1398 lines
140 KiB
JSON
1398 lines
140 KiB
JSON
[
|
|
{
|
|
"type": "HEADER",
|
|
"value": "Во ст҃ꙋ́ю и҆ вели́кꙋю сꙋббѡ́тꙋ ве́чера."
|
|
},
|
|
{
|
|
"type": "TEXT",
|
|
"value": "Ѡ҆ часѣ̀ десѧ́томъ днѐ кле́плетъ вече́рню, и҆ ѡ҆блачи́тсѧ сщ҃е́нникъ во ѻ҆де́ждꙋ, и҆ бл҃гослови́вшꙋ є҆мꙋ̀, начина́емъ предначина́тельный ѱало́мъ."
|
|
},
|
|
{
|
|
"type": "TEXT",
|
|
"value": "Дїа́конъ: Бл҃гословѝ, влⷣко."
|
|
},
|
|
{
|
|
"type": "TEXT",
|
|
"value": "Сщ҃е́нникъ: Бл҃гослове́но црⷭ҇тво, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "Ли́къ: А҆ми́нь."
|
|
},
|
|
{
|
|
"type": "TEXT",
|
|
"value": "Чте́цъ: Сла́ва тебѣ̀ бж҃е на́шъ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Ц р҃ю̀ нбⷭ҇ный, ᲂу҆тѣ́шителю, дш҃е и҆́стины, и҆́же вездѣ̀ сы́й, и҆ всѧ̑ и҆сполнѧ́ѧй, сокро́вище бл҃ги́хъ и҆ жи́зни пода́телю, прїидѝ и҆ всели́сѧ въ ны̀, и҆ ѡ҆чи́сти ны̀ ѿ всѧ́кїѧ скве́рны, и҆ сп҃сѝ бл҃же, дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "С т҃ы́й бж҃е, ст҃ы́й крѣ́пкїй, ст҃ы́й безсме́ртный, поми́лꙋй на́съ. Три́жды."
|
|
},
|
|
{
|
|
"type": "TEXT",
|
|
"value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "П рест҃а́ѧ трⷪ҇це, поми́лꙋй на́съ: гдⷭ҇и, ѡ҆чи́сти грѣхѝ на́шѧ: влⷣко, простѝ беззакѡ́нїѧ на̑ша: ст҃ы́й, посѣтѝ и҆ и҆сцѣлѝ не́мѡщи на́шѧ, и҆́мене твоегѡ̀ ра́ди."
|
|
},
|
|
{
|
|
"type": "TEXT",
|
|
"value": "Г дⷭ҇и поми́лꙋй, три́жды."
|
|
},
|
|
{
|
|
"type": "TEXT",
|
|
"value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
|
|
},
|
|
{
|
|
"type": "TEXT",
|
|
"value": "Ѻ҆́ ч҃е на́шъ, и҆́же є҆сѝ на нб҃сѣ́хъ, да свѧти́тсѧ и҆́мѧ твоѐ, да прїи́детъ црⷭ҇твїе твоѐ, да бꙋ́детъ во́лѧ твоѧ̀, ꙗ҆́кѡ на нб҃сѝ и҆ на землѝ. хлѣ́бъ на́шъ насꙋ́щный да́ждь на́мъ дне́сь, и҆ ѡ҆ста́ви на́мъ до́лги на́шѧ, ꙗ҆́коже и҆ мы̀ ѡ҆ставлѧ́емъ должникѡ́мъ на́шымъ: и҆ не введѝ на́съ во и҆скꙋше́нїе, но и҆зба́ви на́съ ѿ лꙋка́вагѡ."
|
|
},
|
|
{
|
|
"type": "TEXT",
|
|
"value": "Сщ҃е́нникъ: Ꙗ҆́кѡ твоѐ є҆́сть црⷭ҇тво и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "Чте́цъ: А҆ми́нь."
|
|
},
|
|
{
|
|
"type": "TEXT",
|
|
"value": "Та́же, Гдⷭ҇и поми́лꙋй, в҃і."
|
|
},
|
|
{
|
|
"type": "TEXT",
|
|
"value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "П рїиди́те, поклони́мсѧ цр҃е́ви на́шемꙋ бг҃ꙋ."
|
|
},
|
|
{
|
|
"type": "TEXT",
|
|
"value": "П рїиди́те, поклони́мсѧ и҆ припаде́мъ хрⷭ҇тꙋ̀, цр҃е́ви на́шемꙋ бг҃ꙋ."
|
|
},
|
|
{
|
|
"type": "TEXT",
|
|
"value": "П рїиди́те, поклони́мсѧ и҆ припаде́мъ самомꙋ̀ хрⷭ҇тꙋ̀, цр҃е́ви и҆ бг҃ꙋ на́шемꙋ."
|
|
},
|
|
{
|
|
"type": "HEADER",
|
|
"value": "Ѱало́мъ р҃г."
|
|
},
|
|
{
|
|
"type": "TEXT",
|
|
"value": "Б л҃гословѝ дꙋшѐ моѧ̀ гдⷭ҇а: гдⷭ҇и бж҃е мо́й, возвели́чилсѧ є҆сѝ ѕѣлѡ̀, во и҆сповѣ́данїе и҆ въ велелѣ́потꙋ ѡ҆бле́клсѧ є҆сѝ. ѡ҆дѣѧ́йсѧ свѣ́томъ ꙗ҆́кѡ ри́зою, простира́ѧй нб҃о ꙗ҆́кѡ ко́жꙋ. покрыва́ѧй вода́ми превы́спрєннѧѧ своѧ̑, полага́ѧй ѻ҆́блаки на восхожде́нїе своѐ, ходѧ́й на крилꙋ̀ вѣ́трєню. творѧ́й а҆́гг҃лы своѧ̑ дꙋ́хи и҆ слꙋги̑ своѧ̑ пла́мень ѻ҆́гненный. ѡ҆снова́ѧй зе́млю на тве́рди є҆ѧ̀, не преклони́тсѧ въ вѣ́къ вѣ́ка. бе́здна, ꙗ҆́кѡ ри́за ѡ҆дѣѧ́нїе є҆ѧ̀, на гора́хъ ста́нꙋтъ во́ды. ѿ запреще́нїѧ твоегѡ̀ побѣ́гнꙋтъ, ѿ гла́са гро́ма твоегѡ̀ ᲂу҆боѧ́тсѧ. восхо́дѧтъ го́ры, и҆ низхо́дѧтъ полѧ̀ въ мѣ́сто, є҆́же ѡ҆снова́лъ є҆сѝ и҆̀мъ. предѣ́лъ положи́лъ є҆сѝ, є҆гѡ́же не пре́йдꙋтъ, нижѐ ѡ҆братѧ́тсѧ покры́ти зе́млю. посыла́ѧй и҆сто́чники въ де́брѣхъ, посредѣ̀ го́ръ про́йдꙋтъ во́ды. напаѧ́ютъ всѧ̑ ѕвѣ́ри сє́льныѧ, ждꙋ́тъ ѻ҆на́гри въ жа́ждꙋ свою̀. на ты́хъ пти̑цы нбⷭ҇ныѧ привита́ютъ, ѿ среды̀ ка́менїѧ дадѧ́тъ гла́съ. напаѧ́ѧй го́ры ѿ превы́спреннихъ свои́хъ, ѿ плода̀ дѣ́лъ твои́хъ насы́титсѧ землѧ̀. прозѧба́ѧй травꙋ̀ скотѡ́мъ, и҆ ѕла́къ на слꙋ́жбꙋ человѣ́кѡмъ, и҆звестѝ хлѣ́бъ ѿ землѝ. и҆ вїно̀ весели́тъ се́рдце человѣ́ка, ᲂу҆ма́стити лицѐ є҆ле́емъ, и҆ хлѣ́бъ се́рдце человѣ́ка ᲂу҆крѣпи́тъ. насы́тѧтсѧ древа̀ польска̑ѧ, ке́дри лїва́нстїи, и҆̀хже є҆сѝ насади́лъ. та́мѡ пти̑цы вогнѣздѧ́тсѧ: є҆рѡді́ево жили́ще предводи́тельствꙋетъ и҆́ми. го́ры высѡ́кїѧ є҆ле́нємъ, ка́мень прибѣ́жище за́ѧцємъ. сотвори́лъ є҆́сть лꙋнꙋ̀ во времена̀, со́лнце позна̀ за́падъ сво́й. положи́лъ є҆сѝ тьмꙋ̀, и҆ бы́сть но́щь, въ не́йже про́йдꙋтъ всѝ ѕвѣ́рїе дꙋбра́внїи: скѵ́мни рыка́ющїи восхи́тити, и҆ взыска́ти ѿ бг҃а пи́щꙋ себѣ̀. возсїѧ̀ со́лнце, и҆ собра́шасѧ, и҆ въ ло́жахъ свои́хъ лѧ́гꙋтъ. и҆зы́детъ человѣ́къ на дѣ́ло своѐ, и҆ на дѣ́ланїе своѐ до ве́чера. ꙗ҆́кѡ возвели́чишасѧ дѣла̀ твоѧ̑ гдⷭ҇и, всѧ̑ премꙋ́дростїю сотвори́лъ є҆сѝ: и҆спо́лнисѧ землѧ̀ тва́ри твоеѧ̀. сїѐ мо́ре вели́кое и҆ простра́нное, та́мѡ га́ди, и҆́хже нѣ́сть числа̀, живѡ́тнаѧ ма̑лаѧ съ вели́кими. та́мѡ кораблѝ препла́ваютъ, ѕмі́й се́й, є҆го́же созда́лъ є҆сѝ рꙋга́тисѧ є҆мꙋ̀. всѧ̑ къ тебѣ̀ ча́ютъ, да́ти пи́щꙋ и҆̀мъ во бл҃го вре́мѧ. да́вшꙋ тебѣ̀ и҆̀мъ, соберꙋ́тъ: ѿве́рзшꙋ тебѣ̀ рꙋ́кꙋ, всѧ́чєскаѧ и҆спо́лнѧтсѧ бл҃гости. ѿвра́щшꙋ же тебѣ̀ лицѐ возмѧтꙋ́тсѧ: ѿи́меши дꙋ́хъ и҆́хъ, и҆ и҆сче́знꙋтъ, и҆ въ пе́рсть свою̀ возвратѧ́тсѧ. по́слеши дх҃а твоего̀, и҆ сози́ждꙋтсѧ, и҆ ѡ҆бнови́ши лицѐ землѝ. бꙋ́ди сла́ва гдⷭ҇нѧ во вѣ́ки, возвесели́тсѧ гдⷭ҇ь ѡ҆ дѣ́лѣхъ свои́хъ: призира́ѧй на зе́млю, и҆ творѧ́й ю҆̀ трѧсти́сѧ: прикаса́ѧйсѧ гора́мъ, и҆ дымѧ́тсѧ. воспою̀ гдⷭ҇еви въ животѣ̀ мое́мъ: пою̀ бг҃ꙋ моемꙋ̀, до́ндеже є҆́смь. да ᲂу҆слади́тсѧ є҆мꙋ̀ бесѣ́да моѧ̀, а҆́зъ же возвеселю́сѧ ѡ҆ гдⷭ҇ѣ. да и҆сче́знꙋтъ грѣ̑шницы ѿ землѝ, и҆ беззакѡ́нницы, ꙗ҆́коже не бы́ти и҆̀мъ: бл҃гословѝ дꙋшѐ моѧ̀ гдⷭ҇а."
|
|
},
|
|
{
|
|
"type": "TEXT",
|
|
"value": "С о́лнце позна̀ за́падъ сво́й: положи́лъ є҆сѝ тьмꙋ̀ и҆ бы́сть но́щь. ꙗ҆́кѡ возвели́чишасѧ дѣла̀ твоѧ̑ гдⷭ҇и, всѧ̑ премꙋ́дростїю сотвори́лъ є҆сѝ."
|
|
},
|
|
{
|
|
"type": "TEXT",
|
|
"value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
|
|
},
|
|
{
|
|
"type": "TEXT",
|
|
"value": "А҆ ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды."
|
|
},
|
|
{
|
|
"type": "HEADER",
|
|
"value": "Та́же є҆ктенїа̀ вели́каѧ."
|
|
},
|
|
{
|
|
"type": "TEXT",
|
|
"value": "Дїа́конъ: Ми́ромъ гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и, поми́лꙋй."
|
|
},
|
|
{
|
|
"type": "TEXT",
|
|
"value": "Ѡ҆ свы́шнѣмъ ми́рѣ, и҆ спасе́нїи дꙋ́шъ на́шихъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и, поми́лꙋй."
|
|
},
|
|
{
|
|
"type": "TEXT",
|
|
"value": "Ѡ҆ ми́рѣ всегѡ̀ мі́ра, бл҃гостоѧ́нїи ст҃ы́хъ бж҃їихъ цр҃кве́й, и҆ соедине́нїи всѣ́хъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и, поми́лꙋй."
|
|
},
|
|
{
|
|
"type": "TEXT",
|
|
"value": "Ѡ҆ ст҃ѣ́мъ хра́мѣ се́мъ, и҆ съ вѣ́рою, бл҃гоговѣ́нїемъ и҆ стра́хомъ бж҃їимъ входѧ́щихъ во́нь, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и, поми́лꙋй."
|
|
},
|
|
{
|
|
"type": "TEXT",
|
|
"value": "Ѡ҆ вели́комъ господи́нѣ и҆ ѻ҆ц҃ѣ̀ на́шемъ, свѧтѣ́йшемъ патрїа́рхѣ и҆́мⷬ҇къ, и҆ ѡ҆ господи́нѣ на́шемъ преѡсвѧще́ннѣйшемъ є҆пⷭ҇кпѣ [и҆лѝ а҆рхїепⷭ҇кпѣ, и҆лѝ митрополі́тѣ ] и҆́мⷬ҇къ, честнѣ́мъ пресвѵ́терствѣ, во хрⷭ҇тѣ̀ дїа́конствѣ, ѡ҆ все́мъ при́чтѣ и҆ лю́дехъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и, поми́лꙋй."
|
|
},
|
|
{
|
|
"type": "TEXT",
|
|
"value": "Ѡ҆ богохрани́мѣй странѣ̀ на́шей, властѣ́хъ и҆ во́инствѣ є҆ѧ̀, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и, поми́лꙋй."
|
|
},
|
|
{
|
|
"type": "TEXT",
|
|
"value": "Ѡ҆ гра́дѣ се́мъ [и҆лѝ ѡ҆ ве́си се́й, и҆лѝ ѡ҆ ст҃ѣ́й ѻ҆би́тели се́й ] , всѧ́комъ гра́дѣ, странѣ̀, и҆ вѣ́рою живꙋ́щихъ въ ни́хъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и, поми́лꙋй."
|
|
},
|
|
{
|
|
"type": "TEXT",
|
|
"value": "Ѡ҆ бл҃горастворе́нїи воздꙋ́хѡвъ, ѡ҆ и҆з̾ѻби́лїи плодѡ́въ земны́хъ, и҆ вре́менѣхъ ми́рныхъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и, поми́лꙋй."
|
|
},
|
|
{
|
|
"type": "TEXT",
|
|
"value": "Ѡ҆ пла́вающихъ, пꙋтеше́ствꙋющихъ, недꙋ́гꙋющихъ, стра́ждꙋщихъ, плѣне́нныхъ, и҆ ѡ҆ спасе́нїи и҆́хъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и, поми́лꙋй."
|
|
},
|
|
{
|
|
"type": "TEXT",
|
|
"value": "Ѡ҆ и҆зба́витисѧ на́мъ ѿ всѧ́кїѧ ско́рби, гнѣ́ва и҆ нꙋ́жды, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и, поми́лꙋй."
|
|
},
|
|
{
|
|
"type": "TEXT",
|
|
"value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и, поми́лꙋй."
|
|
},
|
|
{
|
|
"type": "TEXT",
|
|
"value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋгъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
|
|
},
|
|
{
|
|
"type": "TEXT",
|
|
"value": "Ли́къ: Тебѣ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Возглаше́нїе: Ꙗ҆́кѡ подоба́етъ тебѣ̀ всѧ́каѧ сла́ва, че́сть, и҆ поклоне́нїе, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "Ли́къ: А҆ми́нь."
|
|
},
|
|
{
|
|
"type": "TEXT",
|
|
"value": "Та́же, Гдⷭ҇и воззва́хъ, во гла́съ а҃. Ѻ҆би́тели же сщ҃е́нницы и҆ дїа́кони всѝ, дости́гшꙋ стїхꙋ̀, глаго́лющꙋ: Падꙋ́тъ во мре́жꙋ свою̀: полага́юще покло́нъ, ѿхо́дѧтъ, и҆ ѡ҆блача́тсѧ и҆ сі́и во ѻ҆де́жди, и҆ творѧ́тъ проскомі́дїю."
|
|
},
|
|
{
|
|
"type": "TEXT",
|
|
"value": "Г дⷭ҇и, воззва́хъ къ тебѣ̀, ᲂу҆слы́ши мѧ̀. / ᲂу҆слы́ши мѧ̀ гдⷭ҇и."
|
|
},
|
|
{
|
|
"type": "TEXT",
|
|
"value": "Г дⷭ҇и, воззва́хъ къ тебѣ̀, ᲂу҆слы́ши мѧ̀: / вонмѝ гла́сꙋ моле́нїѧ моегѡ̀, / внегда̀ воззва́ти мѝ къ тебѣ̀. / ᲂу҆слы́ши мѧ̀ гдⷭ҇и."
|
|
},
|
|
{
|
|
"type": "TEXT",
|
|
"value": "Д а и҆спра́витсѧ мл҃тва моѧ̀, / ꙗ҆́кѡ кади́ло пред̾ тобо́ю, / воздѣѧ́нїе рꙋкꙋ̀ моє́ю, / же́ртва вече́рнѧѧ. / ᲂу҆слы́ши мѧ̀ гдⷭ҇и."
|
|
},
|
|
{
|
|
"type": "TEXT",
|
|
"value": "И҆ по чи́нꙋ стїхѝ: Положѝ, гдⷭ҇и, хране́нїе ᲂу҆стѡ́мъ мои̑мъ, и҆ две́рь ѡ҆гражде́нїѧ ѡ҆ ᲂу҆стна́хъ мои́хъ. не ᲂу҆клонѝ се́рдце моѐ въ словеса̀ лꙋка́вствїѧ, непщева́ти вины̀ ѡ҆ грѣсѣ́хъ. съ человѣ́ки дѣ́лающими беззако́нїе, и҆ не сочтꙋ́сѧ со и҆збра́нными и҆́хъ. нака́жетъ мѧ̀ пра́ведникъ млⷭ҇тїю, и҆ ѡ҆бличи́тъ мѧ̀: є҆ле́й же грѣ́шнагѡ да не нама́ститъ главы̀ моеѧ̀. ꙗ҆́кѡ є҆щѐ и҆ мл҃тва моѧ̀ во бл҃говоле́нїихъ и҆́хъ, поже́рты бы́ша при ка́мени сꙋдїи̑ и҆́хъ. ᲂу҆слы́шатсѧ глаго́ли моѝ, ꙗ҆́кѡ возмого́ша: ꙗ҆́кѡ то́лща землѝ просѣ́десѧ на землѝ, расточи́шасѧ кѡ́сти и҆́хъ при а҆́дѣ. ꙗ҆́кѡ къ тебѣ̀ гдⷭ҇и, гдⷭ҇и, ѻ҆́чи моѝ, на тѧ̀ ᲂу҆пова́хъ, не ѿимѝ дꙋ́шꙋ мою̀. сохрани́ мѧ ѿ сѣ́ти, ю҆́же соста́виша мѝ, и҆ ѿ собла̑знъ дѣ́лающихъ беззако́нїе. падꙋ́тъ во мре́жꙋ свою̀ грѣ̑шницы: є҆ди́нъ є҆́смь а҆́зъ, до́ндеже прейдꙋ̀."
|
|
},
|
|
{
|
|
"type": "TEXT",
|
|
"value": "Г ла́сомъ мои́мъ ко гдⷭ҇ꙋ воззва́хъ, гла́сомъ мои́мъ ко гдⷭ҇ꙋ помоли́хсѧ. пролїю̀ пред̾ ни́мъ моле́нїе моѐ, печа́ль мою̀ пред̾ ни́мъ возвѣщꙋ̀. внегда̀ и҆счеза́ти ѿ менє̀ дꙋ́хꙋ моемꙋ̀, и҆ ты̀ позна́лъ є҆сѝ стєзѝ моѧ̑. на пꙋтѝ се́мъ, по немꙋ́же хожда́хъ, скры́ша сѣ́ть мнѣ̀. смотрѧ́хъ ѡ҆деснꙋ́ю и҆ возглѧ́дахъ, и҆ не бѣ̀ зна́ѧй менє̀. поги́бе бѣ́гство ѿ менє̀, и҆ нѣ́сть взыска́ѧй дꙋ́шꙋ мою̀. воззва́хъ къ тебѣ̀ гдⷭ҇и, рѣ́хъ: ты̀ є҆сѝ ᲂу҆пова́нїе моѐ, ча́сть моѧ̀ є҆сѝ на землѝ живы́хъ. вонмѝ моле́нїю моемꙋ̀, ꙗ҆́кѡ смири́хсѧ ѕѣлѡ̀: и҆зба́ви мѧ̀ ѿ гонѧ́щихъ мѧ̀, ꙗ҆́кѡ ᲂу҆крѣпи́шасѧ па́че менє̀."
|
|
},
|
|
{
|
|
"type": "TEXT",
|
|
"value": "На і҃: И҆зведѝ и҆з̾ темни́цы дꙋ́шꙋ мою̀, и҆сповѣ́датисѧ и҆́мени твоемꙋ̀."
|
|
},
|
|
{
|
|
"type": "TEXT",
|
|
"value": "М енє̀ ждꙋ́тъ пра́вєдницы, до́ндеже возда́си мнѣ̀."
