1514 lines
149 KiB
JSON
1514 lines
149 KiB
JSON
[
|
|
{
|
|
"type": "HEADER",
|
|
"value": "Мѣ́сѧца і҆аннꙋа́рїа въ ѕ҃-й де́нь. Ст҃о́е бг҃оѧвле́нїе гдⷭ҇а бг҃а и҆ сп҃са на́шегѡ і҆и҃са хрⷭ҇та̀."
|
|
},
|
|
{
|
|
"type": "TEXT",
|
|
"value": "ⷤ На вели́цѣй вече́рни ⷤ На ѡ҆свѧще́нїи воды̀ ⷤ На ᲂу҆́трени ⷤ На лїтꙋргі́и"
|
|
},
|
|
{
|
|
"type": "HEADER",
|
|
"value": "На вели́цѣй вече́рни."
|
|
},
|
|
{
|
|
"type": "TEXT",
|
|
"value": "При часѣ̀ є҃-мъ днѐ, зна́менꙋетъ въ вели́кое, и҆ пото́мъ во всѧ̑ тѧ̑жкаѧ. И҆ собра́вшесѧ во хра́мъ, начина́емъ вече́рню, и҆ пое́мъ ѻ҆бы́чный ѱало́мъ. Та́же, є҆ктенїа̀ вели́каѧ, и҆ по є҆ктенїѝ, а҆́ще бꙋ́детъ въ сꙋббѡ́тꙋ, стїхосло́вимъ: Бл҃же́нъ мꙋ́жъ: каѳі́смꙋ всю̀. А҆́ще же въ недѣ́лю, пое́мъ а҃ а҆нтїфѡ́нъ. А҆́ще ли во и҆ны̑ѧ дни̑, стїхоло́гїа не быва́етъ: но а҆́бїе пое́мъ: Гдⷭ҇и, воззва́хъ, на гла́съ в҃. І҆ере́й же твори́тъ проскоми́дїю. Дїа́конъ кади́тъ це́рковь по ѻ҆бы́чаю."
|
|
},
|
|
{
|
|
"type": "HEADER",
|
|
"value": "И҆ мы̀ пое́мъ стїхи̑ры пра́здника, на и҃, гла́съ в҃, самогла́сны, І҆ѡа́нна мона́ха:"
|
|
},
|
|
{
|
|
"type": "TEXT",
|
|
"value": "П росвѣти́телѧ на́шего, / просвѣща́ющаго всѧ́каго человѣ́ка, / ви́дѣвъ прⷣте́ча крⷭ҇ти́тисѧ прише́дша, / ра́дꙋетсѧ дꙋше́ю и҆ трепе́щетъ. / рꙋко́ю показꙋ́етъ є҆го̀, и҆ глаго́летъ лю́демъ: / се́й и҆збавлѧ́ѧй і҆и҃лѧ, / свобожда́ѧй на́съ ѿ и҆стлѣ́нїѧ. / ѽ безгрѣ́шный хрⷭ҇тѐ, бж҃е на́шъ, сла́ва тебѣ̀! [Два́жды.]"
|
|
},
|
|
{
|
|
"type": "TEXT",
|
|
"value": "И҆ зба́вителю на́шемꙋ, ѿ раба̀ креща́емꙋ, / и҆ дх҃а прише́ствїемъ свидѣ́тельствꙋемꙋ, / ᲂу҆жасо́шасѧ зрѧ́ще а҆́гг҃льскаѧ вѡ́инства. / гла́съ же съ нб҃сѐ принесе́сѧ ѿ ѻ҆ц҃а̀: / се́й, є҆го́же прⷣте́ча рꙋко́ю креща́етъ, / сн҃ъ мо́й є҆́сть возлю́бленный, ѡ҆ не́мже бл҃говоли́хъ, / хрⷭ҇тѐ бж҃е на́шъ, сла́ва тебѣ̀. [Два́жды.]"
|
|
},
|
|
{
|
|
"type": "TEXT",
|
|
"value": "І҆ ѻрда̑нскїѧ стрꙋи̑ тебѐ и҆сто́чника прїѧ́ша, / и҆ ᲂу҆тѣ́шитель въ ви́дѣ голꙋби́нѣ схожда́ше. / приклонѧ́етъ ве́рхъ приклони́вый нб҃са̀. / зове́тъ и҆ вопїе́тъ бре́нїе зижди́телю: / что́ ми повелѣва́еши, ꙗ҆̀же вы́ше менє̀; / а҆́зъ тре́бꙋю твоегѡ̀ кр҃ще́нїѧ. / ѽ безгрѣ́шный хрⷭ҇тѐ, бж҃е на́шъ, сла́ва тебѣ̀! [Два́жды.]"
|
|
},
|
|
{
|
|
"type": "TEXT",
|
|
"value": "С пастѝ хотѧ̀ заблꙋ́ждшаго человѣ́ка, / не не сподо́билсѧ є҆сѝ въ ра́бїй зра́къ ѡ҆блещи́сѧ: / подоба́ше бо тебѣ̀, влⷣцѣ и҆ бг҃ꙋ, воспрїѧ́ти на́ша за ны̀, / тебѣ́ бо кре́щшꙋсѧ пло́тїю, и҆зба́вителю, / ѡ҆ставле́нїѧ сподо́билъ є҆сѝ на́съ. / тѣ́мже вопїе́мъ тѝ: / хрⷭ҇тѐ, бж҃е на́шъ, сла́ва тебѣ̀. [Два́жды.]"
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ то́йже. Вѷзанті́ево:"
|
|
},
|
|
{
|
|
"type": "TEXT",
|
|
"value": "П риклони́лъ є҆сѝ главꙋ̀ прⷣте́чи, / сокрꙋши́лъ є҆сѝ главы̑ ѕмїє́въ: / прише́дъ въ стрꙋи̑, просвѣти́лъ є҆сѝ всѧ́чєскаѧ, / є҆́же сла́вити тѧ̀, сп҃се, / просвѣти́телѧ дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Вхо́дъ со є҆ѵⷢ҇лїемъ. Прокі́менъ днѐ."
|
|
},
|
|
{
|
|
"type": "HEADER",
|
|
"value": "Бытїѧ̀ чте́нїе."
|
|
},
|
|
{
|
|
"type": "TEXT",
|
|
"value": "[Глава̀ а҃] Въ нача́лѣ сотворѝ бг҃ъ нб҃о и҆ зе́млю. землѧ́ же бѣ̀ неви́дима и҆ неꙋстро́ена, и҆ тма̀ верхꙋ̀ бе́здны: и҆ дх҃ъ бж҃їй ноша́шесѧ верхꙋ̀ воды̀. и҆ речѐ бг҃ъ: да бꙋ́детъ свѣ́тъ, и҆ бы́сть свѣ́тъ. и҆ ви́дѣ бг҃ъ свѣ́тъ, ꙗ҆́кѡ добро̀: и҆ разлꙋчѝ бг҃ъ междꙋ̀ свѣ́томъ, и҆ междꙋ̀ тмо́ю. и҆ наречѐ бг҃ъ свѣ́тъ де́нь, и҆ тмꙋ̀ наречѐ но́щь. и҆ бы́сть ве́черъ, и҆ бы́сть ᲂу҆́тро, де́нь є҆ди́нъ. и҆ речѐ бг҃ъ: да бꙋ́детъ тве́рдь посредѣ̀ воды̀, и҆ да бꙋ́детъ разлꙋча́ющи посредѣ̀ воды̀ и҆ воды̀: и҆ бы́сть та́кѡ. и҆ сотворѝ бг҃ъ тве́рдь: и҆ разлꙋчѝ бг҃ъ междꙋ̀ водо́ю, ꙗ҆́же бѣ̀ под̾ тве́рдїю, и҆ междꙋ̀ водо́ю, ꙗ҆́же бѣ̀ над̾ тве́рдїю. и҆ наречѐ бг҃ъ тве́рдь нб҃о: и҆ ви́дѣ бг҃ъ, ꙗ҆́кѡ добро̀. и҆ бы́сть ве́черъ, и҆ бы́сть ᲂу҆́тро, де́нь вторы́й. и҆ речѐ бг҃ъ: да собере́тсѧ вода̀, ꙗ҆́же подъ нб҃се́мъ, въ собра́нїе є҆ди́но, и҆ да ꙗ҆ви́тсѧ сꙋ́ша: и҆ бы́сть та́кѡ. и҆ собра́сѧ вода̀, ꙗ҆́же подъ нб҃се́мъ, въ собра̑нїѧ своѧ̑, и҆ ꙗ҆ви́сѧ сꙋ́ша. и҆ наречѐ бг҃ъ сꙋ́шꙋ зе́млю: и҆ собра̑нїѧ во́дъ наречѐ морѧ̀. и҆ ви́дѣ бг҃ъ, ꙗ҆́кѡ добро̀. и҆ речѐ бг҃ъ: да прорасти́тъ землѧ̀ бы́лїе травно́е, сѣ́ющее сѣ́мѧ по ро́дꙋ и҆ по подо́бїю, и҆ дре́во плодови́тое, творѧ́щее пло́дъ, є҆мꙋ́же сѣ́мѧ є҆гѡ̀ въ не́мъ по ро́дꙋ на землѝ: и҆ бы́сть та́кѡ. и҆ и҆знесѐ землѧ̀ бы́лїе травно́е, сѣ́ющее сѣ́мѧ по ро́дꙋ и҆ по подо́бїю, и҆ дре́во плодови́тое, творѧ́щее пло́дъ, є҆мꙋ́же сѣ́мѧ є҆гѡ̀ въ не́мъ по ро́дꙋ на землѝ: и҆ ви́дѣ бг҃ъ, ꙗ҆́кѡ добро̀. и҆ бы́сть ве́черъ, и҆ бы́сть ᲂу҆́тро, де́нь тре́тїй."
|
|
},
|
|
{
|
|
"type": "HEADER",
|
|
"value": "И҆схо́да чте́нїе."
|
|
},
|
|
{
|
|
"type": "TEXT",
|
|
"value": "[Глава̀ д҃і] Речѐ гдⷭ҇ь къ мѡѷсе́ю: что̀ вопїе́ши ко мнѣ̀; глаго́ли сыновѡ́мъ і҆и҃лєвымъ, и҆ да пꙋтеше́ствꙋютъ. и҆ ты̀ возмѝ же́злъ тво́й, и҆ прострѝ рꙋ́кꙋ твою̀ на мо́ре, и҆ расто́ргни є҆̀, и҆ да вни́дꙋтъ сы́нове і҆и҃лєвы посредѣ̀ мо́рѧ по сꙋ́хꙋ. и҆ сѐ а҆́зъ ѡ҆жесточꙋ̀ се́рдце фараѡ́ново, и҆ слꙋ́гъ є҆гѡ̀, и҆ є҆гѵ́птѧнъ всѣ́хъ, и҆ вни́дꙋтъ въ слѣ́дъ и҆́хъ, и҆ просла́влюсѧ въ фараѡ́нѣ, и҆ во все́мъ во́инствѣ є҆гѡ̀, и҆ въ колесни́цахъ, и҆ въ ко́нѣхъ є҆гѡ̀. и҆ ᲂу҆разꙋмѣ́ютъ всѝ є҆гѵ́птѧне, ꙗ҆́кѡ а҆́зъ є҆́смь гдⷭ҇ь, є҆гда̀ прославлѧ́юсѧ въ фараѡ́нѣ, и҆ въ колесни́цахъ, и҆ въ ко́нѣхъ є҆гѡ̀. простре́ же мѡѷсе́й рꙋ́кꙋ на мо́ре, и҆ возгна̀ гдⷭ҇ь мо́ре вѣ́тромъ ю҆́жнымъ си́льнымъ, всю̀ но́щь, и҆ сотворѝ мо́ре сꙋ́хо, и҆ разстꙋпи́сѧ вода̀. и҆ внидо́ша сы́ны і҆и҃лєвы въ посре́дъ мо́рѧ по сꙋ́хꙋ: и҆ вода̀ и҆̀мъ бы́сть, стѣна̀ ѡ҆деснꙋ́ю, и҆ стѣна̀ ѡ҆шꙋ́юю. погна́ша же є҆гѵ́птѧне, и҆ внидо́ша созадѝ и҆́хъ. всѧ́къ ко́нь фараѡ́новъ, и҆ колесни̑цы, и҆ вса́дницы по средѣ̀ мо́рѧ. простре́ же мѡѷсе́й рꙋ́кꙋ на мо́ре, и҆ ᲂу҆стро́исѧ вода̀ ко дню̀ на мѣ́сто, є҆гѵ́птѧне же бѣжа́ша под̾ водо́ю, и҆ и҆стрѧсѐ гдⷭ҇ь є҆гѵ́птѧны по средѣ̀ мо́рѧ. и҆ ѡ҆брати́вшисѧ вода̀ покры̀ колесни̑цы, и҆ вса́дники, и҆ трїста́ты, и҆ всю̀ си́лꙋ фараѡ́новꙋ, вше́дшихъ въ слѣ́дъ и҆́хъ въ мо́ре, и҆ не ѡ҆ста̀ ѿ ни́хъ ни є҆ди́нъ. сы́нове же і҆и҃лєвы проидо́ша по сꙋ́хꙋ по средѣ̀ мо́рѧ."
|
|
},
|
|
{
|
|
"type": "HEADER",
|
|
"value": "И҆схо́да чте́нїе."
