1006 lines
75 KiB
JSON
1006 lines
75 KiB
JSON
[
|
|
{
|
|
"type": "HEADER",
|
|
"value": "І҆ꙋ́лїа к҃д"
|
|
},
|
|
{
|
|
"type": "HEADER",
|
|
"value": "Ст҃ы́хъ мꙋ́чєникъ, бори́са и҆ глѣ́ба, нарече́нныхъ во свѧто́мъ креще́нїи рѡма́на и҆ даві́да."
|
|
},
|
|
{
|
|
"type": "HEADER",
|
|
"value": "А҆́ще хра́мъ, и҆лѝ настоѧ́тель и҆зво́литъ, твори́мъ бдѣ́нїе."
|
|
},
|
|
{
|
|
"type": "HEADER",
|
|
"value": "На ма́лѣй вече́рни стїхи̑ры, гла́съ д҃:"
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "Всесвѧта́ѧ, свѣ́тлаѧ и҆ многопра́зднственнаѧ возсїѧ́вши па́мѧть ва́ша рѡссі́йскимъ страна́мъ дне́сь, сла́вный рѡма́не съ кро́ткимъ даві́домъ, просвѣща́ющи дꙋ́шы вѣ́рою чтꙋ́щихъ страда̑нїѧ ва̑ша. Тѣ́мъ моли́тесѧ, преблаже́ннїи, дарова́ти дꙋша́мъ на́шымъ ѡ҆чище́нїе и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Прїиди́те всѝ, ѽ новоизбра́нное ста́до хрⷭ҇то́во, дꙋхо́внѡ соше́дшесѧ восхва́лимъ, благочести́вагѡ вкꙋ́пѣ и҆ ца́рскагѡ ко́рене свѧтꙋ́ю ѻ҆́трасль, рѡма́на съ до́блимъ даві́домъ дне́сь, хрⷭ҇та̀ возлюби́вшыѧ, и҆ сегѡ̀ ра́ди бра́тнее непра́ведное заколе́нїе претерпѣ́вшыѧ, и҆ хрⷭ҇тꙋ̀ молѧ́щыѧсѧ всегда̀, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Да ра́дꙋетсѧ ра́достїю всѐ человѣ́чество дне́сь, и҆ да пое́тъ ликꙋ́ющи, бжⷭ҇твенными пѣ́сньми хрⷭ҇то́ва це́рковь, хва́лѧщи новопросвѣщє́нныѧ кнѧ́зи же и҆ мч҃ники. Хрⷭ҇та́ бо ра́ди преходѧ́щее ца́рство земно́е ѡ҆ста́вльше, гдⷭ҇а ѿ всеѧ̀ дꙋшѝ возлюби́ша, и҆ мо́лѧтъ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃: Самогла́сенъ:"
|
|
},
|
|
{
|
|
"type": "TEXT",
|
|
"value": "Побѣжда́еми жела́нїемъ бꙋ́дꙋщихъ, па́че же любо́вїю хрⷭ҇то́вою, ца́рство земно́е и҆ сла́вꙋ возненави́дѣша, чистотꙋ́ же возлюби́ша, и҆ непра́ведное ᲂу҆бі́йство претерпѣ́ша, ника́коже проти́вѧщесѧ закала́ющемꙋ вы̀ бра́тꙋ: тѣ́мъ и҆ хрⷭ҇то́съ да́ры чꙋде́съ ва́съ ѡ҆богатѝ. Ѽ дво́ице свѧще́ннаѧ! Ѽ свѣтоза́рный по́лче! Ѽ бжⷭ҇твенный сꙋпрꙋ́же! Моли́те спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме Є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "До́мъ себѐ дх҃ꙋ ст҃о́мꙋ ѡ҆чи́стивше, томꙋ̀ и҆ на́съ жили́ще содѣ́лайте, ст҃і́и, моли́твами ва́шими."
|
|
},
|
|
{
|
|
"type": "TEXT",
|
|
"value": "Сті́хъ: Воззва́ша пра́веднїи, и҆ гдⷭ҇ь ᲂу҆слы́ша и҆̀хъ."
|
|
},
|
|
{
|
|
"type": "TEXT",
|
|
"value": "Бжⷭ҇твеннаѧ и҆ чꙋ́днаѧ дво́ице, потреби́тели пре́лести и҆ сѣ́ѧтели благоче́стїѧ, моли́те спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Сті́хъ: Мнѡ́ги скѡ́рби пра́вєднымъ, и҆ ѡ҆ всѣ́хъ и҆́хъ и҆зба́витъ ѧ҆̀ гдⷭ҇ь."
|
|
},
|
|
{
|
|
"type": "TEXT",
|
|
"value": "Пресвѣ̑тлыѧ ѕвѣ́зды ꙗ҆́вльшесѧ, непобѣди́мїи страда́льцы, ѡ҆зари́те на́съ почита́ющихъ вѣ́рою свѧщє́ннаѧ ва̑ша страда̑нїѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Ра́ка, и҆дѣ́же лежа́тъ честны́ѧ и҆ свѧще́нныѧ мѡ́щи ва́шѧ, версто̀ прехва́льнаѧ, бжⷭ҇твєннаѧ и҆сцѣлє́нїѧ пристꙋпа́ющымъ ѻ҆би́льнѡ и҆сточа́етъ, дре́внюю тмꙋ̀ і҆дѡлобѣ́сїѧ ѿгонѧ́щи, и҆ свѣ́тъ благоче́стїѧ ѡ҆сїѧ́ющи: но мо́лимъ вы̀, моли́тесѧ, ст҃і́и, безъ вре́да сохрани́ти ѻ҆те́чество ва́ше, и҆ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "HEADER",
|
|
"value": "Тропа́рь, гла́съ в҃:"
|
|
},
|
|
{
|
|
"type": "TEXT",
|
|
"value": "Правди́ваѧ страстотє́рпца, и҆ и҆́стиннаѧ є҆ѵⷢ҇лїа хрⷭ҇то́ва послꙋ́шатєлѧ, цѣломꙋ́дренный рѡма́не, съ неѕло́бивымъ даві́домъ, не сопроти́въ ста́ста врагꙋ̀ сꙋ́щꙋ бра́тꙋ, ᲂу҆бива́ющемꙋ тѣлеса̀ ва̑ша, дꙋша́мъ же коснꙋ́тисѧ не могꙋ́ща: да пла́четсѧ ᲂу҆́бѡ ѕлы́й властолю́бецъ, вы́ же ра́дꙋющесѧ съ ли́ки а҆́гг҃льскими, предстоѧ́ще ст҃ѣ́й трⷪ҇цѣ, моли́тесѧ ѡ҆ держа́вѣ сро́дникѡвъ ва́шихъ, бг҃оꙋго́днѣй бы́ти, и҆ сыновѡ́мъ рѡссі́йскимъ спасти́сѧ."
|
|
},
|
|
{
|
|
"type": "HEADER",
|
|
"value": "И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На вели́цѣй вече́рни: Блаже́нъ мꙋ́жъ: На Гдⷭ҇и, воззва́хъ, стїхи̑ры, на и҃, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Ѽ пресла́внагѡ чꙋдесѐ, верста̀ бжⷭ҇твеннаѧ же и҆ честна́ѧ, прехва́льныхъ самобра́тїй на́мъ ѡ҆блиста̀ дне́сь, созыва́ющи нѡ́выѧ лю́ди, похвали́ти предѡ́блїѧ мꙋ́ченики, рѡма́на ᲂу҆́бѡ ꙗ҆́кѡ ᲂу҆се́рднѡ пострада́вша, даві́да же ꙗ҆́кѡ созаколе́на, нескве́рномꙋ а҆́гнцꙋ, пожре́номꙋ на́съ ра́ди, сп҃сꙋ дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Пе́рвѣе ᲂу҆́бѡ прехва́льнїи, повинꙋ́вше багрѧни́цꙋ црⷭ҇твїѧ хрⷭ҇тꙋ̀, и҆ того̀ позна́вше и҆́стиннаго бг҃а и҆ цр҃ѧ̀ всѣ́хъ, пра́ѻтеческихъ же сꙋ́етныхъ богѡ́въ ᲂу҆клони́шасѧ. Тѣ́мъ и҆ хрⷭ҇то́съ да́ры чꙋде́съ ва́съ ѡ҆богатѝ, и҆ вмѣ́стѡ тлѣ́нныхъ вѣ̑чнаѧ ва́мъ дарова̀, прославлѧ́емый во ст҃ы́хъ сп҃съ дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Блаже́нно ѻ҆те́чество и҆ гра́дъ, въ не́мже воспита́стесѧ, честны́й же хра́мъ тѣлеса̀ ва̑ша воспрїе́мый, ꙗ҆́кѡ вѣнце́мъ ца́рствїѧ ᲂу҆краси́сѧ: храни́телїе благопрїѧ́тнїи, врагѝ ᲂу҆страша́ющїи и҆ дале́че нѣ́гдѣ ѿ ѻ҆те́чествїѧ ва́шегѡ ѿгонѧ́щїи, рѡма́не сла́вне и҆ даві́де пречꙋ́дне, моли́те спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Кі́ими похва́льными:"
|
|
},
|
|
{
|
|
"type": "TEXT",
|
|
"value": "Кі́ими похва́льными вѣнцы̑ вѣнча́емъ пѣва́ємыѧ, раздѣлє́ныѧ тѣлесы̀ и҆ совокꙋ́плєныѧ дꙋ́хомъ, вѣ́рныхъ люде́й тє́плыѧ застꙋ́пники, землѝ рѡссі́йскїѧ ᲂу҆добре́нїе, и҆ всеѧ̀ вселе́нныѧ наслажде́нїе, мꙋжеꙋ́мнымъ смы́сломъ бѣсо́вскꙋю держа́вꙋ разрꙋши́вшыѧ хрⷭ҇та̀ посо́бїемъ, подаю́щагѡ мі́рꙋ ве́лїю ми́лость."