|
|
},
|
|
{
|
|
"type": "TEXT",
|
|
"value": "На и҃. Стїхъ: И҆з̾ глꙋбины̀ воззва́хъ къ тебѣ̀ гдⷭ҇и, гдⷭ҇и, ᲂу҆слы́ши гла́съ мо́й."
|
|
},
|
|
{
|
|
"type": "TEXT",
|
|
"value": "И҆ поста́вимъ стїхѡ́въ и҃. Пое́мъ же стїхи̑ры воскрⷭ҇ныѧ ѻ҆смогла́сника г҃, и҆ ѿ стїхо́вны є҆ди́нꙋ."
|
|
},
|
|
{
|
|
"type": "HEADER",
|
|
"value": "Стїхи̑ры воскрⷭ҇ны, гла́съ а҃:"
|
|
},
|
|
{
|
|
"type": "TEXT",
|
|
"value": "В ечє́рнїѧ на́шѧ мл҃твы / прїимѝ ст҃ы́й гдⷭ҇и, / и҆ пода́ждь на́мъ ѡ҆ставле́нїе грѣхѡ́въ, / ꙗ҆́кѡ є҆ди́нъ є҆сѝ / ꙗ҆вле́й въ мі́рѣ воскрⷭ҇нїе."
|
|
},
|
|
{
|
|
"type": "TEXT",
|
|
"value": "Стїхъ: Да бꙋ́дꙋтъ ᲂу҆́ши твоѝ, вне́млющѣ гла́сꙋ моле́нїѧ моегѡ̀."
|
|
},
|
|
{
|
|
"type": "TEXT",
|
|
"value": "Ѡ҆ быди́те лю́дїе сїѡ́нъ, / и҆ ѡ҆быми́те є҆го̀, / и҆ дади́те сла́вꙋ въ не́мъ воскрⷭ҇шемꙋ и҆з̾ ме́ртвыхъ: / ꙗ҆́кѡ то́й є҆́сть бг҃ъ на́шъ, / и҆збавле́й на́съ ѿ беззако́нїй на́шихъ."
|
|
},
|
|
{
|
|
"type": "TEXT",
|
|
"value": "На ѕ҃. Стїхъ: А҆́ще беззакѡ́нїѧ на́зриши гдⷭ҇и, гдⷭ҇и, кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть."
|
|
},
|
|
{
|
|
"type": "TEXT",
|
|
"value": "П рїиди́те лю́дїе / воспои́мъ, и҆ поклони́мсѧ хрⷭ҇тꙋ̀, / сла́вѧще є҆гѡ̀ и҆з̾ ме́ртвыхъ воскрⷭ҇нїе: / ꙗ҆́кѡ то́й є҆́сть бг҃ъ на́шъ, / ѿ ле́сти вра́жїѧ мі́ръ и҆збавле́й."
|
|
},
|
|
{
|
|
"type": "TEXT",
|
|
"value": "Стїхъ: И҆́мене ра́ди твоегѡ̀ потерпѣ́хъ тѧ̀, гдⷭ҇и, потерпѣ̀ дꙋша̀ моѧ̀ въ сло́во твоѐ, ᲂу҆пова̀ дꙋша̀ моѧ̀ на гдⷭ҇а."
|
|
},
|
|
{
|
|
"type": "TEXT",
|
|
"value": "С трⷭ҇тїю твое́ю хрⷭ҇тѐ, / ѿ страсте́й свободи́хомсѧ, / и҆ воскрⷭ҇нїемъ твои́мъ и҆з̾ и҆стлѣ́нїѧ и҆зба́вихомсѧ: / гдⷭ҇и, сла́ва тебѣ̀."
|
|
},
|
|
{
|
|
"type": "TEXT",
|
|
"value": "На д҃. Стїхъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ, да ᲂу҆пова́етъ і҆и҃ль на гдⷭ҇а."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры самогла́сны, вели́кїѧ сꙋббѡ́ты трѝ, повторѧ́юще є҆ди́нꙋ, гла́съ и҃:"
|
|
},
|
|
{
|
|
"type": "TEXT",
|
|
"value": "Д не́сь а҆́дъ стенѧ̀ вопїе́тъ: / ᲂу҆́не мнѣ̀ бѧ́ше, а҆́ще бы́хъ ѿ мр҃і́и ро́ждшагосѧ не прїѧ́лъ: / прише́дъ бо на мѧ̀, держа́вꙋ мою̀ разрꙋшѝ, / врата̀ мѣ̑днаѧ сокрꙋшѝ: / дꙋ́шы, ꙗ҆̀же содержа́хъ пре́жде, бг҃ъ сы́й воскр҃сѝ. / сла́ва гдⷭ҇и, крⷭ҇тꙋ̀ твоемꙋ̀, и҆ воскрⷭ҇нїю твоемꙋ̀."
|
|
},
|
|
{
|
|
"type": "TEXT",
|
|
"value": "Стїхъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе, и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀."
|
|
},
|
|
{
|
|
"type": "TEXT",
|
|
"value": "Д не́сь а҆́дъ стенѧ̀ вопїе́тъ: / ᲂу҆́не мнѣ̀ бѧ́ше, а҆́ще бы́хъ ѿ мр҃і́и ро́ждшагосѧ не прїѧ́лъ: / прише́дъ бо на мѧ̀, держа́вꙋ мою̀ разрꙋшѝ, / врата̀ мѣ̑днаѧ сокрꙋшѝ: / дꙋ́шы, ꙗ҆̀же содержа́хъ пре́жде, бг҃ъ сы́й воскр҃сѝ. / сла́ва гдⷭ҇и, крⷭ҇тꙋ̀ твоемꙋ̀, и҆ воскрⷭ҇нїю твоемꙋ̀."
|
|
},
|
|
{
|
|
"type": "TEXT",
|
|
"value": "На в҃. Стїхъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе."
|
|
},
|
|
{
|
|
"type": "TEXT",
|
|
"value": "Д не́сь а҆́дъ стенѧ̀ вопїе́тъ: / разрꙋши́сѧ моѧ̀ вла́сть, / прїѧ́хъ ме́ртваго ꙗ҆́кѡ є҆ди́наго ѿ ᲂу҆ме́ршихъ: / сегѡ́ бо держа́ти ѿню́дъ не могꙋ̀, / но погꙋблѧ́ю съ ни́мъ, и҆́миже ца́рствовахъ: / а҆́зъ и҆мѣ́хъ мертвецы̀ ѿ вѣ́ка, / но се́й [сѐ] всѣ́хъ воздвиза́етъ. / сла́ва гдⷭ҇и крⷭ҇тꙋ̀ твоемꙋ̀, и҆ воскрⷭ҇нїю твоемꙋ̀."
|
|
},
|
|
{
|
|
"type": "TEXT",
|
|
"value": "Стїхъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ."
|
|
},
|
|
{
|
|
"type": "TEXT",
|
|
"value": "Д не́сь а҆́дъ стенѧ̀ вопїе́тъ: / поже́рта моѧ̀ бы́сть держа́ва, / па́стырь распѧ́тсѧ, и҆ а҆да́ма воскрⷭ҇ѝ: / и҆́миже ца́рствовахъ, лиши́хсѧ, / и҆ ꙗ҆̀же пожро́хъ возмогі́й всѣ́хъ и҆зблева́хъ. / и҆стощѝ гро́бы распны́йсѧ, / и҆знемога́етъ сме́ртнаѧ держа́ва. / сла́ва гдⷭ҇и крⷭ҇тꙋ̀ твоемꙋ̀, и҆ воскрⷭ҇нїю твоемꙋ̀."
|
|
},
|
|
{
|
|
"type": "TEXT",
|
|
"value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
|
|
},
|
|
{
|
|
"type": "TEXT",
|
|
"value": "Гла́съ ѕ҃: Дне́шнїй де́нь та́йнѡ вели́кїй мѡѷсе́й проѡбразова́ше, глаго́лѧ: / и҆ бл҃гословѝ бг҃ъ де́нь седьмы́й. / сїѧ́ бо є҆́сть бл҃гослове́ннаѧ сꙋббѡ́та, / се́й є҆́сть ᲂу҆покое́нїѧ де́нь, / во́ньже почѝ ѿ всѣ́хъ дѣ́лъ свои́хъ, є҆диноро́дный сн҃ъ бж҃їй, / смотре́нїемъ є҆́же на сме́рть, пло́тїю сꙋббѡ́тствовавъ: / и҆ во є҆́же бѣ̀, па́ки возвра́щьсѧ воскрⷭ҇нїемъ, / дарова̀ на́мъ живо́тъ вѣ́чный, / ꙗ҆́кѡ є҆ди́нъ бл҃гъ, и҆ чл҃вѣколю́бецъ."
|
|
},
|
|
{
|
|
"type": "TEXT",
|
|
"value": "И҆ ны́нѣ и҆ при́снѡ и҆ во вѣ́ки вѣкѡ́въ. а҆ми́нь."
|
|
},
|
|
{
|
|
"type": "TEXT",
|
|
"value": "Бг҃оро́диченъ, гла́съ а҃: Всемі́рнꙋю сла́вꙋ / ѿ человѣ̑къ прозѧ́бшꙋю, / и҆ влⷣкꙋ ро́ждшꙋю, / нбⷭ҇нꙋю две́рь / воспои́мъ мр҃і́ю дв҃ꙋ, / безпло́тныхъ пѣ́снь, и҆ вѣ́рныхъ ᲂу҆добре́нїе: / сїѧ́ бо ꙗ҆ви́сѧ нб҃о, и҆ хра́мъ бж҃ества̀: / сїѧ̀ прегражде́нїе вражды̀ разрꙋши́вши, / ми́ръ введѐ, и҆ црⷭ҇твїе ѿве́рзе. / сїю̀ ᲂу҆́бѡ и҆мꙋ́ще вѣ́ры ᲂу҆твержде́нїе, / побо́рника и҆́мамы и҆з̾ неѧ̀ ро́ждшагосѧ гдⷭ҇а. / дерза́йте ᲂу҆̀бо, дерза́йте лю́дїе бж҃їи: / и҆́бо то́й побѣди́тъ врагѝ ꙗ҆́кѡ всеси́ленъ."
|
|
},
|
|
{
|
|
"type": "TEXT",
|
|
"value": "Вхо́дъ съ є҆ѵⷢ҇лїемъ."
|
|
},
|
|
{
|
|
"type": "TEXT",
|
|
"value": "И҆ сщ҃е́нникъ, блгⷭ҇влѧ́ѧ вхо́дъ, глаго́летъ: Бл҃гослове́нъ вхо́дъ ст҃ы́хъ твои́хъ, всегда̀, ны́нѣ и҆ при́снѡ и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "Дїа́конъ глаго́летъ: Премꙋ́дрость, про́сти."
|
|
},
|
|
{
|
|
"type": "TEXT",
|
|
"value": "Ли́къ же: Свѣ́те ти́хїй ст҃ы́ѧ сла́вы, / безсме́ртнагѡ, ѻ҆ц҃а̀ нбⷭ҇нагѡ, / ст҃а́гѡ бл҃же́ннагѡ, і҆и҃се хрⷭ҇тѐ, / прише́дше на за́падъ со́лнца, / ви́дѣвше свѣ́тъ вече́рнїй, / пое́мъ ѻ҆ц҃а̀, сн҃а, и҆ ст҃а́го дх҃а, бг҃а. / досто́инъ є҆сѝ во всѧ̑ времена̀ / пѣ́тъ бы́ти гла́сы преподо́бными, / сн҃е бж҃їй, живо́тъ даѧ́й: / тѣ́мже мі́ръ тѧ̀ сла́витъ."
|
|
},
|
|
{
|
|
"type": "TEXT",
|
|
"value": "Прокі́менъ не глаго́лемъ, но а҆́бїе:"
|
|
},
|
|
{
|
|
"type": "TEXT",
|
|
"value": "Дїа́конъ: Премꙋ́дрость."
|
|
},
|
|
{
|
|
"type": "TEXT",
|
|
"value": "Чте́цъ: Бытїѧ̀ чте́нїе. [Глава̀ а҃, ст. а҃-г҃і]."
|
|
},
|
|
{
|
|
"type": "TEXT",
|
|
"value": "Дїа́конъ: Во́нмемъ."
|
|
},
|
|
{
|
|
"type": "TEXT",
|
|
"value": "Чте́цъ: Въ нача́лѣ сотворѝ бг҃ъ нб҃о и҆ зе́млю. землѧ́ же бѣ̀ неви́дима, и҆ неꙋстро́ена, и҆ тьма̀ верхꙋ̀ бе́здны: и҆ дх҃ъ бж҃їй ноша́шесѧ верхꙋ̀ воды̀. и҆ речѐ бг҃ъ: да бꙋ́детъ свѣ́тъ: и҆ бы́сть свѣ́тъ. и҆ ви́дѣ бг҃ъ свѣ́тъ, ꙗ҆́кѡ добро̀: и҆ разлꙋчѝ бг҃ъ междꙋ̀ свѣ́томъ, и҆ междꙋ̀ тьмо́ю. и҆ наречѐ бг҃ъ свѣ́тъ де́нь, а҆ тьмꙋ̀ наречѐ но́щь. и҆ бы́сть ве́черъ, и҆ бы́сть ᲂу҆́тро, де́нь є҆ди́нъ. и҆ речѐ бг҃ъ: да бꙋ́детъ тве́рдь посредѣ̀ воды̀, и҆ да бꙋ́детъ разлꙋча́ющи посредѣ̀ воды̀ и҆ воды̀: и҆ бы́сть та́кѡ. и҆ сотворѝ бг҃ъ тве́рдь: и҆ разлꙋчѝ бг҃ъ междꙋ̀ водо́ю, ꙗ҆́же бѣ̀ под̾ тве́рдїю, и҆ междꙋ̀ водо́ю, ꙗ҆́же бѣ̀ над̾ тве́рдїю. и҆ наречѐ бг҃ъ тве́рдь, нб҃о: и҆ ви́дѣ бг҃ъ, ꙗ҆́кѡ добро̀. и҆ бы́сть ве́черъ, и҆ бы́сть ᲂу҆́тро, де́нь вторы́й. и҆ речѐ бг҃ъ: да собере́тсѧ вода̀, ꙗ҆́же под̾ нб҃се́мъ, въ собра́нїе є҆ди́но, и҆ да ꙗ҆ви́тсѧ сꙋ́ша. и҆ бы́сть та́кѡ: и҆ собра́сѧ вода̀, ꙗ҆́же под̾ нб҃се́мъ, въ собра̑нїѧ своѧ̑, и҆ ꙗ҆ви́сѧ сꙋ́ша. и҆ наречѐ бг҃ъ сꙋ́шꙋ, зе́млю: и҆ собра̑нїѧ во́дъ наречѐ морѧ̀: и҆ ви́дѣ бг҃ъ, ꙗ҆́кѡ добро̀. и҆ речѐ бг҃ъ: да прорасти́тъ землѧ̀ бы́лїе травно́е, сѣ́ющее сѣ́мѧ по ро́дꙋ и҆ по подо́бїю, и҆ дре́во плодови́тое творѧ́щее пло́дъ, є҆мꙋ́же сѣ́мѧ є҆гѡ̀ въ не́мъ по ро́дꙋ на землѝ: и҆ бы́сть та́кѡ. и҆ и҆знесѐ землѧ̀ бы́лїе травно́е, сѣ́ющее сѣ́мѧ по ро́дꙋ и҆ по подо́бїю, и҆ дре́во плодови́тое творѧ́щее пло́дъ, є҆мꙋ́же сѣ́мѧ є҆гѡ̀ въ не́мъ по ро́дꙋ на землѝ: и҆ ви́дѣ бг҃ъ, ꙗ҆́кѡ добро̀. и҆ бы́сть ве́черъ, и҆ бы́сть ᲂу҆́тро, де́нь тре́тїй."
|
|
},
|
|
{
|
|
"type": "TEXT",
|
|
"value": "Дїа́конъ: Премꙋ́дрость."
|
|
},
|
|
{
|
|
"type": "TEXT",
|
|
"value": "Чте́цъ: Прⷪ҇ро́чества и҆са́їина чте́нїе. [Глава̀ ѯ҃, ст. а҃-ѕ҃і.]"
|
|
},
|
|
{
|
|
"type": "TEXT",
|
|
"value": "Дїа́конъ: Во́нмемъ."
|
|
},
|
|
{
|
|
"type": "TEXT",
|
|
"value": "Чте́цъ: Свѣти́сѧ свѣти́сѧ і҆ерⷭ҇ли́ме, прїи́де бо тво́й свѣ́тъ, и҆ сла́ва гдⷭ҇нѧ на тебѣ̀ возсїѧ̀. сѐ тьма̀ покры́етъ зе́млю, и҆ мра́къ на ꙗ҆зы́ки, на тебѣ́ же ꙗ҆ви́тсѧ гдⷭ҇ь, и҆ сла́ва є҆гѡ̀ на тебѣ̀ ᲂу҆́зритсѧ. и҆ по́йдꙋтъ ца́рїе свѣ́томъ твои́мъ, и҆ ꙗ҆зы́цы свѣ́тлостїю твое́ю. возведѝ ѻ҆́крестъ ѻ҆́чи твоѝ, и҆ ви́ждь собра̑наѧ ча̑да твоѧ̑: сѐ прїидо́ша всѝ сы́нове твоѝ и҆здале́ча, и҆ дщє́ри твоѝ на ра́мѣхъ во́змꙋтсѧ. тогда̀ ᲂу҆́зриши, и҆ возра́дꙋешисѧ, и҆ ᲂу҆бои́шисѧ, и҆ ᲂу҆жа́снешисѧ се́рдцемъ, ꙗ҆́кѡ приложи́тсѧ къ тебѣ̀ бога́тство морско́е, и҆ ꙗ҆зы́кѡвъ и҆ люде́й. и҆ прїи́дꙋтъ къ тебѣ̀ стада̀ вельблю̑дъ, и҆ покры́ютъ тѧ̀ вельблю́ди мадїа́мстїи и҆ гефа́рстїи: всѝ ѿ савы̀ прїи́дꙋтъ, носѧ́ще зла́то, и҆ лїва́нъ принесꙋ́тъ, и҆ ка́мень че́стенъ, и҆ сп҃се́нїе гдⷭ҇не бл҃говозвѣстѧ́тъ. и҆ всѧ̑ ѻ҆́вцы кѷда̑рскїѧ соберꙋ́тсѧ тебѣ̀, и҆ ѻ҆внѝ навеѡ́ѳстїи прїи́дꙋтъ къ тебѣ̀, и҆ вознесꙋ́тсѧ прїѧ̑тнаѧ на же́ртвенникъ мо́й, и҆ до́мъ мл҃твы моеѧ̀ просла́витсѧ. кі́и сꙋ́ть, и҆̀же ꙗ҆́кѡ ѻ҆́блацы, летѧ́тъ, и҆ ꙗ҆́кѡ го́лꙋби со птенцы̀ ко мнѣ̀; менѐ ѻ҆́строви жда́ша, и҆ кораблѝ ѳарсі́йстїи въ пе́рвыхъ, привестѝ ча̑да твоѧ̑ и҆здале́ча, и҆ сребро̀ и҆ зла́то и҆́хъ съ ни́ми, и҆́мене ра́ди гдⷭ҇нѧ ст҃а́гѡ, и҆ за є҆́же ст҃о́мꙋ і҆и҃левꙋ сла́внꙋ бы́ти. и҆ сози́ждꙋтъ сы́нове и҆норо́днїи стѣ́ны твоѧ̑, и҆ ца́рїе и҆́хъ предстоѧ́ти бꙋ́дꙋтъ тебѣ̀: за гнѣ́въ бо мо́й порази́хъ тѧ̀, и҆ за млⷭ҇ть мою̀ возлюби́хъ тѧ̀. и҆ ѿве́рзꙋтсѧ врата̀ твоѧ̑ при́снѡ, де́нь и҆ но́щь не затворѧ́тсѧ, ввестѝ къ тебѣ̀ си́лꙋ ꙗ҆зы̑къ, и҆ царѝ и҆́хъ ведѡ́мыѧ. ꙗ҆зы́цы бо и҆ ца́рїе, и҆̀же не порабо́таютъ тѝ, поги́бнꙋтъ, и҆ ꙗ҆зы́цы запꙋстѣ́нїемъ запꙋстѣ́ютъ. и҆ сла́ва лїва́нова къ тебѣ̀ прїи́детъ, кѷпарі́сомъ, и҆ пе́ѵгомъ, и҆ ке́дромъ, вкꙋ́пѣ просла́вити мѣ́сто ст҃о́е моѐ, и҆ мѣ́сто но́гъ мои́хъ просла́влю. и҆ по́йдꙋтъ къ тебѣ̀ боѧ́щесѧ сы́нове смири́вшихъ тѧ̀, и҆ раздражи́вшихъ тѧ̀, и҆ покло́нѧтсѧ слѣда́мъ но́гъ твои́хъ всѝ прогнѣ́вавшїи тѧ̀: и҆ нарече́шисѧ гра́дъ гдⷭ҇нь, сїѡ́нъ ст҃а́гѡ і҆и҃лева. за сїѐ, ꙗ҆́кѡ бы́лъ є҆сѝ ѡ҆ста́вленъ и҆ возненави́дѣнъ, и҆ не бѣ̀ помога́ющагѡ тѝ: положꙋ́ тѧ въ ра́дость вѣ́чнꙋю, весе́лїе родѡ́мъ родѡ́въ. и҆ и҆ссе́ши млеко̀ ꙗ҆зы́кѡвъ, и҆ бога́тство царе́й снѣ́си, и҆ ᲂу҆разꙋмѣ́еши, ꙗ҆́кѡ а҆́зъ гдⷭ҇ь сп҃са́ѧй тѧ̀, и҆ и҆збавлѧ́ѧй тѧ̀ бг҃ъ і҆и҃левъ."
