопїю́ ти: возведѝ ѿ тлѝ живо́тъ мо́й, многоми́лостиве."
|
|
},
|
|
{
|
|
"type": "TEXT",
|
|
"value": "Пома́залъ є҆сѝ словесы̀ твои́ми свѧще́нными, чи̑стыѧ къ подвигѡ́мъ жєны̀, и҆ низло́жше, мꙋ́чениче, врага̀ мꙋ́жескими борє́нїи, нетлѣ́нїѧ вѣнцы̀ и҆сплето́ша."
|
|
},
|
|
{
|
|
"type": "TEXT",
|
|
"value": "Крѣ́постїю дх҃а дꙋ́шꙋ ѡ҆гради́въ, лꙋка́вствїѧ дꙋ́хи терпѣ́нїемъ ра́нъ низложи́лъ є҆сѝ, и҆ побѣ́ды вѣне́цъ ѿ бг҃а прїѧ́лъ є҆сѝ, досточꙋ́дне."
|
|
},
|
|
{
|
|
"type": "TEXT",
|
|
"value": "Ка́плѧми крове́й твои́хъ, і҆́дѡльскїй пла́мень, мꙋ́чениче хрⷭ҇то́въ погаси́лъ є҆сѝ, и҆ росо́ю болѣ́зней твои́хъ, бл҃гочести́выхъ дꙋ́шы ѡ҆роси́лъ є҆сѝ, ѿ пла́мене пре́лести и҆зба́вивъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆́же все́й ѿню́дъ разꙋ́мнѣй ꙗ҆́кѡ бг҃ъ, и҆ ви́димѣй тва́ри, во ᲂу҆тро́бꙋ твою̀ всели́сѧ вои́стиннꙋ, и҆ пло́ть бы́сть, человѣ́ки назида́ѧ, приснодв҃о."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Росода́тельнꙋ ᲂу҆́бѡ пе́щь содѣ́ла а҆́гг҃лъ преподѡ́бнымъ ѻ҆трокѡ́мъ, халдє́и же ѡ҆палѧ́ющее велѣ́нїе бж҃їе мꙋчи́телѧ ᲂу҆вѣща̀ вопи́ти: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ѻ҆гне́мъ, бг҃облаже́нне, болѣ́зней твои́хъ запале́нїе і҆́дѡльское ᲂу҆гаси́лъ є҆сѝ: кро́вными же потѡ́ки погрꙋзи́лъ є҆сѝ врагѝ безплѡ́тныѧ, ѳеодо́те, вопїѧ̀: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ ѳѷмїа́мъ бл҃гово́ненъ прине́слсѧ є҆сѝ, мꙋ́дре, подвигополо́жникꙋ твоемꙋ̀, бж҃е́ственною благода́тїю, ѕлосмра́днꙋю ле́сть низлага́ѧ. Тѣ́мъ пое́ши ра́достнѡ: благослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Соблю́дъ твоѧ̑ словеса̀ фо́ртъ свѧты́й, бг҃оно́сномꙋ фо́ртонꙋ ѿдаде́ тѧ, хра́мꙋ на воздви́женїе чⷭ҇тнꙋ, на ѡ҆чище́нїе всѣ́хъ благочести́выхъ, въ снабдѣ́нїе дꙋша́мъ, мꙋ́чениче ѳеодо́те."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Є҆ди́нꙋ носѧ́щаго ѵ҆поста́сь родила̀ є҆сѝ сло́ва, мт҃и дв҃о, сꙋгꙋ́ба и҆мꙋ́ща хотѣ̑нїѧ, и҆ є҆сте́ствєннаѧ є҆гѡ̀ свѡ́йства ꙗ҆́вѣ: бг҃ъ бо є҆́сть и҆ чл҃вѣ́къ, на́съ ра́ди воплоти́выйсѧ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: И҆зъ пла́мене преподѡ́бнымъ ро́сꙋ и҆сточи́лъ є҆сѝ, и҆ пра́веднагѡ же́ртвꙋ водо́ю попали́лъ є҆сѝ: всѧ̑ бо твори́ши, хрⷭ҇тѐ, то́кмѡ є҆́же хотѣ́ти. Тѧ̀ превозно́симъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Непоколеби́мь сто́лпъ, забра́ло непрекло́нно, непобѣди́маѧ стѣна̀, степе́нь вѣ́ры, да́нїе бж҃е́ственное, благоче́стїѧ побо́рникъ, пре́лести гꙋби́тель показа́лсѧ є҆сѝ, страстоно́сче."