|
|
},
|
|
{
|
|
"type": "TEXT",
|
|
"value": "Кі́ими похва́льными добро́тами ᲂу҆краси́мъ пѣва́ємыѧ, рѡма́на си́лꙋ и҆мꙋ́щаго надъ страстьмѝ до́блественнѣ, и҆ даві́да кꙋ́пнѡ ревни́телѧ, ѻ҆́ба свѣти̑ла вкꙋ́пѣ сїѧ́ющаѧ, ѡ҆зарѧ́ющаѧ свѣ́томъ добродѣ́тели благочести̑выѧ всѧ̑; хрⷭ҇тѡ́вымъ бо наꙋчи́вшесѧ за́повѣдемъ, просла́вишасѧ сла́внѡ, молѧ́ше подаю́щаго всѣ̑мъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Кі́ими дꙋхо́вными словєсы̀ соста́вимъ пра́здникъ че́стенъ пресла́вныхъ мꙋ́чєникъ, и҆̀же хрⷭ҇та̀ ра́ди ѡ҆ста́виша тлѣ́ннꙋю сла́вꙋ земнꙋ́ю; ѻ҆́въ бо прободе́нїе въ ре́бра прїѧ́тъ, ѻ҆́въ же ꙗ҆́кѡ а҆́гнецъ закла́нъ бы́сть: и҆̀же ѿ хрⷭ҇та̀ досто́йнѡ просла́вишасѧ, и҆ прїѧ́ша и҆сцѣле́нїй да́ръ, всѣ̑мъ просѧ́ще досто́йнѡ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прїиди́те, восхва́лимъ чꙋдотво́рцєвъ и҆ мꙋ́ченикѡвъ: сі́и бо зако́ннѡ пострада́вше, побѣди́ша сопроти́внаго врага̀: и҆ ны́нѣ свѣ́тлѡ ᲂу҆кра́шени предстоѧ́тъ хрⷭ҇тꙋ̀ ра́дꙋющесѧ. Тѣ́мъ и҆ мы̀ пѣ́сньми па́мѧть и҆́хъ ве́селѡ любо́вїю похва́лимъ, вопїю́ще: ра́дꙋйтесѧ, вселе́нныѧ застꙋ̑пницы, и҆ побо́рники на врагѝ: ра́дꙋйтесѧ, вра́чеве болѧ́щихъ, и҆ бѣсѡ́въ прогони́телїе: ра́дꙋйтесѧ, ѽ любе́знаѧ версто̀, бра́тїѧ прекра́снїи, рѡма́не сла́вный и҆ даві́де чꙋ́дный, люби́мїи хрⷭ҇тꙋ̀, за ны̀ молѧ́ще ст҃ꙋ́ю трⷪ҇цꙋ, ᲂу҆мири́ти мі́ръ, и҆ спастѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "HEADER",
|
|
"value": "Та́же, Вхо́дъ. Прокі́менъ днѐ. И҆ чтє́нїѧ трѝ."
|
|
},
|
|
{
|
|
"type": "HEADER",
|
|
"value": "Проро́чества и҆са́їина чте́нїе. (Глава̀ м҃г.)"
|
|
},
|
|
{
|
|
"type": "TEXT",
|
|
"value": "Та́кѡ гл҃го́летъ гдⷭ҇ь: всѝ ꙗ҆зы́цы собра́шасѧ вкꙋ́пѣ, и҆ соберꙋ́тсѧ кнѧ́зи ѿ ни́хъ: кто̀ возвѣсти́тъ сїѧ̑ въ ни́хъ; и҆лѝ ꙗ҆̀же ѿ нача́ла, кто̀ слы̑шана сотвори́тъ ва́мъ; да приведꙋ́тъ свидѣ́тели своѧ̑ и҆ ѡ҆правдѧ́тсѧ, и҆ да ᲂу҆слы́шатъ, и҆ да рекꙋ́тъ и҆́стинꙋ. Бꙋ́дите мѝ свидѣ́тели, и҆ а҆́зъ свидѣ́тель, глаго́летъ гдⷭ҇ь бг҃ъ, и҆ ѻ҆́трокъ, є҆го́же и҆збра́хъ, да позна́ете и҆ вѣ́рꙋете мѝ, и҆ разꙋмѣ́ете, ꙗ҆́кѡ а҆́зъ є҆́смь: пре́жде менє̀ не бы́сть и҆́нъ бг҃ъ, и҆ по мнѣ̀ не бꙋ́детъ: А҆́зъ є҆́смь бг҃ъ, и҆ нѣ́сть ра́звѣ менє̀ спаса́ѧй. А҆́зъ возвѣсти́хъ и҆ спасо́хъ, ᲂу҆ничижи́хъ и҆ не бѣ̀ въ ва́съ чꙋ́ждїй. Вы̀ мнѣ̀ свидѣ́тели, и҆ а҆́зъ гдⷭ҇ь бг҃ъ: и҆ є҆щѐ ѿ нача́ла а҆́зъ є҆́смь, и҆ нѣ́сть ѿ рꙋ́къ мои́хъ и҆збавлѧ́ѧй, сотворю̀, и҆ кто̀ ѿврати́тъ то̀; Си́це глаго́летъ гдⷭ҇ь бг҃ъ, и҆збавлѧ́ѧй ва́съ, ст҃ы́й і҆зра́илевъ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ г҃.)"
|
|
},
|
|
{
|
|
"type": "TEXT",
|
|
"value": "Пра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѿ на́съ ше́ствїе, сокрꙋше́нїе, ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено, и҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ: ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ д҃.)"
|
|
},
|
|
{
|
|
"type": "TEXT",
|
|
"value": "Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости житїѐ нескве́рное. Благоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ. Лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры, гла́съ д҃. Самогла́сны:"
|
|
},
|
|
{
|
|
"type": "TEXT",
|
|
"value": "А҆́ще и҆ земна́гѡ ца́рствїѧ но́вый ка́їнъ бг҃оненави́стникъ и҆ братоненави́стный ᲂу҆бі́йственнѣ лишѝ ва́съ, хрⷭ҇то́съ же непреходѧ́щее и҆ безконе́чное црⷭ҇тво ва́мъ дарова̀: є҆мꙋ́же со а҆́гг҃льскими во́инствы предстоѧ́ще моли́тесѧ, спастѝ любо́вїю пою́щыѧ всечестнꙋ́ю и҆ многопра́зднственнꙋю па́мѧть ва́шꙋ."
|
|
},
|
|
{
|
|
"type": "TEXT",
|
|
"value": "Землѧ̀ ѡ҆свѧти́сѧ кро́вїю всечестно́ю ва́шею, и҆ человѣ́цы ѡ҆богати́шасѧ ва́ми, и҆сцѣле́нїе незави́стно прїе́млютъ бг҃омꙋ́дрїи ᲂу҆го́дницы хрⷭ҇то́вы, сла́вне рѡма́не съ неѕло́бивымъ даві́домъ, моли́тесѧ гдⷭ҇еви, є҆мꙋ́же ѿ ю҆́ности прилѣпи́стесѧ, спастѝ вѣ́рою пою́щыѧ ва́съ."
|
|
},
|
|
{
|
|
"type": "HEADER",
|
|
"value": "Сла́ва, гла́съ є҃:"
|
|
},
|
|
{
|
|
"type": "TEXT",
|
|
"value": "Ра́достїю всѝ пра́зднꙋемъ дне́сь па́мѧть великомꙋ́ченикѡвъ, пѣ́сньми и҆ пѣ́ньми прославлѧ́юще сп҃са хрⷭ҇та̀, на землѝ ᲂу҆диви́вшаго ст҃ы̑ѧ своѧ̑ чꙋдесы̀ и҆ бл҃года́ти разли́чными и҆сцѣле́нїи, къ ни́мже взыва́юще ра́достнѡ рце́мъ: ра́дꙋйтесѧ, ꙗ҆́кѡ благода́ть прїе́мшїи на стра̑сти разли̑чныѧ: ра́дꙋйтесѧ, ꙗ҆́кѡ кро́вїю ва́шею всели́стесѧ въ вѣ́чнꙋю жи́знь: ра́дꙋйтесѧ, ско́рїи послꙋ́шатели сꙋ́щихъ въ ско́рбехъ, и҆ ѿ напа́стей и҆збавлѧ́ющїи ѻ҆те́чество ва́ше, бг҃опрїѧ́тне бори́се съ глѣ́бомъ, моли́тесѧ гдⷭ҇еви, поми́ловатисѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры ст҃ы̑мъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Да́лъ є҆сѝ зна́менїе:"
|
|
},
|
|
{
|
|
"type": "TEXT",
|
|
"value": "Прїиди́те, цѣломꙋ́дрїѧ люби́тели, честнꙋ́ю дво́ицꙋ почти́мъ, хрⷭ҇та̀ возлюби́вшꙋю, всѣ́ми владꙋ́щаго, чи́стымъ се́рдцемъ и҆ дꙋше́ю сокрꙋше́нною, страстоно́сца рѡма́на сла́внаго и҆ кро́ткаго даві́да досточꙋ́днаго, и҆̀же дꙋша́ми и҆ тѣлесы̀ чи́стїи, и҆ сокрꙋши́вшїи де́мѡнскїѧ полкѝ."