|
|
},
|
|
{
|
|
"type": "TEXT",
|
|
"value": "Дїа́конъ: Премꙋ́дрость."
|
|
},
|
|
{
|
|
"type": "TEXT",
|
|
"value": "Чте́цъ: И҆схо́да чте́нїе. [Глава̀ в҃і, ст. а҃-а҃і.]"
|
|
},
|
|
{
|
|
"type": "TEXT",
|
|
"value": "Дїа́конъ: Во́нмемъ."
|
|
},
|
|
{
|
|
"type": "TEXT",
|
|
"value": "Чте́цъ: Речѐ гдⷭ҇ь къ мѡѷсе́ю и҆ а҆арѡ́нꙋ въ землѝ є҆гѵ́петстѣй, глаго́лѧ: мѣ́сѧцъ се́й ва́мъ нача́ло мѣ́сѧцей, пе́рвый бꙋ́детъ ва́мъ въ мѣ́сѧцѣхъ лѣ́та. рцы̀ ко всемꙋ̀ со́нмꙋ сынѡ́въ і҆и҃левыхъ, глаго́лѧ: въ десѧ́тый мѣ́сѧца сегѡ̀ да во́зметъ кі́йждо ѻ҆вча̀ по домѡ́мъ ѻ҆те́чествъ, кі́йждо ѻ҆вча̀ по до́мꙋ. а҆́ще же ма́лѡ и҆́хъ є҆́сть въ домꙋ̀, ꙗ҆́кѡ недовѡ́льнымъ бы́ти на ѻ҆вча̀, да во́зметъ съ собо́ю сосѣ́да бли́жнѧго своего̀ по числꙋ̀ дꙋ́шъ, кі́йждо дово́льное себѣ̀ сочте́тъ на ѻ҆вча̀. ѻ҆вча̀ соверше́нно, мꙋ́жескъ по́лъ, непоро́чно и҆ є҆динолѣ́тно бꙋ́детъ ва́мъ, ѿ а҆́гнєцъ и҆ ѿ ко́злищъ прїи́мете. и҆ бꙋ́детъ ва́мъ соблюде́но да́же до четвертагѡна́десѧть днѐ мѣ́сѧца сегѡ̀: и҆ зако́лютъ то̀ всѐ мно́жество собо́ра сынѡ́въ і҆и҃левыхъ къ ве́черꙋ. и҆ прїи́мꙋтъ ѿ кро́ве, и҆ пома́жꙋтъ на ѻ҆бою̀ подво́ю, и҆ на пра́гахъ въ домѣ́хъ, въ ни́хже снѣдѧ́тъ то́е. и҆ снѣдѧ́тъ мѧса̀ въ нощѝ то́й пече́на ѻ҆гне́мъ и҆ ѻ҆прѣсно́ки съ го́рькимъ ѕе́лїемъ снѣдѧ́тъ. не снѣ́сте ѿ ни́хъ сꙋ́рово, нижѐ варе́но въ водѣ̀, но пече́ное ѻ҆гне́мъ главꙋ̀ съ нога́ми и҆ со ᲂу҆тро́бою. не ѡ҆ста́вите ѿ негѡ̀ до ᲂу҆́трїѧ, и҆ ко́сти не сокрꙋши́те ѿ негѡ̀: ѡ҆ста́нки же ѿ негѡ̀ до ᲂу҆́тра, ѻ҆гне́мъ сожже́те. си́це же снѣ́сте є҆̀: чрє́сла ва̑ша препѡѧ́сана, и҆ сапо́зи ва́ши на нога́хъ ва́шихъ, и҆ жезлы̀ ва́ши въ рꙋка́хъ ва́шихъ: и҆ снѣ́сте є҆̀ со тща́нїемъ: па́сха є҆́сть гдⷭ҇нѧ."
|
|
},
|
|
{
|
|
"type": "TEXT",
|
|
"value": "Дїа́конъ: Премꙋ́дрость."
|
|
},
|
|
{
|
|
"type": "TEXT",
|
|
"value": "Чте́цъ: Прⷪ҇ро́чества і҆ѡ́нина чте́нїе. [Гл. а҃, ст. а҃-ѕ҃і. Гл. в҃, ст. а҃-г҃.]"
|
|
},
|
|
{
|
|
"type": "TEXT",
|
|
"value": "Дїа́конъ: Во́нмемъ."
|
|
},
|
|
{
|
|
"type": "TEXT",
|
|
"value": "Чте́цъ: Бы́сть сло́во гдⷭ҇не ко і҆ѡ́нѣ сы́нꙋ а҆маѳі́инꙋ, глаго́лѧ: воста́ни и҆ и҆дѝ въ нїнеѵі́ю гра́дъ вели́кїй: и҆ проповѣ́ждь въ не́мъ, ꙗ҆́кѡ взы́де во́пль ѕло́бы є҆гѡ̀ ко мнѣ̀: и҆ воста̀ і҆ѡ́на, є҆́же бѣжа́ти въ ѳарсі́съ ѿ лица̀ гдⷭ҇нѧ: и҆ сни́де во і҆ѡппі́ю, и҆ ѡ҆брѣ́те кора́бль и҆дꙋ́щъ въ ѳарсі́съ: и҆ дадѐ нае́мъ сво́й, и҆ вни́де во́нь плы́ти съ ни́ми въ ѳарсі́съ ѿ лица̀ гдⷭ҇нѧ. и҆ гдⷭ҇ь воздви́же вѣ́тръ ве́лїй на мо́ри, и҆ бы́сть бꙋ́рѧ вели́каѧ въ мо́ри, и҆ кора́бль бѣ́дствоваше є҆́же сокрꙋши́тисѧ. и҆ ᲂу҆боѧ́шасѧ корабе́льницы, и҆ возопи́ша кі́йждо къ бг҃ꙋ своемꙋ̀, и҆ и҆змета́нїе сотвори́ша сосꙋ́дѡвъ, и҆̀же въ кораблѝ, въ мо́ре, є҆́же ѡ҆блегчи́тисѧ ѿ ни́хъ: і҆ѡ́на же сни́де во дно̀ кораблѧ̀, и҆ спа́ше тꙋ̀, и҆ храплѧ́ше. и҆ прїи́де къ немꙋ̀ ко́рмчїй, и҆ речѐ є҆мꙋ̀: что́ ты хра́плеши; воста́ни, и҆ молѝ бг҃а твоего̀, ꙗ҆́кѡ да сп҃се́тъ ны̀ бг҃ъ, да не поги́бнемъ. и҆ речѐ кі́йждо ко и҆́скреннемꙋ своемꙋ̀: прїиди́те ве́ржемъ жрє́бїѧ, и҆ ᲂу҆разꙋмѣ́емъ, когѡ̀ ра́ди є҆́сть ѕло̀ сїѐ на на́съ: и҆ метнꙋ́ша жрє́бїѧ, и҆ падѐ жре́бїй на і҆ѡ́нꙋ. и҆ рѣ́ша къ немꙋ̀: возвѣстѝ на́мъ, когѡ̀ ра́ди сїѐ ѕло̀ на на́съ, и҆ что̀ твоѐ дѣ́ланїе є҆́сть, и҆ ѿкꙋ́дꙋ грѧде́ши, и҆ ка́мѡ и҆́деши, и҆ ѿ ко́еѧ страны̀, и҆ ѿ кі́ихъ люде́й є҆сѝ ты̀; и҆ речѐ къ ни̑мъ: ра́бъ гдⷭ҇нь є҆́смь а҆́зъ, и҆ гдⷭ҇а бг҃а нбⷭ҇наго а҆́зъ чтꙋ̀, и҆́же сотворѝ мо́ре и҆ сꙋ́шꙋ. и҆ ᲂу҆боѧ́шасѧ мꙋ́жїе стра́хомъ вели́кимъ, и҆ рѣ́ша къ немꙋ̀: что̀ сїѐ сотвори́лъ є҆сѝ; занѐ разꙋмѣ́ша мꙋ́жїе, ꙗ҆́кѡ ѿ лица̀ гдⷭ҇нѧ бѣжа́ше, ꙗ҆́кѡ возвѣстѝ и҆̀мъ. и҆ рѣ́ша къ немꙋ̀: что̀ тебѣ̀ сотвори́мъ, и҆ ᲂу҆толи́тсѧ мо́ре ѿ на́съ; занѐ мо́ре восхожда́ше и҆ воздвиза́ше па́че волне́нїе. и҆ речѐ къ ни̑мъ і҆ѡ́на: возми́те мѧ̀, и҆ вве́рзите въ мо́ре, и҆ ᲂу҆толи́тсѧ мо́ре ѿ ва́съ: поне́же позна́хъ а҆́зъ, ꙗ҆́кѡ менѐ ра́ди волне́нїе сїѐ вели́кое на вы̀ є҆́сть. и҆ нꙋжда́хꙋсѧ мꙋ́жїе возврати́тисѧ къ землѝ, и҆ не можа́хꙋ, ꙗ҆́кѡ мо́ре восхожда́ше, и҆ воздвиза́шесѧ па́че на ни́хъ. и҆ возопи́ша къ гдⷭ҇ви, и҆ рѣ́ша: ника́коже гдⷭ҇и, да не поги́бнемъ дꙋшѝ ра́ди человѣ́ка сегѡ̀, и҆ не да́ждь на на́съ кро́ве пра́ведныѧ: занѐ ты̀ гдⷭ҇и, ꙗ҆́коже восхотѣ́лъ, сотвори́лъ є҆сѝ. и҆ взѧ́ша і҆ѡ́нꙋ, и҆ вверго́ша є҆го̀ въ мо́ре, и҆ преста̀ мо́ре ѿ волне́нїѧ своегѡ̀. и҆ ᲂу҆боѧ́шасѧ мꙋ́жїе стра́хомъ вели́кимъ гдⷭ҇а, и҆ пожро́ша же́ртвꙋ гдⷭ҇ви, и҆ помоли́шасѧ мл҃твами. и҆ повелѣ̀ гдⷭ҇ь ки́тꙋ вели́комꙋ пожре́ти і҆ѡ́нꙋ: и҆ бѣ̀ і҆ѡ́на во чре́вѣ ки́товѣ трѝ дни̑ и҆ трѝ но́щи. и҆ помоли́сѧ і҆ѡ́на ко гдⷭ҇ꙋ бг҃ꙋ своемꙋ̀ ѿ чре́ва ки́това, и҆ речѐ:"
|
|
},
|
|
{
|
|
"type": "HEADER",
|
|
"value": "Мл҃тва: [Гл. в҃, ст. д҃-а҃і. Гл. г҃, ст. а҃-і҃. Гл. д҃, ст. а҃-а҃і.]"
|
|
},
|
|
{
|
|
"type": "TEXT",
|
|
"value": "В озопи́хъ въ ско́рби мое́й ко гдⷭ҇ꙋ бг҃ꙋ моемꙋ̀, и҆ ᲂу҆слы́ша мѧ̀: и҆з̾ чре́ва а҆́дова во́пль мо́й, ᲂу҆слы́шалъ є҆сѝ гла́съ мо́й. ѿве́рглъ мѧ̀ є҆сѝ въ глꙋбины̑ се́рдца морска́гѡ, и҆ рѣ́ки ѡ҆быдо́ша мѧ̀: всѧ̑ высоты̑ твоѧ̑, и҆ во́лны твоѧ̑ на мнѣ̀ преидо́ша. и҆ а҆́зъ рѣ́хъ: ѿри́нꙋхсѧ ѿ ѻ҆́чїю твоє́ю: є҆да̀ приложꙋ̀ призрѣ́ти мѝ къ хра́мꙋ ст҃о́мꙋ твоемꙋ̀; возлїѧ́сѧ на мѧ̀ вода̀ до дꙋшѝ моеѧ̀, бе́здна ѡ҆бы́де мѧ̀ послѣ́днѧѧ, понрѐ глава̀ моѧ̀ въ разсѣ̑лины го́ръ. снидо́хъ въ зе́млю, є҆ѧ́же верєѝ є҆ѧ̀ закле́пи вѣ́чнїи: и҆ да взы́детъ и҆з̾ и҆стлѣ́нїѧ живо́тъ мо́й къ тебѣ̀, гдⷭ҇и бж҃е мо́й. внегда̀ скончава́тисѧ ѿ менѐ дꙋшѝ мое́й, гдⷭ҇а помѧнꙋ́хъ, и҆ да прїи́детъ къ тебѣ̀ мл҃тва моѧ̀ къ хра́мꙋ ст҃о́мꙋ твоемꙋ̀. хранѧ́щїи сꙋ́єтнаѧ и҆ лѡ́жнаѧ, млⷭ҇ть свою̀ ѡ҆ста́виша. а҆́зъ же со гла́сомъ хвале́нїѧ и҆ и҆сповѣ́данїѧ пожрꙋ̀ тебѣ̀, є҆ли̑ка ѡ҆бѣща́хъ, возда́мъ тебѣ̀ во сп҃се́нїе моѐ гдⷭ҇ви. и҆ повелѣ̀ гдⷭ҇ь ки́тови, и҆ и҆зве́рже і҆ѡ́нꙋ на сꙋ́шꙋ. и҆ бы́сть сло́во гдⷭ҇не ко і҆ѡ́нѣ втори́цею, глаго́лѧ: воста́ни, и҆ и҆дѝ въ нїнеѵі́ю гра́дъ вели́кїй, и҆ проповѣ́ждь въ не́мъ по про́повѣди пре́ждней, ю҆́же а҆́зъ глаго́лахъ тебѣ̀. и҆ воста̀ і҆ѡ́на, и҆ и҆́де въ нїнеѵі́ю, ꙗ҆́коже глаго́ла гдⷭ҇ь: нїнеѵі́а же бѧ́ше гра́дъ вели́къ бг҃ꙋ, ꙗ҆́кѡ ше́ствїѧ пꙋтѝ тре́хъ дне́й. и҆ нача́тъ і҆ѡ́на входи́ти во гра́дъ, ꙗ҆́кѡ ше́ствїе пꙋтѝ днѐ є҆ди́нагѡ, и҆ проповѣ́да и҆ речѐ: є҆щѐ трѝ дни̑, и҆ нїнеѵі́а преврати́тсѧ. и҆ вѣ́роваша мꙋ́жїе нїнеѵі́йстїи бг҃ови, и҆ заповѣ́даша по́стъ, и҆ ѡ҆блеко́шасѧ во врє́тища ѿ вели́ка и҆́хъ да́же до ма́ла и҆́хъ. и҆ до́йде сло́во къ царю̀ нїнеѵі́йскомꙋ, и҆ воста̀ съ престо́ла своегѡ̀, и҆ све́рже ри̑зы своѧ̑ съ себѐ, и҆ ѡ҆блече́сѧ во вре́тище, и҆ сѣ́де на пе́пелѣ. и҆ проповѣ́дасѧ, и҆ рече́но бы́сть въ нїнеѵі́и ѿ царѧ̀ и҆ вельмѡ́жъ є҆гѡ̀, глаго́лющихъ: человѣ́цы и҆ ско́ти, и҆ воло́ве, и҆ ѻ҆́вцы да не вкꙋ́сѧтъ ничесѡ́же, ни да пасꙋ́тсѧ, нижѐ воды̀ да пїю́тъ. и҆ ѡ҆блеко́шасѧ во врє́тища человѣ́цы, и҆ ско́ти, и҆ возопи́ша прилѣ́жнѡ къ бг҃ꙋ: и҆ возврати́сѧ кі́йждо ѿ пꙋтѝ своегѡ̀ лꙋка́вагѡ, и҆ ѿ непра́вды сꙋ́щїѧ въ рꙋка́хъ и҆́хъ, глаго́люще: кто̀ вѣ́сть, а҆́ще раска́етсѧ и҆ ᲂу҆моле́нъ бꙋ́детъ бг҃ъ, и҆ ѡ҆брати́тсѧ ѿ гнѣ́ва ꙗ҆́рости своеѧ̀, и҆ не поги́бнемъ, и҆ ви́дѣ бг҃ъ дѣла̀ и҆́хъ, ꙗ҆́кѡ ѡ҆брати́шасѧ ѿ пꙋте́й свои́хъ лꙋка́выхъ: и҆ раска́ѧсѧ бг҃ъ ѡ҆ ѕлѣ̀, є҆́же глаго́лаше сотвори́ти и҆̀мъ, и҆ не сотворѝ. и҆ ѡ҆печа́лисѧ і҆ѡ́на печа́лїю вели́кою, и҆ смꙋти́сѧ. и҆ помоли́сѧ ко гдⷭ҇ꙋ, и҆ речѐ: ѽ гдⷭ҇и, не сїѧ̑ ли ᲂу҆́бѡ словеса̀ моѧ̑, ꙗ҆́же глаго́лахъ, є҆щѐ сꙋ́щꙋ мѝ на землѝ мое́й; сегѡ̀ ра́ди предвари́хъ бѣжа́ти въ ѳарсі́съ, занѐ разꙋмѣ́хъ, ꙗ҆́кѡ ми́лостивъ ты̀ є҆сѝ и҆ ще́дръ, долготерпѣли́въ и҆ многоми́лостивъ, и҆ ка́ѧйсѧ ѡ҆ ѕло́бахъ [человѣ́ческихъ] и҆ ны́нѣ влⷣко гдⷭ҇и, прїимѝ дꙋ́шꙋ мою̀ ѿ менѐ, ꙗ҆́кѡ ᲂу҆́не мѝ ᲂу҆мре́ти, не́жели жи́ти. и҆ речѐ гдⷭ҇ь ко і҆ѡ́нѣ: а҆́ще ѕѣлѡ̀ ѡ҆печа́лилсѧ є҆сѝ ты̀; и҆ и҆зы́де і҆ѡ́на и҆з̾ гра́да, и҆ сѣ́де прѧ́мѡ гра́да: и҆ сотворѝ себѣ̀ кꙋ́щꙋ, и҆ сѣдѧ́ше под̾ не́ю въ сѣ́ни, до́ндеже ᲂу҆ви́дитъ, что̀ бꙋ́детъ гра́дꙋ. и҆ повелѣ̀ гдⷭ҇ь бг҃ъ ты́квѣ, и҆ возрастѐ над̾ главо́ю і҆ѡ́ниною, да бꙋ́детъ сѣ́нь над̾ главо́ю є҆гѡ̀, є҆́же ѡ҆сѣни́ти є҆го̀ ѿ ѕлы́хъ є҆гѡ̀: и҆ возра́довасѧ і҆ѡ́на ѡ҆ ты́квѣ ра́достїю вели́кою. и҆ повелѣ̀ гдⷭ҇ь бг҃ъ че́рвїю ра́ннемꙋ во ᲂу҆́трїе, и҆ под̾ѧдѐ ты́квꙋ, и҆ и҆́зсше: и҆ бы́сть вкꙋ́пѣ внегда̀ возсїѧ́ти со́лнцꙋ: и҆ повелѣ̀ бг҃ъ вѣ́трꙋ зно́йнꙋ жегꙋ́щꙋ, и҆ поразѝ со́лнце на главꙋ̀ і҆ѡ́нинꙋ: и҆ малодꙋ́шствоваше, и҆ ѿрица́шесѧ дꙋшѝ своеѧ̀, и҆ речѐ: ᲂу҆́не мѝ ᲂу҆мре́ти, не́жели жи́ти. и҆ речѐ гдⷭ҇ь бг҃ъ ко і҆ѡ́нѣ: ѕѣлѡ́ ли ѡ҆печа́лилсѧ є҆сѝ ты̀ ѡ҆ ты́квѣ; и҆ речѐ [і҆ѡ́на]: ѕѣлѡ̀ ѡ҆печа́лихсѧ а҆́зъ да́же до сме́рти. и҆ речѐ гдⷭ҇ь: ты̀ ѡ҆скорби́лсѧ є҆сѝ ѡ҆ ты́квѣ, ѡ҆ не́йже не трꙋди́лсѧ є҆сѝ, ни воскорми́лъ є҆сѝ є҆ѧ̀, ꙗ҆́же роди́сѧ ѡ҆бно́щь, и҆ ѡ҆бно́щь поги́бе. а҆́зъ же не пощаждꙋ́ ли нїнеѵі́и гра́да вели́кагѡ, въ не́мже живꙋ́тъ мно́жайшїи, не́же двана́десѧть тє́мъ человѣ̑къ, и҆̀же не позна́ша десни́цы своеѧ̀, нижѐ шꙋ́йцы своеѧ̀, и҆ ско́ти и҆́хъ мно́зи;"
|
|
},
|
|
{
|
|
"type": "TEXT",
|
|
"value": "Дїа́конъ: Премꙋ́дрость."
|
|
},
|
|
{
|
|
"type": "TEXT",
|
|
"value": "Чте́цъ: І҆исꙋ́са наѵи́на чте́нїе. [Глава̀ є҃, ст. і҃-є҃і.]"
|
|
},
|
|
{
|
|
"type": "TEXT",
|
|
"value": "Дїа́конъ: Во́нмемъ."