|
|
},
|
|
{
|
|
"type": "TEXT",
|
|
"value": "[Главы̑ є҃і и҆ ѕ҃і] Поѧ́тъ мѡѷсе́й сы́ны і҆и҃лєвы ѿ мо́рѧ чермна́гѡ, и҆ ведѐ и҆̀хъ въ пꙋсты́ню сꙋ́ръ: и҆ и҆дѧ́хꙋ трѝ дни̑ въ пꙋсты́ни, и҆ не ѡ҆брѣта́хꙋ воды̀, да бы́ша пи́ли. прїидо́ша же въ ме́ррꙋ, и҆ не можа́хꙋ пи́ти воды̀ ѿ ме́рры, горька́ бо бѣ̀: сегѡ̀ ра́ди нарече́сѧ и҆́мѧ мѣ́стꙋ томꙋ̀, го́ресть. и҆ ропта́хꙋ лю́дїе на мѡѷсе́а, глаго́люще: что̀ пїе́мъ; возопи́ же мѡѷсе́й ко гдⷭ҇ꙋ, и҆ показа̀ є҆мꙋ̀ гдⷭ҇ь дре́во: и҆ вложѝ є҆̀ въ во́дꙋ, и҆ сладка̀ бы́сть вода̀. та́мѡ положѝ є҆мꙋ̀ бг҃ъ ѡ҆правда̑нїѧ и҆ сꙋды̀, и҆ та́мѡ и҆скꙋша́ше є҆го̀, и҆ речѐ: а҆́ще слꙋ́хомъ ᲂу҆слы́шиши гла́съ гдⷭ҇а бг҃а твоегѡ̀, и҆ ᲂу҆гѡ́днаѧ предъ ни́мъ сотвори́ши, и҆ внꙋши́ши за́пѡвѣди є҆гѡ̀, и҆ сохрани́ши всѧ̑ ѡ҆правда̑нїѧ є҆гѡ̀: всѧ́кꙋ болѣ́знь, ю҆́же наведо́хъ на є҆гѵ́птѧны, не наведꙋ̀ на тѧ̀: а҆́зъ бо є҆́смь гдⷭ҇ь и҆сцѣлѧ́ѧй тѧ̀. и҆ прїидо́ша во є҆лі́мъ: и҆ бѧ́хꙋ та́мѡ двана́десѧть и҆сто́чникѡвъ во́дъ, и҆ се́дмьдесѧтъ сте́блїй фі́нїкѡвъ: и҆ ѡ҆полчи́шасѧ та́мѡ при вода́хъ. и҆ воздви́гшесѧ ѿ є҆лі́ма, и҆ прїи́де ве́сь со́нмъ сынѡ́въ і҆и҃левыхъ въ пꙋсты́ню сі́нъ: ꙗ҆́же є҆́сть междꙋ̀ є҆лі́момъ, и҆ междꙋ̀ сі́ною."
|
|
},
|
|
{
|
|
"type": "HEADER",
|
|
"value": "Тропа́рь, гла́съ є҃:"
|
|
},
|
|
{
|
|
"type": "TEXT",
|
|
"value": "Ꙗ҆ ви́лсѧ є҆сѝ въ мі́рѣ, и҆́же мі́ръ сотвори́вый, / да просвѣти́ши во тмѣ̀ сѣдѧ́щыѧ, / чл҃вѣколю́бче, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сті́хъ а҃: Бж҃е, ᲂу҆ще́дри ны̀, и҆ бл҃гослови́ ны, / просвѣтѝ лицѐ твоѐ на ны̀, и҆ поми́лꙋй ны̀: / позна́ти на землѝ пꙋ́ть тво́й, / во всѣ́хъ ꙗ҆зы́цѣхъ спасе́нїе твоѐ."
|
|
},
|
|
{
|
|
"type": "TEXT",
|
|
"value": "Да просвѣти́ши во тмѣ̀ сѣдѧ́щыѧ, / чл҃вѣколю́бче, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сті́хъ в҃: Да и҆сповѣ́дѧтсѧ тебѣ̀ лю́дїе, бж҃е, / да и҆сповѣ́дѧтсѧ тебѣ̀ лю́дїе всѝ. / да возвеселѧ́тсѧ, и҆ да возра́дꙋютсѧ ꙗ҆зы́цы, / ꙗ҆́кѡ сꙋ́диши лю́демъ правото́ю, / и҆ ꙗ҆зы́ки на землѝ наста́виши."
|
|
},
|
|
{
|
|
"type": "TEXT",
|
|
"value": "Да просвѣти́ши во тмѣ̀ сѣдѧ́щыѧ, / чл҃вѣколю́бче, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сті́хъ г҃: Да и҆сповѣ́дѧтсѧ тебѣ̀ лю́дїе, бж҃е, / да и҆сповѣ́дѧтсѧ тебѣ̀ лю́дїе всѝ. / землѧ̀ дадѐ пло́дъ сво́й, / бл҃гослови́ ны, бж҃е, бж҃е на́шъ. / бл҃гослови́ ны, бж҃е: и҆ да ᲂу҆боѧ́тсѧ є҆гѡ̀ всѝ концы̀ землѝ."
|
|
},
|
|
{
|
|
"type": "TEXT",
|
|
"value": "Да просвѣти́ши во тмѣ̀ сѣдѧ́щыѧ, / чл҃вѣколю́бче, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ: Ꙗ҆ви́лсѧ є҆сѝ въ мі́рѣ, и҆́же мі́ръ сотвори́вый, / да просвѣти́ши во тмѣ̀ сѣдѧ́щыѧ, / чл҃вѣколю́бче, сла́ва тебѣ̀."
|
|
},
|
|
{
|
|
"type": "HEADER",
|
|
"value": "І҆исꙋ́са наѵи́на чте́нїе."
|
|
},
|
|
{
|
|
"type": "TEXT",
|
|
"value": "[Глава̀ г҃] Речѐ гдⷭ҇ь ко і҆и҃сꙋ: въ де́нь се́й начина́ю вознести́ тѧ предъ всѣ́ми сы́нми і҆и҃левыми, да разꙋмѣ́ютъ, занѐ ꙗ҆́коже бѣ́хъ съ мѡѷсе́омъ, та́кѡ бꙋ́дꙋ и҆ съ тобо́ю. и҆ ны́нѣ заповѣ́ждь сщ҃е́нникѡмъ, взима́ющымъ ковче́гъ завѣ́та, глаго́лѧ: да ꙗ҆́кѡ вни́дете въ ча́сть воды̀ і҆ѻрда́нскїѧ, и҆ ста́нете при і҆ѻрда́нѣ. ꙗ҆́коже и҆дѧ́хꙋ свѧще́нницы, взе́мшїи ковче́гъ завѣ́та гдⷭ҇нѧ во і҆ѻрда́нъ: и҆ но́ги свѧще́нникѡвъ, носѧ́щихъ ковче́гъ ѡ҆мочи́шасѧ въ ча́сти воды̀ і҆ѻрда́нскїѧ. і҆ѻрда́нъ же и҆сполнѧ́шесѧ во все́мъ ло́жи свое́мъ, ꙗ҆́коже во дни̑ жа́твы пшени́цы: и҆ ста́ша во́ды, низходѧ́щыѧ свы́ше, въ со́нмъ є҆ди́нъ, ѿстоѧ́щыѧ дале́че ѕѣлѡ̀ ѿ а҆дама̀ гра́да, да́же до страны̀ карїаѳїарі́ма. низходѧ́щаѧ же сни́де въ мо́ре а҆рави́тское, да́же до мо́рѧ соли́щнагѡ, до́ндеже вконе́цъ ѡ҆скꙋдѣ̀, и҆ лю́дїе стоѧ́хꙋ прѧ́мѡ і҆ерїхѡ́на: и҆ ста́ша сщ҃е́нницы, взе́мшїи ковче́гъ завѣ́та гдⷭ҇нѧ, на сꙋ́сѣ посредѣ̀ і҆ѻрда́на готѡ́вы. и҆ всѝ сы́нове і҆и҃лєвы преидо́ша по сꙋ́хꙋ, до́ндеже сконча́ша всѝ лю́дїе преходѧ́ще і҆ѻрда́нъ."
|
|
},
|
|
{
|
|
"type": "HEADER",
|
|
"value": "Ца́рствъ четве́ртыхъ чте́нїе."
|
|
},
|
|
{
|
|
"type": "TEXT",
|
|
"value": "[Глава̀ в҃] Речѐ и҆лїа̀ къ є҆лїссе́ю: сѣдѝ ᲂу҆́бѡ здѣ̀, ꙗ҆́кѡ гдⷭ҇ь посла́ мѧ до і҆ѻрда́на. и҆ речѐ є҆лїссе́й: жи́въ гдⷭ҇ь, и҆ жива̀ дꙋша̀ твоѧ̀, а҆́ще ѡ҆ста́влю тѧ̀. и҆ поидо́ста ѻ҆́ба, и҆ пѧтьдесѧ́тъ мꙋже́й ѿ сынѡ́въ прⷪ҇ро́ческихъ, прїидо́ша и҆ ста́ша прѧ́мѡ и҆здале́ча, ѻ҆́ба же ста́ста при і҆ѻрда́нѣ. и҆ прїѧ́тъ и҆лїа̀ ми́лѡть свою̀, и҆ сви́тъ ю҆̀, и҆ ᲂу҆да́ри є҆́ю во́ды, и҆ раздѣли́сѧ вода̀ сю́дꙋ и҆ сю́дꙋ, и҆ преидо́ста ѻ҆́ба по сꙋ́хꙋ. и҆ бы́сть ꙗ҆́кѡ преидо́ста, и҆ речѐ и҆лїа̀ є҆лїссе́ю: просѝ, что̀ сотворю̀ тебѣ̀, пре́жде да́же не взѧ́тъ бꙋ́дꙋ ѿ тебє̀; и҆ речѐ є҆лїссе́й: да бꙋ́детъ ᲂу҆́бѡ дꙋ́хъ, и҆́же въ тебѣ̀, сꙋгꙋ́бъ во мнѣ̀. и҆ речѐ и҆лїа̀: ѡ҆жесточи́лъ є҆сѝ проси́ти, ѻ҆ба́че а҆́ще ᲂу҆ви́диши мѧ̀ взе́млема ѿ тебє̀, бꙋ́детъ тѝ та́кѡ: а҆́ще ли же не ᲂу҆ви́диши, не бꙋ́детъ. и҆ бы́сть и҆дꙋ́щымъ и҆̀мъ, и҆ глаго́лющымъ, и҆ сѐ колесни́ца ѻ҆́гненна, и҆ ко́ни ѻ҆́гненни, и҆ раздѣлѝ междꙋ̀ ѻ҆бѣ́ма: и҆ взѧ́тсѧ и҆лїа̀ ви́хремъ, ꙗ҆́кѡ на нб҃о. и҆ є҆лїссе́й зрѧ́ше, и҆ то́й вопїѧ́ше: ѻ҆́ч҃е, ѻ҆́ч҃е, колесни́ца і҆и҃лева, и҆ ко́ни є҆гѡ̀, и҆ не ви́дѣ є҆гѡ̀ ктомꙋ̀. и҆ ꙗ҆́тсѧ є҆лїссе́й за ри̑зы своѧ̑, и҆ раздра̀ ѧ҆̀ на дво́е, и҆ взѧ́тъ ми́лѡть и҆лїинꙋ̀ є҆лїссе́й, па́дшꙋю верхꙋ̀ є҆гѡ̀. и҆ ѡ҆брати́сѧ є҆лїссе́й, и҆ ста̀ на бре́зѣ і҆ѻрда́на. и҆ прїѧ́тъ є҆лїссе́й ми́лѡть и҆лїинꙋ̀, па́дшꙋю верхꙋ̀ є҆гѡ̀, и҆ ᲂу҆да́ри во́ды, и҆ не раздѣли́шасѧ. и҆ речѐ є҆лїссе́й: гдѣ̀ ᲂу҆́бѡ є҆́сть бг҃ъ и҆лїи́нъ а҆ффѡ̀; и҆ ᲂу҆да́ри є҆лїссе́й во́ды второ́е, и҆ раздѣли́шасѧ во́ды, и҆ пре́йде по сꙋ́хꙋ."
|
|
},
|
|
{
|
|
"type": "HEADER",
|
|
"value": "Ца́рствъ четве́ртыхъ чте́нїе."
|
|
},
|
|
{
|
|
"type": "TEXT",
|
|
"value": "[Глава̀ є҃] Прїи́де неема́нъ, кнѧ́зь царѧ̀ а҆ссѷрі́йскагѡ, съ колесни́цами, и҆ ко́ньми свои́ми, и҆ ста̀ при две́рехъ хра́ма є҆лїссе́ева. и҆ посла̀ є҆лїссе́й къ немꙋ̀ вѣ́стника, глаго́лѧ: ше́дъ, и҆змы́йсѧ во і҆ѻрда́нѣ седми́жды, и҆ ѡ҆брати́тсѧ пло́ть твоѧ̀ къ тебѣ̀, и҆ ѡ҆чи́стишисѧ. и҆ разгнѣ́васѧ неема́нъ, и҆ ѿи́де, и҆ речѐ: сѐ рѣ́хъ, да и҆зы́детъ ко мнѣ̀, и҆ призове́тъ ѡ҆ и҆́мени гдⷭ҇а бг҃а своегѡ̀, и҆ положи́тъ рꙋ́кꙋ свою̀ на прока́зꙋ, и҆ ѿи́метъ ю҆̀ ѿ пло́ти моеѧ̀. не добрѣ́йши ли сꙋ́ть а҆рвана̀ и҆ фарфа̀, рѣ́ци дама́скѡвы, па́че і҆ѻрда́на, и҆ всѣ́хъ во́дъ і҆и҃левыхъ; не ше́дъ ли и҆змы́юсѧ въ ни́хъ, и҆ ѡ҆чи́щꙋсѧ; и҆ возврати́сѧ, и҆ ѿи́де съ гнѣ́вомъ. и҆ пристꙋпи́ша ѻ҆́троцы є҆гѡ̀, и҆ рѣ́ша къ немꙋ̀: го́споди, а҆́ще бы ве́лїе сло́во глаго́лалъ къ тебѣ̀ прⷪ҇ро́къ, не бы́ ли сотвори́лъ, ꙗ҆́коже речѐ къ тебѣ̀: и҆змы́йсѧ, и҆ ѡ҆чи́стишисѧ, и҆ сни́де неема́нъ, и҆ погрꙋзи́сѧ во і҆ѻрда́нѣ седми́жды, по глаго́лꙋ человѣ́ка бж҃їѧ, и҆ ѡ҆брати́сѧ пло́ть є҆гѡ̀ къ немꙋ̀, ꙗ҆́кѡ ѻ҆троча́те ма́ла, и҆ ѡ҆чи́стисѧ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Г рѣ́шникѡмъ и҆ мытарє́мъ, / за мно́жество ми́лости твоеѧ̀, / ꙗ҆ви́лсѧ є҆сѝ, сп҃се на́шъ."
|
|
},
|
|
{
|
|
"type": "TEXT",
|
|
"value": "Гдѣ́ бо и҆мѣ́лъ бы свѣ́тъ тво́й возсїѧ́ти, / то́кмѡ на сѣдѧ́щыѧ во тмѣ̀; / сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сті́хъ а҃: Гдⷭ҇ь воцр҃и́сѧ, въ лѣ́потꙋ ѡ҆блече́сѧ: / ѡ҆блече́сѧ гдⷭ҇ь въ си́лꙋ и҆ препоѧ́сасѧ: / и҆́бо ᲂу҆твердѝ вселе́ннꙋю, ꙗ҆́же не подви́житсѧ. / гото́въ прⷭ҇то́лъ тво́й ѿто́лѣ, / ѿ вѣ́ка ты̀ є҆сѝ."