|
|
},
|
|
{
|
|
"type": "TEXT",
|
|
"value": "Сті́хъ: Воззва́ша пра́веднїи, и҆ гдⷭ҇ь ᲂу҆слы́ша и҆̀хъ:"
|
|
},
|
|
{
|
|
"type": "TEXT",
|
|
"value": "Ѿ ко́рене и҆зрасто́сте че́стна, бра́тїѧ сла́внаѧ и҆ благоро́днаѧ, и҆ благоро́дство вои́стиннꙋ возлю́бльшаѧ, нетлѣ́нныѧ вожделѣ́сте сла́вы, и҆зво́ливше живо́тъ, и҆ црⷭ҇тво неразрꙋши́мое, и҆ по пра́вдѣ пострада́вше, вѣнцы̀ побѣ́ды воспрїѧ́сте, страстоте́рпцы блаже́ннїи, и҆ моли́твєнницы ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Сті́хъ: Мнѡ́ги скѡ́рби пра́вєднымъ, и҆ ѡ҆ всѣ́хъ и҆́хъ и҆зба́витъ ѧ҆̀ гдⷭ҇ь."
|
|
},
|
|
{
|
|
"type": "TEXT",
|
|
"value": "Дѣ́лы и҆ ᲂу҆че́нїи хрⷭ҇то́вы и҆сполнѧ́юще за́пѡвѣди, и҆ тогѡ̀ повелѣ̑нїѧ, врагѡ́мъ не враждова́сте, на ᲂу҆бїе́нїе прише́дшымъ ва́ше непра́веднѡ: но ꙗ҆́кѡ стефа́нꙋ подо́бницы первомч҃никꙋ, молѧ́щесѧ глаго́ласте: не поста́ви и҆̀мъ грѣха̀, чл҃вѣколю́бче, і҆и҃се бж҃е на́шъ и҆ сп҃се дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Прїиди́те, новокреще́ннїи рѡссі́йстїи собо́ри, и҆ ви́дите, ка́кѡ безъ вины̀ сꙋ́дъ прїе́млетъ мꙋ́ченикъ бори́съ, копїе́мъ рє́бра є҆гѡ̀ прободо́ша, и҆ кровопроли́тїе сотвори́ша, ѿ наважде́нїѧ дїа́волѧ: глѣ́бъ же ѿ тогѡ́жде бра́та свѧтопо́лка, ꙗ҆́кѡ а҆́гнецъ закла́нъ бы́сть. Но сі́и вѣнча́шасѧ, а҆ ѻ҆́нъ безъ па́мѧти поги́бе. И҆ сі́и сла́вими сꙋ́ть, а҆ ѻ҆́нъ въ гее́ннѣ мꙋ́читсѧ. Сі́и же хрⷭ҇та̀ бг҃а мо́лѧтъ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "HEADER",
|
|
"value": "Тропа́рь, гла́съ в҃:"
|
|
},
|
|
{
|
|
"type": "TEXT",
|
|
"value": "Правди́ваѧ страстотє́рпца, и҆ и҆́стиннаѧ є҆ѵⷢ҇лїа хрⷭ҇то́ва послꙋ́шатєлѧ, цѣломꙋ́дренный рѡма́не, съ неѕло́бивымъ даві́домъ, не сопроти́въ ста́ста врагꙋ̀ сꙋ́щꙋ бра́тꙋ, ᲂу҆бива́ющемꙋ тѣлеса̀ ва̑ша, дꙋша́мъ же коснꙋ́тисѧ не могꙋ́ща: да пла́четсѧ ᲂу҆́бѡ ѕлы́й властолю́бецъ, вы́ же ра́дꙋющесѧ съ ли́ки а҆́гг҃льскими, предстоѧ́ще ст҃ѣ́й трⷪ҇цѣ, моли́тесѧ ѡ҆ держа́вѣ сро́дникѡвъ ва́шихъ, бг҃оꙋго́днѣй бы́ти, и҆ сыновѡ́мъ рѡссі́йскимъ спасти́сѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "HEADER",
|
|
"value": "На ᲂу҆́трени, по а҃-й стїхоло́гїи сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Ли́къ а҆́гг҃льскїй:"
|
|
},
|
|
{
|
|
"type": "TEXT",
|
|
"value": "Терпѣ́нїемъ и҆ мꙋ́жествомъ твои́мъ твою̀ стра́сть под̾е́млѧ, бори́се кнѧ́же, любо́вїю хрⷭ҇то́вою взира́ѧ на ми́лостиваго и҆ чл҃вѣколю́бца бг҃а, подаю́щаго мі́рови ве́лїю ми́лость. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Безмт҃рнѧго на небесѝ па́че мы́сли и҆ слꙋ́ха на землѝ безъ ѻ҆тца̀ родила̀ є҆сѝ: того̀, бцⷣе, молѝ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "По в҃-й стїхоло́гїи сѣда́ленъ, гла́съ а҃:"
|
|
},
|
|
{
|
|
"type": "TEXT",
|
|
"value": "Подо́бенъ: Ли́къ а҆́гг҃льскїй."
|
|
},
|
|
{
|
|
"type": "TEXT",
|
|
"value": "И҆змла́да хрⷭ҇та̀ возлюби́вше кꙋ́пнѡ бра́тїе честні́и, жи́знь безстра́стнꙋю стѧжа́вше сла́внїи, цѣломꙋ́дрїе и҆зво́листе, и҆ поще́нїе ѿ страсте́й дꙋше́вныхъ и҆ тѣле́сныхъ: поспѣше́нїе же бж҃їею благода́тїю прїе́мше, и҆сцѣлѧ́ете ва́съ пою́щыѧ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Є҆ди́на крѣ́пкаѧ и҆ те́плаѧ предста́тельнице ро́дꙋ человѣ́ческомꙋ, бцⷣе дв҃о, непреста́ннѡ молѝ со прⷪ҇рѡ́ки, и҆ мч҃ники, со ст҃и́тєли же и҆ пѡ́стники и҆ прпⷣбными, є҆го́же родила̀ є҆сѝ, па́че є҆стества̀ бг҃а сло́ва, спастѝ всѧ́чєскаѧ."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Хрⷭ҇то́вы ᲂу҆вѣ́дѣвше за́пѡвѣди благі̑ѧ, того̀ возлю́бльше страстоно́сцы сла́внїи, ѡ҆ ᲂу҆бїе́нїи тѣле́съ неради́сте, дꙋ́шы же прекра́сныѧ въ рꙋ́цѣ хрⷭ҇та̀ преда́сте. Ѻ҆́въ копїе́мъ пробода́емь, веселѧ́шесѧ: дрꙋгі́й же ꙗ҆́кѡ а҆́гнѧ неѕло́биво безъ ми́лости закала́емь, молѧ́шесѧ. Сегѡ̀ ра́ди прїе́мше да́ръ и҆сцѣле́нїй, мꙋ́чєницы самобра́тнїи, моли́те хрⷭ҇та̀ бг҃а, грѣхѡ́въ ѡ҆ставле́нїе дарова́ти чтꙋ́щымъ любо́вїю свѧтꙋ́ю па́мѧть ва́шꙋ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Со́лнце ѻ҆́блаче разꙋ́мнагѡ, бжⷭ҇твеннагѡ свѣ́та свѣти́льниче златокова́нный нескве́рнаѧ, небла́знаѧ, всенепоро́чнаѧ влⷣчце, ѡ҆мраче́ннꙋю дꙋ́шꙋ мою̀ ѡ҆слѣпле́нїемъ страсте́й, безстра́стїѧ заре́ю просвѣтѝ, молю́сѧ, и҆ ѡ҆скверне́нное моѐ се́рдце ѡ҆мы́й, потѡ́ки ᲂу҆миле́нїѧ, покаѧ́нїѧ же слеза́ми. И҆ ѿ тимѣ́нїѧ мѧ̀ ѡ҆чи́сти дѣ́лъ мои́хъ, да любо́вїю зовꙋ́ ти: бцⷣе приснодв҃о, молѝ хрⷭ҇та̀ бг҃а, прегрѣше́нїй ѡ҆ставле́нїе пода́ти мѝ: тебе́ бо и҆мѣ́ю наде́ждꙋ ра́бъ тво́й."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "TEXT",
|
|
"value": "Прокі́менъ: Воззва́ша пра́веднїи, и҆ гдⷭ҇ь ᲂу҆слы́ша и҆̀хъ."
|
|
},
|
|
{
|
|
"type": "TEXT",
|
|
"value": "Сті́хъ: Мнѡ́ги скѡ́рби пра́вєднымъ, и҆ ѡ҆ всѣ́хъ и҆́хъ и҆зба́витъ ѧ҆̀ гдⷭ҇ь."