|
|
},
|
|
{
|
|
"type": "TEXT",
|
|
"value": "Чте́цъ: Ѡ҆полчи́шасѧ сы́нове і҆и҃лєвы въ галга́лѣхъ, и҆ сотвори́ша па́схꙋ въ четвертыйна́десѧть де́нь мѣ́сѧца ѿ ве́чера на за́падѣ на по́ли і҆ерїхѡ́нскомъ. и҆ ꙗ҆до́ша ѿ пшени́цы землѝ ѻ҆́ноѧ ѡ҆прѣсно́ки и҆ нѡ́ваѧ. въ то́й де́нь преста̀ ма́нна, повнегда̀ ꙗ҆до́ша ѿ пшени́цы землѝ, и҆ ктомꙋ̀ не бы́сть сынѡ́мъ і҆и҃лєвымъ ма́нны, но ꙗ҆до́ша ѿ плодѡ́въ землѝ фїні́ческїѧ въ лѣ́то ѻ҆́ное. и҆ бы́сть є҆гда̀ бѧ́ше і҆исꙋ́съ ᲂу҆ і҆ерїхѡ́на, и҆ воззрѣ́въ ѻ҆чи́ма свои́ма, ви́дѣ человѣ́ка стоѧ́ща пред̾ ни́мъ, и҆ ме́чь є҆гѡ̀ ѡ҆бнаже́нъ въ рꙋцѣ̀ є҆гѡ̀. и҆ пристꙋпи́въ і҆исꙋ́съ, речѐ є҆мꙋ̀: на́шъ ли є҆сѝ, и҆лѝ ѿ сꙋпоста̑тъ на́шихъ; ѻ҆́нъ же речѐ є҆мꙋ̀: а҆́зъ а҆рхїстрати́гъ си́лы гдⷭ҇ни, ны́нѣ прїидо́хъ [сѣ́мѡ.] и҆ і҆исꙋ́съ падѐ лице́мъ свои́мъ на зе́млю, и҆ поклони́сѧ є҆мꙋ̀, и҆ речѐ: гдⷭ҇и, что̀ повелѣва́еши рабꙋ̀ твоемꙋ̀; и҆ речѐ а҆рхїстрати́гъ гдⷭ҇нь ко і҆исꙋ́сꙋ: и҆ззꙋ́й сапо́гъ съ ногꙋ̀ твоє́ю, мѣ́сто бо на не́мже ты̀ стои́ши ст҃о є҆́сть. и҆ сотворѝ і҆исꙋ́съ та́кѡ."
|
|
},
|
|
{
|
|
"type": "TEXT",
|
|
"value": "Дїа́конъ: Премꙋ́дрость."
|
|
},
|
|
{
|
|
"type": "TEXT",
|
|
"value": "Чте́цъ: И҆схо́да чте́нїе. [Гл. г҃і, ст. к҃-к҃в. Гл. д҃і, ст. а҃-л҃в. Гл. є҃і, ст. а҃-ѳ҃і.]"
|
|
},
|
|
{
|
|
"type": "TEXT",
|
|
"value": "Дїа́конъ: Во́нмемъ."
|
|
},
|
|
{
|
|
"type": "TEXT",
|
|
"value": "Чте́цъ: Воздви́гшесѧ сы́нове і҆и҃лєвы ѿ сокхѡ́ѳа, ѡ҆полчи́шасѧ во ѻ҆ѳо́мѣ при пꙋсты́ни. бг҃ъ же вожда́ше и҆̀хъ, въ де́нь ᲂу҆́бѡ столпо́мъ ѻ҆́блачнымъ, показа́ти и҆̀мъ пꙋ́ть, но́щїю же столпо́мъ ѻ҆́гненнымъ свѣти́ти и҆̀мъ. и҆ не ѡ҆скꙋдѣ̀ сто́лпъ ѻ҆́блачный во днѝ, и҆ сто́лпъ ѻ҆́гненный но́щїю, пред̾ всѣ́ми людьмѝ. и҆ речѐ гдⷭ҇ь къ мѡѷсе́ю, глаго́лѧ: рцы̀ сынѡ́мъ і҆и҃лєвымъ, и҆ ѡ҆брати́вшесѧ да ѡ҆полча́тсѧ прѧ́мѡ придво́рїю, междꙋ̀ магдѡ́ломъ и҆ междꙋ̀ мо́ремъ, прѧ́мѡ веельсепфѡ́нꙋ: пред̾ ни́ми ѡ҆полчи́шисѧ при мо́ри. и҆ рече́тъ фараѡ́нъ лю́демъ свои̑мъ ѡ҆ сынѣ́хъ і҆и҃левыхъ: заблꙋжда́ютъ сі́и по землѝ, затвори́ бо и҆̀хъ пꙋсты́нѧ. а҆́зъ же ѡ҆жесточꙋ̀ се́рдце фараѡ́ново, и҆ пожене́тъ созадѝ и҆̀хъ: и҆ просла́влюсѧ въ фараѡ́нѣ, и҆ во все́мъ во́инствѣ є҆гѡ̀, и҆ ᲂу҆разꙋмѣ́ютъ всѝ є҆гѵ́птѧне, ꙗ҆́кѡ а҆́зъ є҆́смь гдⷭ҇ь: и҆ сотвори́ша та́кѡ. и҆ возвѣще́но бы́сть царю̀ є҆гѵ́петскомꙋ, ꙗ҆́кѡ бѣжа́ша лю́дїе. и҆ преврати́сѧ се́рдце фараѡ́ново, и҆ рабѡ́въ є҆гѡ̀ на лю́ди, и҆ реко́ша: что̀ сїѐ сотвори́хомъ, ѿпꙋсти́вше сы́ны і҆и҃лєвы, да не рабо́таютъ на́мъ; впрѧжѐ ᲂу҆̀бо фараѡ́нъ колєсни́цы своѧ̑, и҆ всѧ̑ лю́ди своѧ̑ собра̀ съ собо́ю. и҆ поѧ́тъ ше́сть сѡ́тъ колесни́цъ и҆збра́нныхъ, и҆ всѧ̑ ко́ни є҆гѵ́пєтскїѧ, и҆ трїста́ты над̾ всѣ́ми. и҆ ѡ҆жесточѝ гдⷭ҇ь се́рдце фараѡ́на царѧ̀ є҆гѵ́петскагѡ, и҆ рабѡ́въ є҆гѡ̀, и҆ погна̀ созадѝ сынѡ́въ і҆и҃левыхъ: сы́нове же і҆и҃лєвы и҆схожда́хꙋ рꙋко́ю высо́кою. и҆ погна́ша є҆гѵ́птѧне въ слѣ́дъ и҆́хъ, и҆ ѡ҆брѣто́ша и҆̀хъ ѡ҆полчи́вшихсѧ при мо́ри: и҆ всѧ̑ ко́ни и҆ колєсни́цы фараѡ́новы, и҆ ко́нницы, и҆ во́инство є҆гѡ̀ прѧ́мѡ придво́рїю, проти́вꙋ веельсепфѡ́на. и҆ фараѡ́нъ приближа́шесѧ: воззрѣ́вше же сы́нове і҆и҃лєвы ѻ҆чи́ма, ви́дѣша: и҆ сѐ є҆гѵ́птѧне ѡ҆полчи́шасѧ въ слѣ́дъ и҆́хъ, и҆ ᲂу҆боѧ́шасѧ ѕѣлѡ̀. и҆ возопи́ша сы́нове і҆и҃лєвы ко гдⷭ҇ꙋ, и҆ реко́ша къ мѡѷсе́ю: за є҆́же не бы́ти гробѡ́мъ во є҆гѵ́птѣ, и҆зве́лъ є҆сѝ на́съ ᲂу҆мертви́ти въ пꙋсты́ни: что̀ сїѐ сотвори́лъ є҆сѝ на́мъ, и҆зве́дше на́съ и҆з̾ є҆гѵ́пта; не се́й ли бѧ́ше глаго́лъ, є҆го́же реко́хомъ къ тебѣ̀ во є҆гѵ́птѣ, глаго́люще: ѡ҆ста́ви на́съ, да рабо́таемъ є҆гѵ́птѧнѡмъ; лꙋ́чше бо бѧ́ше на́мъ рабо́тати є҆гѵ́птѧнѡмъ, не́жели ᲂу҆мре́ти въ пꙋсты́ни се́й. рече́ же мѡѷсе́й къ лю́демъ: дерза́йте, сто́йте, и҆ зри́те сп҃се́нїе є҆́же ѿ гдⷭ҇а, є҆́же сотвори́тъ на́мъ дне́сь. и҆́мже бо ѡ҆́бразомъ ви́дѣсте є҆гѵ́птѧнъ дне́сь, не приложитѐ ктомꙋ̀ ви́дѣти и҆̀хъ въ вѣ́чное вре́мѧ. гдⷭ҇ь побо́ретъ по ва́съ, вы́ же ᲂу҆мо́лкните. и҆ речѐ гдⷭ҇ь къ мѡѷсе́ю: что̀ вопїе́ши ко мнѣ̀: рцы̀ сынѡ́мъ і҆и҃лєвымъ, и҆ да пꙋтеше́ствꙋютъ. ты́ же возмѝ же́злъ тво́й, и҆ прострѝ рꙋ́кꙋ твою̀ на мо́ре, и҆ расто́ргни є҆̀: и҆ да вни́дꙋтъ сы́нове і҆и҃лєвы посредѣ̀ мо́рѧ по сꙋ́хꙋ. и҆ сѐ а҆́зъ ѡ҆жесточꙋ̀ се́рдце фараѡ́ново, и҆ всѣ́хъ є҆гѵ́птѧнъ, и҆ вни́дꙋтъ въ слѣ́дъ и҆́хъ, и҆ просла́влюсѧ въ фараѡ́нѣ, и҆ во все́мъ во́инствѣ є҆гѡ̀, и҆ въ колесни́цахъ, и҆ въ ко́нехъ є҆гѡ̀. и҆ ᲂу҆вѣ́дѧтъ всѝ є҆гѵ́птѧне, ꙗ҆́кѡ а҆́зъ є҆́смь гдⷭ҇ь, є҆гда̀ просла́влюсѧ въ фараѡ́нѣ, и҆ въ колесни́цахъ, и҆ въ ко́нехъ є҆гѡ̀. взѧ́тсѧ же а҆́гг҃лъ бж҃їй ходѧ́й пред̾ полко́мъ сынѡ́въ і҆и҃левыхъ, и҆ по́йде созадѝ и҆́хъ: взѧ́тсѧ же и҆ сто́лпъ ѻ҆́блачный ѿ лица̀ и҆́хъ, и҆ ста̀ созадѝ и҆̀хъ. и҆ вни́де посредѣ̀ полка̀ є҆гѵ́петска, и҆ посредѣ̀ полка̀ сынѡ́въ і҆и҃левыхъ, и҆ ста̀: и҆ бы́сть тьма̀ и҆ мра́къ, и҆ прїи́де но́щь, и҆ не смѣси́шасѧ дрꙋ́гъ съ дрꙋ́гомъ во всю̀ но́щь. простре́ же мѡѷсе́й рꙋ́кꙋ на мо́ре: и҆ возгна̀ гдⷭ҇ь мо́ре вѣ́тромъ ю҆́жнымъ си́льнымъ всю̀ но́щь, и҆ сотворѝ мо́ре сꙋ́шꙋ, и҆ разстꙋпи́сѧ вода̀. и҆ внидо́ша сы́нове і҆и҃лєвы посредѣ̀ мо́рѧ по сꙋ́хꙋ: и҆ вода̀ и҆̀мъ стѣна̀ бы́сть ѡ҆деснꙋ́ю, и҆ стѣна̀ ѡ҆шꙋ́юю. погна́ша же є҆гѵ́птѧне, и҆ внидо́ша въ слѣ́дъ и҆́хъ, и҆ всѧ́къ ко́нь фараѡ́новъ, и҆ колєсни́цы, и҆ вса́дники посредѣ̀ мо́рѧ. бы́сть же въ стра́жꙋ ᲂу҆́треннюю, и҆ воззрѣ̀ гдⷭ҇ь на по́лкъ є҆гѵ́петскїй въ столпѣ̀ ѻ҆́гненномъ и҆ ѻ҆́блачномъ, и҆ смѧтѐ по́лкъ є҆гѵ́петскїй. и҆ свѧза̀ ѻ҆́си колесни́цъ и҆́хъ, и҆ ведѧ́ше и҆̀хъ съ нꙋ́ждею. и҆ реко́ша є҆гѵ́птѧне: бѣжи́мъ ѿ лица̀ і҆и҃лева, гдⷭ҇ь бо побора́етъ по ни́хъ на є҆гѵ́птѧны. и҆ речѐ гдⷭ҇ь къ мѡѷсе́ю: прострѝ рꙋ́кꙋ твою̀ на мо́ре, и҆ да совокꙋпи́тсѧ вода̀, и҆ да покры́етъ є҆гѵ́птѧны, колесни̑цы же и҆ вса́дники. простре́ же мѡѷсе́й рꙋ́кꙋ на мо́ре, и҆ ᲂу҆стро́исѧ вода̀ ко дню̀ на мѣ́сто: є҆гѵ́птѧне же бѣжа́ша под̾ водо́ю: и҆ и҆стрѧсѐ гдⷭ҇ь є҆гѵ́птѧны посредѣ̀ мо́рѧ. и҆ ѡ҆брати́вшисѧ вода̀, покры̀ колесни̑цы и҆ вса́дники, и҆ всю̀ си́лꙋ фараѡ́новꙋ, вше́дши въ слѣ́дъ и҆́хъ въ мо́ре, и҆ не ѡ҆ста̀ ѿ ни́хъ ни є҆ди́нъ. сы́нове же і҆и҃лєвы проидо́ша по сꙋ́хꙋ посредѣ̀ мо́рѧ: вода́ же и҆̀мъ стѣна̀ [бы́сть] ѡ҆деснꙋ́ю и҆ стѣна̀ ѡ҆шꙋ́юю. и҆ и҆зба́ви гдⷭ҇ь і҆и҃лѧ въ де́нь ѻ҆́нъ и҆з̾ рꙋкѝ є҆гѵ́петскїѧ: и҆ ви́дѣша сы́нове і҆и҃лєвы є҆гѵ́птѧнъ и҆зме́ршихъ, при краѝ мо́рѧ. ви́дѣ же і҆и҃ль рꙋ́кꙋ вели́кꙋю, ꙗ҆̀же сотворѝ гдⷭ҇ь є҆гѵ́птѧнѡмъ: и҆ ᲂу҆боѧ́шасѧ лю́дїе гдⷭ҇а, и҆ вѣ́роваша бг҃ꙋ, и҆ мѡѷсе́ю ᲂу҆го́дникꙋ є҆гѡ̀. тогда̀ воспѣ̀ мѡѷсе́й, и҆ сы́нове і҆и҃лєвы пѣ́снь сїю̀ гдⷭ҇ви, и҆ реко́ша глаго́люще:"
|
|
},
|
|
{
|
|
"type": "TEXT",
|
|
"value": "Чте́цъ глаго́летъ: Пои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "И҆ пою́тъ на гла́съ є҃: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "И҆ чте́цъ коемꙋ́ждо ли́кꙋ стїхѝ предглаго́летъ:"
|
|
},
|
|
{
|
|
"type": "TEXT",
|
|
"value": "К онѧ̀ и҆ вса́дника вве́рже въ мо́ре. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "И҆ лю́дїе на ѻ҆́ба ли̑ка пою́тъ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "П омо́щникъ и҆ покрови́тель бы́сть мнѣ̀ во сп҃се́нїе. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "Ли́къ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "С е́й мо́й бг҃ъ, и҆ просла́влю є҆го̀, бг҃ъ ѻ҆ц҃а̀ моегѡ̀, и҆ вознесꙋ̀ є҆го̀. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "Ли́къ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Г дⷭ҇ь сокрꙋша́ѧй бра̑ни, гдⷭ҇ь и҆́мѧ є҆мꙋ̀, колесни̑цы фараѡ́новы, и҆ си́лꙋ є҆гѡ̀ вве́рже въ мо́ре. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "Ли́къ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "И҆ збра̑нныѧ вса́дники трїста́ты потопѝ въ чермнѣ́мъ мо́ри. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "Ли́къ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "П ꙋчи́ною покры̀ и҆̀хъ, погрѧзо́ша во глꙋбинѣ̀ ꙗ҆́кѡ ка́мень. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "Ли́къ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Д есни́ца твоѧ̀ гдⷭ҇и, просла́висѧ въ крѣ́пости. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "Ли́къ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Д есна́ѧ твоѧ̀ рꙋка̀ гдⷭ҇и, сокрꙋшѝ врагѝ, и҆ мно́жествомъ сла́вы твоеѧ̀ сте́рлъ є҆сѝ сопроти́вныхъ. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "Ли́къ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "П осла́лъ є҆сѝ гнѣ́въ тво́й, поѧдѐ ѧ҆̀ ꙗ҆́кѡ сте́блїе, и҆ дх҃омъ ꙗ҆́рости твоеѧ̀ разстꙋпи́сѧ вода̀. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "Ли́къ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Ѡ҆ гꙋстѣ́ша ꙗ҆́кѡ стѣна̀ во́ды, ѡ҆гꙋстѣ́ша и҆ во́лны посредѣ̀ мо́рѧ. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "Ли́къ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Р ечѐ вра́гъ: гна́въ пости́гнꙋ, раздѣлю̀ коры́сть, и҆спо́лню дꙋ́шꙋ мою̀, ᲂу҆бїю̀ мече́мъ мои́мъ, госпо́дствовати бꙋ́детъ рꙋка̀ моѧ̀. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "Ли́къ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "П осла́лъ є҆сѝ дх҃а твоего̀, покры̀ ѧ҆̀ мо́ре: погрѧзо́ша ꙗ҆́кѡ ѻ҆́лово въ водѣ̀ ѕѣ́льнѣй. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "Ли́къ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "К то̀ подо́бенъ тебѣ̀ въ бозѣ́хъ гдⷭ҇и; кто̀ подо́бенъ тебѣ̀; просла́вленъ во ст҃ы́хъ, ди́венъ въ сла́вѣ творѧ́й чꙋдеса̀. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "Ли́къ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "П росте́рлъ є҆сѝ десни́цꙋ твою̀, пожрѐ ѧ҆̀ землѧ̀. наста́вилъ є҆сѝ пра́вдою твое́ю лю́ди твоѧ̑ сїѧ̑, ꙗ҆̀же и҆зба́вилъ є҆сѝ. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "Ли́къ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Оу҆ тѣ́шилъ є҆сѝ крѣ́постїю твое́ю во ѻ҆би́тель ст҃ꙋ́ю твою̀. слы́шаша ꙗ҆зы́цы, и҆ прогнѣ́вашасѧ, болѣ̑зни прїѧ́ша живꙋ́щїи въ фѷлїсті́мѣ. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "Ли́къ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Т огда̀ потща́шасѧ влады́ки є҆дѡ́мстїи, и҆ кнѧ́зи мѡаві́тстїи, прїѧ́тъ ѧ҆̀ тре́петъ: раста́ѧша всѝ живꙋ́щїи въ ханаа́нѣ. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "Ли́къ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Д а нападе́тъ на нѧ̀ стра́хъ и҆ тре́петъ, вели́чїемъ мы́шцы твоеѧ̀ да ѡ҆ка́менѧтсѧ. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "Ли́къ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Д о́ндеже про́йдꙋтъ лю́дїе твоѝ гдⷭ҇и, до́ндеже про́йдꙋтъ лю́дїе твоѝ сі́и, ꙗ҆̀же стѧжа́лъ є҆сѝ. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "Ли́къ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "В ве́дъ насадѝ ѧ҆̀ въ го́рꙋ достоѧ́нїѧ твоегѡ̀, въ гото́вое жили́ще твоѐ, є҆́же содѣ́лалъ є҆сѝ гдⷭ҇и, ст҃ы́ню гдⷭ҇и, ю҆́же ᲂу҆гото́вастѣ рꙋ́цѣ твоѝ. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "Ли́къ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Г дⷭ҇ь црⷭ҇твꙋѧй вѣ́ки, и҆ на вѣ́къ, и҆ є҆щѐ. є҆гда̀ вни́де ко́нница фараѡ́нова съ колесни́цами и҆ вса́дники въ мо́ре: и҆ наведѐ на ни́хъ гдⷭ҇ь во́дꙋ морскꙋ́ю. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "Ли́къ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "С ы́нове же і҆и҃лєвы проидо́ша сꙋ́шею посредѣ̀ мо́рѧ. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "Ли́къ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "С ла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "Ли́къ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь. П ои́мъ гдⷭ҇ви:"
|
|
},
|
|
{
|
|
"type": "TEXT",
|
|
"value": "Ли́къ: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "И҆ послѣдѝ чте́цъ пое́тъ то́жде: Сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Дїа́конъ: Премꙋ́дрость."
|
|
},
|
|
{
|
|
"type": "TEXT",
|
|
"value": "Чте́цъ: Прⷪ҇ро́чества софо́нїева чте́нїе. [Глава̀ г҃, ст. и҃-є҃і.]"
|
|
},
|
|
{
|
|
"type": "TEXT",
|
|
"value": "Дїа́конъ: Во́нмемъ."
