ponomar-pwa/static/data/shared/services/great-wednesday/full.json

[
 {
  "type": "HEADER",
  "value": "Во ст҃ꙋ́ю и҆ вели́кꙋю сре́дꙋ."
 },
 {
  "type": "TEXT",
  "value": "ⷤ На ᲂу҆́трени ⷤ На часѣ́хъ ⷤ На вече́рни ⷤ На повече́рїи"
 },
 {
  "type": "HEADER",
  "value": "На ᲂу҆́трени."
 },
 {
  "type": "TEXT",
  "value": "Глаго́летъ сщ҃е́нникъ: Бл҃гослове́нъ бг҃ъ на́шъ, всегда̀, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. Три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ, да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "Та́же, Гдⷭ҇и поми́лꙋй, в҃і."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "П рїиди́те, поклони́мсѧ цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ хрⷭ҇тꙋ̀, цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ самомꙋ̀ хрⷭ҇тꙋ̀, цр҃е́ви и҆ бг҃ꙋ на́шемꙋ."
 },
 {
  "type": "TEXT",
  "value": "И҆ два̀ ѱалма̀. Сі́и ѱалмы̀ глаго́лютсѧ въ монастырѣ́хъ ко́снѡ, за є҆́же кади́ти сщ҃е́нникꙋ бра́тїю всю̀."
 },
 {
  "type": "HEADER",
  "value": "Ѱало́мъ ѳ҃і."
 },
 {
  "type": "TEXT",
  "value": "Оу҆ слы́шитъ тѧ̀ гдⷭ҇ь въ де́нь печа́ли, защи́титъ тѧ̀ и҆́мѧ бг҃а і҆а́кѡвлѧ. по́слетъ тѝ по́мощь ѿ ст҃а́гѡ, и҆ ѿ сїѡ́на застꙋ́питъ тѧ̀. помѧне́тъ всѧ́кꙋ же́ртвꙋ твою̀, и҆ всесожже́нїе твоѐ тꙋ́чно бꙋ́ди. да́стъ тѝ гдⷭ҇ь по се́рдцꙋ твоемꙋ̀, и҆ ве́сь совѣ́тъ тво́й и҆спо́лнитъ. возра́дꙋемсѧ ѡ҆ сп҃се́нїи твое́мъ, и҆ во и҆́мѧ гдⷭ҇а бг҃а на́шегѡ возвели́чимсѧ: и҆спо́лнитъ гдⷭ҇ь всѧ̑ прошє́нїѧ твоѧ̑. ны́нѣ позна́хъ, ꙗ҆́кѡ сп҃сѐ гдⷭ҇ь хрїста̀ своего̀. ᲂу҆слы́шитъ є҆го̀ съ нб҃сѐ ст҃а́гѡ своегѡ̀, въ си́лахъ сп҃се́нїе десни́цы є҆гѡ̀. сі́и на колесни́цахъ, и҆ сі́и на ко́нехъ: мы́ же во и҆́мѧ гдⷭ҇а бг҃а на́шегѡ призове́мъ. ті́и спѧ́ти бы́ша и҆ падо́ша, мы́ же воста́хомъ и҆ и҆спра́вихомсѧ. гдⷭ҇и, сп҃сѝ царѧ̀, и҆ ᲂу҆слы́ши ны̀, во́ньже а҆́ще де́нь призове́мъ тѧ̀."
 },
 {
  "type": "HEADER",
  "value": "Ѱало́мъ к҃."
 },
 {
  "type": "TEXT",
  "value": "Г дⷭ҇и, си́лою твое́ю возвесели́тсѧ ца́рь и҆ ѡ҆ сп҃се́нїи твое́мъ возра́дꙋетсѧ ѕѣлѡ̀. жела́нїе се́рдца є҆гѡ̀ да́лъ є҆сѝ є҆мꙋ̀, и҆ хотѣ́нїѧ ᲂу҆стнꙋ̀ є҆гѡ̀ нѣ́си лиши́лъ є҆го̀. ꙗ҆́кѡ предвари́лъ є҆сѝ є҆го̀ бл҃гослове́нїемъ бл҃госты́ннымъ, положи́лъ є҆сѝ на главѣ̀ є҆гѡ̀ вѣне́цъ ѿ ка́мене че́стна. живота̀ проси́лъ є҆́сть ᲂу҆ тебѐ, и҆ да́лъ є҆сѝ є҆мꙋ̀ долготꙋ̀ дні́й во вѣ́къ вѣ́ка. ве́лїѧ сла́ва є҆гѡ̀ спасе́нїемъ твои́мъ, сла́вꙋ и҆ велелѣ́пїе возложи́ши на него̀. ꙗ҆́кѡ да́си є҆мꙋ̀ бл҃гослове́нїе во вѣ́къ вѣ́ка, возвесели́ши є҆го̀ ра́достїю съ лице́мъ твои́мъ. ꙗ҆́кѡ ца́рь ᲂу҆пова́етъ на гдⷭ҇а. и҆ млⷭ҇тїю вы́шнѧгѡ не подви́житсѧ. да ѡ҆брѧ́щетсѧ рꙋка̀ твоѧ̀ всѣ̑мъ врагѡ́мъ твои̑мъ, десни́ца твоѧ̀ да ѡ҆брѧ́щетъ всѧ̑ ненави́дѧщыѧ тебѐ. ꙗ҆́кѡ положи́ши и҆̀хъ ꙗ҆́кѡ пе́щь ѻ҆́гненнꙋю, во вре́мѧ лица̀ твоегѡ̀: гдⷭ҇ь гнѣ́вомъ свои́мъ смѧте́тъ ѧ҆̀, и҆ снѣ́стъ и҆̀хъ ѻ҆́гнь. пло́дъ и҆́хъ ѿ землѝ погꙋби́ши, и҆ сѣ́мѧ и҆́хъ ѿ сынѡ́въ человѣ́ческихъ. ꙗ҆́кѡ ᲂу҆клони́ша на тѧ̀ ѕла̑ѧ, помы́слиша совѣ́ты, и҆́хже не возмо́гꙋтъ соста́вити. ꙗ҆́кѡ положи́ши ѧ҆̀ хребе́тъ во и҆збы́тцѣхъ твои́хъ, ᲂу҆гото́виши лицѐ и҆́хъ. вознеси́сѧ гдⷭ҇и си́лою твое́ю, воспое́мъ и҆ пое́мъ си̑лы твоѧ̑."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. Три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "И҆ тропарѝ сїѧ̑:"
 },
 {
  "type": "TEXT",
  "value": "С п҃сѝ гдⷭ҇и лю́ди твоѧ̑, / и҆ бл҃гословѝ достоѧ́нїе твоѐ, / побѣ̑ды на сопроти̑вныѧ да́рꙋѧ, / и҆ твоѐ сохранѧ́ѧ крⷭ҇то́мъ твои́мъ жи́тельство."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "В ознесы́йсѧ на крⷭ҇тъ во́лею / тезоимени́томꙋ твоемꙋ̀ но́вомꙋ жи́тельствꙋ / щедрѡ́ты твоѧ̑ да́рꙋй хрⷭ҇тѐ бж҃е: / возвеселѝ на́съ си́лою твое́ю, / побѣ̑ды даѧ̀ на́мъ на сопоста́ты, / посо́бїе и҆мꙋ́щымъ твоѐ ѻ҆рꙋ́жїе ми́ра, / непобѣди́мꙋю побѣ́дꙋ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "П редста́тельство стра́шное и҆ непосты́дное, / не пре́зри бл҃га́ѧ моли́твъ на́шихъ, всепѣ́таѧ бцⷣе, / ᲂу҆твердѝ правосла́вныхъ жи́тельство: / сп҃сѝ вѣ̑рныѧ лю́ди твоѧ̑, и҆ пода́ждь и҆̀мъ съ нб҃сѐ побѣ́дꙋ, / занѐ родила̀ є҆сѝ бг҃а, є҆ди́на бл҃гослове́ннаѧ."
 },
 {
  "type": "HEADER",
  "value": "Та́же глаго́летъ і҆ере́й:"
 },
 {
  "type": "TEXT",
  "value": "П оми́лꙋй на́съ бж҃е, по вели́цѣй млⷭ҇ти твое́й, мо́лимъ ти сѧ, ᲂу҆слы́ши, и҆ поми́лꙋй."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, три́жды."
 },
 {
  "type": "TEXT",
  "value": "Є҆ щѐ мо́лимсѧ ѡ҆ вели́комъ господи́нѣ и҆ ѻ҆ц҃ѣ̀ на́шемъ, свѧтѣ́йшемъ патрїа́рхѣ моско́вскомъ и҆ всеѧ̀ рꙋсѝ и҆́мⷬ҇къ, и҆ ѡ҆ господи́нѣ на́шемъ преѡсвѧще́нѣйшемъ є҆пⷭ҇кпѣ [и҆лѝ а҆рхїепⷭ҇кпѣ, и҆лѝ митрополі́тѣ ] и҆́мⷬ҇къ."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, три́жды."
 },
 {
  "type": "TEXT",
  "value": "Є҆ щѐ мо́лимсѧ ѡ҆ богохрани́мѣй странѣ̀ на́шей, властѣ́хъ и҆ во́инствѣ є҆ѧ̀, да ти́хое и҆ безмо́лвное житїѐ поживе́мъ во всѧ́комъ бл҃гоче́стїи и҆ чистотѣ̀."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, три́жды."
 },
 {
  "type": "TEXT",
  "value": "Є҆ щѐ мо́лимсѧ за всю̀ бра́тїю и҆ за всѧ̑ хрїстїа́ны."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, три́жды."
 },
 {
  "type": "TEXT",
  "value": "Возглаша́етъ і҆ере́й: Ꙗ҆́кѡ ми́лостивъ и҆ чл҃вѣколю́бецъ бг҃ъ є҆сѝ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь. И҆́ менемъ гдⷭ҇нимъ бл҃гословѝ ѻ҆́тче."
 },
 {
  "type": "TEXT",
  "value": "Предстоѧ́тель возглаша́етъ си́це: Сла́ва ст҃ѣ́й, и҆ є҆диносꙋ́щнѣй, и҆ животворѧ́щей, и҆ нераздѣ́льнѣй трⷪ҇цѣ всегда̀, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "И҆ начина́емъ шестоѱа́лмїе, со всѧ́кимъ молча́нїемъ и҆ ᲂу҆миле́нїемъ слꙋ́шающе: ᲂу҆чине́нный же бра́тъ со бл҃гоговѣ́нїемъ и҆ стра́хомъ бж҃їимъ глаго́летъ:"
 },
 {
  "type": "TEXT",
  "value": "С ла́ва въ вы́шнихъ бг҃ꙋ, и҆ на землѝ ми́ръ, въ человѣ́цѣхъ бл҃говоле́нїе. Три́жды."
 },
 {
  "type": "TEXT",
  "value": "Г дⷭ҇и, ᲂу҆стнѣ̀ моѝ ѿве́рзеши, и҆ ᲂу҆ста̀ моѧ̑ возвѣстѧ́тъ хвалꙋ̀ твою̀. Два́жды."
 },
 {
  "type": "HEADER",
  "value": "Ѱало́мъ г҃."
 },
 {
  "type": "TEXT",
  "value": "Г дⷭ҇и, что́ сѧ ᲂу҆мно́жиша стꙋжа́ющїи мѝ; мно́зи востаю́тъ на мѧ̀, мно́зи глаго́лютъ дꙋшѝ мое́й: нѣ́сть спⷭ҇нїѧ є҆мꙋ̀ въ бз҃ѣ є҆гѡ̀. ты́ же, гдⷭ҇и, застꙋ́пникъ мо́й є҆сѝ, сла́ва моѧ̀, и҆ возносѧ́й главꙋ̀ мою̀. гла́сомъ мои́мъ ко гдⷭ҇ꙋ воззва́хъ, и҆ ᲂу҆слы́ша мѧ̀ ѿ горы̀ ст҃ы́ѧ своеѧ̀. а҆́зъ ᲂу҆снꙋ́хъ, и҆ спа́хъ, воста́хъ, ꙗ҆́кѡ гдⷭ҇ь застꙋ́питъ мѧ̀. не ᲂу҆бою́сѧ ѿ тє́мъ люде́й, ѡ҆́крестъ напа́дающихъ на мѧ̀. воскрⷭ҇нѝ, гдⷭ҇и, сп҃си́ мѧ, бж҃е мо́й: ꙗ҆́кѡ ты̀ порази́лъ є҆сѝ всѧ̑ враждꙋ́ющыѧ мѝ всꙋ́е, зꙋ́бы грѣ́шникѡвъ сокрꙋши́лъ є҆сѝ. гдⷭ҇не є҆́сть спⷭ҇нїе, и҆ на лю́дехъ твои́хъ блгⷭ҇ве́нїе твоѐ."
 },
 {
  "type": "TEXT",
  "value": "А҆́ зъ ᲂу҆снꙋ́хъ и҆ спа́хъ, воста́хъ, ꙗ҆́кѡ гдⷭ҇ь застꙋ́питъ мѧ̀."
 },
 {
  "type": "HEADER",
  "value": "Ѱало́мъ л҃з."
 },
 {
  "type": "TEXT",
  "value": "Г дⷭ҇и, да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ. ꙗ҆́кѡ стрѣ́лы твоѧ̑ ᲂу҆нзо́ша во мнѣ̀, и҆ ᲂу҆тверди́лъ є҆сѝ на мнѣ̀ рꙋ́кꙋ твою̀. нѣ́сть и҆сцѣле́нїѧ въ пло́ти мое́й ѿ лица̀ гнѣ́ва твоегѡ̀, нѣ́сть ми́ра въ костѣ́хъ мои́хъ, ѿ лица̀ грѣ̑хъ мои́хъ. ꙗ҆́кѡ беззакѡ́нїѧ моѧ̑ превзыдо́ша главꙋ̀ мою̀, ꙗ҆́кѡ бре́мѧ тѧ́жкое ѡ҆тѧготѣ́ша на мнѣ̀. возсмердѣ́ша и҆ согни́ша ра̑ны моѧ̑ ѿ лица̀ безꙋ́мїѧ моегѡ̀. пострада́хъ и҆ слѧко́хсѧ до конца̀, ве́сь де́нь сѣ́тꙋѧ хожда́хъ. ꙗ҆́кѡ лѧ̑двїѧ моѧ̑ напо́лнишасѧ порꙋга́нїй, и҆ нѣ́сть и҆сцѣле́нїѧ въ пло́ти мое́й. ѡ҆ѕло́бленъ бы́хъ, и҆ смири́хсѧ до ѕѣла̀: рыка́хъ ѿ воздыха́нїѧ се́рдца моегѡ̀. гдⷭ҇и, пред̾ тобо́ю всѐ жела́нїе моѐ, и҆ воздыха́нїе моѐ ѿ тебѐ не ᲂу҆таи́сѧ. се́рдце моѐ смѧте́сѧ, ѡ҆ста́ви мѧ̀ си́ла моѧ̀, и҆ свѣ́тъ ѻ҆́чїю моє́ю, и҆ то́й нѣ́сть со мно́ю. дрꙋ́зи моѝ и҆ и҆́скреннїи моѝ, прѧ́мѡ мнѣ̀ прибли́жишасѧ и҆ ста́ша. и҆ бли́жнїи моѝ ѿдале́че менѐ ста́ша, и҆ нꙋжда́хꙋсѧ и҆́щꙋщїи дꙋ́шꙋ мою̀, и҆ и҆́щꙋщїи ѕла̑ѧ мнѣ̀, глаго́лахꙋ сꙋ́єтнаѧ, и҆ льсти̑внымъ ве́сь де́нь поꙋча́хꙋсѧ. а҆́зъ же ꙗ҆́кѡ глꙋ́хъ не слы́шахъ, и҆ ꙗ҆́кѡ нѣ́мъ не ѿверза́ѧй ᲂу҆́стъ свои́хъ. и҆ бы́хъ ꙗ҆́кѡ человѣ́къ не слы́шай, и҆ не и҆мы́й во ᲂу҆стѣ́хъ свои́хъ ѡ҆бличе́нїѧ. ꙗ҆́кѡ на тѧ̀ гдⷭ҇и, ᲂу҆пова́хъ, ты̀ ᲂу҆слы́шиши гдⷭ҇и бж҃е мо́й. ꙗ҆́кѡ рѣ́хъ: да не когда̀ пора́дꙋютъ ми́ сѧ вразѝ моѝ, и҆ внегда̀ подвижа́тисѧ нога́мъ мои̑мъ, на мѧ̀ велерѣ́чеваша. ꙗ҆́кѡ а҆́зъ на ра̑ны гото́въ, и҆ болѣ́знь моѧ̀ предо мно́ю є҆́сть вы́нꙋ. ꙗ҆́кѡ беззако́нїе моѐ а҆́зъ возвѣщꙋ̀, и҆ попекꙋ́сѧ ѡ҆ грѣсѣ̀ мое́мъ. врази́ же моѝ живꙋ́тъ, и҆ ᲂу҆крѣпи́шасѧ па́че менѐ, и҆ ᲂу҆мно́жишасѧ ненави́дѧщїи мѧ̀ без̾ пра́вды. воздаю́щїи мѝ ѕла̑ѧ воз̾ блага̑ѧ, ѡ҆болга́хꙋ мѧ̀, занѐ гонѧ́хъ бл҃госты́ню. не ѡ҆ста́ви менѐ, гдⷭ҇и бж҃е мо́й, не ѿстꙋпѝ ѿ менѐ. вонмѝ въ по́мощь мою̀, гдⷭ҇и сп҃се́нїѧ моегѡ̀."
 },
 {
  "type": "TEXT",
  "value": "Н е ѡ҆ста́ви менѐ, гдⷭ҇и бж҃е мо́й, не ѿстꙋпѝ ѿ менѐ. вонмѝ въ по́мощь мою̀, гдⷭ҇и сп҃се́нїѧ моегѡ̀."
 },
 {
  "type": "HEADER",
  "value": "Ѱало́мъ ѯ҃в."
 },
 {
  "type": "TEXT",
  "value": "Б ж҃е бж҃е мо́й, къ тебѣ̀ ᲂу҆́треннюю: возжада̀ тебѐ дꙋша̀ моѧ̀, ко́ль мно́жицею тебѣ̀ пло́ть моѧ̀, въ землѝ пꙋ́стѣ, и҆ непрохо́днѣ, и҆ безво́днѣ. та́кѡ во ст҃ѣ́мъ ꙗ҆ви́хсѧ тебѣ̀, ви́дѣти си́лꙋ твою̀ и҆ сла́вꙋ твою̀. ꙗ҆́кѡ лꙋ́чши ми́лость твоѧ̀ па́че живѡ́тъ, ᲂу҆стнѣ̀ моѝ похвали́тѣ тѧ̀. та́кѡ бл҃гословлю́ тѧ въ животѣ̀ мое́мъ, ѡ҆ и҆́мени твое́мъ воздѣжꙋ̀ рꙋ́цѣ моѝ. ꙗ҆́кѡ ѿ тꙋ́ка и҆ ма́сти да и҆спо́лнитсѧ дꙋша̀ моѧ̀, и҆ ᲂу҆стна́ма ра́дости восхва́лѧтъ тѧ̀ ᲂу҆ста̀ моѧ̑. а҆́ще помина́хъ тѧ̀ на посте́ли мое́й, на ᲂу҆́треннихъ поꙋча́хꙋсѧ въ тѧ̀. ꙗ҆́кѡ бы́лъ є҆сѝ помо́щникъ мо́й, и҆ въ кро́вѣ крилꙋ̀ твоє́ю возра́дꙋюсѧ. прильпѐ дꙋша̀ моѧ̀ по тебѣ̀, мене́ же прїѧ́тъ десни́ца твоѧ̀. ті́и же всꙋ́е и҆ска́ша дꙋ́шꙋ мою̀, вни́дꙋтъ въ преиспѡ́днѧѧ землѝ: предадѧ́тсѧ въ рꙋ́ки ѻ҆рꙋ́жїѧ, ча̑сти ли́совѡмъ бꙋ́дꙋтъ. ца́рь же возвесели́тсѧ ѡ҆ бз҃ѣ, похва́литсѧ всѧ́къ клены́йсѧ и҆́мъ: ꙗ҆́кѡ загради́шасѧ ᲂу҆ста̀ глаго́лющихъ непра́вєднаѧ."
 },
 {
  "type": "TEXT",
  "value": "Н а ᲂу҆́треннихъ поꙋча́хсѧ въ тѧ̀, ꙗ҆́кѡ бы́лъ є҆сѝ помо́щникъ мо́й, и҆ въ кро́вѣ крилꙋ̀ твоє́ю возра́дꙋюсѧ."
 },
 {
  "type": "TEXT",
  "value": "П рильпѐ дꙋша̀ моѧ̀ по тебѣ̀, мене́ же прїѧ́тъ десни́ца твоѧ̀."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды, без̾ покло́нѡвъ."
 },
 {
  "type": "TEXT",
  "value": "Г дⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "[Сщ҃е́нникъ же глаго́летъ мл҃твы ᲂу҆́трєннїѧ, стоѧ̀ непокрове́нъ пред̾ ст҃ы́ми две́рьми, та́йнѡ]."
 },
 {
  "type": "HEADER",
  "value": "Ѱало́мъ п҃з."
 },
 {
  "type": "TEXT",
  "value": "Г дⷭ҇и бж҃е сп҃се́нїѧ моегѡ̀, во днѝ воззва́хъ, и҆ въ нощѝ пред̾ тобо́ю: да вни́детъ пред̾ тѧ̀ мл҃тва моѧ̀, приклонѝ ᲂу҆́хо твоѐ къ моле́нїю моемꙋ̀, ꙗ҆́кѡ и҆спо́лнисѧ ѕѡ́лъ дꙋша̀ моѧ̀, и҆ живо́тъ мо́й а҆́дꙋ прибли́жисѧ. привмѣне́нъ бы́хъ съ низходѧ́щими въ ро́въ, бы́хъ ꙗ҆́кѡ человѣ́къ без̾ по́мощи, въ ме́ртвыхъ свобо́дь: ꙗ҆́кѡ ꙗ҆́звеннїи спѧ́щїи во гро́бѣ, и҆́хже не помѧнꙋ́лъ є҆сѝ ктомꙋ̀, и҆ ті́и ѿ рꙋкѝ твоеѧ̀ ѿринове́ни бы́ша. положи́ша мѧ̀ въ ро́вѣ преиспо́днѣмъ, въ те́мныхъ и҆ сѣ́ни сме́ртнѣй. на мнѣ̀ ᲂу҆тверди́сѧ ꙗ҆́рость твоѧ̑, и҆ всѧ̑ во́лны твоѧ̑ наве́лъ є҆сѝ на мѧ̀. ᲂу҆да́лилъ є҆сѝ зна́емыхъ мои́хъ ѿ менѐ, положи́ша мѧ̀ ме́рзость себѣ̀, пре́данъ бы́хъ, и҆ не и҆схожда́хъ. ѻ҆́чи моѝ и҆знемого́стѣ ѿ нищеты̀, воззва́хъ къ тебѣ̀ гдⷭ҇и, ве́сь де́нь: воздѣ́хъ къ тебѣ̀ рꙋ́цѣ моѝ. є҆да̀ ме́ртвыми твори́ши чꙋдеса̀; и҆лѝ вра́чеве воскресѧ́тъ и҆ и҆сповѣ́дѧтсѧ тебѣ̀; є҆да̀ повѣ́сть кто̀ во гро́бѣ ми́лость твою̀, и҆ и҆́стинꙋ твою̀ въ поги́бели; є҆да̀ позна̑на бꙋ́дꙋтъ во тьмѣ̀ чꙋдеса̀ твоѧ̑, и҆ пра́вда твоѧ̀ въ землѝ забве́ннѣй; и҆ а҆́зъ къ тебѣ̀ гдⷭ҇и, воззва́хъ, и҆ ᲂу҆́трѡ мл҃тва моѧ̀ предвари́тъ тѧ̀. вскꙋ́ю гдⷭ҇и, ѿрѣ́еши дꙋ́шꙋ мою̀; ѿвраща́еши лицѐ твоѐ ѿ менѐ; Ни́щъ є҆́смь а҆́зъ, и҆ въ трꙋдѣ́хъ ѿ ю҆́ности моеѧ̀, возне́съ же сѧ, смири́хсѧ, и҆ и҆знемого́хъ. на мнѣ̀ преидо́ша гнѣ́ви твоѝ, ᲂу҆страшє́нїѧ твоѧ̑ возмꙋти́ша мѧ̀. ѡ҆быдо́ша мѧ̀ ꙗ҆́кѡ вода̀ ве́сь де́нь. ѡ҆держа́ша мѧ̀ вкꙋ́пѣ. ᲂу҆да́лилъ є҆сѝ ѿ менѐ дрꙋ́га и҆ и҆́скреннѧго, и҆ зна́емыхъ мои́хъ ѿ страсте́й."
 },
 {
  "type": "TEXT",
  "value": "Г дⷭ҇и бж҃е сп҃се́нїѧ моегѡ̀, во днѝ воззва́хъ, и҆ въ нощѝ пред̾ тобо́ю."
 },
 {
  "type": "TEXT",
  "value": "Д а вни́детъ пред̾ тѧ̀ мл҃тва моѧ̀, приклонѝ ᲂу҆́хо твоѐ къ моле́нїю моемꙋ̀."
 },
 {
  "type": "HEADER",
  "value": "Ѱало́мъ р҃в."
 },
 {
  "type": "TEXT",
  "value": "Б л҃гословѝ дꙋшѐ моѧ̀ гдⷭ҇а и҆ всѧ̑ внꙋ́трєннѧѧ моѧ̑ и҆́мѧ ст҃о́е є҆гѡ̀. бл҃гословѝ дꙋшѐ моѧ̀ гдⷭ҇а, и҆ не забыва́й всѣ́хъ воздаѧ́нїй є҆гѡ̀: ѡ҆чища́ющаго всѧ̑ беззакѡ́нїѧ твоѧ̑, и҆сцѣлѧ́ющаго всѧ̑ недꙋ́ги твоѧ̑: и҆збавлѧ́ющаго ѿ и҆стлѣ́нїѧ живо́тъ тво́й, вѣнча́ющаго тѧ̀ млⷭ҇тїю и҆ щедро́тами: и҆сполнѧ́ющаго во бл҃ги́хъ жела́нїе твоѐ: ѡ҆бнови́тсѧ ꙗ҆́кѡ ѻ҆́рлѧ ю҆́ность твоѧ̀. творѧ́й млⷭ҇тыни гдⷭ҇ь, и҆ сꙋдьбꙋ̀ всѣ̑мъ ѡ҆би̑димымъ. сказа̀ пꙋти̑ своѧ̑ мѡѷсе́ови, сыновѡ́мъ і҆и҃лєвымъ хотѣ̑нїѧ своѧ̑. ще́дръ и҆ млⷭ҇тивъ гдⷭ҇ь, долготерпѣли́въ и҆ многомлⷭ҇тивъ. не до конца̀ прогнѣ́ваетсѧ, нижѐ въ вѣ́къ враждꙋ́етъ. не по беззако́нїємъ на́шымъ сотвори́лъ є҆́сть на́мъ, нижѐ по грѣхѡ́мъ на́шымъ возда́лъ є҆́сть на́мъ. ꙗ҆́кѡ по высотѣ̀ нбⷭ҇нѣй ѿ землѝ, ᲂу҆тверди́лъ є҆́сть гдⷭ҇ь млⷭ҇ть свою̀ на боѧ́щихсѧ є҆гѡ̀. є҆ли́кѡ ѿстоѧ́тъ восто́цы ѿ за̑падъ, ᲂу҆да́лилъ є҆́сть ѿ на́съ беззакѡ́нїѧ на̑ша. ꙗ҆́коже ще́дритъ ѻ҆те́цъ сы́ны, ᲂу҆ще́дри гдⷭ҇ь боѧ́щихсѧ є҆гѡ̀. ꙗ҆́кѡ то́й позна̀ созда́нїе на́ше, помѧнꙋ̀, ꙗ҆́кѡ пе́рсть є҆смы̀. человѣ́къ, ꙗ҆́кѡ трава̀ дні́е є҆гѡ̀, ꙗ҆́кѡ цвѣ́тъ се́льный, та́кѡ ѡ҆цвѣте́тъ: ꙗ҆́кѡ дꙋ́хъ про́йде въ не́мъ, и҆ не бꙋ́детъ, и҆ не позна́етъ ктомꙋ̀ мѣ́ста своегѡ̀. млⷭ҇ть же гдⷭ҇нѧ ѿ вѣ́ка и҆ до вѣ́ка на боѧ́щихсѧ є҆гѡ̀, и҆ пра́вда є҆гѡ̀ на сынѣ́хъ сынѡ́въ, хранѧ́щихъ завѣ́тъ є҆гѡ̀, и҆ по́мнѧщихъ за́пѡвѣди є҆гѡ̀, твори́ти ѧ҆̀. гдⷭ҇ь на нб҃сѝ ᲂу҆гото́ва прⷭ҇то́лъ сво́й, и҆ црⷭ҇тво є҆гѡ̀ всѣ́ми ѡ҆блада́етъ. бл҃гослови́те гдⷭ҇а всѝ а҆́гг҃ли є҆гѡ̀, си́льнїи крѣ́постїю, творѧ́щїи сло́во є҆гѡ̀, ᲂу҆слы́шати гла́съ слове́съ є҆гѡ̀. бл҃гослови́те гдⷭ҇а всѧ̑ си̑лы є҆гѡ̀, слꙋги̑ є҆гѡ̀, творѧ́щїи во́лю є҆гѡ̀. бл҃гослови́те гдⷭ҇а всѧ̑ дѣла̀ є҆гѡ̀. на всѧ́комъ мѣ́стѣ влⷣчествїѧ є҆гѡ̀, бл҃гословѝ дꙋшѐ моѧ̀ гдⷭ҇а."
 },
 {
  "type": "TEXT",
  "value": "Н а всѧ́комъ мѣ́стѣ влⷣчествїѧ є҆гѡ̀, бл҃гословѝ дꙋшѐ моѧ̀ гдⷭ҇а."
 },
 {
  "type": "HEADER",
  "value": "Ѱало́мъ рм҃в."
 },
 {
  "type": "TEXT",
  "value": "Г дⷭ҇и, ᲂу҆слы́ши мл҃твꙋ мою̀, внꙋшѝ моле́нїе моѐ во и҆́стинѣ твое́й, ᲂу҆слы́ши мѧ̀ въ пра́вдѣ твое́й: и҆ не вни́ди въ сꙋ́дъ съ рабо́мъ твои́мъ, ꙗ҆́кѡ не ѡ҆правди́тсѧ пред̾ тобо́ю всѧ́къ живы́й. ꙗ҆́кѡ погна̀ вра́гъ дꙋ́шꙋ мою̀, смири́лъ є҆́сть въ зе́млю живо́тъ мо́й: посади́лъ мѧ̀ є҆́сть въ те́мныхъ, ꙗ҆́кѡ мє́ртвыѧ вѣ́ка. и҆ ᲂу҆ны̀ во мнѣ̀ дꙋ́хъ мо́й, во мнѣ̀ смѧте́сѧ се́рдце моѐ. помѧнꙋ́хъ дни̑ дрє́внїѧ, поꙋчи́хсѧ во всѣ́хъ дѣ́лѣхъ твои́хъ, въ творе́нїихъ рꙋкꙋ̀ твоє́ю поꙋча́хсѧ. воздѣ́хъ къ тебѣ̀ рꙋ́цѣ моѝ, дꙋша̀ моѧ̀ ꙗ҆́кѡ землѧ̀ безво́днаѧ тебѣ̀. ско́рѡ ᲂу҆слы́ши мѧ̀ гдⷭ҇и, и҆счезѐ дꙋ́хъ мо́й: не ѿвратѝ лица̀ твоегѡ̀ ѿ менѐ, и҆ ᲂу҆подо́блюсѧ низходѧ́щымъ въ ро́въ. слы́шанꙋ сотворѝ мнѣ̀ заꙋ́тра млⷭ҇ть твою̀, ꙗ҆́кѡ на тѧ̀ ᲂу҆пова́хъ. скажѝ мнѣ̀ гдⷭ҇и, пꙋ́ть, во́ньже пойдꙋ̀, ꙗ҆́кѡ къ тебѣ̀ взѧ́хъ дꙋ́шꙋ мою̀. и҆зми́ мѧ ѿ вра̑гъ мои́хъ, гдⷭ҇и, къ тебѣ̀ прибѣго́хъ, наꙋчи́ мѧ твори́ти во́лю твою̀, ꙗ҆́кѡ ты̀ є҆сѝ бг҃ъ мо́й. дх҃ъ тво́й бл҃гі́й наста́витъ мѧ̀ на зе́млю пра́вꙋ. и҆́мене твоегѡ̀ ра́ди гдⷭ҇и, живи́ши мѧ̀, пра́вдою твое́ю и҆зведе́ши ѿ печа́ли дꙋ́шꙋ мою̀: и҆ млⷭ҇тїю твое́ю потреби́ши врагѝ моѧ̑, и҆ погꙋби́ши всѧ̑ стꙋжа́ющыѧ дꙋшѝ мое́й, ꙗ҆́кѡ а҆́зъ ра́бъ тво́й є҆́смь."
 },
 {
  "type": "TEXT",
  "value": "Оу҆ слы́ши мѧ̀ гдⷭ҇и, въ пра́вдѣ твое́й, и҆ не вни́ди въ сꙋ́дъ съ рабо́мъ твои́мъ."
 },
 {
  "type": "TEXT",
  "value": "Оу҆ слы́ши мѧ̀ гдⷭ҇и, въ пра́вдѣ твое́й, и҆ не вни́ди въ сꙋ́дъ съ рабо́мъ твои́мъ."
 },
 {
  "type": "TEXT",
  "value": "Д х҃ъ тво́й бл҃гі́й наста́витъ мѧ̀ на зе́млю пра́вꙋ."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды."
 },
 {
  "type": "HEADER",
  "value": "Та́же є҆ктенїа̀ вели́каѧ."
 },
 {
  "type": "TEXT",
  "value": "М и́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ свы́шнѣмъ ми́рѣ, и҆ спасе́нїи дꙋ́шъ на́шихъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ ми́рѣ всегѡ̀ мі́ра, бл҃гостоѧ́нїи ст҃ы́хъ бж҃їихъ цр҃кве́й, и҆ соедине́нїи всѣ́хъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ ст҃ѣ́мъ хра́мѣ се́мъ, и҆ съ вѣ́рою, бл҃гоговѣ́нїемъ и҆ стра́хомъ бж҃їимъ входѧ́щихъ во́нь, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ вели́комъ господи́нѣ и҆ ѻ҆ц҃ѣ̀ на́шемъ, свѧтѣ́йшемъ патрїа́рхѣ и҆́мⷬ҇къ, и҆ ѡ҆ господи́нѣ на́шемъ преѡсвѧще́ннѣйшемъ є҆пⷭ҇кпѣ [и҆лѝ а҆рхїепⷭ҇кпѣ, и҆лѝ митрополі́тѣ ] и҆́мⷬ҇къ, честнѣ́мъ пресвѵ́терствѣ, во хрⷭ҇тѣ̀ дїа́конствѣ, ѡ҆ все́мъ при́чтѣ и҆ лю́дехъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ богохрани́мѣй странѣ̀ на́шей, властѣ́хъ и҆ во́инствѣ є҆ѧ̀, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ гра́дѣ се́мъ [и҆лѝ ѡ҆ ве́си се́й, и҆лѝ ѡ҆ ст҃ѣ́й ѻ҆би́тели се́й ] , всѧ́комъ гра́дѣ, странѣ̀, и҆ вѣ́рою живꙋ́щихъ въ ни́хъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ бл҃горастворе́нїи воздꙋ́хѡвъ, ѡ҆ и҆з̾ѻби́лїи плодѡ́въ земны́хъ, и҆ вре́менѣхъ ми́рныхъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ пла́вающихъ, пꙋтеше́ствꙋющихъ, недꙋ́гꙋющихъ, стра́ждꙋщихъ, плѣне́нныхъ, и҆ ѡ҆ спасе́нїи и҆́хъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ и҆зба́витисѧ на́мъ ѿ всѧ́кїѧ ско́рби, гнѣ́ва и҆ нꙋ́жды, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋгъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "TEXT",
  "value": "Возглаше́нїе: Ꙗ҆́кѡ подоба́етъ тебѣ̀ всѧ́каѧ сла́ва, че́сть, и҆ поклоне́нїе, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "И҆ а҆́бїе пое́мъ А҆ллилꙋ́їа, на гла́съ и҃, велегла́снѡ, и҆ со сладкопѣ́нїемъ:"
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа."
 },
 {
  "type": "TEXT",
  "value": "Сті́хъ а҃: Ѿ но́щи ᲂу҆́тренюетъ дꙋ́хъ мо́й къ тебѣ̀ бж҃е: занѐ свѣ́тъ повелѣ̑нїѧ твоѧ̑ на землѝ."
 },
 {
  "type": "TEXT",
  "value": "Сті́хъ в҃: Пра́вдѣ наꙋчи́тесѧ живꙋ́щїи на землѝ."
 },
 {
  "type": "TEXT",
  "value": "Сті́хъ г҃: За́висть прїи́метъ лю́ди ненака̑занныѧ."
 },
 {
  "type": "TEXT",
  "value": "Сті́хъ д҃: Приложѝ и҆̀мъ ѕла̀ гдⷭ҇и, приложѝ ѕла̀ сла̑внымъ землѝ."
 },
 {
  "type": "TEXT",
  "value": "И҆ пое́мъ тропа́рь ко́снѡ и҆ велегла́снѡ, и҆ со сладкопѣ́нїемъ равнѡ̀."
 },
 {
  "type": "HEADER",
  "value": "Тропа́рь, гла́съ и҃:"
 },
 {
  "type": "TEXT",
  "value": "С ѐ жени́хъ грѧде́тъ въ полꙋ́нощи, / и҆ бл҃же́нъ ра́бъ, є҆го́же ѡ҆брѧ́щетъ бдѧ́ща: / недосто́инъ же па́ки, є҆го́же ѡ҆брѧ́щетъ ᲂу҆ныва́юща. / блюдѝ ᲂу҆́бѡ дꙋшѐ моѧ̀, / не сно́мъ ѡ҆тѧготи́сѧ, / да не сме́рти предана̀ бꙋ́деши, / и҆ црⷭ҇твїѧ внѣ̀ затвори́шисѧ, / но воспрѧнѝ зовꙋ́щи: / ст҃ъ, ст҃ъ, ст҃ъ є҆сѝ бж҃е, бцⷣею поми́лꙋй на́съ. Три́жды."
 },
 {
  "type": "TEXT",
  "value": "Та́же ѻ҆бы́чное стїхосло́вїе съ покло́ны."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, три́жды. Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "И҆ чте́тсѧ каѳі́сма д҃і."
 },
 {
  "type": "HEADER",
  "value": "Моли́тва ни́щагѡ, є҆гда̀ ᲂу҆ны́етъ и҆ пред̾ гдⷭ҇емъ пролїе́тъ моле́нїе своѐ, р҃а."
 },
 {
  "type": "TEXT",
  "value": "Г дⷭ҇и, ᲂу҆слы́ши моли́твꙋ мою̀, и҆ во́пль мо́й къ тебѣ̀ да прїи́детъ. Не ѿвратѝ лица̀ твоегѡ̀ ѿ менѐ: во́ньже а҆́ще де́нь скорблю̀, приклонѝ ко мнѣ̀ ᲂу҆́хо твоѐ: во́ньже а҆́ще де́нь призовꙋ́ тѧ, ско́рѡ ᲂу҆слы́ши мѧ̀. Ꙗ҆́кѡ и҆счезо́ша ꙗ҆́кѡ ды́мъ дні́е моѝ, и҆ кѡ́сти моѧ̑ ꙗ҆́кѡ сꙋши́ло сосхо́шасѧ. Оу҆ѧ́звленъ бы́хъ ꙗ҆́кѡ трава̀, и҆ и҆́зсше се́рдце моѐ, ꙗ҆́кѡ забы́хъ снѣ́сти хлѣ́бъ мо́й. Ѿ гла́са воздыха́нїѧ моегѡ̀ прильпѐ ко́сть моѧ̀ пло́ти мое́й. Оу҆подо́бихсѧ неѧ́сыти пꙋсты́ннѣй, бы́хъ ꙗ҆́кѡ нощны́й вра́нъ на ны́рищи. Бдѣ́хъ и҆ бы́хъ ꙗ҆́кѡ пти́ца ѡ҆со́бѧщаѧсѧ на здѣ̀. Ве́сь де́нь поноша́хꙋ мѝ вразѝ моѝ, и҆ хва́лѧщїи мѧ̀ мно́ю кленѧ́хꙋсѧ. Занѐ пе́пелъ ꙗ҆́кѡ хлѣ́бъ ꙗ҆дѧ́хъ и҆ питїѐ моѐ съ пла́чемъ растворѧ́хъ, Ѿ лица̀ гнѣ́ва твоегѡ̀ и҆ ꙗ҆́рости твоеѧ̀: ꙗ҆́кѡ возне́съ низве́рглъ мѧ̀ є҆сѝ. Дні́е моѝ ꙗ҆́кѡ сѣ́нь ᲂу҆клони́шасѧ, и҆ а҆́зъ ꙗ҆́кѡ сѣ́но и҆зсхо́хъ. Ты́ же, гдⷭ҇и, во вѣ́къ пребыва́еши, и҆ па́мѧть твоѧ̀ въ ро́дъ и҆ ро́дъ. Ты̀ воскр҃съ ᲂу҆ще́дриши сїѡ́на: ꙗ҆́кѡ вре́мѧ ᲂу҆ще́дрити є҆го̀, ꙗ҆́кѡ прїи́де вре́мѧ. Ꙗ҆́кѡ бл҃говоли́ша рабѝ твоѝ ꙳ка́менїе꙳ є҆гѡ̀, и҆ пе́рсть є҆гѡ̀ ᲂу҆ще́дрѧтъ. И҆ ᲂу҆боѧ́тсѧ ꙗ҆зы́цы и҆́мене гдⷭ҇нѧ, и҆ всѝ ца́рїе зе́мстїи сла́вы твоеѧ̀: Ꙗ҆́кѡ сози́ждетъ гдⷭ҇ь сїѡ́на и҆ ꙗ҆ви́тсѧ во сла́вѣ свое́й. Призрѣ̀ на моли́твꙋ смире́нныхъ и҆ не ᲂу҆ничижѝ моле́нїѧ и҆́хъ. Да напи́шетсѧ сїѐ въ ро́дъ и҆́нъ, и҆ лю́дїе зи́ждемїи восхва́лѧтъ гдⷭ҇а: Ꙗ҆́кѡ прини́че съ высоты̀ ст҃ы́ѧ своеѧ̀, гдⷭ҇ь съ нб҃сѐ на зе́млю призрѣ̀, Оу҆слы́шати воздыха́нїе ѡ҆кова́нныхъ, разрѣши́ти сы́ны ᲂу҆мерщвле́нныхъ: Возвѣсти́ти въ сїѡ́нѣ и҆́мѧ гдⷭ҇не и҆ хвалꙋ̀ є҆гѡ̀ во і҆ерⷭ҇ли́мѣ, Внегда̀ собра́тисѧ лю́демъ вкꙋ́пѣ и҆ царє́мъ, є҆́же рабо́тати гдⷭ҇еви. Ѿвѣща̀ є҆мꙋ̀ на пꙋтѝ крѣ́пости є҆гѡ̀: ᲂу҆мале́нїе дні́й мои́хъ возвѣсти́ ми: Не возведѝ менѐ во преполове́нїе дні́й мои́хъ: въ ро́дѣ родѡ́въ лѣ̑та твоѧ̑. Въ нача́лѣхъ ты̀, гдⷭ҇и, зе́млю ѡ҆снова́лъ є҆сѝ, и҆ дѣла̀ рꙋкꙋ̀ твоє́ю сꙋ́ть небеса̀. Та̑ поги́бнꙋтъ, ты́ же пребыва́еши: и҆ всѧ̑ ꙗ҆́кѡ ри́за ѡ҆бетша́ютъ, и҆ ꙗ҆́кѡ ѻ҆де́ждꙋ свїе́ши ѧ҆̀, и҆ и҆змѣнѧ́тсѧ. Ты́ же то́йжде є҆сѝ, и҆ лѣ̑та твоѧ̑ не ѡ҆скꙋдѣ́ютъ. Сы́нове ра̑бъ твои́хъ вселѧ́тсѧ, и҆ сѣ́мѧ и҆́хъ во вѣ́къ и҆спра́витсѧ."
 },
 {
  "type": "HEADER",
  "value": "Ѱало́мъ дв҃дꙋ, р҃в."
 },
 {
  "type": "TEXT",
  "value": "Б л҃гословѝ, дꙋшѐ моѧ̀, гдⷭ҇а, и҆ всѧ̑ внꙋ́трєннѧѧ моѧ̑, и҆́мѧ ст҃о́е є҆гѡ̀: Бл҃гословѝ, дꙋшѐ моѧ̀, гдⷭ҇а, и҆ не забыва́й всѣ́хъ воздаѧ́нїй є҆гѡ̀: Ѡ҆чища́ющаго всѧ̑ беззакѡ́нїѧ твоѧ̑, и҆сцѣлѧ́ющаго всѧ̑ недꙋ́ги твоѧ̑, И҆збавлѧ́ющаго ѿ и҆стлѣ́нїѧ живо́тъ тво́й, вѣнча́ющаго тѧ̀ млⷭ҇тїю и҆ щедро́тами, И҆сполнѧ́ющаго во бл҃ги́хъ жела́нїе твоѐ: ѡ҆бнови́тсѧ ꙗ҆́кѡ ѻ҆́рлѧ ю҆́ность твоѧ̀. Творѧ́й млⷭ҇тыни гдⷭ҇ь и҆ сꙋдьбꙋ̀ всѣ̑мъ ѡ҆би̑димымъ. Сказа̀ пꙋти̑ своѧ̑ мѡѷсе́ови, сыновѡ́мъ і҆и҃лєвымъ хотѣ̑нїѧ своѧ̑. Ще́дръ и҆ млⷭ҇тивъ гдⷭ҇ь, долготерпѣли́въ и҆ многомлⷭ҇тивъ. Не до конца̀ прогнѣ́ваетсѧ, нижѐ во вѣ́къ враждꙋ́етъ: Не по беззако́нїємъ на́шымъ сотвори́лъ є҆́сть на́мъ, нижѐ по грѣхѡ́мъ на́шымъ возда́лъ є҆́сть на́мъ. Ꙗ҆́кѡ по высотѣ̀ небе́снѣй ѿ землѝ, ᲂу҆тверди́лъ є҆́сть гдⷭ҇ь млⷭ҇ть свою̀ на боѧ́щихсѧ є҆гѡ̀: Є҆ли́кѡ ѿстоѧ́тъ восто́цы ѿ за̑падъ, ᲂу҆да́лилъ є҆́сть ѿ на́съ беззакѡ́нїѧ на̑ша. Ꙗ҆́коже ще́дритъ ѻ҆те́цъ сы́ны, ᲂу҆ще́дри гдⷭ҇ь боѧ́щихсѧ є҆гѡ̀. Ꙗ҆́кѡ то́й позна̀ созда́нїе на́ше, помѧнꙋ̀, ꙗ҆́кѡ пе́рсть є҆смы̀. Человѣ́къ, ꙗ҆́кѡ трава̀ дні́е є҆гѡ̀, ꙗ҆́кѡ цвѣ́тъ се́лный, та́кѡ ѡ҆цвѣте́тъ: Ꙗ҆́кѡ дꙋ́хъ про́йде въ не́мъ, и҆ не бꙋ́детъ, и҆ не позна́етъ ктомꙋ̀ мѣ́ста своегѡ̀. Млⷭ҇ть же гдⷭ҇нѧ ѿ вѣ́ка и҆ до вѣ́ка на боѧ́щихсѧ є҆гѡ̀, И҆ пра́вда є҆гѡ̀ на сынѣ́хъ сынѡ́въ, хранѧ́щихъ завѣ́тъ є҆гѡ̀ и҆ по́мнѧщихъ за́пѡвѣди є҆гѡ̀ твори́ти ѧ҆̀. Гдⷭ҇ь на нб҃сѝ ᲂу҆гото́ва прⷭ҇то́лъ сво́й, и҆ црⷭ҇тво є҆гѡ̀ всѣ́ми ѡ҆блада́етъ. Бл҃гослови́те гдⷭ҇а, всѝ а҆́гг҃ли є҆гѡ̀, си́льнїи крѣ́постїю, творѧ́щїи сло́во є҆гѡ̀, ᲂу҆слы́шати гла́съ слове́съ є҆гѡ̀. Бл҃гослови́те гдⷭ҇а, всѧ̑ си̑лы є҆гѡ̀, слꙋги̑ є҆гѡ̀, творѧ́щїи во́лю є҆гѡ̀. Бл҃гослови́те гдⷭ҇а, всѧ̑ дѣла̀ є҆гѡ̀ на всѧ́комъ мѣ́стѣ влⷣчества є҆гѡ̀: бл҃гословѝ, дꙋшѐ моѧ̀, гдⷭ҇а."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ли́къ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды. Гдⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "Ѱало́мъ дв҃дꙋ, ѡ҆ мїрстѣ́мъ бытїѝ, р҃г."
 },
 {
  "type": "TEXT",
  "value": "Б л҃гословѝ, дꙋшѐ моѧ̀, гдⷭ҇а. Гдⷭ҇и бж҃е мо́й, возвели́чилсѧ є҆сѝ ѕѣлѡ̀: во и҆сповѣ́данїе и҆ въ велелѣ́потꙋ ѡ҆бле́клсѧ є҆сѝ: Ѡ҆дѣѧ́йсѧ свѣ́томъ ꙗ҆́кѡ ри́зою, простира́ѧй не́бо ꙗ҆́кѡ ко́жꙋ: Покрыва́ѧй вода́ми превы́спрєннѧѧ своѧ̑, полага́ѧй ѻ҆́блаки на восхожде́нїе своѐ, ходѧ́й на крилꙋ̑ вѣ́трєню: Творѧ́й а҆́гг҃лы своѧ̑ дꙋ́хи, и҆ слꙋги̑ своѧ̑ пла́мень ѻ҆́гненный: Ѡ҆снова́ѧй зе́млю на тве́рди є҆ѧ̀: не преклони́тсѧ въ вѣ́къ вѣ́ка. Бе́здна ꙗ҆́кѡ ри́за ѡ҆дѣѧ́нїе є҆ѧ̀, на гора́хъ ста́нꙋтъ во́ды: Ѿ запреще́нїѧ твоегѡ̀ побѣ́гнꙋтъ, ѿ гла́са гро́ма твоегѡ̀ ᲂу҆боѧ́тсѧ. Восхо́дѧтъ го́ры, и҆ низхо́дѧтъ полѧ̀, въ мѣ́сто є҆́же ѡ҆снова́лъ є҆сѝ и҆̀мъ. Предѣ́лъ положи́лъ є҆сѝ, є҆гѡ́же не пре́йдꙋтъ, нижѐ ѡ҆братѧ́тсѧ покры́ти зе́млю. Посыла́ѧй и҆сто́чники въ де́брехъ, посредѣ̀ го́ръ про́йдꙋтъ во́ды. Напаѧ́ютъ всѧ̑ ѕвѣ́ри сє́льныѧ, ждꙋ́тъ ѻ҆на́гри въ жа́ждꙋ свою̀. На ты́хъ пти̑цы небє́сныѧ привита́ютъ: ѿ среды̀ ка́менїѧ дадѧ́тъ гла́съ. Напаѧ́ѧй го́ры ѿ превы́спреннихъ свои́хъ: ѿ плода̀ дѣ́лъ твои́хъ насы́титсѧ землѧ̀. Прозѧба́ѧй травꙋ̀ скотѡ́мъ, и҆ ѕла́къ на слꙋ́жбꙋ человѣ́кѡмъ, и҆звестѝ хлѣ́бъ ѿ землѝ: И҆ вїно̀ весели́тъ се́рдце человѣ́ка, ᲂу҆ма́стити лицѐ є҆ле́емъ: и҆ хлѣ́бъ се́рдце человѣ́ка ᲂу҆крѣпи́тъ. Насы́тѧтсѧ древа̀ пѡльска́ѧ, ке́дри лїва́нстїи, и҆̀хже є҆сѝ насади́лъ: Та́мѡ пти̑цы вогнѣздѧ́тсѧ, є҆рѡді́ево жили́ще предводи́тельствꙋетъ и҆́ми. Го́ры высѡ́кїѧ є҆ле́нємъ, ка́мень прибѣ́жище за́ѧцємъ. Сотвори́лъ є҆́сть лꙋнꙋ̀ во времена̀: со́лнце позна̀ за́падъ сво́й. Положи́лъ є҆сѝ тмꙋ̀, и҆ бы́сть но́щь, въ не́йже про́йдꙋтъ всѝ ѕвѣ́рїе дꙋбра́внїи, Скѵ́мни рыка́ющїи восхи́тити и҆ взыска́ти ѿ бг҃а пи́щꙋ себѣ̀. Возсїѧ̀ со́лнце, и҆ собра́шасѧ, и҆ въ ло́жахъ свои́хъ лѧ́гꙋтъ. И҆зы́детъ человѣ́къ на дѣ́ло своѐ и҆ на дѣ́ланїе своѐ до ве́чера. Ꙗ҆́кѡ возвели́чишасѧ дѣла̀ твоѧ̑, гдⷭ҇и: всѧ̑ премⷣростїю сотвори́лъ є҆сѝ: и҆спо́лнисѧ землѧ̀ тва́ри твоеѧ̀. Сїѐ мо́ре вели́кое и҆ простра́нное: та́мѡ га́ди, и҆́хже нѣ́сть числа̀, живѡ́тнаѧ ма̑лаѧ съ вели́кими: Та́мѡ кораблѝ препла́ваютъ, ѕмі́й се́й, є҆го́же созда́лъ є҆сѝ рꙋга́тисѧ є҆мꙋ̀. Всѧ̑ къ тебѣ̀ ча́ютъ, да́ти пи́щꙋ и҆̀мъ во бла́го вре́мѧ. Да́вшꙋ тебѣ̀ и҆̀мъ, соберꙋ́тъ: ѿве́рзшꙋ тебѣ̀ рꙋ́кꙋ, всѧ́чєскаѧ и҆спо́лнѧтсѧ бла́гости: Ѿвра́щшꙋ же тебѣ̀ лицѐ, возмѧтꙋ́тсѧ: ѿи́меши дꙋ́хъ и҆́хъ, и҆ и҆сче́знꙋтъ и҆ въ пе́рсть свою̀ возвратѧ́тсѧ: По́слеши дх҃а твоего̀, и҆ сози́ждꙋтсѧ, и҆ ѡ҆бнови́ши лицѐ землѝ. Бꙋ́ди сла́ва гдⷭ҇нѧ во вѣ́ки: возвесели́тсѧ гдⷭ҇ь ѡ҆ дѣ́лѣхъ свои́хъ: Призира́ѧй на зе́млю и҆ творѧ́й ю҆̀ трѧсти́сѧ: прикаса́ѧйсѧ гора́мъ, и҆ дымѧ́тсѧ. Воспою̀ гдⷭ҇еви въ животѣ̀ мое́мъ, пою̀ бг҃ꙋ моемꙋ̀, до́ндеже є҆́смь: Да ᲂу҆слади́тсѧ є҆мꙋ̀ бесѣ́да моѧ̀, а҆́зъ же возвеселю́сѧ ѡ҆ гдⷭ҇ѣ. Да и҆сче́знꙋтъ грѣ̑шницы ѿ землѝ, и҆ беззакѡ́нницы, ꙗ҆́коже не бы́ти и҆̀мъ. Бл҃гословѝ, дꙋшѐ моѧ̀, гдⷭ҇а."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ли́къ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды. Гдⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "А҆ллилꙋ́їа, р҃д."