|
|
},
|
|
{
|
|
"type": "TEXT",
|
|
"value": "Гдѣ́ бо и҆мѣ́лъ бы свѣ́тъ тво́й возсїѧ́ти, / то́кмѡ на сѣдѧ́щыѧ во тмѣ̀; / сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сті́хъ в҃: Воздвиго́ша рѣ́ки, гдⷭ҇и, воздвиго́ша рѣ́ки гла́сы своѧ̑: / во́змꙋтъ рѣ́ки сотрє́нїѧ своѧ̑ ѿ гла́сѡвъ во́дъ мно́гихъ."
|
|
},
|
|
{
|
|
"type": "TEXT",
|
|
"value": "Гдѣ́ бо и҆мѣ́лъ бы свѣ́тъ тво́й возсїѧ́ти, / то́кмѡ на сѣдѧ́щыѧ во тмѣ̀; / сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сті́хъ г҃: Ди̑вны высоты̑ морскі̑ѧ, ди́венъ въ высо́кихъ гдⷭ҇ь. / свидѣ̑нїѧ твоѧ̑ ᲂу҆вѣ́ришасѧ ѕѣлѡ̀. / до́мꙋ твоемꙋ̀ подоба́етъ ст҃ы́нѧ, гдⷭ҇и, въ долготꙋ̀ дні́й."
|
|
},
|
|
{
|
|
"type": "TEXT",
|
|
"value": "Гдѣ́ бо и҆мѣ́лъ бы свѣ́тъ тво́й возсїѧ́ти, / то́кмѡ на сѣдѧ́щыѧ во тмѣ̀; / сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ: Грѣ́шникѡмъ и҆ мытарє́мъ, / за мно́жество млⷭ҇ти твоеѧ̀, / ꙗ҆ви́лсѧ є҆сѝ, сп҃се на́шъ."
|
|
},
|
|
{
|
|
"type": "TEXT",
|
|
"value": "Гдѣ́ бо и҆мѣ́лъ бы свѣ́тъ тво́й возсїѧ́ти, / то́кмѡ на сѣдѧ́щыѧ во тмѣ̀; / сла́ва тебѣ̀."
|
|
},
|
|
{
|
|
"type": "HEADER",
|
|
"value": "Прⷪ҇ро́чества и҆са́їина чте́нїе."
|
|
},
|
|
{
|
|
"type": "TEXT",
|
|
"value": "[Глава̀ а҃] Та́кѡ глаго́летъ гдⷭ҇ь: и҆змы́йтесѧ, и҆ чи́сти бꙋ́дете: ѿими́те лꙋка́вствїѧ ѿ дꙋ́шъ ва́шихъ, предъ ѻ҆чи́ма мои́ма, преста́ните ѿ лꙋка́вствїй ва́шихъ: наꙋчи́тесѧ до́брое твори́ти, взыщи́те сꙋда̀, и҆зба́вите ѡ҆би́дима, сꙋди́те си́рꙋ, и҆ ѡ҆правди́те вдови́цꙋ, и҆ прїиди́те и҆стѧ́жимсѧ, глаго́летъ гдⷭ҇ь. и҆ а҆́ще бꙋ́дꙋтъ грѣсѝ ва́ши ꙗ҆́кѡ багрѧ́ное, ꙗ҆́кѡ снѣ́гъ ᲂу҆бѣлю̀: а҆́ще же бꙋ́дꙋтъ ꙗ҆́кѡ червле́ное, ꙗ҆́кѡ во́лнꙋ ᲂу҆бѣлю̀. и҆ а҆́ще хо́щете, и҆ послꙋ́шаете менє̀, блага̑ѧ землѝ снѣ́сте. а҆́ще ли же не хо́щете, нижѐ послꙋ́шаете менє̀, ме́чь ва́съ поѧ́стъ. ᲂу҆ста́ бо гдⷭ҇нѧ глаго́лаша сїѧ̑."
|
|
},
|
|
{
|
|
"type": "HEADER",
|
|
"value": "Бытїѧ̀ чте́нїе."
|
|
},
|
|
{
|
|
"type": "TEXT",
|
|
"value": "[Глава̀ л҃в] Воззрѣ́въ і҆а́кѡвъ, и҆ ви́дѣ по́лкъ бж҃їй, ѡ҆полчи́вшїйсѧ, и҆ срѣто́ша є҆го̀ а҆́гг҃ли бж҃їи. рече́ же і҆а́кѡвъ, є҆гда̀ ви́дѣ и҆̀хъ: по́лкъ бж҃їй се́й. и҆ наречѐ и҆́мѧ мѣ́стꙋ томꙋ̀, полкѝ. посла́ же і҆а́кѡвъ вѣ́стники предъ собо́ю ко и҆са́ѵꙋ, бра́тꙋ своемꙋ̀, въ зе́млю сїи́ръ, во странꙋ̀ є҆дѡ́мскꙋю. и҆ заповѣ́да и҆̀мъ, глаго́лѧ: си́це рцы́те гдⷭ҇и́нꙋ моемꙋ̀ и҆са́ѵꙋ: та́кѡ глаго́летъ ѻ҆́трокъ тво́й і҆а́кѡвъ: съ лава́номъ пожи́хъ, и҆ ᲂу҆коснѣ́хъ до ны́нѣ: и҆ бы́ша мѝ ѻ҆́вцы и҆ воло́ве, и҆ ѻ҆слѧ́та, и҆ рабы̑ и҆ рабы̑ни. и҆ посла́хъ возвѣсти́ти гдⷭ҇и́нꙋ моемꙋ̀ и҆са́ѵови, да ѡ҆брѧ́щетъ бл҃года́ть ѻ҆́трокъ тво́й предъ тобо́ю. и҆ возврати́шасѧ вѣ̑стницы ко і҆а́кѡвꙋ, глаго́люще: и҆до́хомъ ко и҆са́ѵꙋ бра́тꙋ твоемꙋ̀, и҆ сѐ са́мъ грѧде́тъ въ срѣ́тенїе твоѐ, и҆ четы́ре ста̀ мꙋже́й съ ни́мъ. ᲂу҆боѧ́сѧ же і҆а́кѡвъ ѕѣлѡ̀, и҆ недоꙋмѣва́шесѧ, и҆ раздѣлѝ лю́ди, и҆̀же съ ни́мъ, и҆ волы̀ и҆ ѻ҆́вцы, на два̀ полка̀. и҆ речѐ і҆а́кѡвъ: а҆́ще прїи́детъ и҆са́ѵъ на по́лкъ є҆ди́нъ, и҆ посѣче́тъ и҆̀, бꙋ́детъ по́лкъ вторы́й во спасе́нїе. и҆ речѐ і҆а́кѡвъ: бг҃ъ ѻ҆тца̀ моегѡ̀ а҆враа́ма, и҆ бг҃ъ ѻ҆тца̀ моегѡ̀ і҆саа́ка, гдⷭ҇и, рекі́й мѝ: ѿбѣжѝ въ зе́млю бытїѧ̀ твоегѡ̀, и҆ добро́ ти сотворю̀. дово́льнѡ мѝ да бꙋ́детъ ѿ всѧ́кїѧ пра́вды, и҆ ѿ всѧ́кїѧ и҆́стины, ю҆́же сотвори́лъ є҆сѝ ѻ҆́трокꙋ твоемꙋ̀: съ жезло́мъ бо мои́мъ си́мъ преидо́хъ і҆ѻрда́нъ."
|
|
},
|
|
{
|
|
"type": "HEADER",
|
|
"value": "И҆схо́да чте́нїе."
|
|
},
|
|
{
|
|
"type": "TEXT",
|
|
"value": "[Глава̀ в҃] Сни́де дщѝ фараѡ́нова и҆змы́тисѧ на рѣкꙋ̀, и҆ рабы̑ни є҆ѧ̀ прехожда́хꙋ при рѣцѣ̀: и҆ ви́дѣвши крабі́йцꙋ въ лꙋчи́цѣ, посла́вши рабы́ню, взѧ́тъ ю҆̀. ѿве́рзши же, ви́дитъ ѻ҆троча̀ пла́чꙋщеесѧ въ крабі́йцѣ, и҆ пощадѝ є҆̀ дщѝ фараѡ́нова, и҆ речѐ: ѿ дѣте́й є҆вре́йскихъ сїѐ. и҆ речѐ сестра̀ є҆гѡ̀ дще́ри фараѡ́новѣ: хо́щеши ли призовꙋ́ ти женꙋ̀ пита́тельницꙋ ѿ є҆врє́й, и҆ воздои́тъ тѝ ѻ҆троча̀; и҆ речѐ є҆́й дщѝ фараѡ́нова: и҆дѝ. ше́дши же ѻ҆трокови́ца, призва̀ ма́терь ѻ҆троча́те. рече́ же къ не́й дщѝ фараѡ́нова: соблюди́ ми ѻ҆троча̀ сїѐ, и҆ воздо́й мѝ є҆̀, а҆́зъ же да́мъ тѝ мздꙋ̀. прїе́мши же жена̀ ѻ҆троча̀, и҆ доѧ́ше є҆̀. возмꙋжа́вшꙋ же ѻ҆троча́ти, введѐ є҆̀ ко дще́ри фараѡ́новѣ, и҆ бы́сть є҆́й въ сы́на. и҆менова́ же и҆́мѧ є҆мꙋ̀ мѡѷсе́й, глаго́лющи: ѿ воды̀ взѧ́хъ є҆го̀."
|
|
},
|
|
{
|
|
"type": "HEADER",
|
|
"value": "Сꙋде́й чте́нїе."
|
|
},
|
|
{
|
|
"type": "TEXT",
|
|
"value": "[Глава̀ ѕ҃] Речѐ гедеѡ́нъ къ бг҃ꙋ: а҆́ще спаса́еши рꙋко́ю мое́ю і҆и҃лѧ, и҆́мже ѻ҆́бразомъ ре́клъ є҆сѝ, сѐ а҆́зъ положꙋ̀ рꙋно̀ ѻ҆́вчее на гꙋмнѣ̀: и҆ а҆́ще бꙋ́детъ роса̀ на рꙋнѣ̀ то́кмѡ, по все́й же землѝ сꙋ́ша, разꙋмѣ́ю, ꙗ҆́кѡ спасе́ши рꙋко́ю мое́ю і҆и҃лѧ, и҆́мже ѻ҆́бразомъ ре́клъ є҆сѝ. и҆ бы́сть та́кѡ: и҆ ᲂу҆ра́нивъ гедеѡ́нъ наꙋ́трїе, и҆ и҆сцѣдѝ рꙋно̀, и҆ и҆стечѐ роса̀ ѿ рꙋна̀, и҆спо́лненъ ѻ҆крі́нъ воды̀. и҆ речѐ гедеѡ́нъ къ бг҃ꙋ: да не прогнѣ́ваетсѧ ᲂу҆́бѡ ꙗ҆́рость твоѧ̀ на мѧ̀, и҆ возглаго́лю є҆щѐ є҆ди́ною, и҆ и҆скꙋшꙋ̀ є҆щѐ є҆ди́ною рꙋно́мъ: да бꙋ́детъ ᲂу҆́бѡ сꙋ́ша на рꙋнѣ̀ то́кмѡ, по все́й же землѝ роса̀. и҆ сотворѝ бг҃ъ та́кѡ въ нощѝ то́й, и҆ бы́сть сꙋ́ша на рꙋнѣ̀ то́кмѡ, по все́й же землѝ бы́сть роса̀."
|
|
},
|
|
{
|
|
"type": "HEADER",
|
|
"value": "Ца́рствъ тре́тїихъ чте́нїе."
|
|
},
|
|
{
|
|
"type": "TEXT",
|
|
"value": "[Глава̀ и҃і] Речѐ и҆лїа̀ къ лю́демъ: пристꙋпи́те ко мнѣ̀. и҆ пристꙋпи́ша всѝ лю́дїе къ немꙋ̀. и҆ взѧ́тъ и҆лїа̀ двана́десѧть ка́менїй, по числꙋ̀ двана́десѧти колѣ́нъ сн҃ѡ́въ і҆и҃левыхъ, ꙗ҆́коже гл҃го́ла гдⷭ҇ь къ немꙋ̀, гл҃го́лѧй: і҆и҃ль бꙋ́детъ и҆́мѧ твоѐ. и҆ созда̀ ка́менїе, и҆ и҆сцѣлѝ ѻ҆лта́рь гдⷭ҇ень раско́панный, и҆ сотворѝ ро́въ, вмѣща́ющь по двѣ̀ мѣ̑ры сѣ́мени, ѻ҆́крестъ ѻ҆лтарѧ̀. и҆ положѝ полѣ̑на на ѻ҆лтарѝ, є҆го́же сотворѝ. и҆ раздробѝ всесожжє́нїѧ, и҆ положѝ на полѣ̑на, и҆ ѡ҆бы́де ѻ҆лта́рь. и҆ речѐ и҆лїа̀: прїими́те мѝ четы́ре водоно́сы воды̀, и҆ да пролїю́тсѧ на ѻ҆лта́рь, на всесожже́нїе же и҆ на полѣ̑на. и҆ речѐ: ᲂу҆дво́йте, и҆ ᲂу҆дво́иша. и҆ речѐ: ᲂу҆тро́йте, и҆ ᲂу҆тро́иша. и҆ и҆дѧ́ше вода̀ ѻ҆́крестъ ѻ҆лтарѧ̀, и҆ ро́въ и҆спо́лнисѧ воды̀. и҆ возопѝ и҆лїа̀ на нб҃о, и҆ речѐ: гдⷭ҇и бж҃е а҆враа́мовъ и҆ і҆саа́ковъ и҆ і҆а́кѡвль, ᲂу҆слы́ши менѐ дне́сь ѻ҆гне́мъ: и҆ разꙋмѣ́ютъ всѝ лю́дїе сі́и, ꙗ҆́кѡ ты̀ є҆сѝ є҆ди́нъ гдⷭ҇ь бг҃ъ і҆и҃левъ, и҆ а҆́зъ ра́бъ тво́й. и҆ тебє̀ ра́ди сотвори́хъ сїѧ̑ всѧ̑, и҆ ты̀ ѡ҆братѝ сердца̀ люде́й си́хъ въ слѣ́дъ тебє̀. и҆ падѐ ѻ҆́гнь ѿ гдⷭ҇а съ нб҃сѐ, и҆ поѧдѐ всесожжє́нїѧ, и҆ полѣ̑на и҆ во́дꙋ, ꙗ҆́же на ни́хъ, и҆ во́дꙋ, ꙗ҆́же въ ро́вѣ, и҆ ка́менїе, и҆ пе́рсть полиза̀ ѻ҆́гнь. и҆ падо́ша всѝ лю́дїе на лицѣ̀ свое́мъ, и҆ рѣ́ша: вои́стиннꙋ гдⷭ҇ь бг҃ъ, то́й є҆́сть бг҃ъ."