|
|
},
|
|
{
|
|
"type": "TEXT",
|
|
"value": "Чте́цъ: Та́кѡ глаго́летъ гдⷭ҇ь: потерпѝ менѐ въ де́нь воскресе́нїѧ моегѡ̀ во свидѣ́тельство: занѐ сꙋ́дъ мо́й въ сѡ́нмища ꙗ҆зы́кѡвъ є҆́же прїѧ́ти царе́й, є҆́же и҆злїѧ́ти на нѧ̀ гнѣ́въ мо́й, ве́сь гнѣ́въ ꙗ҆́рости моеѧ̀: занѐ ѻ҆гне́мъ рве́нїѧ моегѡ̀ поѧде́на бꙋ́детъ всѧ̀ землѧ̀. ꙗ҆́кѡ тогда̀ ѡ҆бращꙋ̀ къ лю́демъ ѧ҆зы́къ въ ро́дъ є҆гѡ̀, є҆́же призыва́ти всѣ̑мъ и҆́мѧ гдⷭ҇не, рабо́тати є҆мꙋ̀ под̾ и҆́гомъ є҆ди́нѣмъ. ѿ конє́цъ рѣ́къ є҆ѳїо́пскихъ, прїимꙋ̀ молѧ́щыѧ мѧ̀, въ разсѣ́ѧнныхъ мои́хъ принесꙋ́тъ жє́ртвы мнѣ̀. въ де́нь ѻ҆́нъ не и҆́маши постыди́тисѧ ѿ всѣ́хъ начина́нїй твои́хъ, и҆́миже нече́ствовалъ є҆сѝ въ мѧ̀: ꙗ҆́кѡ тогда̀ ѿимꙋ̀ ѿ тебѐ ᲂу҆кори̑зны досажде́нїѧ твоегѡ̀, и҆ ктомꙋ̀ не и҆́маши приложи́ти велича́тисѧ на горѣ̀ ст҃ѣ́й мое́й. и҆ ѡ҆ста́влю въ тебѣ̀ лю́ди кро́тки и҆ смире́нны, и҆ бꙋ́дꙋтъ бл҃гоговѣ́ти ѡ҆ и҆́мени гдⷭ҇ни. ѡ҆ста́нцы і҆и҃лєвы, и҆ не сотворѧ́тъ непра́вды, и҆ не возглаго́лютъ сꙋ́етныхъ, и҆ не ѡ҆брѧ́щетсѧ во ᲂу҆стѣ́хъ и҆́хъ ѧ҆зы́къ льсти́въ: занѐ ті́и пожирꙋ́ютъ, и҆ ᲂу҆гнѣздѧ́тсѧ, и҆ не бꙋ́детъ ᲂу҆страша́ѧй и҆̀хъ. ра́дꙋйсѧ дщѝ сїѡ́нова ѕѣлѡ̀, проповѣ́дꙋй дщѝ і҆ерꙋсали́мова, весели́сѧ и҆ преꙋкраша́йсѧ ѿ всегѡ̀ се́рдца твоегѡ̀, дщѝ і҆ерꙋсали́млѧ: ѿѧ́тъ гдⷭ҇ь непра̑вды твоѧ̑: и҆зба́вилъ тѧ̀ є҆́сть и҆з̾ рꙋкѝ вра̑гъ твои́хъ: воцари́тсѧ гдⷭ҇ь посредѣ̀ тебѐ, и҆ не ᲂу҆́зриши ѕла̀ ктомꙋ̀."
|
|
},
|
|
{
|
|
"type": "TEXT",
|
|
"value": "Дїа́конъ: Премꙋ́дрость."
|
|
},
|
|
{
|
|
"type": "TEXT",
|
|
"value": "Чте́цъ: Ца́рствъ тре́тїихъ чте́нїе. [Глава̀ з҃і, ст. и҃-к҃г.]"
|
|
},
|
|
{
|
|
"type": "TEXT",
|
|
"value": "Дїа́конъ: Во́нмемъ."
|
|
},
|
|
{
|
|
"type": "TEXT",
|
|
"value": "Чте́цъ: Бы́сть глаго́лъ гдⷭ҇нь ко и҆лїѝ, глаго́лѧ: воста́ни, и҆дѝ въ саре́птꙋ сїдѡ́нскꙋю, и҆ пребꙋ́ди та́мѡ: се́ бо заповѣ́дахъ та́мѡ женѣ̀ вдови́цѣ препита́ти тѧ̀. и҆ воста̀, и҆ и҆́де въ саре́птꙋ сїдѡ́нскꙋю, и҆ прїи́де ко вратѡ́мъ гра́да: и҆ сѐ та́мѡ жена̀ вдова̀ собира́ше дрова̀: и҆ возопѝ и҆лїа̀ въ слѣ́дъ є҆ѧ̀, и҆ речѐ є҆́й: принесѝ ны́нѣ мѝ ма́лѡ воды̀ въ сосꙋ́дѣ, и҆ и҆спїю̀. и҆ и҆́де взѧ́ти, и҆ возопѝ въ слѣ́дъ є҆ѧ̀ и҆лїа̀, и҆ речѐ є҆́й: прїимѝ ᲂу҆̀бо мнѣ̀ и҆ ᲂу҆крꙋ́хъ хлѣ́ба въ рꙋцѣ̀ свое́й, да ꙗ҆́мъ. и҆ речѐ жена̀: жи́въ гдⷭ҇ь бг҃ъ тво́й, а҆́ще є҆́сть ᲂу҆ менѐ ѻ҆прѣсно́къ: но то́кмѡ го́рсть мꙋкѝ въ водоно́сѣ, и҆ ма́лѡ є҆ле́а въ чва́нцѣ: и҆ сѐ а҆́зъ соберꙋ̀ два̀ полѣ̑нца, и҆ вни́дꙋ, и҆ сотворю̀ є҆̀ себѣ̀ и҆ дѣ́темъ мои̑мъ, и҆ снѣ́мы є҆̀, и҆ ᲂу҆́мремъ. и҆ речѐ къ не́й и҆лїа̀: дерза́й, вни́ди, и҆ сотворѝ по глаго́лꙋ твоемꙋ̀: но сотвори́ ми ѿтꙋ́дꙋ ѻ҆прѣсно́къ ма́лъ пре́жде, и҆ принеси́ ми: себѣ́ же и҆ ча́дѡмъ свои̑мъ да сотвори́ши по́слѣжде. ꙗ҆́кѡ та́кѡ глаго́летъ гдⷭ҇ь бг҃ъ і҆и҃левъ: водоно́съ мꙋкѝ не ѡ҆скꙋдѣ́етъ, и҆ чва́нецъ є҆ле́а не ᲂу҆ма́литсѧ до днѐ, до́ндеже да́стъ гдⷭ҇ь до́ждь на зе́млю. и҆ и҆́де жена̀, и҆ сотворѝ по глаго́лꙋ и҆лїинꙋ̀, и҆ дадѐ є҆мꙋ̀, и҆ ꙗ҆дѐ то́й и҆ та̀, и҆ ча̑да є҆ѧ̀. и҆ ѿ тогѡ̀ днѐ водоно́съ мꙋкѝ не ѡ҆скꙋдѣ̀, и҆ чва́нецъ є҆ле́а не ᲂу҆ма́лисѧ, по глаго́лꙋ гдⷭ҇ню, є҆го́же глаго́ла рꙋко́ю и҆лїино́ю. и҆ бы́сть по си́хъ, и҆ разболѣ́сѧ сы́нъ жены̀ госпожѝ до́мꙋ, и҆ бѣ̀ болѣ́знь є҆гѡ̀ крѣпка̀ ѕѣлѡ̀, до́ндеже не ѡ҆ста́сѧ въ не́мъ дꙋ́хъ є҆гѡ̀. и҆ речѐ ко и҆лїѝ: что̀ мнѣ̀, и҆ тебѣ̀, человѣ́че бж҃їй; вше́лъ є҆сѝ ко мнѣ̀ воспомѧнꙋ́ти непра̑вды моѧ̑, и҆ ᲂу҆мори́ти сы́на моего̀; и҆ речѐ и҆лїа̀ къ женѣ̀: да́ждь мѝ сы́на твоего̀: и҆ взѧ́тъ є҆го̀ ѿ нѣ́дра є҆ѧ̀, и҆ вознесѐ є҆го̀ въ го́рницꙋ, и҆дѣ́же са́мъ почива́ше, и҆ положѝ є҆го̀ на ѻ҆дрѣ̀ свое́мъ. и҆ возопѝ и҆лїа̀ ко гдⷭ҇ꙋ, и҆ речѐ: ᲂу҆вы̀ мнѣ̀ гдⷭ҇и, свидѣ́телю вдовы̀, ᲂу҆ неѧ́же а҆́зъ ны́нѣ пребыва́ю, ты̀ ѡ҆ѕло́билъ є҆сѝ є҆́же ᲂу҆мори́ти сы́на є҆ѧ̀. и҆ дꙋ́нꙋ на ѻ҆́трочища три́жды, и҆ призва̀ гдⷭ҇а, и҆ речѐ: гдⷭ҇и бж҃е мо́й, да возврати́тсѧ ᲂу҆̀бо дꙋша̀ ѻ҆́трочища сегѡ̀ во́нь, и҆ бы́сть та́кѡ. и҆ возопѝ ѻ҆́трочищъ: и҆ сведѐ є҆го̀ съ го́рницы въ до́мъ, и҆ дадѐ є҆го̀ ма́тери є҆гѡ̀. и҆ речѐ и҆лїа̀: ви́ждь, жи́въ є҆́сть сы́нъ тво́й. и҆ речѐ жена̀ ко и҆лїѝ: сѐ ᲂу҆разꙋмѣ́хъ, ꙗ҆́кѡ человѣ́къ бж҃їй є҆сѝ ты̀, и҆ глаго́лъ гдⷭ҇нь во ᲂу҆стѣ́хъ твои́хъ и҆́стиненъ."
|
|
},
|
|
{
|
|
"type": "TEXT",
|
|
"value": "Дїа́конъ: Премꙋ́дрость."
|
|
},
|
|
{
|
|
"type": "TEXT",
|
|
"value": "Чте́цъ: Прⷪ҇ро́чества и҆са́їина чте́нїе. [Гл. ѯ҃а, ст. і҃- а҃і. Гл. ѯ҃в, ст. а҃-є҃.]"
|
|
},
|
|
{
|
|
"type": "TEXT",
|
|
"value": "Дїа́конъ: Во́нмемъ."
|
|
},
|
|
{
|
|
"type": "TEXT",
|
|
"value": "Чте́цъ: Да возра́дꙋетсѧ дꙋша̀ моѧ̀ ѡ҆ гдⷭ҇ѣ: ѡ҆блече́ бо мѧ̀ въ ри́зꙋ сп҃се́нїѧ, и҆ ѻ҆де́ждею весе́лїѧ [ѡ҆дѣ́ѧ мѧ̀]: ꙗ҆́кѡ на жениха̀ возложѝ на мѧ̀ вѣне́цъ, и҆ ꙗ҆́кѡ невѣ́стꙋ ᲂу҆краси́ мѧ красото́ю. и҆ ꙗ҆́кѡ землѧ̀ растѧ́щаѧ цвѣ́тъ сво́й, и҆ ꙗ҆́кѡ вертогра́дъ сѣ́мена своѧ̑ прозѧба́етъ: та́кѡ возрасти́тъ гдⷭ҇ь гдⷭ҇ь пра́вдꙋ, и҆ весе́лїе пред̾ всѣ́ми ꙗ҆зы́ки. сїѡ́на ра́ди не ᲂу҆молчꙋ̀, и҆ і҆ерꙋсали́ма ра́ди не попꙋщꙋ̀, до́ндеже и҆зы́детъ ꙗ҆́кѡ свѣ́тъ пра́вда моѧ̀, и҆ сп҃се́нїе моѐ ꙗ҆́кѡ свѣти́ло разжже́тсѧ. и҆ ᲂу҆́зрѧтъ ꙗ҆зы́цы пра́вдꙋ твою̀, и҆ ца́рїе сла́вꙋ твою̀, и҆ прозовꙋ́тъ тѧ̀ и҆́менемъ но́вымъ, и҆́мже гдⷭ҇ь наименꙋ́етъ є҆̀. и҆ бꙋ́деши вѣне́цъ добро́ты въ рꙋцѣ̀ гдⷭ҇ни, и҆ дїади́ма ца́рствїѧ въ рꙋцѣ̀ бг҃а твоегѡ̀. и҆ не прозове́шисѧ ктомꙋ̀ ѡ҆ста́вленъ, и҆ землѧ̀ твоѧ̀ ктомꙋ̀ не нарече́тсѧ пꙋста̀: тебѣ́ бо прозове́тсѧ во́лѧ моѧ̀, и҆ землѧ̀ твоѧ̀ вселе́ннаѧ: ꙗ҆́кѡ бл҃говолѝ гдⷭ҇ь въ тебѣ̀, и҆ землѧ̀ твоѧ̀ вкꙋ́пѣ насели́тсѧ. и҆ ꙗ҆́коже живѧ́й ю҆́ноша съ дѣ́вою, та́кѡ поживꙋ́тъ сы́нове твоѝ съ тобо́ю: и҆ бꙋ́детъ ꙗ҆́коже ра́дꙋетсѧ жени́хъ ѡ҆ невѣ́стѣ, та́кѡ возра́дꙋетсѧ гдⷭ҇ь ѡ҆ тебѣ̀."
|
|
},
|
|
{
|
|
"type": "TEXT",
|
|
"value": "Дїа́конъ: Премꙋ́дрость."
|
|
},
|
|
{
|
|
"type": "TEXT",
|
|
"value": "Чте́цъ: Бытїѧ̀ чте́нїе. [Глава̀ к҃в, ст. а҃-и҃і.]"
|
|
},
|
|
{
|
|
"type": "TEXT",
|
|
"value": "Дїа́конъ: Во́нмемъ."
|
|
},
|
|
{
|
|
"type": "TEXT",
|
|
"value": "Чте́цъ: Бы́сть по глаго́лѣхъ си́хъ, бг҃ъ и҆скꙋша́ше а҆враа́ма, речѐ є҆мꙋ̀: а҆враа́ме, а҆враа́ме. и҆ речѐ: сѐ а҆́зъ, и҆ речѐ: поймѝ сы́на твоего̀ возлю́бленнаго, є҆го́же возлюби́лъ є҆сѝ і҆саа́ка, и҆ и҆дѝ на зе́млю высо́кꙋ, и҆ вознесѝ є҆го̀ та́мѡ во всесожже́нїе, на є҆ди́нꙋ ѿ го́ръ, и҆̀хже тѝ рекꙋ̀. воста́въ же а҆враа́мъ ᲂу҆́трѡ, ѡ҆сѣдла̀ ѻ҆слѧ̀ своѐ, поѧ́тъ же съ собо́ю два̀ ѻ҆́трочища, и҆ і҆саа́ка сы́на своего̀, и҆ растни́въ дрова̀ во всесожже́нїе, воста́въ и҆́де, и҆ прїи́де на мѣ́сто, є҆́же речѐ є҆мꙋ̀ бг҃ъ, въ тре́тїй де́нь. и҆ воззрѣ́въ а҆враа́мъ ѻ҆чи́ма свои́ма, ви́дѣ мѣ́сто и҆здале́че. и҆ речѐ а҆враа́мъ ѻ҆трокѡ́мъ свои̑мъ: сѧ́дите здѣ̀ со ѻ҆слѧ́темъ: а҆́зъ же и҆ дѣ́тищъ по́йдемъ до ѻ҆́ндѣ, и҆ поклони́вшесѧ возврати́мсѧ къ ва́мъ. взѧ́ же а҆враа́мъ дрова̀ всесожже́нїѧ, и҆ возложѝ на і҆саа́ка сы́на своего̀: взѧ́ же въ рꙋ́ки и҆ ѻ҆́гнь, и҆ но́жъ, и҆ и҆до́ста ѻ҆́ба вкꙋ́пѣ. рече́ же і҆саа́къ ко а҆враа́мꙋ ѻ҆тцꙋ̀ своемꙋ̀: ѻ҆́тче. ѻ҆́нъ же речѐ: что́ є҆сть ча́до; рече́ же: сѐ ѻ҆́гнь и҆ дрова̀, гдѣ́ є҆сть ѻ҆вча̀ є҆́же во всесожже́нїе; рече́ же а҆враа́мъ: бг҃ъ ᲂу҆́зритъ себѣ̀ ѻ҆вча̀ во всесожже́нїе, ча́до: ше́дше же ѻ҆́ба вкꙋ́пѣ, прїидо́ста на мѣ́сто, є҆́же речѐ є҆мꙋ̀ бг҃ъ: и҆ созда̀ та́мѡ а҆враа́мъ же́ртвенникъ, и҆ возложѝ дрова̀: и҆ свѧза́въ і҆саа́ка сы́на своего̀ возложѝ є҆го̀ на же́ртвенникъ верхꙋ̀ дро́въ. и҆ прострѐ а҆враа́мъ рꙋ́кꙋ свою̀ взѧ́ти но́жъ, закла́ти сы́на своего̀. и҆ воззва̀ и҆̀ а҆́гг҃лъ гдⷭ҇нь съ небесѐ, и҆ речѐ: а҆враа́ме, а҆враа́ме. ѻ҆́нъ же речѐ: сѐ а҆́зъ. и҆ речѐ: да не возложи́ши рꙋкѝ твоеѧ̀ на ѻ҆́трочища, нижѐ да сотвори́ши є҆мꙋ̀ что̀: ны́нѣ бо позна́хъ, ꙗ҆́кѡ бои́шисѧ ты̀ бг҃а, и҆ не пощадѣ́лъ є҆сѝ сы́на твоегѡ̀ возлю́бленнагѡ менѐ ра́ди. и҆ воззрѣ́въ а҆враа́мъ ѻ҆чи́ма свои́ма ви́дѣ, и҆ сѐ ѻ҆ве́нъ є҆ди́нъ держи́мый рога́ма въ са́дѣ саве́къ: и҆ и҆́де а҆враа́мъ, и҆ взѧ̀ ѻ҆вна̀, и҆ вознесѐ є҆го̀ во всесожже́нїе вмѣ́стѡ і҆саа́ка сы́на своегѡ̀. и҆ наречѐ а҆враа́мъ и҆́мѧ мѣ́стꙋ томꙋ̀, гдⷭ҇ь ви́дѣ: да рекꙋ́тъ дне́сь, на горѣ̀ гдⷭ҇ь ꙗ҆ви́сѧ. и҆ воззва̀ а҆́гг҃лъ гдⷭ҇нь а҆враа́ма втори́цею съ небесѐ, глаго́лѧ: мно́ю самѣ́мъ клѧ́хсѧ, глаго́летъ гдⷭ҇ь, є҆гѡ́же ра́ди сотвори́лъ є҆сѝ глаго́лъ се́й, и҆ не пощадѣ́лъ є҆сѝ сы́на твоегѡ̀ возлю́бленнагѡ менѐ ра́ди: вои́стиннꙋ бл҃гословѧ̀ бл҃гословлю́ тѧ, и҆ ᲂу҆множа́ѧ ᲂу҆мно́жꙋ сѣ́мѧ твоѐ, ꙗ҆́кѡ ѕвѣ́зды небє́сныѧ, и҆ ꙗ҆́кѡ песо́къ вскра́й мо́рѧ: и҆ наслѣ́дитъ сѣ́мѧ твоѐ гра́ды сꙋпоста́тѡвъ: и҆ бл҃гословѧ́тсѧ ѡ҆ сѣ́мени твое́мъ всѝ ꙗ҆зы́цы земні́и, зане́же послꙋ́шалъ є҆сѝ гла́са моегѡ̀."
|
|
},
|
|
{
|
|
"type": "TEXT",
|
|
"value": "Дїа́конъ: Премꙋ́дрость."
|
|
},
|
|
{
|
|
"type": "TEXT",
|
|
"value": "Чте́цъ: Прⷪ҇ро́чества и҆са́їина чте́нїе. [Глава̀ ѯ҃а, ст. а҃-ѳ҃]"
|
|
},
|
|
{
|
|
"type": "TEXT",
|
|
"value": "Дїа́конъ: Во́нмемъ."
|
|
},
|
|
{
|
|
"type": "TEXT",
|
|
"value": "Чте́цъ: Дх҃ъ гдⷭ҇нь на мнѣ̀, є҆гѡ́же ра́ди пома́за мѧ̀, бл҃говѣсти́ти ни́щымъ, посла̀ мѧ̀, и҆сцѣли́ти сокрꙋшє́нныѧ се́рдцемъ, проповѣ́дати плѣ́нникѡмъ ѿпꙋще́нїе, и҆ слѣпы̑мъ прозрѣ́нїе: нарещѝ лѣ́то гдⷭ҇не прїѧ́тно, и҆ де́нь воздаѧ́нїѧ, ᲂу҆тѣ́шити всѧ̑ пла́чꙋщыѧ: да́ти пла́чꙋщымъ сїѡ́на сла́вꙋ вмѣ́стѡ пе́пела, пома́занїе весе́лїе пла́чꙋщымъ: ᲂу҆краше́нїе сла́вы вмѣ́стѡ дꙋ́ха ᲂу҆ны́нїѧ, и҆ нарекꙋ́тсѧ ро́дове пра́вды, насажде́нїе гдⷭ҇не въ сла́вꙋ. и҆ сози́ждꙋтъ пꙋсты̑ни вѣ̑чныѧ, запꙋстѣ́вшыѧ пре́жде воздви́гнꙋтъ, и҆ ѡ҆бновѧ́тъ гра́ды пꙋсты̑ѧ, ѡ҆пꙋстошє́нныѧ въ ро́ды. и҆ прїи́дꙋтъ и҆норо́днїи, пасꙋ́щїи ѻ҆́вцы твоѧ̑, и҆ и҆ноплемє́нницы ѻ҆ра́тели, и҆ вїногра́дари ва́ши. вы́ же свѧще́нницы гдⷭ҇ни нарече́тесѧ, слꙋжи́телїе бг҃а ва́шегѡ. рече́тсѧ ва́мъ: крѣ́пость ꙗ҆зы̑къ снѣ́сте, и҆ въ бога́тствѣ и҆́хъ чꙋ́дни бꙋ́дете. си́це зе́млю свою̀ втори́цею наслѣ́дѧтъ, и҆ весе́лїе вѣ́чное над̾ главо́ю и҆́хъ. а҆́зъ бо є҆́смь гдⷭ҇ь любѧ́й пра́вдꙋ, и҆ ненави́дѧй граблє́нїѧ ѿ непра́вды: и҆ да́мъ трꙋ́дъ и҆́хъ пра́ведникѡмъ, и҆ завѣ́тъ вѣ́ченъ завѣща́ю и҆̀мъ. и҆ позна́етсѧ во ꙗ҆зы́цѣхъ сѣ́мѧ и҆́хъ, и҆ внꙋ́цы и҆́хъ посредѝ люде́й: всѧ́къ ви́дѧй ѧ҆̀, позна́етъ ѧ҆̀, ꙗ҆́кѡ сі́и сꙋ́ть сѣ́мѧ бл҃гослове́нное ѿ бг҃а и҆ ра́достїю возра́дꙋютсѧ ѡ҆ гдⷭ҇ѣ."