 },
 {
  "type": "TEXT",
  "value": "И҆ сповѣ́дайтесѧ гдⷭ҇еви и҆ призыва́йте и҆́мѧ є҆гѡ̀, возвѣсти́те во ꙗ҆зы́цѣхъ дѣла̀ є҆гѡ̀: Воспо́йте є҆мꙋ̀ и҆ по́йте є҆мꙋ̀, повѣ́дите всѧ̑ чꙋдеса̀ є҆гѡ̀. Хвали́тесѧ ѡ҆ и҆́мени ст҃ѣ́мъ є҆гѡ̀: да возвесели́тсѧ се́рдце и҆́щꙋщихъ гдⷭ҇а: Взыщи́те гдⷭ҇а и҆ ᲂу҆тверди́тесѧ, взыщи́те лица̀ є҆гѡ̀ вы́нꙋ. Помѧни́те чꙋдеса̀ є҆гѡ̀, ꙗ҆̀же сотворѝ, чꙋдеса̀ є҆гѡ̀ и҆ сꙋдьбы̑ ᲂу҆́стъ є҆гѡ̀, Сѣ́мѧ а҆враа́мле рабѝ є҆гѡ̀, сы́нове і҆а̑кѡвли и҆збра́ннїи є҆гѡ̀. То́й гдⷭ҇ь бг҃ъ на́шъ: по все́й землѝ сꙋдьбы̑ є҆гѡ̀. Помѧнꙋ̀ въ вѣ́къ завѣ́тъ сво́й, сло́во, є҆́же заповѣ́да въ ты́сѧщы родѡ́въ, Є҆́же завѣща̀ а҆враа́мꙋ, и҆ клѧ́твꙋ свою̀ і҆саа́кꙋ: И҆ поста́ви ю҆̀ і҆а́кѡвꙋ въ повелѣ́нїе и҆ і҆и҃лю въ завѣ́тъ вѣ́ченъ, Гл҃ѧ: тебѣ̀ да́мъ зе́млю ханаа́ню, ᲂу҆́же достоѧ́нїѧ ва́шегѡ. Внегда̀ бы́ти и҆̀мъ ма̑лымъ число́мъ, малѣ́йшымъ и҆ прише́льцємъ въ не́й, И҆ преидо́ша ѿ ꙗ҆зы́ка въ ꙗ҆зы́къ и҆ ѿ ца́рствїѧ въ лю́ди и҆́ны: Не ѡ҆ста́ви человѣ́ка ѡ҆би́дѣти и҆̀хъ и҆ ѡ҆бличѝ ѡ҆ ни́хъ царѝ: Не прикаса́йтесѧ пома̑заннымъ мои̑мъ, и҆ во прⷪ҇ро́цѣхъ мои́хъ не лꙋка́внꙋйте. И҆ призва̀ гла́дъ на зе́млю: всѧ́ко ᲂу҆твержде́нїе хлѣ́бное сотры̀. Посла̀ пред̾ ни́ми человѣ́ка: въ раба̀ про́данъ бы́сть і҆ѡ́сифъ. Смири́ша во ѡ҆ко́вахъ но́зѣ є҆гѡ̀, желѣ́зо про́йде дꙋша̀ є҆гѡ̀, До́ндеже прїи́де сло́во є҆гѡ̀: сло́во гдⷭ҇не разжжѐ є҆го̀. Посла̀ ца́рь и҆ разрѣшѝ є҆го̀: кнѧ́зь люде́й, и҆ ѡ҆ста́ви є҆го̀. Поста́ви є҆го̀ господи́на до́мꙋ своемꙋ̀ и҆ кнѧ́зѧ всемꙋ̀ стѧжа́нїю своемꙋ̀, Наказа́ти кнѧ̑зи є҆гѡ̀ ꙗ҆́кѡ себѐ и҆ ста́рцы є҆гѡ̀ ᲂу҆мꙋдри́ти. И҆ вни́де і҆и҃ль во є҆гѵ́петъ, и҆ і҆а́кѡвъ прише́льствова въ зе́млю ха́мовꙋ. И҆ возрастѝ лю́ди своѧ̑ ѕѣлѡ̀ и҆ ᲂу҆крѣпѝ ѧ҆̀ па́че врагѡ́въ и҆́хъ. Превратѝ се́рдце и҆́хъ возненави́дѣти лю́ди є҆гѡ̀, ле́сть сотвори́ти въ рабѣ́хъ є҆гѡ̀. Посла̀ мѡѷсе́а раба̀ своего̀, а҆арѡ́на, є҆го́же и҆збра̀ себѣ̀: Положѝ въ ни́хъ словеса̀ зна́менїй свои́хъ и҆ чꙋде́съ свои́хъ въ землѝ ха́мовѣ. Посла̀ тмꙋ̀ и҆ помрачѝ, ꙗ҆́кѡ преѡгорчи́ша словеса̀ є҆гѡ̀. Преложѝ во́ды и҆́хъ въ кро́вь и҆ и҆зморѝ ры̑бы и҆́хъ. Воскипѣ̀ землѧ̀ и҆́хъ жа́бами въ сокро́вищницахъ царе́й и҆́хъ. Речѐ, и҆ прїидо́ша пє́сїѧ мꙋ̑хи и҆ скни̑пы во всѧ̑ предѣ́лы и҆́хъ. Положѝ дождѝ и҆́хъ гра́ды, ѻ҆́гнь попалѧ́ющь въ землѝ и҆́хъ: И҆ поразѝ вїногра́ды и҆́хъ и҆ смѡ́квы и҆́хъ, и҆ сотры̀ всѧ́кое дре́во предѣ̑лъ и҆́хъ. Речѐ, и҆ прїидо́ша прꙋ́зи и҆ гꙋ́сєницы, и҆̀мже не бѣ̀ числа̀, И҆ снѣдо́ша всѧ́кꙋ травꙋ̀ въ землѝ и҆́хъ, и҆ поѧдо́ша всѧ́къ пло́дъ землѝ и҆́хъ. И҆ поразѝ всѧ́каго пе́рвенца въ землѝ и҆́хъ, нача́токъ всѧ́кагѡ трꙋда̀ и҆́хъ: И҆ и҆зведѐ ѧ҆̀ съ сребро́мъ и҆ зла́томъ: и҆ не бѣ̀ въ колѣ́нѣхъ и҆́хъ болѧ́й. Возвесели́сѧ є҆гѵ́петъ во и҆схожде́нїи и҆́хъ: ꙗ҆́кѡ нападѐ стра́хъ и҆́хъ на нѧ̀. Распрострѐ ѻ҆́блакъ въ покро́въ и҆̀мъ, и҆ ѻ҆́гнь, є҆́же просвѣти́ти и҆̀мъ но́щїю. Проси́ша, и҆ прїидо́ша кра́стели, и҆ хлѣ́ба небе́снагѡ насы́ти ѧ҆̀: Разве́рзе ка́мень, и҆ потеко́ша во́ды, потеко́ша въ безво́дныхъ рѣ́ки: Ꙗ҆́кѡ помѧнꙋ̀ сло́во ст҃о́е своѐ, є҆́же ко а҆враа́мꙋ рабꙋ̀ своемꙋ̀. И҆ и҆зведѐ лю́ди своѧ̑ въ ра́дости и҆ и҆збра̑нныѧ своѧ̑ въ весе́лїи. И҆ дадѐ и҆̀мъ страны̑ ꙗ҆зы̑къ, и҆ трꙋды̀ люде́й наслѣ́доваша: Ꙗ҆́кѡ да сохранѧ́тъ ѡ҆правда̑нїѧ є҆гѡ̀ и҆ зако́на є҆гѡ̀ взы́щꙋтъ."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды. Гдⷭ҇и поми́лꙋй, три́жды."
 },
 {
  "type": "HEADER",
  "value": "По а҃ стїхосло́вїи сѣда́ленъ, гла́съ г҃. Подо́бенъ: Красотѣ̀ дѣ́вства:"
 },
 {
  "type": "TEXT",
  "value": "Б лꙋдни́ца пристꙋпѝ къ тебѣ̀, / мѵ́ро со слеза́ми и҆злива́ющи на но́зѣ твоѝ чл҃вѣколю́бче, / и҆ смра́да ѕѡ́лъ и҆збавлѧ́етсѧ повелѣ́нїемъ твои́мъ! / ды́шѧ же бл҃года́ть твою̀ ᲂу҆чени́къ неблагода́рный, / сїю̀ ѿлага́етъ, и҆ смра́домъ ѡ҆дѣва́етсѧ, / сребролю́бїемъ продаѧ̀ тебѐ. / сла́ва хрⷭ҇тѐ бл҃гоꙋтро́бїю твоемꙋ̀."
 },
 {
  "type": "TEXT",
  "value": "Сла́ва, и҆ ны́нѣ, то́йже."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "И҆ чте́тсѧ каѳі́сма є҃і."
 },
 {
  "type": "HEADER",
  "value": "А҆ллилꙋ́їа, р҃є."
 },
 {
  "type": "TEXT",
  "value": "И҆ сповѣ́дайтесѧ гдⷭ҇еви, ꙗ҆́кѡ бл҃гъ, ꙗ҆́кѡ въ вѣ́къ млⷭ҇ть є҆гѡ̀. Кто̀ возглаго́летъ си̑лы гдⷭ҇ни, слы̑шаны сотвори́тъ всѧ̑ хвалы̑ є҆гѡ̀; Бл҃же́ни хранѧ́щїи сꙋ́дъ и҆ творѧ́щїи пра́вдꙋ во всѧ́кое вре́мѧ. Помѧнѝ на́съ, гдⷭ҇и, во бл҃говоле́нїи люде́й твои́хъ, посѣтѝ на́съ сп҃се́нїемъ твои́мъ, Ви́дѣти во бла́гости и҆збра̑нныѧ твоѧ̑, возвесели́тисѧ въ весе́лїи ꙗ҆зы́ка твоегѡ̀, хвали́тисѧ съ достоѧ́нїемъ твои́мъ. Согрѣши́хомъ со ѻ҆тцы̀ на́шими, беззако́нновахомъ, непра́вдовахомъ: Ѻ҆тцы̀ на́ши во є҆гѵ́птѣ не разꙋмѣ́ша чꙋде́съ твои́хъ, ни помѧнꙋ́ша мно́жества млⷭ҇ти твоеѧ̀: и҆ преѡгорчи́ша восходѧ́ще въ чермно́е мо́ре. И҆ сп҃сѐ и҆̀хъ и҆́мене своегѡ̀ ра́ди, сказа́ти си́лꙋ свою̀: И҆ запретѝ чермно́мꙋ мо́рю, и҆ и҆зсѧ́че: и҆ наста́ви ѧ҆̀ въ бе́зднѣ ꙗ҆́кѡ въ пꙋсты́ни. И҆ сп҃сѐ ѧ҆̀ и҆з̾ рꙋкѝ ненави́дѧщихъ и҆ и҆зба́ви ѧ҆̀ и҆з̾ рꙋкѝ врагѡ́въ. Покры̀ вода̀ стꙋжа́ющыѧ и҆̀мъ: ни є҆ди́нъ ѿ ни́хъ и҆збы́сть. И҆ вѣ́роваша словесѝ є҆гѡ̀ и҆ воспѣ́ша хвалꙋ̀ є҆гѡ̀. Оу҆скори́ша, забы́ша дѣла̀ є҆гѡ̀, не стерпѣ́ша совѣ́та є҆гѡ̀: И҆ похотѣ́ша жела́нїю въ пꙋсты́ни и҆ и҆скꙋси́ша бг҃а въ безво́днѣй. И҆ дадѐ и҆̀мъ проше́нїе и҆́хъ, посла̀ сы́тость въ дꙋ́шы и҆́хъ. И҆ прогнѣ́ваша мѡѷсе́а въ станꙋ̀, а҆арѡ́на ст҃а́го гдⷭ҇нѧ. Ѿве́рзесѧ землѧ̀ и҆ пожрѐ даѳа́на и҆ покры̀ на со́нмищи а҆вїрѡ́на: И҆ разжже́сѧ ѻ҆́гнь въ со́нмѣ и҆́хъ, пла́мень попалѝ грѣ́шники. И҆ сотвори́ша тельца̀ въ хѡри́вѣ и҆ поклони́шасѧ и҆стꙋка́нномꙋ: И҆ и҆змѣни́ша сла́вꙋ є҆гѡ̀ въ подо́бїе тельца̀ ꙗ҆дꙋ́щагѡ травꙋ̀. И҆ забы́ша бг҃а сп҃са́ющаго и҆̀хъ, сотво́ршаго вє́лїѧ во є҆гѵ́птѣ, чꙋдеса̀ въ землѝ ха́мовѣ, стра̑шнаѧ въ мо́ри чермнѣ́мъ. И҆ речѐ потреби́ти и҆̀хъ, а҆́ще не бы̀ мѡѷсе́й и҆збра́нный є҆гѡ̀ ста́лъ въ сокрꙋше́нїи пред̾ ни́мъ, возврати́ти ꙗ҆́рость є҆гѡ̀, да не погꙋби́тъ и҆̀хъ. И҆ ᲂу҆ничижи́ша зе́млю жела́ннꙋю, не ꙗ҆́ша вѣ́ры словесѝ є҆гѡ̀: И҆ поропта́ша въ селе́нїихъ свои́хъ, не ᲂу҆слы́шаша гла́са гдⷭ҇нѧ. И҆ воздви́же рꙋ́кꙋ свою̀ на нѧ̀, низложи́ти ѧ҆̀ въ пꙋсты́ни, И҆ низложи́ти сѣ́мѧ и҆́хъ во ꙗ҆зы́цѣхъ, и҆ расточи́ти ѧ҆̀ въ страны̑. И҆ причасти́шасѧ веельфегѡ́рꙋ и҆ снѣдо́ша жє́ртвы ме́ртвыхъ: И҆ раздражи́ша є҆го̀ въ начина́нїихъ свои́хъ, и҆ ᲂу҆мно́жисѧ въ ни́хъ паде́нїе. И҆ ста̀ фїнее́съ и҆ ᲂу҆ми́лостиви, и҆ преста̀ сѣ́чь: И҆ вмѣни́сѧ є҆мꙋ̀ въ пра́вдꙋ, въ ро́дъ и҆ ро́дъ до вѣ́ка. И҆ прогнѣ́ваша є҆го̀ на водѣ̀ прерѣка́нїѧ, и҆ ѡ҆ѕло́бленъ бы́сть мѡѷсе́й и҆́хъ ра́ди: Ꙗ҆́кѡ преѡгорчи́ша дꙋ́хъ є҆гѡ̀ и҆ ра́знствова ᲂу҆стна́ма свои́ма. Не потреби́ша ꙗ҆зы́ки, ꙗ҆̀же речѐ гдⷭ҇ь и҆̀мъ. И҆ смѣси́шасѧ во ꙗ҆зы́цѣхъ и҆ навыко́ша дѣлѡ́мъ и҆́хъ: И҆ порабо́таша и҆стꙋка̑ннымъ и҆́хъ, и҆ бы́сть и҆̀мъ въ собла́знъ. И҆ пожро́ша сы́ны своѧ̑ и҆ дщє́ри своѧ̑ бѣсовѡ́мъ, И҆ пролїѧ́ша кро́вь непови́ннꙋю, кро́вь сынѡ́въ свои́хъ и҆ дще́рей, ꙗ҆̀же пожро́ша и҆стꙋка̑ннымъ ханаа̑нскимъ: и҆ ᲂу҆бїе́на бы́сть землѧ̀ и҆́хъ кровьмѝ И҆ ѡ҆скверни́сѧ въ дѣ́лѣхъ и҆́хъ: и҆ соблꙋди́ша въ начина́нїихъ свои́хъ. И҆ разгнѣ́васѧ ꙗ҆́ростїю гдⷭ҇ь на лю́ди своѧ̑ и҆ ѡ҆мерзѝ достоѧ́нїе своѐ: И҆ предадѐ ѧ҆̀ въ рꙋ́ки врагѡ́въ, и҆ ѡ҆блада́ша и҆́ми ненави́дѧщїи и҆̀хъ. И҆ стꙋжи́ша и҆̀мъ вразѝ и҆́хъ: и҆ смири́шасѧ под̾ рꙋка́ми и҆́хъ. Мно́жицею и҆зба́ви ѧ҆̀: ті́и же преѡгорчи́ша є҆го̀ совѣ́томъ свои́мъ, и҆ смири́шасѧ въ беззако́нїихъ свои́хъ. И҆ ви́дѣ гдⷭ҇ь, внегда̀ скорбѣ́ти и҆̀мъ, внегда̀ ᲂу҆слы́шаше моле́нїе и҆́хъ: И҆ помѧнꙋ̀ завѣ́тъ сво́й, и҆ раска́ѧсѧ по мно́жествꙋ млⷭ҇ти своеѧ̀: И҆ дадѐ ѧ҆̀ въ щедрѡ́ты пред̾ всѣ́ми плѣни́вшими ѧ҆̀. Сп҃си́ ны, гдⷭ҇и, бж҃е на́шъ, и҆ собери́ ны ѿ ꙗ҆зы̑къ, и҆сповѣ́датисѧ и҆́мени твоемꙋ̀ ст҃о́мꙋ, хвали́тисѧ во хвалѣ̀ твое́й. Бл҃гослове́нъ гдⷭ҇ь бг҃ъ і҆и҃левъ ѿ вѣ́ка и҆ до вѣ́ка. И҆ рекꙋ́тъ всѝ лю́дїе: бꙋ́ди, бꙋ́ди."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ли́къ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды. Гдⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "А҆ллилꙋ́їа, р҃ѕ."
 },
 {
  "type": "TEXT",
  "value": "И҆ сповѣ́дайтесѧ гдⷭ҇еви, ꙗ҆́кѡ бл҃гъ, ꙗ҆́кѡ въ вѣ́къ млⷭ҇ть є҆гѡ̀. Да рекꙋ́тъ и҆зба́вленнїи гдⷭ҇емъ, и҆̀хже и҆зба́ви и҆з̾ рꙋкѝ врага̀, И҆ ѿ стра́нъ собра̀ и҆́хъ, ѿ востѡ́къ и҆ за̑падъ, и҆ сѣ́вера и҆ мо́рѧ: Заблꙋди́ша въ пꙋсты́ни безво́днѣй, пꙋтѝ гра́да ѻ҆би́тельнагѡ не ѡ҆брѣто́ша: А҆́лчꙋще и҆ жа́ждꙋще, дꙋша̀ и҆́хъ въ ни́хъ и҆счезѐ. И҆ воззва́ша ко гдⷭ҇ꙋ, внегда̀ скорбѣ́ти и҆̀мъ, и҆ ѿ нꙋ́ждъ и҆́хъ и҆зба́ви ѧ҆̀: И҆ наста́ви ѧ҆̀ на пꙋ́ть пра́въ, вни́ти во гра́дъ ѻ҆би́тельный. Да и҆сповѣ́дѧтсѧ гдⷭ҇еви млⷭ҇ти є҆гѡ̀ и҆ чꙋдеса̀ є҆гѡ̀ сыновѡ́мъ человѣ́чєскимъ: Ꙗ҆́кѡ насы́тилъ є҆́сть дꙋ́шꙋ тщꙋ̀, и҆ дꙋ́шꙋ а҆́лчꙋщꙋ и҆спо́лни бла̑гъ: Сѣдѧ́щыѧ во тмѣ̀ и҆ сѣ́ни сме́ртнѣй, ѡ҆кова̑нныѧ нището́ю и҆ желѣ́зомъ, Ꙗ҆́кѡ преѡгорчи́ша словеса̀ бж҃їѧ, и҆ совѣ́тъ вы́шнѧгѡ раздражи́ша. И҆ смири́сѧ въ трꙋдѣ́хъ се́рдце и҆́хъ, и҆ и҆знемого́ша, и҆ не бѣ̀ помога́ѧй. И҆ воззва́ша ко гдⷭ҇ꙋ, внегда̀ скорбѣ́ти и҆̀мъ, и҆ ѿ нꙋ́ждъ и҆́хъ сп҃сѐ ѧ҆̀: И҆ и҆зведѐ ѧ҆̀ и҆з̾ тмы̀ и҆ сѣ́ни сме́ртныѧ, и҆ ᲂу҆́зы и҆́хъ растерза̀. Да и҆сповѣ́дѧтсѧ гдⷭ҇еви млⷭ҇ти є҆гѡ̀ и҆ чꙋдеса̀ є҆гѡ̀ сыновѡ́мъ человѣ́чєскимъ: Ꙗ҆́кѡ сокрꙋшѝ врата̀ мѣ̑днаѧ, и҆ верєѝ желѣ̑зныѧ сломѝ. Воспрїѧ́тъ ѧ҆̀ ѿ пꙋтѝ беззако́нїѧ и҆́хъ: беззако́нїй бо ра́ди свои́хъ смири́шасѧ. Всѧ́кагѡ бра́шна возгнꙋша́сѧ дꙋша̀ и҆́хъ, и҆ прибли́жишасѧ до вра́тъ сме́ртныхъ. И҆ воззва́ша ко гдⷭ҇ꙋ, внегда̀ скорбѣ́ти и҆̀мъ, и҆ ѿ нꙋ́ждъ и҆́хъ сп҃сѐ ѧ҆̀: Посла̀ сло́во своѐ, и҆ и҆сцѣлѝ ѧ҆̀, и҆ и҆зба́ви ѧ҆̀ ѿ растлѣ́нїй и҆́хъ. ꙳Да и҆сповѣ́дѧтсѧ꙳ гдⷭ҇еви млⷭ҇ти є҆гѡ̀ и҆ чꙋдеса̀ є҆гѡ̀ сыновѡ́мъ человѣ́чєскимъ: И҆ да пожрꙋ́тъ є҆мꙋ̀ же́ртвꙋ хвалы̀ и҆ да возвѣстѧ́тъ дѣла̀ є҆гѡ̀ въ ра́дости. Сходѧ́щїи въ мо́ре въ корабле́хъ, творѧ́щїи дѣ̑ланїѧ въ вода́хъ мно́гихъ, Ті́и ви́дѣша дѣла̀ гдⷭ҇нѧ и҆ чꙋдеса̀ є҆гѡ̀ во глꙋбинѣ̀. Речѐ, и҆ ста̀ дꙋ́хъ бꙋ́ренъ, и҆ вознесо́шасѧ вѡ́лны є҆гѡ̀: Восхо́дѧтъ до небе́съ и҆ низхо́дѧтъ до бе́зднъ: дꙋша̀ и҆́хъ въ ѕлы́хъ та́ѧше: Смѧто́шасѧ, подвиго́шасѧ ꙗ҆́кѡ пїѧ́ный, и҆ всѧ̀ мꙋ́дрость и҆́хъ поглощена̀ бы́сть. И҆ воззва́ша ко гдⷭ҇ꙋ, внегда̀ скорбѣ́ти и҆̀мъ, и҆ ѿ нꙋ́ждъ и҆́хъ и҆зведѐ ѧ҆̀: И҆ повелѣ̀ бꙋ́ри, и҆ ста̀ въ тишинꙋ̀, и҆ ᲂу҆молко́ша вѡ́лны є҆гѡ̀. И҆ возвесели́шасѧ, ꙗ҆́кѡ ᲂу҆молко́ша, и҆ наста́ви ѧ҆̀ въ приста́нище хотѣ́нїѧ своегѡ̀. Да и҆сповѣ́дѧтсѧ гдⷭ҇еви млⷭ҇ти є҆гѡ̀ и҆ чꙋдеса̀ є҆гѡ̀ сыновѡ́мъ человѣ́чєскимъ: Да вознесꙋ́тъ є҆го̀ въ цр҃кви людстѣ́й, и҆ на сѣда́лищи ста́рєцъ восхва́лѧтъ є҆го̀. Положи́лъ є҆́сть рѣ́ки въ пꙋсты́ню и҆ и҆схѡ́дища вѡдна́ѧ въ жа́ждꙋ, Зе́млю плодоно́снꙋю въ сла́ность, ѿ ѕло́бы живꙋ́щихъ на не́й. Положи́лъ є҆́сть пꙋсты́ню во є҆зе́ра вѡдна́ѧ и҆ зе́млю безво́днꙋю во и҆схѡ́дища вѡдна́ѧ. И҆ населѝ та́мѡ а҆́лчꙋщыѧ, и҆ соста́виша гра́ды ѡ҆би́тєльны: И҆ насѣ́ѧша се́ла, и҆ насади́ша вїногра́ды, и҆ сотвори́ша пло́дъ жи́тенъ. И҆ блгⷭ҇вѝ ѧ҆̀, и҆ ᲂу҆мно́жишасѧ ѕѣлѡ̀: и҆ скоты̀ и҆́хъ не ᲂу҆ма́ли. И҆ ᲂу҆ма́лишасѧ и҆ ѡ҆ѕло́бишасѧ ѿ ско́рби ѕѡ́лъ и҆ болѣ́зни: И҆злїѧ́сѧ ᲂу҆ничиже́нїе на кнѧ̑зи и҆́хъ, и҆ ѡ҆блазнѝ ѧ҆̀ по непрохо́днѣй, а҆ не по пꙋтѝ. И҆ помо́же ᲂу҆бо́гꙋ ѿ нищеты̀ и҆ положѝ ꙗ҆́кѡ ѻ҆́вцы ѻ҆те́чєствїѧ. Оу҆́зрѧтъ пра́вїи и҆ возвеселѧ́тсѧ, и҆ всѧ́кое беззако́нїе загради́тъ ᲂу҆ста̀ своѧ̑. Кто̀ премꙋ́дръ и҆ сохрани́тъ сїѧ̑; и҆ ᲂу҆разꙋмѣ́ютъ млⷭ҇ти гдⷭ҇ни."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ли́къ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды. Гдⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "Пѣ́снь, ѱало́мъ дв҃дꙋ, р҃з."
 },
 {
  "type": "TEXT",
  "value": "Г ото́во се́рдце моѐ, бж҃е, гото́во се́рдце моѐ: воспою̀ и҆ пою̀ во сла́вѣ мое́й. Воста́ни, сла́ва моѧ̀, воста́ни, ѱалти́рю и҆ гꙋ́сли: воста́нꙋ ра́нѡ. И҆сповѣ́мсѧ тебѣ̀ въ лю́дехъ, гдⷭ҇и, пою̀ тебѣ̀ во ꙗ҆зы́цѣхъ: Ꙗ҆́кѡ ве́лїѧ верхꙋ̀ нб҃съ млⷭ҇ть твоѧ̀ и҆ до ѻ҆́блакъ и҆́стина твоѧ̀. Вознеси́сѧ на нб҃са̀, бж҃е, и҆ по все́й землѝ сла́ва твоѧ̀, Ꙗ҆́кѡ да и҆зба́вѧтсѧ возлю́бленнїи твоѝ: сп҃сѝ десни́цею твое́ю и҆ ᲂу҆слы́ши мѧ̀. Бг҃ъ возглаго́ла во ст҃ѣ́мъ свое́мъ: вознесꙋ́сѧ и҆ раздѣлю̀ сїки́мꙋ, и҆ ᲂу҆до́ль селе́нїй размѣ́рю. Мо́й є҆́сть галаа́дъ, и҆ мо́й є҆́сть манассі́й, и҆ є҆фре́мъ застꙋпле́нїе главы̀ моеѧ̀: і҆ꙋ́да ца́рь мо́й, Мѡа́въ коно́бъ ᲂу҆пова́нїѧ моегѡ̀: на і҆дꙋме́ю наложꙋ̀ сапо́гъ мо́й: мнѣ̀ и҆ноплемє́нницы покори́шасѧ. Кто̀ введе́тъ мѧ̀ во гра́дъ ѡ҆гражде́нїѧ; и҆лѝ кто̀ наста́витъ мѧ̀ до і҆дꙋме́и; Не ты́ ли, бж҃е, ѿри́нꙋвый на́съ, и҆ не и҆зы́деши, бж҃е, въ си́лахъ на́шихъ; Да́ждь на́мъ по́мощь ѿ ско́рби: и҆ сꙋ́етно спасе́нїе человѣ́ческо. Ѡ҆ бз҃ѣ сотвори́мъ си́лꙋ, и҆ то́й ᲂу҆ничижи́тъ врагѝ на́шѧ."
 },
 {
  "type": "HEADER",
  "value": "Въ коне́цъ, ѱало́мъ дв҃дꙋ, р҃и."
 },
 {
  "type": "TEXT",
  "value": "Б ж҃е, хвалы̀ моеѧ̀ не премолчѝ: Ꙗ҆́кѡ ᲂу҆ста̀ грѣ̑шнича и҆ ᲂу҆ста̀ льсти́вагѡ на мѧ̀ ѿверзо́шасѧ, глаго́лаша на мѧ̀ ѧ҆зы́комъ льсти́вымъ, И҆ словесы̀ ненави́стными ѡ҆быдо́ша мѧ̀, и҆ бра́шасѧ со мно́ю тꙋ́не. Вмѣ́стѡ є҆́же люби́ти мѧ̀, ѡ҆болга́хꙋ мѧ̀, а҆́зъ же молѧ́хсѧ: И҆ положи́ша на мѧ̀ ѕла̑ѧ за бл҃га̑ѧ, и҆ не́нависть за возлюбле́нїе моѐ. Поста́ви на него̀ грѣ́шника, и҆ дїа́волъ да ста́нетъ ѡ҆деснꙋ́ю є҆гѡ̀: Внегда̀ сꙋди́тисѧ є҆мꙋ̀, да и҆зы́детъ ѡ҆сꙋжде́нъ, и҆ моли́тва є҆гѡ̀ да бꙋ́детъ въ грѣ́хъ. Да бꙋ́дꙋтъ дні́е є҆гѡ̀ ма́ли, и҆ є҆пі́скопство є҆гѡ̀ да прїи́метъ и҆́нъ: Да бꙋ́дꙋтъ сы́нове є҆гѡ̀ си́ри, и҆ жена̀ є҆гѡ̀ вдова̀: Дви́жꙋщесѧ да преселѧ́тсѧ сы́нове є҆гѡ̀ и҆ воспро́сѧтъ, да и҆згна́ни бꙋ́дꙋтъ и҆з̾ домѡ́въ свои́хъ. Да взы́щетъ заимода́вецъ всѧ̑, є҆ли̑ка сꙋ́ть є҆гѡ̀: и҆ да восхи́тѧтъ чꙋжді́и трꙋды̀ є҆гѡ̀. Да не бꙋ́детъ є҆мꙋ̀ застꙋ́пника, нижѐ да бꙋ́детъ ᲂу҆щедрѧ́ѧй сирѡты̀ є҆гѡ̀: Да бꙋ́дꙋтъ ча̑да є҆гѡ̀ въ погꙋбле́нїе, въ ро́дѣ є҆ди́нѣмъ да потреби́тсѧ и҆́мѧ є҆гѡ̀. Да воспомѧне́тсѧ беззако́нїе ѻ҆тє́цъ є҆гѡ̀ пред̾ гдⷭ҇емъ, и҆ грѣ́хъ ма́тере є҆гѡ̀ да не ѡ҆чи́ститсѧ: Да бꙋ́дꙋтъ пред̾ гдⷭ҇емъ вы́нꙋ, и҆ да потреби́тсѧ ѿ землѝ па́мѧть и҆́хъ: Зане́же не помѧнꙋ̀ сотвори́ти ми́лость, и҆ погна̀ человѣ́ка ни́ща и҆ ᲂу҆бо́га, и҆ ᲂу҆миле́на се́рдцемъ ᲂу҆мертви́ти. И҆ возлюбѝ клѧ́твꙋ, и҆ прїи́детъ є҆мꙋ̀: и҆ не восхотѣ̀ бл҃гослове́нїѧ, и҆ ᲂу҆дали́тсѧ ѿ негѡ̀. И҆ ѡ҆блече́сѧ въ клѧ́твꙋ ꙗ҆́кѡ въ ри́зꙋ, и҆ вни́де ꙗ҆́кѡ вода̀ во ᲂу҆тро́бꙋ є҆гѡ̀ и҆ ꙗ҆́кѡ є҆ле́й въ кѡ́сти є҆гѡ̀: Да бꙋ́детъ є҆мꙋ̀ ꙗ҆́кѡ ри́за, въ ню́же ѡ҆блачи́тсѧ, и҆ ꙗ҆́кѡ по́ѧсъ, и҆́мже вы́нꙋ ѡ҆поѧсꙋ́етсѧ. Сїѐ дѣ́ло ѡ҆болга́ющихъ мѧ̀ ᲂу҆ гдⷭ҇а и҆ глаго́лющихъ лꙋка̑ваѧ на дꙋ́шꙋ мою̀. И҆ ты̀, гдⷭ҇и, гдⷭ҇и, сотворѝ со мно́ю и҆́мене ра́ди твоегѡ̀, ꙗ҆́кѡ бл҃га млⷭ҇ть твоѧ̀: И҆зба́ви мѧ̀, ꙗ҆́кѡ ни́щъ и҆ ᲂу҆бо́гъ є҆́смь а҆́зъ, и҆ се́рдце моѐ смѧте́сѧ внꙋ́трь менѐ. Ꙗ҆́кѡ сѣ́нь, внегда̀ ᲂу҆клони́тисѧ є҆́й, ѿѧ́хсѧ: стрѧсо́хсѧ ꙗ҆́кѡ прꙋ́зи. Кѡлѣ́на моѧ̑ и҆знемого́ста ѿ поста̀, и҆ пло́ть моѧ̀ и҆змѣни́сѧ є҆ле́а ра́ди. И҆ а҆́зъ бы́хъ поноше́нїе и҆̀мъ: ви́дѣша мѧ̀, покива́ша глава́ми свои́ми. Помози́ ми, гдⷭ҇и бж҃е мо́й, и҆ сп҃си́ мѧ по млⷭ҇ти твое́й: И҆ да разꙋмѣ́ютъ, ꙗ҆́кѡ рꙋка̀ твоѧ̀ сїѧ̀, и҆ ты̀, гдⷭ҇и, сотвори́лъ є҆сѝ ю҆̀. Прокленꙋ́тъ ті́и, и҆ ты̀ бл҃гослови́ши: востаю́щїи на мѧ̀ да постыдѧ́тсѧ, ра́бъ же тво́й возвесели́тсѧ. Да ѡ҆блекꙋ́тсѧ ѡ҆болга́ющїи мѧ̀ въ срамотꙋ̀ и҆ ѡ҆де́ждꙋтсѧ ꙗ҆́кѡ ѻ҆де́ждою стꙋдо́мъ свои́мъ. И҆сповѣ́мсѧ гдⷭ҇еви ѕѣлѡ̀ ᲂу҆сты̑ мои́ми и҆ посредѣ̀ мно́гихъ восхвалю̀ є҆го̀: Ꙗ҆́кѡ преста̀ ѡ҆деснꙋ́ю ᲂу҆бо́гагѡ, є҆́же сп҃стѝ ѿ гонѧ́щихъ дꙋ́шꙋ мою̀."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды. Гдⷭ҇и поми́лꙋй, три́жды."
 },
 {
  "type": "HEADER",
  "value": "По в҃-мъ стїхосло́вїи сѣда́ленъ, гла́съ д҃. Подо́бенъ: Оу҆диви́сѧ і҆ѡ́сифъ:"
 },
 {
  "type": "TEXT",
  "value": "І҆ ꙋ́да льсте́цъ, сребролю́бїѧ рачи́тельствꙋѧй, / преда́ти тѧ̀ гдⷭ҇и, сокро́вище живота̀, ле́стнѡ поꙋча́шесѧ, / ѿѻнꙋ́дꙋже и҆ ᲂу҆пи́всѧ, тече́тъ ко і҆ꙋде́ѡмъ, / глаго́летъ беззакѡ́ннымъ: / что́ ми хо́щете да́ти, и҆ а҆́зъ ва́мъ преда́мъ, / во є҆́же распѧ́ти є҆го̀;"
 },
 {
  "type": "TEXT",
  "value": "Сла́ва, и҆ ны́нѣ, то́йже."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "И҆ чте́тсѧ каѳі́сма ѕ҃і."
 },
 {
  "type": "HEADER",
  "value": "Ѱало́мъ дв҃дꙋ, р҃ѳ."
 },
 {
  "type": "TEXT",
  "value": "Р ечѐ гдⷭ҇ь гдⷭ҇еви моемꙋ̀: сѣдѝ ѡ҆деснꙋ́ю менѐ, до́ндеже положꙋ̀ врагѝ твоѧ̑ подно́жїе но́гъ твои́хъ. Же́злъ си́лы по́слетъ тѝ гдⷭ҇ь ѿ сїѡ́на, и҆ гдⷭ҇ствꙋй посредѣ̀ врагѡ́въ твои́хъ. Съ тобо́ю нача́ло въ де́нь си́лы твоеѧ̀, во свѣ́тлостехъ ст҃ы́хъ твои́хъ: и҆з̾ чре́ва пре́жде денни́цы роди́хъ тѧ̀. Клѧ́тсѧ гдⷭ҇ь и҆ не раска́етсѧ: ты̀ і҆ере́й во вѣ́къ по чи́нꙋ мелхїседе́ковꙋ. Гдⷭ҇ь ѡ҆деснꙋ́ю тебє̀ сокрꙋши́лъ є҆́сть въ де́нь гнѣ́ва своегѡ̀ царѝ: Сꙋ́дитъ во ꙗ҆зы́цѣхъ, и҆спо́лнитъ падє́нїѧ, сокрꙋши́тъ главы̑ на землѝ мно́гихъ. Ѿ пото́ка на пꙋтѝ пїе́тъ: сегѡ̀ ра́ди вознесе́тъ главꙋ̀."
 },
 {
  "type": "HEADER",
  "value": "А҆ллилꙋ́їа, р҃і."
 },
 {
  "type": "TEXT",
  "value": "И҆ сповѣ́мсѧ тебѣ̀, гдⷭ҇и, всѣ́мъ се́рдцемъ мои́мъ въ совѣ́тѣ пра́выхъ и҆ со́нмѣ. Вє́лїѧ дѣла̀ гдⷭ҇нѧ, и҆зы̑скана во всѣ́хъ во́лѧхъ є҆гѡ̀: И҆сповѣ́данїе и҆ великолѣ́пїе дѣ́ло є҆гѡ̀, и҆ пра́вда є҆гѡ̀ пребыва́етъ въ вѣ́къ вѣ́ка. Па́мѧть сотвори́лъ є҆́сть чꙋде́съ свои́хъ: млⷭ҇тивъ и҆ ще́дръ гдⷭ҇ь. Пи́щꙋ дадѐ боѧ́щымсѧ є҆гѡ̀: помѧне́тъ въ вѣ́къ завѣ́тъ сво́й. Крѣ́пость дѣ́лъ свои́хъ возвѣстѝ лю́демъ свои̑мъ, да́ти и҆̀мъ достоѧ́нїе ꙗ҆зы̑къ. Дѣла̀ рꙋ́къ є҆гѡ̀ и҆́стина и҆ сꙋ́дъ, вѣ̑рны всѧ̑ за́пѡвѣди є҆гѡ̀, Оу҆твержє́ны въ вѣ́къ вѣ́ка, сотворє́ны во и҆́стинѣ и҆ правотѣ̀. И҆збавле́нїе посла̀ лю́демъ свои̑мъ: заповѣ́да въ вѣ́къ завѣ́тъ сво́й: ст҃о и҆ стра́шно и҆́мѧ є҆гѡ̀. Нача́ло премⷣрости стра́хъ гдⷭ҇ень, ра́зꙋмъ же бл҃гъ всѣ̑мъ творѧ́щымъ и҆̀: хвала̀ є҆гѡ̀ пребыва́етъ въ вѣ́къ вѣ́ка."
 },
 {
  "type": "HEADER",
  "value": "А҆ллилꙋ́їа, ѱало́мъ, ра҃і."
 },
 {
  "type": "TEXT",
  "value": "Б л҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀. Си́льно на землѝ бꙋ́детъ сѣ́мѧ є҆гѡ̀, ро́дъ пра́выхъ бл҃гослови́тсѧ: Сла́ва и҆ бога́тство въ домꙋ̀ є҆гѡ̀, и҆ пра́вда є҆гѡ̀ пребыва́етъ въ вѣ́къ вѣ́ка. Возсїѧ̀ во тмѣ̀ свѣ́тъ пра̑вымъ: млⷭ҇тивъ и҆ ще́дръ и҆ првⷣнъ. Бл҃гъ мꙋ́жъ ще́дрѧ и҆ даѧ̀: ᲂу҆стро́итъ словеса̀ своѧ̑ на сꙋдѣ̀, ꙗ҆́кѡ въ вѣ́къ не подви́житсѧ. Въ па́мѧть вѣ́чнꙋю бꙋ́детъ првⷣникъ. Ѿ слꙋ́ха ѕла̀ не ᲂу҆бои́тсѧ: Гото́во се́рдце є҆гѡ̀ ᲂу҆пова́ти на гдⷭ҇а: ᲂу҆тверди́сѧ се́рдце є҆гѡ̀, не ᲂу҆бои́тсѧ, до́ндеже воззри́тъ на врагѝ своѧ̑. Расточѝ, дадѐ ᲂу҆бѡ́гимъ: пра́вда є҆гѡ̀ пребыва́етъ во вѣ́къ вѣ́ка: ро́гъ є҆гѡ̀ вознесе́тсѧ въ сла́вѣ. Грѣ́шникъ ᲂу҆́зритъ и҆ прогнѣ́ваетсѧ зꙋбы̀ свои́ми поскреже́щетъ и҆ раста́етъ: жела́нїе грѣ́шника поги́бнетъ."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ли́къ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды. Гдⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "А҆ллилꙋ́їа, рв҃і."
 },
 {
  "type": "TEXT",
  "value": "Х вали́те, ѻ҆́троцы, гдⷭ҇а, хвали́те и҆́мѧ гдⷭ҇не. Бꙋ́ди и҆́мѧ гдⷭ҇не бл҃гослове́но ѿ ны́нѣ и҆ до вѣ́ка. Ѿ востѡ́къ со́лнца до за̑падъ хва́льно и҆́мѧ гдⷭ҇не. Высо́къ над̾ всѣ́ми ꙗ҆зы́ки гдⷭ҇ь: над̾ нб҃сы̀ сла́ва є҆гѡ̀. Кто̀ ꙗ҆́кѡ гдⷭ҇ь бг҃ъ на́шъ; на высо́кихъ живы́й, И҆ на смирє́нныѧ призира́ѧй на нб҃сѝ и҆ на землѝ: Воздвиза́ѧй ѿ землѝ ни́ща, и҆ ѿ гно́ища возвыша́ѧй ᲂу҆бо́га: Посади́ти є҆го̀ съ кнѧ̑зи, съ кнѧ̑зи люде́й свои́хъ: Вселѧ́ѧ непло́довь въ до́мъ, ма́терь ѡ҆ ча́дѣхъ веселѧ́щꙋсѧ."
 },
 {
  "type": "HEADER",
  "value": "А҆ллилꙋ́їа, рг҃і."
 },
 {
  "type": "TEXT",
  "value": "В о и҆схо́дѣ і҆и҃левѣ ѿ є҆гѵ́пта, до́мꙋ і҆а́кѡвлѧ и҆з̾ люде́й ва̑рваръ, Бы́сть і҆ꙋде́а ст҃ы́нѧ є҆гѡ̀, і҆и҃ль ѻ҆́бласть є҆гѡ̀. Мо́ре ви́дѣ и҆ побѣжѐ, і҆ѻрда́нъ возврати́сѧ вспѧ́ть: Го́ры взыгра́шасѧ ꙗ҆́кѡ ѻ҆внѝ, и҆ хо́лми ꙗ҆́кѡ а҆́гнцы ѻ҆́вчїи. Что́ ти є҆́сть, мо́ре, ꙗ҆́кѡ побѣ́гло є҆сѝ, и҆ тебѣ̀, і҆ѻрда́не, ꙗ҆́кѡ возврати́лсѧ є҆сѝ вспѧ́ть: Го́ры, ꙗ҆́кѡ взыгра́стесѧ ꙗ҆́кѡ ѻ҆внѝ, и҆ хо́лми ꙗ҆́кѡ а҆́гнцы ѻ҆́вчїи. Ѿ лица̀ гдⷭ҇нѧ подви́жесѧ землѧ̀, ѿ лица̀ бг҃а і҆а́кѡвлѧ: Ѡ҆бра́щшагѡ ка́мень во є҆зе́ра вѡдна́ѧ и҆ несѣко́мый во и҆сто́чники вѡдны́ѧ. Не на́мъ, гдⷭ҇и, не на́мъ, но и҆́мени твоемꙋ̀ да́ждь сла́вꙋ ѡ҆ млⷭ҇ти твое́й и҆ и҆́стинѣ твое́й: Да не когда̀ рекꙋ́тъ ꙗ҆зы́цы: гдѣ̀ є҆́сть бг҃ъ и҆́хъ; Бг҃ъ же на́шъ на нб҃сѝ и҆ на землѝ, всѧ̑ є҆ли̑ка восхотѣ̀, сотворѝ. І҆́дѡли ꙗ҆зы̑къ сребро̀ и҆ зла́то, дѣла̀ рꙋ́къ человѣ́ческихъ: Оу҆ста̀ и҆́мꙋтъ, и҆ не возглаго́лютъ: ѻ҆́чи и҆́мꙋтъ, и҆ не ᲂу҆́зрѧтъ: Оу҆́ши и҆́мꙋтъ, и҆ не ᲂу҆слы́шатъ: нѡ́здри и҆́мꙋтъ, и҆ не ѡ҆бонѧ́ютъ: Рꙋ́цѣ и҆́мꙋтъ, и҆ не ѡ҆сѧ́жꙋтъ: но́зѣ и҆́мꙋтъ, и҆ не по́йдꙋтъ: не возгласѧ́тъ горта́немъ свои́мъ. Подо́бни и҆̀мъ да бꙋ́дꙋтъ творѧ́щїи ѧ҆̀ и҆ всѝ надѣ́ющїисѧ на нѧ̀. До́мъ і҆и҃левъ ᲂу҆пова̀ на гдⷭ҇а: помо́щникъ и҆ защи́титель и҆̀мъ є҆́сть. До́мъ а҆арѡ́нь ᲂу҆пова̀ на гдⷭ҇а: помо́щникъ и҆ защи́титель и҆̀мъ є҆́сть. Боѧ́щїисѧ гдⷭ҇а ᲂу҆пова́ша на гдⷭ҇а: помо́щникъ и҆ защи́титель и҆̀мъ є҆́сть. Гдⷭ҇ь помѧнꙋ́въ ны̀ бл҃гослови́лъ є҆́сть на́съ: бл҃гослови́лъ є҆́сть до́мъ і҆и҃левъ, бл҃гослови́лъ є҆́сть до́мъ а҆арѡ́нь, Бл҃гослови́лъ є҆́сть боѧ́щыѧсѧ гдⷭ҇а, ма̑лыѧ съ вели́кими. Да приложи́тъ гдⷭ҇ь на вы̀, на вы̀ и҆ на сы́ны ва́шѧ: Бл҃гослове́ни вы̀ гдⷭ҇еви, сотво́ршемꙋ нб҃о и҆ зе́млю. Нб҃о нб҃сѐ гдⷭ҇еви, зе́млю же дадѐ сыновѡ́мъ человѣ́чєскимъ. Не ме́ртвїи восхва́лѧтъ тѧ̀, гдⷭ҇и, нижѐ всѝ низходѧ́щїи во а҆́дъ: Но мы̀ живі́и бл҃гослови́мъ гдⷭ҇а ѿ ны́нѣ и҆ до вѣ́ка."
 },
 {
  "type": "HEADER",
  "value": "А҆ллилꙋ́їа, рд҃і."
 },
 {
  "type": "TEXT",
  "value": "В озлюби́хъ, ꙗ҆́кѡ ᲂу҆слы́шитъ гдⷭ҇ь гла́съ моле́нїѧ моегѡ̀, Ꙗ҆́кѡ приклонѝ ᲂу҆́хо своѐ мнѣ̀: и҆ во дни̑ моѧ̑ призовꙋ̀. Ѡ҆б̾ѧ́ша мѧ̀ болѣ̑зни смє́ртныѧ, бѣды̑ а҆́дѡвы ѡ҆брѣто́ша мѧ̀: ско́рбь и҆ болѣ́знь ѡ҆брѣто́хъ и҆ и҆́мѧ гдⷭ҇не призва́хъ: Ѽ, гдⷭ҇и, и҆зба́ви дꙋ́шꙋ мою̀: млⷭ҇тивъ гдⷭ҇ь и҆ првⷣнъ, и҆ бг҃ъ на́шъ ми́лꙋетъ. Хранѧ́й младе́нцы гдⷭ҇ь: смири́хсѧ, и҆ сп҃се́ мѧ. Ѡ҆брати́сѧ, дꙋшѐ моѧ̀, въ поко́й тво́й, ꙗ҆́кѡ гдⷭ҇ь бл҃годѣ́йствова тѧ̀: Ꙗ҆́кѡ и҆з̾ѧ́тъ дꙋ́шꙋ мою̀ ѿ сме́рти, ѻ҆́чи моѝ ѿ сле́зъ и҆ но́зѣ моѝ ѿ поползнове́нїѧ. Бл҃гоꙋгождꙋ̀ пред̾ гдⷭ҇емъ во странѣ̀ живы́хъ."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ли́къ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды. Гдⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "А҆ллилꙋ́їа, рє҃і."
 },
 {
  "type": "TEXT",
  "value": "В ѣ́ровахъ, тѣ́мже возглаго́лахъ: а҆́зъ же смири́хсѧ ѕѣлѡ̀. А҆́зъ же рѣ́хъ во и҆зстꙋпле́нїи мое́мъ: всѧ́къ человѣ́къ ло́жъ. Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми; Ча́шꙋ сп҃се́нїѧ прїимꙋ̀ и҆ и҆́мѧ гдⷭ҇не призовꙋ̀: Моли̑твы моѧ̑ гдⷭ҇еви возда́мъ пред̾ всѣ́ми людьмѝ є҆гѡ̀. Чтⷭ҇на̀ пред̾ гдⷭ҇емъ сме́рть прпⷣбныхъ є҆гѡ̀. Ѽ, гдⷭ҇и, а҆́зъ ра́бъ тво́й, а҆́зъ ра́бъ тво́й и҆ сы́нъ рабы́ни твоеѧ̀: растерза́лъ є҆сѝ ᲂу҆́зы моѧ̑. Тебѣ̀ пожрꙋ̀ же́ртвꙋ хвалы̀, и҆ во и҆́мѧ гдⷭ҇не призовꙋ̀. Моли̑твы моѧ̑ гдⷭ҇еви возда́мъ пред̾ всѣ́ми людьмѝ є҆гѡ̀, Во дво́рѣхъ до́мꙋ гдⷭ҇нѧ, посредѣ̀ тебє̀, і҆ерⷭ҇ли́ме."
 },
 {
  "type": "HEADER",
  "value": "А҆ллилꙋ́їа, рѕ҃і."
 },
 {
  "type": "TEXT",
  "value": "Х вали́те гдⷭ҇а, всѝ ꙗ҆зы́цы, похвали́те є҆го̀, всѝ лю́дїе: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
 },
 {
  "type": "HEADER",
  "value": "А҆ллилꙋ́їа, рз҃і."
 },
 {
  "type": "TEXT",
  "value": "И҆ сповѣ́дайтесѧ гдⷭ҇еви, ꙗ҆́кѡ бл҃гъ, ꙗ҆́кѡ въ вѣ́къ млⷭ҇ть є҆гѡ̀. Да рече́тъ ᲂу҆́бѡ до́мъ і҆и҃левъ: ꙗ҆́кѡ бл҃гъ, ꙗ҆́кѡ въ вѣ́къ млⷭ҇ть є҆гѡ̀. Да рече́тъ ᲂу҆́бѡ до́мъ а҆арѡ́нь: ꙗ҆́кѡ бл҃гъ, ꙗ҆́кѡ въ вѣ́къ млⷭ҇ть є҆гѡ̀. Да рекꙋ́тъ ᲂу҆́бѡ всѝ боѧ́щїисѧ гдⷭ҇а: ꙗ҆́кѡ бл҃гъ, ꙗ҆́кѡ въ вѣ́къ млⷭ҇ть є҆гѡ̀. Ѿ ско́рби призва́хъ гдⷭ҇а, и҆ ᲂу҆слы́ша мѧ̀ въ простра́нство. Гдⷭ҇ь мнѣ̀ помо́щникъ, и҆ не ᲂу҆бою́сѧ: что̀ сотвори́тъ мнѣ̀ человѣ́къ; Гдⷭ҇ь мнѣ̀ помо́щникъ, и҆ а҆́зъ воззрю̀ на врагѝ моѧ̑. Бл҃го є҆́сть надѣ́ѧтисѧ на гдⷭ҇а, не́жели надѣ́ѧтисѧ на человѣ́ка: Бл҃го є҆́сть ᲂу҆пова́ти на гдⷭ҇а, не́жели ᲂу҆пова́ти на кнѧ̑зи. Всѝ ꙗ҆зы́цы ѡ҆быдо́ша мѧ̀, и҆ и҆́менемъ гдⷭ҇нимъ противлѧ́хсѧ и҆̀мъ: Ѡ҆быше́дше ѡ҆быдо́ша мѧ̀, и҆ и҆́менемъ гдⷭ҇нимъ противлѧ́хсѧ и҆̀мъ: Ѡ҆быдо́ша мѧ̀ ꙗ҆́кѡ пче́лы со́тъ, и҆ разгорѣ́шасѧ ꙗ҆́кѡ ѻ҆́гнь въ те́рнїи: и҆ и҆́менемъ гдⷭ҇нимъ противлѧ́хсѧ и҆̀мъ. Ѿринове́нъ преврати́хсѧ па́сти, и҆ гдⷭ҇ь прїѧ́тъ мѧ̀. Крѣ́пость моѧ̀ и҆ пѣ́нїе моѐ гдⷭ҇ь, и҆ бы́сть мѝ во сп҃се́нїе. Гла́съ ра́дости и҆ сп҃се́нїѧ въ селе́нїихъ првⷣныхъ: десни́ца гдⷭ҇нѧ сотворѝ си́лꙋ. Десни́ца гдⷭ҇нѧ вознесе́ мѧ, десни́ца гдⷭ҇нѧ сотворѝ си́лꙋ. Не ᲂу҆мрꙋ̀, но жи́въ бꙋ́дꙋ и҆ повѣ́мъ дѣла̀ гдⷭ҇нѧ. Наказꙋ́ѧ наказа́ мѧ гдⷭ҇ь, сме́рти же не предаде́ мѧ. Ѿве́рзите мнѣ̀ врата̀ пра́вды: вше́дъ въ нѧ̀, и҆сповѣ́мсѧ гдⷭ҇еви. Сїѧ̑ врата̀ гдⷭ҇нѧ: првⷣнїи вни́дꙋтъ въ нѧ̀. И҆сповѣ́мсѧ тебѣ̀, ꙗ҆́кѡ ᲂу҆слы́шалъ мѧ̀ є҆сѝ и҆ бы́лъ є҆сѝ мнѣ̀ во сп҃се́нїе. Ка́мень, є҆го́же небрего́ша зи́ждꙋщїи, се́й бы́сть во главꙋ̀ ᲂу҆́гла: Ѿ гдⷭ҇а бы́сть се́й, и҆ є҆́сть ди́венъ во ѻ҆чесѣ́хъ на́шихъ. Се́й де́нь, є҆го́же сотворѝ гдⷭ҇ь, возра́дꙋемсѧ и҆ возвесели́мсѧ въ ѻ҆́нь. Ѽ, гдⷭ҇и, сп҃си́ же, ѽ, гдⷭ҇и, поспѣши́ же. Бл҃гослове́нъ грѧды́й во и҆́мѧ гдⷭ҇не: бл҃гослови́хомъ вы̀ и҆з̾ до́мꙋ гдⷭ҇нѧ. Бг҃ъ гдⷭ҇ь, и҆ ꙗ҆ви́сѧ на́мъ: соста́вите пра́здникъ во ᲂу҆чаща́ющихъ до рѡ́гъ ѻ҆лтаре́выхъ. Бг҃ъ мо́й є҆сѝ ты̀, и҆ и҆сповѣ́мсѧ тебѣ̀: бг҃ъ мо́й є҆сѝ ты̀, и҆ вознесꙋ́ тѧ: и҆сповѣ́мсѧ тебѣ̀, ꙗ҆́кѡ ᲂу҆слы́шалъ мѧ̀ є҆сѝ и҆ бы́лъ є҆сѝ мнѣ̀ во сп҃се́нїе. И҆сповѣ́дайтесѧ гдⷭ҇еви, ꙗ҆́кѡ бл҃гъ, ꙗ҆́кѡ въ вѣ́къ млⷭ҇ть є҆гѡ̀."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды. Гдⷭ҇и поми́лꙋй, три́жды."
 },
 {
  "type": "HEADER",
  "value": "По г҃-мъ стїхосло́вїи сѣда́ленъ, гла́съ а҃. Подо́бенъ: Гро́бъ тво́й:"
 },
 {
  "type": "TEXT",
  "value": "Б лꙋдни́ца въ пла́чѣ вопїѧ́ше ще́дре, / ѡ҆тира́ющи те́плѣ пречⷭ҇тѣи твоѝ но́зѣ власы̀ главы̀ своеѧ̀, / и҆ и҆з̾ глꙋбины̀ стенѧ́щи: / не ѿри́ни мѧ̀, нижѐ ѡ҆мерзѝ бж҃е мо́й: / но прїими́ мѧ ка́ющꙋюсѧ, / и҆ сп҃сѝ ꙗ҆́кѡ є҆ди́нъ чл҃вѣколю́бецъ."
 },
 {
  "type": "TEXT",
  "value": "Сла́ва, и҆ ны́нѣ, то́йже."
 },
 {
  "type": "TEXT",
  "value": "Чтє́нїѧ же всѧ̑ ѿ сказа́нїѧ, є҆́же ѿ матѳе́а ст҃а́гѡ є҆ѵⷢ҇лїа днѐ."
 },
 {
  "type": "TEXT",
  "value": "И҆ посе́мъ возглаша́етъ дїа́конъ: И҆ ѡ҆ сподо́битисѧ на́мъ слы́шанїю ст҃а́гѡ є҆ѵⷢ҇лїа гдⷭ҇а бг҃а мо́лимъ."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, три́жды."
 },
 {
  "type": "TEXT",
  "value": "Дїа́конъ: Премꙋ́дрость, про́сти ᲂу҆слы́шимъ ст҃а́гѡ є҆ѵⷢ҇лїа."
 },
 {
  "type": "TEXT",
  "value": "И҆ сщ҃е́нникъ: Ми́ръ всѣ̑мъ."
 },
 {
  "type": "TEXT",
  "value": "Ли́къ: И҆ дх҃ови твоемꙋ̀."