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе лꙋкѝ, зача́ло р҃ѕ."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀, стїхи́ра, гла́съ и҃: Самогла́сенъ:"
|
|
},
|
|
{
|
|
"type": "TEXT",
|
|
"value": "Бра́тїѧ прекра́снаѧ, бори́се и҆ глѣ́бе, ва́шѧ стра̑сти на́шѧ болѣ̑зни и҆ недꙋ́ги и҆сцѣлѧ́ютъ, притека́ющихъ вѣ́рнѡ: тꙋ́не прїѧ́сте, тꙋ́не же и҆ дади́те болѧ́щымъ и҆сцѣле́нїе: но ꙗ҆́кѡ и҆мꙋ́щїи дерзнове́нїе, хрⷭ҇та̀ бг҃а моли́те ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "Канѡ́нъ прест҃ы́ѧ бцⷣы на ѕ҃, гла́съ в҃, є҆гѡ́же краегране́сїе сицево̀:"
|
|
},
|
|
{
|
|
"type": "TEXT",
|
|
"value": "Пою̀ хвалꙋ̀ живоно́сныѧ ѻ҆трокови́цы."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Нетре́нꙋ, неѡбы́чнꙋ, немо́креннѡ морскꙋ́ю ше́ствовалъ стезю̀, и҆збра́нный вопїѧ́ше і҆и҃ль: гдⷭ҇еви пои́мъ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Невеще́ственнаѧ дре́вле лѣ́ствица, и҆ стра́ннѡ ѡ҆лѧденѣ́вшїй пꙋ́ть мо́рѧ, твоѐ ꙗ҆влѧ́ше ржⷭ҇тво̀, чⷭ҇таѧ: ю҆́же пое́мъ всѝ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Си́ла вы́шнѧгѡ ѵ҆поста́сь соверше́ннаѧ, бж҃їѧ мꙋ́дрость, вопло́щшаѧсѧ, пречⷭ҇таѧ, и҆зъ тебє̀, къ человѣ́кѡмъ бесѣ́дова, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Про́йде сквозѣ̀ две́рь непрохо́днꙋю заключе́нныѧ ᲂу҆тро́бы твоеѧ̀, пра́вды сл҃нце, чⷭ҇таѧ, и҆ мі́рови возсїѧ̀, ꙗ҆́кѡ просла́висѧ."
|
|
},
|
|
{
|
|
"type": "HEADER",
|
|
"value": "И҆ ст҃ы́хъ два̀ канѡ́на, на и҃. Гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Мо́рѧ чермнꙋ́ю пꙋчи́нꙋ, невла́жными стопа́ми, дре́внїй пѣшеше́ствовавъ і҆и҃ль, крⷭ҇тоѻбра́зными мѡѷсе́овыма рꙋка́ма а҆мали́ковꙋ си́лꙋ въ пꙋсты́ни побѣди́лъ є҆́сть."
|
|
},
|
|
{
|
|
"type": "TEXT",
|
|
"value": "Бг҃омꙋ́драѧ дво́ице, вели́цыи страда́льцы, со ст҃ы́ми трⷪ҇цѣ предстоѧ́ще, моли́тесѧ ѡ҆чище́нїе мнѣ̀ дарова́ти, ва́съ похвалѧ́ющемꙋ."
|
|
},
|
|
{
|
|
"type": "TEXT",
|
|
"value": "Бжⷭ҇твенное бога́тство и҆сцѣле́нїй, и҆ мѵ́ро благово́нное хра́мъ ва́шъ, ст҃і́и: въ не́мже пое́мъ хрⷭ҇та̀ бг҃а, ва́съ просла́вльшаго."
|
|
},
|
|
{
|
|
"type": "TEXT",
|
|
"value": "Незаходи́маго сл҃нца въ себѣ̀ стѧжа́вше хрⷭ҇та̀ бг҃а на́шего, пресла́вне рѡма́не съ даві́домъ, ѡ҆свѧти́те на́съ, честнꙋ́ю па́мѧть ва́шꙋ почита́ющихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Кра́снꙋю и҆ и҆збра́ннꙋю, и҆ всечестнꙋ́ю разꙋмѣ́въ тебѐ, бж҃їй, пренепоро́чнаѧ, сн҃ъ, тво́й сн҃ъ бы́сть: сы́ны сотворѝ благода́тїю, бцⷣꙋ тѧ̀ чтꙋ́щыѧ."
|
|
},
|
|
{
|
|
"type": "HEADER",
|
|
"value": "И҆́нъ канѡ́нъ ст҃ы̑мъ. Гла́съ и҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
|
},
|
|
{
|
|
"type": "TEXT",
|
|
"value": "Да́ждь мѝ ѿпꙋ́стъ мно́гихъ прегрѣше́нїй мои́хъ, сп҃се, премꙋ́дрость мнѣ̀ подаѧ̀: ꙗ҆́кѡ да пѣ́сньми похвалю́ тѧ просла́вльшаго ст҃ы̑ѧ твоѧ̑."
|
|
},
|
|
{
|
|
"type": "TEXT",
|
|
"value": "Воспое́мъ пѣ́снь, благочести́вїи, просла́вленныхъ цѣломꙋ́дреннымъ смы́сломъ, рѡма́на сла́внаго и҆ даві́да бл҃гочести́ваго, кꙋ́пнѡ сла́вѧще."
|
|
},
|
|
{
|
|
"type": "TEXT",
|
|
"value": "Да́ръ благода́рства ѿ бг҃а прїѧ́ша ѻ҆́ба, благоро́дство дꙋше́вное возлюби́вше па́че цѣломꙋ́дрїемъ и҆ добродѣ́телїю ᲂу҆добрѧ́ющесѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆збра́ннꙋю ѿ родѡ́въ всѣ́хъ, досто́йнѡ похва́лимъ вѣ́рнїи, дв҃ꙋ вои́стиннꙋ па́че сло́ва, бг҃а сло́ва пло́тїю ро́ждшꙋю."
|
|
},
|
|
{
|
|
"type": "TEXT",
|
|
"value": "Катава́сїа: Ѿве́рзꙋ ᲂу҆ста̀ моѧ̀:"
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Лꙋ́къ сокрꙋши́сѧ си́льныхъ держа́вою твое́ю, хрⷭ҇тѐ, и҆ си́лою немощствꙋ́ющїи препоѧ́сашасѧ."
|
|
},
|
|
{
|
|
"type": "TEXT",
|
|
"value": "И҆́же вре́мене превы́шшїй всѧ́кагѡ, ꙗ҆́кѡ временє́мъ творе́цъ, и҆зъ тебє̀, дв҃о, во́лею младе́нецъ созда́сѧ."
|
|
},
|
|
{
|
|
"type": "TEXT",
|
|
"value": "Чре́во простра́ннѣйшее небе́съ воспои́мъ, и҆́мже а҆да́мъ на нб҃сѣ́хъ ра́дꙋѧсѧ живе́тъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Весели́тсѧ ѡ҆ тебѣ̀ це́рковь твоѧ̀, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Весе́лїемъ весели́тсѧ хрⷭ҇то́ва цр҃ковь въ па́мѧти ва́шей ст҃і́и, и҆ творцꙋ̀ вопїе́тъ: ты̀ моѧ̀, гдⷭ҇и, крѣ́пость, и҆ прибѣ́жище, и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Дѡ́блїѧ вѣне́чники, и҆ страда́льцы хрⷭ҇то́вы всѝ восхва́лимъ свѣ́тлѡ, наꙋчи́вшыѧ на́съ хрⷭ҇тꙋ̀ вопи́ти: свѧ́тъ є҆сѝ, гдⷭ҇и."
|
|
},
|
|
{
|
|
"type": "TEXT",
|
|
"value": "Ни црⷭ҇тва жела́нїѧ, ни пи́щи наслажде́нїѧ, ни сребра̀ и҆ зла́та возжелѣ́ша, но хрⷭ҇тꙋ̀ є҆ди́номꙋ вопїѧ́хꙋ: свѧ́тъ є҆сѝ, гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆збавлѧ́ющаго человѣ́ки преслꙋша́нїѧ, и҆ лю́тагѡ паде́нїѧ, всемꙋ̀ вино́внаго, чⷭ҇таѧ и҆ всенепоро́чнаѧ, родила̀ є҆сѝ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ є҆сѝ ᲂу҆твержде́нїе притека́ющихъ къ тебѣ̀, гдⷭ҇и, ты̀ є҆сѝ свѣ́тъ ѡ҆мраче́нныхъ, и҆ пое́тъ тѧ̀ дꙋ́хъ мо́й."
|
|
},
|
|
{
|
|
"type": "TEXT",
|
|
"value": "Всѐ помышле́нїе къ бг҃ꙋ мꙋ́дрїи и҆мꙋ́ще, бра́тнею любо́вїю совокꙋ́пльшесѧ благоче́стнѡ пожи́сте."
|
|
},
|
|
{
|
|
"type": "TEXT",
|
|
"value": "Вє́щи возненави́дѣсте тлѣ̑нныѧ и҆ мимотекꙋ́щыѧ: и҆ добродѣ́тели ꙗ҆ви́стесѧ сосꙋ́ди, сла́внїи, ѿ ю҆́ности."
|
|
},
|
|
{
|
|
"type": "TEXT",
|
|
"value": "Мла́ди ᲂу҆́бѡ тѣ́ломъ, дꙋша́ми же кꙋ́пнѡ свѧ́ти, ꙗ҆́кѡ бл҃гочести́ви. Тѣ́мъ и҆ и҆́скреннѡ бг҃а возлюби́сте."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Є҆ди́на ты̀ породила̀ є҆сѝ несказа́ннѡ, нетлѣ́ннаѧ, тлѣ́нїѧ вои́стиннꙋ потреби́телѧ, и҆ мі́ръ спасла̀ є҆сѝ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Ли́къ а҆́гг҃льскїй:"
|
|
},
|
|
{
|
|
"type": "TEXT",
|
|
"value": "И҆змла́да хрⷭ҇та̀ возлюби́вше кꙋ́пнѡ бра́тїѧ честна́ѧ, жи́знь безстра́стнꙋю стѧжа́вше, сла́внїи, цѣломꙋ́дрїе и҆зво́листе, и҆ поще́нїе ѿ страсте́й дꙋше́вныхъ и҆ тѣле́сныхъ поспѣше́нїе бж҃їею благода́тїю прїе́мше, и҆сцѣлѧ́ете ва́съ пою́щыѧ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Безневѣ́стнаѧ чⷭ҇таѧ бцⷣе дв҃о, є҆ди́на вѣ́рныхъ предста́тельнице и҆ покро́ве, бѣ́дъ и҆ скорбе́й и҆ лю́тыхъ ѡ҆бстоѧ́нїй всѣ́хъ и҆зба́ви, на тѧ̀ ᲂу҆пова́нїе, ѻ҆трокови́це, и҆мꙋ́щихъ: и҆ дꙋ́шы на́шѧ спасѝ бжⷭ҇твенными моли́твами твои́ми."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆слы́шахъ, гдⷭ҇и, сла́вное твоѐ смотре́нїе, и҆ просла́вихъ, человѣколю́бче, непостижи́мꙋю твою̀ си́лꙋ."