|
|
},
|
|
{
|
|
"type": "TEXT",
|
|
"value": "Дїа́конъ: Премꙋ́дрость."
|
|
},
|
|
{
|
|
"type": "TEXT",
|
|
"value": "Чте́цъ: Ца́рствъ четве́ртыхъ чте́нїе. [Глава̀ д҃, ст. и҃-л҃з.]"
|
|
},
|
|
{
|
|
"type": "TEXT",
|
|
"value": "Дїа́конъ: Во́нмемъ."
|
|
},
|
|
{
|
|
"type": "TEXT",
|
|
"value": "Чте́цъ: Бы́сть во є҆ди́нъ де́нь, и҆ пре́йде є҆лїссе́й въ сѡма́нъ, и҆ тꙋ̀ жена̀ ве́лїѧ, и҆ ᲂу҆держа̀ є҆гѡ̀ снѣ́сти хлѣ́ба. и҆ бы́сть є҆мꙋ̀ входи́ти, и҆ и҆сходи́ти мно́жицею, и҆ ᲂу҆клонѧ́шесѧ та́мѡ ꙗ҆́сти хлѣ́ба. и҆ речѐ жена̀ къ мꙋ́жꙋ своемꙋ̀: сѐ ны́нѣ разꙋмѣ́хъ, ꙗ҆́кѡ человѣ́къ бж҃їй ст҃ъ се́й ми́мѡ хо́дитъ на́съ при́снѡ: сотвори́мъ ᲂу҆̀бо є҆мꙋ̀ го́рницꙋ, мѣ́сто ма́ло, и҆ поста́вимъ є҆мꙋ̀ та́мѡ ѻ҆́дръ, и҆ трапе́зꙋ, и҆ престо́лъ, и҆ свѣ́щникъ: и҆ бꙋ́детъ внегда̀ входи́ти є҆мꙋ̀ къ на́мъ, и҆ ᲂу҆клонѧ́етсѧ та́мѡ. и҆ бы́сть во є҆ди́нъ де́нь, и҆ вни́де та́мѡ, и҆ ᲂу҆клони́сѧ въ го́рницꙋ, и҆ спа̀ та́мѡ. и҆ речѐ ко гїезі́ю ѻ҆́трочищꙋ своемꙋ̀: призови́ ми сѡмані́тѧныню сїю̀. и҆ призва̀ ю҆̀, и҆ ста̀ пред̾ ни́мъ. и҆ речѐ є҆мꙋ̀: рцы̀ ᲂу҆́бѡ є҆́й, сѐ ᲂу҆диви́ла є҆сѝ на́съ всѣ́мъ попече́нїемъ си́мъ: что̀ подоба́етъ сотвори́ти тебѣ̀; а҆́ще є҆́сть тебѣ̀ сло́во къ царю̀, и҆лѝ ко кнѧ́зю си́лы; ѻ҆на́ же речѐ: [нѣ́сть.] посредѣ̀ люде́й мои́хъ а҆́зъ є҆́смь живꙋ́щи. и҆ речѐ ко гїезі́ю: что̀ подоба́етъ сотвори́ти є҆́й; и҆ речѐ гїезі́й ѻ҆́трочищъ є҆гѡ̀: вои́стиннꙋ сы́на нѣ́сть ᲂу҆ неѧ̀, и҆ мꙋ́жъ є҆ѧ̀ ста́ръ. и҆ речѐ, призовѝ ю҆̀: и҆ призва̀ ю҆̀, и҆ ста̀ при две́рехъ. и҆ речѐ є҆лїссе́й къ не́й: во вре́мѧ сїѐ, ꙗ҆́коже ча́съ се́й, живꙋ́щи ты̀ зачне́ши сы́на. ѻ҆на́ же речѐ: нѝ, господи́не, не солжѝ рабѣ̀ твое́й. и҆ зача́тъ во чре́вѣ жена̀, и҆ родѝ сы́на во вре́мѧ сїѐ, ꙗ҆́коже ча́съ се́й живꙋ́щи, ꙗ҆́коже глаго́ла къ не́й є҆лїссе́й. и҆ возмꙋжа̀ ѻ҆́трочищъ: и҆ бы́сть, є҆гда̀ и҆зы́де ко ѻ҆тцꙋ̀ своемꙋ̀, къ жнꙋ́щымъ, и҆ речѐ ко ѻ҆тцꙋ̀ своемꙋ̀: глава̀ моѧ̀, глава̀ моѧ̀ [боли́тъ] и҆ речѐ ко ѻ҆́трокꙋ: несѝ є҆го̀ къ ма́тери є҆гѡ̀. и҆ несѐ є҆го̀ къ ма́тери є҆гѡ̀ и҆ лежа́ше на колѣ̑нꙋ є҆ѧ̀ до полꙋ́дне, и҆ ᲂу҆́мре. и҆ вознесѐ є҆го̀, и҆ положѝ є҆го̀ на ѻ҆дрѣ̀ человѣ́ка бж҃їѧ: и҆ затворѝ є҆го̀, и҆ и҆зы́де, и҆ призва̀ мꙋ́жа своего̀, и҆ речѐ є҆мꙋ̀: посли́ ми ᲂу҆̀бо є҆ди́наго ѿ ѻ҆́трѡкъ, и҆ є҆ди́но ѿ ѻ҆слѧ́тъ, и҆ текꙋ̀ до человѣ́ка бж҃їѧ, и҆ возвращꙋ́сѧ. и҆ речѐ: что̀ ꙗ҆́кѡ ты̀ и҆́деши къ немꙋ̀ дне́сь; не но́въ мцⷭ҇ъ, нижѐ сꙋббѡ́та. ѻ҆на́ же речѐ: ми́ръ. и҆ ѡ҆сѣдла̀ ѻ҆слѧ̀, и҆ речѐ ко ѻ҆́трочищꙋ своемꙋ̀: ведѝ, и҆ и҆дѝ, да не ᲂу҆держи́ши менѐ, є҆́же всѣ́сти, ꙗ҆́коже рекꙋ̀ тебѣ̀. грѧдѝ, и҆ и҆дѝ, и҆ прїидѝ къ человѣ́кꙋ бж҃їю на го́рꙋ карми́льскꙋю. и҆ и҆́де, и҆ прїи́де до человѣ́ка бж҃їѧ въ горꙋ̀ карми́льскꙋю. и҆ бы́сть ꙗ҆́кѡ ви́дѣ ю҆̀ є҆лїссе́й грѧдꙋ́щꙋю, и҆ речѐ къ гїезі́ю ѻ҆́трочищꙋ своемꙋ̀: сѐ ᲂу҆́бѡ сѡмані́тѧнынѧ ѻ҆́наѧ. ны́нѣ тецы̀ въ срѣ́тенїе є҆ѧ̀, и҆ рече́ши є҆́й: ми́ръ ли тебѣ̀; и҆ течѐ во срѣ́тенїе є҆́й, и҆ речѐ є҆́й: ми́ръ ли тебѣ̀; ми́ръ ли мꙋ́жꙋ твоемꙋ̀; ми́ръ ли ѻ҆́трочищꙋ твоемꙋ̀; ѻ҆на́ же речѐ: ми́ръ. и҆ прїи́де къ є҆лїссе́ю на го́рꙋ, и҆ ꙗ҆́тсѧ за но́зѣ є҆гѡ̀: и҆ прибли́жисѧ гїезі́й ѿри́нꙋти ю҆̀. и҆ речѐ є҆лїссе́й: ѡ҆ста́ви ю҆̀, ꙗ҆́кѡ дꙋша̀ є҆ѧ̀ болѣ́зненна въ не́й, и҆ гдⷭ҇ь ᲂу҆кры̀ ѿ менѐ, и҆ не возвѣстѝ мнѣ̀. ѻ҆на́ же речѐ: є҆да̀ проси́хъ сы́на ᲂу҆ господи́на моегѡ̀; ꙗ҆́кѡ реко́хъ: не прельстѝ менѐ; и҆ речѐ є҆лїссе́й ко гїезі́ю: препоѧ́ши чресла̀ твоѧ̑, и҆ возмѝ же́злъ мо́й въ рꙋ́цѣ твоѝ, и҆ и҆дѝ, ꙗ҆́кѡ а҆́ще ѡ҆брѧ́щеши мꙋ́жа, да не благослови́ши є҆го̀, и҆ а҆́ще благослови́тъ тѧ̀ мꙋ́жъ, не ѿвѣща́й є҆мꙋ̀: и҆ возложѝ же́злъ мо́й на лицѐ ѻ҆́трочища. и҆ речѐ ма́ти ѻ҆́трочища: жи́въ гдⷭ҇ь, и҆ жива̀ дꙋша̀ твоѧ̀, а҆́ще ѡ҆ста́влю тебѐ. и҆ воста̀ є҆лїссе́й, и҆ и҆́де въ слѣ́дъ є҆ѧ̀. и҆ гїезі́й и҆́де пред̾ не́ю, и҆ возложѝ же́злъ на лицѐ ѻ҆́трочища, и҆ не бѣ̀ гла́са, и҆ не бѣ̀ слы́шанїѧ. и҆ возврати́сѧ въ срѣ́тенїе є҆гѡ̀, и҆ повѣ́да є҆мꙋ̀, глаго́лѧ: не воста̀ ѻ҆́трочищъ. и҆ вни́де є҆лїссе́й въ хра́минꙋ, и҆ сѐ ѻ҆́трочищъ ᲂу҆ме́рый положе́нъ на ѻ҆дрѣ̀ є҆гѡ̀. и҆ вни́де є҆лїссе́й въ до́мъ, и҆ затворѝ две́рь за двою̀ собо́ю, и҆ помоли́сѧ гдⷭ҇ꙋ. и҆ взы́де, и҆ лѧ́же на ѻ҆́трочищи, и҆ положѝ ᲂу҆ста̀ своѧ̑ на ᲂу҆стѣ́хъ є҆гѡ̀, и҆ ѻ҆́чи своѝ на ѻ҆́чи є҆гѡ̀, и҆ рꙋ́цѣ своѝ на рꙋ́цѣ є҆гѡ̀, и҆ плеснѣ̀ своѝ на плеснꙋ̀ є҆гѡ̀: и҆ слѧче́сѧ над̾ ни́мъ, и҆ дꙋ́нꙋ на него̀, и҆ согрѣ́ѧсѧ пло́ть ѻ҆́трочища. и҆ ѡ҆брати́сѧ, и҆ походѝ въ хра́минѣ сю́дꙋ и҆ сю́дꙋ: и҆ взы́де и҆ слѧче́сѧ над̾ ѻ҆́трочищемъ седми́жды, и҆ ѿве́рзе ѻ҆́трочищъ ѻ҆́чи своѝ. и҆ возопѝ є҆лїссе́й ко гїезі́ю, и҆ речѐ: призови́ ми сѡмані́тѧныню сїю̀, и҆ призва̀ ю҆̀, и҆ вни́де къ немꙋ̀. и҆ речѐ є҆лїссе́й прїимѝ сы́на твоего̀. и҆ вни́де жена̀, и҆ падѐ на но́гꙋ є҆гѡ̀, и҆ поклони́сѧ є҆мꙋ̀ до землѝ, и҆ прїѧ́тъ сы́на своего̀, и҆ и҆зы́де."
|
|
},
|
|
{
|
|
"type": "TEXT",
|
|
"value": "Дїа́конъ: Премꙋ́дрость."
|
|
},
|
|
{
|
|
"type": "TEXT",
|
|
"value": "Чте́цъ: Прⷪ҇ро́чества и҆са́їина чте́нїе. [Глава̀ ѯ҃г, ст. а҃і-ѳ҃і, глава̀ ѯ҃д, ст. а҃-є҃.]"
|
|
},
|
|
{
|
|
"type": "TEXT",
|
|
"value": "Дїа́конъ: Во́нмемъ."
|
|
},
|
|
{
|
|
"type": "TEXT",
|
|
"value": "Чте́цъ: Та́кѡ глаго́летъ гдⷭ҇ь: гдѣ̀ возведы́й ѿ землѝ па́стырѧ ѻ҆ве́цъ свои́хъ, гдѣ̀ є҆́сть вложи́вый въ ни́хъ дх҃а ст҃а́го; возве́дшаѧ десни́цею мѡѷсе́а мы́шца сла́вы є҆гѡ̀, раздѣлѝ во́дꙋ пред̾ лице́мъ є҆гѡ̀, сотвори́ти є҆мꙋ̀ и҆́мѧ вѣ́чно. проведѐ и҆̀хъ сквозѣ̀ бе́зднꙋ, ꙗ҆́коже конѧ̀ сквозѣ̀ пꙋсты́ню, и҆ не ᲂу҆трꙋди́шасѧ. и҆ ꙗ҆́кѡ скоты̀ по по́лю, и҆ сни́де дх҃ъ ѿ гдⷭ҇а, и҆ наста́ви и҆̀хъ: та́кѡ прове́лъ є҆сѝ лю́ди твоѧ̑, сотвори́ти тебѣ̀ самомꙋ̀ и҆́мѧ сла́вно. ѡ҆брати́сѧ гдⷭ҇и ѿ небесѐ, и҆ ви́ждь ѿ до́мꙋ ст҃а́гѡ твоегѡ̀ и҆ сла́вы твоеѧ̀ гдѣ̀ є҆́сть ре́вность твоѧ̀ и҆ крѣ́пость твоѧ̀; гдѣ̀ є҆́сть мно́жество млⷭ҇ти твоеѧ̀, и҆ щедро́тъ твои́хъ, ꙗ҆́кѡ терпѣ́лъ є҆сѝ на́мъ; ты́ бо є҆сѝ ѻ҆ц҃ъ на́шъ, поне́же а҆враа́мъ не ᲂу҆вѣ́дѣ на́съ, и҆ і҆и҃ль не позна̀ на́съ, но ты̀ гдⷭ҇и, ѻ҆ц҃ъ на́шъ, и҆зба́ви ны̀, и҆спе́рва и҆́мѧ твоѐ на на́съ є҆́сть. что̀ ᲂу҆клони́лъ є҆сѝ на́съ, гдⷭ҇и, ѿ пꙋтѝ твоегѡ̀, и҆ ѡ҆жесточи́лъ є҆сѝ сердца̀ на̑ша є҆́же не боѧ́тисѧ тебѐ; ѡ҆брати́сѧ ра́ди ра̑бъ твои́хъ, ра́ди племе́нъ достоѧ́нїѧ твоегѡ̀: да [понѐ] ма́лѡ наслѣ́димъ горы̀ ст҃ы́ѧ твоеѧ̀: проти́вницы на́ши попра́ша ст҃ы́ню твою̀. бы́хомъ ꙗ҆́кѡ и҆спе́рва, є҆гда̀ не владѣ́лъ є҆сѝ на́ми, нижѐ бѣ̀ нарече́нное и҆́мѧ твоѐ на на́съ. а҆́ще ѿве́рзеши не́бо, тре́петъ прїи́мꙋтъ ѿ тебѐ го́ры, и҆ раста́ютъ. ꙗ҆́кѡ та́етъ во́скъ ѿ лица̀ ѻ҆гнѧ̀ и҆ попали́тъ ѻ҆́гнь сꙋпоста́ты, и҆ ꙗ҆вле́но бꙋ́детъ и҆́мѧ твоѐ въ сопроти́вныхъ твои́хъ: ѿ лица̀ твоегѡ̀ ꙗ҆зы́цы возмѧтꙋ́тсѧ. є҆гда̀ сотвори́ши сла̑внаѧ, тре́петъ прїи́мꙋтъ ѿ тебѐ го́ры. ѿ вѣ́ка не слы́шахъ, нижѐ ѻ҆́чи на́ши ви́дѣша бг҃а, ра́звѣ тебѐ, и҆ дѣла̀ твоѧ̑, ꙗ҆̀же сотвори́ши ждꙋ́щымъ млⷭ҇ти. млⷭ҇ть бо срѧ́щетъ творѧ́щихъ пра́вдꙋ, и҆ пꙋтѝ твоѧ̑ помѧ́нꙋтсѧ."
|
|
},
|
|
{
|
|
"type": "TEXT",
|
|
"value": "Дїа́конъ: Премꙋ́дрость."
|
|
},
|
|
{
|
|
"type": "TEXT",
|
|
"value": "Чте́цъ: Прⷪ҇ро́чества і҆еремі́ина чте́нїе. [Глава̀ л҃а, ст. л҃а-л҃д.]"
|
|
},
|
|
{
|
|
"type": "TEXT",
|
|
"value": "Дїа́конъ: Во́нмемъ."
|
|
},
|
|
{
|
|
"type": "TEXT",
|
|
"value": "Чте́цъ: Та́кѡ глаго́летъ гдⷭ҇ь: сѐ дні́е грѧдꙋ́тъ, и҆ завѣща́ю до́мꙋ і҆и҃левꙋ, и҆ до́мꙋ і҆ꙋ́динꙋ завѣ́тъ но́въ, не по завѣ́тꙋ, є҆го́же завѣща́хъ ѻ҆тцє́мъ и҆́хъ, въ де́нь, во́ньже є҆́мшꙋ мѝ за рꙋ́кꙋ и҆́хъ, и҆звестѝ ѧ҆̀ ѿ землѝ є҆гѵ́петскїѧ: ꙗ҆́кѡ ті́и не пребы́ша въ завѣ́тѣ мое́мъ, и҆ а҆́зъ небрего́хъ и҆̀хъ, глаго́летъ гдⷭ҇ь. ꙗ҆́кѡ се́й завѣ́тъ, є҆го́же завѣща́ю до́мꙋ і҆и҃левꙋ, по дне́хъ ѻ҆́нѣхъ, глаго́летъ гдⷭ҇ь: даѧ̀ зако́ны моѧ̑ въ мы̑сли и҆́хъ, и҆ на сердца́хъ и҆́хъ напишꙋ̀ ѧ҆̀, и҆ бꙋ́дꙋ и҆̀мъ въ бг҃а, и҆ ті́и бꙋ́дꙋтъ мѝ въ лю́ди. и҆ не наꙋчи́тъ кі́йждо бли́жнѧго своего̀, и҆ кі́йждо бра́та своего̀, глаго́лѧ: позна́й гдⷭ҇а: ꙗ҆́кѡ всѝ позна́ютъ мѧ̀ ѿ ма́ла да́же и҆ до вели́кагѡ и҆́хъ: ꙗ҆́кѡ млⷭ҇тивъ бꙋ́дꙋ непра́вдамъ и҆́хъ, и҆ грѣхѡ́въ и҆́хъ не помѧнꙋ̀ ктомꙋ̀."
|
|
},
|
|
{
|
|
"type": "TEXT",
|
|
"value": "Дїа́конъ: Премꙋ́дрость."
|
|
},
|
|
{
|
|
"type": "TEXT",
|
|
"value": "Чте́цъ: Прⷪ҇ро́чества данїи́лова чте́нїе. [Глава̀ г҃, ст. а҃-п҃и.]"
|
|
},
|
|
{
|
|
"type": "TEXT",
|
|
"value": "Дїа́конъ: Во́нмемъ."