|
|
},
|
|
{
|
|
"type": "HEADER",
|
|
"value": "Ца́рствъ четве́ртыхъ чте́нїе."
|
|
},
|
|
{
|
|
"type": "TEXT",
|
|
"value": "[Глава̀ в҃] Реко́ша мꙋ́жїе гра́да і҆ерїхѡ́нска ко є҆лїссе́ю: сѐ жили́ще гра́да сегѡ̀ добро̀, ꙗ҆́коже ты̀, гдⷭ҇и́не, ви́диши, и҆ во́ды ѕлы̑ и҆ безча̑дны. и҆ речѐ є҆лїссе́й: принеси́те мѝ водоно́съ но́въ, и҆ всы́плите тꙋ̀ со́ль: и҆ принесо́ша и҆̀. и҆ и҆зы́де на и҆схожде́нїе во́дъ, и҆ вве́рже та́мѡ со́ль, и҆ речѐ: та́кѡ глаго́летъ гдⷭ҇ь: и҆сцѣли́хъ во́ды сїѧ̑, и҆ не ктомꙋ̀ бꙋ́детъ ѿню́дъ ᲂу҆мира́ѧ, нижѐ безча́дствꙋющаѧ си́ми. и҆ и҆сцѣлѣ́ша во́ды до днѐ сегѡ̀, по глаго́лꙋ, и҆́же глаго́ла є҆лїссе́й."
|
|
},
|
|
{
|
|
"type": "HEADER",
|
|
"value": "Прⷪ҇ро́чества и҆са́їина чте́нїе."
|
|
},
|
|
{
|
|
"type": "TEXT",
|
|
"value": "[Глава̀ м҃ѳ] Та́кѡ гл҃го́летъ гдⷭ҇ь: во вре́мѧ прїѧ́тное послꙋ́шахъ тѧ̀, и҆ въ де́нь спасе́нїѧ помого́хъ тебѣ̀, и҆ созда́хъ тѧ̀, и҆ да́хъ тѧ̀, и҆ положи́хъ тѧ̀ въ завѣ́тъ ꙗ҆зы́кѡвъ, є҆́же ᲂу҆стро́ити зе́млю, и҆ наслѣ́дити наслѣ́дїе пꙋсты́ни: глаго́люща сꙋ́щымъ въ ᲂу҆́захъ: и҆зыди́те, и҆ и҆̀же во тмѣ̀: ѿкры́йтесѧ. на всѣ́хъ пꙋте́хъ пасти́сѧ бꙋ́дꙋтъ, и҆ на всѣ́хъ стезѧ́хъ па́жить и҆́хъ. не вза́лчꙋтъ, нижѐ вжа́ждꙋтъ, нижѐ порази́тъ и҆̀хъ зно́й, нижѐ со́лнце: но ми́лꙋѧй и҆̀хъ ᲂу҆тѣ́шитъ ѧ҆̀, и҆ сквозѣ̀ и҆сто́чники во́дъ проведе́тъ ѧ҆̀. и҆ положꙋ̀ всѧ́кꙋ го́рꙋ въ пꙋ́ть, и҆ всѧ́кꙋ стезю̀ въ па́ствꙋ и҆́хъ. сѐ сі́и и҆здале́ча прїи́дꙋтъ, сі́и ѿ сѣ́вера и҆ мо́рѧ, и҆ні́и же ѿ землѝ пе́рсскїѧ. да веселѧ́тсѧ нб҃са̀, и҆ ра́дꙋетсѧ землѧ̀: да ѿры́гнꙋтъ го́ры весе́лїе, и҆ хо́лми пра́вдꙋ: ꙗ҆́кѡ поми́лова гдⷭ҇ь лю́ди своѧ̑, и҆ смирє́нныѧ люде́й свои́хъ ᲂу҆тѣ́ши. рече́ же сїѡ́нъ: ѡ҆ста́ви мѧ̀ гдⷭ҇ь, и҆ бг҃ъ забы́ мѧ. є҆да̀ забꙋ́детъ жена̀ ѻ҆троча̀ своѐ, и҆лѝ не поми́лꙋетъ и҆зча́дїѧ чре́ва своегѡ̀; а҆́ще ли же и҆ си́хъ забꙋ́детъ жена̀, но а҆́зъ не забꙋ́дꙋ тебє̀, глаго́летъ гдⷭ҇ь."
|
|
},
|
|
{
|
|
"type": "TEXT",
|
|
"value": "Є҆ктенїа̀: Па́ки и҆ па́ки: Возгла́съ трист҃о́мꙋ: И҆ трист҃о́е."
|
|
},
|
|
{
|
|
"type": "TEXT",
|
|
"value": "Та́же прокі́менъ, гла́съ г҃: Гдⷭ҇ь просвѣще́нїе моѐ, и҆ сп҃си́тель мо́й, / когѡ̀ ᲂу҆бою́сѧ; Сті́хъ: Гдⷭ҇ь защи́титель живота̀ моегѡ̀, ѿ когѡ̀ ᲂу҆страшꙋ́сѧ;"
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ корі́нѳѧнѡмъ, зача́ло рм҃г."
|
|
},
|
|
{
|
|
"type": "TEXT",
|
|
"value": "Б ра́тїе, свобо́денъ сы́й ѿ всѣ́хъ, всѣ́мъ себѐ порабо́тихъ, да множа́йшыѧ прїѡбрѧ́щꙋ. бы́хъ і҆ꙋде́ємъ, ꙗ҆́кѡ і҆ꙋде́й, да і҆ꙋдє́и прїѡбрѧ́щꙋ: подзакѡ́ннымъ, ꙗ҆́кѡ подзако́ненъ, да подзакѡ́нныѧ прїѡбрѧ́щꙋ. беззакѡ́ннымъ, ꙗ҆́кѡ беззако́ненъ, не сы́й беззако́нникъ бг҃ꙋ, но зако́нникъ хрⷭ҇тꙋ̀, да прїѡбрѧ́щꙋ беззакѡ́нныѧ. бы́хъ немѡщны́мъ ꙗ҆́кѡ не́мощенъ, да немѡщны́ѧ прїѡбрѧ́щꙋ: всѣ́мъ бы́хъ всѧ̑, да всѧ́кѡ нѣ̑кїѧ спасꙋ̀. сїе́ же творю̀ за благовѣ́стїе, да соѻ́бщникъ є҆мꙋ̀ бꙋ́дꙋ. не вѣ́сте ли, ꙗ҆́кѡ текꙋ́щїи въ позо́рищи, всѝ ᲂу҆́бѡ текꙋ́тъ, є҆ди́нъ же прїе́млетъ по́честь; та́кѡ тецы́те, да пости́гнете. всѧ́къ же подвиза́ѧйсѧ, ѿ всѣ́хъ воздержи́тсѧ: и҆ ѻ҆нѝ ᲂу҆́бѡ да и҆стлѣ́ненъ вѣне́цъ прїи́мꙋтъ, мы́ же неистлѣ́ненъ. а҆́зъ ᲂу҆̀бо та́кѡ текꙋ̀, не ꙗ҆́кѡ безвѣ́стнѡ: та́кѡ подвиза́юсѧ, не ꙗ҆́кѡ воздꙋ́хъ бїѧ́й: но ᲂу҆мерщвлѧ́ю тѣ́ло моѐ и҆ порабоща́ю, да не ка́кѡ и҆ны̑мъ проповѣ́дꙋѧ, са́мъ неключи́мь бꙋ́дꙋ."
|
|
},
|
|
{
|
|
"type": "TEXT",
|
|
"value": "[А҆́ще ли нѣ́сть по́стъ, начина́емъ є҆го̀ ѿ полꙋ̀: Бра́тїе, не хощꙋ̀ ва́съ не вѣ́дѣти: ]"
|
|
},
|
|
{
|
|
"type": "TEXT",
|
|
"value": "А҆ллилꙋ́їа гла́съ ѕ҃: Ѿры́гнꙋ се́рдце моѐ сло́во бл҃го, глаго́лю а҆́зъ дѣла̀ моѧ̑ царе́ви. Сті́хъ: Кра́сенъ добро́тою, па́че сынѡ́въ человѣ́ческихъ."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ лꙋки́, зача́ло ѳ҃."
|
|
},
|
|
{
|
|
"type": "TEXT",
|
|
"value": "В ъ пѧ́тое на́десѧте лѣ́то влады́чества тїве́рїа ке́сарѧ: ѡ҆блада́ющꙋ понті́йскомꙋ пїла́тꙋ і҆ꙋде́ею, и҆ четвертовла́стствꙋющꙋ галїле́ею и҆́рѡдꙋ: фїлі́ппꙋ же, бра́тꙋ є҆гѡ̀, четвертовла́стствꙋющꙋ тѷрі́ею и҆ трахоні́тскою страно́ю: и҆ лѷса́нїю а҆вїлині́ею четвертовла́стствꙋющꙋ: при а҆рхїере́и а҆́ннѣ и҆ каїа́фѣ, бы́сть глаго́лъ бж҃їй ко і҆ѡа́ннꙋ, заха́рїинꙋ сы́нꙋ, въ пꙋсты́ни. и҆ прїи́де во всю̀ странꙋ̀ і҆ѻрда́нскꙋю, проповѣ́даѧ креще́нїе покаѧ́нїѧ, во ѡ҆ставле́нїе грѣхѡ́въ. ꙗ҆́коже є҆́сть пи́сано въ кни́зѣ слове́съ и҆са́їи проро́ка, глаго́люща: гла́съ вопїю́щагѡ въ пꙋсты́ни, ᲂу҆гото́вайте пꙋ́ть гдⷭ҇нь, пра́вы твори́те стєзѝ є҆гѡ̀. всѧ́ка де́брь и҆спо́лнитсѧ, и҆ всѧ́ка гора̀ и҆ хо́лмъ смири́тсѧ: и҆ бꙋ́дꙋтъ стропѡ́тнаѧ въ пра̑ваѧ и҆ ѻ҆́стрїи въ пꙋтѝ гла́дки. и҆ ᲂу҆́зритъ всѧ́ка пло́ть спасе́нїе бж҃їе. глаго́лаше же и҆сходѧ́щымъ наро́дѡмъ крести́тисѧ ѿ негѡ̀: порождє́нїѧ є҆хі́днова, кто̀ сказа̀ ва́мъ бѣжа́ти ѿ грѧдꙋ́щагѡ гнѣ́ва; сотвори́те ᲂу҆́бѡ плоды̀ досто́йны покаѧ́нїѧ, и҆ не начина́йте глаго́лати въ себѣ̀: ѻ҆тца̀ и҆́мамы а҆враа́ма. глаго́лю бо ва́мъ, ꙗ҆́кѡ мо́жетъ бг҃ъ ѿ ка́менїѧ сегѡ̀ воздви́гнꙋти ча̑да а҆враа́мꙋ. ᲂу҆же́ бо и҆ сѣки́ра при ко́рени дре́ва лежи́тъ: всѧ́ко ᲂу҆́бѡ дре́во, не творѧ́щее плода̀ добра̀, посѣка́етсѧ, и҆ во ѻ҆́гнь вмета́етсѧ. и҆ вопроша́хꙋ є҆го̀ наро́ди, глаго́люще: что̀ ᲂу҆́бѡ сотвори́мъ; ѿвѣща́въ же, глаго́ла и҆̀мъ: и҆мѣ́ѧй двѣ̀ ри́зѣ, да пода́стъ неимꙋ́щемꙋ, и҆ и҆мѣ́ѧй бра̑шна, та́кожде да твори́тъ. прїидо́ша же и҆ мытарѝ крести́тисѧ ѿ негѡ̀, и҆ рѣ́ша къ немꙋ̀: ᲂу҆чи́телю, что̀ сотвори́мъ; ѻ҆́нъ же речѐ къ ни́мъ: ничто́же бо́ле ѿ повелѣ́ннагѡ ва́мъ твори́те. вопроша́хꙋ же є҆го̀ и҆ во́ини, глаго́люще: и҆ мы̀ что̀ сотвори́мъ; и҆ речѐ къ ни́мъ: никого́же ѡ҆би́дите, ни ѡ҆клеветава́йте: и҆ дово́льни бꙋ́дите ѡ҆бро́ки ва́шими. ча́ющымъ же лю́демъ, и҆ помышлѧ́ющымъ всѣ́мъ въ сердца́хъ свои́хъ ѡ҆ і҆ѡа́ннѣ, є҆да̀ то́й є҆́сть хрⷭ҇то́съ; ѿвѣщава́ше і҆ѡа́ннъ всѣ̑мъ глаго́лѧ: а҆́зъ ᲂу҆́бѡ водо́ю креща́ю вы̀: грѧде́тъ же крѣ́плїй менѐ, є҆мꙋ́же нѣ́смь досто́инъ ѿрѣши́ти реме́нь сапогꙋ̀ є҆гѡ̀, то́й вы̀ крести́тъ дх҃омъ ст҃ы́мъ и҆ ѻ҆гне́мъ. є҆мꙋ́же лопа́та въ рꙋкꙋ̀ є҆гѡ̀, и҆ потреби́тъ гꙋмно̀ своѐ, и҆ собере́тъ пшени́цꙋ въ жи́тницꙋ свою̀: плє́вы же сожже́тъ ѻ҆гне́мъ негаса́ющимъ. мнѡ́га же ᲂу҆́бѡ и҆ и҆́на, ᲂу҆тѣша́ѧ, благовѣствова́ше лю́демъ."
|
|
},
|
|
{
|
|
"type": "TEXT",
|
|
"value": "И҆ по рѧ́дꙋ бжⷭ҇твеннаѧ лїтꙋргі́а вели́кагѡ васі́лїа."
|
|
},
|
|
{
|
|
"type": "HEADER",
|
|
"value": "Вмѣ́стѡ Досто́йно: пое́мъ:"
|
|
},
|
|
{
|
|
"type": "TEXT",
|
|
"value": "Ѡ҆ тебѣ̀ ра́дꙋетсѧ бл҃года́тнаѧ всѧ́каѧ тва́рь, / а҆́гг҃льскїй собо́ръ, и҆ чл҃вѣ́ческїй ро́дъ, / ѡ҆сщ҃е́нный хра́ме, и҆ раю̀ слове́сный: дв҃ственнаѧ похвало̀, / и҆з̾ неѧ́же бг҃ъ воплоти́сѧ, и҆ млⷣнецъ бы́сть, / пре́жде вѣ̑къ сы́й бг҃ъ на́шъ: / ложесна́ бо твоѧ̑ прⷭ҇то́лъ сотворѝ, / и҆ чре́во твоѐ простра́ннѣе нб҃съ содѣ́ла. / ѡ҆ тебѣ̀ ра́дꙋетсѧ, бл҃года́тнаѧ, всѧ́каѧ тва́рь, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Кїнѡні́къ: Хвали́те гдⷭ҇а съ нб҃съ, / хвали́те є҆го̀ въ вы́шнихъ. / А҆ ллилꙋ́їа, три́жды."