|
|
},
|
|
{
|
|
"type": "TEXT",
|
|
"value": "Сѐ превознесе́сѧ бжⷭ҇твеннаѧ гора̀ до́мꙋ гдⷭ҇нѧ превы́шше си́лъ, бг҃ома́терь ꙗ҆́вственнѣйши."
|
|
},
|
|
{
|
|
"type": "TEXT",
|
|
"value": "Зако́нѡвъ є҆сте́ственныхъ кромѣ̀, є҆ди́на дв҃о, ро́ждши влⷣчествꙋющаго тва́рїю, сподо́биласѧ є҆сѝ бж҃е́ственнагѡ зва́нїѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Ꙗ҆́кѡ два̀ свѣти́ла возсїѧ́вшаѧ просвѣща́ете лю́ди ва́ша бг҃оно́сцы: но и҆ ны́нѣ и҆зба́вите на́съ врагѡ́въ ѡ҆бстоѧ́нїѧ, да почита́емъ ва́съ съ бг҃омъ застꙋпле́нїе на́ше."
|
|
},
|
|
{
|
|
"type": "TEXT",
|
|
"value": "Врачество̀ неистощи́мое ра́ка ва́ша показа́сѧ, бл҃же́ннїи, и҆ приста́нище небꙋ́рное: вси́ бо вѣ́рою притека́ющїи ѡ҆брѣта́емъ ѿ ѕлы́хъ напа́стей и҆збавле́нїе."
|
|
},
|
|
{
|
|
"type": "TEXT",
|
|
"value": "Любо́вїю ко хрⷭ҇тꙋ̀ привѧза́еми, тѣ́мъ и҆ дарѡ́въ сподо́бльшесѧ, стра̑сти разли̑чныѧ и҆сцѣлѧ́ти: сегѡ̀ ра́ди ва́ше соверша́емъ пра́зднество, бг҃омꙋ́дрїи."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сѣдѧ́й на престо́лѣ херꙋві́мстѣ и҆ превознесе́нѣ, ꙗ҆́кѡ престо́лъ и҆мы́й на рꙋкꙋ̀ твоє́ю почи́въ, мр҃і́е бг҃оневѣ́сто, препросла́вленный бг҃ъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ моѧ̀ крѣ́пость, гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. Тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Ю҆́ношески подви́гшесѧ, бг҃облаже́ннїи, во́зрастомъ цвѣ́та и҆ ю҆́ностїю, ѡ҆ сласте́хъ любвѐ плотскі́ѧ попече́нїѧ не и҆мѣ́сте ѿню́дъ, бжⷭ҇твєнныѧ кни̑ги почита́юще: тѣ́мъ и҆ просвѣ́щшесѧ за́повѣдьми бжⷭ҇твенными, те́мнаго погꙋби́сте кнѧ́зѧ."
|
|
},
|
|
{
|
|
"type": "TEXT",
|
|
"value": "Всемы́сленнѡ ѻ҆те́чєскимъ послѣ́дꙋѧ, ꙗ҆́кѡ мꙋ́дръ, стопа́мъ, бл҃же́нне, сревни́телѧ и҆мѣ́лъ є҆сѝ дѡ́брымъ, рѡма́не бг҃омꙋ́дре, даві́да вои́стиннꙋ приснопа́мѧтнаго: бра́тїѧ ᲂу҆́бѡ вкꙋ́пѣ, благоче́стнѡ совокꙋ́плени дꙋша́ми и҆ тѣ́ломъ ꙗ҆ви́стесѧ."
|
|
},
|
|
{
|
|
"type": "TEXT",
|
|
"value": "Зако́ны бж҃їѧ ѿ дꙋшѝ возлюби́вше, прозрѧ́ще жи́знь грѧдꙋ́щꙋю, смы́слъ простира́юще, свѧті́и, че́сть земнꙋ́ю и҆ вла́сть возненави́дѣсте, и҆ нетлѣ́нное црⷭ҇тво и҆ сла́вꙋ, ᲂу҆мномꙋ́дрїи и҆змѣни́сте."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Глаго́лѡмъ твои̑мъ послѣ́дꙋюще, непоро́чнаѧ, бл҃же́ннꙋ тебѐ и҆менꙋ́емъ хрⷭ҇тїа́нстїи всѝ ро́ди, ꙗ҆́кѡ бг҃а ро́ждшꙋю вои́стиннꙋ, а҆ не мечта́нїемъ: соверше́нна ѻ҆бои́мъ, бжⷭ҇тва̀ є҆стество́мъ, и҆ зако́номъ человѣ́чества."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆́гль и҆са́їи проѧвле́йсѧ, сл҃нце и҆зъ дѣ́вственныѧ ᲂу҆тро́бы возсїѧ̀, во тмѣ̀ заблꙋ́ждшымъ, бг҃оразꙋ́мїѧ просвѣще́нїе да́рꙋѧ."
|
|
},
|
|
{
|
|
"type": "TEXT",
|
|
"value": "Ѻ҆́блацы весе́лїѧ сла́дость кропи́те сꙋ́щымъ на землѝ: ꙗ҆́кѡ ѻ҆троча̀ даде́сѧ, сы́й пре́жде вѣ̑къ, ѿ дв҃ы вопло́щсѧ бг҃ъ на́шъ."
|
|
},
|
|
{
|
|
"type": "TEXT",
|
|
"value": "Житїю̀ и҆ пло́ти мое́й свѣ́тъ возсїѧ̀, и҆ дрѧ́хлость грѣха̀ разрꙋшѝ, напослѣ́докъ ѿ дв҃ы безъ сѣ́мене вопло́щсѧ вы́шнїй."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀, гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆зъ мра́чна невѣ́дѣнїѧ, вѣ́рою воспѣва́ющыѧ тѧ̀."
|
|
},
|
|
{
|
|
"type": "TEXT",
|
|
"value": "Наста̀ всечестны́й пра́здникъ, и҆ свѧще́нное торжество̀ сла́внагѡ рѡма́на съ даві́домъ, носѧ̀ на́мъ ра́дость вѣ́чнꙋю, въ не́йже сла́вимъ гдⷭ҇а просла́вльшаго и҆̀хъ."
|
|
},
|
|
{
|
|
"type": "TEXT",
|
|
"value": "Добродѣ́телѝ ᲂу҆кра́шени благолѣ́пїемъ свѣ́тлый рѡма́не съ глѣ́бомъ, страда́нїемъ вѣнча́вшесѧ, врага́ же и҆ бра́та посра́мльше, за хрⷭ҇та̀ прїѧ́сте заколе́нїе."
|
|
},
|
|
{
|
|
"type": "TEXT",
|
|
"value": "Слы́шано бы́сть во все́мъ мі́рѣ честно́е и҆ свѧще́нное страда́нїе ва́ше: и҆ всѧ́къ ꙗ҆зы́къ возставлѧ́етъ, сла́вити хрⷭ҇та̀ ва́съ просла́вльшаго."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Преста̀ ᲂу҆́бѡ тлѣ́нїе человѣ́ка: дв҃а бо родѝ нетлѣ́ннѡ бг҃а сло́ва, па́че є҆стества̀ и҆ сло́ва, и҆ дв҃а па́ки пребы́сть."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннагѡ, но ѡ҆брати́ мѧ, и҆ къ свѣ́тꙋ за́повѣдей твои́хъ, пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ ѻ҆тца̀ благочести́ва ча̑да, любо́вїю свѧ́зана, и҆ того̀ лю́бѧще, благоче́стїѧ свѣ́тлостїю въ рѡссі́и возсїѧ́вше, бра́тїѧ же па́че возлю́бленнїи. Сегѡ̀ ра́ди зави́стными стрѣла́ми и҆скꙋше́ни бы́сте."
|
|
},
|
|
{
|
|
"type": "TEXT",
|
|
"value": "Разгнѣ́васѧ братоꙋбі́йца, ꙗ҆́кѡ ва́шъ пре́жде, свѧтопо́лкъ ѻ҆каѧ́нный, ꙗ҆ви́сѧ же законопрестꙋ́пникъ, и҆ къ за́висти ᲂу҆бі́йство приплетѐ, сла́стїю прельсти́всѧ властолю́бїѧ. Тѣ́мже ѿмще́нїѧ пра́веднагѡ не ᲂу҆бѣжѐ."