|
|
},
|
|
{
|
|
"type": "TEXT",
|
|
"value": "Чте́цъ: Въ лѣ́то ѻ҆смонадесѧ́тое навꙋходоно́соръ ца́рь сотворѝ тѣ́ло зла́то, высота̀ є҆гѡ̀ лакте́й шести́десѧти, и҆ широта̀ є҆гѡ̀ лакте́й шестѝ: и҆ поста́ви є҆̀ на по́ли деи́рѣ, во странѣ̀ вавѷлѡ́нстѣй. и҆ посла̀ [навꙋходоно́соръ ца́рь] собра́ти ѵ҆па́ты, и҆ воевѡ́ды, и҆ мѣстонача́льники, вожди́ же и҆ мꙋчи́тели, и҆ сꙋ́щыѧ на власте́хъ, и҆ всѧ̑ кнѧ́зи стра́нъ, прїитѝ на ѡ҆бновле́нїе кꙋмі́ра, є҆го́же поста́ви навꙋходоно́соръ ца́рь. и҆ собра́шасѧ мѣстонача́льницы, ѵ҆па́ты, воевѡ́ды, вождѝ, мꙋчи́тели вели́цыи, и҆̀же над̾ властьмѝ, и҆ всѝ нача́льницы стра́нъ на ѡ҆бновле́нїе тѣ́ла, є҆́же поста́ви навꙋходоно́соръ ца́рь: и҆ ста́ша пред̾ тѣ́ломъ, є҆́же поста́ви навꙋходоно́соръ ца́рь. и҆ проповѣ́дникъ вопїѧ́ше съ крѣ́постїю: ва́мъ глаго́летсѧ наро́ди, лю́дїе, племена̀, ꙗ҆зы́цы, во́ньже ча́съ а҆́ще ᲂу҆слы́шите гла́съ трꙋбы̀, свирѣ́ли же и҆ гꙋ́сли, самвѵ́ки же и҆ ѱалти́ри, и҆ согла̑сїѧ, и҆ всѧ́кагѡ ро́да мꙋсїкі́йска, па́дающе покланѧ́йтесѧ тѣ́лꙋ злато́мꙋ, є҆́же поста́ви навꙋходоно́соръ ца́рь. и҆ и҆́же а҆́ще не па́дъ покло́нитсѧ, въ то́й ча́съ вве́рженъ бꙋ́детъ въ пе́щь ѻ҆гне́мъ горѧ́щꙋю. и҆ бы́сть є҆гда̀ ᲂу҆слы́шаша лю́дїе гла́съ трꙋбы̀, свирѣ́ли же и҆ гꙋ́сли, самвѵ́ки же и҆ ѱалти́ри, и҆ согла̑сїѧ, и҆ всѧ́кагѡ ро́да мꙋсїкі́йскагѡ, па́дающе всѝ лю́дїе, племена̀, ꙗ҆зы́цы, покланѧ́хꙋсѧ тѣ́лꙋ злато́мꙋ, є҆́же поста́ви навꙋходоно́соръ ца́рь. тогда̀ пристꙋпи́ша мꙋ́жїе халде́йстїи, и҆ ѡ҆болга́ша і҆ꙋде́євъ, ѿвѣща́вше рѣ́ша навꙋходоно́сорꙋ царе́ви: царю̀, во вѣ́ки живѝ. ты̀ царю̀ положи́лъ є҆сѝ повелѣ́нїе, да всѧ́къ человѣ́къ, и҆́же а҆́ще ᲂу҆слы́шитъ гла́съ трꙋбы̀, свирѣ́ли же, и҆ гꙋ́сли, самвѵ́ки же, и҆ ѱалти́ри, и҆ согла̑сїѧ, и҆ всѧ́кагѡ ро́да мꙋсїкі́йска, и҆ не па́дъ покло́нитсѧ тѣ́лꙋ злато́мꙋ, вве́рженъ бꙋ́детъ въ пе́щь ѻ҆гне́мъ горѧ́щꙋю. сꙋ́ть ᲂу҆̀бо мꙋ́жи і҆ꙋде́є, и҆̀хже поста́вилъ є҆сѝ над̾ дѣ́лы страны̀ вавѷлѡ́нскїѧ, седра́хъ, мїса́хъ и҆ а҆вденагѡ̀, и҆̀же не послꙋ́шаша за́повѣди твоеѧ̀ царю̀, и҆ богѡ́мъ твои̑мъ не слꙋ́жатъ, и҆ тѣ́лꙋ злато́мꙋ, є҆́же поста́вилъ є҆сѝ, не покланѧ́ютсѧ. тогда̀ навꙋходоно́соръ въ ꙗ҆́рости и҆ гнѣ́вѣ речѐ привестѝ седра́ха, мїса́ха и҆ а҆вденагѡ̀: и҆ приведе́ни бы́ша пред̾ царѧ̀. и҆ ѿвѣща̀ навꙋходоно́соръ, и҆ речѐ и҆̀мъ: а҆́ще вои́стиннꙋ седра́хъ, мїса́хъ и҆ а҆вденагѡ̀, богѡ́мъ мои̑мъ не слꙋ́жите, и҆ тѣ́лꙋ злато́мꙋ є҆́же поста́вихъ, не покланѧ́етесѧ: ны́нѣ ᲂу҆̀бо а҆́ще є҆стѐ гото́ви, да є҆гда̀ ᲂу҆слы́шите гла́съ трꙋбы̀, свирѣ́ли же и҆ гꙋ́сли, самвѵ́ки же и҆ ѱалти́ри, и҆ согла̑сїѧ, и҆ всѧ́кагѡ ро́да мꙋсїкі́йскагѡ, па́дше поклони́тесѧ тѣ́лꙋ злато́мꙋ, є҆́же сотвори́хъ: а҆́ще же не поклоните́сѧ, въ то́й ча́съ вве́ржени бꙋ́дете въ пе́щь ѻ҆гне́мъ горѧ́щꙋю: и҆ кто́ є҆сть бг҃ъ, и҆́же и҆́зметъ вы̀ и҆з̾ рꙋкѝ моеѧ̀; и҆ ѿвѣща́ша седра́хъ, мїса́хъ и҆ а҆вденагѡ̀ глаго́люще царю̀ навꙋходоно́сорꙋ: не тре́бѣ на́мъ ѡ҆ глаго́лѣ се́мъ ѿвѣща́ти тебѣ̀. є҆́сть бо бг҃ъ на́шъ на нб҃сѣ́хъ, є҆мꙋ́же мы̀ слꙋ́жимъ, си́ленъ и҆з̾ѧ́ти на́съ ѿ пе́щи ѻ҆гне́мъ горѧ́щїѧ, и҆ ѿ рꙋкꙋ̀ твоє́ю и҆зба́вити на́съ царю̀. а҆́ще ли нѝ, вѣ́домо да бꙋ́детъ тебѣ̀, царю̀, ꙗ҆́кѡ богѡ́мъ твои̑мъ не слꙋ́жимъ, и҆ тѣ́лꙋ злато́мꙋ, є҆́же поста́вилъ є҆сѝ, не кла́нѧемсѧ. тогда̀ навꙋходоно́соръ и҆спо́лнисѧ ꙗ҆́рости, и҆ зра́къ лица̀ є҆гѡ̀ и҆змѣни́сѧ на седра́ха, мїса́ха и҆ а҆вденагѡ̀, и҆ речѐ: разжжи́те пе́щь седмери́цею, до́ндеже до конца̀ разгори́тсѧ. и҆ мꙋжє́мъ си̑льнымъ крѣ́постїю речѐ: ѡ҆кова́вше седра́ха, мїса́ха и҆ а҆вденагѡ̀ вве́рзите въ пе́щь ѻ҆гне́мъ горѧ́щꙋю. тогда̀ мꙋ́жїе ѻ҆́нїи ѡ҆кова́ни бы́ша съ га́щами свои́ми, и҆ покрыва́лы и҆ сапогмѝ, и҆ со ѻ҆де́ждами свои́ми, и҆ вве́ржени бы́ша посредѣ̀ пе́щи ѻ҆гне́мъ горѧ́щїѧ. поне́же глаго́лъ царе́въ превозмо́же, и҆ пе́щь разжже́на бы́сть преизли́шше: и҆ мꙋже́й ѻ҆́ныхъ, и҆̀же вверго́ша седра́ха, мїса́ха и҆ а҆вденагѡ̀, ᲂу҆бѝ пла́мень ѻ҆́гненный. и҆ мꙋ́жїе ті́и трїѐ, седра́хъ, мїса́хъ и҆ а҆вденагѡ̀, падо́ша посредѣ̀ пе́щи ѻ҆гне́мъ горѧ́щїѧ ѡ҆ко́вани, и҆ хожда́хꙋ посредѣ̀ пла́мене пою́ще бг҃а, и҆ бл҃гословѧ́ще гдⷭ҇а. и҆ ста́въ съ ни́ми а҆за́рїа помоли́сѧ си́це, и҆ ѿве́рзъ ᲂу҆ста̀ своѧ̑ посредѣ̀ ѻ҆гнѧ̀, и҆ речѐ: бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ, хва́льно и҆ просла́влено и҆́мѧ твоѐ во вѣ́ки. ꙗ҆́кѡ пра́веденъ є҆сѝ ѡ҆ всѣ́хъ, ꙗ҆̀же сотвори́лъ є҆сѝ на́мъ, и҆ всѧ̑ дѣла̀ твоѧ̑ и҆́стинна, и҆ пра́ви пꙋтїѐ твоѝ, и҆ всѝ сꙋдѝ твоѝ и҆́стинни, и҆ сꙋдьбы̑ и҆́стинны сотвори́лъ є҆сѝ по всѣ̑мъ, ꙗ҆̀же наве́лъ є҆сѝ на ны̀, и҆ на гра́дъ ст҃ы́й ѻ҆тє́цъ на́шихъ і҆ерⷭ҇ли́мъ: ꙗ҆́кѡ и҆́стиною и҆ сꙋдо́мъ наве́лъ є҆сѝ сїѧ̑ всѧ̑ на ны̀ грѣ̑хъ ра́ди на́шихъ. ꙗ҆́кѡ согрѣши́хомъ и҆ беззако́нновахомъ ѿстꙋпи́вше ѿ тебѐ, и҆ прегрѣши́хомъ во всѣ́хъ. и҆ за́повѣдей твои́хъ не послꙋ́шахомъ, нижѐ соблюдо́хомъ, нижѐ сотвори́хомъ, ꙗ҆́коже заповѣ́далъ є҆сѝ на́мъ, да бл҃го на́мъ бꙋ́детъ. и҆ всѧ̑, є҆ли̑ка сотвори́лъ є҆сѝ на́мъ, и҆ всѧ̑, є҆ли̑ка наве́лъ є҆сѝ на ны̀, и҆́стиннымъ сꙋдо́мъ сотвори́лъ є҆сѝ. и҆ преда́лъ є҆сѝ на́съ въ рꙋ́ки врагѡ́въ беззако́нныхъ, ме́рзкихъ ѿстꙋ́пникѡвъ: и҆ царю̀ непра́веднꙋ, и҆ лꙋка́внѣйшꙋ па́че всеѧ̀ землѝ. и҆ ны́нѣ нѣ́сть на́мъ ѿве́рзсти ᲂу҆́стъ, стꙋ́дъ и҆ поноше́нїе бы́хомъ рабѡ́мъ твои̑мъ, и҆ чтꙋ́щымъ тѧ̀. не преда́ждь ᲂу҆̀бо на́съ до конца̀ и҆́мене твоегѡ̀ ра́ди, и҆ не разорѝ завѣ́та твоегѡ̀, и҆ не ѿста́ви млⷭ҇ти твоеѧ̀ ѿ на́съ, а҆враа́ма ра́ди возлю́бленнагѡ ѿ тебѐ, и҆ за і҆саа́ка раба̀ твоего̀, и҆ і҆и҃лѧ ст҃а́го твоего̀, и҆̀мже глаго́лалъ є҆сѝ ᲂу҆мно́жити сѣ́мѧ и҆́хъ, ꙗ҆́кѡ ѕвѣ́зды нбⷭ҇ныѧ, и҆ ꙗ҆́кѡ песо́къ вскра́й мо́рѧ. ꙗ҆́кѡ влⷣко, ᲂу҆ма́лихомсѧ па́че всѣ́хъ ꙗ҆зы̑къ, и҆ є҆смы̀ смире́ни по все́й землѝ дне́сь грѣ̑хъ ра́ди на́шихъ. и҆ нѣ́сть во вре́мѧ сїѐ кнѧ́зѧ, и҆ проро́ка, и҆ вожда̀: нижѐ всесожже́нїѧ, нижѐ же́ртвы, нижѐ приноше́нїѧ, нижѐ кади́ла, ни мѣ́ста, є҆́же пожре́ти пред̾ тобо́ю, и҆ ѡ҆брѣстѝ млⷭ҇ть: но дꙋше́ю сокрꙋше́нною, и҆ дꙋ́хомъ смире́ннымъ, да прїѧ́ты бꙋ́демъ. ꙗ҆́кѡ во всесожже́нїихъ ѻ҆́внихъ и҆ ю҆́нчихъ, и҆ ꙗ҆́кѡ во тма́хъ а҆́гнєцъ тꙋ́чныхъ: та́кѡ да бꙋ́детъ же́ртва на́ша пред̾ тобо́ю дне́сь, и҆ да соверши́тсѧ по тебѣ̀, ꙗ҆́кѡ нѣ́сть стꙋда̀ ᲂу҆пова́ющымъ на тѧ̀. и҆ ны́нѣ возслѣ́дꙋемъ всѣ́мъ се́рдцемъ, и҆ бои́мсѧ тебѐ, и҆ и҆́щемъ лица̀ твоегѡ̀. не посрамѝ на́съ, но сотворѝ съ на́ми по кро́тости твое́й, и҆ по мно́жествꙋ млⷭ҇ти твоеѧ̀. и҆ и҆змѝ на́съ по чꙋдесе́мъ твои̑мъ, и҆ да́ждь сла́вꙋ и҆́мени твоемꙋ̀ гдⷭ҇и. и҆ да посра́мѧтсѧ всѝ ꙗ҆влѧ́ющїи рабѡ́мъ твои̑мъ ѕла̑ѧ, и҆ да постыдѧ́тсѧ ѿ всѧ́кїѧ си́лы, и҆ крѣ́пость и҆́хъ да сокрꙋши́тсѧ. и҆ да разꙋмѣ́ютъ, ꙗ҆́кѡ ты̀ є҆сѝ гдⷭ҇ь бг҃ъ є҆ди́нъ, и҆ сла́венъ по все́й вселе́ннѣй. и҆ не преста́ша, вве́ргшїи и҆̀хъ, слꙋги̑ царе́вы жгꙋ́ще пе́щь на́фѳою, и҆ смоло́ю, и҆ и҆згре́бми, и҆ хвра́стїемъ. и҆ разлива́шесѧ пла́мень над̾ пе́щїю на ла́кти четы́редесѧть де́вѧть. и҆ ѡ҆бы́де и҆ пожжѐ, и҆̀хже ѡ҆брѣ́те ѻ҆́крестъ пе́щи халде́йскїѧ. а҆́гг҃лъ же гдⷭ҇нь сни́де кꙋ́пнѡ съ сꙋ́щими со а҆за́рїею въ пе́щь, и҆ ѿтрѧсѐ пла́мень ѻ҆́гненный ѿ пе́щи, и҆ сотворѝ сре́днее пе́щи ꙗ҆́кѡ дꙋ́хъ росы̀ шꙋмѧ́щъ: и҆ не прикоснꙋ́сѧ и҆́хъ ѿню́дъ ѻ҆́гнь, и҆ не ѡ҆скорбѝ, нижѐ стꙋжѝ и҆̀мъ. тогда̀ ті́и трїѐ ꙗ҆́кѡ є҆ди́ными ᲂу҆сты̀ поѧ́хꙋ, и҆ бл҃гословлѧ́хꙋ, и҆ сла́влѧхꙋ бг҃а въ пещѝ, глаго́люще: бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ, и҆ препѣ́тый и҆ превозноси́мый во вѣ́ки: и҆ бл҃гослове́но и҆́мѧ сла́вы твоеѧ̀ ст҃о́е, и҆ препѣ́тое и҆ превозноси́мое во вѣ́ки. бл҃гослове́нъ є҆сѝ въ хра́мѣ ст҃ы́ѧ сла́вы твоеѧ̀, и҆ препѣ́тый и҆ превозноси́мый во вѣ́ки. бл҃гослове́нъ є҆сѝ ви́дѧй бє́здны, сѣдѧ́й на херꙋві́мѣхъ, и҆ препѣ́тый и҆ превозноси́мый во вѣ́ки. бл҃гослове́нъ є҆сѝ на прⷭ҇то́лѣ сла́вы црⷭ҇твїѧ твоегѡ̀, и҆ препѣ́тый и҆ превозноси́мый во вѣ́ки. бл҃гослове́нъ є҆сѝ на тве́рди нбⷭ҇нѣй, и҆ препѣ́тый и҆ превозноси́мый во вѣ́ки."
|
|
},
|
|
{
|
|
"type": "TEXT",
|
|
"value": "Чте́цъ: Гдⷭ҇а по́йте и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Востае́мъ здѣ̀ и҆ пое́мъ: Гдⷭ҇а по́йте и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Чте́цъ же глаго́летъ стїхѝ: Бл҃гослови́те всѧ̑ дѣла̀ гдⷭ҇нѧ,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те а҆́гг҃ли гдⷭ҇ни,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те нб҃са̀,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те во́ды всѧ̑, ꙗ҆̀же превы́ше нб҃съ,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те всѧ̑ си̑лы гдⷭ҇ни,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те со́лнце и҆ лꙋна̀,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те ѕвѣ́зды нбⷭ҇ныѧ,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те всѧ́къ до́ждь и҆ роса̀,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те всѝ дꙋ́си,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те ѻ҆́гнь и҆ ва́ръ,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те стꙋ́дь и҆ зно́й,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те ро́сы и҆ и҆́ней,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те нѡ́щи и҆ дні́е,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те свѣ́тъ и҆ тьма̀,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те ле́дъ и҆ мра́зъ,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те сла́ны и҆ снѣ́зи,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те мо́лнїѧ и҆ ѻ҆́блацы,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Д а бл҃гослови́тъ землѧ̀,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а да пое́тъ и҆ превозно́ситъ є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те го́ры и҆ хо́лми,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те всѧ̑ прозѧба̑ющаѧ на землѝ,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те и҆сто́чницы,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те морѧ̀ и҆ рѣ́ки,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те ки́ти и҆ всѧ̑ дви̑жꙋщаѧсѧ въ вода́хъ,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те всѧ̑ пти̑цы нбⷭ҇ныѧ,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те ѕвѣ́рїе и҆ всѝ ско́ти,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те сы́нове человѣ́честїи,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Д а бл҃гослови́тъ і҆и҃ль,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те і҆ере́и гдⷭ҇ни,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те рабѝ гдⷭ҇ни,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те дꙋ́си и҆ дꙋ́шы пра́ведныхъ,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те преподо́бнїи и҆ смире́ннїи се́рдцемъ,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те а҆на́нїа, а҆за́рїа и҆ мїсаи́лъ,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́те а҆пⷭ҇ли, прⷪ҇ро́цы и҆ мч҃нцы гдⷭ҇ни,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Б л҃гослови́мъ ѻ҆ц҃а̀ и҆ сн҃а и҆ ст҃а́го дх҃а,"
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а пое́мъ и҆ превозно́симъ є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Х ва́лимъ, бл҃гослови́мъ, покланѧ́емсѧ гдⷭ҇ви,"
|
|
},
|
|
{
|
|
"type": "TEXT",
|
|
"value": "Ли́къ: Пою́ще и҆ превозносѧ́ще во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Та́же є҆ктенїа̀ ма́лаѧ."
|
|
},
|
|
{
|
|
"type": "TEXT",
|
|
"value": "П а́ки и҆ па́ки ми́ромъ гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и, поми́лꙋй."
|
|
},
|
|
{
|
|
"type": "TEXT",
|
|
"value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и, поми́лꙋй."
|
|
},
|
|
{
|
|
"type": "TEXT",
|
|
"value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
|
|
},
|
|
{
|
|
"type": "TEXT",
|
|
"value": "Ли́къ: Тебѣ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Дїа́конъ: Бл҃гословѝ, влⷣко, вре́мѧ трист҃а́гѡ."
|
|
},
|
|
{
|
|
"type": "TEXT",
|
|
"value": "І҆ере́й же, зна́менꙋѧ є҆го̀, глаго́летъ: Ꙗ҆́кѡ свѧ́тъ є҆сѝ, бж҃е на́шъ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ."
|
|
},
|
|
{
|
|
"type": "TEXT",
|
|
"value": "Дїа́конъ показꙋ́ѧй ѡ҆раре́мъ, пе́рвѣе ᲂу҆́бѡ ко і҆кѡ́нѣ хрⷭ҇то́вѣ глаго́летъ: Гдⷭ҇и, спасѝ бл҃гочести̑выѧ."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и, спасѝ бл҃гочести̑выѧ."
|
|
},
|
|
{
|
|
"type": "TEXT",
|
|
"value": "Дїа́конъ: И҆ ᲂу҆слы́ши ны̀."
|
|
},
|
|
{
|
|
"type": "TEXT",
|
|
"value": "Ли́къ: И҆ ᲂу҆слы́ши ны̀."
|
|
},
|
|
{
|
|
"type": "TEXT",
|
|
"value": "И҆ наво́дѧ ѡ҆раре́мъ, глаго́летъ ко внѣ̀ стоѧ́щымъ велегла́снѡ: И҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "Ли́къ: А҆ми́нь."
|
|
},
|
|
{
|
|
"type": "TEXT",
|
|
"value": "Вмѣ́стѡ трист҃а́гѡ пое́мъ: Є҆ли́цы во хрⷭ҇та̀ крⷭ҇ти́стесѧ, / во хрⷭ҇та̀ ѡ҆блеко́стесѧ, / а҆ллилꙋ́їа. Три́жды."
|
|
},
|
|
{
|
|
"type": "TEXT",
|
|
"value": "Дїа́конъ: Во́нмемъ."
|
|
},
|
|
{
|
|
"type": "TEXT",
|
|
"value": "И҆ сщ҃е́нникъ: Ми́ръ всѣ̑мъ."
|
|
},
|
|
{
|
|
"type": "TEXT",
|
|
"value": "Чте́цъ: И҆ дх҃ови твоемꙋ̀."
|
|
},
|
|
{
|
|
"type": "TEXT",
|
|
"value": "Дїа́конъ: Премꙋ́дрость."
|
|
},
|
|
{
|
|
"type": "TEXT",
|
|
"value": "Ѱало́мъ дв҃довъ не глаго́лемъ, но а҆́бїе прокі́менъ:"
|
|
},
|
|
{
|
|
"type": "TEXT",
|
|
"value": "Чте́цъ: Прокі́менъ, гла́съ є҃: Всѧ̀ землѧ̀ да поклони́тсѧ тебѣ̀, и҆ пое́тъ тебѣ̀, / да пое́тъ же и҆́мени твоемꙋ̀ вы́шнїй. Сті́хъ: Воскли́кните гдⷭ҇ви всѧ̀ землѧ̀, по́йте же и҆́мени є҆гѡ̀."
|
|
},
|
|
{
|
|
"type": "TEXT",
|
|
"value": "Дїа́конъ: Премꙋ́дрость."
|
|
},
|
|
{
|
|
"type": "TEXT",
|
|
"value": "Чте́цъ: Къ ри́млѧнѡмъ посла́нїѧ ст҃а́гѡ а҆пⷭ҇ла па́ѵла чте́нїе."
|
|
},
|
|
{
|
|
"type": "TEXT",
|
|
"value": "И҆ па́ки дїа́конъ: Во́нмемъ."
|
|
},
|
|
{
|
|
"type": "HEADER",
|
|
"value": "А҆пⷭ҇лъ, зача́ло ч҃а."