|
|
},
|
|
{
|
|
"type": "HEADER",
|
|
"value": "На ѡ҆свѧще́нїи воды̀."
|
|
},
|
|
{
|
|
"type": "TEXT",
|
|
"value": "И҆ по заамво́ннѣй моли́твѣ, а҆́бїе и҆схо́димъ всѝ ко свѧще́нной кꙋпѣ́ли въ притво́ръ, и҆лѝ на и҆сто́чники, црⷭ҇кими враты̀. И҆гꙋ́менъ, и҆лѝ старѣ́йшїй і҆ере́й, носѧ́й на главѣ̀ чⷭ҇тны́й крⷭ҇тъ, пред̾идꙋ́щымъ є҆мꙋ̀ свѣщено́сцємъ и҆ дїа́конѡмъ съ кади́лы. И҆ полага́етъ чⷭ҇тны́й крⷭ҇тъ на бл҃гоꙋкраше́нномъ столѣ̀, и҆дѣ́же и҆ водѣ̀ ᲂу҆гото́ваннѣй въ ча́шѣ, и҆ свѣща́мъ ѻ҆́крестъ стоѧ́щымъ, и҆ даю́тсѧ свѣщы̀ бра́тїѧмъ: и҆ настоѧ́тель кади́тъ ѻ҆́крестъ стола̀, та́же ѻ҆́бразы, и҆ пра́здника на а҆нало́гїи, и҆ свѧще́нниковъ, и҆ ли́ки по чи́нꙋ, предходѧ́щꙋ є҆мꙋ̀ дїа́конꙋ со свѣще́ю, кли́рїкѡмъ же пою́щымъ:"
|
|
},
|
|
{
|
|
"type": "HEADER",
|
|
"value": "Тропарѝ сїѧ̑. Гла́съ и҃"
|
|
},
|
|
{
|
|
"type": "TEXT",
|
|
"value": "Г ла́съ гдⷭ҇ень на вода́хъ вопїе́тъ, глаго́лѧ: / прїиди́те, прїими́те всѝ / дх҃а премꙋ́дрости, / дх҃а ра́зꙋма, / дх҃а стра́ха бж҃їѧ, / ꙗ҆́вльшагѡсѧ хрⷭ҇та̀. [Три́жды.]"
|
|
},
|
|
{
|
|
"type": "TEXT",
|
|
"value": "Д не́сь во́дъ ѡ҆свѧща́етсѧ є҆стество̀, / и҆ раздѣлѧ́етсѧ і҆ѻрда́нъ, / и҆ свои́хъ во́дъ возвраща́етъ стрꙋи̑, / влⷣкꙋ зрѧ̀ креща́ема. [Два́жды.]"
|
|
},
|
|
{
|
|
"type": "TEXT",
|
|
"value": "Ꙗ҆́ кѡ чл҃вѣ́къ на рѣкꙋ̀ прише́лъ є҆сѝ, хрⷭ҇тѐ цр҃ю̀, / и҆ ра́бское креще́нїе прїѧ́ти тщи́шисѧ, бл҃же, / ѿ предтє́чевꙋ рꙋкꙋ̀ / грѣ̑хъ ра́ди на́шихъ, чл҃вѣколю́бче. [Два́жды.]"
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, гла́съ то́йже: Ко гла́сꙋ вопїю́щагѡ въ пꙋсты́ни, / ᲂу҆гото́вайте пꙋ́ть гдⷭ҇ень, / прише́лъ є҆сѝ, гдⷭ҇и, зра́къ ра́бїй прїи́мъ, / креще́нїѧ просѧ̀, не вѣ́дый грѣха̀: / ви́дѣша тѧ̀ во́ды, и҆ ᲂу҆боѧ́шасѧ. / тре́петенъ бы́сть предте́ча, и҆ возопѝ, глаго́лѧ: / ка́кѡ просвѣти́тъ свѣти́льникъ свѣ́та, / ка́кѡ рꙋ́кꙋ положи́тъ ра́бъ на влⷣкꙋ, / ѡ҆свѧтѝ менѐ и҆ во́ды, сп҃се, взе́млѧй мі́ра грѣ́хъ."
|
|
},
|
|
{
|
|
"type": "HEADER",
|
|
"value": "Прⷪ҇ро́чества и҆са́їина чте́нїе."
|
|
},
|
|
{
|
|
"type": "TEXT",
|
|
"value": "[Глава̀ л҃є] Та́кѡ глаго́летъ гдⷭ҇ь: да возвесели́тсѧ пꙋсты́нѧ жа́ждꙋщаѧ, да возра́дꙋетсѧ пꙋсты́нѧ, и҆ процвѣте́тъ, ꙗ҆́кѡ крі́нъ, и҆ да прозѧ́бнетъ, и҆ всѧ̑ возвеселѧ́тсѧ. и҆ возра́дꙋютсѧ пꙋсты̑ннаѧ і҆ѻрда́нѡва, и҆ сла́ва лїва́нова дана̀ бы́сть є҆́й, и҆ че́сть карми́лова, и҆ лю́дїе моѝ ᲂу҆́зрѧтъ сла́вꙋ гдⷭ҇ню и҆ высотꙋ̀ бж҃їю. ᲂу҆крѣпи́тесѧ рꙋ́ки ѡ҆сла́блєнныѧ, и҆ колѣ̑на разсла́блєнныѧ ᲂу҆тѣ́шитесѧ, и҆ рцы́те малодꙋ̑шнымъ мы́слїю: ᲂу҆крѣпи́тесѧ и҆ не бо́йтесѧ, сѐ бг҃ъ на́шъ сꙋ́дъ воздае́тъ, то́й прїи́детъ и҆ спасе́тъ на́съ. тогда̀ ѿве́рзꙋтсѧ ѻ҆чеса̀ слѣпы́хъ, и҆ ᲂу҆шеса̀ глꙋхи́хъ ᲂу҆слы́шатъ. тогда̀ ско́читъ хромы́й, ꙗ҆́кѡ є҆ле́нь, и҆ ꙗ҆́сенъ бꙋ́детъ ѧ҆зы́къ гꙋгни́выхъ, ꙗ҆́кѡ прорази́сѧ въ пꙋсты́ни вода̀, и҆ де́брь въ землѝ жа́ждꙋщей. и҆ бꙋ́детъ безво́днаѧ въ бла̑та, и҆ въ жа́ждꙋщей землѝ и҆сто́чникъ воды̀ бꙋ́детъ: та́мѡ бꙋ́детъ весе́лїе пти́цъ, водворе́нїе сѵ́рїнѡвъ, и҆ тро́стїй, и҆ бла́та. та́мѡ бꙋ́детъ пꙋ́ть чи́стъ, и҆ пꙋ́ть ст҃ъ нарече́тсѧ: и҆ не мимои́детъ та́мѡ нечи́стъ, нижѐ бꙋ́детъ та́мѡ пꙋ́ть нечи́стый: разсѣ́ѧннїи же по́йдꙋтъ по немꙋ̀, и҆ не заблꙋ́дѧтъ. и҆ не бꙋ́детъ та́мѡ льва̀, нижѐ ѿ ѕвѣре́й лю́тыхъ взы́детъ на́нь, нижѐ ѡ҆брѧ́щетсѧ та́мѡ: но по́йдꙋтъ по немꙋ̀ и҆зба́вленнїи и҆ со́браннїи ѿ гдⷭ҇а, и҆ ѡ҆братѧ́тсѧ, и҆ прїи́дꙋтъ въ сїѡ́нъ съ весе́лїемъ и҆ ра́достїю, и҆ весе́лїе вѣ́чное надъ главо́ю и҆́хъ: хвала̀ и҆ ра́дованїе и҆ весе́лїе пости́гнетъ и҆̀хъ: ѿбѣжѐ болѣ́знь, печа́ль и҆ воздыха́нїе."
|
|
},
|
|
{
|
|
"type": "HEADER",
|
|
"value": "Прⷪ҇ро́чества и҆са́їина чте́нїе."
|
|
},
|
|
{
|
|
"type": "TEXT",
|
|
"value": "[Глава̀ н҃є] Та́кѡ гл҃го́летъ гдⷭ҇ь: жа́ждꙋщїи на во́дꙋ и҆ди́те, и҆ є҆ли́цы не и҆́мате сребра̀, ше́дше кꙋпи́те, и҆ ꙗ҆ди́те и҆ пі́йте, безъ сребра̀ и҆ цѣны̀, вїно̀ и҆ тꙋ́къ. вскꙋ́ю цѣнитѐ сребро̀ не въ хлѣ́бы, и҆ трꙋ́дъ ва́шъ не въ сы́тость; послꙋ́шайте менє̀, и҆ снѣ́сте блага̑ѧ, и҆ наслади́тсѧ во бл҃ги́хъ дꙋша̀ ва́ша. внима́йте ᲂу҆ши́ма ва́шима, и҆ послѣ́дꙋйте пꙋтє́мъ мои̑мъ: ᲂу҆слы́шите менѐ, и҆ жива̀ бꙋ́детъ во бл҃ги́хъ дꙋша̀ ва́ша. и҆ завѣща́ю ва́мъ завѣ́тъ вѣ́ченъ, прпⷣбнаѧ даві́дѡва вѣ̑рнаѧ. сѐ свидѣ́тельство во ꙗ҆зы́цѣхъ, да́хъ є҆го̀ кнѧ́зѧ, и҆ повели́телѧ во ꙗ҆зы́цѣхъ. сѐ ꙗ҆зы́цы, и҆̀же не вѣ́дѧхꙋ тѧ̀, призовꙋ́тъ тѧ̀, и҆ лю́дїе, и҆̀же не позна́ша тѧ̀, къ тебѣ̀ прибѣ́гнꙋтъ, ра́ди гдⷭ҇а твоегѡ̀, и҆ ст҃а́гѡ і҆и҃лева, ꙗ҆́кѡ просла́вихъ тѧ̀. взыщи́те бг҃а, и҆ внегда̀ ва́мъ ѡ҆брѣстѝ є҆го̀, призови́те. є҆гда́ же а҆́ще прибли́житсѧ ва́мъ, да ѡ҆ста́витъ нечести́вый пꙋти̑ своѧ̑, и҆ мꙋ́жъ беззако́нный совѣ́ты своѧ̑: и҆ ѡ҆брати́тесѧ ко гдⷭ҇ꙋ бг҃ꙋ ва́шемꙋ, и҆ поми́ловани бꙋ́дете, ꙗ҆́кѡ помно́гꙋ ѡ҆ста́витъ грѣхѝ ва́шѧ. не сꙋ́ть бо совѣ́ти моѝ, ꙗ҆́коже совѣ́ти ва́ши: нижѐ ꙗ҆́коже пꙋтїѐ ва́ши, пꙋтїѐ моѝ, гл҃го́летъ гдⷭ҇ь. но ꙗ҆́коже ѿстои́тъ нб҃о ѿ землѝ, та́кѡ ѿстои́тъ пꙋ́ть мо́й ѿ пꙋте́й ва́шихъ, и҆ размышлє́нїѧ ва̑ша ѿ мы́сли моеѧ̀. ꙗ҆́коже бо а҆́ще сни́детъ до́ждь, и҆лѝ снѣ́гъ съ нб҃сѐ, и҆ не возврати́тсѧ ѿтꙋ́дꙋ, до́ндеже ᲂу҆пои́тъ зе́млю, и҆ роди́тъ и҆ прозѧ́бнетъ, и҆ да́стъ сѣ́мѧ сѣ́ющемꙋ, и҆ хлѣ́бъ въ снѣ́дь. та́кѡ бꙋ́детъ глаго́лъ мо́й, и҆́же а҆́ще и҆зы́детъ и҆зъ ᲂу҆́стъ мои́хъ, и҆ не ѡ҆брати́тсѧ ко мнѣ̀ то́щъ, до́ндеже а҆́ще сконча́етъ всѧ̑, є҆ли̑ка восхотѣ́хъ, и҆ поспѣшꙋ̀ пꙋти̑ моѧ̑, и҆ повелѣ̑нїѧ моѧ̑. весе́лїемъ бо и҆зы́дете, и҆ ра́достїю наꙋчи́тесѧ. го́ры бо и҆ хо́лми ско́чатъ, ждꙋ́ще ва́съ въ ра́дости, и҆ всѧ̑ древеса̀ сє́льнаѧ воспле́щꙋтъ вѣ́твьми. и҆ вмѣ́стѡ дра́чїѧ взы́детъ кѷпарі́съ, вмѣ́стѡ же кропи́вы взы́детъ мѷрсі́на: и҆ бꙋ́детъ гдⷭ҇ь во и҆́мѧ, и҆ въ зна́менїе вѣ́чное, и҆ не ѡ҆скꙋдѣ́етъ."
|
|
},
|
|
{
|
|
"type": "HEADER",
|
|
"value": "Прⷪ҇ро́чества и҆са́їина чте́нїе."
|
|
},
|
|
{
|
|
"type": "TEXT",
|
|
"value": "[Глава̀ в҃і] Та́кѡ гл҃го́летъ гдⷭ҇ь: почерпи́те во́дꙋ съ весе́лїемъ ѿ и҆стѡ́чникъ спасе́нїѧ. и҆ рече́ши въ де́нь ѻ҆́нъ: и҆сповѣ́дайтесѧ гдⷭ҇еви, и҆ призови́те и҆́мѧ є҆гѡ̀, возвѣсти́те во ꙗ҆зы́цѣхъ сла́вꙋ є҆гѡ̀: помѧни́те, ꙗ҆́кѡ вознесе́сѧ и҆́мѧ є҆гѡ̀. по́йте и҆́мѧ гдⷭ҇не, ꙗ҆́кѡ высѡ́каѧ сотворѝ. возвѣсти́те сїѧ̑ по все́й землѝ, ра́дꙋйтесѧ и҆ весели́тесѧ живꙋ́щїи въ сїѡ́нѣ, ꙗ҆́кѡ вознесе́сѧ ст҃ы́й і҆и҃левъ посредѣ̀ є҆гѡ̀."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ г҃:"
|
|
},
|
|
{
|
|
"type": "TEXT",
|
|
"value": "Г дⷭ҇ь просвѣще́нїе моѐ, и҆ сп҃си́тель мо́й, / когѡ̀ ᲂу҆бою́сѧ; Сті́хъ: Гдⷭ҇ь защи́титель живота̀ моегѡ̀ ѿ когѡ̀ ᲂу҆страшꙋ́сѧ;"
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ корі́нѳѧнѡмъ, зача́ло рм҃г."