|
|
},
|
|
{
|
|
"type": "TEXT",
|
|
"value": "Ѿ кро́ве своеѧ̀ препрꙋ́дꙋ носѧ́ще пресла́внїи, и҆ крⷭ҇тъ за ски́птръ въ деснꙋ́ю рꙋ́кꙋ ны́нѣ и҆мꙋ́ще, сца́рствовати хрⷭ҇тꙋ̀ сподо́бишасѧ рѡма́нъ и҆ даві́дъ, во́ини хрⷭ҇то́вы непобѣди́мїи."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вы́шшꙋ тѧ̀ всѣ́хъ, и҆ ст҃ѣ́йшꙋ чинѡ́въ прославлѧ́емъ нбⷭ҇ныхъ, ꙗ҆́кѡ дѡ́льнаѧ съ го́рними совокꙋпи́вшꙋ: но, ѽ мт҃и бж҃їѧ! Пѣвцы̀ твоѧ̑ посѣща́ющи, пога́ныхъ ᲂу҆ставлѧ́й шата̑нїѧ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Гла́съ глагѡ́лъ моле́бныхъ ѿ болѣ́зненныѧ, влⷣко, дꙋшѝ ᲂу҆слы́шавъ, ѿ лю́тыхъ мѧ̀ и҆зба́ви: є҆ди́нъ бо є҆сѝ на́шегѡ спасе́нїѧ вино́венъ."
|
|
},
|
|
{
|
|
"type": "TEXT",
|
|
"value": "Є҆стество̀ человѣ́ческое рабо́тающее грѣхꙋ̀, влⷣчце чⷭ҇таѧ, тобо́ю свобо́дꙋ ᲂу҆лꙋчѝ: тво́й бо сн҃ъ, ꙗ҆́кѡ а҆́гнецъ, за всѣ́хъ закала́етсѧ."
|
|
},
|
|
{
|
|
"type": "TEXT",
|
|
"value": "Вопїе́мъ тѝ всѝ и҆́стиннѣй бг҃ома́тери бж҃їи: прогнѣ́вавшыѧ рабы̑ и҆зба́ви, є҆ди́на бо дерзнове́нїе къ сн҃ꙋ и҆́маши."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю."
|
|
},
|
|
{
|
|
"type": "TEXT",
|
|
"value": "Ѡ҆ и҆̀же свѣ́тлый ва́шъ пра́здникъ соверша́ющихъ, бл҃же́ннїи, моли́тесѧ, и҆ ѻ҆те́чество ва́ше храни́ти ѿ вра̑гъ ненавѣ́тнѡ, и҆ ми́рно строе́нїе дарова́ти моли́твами ва́шими."
|
|
},
|
|
{
|
|
"type": "TEXT",
|
|
"value": "Нбⷭ҇нагѡ црⷭ҇твїѧ рачи́телїе бы́вше, бл҃же́ннїи, влⷣцѣ хрⷭ҇тꙋ̀ чи́стою со́вѣстїю послꙋжи́вше, и҆ томꙋ̀ предстоѧ́ще моли́тесѧ, спастѝ ва́съ восхвалѧ́ющихъ."
|
|
},
|
|
{
|
|
"type": "TEXT",
|
|
"value": "Прилѣпи́вшесѧ хрⷭ҇тꙋ̀, и҆ на него̀ всѐ ᲂу҆пова́нїе возложи́вше, бл҃же́ннїи, сегѡ̀ ра́ди ᲂу҆бїе́ни бы́вше, вѣ́чнѡ съ ни́мъ ца́рствꙋете."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆сты̀, по́мысломъ и҆ се́рдцемъ, пречⷭ҇таѧ, тѧ̀ бцⷣꙋ проповѣ́даемъ: тобо́ю бо бг҃ꙋ примири́хомсѧ ѿринове́ннїи престꙋпле́нїемъ пе́рвѣе пра́ѻц҃а."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆чи́сти мѧ̀, сп҃се, мнѡ́га бо беззакѡ́нїѧ моѧ̑, и҆ и҆зъ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е спасе́нїѧ моегѡ̀."
|
|
},
|
|
{
|
|
"type": "TEXT",
|
|
"value": "Но́щи и҆ тмы̀ сы́нове нареко́шасѧ проти́внїи, въ нощи́ тѧ къ бг҃ꙋ пѣ́нїе приносѧ́ща кѡ́пїи сбодо́ша, хода́таи твоемꙋ̀ вѣнцꙋ̀, рѡма́не, бжⷭ҇твенномꙋ бы́вше."
|
|
},
|
|
{
|
|
"type": "TEXT",
|
|
"value": "Ꙗ҆́кѡ вои́стиннꙋ сы́й подо́бникъ бг҃а вопло́щшагѡсѧ, за ᲂу҆бива́ющыѧ тѧ̀ те́плѣ моли́лсѧ є҆сѝ, свѧ́те, ꙗ҆́кѡ вторы́й мꙋ́ченикъ хрⷭ҇то́въ вели́кїй стефа́нъ: сегѡ̀ ра́ди и҆ съ ни́мъ просла́вилсѧ є҆сѝ."
|
|
},
|
|
{
|
|
"type": "TEXT",
|
|
"value": "Ю҆́ношески хра́брствовавше, мꙋ́жески побѣди́ша лю́таго ратобо́рца, свѧще́нный рѡма́нъ кꙋ́пнѡ съ даві́домъ дѣ́ломъ и҆ сло́вомъ побѣди́тели показа́шасѧ, и҆ побѣ́дный вѣне́цъ ѿ бг҃а прїѧ́ша, сла́внїи."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆ѧснѧ́ютъ прⷪ҇ро́честїи гла́си бж҃їю роди́тельницꙋ: пое́мъ же тѧ̀ и҆ мы̀, ви́дѧще сбытїѐ честны́хъ прорица́нїй, дѣ́вства вои́стиннꙋ и҆ чⷭ҇тоты̀ вмѣсти́лище."
|
|
},
|
|
{
|
|
"type": "HEADER",
|
|
"value": "Конда́къ, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Дв҃а дне́сь:"
|
|
},
|
|
{
|
|
"type": "TEXT",
|
|
"value": "Возсїѧ̀ дне́сь пресла́внаѧ па́мѧть ва́ша, благоро́днїи страстоте́рпцы хрⷭ҇то́вы, рѡма́не и҆ даві́де, созыва́юще на́съ къ похвале́нїю хрⷭ҇та̀ бг҃а на́шегѡ. Тѣ́мъ притека́юще къ ра́цѣ моще́й ва́шихъ, и҆сцѣле́нїй да́ръ прїе́млемъ моли́твами ва́шими, ст҃і́и: вы́ бо бжⷭ҇твеннїи вра́чеве є҆стѐ."
|
|
},
|
|
{
|
|
"type": "TEXT",
|
|
"value": "І҆́косъ: Разꙋ́мное житїѐ соверша́ѧ, пребл҃же́нне, ца́рскимъ вѣнце́мъ ѿ ю҆́ности ᲂу҆кра́шенъ, всебога́тый рѡма́не, вла́сть ве́лїѧ бы́лъ є҆сѝ твоемꙋ̀ ѻ҆те́чествꙋ, во все́й землѝ рѡссі́йстѣй. Тѣ́мъ ви́дѧ тво́й ᲂу҆спѣ́хъ хрⷭ҇то́съ бг҃ъ, сꙋдо́мъ свои́мъ на мꙋче́нїе тѧ̀ призва̀, крѣ́пость тебѣ̀ пода́въ съ нб҃сѐ, да побѣди́ши врага̀ мꙋ́жески съ даві́домъ бра́томъ твои́мъ, пострада́вшимъ съ тобо́ю: вы́ бо бжⷭ҇твеннїи вра́чеве є҆стѐ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вѣті̑и ꙗ҆ви́шасѧ ѻ҆́троцы любомꙋдрѣ́йшїи дре́вле, ѿ бг҃опрїѧ́тныѧ бо дꙋшѝ бг҃осло́вѧще, ᲂу҆стна́ми поѧ́хꙋ: пребжⷭ҇твенный ѻ҆тцє́въ и҆ на́шъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Зрѧ́ше въ нощѝ ᲂу҆́бѡ і҆а́кѡвъ ꙗ҆́кѡ въ гада́нїи бг҃а, воплоще́нъ же и҆зъ тебє̀, свѣ́тлостїю ꙗ҆ви́сѧ, пою́щымъ: пребжⷭ҇твенный ѻ҆тцє́въ бг҃ъ и҆ препросла́вленъ."
|
|
},
|
|
{
|
|
"type": "TEXT",
|
|
"value": "Зна́менїѧ є҆́же въ тебѣ̀ неизрече́ннагѡ проѧвлѧ́ѧ сплете́нїѧ, со і҆а́кѡвомъ бо́ретсѧ: и҆́мже во́лею соедини́сѧ чл҃вѣ́кѡмъ, чⷭ҇таѧ, пребжⷭ҇твенный ѻ҆тцє́въ бг҃ъ и҆ препросла́вленъ."