|
|
},
|
|
{
|
|
"type": "TEXT",
|
|
"value": "Чте́цъ: Бра́тїе, є҆ли́цы во хрⷭ҇та̀ і҆и҃са крⷭ҇ти́хомсѧ, въ сме́рть є҆гѡ̀ крⷭ҇ти́хомсѧ; спогребо́хомсѧ ᲂу҆̀бо є҆мꙋ̀ кр҃ще́нїемъ въ сме́рть: да ꙗ҆́коже воста̀ хрⷭ҇то́съ ѿ ме́ртвыхъ сла́вою ѻ҆́ч҃ею, та́кѡ и҆ мы̀ во ѡ҆бновле́нїи жи́зни ходи́ти на́чнемъ. а҆́ще бо соѻбра́зни бы́хомъ подо́бїю сме́рти є҆гѡ̀, то и҆ воскресе́нїю бꙋ́демъ. сїѐ вѣ́дѧще, ꙗ҆́кѡ ве́тхїй на́шъ человѣ́къ съ ни́мъ распѧ́тсѧ, да ᲂу҆праздни́тсѧ тѣ́ло грѣхо́вное, ꙗ҆́кѡ ктомꙋ̀ не рабо́тати на́мъ грѣхꙋ̀. ᲂу҆ме́рый бо ѡ҆правди́сѧ ѿ грѣха̀. а҆́ще ли ᲂу҆мро́хомъ со хрⷭ҇то́мъ, вѣ́рꙋемъ, ꙗ҆́кѡ и҆ жи́ви бꙋ́демъ съ ни́мъ: вѣ́дѧще, ꙗ҆́кѡ хрⷭ҇то́съ воста̀ ѿ ме́ртвыхъ, ктомꙋ̀ ᲂу҆жѐ не ᲂу҆мира́етъ, сме́рть є҆мꙋ̀ ктомꙋ̀ не ѡ҆блада́етъ. є҆́же бо ᲂу҆́мре, грѣхꙋ̀ ᲂу҆́мре є҆ди́ною: а҆ є҆́же живе́тъ, бг҃ови живе́тъ. та́коже и҆ вы̀ помышлѧ́йте себѐ, мє́ртвымъ ᲂу҆́бѡ бы́ти грѣхꙋ̀, живы̑мъ же бг҃ови, ѡ҆ хрⷭ҇тѣ̀ і҆и҃сѣ гдⷭ҇ѣ на́шемъ."
|
|
},
|
|
{
|
|
"type": "TEXT",
|
|
"value": "А҆пⷭ҇лꙋ же что́мꙋ, дїа́конъ кади́тъ ст҃ꙋ́ю трапе́зꙋ ѡ҆́крестъ и҆ ѻ҆лта́рь ве́сь, и҆ свѧще́нника."
|
|
},
|
|
{
|
|
"type": "TEXT",
|
|
"value": "А҆ллилꙋ́їа не пое́тсѧ, но по є҆́же рещѝ і҆ере́ю: Ми́ръ тѝ."
|
|
},
|
|
{
|
|
"type": "HEADER",
|
|
"value": "И҆ а҆́бїе чте́цъ глаго́летъ вмѣ́стѡ а҆ллилꙋ́їа, гла́съ з҃:"
|
|
},
|
|
{
|
|
"type": "TEXT",
|
|
"value": "В оскрⷭ҇нѝ бж҃е, сꙋдѝ землѝ, ꙗ҆́кѡ ты̀ наслѣ́диши во всѣ́хъ ꙗ҆зы́цѣхъ."
|
|
},
|
|
{
|
|
"type": "TEXT",
|
|
"value": "Ли́къ: Воскрⷭ҇нѝ бж҃е, сꙋдѝ землѝ, ꙗ҆́кѡ ты̀ наслѣ́диши во всѣ́хъ ꙗ҆зы́цѣхъ."
|
|
},
|
|
{
|
|
"type": "TEXT",
|
|
"value": "И҆ чте́цъ, сті́хъ: Бг҃ъ ста̀ въ со́нмѣ богѡ́въ, посредѣ́ же бо́ги разсꙋ́дитъ."
|
|
},
|
|
{
|
|
"type": "TEXT",
|
|
"value": "Ли́къ: Воскрⷭ҇нѝ бж҃е, сꙋдѝ землѝ, ꙗ҆́кѡ ты̀ наслѣ́диши во всѣ́хъ ꙗ҆зы́цѣхъ."
|
|
},
|
|
{
|
|
"type": "TEXT",
|
|
"value": "Сті́хъ: Доко́лѣ сꙋ́дите непра́вдꙋ, и҆ ли́ца грѣ́шникѡвъ прїе́млете;"
|
|
},
|
|
{
|
|
"type": "TEXT",
|
|
"value": "Ли́къ: Воскрⷭ҇нѝ бж҃е, сꙋдѝ землѝ, ꙗ҆́кѡ ты̀ наслѣ́диши во всѣ́хъ ꙗ҆зы́цѣхъ."
|
|
},
|
|
{
|
|
"type": "TEXT",
|
|
"value": "Сті́хъ: Сꙋди́те си́рꙋ и҆ ᲂу҆бо́гꙋ, смире́нна и҆ ни́ща ѡ҆правда́йте."
|
|
},
|
|
{
|
|
"type": "TEXT",
|
|
"value": "Ли́къ: Воскрⷭ҇нѝ бж҃е, сꙋдѝ землѝ, ꙗ҆́кѡ ты̀ наслѣ́диши во всѣ́хъ ꙗ҆зы́цѣхъ."
|
|
},
|
|
{
|
|
"type": "TEXT",
|
|
"value": "Сті́хъ: И҆зми́те ни́ща и҆ ᲂу҆бо́га, и҆з̾ рꙋкѝ грѣ́шничи и҆зба́вите є҆го̀."
|
|
},
|
|
{
|
|
"type": "TEXT",
|
|
"value": "Ли́къ: Воскрⷭ҇нѝ бж҃е, сꙋдѝ землѝ, ꙗ҆́кѡ ты̀ наслѣ́диши во всѣ́хъ ꙗ҆зы́цѣхъ."
|
|
},
|
|
{
|
|
"type": "TEXT",
|
|
"value": "Сті́хъ: Не позна́ша, нижѐ ᲂу҆разꙋмѣ́ша, во тьмѣ̀ хо́дѧтъ."
|
|
},
|
|
{
|
|
"type": "TEXT",
|
|
"value": "Ли́къ: Воскрⷭ҇нѝ бж҃е, сꙋдѝ землѝ, ꙗ҆́кѡ ты̀ наслѣ́диши во всѣ́хъ ꙗ҆зы́цѣхъ."
|
|
},
|
|
{
|
|
"type": "TEXT",
|
|
"value": "Сті́хъ: Да подви́жатсѧ всѧ̑ ѡ҆снова̑нїѧ землѝ. а҆́зъ рѣ́хъ: бо́зи є҆стѐ, и҆ сы́нове вы́шнѧгѡ всѝ. вы́ же ꙗ҆́кѡ человѣ́цы ᲂу҆мира́ете, и҆ ꙗ҆́кѡ є҆ди́нъ ѿ кнѧзе́й па́даете."
|
|
},
|
|
{
|
|
"type": "TEXT",
|
|
"value": "Ли́къ: Воскрⷭ҇нѝ бж҃е, сꙋдѝ землѝ, ꙗ҆́кѡ ты̀ наслѣ́диши во всѣ́хъ ꙗ҆зы́цѣхъ."
|
|
},
|
|
{
|
|
"type": "TEXT",
|
|
"value": "И҆ чте́цъ, сті́хъ: Воскрⷭ҇нѝ бж҃е, сꙋдѝ землѝ."
|
|
},
|
|
{
|
|
"type": "TEXT",
|
|
"value": "Ли́къ: Ꙗ҆́кѡ ты̀ наслѣ́диши во всѣ́хъ ꙗ҆зы́цѣхъ."
|
|
},
|
|
{
|
|
"type": "TEXT",
|
|
"value": "Є҆гда́ же пою́тъ: Воскрⷭ҇нѝ бж҃е сꙋдѝ землѝ: Тогда̀ і҆ере́и и҆ дїа́кони и҆звлача́ютсѧ че́рныхъ ѻ҆де́ждъ, и҆ ѡ҆блача́ютсѧ въ бѣ̑лыѧ."
|
|
},
|
|
{
|
|
"type": "TEXT",
|
|
"value": "Дїа́конъ: Бл҃гословѝ, влⷣко, бл҃говѣсти́телѧ ст҃а́гѡ а҆пⷭ҇ла и҆ є҆ѵⷢ҇лі́ста матѳе́а."
|
|
},
|
|
{
|
|
"type": "TEXT",
|
|
"value": "Сщ҃е́нникъ, зна́менꙋѧ є҆го̀, глаго́летъ: Бг҃ъ, мл҃твами ст҃а́гѡ, сла́внагѡ, всехва́льнагѡ а҆пⷭ҇ла и҆ є҆ѵⷢ҇лі́ста матѳе́а, да да́стъ тебѣ̀ глаго́лъ бл҃говѣствꙋ́ющемꙋ си́лою мно́гою, во и҆сполне́нїе є҆ѵⷢ҇лїа возлю́бленнагѡ сн҃а своегѡ̀, гдⷭ҇а на́шегѡ і҆и҃са хрⷭ҇та̀."
|
|
},
|
|
{
|
|
"type": "TEXT",
|
|
"value": "Дїа́конъ же ре́къ: А҆ми́нь."
|
|
},
|
|
{
|
|
"type": "TEXT",
|
|
"value": "І҆ере́й: Премꙋ́дрость, простѝ, ᲂу҆слы́шимъ ст҃а́гѡ є҆ѵⷢ҇лїа. М и́ръ всѣ̑мъ."
|
|
},
|
|
{
|
|
"type": "TEXT",
|
|
"value": "Ли́къ: И҆ дх҃ови твоемꙋ̀."
|
|
},
|
|
{
|
|
"type": "TEXT",
|
|
"value": "Дїа́конъ: Ѿ матѳе́а ст҃а́гѡ є҆ѵⷢ҇лїа чте́нїе."
|
|
},
|
|
{
|
|
"type": "TEXT",
|
|
"value": "Ли́къ: Сла́ва тебѣ̀ гдⷭ҇и, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сщ҃е́нникъ: Во́нмемъ."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ матѳе́а, зача́ло рє҃і."
|
|
},
|
|
{
|
|
"type": "TEXT",
|
|
"value": "Дїа́конъ: Въ ве́черъ сꙋббѡ́тный, свита́ющи во є҆ди́нꙋ ѿ сꙋббѡ́тъ, прїи́де марі́а магдали́на, и҆ дрꙋга́ѧ марі́а, ви́дѣти гро́бъ. и҆ сѐ трꙋ́съ бы́сть ве́лїй: а҆́гг҃лъ бо гдⷭ҇нь сше́дъ съ небесѐ, пристꙋ́пль ѿвалѝ ка́мень ѿ две́рїй гро́ба, и҆ сѣдѧ́ше на не́мъ. бѣ́ же зра́къ є҆гѡ̀ ꙗ҆́кѡ мо́лнїѧ, и҆ ѡ҆дѣѧ́нїе є҆гѡ̀ бѣло̀ ꙗ҆́кѡ снѣ́гъ. ѿ стра́ха же є҆гѡ̀ сотрѧсо́шасѧ стрегꙋ́щїи, и҆ бы́ша ꙗ҆́кѡ ме́ртви. ѿвѣща́въ же а҆́гг҃лъ речѐ жена́мъ: не бо́йтесѧ вы̀, вѣ́мъ бо ꙗ҆́кѡ і҆и҃са распѧ́таго и҆́щете. нѣ́сть здѣ̀, воста́ бо, ꙗ҆́коже речѐ: прїиди́те, ви́дите мѣ́сто, и҆дѣ́же лежа̀ гдⷭ҇ь. и҆ ско́рѡ ше́дше рцы́те ᲂу҆ченикѡ́мъ є҆гѡ̀, ꙗ҆́кѡ воста̀ ѿ ме́ртвыхъ. и҆ сѐ варѧ́етъ вы̀ въ галїле́и: та́мѡ є҆го̀ ᲂу҆́зрите. сѐ рѣ́хъ ва́мъ. и҆ и҆зше́дше ско́рѡ ѿ гро́ба, со стра́хомъ и҆ ра́достїю ве́лїею теко́стѣ возвѣсти́ти ᲂу҆ченикѡ́мъ є҆гѡ̀. ꙗ҆́коже и҆дѧ́стѣ возвѣсти́ти ᲂу҆ченикѡ́мъ є҆гѡ̀, и҆ сѐ і҆и҃съ срѣ́те ѧ҆̀, глаго́лѧ: ра́дꙋйтесѧ. ѻ҆нѣ́ же пристꙋ́пльше, ꙗ҆́стѣсѧ за нѡ́зѣ є҆гѡ̀, и҆ поклони́стѣсѧ є҆мꙋ̀. тогда̀ глаго́ла и҆́ма і҆и҃съ: не бо́йтесѧ, и҆ди́те, возвѣсти́те бра́тїи мое́й, да и҆́дꙋтъ въ галїле́ю, и҆ тꙋ̀ мѧ̀ ви́дѧтъ. и҆дꙋ́щема же и҆́ма, сѐ нѣ́цыи ѿ кꙋстѡ́дїа прише́дше во гра́дъ, возвѣсти́ша а҆рхїере́ѡмъ всѧ̀ бы̑вшаѧ. и҆ собра́вшесѧ со ста́рцы совѣ́тъ сотвори́ша, сре́бреники дово́льны да́ша во́инѡмъ, глаго́люще: рцы́те, ꙗ҆́кѡ ᲂу҆ченицы̀ є҆гѡ̀ но́щїю прише́дше ᲂу҆крадо́ша є҆го̀, на́мъ спѧ́щымъ. и҆ а҆́ще сїѐ ᲂу҆слы́шано бꙋ́детъ ᲂу҆ и҆ге́мѡна, мы̀ ᲂу҆толи́мъ є҆го̀, и҆ ва́съ безпеча́льны сотвори́мъ. ѻ҆ни́ же прїе́мше сре́бреники, сотвори́ша, ꙗ҆́коже наꙋче́ни бы́ша: и҆ промче́сѧ сло́во сїѐ во і҆ꙋде́ехъ, да́же до сегѡ̀ днѐ. є҆ди́нїи же на́десѧте ᲂу҆ченицы̀ и҆до́ша въ галїле́ю, въ го́рꙋ, а҆́може повелѣ̀ и҆̀мъ і҆и҃съ: и҆ ви́дѣвше є҆го̀ поклони́шасѧ є҆мꙋ̀: ѻ҆́ви же ᲂу҆сꙋмнѣ́шасѧ. и҆ пристꙋ́пль і҆и҃съ речѐ и҆̀мъ, глаго́лѧ: даде́сѧ мѝ всѧ́ка вла́сть на нб҃сѝ и҆ на землѝ. ше́дше наꙋчи́те всѧ̀ ꙗ҆зы́ки, крестѧ́ще и҆̀хъ во и҆́мѧ ѻ҆ц҃а̀, и҆ сн҃а, и҆ ст҃а́гѡ дх҃а: ᲂу҆ча́ще и҆̀хъ блюстѝ всѧ̑, є҆ли̑ка заповѣ́дахъ ва́мъ. и҆ сѐ а҆́зъ съ ва́ми є҆́смь во всѧ̀ днѝ, до сконча́нїѧ вѣ́ка, а҆ми́нь."
|
|
},
|
|
{
|
|
"type": "TEXT",
|
|
"value": "И҆ и҆спо́лнившꙋсѧ є҆ѵⷢ҇лїю, глаго́летъ сщ҃е́нникъ: Ми́ръ тѝ бл҃говѣствꙋ́ющемꙋ."
|
|
},
|
|
{
|
|
"type": "TEXT",
|
|
"value": "Ли́къ: Сла́ва тебѣ̀, гдⷭ҇и, сла́ва тебѣ̀."
|
|
},
|
|
{
|
|
"type": "TEXT",
|
|
"value": "И҆ по чи́нꙋ бж҃е́ственнаѧ лїтꙋргі́а вели́кагѡ васі́лїа."
|
|
},
|
|
{
|
|
"type": "HEADER",
|
|
"value": "Вмѣ́стѡ же херꙋві́мскїѧ пѣ́сни пое́тсѧ настоѧ́щїй тропа́рь, гла́съ и҃:"
|
|
},
|
|
{
|
|
"type": "TEXT",
|
|
"value": "Д а молчи́тъ всѧ́каѧ пло́ть человѣ́ча, / и҆ да стои́тъ со стра́хомъ и҆ тре́петомъ, / и҆ ничто́же земно́е въ себѣ̀ да помышлѧ́етъ: / цр҃ь бо ца́рствꙋющихъ, и҆ гдⷭ҇ь гдⷭ҇ствꙋющихъ, / прихо́дитъ закла́тисѧ и҆ да́тисѧ въ снѣ́дь вѣ̑рнымъ. / предхо́дѧтъ же семꙋ̀ ли́цы а҆́гг҃льстїи / со всѧ́кимъ нача́ломъ и҆ вла́стїю, / многоѻчи́тїи херꙋві́ми, / и҆ шестокрила́тїи серафі́ми, / ли́ца закрыва́юще, и҆ вопїю́ще пѣ́снь: / а҆ллилꙋ́їа, а҆ллилꙋ́їа, а҆ллилꙋ́їа."
|
|
},
|
|
{
|
|
"type": "HEADER",
|
|
"value": "Вмѣ́стѡ Досто́йна, пое́мъ і҆рмо́съ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Н е рыда́й менѐ мт҃и, / зрѧ́щи во гро́бѣ, / є҆го́же во чре́вѣ без̾ сѣ́мене зачала̀ є҆сѝ сн҃а: / воста́нꙋ бо и҆ просла́влюсѧ, / и҆ вознесꙋ̀ со сла́вою, непреста́ннѡ ꙗ҆́кѡ бг҃ъ, / вѣ́рою и҆ любо́вїю тѧ̀ велича́ющыѧ."
|
|
},
|
|
{
|
|
"type": "TEXT",
|
|
"value": "Прича́стенъ, гла́съ д҃: Воста̀ ꙗ҆́кѡ спѧ̀ гдⷭ҇ь: / и҆ воскр҃се спаса́ѧй на́съ. / а҆ ллилꙋ́їа, три́жды."
|
|
},
|
|
{
|
|
"type": "HEADER",
|
|
"value": "Та́же быва́етъ бл҃гослове́нїе хлѣ́ба и҆ вїна̀."
|
|
},
|
|
{
|
|
"type": "TEXT",
|
|
"value": "Дїа́конъ: Гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и, поми́лꙋй."
|
|
},
|
|
{
|
|
"type": "TEXT",
|
|
"value": "І҆ере́й: Гдⷭ҇и і҆и҃се хрⷭ҇тѐ бж҃е на́шъ, бл҃гослови́вый пѧ́ть хлѣ́бѡвъ и҆ пѧ́ть ты́сѧщъ насы́тивый, са́мъ бл҃гословѝ и҆ хлѣ́бы сїѧ̑, пшени́цꙋ, вїно̀ и҆ є҆ле́й: и҆ ᲂу҆мно́жи сїѧ̑ во гра́дѣ се́мъ, [и҆лѝ въ ве́си се́й, и҆лѝ во ст҃ѣ́й ѻ҆би́тели се́й ] , и҆ во все́мъ мі́рѣ твое́мъ: и҆ вкꙋша́ющыѧ ѿ ни́хъ вѣ̑рныѧ ѡ҆свѧтѝ. ꙗ҆́кѡ ты̀ є҆сѝ бл҃гословлѧ́ѧй и҆ ѡ҆сщ҃а́ѧй всѧ́чєскаѧ, хрⷭ҇тѐ бж҃е на́шъ, и҆ тебѣ̀ сла́вꙋ возсыла́емъ, со безнача́льнымъ твои́мъ ѻ҆ц҃е́мъ, и҆ всест҃ы́мъ, и҆ бл҃ги́мъ, и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "Ли́къ: А҆ми́нь."
|
|
},
|
|
{
|
|
"type": "HEADER",
|
|
"value": "Сщ҃е́нникъ глаго́летъ ѿпꙋ́стъ:"
|
|
},
|
|
{
|
|
"type": "TEXT",
|
|
"value": "Х рⷭ҇то́съ и҆́стинный бг҃ъ на́шъ, мл҃твами пречⷭ҇тыѧ своеѧ̀ мт҃ре, прпⷣбныхъ и҆ бг҃оно́сныхъ ѻ҆тє́цъ на́шихъ, и҆ всѣ́хъ ст҃ы́хъ, поми́лꙋетъ и҆ спасе́тъ на́съ, ꙗ҆́кѡ бла́гъ и҆ чл҃вѣколю́бецъ."
|
|
},
|
|
{
|
|
"type": "HEADER",
|
|
"value": "И҆́ный ѿпꙋ́стъ:"
|
|
},
|
|
{
|
|
"type": "TEXT",
|
|
"value": "И҆́ же на́съ ра́ди и҆ на́шегѡ ра́ди спасе́нїѧ, смири́въ себѐ, и҆ въ на́шꙋ нищетꙋ̀ ѡ҆блече́сѧ, и҆ во́лею стрⷭ҇ти претерпѣ̀, и҆ сме́рть вкꙋси́въ, и҆ во гро́бѣ положи́выйсѧ, хрⷭ҇то́съ и҆́стинный бг҃ъ на́шъ, моли́твами пречи́стыѧ своеѧ̀ мт҃ре, ст҃ы́хъ сла́вныхъ и҆ всехва́льныхъ а҆по́стѡлъ, и҆́же во ст҃ы́хъ ѻ҆ц҃а̀ на́шегѡ васі́лїа вели́кагѡ, а҆рхїепⷭ҇копа кесарі́и каппадокі́йскїѧ, и҆ всѣ́хъ ст҃ы́хъ, поми́лꙋетъ и҆ спасе́тъ на́съ, ꙗ҆́кѡ бл҃гъ и҆ человѣколю́бецъ."
|
|
},
|
|
{
|
|
"type": "TEXT",
|
|
"value": "По ѿпꙋ́стѣ же дае́тсѧ ѿ сщ҃е́нника а҆нті́дѡръ."
|
|
}
|
|
] |