 },
 {
  "type": "TEXT",
  "value": "И҆ а҆́бїе: Ѿ і҆ѡа́нна ст҃а́гѡ є҆ѵⷢ҇лїа чте́нїе."
 },
 {
  "type": "TEXT",
  "value": "Ли́къ: Сла́ва тебѣ̀ гдⷭ҇и, сла́ва тебѣ̀."
 },
 {
  "type": "TEXT",
  "value": "Дїа́конъ: Во́нмемъ."
 },
 {
  "type": "HEADER",
  "value": "Є҆ѵⷢ҇лїе ѿ і҆ѡа́нна, зача́ло м҃а."
 },
 {
  "type": "TEXT",
  "value": "В о вре́мѧ ѻ҆́но, свидѣ́тельствоваше наро́дъ сы́й со і҆и҃сомъ, є҆гда̀ ла́зарѧ возгласѝ ѿ гро́ба, и҆ воскресѝ є҆го̀ ѿ ме́ртвыхъ. сегѡ̀ ра́ди и҆ срѣ́те є҆го̀ наро́дъ, ꙗ҆́кѡ слы́шаша є҆го̀ сїѐ сотво́рша зна́менїе. фарїсе́є же рѣ́ша къ себѣ̀: ви́дите, ꙗ҆́кѡ ника́ѧже по́льза є҆́сть, сѐ мі́ръ по не́мъ и҆́детъ. бѧ́хꙋ же нѣ́цыи є҆́ллини ѿ вше́дшихъ, да покло́нѧтсѧ въ пра́здникъ. сі́и ᲂу҆̀бо пристꙋпи́ша къ фїлі́ппꙋ, и҆́же бѣ̀ ѿ виѳсаі́ды галїле́йскїѧ, и҆ молѧ́хꙋ є҆го̀, глаго́люще: гдⷭ҇и, хо́щемъ і҆и҃са ви́дѣти. прїи́де фїлі́ппъ и҆ глаго́ла а҆ндре́ови: и҆ па́ки а҆ндре́й и҆ фїлі́ппъ глаго́ласта і҆и҃сови. і҆и҃съ же ѿвѣща̀ и҆́ма, глаго́лѧ: прїи́де ча́съ, да просла́витсѧ сн҃ъ человѣ́ческїй. а҆ми́нь а҆ми́нь глаго́лю ва́мъ, а҆́ще зе́рно пшени́чно па́дъ на землѝ не ᲂу҆́мретъ, то̀ є҆ди́но пребыва́етъ: а҆́ще ли ᲂу҆́мретъ, мно́гъ пло́дъ сотвори́тъ. любѧ́й дꙋ́шꙋ свою̀ погꙋби́тъ ю҆̀: и҆ ненави́дѧй дꙋ́шꙋ свою̀ въ мі́рѣ се́мъ, въ животѣ̀ вѣ́чнѣмъ сохрани́тъ ю҆̀. а҆́ще кто̀ мнѣ̀ слꙋ́житъ, мнѣ̀ да послѣ́дствꙋетъ: и҆ и҆дѣ́же є҆́смь а҆́зъ, тꙋ̀ и҆ слꙋга̀ мо́й бꙋ́детъ. и҆ а҆́ще кто̀ мнѣ̀ слꙋ́житъ, почти́тъ є҆го̀ ѻ҆ц҃ъ мо́й. ны́нѣ дꙋша̀ моѧ̀ возмꙋти́сѧ, и҆ что̀ рекꙋ̀; ѻ҆́ч҃е, спаси́ мѧ ѿ часа̀ сегѡ̀: но сегѡ̀ ра́ди прїидо́хъ на ча́съ се́й. ѻ҆́ч҃е, просла́ви и҆́мѧ твоѐ. прїи́де же гла́съ съ нб҃сѐ: и҆ просла́вихъ, и҆ па́ки просла́влю. наро́дъ же стоѧ́й слы́шавъ, глаго́лахꙋ: гро́мъ бы́сть. и҆ні́и глаго́лахꙋ: а҆́гг҃лъ глаго́ла є҆мꙋ̀. ѿвѣща̀ і҆и҃съ, и҆ речѐ: не менѐ ра́ди гла́съ се́й бы́сть, но наро́да ра́ди. ны́нѣ сꙋ́дъ є҆́сть мі́рꙋ семꙋ̀: ны́нѣ кнѧ́зь мі́ра сегѡ̀ и҆згна́нъ бꙋ́детъ во́нъ. и҆ а҆́ще а҆́зъ вознесе́нъ бꙋ́дꙋ ѿ землѝ, всѧ̑ привлекꙋ̀ къ себѣ̀. сїе́ же глаго́лаше, назна́менꙋѧ, кое́ю сме́ртїю хотѧ́ше ᲂу҆мре́ти. ѿвѣща̀ є҆мꙋ̀ наро́дъ: мы̀ слы́шахомъ ѿ зако́на, ꙗ҆́кѡ хрⷭ҇то́съ пребыва́етъ во вѣ́ки: ка́кѡ ты̀ глаго́леши, вознести́сѧ подоба́етъ сн҃ꙋ человѣ́ческомꙋ; кто̀ є҆́сть се́й сн҃ъ человѣ́ческїй; рече́ же и҆̀мъ і҆и҃съ: є҆щѐ ма́ло вре́мѧ свѣ́тъ въ ва́съ є҆́сть. ходи́те до́ндеже свѣ́тъ и҆́мате, да тма̀ ва́съ не и҆́метъ: и҆ ходѧ́й во тмѣ̀, не вѣ́сть, ка́мѡ и҆́детъ. до́ндеже свѣ́тъ и҆́мате, вѣ́рꙋйте во свѣ́тъ, да сы́нове свѣ́та бꙋ́дете. сїѧ̑ глаго́ла і҆и҃съ, и҆ ѿше́дъ скры́сѧ ѿ ни́хъ. толи̑ка зна́мєнїѧ сотво́ршꙋ є҆мꙋ̀ пред̾ ни́ми, не вѣ́ровахꙋ въ него̀. да сбꙋ́детсѧ сло́во и҆са́їи проро́ка, є҆́же речѐ: гдⷭ҇и, кто̀ вѣ́рова слꙋ́хꙋ на́шемꙋ; и҆ мы́шца гдⷭ҇нѧ комꙋ̀ ѿкры́сѧ; сегѡ̀ ра́ди не можа́хꙋ вѣ́ровати, ꙗ҆́кѡ па́ки речѐ и҆са́їа: ѡ҆слѣпѝ ѻ҆́чи и҆́хъ, и҆ ѡ҆ка́менилъ є҆́сть сердца̀ и҆́хъ, да не ви́дѧтъ ѻ҆чи́ма, ни разꙋмѣ́ютъ се́рдцемъ, и҆ ѡ҆братѧ́тсѧ, и҆ и҆сцѣлю̀ и҆̀хъ. сїѧ̑ речѐ и҆са́їа, є҆гда̀ ви́дѣ сла́вꙋ є҆гѡ̀, и҆ глаго́ла ѡ҆ не́мъ. ѻ҆ба́че ᲂу҆́бѡ и҆ ѿ кнѧ̑зь мно́зи вѣ́роваша въ него̀, но фарїсє́й ра́ди не и҆сповѣ́довахꙋ, да не и҆з̾ со́нмищъ и҆згна́ни бꙋ́дꙋтъ. возлюби́ша бо па́че сла́вꙋ человѣ́ческꙋю, не́же сла́вꙋ бж҃їю. і҆и҃съ же воззва̀, и҆ речѐ: вѣ́рꙋѧй въ мѧ̀, не вѣ́рꙋетъ въ мѧ̀, но въ посла́вшаго мѧ̀. и҆ ви́дѧй мѧ̀, ви́дитъ посла́вшаго мѧ̀. а҆́зъ свѣ́тъ въ мі́ръ прїидо́хъ, да всѧ́къ вѣ́рꙋѧй въ мѧ̀, во тмѣ̀ не пребꙋ́детъ. и҆ а҆́ще кто̀ ᲂу҆слы́шитъ глаго́лы моѧ̀ и҆ не вѣ́рꙋетъ, а҆́зъ не сꙋждꙋ̀ є҆мꙋ̀: не прїидо́хъ бо, да сꙋждꙋ̀ мі́рови, но да спасꙋ̀ мі́ръ. ѿмета́ѧйсѧ менѐ и҆ не прїе́млѧй глагѡ́лъ мои́хъ, и҆́мать сꙋдѧ́щаго є҆мꙋ̀: сло́во, є҆́же глаго́лахъ, то̀ сꙋ́дитъ є҆мꙋ̀ въ послѣ́днїй де́нь. ꙗ҆́кѡ а҆́зъ ѡ҆ себѣ̀ не глаго́лахъ: но посла́вый мѧ̀ ѻ҆ц҃ъ, то́й мнѣ̀ за́повѣдь дадѐ, что̀ рекꙋ̀, и҆ что̀ возглаго́лю. и҆ вѣ́мъ, ꙗ҆́кѡ за́повѣдь є҆гѡ̀ живо́тъ вѣ́чный є҆́сть: ꙗ҆̀же ᲂу҆́бѡ а҆́зъ глаго́лю, ꙗ҆́коже речѐ мнѣ̀ ѻ҆ц҃ъ, та́кѡ глаго́лю."
 },
 {
  "type": "TEXT",
  "value": "Ли́къ: Сла́ва тебѣ̀ гдⷭ҇и, сла́ва тебѣ̀."
 },
 {
  "type": "HEADER",
  "value": "И҆ чте́цъ н҃-й ѱало́мъ:"
 },
 {
  "type": "TEXT",
  "value": "П оми́лꙋй мѧ̀ бж҃е, по вели́цѣй ми́лости твое́й и҆ по мно́жествꙋ щедро́тъ твои́хъ ѡ҆чи́сти беззако́нїе моѐ. наипа́че ѡ҆мы́й мѧ̀ ѿ беззако́нїѧ моегѡ̀, и҆ ѿ грѣха̀ моегѡ̀ ѡ҆чи́сти мѧ̀. ꙗ҆́кѡ беззако́нїе моѐ а҆́зъ зна́ю, и҆ грѣ́хъ мо́й предо мно́ю є҆́сть вы́нꙋ. тебѣ̀ є҆ди́номꙋ согрѣши́хъ, и҆ лꙋка́вое пред̾ тобо́ю сотвори́хъ, ꙗ҆́кѡ да ѡ҆правди́шисѧ во словесѣ́хъ твои́хъ, и҆ побѣди́ши, внегда̀ сꙋди́ти тѝ. се́ бо въ беззако́нїихъ зача́тъ є҆́смь, и҆ во грѣсѣ́хъ роди́ мѧ ма́ти моѧ̀. се́ бо и҆́стинꙋ возлюби́лъ є҆сѝ, безвѣ̑стнаѧ и҆ та̑йнаѧ премꙋ́дрости твоеѧ̀ ꙗ҆ви́лъ мѝ є҆сѝ. ѡ҆кропи́ши мѧ̀ ѵ҆ссѡ́помъ, и҆ ѡ҆чи́щꙋсѧ: ѡ҆мы́еши мѧ̀, и҆ па́че снѣ́га ᲂу҆бѣлю́сѧ. слꙋ́хꙋ моемꙋ̀ да́си ра́дость и҆ весе́лїе, возра́дꙋютсѧ кѡ́сти смирє́нныѧ. ѿвратѝ лицѐ твоѐ ѿ грѣ̑хъ мои́хъ, и҆ всѧ̑ беззакѡ́нїѧ моѧ̑ ѡ҆чи́сти. се́рдце чи́сто сози́жди во мнѣ̀ бж҃е, и҆ дꙋ́хъ пра́въ ѡ҆бновѝ во ᲂу҆тро́бѣ мое́й. не ѿве́ржи менє̀ ѿ лица̀ твоегѡ̀, и҆ дх҃а твоегѡ̀ ст҃а́гѡ не ѿимѝ ѿ менє̀. возда́ждь мѝ ра́дость сп҃се́нїѧ твоегѡ̀, и҆ дх҃омъ влⷣчнимъ ᲂу҆тверди́ мѧ. наꙋчꙋ̀ беззакѡ́нныѧ пꙋтє́мъ твои̑мъ, и҆ нечести́вїи къ тебѣ̀ ѡ҆братѧ́тсѧ. и҆зба́ви мѧ̀ ѿ крове́й бж҃е, бж҃е сп҃се́нїѧ моегѡ̀, возра́дꙋетсѧ ѧ҆зы́къ мо́й пра́вдѣ твое́й. гдⷭ҇и, ᲂу҆стнѣ̀ моѝ ѿве́рзеши, и҆ ᲂу҆ста̀ моѧ̑ возвѣстѧ́тъ хвалꙋ̀ твою̀. ꙗ҆́кѡ а҆́ще бы восхотѣ́лъ є҆сѝ же́ртвы, да́лъ бы́хъ ᲂу҆́бѡ: всесожже́нїѧ не бл҃говоли́ши. же́ртва бг҃ꙋ дꙋ́хъ сокрꙋше́нъ: се́рдце сокрꙋше́нно и҆ смире́нно бг҃ъ не ᲂу҆ничижи́тъ. ᲂу҆бл҃жѝ гдⷭ҇и, бл҃говоле́нїемъ твои́мъ сїѡ́на, и҆ да сози́ждꙋтсѧ стѣ́ны і҆ерⷭ҇ли̑мскїѧ. тогда̀ бл҃говоли́ши же́ртвꙋ пра́вды, возноше́нїе и҆ всесожега́ємаѧ: тогда̀ возложа́тъ на ѻ҆лта́рь тво́й тельцы̀."
 },
 {
  "type": "TEXT",
  "value": "Глаго́летъ дїа́конъ: Спасѝ, бж҃е, лю́ди твоѧ̑, и҆ благословѝ достоѧ́нїе твоѐ, посѣтѝ мі́ръ тво́й ми́лостїю и҆ щедро́тами, возвы́си ро́гъ хрⷭ҇тїа́нъ правосла́вныхъ, и҆ низпослѝ на ны̀ ми́лѡсти твоѧ̑ бѡга́тыѧ, моли́твами всепречⷭ҇тыѧ влⷣчцы на́шеѧ бцⷣы и҆ приснодв҃ы мр҃і́и: си́лою чⷭ҇тна́гѡ и҆ животворѧ́щагѡ крⷭ҇та̀: предста́тельствы чⷭ҇тны́хъ нбⷭ҇ныхъ си́лъ безпло́тныхъ: чⷭ҇тна́гѡ сла́внагѡ проро́ка, предте́чи и҆ крⷭ҇ти́телѧ і҆ѡа́нна: ст҃ы́хъ сла́вныхъ и҆ всехва́льныхъ а҆пⷭ҇лъ: и҆̀же во ст҃ы́хъ ѻ҆ц҃ъ на́шихъ, и҆ вселе́нскихъ вели́кихъ ᲂу҆чи́телей и҆ ст҃и́телей, васі́лїа вели́кагѡ, григо́рїа бг҃осло́ва и҆ і҆ѡа́нна златоꙋ́стагѡ: и҆́же во ст҃ы́хъ ѻ҆ц҃а̀ на́шегѡ нїкола́а, а҆рхїепⷭ҇кпа мѷрлѷкі́йскагѡ, чꙋдотво́рца: ст҃ы́хъ равноапо́стольныхъ меѳо́дїа и҆ кѷрі́лла, ᲂу҆чи́телей слове́нскихъ: ст҃ы́хъ равноапо́стольныхъ вели́кагѡ кн҃зѧ влади́мїра и҆ вели́кїѧ кн҃ги́ни ѻ҆́льги: и҆̀же во ст҃ы́хъ ѻ҆ц҃ъ на́шихъ всеѧ̀ рѡссі́и чꙋдотво́рцевъ, мїхаи́ла, петра̀, а҆леѯі́а, і҆ѡ́ны, мака́рїа, фїлі́ппа, і҆́ѡва, є҆рмоге́на, фїларе́та, і҆нноке́нтїа и҆ тѵ́хѡна: ст҃ы́хъ сла́вныхъ и҆ добропобѣ́дныхъ мꙋ́ченикѡвъ, преподо́бныхъ и҆ бг҃оно́сныхъ ѻ҆ц҃ъ на́шихъ, ст҃ы́хъ и҆ пра́ведныхъ бг҃оѻц҃ъ і҆ѡакі́ма и҆ а҆́нны, и҆ ст҃а́гѡ [и҆́мⷬ҇къ, є҆гѡ́же є҆́сть хра́мъ, и҆ є҆гѡ́же є҆́сть де́нь], и҆ всѣ́хъ ст҃ы́хъ: мо́лимъ тѧ̀, многоми́лостиве гдⷭ҇и, ᲂу҆слы́ши на́съ грѣ́шныхъ, молѧ́щихсѧ тебѣ̀, и҆ поми́лꙋй на́съ."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, в҃і."
 },
 {
  "type": "TEXT",
  "value": "Сщ҃е́нникъ глаго́летъ возгла́снѡ: Ми́лостїю и҆ щедро́тами и҆ чл҃вѣколю́бїемъ є҆диноро́днагѡ твоегѡ̀ сн҃а, съ ни́мже бл҃гослове́нъ є҆сѝ, со прест҃ы́мъ, и҆ бл҃ги́мъ, и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "И҆ пое́мъ трипѣ́снецъ, творе́нїе господи́на космы̀, є҆гѡ́же краестро́чїе: Тетра́дї ѱалѡ̀. Сі́есть Въ сре́дꙋ воспою̀. І҆рмосы̀ по два́жды. Тропарѝ на в҃і. Послѣди́ же і҆рмо́съ ѻ҆́ба ли̑ка вкꙋ́пѣ. Гла́съ в҃."
 },
 {
  "type": "HEADER",
  "value": "Пѣ́снь г҃."
 },
 {
  "type": "HEADER",
  "value": "[Т] І҆рмо́съ:"
 },
 {
  "type": "TEXT",
  "value": "На ка́мени мѧ̀ вѣ́ры ᲂу҆тверди́въ, / разшири́лъ є҆сѝ ᲂу҆ста̀ моѧ̑ на врагѝ моѧ̑, / возвесели́ бо сѧ дꙋ́хъ мо́й внегда̀ пѣ́ти: / нѣ́сть ст҃ъ, ꙗ҆́коже бг҃ъ на́шъ, / и҆ нѣ́сть пра́веденъ, па́че тебѐ гдⷭ҇и."
 },
 {
  "type": "TEXT",
  "value": "Припѣ́въ: Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "[Е] Во тще́тныхъ собо́рище беззако́нныхъ, / и҆ мы́слїю собира́етсѧ ѕлонра́вною, / ѡ҆сꙋжде́на и҆зба́вителѧ и҆зрещи́ тѧ хрⷭ҇тѐ. / є҆мꙋ́же пое́мъ: ты̀ є҆сѝ бг҃ъ на́шъ, / и҆ нѣ́сть ст҃ъ па́че тебѐ гдⷭ҇и."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "[Т] Лю́тый совѣ́тъ беззако́нныхъ, / притворѧ́етсѧ бг҃обо́рныѧ дꙋшѝ сꙋ́щїй, / ꙗ҆́кѡ ѕлопотре́бна пра́веднаго ᲂу҆би́ти хрⷭ҇та̀. / є҆мꙋ́же пое́мъ: ты̀ є҆сѝ бг҃ъ на́шъ, / и҆ нѣ́сть ст҃ъ па́че тебѐ гдⷭ҇и."
 },
 {
  "type": "TEXT",
  "value": "И҆ па́ки і҆рмо́съ: На ка́мени мѧ̀ вѣ́ры ᲂу҆тверди́въ, / разшири́лъ є҆сѝ ᲂу҆ста̀ моѧ̑ на врагѝ моѧ̑, / возвесели́ бо сѧ дꙋ́хъ мо́й внегда̀ пѣ́ти: / нѣ́сть ст҃ъ, ꙗ҆́коже бг҃ъ на́шъ, / и҆ нѣ́сть пра́веденъ, па́че тебѐ гдⷭ҇и."
 },
 {
  "type": "HEADER",
  "value": "Та́же е҆ктенїа̀ ма́лаѧ."
 },
 {
  "type": "TEXT",
  "value": "П а́ки и҆ па́ки ми́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "TEXT",
  "value": "Возглаша́етъ сщ҃е́нникъ: Ты́ бо є҆сѝ цр҃ь ми́ра, и҆ сп҃съ дꙋ́шъ на́шихъ, и҆ тебѣ̀ сла́вꙋ возсыла́емъ, ѻ҆ц҃ꙋ̀, и҆ сн҃ꙋ, и҆ ст҃о́мꙋ дх҃ꙋ, ны́нѣ и҆ при́снѡ, и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "HEADER",
  "value": "Конда́къ вели́кїѧ среды̀, гла́съ д҃. Подо́бенъ: Вознесы́йсѧ:"
 },
 {
  "type": "TEXT",
  "value": "П а́че блꙋдни́цы бла́же, беззако́нновавъ, / сле́зъ тꙋ́чы ника́коже тебѣ̀ принесо́хъ: / но молча́нїемъ молѧ́сѧ припа́даю тѝ, / любо́вїю ѡ҆блобыза́ѧ пречⷭ҇тѣи твоѝ но́зѣ, / ꙗ҆́кѡ да ѡ҆ставле́нїе мнѣ̀ ꙗ҆́кѡ влⷣка пода́си долгѡ́въ, / зовꙋ́щꙋ тѝ сп҃се: / ѿ скве́рныхъ дѣ́лъ мои́хъ и҆зба́ви мѧ̀."
 },
 {
  "type": "TEXT",
  "value": "І҆́косъ: Ꙗ҆́же пе́рвѣе блꙋдни́ца жена̀, / внеза́пꙋ цѣломꙋ́дренна ꙗ҆ви́сѧ, / возненави́дѣвши дѣла̀ стꙋ́днагѡ грѣха̀, и҆ сла́дости тѣле́сныѧ, / помина́ющи стꙋ́дъ мно́гїй и҆ сꙋ́дъ мꙋче́нїѧ, / є҆го́же претерпѧ́тъ блꙋдни́цы и҆ скве́рнїи, / ѿ ни́хже пе́рвый є҆́смь а҆́зъ, и҆ бою́сѧ: / но пребыва́ю въ ѕло́мъ ѻ҆бы́чаи безꙋ́мный. / блꙋ́днаѧ же жена̀ ᲂу҆боѧ́вшисѧ, и҆ потща́вшисѧ ско́рѡ прїи́де, / вопїю́щи ко и҆зба́вителю: / чл҃вѣколю́бче и҆ ще́дре, / ѿ скве́рныхъ дѣ́лъ мои́хъ и҆зба́ви мѧ̀."
 },
 {
  "type": "TEXT",
  "value": "Сѷнаѯа́рїй."
 },
 {
  "type": "HEADER",
  "value": "Пѣ́снь и҃."
 },
 {
  "type": "HEADER",
  "value": "[Р] І҆рмо́съ:"
 },
 {
  "type": "TEXT",
  "value": "Глаго́лъ мꙋчи́телевъ поне́же превозмо́же, / седмери́цею пе́щь разжже́нна бы́сть и҆ногда̀: / въ не́йже ѻ҆́троцы не ѡ҆пали́шасѧ, / царе́во попра́вше велѣ́нїе, / но вопїѧ́хꙋ: всѧ̑ дѣла̀ гдⷭ҇нѧ гдⷭ҇а по́йте, / и҆ превозноси́те во всѧ̑ вѣ́ки."
 },
 {
  "type": "TEXT",
  "value": "Припѣ́въ: Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "[А] И҆злива́ющи жена̀ мѵ́ро честно́е, / влады́чню и҆ бж҃е́ственномꙋ стра́шномꙋ верхꙋ̀ хрⷭ҇тѐ, / слѣдѡ́въ твои́хъ пречⷭ҇тыхъ прикоснꙋ́сѧ, ѡ҆скверне́ныма дла́ньма, и҆ вопїѧ́ше: / всѧ̑ дѣла̀ гдⷭ҇нѧ гдⷭ҇а по́йте, / и҆ превозноси́те во всѧ̑ вѣ́ки."
 },
 {
  "type": "TEXT",
  "value": "Припѣ́въ: Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "[Д] Слеза́ми ѡ҆мыва́етъ но́зѣ, пови́ннаѧ грѣхѡ́мъ, созда́вшагѡ, / и҆ ѡ҆тира́етъ власы̀ свои́ми. / тѣ́мже въ житїѝ содѣ́ѧнныхъ / не погрѣшѝ и҆збавле́нїѧ, но вопїѧ́ше: / всѧ̑ дѣла̀ гдⷭ҇нѧ гдⷭ҇а по́йте, / и҆ превозноси́те во всѧ̑ вѣ́ки."
 },
 {
  "type": "TEXT",
  "value": "Бл҃гослови́мъ ѻ҆ц҃а̀ и҆ сн҃а и҆ ст҃а́го дх҃а, гдⷭ҇а, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "[І] Сщ҃еннодѣ́йствꙋетсѧ и҆збавле́нїе благонра́внѣй, / ѿ сп҃си́тельныхъ ᲂу҆тро́бъ же и҆ сле́зъ и҆сто́чника, / въ не́мже и҆сповѣ́данїемъ и҆змы́вшисѧ, / не стыдѧ́шесѧ, но вопїѧ́ше: / всѧ̑ дѣла̀ гдⷭ҇нѧ гдⷭ҇а по́йте, / и҆ превозноси́те во всѧ̑ вѣ́ки."
 },
 {
  "type": "TEXT",
  "value": "Та́же, Хва́лимъ, бл҃гослови́мъ, покланѧ́емсѧ гдⷭ҇ви, пою́ще, и҆ превозносѧ́ще во всѧ̑ вѣ́ки."
 },
 {
  "type": "TEXT",
  "value": "И҆ па́ки і҆рмо́съ: Глаго́лъ мꙋчи́телевъ поне́же превозмо́же, / седмери́цею пе́щь разжже́нна бы́сть и҆ногда̀: / въ не́йже ѻ҆́троцы не ѡ҆пали́шасѧ, / царе́во попра́вше велѣ́нїе, / но вопїѧ́хꙋ: всѧ̑ дѣла̀ гдⷭ҇нѧ гдⷭ҇а по́йте, / и҆ превозноси́те во всѧ̑ вѣ́ки."
 },
 {
  "type": "TEXT",
  "value": "Чⷭ҇тнѣ́йшꙋю, не пое́мъ."
 },
 {
  "type": "HEADER",
  "value": "Пѣ́снь ѳ҃."
 },
 {
  "type": "HEADER",
  "value": "[Ѱ] І҆рмо́съ:"
 },
 {
  "type": "TEXT",
  "value": "Дꙋша́ми чи́стыми, и҆ нескве́рными ᲂу҆стна́ми, / прїиди́те возвели́чимъ нескве́рнꙋю, и҆ пречⷭ҇тꙋю мт҃рь є҆мманꙋ́илевꙋ, / є҆́юже и҆з̾ неѧ̀ къ рожде́нномꙋ приносѧ́ще мл҃твꙋ: / пощадѝ дꙋ́шы на́шѧ хрⷭ҇тѐ бж҃е, и҆ сп҃сѝ на́съ."
 },
 {
  "type": "TEXT",
  "value": "Припѣ́въ: Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "[А] Неразꙋ́менъ ꙗ҆́вльсѧ, и҆ лꙋка́въ ревноѡбра́зникъ, / да́ръ достойнобж҃е́ственъ сло́вомъ продае́тъ. / и҆́мже до́лгъ разрѣши́сѧ грѣхѡ́въ, / кра́дый лю́тый і҆ꙋ́да любобж҃е́ственнꙋю бл҃года́ть: / пощадѝ дꙋ́шы на́шѧ хрⷭ҇тѐ бж҃е, и҆ сп҃сѝ на́съ."
 },
 {
  "type": "TEXT",
  "value": "Припѣ́въ: Сла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "[Л] Глаго́летъ ше́дъ беззакѡ́ннымъ кнѧзє́мъ: / что́ ми хо́щете да́ти, и҆ а҆́зъ хрⷭ҇та̀ ва́мъ и҆ско́маго хотѧ́щымъ преда́мъ; / присвое́нїе хрⷭ҇то́во і҆ꙋ́да ѿри́нꙋвый зла́томъ: / пощадѝ дꙋ́шы на́шѧ хрⷭ҇тѐ бж҃е, и҆ сп҃сѝ на́съ."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "[Ѡ] Ѽ слѣпо́тнагѡ сребролю́бїѧ нечести́ве, / ѿѻнꙋ́дꙋже забве́нїе полꙋчи́лъ є҆сѝ, / ꙗ҆́кѡ дꙋшѝ ника́коже равностоѧ́теленъ мі́ръ, ꙗ҆́коже наꙋчи́лсѧ є҆сѝ: / ѿча́ѧнїемъ бо са́мъ себѐ ᲂу҆дави́лъ є҆сѝ вже́гсѧ преда́телю: / пощадѝ дꙋ́шы на́шѧ хрⷭ҇тѐ бж҃е, и҆ сп҃сѝ на́съ."
 },
 {
  "type": "TEXT",
  "value": "Та́же і҆рмо́съ: Дꙋша́ми чи́стыми, и҆ нескве́рными ᲂу҆стна́ми, / прїиди́те возвели́чимъ нескве́рнꙋю, и҆ пречⷭ҇тꙋю мт҃рь є҆мманꙋ́илевꙋ, / є҆́юже и҆з̾ неѧ̀ къ рожде́нномꙋ приносѧ́ще мл҃твꙋ: / пощадѝ дꙋ́шы на́шѧ хрⷭ҇тѐ бж҃е, и҆ сп҃сѝ на́съ."
 },
 {
  "type": "HEADER",
  "value": "Та́же є҆ктенїа̀ ма́лаѧ."
 },
 {
  "type": "TEXT",
  "value": "П а́ки и҆ па́ки ми́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "TEXT",
  "value": "Возглаша́етъ сщ҃е́нникъ: Ꙗ҆́кѡ тѧ̀ хва́лѧтъ всѧ̑ си̑лы нбⷭ҇ныѧ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "HEADER",
  "value": "Є҆ѯапостїла́рїй, три́жды, ꙗ҆́кѡ ѡ҆бы́чно:"
 },
 {
  "type": "TEXT",
  "value": "Ч ерто́гъ тво́й ви́ждꙋ сп҃се мо́й, ᲂу҆краше́нный, / и҆ ѻ҆де́жды не и҆́мамъ, да вни́дꙋ во́нь: / просвѣтѝ ѡ҆дѣѧ́нїе дꙋшѝ моеѧ̀ / свѣтода́вче, и҆ сп҃си́ мѧ."
 },
 {
  "type": "HEADER",
  "value": "И҆ а҆́бїе хвали́тны. Чте́цъ глаго́летъ ѱалмы̀ рм҃и, рм҃ѳ и҆ р҃н."
 },
 {
  "type": "TEXT",
  "value": "Х вали́те гдⷭ҇а съ нб҃съ. Тебѣ̀ подоба́етъ пѣ́снь бг҃ꙋ. Хвали́те гдⷭ҇а съ нб҃съ, хвали́те є҆го̀ въ вы́шнихъ. Тебѣ̀ подоба́етъ пѣ́снь бг҃ꙋ. Хвали́те є҆го̀ всѝ а҆́гг҃ли є҆гѡ̀, хвали́те є҆го̀ всѧ̑ си̑лы є҆гѡ̀. Тебѣ̀ подоба́етъ пѣ́снь бг҃ꙋ."
 },
 {
  "type": "TEXT",
  "value": "Х вали́те є҆го̀ со́лнце и҆ лꙋна̀, хвали́те є҆го̀ всѧ̑ ѕвѣ́зды и҆ свѣ́тъ. Хвали́те є҆го̀ нб҃са̀ нб҃съ, и҆ вода̀ ꙗ҆́же превы́ше нб҃съ, да восхва́лѧтъ и҆́мѧ гдⷭ҇не. ꙗ҆́кѡ то́й речѐ, и҆ бы́ша: то́й повелѣ̀, и҆ созда́шасѧ. поста́ви ѧ҆̀ въ вѣ́къ, и҆ въ вѣ́къ вѣ́ка: повелѣ́нїе положѝ, и҆ не ми́мѡ и҆́детъ. хвали́те гдⷭ҇а ѿ землѝ ѕмі́евє, и҆ всѧ̑ бє́здны: ѻ҆́гнь, гра́дъ, снѣ́гъ, го́лоть, дꙋ́хъ бꙋ́ренъ, творѧ̑щаѧ сло́во є҆гѡ̀: го́ры и҆ всѝ хо́лми, древа̀ плодонѡ́сна, и҆ всѝ ке́дри: ѕвѣ́рїе и҆ всѝ ско́ти, га́ди и҆ пти̑цы перна̑ты: ца́рїе зе́мстїи, и҆ всѝ лю́дїе, кнѧ́зи, и҆ всѝ сꙋдїи̑ зе́мстїи: ю҆́нѡши и҆ дѣ̑вы, ста́рцы съ ю҆́нотами да восхва́лѧтъ и҆́мѧ гдⷭ҇не: ꙗ҆́кѡ вознесе́сѧ и҆́мѧ тогѡ̀ є҆ди́нагѡ. и҆сповѣ́данїе є҆гѡ̀ на землѝ и҆ на нб҃сѝ, и҆ вознесе́тъ ро́гъ люде́й свои́хъ. пѣ́снь всѣ̑мъ прпⷣбнымъ є҆гѡ̀, сыновѡ́мъ і҆и҃лєвымъ, лю́демъ приближа́ющымсѧ є҆мꙋ̀."
 },
 {
  "type": "TEXT",
  "value": "В оспо́йте гдⷭ҇еви пѣ́снь но́вꙋ, хвале́нїе є҆гѡ̀ въ цр҃кви прпⷣбныхъ. да возвесели́тсѧ і҆и҃ль ѡ҆ сотво́ршемъ є҆го̀, и҆ сы́нове сїѡ́ни возра́дꙋютсѧ ѡ҆ цр҃ѣ̀ свое́мъ: да восхва́лѧтъ и҆́мѧ є҆гѡ̀ въ ли́цѣ, въ тѷмпа́нѣ и҆ ѱалти́ри да пою́тъ є҆мꙋ̀. ꙗ҆́кѡ бл҃говоли́тъ гдⷭ҇ь въ лю́дехъ свои́хъ, и҆ вознесе́тъ крѡ́ткїѧ во сп҃се́нїе. восхва́лѧтсѧ прпⷣбнїи во сла́вѣ, и҆ возра́дꙋютсѧ на ло́жахъ свои́хъ. возношє́нїѧ бж҃їѧ въ горта́ни и҆́хъ, и҆ мечѝ ѻ҆бою́дꙋ ѻ҆стры̀ въ рꙋка́хъ и҆́хъ: сотвори́ти ѿмще́нїе во ꙗ҆зы́цѣхъ, ѡ҆бличє́нїѧ въ лю́дехъ: свѧза́ти царѝ и҆́хъ пꙋ́ты, и҆ сла̑вныѧ и҆́хъ рꙋчны́ми ѻ҆кѡ́вы желѣ́зными. Сотвори́ти въ ни́хъ сꙋ́дъ напи́санъ: сла́ва сїѧ̀ бꙋ́детъ всѣ̑мъ прпⷣбнымъ є҆гѡ̀."
 },
 {
  "type": "TEXT",
  "value": "Х вали́те бг҃а во ст҃ы́хъ є҆гѡ̀, хвали́те є҆го̀ во ᲂу҆тверже́нїи си́лы є҆гѡ̀."
 },
 {
  "type": "TEXT",
  "value": "На д҃: Хвали́те є҆го̀ на си́лахъ є҆гѡ̀, / хвали́те є҆го̀ по мно́жествꙋ вели́чествїѧ є҆гѡ̀."
 },
 {
  "type": "HEADER",
  "value": "И҆ пое́мъ сїѧ̑ самогла́сны, гла́съ а҃:"
 },
 {
  "type": "TEXT",
  "value": "Т ебѐ дв҃ыѧ сн҃а, / блꙋдни́ца позна́вши бг҃а, / глаго́лаше, въ пла́чи молѧ́щисѧ, / ꙗ҆́кѡ сле́зъ достѡ́йнаѧ содѣ́лавшаѧ: / разрѣшѝ до́лгъ, ꙗ҆́коже и҆ а҆́зъ власы̀: / возлюбѝ лю́бѧщꙋю, пра́веднѡ ненави́димꙋю, / и҆ бли́зъ мытаре́й тебѐ проповѣ́мъ, / бл҃годѣ́телю чл҃вѣколю́бче."
 },
 {
  "type": "TEXT",
  "value": "Хвали́те є҆го̀ во гла́сѣ трꙋ́бнѣмъ, / хвали́те є҆го̀ во ѱалти́ри и҆ гꙋ́слехъ."
 },
 {
  "type": "TEXT",
  "value": "М ногоцѣ́нное мѵ́ро, / блꙋдни́ца смѣсѝ со слеза́ми, / и҆ и҆злїѧ̀ на пречⷭ҇тѣи но́зѣ твоѝ, ѡ҆блобыза́ющи: / ѻ҆́нꙋю а҆́бїе ѡ҆правда́лъ є҆сѝ, / на́мъ же проще́нїе да́рꙋй / пострада́вый ѡ҆ на́съ, и҆ сп҃сѝ на́съ."
 },
 {
  "type": "TEXT",
  "value": "Хвали́те є҆го̀ въ тѷмпа́нѣ и҆ ли́цѣ, / хвали́те є҆го̀ во стрꙋ́нахъ и҆ ѻ҆рга́нѣ."
 },
 {
  "type": "TEXT",
  "value": "Є҆ гда̀ грѣ́шнаѧ приноша́ше мѵ́ро, / тогда̀ ᲂу҆чени́къ соглаша́шесѧ пребеззакѡ́ннымъ. / ѻ҆́ваѧ ᲂу҆́бѡ ра́довашесѧ, / и҆стоща́ющи мѵ́ро многоцѣ́нное: / се́й же тща́шесѧ прода́ти безцѣ́ннаго. / сїѧ̀ влⷣкꙋ познава́ше, / а҆ се́й ѿ влⷣки разлꙋча́шесѧ. / сїѧ̀ свобожда́шесѧ, / а҆ і҆ꙋ́да ра́бъ быва́ше врагꙋ̀. / лю́то є҆́сть лѣ́ность, ве́лїе покаѧ́нїе: / є҆́же мнѣ̀ да́рꙋй сп҃се, / пострада́вый ѡ҆ на́съ, и҆ сп҃сѝ на́съ."
 },
 {
  "type": "TEXT",
  "value": "Хвали́те є҆го̀ въ кѷмва́лѣхъ доброгла́сныхъ. хвали́те є҆го̀ въ кѷмва́лѣхъ восклица́нїѧ. / всѧ́кое дыха́нїе да хва́литъ гдⷭ҇а."
 },
 {
  "type": "TEXT",
  "value": "Ѽ і҆ꙋ́дина ѡ҆каѧ́нства! / зрѧ́ше блꙋдни́цꙋ цѣлꙋ́ющꙋю стѡпы̀, / и҆ ᲂу҆мышлѧ́ше ле́стїю преда́нїѧ цѣлова́нїе. / ѻ҆́наѧ власы̀ разрѣшѝ, / а҆ се́й ꙗ҆́ростїю вѧза́шесѧ, / носѧ̀ вмѣ́стѡ мѵ́ра ѕлосмра́днꙋю ѕло́бꙋ: / за́висть бо не вѣ́сть предпочита́ти поле́зное. / ѽ і҆ꙋ́дина ѻ҆каѧ́нства! / ѿ негѡ́же и҆зба́ви бж҃е, дꙋ́шы на́шѧ."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Гла́съ в҃: Грѣ́шнаѧ течѐ къ мѵ́рꙋ, / кꙋпи́ти многоцѣ́нное мѵ́ро, / є҆́же пома́зати бл҃годѣ́телѧ, / и҆ мѷропрода́телю вопїѧ́ше: / да́ждь мѝ мѵ́ро, да пома́жꙋ и҆ а҆́зъ / ѡ҆чи́стившаго всѧ̑ моѧ̑ грѣхѝ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Гла́съ ѕ҃: Погрꙋже́ннаѧ грѣхо́мъ, / ѡ҆брѣ́те тѧ̀ приста́нище сп҃се́нїѧ, / ви́ждь и҆ мѵ́ра со слеза́ми растворѧ́ющꙋю, тебѣ̀ вопїѧ́ше: / ви́ждь согрѣша́ющихъ покаѧ́нїѧ ѡ҆жида́ѧй. / но влⷣко сп҃си́ мѧ ѿ волны̀ грѣхо́вныѧ, / вели́кїѧ ра́ди твоеѧ̀ млⷭ҇ти."
 },
 {
  "type": "HEADER",
  "value": "Славосло́вїе вседне́вное."
 },
 {
  "type": "TEXT",
  "value": "Чте́цъ: Сла́ва тебѣ̀ показа́вшемꙋ на́мъ свѣ́тъ."
 },
 {
  "type": "TEXT",
  "value": "С ла́ва въ вы́шнихъ бг҃ꙋ, и҆ на землѝ ми́ръ, въ человѣ́цѣхъ бл҃говоле́нїе. хва́лимъ тѧ̀, бл҃гослови́мъ тѧ̀, кла́нѧемъ ти сѧ, славосло́вимъ тѧ̀, бл҃годари́мъ тѧ̀, вели́кїѧ ра́ди сла́вы твоеѧ̀. гдⷭ҇и цр҃ю̀ нбⷭ҇ный, бж҃е ѻ҆́ч҃е вседержи́телю, гдⷭ҇и сн҃е є҆диноро́дный, і҆и҃се хрⷭ҇тѐ, и҆ ст҃ы́й дш҃е. гдⷭ҇и бж҃е, а҆́гнче бж҃їй, сн҃е ѻ҆ч҃ь, взе́млѧй грѣ́хъ мі́ра, поми́лꙋй на́съ: взе́млѧй грѣхѝ мі́ра, прїимѝ мл҃твꙋ на́шꙋ: сѣдѧ́й ѡ҆деснꙋ́ю ѻ҆ц҃а̀, поми́лꙋй на́съ. ꙗ҆́кѡ ты̀ є҆сѝ є҆ди́нъ ст҃ъ, ты̀ є҆сѝ є҆ди́нъ гдⷭ҇ь, і҆и҃съ хрⷭ҇то́съ, во сла́вꙋ бг҃а ѻ҆ц҃а̀, а҆ми́нь."
 },
 {
  "type": "TEXT",
  "value": "Н а всѧ́къ де́нь бл҃гословлю́ тѧ, и҆ восхвалю̀ и҆́мѧ твоѐ во вѣ́ки, и҆ въ вѣ́къ вѣ́ка."
 },
 {
  "type": "TEXT",
  "value": "Г дⷭ҇и, прибѣ́жище бы́лъ є҆сѝ на́мъ въ ро́дъ и҆ ро́дъ. а҆́зъ рѣ́хъ: гдⷭ҇и, поми́лꙋй мѧ̀, и҆сцѣлѝ дꙋ́шꙋ мою̀, ꙗ҆́кѡ согрѣши́хъ тебѣ̀. гдⷭ҇и, къ тебѣ̀ прибѣго́хъ, наꙋчи́ мѧ твори́ти во́лю твою̀, ꙗ҆́кѡ ты̀ є҆сѝ бг҃ъ мо́й: ꙗ҆́кѡ ᲂу҆ тебѐ и҆сто́чникъ живота̀, во свѣ́тѣ твое́мъ ᲂу҆́зримъ свѣ́тъ. проба́ви млⷭ҇ть твою̀ вѣ́дꙋщымъ тѧ̀."
 },
 {
  "type": "TEXT",
  "value": "Та́же: Сподо́би гдⷭ҇и, въ де́нь се́й без̾ грѣха̀ сохрани́тисѧ на́мъ. бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ, и҆ хва́льно и҆ просла́влено и҆́мѧ твоѐ во вѣ́ки, а҆ми́нь."
 },
 {
  "type": "TEXT",
  "value": "Б ꙋ́ди гдⷭ҇и, млⷭ҇ть твоѧ̀ на на́съ, ꙗ҆́коже ᲂу҆пова́хомъ на тѧ̀. бл҃гослове́нъ є҆сѝ гдⷭ҇и, наꙋчи́ мѧ ѡ҆правда́нїємъ твои̑мъ. бл҃гослове́нъ є҆сѝ влⷣко, вразꙋми́ мѧ ѡ҆правда́нїємъ твои̑мъ. бл҃гослове́нъ є҆сѝ ст҃ы́й, просвѣти́ мѧ ѡ҆правда́нїи твои́ми."
 },
 {
  "type": "TEXT",
  "value": "Г дⷭ҇и, млⷭ҇ть твоѧ̀ во вѣ́къ, дѣ́лъ рꙋкꙋ̀ твоє́ю не пре́зри: тебѣ̀ подоба́етъ хвала̀, тебѣ̀ подоба́етъ пѣ́нїе, тебѣ̀ сла́ва подоба́етъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "HEADER",
  "value": "Та́же є҆ктенїа̀:"
 },
 {
  "type": "TEXT",
  "value": "И҆ спо́лнимъ ᲂу҆́треннюю моли́твꙋ на́шꙋ гдⷭ҇ви."
 },
 {
  "type": "TEXT",
  "value": "Ли́къ: Гдⷭ҇и поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ бж҃е твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и поми́лꙋй."
 },
 {
  "type": "TEXT",
  "value": "Д нѐ всегѡ̀ соверше́нна, свѧ́та, ми́рна и҆ безгрѣ́шна, ᲂу҆ гдⷭ҇а про́симъ."
 },
 {
  "type": "TEXT",
  "value": "Ли́къ: Пода́й гдⷭ҇и."
 },
 {
  "type": "TEXT",
  "value": "А҆́ гг҃ла ми́рна, вѣ́рна наста́вника, храни́телѧ дꙋ́шъ и҆ тѣле́съ на́шихъ, ᲂу҆ гдⷭ҇а про́симъ."
 },
 {
  "type": "TEXT",
  "value": "Ли́къ: Пода́й гдⷭ҇и."
 },
 {
  "type": "TEXT",
  "value": "П роще́нїѧ и҆ ѡ҆ставле́нїѧ грѣхѡ́въ и҆ прегрѣше́нїй на́шихъ, ᲂу҆ гдⷭ҇а про́симъ."
 },
 {
  "type": "TEXT",
  "value": "Ли́къ: Пода́й гдⷭ҇и."
 },
 {
  "type": "TEXT",
  "value": "Д о́брыхъ и҆ поле́зныхъ дꙋша́мъ на́шымъ, и҆ ми́ра мі́рови, ᲂу҆ гдⷭ҇а про́симъ."
 },
 {
  "type": "TEXT",
  "value": "Ли́къ: Пода́й гдⷭ҇и."
 },
 {
  "type": "TEXT",
  "value": "П ро́чее вре́мѧ живота̀ на́шегѡ въ ми́рѣ и҆ покаѧ́нїи сконча́ти. ᲂу҆ гдⷭ҇а про́симъ."
 },
 {
  "type": "TEXT",
  "value": "Ли́къ: Пода́й гдⷭ҇и."
 },
 {
  "type": "TEXT",
  "value": "Х рїстїа́нскїѧ кончи́ны живота̀ на́шегѡ, безболѣ́знены, непосты́дны, ми́рны и҆ до́брагѡ ѿвѣ́та на стра́шнѣмъ сꙋди́щи хрⷭ҇то́вѣ про́симъ."
 },
 {
  "type": "TEXT",
  "value": "Ли́къ: Пода́й гдⷭ҇и."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю со всѣ́ми ст҃ы́ми помѧнꙋ́вше, са́ми себѐ, и҆ дрꙋгъдрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀ гдⷭ҇и."
 },
 {
  "type": "TEXT",
  "value": "Возглаша́етъ і҆ере́й: Ꙗ҆́кѡ бг҃ъ ми́лости, щедро́тъ и҆ чл҃вѣколю́бїѧ є҆сѝ, и҆ тебѣ̀ сла́вꙋ возсыла́емъ, ѻ҆ц҃ꙋ̀, и҆ сн҃ꙋ, и҆ ст҃о́мꙋ дх҃ꙋ, ны́нѣ и҆ при́снѡ, и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "Сщ҃е́нникъ: Ми́ръ всѣ̑мъ."
 },
 {
  "type": "TEXT",
  "value": "Ли́къ: И҆ дх҃ови твоемꙋ̀."
 },
 {
  "type": "TEXT",
  "value": "Дїа́конъ: Главы̑ на́шѧ гдⷭ҇ви прикло́нимъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "TEXT",
  "value": "І҆ере́й: Твое́ бо є҆́сть є҆́же ми́ловати и҆ спаса́ти ны̀ бж҃е на́шъ, и҆ тебѣ̀ сла́вꙋ возсыла́емъ, ѻ҆ц҃ꙋ̀, и҆ сн҃ꙋ, и҆ ст҃о́мꙋ дх҃ꙋ, ны́нѣ и҆ при́снѡ, и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "HEADER",
  "value": "На стїхо́внѣ стїхи̑ры самогла́сны, гла́съ: ѕ҃."
 },
 {
  "type": "TEXT",
  "value": "Д не́сь хрⷭ҇то́съ прихо́дитъ въ до́мъ фарїсе́овъ, / и҆ жена̀ грѣ́шница пристꙋпи́вши къ нога́мъ, валѧ́шесѧ вопїю́щи: / ви́ждь погрꙋже́ннꙋю грѣхо́мъ, / ѿча́ѧннꙋю дѣѧ́нїй ра́ди, / негнꙋша́емꙋю ѿ твоеѧ̀ бл҃гости: / и҆ да́ждь мѝ гдⷭ҇и ѡ҆ставле́нїе ѕлы́хъ, и҆ сп҃си́ мѧ."
 },
 {
  "type": "TEXT",
  "value": "Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ, и҆ возвесели́хомсѧ: во всѧ̑ дни̑ на́шѧ возвесели́хомсѧ, за дни̑ въ нѧ́же смири́лъ ны̀ є҆сѝ, лѣ̑та въ нѧ́же ви́дѣхомъ ѕла̑ѧ. и҆ при́зри на рабы̑ твоѧ̑, и҆ на дѣла̀ твоѧ̑, / и҆ наста́ви сы́ны и҆́хъ."
 },
 {
  "type": "TEXT",
  "value": "П рострѐ блꙋдни́ца власы̀ тебѣ̀ влⷣцѣ, / прострѐ і҆ꙋ́да рꙋ́цѣ беззакѡ́ннымъ: / ѻ҆́ва ᲂу҆́бѡ прїѧ́ти ѻ҆ставле́нїе, / ѻ҆́въ же взѧ́ти сре́бреники. / тѣ́мже тебѣ̀ вопїе́мъ про́даномꙋ и҆ свобо́ждшемꙋ на́съ: / гдⷭ҇и сла́ва тебѣ̀."
 },
 {
  "type": "TEXT",
  "value": "Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, / и҆ дѣ́ло рꙋ́къ на́шихъ и҆спра́ви."
 },
 {
  "type": "TEXT",
  "value": "П ристꙋпѝ жена̀ ѕлосмра́днаѧ и҆ ѡ҆скверне́наѧ, сле́зы пролива́ющи, / лю́бѧщи сп҃се, стра́сть и҆сповѣ́дающи: / ка́кѡ воззрю̀ къ тебѣ̀ влⷣцѣ; / са́мъ бо прише́лъ є҆сѝ сп҃стѝ блꙋдни́цꙋ: / и҆з̾ глꙋбины̀ ᲂу҆ме́ршꙋю мѧ̀ воскресѝ, / и҆́же ла́зарѧ воздви́гнꙋвый и҆з̾ гро́ба четверодне́вна: / прїими́ мѧ ѻ҆каѧ́ннꙋю гдⷭ҇и, и҆ сп҃си́ мѧ."
 },
 {
  "type": "TEXT",
  "value": "Сті́хъ: И҆сповѣ́мсѧ тебѣ̀ гдⷭ҇и, всѣ́мъ се́рдцемъ мои́мъ, / повѣ́мъ всѧ̑ чꙋдеса̀ твоѧ̑."
 },
 {
  "type": "TEXT",
  "value": "Ѿ ча́ѧннаѧ житїѧ̀ ра́ди, / и҆ ᲂу҆вѣ́домаѧ нра́ва ра́ди, / мѵ́ра носѧ́щаѧ пристꙋпѝ тебѣ̀ вопїю́щи: / да не ѿве́ржеши менѐ блꙋ́днꙋю, роди́выйсѧ ѿ дв҃ы: / да не пре́зриши моѧ̑ сле́зы ра́досте а҆́гг҃лѡвъ. / но прїими́ мѧ ка́ющꙋюсѧ, / ю҆́же не ѿри́нꙋлъ є҆сѝ согрѣша́ющꙋю гдⷭ҇и, / вели́кїѧ ра́ди твоеѧ̀ млⷭ҇ти."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "Самогла́сенъ, гла́съ и҃: Творе́нїе кассїа́ны и҆́нокини."
 },
 {
  "type": "TEXT",
  "value": "Г дⷭ҇и, ꙗ҆́же во мнѡ́гїѧ грѣхѝ впа́дшаѧ жена̀, / твоѐ ѡ҆щꙋти́вшаѧ бж҃ество̀, / мѷроно́сицы взе́мши чи́нъ, / рыда́ющи мѵ́ро тебѣ̀ пре́жде погребе́нїѧ прино́ситъ: / ᲂу҆вы̀ мнѣ̀ глаго́лющи! / ꙗ҆́кѡ но́щь мнѣ̀ є҆́сть разжже́нїе блꙋда̀ невоздержа́нна, / мра́чное же и҆ безлꙋ́нное раче́нїе грѣха̀. / прїимѝ моѧ̑ и҆сто́чники сле́зъ, / и҆́же ѻ҆блака́ми производѧ́й мо́рѧ во́дꙋ. / приклони́сѧ къ мои̑мъ воздыха́нїємъ сердє́чнымъ, / приклони́вый нб҃са̀ неизрече́ннымъ твои́мъ и҆стоща́нїемъ: / да ѡ҆блобыжꙋ̀ пречи́стѣи твоѝ но́зѣ, / и҆ ѡ҆трꙋ̀ сїѧ̑ па́ки главы̀ моеѧ̀ власы̀, / и҆́хже въ раѝ є҆́ѵа, по полꙋ́дни, шꙋ́момъ ᲂу҆́шы ѡ҆гласи́вши, стра́хомъ скры́сѧ. / грѣхѡ́въ мои́хъ мно́жєства, / и҆ сꙋде́бъ твои́хъ бє́здны кто̀ и҆зслѣ́дитъ; / дꙋшеспа́сче сп҃се мо́й. / да мѧ̀ твою̀ рабꙋ̀ не пре́зриши, / и҆́же безмѣ́рнꙋю и҆мѣ́ѧй млⷭ҇ть."
 },
 {
  "type": "HEADER",
  "value": "Та́же чте́цъ:"
 },
 {
  "type": "TEXT",
  "value": "Б л҃го є҆́сть и҆сповѣ́датисѧ гдⷭ҇еви, и҆ пѣ́ти и҆́мени твоемꙋ̀, вы́шнїй: возвѣща́ти заꙋ́тра млⷭ҇ть твою̀, и҆ и҆́стинꙋ твою̀ на всѧ́кꙋ но́щь. Два́жды."
 },
 {
  "type": "TEXT",
  "value": "С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. Три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ, да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь. В ъ хра́мѣ стоѧ́ще сла́вы твоеѧ̀, на нб҃сѝ стоѧ́ти мни́мъ, бцⷣе, две́рь нбⷭ҇наѧ, ѿве́рзи на́мъ двє́ри млⷭ҇ти твоеѧ̀."
 },
 {
  "type": "TEXT",
  "value": "Та́же, Гдⷭ҇и поми́лꙋй, м҃."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Чⷭ҇ тнѣ́йшꙋю херꙋві̑мъ, и҆ сла́внѣйшꙋю без̾ сравне́нїѧ серафі̑мъ, без̾ и҆стлѣ́нїѧ бг҃а сло́ва ро́ждшꙋю, сꙋ́щꙋю бцⷣꙋ тѧ̀ велича́емъ."
 },
 {
  "type": "TEXT",
  "value": "И҆́ менемъ гдⷭ҇нимъ бл҃гословѝ, ѻ҆́тче."
 },
 {
  "type": "TEXT",
  "value": "Сщ҃е́нникъ: Сы́й бл҃гослове́нъ хрⷭ҇то́съ бг҃ъ на́шъ, всегда̀, ны́нѣ и҆ при́снѡ, и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь. Н бⷭ҇ный цр҃ю̀, вѣ́рꙋ ᲂу҆твердѝ, ꙗ҆зы́ки ᲂу҆кротѝ, мі́ръ ᲂу҆мирѝ, ст҃ы́й хра́мъ се́й [ ст҃ꙋ́ю ѻ҆би́тель сїю̀ ] до́брѣ сохранѝ: пре́жде ѿше́дшыѧ ѻ҆тцы̀ и҆ бра́тїю на́шꙋ въ селе́нїихъ пра́ведныхъ ᲂу҆чинѝ, и҆ на́съ въ покаѧ́нїи и҆ и҆сповѣ́данїи прїимѝ, ꙗ҆́кѡ бл҃гі́й и҆ человѣколю́бецъ."