|
|
},
|
|
{
|
|
"type": "TEXT",
|
|
"value": "Правле́нїемъ бж҃е́ственныѧ бл҃года́ти, премꙋ́дре, мꙋ́къ преше́лъ є҆сѝ вели́кꙋю пꙋчи́нꙋ, и҆ ти̑хаѧ ра́дꙋѧсѧ дости́глъ є҆сѝ, сла́вне, приста̑нища го́рнѧгѡ црⷭ҇твїѧ."
|
|
},
|
|
{
|
|
"type": "TEXT",
|
|
"value": "Шє́ствїѧ и҆ стєзѝ твоѧ̑ напра́вишасѧ ко хрⷭ҇тꙋ̀ всѣ́хъ бг҃ꙋ и҆ гдⷭ҇ꙋ: є҆мꙋ́же въ рꙋ́цѣ дх҃ъ тво́й пре́далъ є҆сѝ, мꙋ́чениче страстоно́сче ѳеодо́те треблаже́нне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ри́торѡвъ ѧ҆зы́къ та́инства твоегѡ̀ недоꙋмѣ́ннꙋю глꙋбинꙋ̀ и҆зрещѝ не мо́жетъ: сло́во бо бж҃їе па́че сло́ва родила̀ є҆сѝ, пречⷭ҇таѧ дв҃о, во спасе́нїе всѣ́хъ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃а человѣ́кѡмъ не возмо́жно ви́дѣти, на него́же не смѣ́ютъ чи́ни а҆́гг҃льстїи взира́ти: тобо́ю бо, всечⷭ҇таѧ, ꙗ҆ви́сѧ человѣ́кѡмъ сло́во воплоще́нно: є҆го́же велича́юще, съ нбⷭ҇ными вѡ́и тѧ̀ ᲂу҆бл҃жа́емъ."
|
|
},
|
|
{
|
|
"type": "TEXT",
|
|
"value": "Да сла́вы ᲂу҆лꙋчи́ши ѻ҆́ныѧ, стрⷭ҇тоте́рпче, ви́димꙋю ра́дꙋѧсѧ преѡби́дѣлъ є҆сѝ, и҆ бж҃е́ственнымъ ма́нїемъ къ ра́намъ ѿлꙋчи́всѧ, не ᲂу҆жа́слсѧ є҆сѝ мꙋчи́тельныхъ ви̑дъ, и҆ сме́рти го́рькїѧ. Тѣ́мже съ мꙋ́чєники вѣнча́лсѧ є҆сѝ подви́гсѧ."
|
|
},
|
|
{
|
|
"type": "TEXT",
|
|
"value": "Ꙗ҆ви́лсѧ є҆сѝ хра́мъ, мꙋ́чениче, чи́стъ трⷪ҇цы, зда́нїемъ дѣѧ̑нїи, ѳеодо́те пребога́те, бжⷭ҇твенными, страда́нїй же свѣ́тлыхъ сїѧ́нїемъ ᲂу҆кра́шенъ. Тѣ́мже хра́мы дє́мѡнскїѧ и҆стꙋка̑нныѧ, мꙋ́дре, бж҃е́ственною ᲂу҆тѣ́шителѧ си́лою, ꙗ҆́вѣ низве́рглъ є҆сѝ."
|
|
},
|
|
{
|
|
"type": "TEXT",
|
|
"value": "И҆ска́пающаѧ гора̀ бж҃е́ственнꙋю сла́дость, ꙗ҆ви́лсѧ є҆сѝ и҆сто́чникъ чꙋде́съ, пꙋчи́на же, сла́вне, бжⷭ҇твенныхъ дарова́нїй, стрꙋѧ̀ свѣтла̀ ст҃а́гѡ дх҃а, дꙋ́шы напоѧ́ѧ, и҆ потоплѧ́ѧ стра̑сти, и҆ всѣ̑мъ хода́тайствꙋѧ, мꙋ́чениче, бл҃гоче́стнѡ пою́щымъ тѧ̀ ра́дованїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Гла́сомъ а҆́гг҃ла родила̀ є҆сѝ безнача́льнаго сло́ва, прїе́мшаго пло́ть, ᲂу҆́мнꙋ же и҆ ѡ҆дꙋшевле́ннꙋ, дв҃о всечⷭ҇таѧ, ѿ чⷭ҇тыхъ крове́й твои́хъ, и҆ безплѡ́тныѧ врагѝ низло́жшаго, и҆ спа́сшаго на́съ всѣ́хъ, и҆́стиннꙋю бцⷣꙋ и҆сповѣ́дающихъ тѧ̀."
|
|
}
|
|
] |