|
|
},
|
|
{
|
|
"type": "TEXT",
|
|
"value": "Б ра́тїе, не хощꙋ̀ ва́съ не вѣ́дѣти, ꙗ҆́кѡ ѻ҆тцы̀ на́ши всѝ подъ ѻ҆́блакомъ бы́ша, и҆ всѝ сквозѣ̀ мо́ре проидо́ша: и҆ всѝ въ мѡѷсе́а крести́шасѧ во ѻ҆́блацѣ и҆ въ мо́ри: и҆ всѝ то́жде бра́шно дх҃о́вное ꙗ҆до́ша: и҆ всѝ то́жде пи́во дꙋхо́вное пи́ша, пїѧ́хꙋ бо ѿ дх҃о́внагѡ послѣ́дꙋющагѡ ка́мене: ка́мень же бѣ̀ хрⷭ҇то́съ."
|
|
},
|
|
{
|
|
"type": "HEADER",
|
|
"value": "А҆ллилꙋ́їа, гла́съ д҃:"
|
|
},
|
|
{
|
|
"type": "TEXT",
|
|
"value": "Сті́хъ: Гла́съ гдⷭ҇ень на вода́хъ: бг҃ъ сла́вы возгремѣ̀, гдⷭ҇ь на вода́хъ мно́гихъ."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ ма́рка, зача́ло в҃."
|
|
},
|
|
{
|
|
"type": "TEXT",
|
|
"value": "В о вре́мѧ ѻ҆́но, прїи́де і҆и҃съ ѿ назаре́та галїле́йскагѡ, и҆ крⷭ҇ти́сѧ ѿ і҆ѡа́нна во і҆ѻрда́нѣ. и҆ а҆́бїе восходѧ̀ ѿ воды̀, ви́дѣ разводѧ́щасѧ нб҃са̀, и҆ дх҃ъ, ꙗ҆́кѡ го́лꙋбь сходѧ́щь на́нь. и҆ гла́съ бы́сть съ нб҃сѐ: ты̀ є҆сѝ сн҃ъ мо́й возлю́бленный, ѡ҆ не́мже благоволи́хъ."
|
|
},
|
|
{
|
|
"type": "HEADER",
|
|
"value": "Дїа́конъ же глаго́летъ є҆ктенїю̀:"
|
|
},
|
|
{
|
|
"type": "TEXT",
|
|
"value": "М и́ромъ гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и, поми́лꙋй."
|
|
},
|
|
{
|
|
"type": "TEXT",
|
|
"value": "Ѡ҆ свы́шнѣмъ ми́рѣ, и҆ спасе́нїи дꙋ́шъ на́шихъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ ми́рѣ всегѡ̀ мі́ра, бл҃гостоѧ́нїи ст҃ы́хъ бж҃їихъ цр҃кве́й, и҆ соедине́нїи всѣ́хъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ ст҃ѣ́мъ хра́мѣ се́мъ, и҆ съ вѣ́рою, бл҃гоговѣ́нїемъ и҆ стра́хомъ бж҃їимъ входѧ́щихъ во́нь, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ вели́комъ господи́нѣ и҆ ѻ҆ц҃ѣ̀ на́шемъ, свѧтѣ́йшемъ патрїа́рхѣ и҆́мⷬ҇къ, и҆ ѡ҆ господи́нѣ на́шемъ преѡсвѧще́ннѣйшемъ є҆пⷭ҇кпѣ [и҆лѝ а҆рхїепⷭ҇кпѣ, и҆лѝ митрополі́тѣ ] и҆́мⷬ҇къ, честнѣ́мъ пресвѵ́терствѣ, во хрⷭ҇тѣ̀ дїа́конствѣ, ѡ҆ все́мъ при́чтѣ и҆ лю́дехъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ богохрани́мѣй странѣ̀ на́шей, властѣ́хъ и҆ во́инствѣ є҆ѧ̀, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ гра́дѣ се́мъ [и҆лѝ ѡ҆ ве́си се́й, и҆лѝ ѡ҆ ст҃ѣ́й ѻ҆би́тели се́й ] , всѧ́комъ гра́дѣ, странѣ̀, и҆ вѣ́рою живꙋ́щихъ въ ни́хъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ бл҃горастворе́нїи воздꙋ́хѡвъ, ѡ҆ и҆з̾ѻби́лїи плодѡ́въ земны́хъ, и҆ вре́менѣхъ ми́рныхъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ пла́вающихъ, пꙋтеше́ствꙋющихъ, недꙋ́гꙋющихъ, стра́ждꙋщихъ, плѣне́нныхъ, и҆ ѡ҆ спасе́нїи и҆́хъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ є҆́же ѡ҆свѧти́тисѧ вода́мъ си̑мъ си́лою, и҆ дѣ́йствїемъ, и҆ наи́тїемъ ст҃а́гѡ дх҃а, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ є҆́же снизходи́ти на во́ды сїѧ̑ ѡ҆чисти́тельномꙋ пресꙋ́щныѧ трⷪ҇цы дѣ́йствꙋ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ є҆́же дарова́тисѧ и҆̀мъ бл҃года́ти и҆збавле́нїѧ, бл҃гослове́нїю і҆ѻрда́новꙋ, си́лою и҆ дѣ́йствомъ, и҆ наи́тїемъ ст҃а́гѡ дх҃а, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ є҆́же сокрꙋши́тисѧ сатанѣ̀ подъ нога́ми на́шими вско́рѣ, и҆ разори́тисѧ всѧ́комꙋ совѣ́тꙋ лꙋка́вомꙋ дви́жимомꙋ на ны̀, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ да гдⷭ҇ь бг҃ъ и҆́зметъ на́съ ѿ всѧ́кагѡ навѣ́та, и҆ и҆скꙋше́нїѧ сопроти́вника, и҆ достѡ́йны содѣ́лаетъ ѡ҆бѣща́нныхъ бла̑гъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ є҆́же просвѣти́тисѧ на́мъ просвѣще́нїемъ ра́зꙋма и҆ бл҃гоче́стїѧ наи́тїемъ ст҃а́гѡ дх҃а, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ є҆́же низпосла́ти гдⷭ҇ꙋ бг҃ꙋ бл҃гослове́нїе і҆ѻрда́ново, и҆ ѡ҆свѧти́ти во́ды сїѧ̑, гдⷭ҇ꙋ помо́лимсѧ"
|
|
},
|
|
{
|
|
"type": "TEXT",
|
|
"value": "Ѡ҆ є҆́же бы́ти водѣ̀ се́й, ѡ҆свѧще́нїѧ да́рꙋ, грѣхѡ́въ и҆збавле́нїю, во и҆сцѣле́нїе дꙋшѝ и҆ тѣ́ла, и҆ на всѧ́кꙋю по́льзꙋ и҆зрѧ́днꙋю, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ є҆́же бы́ти водѣ̀ се́й приводѧ́щей въ жи́знь вѣ́чнꙋю, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ є҆́же ꙗ҆ви́тисѧ се́й ѿгна́нїю всѧ́кагѡ навѣ́та, ви́димыхъ и҆ неви́димыхъ вра̑гъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ че́рплющихъ и҆ є҆́млющихъ во ѡ҆свѧще́нїе домѡ́въ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ є҆́же бы́ти се́й во ѡ҆чище́нїе дꙋ́шъ и҆ тѣле́съ, всѣ̑мъ вѣ́рою че́рплющымъ же и҆ причаща́ющымсѧ ѿ неѧ̀, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ є҆́же сподо́битисѧ на́мъ и҆спо́лнитисѧ ѡ҆свѧще́нїѧ во́дъ си́хъ причаще́нїемъ, неви́димымъ ꙗ҆вле́нїемъ ст҃а́гѡ дх҃а, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ є҆́же ᲂу҆слы́шати гдⷭ҇ꙋ бг҃ꙋ гла́съ моле́нїѧ на́съ грѣ́шныхъ, и҆ поми́ловати на́съ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ и҆зба́витисѧ на́мъ ѿ всѧ́кїѧ ско́рби, гнѣ́ва и҆ нꙋ́жды, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
|
|
},
|
|
{
|
|
"type": "TEXT",
|
|
"value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋгъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
|
|
},
|
|
{
|
|
"type": "TEXT",
|
|
"value": "Ли́къ: Тебѣ̀, гдⷭ҇и."
|
|
},
|
|
{
|
|
"type": "HEADER",
|
|
"value": "Си̑мъ глаго́лємымъ, сщ҃е́нникъ та́йнѡ моли́твꙋ сїю̀ глаго́летъ:"
|
|
},
|
|
{
|
|
"type": "TEXT",
|
|
"value": "Г дⷭ҇и і҆и҃се хрⷭ҇тѐ, є҆диноро́дный сн҃е, сы́й въ нѣ́дрѣ ѻ҆́ч҃и, и҆́стинный бж҃е, и҆сто́чниче жи́зни и҆ безсме́ртїѧ, свѣ́те ѿ свѣ́та, прише́дый въ мі́ръ, є҆́же просвѣти́ти є҆го̀, ѡ҆зарѝ на́шꙋ мы́сль ст҃ы́мъ твои́мъ дх҃омъ, и҆ прїимѝ на́съ, вели́чество и҆ бл҃годаре́нїе тебѣ̀ приносѧ́щихъ, ѡ҆ ꙗ҆̀же ѿ вѣ́ка ди́вныхъ твои́хъ великодѣ́йствїихъ, и҆ є҆́же въ послѣ̑днїѧ вѣ́ки спаси́тельномъ твое́мъ смотре́нїи, въ не́мже въ на́ше немощно́е и҆ ни́щее ѡ҆дѣ́ѧвсѧ смѣше́нїе, и҆ рабѡ́тнымъ мѣ́рамъ снизше́дый, и҆́же всѣ́хъ цр҃ю̀: є҆щѐ и҆ ра́бскою рꙋко́ю во і҆ѻрда́нѣ крести́тисѧ претерпѣ́лъ є҆сѝ, да водно́е є҆стество̀ ѡ҆свѧти́въ, безгрѣ́шне, пꙋтесотвори́ши на́мъ, є҆́же водо́ю и҆ дх҃омъ па́ки рожде́нїе, и҆ къ пе́рвомꙋ на́съ ᲂу҆стро́иши свобожде́нїю: є҆гѡ́же бжⷭ҇твеннагѡ та́инства воспомина́нїе пра́зднꙋюще, мо́лимсѧ тебѣ̀, влⷣко чл҃вѣколю́бче, воскропѝ и҆ на ны̀, недостѡ́йныѧ рабы̑ твоѧ̑, по бжⷭ҇твенномꙋ твоемꙋ̀ ѡ҆бѣща́нїю, во́дꙋ чи́стꙋ, твоегѡ̀ бл҃гоꙋтро́бїѧ да́ръ, во є҆́же надъ водо́ю се́ю проше́нїю на́съ грѣ́шныхъ благопрїѧ́тнꙋ бы́ти твое́ю бла́гостїю, и҆ бл҃гослове́нїю твоемꙋ̀ є҆́ю, на́мъ же и҆ всѣ̑мъ вѣ̑рнымъ лю́демъ твои̑мъ дарова́тисѧ, въ сла́вꙋ ст҃а́гѡ и҆ покланѧ́емагѡ твоегѡ̀ и҆́мене. ꙗ҆́кѡ подоба́етъ тебѣ̀ всѧ́каѧ сла́ва, че́сть и҆ поклоне́нїе, со безнача́льнымъ твои́мъ ѻ҆ц҃е́мъ, и҆ прест҃ы́мъ и҆ бл҃ги́мъ, и҆ животворѧ́щимъ твои́мъ дх҃омъ, ны́нѣ и҆ при́снѡ, и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "И҆ ре́къ въ себѣ̀: А҆ми́нь."
|
|
},
|
|
{
|
|
"type": "TEXT",
|
|
"value": "Дїа́конꙋ же и҆спо́лнившꙋ є҆ктенїю̀, начина́етъ сщ҃е́нникъ велегла́снѡ моли́твꙋ сїю̀:"
|
|
},
|
|
{
|
|
"type": "TEXT",
|
|
"value": "В е́лїй є҆сѝ, гдⷭ҇и, / и҆ чꙋ̑дна дѣла̀ твоѧ̑, / и҆ ни є҆ди́но же сло́во дово́льно бꙋ́детъ / къ пѣ́нїю чꙋде́съ твои́хъ. [Три́жды.]"
|
|
},
|
|
{
|
|
"type": "TEXT",
|
|
"value": "Т ы́ бо хотѣ́нїемъ ѿ не сꙋ́щихъ во є҆́же бы́ти приведы́й всѧ́чєскаѧ, и҆ твое́ю держа́вою содержи́ши тва́рь, и҆ твои́мъ про́мысломъ стро́иши мі́ръ. ты̀ ѿ четы́рехъ стїхі́й тва́рь сочини́вый, четы́рьми времены̀ крꙋ́гъ лѣ́та вѣнча́лъ є҆сѝ. тебє̀ трепе́щꙋтъ ᲂу҆́мныѧ всѧ̑ си̑лы: тебѐ пое́тъ со́лнце: тебѐ сла́витъ лꙋна̀: тебѣ̀ присꙋ́тствꙋютъ ѕвѣ́зды: тебѐ слꙋ́шаетъ свѣ́тъ: тебє̀ трепе́щꙋтъ бє́здны: тебѣ̀ рабо́таютъ и҆сто́чницы. ты̀ просте́рлъ є҆сѝ не́бо, ꙗ҆́кѡ ко́жꙋ: ты̀ ᲂу҆тверди́лъ є҆сѝ зе́млю на вода́хъ: ты̀ ѡ҆гради́лъ є҆сѝ мо́ре песко́мъ: ты̀ ко ѿдыха́нїємъ воздꙋ́хъ пролїѧ́лъ є҆сѝ. а҆́гг҃льскїѧ си̑лы тебѣ̀ слꙋ́жатъ: а҆рха́гг҃льстїи ли́цы тебѣ̀ кла́нѧютсѧ: многоѻчи́тїи херꙋві́ми, и҆ шестокрила́тїи серафі́ми, ѻ҆́крестъ стоѧ́ще, и҆ ѡ҆блета́юще, стра́хомъ непристꙋ́пныѧ сла́вы твоеѧ̀ покрыва́ютсѧ. ты́ бо бг҃ъ сы́й неѡпи́санный, безнача́льный же и҆ неизглаго́ланный, прише́лъ є҆сѝ на зе́млю, зра́къ раба̀ прїи́мъ, въ подо́бїи чл҃вѣ́честѣмъ бы́въ: не бо̀ терпѣ́лъ є҆сѝ, влⷣко, млⷭ҇рдїѧ ра́ди ми́лости твоеѧ̀, зрѣ́ти ѿ дїа́вола мꙋ́чима ро́да человѣ́ча: но прише́лъ є҆сѝ, и҆ спа́слъ є҆сѝ на́съ. и҆сповѣ́дꙋемъ бл҃года́ть, проповѣ́дꙋемъ млⷭ҇ть, не таи́мъ бл҃годѣѧ́нїѧ: є҆стества̀ на́шегѡ ро́ды свободи́лъ є҆сѝ, двⷭ҇твеннꙋю ѡ҆свѧти́лъ є҆сѝ ᲂу҆тро́бꙋ рождество́мъ твои́мъ. всѧ̀ тва́рь воспѣва́етъ тѧ̀ ꙗ҆́вльшагосѧ: ты́ бо бг҃ъ на́шъ на землѝ ꙗ҆ви́лсѧ є҆сѝ, и҆ съ человѣ́ки пожи́лъ є҆сѝ: ты̀ і҆ѻрда̑нскїѧ стрꙋи̑ ѡ҆свѧти́лъ є҆сѝ, съ нб҃сѐ низпосла́вый ст҃а́го твоего̀ дх҃а, и҆ главы̑ та́мѡ гнѣздѧ́щихсѧ сокрꙋши́лъ є҆сѝ ѕмїє́въ."