 },
 {
  "type": "TEXT",
  "value": "Посе́мъ покло́ны вели̑кїѧ трѝ, глаго́люще въ ни́хъ на ко́емждо покло́нѣ мл҃твꙋ прпⷣбнагѡ є҆фре́ма:"
 },
 {
  "type": "TEXT",
  "value": "Г дⷭ҇и и҆ влⷣко живота̀ моегѡ̀, дꙋ́хъ пра́здности, ᲂу҆ны́нїѧ, любонача́лїѧ и҆ праздносло́вїѧ не да́ждь мѝ. [Покло́нъ.]"
 },
 {
  "type": "TEXT",
  "value": "Д ꙋ́хъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ, да́рꙋй мѝ рабꙋ̀ твоемꙋ̀. [Покло́нъ.]"
 },
 {
  "type": "TEXT",
  "value": "Є҆́ й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ. А҆ми́нь. [Покло́нъ.]"
 },
 {
  "type": "TEXT",
  "value": "Та́же ма́лыхъ в҃і, глаго́люще на кі́йждо покло́нъ: Бж҃е, ѡ҆чи́сти мѧ̀ грѣ́шнаго."
 },
 {
  "type": "TEXT",
  "value": "И҆ па́ки послѣдѝ мл҃твꙋ всю̀: Гдⷭ҇и и҆ влⷣко живота̀ моегѡ̀: и҆ покло́нъ є҆ди́нъ вели́кїй."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "И҆ по є҆́же воста́ти на́мъ, начина́етъ предстоѧ́тель пе́рвый ча́съ."
 },
 {
  "type": "HEADER",
  "value": "Ча́съ пе́рвый."
 },
 {
  "type": "TEXT",
  "value": "П рїиди́те, поклони́мсѧ цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ хрⷭ҇тꙋ̀, цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ самомꙋ̀ хрⷭ҇тꙋ̀, цр҃е́ви и҆ бг҃ꙋ на́шемꙋ."
 },
 {
  "type": "HEADER",
  "value": "Ѱало́мъ є҃."
 },
 {
  "type": "TEXT",
  "value": "Г лаго́лы моѧ̑ внꙋшѝ гдⷭ҇и, разꙋмѣ́й зва́нїе моѐ. вонмѝ гла́сꙋ моле́нїѧ моегѡ̀, цр҃ю̀ мо́й и҆ бж҃е мо́й, ꙗ҆́кѡ къ тебѣ̀ помолю́сѧ гдⷭ҇и. заꙋ́тра ᲂу҆слы́ши гла́съ мо́й, заꙋ́тра предста́нꙋ тѝ, и҆ ᲂу҆́зриши мѧ̀. ꙗ҆́кѡ бг҃ъ не хотѧ́й беззако́нїѧ, ты̀ є҆сѝ: не присели́тсѧ къ тебѣ̀ лꙋка́внꙋѧй, нижѐ пребꙋ́дꙋтъ беззакѡ́нницы пред̾ ѻ҆чи́ма твои́ма. возненави́дѣлъ є҆сѝ всѧ̑ дѣ́лающыѧ беззако́нїе, погꙋби́ши всѧ̑ глаго́лющыѧ лжꙋ̀: мꙋ́жа крове́й и҆ льсти́ва гнꙋша́етсѧ гдⷭ҇ь. а҆́зъ же мно́жествомъ млⷭ҇ти твоеѧ̀, вни́дꙋ въ до́мъ тво́й, поклоню́сѧ ко хра́мꙋ ст҃о́мꙋ твоемꙋ̀ въ стра́сѣ твое́мъ. гдⷭ҇и, наста́ви мѧ̀ пра́вдою твое́ю, вра̑гъ мои́хъ ра́ди и҆спра́ви пред̾ тобо́ю пꙋ́ть мо́й. ꙗ҆́кѡ нѣ́сть во ᲂу҆стѣ́хъ и҆́хъ и҆́стины, се́рдце и҆́хъ сꙋ́етно, гро́бъ ѿве́рстъ горта́нь и҆́хъ, ѧ҆зы́ки свои́ми льща́хꙋ. сꙋдѝ и҆̀мъ бж҃е, да ѿпадꙋ́тъ ѿ мы́слей свои́хъ: по мно́жествꙋ нече́стїѧ и҆́хъ и҆зри́ни ѧ҆̀, ꙗ҆́кѡ преѡгорчи́ша тѧ̀, гдⷭ҇и. и҆ да возвеселѧ́тсѧ всѝ ᲂу҆пова́ющїи на тѧ̀, во вѣ́къ возра́дꙋютсѧ, и҆ всели́шисѧ въ ни́хъ: и҆ похва́лѧтсѧ ѡ҆ тебѣ̀ лю́бѧщїи и҆́мѧ твоѐ. ꙗ҆́кѡ ты̀ бл҃гослови́ши пра́ведника гдⷭ҇и, ꙗ҆́кѡ ѻ҆рꙋ́жїемъ бл҃говоле́нїѧ вѣнча́лъ є҆сѝ на́съ."
 },
 {
  "type": "HEADER",
  "value": "Ѱало́мъ п҃ѳ."
 },
 {
  "type": "TEXT",
  "value": "Г дⷭ҇и, прибѣ́жище бы́лъ є҆сѝ на́мъ въ ро́дъ и҆ ро́дъ. пре́жде да́же гора́мъ не бы́ти, и҆ созда́тисѧ землѝ и҆ вселе́ннѣй, и҆ ѿ вѣ́ка и҆ до вѣ́ка ты̀ є҆сѝ. не ѿвратѝ человѣ́ка во смире́нїе, и҆ ре́клъ є҆сѝ: ѡ҆брати́тесѧ сы́нове человѣ́честїи. ꙗ҆́кѡ ты́сѧща лѣ́тъ пред̾ ѻ҆чи́ма твои́ма гдⷭ҇и, ꙗ҆́кѡ де́нь вчера́шнїй, и҆́же мимои́де, и҆ стра́жа нощна́ѧ. ᲂу҆ничиже́нїѧ и҆́хъ лѣ̑та бꙋ́дꙋтъ: ᲂу҆́трѡ ꙗ҆́кѡ трава̀ мимои́детъ. Оу҆́трѡ процвѣте́тъ и҆ пре́йдетъ, на ве́черъ ѿпаде́тъ, ѡ҆жестѣ́етъ и҆ и҆́зсхнетъ. ꙗ҆́кѡ и҆счезо́хомъ гнѣ́вомъ твои́мъ, и҆ ꙗ҆́ростїю твое́ю смꙋти́хомсѧ. положи́лъ є҆сѝ беззакѡ́нїѧ на̑ша пред̾ тобо́ю: вѣ́къ на́шъ въ просвѣще́нїе лица̀ твоегѡ̀. ꙗ҆́кѡ всѝ дні́е на́ши ѡ҆скꙋдѣ́ша, и҆ гнѣ́вомъ твои́мъ и҆счезо́хомъ. лѣ̑та на̑ша ꙗ҆́кѡ паꙋчи́на поꙋча́хꙋсѧ: дні́е лѣ́тъ на́шихъ, въ ни́хже се́дмьдесѧтъ лѣ́тъ, а҆́ще же въ си́лахъ, ѻ҆́смьдесѧтъ лѣ́тъ, и҆ мно́жае и҆́хъ трꙋ́дъ и҆ болѣ́знь: ꙗ҆́кѡ прїи́де кро́тость на ны̀, и҆ нака́жемсѧ. кто̀ вѣ́сть держа́вꙋ гнѣ́ва твоегѡ̀, и҆ ѿ стра́ха твоегѡ̀ ꙗ҆́рость твою̀ и҆счестѝ; десни́цꙋ твою̀ та́кѡ скажи́ ми, и҆ ѡ҆кова̑нныѧ се́рдцемъ въ мꙋ́дрости. ѡ҆брати́сѧ гдⷭ҇и, доко́лѣ; и҆ ᲂу҆моле́нъ бꙋ́ди на рабы̑ твоѧ̑. и҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ, и҆ возвесели́хомсѧ. во всѧ̑ дни̑ на́шѧ возвесели́хомсѧ, за дни̑ въ нѧ́же смири́лъ ны̀ є҆сѝ, лѣ̑та въ нѧ́же ви́дѣхомъ ѕла̑ѧ. и҆ при́зри на рабы̑ твоѧ̑, и҆ на дѣла̀ твоѧ̑, и҆ наста́ви сы́ны и҆́хъ. и҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви."
 },
 {
  "type": "HEADER",
  "value": "Ѱало́мъ р҃."
 },
 {
  "type": "TEXT",
  "value": "М лⷭ҇ть и҆ сꙋ́дъ воспою̀ тебѣ̀, гдⷭ҇и: пою̀ и҆ разꙋмѣ́ю въ пꙋтѝ непоро́чнѣ, когда̀ прїи́деши ко мнѣ̀; прехожда́хъ въ неѕло́бїи се́рдца моегѡ̀, посредѣ̀ до́мꙋ моегѡ̀. не предлага́хъ пред̾ ѻ҆чи́ма мои́ма ве́щь законопрестꙋ́пнꙋю, творѧ́щыѧ престꙋпле́нїе возненави́дѣхъ. не прильпѐ мнѣ̀ се́рдце стропти́во, ᲂу҆клонѧ́ющагѡсѧ ѿ менѐ лꙋка́вагѡ не позна́хъ: ѡ҆клевета́ющагѡ та́й и҆́скреннѧго своего̀, сего̀ и҆згонѧ́хъ: го́рдымъ ѻ҆́комъ и҆ несы́тымъ се́рдцемъ, съ си́мъ не ꙗ҆дѧ́хъ. ѻ҆́чи моѝ на вѣ̑рныѧ землѝ, посажда́ти ѧ҆̀ со мно́ю: ходѧ́й по пꙋтѝ непоро́чнꙋ, се́й мѝ слꙋжа́ше. не живѧ́ше посредѣ̀ до́мꙋ моегѡ̀ творѧ́й горды́ню: глаго́лѧй непра́вєднаѧ, не и҆справлѧ́ше пред̾ ѻ҆чи́ма мои́ма. во ᲂу҆́трїѧ и҆збива́хъ всѧ̑ грѣ̑шныѧ землѝ, є҆́же потреби́ти ѿ гра́да гдⷭ҇нѧ всѧ̑ дѣ́лающыѧ беззако́нїе."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "А҆ ллилꙋ́їѧ, а҆ллилꙋ́їа, а҆ллилꙋ́їа, сла́ва тебѣ̀ бж҃е. три́жды."
 },
 {
  "type": "TEXT",
  "value": "Г дⷭ҇и поми́лꙋй, три́жды."
 },
 {
  "type": "HEADER",
  "value": "Посе́мъ сщ҃е́нникъ глаго́летъ настоѧ́щїй тропа́рь, во гла́съ ѕ҃:"
 },
 {
  "type": "TEXT",
  "value": "З аꙋ́тра ᲂу҆слы́ши гла́съ мо́й, / цр҃ю̀ мо́й и҆ бж҃е мо́й. [Покло́нъ вели́кїй.]"
 },
 {
  "type": "TEXT",
  "value": "Сті́хъ а҃: Глаго́лы моѧ̑ внꙋшѝ гдⷭ҇и, разꙋмѣ́й зва́нїе моѐ. [Покло́нъ вели́кїй.]"
 },
 {
  "type": "TEXT",
  "value": "Сті́хъ в҃: Ꙗ҆́кѡ къ тебѣ̀ помолю́сѧ, гдⷭ҇и. [Покло́нъ вели́кїй.]"
 },
 {
  "type": "TEXT",
  "value": "Сщ҃е́нникъ: Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ч то́ тѧ нарече́мъ, ѽ бл҃года́тнаѧ; нб҃о, ꙗ҆́кѡ возсїѧ́ла є҆сѝ сл҃нце пра́вды: ра́й, ꙗ҆́кѡ прозѧбла̀ є҆сѝ цвѣ́тъ нетлѣ́нїѧ: дв҃ꙋ, ꙗ҆́кѡ пребыла̀ є҆сѝ нетлѣ́нна: чи́стꙋю мт҃рь, ꙗ҆́кѡ и҆мѣ́ла є҆сѝ на ст҃ы́хъ твои́хъ ѡ҆б̾ѧ́тїѧхъ сн҃а, всѣ́хъ бг҃а. того̀ молѝ сп҃сти́сѧ дꙋша́мъ на́шымъ."
 },
 {
  "type": "HEADER",
  "value": "Та́же пое́мъ:"
 },
 {
  "type": "TEXT",
  "value": "С тѡпы̀ моѧ̑ напра́ви по словесѝ твоемꙋ̀: / и҆ да не ѡ҆блада́етъ мно́ю всѧ́кое беззако́нїе. И҆ повторѧ́емъ то́йжде."
 },
 {
  "type": "TEXT",
  "value": "И҆ зба́ви мѧ̀ ѿ клеветы̀ человѣ́ческїѧ, / и҆ сохраню̀ за́пѡвѣди твоѧ̑. Па́ки то́йжде."
 },
 {
  "type": "TEXT",
  "value": "Л ицѐ твоѐ просвѣтѝ на раба̀ твоего̀, / и҆ наꙋчи́ мѧ ѡ҆правда́нїємъ твои̑мъ. Па́ки то́йжде."
 },
 {
  "type": "TEXT",
  "value": "Д а и҆спо́лнѧтсѧ ᲂу҆ста̀ моѧ̑ хвале́нїѧ твоегѡ̀ гдⷭ҇и, / ꙗ҆́кѡ да воспою̀ сла́вꙋ твою̀, / ве́сь де́нь великолѣ́пїе твоѐ. Сїе́ же глаго́лемъ три́жды, велегла́снѡ и҆ ко́снѡ."
 },
 {
  "type": "TEXT",
  "value": "Чте́цъ: Ст҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. Три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "Конда́къ вели́кїѧ среды̀, гла́съ д҃. Подо́бенъ: Вознесы́йсѧ:"
 },
 {
  "type": "TEXT",
  "value": "П а́че блꙋдни́цы бла́же, беззако́нновавъ, / сле́зъ тꙋ́чы ника́коже тебѣ̀ принесо́хъ: / но молча́нїемъ молѧ́сѧ припа́даю тѝ, / любо́вїю ѡ҆блобыза́ѧ пречⷭ҇тѣи твоѝ но́зѣ, / ꙗ҆́кѡ да ѡ҆ставле́нїе мнѣ̀ ꙗ҆́кѡ влⷣка пода́си долгѡ́въ, / зовꙋ́щꙋ тѝ сп҃се: / ѿ скве́рныхъ дѣ́лъ мои́хъ и҆зба́ви мѧ̀."
 },
 {
  "type": "TEXT",
  "value": "Г дⷭ҇и поми́лꙋй, м҃."
 },
 {
  "type": "TEXT",
  "value": "И҆́ же на всѧ́кое вре́мѧ, и҆ на всѧ́кїй ча́съ, на нб҃сѝ и҆ на землѝ покланѧ́емый и҆ сла́вимый, хрⷭ҇тѐ бж҃е, долготерпѣли́ве, многомлⷭ҇тиве, многобл҃гоꙋтро́бне, и҆́же пра́вєдныѧ любѧ́й, и҆ грѣ̑шныѧ ми́лꙋѧй, и҆́же всѧ̑ зовы́й ко сп҃се́нїю ѡ҆бѣща̑нїѧ ра́ди бꙋ́дꙋщихъ бла̑гъ. са́мъ гдⷭ҇и, прїимѝ и҆ на́шѧ въ ча́съ се́й мл҃твы, и҆ и҆спра́ви живо́тъ на́шъ къ за́повѣдемъ твои̑мъ: дꙋ́шы на́шѧ ѡ҆свѧтѝ, тѣлеса̀ ѡ҆чи́сти, помышлє́нїѧ и҆спра́ви, мы̑сли ѡ҆чи́сти, и҆ и҆зба́ви на́съ ѿ всѧ́кїѧ ско́рби, ѕѡ́лъ и҆ болѣ́зней: ѡ҆градѝ на́съ ст҃ы́ми твои́ми а҆́гг҃лы, да ѡ҆полче́нїемъ и҆́хъ соблюда́еми и҆ наставлѧ́еми, дости́гнемъ въ соедине́нїе вѣ́ры, и҆ въ ра́зꙋмъ непристꙋ́пныѧ твоеѧ̀ сла́вы: ꙗ҆́кѡ бл҃гослове́нъ є҆сѝ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Г дⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Чⷭ҇ тнѣ́йшꙋю херꙋві̑мъ, и҆ сла́внѣйшꙋю без̾ сравне́нїѧ серафі̑мъ, без̾ и҆стлѣ́нїѧ бг҃а сло́ва ро́ждшꙋю, сꙋ́щꙋю бцⷣꙋ тѧ̀ велича́емъ."
 },
 {
  "type": "TEXT",
  "value": "И҆́ менемъ гдⷭ҇нимъ бл҃гословѝ, ѻ҆́тче."
 },
 {
  "type": "TEXT",
  "value": "Сщ҃е́нникъ возгла́съ: Бж҃е, ᲂу҆ще́дри ны̀, и҆ бл҃гословѝ ны̀, просвѣтѝ лицѐ твоѐ на ны̀, и҆ поми́лꙋй ны̀."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "И҆ глаго́летъ сщ҃е́нникъ мл҃твꙋ прпⷣбнагѡ є҆фре́ма:"
 },
 {
  "type": "TEXT",
  "value": "Г дⷭ҇и и҆ влⷣко живота̀ моегѡ̀, дꙋ́хъ пра́здности, ᲂу҆ны́нїѧ, любонача́лїѧ и҆ праздносло́вїѧ не да́ждь мѝ. [Покло́нъ вели́кїй.]"
 },
 {
  "type": "TEXT",
  "value": "Д х҃ъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ да́рꙋй мѝ рабꙋ̀ твоемꙋ̀. [Покло́нъ вели́кїй.]"
 },
 {
  "type": "TEXT",
  "value": "Є҆́ й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ. А҆ми́нь. [Покло́нъ вели́кїй.]"
 },
 {
  "type": "TEXT",
  "value": "Та́же ма́лыхъ покло́нѡвъ в҃і, глаго́люще себѣ̀ вта́й на кі́йждо покло́нъ: Бж҃е, ѡ҆чи́сти мѧ̀ грѣ́шнаго."
 },
 {
  "type": "TEXT",
  "value": "И҆ па́ки, сконча́въ покло́ны, глаго́лемъ мл҃твꙋ всю̀ вышепи́саннꙋю: Г дⷭ҇и и҆ влⷣко живота̀ моегѡ̀: И҆ покло́нъ є҆ди́нъ вели́кїй."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. Три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь. Г дⷭ҇и поми́лꙋй, в҃і."
 },
 {
  "type": "HEADER",
  "value": "И҆ сщ҃е́нникъ глаго́летъ настоѧ́щꙋю мл҃твꙋ:"
 },
 {
  "type": "TEXT",
  "value": "Х рⷭ҇тѐ свѣ́те и҆́стинный, просвѣща́ѧй и҆ ѡ҆свѧща́ѧй всѧ́каго человѣ́ка грѧдꙋ́щаго въ мі́ръ, да зна́менаетсѧ на на́съ свѣ́тъ лица̀ твоегѡ̀, да въ не́мъ ᲂу҆́зримъ свѣ́тъ непристꙋ́пный: и҆ и҆спра́ви стѡпы̀ на́шѧ къ дѣ́ланїю за́повѣдей твои́хъ, мл҃твами пречⷭ҇тыѧ твоеѧ̀ мт҃ре, и҆ всѣ́хъ твои́хъ ст҃ы́хъ, а҆ми́нь."
 },
 {
  "type": "TEXT",
  "value": "Ли́къ: Взбра́нной воево́дѣ побѣди́тєльнаѧ, / ꙗ҆́кѡ и҆зба́вльшесѧ ѿ ѕлы́хъ, / бл҃года́рствєннаѧ восписꙋ́емъ тѝ рабѝ твоѝ, бцⷣе: / но ꙗ҆́кѡ и҆мꙋ́щаѧ держа́вꙋ непобѣди́мꙋю, / ѿ всѧ́кихъ на́съ бѣ́дъ свободѝ, да зове́мъ тѝ: / ра́дꙋйсѧ, невѣ́сто неневѣ́стнаѧ."
 },
 {
  "type": "TEXT",
  "value": "І҆ере́й: Сла́ва тебѣ̀, хрⷭ҇тѐ бж҃е, ᲂу҆пова́нїе на́ше, сла́ва тебѣ̀."
 },
 {
  "type": "TEXT",
  "value": "Ли́къ: Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь. Г дⷭ҇и поми́лꙋй, три́жды. Бл҃гословѝ."
 },
 {
  "type": "HEADER",
  "value": "Сщ҃е́нникъ глаго́летъ ѿпꙋ́стъ:"
 },
 {
  "type": "TEXT",
  "value": "Г рѧды́й гдⷭ҇ь на во́льнꙋю стрⷭ҇ть, на́шегѡ ра́ди спасе́нїѧ, хрⷭ҇то́съ и҆́стинный бг҃ъ на́шъ, мл҃твами пречⷭ҇тыѧ своеѧ̀ мт҃ре, и҆ всѣ́хъ ст҃ы́хъ, поми́лꙋетъ и҆ спасе́тъ на́съ, ꙗ҆́кѡ бл҃гъ и҆ человѣколю́бецъ."
 },
 {
  "type": "HEADER",
  "value": "Ли́къ пое́тъ многолѣ́тїе:"
 },
 {
  "type": "TEXT",
  "value": "В ели́каго господи́на и҆ ѻ҆тца̀ на́шего и҆́мⷬ҇къ, / ст҃ѣ́йшаго патрїа́рха моско́вскаго и҆ всеѧ̀ рꙋсѝ, / и҆ господи́на на́шего преѡсвѧще́нѣйшего и҆́мⷬ҇къ, / митрополі́та [и҆лѝ а҆рхїепⷭ҇кпа, и҆лѝ є҆пⷭ҇кпа є҆гѡ́же є҆́сть ѡ҆бласть] , / бг҃охрани́мꙋю странꙋ̀ на́шꙋ рѡссі́йскꙋю, / настоѧ́телѧ, бра́тїю и҆ прихо́жанъ ст҃а́гѡ храма сегѡ̀, / и҆ всѧ̑ правосла́вныѧ хрⷭ҇тїа́ны, / гдⷭ҇и, сохранѝ и҆̀хъ на мно́гаѧ лѣ̑та."
 },
 {
  "type": "HEADER",
  "value": "Послѣ́дованїе часѡ́въ во ст҃ꙋ́ю и҆ вели́кꙋю сре́дꙋ. Ча́съ тре́тїй."
 },
 {
  "type": "TEXT",
  "value": "Сщ҃е́нникъ: Бл҃гослове́нъ бг҃ъ на́шъ, всегда̀, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "С ла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "Ц р҃ю̀ нбⷭ҇ный, ᲂу҆тѣ́шителю, дш҃е и҆́стины, и҆́же вездѣ̀ сы́й, и҆ всѧ̑ и҆сполнѧ́ѧй, сокро́вище бл҃ги́хъ и҆ жи́зни пода́телю, прїидѝ и҆ всели́сѧ въ ны̀, и҆ ѡ҆чи́сти ны̀ ѿ всѧ́кїѧ скве́рны, и҆ сп҃сѝ бл҃же, дꙋ́шы на́шѧ."
 },
 {
  "type": "TEXT",
  "value": "С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. Три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ, да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "Та́же, Гдⷭ҇и поми́лꙋй, в҃і."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "П рїиди́те, поклони́мсѧ цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ хрⷭ҇тꙋ̀, цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ самомꙋ̀ хрⷭ҇тꙋ̀, цр҃е́ви и҆ бг҃ꙋ на́шемꙋ."
 },
 {
  "type": "TEXT",
  "value": "Та́же ѱалмы̀:"
 },
 {
  "type": "HEADER",
  "value": "Ѱало́мъ ѕ҃і."
 },
 {
  "type": "TEXT",
  "value": "Оу҆ слы́ши гдⷭ҇и, пра́вдꙋ мою̀, вонмѝ моле́нїю моемꙋ̀, внꙋшѝ мл҃твꙋ мою̀ не во ᲂу҆стна́хъ льсти́выхъ. ѿ лица̀ твоегѡ̀ сꙋдьба̀ моѧ̀ и҆зы́детъ, ѻ҆́чи моѝ да ви́дита правоты̑. и҆скꙋси́лъ є҆сѝ се́рдце моѐ, посѣти́лъ є҆сѝ но́щїю, и҆скꙋси́лъ мѧ̀ є҆сѝ, и҆ не ѡ҆брѣ́тесѧ во мнѣ̀ непра́вда. ꙗ҆́кѡ да не возглаго́лютъ ᲂу҆ста̀ моѧ̑ дѣ́лъ человѣ́ческихъ, за словеса̀ ᲂу҆сте́нъ твои́хъ, а҆́зъ сохрани́хъ пꙋти̑ же́стоки. совершѝ стѡпы̀ моѧ̑ во стезѧ́хъ твои́хъ, да не подви́жꙋтсѧ стѡпы̀ моѧ̑. а҆́зъ воззва́хъ, ꙗ҆́кѡ ᲂу҆слы́шалъ мѧ̀ є҆сѝ бж҃е, приклонѝ ᲂу҆́хо твоѐ мнѣ̀, и҆ ᲂу҆слы́ши глаго́лы моѧ̑. ᲂу҆дивѝ млⷭ҇ти твоѧ̑, сп҃са́ѧй ᲂу҆пова́ющыѧ на тѧ̀ ѿ проти́вѧщихсѧ десни́цѣ твое́й. сохрани́ мѧ гдⷭ҇и, ꙗ҆́кѡ зѣ́ницꙋ ѻ҆́ка: въ кро́вѣ крилꙋ̀ твоє́ю покры́еши мѧ̀, ѿ лица̀ нечести́выхъ ѡ҆стра́стшихъ мѧ̀. вразѝ моѝ дꙋ́шꙋ мою̀ ѡ҆держа́ша, тꙋ́къ сво́й затвори́ша: ᲂу҆ста̀ и҆́хъ глаго́лаша горды́ню. и҆згонѧ́щїи мѧ̀ ны́нѣ ѡ҆быдо́ша мѧ̀, ѻ҆́чи своѝ возложи́ша ᲂу҆клони́ти на зе́млю. ѡ҆б̾ѧ́ша мѧ̀ ꙗ҆́кѡ ле́въ гото́въ на ло́въ, и҆ ꙗ҆́кѡ скѵ́менъ ѡ҆бита́ѧй въ та́йныхъ. воскрⷭ҇нѝ гдⷭ҇и, предварѝ ѧ҆̀, и҆ запнѝ и҆̀мъ: и҆зба́ви дꙋ́шꙋ мою̀ ѿ нечести́вагѡ, ѻ҆рꙋ́жїе твоѐ ѿ вра̑гъ рꙋкѝ твоеѧ̀. гдⷭ҇и, ѿ ма́лыхъ ѿ землѝ, раздѣлѝ ѧ҆̀ въ животѣ̀ и҆́хъ, и҆ сокрове́нныхъ твои́хъ и҆спо́лнисѧ чре́во и҆́хъ. насы́тишасѧ сынѡ́въ, и҆ ѡ҆ста́виша ѡ҆ста́нки младе́нцємъ свои̑мъ. а҆́зъ же пра́вдою ꙗ҆влю́сѧ лицꙋ̀ твоемꙋ̀, насы́щꙋсѧ, внегда̀ ꙗ҆ви́ти ми сѧ сла́вѣ твое́й."
 },
 {
  "type": "HEADER",
  "value": "Ѱало́мъ к҃д."
 },
 {
  "type": "TEXT",
  "value": "К ъ тебѣ̀ гдⷭ҇и, воздвиго́хъ дꙋ́шꙋ мою̀. бж҃е мо́й, на тѧ̀ ᲂу҆пова́хъ, да не постыжꙋ́сѧ во вѣ́къ, нижѐ да посмѣю́тъ ми сѧ вразѝ моѝ: и҆́бо всѝ терпѧ́щїи тѧ̀ не постыдѧ́тсѧ. да постыдѧ́тсѧ беззако́ннꙋющїи вотщѐ. пꙋти̑ твоѧ̑ гдⷭ҇и, скажи́ ми, и҆ стезѧ́мъ твои̑мъ наꙋчи́ мѧ. наста́ви мѧ̀ на и҆́стинꙋ твою̀, и҆ наꙋчи́ мѧ: ꙗ҆́кѡ ты̀ є҆сѝ бг҃ъ сп҃съ мо́й, и҆ тебѐ терпѣ́хъ ве́сь де́нь. помѧнѝ щедрѡ́ты твоѧ̑ гдⷭ҇и, и҆ млⷭ҇ти твоѧ̑, ꙗ҆́кѡ ѿ вѣ́ка сꙋ́ть. грѣ̑хъ ю҆́ности моеѧ̀, и҆ невѣ́дѣнїѧ моегѡ̀ не помѧнѝ: по млⷭ҇ти твое́й помѧни́ мѧ ты̀, ра́ди бл҃гости твоеѧ̀, гдⷭ҇и. бл҃гъ и҆ пра́въ гдⷭ҇ь, сегѡ̀ ра́ди законоположи́тъ согрѣша́ющымъ на пꙋтѝ. наста́витъ крѡ́ткїѧ на сꙋ́дъ, наꙋчи́тъ крѡ́ткїѧ пꙋтє́мъ свои̑мъ. всѝ пꙋтїѐ гдⷭ҇ни млⷭ҇ть и҆ и҆́стина, взыска́ющымъ завѣ́та є҆гѡ̀ и҆ свидѣ́нїѧ є҆гѡ̀. ра́ди и҆́мене твоегѡ̀ гдⷭ҇и, и҆ ѡ҆чи́сти грѣ́хъ мо́й: мно́гъ бо є҆́сть. кто̀ є҆́сть человѣ́къ боѧ́йсѧ гдⷭ҇а; законоположи́тъ є҆мꙋ̀ на пꙋтѝ, є҆го́же и҆зво́ли. дꙋша̀ є҆гѡ̀ во бл҃ги́хъ водвори́тсѧ, и҆ сѣ́мѧ є҆гѡ̀ наслѣ́дитъ зе́млю. держа́ва гдⷭ҇ь боѧ́щихсѧ є҆гѡ̀, и҆ завѣ́тъ є҆гѡ̀ ꙗ҆ви́тъ и҆̀мъ. ѻ҆́чи моѝ вы́нꙋ ко гдⷭ҇ꙋ, ꙗ҆́кѡ то́й и҆сто́ргнетъ ѿ сѣ́ти но́зѣ моѝ. при́зри на мѧ̀, и҆ поми́лꙋй мѧ̀, ꙗ҆́кѡ є҆диноро́дъ и҆ ни́щь є҆́смь а҆́зъ. скѡ́рби се́рдца моегѡ̀ ᲂу҆мно́жишасѧ, ѿ нꙋ́ждъ мои́хъ и҆зведи́ мѧ. ви́ждь смире́нїе моѐ и҆ трꙋ́дъ мо́й, и҆ ѡ҆ста́ви всѧ̑ грѣхѝ моѧ̑. ви́ждь врагѝ моѧ̑, ꙗ҆́кѡ ᲂу҆мно́жишасѧ, и҆ ненавидѣ́нїемъ непра́веднымъ возненави́дѣша мѧ̀. сохранѝ дꙋ́шꙋ мою̀, и҆ и҆зба́ви мѧ̀, да не постыжꙋ́сѧ, ꙗ҆́кѡ ᲂу҆пова́хъ на тѧ̀. неѕло́бивїи и҆ пра́вїи прилѣплѧ́хꙋсѧ мнѣ̀, ꙗ҆́кѡ потерпѣ́хъ тѧ̀ гдⷭ҇и. и҆зба́ви бж҃е, і҆и҃лѧ ѿ всѣ́хъ скорбе́й є҆гѡ̀."
 },
 {
  "type": "HEADER",
  "value": "Ѱало́мъ н҃."
 },
 {
  "type": "TEXT",
  "value": "П оми́лꙋй мѧ̀ бж҃е, по вели́цѣй ми́лости твое́й и҆ по мно́жествꙋ щедро́тъ твои́хъ ѡ҆чи́сти беззако́нїе моѐ. наипа́че ѡ҆мы́й мѧ̀ ѿ беззако́нїѧ моегѡ̀, и҆ ѿ грѣха̀ моегѡ̀ ѡ҆чи́сти мѧ̀. ꙗ҆́кѡ беззако́нїе моѐ а҆́зъ зна́ю, и҆ грѣ́хъ мо́й предо мно́ю є҆́сть вы́нꙋ. тебѣ̀ є҆ди́номꙋ согрѣши́хъ, и҆ лꙋка́вое пред̾ тобо́ю сотвори́хъ, ꙗ҆́кѡ да ѡ҆правди́шисѧ во словесѣ́хъ твои́хъ, и҆ побѣди́ши, внегда̀ сꙋди́ти тѝ. се́ бо въ беззако́нїихъ зача́тъ є҆́смь, и҆ во грѣсѣ́хъ роди́ мѧ ма́ти моѧ̀. се́ бо и҆́стинꙋ возлюби́лъ є҆сѝ, безвѣ̑стнаѧ и҆ та̑йнаѧ премꙋ́дрости твоеѧ̀ ꙗ҆ви́лъ мѝ є҆сѝ. ѡ҆кропи́ши мѧ̀ ѵ҆ссѡ́помъ, и҆ ѡ҆чи́щꙋсѧ: ѡ҆мы́еши мѧ̀, и҆ па́че снѣ́га ᲂу҆бѣлю́сѧ. слꙋ́хꙋ моемꙋ̀ да́си ра́дость и҆ весе́лїе, возра́дꙋютсѧ кѡ́сти смирє́нныѧ. ѿвратѝ лицѐ твоѐ ѿ грѣ̑хъ мои́хъ, и҆ всѧ̑ беззакѡ́нїѧ моѧ̑ ѡ҆чи́сти. се́рдце чи́сто сози́жди во мнѣ̀ бж҃е, и҆ дꙋ́хъ пра́въ ѡ҆бновѝ во ᲂу҆тро́бѣ мое́й. не ѿве́ржи менѐ ѿ лица̀ твоегѡ̀, и҆ дх҃а твоегѡ̀ ст҃а́гѡ не ѿимѝ ѿ менѐ. возда́ждь мѝ ра́дость сп҃се́нїѧ твоегѡ̀, и҆ дх҃омъ влⷣчнимъ ᲂу҆тверди́ мѧ. наꙋчꙋ̀ беззакѡ́нныѧ пꙋтє́мъ твои̑мъ, и҆ нечести́вїи къ тебѣ̀ ѡ҆братѧ́тсѧ. и҆зба́ви мѧ̀ ѿ крове́й бж҃е, бж҃е сп҃се́нїѧ моегѡ̀, возра́дꙋетсѧ ѧ҆зы́къ мо́й пра́вдѣ твое́й. гдⷭ҇и, ᲂу҆стнѣ̀ моѝ ѿве́рзеши, и҆ ᲂу҆ста̀ моѧ̑ возвѣстѧ́тъ хвалꙋ̀ твою̀. ꙗ҆́кѡ а҆́ще бы восхотѣ́лъ є҆сѝ же́ртвы, да́лъ бы́хъ ᲂу҆́бѡ: всесожже́нїѧ не бл҃говоли́ши. же́ртва бг҃ꙋ дꙋ́хъ сокрꙋше́нъ: се́рдце сокрꙋше́нно и҆ смире́нно бг҃ъ не ᲂу҆ничижи́тъ. ᲂу҆бл҃жѝ гдⷭ҇и, бл҃говоле́нїемъ твои́мъ сїѡ́на, и҆ да сози́ждꙋтсѧ стѣ́ны і҆ерⷭ҇ли̑мскїѧ. тогда̀ бл҃говоли́ши же́ртвꙋ пра́вды, возноше́нїе и҆ всесожега́ємаѧ: тогда̀ возложа́тъ на ѻ҆лта́рь тво́й тельцы̀."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "А҆ ллилꙋ́їѧ, а҆ллилꙋ́їа, а҆ллилꙋ́їа, сла́ва тебѣ̀ бж҃е. три́жды."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "И҆ чте́тсѧ каѳі́сма ѳ҃і."
 },
 {
  "type": "HEADER",
  "value": "А҆ллилꙋ́їа, рл҃д."
 },
 {
  "type": "TEXT",
  "value": "Х вали́те и҆́мѧ гдⷭ҇не, хвали́те, рабѝ гдⷭ҇а, Стоѧ́щїи во хра́мѣ гдⷭ҇ни, во дво́рѣхъ до́мꙋ бг҃а на́шегѡ. Хвали́те гдⷭ҇а, ꙗ҆́кѡ бла́гъ гдⷭ҇ь: по́йте и҆́мени є҆гѡ̀, ꙗ҆́кѡ добро̀: Ꙗ҆́кѡ і҆а́кѡва и҆збра̀ себѣ̀ гдⷭ҇ь, і҆и҃лѧ въ достоѧ́нїе себѣ̀: Ꙗ҆́кѡ а҆́зъ позна́хъ, ꙗ҆́кѡ ве́лїй гдⷭ҇ь, и҆ гдⷭ҇ь на́шъ над̾ всѣ́ми бо́ги: Всѧ̑, є҆ли̑ка восхотѣ̀ гдⷭ҇ь, сотворѝ на нб҃сѝ и҆ на землѝ, въ морѧ́хъ и҆ во всѣ́хъ бе́зднахъ. Возводѧ̀ ѻ҆́блаки ѿ послѣ́днихъ землѝ, мѡ́лнїи въ до́ждь сотворѝ, и҆зводѧ́й вѣ́тры ѿ сокро́вищъ свои́хъ. И҆́же поразѝ пе́рвенцы є҆гѵ́пєтскїѧ ѿ человѣ́ка до скота̀: Посла̀ зна́мєнїѧ и҆ чꙋдеса̀ посредѣ̀ тебє̀, є҆гѵ́пте, на фараѡ́на и҆ на всѧ̑ рабы̑ є҆гѡ̀. И҆́же поразѝ ꙗ҆зы́ки мнѡ́ги и҆ и҆збѝ царѝ крѣ́пки: Сиѡ́на царѧ̀ а҆морре́йска и҆ ѡ҆́га царѧ̀ васа́нска, и҆ всѧ̑ ца̑рствїѧ ханаа̑нска: И҆ дадѐ зе́млю и҆́хъ достоѧ́нїе, достоѧ́нїе і҆и҃лю лю́демъ свои̑мъ. Гдⷭ҇и, и҆́мѧ твоѐ въ вѣ́къ, и҆ па́мѧть твоѧ̀ въ ро́дъ и҆ ро́дъ: Ꙗ҆́кѡ сꙋди́ти и҆́мать гдⷭ҇ь лю́демъ свои̑мъ, и҆ ѡ҆ рабѣ́хъ свои́хъ ᲂу҆мо́литсѧ. І҆́дѡли ꙗ҆зы̑къ сребро̀ и҆ зла́то, дѣла̀ рꙋ́къ человѣ́ческихъ: Оу҆ста̀ и҆́мꙋтъ, и҆ не возглаго́лютъ: ѻ҆́чи и҆́мꙋтъ, и҆ не ᲂу҆́зрѧтъ: Оу҆́ши и҆́мꙋтъ, и҆ не ᲂу҆слы́шатъ: ниже́ бо є҆́сть дꙋ́хъ во ᲂу҆стѣ́хъ и҆́хъ. Подо́бни и҆̀мъ да бꙋ́дꙋтъ творѧ́щїи ѧ҆̀ и҆ всѝ надѣ́ющїисѧ на нѧ̀. До́ме і҆и҃левъ, бл҃гослови́те гдⷭ҇а: до́ме а҆арѡ́нь, бл҃гослови́те гдⷭ҇а: до́ме леѵі́инъ, бл҃гослови́те гдⷭ҇а: Боѧ́щїисѧ гдⷭ҇а, бл҃гослови́те гдⷭ҇а. Бл҃гослове́нъ гдⷭ҇ь ѿ сїѡ́на, живы́й во і҆ерⷭ҇ли́мѣ."
 },
 {
  "type": "HEADER",
  "value": "А҆ллилꙋ́їа, рл҃є."
 },
 {
  "type": "TEXT",
  "value": "И҆ сповѣ́дайтесѧ гдⷭ҇еви, ꙗ҆́кѡ бл҃гъ: ꙗ҆́кѡ въ вѣ́къ млⷭ҇ть є҆гѡ̀. И҆сповѣ́дайтесѧ бг҃ꙋ богѡ́въ: ꙗ҆́кѡ въ вѣ́къ млⷭ҇ть є҆гѡ̀. И҆сповѣ́дайтесѧ гдⷭ҇еви господе́й: ꙗ҆́кѡ въ вѣ́къ млⷭ҇ть є҆гѡ̀. Сотво́ршемꙋ чꙋдеса̀ вє́лїѧ є҆ди́номꙋ: ꙗ҆́кѡ въ вѣ́къ млⷭ҇ть є҆гѡ̀. Сотво́ршемꙋ небеса̀ ра́зꙋмомъ: ꙗ҆́кѡ въ вѣ́къ млⷭ҇ть є҆гѡ̀. Оу҆тверди́вшемꙋ зе́млю на вода́хъ: ꙗ҆́кѡ въ вѣ́къ млⷭ҇ть є҆гѡ̀. Сотво́ршемꙋ свѣти̑ла вє́лїѧ є҆ди́номꙋ: ꙗ҆́кѡ въ вѣ́къ млⷭ҇ть є҆гѡ̀: Со́лнце во ѻ҆́бласть днѐ: ꙗ҆́кѡ въ вѣ́къ млⷭ҇ть є҆гѡ̀: Лꙋнꙋ̀ и҆ ѕвѣ́зды во ѻ҆́бласть но́щи: ꙗ҆́кѡ въ вѣ́къ млⷭ҇ть є҆гѡ̀. Порази́вшемꙋ є҆гѵ́пта съ пе́рвенцы є҆гѡ̀: ꙗ҆́кѡ въ вѣ́къ млⷭ҇ть є҆гѡ̀: И҆ и҆зве́дшемꙋ і҆и҃лѧ ѿ среды̀ и҆́хъ: ꙗ҆́кѡ въ вѣ́къ млⷭ҇ть є҆гѡ̀: Рꙋко́ю крѣ́пкою и҆ мы́шцею высо́кою: ꙗ҆́кѡ въ вѣ́къ млⷭ҇ть є҆гѡ̀. Раздѣ́льшемꙋ чермно́е мо́ре въ раздѣлє́нїѧ: ꙗ҆́кѡ въ вѣ́къ млⷭ҇ть є҆гѡ̀: И҆ прове́дшемꙋ і҆и҃лѧ посредѣ̀ є҆гѡ̀: ꙗ҆́кѡ въ вѣ́къ млⷭ҇ть є҆гѡ̀: И҆ и҆стрѧ́сшемꙋ фараѡ́на и҆ си́лꙋ є҆гѡ̀ въ мо́ре чермно́е: ꙗ҆́кѡ въ вѣ́къ млⷭ҇ть є҆гѡ̀. Прове́дшемꙋ лю́ди своѧ̑ въ пꙋсты́ни: ꙗ҆́кѡ въ вѣ́къ млⷭ҇ть є҆гѡ̀. Порази́вшемꙋ царѝ вє́лїѧ: ꙗ҆́кѡ въ вѣ́къ млⷭ҇ть є҆гѡ̀. И҆ ᲂу҆би́вшемꙋ царѝ крѣ̑пкїѧ: ꙗ҆́кѡ въ вѣ́къ млⷭ҇ть є҆гѡ̀: Сиѡ́на царѧ̀ а҆морре́йска: ꙗ҆́кѡ въ вѣ́къ млⷭ҇ть є҆гѡ̀: И҆ ѡ҆́га царѧ̀ васа́нска: ꙗ҆́кѡ въ вѣ́къ млⷭ҇ть є҆гѡ̀. И҆ да́вшемꙋ зе́млю и҆́хъ достоѧ́нїе: ꙗ҆́кѡ въ вѣ́къ млⷭ҇ть є҆гѡ̀: Достоѧ́нїе і҆и҃лю рабꙋ̀ своемꙋ̀: ꙗ҆́кѡ въ вѣ́къ млⷭ҇ть є҆гѡ̀. Ꙗ҆́кѡ во смире́нїи на́шемъ помѧнꙋ́ ны гдⷭ҇ь: ꙗ҆́кѡ въ вѣ́къ млⷭ҇ть є҆гѡ̀. И҆ и҆зба́вилъ ны̀ є҆́сть ѿ врагѡ́въ на́шихъ: ꙗ҆́кѡ въ вѣ́къ млⷭ҇ть є҆гѡ̀: Даѧ́й пи́щꙋ всѧ́кой пло́ти: ꙗ҆́кѡ въ вѣ́къ млⷭ҇ть є҆гѡ̀. И҆сповѣ́дайтесѧ бг҃ꙋ нбⷭ҇номꙋ: ꙗ҆́кѡ въ вѣ́къ млⷭ҇ть є҆гѡ̀."
 },
 {
  "type": "HEADER",
  "value": "Дв҃дꙋ і҆еремі́емъ, рл҃ѕ."
 },
 {
  "type": "TEXT",
  "value": "Н а рѣка́хъ вавѷлѡ́нскихъ, та́мѡ сѣдо́хомъ и҆ пла́кахомъ, внегда̀ помѧнꙋ́ти на́мъ сїѡ́на: На ве́рбїихъ посредѣ̀ є҆гѡ̀ ѡ҆бѣ́сихомъ ѻ҆рга́ны на́шѧ. Ꙗ҆́кѡ та́мѡ вопроси́ша ны̀ плѣ́ншїи на́съ ѡ҆ словесѣ́хъ пѣ́сней, и҆ ве́дшїи на́съ ѡ҆ пѣ́нїи: воспо́йте на́мъ ѿ пѣ́сней сїѡ́нскихъ. Ка́кѡ воспое́мъ пѣ́снь гдⷭ҇ню на землѝ чꙋжде́й; А҆́ще забꙋ́дꙋ тебѐ, і҆ерⷭ҇ли́ме, забве́на бꙋ́ди десни́ца моѧ̀. Прильпнѝ ѧ҆зы́къ мо́й горта́ни моемꙋ̀, а҆́ще не помѧнꙋ̀ тебє̀, а҆́ще не предложꙋ̀ і҆ерⷭ҇ли́ма, ꙗ҆́кѡ въ нача́лѣ весе́лїѧ моегѡ̀. Помѧнѝ, гдⷭ҇и, сы́ны є҆дѡ̑мскїѧ въ де́нь і҆ерⷭ҇ли́мль глаго́лющыѧ: и҆стоща́йте, и҆стоща́йте до ѡ҆снова́нїй є҆гѡ̀. Дщѝ вавѷлѡ́нѧ ѡ҆каѧ́ннаѧ, бл҃же́нъ, и҆́же возда́стъ тебѣ̀ воздаѧ́нїе твоѐ, є҆́же воздала̀ є҆сѝ на́мъ: Бл҃же́нъ, и҆́же и҆́метъ и҆ разбїе́тъ младе́нцы твоѧ̑ ѡ҆ ка́мень."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ли́къ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды. Гдⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "Ѱало́мъ дв҃дꙋ, а҆гге́а и҆ заха́рїи, рл҃з."
 },
 {
  "type": "TEXT",
  "value": "И҆ сповѣ́мсѧ тебѣ̀, гдⷭ҇и, всѣ́мъ се́рдцемъ мои́мъ, и҆ пред̾ а҆́гг҃лы воспою̀ тебѣ̀, ꙗ҆́кѡ ᲂу҆слы́шалъ є҆сѝ всѧ̑ глаго́лы ᲂу҆́стъ мои́хъ: Поклоню́сѧ ко хра́мꙋ ст҃о́мꙋ твоемꙋ̀ и҆ и҆сповѣ́мсѧ и҆́мени твоемꙋ̀ ѡ҆ млⷭ҇ти твое́й и҆ и҆́стинѣ твое́й, ꙗ҆́кѡ возвели́чилъ є҆сѝ над̾ всѣ́мъ и҆́мѧ твоѐ ст҃о́е. Во́ньже а҆́ще де́нь призовꙋ́ тѧ, ско́рѡ ᲂу҆слы́ши мѧ̀: ᲂу҆мно́жиши мѧ̀ въ дꙋшѝ мое́й си́лою твое́ю. Да и҆сповѣ́дѧтсѧ тебѣ̀, гдⷭ҇и, всѝ ца́рїе зе́мстїи, ꙗ҆́кѡ ᲂу҆слы́шаша всѧ̑ глаго́лы ᲂу҆́стъ твои́хъ: И҆ да воспою́тъ въ пꙋте́хъ гдⷭ҇нихъ, ꙗ҆́кѡ ве́лїѧ сла́ва гдⷭ҇нѧ: Ꙗ҆́кѡ высо́къ гдⷭ҇ь, и҆ смирє́нныѧ призира́етъ, и҆ высѡ́каѧ и҆здале́ча вѣ́сть. А҆́ще пойдꙋ̀ посредѣ̀ ско́рби, живи́ши мѧ̀: на гнѣ́въ вра̑гъ мои́хъ просте́рлъ є҆сѝ рꙋ́кꙋ твою̀, и҆ сп҃се́ мѧ десни́ца твоѧ̀. Гдⷭ҇ь возда́стъ за мѧ̀: гдⷭ҇и, млⷭ҇ть твоѧ̀ во вѣ́къ: дѣ́лъ рꙋкꙋ̀ твоє́ю не пре́зри."
 },
 {
  "type": "HEADER",
  "value": "Въ коне́цъ дв҃дꙋ, ѱало́мъ заха́рїинъ, въ разсѣ́ѧнїи, рл҃и."
 },
 {
  "type": "TEXT",
  "value": "Г дⷭ҇и, и҆скꙋси́лъ мѧ̀ є҆сѝ и҆ позна́лъ мѧ̀ є҆сѝ: ты̀ позна́лъ є҆сѝ сѣда́нїе моѐ и҆ воста́нїе моѐ. Ты̀ разꙋмѣ́лъ є҆сѝ помышлє́нїѧ моѧ̑ и҆здале́ча: Стезю̀ мою̀ и҆ ᲂу҆́же моѐ ты̀ є҆сѝ и҆зслѣ́довалъ и҆ всѧ̑ пꙋти̑ моѧ̑ прови́дѣлъ є҆сѝ. Ꙗ҆́кѡ нѣ́сть льстѝ въ ѧ҆зы́цѣ мое́мъ: сѐ, гдⷭ҇и, ты̀ позна́лъ є҆сѝ Всѧ̑ послѣ̑днѧѧ и҆ дрє́внѧѧ: ты̀ созда́лъ є҆сѝ мѧ̀ и҆ положи́лъ є҆сѝ на мнѣ̀ рꙋ́кꙋ твою̀. Оу҆диви́сѧ ра́зꙋмъ тво́й ѿ менѐ, ᲂу҆тверди́сѧ, не возмогꙋ̀ къ немꙋ̀. Ка́мѡ пойдꙋ̀ ѿ дх҃а твоегѡ̀; и҆ ѿ лица̀ твоегѡ̀ ка́мѡ бѣжꙋ̀; А҆́ще взы́дꙋ на нб҃о, ты̀ та́мѡ є҆сѝ: а҆́ще сни́дꙋ во а҆́дъ, та́мѡ є҆сѝ. А҆́ще возмꙋ̀ крилѣ̑ моѝ ра́нѡ и҆ вселю́сѧ въ послѣ́днихъ мо́рѧ, И҆ та́мѡ бо рꙋка̀ твоѧ̀ наста́витъ мѧ̀, и҆ ᲂу҆держи́тъ мѧ̀ десни́ца твоѧ̀. И҆ рѣ́хъ: є҆да̀ тма̀ попере́тъ мѧ̀; и҆ но́щь просвѣще́нїе въ сла́дости мое́й. Ꙗ҆́кѡ тма̀ не помрачи́тсѧ ѿ тебє̀, и҆ но́щь ꙗ҆́кѡ де́нь просвѣти́тсѧ: ꙗ҆́кѡ тма̀ є҆ѧ̀, та́кѡ и҆ свѣ́тъ є҆ѧ̀. Ꙗ҆́кѡ ты̀ созда́лъ є҆сѝ ᲂу҆трѡ́бы моѧ̑, воспрїѧ́лъ мѧ̀ є҆сѝ и҆з̾ чре́ва ма́тере моеѧ̀. И҆сповѣ́мсѧ тебѣ̀, ꙗ҆́кѡ стра́шнѡ ᲂу҆диви́лсѧ є҆сѝ: чꙋ̑дна дѣла̀ твоѧ̑, и҆ дꙋша̀ моѧ̀ зна́етъ ѕѣлѡ̀. Не ᲂу҆таи́сѧ ко́сть моѧ̀ ѿ тебє̀, ю҆́же сотвори́лъ є҆сѝ въ та́йнѣ, и҆ соста́въ мо́й въ преиспо́днихъ землѝ. Несодѣ́ланное моѐ ви́дѣстѣ ѻ҆́чи твоѝ, и҆ въ кни́зѣ твое́й всѝ напи́шꙋтсѧ: во дне́хъ сози́ждꙋтсѧ, и҆ никто́же въ ни́хъ. Мнѣ́ же ѕѣлѡ̀ че́стни бы́ша дрꙋ́зи твоѝ, бж҃е, ѕѣлѡ̀ ᲂу҆тверди́шасѧ влады́чєствїѧ и҆́хъ: И҆зочтꙋ̀ и҆̀хъ, и҆ па́че песка̀ ᲂу҆мно́жатсѧ: воста́хъ, и҆ є҆щѐ є҆́смь съ тобо́ю. А҆́ще и҆збїе́ши грѣ́шники, бж҃е: мꙋ́жїе крове́й, ᲂу҆клони́тесѧ ѿ менѐ. Ꙗ҆́кѡ ревни́ви є҆стѐ въ помышле́нїихъ, прїи́мꙋтъ въ сꙋетꙋ̀ гра́ды твоѧ̑. Не ненави́дѧщыѧ ли тѧ̀, гдⷭ҇и, возненави́дѣхъ, и҆ ѡ҆ вразѣ́хъ твои́хъ и҆ста́ѧхъ; Соверше́нною не́навистїю возненави́дѣхъ ѧ҆̀: во врагѝ бы́ша мѝ. И҆скꙋси́ мѧ, бж҃е, и҆ ᲂу҆вѣ́ждь се́рдце моѐ: и҆стѧжи́ мѧ и҆ разꙋмѣ́й стєзѝ моѧ̑: И҆ ви́ждь, а҆́ще пꙋ́ть беззако́нїѧ во мнѣ̀, и҆ наста́ви мѧ̀ на пꙋ́ть вѣ́ченъ."
 },
 {
  "type": "HEADER",
  "value": "Въ коне́цъ, ѱало́мъ дв҃дꙋ, рл҃ѳ."
 },
 {
  "type": "TEXT",
  "value": "И҆ зми́ мѧ, гдⷭ҇и, ѿ человѣ́ка лꙋка́ва, ѿ мꙋ́жа непра́ведна и҆зба́ви мѧ̀: И҆̀же помы́слиша непра́вдꙋ въ се́рдцы, ве́сь де́нь ѡ҆полча́хꙋ бра̑ни: И҆з̾ѡстри́ша ѧ҆зы́къ сво́й ꙗ҆́кѡ ѕмїи́нъ: ꙗ҆́дъ а҆́спїдовъ под̾ ᲂу҆стна́ми и҆́хъ. Сохрани́ мѧ, гдⷭ҇и, и҆з̾ рꙋкѝ грѣ́шничи, ѿ человѣ̑къ непра́ведныхъ и҆зми́ мѧ, и҆̀же помы́слиша запѧ́ти стѡпы̀ моѧ̑. Скры́ша го́рдїи сѣ́ть мнѣ̀ и҆ ᲂу҆́жы, препѧ́ша сѣ́ть нога́ма мои́ма: При стезѝ собла́зны положи́ша мѝ. Рѣ́хъ гдⷭ҇еви: бг҃ъ мо́й є҆сѝ ты̀, внꙋшѝ, гдⷭ҇и, гла́съ моле́нїѧ моегѡ̀. Гдⷭ҇и, гдⷭ҇и, си́ло сп҃се́нїѧ моегѡ̀, ѡ҆сѣни́лъ є҆сѝ над̾ главо́ю мое́ю въ де́нь бра́ни. Не преда́ждь менѐ, гдⷭ҇и, ѿ жела́нїѧ моегѡ̀ грѣ́шникꙋ: помы́слиша на мѧ̀, не ѡ҆ста́ви менѐ, да не когда̀ вознесꙋ́тсѧ. Глава̀ ѡ҆крꙋже́нїѧ и҆́хъ, трꙋ́дъ ᲂу҆сте́нъ и҆́хъ покры́етъ ѧ҆̀. Падꙋ́тъ на ни́хъ ᲂу҆́глїѧ ѻ҆́гнєннаѧ, низложи́ши ѧ҆̀ во страсте́хъ, и҆ не постоѧ́тъ. Мꙋ́жъ ѧ҆зы́ченъ не и҆спра́витсѧ на землѝ: мꙋ́жа непра́ведна ѕла̑ѧ ᲂу҆ловѧ́тъ во и҆стлѣ́нїе. Позна́хъ, ꙗ҆́кѡ сотвори́тъ гдⷭ҇ь сꙋ́дъ ни́щымъ и҆ ме́сть ᲂу҆бѡ́гимъ. Ѻ҆ба́че првⷣнїи и҆сповѣ́дѧтсѧ и҆́мени твоемꙋ̀, и҆ вселѧ́тсѧ пра́вїи съ лице́мъ твои́мъ."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ли́къ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды. Гдⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "Ѱало́мъ дв҃дꙋ, р҃м."