|
|
},
|
|
{
|
|
"type": "TEXT",
|
|
"value": "Ме́рзокъ, и҆́же не проповѣ́дꙋетъ є҆ди́наго дв҃ы тѧ̀ сн҃а, ѿ препѣ́тыѧ трⷪ҇цы, и҆ несꙋмнѣ́нною мы́слїю и҆ ѧ҆зы́комъ вопїѧ̀: пребжⷭ҇твенный ѻ҆тцє́въ бг҃ъ и҆ препросла́вленъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю благоче́стїѧ па́че, не́жели пла́менемъ ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Бжⷭ҇твеннаѧ и҆ пресвѣ́тлаѧ па́мѧть ва́ша, ꙗ҆́кѡ нб҃о свѣтоза́рное показа́сѧ, и҆ ꙗ҆́кѡ со́лнце свѣтоно́сно, просвѣща́ѧ безъ сꙋмнѣ́нїѧ хрⷭ҇тꙋ̀ вопїю́щыѧ: благослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Кто̀ не ᲂу҆диви́тсѧ, и҆ кто̀ не воспое́тъ и҆ просла́витъ вѣ́рнѡ, пресла́вныхъ мꙋ́чєникъ хрⷭ҇то́выхъ, бори́са съ глѣ́бомъ, хрⷭ҇то́ва ра́ди смире́нїѧ, возненави́дѣвшихъ дїади́мꙋ и҆ ца́рство;"
|
|
},
|
|
{
|
|
"type": "TEXT",
|
|
"value": "Мглꙋ̀ безбо́жїѧ ѿгна́вше, свѣ́тлѡ наꙋчи́ша лю́ди своѧ̑, честѝ въ трⷪ҇цѣ є҆ди́наго бг҃а, и҆ ᲂу҆се́рднѡ пѣ́ти: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вы́шнѧгѡ ѡ҆свѧще́нное бжⷭ҇твенное селе́нїе, ра́дꙋйсѧ, тобо́ю бо даде́сѧ ра́дость, бцⷣе, вопїю́щымъ: бл҃гослове́нна ты̀ въ жена́хъ є҆сѝ, всенепоро́чнаѧ влⷣчце."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿ і҆ꙋде́и доше́дше ѻ҆́троцы въ вавѷлѡ́нѣ и҆ногда̀, вѣ́рою трⷪ҇ческою пла́мень пе́щный попра́ша, пою́ще: ѻ҆ц҃є́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Пресла́внѡ просла́ви бжⷭ҇твеннаѧ бл҃года́ть ва́съ, прехва́льнїи, ꙗ҆́кѡ сою́зъ вои́стиннꙋ братолю́бїѧ и҆ бл҃гоче́стїѧ, и҆ свѣ́тлѡ наꙋчѝ вопи́ти: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ѽ мꙋ́жества страстоте́рпєцъ! Ѽ чистоты̀ крѣ́пости! Ѽ ра́зꙋма непрекло́нна! Ꙗ҆́кѡ ᲂу҆ѧзвлѧ́еми вельмѝ, и҆ закала́еми неми́лостивнѡ, ꙗ҆ви́стесѧ страстоно́сцы вели́цыи, рѡма́не и҆ даві́де. И҆̀хже восхва́лимъ вѣ́рнїи, вопїю́ще: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Пострада́ти хрⷭ҇та̀ ра́ди и҆зво́листе, и҆ сегѡ̀ ра́ди возме́здїе ѿ бг҃а ѡ҆брѣто́сте, стра̑сти и҆ недꙋ́ги ѿ земны́хъ ѿгонѧ́ти, хва́лѧщихъ и҆ вопїю́щихъ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ка́плѧ бг҃ото́чнаѧ, ꙗ҆́же ѿ тебє̀ ро́ждшисѧ, мі́ръ ѡ҆свѧти́вша, бцⷣе дв҃о, ка́плю ми́лости мѝ и҆сточѝ, ѡ҆свѧща́ющꙋ дꙋ́шы и҆ помышлє́нїѧ земны́хъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆ подо́бїи зла́тѣ небре́гше требл҃же́ннїи ю҆́ношы, неизмѣ́нный и҆ живы́й бж҃їй ѻ҆́бразъ ви́дѣвше, средѝ ѻ҆гнѧ̀ воспѣва́хꙋ: ѡ҆сꙋществова́ннаѧ да пое́тъ гдⷭ҇а всѧ̀ тва́рь, и҆ превозно́ситъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ви́дѣнъ бы́сть на землѝ тобо́ю, и҆ съ человѣ́ки поживѐ, и҆́же бл҃гостїю несравне́нный и҆ си́лою. Є҆мꙋ́же пою́ще всѝ вѣ́рнїи зове́мъ: ѡ҆сꙋществова́ннаѧ да пое́тъ гдⷭ҇а всѧ̀ тва́рь, и҆ превозно́ситъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Вои́стиннꙋ тѧ̀ чⷭ҇тꙋю проповѣ́дающе сла́вимъ, бцⷣе: ты́ бо є҆ди́наго родила̀ є҆сѝ ѿ трⷪ҇цы воплоще́нна. Є҆мꙋ́же со ѻ҆ц҃е́мъ и҆ дх҃омъ всѝ пое́мъ: да пое́тъ гдⷭ҇и всѧ̀ тва́рь, и҆ превозно́ситъ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Рꙋ́цѣ распросте́ръ, данїи́лъ львѡ́въ зїѧ̑нїѧ въ ро́вѣ затчѐ: ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, благоче́стїѧ рачи́тели ѻ҆́троцы, взыва́юще: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Просїѧ́вши дне́сь пресвѣ́тлаѧ па́мѧть ва́ша, бл҃же́ннїи, вѣ̑рныѧ созыва́етъ на торжество̀, просла́вити терпѣ̑нїѧ ва̑ша, хрⷭ҇тꙋ́ же вопи́ти: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Бг҃оѧвле́ннїи и҆ но́вїи страда́льцы тебѐ, хрⷭ҇тѐ, є҆ди́наго возлюби́ша, и҆ лю́ди наста́виша пѣ́ти тѧ̀ творца̀ всѣ́хъ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Пра́вды свѣти́льницы возсїѧ́вшїи, ᲂу҆кра́шени добро́тою мꙋче́нїѧ, просвѣща́юще сердца̀ вѣ́рныхъ, недꙋ́ги ѿго́нѧтъ ѿ вопїю́щихъ вѣ́рнѡ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆збавлѧ́ѧ на́съ, возсїѧ̀ и҆зъ тебє̀ гдⷭ҇ь, дв҃о чⷭ҇таѧ, є҆го́же молѝ, влⷣчце, просвѣти́ти пою́щыѧ тѧ̀, и҆ ѡ҆бстоѧ́нїѧ и҆зба́вити вопїю́щыѧ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею спасє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Не дово́льни бы́вше ѡ҆ ᲂу҆бі́йствѣ ѻ҆каѧ́ннїи, но и҆ тѣлеса̀ ва̑ша небрего́ма пове́ргше, не ᲂу҆стыдѣ́шасѧ благоро́дїѧ: но бл҃года́ть бж҃їѧ хранѧ́ше ѧ҆̀ хране́нїемъ а҆́гг҃лѡвъ, съ ни́миже ликꙋ́ете во вѣ́ки."
|
|
},
|
|
{
|
|
"type": "TEXT",
|
|
"value": "Человѣ́цы, и҆̀же тогда̀ въ гора́хъ ло́ва и҆́щꙋще, ви́дѣша свѣ́тъ ѿ твоегѡ̀ тѣлесѐ сїѧ́ющь, бг҃одохнове́нне даві́де, что̀ видѣ́нїе, дрꙋ́гъ дрꙋ́гꙋ гл҃го́лахꙋ; ви́дѣвши же чꙋ́до проповѣ́даша всѣ̑мъ, хрⷭ҇та̀ хва́лѧще, тебѐ сохра́ншаго."
|
|
},
|
|
{
|
|
"type": "TEXT",
|
|
"value": "Пресвѧта́ѧ ва́ша па́мѧть, ѡ҆свѧща́ющаѧ мі́ръ, наста̀ ны́нѣ, прехва́льнїи страстоно́сцы, въ ню́же мо́лимъ полꙋчи́ти ва́ше застꙋпле́нїе, рѡма́не и҆ даві́де, хрⷭ҇та̀ пою́щымъ во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣ́та сосꙋ́дъ, чⷭ҇таѧ, бы́вши, просвѣти́ мѧ, къ повелѣ́нїихъ свѣ́та ходи́ти мѝ поспѣшѝ, всечⷭ҇таѧ, ѿ чре́ва твоегѡ̀ возсїѧ́вшагѡ, и҆ просвѣти́вша вѣ́рныхъ сердца̀, є҆го́же превозно́симъ во вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ве́сь є҆сѝ жела́нїе, ве́сь сла́дость, сло́ве бж҃їй, дв҃ы сн҃е, бж҃е богѡ́въ гдⷭ҇и, ст҃ы́хъ прест҃ы́й: тѣ́мъ тѧ̀ всѝ съ ро́ждшею велича́емъ."
|
|
},
|
|
{
|
|
"type": "TEXT",
|
|
"value": "Же́злъ крѣ́пости даде́сѧ є҆стествꙋ̀ тлѣ́нномꙋ, сло́во бж҃їе во ᲂу҆тро́бѣ твое́й, чⷭ҇таѧ: и҆ сїѐ возста́ви, до а҆́да попо́лзшеесѧ. Тѣ́мже тѧ̀, всечⷭ҇таѧ, ꙗ҆́кѡ бцⷣꙋ велича́емъ."
|
|
},
|
|
{
|
|
"type": "TEXT",
|
|
"value": "Ю҆́же и҆зво́лилъ є҆сѝ, влⷣко, прїимѝ ми́лостивнѡ моли́твенницꙋ, мт҃рь твою̀ ѡ҆ на́съ, и҆ твоеѧ̀ бл҃гости всѧ́чєскаѧ и҆спо́лнѧтсѧ: да тѧ̀ всѝ, ꙗ҆́кѡ бл҃годѣ́телѧ велича́емъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀. Тѣ́мъ веселѧ́щесѧ, тѧ̀, бцⷣе, велича́емъ."