|
|
},
|
|
{
|
|
"type": "TEXT",
|
|
"value": "И҆ сїѐ ᲂу҆́бѡ сщ҃е́нникъ глаго́лѧ три́жды, и҆ во́дꙋ рꙋко́ю благословлѧ́етъ на кі́йждо сті́хъ:"
|
|
},
|
|
{
|
|
"type": "TEXT",
|
|
"value": "Т ы̀ ᲂу҆́бѡ, чл҃вѣколю́бче цр҃ю̀, / прїидѝ и҆ ны́нѣ наи́тїемъ ст҃а́гѡ твоегѡ̀ дх҃а, / и҆ ѡ҆свѧтѝ во́дꙋ сїю̀. Сїѐ глаго́ли три́жды."
|
|
},
|
|
{
|
|
"type": "TEXT",
|
|
"value": "И҆ да́ждь є҆́й бл҃года́ть и҆збавле́нїѧ, бл҃гослове́нїе і҆ѻрда́ново: сотворѝ ю҆̀ нетлѣ́нїѧ и҆сто́чникъ, ѡ҆свѧще́нїѧ да́ръ, грѣхѡ́въ разрѣше́нїе, недꙋ́гѡвъ и҆сцѣле́нїе, де́мѡнѡвъ всегꙋби́тельство, сопроти̑внымъ си́ламъ непристꙋ́пнꙋю, а҆́гг҃льскїѧ крѣ́пости и҆спо́лненнꙋю: да всѝ почерпа́ющїи и҆ причаща́ющїисѧ и҆мѣ́ютъ ю҆̀ ко ѡ҆чище́нїю дꙋ́шъ и҆ тѣле́съ, ко и҆сцѣле́нїю страсте́й, ко ѡ҆свѧще́нїю домѡ́въ, и҆ ко всѧ́кой по́льзѣ и҆зрѧ́днꙋ. ты́ бо є҆сѝ бг҃ъ на́шъ, и҆́же водо́ю и҆ дх҃омъ ѡ҆бнови́вый ѡ҆бетша́вшее грѣхо́мъ є҆стество̀ на́ше. ты̀ є҆сѝ бг҃ъ на́шъ, водо́ю потопи́вый при нѡ́и грѣ́хъ. ты̀ є҆сѝ бг҃ъ на́шъ, и҆́же мо́ремъ свободи́вый ѿ рабо́ты фараѡ́ни мѡѷсе́омъ ро́дъ є҆вре́йскїй. ты́ бо є҆сѝ бг҃ъ на́шъ, разрази́вый ка́мень въ пꙋсты́ни, и҆ потеко́ша во́ды, и҆ пото́цы наводни́шасѧ, и҆ жа́ждꙋщыѧ лю́ди твоѧ̑ насы́тивый. ты̀ є҆сѝ бг҃ъ на́шъ, и҆́же водо́ю и҆ ѻ҆гне́мъ премѣни́вый и҆лїе́ю і҆и҃лѧ ѿ пре́лести ваа́ловы."
|
|
},
|
|
{
|
|
"type": "TEXT",
|
|
"value": "С а́мъ и҆ ны́нѣ, влⷣко, / ѡ҆свѧтѝ во́дꙋ сїю̀ дх҃омъ твои́мъ ст҃ы́мъ. [Три́жды.]"
|
|
},
|
|
{
|
|
"type": "TEXT",
|
|
"value": "Д а́ждь же всѣ̑мъ, прикаса́ющымсѧ є҆́й, и҆ причаща́ющымсѧ, и҆ ма́жꙋщымсѧ є҆́ю, ѡ҆сщ҃е́нїе, здра́вїе, ѡ҆чище́нїе и҆ бл҃гослове́нїе."
|
|
},
|
|
{
|
|
"type": "TEXT",
|
|
"value": "С пасѝ, гдⷭ҇и, и҆ поми́лꙋй вели́каго господи́на и҆ ѻ҆тца̀ на́шего (и҆́мⷬ҇къ), свѧтѣ́йшаго патрїа́рха моско́вскаго и҆ всеѧ̀ рꙋсѝ, и҆ преѡсвѧще́ннѣйшаго є҆пі́скопа (и҆́мⷬ҇къ, є҆гѡ́же є҆́сть ѻ҆́бласть). и҆ сохранѝ и҆̀хъ под̾ кро́вомъ твои́мъ въ ми́рѣ, покорѝ и҆̀мъ всѧ́каго врага̀ и҆ сꙋпоста́та, да́рꙋй и҆̀мъ всѧ̑, ꙗ҆̀же ко спасе́нїю прошє́нїѧ, и҆ жи́знь вѣ́чнꙋю: да и҆ стїхі́ами, и҆ человѣ̑ки, и҆ а҆́гг҃лы, и҆ ви́димыми, и҆ неви́димыми сла́витсѧ твоѐ прест҃о́е и҆́мѧ, со ѻ҆ц҃е́мъ и҆ ст҃ы́мъ дх҃омъ, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "Сщ҃е́нникъ: Ми́ръ всѣ́мъ."
|
|
},
|
|
{
|
|
"type": "TEXT",
|
|
"value": "Дїа́конъ: Главы̑ ва́шѧ гдⷭ҇еви приклони́те."
|
|
},
|
|
{
|
|
"type": "HEADER",
|
|
"value": "Сщ҃е́нникъ прекло́нсѧ мо́литсѧ та́йнѡ."
|
|
},
|
|
{
|
|
"type": "TEXT",
|
|
"value": "П риклонѝ, гдⷭ҇и, ᲂу҆́хо твоѐ, и҆ ᲂу҆слы́ши ны̀, и҆́же во і҆ѻрда́нѣ крⷭ҇ти́тисѧ и҆зво́ливый, и҆ ѡ҆ст҃и́вый во́ды, бл҃гословѝ всѣ́хъ на́съ, и҆́же приклоне́нїемъ своеѧ̀ вы́и назна́менꙋющихъ рабо́тное воѡбраже́нїе: и҆ сподо́би на́съ и҆спо́лнитисѧ ѡ҆сщ҃е́нїѧ твоегѡ̀ причаще́нїемъ воды̀ сеѧ̀, и҆ да бꙋ́детъ на́мъ, гдⷭ҇и, во здра́вїе дꙋшѝ и҆ тѣ́ла."
|
|
},
|
|
{
|
|
"type": "TEXT",
|
|
"value": "Возглаше́нїе: Ты́ бо є҆сѝ ѡ҆свѧще́нїе на́ше, и҆ тебѣ̀ сла́вꙋ и҆ бл҃годаре́нїе и҆ поклоне́нїе возсыла́емъ, со безнача́льнымъ твои́мъ ѻ҆ц҃е́мъ, и҆ прест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "И҆ а҆́бїе бл҃гословлѧ́ѧ во́дꙋ крⷭ҇тови́днѡ чⷭ҇тны́мъ крⷭ҇то́мъ, погрꙋжа́етъ є҆го̀ пра́вѡ, низводѧ̀ въ во́дꙋ и҆ возводѧ̀, держа̀ є҆го̀ ѻ҆бѣ́ма рꙋка́ма, поѧ̀ настоѧ́щїй тропа́рь, во гла́съ пе́рвый:"
|
|
},
|
|
{
|
|
"type": "TEXT",
|
|
"value": "В о і҆ѻрда́нѣ кр҃ща́ющꙋсѧ тебѣ̀, гдⷭ҇и, / трⷪ҇ческое ꙗ҆ви́сѧ поклоне́нїе: / роди́телевъ бо гла́съ свидѣ́тельствоваше тебѣ̀, / возлю́бленнаго тѧ̀ сн҃а и҆менꙋ́ѧ, / и҆ дх҃ъ въ ви́дѣ голꙋби́нѣ, / и҆звѣ́ствоваше словесѐ ᲂу҆твержде́нїе. / ꙗ҆вле́йсѧ хрⷭ҇тѐ бж҃е / и҆ мі́ръ просвѣще́й, сла́ва тебѣ̀."
|
|
},
|
|
{
|
|
"type": "TEXT",
|
|
"value": "И҆ въ дрꙋгі́й та́кожде крⷭ҇то́мъ зна́менꙋетъ во́дꙋ, и҆ въ тре́тїй та́кожде, то́йже тропа́рь поѧ̀ са́мъ настоѧ́тель, спою́щымъ є҆мꙋ̀ и҆ про́чымъ сщ҃е́нникѡмъ: та́же пою́тъ и҆ ли́ки то́йжде тропа́рь. Настоѧ́тель же, взе́мь сщ҃е́ннꙋю во́дꙋ на блю́до, и҆ ѡ҆братѧ́сѧ на за́падъ лице́мъ, въ лѣ́вой рꙋцѣ̀ держа̀ чⷭ҇тны́й крⷭ҇тъ, а҆ въ пра́вой васїлькѝ, кропи́тъ крⷭ҇тоѻбра́знѡ на всѧ̑ страны̑. И҆ прихо́дѧтъ пре́жде къ настоѧ́телю сщ҃е́нницы, два̀ два̀, и҆ цѣлꙋ́ютъ чⷭ҇тны́й крⷭ҇тъ, и҆ зна́менꙋетъ и҆̀хъ васїлько́мъ по лицꙋ̀ со сщ҃е́нною водо́ю крⷭ҇тоѻбра́знѡ: по томꙋ́же чи́нꙋ и҆ всѧ̑ бра́тїѧ. Пое́тсѧ же тогда̀ тропа́рь ѿ всѣ́хъ мно́гажды, до́ндеже ѡ҆свѧтѧ́тсѧ всѧ̑ бра́тїѧ водны́мъ кропле́нїемъ и҆ причаще́нїемъ."
|
|
},
|
|
{
|
|
"type": "HEADER",
|
|
"value": "И҆ а҆́бїе вхо́димъ во хра́мъ и҆ пое́мъ стїхи́рꙋ. Сла́ва, и҆ ны́нѣ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "В оспои́мъ, вѣ́рнїи, / є҆́же ѡ҆ на́съ бж҃їѧ бл҃годѣѧ́нїѧ вели́чество: / ѡ҆ на́шемъ бо прегрѣше́нїи бы́въ человѣ́къ, / на́шимъ ѡ҆чище́нїемъ ѡ҆чища́етсѧ во і҆ѻрда́нѣ, / є҆ди́нъ чи́стый и҆ нетлѣ́нный, / ѡ҆сщ҃а́ѧй менѐ и҆ во́ды, / и҆ главы̑ ѕмїє́въ сокрꙋша́ѧй въ водѣ̀. / почерпе́мъ ᲂу҆́бѡ во́дꙋ съ весе́лїемъ, бра́тїе: / бл҃года́ть бо дх҃а вѣ́рнѡ почерпа́ющымъ / неви́димѡ подава́етсѧ ѿ хрⷭ҇та̀ бг҃а / и҆ сп҃са дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Та́же: Бꙋ́ди и҆́мѧ гдⷭ҇не бл҃гослове́но ѿ ны́нѣ и҆ до вѣ́ка. Три́жды. И҆ ѱало́мъ л҃г: Бл҃гословлю̀ гдⷭ҇а на всѧ́кое вре́мѧ: И҆ дае́тсѧ а҆нті́дѡръ ѿ і҆ере́а: и҆ ѿпꙋ́стъ. По ѿпꙋ́стѣ, и҆лѝ є҆́сть лїтꙋргі́а, и҆лѝ нѣ́сть, поставлѧ́етсѧ свѣ́щникъ средѝ це́ркве, кли́рїцы же, ста́вше ѻ҆́ба ли̑ка вкꙋ́пѣ, пою́тъ тропа́рь пра́здника. Сла́ва, и҆ ны́нѣ, конда́къ. По сконча́нїи же кондака̀ многолѣ̑тны, ꙗ҆́коже ѻ҆бы́чнѡ. И҆ вхо́димъ въ трапе́зꙋ, и҆ ꙗ҆ди́мъ съ древѧнома́слїемъ: и҆спива́емъ же и҆ вїна̀. Сы́ра же и҆ подо́бныхъ є҆мꙋ̀, и҆ ры́бъ ника́коже де́рзнемъ ꙗ҆́сти: возбране́но бо є҆́сть бжⷭ҇твенными пра̑вилы."
|
|
},
|
|
{
|
|
"type": "TEXT",
|
|
"value": "Си́це быва́етъ слꙋ́жба, по́стномꙋ дню̀ сꙋ́щꙋ, въ на́вечерїи просвѣще́нїѧ."
|
|
},
|
|
{
|
|
"type": "TEXT",
|
|
"value": "[Зрѝ] И҆звѣ́стно же бꙋ́ди всѣ̑мъ ѡ҆ ст҃ѣ́й водѣ̀. Ꙗ҆́кѡ нѣ́цыи сꙋ́ть ѿлꙋча́юще себѐ ѿ ст҃ы́ѧ воды̀ вкꙋше́нїѧ ра́ди, не до́брѣ творѧ́тъ: и҆́бо бл҃года́ти ра́ди бж҃їѧ дана̀ бы́сть на ѡ҆свѧще́нїе мі́рꙋ, и҆ все́й тва́ри. Тѣ́мже ко всѧ́кихъ мѣ́стѣхъ и҆ ска́редныхъ, и҆ всю́дꙋ кропи́тсѧ, ꙗ҆̀же и҆ подъ нога́ми на́шими сꙋ́ть: и҆ гдѣ̀ си́хъ ра́зꙋмъ, є҆́же не пи́ти сеѧ̀, но да вѣ́си, ꙗ҆́кѡ не вкꙋше́нїѧ ра́ди ꙗ҆́стїѧ нечистота̀ въ на́съ є҆́сть, но ѿ скве́рныхъ дѣ́лъ на́шихъ: ѡ҆чище́ни же ѿ си́хъ, пїе́мъ без̾ сомнѣ́нїѧ сїю̀ ст҃ꙋ́ю во́дꙋ."