 },
 {
  "type": "TEXT",
  "value": "Г дⷭ҇и, воззва́хъ къ тебѣ̀, ᲂу҆слы́ши мѧ̀: вонмѝ гла́сꙋ моле́нїѧ моегѡ̀, внегда̀ воззва́ти мѝ къ тебѣ̀. Да и҆спра́витсѧ моли́тва моѧ̀ ꙗ҆́кѡ кади́ло пред̾ тобо́ю: воздѣѧ́нїе рꙋкꙋ̀ моє́ю, же́ртва вече́рнѧѧ. Положѝ, гдⷭ҇и, хране́нїе ᲂу҆стѡ́мъ мои̑мъ и҆ две́рь ѡ҆гражде́нїѧ ѡ҆ ᲂу҆стна́хъ мои́хъ. Не ᲂу҆клонѝ се́рдце моѐ въ словеса̀ лꙋка́вствїѧ, непщева́ти вины̀ ѡ҆ грѣсѣ́хъ съ человѣ́ки дѣ́лающими беззако́нїе: и҆ не сочтꙋ́сѧ со и҆збра́нными и҆́хъ. Нака́жетъ мѧ̀ првⷣникъ ми́лостїю и҆ ѡ҆бличи́тъ мѧ̀, є҆ле́й же грѣ́шнагѡ да не нама́ститъ главы̀ моеѧ̀: ꙗ҆́кѡ є҆щѐ и҆ моли́тва моѧ̀ во бл҃говоле́нїихъ и҆́хъ. Пожє́рты бы́ша при ка́мени сꙋдїи̑ и҆́хъ: ᲂу҆слы́шатсѧ глаго́ли моѝ, ꙗ҆́кѡ возмого́ша. Ꙗ҆́кѡ то́лща землѝ просѣ́десѧ на землѝ, расточи́шасѧ кѡ́сти и҆́хъ при а҆́дѣ. Ꙗ҆́кѡ къ тебѣ̀, гдⷭ҇и, гдⷭ҇и, ѻ҆́чи моѝ: на тѧ̀ ᲂу҆пова́хъ, не ѿимѝ дꙋ́шꙋ мою̀: Сохрани́ мѧ ѿ сѣ́ти, ю҆́же соста́виша мѝ, и҆ ѿ собла̑знъ дѣ́лающихъ беззако́нїе. Падꙋ́тъ во мре́жꙋ свою̀ грѣ̑шницы: є҆ди́нъ є҆́смь а҆́зъ, до́ндеже прейдꙋ̀."
 },
 {
  "type": "HEADER",
  "value": "Ра́зꙋма дв҃дꙋ, внегда̀ бы́ти є҆мꙋ̀ въ верте́пѣ молѧ́щемꙋсѧ, рм҃а."
 },
 {
  "type": "TEXT",
  "value": "Г ла́сомъ мои́мъ ко гдⷭ҇ꙋ воззва́хъ, гла́сомъ мои́мъ ко гдⷭ҇ꙋ помоли́хсѧ. Пролїю̀ пред̾ ни́мъ моле́нїе моѐ, печа́ль мою̀ пред̾ ни́мъ возвѣщꙋ̀. Внегда̀ и҆счеза́ти ѿ менѐ дꙋ́хꙋ моемꙋ̀, и҆ ты̀ позна́лъ є҆сѝ стєзѝ моѧ̑: на пꙋтѝ се́мъ, по немꙋ́же хожда́хъ, скры́ша сѣ́ть мнѣ̀. Сматрѧ́хъ ѡ҆деснꙋ́ю и҆ возглѧ́дахъ, и҆ не бѣ̀ зна́ѧй менѐ: поги́бе бѣ́гство ѿ менѐ, и҆ нѣ́сть взыска́ѧй дꙋ́шꙋ мою̀. Воззва́хъ къ тебѣ̀, гдⷭ҇и, рѣ́хъ: ты̀ є҆сѝ ᲂу҆пова́нїе моѐ, ча́сть моѧ̀ є҆сѝ на землѝ живы́хъ. Вонмѝ моле́нїю моемꙋ̀, ꙗ҆́кѡ смири́хсѧ ѕѣлѡ̀: и҆зба́ви мѧ̀ ѿ гонѧ́щихъ мѧ̀, ꙗ҆́кѡ ᲂу҆крѣпи́шасѧ па́че менѐ. И҆зведѝ и҆з̾ темни́цы дꙋ́шꙋ мою̀, и҆сповѣ́датисѧ и҆́мени твоемꙋ̀: менѐ ждꙋ́тъ првⷣницы, до́ндеже возда́си мнѣ̀."
 },
 {
  "type": "HEADER",
  "value": "Ѱало́мъ дв҃дꙋ, є҆гда̀ гонѧ́ше є҆го̀ а҆вессалѡ́мъ сы́нъ є҆гѡ̀, рм҃в."
 },
 {
  "type": "TEXT",
  "value": "Г дⷭ҇и, ᲂу҆слы́ши моли́твꙋ мою̀, внꙋшѝ моле́нїе моѐ во и҆́стинѣ твое́й, ᲂу҆слы́ши мѧ̀ въ пра́вдѣ твое́й: И҆ не вни́ди въ сꙋ́дъ съ рабо́мъ твои́мъ, ꙗ҆́кѡ не ѡ҆правди́тсѧ пред̾ тобо́ю всѧ́къ живы́й. Ꙗ҆́кѡ погна̀ вра́гъ дꙋ́шꙋ мою̀: смири́лъ є҆́сть въ зе́млю живо́тъ мо́й: посади́лъ мѧ̀ є҆́сть въ те́мныхъ, ꙗ҆́кѡ мє́ртвыѧ вѣ́ка. И҆ ᲂу҆ны̀ во мнѣ̀ дꙋ́хъ мо́й, во мнѣ̀ смѧте́сѧ се́рдце моѐ. Помѧнꙋ́хъ дни̑ дрє́внїѧ, поꙋчи́хсѧ во всѣ́хъ дѣ́лѣхъ твои́хъ, въ творе́нїихъ рꙋкꙋ̀ твоє́ю поꙋча́хсѧ. Воздѣ́хъ къ тебѣ̀ рꙋ́цѣ моѝ: дꙋша̀ моѧ̀ ꙗ҆́кѡ землѧ̀ безво́днаѧ тебѣ̀. Ско́рѡ ᲂу҆слы́ши мѧ̀, гдⷭ҇и, и҆счезѐ дꙋ́хъ мо́й: не ѿвратѝ лица̀ твоегѡ̀ ѿ менѐ, и҆ ᲂу҆подо́блюсѧ низходѧ́щымъ въ ро́въ. Слы́шанꙋ сотворѝ мнѣ̀ заꙋ́тра млⷭ҇ть твою̀, ꙗ҆́кѡ на тѧ̀ ᲂу҆пова́хъ: скажѝ мнѣ̀, гдⷭ҇и, пꙋ́ть, во́ньже пойдꙋ̀, ꙗ҆́кѡ къ тебѣ̀ взѧ́хъ дꙋ́шꙋ мою̀. И҆зми́ мѧ ѿ вра̑гъ мои́хъ, гдⷭ҇и, къ тебѣ̀ прибѣго́хъ. Наꙋчи́ мѧ твори́ти во́лю твою̀, ꙗ҆́кѡ ты̀ є҆сѝ бг҃ъ мо́й: дх҃ъ тво́й бл҃гі́й наста́витъ мѧ̀ на зе́млю пра́вꙋ. И҆́мене твоегѡ̀ ра́ди, гдⷭ҇и, живи́ши мѧ̀ пра́вдою твое́ю: и҆зведе́ши ѿ печа́ли дꙋ́шꙋ мою̀: И҆ млⷭ҇тїю твое́ю потреби́ши врагѝ моѧ̑ и҆ погꙋби́ши всѧ̑ стꙋжа́ющыѧ дꙋшѝ мое́й: ꙗ҆́кѡ а҆́зъ ра́бъ тво́й є҆́смь."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды. Гдⷭ҇и поми́лꙋй, три́жды."
 },
 {
  "type": "TEXT",
  "value": "По каѳі́смѣ сщ҃е́нникъ глаго́летъ:"
 },
 {
  "type": "HEADER",
  "value": "Настоѧ́щїй тропа́рь, во гла́съ ѕ҃:"
 },
 {
  "type": "TEXT",
  "value": "Г дⷭ҇и, и҆́же прест҃а́го твоего̀ дх҃а, / въ тре́тїй ча́съ а҆пⷭ҇лѡмъ твои̑мъ низпосла́вый: / тогѡ̀ бл҃гі́й, не ѿимѝ ѿ на́съ, / но ѡ҆бновѝ на́съ молѧ́щихъ ти сѧ. [Покло́нъ вели́кїй.]"
 },
 {
  "type": "TEXT",
  "value": "Сті́хъ а҃: Се́рдце чи́сто сози́жди во мнѣ̀ бж҃е, и҆ дх҃ъ пра́въ ѡ҆бновѝ во ᲂу҆тро́бѣ мое́й. [Покло́нъ вели́кїй.]"
 },
 {
  "type": "TEXT",
  "value": "Сті́хъ в҃: Не ѿве́ржи менѐ ѿ лица̀ твоегѡ̀, и҆ дх҃а твоегѡ̀ ст҃а́гѡ не ѿимѝ ѿ менѐ. [Покло́нъ вели́кїй.]"
 },
 {
  "type": "TEXT",
  "value": "Сщ҃е́нникъ: Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Б цⷣе, ты̀ є҆сѝ лоза̀ и҆́стиннаѧ, возрасти́вшаѧ на́мъ пло́дъ живота̀, тебѣ̀ мо́лимсѧ, моли́сѧ влⷣчце со ст҃ы́ми а҆пⷭ҇лы, поми́ловати дꙋ́шы на́шѧ."
 },
 {
  "type": "TEXT",
  "value": "И҆ а҆́бїе ᲂу҆кра́шенꙋ а҆нало́гїю, положа́тъ на не́мъ верхꙋ̀ ст҃о́е четвероеѵⷢ҇лїе, и҆ двѣма̀ лампа́дома возжже́ннома. Всѣ̑мъ же стоѧ́щымъ ѿкрове́нными глава́ми. Сщ҃е́нникъ же кади́тъ хра́мъ ве́сь, и҆ бра́тїю. И҆ та́кѡ чте́тъ є҆ѵⷢ҇лїе. По сконча́нїи же чте́нїѧ є҆ѵⷢ҇лїа чте́цъ глаго́летъ:"
 },
 {
  "type": "TEXT",
  "value": "Г дⷭ҇ь бг҃ъ бл҃гослове́нъ, бл҃гослове́нъ гдⷭ҇ь де́нь днѐ, поспѣши́тъ на́мъ бг҃ъ сп҃се́нїй на́шихъ: бг҃ъ на́шъ, бг҃ъ сп҃са́ти."
 },
 {
  "type": "TEXT",
  "value": "Та́же, Ст҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. Три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "Конда́къ вели́кїѧ среды̀, гла́съ д҃. Подо́бенъ: Вознесы́йсѧ:"
 },
 {
  "type": "TEXT",
  "value": "П а́че блꙋдни́цы бла́же, беззако́нновавъ, / сле́зъ тꙋ́чы ника́коже тебѣ̀ принесо́хъ: / но молча́нїемъ молѧ́сѧ припа́даю тѝ, / любо́вїю ѡ҆блобыза́ѧ пречⷭ҇тѣи твоѝ но́зѣ, / ꙗ҆́кѡ да ѡ҆ставле́нїе мнѣ̀ ꙗ҆́кѡ влⷣка пода́си долгѡ́въ, / зовꙋ́щꙋ тѝ сп҃се: / ѿ скве́рныхъ дѣ́лъ мои́хъ и҆зба́ви мѧ̀."
 },
 {
  "type": "TEXT",
  "value": "Г дⷭ҇и поми́лꙋй, м҃."
 },
 {
  "type": "TEXT",
  "value": "И҆́ же на всѧ́кое вре́мѧ, и҆ на всѧ́кїй ча́съ, на нб҃сѝ и҆ на землѝ покланѧ́емый и҆ сла́вимый, хрⷭ҇тѐ бж҃е, долготерпѣли́ве, многомлⷭ҇тиве, многобл҃гоꙋтро́бне: и҆́же пра́вєдныѧ любѧ́й и҆ грѣ̑шныѧ ми́лꙋѧй, и҆́же всѧ̑ зовы́й ко сп҃се́нїю, ѡ҆бѣща́нїѧ ра́ди бꙋ́дꙋщихъ бла̑гъ. са́мъ гдⷭ҇и, прїимѝ и҆ на́шѧ въ ча́съ се́й мл҃твы, и҆ и҆спра́ви живо́тъ на́шъ къ за́повѣдемъ твои̑мъ. дꙋ́шы на́шѧ ѡ҆свѧтѝ, тѣлеса̀ ѡ҆чи́сти, помышлє́нїѧ и҆спра́ви, мы̑сли ѡ҆чи́сти, и҆ и҆зба́ви на́съ ѿ всѧ́кїѧ ско́рби, ѕѡ́лъ и҆ болѣ́зней, ѡ҆градѝ на́съ ст҃ы́ми твои́ми а҆́гг҃лы, да ѡ҆полче́нїемъ и҆́хъ соблюда́еми и҆ наставлѧ́еми, дости́гнемъ въ соедине́нїе вѣ́ры, и҆ въ ра́зꙋмъ непристꙋ́пныѧ твоеѧ̀ сла́вы: ꙗ҆́кѡ бл҃гослове́нъ є҆сѝ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Г дⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Чⷭ҇ тнѣ́йшꙋю херꙋві̑мъ, и҆ сла́внѣйшꙋю без̾ сравне́нїѧ серафі̑мъ, без̾ и҆стлѣ́нїѧ бг҃а сло́ва ро́ждшꙋю, сꙋ́щꙋю бцⷣꙋ тѧ̀ велича́емъ."
 },
 {
  "type": "TEXT",
  "value": "И҆́ менемъ гдⷭ҇нимъ бл҃гословѝ, ѻ҆́тче."
 },
 {
  "type": "TEXT",
  "value": "Сщ҃е́нникъ возгла́съ: Бж҃е, ᲂу҆ще́дри ны̀, и҆ бл҃гословѝ ны̀, просвѣтѝ лицѐ твоѐ на ны̀, и҆ поми́лꙋй ны̀."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "И҆ глаго́летъ сщ҃е́нникъ мл҃твꙋ прпⷣбнагѡ є҆фре́ма:"
 },
 {
  "type": "TEXT",
  "value": "Г дⷭ҇и и҆ влⷣко живота̀ моегѡ̀, дꙋ́хъ пра́здности, ᲂу҆ны́нїѧ, любонача́лїѧ и҆ праздносло́вїѧ не да́ждь мѝ. [Покло́нъ вели́кїй.]"
 },
 {
  "type": "TEXT",
  "value": "Д х҃ъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ да́рꙋй мѝ рабꙋ̀ твоемꙋ̀. [Покло́нъ вели́кїй.]"
 },
 {
  "type": "TEXT",
  "value": "Є҆́ й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ. А҆ми́нь. [Покло́нъ вели́кїй.]"
 },
 {
  "type": "TEXT",
  "value": "Та́же ма́лыхъ покло́нѡвъ в҃і, глаго́люще себѣ̀ вта́й на кі́йждо покло́нъ: Бж҃е, ѡ҆чи́сти мѧ̀ грѣ́шнаго."
 },
 {
  "type": "TEXT",
  "value": "И҆ па́ки, сконча́въ покло́ны, глаго́лемъ мл҃твꙋ всю̀ вышепи́саннꙋю: Г дⷭ҇и и҆ влⷣко живота̀ моегѡ̀: И҆ покло́нъ є҆ди́нъ вели́кїй."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "Мл҃тва ст҃а́гѡ марда́рїа:"
 },
 {
  "type": "TEXT",
  "value": "В лⷣко бж҃е ѻ҆́ч҃е вседержи́телю, гдⷭ҇и сн҃е є҆диноро́дный і҆и҃се хрⷭ҇тѐ, и҆ ст҃ы́й дш҃е, є҆ди́но бж҃ество̀ є҆ди́на си́ла, поми́лꙋй мѧ̀ грѣ́шнаго, и҆ и҆́миже вѣ́си сꙋдьба́ми, сп҃си́ мѧ недосто́йнаго раба̀ твоего̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "И҆ а҆́бїе начина́емъ шесты́й ча́съ."
 },
 {
  "type": "HEADER",
  "value": "Ча́съ шесты́й."
 },
 {
  "type": "TEXT",
  "value": "П рїиди́те, поклони́мсѧ цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ хрⷭ҇тꙋ̀, цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ самомꙋ̀ хрⷭ҇тꙋ̀, цр҃е́ви и҆ бг҃ꙋ на́шемꙋ."
 },
 {
  "type": "HEADER",
  "value": "Ѱало́мъ н҃г."
 },
 {
  "type": "TEXT",
  "value": "Б ж҃е, во и҆́мѧ твоѐ сп҃си́ мѧ, и҆ въ си́лѣ твое́й сꙋди́ ми: бж҃е, ᲂу҆слы́ши мл҃твꙋ мою̀, внꙋшѝ глаго́лы ᲂу҆́стъ мои́хъ. ꙗ҆́кѡ чꙋ́ждїи воста́ша на мѧ̀, и҆ крѣ́пцыи взыска́ша дꙋ́шꙋ мою̀, и҆ не предложи́ша бг҃а пред̾ собо́ю. се́ бо бг҃ъ помога́етъ мѝ, и҆ гдⷭ҇ь застꙋ́пникъ дꙋшѝ мое́й. ѿврати́тъ ѕла̑ѧ врагѡ́мъ мои̑мъ, и҆́стиною твое́ю потребѝ и҆̀хъ. во́лею пожрꙋ̀ тебѣ̀, и҆сповѣ́мсѧ и҆́мени твоемꙋ̀ гдⷭ҇и, ꙗ҆́кѡ бл҃го. ꙗ҆́кѡ ѿ всѧ́кїѧ печа́ли и҆зба́вилъ мѧ̀ є҆сѝ, и҆ на врагѝ моѧ̑ воззрѣ̀ ѻ҆́ко моѐ."
 },
 {
  "type": "HEADER",
  "value": "Ѱало́мъ н҃д."
 },
 {
  "type": "TEXT",
  "value": "В нꙋшѝ бж҃е мл҃твꙋ мою̀, и҆ не пре́зри моле́нїѧ моегѡ̀. вонми́ ми, и҆ ᲂу҆слы́ши мѧ̀: возскорбѣ́хъ печа́лїю мое́ю, и҆ смѧто́хсѧ ѿ гла́са вра́жїѧ и҆ ѿ стꙋже́нїѧ грѣ́шнича. ꙗ҆́кѡ ᲂу҆клони́ша на мѧ̀ беззако́нїе, и҆ во гнѣ́вѣ враждова́хꙋ мѝ. се́рдце моѐ смѧте́сѧ во мнѣ̀, и҆ боѧ́знь сме́рти нападѐ на мѧ̀. стра́хъ и҆ тре́петъ прїи́де на мѧ̀, и҆ покры́ мѧ тьма̀. и҆ рѣ́хъ: кто̀ да́стъ мѝ крилѣ̀ ꙗ҆́кѡ голꙋби́нѣ, и҆ полещꙋ̀ и҆ почі́ю; сѐ ᲂу҆дали́хсѧ бѣ́гаѧ, и҆ водвори́хсѧ въ пꙋсты́ни. ча́ѧхъ бг҃а, сп҃са́ющагѡ мѧ̀ ѿ малодꙋ́шїѧ и҆ ѿ бꙋ́ри. потопѝ гдⷭ҇и, и҆ раздѣлѝ ꙗ҆зы́ки и҆́хъ, ꙗ҆́кѡ ви́дѣхъ беззако́нїе, и҆ прерѣка́нїе во гра́дѣ. дне́мъ и҆ но́щїю ѡ҆бы́детъ и҆̀ по стѣна́мъ є҆гѡ̀: беззако́нїе и҆ трꙋ́дъ посредѣ̀ є҆гѡ̀, и҆ непра́вда: и҆ не ѡ҆скꙋдѣ̀ ѿ сто́гнъ є҆гѡ̀ ли́хва и҆ ле́сть. ꙗ҆́кѡ а҆́ще бы вра́гъ поноси́лъ мѝ, претерпѣ́лъ бы́хъ ᲂу҆̀бо: и҆ а҆́ще бы ненави́дѧй мѧ̀ на мѧ̀ велерѣ́чевалъ, ᲂу҆кры́лъ бы́хъ сѧ ѿ негѡ̀. ты́ же человѣ́че равнодꙋ́шне, влады́ко мо́й, и҆ зна́емый мо́й: и҆́же кꙋ́пнѡ наслажда́лсѧ є҆сѝ со мно́ю бра́шенъ, въ домꙋ̀ бж҃їи ходи́хомъ є҆диномышле́нїемъ. да прїи́детъ же сме́рть на тѧ̀, и҆ да сни́дꙋтъ во а҆́дъ жи́ви: ꙗ҆́кѡ лꙋка́вство въ жили́щахъ и҆́хъ, посредѣ̀ и҆̀хъ: а҆́зъ къ бг҃ꙋ воззва́хъ, и҆ гдⷭ҇ь ᲂу҆слы́ша мѧ̀. ве́черъ и҆ заꙋ́тра и҆ полꙋ́дне повѣ́мъ, и҆ возвѣщꙋ̀, и҆ ᲂу҆слы́шитъ гла́съ мо́й. и҆зба́витъ ми́ромъ дꙋ́шꙋ мою̀ ѿ приближа́ющихсѧ мнѣ̀: ꙗ҆́кѡ во мно́зѣ бѧ́хꙋ со мно́ю. ᲂу҆слы́шитъ бг҃ъ, и҆ смири́тъ ѧ҆̀, сы́й пре́жде вѣ̑къ: нѣ́сть бо и҆̀мъ и҆змѣне́нїѧ, ꙗ҆́кѡ не ᲂу҆боѧ́шасѧ бг҃а. прострѐ рꙋ́кꙋ свою̀ на воздаѧ́нїе, ѡ҆скверни́ша завѣ́тъ є҆гѡ̀. раздѣли́шасѧ ѿ гнѣ́ва лица̀ є҆гѡ̀, и҆ прибли́жишасѧ сердца̀ и҆́хъ: ᲂу҆мѧ́кнꙋша словеса̀ и҆́хъ па́че є҆ле́а, и҆ та̑ сꙋ́ть стрѣ́лы. возве́рзи на гдⷭ҇а печа́ль твою̀, и҆ то́й тѧ̀ препита́етъ, не да́стъ въ вѣ́къ молвы̀ пра́ведникꙋ. ты́ же бж҃е, низведе́ши ѧ҆̀ въ стꙋдене́цъ и҆стлѣ́нїѧ. мꙋ́жїе крове́й и҆ льстѝ не преполовѧ́тъ дне́й свои́хъ: а҆́зъ же гдⷭ҇и ᲂу҆пова́ю на тѧ̀."
 },
 {
  "type": "HEADER",
  "value": "Ѱало́мъ ч҃."
 },
 {
  "type": "TEXT",
  "value": "Ж ивы́й въ по́мощи вы́шнѧгѡ, въ кро́вѣ бг҃а нбⷭ҇нагѡ водвори́тсѧ. рече́тъ гдⷭ҇еви: застꙋ́пникъ мо́й є҆сѝ, и҆ прибѣ́жище моѐ, бг҃ъ мо́й, и҆ ᲂу҆пова́ю на него̀. ꙗ҆́кѡ то́й и҆зба́витъ тѧ̀ ѿ сѣ́ти ло́вчи, и҆ ѿ словесѐ мѧте́жна. плещма̀ свои́ма ѡ҆сѣни́тъ тѧ̀, и҆ под̾ крилѣ̀ є҆гѡ̀ надѣ́ешисѧ. ѻ҆рꙋ́жїемъ ѡ҆бы́детъ тѧ̀ и҆́стина є҆гѡ̀, не ᲂу҆бои́шисѧ ѿ стра́ха нощна́гѡ, ѿ стрѣлы̀ летѧ́щїѧ во днѝ, ѿ ве́щи во тьмѣ̀ преходѧ́щїѧ, ѿ срѧ́ща и҆ бѣ́са полꙋ́деннагѡ. паде́тъ ѿ страны̀ твоеѧ̀ ты́сѧща, и҆ тьма̀ ѡ҆деснꙋ́ю тебѐ, къ тебѣ́ же не прибли́житсѧ. ѻ҆ба́че ѻ҆чи́ма твои́ма смо́триши, и҆ воздаѧ́нїе грѣ́шникѡвъ ᲂу҆́зриши. ꙗ҆́кѡ ты̀ гдⷭ҇и, ᲂу҆пова́нїе моѐ, вы́шнѧго положи́лъ є҆сѝ прибѣ́жище твоѐ. не прїи́детъ къ тебѣ̀ ѕло̀, и҆ ра́на не прибли́житсѧ тѣлесѝ твоемꙋ̀. ꙗ҆́кѡ а҆́гг҃лѡмъ свои̑мъ заповѣ́сть ѡ҆ тебѣ̀, сохрани́ти тѧ̀ во всѣ́хъ пꙋте́хъ твои́хъ. на рꙋка́хъ во́змꙋтъ тѧ̀, да не когда̀ преткне́ши ѡ҆ ка́мень но́гꙋ твою̀. на а҆́спїда и҆ васїлі́ска настꙋ́пиши, и҆ попере́ши льва̀ и҆ ѕмі́ѧ. ꙗ҆́кѡ на мѧ̀ ᲂу҆пова̀, и҆ и҆зба́влю и҆̀: покры́ю и҆̀, ꙗ҆́кѡ позна̀ и҆́мѧ моѐ: воззове́тъ ко мнѣ̀, и҆ ᲂу҆слы́шꙋ є҆го̀: съ ни́мъ є҆́смь въ ско́рби, и҆змꙋ̀ є҆го̀: и҆ просла́влю є҆го̀: долгото́ю дне́й и҆спо́лню є҆го̀, и҆ ꙗ҆влю̀ є҆мꙋ̀ сп҃се́нїе моѐ."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "А҆ ллилꙋ́їѧ, а҆ллилꙋ́їа, а҆ллилꙋ́їа, сла́ва тебѣ̀ бж҃е. три́жды."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "И҆ чте́тсѧ каѳі́сма к҃."
 },
 {
  "type": "HEADER",
  "value": "Ѱало́мъ дв҃дꙋ, къ голїа́ѳꙋ, рм҃г."
 },
 {
  "type": "TEXT",
  "value": "Б л҃гослове́нъ гдⷭ҇ь бг҃ъ мо́й, наꙋча́ѧй рꙋ́цѣ моѝ на ѡ҆полче́нїе, пе́рсты моѧ̑ на бра́нь. Млⷭ҇ть моѧ̀ и҆ прибѣ́жище моѐ, застꙋ́пникъ мо́й и҆ и҆зба́витель мо́й, защи́титель мо́й, и҆ на него̀ ᲂу҆пова́хъ: повинꙋ́ѧй лю́ди моѧ̑ под̾ мѧ̀. Гдⷭ҇и, что̀ є҆́сть человѣ́къ, ꙗ҆́кѡ позна́лсѧ є҆сѝ є҆мꙋ̀; и҆лѝ сы́нъ человѣ́чь, ꙗ҆́кѡ вмѣнѧ́еши є҆гѡ̀; Человѣ́къ сꙋетѣ̀ ᲂу҆подо́бисѧ: дні́е є҆гѡ̀ ꙗ҆́кѡ сѣ́нь прехо́дѧтъ. Гдⷭ҇и, преклонѝ нб҃са̀, и҆ сни́ди: косни́сѧ гора́мъ, и҆ воздымѧ́тсѧ: Блеснѝ мо́лнїю, и҆ разжене́ши ѧ҆̀: послѝ стрѣ́лы твоѧ̑, и҆ смѧте́ши ѧ҆̀. Послѝ рꙋ́кꙋ твою̀ съ высоты̀, и҆зми́ мѧ и҆ и҆зба́ви мѧ̀ ѿ во́дъ мно́гихъ, и҆з̾ рꙋкѝ сынѡ́въ чꙋжди́хъ, И҆́хже ᲂу҆ста̀ глаго́лаша сꙋетꙋ̀, и҆ десни́ца и҆́хъ десни́ца непра́вды. Бж҃е, пѣ́снь но́вꙋ воспою̀ тебѣ̀, во ѱалти́ри десѧтострꙋ́ннѣмъ пою̀ тебѣ̀: Даю́щемꙋ сп҃се́нїе царє́мъ, и҆збавлѧ́ющемꙋ дв҃да раба̀ своего̀ ѿ меча̀ лю́та. И҆зба́ви мѧ̀ и҆ и҆зми́ мѧ и҆з̾ рꙋкѝ сынѡ́въ чꙋжди́хъ, и҆́хже ᲂу҆ста̀ глаго́лаша сꙋетꙋ̀, и҆ десни́ца и҆́хъ десни́ца непра́вды: И҆́хже сы́нове и҆́хъ ꙗ҆́кѡ новосаждє́нїѧ водрꙋжє́наѧ въ ю҆́ности свое́й, дщє́ри и҆́хъ ᲂу҆до́брєны, преꙋкра́шєны ꙗ҆́кѡ подо́бїе хра́ма: Храни̑лища и҆́хъ и҆спо́лнєна, ѿрыга̑ющаѧ ѿ сегѡ̀ въ сїѐ: ѻ҆́вцы и҆́хъ многоплѡ́дны, мно́жащыѧсѧ во и҆схо́дищихъ свои́хъ: воло́ве и҆́хъ то́лсти: Нѣ́сть паде́нїѧ ѡ҆пло́тꙋ, нижѐ прохо́да, нижѐ во́плѧ въ сто́гнахъ и҆́хъ. Оу҆бл҃жи́ша лю́ди, и҆̀мже сїѧ̑ сꙋ́ть: бл҃же́ни лю́дїе, и҆̀мже гдⷭ҇ь бг҃ъ и҆́хъ."
 },
 {
  "type": "HEADER",
  "value": "Хвала̀ дв҃дꙋ, рм҃д."
 },
 {
  "type": "TEXT",
  "value": "В ознесꙋ́ тѧ, бж҃е мо́й, цр҃ю̀ мо́й, и҆ бл҃гословлю̀ и҆́мѧ твоѐ въ вѣ́къ и҆ въ вѣ́къ вѣ́ка. На всѧ́къ де́нь бл҃гословлю́ тѧ, и҆ восхвалю̀ и҆́мѧ твоѐ въ вѣ́къ и҆ въ вѣ́къ вѣ́ка. Ве́лїй гдⷭ҇ь и҆ хва́ленъ ѕѣлѡ̀, и҆ вели́чїю є҆гѡ̀ нѣ́сть конца̀. Ро́дъ и҆ ро́дъ восхва́лѧтъ дѣла̀ твоѧ̑ и҆ си́лꙋ твою̀ возвѣстѧ́тъ: Великолѣ́пїе сла́вы ст҃ы́ни твоеѧ̀ возглаго́лютъ и҆ чꙋдеса̀ твоѧ̑ повѣ́дѧтъ: И҆ си́лꙋ стра́шныхъ твои́хъ рекꙋ́тъ и҆ вели́чїе твоѐ повѣ́дѧтъ: Па́мѧть мно́жества бл҃гости твоеѧ̀ ѿры́гнꙋтъ и҆ пра́вдою твое́ю возра́дꙋютсѧ. Ще́дръ и҆ млⷭ҇тивъ гдⷭ҇ь, долготерпѣли́въ и҆ многомлⷭ҇тивъ. Бл҃гъ гдⷭ҇ь всѧ́чєскимъ, и҆ щедрѡ́ты є҆гѡ̀ на всѣ́хъ дѣ́лѣхъ є҆гѡ̀. Да и҆сповѣ́дѧтсѧ тебѣ̀, гдⷭ҇и, всѧ̑ дѣла̀ твоѧ̑, и҆ прпⷣбнїи твоѝ да бл҃гословѧ́тъ тѧ̀: Сла́вꙋ црⷭ҇твїѧ твоегѡ̀ рекꙋ́тъ и҆ си́лꙋ твою̀ возглаго́лютъ, Сказа́ти сыновѡ́мъ человѣ́чєскимъ си́лꙋ твою̀ и҆ сла́вꙋ великолѣ́пїѧ црⷭ҇твїѧ твоегѡ̀. Црⷭ҇тво твоѐ црⷭ҇тво всѣ́хъ вѣкѡ́въ, и҆ влⷣчество твоѐ во всѧ́комъ ро́дѣ и҆ ро́дѣ. Вѣ́ренъ гдⷭ҇ь во всѣ́хъ словесѣ́хъ свои́хъ и҆ прпⷣбенъ во всѣ́хъ дѣ́лѣхъ свои́хъ. Оу҆твержда́етъ гдⷭ҇ь всѧ̑ низпа́дающыѧ и҆ возставлѧ́етъ всѧ̑ низве́ржєнныѧ. Ѻ҆́чи всѣ́хъ на тѧ̀ ᲂу҆пова́ютъ, и҆ ты̀ дае́ши и҆̀мъ пи́щꙋ во бл҃говре́менїи: Ѿверза́еши ты̀ рꙋ́кꙋ твою̀ и҆ и҆сполнѧ́еши всѧ́кое живо́тно бл҃говоле́нїѧ. Првⷣнъ гдⷭ҇ь во всѣ́хъ пꙋте́хъ свои́хъ и҆ прпⷣбенъ во всѣ́хъ дѣ́лѣхъ свои́хъ. Бли́з̾ гдⷭ҇ь всѣ̑мъ призыва́ющымъ є҆го̀, всѣ̑мъ призыва́ющымъ є҆го̀ во и҆́стинѣ: Во́лю боѧ́щихсѧ є҆гѡ̀ сотвори́тъ, и҆ моли́твꙋ и҆́хъ ᲂу҆слы́шитъ, и҆ сп҃се́тъ ѧ҆̀. Храни́тъ гдⷭ҇ь всѧ̑ лю́бѧщыѧ є҆го̀, и҆ всѧ̑ грѣ́шники потреби́тъ. Хвалꙋ̀ гдⷭ҇ню возглаго́лютъ ᲂу҆ста̀ моѧ̑: и҆ да бл҃гослови́тъ всѧ́ка пло́ть и҆́мѧ ст҃о́е є҆гѡ̀ въ вѣ́къ и҆ въ вѣ́къ вѣ́ка."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ли́къ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды. Гдⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "А҆ллилꙋ́їа, а҆гге́а и҆ заха́рїи, рм҃є."
 },
 {
  "type": "TEXT",
  "value": "Х валѝ, дꙋшѐ моѧ̀, гдⷭ҇а: Восхвалю̀ гдⷭ҇а въ животѣ̀ мое́мъ, пою̀ бг҃ꙋ моемꙋ̀, до́ндеже є҆́смь. Не надѣ́йтесѧ на кнѧ̑зи, на сы́ны человѣ́чєскїѧ, въ ни́хже нѣ́сть сп҃се́нїѧ. И҆зы́детъ дꙋ́хъ є҆гѡ̀, и҆ возврати́тсѧ въ зе́млю свою̀: въ то́й де́нь поги́бнꙋтъ всѧ̑ помышлє́нїѧ є҆гѡ̀. Бл҃же́нъ, є҆мꙋ́же бг҃ъ і҆а́кѡвль помо́щникъ є҆гѡ̀, ᲂу҆пова́нїе є҆гѡ̀ на гдⷭ҇а бг҃а своего̀, Сотво́ршаго не́бо и҆ зе́млю, мо́ре, и҆ всѧ̑, ꙗ҆̀же въ ни́хъ: хранѧ́щаго и҆́стинꙋ въ вѣ́къ, Творѧ́щаго сꙋ́дъ ѡ҆би̑димымъ, даю́щаго пи́щꙋ а҆́лчꙋщымъ. Гдⷭ҇ь рѣши́тъ ѡ҆кова̑нныѧ: Гдⷭ҇ь ᲂу҆мꙋдрѧ́етъ слѣпцы̀: гдⷭ҇ь возво́дитъ низве́ржєнныѧ: гдⷭ҇ь лю́битъ првⷣники. Гдⷭ҇ь храни́тъ прише́льцы, си́ра и҆ вдовꙋ̀ прїи́метъ, и҆ пꙋ́ть грѣ́шныхъ погꙋби́тъ. Воцр҃и́тсѧ гдⷭ҇ь во вѣ́къ, бг҃ъ тво́й, сїѡ́не, въ ро́дъ и҆ ро́дъ."
 },
 {
  "type": "HEADER",
  "value": "А҆ллилꙋ́їа, рм҃ѕ."
 },
 {
  "type": "TEXT",
  "value": "Х вали́те гдⷭ҇а, ꙗ҆́кѡ бл҃гъ ѱало́мъ: бг҃ови на́шемꙋ да ᲂу҆слади́тсѧ хвале́нїе. Зи́ждай і҆ерⷭ҇ли́ма гдⷭ҇ь: разсѣ̑ѧнїѧ і҆и҃лєва собере́тъ: И҆сцѣлѧ́ѧй сокрꙋшє́нныѧ се́рдцемъ и҆ ѡ҆бѧзꙋ́ѧй сокрꙋшє́нїѧ и҆́хъ: И҆счита́ѧй мно́жество ѕвѣ́здъ, и҆ всѣ̑мъ и҆̀мъ и҆мена̀ нарица́ѧй. Ве́лїй гдⷭ҇ь на́шъ, и҆ ве́лїѧ крѣ́пость є҆гѡ̀, и҆ ра́зꙋма є҆гѡ̀ нѣ́сть числа̀. Прїе́млѧй крѡ́ткїѧ гдⷭ҇ь, смирѧ́ѧй же грѣ́шники до землѝ. Начни́те гдⷭ҇еви во и҆сповѣ́данїи, по́йте бг҃ови на́шемꙋ въ гꙋ́слехъ: Ѡ҆дѣва́ющемꙋ не́бо ѻ҆́блаки, ᲂу҆готовлѧ́ющемꙋ землѝ до́ждь: прозѧба́ющемꙋ на гора́хъ травꙋ̀ и҆ ѕла́къ на слꙋ́жбꙋ человѣ́кѡмъ: Даю́щемꙋ скотѡ́мъ пи́щꙋ и҆́хъ, и҆ птенцє́мъ вра́нѡвымъ призыва́ющымъ є҆го̀. Не въ си́лѣ ко́нстѣй восхо́щетъ, нижѐ въ лы́стѣхъ мꙋ́жескихъ бл҃говоли́тъ: Бл҃говоли́тъ гдⷭ҇ь въ боѧ́щихсѧ є҆гѡ̀ и҆ во ᲂу҆пова́ющихъ на млⷭ҇ть є҆гѡ̀."
 },
 {
  "type": "HEADER",
  "value": "А҆ллилꙋ́їа, а҆гге́а и҆ заха́рїи, рм҃з."
 },
 {
  "type": "TEXT",
  "value": "П охвалѝ, і҆ерⷭ҇ли́ме, гдⷭ҇а, хвалѝ бг҃а твоего̀, сїѡ́не: Ꙗ҆́кѡ ᲂу҆крѣпѝ верєѝ вра́тъ твои́хъ, блгⷭ҇вѝ сы́ны твоѧ̑ въ тебѣ̀. Полага́ѧй предѣ́лы твоѧ̑ ми́ръ, и҆ тꙋ́ка пшени́чна насыща́ѧй тѧ̀: Посыла́ѧй сло́во своѐ землѝ, до ско́рости тече́тъ сло́во є҆гѡ̀, Даю́щагѡ снѣ́гъ сво́й ꙗ҆́кѡ во́лнꙋ, мглꙋ̀ ꙗ҆́кѡ пе́пелъ посыпа́ющагѡ, Мета́ющагѡ го́лоть сво́й ꙗ҆́кѡ хлѣ́бы: проти́вꙋ лица̀ мра́за є҆гѡ̀ кто̀ постои́тъ; По́слетъ сло́во своѐ, и҆ и҆ста́етъ ѧ҆̀: дхне́тъ дꙋ́хъ є҆гѡ̀, и҆ потекꙋ́тъ во́ды. Возвѣща́ѧй сло́во своѐ і҆а́кѡвꙋ, ѡ҆правда̑нїѧ и҆ сꙋдьбы̑ своѧ̑ і҆и҃леви: Не сотворѝ та́кѡ всѧ́комꙋ ꙗ҆зы́кꙋ, и҆ сꙋдьбы̑ своѧ̑ не ꙗ҆вѝ и҆̀мъ."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ли́къ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды. Гдⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "А҆ллилꙋ́їа, а҆гге́а и҆ заха́рїи, рм҃и."
 },
 {
  "type": "TEXT",
  "value": "Х вали́те гдⷭ҇а съ нб҃съ, хвали́те є҆го̀ въ вы́шнихъ. Хвали́те є҆го̀ всѝ а҆́гг҃ли є҆гѡ̀: хвали́те є҆го̀, всѧ̑ си̑лы є҆гѡ̀. Хвали́те є҆го̀, со́лнце и҆ лꙋна̀: хвали́те є҆го̀ всѧ̑ ѕвѣ́зды и҆ свѣ́тъ. Хвали́те є҆го̀, нб҃са̀ нб҃съ и҆ вода̀, ꙗ҆́же превы́ше небе́съ. Да восхва́лѧтъ и҆́мѧ гдⷭ҇не: ꙗ҆́кѡ то́й речѐ, и҆ бы́ша: то́й повелѣ̀, и҆ созда́шасѧ. Поста́ви ѧ҆̀ въ вѣ́къ и҆ въ вѣ́къ вѣ́ка: повелѣ́нїе положѝ, и҆ не ми́мѡ и҆́детъ. Хвали́те гдⷭ҇а ѿ землѝ, ѕмі́евє и҆ всѧ̑ бє́здны: Ѻ҆́гнь, гра́дъ, снѣ́гъ, го́лоть, дꙋ́хъ бꙋ́ренъ, творѧ̑щаѧ сло́во є҆гѡ̀: Го́ры и҆ всѝ хо́лми, древа̀ плодонѡ́сна и҆ всѝ ке́дри: Ѕвѣ́рїе и҆ всѝ ско́ти, га́ди и҆ пти̑цы перна̑ты: Ца́рїе зе́мстїи и҆ всѝ лю́дїе, кнѧ̑зи и҆ всѝ сꙋдїи̑ зе́мстїи: Ю҆́нѡши и҆ дѣ̑вы, ста́рцы съ ю҆́нотами. Да восхва́лѧтъ и҆́мѧ гдⷭ҇не: ꙗ҆́кѡ вознесе́сѧ и҆́мѧ тогѡ̀ є҆ди́нагѡ, и҆сповѣ́данїе є҆гѡ̀ на землѝ и҆ на нб҃сѝ. И҆ вознесе́тъ ро́гъ люде́й свои́хъ: пѣ́снь всѣ̑мъ прпⷣбнымъ є҆гѡ̀, сыновѡ́мъ і҆и҃лєвымъ, лю́демъ приближа́ющымсѧ є҆мꙋ̀."
 },
 {
  "type": "HEADER",
  "value": "А҆ллилꙋ́їа, рм҃ѳ."
 },
 {
  "type": "TEXT",
  "value": "В оспо́йте гдⷭ҇еви пѣ́снь но́вꙋ: хвале́нїе є҆гѡ̀ въ цр҃кви прпⷣбныхъ. Да возвесели́тсѧ і҆и҃ль ѡ҆ сотво́ршемъ є҆го̀, и҆ сы́нове сїѡ́ни возра́дꙋютсѧ ѡ҆ цр҃ѝ свое́мъ. Да восхва́лѧтъ и҆́мѧ є҆гѡ̀ въ ли́цѣ, въ тѷмпа́нѣ и҆ ѱалти́ри да пою́тъ є҆мꙋ̀. Ꙗ҆́кѡ бл҃говоли́тъ гдⷭ҇ь въ лю́дехъ свои́хъ, и҆ вознесе́тъ крѡ́ткїѧ во сп҃се́нїе. Восхва́лѧтсѧ прпⷣбнїи во сла́вѣ и҆ возра́дꙋютсѧ на ло́жахъ свои́хъ. Возношє́нїѧ бж҃їѧ въ горта́ни и҆́хъ, и҆ мечѝ ѻ҆бою́дꙋ ѻ҆стры̀ въ рꙋка́хъ и҆́хъ: Сотвори́ти ѿмще́нїе во ꙗ҆зы́цѣхъ, ѡ҆бличє́нїѧ въ лю́дехъ: Свѧза́ти царѝ и҆́хъ пꙋ́ты, и҆ сла̑вныѧ и҆́хъ рꙋчны́ми ѻ҆кѡ́вы желѣ́зными: Сотвори́ти въ ни́хъ сꙋ́дъ напи́санъ. Сла́ва сїѧ̀ бꙋ́детъ всѣ̑мъ прпⷣбнымъ є҆гѡ̀."
 },
 {
  "type": "HEADER",
  "value": "А҆ллилꙋ́їа, р҃н."
 },
 {
  "type": "TEXT",
  "value": "Х вали́те бг҃а во ст҃ы́хъ є҆гѡ̀, хвали́те є҆го̀ во ᲂу҆тверже́нїи си́лы є҆гѡ̀: Хвали́те є҆го̀ на си́лахъ є҆гѡ̀, хвали́те є҆го̀ по мно́жествꙋ вели́чествїѧ є҆гѡ̀: Хвали́те є҆го̀ во гла́сѣ трꙋ́бнѣмъ, хвали́те є҆го̀ во ѱалти́ри и҆ гꙋ́слехъ: Хвали́те є҆го̀ въ тѷмпа́нѣ и҆ ли́цѣ, хвали́те є҆го̀ во стрꙋ́нахъ и҆ ѻ҆рга́нѣ: Хвали́те є҆го̀ въ кѷмва́лѣхъ доброгла́сныхъ, хвали́те є҆го̀ въ кѷмва́лѣхъ восклица́нїѧ. Всѧ́кое дыха́нїе да хва́литъ гдⷭ҇а."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды. Гдⷭ҇и поми́лꙋй, три́жды."
 },
 {
  "type": "TEXT",
  "value": "По каѳі́смѣ сщ҃е́нникъ глаго́летъ:"
 },
 {
  "type": "HEADER",
  "value": "Настоѧ́щїй тропа́рь, во гла́съ в҃:"
 },
 {
  "type": "TEXT",
  "value": "И҆́ же въ шесты́й де́нь же и҆ ча́съ, / на крⷭ҇тѣ̀ пригвожде́й / въ раѝ дерзнове́нный а҆да́мовъ грѣ́хъ, / и҆ согрѣше́нїй на́шихъ рꙋкописа́нїе раздерѝ / хрⷭ҇тѐ бж҃е, и҆ сп҃сѝ на́съ. [Покло́нъ вели́кїй.]"
 },
 {
  "type": "TEXT",
  "value": "Сті́хъ а҃: Внꙋшѝ бж҃е, мл҃твꙋ мою̀, и҆ не пре́зри моле́нїѧ моегѡ̀. [Покло́нъ вели́кїй.]"
 },
 {
  "type": "TEXT",
  "value": "Сті́хъ в҃: А҆́зъ къ бг҃ꙋ воззва́хъ, и҆ гдⷭ҇ь ᲂу҆слы́ша мѧ̀. [Покло́нъ вели́кїй.]"
 },
 {
  "type": "TEXT",
  "value": "Сщ҃е́нникъ: Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ꙗ҆́ кѡ не и҆́мамы дерзнове́нїѧ за премнѡ́гїѧ грѣхѝ на́шѧ, ты̀ и҆́же ѿ тебѐ ро́ждшагосѧ молѝ бцⷣе дв҃о: мно́гѡ бо мо́жетъ моле́нїе мт҃рнее ко бл҃госе́рдїю влⷣки. не пре́зри грѣ́шныхъ мольбы̑ всечⷭ҇таѧ, ꙗ҆́кѡ млⷭ҇тивъ є҆́сть, и҆ сп҃стѝ могі́й, и҆́же и҆ страда́ти ѡ҆ на́съ и҆зво́ливый."
 },
 {
  "type": "TEXT",
  "value": "Та́же чте́цъ:"
 },
 {
  "type": "HEADER",
  "value": "Тропа́рь прⷪ҇ро́чества, гла́съ и҃:"
 },
 {
  "type": "TEXT",
  "value": "Д не́сь лꙋка́вое собра́сѧ со́нмище, / и҆ на тѧ̀ тщє́тнаѧ поꙋчи́шасѧ. / дне́сь ѿ согла́сїѧ ᲂу҆давле́нїе і҆ꙋ́да ѡ҆брꙋча́етъ, / каїа́фа же нево́лею и҆сповѣ́дꙋетъ: / ꙗ҆́кѡ є҆ди́нъ за всѣ́хъ воспрїе́млеши сме́рть во́лею, / и҆зба́вителю на́шъ хрⷭ҇тѐ бж҃е, сла́ва тебѣ̀."
 },
 {
  "type": "TEXT",
  "value": "Сла́ва, и҆ ны́нѣ, то́йже."
 },
 {
  "type": "TEXT",
  "value": "Сщ҃е́нникъ: Во́нмемъ."
 },
 {
  "type": "TEXT",
  "value": "Чте́цъ: Прокі́менъ, ѱало́мъ рл҃г, гла́съ д҃: Бл҃гослови́тъ тѧ̀ гдⷭ҇ь ѿ сїѡ́на, / сотвори́вый нб҃о и҆ зе́млю. Сті́хъ: Сѐ ны́нѣ бл҃гослови́те гдⷭ҇а всѝ рабѝ гдⷭ҇ни."
 },
 {
  "type": "TEXT",
  "value": "Сщ҃е́нникъ: Премꙋ́дрость."
 },
 {
  "type": "TEXT",
  "value": "Чте́цъ: Прⷪ҇ро́чества і҆езекі́илева чте́нїе. [Глава̀ в҃, ст. г҃-і҃, глава̀ г҃, ст. а҃-г҃.]"
 },
 {
  "type": "TEXT",
  "value": "Сщ҃е́нникъ: Во́нмемъ."
 },
 {
  "type": "TEXT",
  "value": "Чте́цъ: Речѐ гдⷭ҇ь ко мнѣ̀: сы́не человѣ́чь, послю́ тѧ а҆́зъ къ до́мꙋ і҆и҃левꙋ, ѡ҆горчева́ющымъ мѧ̀, и҆̀же ѡ҆горчи́ша мѧ̀, са́ми и҆ ѻ҆тцы̀ и҆́хъ ѿверго́шасѧ менѐ до дне́шнѧгѡ днѐ. и҆ сы́нове жестоколи́чнїи, и҆ твердосерде́чнїи: а҆́зъ послю́ тѧ къ тѣ̑мъ, и҆ рече́ши къ ни̑мъ: та́кѡ глаго́летъ а҆дѡнаі̀ гдⷭ҇ь. а҆́ще ᲂу҆́бѡ ᲂу҆слы́шатъ и҆лѝ ᲂу҆боѧ́тсѧ: занѐ до́мъ ѡ҆горчева́ѧй є҆́сть, и҆ позна́ютъ, ꙗ҆́кѡ прⷪ҇ро́къ є҆сѝ ты̀ посредѣ̀ и҆̀хъ. и҆ ты̀ сы́не человѣ́чь, да не ᲂу҆бои́шисѧ и҆́хъ, ни ᲂу҆жаса́йсѧ ѿ лица̀ и҆́хъ: занѐ разсвирѣ́пѣютъ и҆ ѡ҆бы́дꙋтъ тѧ̀ ѻ҆́крестъ, посреди́ бо скорпі́євъ ты̀ живе́ши: слове́съ и҆́хъ не ᲂу҆бо́йсѧ, и҆ ѿ лица̀ и҆́хъ не ᲂу҆жаса́йсѧ, занѐ до́мъ ѡ҆горчева́ѧй є҆́сть. и҆ возглаго́леши словеса̀ моѧ̑ къ ни̑мъ: а҆́ще ᲂу҆́бѡ ᲂу҆слы́шатъ, и҆лѝ ᲂу҆боѧ́тсѧ, занѐ до́мъ прогнѣ́ваѧй є҆́сть. и҆ ты̀ сы́не человѣ́чь послꙋ́шай глаго́лющагѡ къ тебѣ̀, не бꙋ́ди ѡ҆горчева́ѧй, ꙗ҆́коже до́мъ преѡгорчева́ѧй: ѿве́рзи ᲂу҆ста̀ твоѧ̑, и҆ снѣ́ждь, ꙗ҆́же а҆́зъ даю̀ тебѣ̀. и҆ ви́дѣхъ, и҆ сѐ рꙋка̀ просте́рта ко мнѣ̀, и҆ въ не́й сви́токъ кни́жный. и҆ развѝ є҆го̀ предо мно́ю, и҆ въ то́мъ пи̑сана бы́ша прє́днѧѧ и҆ за̑днѧѧ: и҆ впи́сано бѧ́ше въ не́мъ рыда́нїе, и҆ жа́лость, и҆ го́ре. и҆ речѐ ко мнѣ̀: сы́не человѣ́чь, снѣ́ждь сви́токъ се́й, и҆ и҆дѝ, и҆ рцы̀ сынѡ́мъ і҆и҃лєвымъ. и҆ ѿверзо́хъ ᲂу҆ста̀ моѧ̑, и҆ напита́ мѧ сви́ткомъ си́мъ. и҆ речѐ ко мнѣ̀: сы́не человѣ́чь, ᲂу҆ста̀ твоѧ̑ снѣдѧ́тъ, и҆ чре́во твоѐ насы́титсѧ сви́тка сегѡ̀ да́ннагѡ тебѣ̀: и҆ снѣдо́хъ є҆го̀, и҆ бы́сть во ᲂу҆стѣ́хъ мои́хъ ꙗ҆́кѡ ме́дъ сла́докъ."
 },
 {
  "type": "TEXT",
  "value": "Сщ҃е́нникъ: Во́нмемъ."
 },
 {
  "type": "TEXT",
  "value": "Чте́цъ: Прокі́менъ, ѱало́мъ рл҃д, гла́съ ѕ҃: Боѧ́щїисѧ гдⷭ҇а, / бл҃гослови́те гдⷭ҇а. Сті́хъ: Хвали́те и҆́мѧ гдⷭ҇не, хвали́те рабѝ гдⷭ҇а."
 },
 {
  "type": "TEXT",
  "value": "Сщ҃е́нникъ кади́тъ є҆ѵⷢ҇лїе. И҆ чте́тсѧ є҆ѵⷢ҇лїе по предпи́санномꙋ чи́нꙋ."
 },
 {
  "type": "TEXT",
  "value": "По чте́нїи же чте́цъ глаго́летъ:"
 },
 {
  "type": "TEXT",
  "value": "С ко́рѡ да предварѧ́тъ ны̀ щедрѡ́ты твоѧ̑ гдⷭ҇и, / ꙗ҆́кѡ ѡ҆бнища́хомъ ѕѣлѡ̀: / помозѝ на́мъ бж҃е сп҃се на́шъ, / сла́вы ра́ди и҆́мене твоегѡ̀ гдⷭ҇и, и҆зба́ви на́съ, / и҆ ѡ҆чи́сти грѣхѝ на́шѧ, и҆́мене ра́ди твоегѡ̀."
 },
 {
  "type": "TEXT",
  "value": "Та́же, Ст҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. Три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "Конда́къ вели́кїѧ среды̀, гла́съ д҃. Подо́бенъ: Вознесы́йсѧ:"
 },
 {
  "type": "TEXT",
  "value": "П а́че блꙋдни́цы бла́же, беззако́нновавъ, / сле́зъ тꙋ́чы ника́коже тебѣ̀ принесо́хъ: / но молча́нїемъ молѧ́сѧ припа́даю тѝ, / любо́вїю ѡ҆блобыза́ѧ пречⷭ҇тѣи твоѝ но́зѣ, / ꙗ҆́кѡ да ѡ҆ставле́нїе мнѣ̀ ꙗ҆́кѡ влⷣка пода́си долгѡ́въ, / зовꙋ́щꙋ тѝ сп҃се: / ѿ скве́рныхъ дѣ́лъ мои́хъ и҆зба́ви мѧ̀."
 },
 {
  "type": "TEXT",
  "value": "Г дⷭ҇и поми́лꙋй, м҃."