|
|
},
|
|
{
|
|
"type": "TEXT",
|
|
"value": "И҆спещре́ни бы́вше бжⷭ҇твенными добро́тами, страда́нїи ва́шими къ бг҃ꙋ востеко́сте, вѣнцы̀ побѣ́ды ѿ негѡ̀ прїе́млюще: тѣ́мъ ва́шѧ пѣвцы̀ помина́йте, да ва́съ непреста́ннѡ велича́емъ."
|
|
},
|
|
{
|
|
"type": "TEXT",
|
|
"value": "Ѽ бжⷭ҇твеннаѧ дво́ице, самобра́тнаѧ и҆ свѣтоза́рнаѧ! Моли́тесѧ дарова́ти ѡ҆чище́нїе согрѣше́нїй, и҆ пре́жде конца̀ житїѧ̀ и҆справле́нїе: да ва́съ непреста́ннѡ велича́емъ."
|
|
},
|
|
{
|
|
"type": "TEXT",
|
|
"value": "Ѿ мла́да во́зраста ѡ҆свѧтѝ ва́съ вседѣ́тель бг҃ъ, и҆ ѡ҆корми́тели и҆зрѧ́дны пла́вающымъ въ мо́ри житїѧ̀ показа̀: тѣ́мъ согла́снѡ почита́емъ па́мѧть ва́шꙋ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Спаси́ мѧ всѣ́хъ ро́ждшаѧ и҆зба́вителѧ: разорѝ дꙋшѝ моеѧ̀ ѻ҆́блаки, свѣ́та ѻ҆́блаче, всест҃а́ѧ влⷣчце, и҆ си́льна содѣ́лай на стра̑сти борю́щыѧ мѧ̀."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасе́сѧ ѡ҆ се́мъ не́бо, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее небе́съ. Тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ."
|
|
},
|
|
{
|
|
"type": "TEXT",
|
|
"value": "А҆́ще и҆ на землѝ положе́ни бы́сте ꙗ҆́кѡ ме́ртви, но на нб҃сѣ́хъ прославлѧ́етесѧ съ рабы̑ бж҃їими. Тѣ́мъ дерзнове́нїѧ ѿ негѡ̀ сподо́бльшесѧ, сла́внїи, нечи́стаго верхꙋ̀ стоѧ́ща надъ гро́бомъ ва́шимъ, стра́хомъ ѻ҆́гненнымъ ѿгна́сте, бл҃же́ннїи."
|
|
},
|
|
{
|
|
"type": "TEXT",
|
|
"value": "Здра́вы творитѐ болѧ́щыѧ благочєсти́выѧ, и҆ хрѡмы́мъ тече́нїе подае́те, и҆ послꙋшествꙋ́етъ здра́въ бы́вый ᲂу҆ ва́шеѧ ра́ки, ѽ дво́ице преди́внаѧ! Тѣ́мъ и҆ на́мъ всѣ̑мъ помѡ́щницы поспѣ́шни быва́ете свы́ше, ᲂу҆ставлѧ́юще болѣ̑зни, и҆ пога́ныхъ шата̑нїѧ."
|
|
},
|
|
{
|
|
"type": "TEXT",
|
|
"value": "Бжⷭ҇твеннаѧ и҆ свѣтоза́рнаѧ вои́стиннꙋ верста̀, рѡма́не и҆ даві́де, добропобѣ́днїи страстоно́сцы, на нб҃сѝ ны́нѣ трⷪ҇цѣ вседержа́внѣй предстоитѐ, и҆збавле́нїѧ просѧ́ще прегрѣше́нїй лю́тыхъ, вѣ́рнѡ на землѝ па́мѧть ва́шꙋ торжествꙋ́ющымъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѽ чꙋдесѐ пребо́льша ᲂу҆ма̀, чꙋ́до ве́лїе вои́стиннꙋ и҆ пресла́вно! Ка́кѡ вмѣсти́сѧ во ᲂу҆тро́бꙋ твою̀ бг҃ъ, ника́коже вмѣсти́мый; є҆го́же за хва́лѧщыѧ тѧ̀ благочести́внѡ молѝ, дв҃о, ѿ бѣ́дъ и҆збавлѧ́ти, и҆ ѿ беззако́нныхъ ꙗ҆зы̑къ всегда̀."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Посѣти́лъ ны̀:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ вои́стиннꙋ пресвѣ́тлїи свѣти́льницы, всю̀ вселе́ннꙋю просвѣти́сте вѣ́рою, бг҃опрїѧ́тне рѡма́не съ даві́домъ. Тѣ́мъ пѣ́сньми воспое́мъ возвели́чившаго ва́съ хрⷭ҇та̀ бг҃а на́шего. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бцⷣꙋ пѣ́сньми немо́лчными благоче́стнѡ пое́мъ вопїю́ще: ра́дꙋйсѧ, горо̀ ст҃а́ѧ, ра́дꙋйсѧ, престо́ле ѻ҆гнено́сный всѣ́хъ цр҃ѧ̀: ра́дꙋйсѧ, а҆́гг҃лѡвъ ра́досте и҆ мꙋ́ченикѡвъ сла́во."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры на д҃, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Свѣтоза́рнаѧ и҆ ст҃а́ѧ и҆ благоѻбра́знаѧ, мꙋ́ченикѡвъ бори́са и҆ глѣ́ба всепра́зднственнаѧ возсїѧ̀ па́мѧть: и҆́же всю̀ зе́млю просвѣща́юще и҆ і҆́дѡльскїй мра́къ ѿгонѧ́ще, цѣле́бъ благода́ть и҆сточа́ютъ. Два́жды."
|
|
},
|
|
{
|
|
"type": "TEXT",
|
|
"value": "Честны́ми ка́плѧми крове́й ва́шихъ ѡ҆багри́сте ри̑зы ва́шѧ, блаже́ннїи рѡма́не и҆ даві́де, тѣ́мъ вѣ́рою па́мѧть ва́шꙋ пра́зднꙋюще, моли́тесѧ, мо́лимъ ва́съ, ᲂу҆мири́ти мі́ръ, и҆ спастѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ є҆ди́нъ свѣ́тъ во двою̀ тѣлесѝ, мі́ръ просвѣща́ете чꙋде́сными блиста́нїи, страстоте́рпцы гдⷭ҇ни, мра́къ невѣ́дѣнїѧ ѿгонѧ́ще. Тѣ́мъ воспѣва́емъ ра́достнѡ, похвалѧ́юще ва́шꙋ па́мѧть."
|
|
},
|
|
{
|
|
"type": "HEADER",
|
|
"value": "Сла́ва, гла́съ д҃:"
|
|
},
|
|
{
|
|
"type": "TEXT",
|
|
"value": "Дне́сь празднолю́бныхъ собо́ри соше́дшесѧ, ра́достнымъ лице́мъ и҆ чи́стымъ се́рдцемъ, дꙋхо́внѣ соста́вимъ ли́къ: не въ кѷмва́лѣхъ і҆ꙋде́йски, но въ сокрꙋше́нныхъ сердца́хъ похвалѧ́юще хрⷭ҇та̀ и҆́стиннаго бг҃а на́шего, прославлѧ́ющаго ст҃ы̑ѧ своѧ̑, до́блѧго рѡма́на съ даві́домъ, и҆́хже ны́нѣ многоцѣле́бнꙋю и҆ чꙋдотво́рнꙋю ра́кꙋ ѡ҆бстоѧ́ще, любе́знѡ ѡ҆блобыза́емъ, глаго́люще: ра́дꙋйтесѧ, ꙗ҆́кѡ хрⷭ҇то́вы за́пѡвѣди по ѻ҆́бразꙋ соблю́дшїи: ра́дꙋйтесѧ, ꙗ҆́кѡ смире́нїе хрⷭ҇то́во воспрїи́мшїи, и҆ ника́коже сопроти́вистесѧ бра́тꙋ и҆ врагꙋ̀, неми́лостивнѡ ᲂу҆бива́ющемꙋ тѣлеса̀ ва̑ша: ра́дꙋйтесѧ, ꙗ҆́кѡ лю́ди ва́шѧ ко и҆́стиннѣй вѣ́рѣ наставлѧ́ющїи, рѡма́не пречꙋ́дне и҆ неѕло́биве даві́де, ѻ҆те́чествꙋ ва́шемꙋ пресвѣ́тлїи свѣти́льницы, и҆ мл҃твенницы дерзнове́ннїи ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Славосло́вїе вели́кое и҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и, бл҃жє́нна ѻ҆бою̀ канѡ́нѡвъ, пѣ́снь г҃ и҆ ѕ҃."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Ст҃ы̑мъ, и҆̀же сꙋ́ть на землѝ є҆гѡ̀, ᲂу҆дивѝ гдⷭ҇ь всѧ̑ хотѣ̑нїѧ своѧ̑ въ ни́хъ."
|
|
},
|
|
{
|
|
"type": "TEXT",
|
|
"value": "Сті́хъ: Предзрѣ́хъ гдⷭ҇а предо мно́ю вы́нꙋ:"
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ ри́млѧнѡмъ, зача́ло ч҃ѳ."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ д҃: Воззва́ша пра́веднїи, и҆ гдⷭ҇ь ᲂу҆слы́ша и҆̀хъ."
|
|
},
|
|
{
|
|
"type": "TEXT",
|
|
"value": "Сті́хъ: Мнѡ́ги скѡ́рби пра́вєднымъ, и҆ ѿ всѣ́хъ и҆́хъ и҆зба́витъ ѧ҆̀ гдⷭ҇ь."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе і҆ѡа́нна, зача́ло н҃в."
|
|
},
|
|
{
|
|
"type": "TEXT",
|
|
"value": "Прича́стенъ: Ра́дꙋйтесѧ:"
|
|
}
|
|
] |