 },
 {
  "type": "TEXT",
  "value": "И҆́ же на всѧ́кое вре́мѧ, и҆ на всѧ́кїй ча́съ, на нб҃сѝ и҆ на землѝ, покланѧ́емый и҆ сла́вимый хрⷭ҇тѐ бж҃е, долготерпѣли́ве, многоми́лостиве, многобл҃гоꙋтро́бне, и҆́же пра́вєдныѧ любѧ́й, и҆ грѣ̑шныѧ ми́лꙋѧй, и҆́же всѧ̑ зовы́й ко спасе́нїю ѡ҆бѣща́нїѧ ра́ди бꙋ́дꙋщихъ бла̑гъ: са́мъ гдⷭ҇и, прїимѝ и҆ на́шѧ въ ча́съ се́й моли̑твы, и҆ и҆спра́ви живо́тъ на́шъ къ за́повѣдемъ твои̑мъ, дꙋ́шы на́шѧ ѡ҆свѧтѝ, тѣлеса̀ ѡ҆чи́сти, помышлє́нїѧ и҆спра́ви, мы̑сли ѡ҆чи́сти, и҆ и҆зба́ви на́съ ѿ всѧ́кїѧ ско́рби, ѕѡ́лъ и҆ болѣ́зней. ѡ҆градѝ на́съ свѧты́ми твои́ми а҆́гг҃лы, да ѡ҆полче́нїемъ и҆́хъ соблюда́еми и҆ наставлѧ́еми, дости́гнемъ въ соедине́нїе вѣ́ры, и҆ въ ра́зꙋмъ непристꙋ́пныѧ твоеѧ̀ сла́вы: ꙗ҆́кѡ бл҃гослове́нъ є҆сѝ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Посе́мъ: Гдⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Чⷭ҇ тнѣ́йшꙋю херꙋві̑мъ, и҆ сла́внѣйшꙋю без̾ сравне́нїѧ серафі̑мъ, без̾ и҆стлѣ́нїѧ бг҃а сло́ва ро́ждшꙋю, сꙋ́щꙋю бцⷣꙋ тѧ̀ велича́емъ."
 },
 {
  "type": "TEXT",
  "value": "И҆́ менемъ гдⷭ҇нимъ бл҃гословѝ, ѻ҆́тче."
 },
 {
  "type": "TEXT",
  "value": "Сщ҃е́нникъ возгла́съ: Бж҃е, ᲂу҆ще́дри ны̀, и҆ бл҃гословѝ ны̀, просвѣтѝ лицѐ твоѐ на ны̀, и҆ поми́лꙋй ны̀."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "И҆ глаго́летъ сщ҃е́нникъ мл҃твꙋ прпⷣбнагѡ є҆фре́ма:"
 },
 {
  "type": "TEXT",
  "value": "Г дⷭ҇и и҆ влⷣко живота̀ моегѡ̀, дꙋ́хъ пра́здности, ᲂу҆ны́нїѧ, любонача́лїѧ и҆ праздносло́вїѧ не да́ждь мѝ. [Покло́нъ вели́кїй.]"
 },
 {
  "type": "TEXT",
  "value": "Д х҃ъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ да́рꙋй мѝ рабꙋ̀ твоемꙋ̀. [Покло́нъ вели́кїй.]"
 },
 {
  "type": "TEXT",
  "value": "Є҆́ й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ. А҆ми́нь. [Покло́нъ вели́кїй.]"
 },
 {
  "type": "TEXT",
  "value": "Та́же ма́лыхъ покло́нѡвъ в҃і, глаго́люще себѣ̀ вта́й на кі́йждо покло́нъ: Бж҃е, ѡ҆чи́сти мѧ̀ грѣ́шнаго."
 },
 {
  "type": "TEXT",
  "value": "И҆ па́ки, сконча́въ покло́ны, глаго́лемъ мл҃твꙋ всю̀ вышепи́саннꙋю: Г дⷭ҇и и҆ влⷣко живота̀ моегѡ̀: И҆ покло́нъ є҆ди́нъ вели́кїй."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "Та́же мл҃тва ст҃а́гѡ вели́кагѡ васі́лїа:"
 },
 {
  "type": "TEXT",
  "value": "Б ж҃е и҆ гдⷭ҇и си́лъ, и҆ всеѧ̀ тва́ри содѣ́телю, и҆́же за млⷭ҇рдїе безприкла́дныѧ млⷭ҇ти твоеѧ̀, є҆диноро́днаго сн҃а твоего̀, гдⷭ҇а на́шего і҆и҃са хрⷭ҇та̀, низпосла́вый на сп҃се́нїе ро́да на́шегѡ, и҆ чⷭ҇тны́мъ є҆гѡ̀ крⷭ҇то́мъ рꙋкописа́нїе грѣ̑хъ на́шихъ растерза́вый, и҆ побѣди́вый тѣ́мъ нача̑ла и҆ вла̑сти тьмы̀: са́мъ влⷣко чл҃вѣколю́бче, прїимѝ и҆ на́съ грѣ́шныхъ бл҃года́рствєнныѧ сїѧ̑ и҆ молє́бныѧ мл҃твы, и҆ и҆зба́ви на́съ ѿ всѧ́кагѡ всегꙋби́тельнагѡ и҆ мра́чнагѡ прегрѣше́нїѧ, и҆ всѣ́хъ ѡ҆ѕло́бити на́съ и҆́щꙋщихъ, ви́димыхъ и҆ неви́димыхъ вра̑гъ. пригвоздѝ стра́хꙋ твоемꙋ̀ плѡ́ти на́шѧ, и҆ не ᲂу҆клонѝ серде́цъ на́шихъ въ словеса̀ и҆лѝ помышлє́нїѧ лꙋка́вствїѧ: но любо́вїю твое́ю ᲂу҆ѧзвѝ дꙋ́шы на́шѧ, да къ тебѣ̀ всегда̀ взира́юще, и҆ є҆́же ѿ тебѐ свѣ́томъ наставлѧ́еми, тебѐ непристꙋ́пнаго и҆ присносꙋ́щнаго зрѧ́ще свѣ́та, непреста́нное тебѣ̀ и҆сповѣ́данїе и҆ бл҃годаре́нїе возсыла́емъ, безнача́льномꙋ ѻ҆ц҃ꙋ̀ со є҆диноро́днымъ твои́мъ сн҃омъ, и҆ всест҃ы́мъ, и҆ бл҃ги́мъ, и҆ животворѧ́щимъ твои́мъ дх҃омъ, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь."
 },
 {
  "type": "HEADER",
  "value": "Ча́съ девѧ́тый."
 },
 {
  "type": "TEXT",
  "value": "П рїиди́те, поклони́мсѧ цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ хрⷭ҇тꙋ̀, цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ самомꙋ̀ хрⷭ҇тꙋ̀, цр҃е́ви и҆ бг҃ꙋ на́шемꙋ."
 },
 {
  "type": "TEXT",
  "value": "Та́же ѱалмы̀:"
 },
 {
  "type": "HEADER",
  "value": "Ѱало́мъ п҃г."
 },
 {
  "type": "TEXT",
  "value": "К о́ль возлю́блєнна селє́нїѧ твоѧ̑, гдⷭ҇и си́лъ; Жела́етъ и҆ скончава́етсѧ дꙋша̀ моѧ̀ во дворы̀ гдⷭ҇ни. се́рдце моѐ и҆ пло́ть моѧ̀ возра́довастасѧ ѡ҆ бз҃ѣ жи́вѣ. и҆́бо пти́ца ѡ҆брѣ́те себѣ̀ хра́минꙋ, и҆ го́рлица гнѣздо̀ себѣ̀, и҆дѣ́же положи́тъ птенцы̀ своѧ̑: ѻ҆лтарѝ твоѧ̑ гдⷭ҇и си́лъ, цр҃ю̀ мо́й и҆ бж҃е мо́й. бл҃же́ни живꙋ́щїи въ домꙋ̀ твое́мъ, въ вѣ́ки вѣкѡ́въ восхва́лѧтъ тѧ̀. бл҃же́нъ мꙋ́жъ, є҆мꙋ́же є҆́сть застꙋпле́нїе є҆гѡ̀ ᲂу҆ тебѐ, восхождє́нїѧ въ се́рдцѣ свое́мъ положѝ. во ю҆до́ль плаче́внꙋю, въ мѣ́сто є҆́же положѝ: и҆́бо бл҃гослове́нїе да́стъ законополага́ѧй. по́йдꙋтъ ѿ си́лы въ си́лꙋ, ꙗ҆ви́тсѧ бг҃ъ богѡ́въ въ сїѡ́нѣ. гдⷭ҇и бж҃е си́лъ, ᲂу҆слы́ши мл҃твꙋ мою̀, внꙋшѝ бж҃е і҆а́кѡвль. защи́тниче на́шъ ви́ждь бж҃е, и҆ при́зри на лицѐ хрїста̀ твоегѡ̀. ꙗ҆́кѡ лꙋ́чше де́нь є҆ди́нъ во дво́рѣхъ твои́хъ па́че ты́сѧщъ. и҆зво́лихъ примета́тисѧ въ домꙋ̀ бг҃а моегѡ̀ па́че, не́же жи́ти мѝ въ селе́нїихъ грѣ́шничихъ. ꙗ҆́кѡ млⷭ҇ть и҆ и҆́стинꙋ лю́битъ гдⷭ҇ь, бг҃ъ бл҃года́ть и҆ сла́вꙋ да́стъ. гдⷭ҇ь не лиши́тъ бл҃ги́хъ, ходѧ́щихъ неѕло́бїемъ. гдⷭ҇и бж҃е си́лъ, бл҃же́нъ человѣ́къ ᲂу҆пова́ѧй на тѧ̀."
 },
 {
  "type": "HEADER",
  "value": "Ѱало́мъ п҃д."
 },
 {
  "type": "TEXT",
  "value": "Б л҃говоли́лъ є҆сѝ гдⷭ҇и землю̀ твою̀, возврати́лъ є҆сѝ плѣ́нъ і҆а́кѡвль. ѡ҆ста́вилъ є҆сѝ беззакѡ́нїѧ люде́й твои́хъ, покры́лъ є҆сѝ всѧ̑ грѣхѝ и҆́хъ. ᲂу҆кроти́лъ є҆сѝ ве́сь гнѣ́въ тво́й, возврати́лсѧ є҆сѝ ѿ гнѣ́ва ꙗ҆́рости твоеѧ̀. возвратѝ на́съ бж҃е сп҃се́нїй на́шихъ, и҆ ѿвратѝ ꙗ҆́рость твою̀ ѿ на́съ. є҆да̀ во вѣ́ки прогнѣ́ваешисѧ на ны̀; и҆лѝ простре́ши гнѣ́въ тво́й ѿ ро́да въ ро́дъ; бж҃е, ты̀ ѡ҆бра́щьсѧ ѡ҆живи́ши ны̀, и҆ лю́дїе твоѝ возвеселѧ́тсѧ ѡ҆ тебѣ̀. ꙗ҆вѝ на́мъ гдⷭ҇и млⷭ҇ть твою̀, и҆ сп҃се́нїе твоѐ да́ждь на́мъ. ᲂу҆слы́шꙋ, что̀ рече́тъ ѡ҆ мнѣ̀ гдⷭ҇ь бг҃ъ: ꙗ҆́кѡ рече́тъ ми́ръ на лю́ди своѧ̑, и҆ на прпⷣбныѧ своѧ̑, и҆ на ѡ҆браща́ющыѧ сердца̀ къ немꙋ̀. ѻ҆ба́че бли́зъ боѧ́щихсѧ є҆гѡ̀ сп҃се́нїе є҆гѡ̀, всели́ти сла́вꙋ въ зе́млю на́шꙋ. млⷭ҇ть и҆ и҆́стина срѣто́стѣсѧ, пра́вда и҆ ми́ръ ѡ҆блобыза́стасѧ. и҆́стина ѿ землѝ возсїѧ̀, и҆ пра́вда съ нб҃сѐ прини́че. и҆́бо гдⷭ҇ь да́стъ бл҃гость, и҆ землѧ̀ на́ша да́стъ пло́дъ сво́й. пра́вда пред̾ ни́мъ пред̾и́детъ, и҆ положи́тъ въ пꙋ́ть стѡпы̀ своѧ̑."
 },
 {
  "type": "HEADER",
  "value": "Ѱало́мъ п҃є."
 },
 {
  "type": "TEXT",
  "value": "П риклонѝ гдⷭ҇и ᲂу҆́хо твоѐ, и҆ ᲂу҆слы́ши мѧ̀, ꙗ҆́кѡ ни́щъ и҆ ᲂу҆бо́гъ є҆́смь а҆́зъ. сохранѝ дꙋ́шꙋ мою̀, ꙗ҆́кѡ прпⷣбенъ є҆́смь: сп҃сѝ раба̀ твоего̀ бж҃е мо́й, ᲂу҆пова́ющаго на тѧ̀. поми́лꙋй мѧ̀ гдⷭ҇и, ꙗ҆́кѡ къ тебѣ̀ воззовꙋ̀ ве́сь де́нь. возвеселѝ дꙋ́шꙋ раба̀ твоегѡ̀, ꙗ҆́кѡ къ тебѣ̀ взѧ́хъ дꙋ́шꙋ мою̀. ꙗ҆́кѡ ты̀ гдⷭ҇и, бл҃гъ и҆ кро́токъ, и҆ многомлⷭ҇тивъ всѣ̑мъ призыва́ющымъ тѧ̀. внꙋшѝ гдⷭ҇и мл҃твꙋ мою̀, и҆ вонмѝ гла́сꙋ моле́нїѧ моегѡ̀. въ де́нь ско́рби моеѧ̀ воззва́хъ къ тебѣ̀, ꙗ҆́кѡ ᲂу҆слы́шалъ мѧ̀ є҆сѝ. нѣ́сть подо́бенъ тебѣ̀ въ бозѣ́хъ гдⷭ҇и, и҆ нѣ́сть по дѣлѡ́мъ твои̑мъ. всѝ ꙗ҆зы́цы, є҆ли́ки сотвори́лъ є҆сѝ, прїи́дꙋтъ и҆ покло́нѧтсѧ пред̾ тобо́ю гдⷭ҇и, и҆ просла́вѧтъ и҆́мѧ твоѐ: ꙗ҆́кѡ ве́лїй є҆сѝ ты̀, и҆ творѧ́й чꙋдеса̀, ты̀ є҆сѝ бг҃ъ є҆ди́нъ. наста́ви мѧ̀ гдⷭ҇и, на пꙋ́ть тво́й, и҆ пойдꙋ̀ во и҆́стинѣ твое́й: да возвесели́тсѧ се́рдце моѐ, боѧ́тисѧ и҆́мене твоегѡ̀. и҆сповѣ́мсѧ тебѣ̀ гдⷭ҇и бж҃е мо́й, всѣ́мъ се́рдцемъ мои́мъ, и҆ просла́влю и҆́мѧ твоѐ въ вѣ́къ. ꙗ҆́кѡ млⷭ҇ть твоѧ̀ ве́лїѧ на мнѣ̀, и҆ и҆зба́вилъ є҆сѝ дꙋ́шꙋ мою̀ ѿ а҆́да преиспо́днѣйшагѡ. бж҃е законопрестꙋ̑пницы воста́ша на мѧ̀, и҆ со́нмъ держа́вныхъ взыска́ша дꙋ́шꙋ мою̀, и҆ не предложи́ша тебѐ пред̾ собо́ю. и҆ ты̀ гдⷭ҇и бж҃е мо́й ще́дрый и҆ млⷭ҇тивый долготерпѣли́вый и҆ многомлⷭ҇тивый, и҆ и҆́стинный: при́зри на мѧ̀, и҆ поми́лꙋй мѧ̀: да́ждь держа́вꙋ твою̀ ѻ҆́трокꙋ твоемꙋ̀, и҆ сп҃сѝ сы́на рабы̀ твоеѧ̀. сотворѝ со мно́ю зна́менїе во бл҃го: и҆ да ви́дѧтъ ненави́дѧщїи мѧ̀, и҆ постыдѧ́тсѧ, ꙗ҆́кѡ ты̀ гдⷭ҇и помо́глъ мѝ, и҆ ᲂу҆тѣ́шилъ мѧ̀ є҆сѝ."
 },
 {
  "type": "TEXT",
  "value": "И҆ па́ки: Сотворѝ со мно́ю зна́менїе во бл҃го: и҆ да ви́дѧтъ ненави́дѧщїи мѧ̀, и҆ постыдѧ́тсѧ, ꙗ҆́кѡ ты̀ гдⷭ҇и помо́глъ мѝ, и҆ ᲂу҆тѣ́шилъ мѧ̀ є҆сѝ."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "А҆ ллилꙋ́їѧ, а҆ллилꙋ́їа, а҆ллилꙋ́їа, сла́ва тебѣ̀ бж҃е. три́жды."
 },
 {
  "type": "TEXT",
  "value": "Г дⷭ҇и поми́лꙋй, три́жды."
 },
 {
  "type": "TEXT",
  "value": "По триѱа́лмїи пое́тсѧ ѿ сщ҃е́нника:"
 },
 {
  "type": "HEADER",
  "value": "Настоѧ́щїй тропа́рь, во гла́съ и҃:"
 },
 {
  "type": "TEXT",
  "value": "И҆́ же въ девѧ́тый ча́съ / на́съ ра́ди пло́тїю сме́рть вкꙋси́вый, / ᲂу҆мертвѝ пло́ти на́шеѧ мꙋдрова́нїе / хрⷭ҇тѐ бж҃е, и҆ сп҃сѝ на́съ. [Покло́нъ вели́кїй.]"
 },
 {
  "type": "TEXT",
  "value": "Сті́хъ а҃: Да прибли́житсѧ мл҃тва моѧ̀ пред̾ тѧ̀ гдⷭ҇и, по словесѝ твоемꙋ̀ вразꙋми́ мѧ. [Покло́нъ вели́кїй.]"
 },
 {
  "type": "TEXT",
  "value": "Сті́хъ в҃: Да вни́детъ проше́нїе моѐ пред̾ тѧ̀ гдⷭ҇и, по словесѝ твоемꙋ̀ и҆зба́ви мѧ̀. [Покло́нъ вели́кїй.]"
 },
 {
  "type": "TEXT",
  "value": "Сщ҃е́нникъ: Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Чте́цъ: И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "И҆́ же на́съ ра́ди рожде́йсѧ ѿ дв҃ы, / и҆ распѧ́тїе претерпѣ́въ бл҃гі́й, / и҆спрове́ргїй сме́ртїю сме́рть, и҆ воскрⷭ҇нїе ꙗ҆вле́й ꙗ҆́кѡ бг҃ъ, / не пре́зри, ꙗ҆̀же созда́лъ є҆сѝ рꙋко́ю твое́ю: / ꙗ҆вѝ чл҃вѣколю́бїе твоѐ млⷭ҇тиве, / прїимѝ ро́ждшꙋю тѧ̀ бцⷣꙋ молѧ́щꙋюсѧ за ны̀, / и҆ сп҃сѝ сп҃се на́шъ, лю́ди ѿча̑ѧнныѧ."
 },
 {
  "type": "TEXT",
  "value": "Сщ҃е́нникъ же є҆ѵⷢ҇лїе кади́тъ, и҆ хра́мъ ве́сь, и҆ бра́тїю: И҆ та́кѡ чте́тъ є҆ѵⷢ҇лїе. По сконча́нїи же чте́нїѧ чте́цъ глаго́летъ:"
 },
 {
  "type": "TEXT",
  "value": "Н е преда́ждь на́съ до конца̀, и҆́мене твоегѡ̀ ра́ди, / и҆ не разорѝ завѣ́та твоегѡ̀, / и҆ не ѿста́ви млⷭ҇ти твоеѧ̀ ѿ на́съ, / а҆враа́ма ра́ди возлю́бленнагѡ ѿ тебѐ, / и҆ за і҆саа́ка раба̀ твоего̀, / и҆ і҆и҃лѧ ст҃а́го твоего̀."
 },
 {
  "type": "TEXT",
  "value": "Та́же, Ст҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. Три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "Конда́къ вели́кїѧ среды̀, гла́съ д҃. Подо́бенъ: Вознесы́йсѧ:"
 },
 {
  "type": "TEXT",
  "value": "П а́че блꙋдни́цы бла́же, беззако́нновавъ, / сле́зъ тꙋ́чы ника́коже тебѣ̀ принесо́хъ: / но молча́нїемъ молѧ́сѧ припа́даю тѝ, / любо́вїю ѡ҆блобыза́ѧ пречⷭ҇тѣи твоѝ но́зѣ, / ꙗ҆́кѡ да ѡ҆ставле́нїе мнѣ̀ ꙗ҆́кѡ влⷣка пода́си долгѡ́въ, / зовꙋ́щꙋ тѝ сп҃се: / ѿ скве́рныхъ дѣ́лъ мои́хъ и҆зба́ви мѧ̀."
 },
 {
  "type": "TEXT",
  "value": "Г дⷭ҇и поми́лꙋй, м҃."
 },
 {
  "type": "TEXT",
  "value": "И҆́ же на всѧ́кое вре́мѧ, и҆ на всѧ́кїй ча́съ, на нб҃сѝ и҆ на землѝ покланѧ́емый и҆ сла́вимый хрⷭ҇тѐ бж҃е, долготерпѣли́ве, многомлⷭ҇тиве, многобл҃гоꙋтро́бне, и҆́же пра́вєдныѧ любѧ́й, и҆ грѣ̑шныѧ ми́лꙋѧй, и҆́же всѧ̑ зовы́й ко сп҃се́нїю ѡ҆бѣща́нїѧ ра́ди бꙋ́дꙋщихъ бла̑гъ: са́мъ гдⷭ҇и, прїимѝ и҆ на́шѧ въ ча́съ се́й мл҃твы, и҆ и҆спра́ви живо́тъ на́шъ къ за́повѣдемъ твои̑мъ: дꙋ́шы на́шѧ ѡ҆свѧтѝ, тѣлеса̀ ѡ҆чи́сти, помышлє́нїѧ и҆спра́ви, мы̑сли ѡ҆чи́сти, и҆ и҆зба́ви на́съ ѿ всѧ́кїѧ ско́рби, ѕѡ́лъ и҆ болѣ́зней: ѡ҆градѝ на́съ ст҃ы́ми твои́ми а҆́гг҃лы: да ѡ҆полче́нїемъ и҆́хъ соблюда́еми и҆ наставлѧ́еми, дости́гнемъ въ соедине́нїе вѣ́ры, и҆ въ ра́зꙋмъ непристꙋ́пныѧ твоеѧ̀ сла́вы, ꙗ҆́кѡ бл҃гослове́нъ є҆сѝ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Г дⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Чⷭ҇ тнѣ́йшꙋю херꙋві̑мъ, и҆ сла́внѣйшꙋю без̾ сравне́нїѧ серафі̑мъ, без̾ и҆стлѣ́нїѧ бг҃а сло́ва ро́ждшꙋю, сꙋ́щꙋю бцⷣꙋ тѧ̀ велича́емъ."
 },
 {
  "type": "TEXT",
  "value": "И҆́ менемъ гдⷭ҇нимъ бл҃гословѝ, ѻ҆́тче."
 },
 {
  "type": "TEXT",
  "value": "Сщ҃е́нникъ возгла́съ: Бж҃е, ᲂу҆ще́дри ны̀, и҆ бл҃гословѝ ны̀, просвѣтѝ лицѐ твоѐ на ны̀, и҆ поми́лꙋй ны̀."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "И҆ глаго́летъ сщ҃е́нникъ мл҃твꙋ прпⷣбнагѡ є҆фре́ма:"
 },
 {
  "type": "TEXT",
  "value": "Г дⷭ҇и и҆ влⷣко живота̀ моегѡ̀, дꙋ́хъ пра́здности, ᲂу҆ны́нїѧ, любонача́лїѧ и҆ праздносло́вїѧ не да́ждь мѝ. [Покло́нъ вели́кїй.]"
 },
 {
  "type": "TEXT",
  "value": "Д х҃ъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ да́рꙋй мѝ рабꙋ̀ твоемꙋ̀. [Покло́нъ вели́кїй.]"
 },
 {
  "type": "TEXT",
  "value": "Є҆́ й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ. [Покло́нъ вели́кїй.]"
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "И҆ глаго́летъ мл҃твꙋ сїю̀ вели́кагѡ васі́лїа:"
 },
 {
  "type": "TEXT",
  "value": "В лⷣко гдⷭ҇и, і҆и҃се хрⷭ҇тѐ бж҃е на́шъ, долготерпѣ́вый ѡ҆ на́шихъ согрѣше́нїихъ, и҆ да́же до ны́нѣшнѧгѡ часа̀ приведы́й на́съ, во́ньже на животворѧ́щемъ дре́вѣ ви́сѧ, бл҃горазꙋ́мномꙋ разбо́йникꙋ, и҆́же въ ра́й пꙋтесотвори́лъ є҆сѝ вхо́дъ, и҆ сме́ртїю сме́рть разрꙋши́лъ є҆сѝ, ѡ҆чи́сти на́съ грѣ́шныхъ и҆ недосто́йныхъ ра̑бъ твои́хъ. согрѣши́хомъ бо и҆ беззако́нновахомъ, и҆ нѣ́смы досто́йни возвестѝ ѻ҆чеса̀ на̑ша и҆ воззрѣ́ти на высотꙋ̀ нбⷭ҇нꙋю: занѐ ѡ҆ста́вихомъ пꙋ́ть пра́вды твоеѧ̀, и҆ ходи́хомъ въ во́лѧхъ серде́цъ на́шихъ. но мо́лимъ твою̀ безмѣ́рнꙋю бл҃гость, пощадѝ на́съ гдⷭ҇и, по мно́жествꙋ млⷭ҇ти твоеѧ̀, и҆ сп҃сѝ на́съ и҆́мене твоегѡ̀ ра́ди ст҃а́гѡ, ꙗ҆́кѡ и҆счезо́ша въ сꙋетѣ̀ дні́е на́ши, и҆змѝ на́съ и҆з̾ рꙋкѝ сопроти́внагѡ, и҆ ѡ҆ста́ви на́мъ грѣхѝ на́шѧ, и҆ ᲂу҆мертвѝ плотско́е на́ше мꙋдрова́нїе, да ве́тхаго ѿложи́вше человѣ́ка, въ но́ваго ѡ҆блеце́мсѧ: и҆ тебѣ̀ поживе́мъ на́шемꙋ влⷣцѣ, и҆ бл҃годѣ́телю, и҆ та́кѡ твои̑мъ послѣ́дꙋюще повелѣ́нїємъ, въ вѣ́чный поко́й дости́гнемъ, и҆дѣ́же є҆́сть всѣ́хъ веселѧ́щихсѧ жили́ще, ты́ бо є҆сѝ вои́стиннꙋ и҆́стинное весе́лїе и҆ ра́дость лю́бѧщихъ тѧ̀ хрⷭ҇тѐ бж҃е на́шъ, и҆ тебѣ̀ сла́вꙋ возсыла́емъ, со безнача́льнымъ твои́мъ ѻ҆ц҃е́мъ, и҆ прест҃ы́мъ, и҆ бл҃ги́мъ, и҆ животворѧ́щимъ твои́мъ дх҃омъ, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь."
 },
 {
  "type": "HEADER",
  "value": "И҆з̾ѡбрази́тельнаѧ."
 },
 {
  "type": "TEXT",
  "value": "По мл҃твѣ пое́тъ ᲂу҆чине́нный ли́къ со сладкопѣ́нїемъ, во гла́съ и҃:"
 },
 {
  "type": "TEXT",
  "value": "В о црⷭ҇твїи твое́мъ помѧнѝ на́съ, гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "Б л҃же́ни ни́щїи дꙋ́хомъ, ꙗ҆́кѡ тѣ́хъ є҆́сть црⷭ҇тво нбⷭ҇ное."
 },
 {
  "type": "TEXT",
  "value": "Сті́хъ: Помѧнѝ на́съ, гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "Б л҃же́ни пла́чꙋщїи, ꙗ҆́кѡ ті́и ᲂу҆тѣ́шатсѧ."
 },
 {
  "type": "TEXT",
  "value": "Сті́хъ: Помѧнѝ на́съ, гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "Б л҃же́ни кро́тцыи, ꙗ҆́кѡ ті́и наслѣ́дѧтъ зе́млю."
 },
 {
  "type": "TEXT",
  "value": "Сті́хъ: Помѧнѝ на́съ, гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "Б л҃же́ни а҆́лчꙋщїи и҆ жа́ждꙋщїи пра́вды, ꙗ҆́кѡ ті́и насы́тѧтсѧ."
 },
 {
  "type": "TEXT",
  "value": "Сті́хъ: Помѧнѝ на́съ, гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "Б л҃же́ни млⷭ҇тивїи, ꙗ҆́кѡ ті́и поми́ловани бꙋ́дꙋтъ."
 },
 {
  "type": "TEXT",
  "value": "Сті́хъ: Помѧнѝ на́съ, гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "Б л҃же́ни чи́стїи се́рдцемъ, ꙗ҆́кѡ ті́и бг҃а ᲂу҆́зрѧтъ."
 },
 {
  "type": "TEXT",
  "value": "Сті́хъ: Помѧнѝ на́съ, гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "Б л҃же́ни миротво́рцы, ꙗ҆́кѡ ті́и сы́нове бж҃їи нарекꙋ́тсѧ."
 },
 {
  "type": "TEXT",
  "value": "Сті́хъ: Помѧнѝ на́съ, гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "Б л҃же́ни и҆згна́ни пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
 },
 {
  "type": "TEXT",
  "value": "Сті́хъ: Помѧнѝ на́съ, гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "Б л҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди."
 },
 {
  "type": "TEXT",
  "value": "Сті́хъ: Помѧнѝ на́съ, гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "Р а́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
 },
 {
  "type": "TEXT",
  "value": "Сті́хъ: Помѧнѝ на́съ, гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Сті́хъ: Помѧнѝ на́съ, гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Сті́хъ: Помѧнѝ на́съ, гдⷭ҇и, є҆гда̀ прїи́деши во црⷭ҇твїи твое́мъ."
 },
 {
  "type": "HEADER",
  "value": "И҆ ѻ҆́ба ли̑ка пою́тъ со сладкопѣ́нїемъ:"
 },
 {
  "type": "TEXT",
  "value": "П омѧнѝ на́съ гдⷭ҇и, є҆гда̀ прїи́деши во црⷭ҇твїи твое́мъ. [Покло́нъ вели́кїй.]"
 },
 {
  "type": "TEXT",
  "value": "П омѧнѝ на́съ влⷣко, є҆гда̀ прїи́деши во црⷭ҇твїи твое́мъ. [Покло́нъ вели́кїй.]"
 },
 {
  "type": "TEXT",
  "value": "П омѧнѝ на́съ ст҃ы́й, є҆гда̀ прїи́деши во црⷭ҇твїи твое́мъ. [Покло́нъ вели́кїй.]"
 },
 {
  "type": "TEXT",
  "value": "Чте́цъ: Ли́къ нбⷭ҇ный пое́тъ тѧ̀, и҆ глаго́летъ: ст҃ъ, ст҃ъ, ст҃ъ гдⷭ҇ь саваѡ́ѳъ, и҆спо́лнь нб҃о и҆ землѧ̀ сла́вы твоеѧ̀."
 },
 {
  "type": "TEXT",
  "value": "Сті́хъ: Пристꙋпи́те къ немꙋ̀ и҆ просвѣти́тесѧ, и҆ ли́ца ва̑ша не постыдѧ́тсѧ."
 },
 {
  "type": "TEXT",
  "value": "Л и́къ нбⷭ҇ный пое́тъ тѧ̀, и҆ глаго́летъ: ст҃ъ, ст҃ъ, ст҃ъ гдⷭ҇ь саваѡ́ѳъ, и҆спо́лнь нб҃о и҆ землѧ̀ сла́вы твоеѧ̀."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Л и́къ ст҃ы́хъ а҆́гг҃лъ и҆ а҆рха̑гг҃лъ, со всѣ́ми нбⷭ҇ными си́лами пое́тъ тѧ̀, и҆ глаго́летъ: ст҃ъ, ст҃ъ, ст҃ъ гдⷭ҇ь саваѡ́ѳъ: и҆спо́лнь нб҃о и҆ землѧ̀ сла́вы твоеѧ̀."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "HEADER",
  "value": "И҆сповѣ́данїе вѣ́ры:"
 },
 {
  "type": "TEXT",
  "value": "В ѣ́рꙋю во є҆ди́наго бг҃а ѻ҆ц҃а̀ вседержи́телѧ, творца̀ нб҃ꙋ и҆ землѝ, ви̑димымъ же всѣ̑мъ и҆ неви̑димымъ. и҆ во є҆ди́наго гдⷭ҇а і҆и҃са хрⷭ҇та̀, сн҃а бж҃їѧ, є҆диноро́днаго, и҆́же ѿ ѻ҆ц҃а̀ рожде́ннаго пре́жде всѣ́хъ вѣ̑къ: свѣ́та ѿ свѣ́та, бг҃а и҆́стинна ѿ бг҃а и҆́стинна, рожде́нна, не сотворе́нна, є҆диносꙋ́щна ѻ҆ц҃ꙋ̀, и҆́мже всѧ̑ бы́ша. на́съ ра́ди человѣ̑къ, и҆ на́шегѡ ра́ди спасе́нїѧ, сше́дшаго съ нб҃съ, и҆ воплоти́вшагосѧ ѿ дх҃а ст҃а и҆ мр҃і́и дв҃ы, и҆ вочеловѣ́чшасѧ. распѧ́таго же за ны̀ при понті́йстѣмъ пїла́тѣ, и҆ страда́вша, и҆ погребе́нна, и҆ воскрⷭ҇шаго въ тре́тїй де́нь по писа́нїємъ. и҆ возше́дшаго на нб҃са̀, и҆ сѣдѧ́ща ѡ҆деснꙋ́ю ѻ҆ц҃а̀. и҆ па́ки грѧдꙋ́щаго со сла́вою, сꙋди́ти живы̑мъ и҆ мє́ртвымъ, є҆гѡ́же црⷭ҇твїю не бꙋ́детъ конца̀. и҆ въ дх҃а ст҃а́го, гдⷭ҇а, животворѧ́щаго, и҆́же ѿ ѻ҆ц҃а̀ и҆сходѧ́щаго, и҆́же со ѻ҆ц҃е́мъ и҆ сн҃омъ спокланѧ́ема и҆ ссла́вима, глаго́лавшаго прⷪ҇ро́ки. во є҆ди́нꙋ ст҃ꙋ́ю собо́рнꙋю и҆ а҆пⷭ҇льскꙋю цр҃ковь. и҆сповѣ́дꙋю є҆ди́но кр҃ще́нїе, во ѡ҆ставле́нїе грѣхѡ́въ. ча́ю воскрⷭ҇нїѧ ме́ртвыхъ: и҆ жи́зни бꙋ́дꙋщагѡ вѣ́ка. а҆ми́нь."
 },
 {
  "type": "TEXT",
  "value": "Ѡ҆ сла́би, ѡ҆ста́ви, простѝ бж҃е прегрѣшє́нїѧ на̑ша, вѡ́льнаѧ и҆ невѡ́льнаѧ, ꙗ҆̀же въ сло́вѣ и҆ въ дѣ́лѣ, ꙗ҆̀же въ вѣ́дѣнїи и҆ не въ вѣ́дѣнїи, ꙗ҆̀же во днѝ и҆ въ нощѝ, ꙗ҆̀же во ᲂу҆мѣ̀ и҆ въ помышле́нїи: всѧ̑ на́мъ простѝ, ꙗ҆́кѡ бл҃гъ и҆ чл҃вѣколю́бецъ."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "Конда́къ вели́кїѧ среды̀, гла́съ д҃. Подо́бенъ: Вознесы́йсѧ:"
 },
 {
  "type": "TEXT",
  "value": "П а́че блꙋдни́цы бла́же, беззако́нновавъ, / сле́зъ тꙋ́чы ника́коже тебѣ̀ принесо́хъ: / но молча́нїемъ молѧ́сѧ припа́даю тѝ, / любо́вїю ѡ҆блобыза́ѧ пречⷭ҇тѣи твоѝ но́зѣ, / ꙗ҆́кѡ да ѡ҆ставле́нїе мнѣ̀ ꙗ҆́кѡ влⷣка пода́си долгѡ́въ, / зовꙋ́щꙋ тѝ сп҃се: / ѿ скве́рныхъ дѣ́лъ мои́хъ и҆зба́ви мѧ̀."
 },
 {
  "type": "TEXT",
  "value": "Глаго́лемъ же и҆ конда́къ хра́ма ст҃а́гѡ, и҆лѝ ст҃ы́ѧ."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Гла́съ и҃: Со ст҃ы́ми ᲂу҆поко́й / хрⷭ҇тѐ, дꙋ́шы ра̑бъ твои́хъ, / и҆дѣ́же нѣ́сть болѣ́знь, ни печа́ль, / ни воздыха́нїе, / но жи́знь безконе́чнаѧ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Конда́къ хра́ма, бцⷣы. А҆́ще же нѝ, глаго́лемъ, гла́съ ѕ҃: Предста́тельство хрⷭ҇тїа́нъ непосты́дное, / хода́тайство ко творцꙋ̀ непрело́жное, / не пре́зри грѣ́шныхъ моле́нїй гла́сы: / но предварѝ ꙗ҆́кѡ бл҃га́ѧ на по́мощь на́съ, вѣ́рнѡ зовꙋ́щихъ тѝ: / ᲂу҆скорѝ на мл҃твꙋ, и҆ потщи́сѧ на ᲂу҆моле́нїе, / предста́тельствꙋющи при́снѡ бцⷣе, чтꙋ́щихъ тѧ̀."
 },
 {
  "type": "TEXT",
  "value": "Г дⷭ҇и поми́лꙋй, м҃."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Чⷭ҇ тнѣ́йшꙋю херꙋві̑мъ, и҆ сла́внѣйшꙋю без̾ сравне́нїѧ серафі̑мъ, без̾ и҆стлѣ́нїѧ бг҃а сло́ва ро́ждшꙋю, сꙋ́щꙋю бцⷣꙋ тѧ̀ велича́емъ."
 },
 {
  "type": "TEXT",
  "value": "И҆́ менемъ гдⷭ҇нимъ бл҃гословѝ, ѻ҆́тче."
 },
 {
  "type": "TEXT",
  "value": "Сщ҃е́нникъ: Бж҃е, ᲂу҆ще́дри ны̀, и҆ бл҃гословѝ ны̀, просвѣтѝ лицѐ твоѐ на ны̀, и҆ поми́лꙋй ны̀."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "И҆ глаго́летъ сщ҃е́нникъ мл҃твꙋ прпⷣбнагѡ є҆фре́ма:"
 },
 {
  "type": "TEXT",
  "value": "Г дⷭ҇и и҆ влⷣко живота̀ моегѡ̀, дꙋ́хъ пра́здности, ᲂу҆ны́нїѧ, любонача́лїѧ и҆ праздносло́вїѧ не да́ждь мѝ. [Покло́нъ вели́кїй.]"
 },
 {
  "type": "TEXT",
  "value": "Д х҃ъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ да́рꙋй мѝ рабꙋ̀ твоемꙋ̀. [Покло́нъ вели́кїй.]"
 },
 {
  "type": "TEXT",
  "value": "Є҆́ й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ. А҆ми́нь. [Покло́нъ вели́кїй.]"
 },
 {
  "type": "TEXT",
  "value": "Та́же ма́лыхъ покло́нѡвъ в҃і, глаго́люще себѣ̀ вта́й на кі́йждо покло́нъ: Бж҃е, ѡ҆чи́сти мѧ̀ грѣ́шнаго."
 },
 {
  "type": "TEXT",
  "value": "И҆ па́ки, сконча́въ покло́ны, глаго́лемъ мл҃твꙋ всю̀ вышепи́саннꙋю: Г дⷭ҇и и҆ влⷣко живота̀ моегѡ̀: И҆ покло́нъ є҆ди́нъ вели́кїй."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. Три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь. Г дⷭ҇и поми́лꙋй, в҃і."
 },
 {
  "type": "TEXT",
  "value": "И҆ мл҃твꙋ: Всест҃а́ѧ трⷪ҇це, є҆диносꙋ́щнаѧ держа́во, нераздѣ́льное црⷭ҇тво, всѣ́хъ бл҃ги́хъ вина̀, бл҃говоли́ же и҆ ѡ҆ мнѣ̀ грѣ́шнѣмъ, ᲂу҆твердѝ, вразꙋмѝ се́рдце моѐ, и҆ всю̀ мою̀ ѿимѝ скве́рнꙋ. просвѣтѝ мою̀ мы́сль, да вы́нꙋ сла́влю, пою̀ и҆ покланѧ́юсѧ, и҆ глаго́лю: є҆ди́нъ ст҃ъ, є҆ди́нъ гдⷭ҇ь, і҆и҃съ хрⷭ҇то́съ, во сла́вꙋ бг҃а ѻ҆ц҃а̀, а҆ми́нь."
 },
 {
  "type": "TEXT",
  "value": "Сщ҃е́нникъ: Премꙋ́дрость."
 },
 {
  "type": "TEXT",
  "value": "Ли́къ: Досто́йно є҆́сть, ꙗ҆́кѡ вои́стиннꙋ, бл҃жи́ти тѧ̀ бцⷣꙋ, / приснобл҃же́ннꙋю и҆ пренепоро́чнꙋю, и҆ мт҃рь бг҃а на́шегѡ."
 },
 {
  "type": "TEXT",
  "value": "Сщ҃е́нникъ: Прест҃а́ѧ бцⷣе, спасѝ на́съ."
 },
 {
  "type": "TEXT",
  "value": "Ли́къ: Чⷭ҇тнѣ́йшꙋю херꙋві̑мъ, / и҆ сла́внѣйшꙋю без̾ сравне́нїѧ серафі̑мъ, / без̾ и҆стлѣ́нїѧ бг҃а сло́ва ро́ждшꙋю, / сꙋ́щꙋю бцⷣꙋ тѧ̀ велича́емъ."
 },
 {
  "type": "TEXT",
  "value": "Сщ҃е́нникъ: Сла́ва тебѣ̀ хрⷭ҇тѐ бж҃е, ᲂу҆пова́нїе на́ше, сла́ва тебѣ̀."
 },
 {
  "type": "TEXT",
  "value": "Ли́къ: Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь. Г дⷭ҇и поми́лꙋй, три́жды. Бл҃гословѝ."
 },
 {
  "type": "TEXT",
  "value": "И҆ вмѣ́стѡ ѿпꙋ́ста глаго́летъ настоѧ́тель мл҃твꙋ: Влⷣко многомлⷭ҇тиве: всю̀ до конца̀. Се́й же глаго́лемѣй мы̀ ни́цъ па́дше на зе́млю, мо́лимсѧ:"
 },
 {
  "type": "TEXT",
  "value": "В лⷣко многомлⷭ҇тиве, гдⷭ҇и і҆и҃се хрⷭ҇тѐ бж҃е на́шъ, мл҃твами всепречⷭ҇тыѧ влⷣчцы на́шеѧ бцⷣы, и҆ приснодв҃ы марі́и: си́лою чⷭ҇тна́гѡ и҆ животворѧ́щагѡ крⷭ҇та̀: предста́тельствы чⷭ҇тны́хъ нбⷭ҇ныхъ си́лъ безпло́тныхъ: чⷭ҇тна́гѡ сла́внагѡ прⷪ҇ро́ка, прⷣте́чи и҆ крⷭ҇ти́телѧ і҆ѡа́нна: ст҃ы́хъ сла́вныхъ и҆ всехва́льныхъ а҆пⷭ҇лъ: ст҃ы́хъ сла́вныхъ и҆ добропобѣ́дныхъ мꙋ́ченикѡвъ: прпⷣбныхъ и҆ бг҃оно́сныхъ ѻ҆тє́цъ на́шихъ: ст҃ы́хъ и҆ пра́ведныхъ бг҃оѻтє́цъ, і҆ѡакі́ма и҆ а҆́нны, и҆ всѣ́хъ твои́хъ ст҃ы́хъ, бл҃гопрїѧ́тнꙋ сотворѝ мл҃твꙋ на́шꙋ. да́рꙋй на́мъ ѡ҆ставле́нїе прегрѣше́нїй на́шихъ. покры́й на́съ кро́вомъ крилꙋ̀ твоє́ю. ѿженѝ ѿ на́съ всѧ́каго врага̀ и҆ сопоста́та. ᲂу҆мирѝ на́шꙋ жи́знь. гдⷭ҇и, поми́лꙋй на́съ, и҆ мі́ръ тво́й, и҆ сп҃сѝ дꙋ́шы на́шѧ, ꙗ҆́кѡ бл҃гъ и҆ чл҃вѣколю́бецъ."
 },
 {
  "type": "TEXT",
  "value": "И҆ по и҆сполне́нїи тоѧ̀, на́мъ воста́вшымъ, преклонѧ́етсѧ и҆ то́й са́мъ къ бра́тїи, и҆ про́ситъ проще́нїѧ, глаго́лѧ: Бл҃гослови́те ѻ҆тцы̀ ст҃і́и, и҆ прости́те мѝ грѣ́шномꙋ, ꙗ҆̀же согрѣши́хъ во все́й жи́зни мое́й, и҆ во все́й ст҃ѣ́й четыредесѧ́тницѣ, сло́вомъ, дѣ́ломъ, помышле́нїемъ, и҆ всѣ́ми мои́ми чꙋ́вствы. Бра́тїѧмъ же ѿвѣща́вшымъ: Бг҃ъ да прости́тъ тѝ честны́й ѻ҆́тче. Та́же прихо́дѧтъ и҆ бра́тїѧ два̀ два̀, про́сѧтъ подо́бнѣ и҆ ті́и проще́нїѧ, глаго́люще: Прости́ мѧ ѻ҆́тче ст҃ы́й: и҆ про́чее, ꙗ҆́коже вы́ше писа́сѧ. И҆ прїе́мше проще́нїе, и҆́демъ въ кє́ллїи на́шѧ, и҆ молчи́мъ до часа̀ вече́рнѧгѡ. Въ собо́рныхъ же хра́мѣхъ и҆ прихо́дскихъ росхо́дъ не быва́етъ: но по проще́нїи трезво́нъ въ дво́и."
 },
 {
  "type": "HEADER",
  "value": "Во ст҃ꙋ́ю и҆ вели́кꙋю сре́дꙋ ве́чера."
 },
 {
  "type": "TEXT",
  "value": "Дїа́конъ: Бл҃гословѝ, влⷣко."
 },
 {
  "type": "TEXT",
  "value": "Сщ҃е́нникъ: Бл҃гослове́но црⷭ҇тво, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "Чте́цъ: Прїиди́те, поклони́мсѧ цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ хрⷭ҇тꙋ̀, цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ самомꙋ̀ хрⷭ҇тꙋ̀, цр҃е́ви и҆ бг҃ꙋ на́шемꙋ."
 },
 {
  "type": "HEADER",
  "value": "Ѱало́мъ р҃г."
 },
 {
  "type": "TEXT",
  "value": "Б л҃гословѝ дꙋшѐ моѧ̀ гдⷭ҇а: гдⷭ҇и бж҃е мо́й, возвели́чилсѧ є҆сѝ ѕѣлѡ̀, во и҆сповѣ́данїе и҆ въ велелѣ́потꙋ ѡ҆бле́клсѧ є҆сѝ. ѡ҆дѣѧ́йсѧ свѣ́томъ ꙗ҆́кѡ ри́зою, простира́ѧй нб҃о ꙗ҆́кѡ ко́жꙋ. покрыва́ѧй вода́ми превы́спрєннѧѧ своѧ̑, полага́ѧй ѻ҆́блаки на восхожде́нїе своѐ, ходѧ́й на крилꙋ̀ вѣ́трєню. творѧ́й а҆́гг҃лы своѧ̑ дꙋ́хи и҆ слꙋги̑ своѧ̑ пла́мень ѻ҆́гненный. ѡ҆снова́ѧй зе́млю на тве́рди є҆ѧ̀, не преклони́тсѧ въ вѣ́къ вѣ́ка. бе́здна, ꙗ҆́кѡ ри́за ѡ҆дѣѧ́нїе є҆ѧ̀, на гора́хъ ста́нꙋтъ во́ды. ѿ запреще́нїѧ твоегѡ̀ побѣ́гнꙋтъ, ѿ гла́са гро́ма твоегѡ̀ ᲂу҆боѧ́тсѧ. восхо́дѧтъ го́ры, и҆ низхо́дѧтъ полѧ̀ въ мѣ́сто, є҆́же ѡ҆снова́лъ є҆сѝ и҆̀мъ. предѣ́лъ положи́лъ є҆сѝ, є҆гѡ́же не пре́йдꙋтъ, нижѐ ѡ҆братѧ́тсѧ покры́ти зе́млю. посыла́ѧй и҆сто́чники въ де́брѣхъ, посредѣ̀ го́ръ про́йдꙋтъ во́ды. напаѧ́ютъ всѧ̑ ѕвѣ́ри сє́льныѧ, ждꙋ́тъ ѻ҆на́гри въ жа́ждꙋ свою̀. на ты́хъ пти̑цы нбⷭ҇ныѧ привита́ютъ, ѿ среды̀ ка́менїѧ дадѧ́тъ гла́съ. напаѧ́ѧй го́ры ѿ превы́спреннихъ свои́хъ, ѿ плода̀ дѣ́лъ твои́хъ насы́титсѧ землѧ̀. прозѧба́ѧй травꙋ̀ скотѡ́мъ, и҆ ѕла́къ на слꙋ́жбꙋ человѣ́кѡмъ, и҆звестѝ хлѣ́бъ ѿ землѝ. и҆ вїно̀ весели́тъ се́рдце человѣ́ка, ᲂу҆ма́стити лицѐ є҆ле́емъ, и҆ хлѣ́бъ се́рдце человѣ́ка ᲂу҆крѣпи́тъ. насы́тѧтсѧ древа̀ польска̑ѧ, ке́дри лїва́нстїи, и҆̀хже є҆сѝ насади́лъ. та́мѡ пти̑цы вогнѣздѧ́тсѧ: є҆рѡді́ево жили́ще предводи́тельствꙋетъ и҆́ми. го́ры высѡ́кїѧ є҆ле́нємъ, ка́мень прибѣ́жище за́ѧцємъ. сотвори́лъ є҆́сть лꙋнꙋ̀ во времена̀, со́лнце позна̀ за́падъ сво́й. положи́лъ є҆сѝ тьмꙋ̀, и҆ бы́сть но́щь, въ не́йже про́йдꙋтъ всѝ ѕвѣ́рїе дꙋбра́внїи: скѵ́мни рыка́ющїи восхи́тити, и҆ взыска́ти ѿ бг҃а пи́щꙋ себѣ̀. возсїѧ̀ со́лнце, и҆ собра́шасѧ, и҆ въ ло́жахъ свои́хъ лѧ́гꙋтъ. и҆зы́детъ человѣ́къ на дѣ́ло своѐ, и҆ на дѣ́ланїе своѐ до ве́чера. ꙗ҆́кѡ возвели́чишасѧ дѣла̀ твоѧ̑ гдⷭ҇и, всѧ̑ премꙋ́дростїю сотвори́лъ є҆сѝ: и҆спо́лнисѧ землѧ̀ тва́ри твоеѧ̀. сїѐ мо́ре вели́кое и҆ простра́нное, та́мѡ га́ди, и҆́хже нѣ́сть числа̀, живѡ́тнаѧ ма̑лаѧ съ вели́кими. та́мѡ кораблѝ препла́ваютъ, ѕмі́й се́й, є҆го́же созда́лъ є҆сѝ рꙋга́тисѧ є҆мꙋ̀. всѧ̑ къ тебѣ̀ ча́ютъ, да́ти пи́щꙋ и҆̀мъ во бл҃го вре́мѧ. да́вшꙋ тебѣ̀ и҆̀мъ, соберꙋ́тъ: ѿве́рзшꙋ тебѣ̀ рꙋ́кꙋ, всѧ́чєскаѧ и҆спо́лнѧтсѧ бл҃гости. ѿвра́щшꙋ же тебѣ̀ лицѐ возмѧтꙋ́тсѧ: ѿи́меши дꙋ́хъ и҆́хъ, и҆ и҆сче́знꙋтъ, и҆ въ пе́рсть свою̀ возвратѧ́тсѧ. по́слеши дх҃а твоего̀, и҆ сози́ждꙋтсѧ, и҆ ѡ҆бнови́ши лицѐ землѝ. бꙋ́ди сла́ва гдⷭ҇нѧ во вѣ́ки, возвесели́тсѧ гдⷭ҇ь ѡ҆ дѣ́лѣхъ свои́хъ: призира́ѧй на зе́млю, и҆ творѧ́й ю҆̀ трѧсти́сѧ: прикаса́ѧйсѧ гора́мъ, и҆ дымѧ́тсѧ. воспою̀ гдⷭ҇еви въ животѣ̀ мое́мъ: пою̀ бг҃ꙋ моемꙋ̀, до́ндеже є҆́смь. да ᲂу҆слади́тсѧ є҆мꙋ̀ бесѣ́да моѧ̀, а҆́зъ же возвеселю́сѧ ѡ҆ гдⷭ҇ѣ. да и҆сче́знꙋтъ грѣ̑шницы ѿ землѝ, и҆ беззакѡ́нницы, ꙗ҆́коже не бы́ти и҆̀мъ: бл҃гословѝ дꙋшѐ моѧ̀ гдⷭ҇а."
 },
 {
  "type": "TEXT",
  "value": "С о́лнце позна̀ за́падъ сво́й: положи́лъ є҆сѝ тьмꙋ̀ и҆ бы́сть но́щь. ꙗ҆́кѡ возвели́чишасѧ дѣла̀ твоѧ̑ гдⷭ҇и, всѧ̑ премꙋ́дростїю сотвори́лъ є҆сѝ."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды."
 },
 {
  "type": "HEADER",
  "value": "Та́же є҆ктенїа̀ вели́каѧ."
 },
 {
  "type": "TEXT",
  "value": "Дїа́конъ: Ми́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ свы́шнѣмъ ми́рѣ, и҆ спасе́нїи дꙋ́шъ на́шихъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ ми́рѣ всегѡ̀ мі́ра, бл҃гостоѧ́нїи ст҃ы́хъ бж҃їихъ цр҃кве́й, и҆ соедине́нїи всѣ́хъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ ст҃ѣ́мъ хра́мѣ се́мъ, и҆ съ вѣ́рою, бл҃гоговѣ́нїемъ и҆ стра́хомъ бж҃їимъ входѧ́щихъ во́нь, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ вели́комъ господи́нѣ и҆ ѻ҆ц҃ѣ̀ на́шемъ, свѧтѣ́йшемъ патрїа́рхѣ и҆́мⷬ҇къ, и҆ ѡ҆ господи́нѣ на́шемъ преѡсвѧще́ннѣйшемъ є҆пⷭ҇кпѣ [и҆лѝ а҆рхїепⷭ҇кпѣ, и҆лѝ митрополі́тѣ ] и҆́мⷬ҇къ, честнѣ́мъ пресвѵ́терствѣ, во хрⷭ҇тѣ̀ дїа́конствѣ, ѡ҆ все́мъ при́чтѣ и҆ лю́дехъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ богохрани́мѣй странѣ̀ на́шей, властѣ́хъ и҆ во́инствѣ є҆ѧ̀, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ гра́дѣ се́мъ [и҆лѝ ѡ҆ ве́си се́й, и҆лѝ ѡ҆ ст҃ѣ́й ѻ҆би́тели се́й ] , всѧ́комъ гра́дѣ, странѣ̀, и҆ вѣ́рою живꙋ́щихъ въ ни́хъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ бл҃горастворе́нїи воздꙋ́хѡвъ, ѡ҆ и҆з̾ѻби́лїи плодѡ́въ земны́хъ, и҆ вре́менѣхъ ми́рныхъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ пла́вающихъ, пꙋтеше́ствꙋющихъ, недꙋ́гꙋющихъ, стра́ждꙋщихъ, плѣне́нныхъ, и҆ ѡ҆ спасе́нїи и҆́хъ, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "Ѡ҆ и҆зба́витисѧ на́мъ ѿ всѧ́кїѧ ско́рби, гнѣ́ва и҆ нꙋ́жды, гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋгъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "TEXT",
  "value": "Возглаше́нїе: Ꙗ҆́кѡ подоба́етъ тебѣ̀ всѧ́каѧ сла́ва, че́сть, и҆ поклоне́нїе, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "И҆ чте́тсѧ каѳі́сма и҃і."
 },
 {
  "type": "HEADER",
  "value": "Пѣ́снь степе́ней, рѳ҃і."
 },
 {
  "type": "TEXT",
  "value": "К о гдⷭ҇ꙋ, внегда̀ скорбѣ́ти мѝ, воззва́хъ, и҆ ᲂу҆слы́ша мѧ̀. Гдⷭ҇и, и҆зба́ви дꙋ́шꙋ мою̀ ѿ ᲂу҆сте́нъ непра́ведныхъ и҆ ѿ ѧ҆зы́ка льсти́ва. Что̀ да́стсѧ тебѣ̀, и҆лѝ что̀ приложи́тсѧ тебѣ̀ къ ѧ҆зы́кꙋ льсти́вꙋ; Стрѣ́лы си́льнагѡ и҆з̾ѡщрє́ны, со ᲂу҆́гльми пꙋсты́нными. Оу҆вы̀ мнѣ̀, ꙗ҆́кѡ прише́льствїе моѐ продолжи́сѧ, всели́хсѧ съ селє́нїи кида́рскими: Мно́гѡ прише́льствова дꙋша̀ моѧ̀: съ ненави́дѧщими ми́ра бѣ́хъ ми́ренъ: Є҆гда̀ глаго́лахъ и҆̀мъ, борѧ́хꙋ мѧ̀ тꙋ́не."
 },
 {
  "type": "HEADER",
  "value": "Пѣ́снь степе́ней, р҃к."
 },
 {
  "type": "TEXT",
  "value": "В озведо́хъ ѻ҆́чи моѝ въ го́ры, ѿню́дꙋже прїи́детъ по́мощь моѧ̀. По́мощь моѧ̀ ѿ гдⷭ҇а, сотво́ршагѡ не́бо и҆ зе́млю. Не да́ждь во смѧте́нїе ногѝ твоеѧ̀, нижѐ воздре́млетъ хранѧ́й тѧ̀: Сѐ, не воздре́млетъ, нижѐ ᲂу҆́снетъ хранѧ́й і҆и҃лѧ. Гдⷭ҇ь сохрани́тъ тѧ̀, гдⷭ҇ь покро́въ тво́й на рꙋ́кꙋ деснꙋ́ю твою̀. Во днѝ со́лнце не ѡ҆жже́тъ тебѐ, нижѐ лꙋна̀ но́щїю. Гдⷭ҇ь сохрани́тъ тѧ̀ ѿ всѧ́кагѡ ѕла̀, сохрани́тъ дꙋ́шꙋ твою̀ гдⷭ҇ь: Гдⷭ҇ь сохрани́тъ вхожде́нїе твоѐ и҆ и҆схожде́нїе твоѐ, ѿ ны́нѣ и҆ до вѣ́ка."
 },
 {
  "type": "HEADER",
  "value": "Пѣ́снь степе́ней, рк҃а."
 },
 {
  "type": "TEXT",
  "value": "В озвесели́хсѧ ѡ҆ ре́кшихъ мнѣ̀: въ до́мъ гдⷭ҇ень по́йдемъ. Стоѧ́ще бѧ́хꙋ но́ги на́шѧ во дво́рѣхъ твои́хъ, і҆ерⷭ҇ли́ме. І҆ерⷭ҇ли́мъ зи́ждемый ꙗ҆́кѡ гра́дъ, є҆мꙋ́же прича́стїе є҆гѡ̀ вкꙋ́пѣ. Та́мѡ бо взыдо́ша кѡлѣ́на, кѡлѣ́на гдⷭ҇нѧ, свидѣ́нїе і҆и҃лево, и҆сповѣ́датисѧ и҆́мени гдⷭ҇ню: Ꙗ҆́кѡ та́мѡ сѣдо́ша престо́ли на сꙋ́дъ, престо́ли въ домꙋ̀ дв҃довѣ. Вопроси́те же ꙗ҆̀же ѡ҆ ми́рѣ і҆ерⷭ҇ли́ма: и҆ ѻ҆би́лїе лю́бѧщымъ тѧ̀. Бꙋ́ди же ми́ръ въ си́лѣ твое́й, и҆ ѻ҆би́лїе въ столпостѣна́хъ твои́хъ. Ра́ди бра́тїй мои́хъ и҆ бли́жнихъ мои́хъ глаго́лахъ ᲂу҆́бѡ ми́ръ ѡ҆ тебѣ̀. До́мꙋ ра́ди гдⷭ҇а бг҃а на́шегѡ взыска́хъ бл҃га̑ѧ тебѣ̀."
 },
 {
  "type": "HEADER",
  "value": "Пѣ́снь степе́ней, рк҃в."
 },
 {
  "type": "TEXT",
  "value": "К ъ тебѣ̀ возведо́хъ ѻ҆́чи моѝ, живꙋ́щемꙋ на нб҃сѝ. Сѐ, ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀: та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀. Поми́лꙋй на́съ, гдⷭ҇и, поми́лꙋй на́съ, ꙗ҆́кѡ помно́гꙋ и҆спо́лнихомсѧ ᲂу҆ничиже́нїѧ: Наипа́че напо́лнисѧ дꙋша̀ на́ша поноше́нїѧ гобзꙋ́ющихъ и҆ ᲂу҆ничиже́нїѧ го́рдыхъ."
 },
 {
  "type": "HEADER",
  "value": "Пѣ́снь степе́ней, рк҃г."
 },
 {
  "type": "TEXT",
  "value": "Ꙗ҆́ кѡ а҆́ще не гдⷭ҇ь бы бы́лъ въ на́съ, да рече́тъ ᲂу҆́бѡ і҆и҃ль: Ꙗ҆́кѡ а҆́ще не гдⷭ҇ь бы бы́лъ въ на́съ, внегда̀ воста́ти человѣ́кѡмъ на ны̀, ᲂу҆̀бо живы́хъ поже́рли бы́ша на́съ: Внегда̀ прогнѣ́ватисѧ ꙗ҆́рости и҆́хъ на ны̀, ᲂу҆̀бо вода̀ потопи́ла бы на́съ. Пото́къ пре́йде дꙋша̀ на́ша: Оу҆̀бо пре́йде дꙋша̀ на́ша во́дꙋ непостоѧ́ннꙋю. Бл҃гослове́нъ гдⷭ҇ь, и҆́же не дадѐ на́съ въ лови́твꙋ зꙋбѡ́мъ и҆́хъ. Дꙋша̀ на́ша ꙗ҆́кѡ пти́ца и҆зба́висѧ ѿ сѣ́ти ловѧ́щихъ: сѣ́ть сокрꙋши́сѧ, и҆ мы̀ и҆зба́влени бы́хомъ. По́мощь на́ша во и҆́мѧ гдⷭ҇а, сотво́ршагѡ не́бо и҆ зе́млю."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды."
 },
 {
  "type": "HEADER",
  "value": "Та́же є҆ктенїа̀ ма́лаѧ."
 },
 {
  "type": "TEXT",
  "value": "П а́ки и҆ па́ки ми́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "TEXT",
  "value": "Возглаша́етъ сщ҃е́нникъ: Ꙗ҆́кѡ твоѧ̀ держа́ва, и҆ твоѐ є҆́сть црⷭ҇тво, и҆ си́ла, и҆ сла́ва, ѻ҆ц҃а̀, и҆ сн҃а, и҆ ст҃а́гѡ дх҃а, ны́нѣ и҆ при́снѡ, и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "Чте́цъ:"
 },
 {
  "type": "HEADER",
  "value": "Пѣ́снь степе́ней, рк҃д."
 },
 {
  "type": "TEXT",
  "value": "Н адѣ́ющїисѧ на гдⷭ҇а, ꙗ҆́кѡ гора̀ сїѡ́нъ: не подви́житсѧ въ вѣ́къ живы́й во і҆ерⷭ҇ли́мѣ. Го́ры ѡ҆́крестъ є҆гѡ̀, и҆ гдⷭ҇ь ѡ҆́крестъ люде́й свои́хъ, ѿ ны́нѣ и҆ до вѣ́ка. Ꙗ҆́кѡ не ѡ҆ста́витъ гдⷭ҇ь жезла̀ грѣ́шныхъ на жре́бїй првⷣныхъ, ꙗ҆́кѡ да не про́стрꙋтъ првⷣнїи въ беззакѡ́нїѧ рꙋ́къ свои́хъ. Оу҆бл҃жѝ, гдⷭ҇и, бл҃гі̑ѧ и҆ пра̑выѧ срⷣцемъ. Оу҆клонѧ́ющыѧсѧ же въ развращє́нїѧ ѿведе́тъ гдⷭ҇ь съ дѣ́лающими беззако́нїе: ми́ръ на і҆и҃лѧ."
 },
 {
  "type": "HEADER",
  "value": "Пѣ́снь степе́ней, рк҃є."
 },
 {
  "type": "TEXT",
  "value": "В негда̀ возврати́ти гдⷭ҇ꙋ плѣ́нъ сїѡ́нь, бы́хомъ ꙗ҆́кѡ ᲂу҆тѣ́шени. Тогда̀ и҆спо́лнишасѧ ра́дости ᲂу҆ста̀ на̑ша, и҆ ѧ҆зы́къ на́шъ весе́лїѧ: тогда̀ рекꙋ́тъ во ꙗ҆зы́цѣхъ: возвели́чилъ є҆́сть гдⷭ҇ь сотвори́ти съ ни́ми. Возвели́чилъ є҆́сть гдⷭ҇ь сотвори́ти съ на́ми: бы́хомъ веселѧ́щесѧ. Возвратѝ, гдⷭ҇и, плѣне́нїе на́ше, ꙗ҆́кѡ пото́ки ю҆́гомъ. Сѣ́ющїи слеза́ми, ра́достїю по́жнꙋтъ. Ходѧ́щїи хожда́хꙋ и҆ пла́кахꙋсѧ, мета́юще сѣ́мена своѧ̑: грѧдꙋ́ще же прїи́дꙋтъ ра́достїю, взе́млюще рꙋкоѧ̑ти своѧ̑."
 },
 {
  "type": "HEADER",
  "value": "Пѣ́снь степе́ней, рк҃ѕ."
 },
 {
  "type": "TEXT",
  "value": "А҆́ ще не гдⷭ҇ь сози́ждетъ до́мъ, всꙋ́е трꙋди́шасѧ зи́ждꙋщїи: а҆́ще не гдⷭ҇ь сохрани́тъ гра́дъ, всꙋ́е бдѣ̀ стрегі́й. Всꙋ́е ва́мъ є҆́сть ᲂу҆́треневати: воста́нете по сѣдѣ́нїи ꙗ҆дꙋ́щїи хлѣ́бъ болѣ́зни, є҆гда̀ да́стъ возлю́блєннымъ свои̑мъ со́нъ. Сѐ, достоѧ́нїе гдⷭ҇не сы́нове, мзда̀ плода̀ чре́внѧгѡ. Ꙗ҆́кѡ стрѣ́лы въ рꙋцѣ̀ си́льнагѡ, та́кѡ сы́нове ѿтрѧсе́нныхъ. Бл҃же́нъ, и҆́же и҆спо́лнитъ жела́нїе своѐ ѿ ни́хъ: не постыдѧ́тсѧ, є҆гда̀ глаго́лютъ врагѡ́мъ свои̑мъ во вратѣ́хъ."
 },
 {
  "type": "HEADER",
  "value": "Пѣ́снь степе́ней, рк҃з."
 },
 {
  "type": "TEXT",
  "value": "Б л҃же́ни всѝ боѧ́щїисѧ гдⷭ҇а, ходѧ́щїи въ пꙋте́хъ є҆гѡ̀: Трꙋды̀ плодѡ́въ твои́хъ снѣ́си: бл҃же́нъ є҆сѝ, и҆ добро̀ тебѣ̀ бꙋ́детъ. Жена̀ твоѧ̀ ꙗ҆́кѡ лоза̀ плодови́та въ страна́хъ до́мꙋ твоегѡ̀: Сы́нове твоѝ ꙗ҆́кѡ новосаждє́нїѧ ма̑сличнаѧ ѡ҆́крестъ трапе́зы твоеѧ̀. Сѐ, та́кѡ бл҃гослови́тсѧ человѣ́къ боѧ́йсѧ гдⷭ҇а. Бл҃гослови́тъ тѧ̀ гдⷭ҇ь ѿ сїѡ́на, и҆ ᲂу҆́зриши бл҃га̑ѧ і҆ерⷭ҇ли́ма всѧ̑ дни̑ живота̀ твоегѡ̀, И҆ ᲂу҆́зриши сы́ны сынѡ́въ твои́хъ: ми́ръ на і҆и҃лѧ."
 },
 {
  "type": "HEADER",
  "value": "Пѣ́снь степе́ней рк҃и."
 },
 {
  "type": "TEXT",
  "value": "М но́жицею бра́шасѧ со мно́ю ѿ ю҆́ности моеѧ̀, да рече́тъ ᲂу҆́бѡ і҆и҃ль: Мно́жицею бра́шасѧ со мно́ю ѿ ю҆́ности моеѧ̀, и҆́бо не премого́ша мѧ̀. На хребтѣ̀ мое́мъ дѣ́лаша грѣ̑шницы, продолжи́ша беззако́нїе своѐ. Гдⷭ҇ь првⷣнъ ссѣчѐ вы̑ѧ грѣ́шникѡвъ. Да постыдѧ́тсѧ и҆ возвратѧ́тсѧ вспѧ́ть всѝ ненави́дѧщїи сїѡ́на: Да бꙋ́дꙋтъ ꙗ҆́кѡ трава̀ на здѣ́хъ, ꙗ҆́же пре́жде восторже́нїѧ и҆́зсше: Є҆́юже не и҆спо́лни рꙋкѝ своеѧ̀ жнѧ́й, и҆ нѣ́дра своегѡ̀ рꙋкоѧ̑ти собира́ѧй: И҆ не рѣ́ша мимоходѧ́щїи: бл҃гослове́нїе гдⷭ҇не на вы̀, бл҃гослови́хомъ вы̀ во и҆́мѧ гдⷭ҇не."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды."
 },
 {
  "type": "HEADER",
  "value": "Та́же є҆ктенїа̀ ма́лаѧ."
 },
 {
  "type": "TEXT",
  "value": "П а́ки и҆ па́ки ми́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "TEXT",
  "value": "И҆ сщ҃е́нникъ возглаша́етъ: Ꙗ҆́кѡ бл҃гъ и҆ чл҃вѣколю́бецъ бг҃ъ є҆сѝ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "Чте́цъ:"
 },
 {
  "type": "HEADER",
  "value": "Пѣ́снь степе́ней, рк҃ѳ."
 },
 {
  "type": "TEXT",
  "value": "И҆ з̾ глꙋбины̀ воззва́хъ къ тебѣ̀, гдⷭ҇и: гдⷭ҇и, ᲂу҆слы́ши гла́съ мо́й. Да бꙋ́дꙋтъ ᲂу҆́ши твоѝ вне́млющѣ гла́сꙋ моле́нїѧ моегѡ̀. А҆́ще беззакѡ́нїѧ на́зриши, гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебє̀ ѡ҆чище́нїе є҆́сть. И҆́мене ра́ди твоегѡ̀ потерпѣ́хъ тѧ̀, гдⷭ҇и, потерпѣ̀ дꙋша̀ моѧ̀ въ сло́во твоѐ: ᲂу҆пова̀ дꙋша̀ моѧ̀ на гдⷭ҇а. Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ да ᲂу҆пова́етъ і҆и҃ль на гдⷭ҇а: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе: и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
 },
 {
  "type": "HEADER",
  "value": "Пѣ́снь степе́ней, р҃л."
 },
 {
  "type": "TEXT",
  "value": "Г дⷭ҇и, не вознесе́сѧ се́рдце моѐ, нижѐ вознесо́стѣсѧ ѻ҆́чи моѝ: нижѐ ходи́хъ въ вели́кихъ, нижѐ въ ди́вныхъ па́че менѐ. А҆́ще не смиреномꙋ́дрствовахъ, но вознесо́хъ дꙋ́шꙋ мою̀, ꙗ҆́кѡ ѿдое́ное на ма́терь свою̀, та́кѡ возда́си на дꙋ́шꙋ мою̀. Да ᲂу҆пова́етъ і҆и҃ль на гдⷭ҇а ѿ ны́нѣ и҆ до вѣ́ка."
 },
 {
  "type": "HEADER",
  "value": "Пѣ́снь степе́ней, рл҃а."
 },
 {
  "type": "TEXT",
  "value": "П омѧнѝ, гдⷭ҇и, дв҃да и҆ всю̀ кро́тость є҆гѡ̀: Ꙗ҆́кѡ клѧ́тсѧ гдⷭ҇еви, ѡ҆бѣща́сѧ бг҃ꙋ і҆а́кѡвлю: А҆́ще вни́дꙋ въ селе́нїе до́мꙋ моегѡ̀, и҆лѝ взы́дꙋ на ѻ҆́дръ посте́ли моеѧ̀: А҆́ще да́мъ со́нъ ѻ҆чи́ма мои́ма, и҆ вѣ́ждома мои́ма дрема́нїе, и҆ поко́й скранїа́ма мои́ма: До́ндеже ѡ҆брѧ́щꙋ мѣ́сто гдⷭ҇еви, селе́нїе бг҃ꙋ і҆а́кѡвлю. Сѐ, слы́шахомъ ѧ҆̀ во є҆ѵфра́ѳѣ, ѡ҆брѣто́хомъ ѧ҆̀ въ полѧ́хъ дꙋбра́вы: Вни́демъ въ селє́нїѧ є҆гѡ̀, поклони́мсѧ на мѣ́сто, и҆дѣ́же стоѧ́стѣ но́зѣ є҆гѡ̀. Воскрⷭ҇нѝ, гдⷭ҇и, въ поко́й тво́й, ты̀ и҆ кївѡ́тъ ст҃ы́ни твоеѧ̀. Сщ҃е́нницы твоѝ ѡ҆блекꙋ́тсѧ пра́вдою, и҆ прпⷣбнїи твоѝ возра́дꙋютсѧ. Дв҃да ра́ди раба̀ твоегѡ̀, не ѿвратѝ лицѐ пома́заннагѡ твоегѡ̀. Клѧ́тсѧ гдⷭ҇ь дв҃дꙋ и҆́стиною, и҆ не ѿве́ржетсѧ є҆ѧ̀: ѿ плода̀ чре́ва твоегѡ̀ посаждꙋ̀ на престо́лѣ твое́мъ. А҆́ще сохранѧ́тъ сы́нове твоѝ завѣ́тъ мо́й и҆ свидѣ̑нїѧ моѧ̑ сїѧ̑, и҆̀мже наꙋчꙋ̀ ѧ҆̀, и҆ сы́нове и҆́хъ до вѣ́ка сѧ́дꙋтъ на престо́лѣ твое́мъ. Ꙗ҆́кѡ и҆збра̀ гдⷭ҇ь сїѡ́на, и҆зво́ли и҆̀ въ жили́ще себѣ̀. Се́й поко́й мо́й во вѣ́къ вѣ́ка, здѣ̀ вселю́сѧ, ꙗ҆́кѡ и҆зво́лихъ и҆̀. Лови́твꙋ є҆гѡ̀ бл҃гословлѧ́ѧй бл҃гословлю̀, ни́щыѧ є҆гѡ̀ насы́щꙋ хлѣ́бы: Сщ҃е́нники є҆гѡ̀ ѡ҆блекꙋ̀ во сп҃се́нїе, и҆ прпⷣбнїи є҆гѡ̀ ра́достїю возра́дꙋютсѧ. Та́мѡ возращꙋ̀ ро́гъ дв҃дови, ᲂу҆гото́вахъ свѣти́льникъ пома́занномꙋ моемꙋ̀. Врагѝ є҆гѡ̀ ѡ҆блекꙋ̀ стꙋдо́мъ, на не́мъ же процвѣте́тъ ст҃ы́нѧ моѧ̀."
 },
 {
  "type": "HEADER",
  "value": "Пѣ́снь степе́ней, рл҃в."
 },
 {
  "type": "TEXT",
  "value": "С ѐ, что̀ добро̀, и҆лѝ что̀ красно̀, но є҆́же жи́ти бра́тїи вкꙋ́пѣ; Ꙗ҆́кѡ мѵ́ро на главѣ̀, сходѧ́щее на брадꙋ̀, брадꙋ̀ а҆арѡ́ню, сходѧ́щее на ѻ҆ме́ты ѻ҆де́жды є҆гѡ̀: Ꙗ҆́кѡ роса̀ а҆ермѡ́нскаѧ сходѧ́щаѧ на го́ры сїѡ̑нскїѧ: ꙗ҆́кѡ та́мѡ заповѣ́да гдⷭ҇ь бл҃гослове́нїе и҆ живо́тъ до вѣ́ка."
 },
 {
  "type": "HEADER",
  "value": "Пѣ́снь степе́ней, рл҃г."
 },
 {
  "type": "TEXT",
  "value": "С ѐ, ны́нѣ бл҃гослови́те гдⷭ҇а, всѝ рабѝ гдⷭ҇ни, стоѧ́щїи въ хра́мѣ гдⷭ҇ни, во дво́рѣхъ до́мꙋ бг҃а на́шегѡ. Въ но́щехъ воздѣжи́те рꙋ́ки ва́шѧ во ст҃а̑ѧ и҆ бл҃гослови́те гдⷭ҇а. Бл҃гослови́тъ тѧ̀ гдⷭ҇ь ѿ сїѡ́на, сотвори́вый не́бо и҆ зе́млю."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды."
 },
 {
  "type": "HEADER",
  "value": "Та́же є҆ктенїа̀ ма́лаѧ."
 },
 {
  "type": "TEXT",
  "value": "П а́ки и҆ па́ки ми́ромъ гдⷭ҇ꙋ помо́лимсѧ."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
 },
 {
  "type": "TEXT",
  "value": "Ли́къ: Гдⷭ҇и, поми́лꙋй."
 },
 {
  "type": "TEXT",
  "value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
 },
 {
  "type": "TEXT",
  "value": "Ли́къ: Тебѣ̀, гдⷭ҇и."
 },
 {
  "type": "TEXT",
  "value": "И҆ сщ҃е́нникъ возглаша́етъ: Ꙗ҆́кѡ ты̀ є҆сѝ бг҃ъ на́шъ, бг҃ъ ми́ловати и҆ спаса́ти, и҆ тебѣ̀ сла́вꙋ возсыла́емъ, ѻ҆ц҃ꙋ̀, и҆ сн҃ꙋ, и҆ ст҃о́мꙋ дх҃ꙋ, ны́нѣ и҆ при́снѡ, и҆ во вѣ́ки вѣкѡ́въ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "HEADER",
  "value": "Та́же пое́мъ Гдⷭ҇и воззва́хъ, въ гла́съ а҃:"
 },
 {
  "type": "TEXT",
  "value": "Г дⷭ҇и, воззва́хъ къ тебѣ̀, ᲂу҆слы́ши мѧ̀. / ᲂу҆слы́ши мѧ̀ гдⷭ҇и."
 },
 {
  "type": "TEXT",
  "value": "Г дⷭ҇и, воззва́хъ къ тебѣ̀, ᲂу҆слы́ши мѧ̀: / вонмѝ гла́сꙋ моле́нїѧ моегѡ̀, / внегда̀ воззва́ти мѝ къ тебѣ̀. / ᲂу҆слы́ши мѧ̀ гдⷭ҇и."
 },
 {
  "type": "TEXT",
  "value": "Д а и҆спра́витсѧ мл҃тва моѧ̀, / ꙗ҆́кѡ кади́ло пред̾ тобо́ю, / воздѣѧ́нїе рꙋкꙋ̀ моє́ю, / же́ртва вече́рнѧѧ. / ᲂу҆слы́ши мѧ̀ гдⷭ҇и."
 },
 {
  "type": "TEXT",
  "value": "И҆ по чи́нꙋ стїхѝ: Положѝ, гдⷭ҇и, хране́нїе ᲂу҆стѡ́мъ мои̑мъ, и҆ две́рь ѡ҆гражде́нїѧ ѡ҆ ᲂу҆стна́хъ мои́хъ. не ᲂу҆клонѝ се́рдце моѐ въ словеса̀ лꙋка́вствїѧ, непщева́ти вины̀ ѡ҆ грѣсѣ́хъ. съ человѣ́ки дѣ́лающими беззако́нїе, и҆ не сочтꙋ́сѧ со и҆збра́нными и҆́хъ. нака́жетъ мѧ̀ пра́ведникъ млⷭ҇тїю, и҆ ѡ҆бличи́тъ мѧ̀: є҆ле́й же грѣ́шнагѡ да не нама́ститъ главы̀ моеѧ̀. ꙗ҆́кѡ є҆щѐ и҆ мл҃тва моѧ̀ во бл҃говоле́нїихъ и҆́хъ, поже́рты бы́ша при ка́мени сꙋдїи̑ и҆́хъ. ᲂу҆слы́шатсѧ глаго́ли моѝ, ꙗ҆́кѡ возмого́ша: ꙗ҆́кѡ то́лща землѝ просѣ́десѧ на землѝ, расточи́шасѧ кѡ́сти и҆́хъ при а҆́дѣ. ꙗ҆́кѡ къ тебѣ̀ гдⷭ҇и, гдⷭ҇и, ѻ҆́чи моѝ, на тѧ̀ ᲂу҆пова́хъ, не ѿимѝ дꙋ́шꙋ мою̀. сохрани́ мѧ ѿ сѣ́ти, ю҆́же соста́виша мѝ, и҆ ѿ собла̑знъ дѣ́лающихъ беззако́нїе. падꙋ́тъ во мре́жꙋ свою̀ грѣ̑шницы: є҆ди́нъ є҆́смь а҆́зъ, до́ндеже прейдꙋ̀."
 },
 {
  "type": "TEXT",
  "value": "Г ла́сомъ мои́мъ ко гдⷭ҇ꙋ воззва́хъ, гла́сомъ мои́мъ ко гдⷭ҇ꙋ помоли́хсѧ. пролїю̀ пред̾ ни́мъ моле́нїе моѐ, печа́ль мою̀ пред̾ ни́мъ возвѣщꙋ̀. внегда̀ и҆счеза́ти ѿ менє̀ дꙋ́хꙋ моемꙋ̀, и҆ ты̀ позна́лъ є҆сѝ стєзѝ моѧ̑. на пꙋтѝ се́мъ, по немꙋ́же хожда́хъ, скры́ша сѣ́ть мнѣ̀. смотрѧ́хъ ѡ҆деснꙋ́ю и҆ возглѧ́дахъ, и҆ не бѣ̀ зна́ѧй менє̀. поги́бе бѣ́гство ѿ менє̀, и҆ нѣ́сть взыска́ѧй дꙋ́шꙋ мою̀. воззва́хъ къ тебѣ̀ гдⷭ҇и, рѣ́хъ: ты̀ є҆сѝ ᲂу҆пова́нїе моѐ, ча́сть моѧ̀ є҆сѝ на землѝ живы́хъ. вонмѝ моле́нїю моемꙋ̀, ꙗ҆́кѡ смири́хсѧ ѕѣлѡ̀: и҆зба́ви мѧ̀ ѿ гонѧ́щихъ мѧ̀, ꙗ҆́кѡ ᲂу҆крѣпи́шасѧ па́че менє̀."
 },
 {
  "type": "TEXT",
  "value": "На і҃: И҆зведѝ и҆з̾ темни́цы дꙋ́шꙋ мою̀, и҆сповѣ́датисѧ и҆́мени твоемꙋ̀."
 },
 {
  "type": "TEXT",
  "value": "Поста́вимъ стїхѡ́въ і҃ и҆ пое́мъ самогла́сны, гла́съ а҃:"
 },
 {
  "type": "TEXT",
  "value": "Т ебѐ дв҃ыѧ сн҃а, / блꙋдни́ца позна́вши бг҃а, / глаго́лаше, въ пла́чи молѧ́щисѧ, / ꙗ҆́кѡ сле́зъ достѡ́йнаѧ содѣ́лавшаѧ: / разрѣшѝ до́лгъ, ꙗ҆́коже и҆ а҆́зъ власы̀: / возлюбѝ лю́бѧщꙋю, пра́веднѡ ненави́димꙋю, / и҆ бли́зъ мытаре́й тебѐ проповѣ́мъ, / бл҃годѣ́телю чл҃вѣколю́бче."
 },
 {
  "type": "TEXT",
  "value": "Стїхъ: Менє̀ ждꙋ́тъ пра́вєдницы, до́ндеже возда́си мнѣ̀."
 },
 {
  "type": "TEXT",
  "value": "М ногоцѣ́нное мѵ́ро / блꙋдни́ца смѣсѝ со слеза́ми, / и҆ и҆злїѧ̀ на пречⷭ҇тѣи но́зѣ твоѝ, ѡ҆блобыза́ющи: / ѻ҆́нꙋю а҆́бїе ѡ҆правда́лъ є҆сѝ, / на́мъ же проще́нїе да́рꙋй, / пострада́вый ѡ҆ на́съ, и҆ сп҃сѝ на́съ."
 },
 {
  "type": "TEXT",
  "value": "На и҃. Стїхъ: И҆з̾ глꙋбины̀ воззва́хъ къ тебѣ̀ гдⷭ҇и, гдⷭ҇и, ᲂу҆слы́ши гла́съ мо́й."
 },
 {
  "type": "TEXT",
  "value": "Є҆ гда̀ грѣ́шнаѧ приноша́ше мѵ́ро, / тогда̀ ᲂу҆чени́къ соглаша́шесѧ пребеззакѡ́ннымъ. / ѻ҆́ваѧ ᲂу҆́бѡ ра́довашесѧ, / и҆стоща́ющи мѵ́ро многоцѣ́нное: / се́й же тща́шесѧ прода́ти безцѣ́ннаго. / сїѧ̀ влⷣкꙋ познава́ше, / а҆ се́й ѿ влⷣки разлꙋча́шесѧ. / сїѧ̀ свобожда́шесѧ, / а҆ і҆ꙋ́да ра́бъ быва́ше врагꙋ̀. / лю́то є҆́сть лѣ́ность, ве́лїе покаѧ́нїе: / є҆́же мнѣ̀ да́рꙋй сп҃се, / пострада́вый ѡ҆ на́съ, и҆ сп҃сѝ на́съ."
 },
 {
  "type": "TEXT",
  "value": "Стїхъ: Да бꙋ́дꙋтъ ᲂу҆́ши твоѝ, вне́млющѣ гла́сꙋ моле́нїѧ моегѡ̀."
 },
 {
  "type": "TEXT",
  "value": "Ѽ і҆ꙋ́дина ѻ҆каѧ́нства! / зрѧ́ше блꙋдни́цꙋ цѣлꙋ́ющꙋю стѡпы̀, / и҆ ᲂу҆мышлѧ́ше ле́стїю, преда́нїѧ цѣлова́нїе. / ѻ҆́наѧ власы̀ разрѣшѝ, а҆ се́й ꙗ҆́ростїю вѧза́шесѧ, / носѧ̀ вмѣ́стѡ мѵ́ра ѕлосмра́днꙋю ѕло́бꙋ: / за́висть бо не вѣ́сть предпочита́ти поле́зное. / ѽ і҆ꙋ́дина ѻ҆каѧ́нства, / ѿ негѡ́же и҆зба́ви бж҃е, дꙋ́шы на́шѧ."
 },
 {
  "type": "TEXT",
  "value": "На ѕ҃. Стїхъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
 },
 {
  "type": "TEXT",
  "value": "Гла́съ в҃: Грѣ́шнаѧ течѐ къ мѵ́рꙋ, / кꙋпи́ти многоцѣ́нное мѵ́ро, / є҆́же пома́зати бл҃годѣ́телѧ, / и҆ мѷропрода́телю вопїѧ́ше: / да́ждь мѝ мѵ́ро, да пома́жꙋ и҆ а҆́зъ / ѡ҆чи́стившаго всѧ̑ моѧ̑ грѣхѝ."
 },
 {
  "type": "TEXT",
  "value": "Стїхъ: И҆́мене ра́ди твоегѡ̀ потерпѣ́хъ тѧ̀, гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
 },
 {
  "type": "TEXT",
  "value": "Гла́съ ѕ҃: Погрꙋже́наѧ грѣхо́мъ, / ѡ҆брѣ́те тѧ̀ приста́нище сп҃се́нїѧ, / ви́ждь и҆ мѵ́ра со слеза́ми растворѧ́ющꙋю, тебѣ̀ вопїѧ́ше: / ви́ждь, согрѣша́ющихъ покаѧ́нїѧ ѡ҆жида́ѧй: / но влⷣко сп҃си́ мѧ ѿ волны̀ грѣхо́вныѧ, / вели́кїѧ ра́ди твоеѧ̀ млⷭ҇ти."
 },
 {
  "type": "TEXT",
  "value": "На д҃. Стїхъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ, да ᲂу҆пова́етъ і҆и҃ль на гдⷭ҇а."
 },
 {
  "type": "TEXT",
  "value": "Д не́сь хрⷭ҇то́съ прихо́дитъ въ до́мъ фарїсе́овъ, / и҆ жена̀ грѣ́шница пристꙋпи́вши къ нога́мъ, валѧ́шесѧ вопїю́щи: / ви́ждь погрꙋже́ннꙋю грѣхо́мъ, / ѿча́ѧннꙋю дѣѧ́нїй ра́ди, / негнꙋша́емꙋю ѿ твоеѧ̀ бл҃гости, / и҆ да́ждь мѝ гдⷭ҇и ѡ҆ставле́нїе ѕлы́хъ, и҆ сп҃си́ мѧ."
 },
 {
  "type": "TEXT",
  "value": "Стїхъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе, и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
 },
 {
  "type": "TEXT",
  "value": "П рострѐ блꙋдни́ца власы̀ тебѣ̀ влⷣцѣ, / прострѐ і҆ꙋ́да рꙋ́цѣ беззакѡ́ннымъ: / ѻ҆́ва ᲂу҆́бѡ прїѧ́ти ѡ҆ставле́нїе, / ѻ҆́въ же взѧ́ти сре́бреники. / тѣ́мже тебѣ̀ вопїе́мъ про́даномꙋ, и҆ свобо́ждшемꙋ на́съ: / гдⷭ҇и сла́ва тебѣ̀."
 },
 {
  "type": "TEXT",
  "value": "На в҃. Стїхъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
 },
 {
  "type": "TEXT",
  "value": "П ристꙋпѝ жена̀ ѕлосмра́днаѧ и҆ ѡ҆скверне́наѧ, сле́зы пролива́ющи, / лю́бѧщи сп҃се, стра́сть и҆сповѣ́дающи: / ка́кѡ воззрю̀ къ тебѣ̀ влⷣцѣ; / са́мъ бо прише́лъ є҆сѝ спастѝ блꙋдни́цꙋ: / и҆з̾ глꙋбины̀ ᲂу҆ме́ршꙋю мѧ̀ воскресѝ, / и҆́же ла́зарѧ воздви́гнꙋвый и҆з̾ гро́ба четверодне́вна: / прїими́ мѧ ѻ҆каѧ́ннꙋю гдⷭ҇и, и҆ сп҃си́ мѧ."
 },
 {
  "type": "TEXT",
  "value": "Стїхъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
 },
 {
  "type": "TEXT",
  "value": "Ѿ ча́ѧннаѧ житїѧ̀ ра́ди, / и҆ ᲂу҆вѣ́домаѧ нра́ва ра́ди, / мѵ́ра носѧ́щаѧ пристꙋпѝ тебѣ̀ вопїю́щи: / да не ѿве́ржеши менѐ блꙋ́днꙋю, роди́выйсѧ ѿ дв҃ы, / да не пре́зриши моѧ̑ сле́зы, ра́досте а҆́гг҃лѡвъ, / но прїими́ мѧ ка́ющꙋюсѧ, / ю҆́же не ѿри́нꙋлъ є҆сѝ согрѣша́ющꙋю гдⷭ҇и, / вели́кїѧ ра́ди твоеѧ̀ млⷭ҇ти."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Гла́съ и҃. Творе́нїе кассїа́ны и҆́нокини: Гдⷭ҇и, ꙗ҆́же во мнѡ́гїѧ грѣхѝ впа́дшаѧ жена̀, / твоѐ ѡ҆щꙋти́вшаѧ бж҃ество̀, / мѷроно́сицы взе́мши чи́нъ, / рыда́ющи мѵ́ро тебѣ̀ пре́жде погребе́нїѧ прино́ситъ: / ᲂу҆вы̀ мнѣ̀, глаго́лющи, / ꙗ҆́кѡ но́щь мнѣ̀ є҆́сть разжже́нїе блꙋда̀ невоздержа́нна, / мра́чное же и҆ безлꙋ́нное раче́нїе грѣха̀. / прїимѝ моѧ̑ и҆сто́чники сле́зъ, / и҆́же ѻ҆блака́ми производѧ́й мо́рѧ во́дꙋ. / приклони́сѧ къ мои̑мъ воздыха́нїємъ сердє́чнымъ, / приклони́вый нб҃са̀, неизрече́ннымъ твои́мъ и҆стоща́нїемъ, / да ѡ҆блобыжꙋ̀ пречⷭ҇тѣи твоѝ но́зѣ, / и҆ ѡ҆трꙋ̀ сїѧ̑ па́ки главы̀ моеѧ̀ власы̀: / и҆́хже въ раѝ є҆́ѵа, по полꙋ́дни, шꙋ́момъ ᲂу҆́шы ѡ҆гласи́вши, стра́хомъ скры́сѧ. / грѣхѡ́въ мои́хъ мно́жєства, / и҆ сꙋде́бъ твои́хъ бє́здны кто̀ и҆зслѣ́дитъ; / дꙋшеспа́сче сп҃се мо́й, да мѧ̀ твою̀ рабꙋ̀ не пре́зриши, / и҆́же безмѣ́рнꙋю и҆мѣ́ѧй млⷭ҇ть."
 },
 {
  "type": "TEXT",
  "value": "Та́же вхо́дъ со є҆ѵⷢ҇лїемъ. И҆ сщ҃е́нникъ, блгⷭ҇влѧ́ѧ вхо́дъ, глаго́летъ: Бл҃гослове́нъ вхо́дъ ст҃ы́хъ твои́хъ, всегда̀, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Дїа́конъ глаго́летъ: Премꙋ́дрость, про́сти."
 },
 {
  "type": "TEXT",
  "value": "Ли́къ же: Свѣ́те ти́хїй ст҃ы́ѧ сла́вы, / безсме́ртнагѡ, ѻ҆ц҃а̀ нбⷭ҇нагѡ, / ст҃а́гѡ бл҃же́ннагѡ, і҆и҃се хрⷭ҇тѐ, / прише́дше на за́падъ со́лнца, / ви́дѣвше свѣ́тъ вече́рнїй, / пое́мъ ѻ҆ц҃а̀, сн҃а, и҆ ст҃а́го дх҃а, бг҃а. / досто́инъ є҆сѝ во всѧ̑ времена̀ / пѣ́тъ бы́ти гла́сы преподо́бными, / сн҃е бж҃їй, живо́тъ даѧ́й: / тѣ́мже мі́ръ тѧ̀ сла́витъ."
 },
 {
  "type": "TEXT",
  "value": "Дїа́конъ: Во́нмемъ."
 },
 {
  "type": "TEXT",
  "value": "Сщ҃е́нникъ: Ми́ръ всѣ̑мъ."
 },
 {
  "type": "TEXT",
  "value": "Дїа́конъ: Премꙋ́дрость. Во́нмемъ."
 },
 {
  "type": "TEXT",
  "value": "Чте́цъ: Прокі́менъ, ѱало́мъ рл҃є, гла́съ д҃: И҆сповѣ́дайтесѧ бг҃ꙋ нбⷭ҇номꙋ, / ꙗ҆́кѡ бл҃гъ, ꙗ҆́кѡ въ вѣ́къ млⷭ҇ть є҆гѡ̀. Сті́хъ: И҆сповѣ́дайтесѧ бг҃ꙋ богѡ́въ, ꙗ҆́кѡ въ вѣ́къ млⷭ҇ть є҆гѡ̀."
 },
 {
  "type": "TEXT",
  "value": "Дїа́конъ: Премꙋ́дрость."
 },
 {
  "type": "TEXT",
  "value": "Чте́цъ: И҆схо́да чте́нїе. [Глава̀ в҃, ст. а҃і-к҃в.]"
 },
 {
  "type": "TEXT",
  "value": "Дїа́конъ: Во́нмемъ."
 },
 {
  "type": "TEXT",
  "value": "Чте́цъ: Бы́сть во дни̑ мнѡ́гїѧ ѻ҆́ны, вели́къ бы́въ мѡѷсе́й, и҆зы́де къ бра́тїѧмъ свои̑мъ сынѡ́мъ і҆и҃лєвымъ: разꙋмѣ́въ же болѣ́знь и҆́хъ, ви́дѣ человѣ́ка є҆гѵ́птѧнина бїю́ща нѣ́коего є҆вре́анина ѿ бра́тїи є҆гѡ̀ сынѡ́въ і҆и҃левыхъ. ѡ҆бозрѣ́всѧ же сѣ́мѡ и҆ ѻ҆ва́мѡ, никого́же ви́дѣ: и҆ порази́въ є҆гѵ́птѧнина, скры̀ є҆го̀ въ песцѣ̀. и҆зше́дъ же во вторы́й де́нь, ви́дѣ два̀ мꙋ̑жа є҆вре́анина бїю́щыѧсѧ, и҆ глаго́ла ѡ҆би́дѧщемꙋ: чесѡ̀ ра́ди ты̀ бїе́ши и҆́скреннѧго; ѻ҆́нъ же речѐ: кто́ тѧ поста́ви кнѧ́зѧ и҆ сꙋдїю̀ над̾ на́ми; є҆да̀ ᲂу҆би́ти мѧ̀ ты̀ хо́щеши, и҆́мже ѡ҆́бразомъ ᲂу҆би́лъ є҆сѝ вчера̀ є҆гѵ́птѧнина; ᲂу҆боѧ́сѧ же мѡѷсе́й, и҆ речѐ: а҆́ще си́це ꙗ҆вле́нъ бы́сть глаго́лъ се́й; ᲂу҆слы́ша же фараѡ́нъ глаго́лъ се́й, и҆ и҆ска́ше ᲂу҆би́ти мѡѷсе́а. ѿи́де же мѡѷсе́й ѿ лица̀ фараѡ́нова, и҆ всели́сѧ въ землѝ мадїа́мстѣй: прише́дъ же въ зе́млю мадїа́мскꙋю, сѣ́де при кла́дѧзѣ. свѧще́нникꙋ же мадїа́мскомꙋ бѣ́ша се́дмь дще́рей пасꙋ́щихъ ѻ҆́вцы ѻ҆тца̀ своегѡ̀ і҆ѡѳо́ра: прише́дше же че́рпахꙋ, до́ндеже напо́лниша кѡры́та, напои́ти ѻ҆́вцы ѻ҆тца̀ своегѡ̀ і҆ѡѳо́ра. прише́дше же па́стырїе и҆згна́ша ѧ҆̀: воста́въ же мѡѷсе́й и҆зба́ви и҆̀хъ, и҆ налїѧ̀ и҆̀мъ, и҆ напоѝ ѻ҆́вцы и҆́хъ. прїидо́ша же къ рагꙋи́лꙋ ѻ҆тцꙋ̀ своемꙋ̀, ѻ҆́нъ же речѐ и҆̀мъ: что̀ ꙗ҆́кѡ ᲂу҆скори́сте прїитѝ дне́сь; ѻ҆́ныѧ же реко́ша: человѣ́къ є҆гѵ́птѧнинъ и҆зба́ви на́съ ѿ па́стырей, и҆ наче́рпа на́мъ, и҆ напоѝ ѻ҆́вцы на́шѧ. ѻ҆́нъ же речѐ дще́ремъ свои̑мъ: и҆ гдѣ̀ є҆́сть; и҆ вскꙋ́ю си́це ѡ҆ста́висте человѣ́ка; призови́те ᲂу҆̀бо є҆го̀, да ꙗ҆́стъ хлѣ́бъ. всели́сѧ же мѡѷсе́й ᲂу҆ человѣ́ка: и҆ дадѐ сепфѡ́рꙋ дще́рь свою̀ мѡѷсе́ю въ женꙋ̀. во чре́вѣ же заче́нши жена̀, родѝ сы́на, и҆ наречѐ мѡѷсе́й и҆́мѧ є҆мꙋ̀, гирса́мъ, глаго́лѧ: ꙗ҆́кѡ пришле́цъ є҆́смь въ землѝ чꙋжде́й. є҆ще́ же заче́нши родѝ сы́на втора́го, и҆ наречѐ и҆́мѧ є҆мꙋ̀ є҆лїезе́ръ, глаго́лѧ: бг҃ъ бо ѻ҆тца̀ моегѡ̀ помо́щникъ мо́й, и҆ и҆зба́ви мѧ̀ и҆з̾ рꙋкѝ фараѡ́новы."
 },
 {
  "type": "TEXT",
  "value": "Дїа́конъ: Во́нмемъ."
 },
 {
  "type": "TEXT",
  "value": "Чте́цъ: Прокі́менъ, ѱало́мъ рл҃з, гла́съ д҃: Гдⷭ҇и, млⷭ҇ть твоѧ̀ во вѣ́къ, / дѣ́лъ рꙋкꙋ̀ твоє́ю не пре́зри. Сті́хъ: И҆сповѣ́мсѧ тебѣ̀ гдⷭ҇и всѣ́мъ се́рдцемъ мои́мъ, и҆ пред̾ а҆́гг҃лы воспою̀ тебѣ̀."
 },
 {
  "type": "TEXT",
  "value": "Посе́мъ возглаша́етъ дїа́конъ: Повели́те."
 },
 {
  "type": "TEXT",
  "value": "Свѧще́нникъ же, взе́мъ ѻ҆бѣ́ма рꙋка́ма кади́льницꙋ и҆ свѣ́щникъ со свѣще́ю, стои́тъ пред̾ ст҃о́ю трапе́зою, зрѧ̀ къ восто́кѡмъ, и҆ назна́менꙋѧ кре́стъ, глаго́летъ: Премꙋ́дрость, про́сти."
 },
 {
  "type": "TEXT",
  "value": "Та́же ѡ҆братѧ́сѧ на за́падъ къ наро́дꙋ, глаго́летъ: Свѣ́тъ хрⷭ҇то́въ просвѣща́етъ всѣ́хъ."
 },
 {
  "type": "TEXT",
  "value": "Чте́цъ: І҆́ѡва чте́нїе. [Глава̀ в҃, ст. а҃-і҃.]"
 },
 {
  "type": "TEXT",
  "value": "Дїа́конъ: Во́нмемъ."
 },
 {
  "type": "TEXT",
  "value": "Чте́цъ: Бы́сть ꙗ҆́кѡ де́нь се́й, и҆ прїидо́ша а҆́гг҃ли бж҃їи предста́ти пред̾ гдⷭ҇емъ: и҆ дїа́волъ прїи́де посредѣ̀ и҆́хъ предста́ти пред̾ гдⷭ҇емъ. и҆ речѐ гдⷭ҇ь дїа́волꙋ: ѿкꙋ́дꙋ ты̀ грѧде́ши; тогда̀ речѐ дїа́волъ пред̾ гдⷭ҇емъ: проше́дъ поднебе́снꙋю, и҆ ѡ҆бше́дъ всю̀ зе́млю, прїидо́хъ. и҆ речѐ гдⷭ҇ь къ дїа́волꙋ: внѧ́лъ ли є҆сѝ ᲂу҆́бѡ [мы́слїю твое́ю] рабꙋ̀ моемꙋ̀ і҆́ѡвꙋ; ꙗ҆́кѡ нѣ́сть такова̀ ѿ сꙋ́щихъ на землѝ: человѣ́къ неѕло́бивъ, и҆́стиненъ, непоро́ченъ, бг҃очести́въ, ᲂу҆далѧ́ѧйсѧ ѿ всѧ́кагѡ ѕла̀, є҆ще́ же придержи́тсѧ неѕло́бїѧ: ты́ же ре́клъ є҆сѝ и҆мѣ̑нїѧ є҆гѡ̀ погꙋби́ти вотщѐ. ѿвѣща́въ же дїа́волъ гдⷭ҇ви, речѐ: ко́жꙋ за ко́жꙋ, и҆ всѧ̑ є҆ли̑ка и҆́мать человѣ́къ, да́стъ за дꙋ́шꙋ свою̀. ѻ҆ба́че послѝ рꙋ́кꙋ твою̀, и҆ косни́сѧ косте́мъ є҆гѡ̀, и҆ пло́ти є҆гѡ̀, а҆́ще не въ лице́ тѧ бл҃гослови́тъ. рече́ же гдⷭ҇ь дїа́волꙋ: сѐ предаю́ ти є҆го̀, то́кмѡ дꙋ́шꙋ є҆гѡ̀ соблюдѝ. и҆зы́де же дїа́волъ ѿ лица̀ гдⷭ҇нѧ, и҆ поразѝ і҆́ѡва гно́емъ лю́тымъ ѿ но́гъ да́же до главы̀. и҆ взѧ̀ [і҆́ѡвъ] чре́пъ, да ѡ҆строга́етъ гно́й сво́й, и҆ то́й сѣдѧ́ше на гно́ищи внѣ̀ гра́да. вре́мени же мно́гꙋ минꙋ́вшꙋ, речѐ къ немꙋ̀ жена̀ є҆гѡ̀ глаго́лющи: доко́лѣ терпи́ши, сѐ пождꙋ̀ вре́мѧ є҆щѐ ма́ло, ча́ющи наде́жди сп҃се́нїѧ моегѡ̀. се́ бо потреби́сѧ ѿ землѝ па́мѧть твоѧ̀, сы́нове твоѝ и҆ дщє́ри, моегѡ̀ чре́ва болѣ̑зни и҆ трꙋды̀, и҆́миже вотщѐ трꙋди́хсѧ съ болѣ́зньми: ты́ же са́мъ въ гноѝ черве́й сѣди́ши, ѡ҆бнощева́ѧ внѣ̀ без̾ покро́ва, и҆ а҆́зъ скита́ющисѧ и҆ слꙋжа́щи, мѣ́сто ѿ мѣ́ста преходѧ́щи, и҆ до́мъ ѿ до́мꙋ, ѡ҆жида́ющи со́лнца, когда̀ за́йдетъ, да почі́ю ѿ трꙋдѡ́въ мои́хъ, и҆ ѿ болѣ́зней, ꙗ҆̀же мѧ̀ ны́нѣ ѡ҆бдержа́тъ. но рцы̀ глаго́лъ нѣ́кїй ко гдⷭ҇ꙋ, и҆ ᲂу҆мрѝ. ѻ҆́нъ же воззрѣ́въ речѐ къ не́й: вскꙋ́ю ꙗ҆́кѡ є҆ди́на ѿ безꙋ́мныхъ же́нъ возглаго́лала є҆сѝ; а҆́ще блага̑ѧ прїѧ́хомъ ѿ рꙋкѝ гдⷭ҇ни, ѕлы́хъ ли не стерпи́мъ; во всѣ́хъ си́хъ приключи́вшихсѧ є҆мꙋ̀, ничи́мже согрѣшѝ і҆́ѡвъ ᲂу҆стна́ма пред̾ бг҃омъ, [и҆ не дадѐ безꙋ́мїѧ бг҃ꙋ]."
 },
 {
  "type": "TEXT",
  "value": "Свѧще́нникъ глаго́летъ: Ми́ръ тѝ."
 },
 {
  "type": "TEXT",
  "value": "И҆ чте́цъ: И҆ дх҃ови твоемꙋ̀."
 },
 {
  "type": "TEXT",
  "value": "Дїа́конъ: Премꙋ́дрость."
 },
 {
  "type": "TEXT",
  "value": "Чте́цъ пое́тъ: Да и҆спра́витсѧ мл҃тва моѧ̀, / ꙗ҆́кѡ кади́ло пред̾ тобо́ю, / воздѣѧ́нїе рꙋкꙋ̀ мое́ю, / же́ртва вече́рнѧѧ."
 },
 {
  "type": "TEXT",
  "value": "Подоба́етъ вѣ́дати, є҆гда̀ чте́цъ пое́тъ: Да и҆спра́витсѧ мл҃тва моѧ̀, ꙗ҆́кѡ кади́ло пред̾ тобо́ю: всѝ лю́дїе сꙋ́щїи во хра́мѣ и҆ во ѻ҆лтарѣ̀, стоѧ́тъ на колѣ́нахъ молѧ́щесѧ. Є҆гда́ же на́чнетъ: Воздѣѧ́нїе рꙋкꙋ̀ мое́ю: востаю́тъ. На про́чїихъ же стїха́хъ, Да и҆спра́витсѧ, пѣ́нїѧ, є҆гда̀ кото́рый ли́къ пое́тъ, и҆ всѧ̀ страна̀ стои́тъ: вторы́й же ли́къ и҆ страна̀ наро́да колѣ̑на приклонѧ́ютъ. І҆ере́й же стоѧ̀ во ѻ҆лтарѣ̀ пред̾ ст҃о́ю трапе́зою, прїѧ́въ кади́льницꙋ съ ѳѷмїа́момъ, и҆ кади́тъ: послѣди́ же на Да и҆спра́витсѧ, ѿда́въ кади́льницꙋ и҆ са́мъ і҆ере́й приклонѧ́етъ колѣ̑на молѧ́сѧ."
 },
 {
  "type": "TEXT",
  "value": "И҆ по пѣ́нїи чтеца̀, ли́къ пое́тъ то́же."
 },
 {
  "type": "TEXT",
  "value": "Та́же, чте́цъ сті́хъ а҃: Гдⷭ҇и, воззва́хъ къ тебѣ̀, ᲂу҆слы́ши мѧ̀, / вонмѝ гла́сꙋ моле́нїѧ моегѡ̀, / внегда̀ воззва́ти мѝ къ тебѣ̀."
 },
 {
  "type": "TEXT",
  "value": "Ли́къ: Да и҆спра́витсѧ мл҃тва моѧ̀, / ꙗ҆́кѡ кади́ло пред̾ тобо́ю, / воздѣѧ́нїе рꙋкꙋ̀ мое́ю, / же́ртва вече́рнѧѧ."
 },
 {
  "type": "TEXT",
  "value": "Чте́цъ, сті́хъ в҃: Положѝ гдⷭ҇и, хране́нїе ᲂу҆стѡ́мъ мои̑мъ, / и҆ две́рь ѡ҆гражде́нїѧ ѡ҆ ᲂу҆стна́хъ мои́хъ."
 },
 {
  "type": "TEXT",
  "value": "Ли́къ: Да и҆спра́витсѧ мл҃тва моѧ̀, / ꙗ҆́кѡ кади́ло пред̾ тобо́ю, / воздѣѧ́нїе рꙋкꙋ̀ мое́ю, / же́ртва вече́рнѧѧ."
 },
 {
  "type": "TEXT",
  "value": "Чте́цъ, сті́хъ г҃: Не ᲂу҆клонѝ се́рдце моѐ въ словеса̀ лꙋка́вствїѧ, / непщева́ти вины̀ ѡ҆ грѣсѣ́хъ."
 },
 {
  "type": "TEXT",
  "value": "Ли́къ: Да и҆спра́витсѧ мл҃тва моѧ̀, / ꙗ҆́кѡ кади́ло пред̾ тобо́ю, / воздѣѧ́нїе рꙋкꙋ̀ мое́ю, / же́ртва вече́рнѧѧ."
 },
 {
  "type": "TEXT",
  "value": "И҆ па́ки чте́цъ пое́тъ: Да и҆спра́витсѧ мл҃тва моѧ̀, / ꙗ҆́кѡ кади́ло пред̾ тобо́ю."
 },
 {
  "type": "TEXT",
  "value": "И҆ ли́къ пое́тъ: Воздѣѧ́нїе рꙋкꙋ̀ мое́ю, / же́ртва вече́рнѧѧ."
 },
 {
  "type": "TEXT",
  "value": "И҆ по и҆сполне́нїи твори́мъ покло́ны трѝ."
 },
 {
  "type": "HEADER",
  "value": "Посе́мъ глаго́летъ сщ҃е́нникъ мл҃твꙋ прпⷣбнагѡ є҆фре́ма:"
 },
 {
  "type": "TEXT",
  "value": "Г дⷭ҇и и҆ влⷣко живота̀ моегѡ̀, дꙋ́хъ пра́здности, ᲂу҆ны́нїѧ, любонача́лїѧ и҆ праздносло́вїѧ не да́ждь мѝ. [Покло́нъ вели́кїй.]"
 },
 {
  "type": "TEXT",
  "value": "Д х҃ъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ да́рꙋй мѝ рабꙋ̀ твоемꙋ̀. [Покло́нъ вели́кїй.]"
 },
 {
  "type": "TEXT",
  "value": "Є҆́ й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ. А҆ми́нь. [Покло́нъ вели́кїй.]"
 },
 {
  "type": "TEXT",
  "value": "І҆ере́й: Премꙋ́дрость, простѝ, ᲂу҆слы́шимъ ст҃а́гѡ є҆ѵⷢ҇лїа. Ми́ръ всѣ̑мъ."
 },
 {
  "type": "TEXT",
  "value": "Ли́къ: И҆ дх҃ови твоемꙋ̀."
 },
 {
  "type": "TEXT",
  "value": "Дїа́конъ: Ѿ матѳе́а, ст҃а́гѡ є҆ѵⷢ҇лїа чте́нїе."
 },
 {
  "type": "TEXT",
  "value": "Ли́къ: Сла́ва тебѣ̀ гдⷭ҇и, сла́ва тебѣ̀."
 },
 {
  "type": "TEXT",
  "value": "Сщ҃е́нникъ: Во́нмемъ."
 },
 {
  "type": "HEADER",
  "value": "Є҆ѵⷢ҇лїе ѿ матѳе́а, зача́ло р҃и."
 },
 {
  "type": "TEXT",
  "value": "В о вре́мѧ ѻ҆́но, і҆и҃сꙋ бы́вшꙋ въ виѳа́нїи, въ домꙋ̀ сі́мѡна прокаже́ннагѡ, пристꙋпѝ къ немꙋ̀ жена̀, стклѧ́ницꙋ мѵ́ра и҆мꙋ́щи многоцѣ́ннагѡ, и҆ возлива́ше на главꙋ̀ є҆гѡ̀, возлежа́щꙋ. ви́дѣвше же ᲂу҆ченицы̀ є҆гѡ̀, негодова́ша, глаго́люще. чесѡ̀ ра́ди ги́бель сїѧ̀ бы́сть; можа́ше бо сїѐ мѵ́ро продано̀ бы́ти на мно́зѣ, и҆ да́тисѧ ни́щымъ. разꙋмѣ́въ же і҆и҃съ речѐ и҆̀мъ: что̀ трꙋжда́ете женꙋ̀; дѣ́ло бо добро̀ содѣ́ла ѡ҆ мнѣ̀. всегда́ бо ни́щыѧ и҆́мате съ собо́ю: мене́ же не всегда̀ и҆́мате. возлїѧ́вши бо сїѧ̀ мѵ́ро сїѐ на тѣ́ло моѐ, на погребе́нїе мѧ̀ сотворѝ. а҆ми́нь глаго́лю ва́мъ: и҆дѣ́же а҆́ще проповѣ́дано бꙋ́детъ є҆ѵⷢ҇лїе сїѐ во все́мъ мі́рѣ, рече́тсѧ, и҆ є҆́же сотворѝ сїѧ̀, въ па́мѧть є҆ѧ̀. тогда̀ ше́дъ є҆ди́нъ ѿ ѻ҆боюна́десѧте, глаго́лемый і҆ꙋ́да і҆скарїѡ́тскїй, ко а҆рхїере́ѡмъ, речѐ: что́ ми хо́щете да́ти, и҆ а҆́зъ ва́мъ преда́мъ є҆го̀; ѻ҆ни́ же поста́виша є҆мꙋ̀ три́десѧть сре́брєникъ. и҆ ѿто́лѣ и҆ска́ше подо́бна вре́мене, да є҆го̀ преда́стъ."
 },
 {
  "type": "TEXT",
  "value": "Ли́къ: Сла́ва тебѣ̀, гдⷭ҇и, сла́ва тебѣ̀."
 },
 {
  "type": "TEXT",
  "value": "И҆ про́чее послѣ́дованїе преждеѡсщ҃е́нныхъ. И҆ по пренесе́нїи чⷭ҇тны́хъ дарѡ́въ покло́ны г҃. И҆ а҆́бїе ᲂу҆пражднѧ́ютсѧ соверше́ннѡ въ це́ркви быва́ємыѧ покло́ны. Въ ке́ллїахъ же да́же и҆ до вели́кагѡ пѧтка̀ соверша́ютсѧ."
 },
 {
  "type": "HEADER",
  "value": "Во ст҃ꙋ́ю и҆ вели́кꙋю сре́дꙋ ве́чера, повече́рїе же глаго́лемъ ма́лое."
 },
 {
  "type": "TEXT",
  "value": "Глаго́летъ сщ҃е́нникъ: Бл҃гослове́нъ бг҃ъ на́шъ, всегда̀, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "С ла́ва тебѣ̀ бж҃е на́шъ, сла́ва тебѣ̀."
 },
 {
  "type": "TEXT",
  "value": "Ц р҃ю̀ нбⷭ҇ный, ᲂу҆тѣ́шителю, дш҃е и҆́стины, и҆́же вездѣ̀ сы́й, и҆ всѧ̑ и҆сполнѧ́ѧй, сокро́вище бл҃ги́хъ и҆ жи́зни пода́телю, прїидѝ и҆ всели́сѧ въ ны̀, и҆ ѡ҆чи́сти ны̀ ѿ всѧ́кїѧ скве́рны, и҆ сп҃сѝ бл҃же, дꙋ́шы на́шѧ."
 },
 {
  "type": "TEXT",
  "value": "С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. Три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ, да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "TEXT",
  "value": "Та́же, Гдⷭ҇и поми́лꙋй, в҃і."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "П рїиди́те, поклони́мсѧ цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ хрⷭ҇тꙋ̀, цр҃е́ви на́шемꙋ бг҃ꙋ."
 },
 {
  "type": "TEXT",
  "value": "П рїиди́те, поклони́мсѧ и҆ припаде́мъ самомꙋ̀ хрⷭ҇тꙋ̀, цр҃е́ви и҆ бг҃ꙋ на́шемꙋ."
 },
 {
  "type": "HEADER",
  "value": "И҆ ѱало́мъ н҃."
 },
 {
  "type": "TEXT",
  "value": "П оми́лꙋй мѧ̀ бж҃е, по вели́цѣй ми́лости твое́й и҆ по мно́жествꙋ щедро́тъ твои́хъ ѡ҆чи́сти беззако́нїе моѐ. наипа́че ѡ҆мы́й мѧ̀ ѿ беззако́нїѧ моегѡ̀, и҆ ѿ грѣха̀ моегѡ̀ ѡ҆чи́сти мѧ̀. ꙗ҆́кѡ беззако́нїе моѐ а҆́зъ зна́ю, и҆ грѣ́хъ мо́й предо мно́ю є҆́сть вы́нꙋ. тебѣ̀ є҆ди́номꙋ согрѣши́хъ, и҆ лꙋка́вое пред̾ тобо́ю сотвори́хъ, ꙗ҆́кѡ да ѡ҆правди́шисѧ во словесѣ́хъ твои́хъ, и҆ побѣди́ши, внегда̀ сꙋди́ти тѝ. се́ бо въ беззако́нїихъ зача́тъ є҆́смь, и҆ во грѣсѣ́хъ роди́ мѧ ма́ти моѧ̀. се́ бо и҆́стинꙋ возлюби́лъ є҆сѝ, безвѣ̑стнаѧ и҆ та̑йнаѧ премꙋ́дрости твоеѧ̀ ꙗ҆ви́лъ мѝ є҆сѝ. ѡ҆кропи́ши мѧ̀ ѵ҆ссѡ́помъ, и҆ ѡ҆чи́щꙋсѧ: ѡ҆мы́еши мѧ̀, и҆ па́че снѣ́га ᲂу҆бѣлю́сѧ. слꙋ́хꙋ моемꙋ̀ да́си ра́дость и҆ весе́лїе, возра́дꙋютсѧ кѡ́сти смирє́нныѧ. ѿвратѝ лицѐ твоѐ ѿ грѣ̑хъ мои́хъ, и҆ всѧ̑ беззакѡ́нїѧ моѧ̑ ѡ҆чи́сти. се́рдце чи́сто сози́жди во мнѣ̀ бж҃е, и҆ дꙋ́хъ пра́въ ѡ҆бновѝ во ᲂу҆тро́бѣ мое́й. не ѿве́ржи менє̀ ѿ лица̀ твоегѡ̀, и҆ дх҃а твоегѡ̀ ст҃а́гѡ не ѿимѝ ѿ менє̀. возда́ждь мѝ ра́дость сп҃се́нїѧ твоегѡ̀, и҆ дх҃омъ влⷣчнимъ ᲂу҆тверди́ мѧ. наꙋчꙋ̀ беззакѡ́нныѧ пꙋтє́мъ твои̑мъ, и҆ нечести́вїи къ тебѣ̀ ѡ҆братѧ́тсѧ. и҆зба́ви мѧ̀ ѿ крове́й бж҃е, бж҃е сп҃се́нїѧ моегѡ̀, возра́дꙋетсѧ ѧ҆зы́къ мо́й пра́вдѣ твое́й. гдⷭ҇и, ᲂу҆стнѣ̀ моѝ ѿве́рзеши, и҆ ᲂу҆ста̀ моѧ̑ возвѣстѧ́тъ хвалꙋ̀ твою̀. ꙗ҆́кѡ а҆́ще бы восхотѣ́лъ є҆сѝ же́ртвы, да́лъ бы́хъ ᲂу҆́бѡ: всесожже́нїѧ не бл҃говоли́ши. же́ртва бг҃ꙋ дꙋ́хъ сокрꙋше́нъ: се́рдце сокрꙋше́нно и҆ смире́нно бг҃ъ не ᲂу҆ничижи́тъ. ᲂу҆бл҃жѝ гдⷭ҇и, бл҃говоле́нїемъ твои́мъ сїѡ́на, и҆ да сози́ждꙋтсѧ стѣ́ны і҆ерⷭ҇ли̑мскїѧ. тогда̀ бл҃говоли́ши же́ртвꙋ пра́вды, возноше́нїе и҆ всесожега́ємаѧ: тогда̀ возложа́тъ на ѻ҆лта́рь тво́й тельцы̀."
 },
 {
  "type": "HEADER",
  "value": "Ѱало́мъ ѯ҃ѳ."
 },
 {
  "type": "TEXT",
  "value": "Б ж҃е, въ по́мощь мою̀ вонмѝ, гдⷭ҇и, помощи́ ми потщи́сѧ: да постыдѧ́тсѧ и҆ посра́мѧтсѧ и҆́щꙋщїи дꙋ́шꙋ мою̀. да возвратѧ́тсѧ вспѧ́ть, и҆ постыдѧ́тсѧ хотѧ́щїи мѝ ѕла̑ѧ. да возвратѧ́тсѧ а҆́бїе стыдѧ́щесѧ, глаго́лющїи мѝ: бла́гоже, бла́гоже. да возра́дꙋютсѧ и҆ возвеселѧ́тсѧ ѡ҆ тебѣ̀ всѝ и҆́щꙋщїи тебѐ бж҃е: и҆ да глаго́лютъ вы́нꙋ, да возвели́читсѧ гдⷭ҇ь, лю́бѧщїи сп҃се́нїе твоѐ. а҆́зъ же ни́щъ є҆́смь и҆ ᲂу҆бо́гъ, бж҃е помози́ ми: помо́щникъ мо́й, и҆ и҆зба́витель мо́й є҆сѝ ты̀, гдⷭ҇и не закоснѝ."
 },
 {
  "type": "HEADER",
  "value": "Ѱало́мъ рм҃в."
 },
 {
  "type": "TEXT",
  "value": "Г дⷭ҇и, ᲂу҆слы́ши мл҃твꙋ мою̀, внꙋшѝ моле́нїе моѐ во и҆́стинѣ твое́й, ᲂу҆слы́ши мѧ̀ въ пра́вдѣ твое́й: и҆ не вни́ди въ сꙋ́дъ съ рабо́мъ твои́мъ, ꙗ҆́кѡ не ѡ҆правди́тсѧ пред̾ тобо́ю всѧ́къ живы́й. ꙗ҆́кѡ погна̀ вра́гъ дꙋ́шꙋ мою̀, смири́лъ є҆́сть въ зе́млю живо́тъ мо́й: посади́лъ мѧ̀ є҆́сть въ те́мныхъ, ꙗ҆́кѡ мє́ртвыѧ вѣ́ка. и҆ ᲂу҆ны̀ во мнѣ̀ дꙋ́хъ мо́й, во мнѣ̀ смѧте́сѧ се́рдце моѐ. помѧнꙋ́хъ дни̑ дрє́внїѧ, поꙋчи́хсѧ во всѣ́хъ дѣ́лѣхъ твои́хъ, въ творе́нїихъ рꙋкꙋ̀ твоє́ю поꙋча́хсѧ. воздѣ́хъ къ тебѣ̀ рꙋ́цѣ моѝ, дꙋша̀ моѧ̀ ꙗ҆́кѡ землѧ̀ безво́днаѧ тебѣ̀. ско́рѡ ᲂу҆слы́ши мѧ̀ гдⷭ҇и, и҆счезѐ дꙋ́хъ мо́й: не ѿвратѝ лица̀ твоегѡ̀ ѿ менѐ, и҆ ᲂу҆подо́блюсѧ низходѧ́щымъ въ ро́въ. слы́шанꙋ сотворѝ мнѣ̀ заꙋ́тра млⷭ҇ть твою̀, ꙗ҆́кѡ на тѧ̀ ᲂу҆пова́хъ. скажѝ мнѣ̀ гдⷭ҇и, пꙋ́ть, во́ньже пойдꙋ̀, ꙗ҆́кѡ къ тебѣ̀ взѧ́хъ дꙋ́шꙋ мою̀. и҆зми́ мѧ ѿ вра̑гъ мои́хъ, гдⷭ҇и, къ тебѣ̀ прибѣго́хъ, наꙋчи́ мѧ твори́ти во́лю твою̀, ꙗ҆́кѡ ты̀ є҆сѝ бг҃ъ мо́й. дх҃ъ тво́й бл҃гі́й наста́витъ мѧ̀ на зе́млю пра́вꙋ. и҆́мене твоегѡ̀ ра́ди гдⷭ҇и, живи́ши мѧ̀, пра́вдою твое́ю и҆зведе́ши ѿ печа́ли дꙋ́шꙋ мою̀: и҆ млⷭ҇тїю твое́ю потреби́ши врагѝ моѧ̑, и҆ погꙋби́ши всѧ̑ стꙋжа́ющыѧ дꙋшѝ мое́й, ꙗ҆́кѡ а҆́зъ ра́бъ тво́й є҆́смь."
 },
 {
  "type": "HEADER",
  "value": "Славосло́вїе вседне́вное."
 },
 {
  "type": "TEXT",
  "value": "С ла́ва въ вы́шнихъ бг҃ꙋ, и҆ на землѝ ми́ръ, въ человѣ́цѣхъ бл҃говоле́нїе. хва́лимъ тѧ̀, бл҃гослови́мъ тѧ̀, кла́нѧемъ ти сѧ, славосло́вимъ тѧ̀, бл҃годари́мъ тѧ̀ вели́кїѧ ра́ди сла́вы твоеѧ̀. гдⷭ҇и цр҃ю̀ нбⷭ҇ный, бж҃е ѻ҆́ч҃е вседержи́телю, гдⷭ҇и сн҃е є҆диноро́дный, і҆и҃се хрⷭ҇тѐ, и҆ ст҃ы́й дш҃е: гдⷭ҇и бж҃е, а҆́гнче бж҃їй, сн҃е ѻ҆ч҃ь, взе́млѧй грѣ́хъ мі́ра, поми́лꙋй на́съ: взе́млѧй грѣхѝ мі́ра, прїимѝ моли́твꙋ на́шꙋ: сѣдѧ́й ѡ҆деснꙋ́ю ѻ҆ц҃а̀, поми́лꙋй на́съ. ꙗ҆́кѡ ты̀ є҆сѝ є҆ди́нъ ст҃ъ, ты̀ є҆сѝ є҆ди́нъ гдⷭ҇ь, і҆и҃съ хрⷭ҇то́съ, въ сла́вꙋ бг҃а ѻ҆ц҃а̀, а҆ми́нь."
 },
 {
  "type": "TEXT",
  "value": "Н а всѧ́кꙋ но́щь бл҃гословлю́ тѧ, и҆ восхвалю̀ и҆́мѧ твоѐ во вѣ́ки, и҆ въ вѣ́къ вѣ́ка."
 },
 {
  "type": "TEXT",
  "value": "Г дⷭ҇и, прибѣ́жище бы́лъ є҆сѝ на́мъ въ ро́дъ и҆ ро́дъ. а҆́зъ рѣ́хъ: гдⷭ҇и, поми́лꙋй мѧ̀, и҆сцѣлѝ дꙋ́шꙋ мою̀, ꙗ҆́кѡ согрѣши́хъ тебѣ̀. гдⷭ҇и, къ тебѣ̀ прибѣго́хъ, наꙋчи́ мѧ твори́ти во́лю твою̀, ꙗ҆́кѡ ты̀ є҆сѝ бг҃ъ мо́й: ꙗ҆́кѡ ᲂу҆ тебѐ и҆сто́чникъ живота̀, во свѣ́тѣ твое́мъ ᲂу҆́зримъ свѣ́тъ. проба́ви млⷭ҇ть твою̀ вѣ́дꙋщымъ тѧ̀."
 },
 {
  "type": "TEXT",
  "value": "Та́же: Сподо́би гдⷭ҇и въ но́щь сїю̀ без̾ грѣха̀ сохрани́тисѧ на́мъ. бл҃гослове́нъ є҆сѝ гдⷭ҇и, бж҃е ѻ҆тє́цъ на́шихъ, и҆ хва́льно, и҆ просла́влено и҆́мѧ твоѐ во вѣ́ки, а҆ми́нь."
 },
 {
  "type": "TEXT",
  "value": "Б ꙋ́ди гдⷭ҇и, млⷭ҇ть твоѧ̀ на на́съ, ꙗ҆́коже ᲂу҆пова́хомъ на тѧ̀. бл҃гослове́нъ є҆сѝ гдⷭ҇и, наꙋчи́ мѧ ѡ҆правда́нїємъ твои̑мъ. бл҃гослове́нъ є҆сѝ влⷣко, вразꙋми́ мѧ ѡ҆правда́нїємъ твои̑мъ. бл҃гослове́нъ є҆сѝ ст҃ы́й, просвѣти́ мѧ ѡ҆правда́нїи твои́ми."
 },
 {
  "type": "TEXT",
  "value": "Г дⷭ҇и, ми́лость твоѧ̀ во вѣ́къ, дѣ́лъ рꙋкꙋ̀ твоє́ю не пре́зри. тебѣ̀ подоба́етъ хвала̀, тебѣ̀ подоба́етъ пѣ́нїе, тебѣ̀ сла́ва подоба́етъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "HEADER",
  "value": "И҆сповѣ́данїе вѣ́ры:"
 },
 {
  "type": "TEXT",
  "value": "В ѣ́рꙋю во є҆ди́наго бг҃а ѻ҆ц҃а̀ вседержи́телѧ, творца̀ нб҃ꙋ и҆ землѝ, ви̑димымъ же всѣ̑мъ и҆ неви̑димымъ. и҆ во є҆ди́наго гдⷭ҇а і҆и҃са хрⷭ҇та̀, сн҃а бж҃їѧ, є҆диноро́днаго, и҆́же ѿ ѻ҆ц҃а̀ рожде́ннаго пре́жде всѣ́хъ вѣ̑къ: свѣ́та ѿ свѣ́та, бг҃а и҆́стинна ѿ бг҃а и҆́стинна, рожде́нна, не сотворе́нна, є҆диносꙋ́щна ѻ҆ц҃ꙋ̀, и҆́мже всѧ̑ бы́ша. на́съ ра́ди человѣ̑къ, и҆ на́шегѡ ра́ди спасе́нїѧ, сше́дшаго съ нб҃съ, и҆ воплоти́вшагосѧ ѿ дх҃а ст҃а и҆ мр҃і́и дв҃ы, и҆ вочеловѣ́чшасѧ. распѧ́таго же за ны̀ при понті́йстѣмъ пїла́тѣ, и҆ страда́вша, и҆ погребе́нна, и҆ воскрⷭ҇шаго въ тре́тїй де́нь по писа́нїємъ. и҆ возше́дшаго на нб҃са̀, и҆ сѣдѧ́ща ѡ҆деснꙋ́ю ѻ҆ц҃а̀. и҆ па́ки грѧдꙋ́щаго со сла́вою, сꙋди́ти живы̑мъ и҆ мє́ртвымъ, є҆гѡ́же црⷭ҇твїю не бꙋ́детъ конца̀. и҆ въ дх҃а ст҃а́го, гдⷭ҇а, животворѧ́щаго, и҆́же ѿ ѻ҆ц҃а̀ и҆сходѧ́щаго, и҆́же со ѻ҆ц҃е́мъ и҆ сн҃омъ спокланѧ́ема и҆ ссла́вима, глаго́лавшаго прⷪ҇ро́ки. во є҆ди́нꙋ ст҃ꙋ́ю собо́рнꙋю и҆ а҆пⷭ҇льскꙋю цр҃ковь. и҆сповѣ́дꙋю є҆ди́но кр҃ще́нїе, во ѡ҆ставле́нїе грѣхѡ́въ. ча́ю воскрⷭ҇нїѧ ме́ртвыхъ: и҆ жи́зни бꙋ́дꙋщагѡ вѣ́ка. а҆ми́нь."
 },
 {
  "type": "TEXT",
  "value": "И҆ пое́мъ трипѣ́снецъ господи́на а҆ндре́а вели́кагѡ четвертка̀. І҆рмо́съ по два́жды. Тропарѝ коли́кѡ и҆́хъ є҆́сть. И҆ послѣдѝ і҆рмо́съ ѻ҆́ба ли̑ка вкꙋ́пѣ."
 },
 {
  "type": "HEADER",
  "value": "Гла́съ ѕ҃. Пѣ́снь д҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Оу҆слы́ша прⷪ҇ро́къ / прише́ствїе твоѐ гдⷭ҇и, и҆ ᲂу҆боѧ́сѧ, / ꙗ҆́кѡ хо́щеши ѿ дв҃ы роди́тисѧ, / и҆ человѣ́кѡмъ ꙗ҆ви́тисѧ, и҆ глаго́лаше: / ᲂу҆слы́шахъ слꙋ́хъ тво́й, и҆ ᲂу҆боѧ́хсѧ, / сла́ва си́лѣ твое́й гдⷭ҇и."
 },
 {
  "type": "TEXT",
  "value": "Припѣ́въ: Сла́ва тебѣ̀, бж҃е на́шъ, сла́ва тебѣ̀."
 },
 {
  "type": "TEXT",
  "value": "Г о́рница по́стланаѧ, прїѧ́тъ тѧ̀ созда́телѧ и҆ с̾таи́нники, / и҆ та́мѡ па́схꙋ сконча́лъ є҆сѝ, / и҆ та́мѡ содѣ́лалъ є҆сѝ та̑инства: / та́мѡ бо двѣма̀ по́сланома ны́нѣ ᲂу҆ченико́ма твои́ма, / па́сха ᲂу҆гото́васѧ тебѣ̀."
 },
 {
  "type": "TEXT",
  "value": "Припѣ́въ: Сла́ва тебѣ̀, бж҃е на́шъ, сла́ва тебѣ̀."
 },
 {
  "type": "TEXT",
  "value": "И҆ ди́те ко ѻ҆́нсицѣ, / всѧ̑ вѣ́дый предглаго́летъ а҆пⷭ҇лѡмъ, / и҆ бл҃же́нъ є҆́сть, и҆́же мо́жетъ вѣ́рнѡ прїѧ́ти гдⷭ҇а: / го́рницꙋ ᲂу҆́бѡ се́рдце пред̾ꙋгото́вавъ, / и҆ ве́черю бл҃гоче́стїе."
 },
 {
  "type": "TEXT",
  "value": "Припѣ́въ: Сла́ва тебѣ̀, бж҃е на́шъ, сла́ва тебѣ̀."
 },
 {
  "type": "TEXT",
  "value": "Н ра́въ сребролю́бїѧ, и҆ ѡ҆́бразъ тво́й безꙋ́мїѧ и҆спо́лнь несмы́сленный і҆ꙋ́до: / ввѣ́ренъ бо бы́въ є҆ди́нъ то́кмѡ ковче́жцꙋ, / всѧ́кѡ не преклони́лсѧ є҆сѝ къ милосе́рдїю: / но заключи́лъ є҆сѝ жесто́кагѡ твоегѡ̀ се́рдца ᲂу҆тро́бꙋ, / преда́въ є҆ди́наго бл҃гоꙋтро́бнаго."
 },
 {
  "type": "TEXT",
  "value": "Припѣ́въ: Сла́ва тебѣ̀, бж҃е на́шъ, сла́ва тебѣ̀."
 },
 {
  "type": "TEXT",
  "value": "Н ра́въ бг҃оꙋбі́йцъ прода́нїю сребролю́бца смѣси́выйсѧ: / ѻ҆́въ ᲂу҆́бѡ ко ᲂу҆бїе́нїю воѡрꙋжи́всѧ, / ѻ҆́въ же къ сре́бреникѡмъ ᲂу҆стремлѧ́шесѧ: / ᲂу҆давле́нїемъ бо тогда̀ предразсꙋди́въ покаѧ́нїе ѕлѣ̀, / є҆́же жи́ти лиши́сѧ."
 },
 {
  "type": "TEXT",
  "value": "Припѣ́въ: Сла́ва тебѣ̀, бж҃е на́шъ, сла́ва тебѣ̀."
 },
 {
  "type": "TEXT",
  "value": "Л обыза́нїе и҆спо́лнено льстѝ, / є҆́же ра́дꙋйсѧ, со ѻ҆рꙋ́жїемъ, льсти́вый і҆ꙋ́до: / ѧ҆зы́комъ ᲂу҆́бѡ провѣщава́еши ꙗ҆̀же къ соедине́нїю, / нра́вомъ же помава́еши къ разстоѧ́нїю: / преда́ти бо беззако́нникѡмъ бл҃годѣ́телѧ ле́стнѣ поꙋчи́лсѧ є҆сѝ."
 },
 {
  "type": "TEXT",
  "value": "Припѣ́въ: Сла́ва тебѣ̀, бж҃е на́шъ, сла́ва тебѣ̀."
 },
 {
  "type": "TEXT",
  "value": "Л обыза́еши и҆ продае́ши і҆ꙋ́до, / цѣлꙋ́еши и҆ не стыди́шисѧ, ле́стїю притекі́й. / кто̀ ненави́дѧ лобыза́етъ треѻкаѧ́нне; / кто̀ любѧ̀ продае́тъ на цѣнѣ̀; / лобыза́нїе твоегѡ̀ безстꙋ́днагѡ ѕлосовѣ́тїѧ ѡ҆блича́етъ произволе́нїе."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Н ераздѣ́льное сꙋщество́мъ, несли́тное ли́цы, / бг҃осло́влю тѧ̀, трⷪ҇ческое є҆ди́но бж҃ество̀, / ꙗ҆́кѡ є҆диноца́рственное и҆ сопресто́льное, / вопїю̀ тебѣ̀ пѣ́снь вели́кꙋю, / въ вы́шнихъ трегꙋ́бѡ пѣсносло́вимꙋю."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Бг҃оро́диченъ: Зача́тїе па́че сло́ва, / ржⷭ҇тво̀ твоѐ па́че є҆стества̀ бг҃ороди́тельнице: / ѻ҆́во ᲂу҆́бѡ ѿ дх҃а без̾ сѣ́мене, / ѻ҆́во же зако́нѡвъ є҆стества̀ таѧ́щеесѧ, ꙗ҆́кѡ нетлѣ́нно, / и҆ па́че є҆стества̀ всѧ́кагѡ рожде́нїѧ: / бг҃ъ бо ражда́емое."
 },
 {
  "type": "TEXT",
  "value": "Та́же і҆рмо́съ: Оу҆слы́ша прⷪ҇ро́къ / прише́ствїе твоѐ гдⷭ҇и, и҆ ᲂу҆боѧ́сѧ, / ꙗ҆́кѡ хо́щеши ѿ дв҃ы роди́тисѧ, / и҆ человѣ́кѡмъ ꙗ҆ви́тисѧ, и҆ глаго́лаше: / ᲂу҆слы́шахъ слꙋ́хъ тво́й, и҆ ᲂу҆боѧ́хсѧ, / сла́ва си́лѣ твое́й гдⷭ҇и."
 },
 {
  "type": "TEXT",
  "value": "Чте́цъ: Гдⷭ҇и поми́лꙋй, три́жды."
 },
 {
  "type": "HEADER",
  "value": "Сѣда́ленъ, гла́съ д҃. Подо́бенъ: Ꙗ҆ви́лсѧ є҆сѝ дне́сь:"
 },
 {
  "type": "TEXT",
  "value": "Ꙗ҆ ды́й влⷣко со ᲂу҆ченикѝ твои́ми, / та́инственнѡ ꙗ҆ви́лъ є҆сѝ / всест҃о́е твоѐ заколе́нїе, / и҆́мже тлѝ и҆зба́вихомсѧ, / честна̑ѧ твоѧ̑ почита́ющїи страда̑нїѧ."
 },
 {
  "type": "HEADER",
  "value": "Пѣ́снь и҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Є҆го́же вѡ́инства нбⷭ҇наѧ сла́вѧтъ, / и҆ трепе́щꙋтъ херꙋві́ми и҆ серафі́ми, / всѧ́ко дыха́нїе и҆ тва́рь, / по́йте, бл҃гослови́те / и҆ превозноси́те во всѧ̑ вѣ́ки."
 },
 {
  "type": "TEXT",
  "value": "Припѣ́въ: Сла́ва тебѣ̀, бж҃е на́шъ, сла́ва тебѣ̀."
 },
 {
  "type": "TEXT",
  "value": "З ако́нное сконча́въ повелѣ́нїе, / скрижа̑ли закѡ́нныѧ написа́вый въ сїна́и, / снѣдѐ ᲂу҆́бѡ па́схꙋ дре́внюю и҆ сѣно́внꙋю: / бы́сть же па́сха та́йнаѧ и҆ живоже́ртвеннаѧ."
 },
 {
  "type": "TEXT",
  "value": "Припѣ́въ: Сла́ва тебѣ̀, бж҃е на́шъ, сла́ва тебѣ̀."
 },
 {
  "type": "TEXT",
  "value": "Ѿ вѣ́ка сокрове́ннꙋю хрⷭ҇тѐ премꙋ́дрость тайноводѧ̀, / показа́лъ є҆сѝ кꙋ́пнѡ всѣ̑мъ а҆пⷭ҇лѡмъ сп҃се на ве́чери, / ю҆́же цр҃квамъ преда́ша бг҃оно́снїи."
 },
 {
  "type": "TEXT",
  "value": "Припѣ́въ: Сла́ва тебѣ̀, бж҃е на́шъ, сла́ва тебѣ̀."
 },
 {
  "type": "TEXT",
  "value": "Є҆ ди́нъ ѿ ва́съ ле́стїю преда́стъ мѧ̀, / є҆вре́ємъ прода́въ въ но́щь сїю̀, / сїѐ хрⷭ҇то́съ возопи́въ смꙋща́ше дрꙋ́ги: / тогда̀ є҆ди́нъ ко є҆ди́номꙋ, недоꙋмѣва́ѧсѧ колеба́шесѧ."
 },
 {
  "type": "TEXT",
  "value": "Припѣ́въ: Сла́ва тебѣ̀, бж҃е на́шъ, сла́ва тебѣ̀."
 },
 {
  "type": "TEXT",
  "value": "С мири́всѧ на́съ ра́ди бога́тый, ѿ ве́чери воста́въ, / ле́нтїй прїе́мъ, си́мъ препоѧ́салсѧ є҆сѝ, / и҆ прекло́нь вы́ю, ѡ҆мы́лъ є҆сѝ но́ги ᲂу҆ч҃нкѡ́въ и҆ преда́телѧ."
 },
 {
  "type": "TEXT",
  "value": "Припѣ́въ: Сла́ва тебѣ̀, бж҃е на́шъ, сла́ва тебѣ̀."
 },
 {
  "type": "TEXT",
  "value": "П а́че ᲂу҆ма̀, и҆ неизрече́нна ра́зꙋма высотѣ̀ твое́й і҆и҃се, кто̀ не ᲂу҆диви́тсѧ! / ꙗ҆́кѡ бре́нїю предста́лъ є҆сѝ, содѣ́телю всѧ́ческихъ, / ѡ҆мыва́ѧ ᲂу҆́бѡ но́ги, ѡ҆тира́ѧ же и҆ ле́нтїемъ."
 },
 {
  "type": "TEXT",
  "value": "Припѣ́въ: Сла́ва тебѣ̀, бж҃е на́шъ, сла́ва тебѣ̀."
 },
 {
  "type": "TEXT",
  "value": "Оу҆ч҃ нкъ, є҆го́же люблѧ́ше гдⷭ҇ь, / на пе́рси возле́гъ, речѐ къ немꙋ̀: / кто́ є҆сть предаѧ́й тѧ̀; / хрⷭ҇то́съ же ко ѻ҆́номꙋ: се́й вложи́вый въ соли́ло ны́нѣ рꙋ́кꙋ."
 },
 {
  "type": "TEXT",
  "value": "Припѣ́въ: Сла́ва тебѣ̀, бж҃е на́шъ, сла́ва тебѣ̀."
 },
 {
  "type": "TEXT",
  "value": "Оу҆ чени́къ хлѣ́бъ прїе́мый, / по хлѣ́бѣ ѿлꙋча́етсѧ, прода́нїю поꙋча́ѧйсѧ, / тече́тъ ко і҆ꙋде́ємъ, глаго́летъ беззакѡ́ннымъ: / что̀ мнѣ̀ хо́щете да́ти: и҆ а҆́зъ є҆го̀ ва́мъ преда́мъ."
 },
 {
  "type": "TEXT",
  "value": "Бл҃гослови́мъ ѻ҆ц҃а̀ и҆ сн҃а и҆ ст҃а́го дх҃а, гдⷭ҇а."
 },
 {
  "type": "TEXT",
  "value": "Є҆ ди́наго бг҃а по сꙋществꙋ̀ чтꙋ̀, / трѝ ѵ҆поста̑си пою̀ ѡ҆предѣли́тельнѣ, / и҆́ныѧ, но не и҆́накѡвыѧ: / поне́же бж҃ество̀ є҆ди́но, въ трїе́хъ ли́цѣхъ, / и҆́бо ѻ҆ц҃ъ, и҆ сн҃ъ, и҆ бж҃е́ственный дх҃ъ."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Бг҃оро́диченъ: И҆зба́ви на́съ і҆и҃се сп҃се на́шъ / ѿ ле́сти лꙋка́вагѡ, и҆ напа́сти: / прїимѝ бцⷣꙋ молѧ́щꙋюсѧ непреста́ннѡ: / мт҃и бо є҆́сть, и҆ мо́жетъ тѧ̀ ᲂу҆моли́ти."
 },
 {
  "type": "TEXT",
  "value": "Хва́лимъ, бл҃гослови́мъ, покланѧ́емсѧ гдⷭ҇ви, пою́ще, и҆ превозносѧ́ще во всѧ̑ вѣ́ки."
 },
 {
  "type": "TEXT",
  "value": "И҆ па́ки і҆рмо́съ: Є҆го́же вѡ́инства нбⷭ҇наѧ сла́вѧтъ, / и҆ трепе́щꙋтъ херꙋві́ми и҆ серафі́ми, / всѧ́ко дыха́нїе и҆ тва́рь, / по́йте, бл҃гослови́те / и҆ превозноси́те во всѧ̑ вѣ́ки. И҆ покло́нъ."
 },
 {
  "type": "HEADER",
  "value": "Пѣ́снь ѳ҃."
 },
 {
  "type": "HEADER",
  "value": "І҆рмо́съ:"
 },
 {
  "type": "TEXT",
  "value": "Безсѣ́меннагѡ зача́тїѧ ржⷭ҇тво̀ несказа́нное, / мт҃ре безмꙋ́жныѧ нетлѣ́ненъ пло́дъ: / бж҃їе бо рожде́нїе ѡ҆бновлѧ́етъ є҆стества̀. / тѣ́мже тѧ̀ всѝ ро́ди, ꙗ҆́кѡ бг҃оневѣ́стнꙋю мт҃рь, / правосла́внѡ велича́емъ."
 },
 {
  "type": "TEXT",
  "value": "Припѣ́въ: Сла́ва тебѣ̀, бж҃е на́шъ, сла́ва тебѣ̀."
 },
 {
  "type": "TEXT",
  "value": "В ели́кое та́инство твоегѡ̀ вочл҃вѣ́ченїѧ, / на ве́чери совозлежа́щꙋ тебѣ̀ ᲂу҆ч҃нкѡ́мъ твои̑мъ чл҃вѣколю́бче, / ѿкры́въ ре́клъ є҆сѝ: / ꙗ҆ди́те хлѣ́бъ живо́тный вѣ́рою, / пі́йте и҆ кро́вь и҆злїѧ́ннꙋю ѿ бг҃оре́бреннагѡ заколе́нїѧ."
 },
 {
  "type": "TEXT",
  "value": "Припѣ́въ: Сла́ва тебѣ̀, бж҃е на́шъ, сла́ва тебѣ̀."
 },
 {
  "type": "TEXT",
  "value": "С ѣ́нь нбⷭ҇наѧ ꙗ҆ви́сѧ го́рница, / и҆дѣ́же па́схꙋ хрⷭ҇то́съ совершѝ: / ве́черѧ безкро́внаѧ, и҆ слове́снаѧ слꙋ́жба, / трапе́за же та́мѡ соверше́нныхъ та̑инъ, мы́сленный же́ртвенникъ."
 },
 {
  "type": "TEXT",
  "value": "Припѣ́въ: Сла́ва тебѣ̀, бж҃е на́шъ, сла́ва тебѣ̀."
 },
 {
  "type": "TEXT",
  "value": "П а́сха хрⷭ҇то́съ є҆́сть вели́каѧ и҆ всечестна́ѧ, / снѣде́нъ бы́въ ꙗ҆́кѡ хлѣ́бъ, закла́нъ же ꙗ҆́кѡ ѻ҆вча̀: / то́й бо вознесе́сѧ ѡ҆ на́съ же́ртва. / тогѡ̀ тѣ́ла бл҃гоче́стнѡ, и҆ тогѡ̀ кро́ве / всѝ та́йнѡ причаща́емсѧ."
 },
 {
  "type": "TEXT",
  "value": "Припѣ́въ: Сла́ва тебѣ̀, бж҃е на́шъ, сла́ва тебѣ̀."
 },
 {
  "type": "TEXT",
  "value": "Х лѣ́бъ бл҃гослови́въ, хлѣ́бъ сы́й нбⷭ҇ный, / бл҃годари́въ ѻ҆ц҃ꙋ̀ роди́телю, / прїе́мый, и҆ ча́шꙋ ᲂу҆ч҃нкѡ́мъ дава́лъ є҆сѝ: / прїими́те, ꙗ҆ди́те, вопїѧ̀, / сїѐ є҆́сть тѣ́ло моѐ, и҆ кро́вь нетлѣ́нныѧ жи́зни."
 },
 {
  "type": "TEXT",
  "value": "Припѣ́въ: Сла́ва тебѣ̀, бж҃е на́шъ, сла́ва тебѣ̀."
 },
 {
  "type": "TEXT",
  "value": "А҆ ми́нь глаго́лѧ, речѐ ро́ждїѧмъ лоза̀, / а҆пⷭ҇лѡмъ хрⷭ҇то́съ и҆́стина: / ѿсе́лѣ не и҆́мамъ пи́ти ѿ лозы̀ питїѐ, / до́ндеже пїю̀ є҆̀ но́вое, во сла́вѣ ѻ҆ц҃а̀ моегѡ̀, / съ ва́ми наслѣ́дники мои́ми."
 },
 {
  "type": "TEXT",
  "value": "Припѣ́въ: Сла́ва тебѣ̀, бж҃е на́шъ, сла́ва тебѣ̀."
 },
 {
  "type": "TEXT",
  "value": "П родае́ши на три́десѧтихъ сре́бреницѣхъ гдⷭ҇а, / и҆ не помышлѧ́еши і҆ꙋ́до беззако́нный / ве́чери та́инство, и҆лѝ честно́е ᲂу҆мове́нїе. / ѽ ка́кѡ попо́лзсѧ паде́нїемъ / въ коне́цъ свѣ́та прише́лъ є҆сѝ, ᲂу҆давле́нїе ѡ҆блобыза́въ!"
 },
 {
  "type": "TEXT",
  "value": "Припѣ́въ: Сла́ва тебѣ̀, бж҃е на́шъ, сла́ва тебѣ̀."
 },
 {
  "type": "TEXT",
  "value": "Р ꙋ́цѣ просте́рлъ є҆сѝ, / и҆́миже хлѣ́бъ прїѧ́лъ є҆сѝ нетлѣ́нїѧ, / прїѧ́ти сре́бреники, / ᲂу҆ста̀ къ цѣлова́нїю приносѧ̀ льсти́внѡ, / и҆́миже тѣ́ло хрⷭ҇то́во и҆ кро́вь прїѧ́лъ є҆сѝ: / но го́ре тебѣ̀, ꙗ҆́коже речѐ хрⷭ҇то́съ."
 },
 {
  "type": "TEXT",
  "value": "Припѣ́въ: Сла́ва тебѣ̀, бж҃е на́шъ, сла́ва тебѣ̀."
 },
 {
  "type": "TEXT",
  "value": "Х рⷭ҇то́съ ᲂу҆чредѝ мі́ръ, / нбⷭ҇ный и҆ бж҃е́ственный хлѣ́бъ: / прїиди́те ᲂу҆́бѡ хрⷭ҇толю́бцы, / бре́нными ᲂу҆стна́ми, чи́стыми же сердцы̀, / прїи́мемъ вѣ́рнѡ жре́мꙋю па́схꙋ, / въ на́съ свѧщеннодѣ́йствꙋемꙋю."
 },
 {
  "type": "TEXT",
  "value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
 },
 {
  "type": "TEXT",
  "value": "Ѻ҆ ц҃а̀ просла́вимъ, сн҃а превознесе́мъ, бж҃е́ственномꙋ дх҃ꙋ вѣ́рнѡ поклони́мсѧ, / трⷪ҇цѣ нераздѣ́льнѣй, є҆ди́ницѣ по сꙋществꙋ̀: / ꙗ҆́кѡ свѣ́тꙋ и҆ свѣ́тѡмъ, животꙋ̀ и҆ животѡ́мъ, / животворѧ́щемꙋ и҆ просвѣща́ющемꙋ концы̀."
 },
 {
  "type": "TEXT",
  "value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Бг҃оро́диченъ: Черто́гъ нбⷭ҇ный, и҆ невѣ́ста приснодв҃а, / є҆ди́на ꙗ҆ви́ласѧ є҆сѝ, бг҃а носи́вши, / ро́ждши же непрело́жнѡ, и҆з̾ тебѐ воплоще́нна. / тѣ́мже тѧ̀ всѝ ро́ди ꙗ҆́кѡ бг҃оневѣ́стнꙋю мт҃рь, / правосла́внѡ велича́емъ."
 },
 {
  "type": "TEXT",
  "value": "И҆ па́ки і҆рмо́съ: Безсѣ́меннагѡ зача́тїѧ ржⷭ҇тво̀ несказа́нное, / мт҃ре безмꙋ́жныѧ нетлѣ́ненъ пло́дъ: / бж҃їе бо рожде́нїе ѡ҆бновлѧ́етъ є҆стества̀. / тѣ́мже тѧ̀ всѝ ро́ди, ꙗ҆́кѡ бг҃оневѣ́стнꙋю мт҃рь, / правосла́внѡ велича́емъ."
 },
 {
  "type": "TEXT",
  "value": "Чте́цъ: Ст҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. Три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
 },
 {
  "type": "TEXT",
  "value": "Г дⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ: да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
 },
 {
  "type": "TEXT",
  "value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "Та́же конда́къ вели́кагѡ четвертка̀, гла́съ в҃. Подо́бенъ: Вы́шнихъ и҆щѧ̀:"
 },
 {
  "type": "TEXT",
  "value": "Х лѣ́бъ прїе́мъ въ рꙋ́цѣ преда́тель, / сокрове́ннѡ ты̑ѧ простира́етъ, / и҆ прїе́млетъ цѣ́нꙋ созда́вшагѡ свои́ма рꙋка́ма человѣ́ка, / и҆ неиспра́вленъ пребы́сть / і҆ꙋ́да ра́бъ и҆ льсте́цъ."
 },
 {
  "type": "TEXT",
  "value": "Г дⷭ҇и поми́лꙋй, м҃."
 },
 {
  "type": "HEADER",
  "value": "Та́же мл҃твꙋ:"
 },
 {
  "type": "TEXT",
  "value": "И҆́ же на всѧ́кое вре́мѧ и҆ на всѧ́кїй ча́съ, на нб҃сѝ и҆ на землѝ покланѧ́емый и҆ сла́вимый хрⷭ҇тѐ бж҃е, долготерпѣли́ве, многомлⷭ҇тиве, многобл҃гоꙋтро́бне, и҆́же пра́вєдныѧ любѧ́й и҆ грѣ̑шныѧ ми́лꙋѧй, и҆́же всѧ̑ зовы́й ко сп҃се́нїю ѡ҆бѣща́нїѧ ра́ди бꙋ́дꙋщихъ бла̑гъ. са́мъ гдⷭ҇и, прїимѝ и҆ на́шѧ въ ча́съ се́й мл҃твы, и҆ и҆спра́ви живо́тъ на́шъ къ за́повѣдемъ твои̑мъ: дꙋ́шы на́шѧ ѡ҆свѧтѝ, тѣлеса̀ ѡ҆чи́сти, помышлє́нїѧ и҆спра́ви, мы̑сли ѡ҆чи́сти, и҆ и҆зба́ви на́съ ѿ всѧ́кїѧ ско́рби, ѕѡ́лъ и҆ болѣ́зней: ѡ҆градѝ на́съ ст҃ы́ми твои́ми а҆́гг҃лы, да ѡ҆полче́нїемъ и҆́хъ соблюда́еми и҆ наставлѧ́еми, дости́гнемъ въ соедине́нїе вѣ́ры, и҆ въ ра́зꙋмъ непристꙋ́пныѧ твоеѧ̀ сла́вы: ꙗ҆́кѡ бл҃гослове́нъ є҆сѝ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "Г дⷭ҇и поми́лꙋй, три́жды."
 },
 {
  "type": "TEXT",
  "value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Чⷭ҇ тнѣ́йшꙋю херꙋві̑мъ, и҆ сла́внѣйшꙋю без̾ сравне́нїѧ серафі̑мъ, без̾ и҆стлѣ́нїѧ бг҃а сло́ва ро́ждшꙋю, сꙋ́щꙋю бцⷣꙋ тѧ̀ велича́емъ."
 },
 {
  "type": "TEXT",
  "value": "И҆́ менемъ гдⷭ҇нимъ бл҃гословѝ, ѻ҆́тче."
 },
 {
  "type": "TEXT",
  "value": "Сщ҃е́нникъ возгла́съ: Мл҃твами ст҃ы́хъ ѻ҆тє́цъ на́шихъ, гдⷭ҇и і҆и҃се хрⷭ҇тѐ бж҃е на́шъ, поми́лꙋй на́съ, на́съ."
 },
 {
  "type": "TEXT",
  "value": "Чте́цъ: А҆ми́нь."
 },
 {
  "type": "HEADER",
  "value": "И҆ мл҃тва моле́бнаѧ ко прест҃ѣ́й бцⷣѣ, па́ѵла мона́ха ѻ҆би́тели є҆ѵергеті́ды, си́рѣчь, бл҃годѣ́тельницы:"
 },
 {
  "type": "TEXT",
  "value": "Н ескве́рнаѧ, небла́знаѧ, нетлѣ́ннаѧ, пречⷭ҇таѧ, чⷭ҇таѧ дв҃о, бг҃оневѣ́сто влⷣчце, ꙗ҆́же бг҃а сло́ва человѣ́кѡмъ пресла́внымъ твои́мъ ржⷭ҇тво́мъ соедини́вшаѧ, и҆ ѿри́нꙋвшеесѧ є҆стество̀ ро́да на́шегѡ нбⷭ҇нымъ совокꙋ́пльшаѧ: ꙗ҆́же ненаде́жныхъ є҆ди́на наде́жда, и҆ бори́мыхъ по́моще, гото́вое застꙋпле́нїе къ тебѣ̀ притека́ющихъ, и҆ всѣ́хъ хрⷭ҇тїа́нъ прибѣ́жище. не гнꙋша́йсѧ менѐ грѣ́шнагѡ, скве́рнагѡ, скве́рными по́мыслы, и҆ словесы̀, и҆ дѣѧ́ньми всего̀ себѐ непотре́бна сотво́рша, и҆ ра́зꙋмомъ лѣ́ности сласте́й житїѧ̀ раба̀ бы́вша: но ꙗ҆́кѡ чл҃вѣколюби́вагѡ бг҃а мт҃и, человѣколю́бнѣ ᲂу҆милосе́рдисѧ ѡ҆ мнѣ̀ грѣ́шнѣмъ и҆ блꙋ́днѣмъ, и҆ прїимѝ моѐ, є҆́же ѿ скве́рныхъ ᲂу҆сте́нъ приноси́мое тебѣ̀ моле́нїе: и҆ твоего̀ сн҃а, и҆ на́шего влⷣкꙋ и҆ гдⷭ҇а, ма́тернее твоѐ дерзнове́нїе ᲂу҆потреблѧ́ющи, молѝ, да ѿве́рзетъ и҆ мнѣ̀ чл҃вѣколю́бныѧ ᲂу҆трѡ́бы своеѧ̀ бл҃гости, и҆ презрѣ́въ моѧ̑ безчи́слєннаѧ прегрѣшє́нїѧ, ѡ҆брати́тъ мѧ̀ къ покаѧ́нїю, и҆ свои́хъ за́повѣдей дѣ́лателѧ и҆скꙋ́сна ꙗ҆ви́тъ мѧ̀. и҆ предста́ни мнѣ̀ при́снѡ, ꙗ҆́кѡ млⷭ҇тиваѧ, и҆ милосе́рдаѧ, и҆ бл҃голюби́ваѧ, въ настоѧ́щемъ ᲂу҆́бѡ житїѝ те́плаѧ предста́тельнице и҆ помо́щнице, сопроти́вныхъ нашє́ствїѧ ѿгонѧ́ющи, и҆ ко сп҃се́нїю наставлѧ́ющи мѧ̀: и҆ во вре́мѧ и҆схо́да моегѡ̀ ѡ҆каѧ́ннꙋю мою̀ дꙋ́шꙋ соблюда́ющи, и҆ тє́мныѧ зра́ки лꙋка́выхъ бѣсѡ́въ дале́че ѿ неѧ̀ ѿгонѧ́ющи: въ стра́шный же де́нь сꙋда̀ вѣ́чныѧ мѧ̀ и҆збавлѧ́ющи мꙋ́ки, и҆ неизрече́нныѧ сла́вы твоегѡ̀ сн҃а и҆ бг҃а на́шегѡ наслѣ́дника мѧ̀ показꙋ́ющи. ю҆́же и҆ да ᲂу҆лꙋчꙋ̀ влⷣчце моѧ̀, прест҃а́ѧ бцⷣе, твои́мъ хода́тайствомъ и҆ застꙋпле́нїемъ бл҃года́тїю и҆ чл҃вѣколю́бїемъ є҆диноро́днагѡ сн҃а твоегѡ̀, гдⷭ҇а и҆ бг҃а и҆ сп҃са на́шегѡ і҆и҃са хрⷭ҇та̀: є҆мꙋ́же подоба́етъ всѧ́каѧ сла́ва, че́сть и҆ поклоне́нїе, со безнача́льнымъ є҆гѡ̀ ѻ҆ц҃е́мъ, и҆ прест҃ы́мъ, и҆ бл҃ги́мъ, и҆ животворѧ́щимъ є҆гѡ̀ дх҃омъ, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь."
 },
 {
  "type": "HEADER",
  "value": "Мл҃тва и҆на́ѧ ко гдⷭ҇ꙋ на́шемꙋ і҆и҃сꙋ хрⷭ҇тꙋ̀, а҆нтїо́ха мона́ха панде́кта:"
 },
 {
  "type": "TEXT",
  "value": "И҆ да́ждь на́мъ влⷣко, на со́нъ грѧдꙋ́щымъ поко́й тѣ́ла и҆ дꙋшѝ, и҆ сохранѝ на́съ ѿ мра́чнагѡ сна̀ грѣхо́внагѡ, и҆ ѿ всѧ́кагѡ те́мнагѡ и҆ нощна́гѡ сладостра́стїѧ: ᲂу҆кротѝ стремлє́нїѧ страсте́й, ᲂу҆гасѝ разжжє́нныѧ стрѣ́лы лꙋка́вагѡ, ꙗ҆̀же на ны̀ льсти́внѡ дви̑жимыѧ: пло́ти на́шеѧ воста̑нїѧ ᲂу҆толѝ, и҆ всѧ́кое земно́е и҆ веще́ственное на́ше мꙋдрова́нїе ᲂу҆спѝ. и҆ да́рꙋй на́мъ бж҃е, бо́дръ ᲂу҆́мъ, цѣломꙋ́дръ по́мыслъ, се́рдце трезвѧ́щеесѧ, со́нъ лего́къ и҆ всѧ́кагѡ сатанина̀ мечта́нїѧ и҆змѣне́нъ. возста́ви же на́съ во вре́мѧ мл҃твы ᲂу҆тверждє́ны въ за́повѣдехъ твои́хъ, и҆ па́мѧть сꙋде́бъ твои́хъ въ себѣ̀ тве́рдꙋ и҆мꙋ́щѧ: всено́щное славосло́вїе на́мъ да́рꙋй, во є҆́же пѣ́ти и҆ бл҃гослови́ти и҆ сла́вити пречⷭ҇тно́е и҆ великолѣ́пое и҆́мѧ твоѐ, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
 },
 {
  "type": "TEXT",
  "value": "П ресла́внаѧ приснодв҃о, мт҃и хрⷭ҇та̀ бг҃а, принесѝ на́шꙋ мл҃твꙋ сн҃ꙋ твоемꙋ̀, и҆ бг҃ꙋ на́шемꙋ, да сп҃се́тъ тобо́ю дꙋ́шы на́шѧ."
 },
 {
  "type": "HEADER",
  "value": "Мл҃тва и҆на́ѧ ст҃а́гѡ і҆ѡанні́кїа:"
 },
 {
  "type": "TEXT",
  "value": "Оу҆ пова́нїе моѐ ѻ҆ц҃ъ, прибѣ́жище моѐ сн҃ъ, покро́въ мо́й дх҃ъ ст҃ы́й, трⷪ҇це ст҃а́ѧ, сла́ва тебѣ̀."
 },
 {
  "type": "TEXT",
  "value": "Сщ҃е́нникъ: Сла́ва тебѣ̀, хрⷭ҇тѐ бж҃е, ᲂу҆пова́нїе на́ше, сла́ва тебѣ̀."
 },
 {
  "type": "TEXT",
  "value": "Ли́къ: Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
 },
 {
  "type": "TEXT",
  "value": "Г дⷭ҇и поми́лꙋй, три́жды. Бл҃гословѝ."
 },
 {
  "type": "HEADER",
  "value": "И҆ быва́етъ ѿпꙋ́стъ ѿ сщ҃е́нника:"
 },
 {
  "type": "TEXT",
  "value": "Х рⷭ҇то́съ и҆́стинный бг҃ъ на́шъ, мл҃твами пречⷭ҇тыѧ своеѧ̀ мт҃ре, прпⷣбныхъ и҆ бг҃оно́сныхъ ѻ҆тє́цъ на́шихъ, и҆ всѣ́хъ ст҃ы́хъ, поми́лꙋетъ и҆ спасе́тъ на́съ, ꙗ҆́кѡ бла́гъ и҆ чл҃вѣколю́бецъ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "HEADER",
  "value": "Та́же сотвори́въ предстоѧ́тель покло́нъ на зе́млю, глаго́летъ бра́тїи:"
 },
 {
  "type": "TEXT",
  "value": "Б л҃гослови́те ѻ҆тцы̀ ст҃і́и, прости́те мѝ грѣ́шномꙋ."
 },
 {
  "type": "TEXT",
  "value": "И҆ бра́тїѧ: Бг҃ъ прости́тъ тѝ, ѻ҆́тче ст҃ы́й."
 },
 {
  "type": "HEADER",
  "value": "Сщ҃е́нникъ же глаго́летъ:"
 },
 {
  "type": "TEXT",
  "value": "П омо́лимсѧ ѡ҆ вели́комъ господи́нѣ и҆ ѻ҆ц҃ѣ̀ на́шемъ ст҃ѣ́йшемъ патрїа́рхѣ моско́вскомъ и҆ всеѧ̀ рꙋсѝ и҆́мⷬ҇къ, и҆ ѡ҆ господи́нѣ на́шемъ преѡсщ҃е́ннѣйшемъ є҆пⷭ҇кпѣ [и҆лѝ а҆рхїепⷭ҇кпѣ, и҆лѝ митрополі́тѣ ] и҆́мⷬ҇къ."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, ча́стѡ."
 },
 {
  "type": "TEXT",
  "value": "Ѡ҆ богохрани́мѣй странѣ̀ на́шей, властѣ́хъ и҆ во́инствѣ є҆ѧ̀. Ѡ҆ ѻ҆тцѣ̀ на́шемъ, и҆́мⷬ҇къ, и҆ все́й во хрⷭ҇тѣ̀ бра́тїи на́шей. Ѡ҆ ненави́дѧщихъ и҆ лю́бѧщихъ на́съ. Ѡ҆ ми́лꙋющихъ и҆ слꙋжа́щихъ на́мъ. Ѡ҆ заповѣ́давшихъ на́мъ недостѡ́йнымъ моли́тисѧ ѡ҆ ни́хъ. Ѡ҆ и҆збавле́нїи плѣне́нныхъ. Ѡ҆ ѿше́дшихъ ѻ҆тцѣ́хъ и҆ бра́тїѧхъ на́шихъ. Ѡ҆ въ мо́ри пла́вающихъ. Ѡ҆ въ не́мощехъ лежа́щихъ. П омо́лимсѧ и҆ ѡ҆ и҆з̾ѻби́лїи плодѡ́въ земны́хъ. И҆ ѡ҆ всѧ́кой дꙋшѝ хрⷭ҇тїа́нъ правосла́вныхъ. Оу҆ бл҃жи́мъ правосла̑вныѧ а҆рхїере́и, и҆ кти́торы ст҃а́гѡ хра́ма сегѡ̀ [ст҃ы́ѧ ѻ҆би́тели сеѧ̀] . Р оди́тели на́шѧ, и҆ всѧ̑ пре́жде ѿше́дшыѧ ѻ҆тцы̀ и҆ бра́тїю на́шꙋ, здѣ̀ лежа́щыѧ и҆ повсю́дꙋ правосла̑вныѧ."
 },
 {
  "type": "TEXT",
  "value": "Предстоѧ́тель: Рце́мъ и҆ ѡ҆ себѣ̀ самѣ́хъ."
 },
 {
  "type": "TEXT",
  "value": "Ли́къ: Гдⷭ҇и поми́лꙋй, три́жды."
 },
 {
  "type": "TEXT",
  "value": "И҆ сщ҃е́нникъ: Мл҃твами ст҃ы́хъ ѻ҆тє́цъ на́шихъ, гдⷭ҇и і҆и҃се хрⷭ҇тѐ бж҃е на́шъ, поми́лꙋй на́съ."
 },
 {
  "type": "TEXT",
  "value": "Ли́къ: А҆ми́нь."
 },
 {
  "type": "TEXT",
  "value": "Вѣ́домо же бꙋ́ди, ꙗ҆́кѡ ѿ сегѡ̀ ст҃а́гѡ днѐ, полꙋ́нощница не пое́тсѧ въ цр҃кви, до седми́цы ѳѡмины̀."
 }
]