|
|
},
|
|
{
|
|
"type": "TEXT",
|
|
"value": "Ѡ҆ се́й водѣ̀ нбⷭ҇наѧ ѻ҆́на слове́снаѧ ла́стовица, златослове́сный вселе́нскїй ᲂу҆чи́тель і҆ѡа́ннъ, кѡнстантїногра́да патрїа́рхъ, въ сло́вѣ свое́мъ, ѡ҆ є҆́же сходи́тисѧ хрⷭ҇тїа́нѡмъ во ст҃ꙋ́ю бж҃їю це́рковь, и҆ ѡ҆ креще́нїи, є҆гѡ́же нача́ло: Всѝ вы̀ въ благодꙋ́шїи є҆стѐ дне́сь, а҆́зъ же въ печа́ли є҆ди́нъ болѣ́знꙋю: свидѣ́тельствꙋетъ глаго́лѧ: но ᲂу҆́бѡ чесѡ̀ ра́ди не де́нь, въ ѻ҆́ньже роди́сѧ, но де́нь, въ ѻ҆́ньже крⷭ҇ти́сѧ, ꙗ҆вле́нїе глаго́летсѧ, сі́й бо є҆́сть де́нь, въ ѻ҆́ньже крⷭ҇ти́сѧ и҆ во́дъ ѡ҆свѧтѝ є҆стество̀."
|
|
},
|
|
{
|
|
"type": "TEXT",
|
|
"value": "Сегѡ̀ ра́ди и҆ въ полꙋ́нощи на пра́здникъ се́й, всѝ поче́рпше въ до́мы во́дꙋ ѿно́сѧтъ, и҆ соблюда́ютъ, и҆ чрез̾ лѣ́то всецѣ́лое хранѧ́тъ. Поне́же де́нь ѡ҆сщ҃е́нныхъ во́дъ: и҆ зна́менїе быва́етъ ꙗ҆́вственное, не растлѣва́ющꙋсѧ во́дъ ѻ҆́ныхъ є҆стествꙋ̀ долгото́ю вре́мене: но на лѣ́то всецѣ́лое, и҆ два̀, и҆ трѝ мно́гащи лѣ̑та, дне́сь поче́рпненной водѣ̀ цѣ́лой и҆ но́вой пребыва́ющей, и҆ по толи́цѣмъ вре́мени ны́нѣ ѿ и҆сто́чникѡвъ є҆́млємымъ вода́мъ сравнѧ́ющейсѧ."
|
|
},
|
|
{
|
|
"type": "TEXT",
|
|
"value": "Подоба́етъ и҆ сїѐ вѣ́дати:"
|
|
},
|
|
{
|
|
"type": "TEXT",
|
|
"value": "[Зрѝ] Ꙗ҆́кѡ а҆́ще слꙋчи́тсѧ на́вечерїе ст҃а́гѡ бг҃оѧвле́нїѧ въ сꙋббѡ́тꙋ, и҆лѝ недѣ́лю, по́стъ не быва́етъ. Лїтꙋргі́а же быва́етъ златоꙋ́стагѡ, во своѐ вре́мѧ по ѻ҆бы́чаю, ꙗ҆́коже и҆ всегда̀."
|
|
},
|
|
{
|
|
"type": "TEXT",
|
|
"value": "[Зрѝ] Вѣ́дати подоба́етъ, ꙗ҆́кѡ пра́здникъ ст҃ы́хъ бг҃оѧвле́нїй, въ кі́йлибо де́нь слꙋчи́тсѧ, пое́мъ повече́рїе вели́кое си́це:"
|
|
},
|
|
{
|
|
"type": "TEXT",
|
|
"value": "Ѡ҆ часѣ̀ і҃-мъ но́щи быва́етъ бла́говѣстъ, и҆ пото́мъ трезво́нъ во всѧ̑ кампа́ны. І҆ере́й же со дїа́кономъ ѡ҆бле́кшесѧ творѧ́тъ нача́ло, ꙗ҆́коже во всѧ̑ пра́здники влⷣчни. Дїа́конъ глаго́летъ: Благословѝ, влⷣко. І҆ере́й: Благослове́нъ бг҃ъ на́шъ: и҆ кадѧ́щꙋ і҆ере́ю, глаго́лемъ повече́рїе вели́кое ѿ нача́ла: Сла́ва тебѣ̀, бж҃е на́шъ, сла́ва тебѣ̀. Ц р҃ю̀ нбⷭ҇ный: Трист҃о́е, и҆ прѡ́чаѧ. Съ на́ми бг҃ъ: пое́мъ съ пѣ́нїемъ. И҆ вмѣ́стѡ тропаре́й ѻ҆бы́чныхъ, Просвѣтѝ ѻ҆́чи моѝ: глаго́лемъ тропа́рь пра́здника. и҆ вмѣ́стѡ, Поми́лꙋй на́съ, гдⷭ҇и, поми́лꙋй на́съ: глаго́лемъ конда́къ пра́здника. По Сла́ва въ вы́шнихъ, быва́етъ лїті́а по ѻ҆бы́чаю."
|
|
},
|
|
{
|
|
"type": "HEADER",
|
|
"value": "И҆ пое́мъ на лїті́и стїхи̑ры самогла́сны, гла́съ д҃. Космы̀ мона́ха:"
|
|
},
|
|
{
|
|
"type": "TEXT",
|
|
"value": "Ѡ҆ дѣва́ѧйсѧ свѣ́томъ, ꙗ҆́кѡ ри́зою, / на́съ ра́ди по на́мъ бы́ти сподо́билсѧ є҆́сть, / во стрꙋи̑ ѡ҆дѣва́етсѧ дне́сь і҆ѻрда̑нскїѧ: / не са́мъ си́хъ ко ѡ҆чище́нїю тре́бꙋѧ, / но на́мъ собо́ю ᲂу҆строѧ́ѧй порожде́нїе. / ѽ чꙋдесѐ! / безъ ѻ҆гнѧ̀ и҆зварѧ́етъ, / и҆ назида́етъ безъ сокрꙋше́нїѧ, / и҆ спаса́етъ въ него̀ просвѣща́ємыѧ, / хрⷭ҇то́съ бг҃ъ и҆ сп҃съ дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Т ебѐ въ дс҃ѣ и҆ ѻ҆гнѝ ѡ҆чища́юща грѣ́хъ мі́ра / зрѧ̀ крⷭ҇ти́тель грѧдꙋ́ща къ себѣ̀, / ᲂу҆жаса́ѧсѧ и҆ трепе́ща, вопїѧ́ше, глаго́лѧ: / не смѣ́ю держа́ти ве́рхъ тво́й пречⷭ҇тый, / ты́ мѧ ѡ҆свѧтѝ, влⷣко, / бжⷭ҇твеннымъ ꙗ҆вле́нїемъ твои́мъ, / є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "П рїиди́те, подража́имъ мꙋ́дрыѧ дѣ̑вы, / прїиди́те, срѧ́щимъ ꙗ҆́вльшагосѧ влⷣкꙋ: / ꙗ҆́кѡ прїи́де, ꙗ҆́кѡ жени́хъ ко і҆ѡа́ннꙋ. / і҆ѻрда́нъ ви́дѣвъ тѧ̀ ᲂу҆боѧ́сѧ и҆ пожда̀. / і҆ѡа́ннъ вопїѧ́ше: / не смѣ́ю держа́ти верха̀ безсме́ртнагѡ. / дх҃ъ низхожда́ше въ ви́дѣ голꙋби́нѣ ѡ҆свѧти́ти во́ды, / и҆ гла́съ съ нб҃сѐ: / се́й є҆́сть сн҃ъ мо́й, / прише́дый въ мі́ръ спастѝ ро́дъ человѣ́ческїй, / гдⷭ҇и, сла́ва тебѣ̀."
|
|
},
|
|
{
|
|
"type": "TEXT",
|
|
"value": "К реща́етсѧ хрⷭ҇то́съ, и҆ восхо́дитъ ѿ воды̀, / совозво́дитъ бо съ собо́ю мі́ръ, / и҆ зри́тъ разводѧ̑щаѧсѧ нб҃са̀, / ꙗ҆̀же а҆да́мъ затворѝ себѣ̀ и҆ сꙋ́щымъ съ ни́мъ. / и҆ дх҃ъ свидѣ́тельствꙋетъ бжⷭ҇тво̀, / подо́бномꙋ бо предти́четъ и҆ гла́съ ѡ҆ нб҃сѐ: / ѿтꙋ́дꙋ бо свидѣ́тельствꙋемый сп҃съ дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Т репета́ше рꙋка̀ крⷭ҇ти́телева, / є҆гда̀ пречⷭ҇томꙋ твоемꙋ̀ верхꙋ̀ коснꙋ́сѧ: / возврати́сѧ і҆ѻрда́нъ рѣка̀ вспѧ́ть, / не дерза́ѧ слꙋжи́ти тебѣ̀. / ꙗ҆́же бо ᲂу҆стыдѣ́сѧ і҆исꙋ́са наѵи́на, / ка́кѡ творца̀ своегѡ̀ ᲂу҆страши́тисѧ не и҆мѧ́ше; / но всѐ и҆спо́лнилъ є҆сѝ смотре́нїеⷱ҇ сп҃се на́шъ, / да спасе́ши мі́ръ ꙗ҆вле́нїемъ твои́мъ, / є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Сла́ва, гла́съ и҃. І҆ѡа́нна мона́ха: Гдⷭ҇и, и҆спо́лнити хотѧ̀, / ꙗ҆̀же ᲂу҆ста́вилъ є҆сѝ ѿ вѣ́ка, / ѿ всеѧ̀ тва́ри слꙋжи́тели та́йны твоеѧ̀ прїѧ́лъ є҆сѝ: / ѿ а҆́гг҃лъ гаврїи́ла, ѿ человѣ̑къ дв҃ꙋ, / ѿ нб҃съ ѕвѣздꙋ̀, и҆ ѿ во́дъ і҆ѻрда́нъ, / въ не́мже беззако́нїе мїрско́е потреби́лъ є҆сѝ, / сп҃се на́шъ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "И҆ ны́нѣ, гла́съ то́йже. А҆нато́лїево: Дне́сь тва́рь просвѣща́етсѧ, / дне́сь всѧ́чєскаѧ веселѧ́тсѧ, / нбⷭ҇наѧ вкꙋ́пѣ и҆ земна̑ѧ, / а҆́гг҃ли и҆ человѣ́цы смѣша́ютсѧ: / и҆дѣ́же бо цр҃е́во прише́ствїе, и҆ чи́нъ прихо́дитъ. / теце́мъ ᲂу҆̀бо на і҆ѻрда́нъ, / и҆ ви́димъ всѝ і҆ѡа́нна, / ка́кѡ креща́етъ ве́рхъ нерꙋкотворе́нный и҆ безгрѣ́шный; / тѣ́мже а҆пⷭ҇льскїй гла́съ припѣва́юще, согла́снѡ возопїе́мъ: / ꙗ҆ви́сѧ бл҃года́ть бж҃їѧ спаси́тельнаѧ всѣ̑мъ человѣ́кѡмъ, / ѡ҆зарѧ́ющи и҆ подаю́щи вѣ̑рнымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры самогла̑сны, гла́съ в҃. А҆нато́лїево:"
|
|
},
|
|
{
|
|
"type": "TEXT",
|
|
"value": "Н а і҆ѻрда́нстѣй рѣцѣ̀ / ви́дѣвъ тѧ̀ і҆ѡа́ннъ къ себѣ̀ грѧдꙋ́ща, глаго́лаше: / хрⷭ҇тѐ бж҃е, что̀ къ рабꙋ̀ прише́лъ є҆сѝ, / скве́рны не и҆мы́й, гдⷭ҇и, / во и҆́мѧ же чїе́ тѧ крещꙋ̀; / ѻ҆ц҃а̀; но того̀ но́сиши въ себѣ̀. / сн҃а; но са́мъ є҆сѝ воплоти́выйсѧ. / дх҃а ст҃а́гѡ; / и҆ сего̀ вѣ́си даѧ́ти вѣ̑рнымъ ᲂу҆сты̀: / ꙗ҆вле́йсѧ бж҃е, поми́лꙋй на́съ."
|
|
},
|
|
{
|
|
"type": "TEXT",
|
|
"value": "Сті́хъ: Мо́ре ви́дѣ и҆ побѣжѐ, / і҆ѻрда́нъ возврати́сѧ вспѧ́ть."
|
|
},
|
|
{
|
|
"type": "TEXT",
|
|
"value": "В и́дѣша тѧ̀ во́ды, бж҃е, / ви́дѣша тѧ̀ во́ды, и҆ ᲂу҆боѧ́шасѧ: / къ твое́й бо сла́вѣ противозрѣ́ти херꙋві́ми не мо́гꙋтъ, / нижѐ взира́ти серафі́ми, / но со стра́хомъ предстоѧ́ще, / ѻ҆́вїи ᲂу҆́бѡ но́сѧтъ, / ѻ҆́вїи же сла́вѧтъ си́лꙋ твою̀. / съ ни́миже, ще́дре, возвѣща́емъ хвалꙋ̀ твою̀, глаго́люще: / ꙗ҆вле́йсѧ бж҃е, поми́лꙋй на́съ."
|
|
},
|
|
{
|
|
"type": "TEXT",
|
|
"value": "Сті́хъ: Что́ ти є҆́сть, мо́ре, ꙗ҆́кѡ побѣ́гло є҆сѝ, / и҆ тебѣ̀, і҆ѻрда́не, ꙗ҆́кѡ возврати́лсѧ є҆сѝ вспѧ́ть;"
|
|
},
|
|
{
|
|
"type": "TEXT",
|
|
"value": "Д не́сь нб҃сѐ и҆ землѝ творе́цъ / прихо́дитъ пло́тїю на і҆ѻрда́нъ, / креще́нїѧ просѧ̀ безгрѣ́шный, / да ѡ҆чи́ститъ мі́ръ ѿ ле́сти вра́жїѧ, / и҆ креща́етсѧ ѿ раба̀ влⷣка всѧ́ческихъ, / и҆ ѡ҆чище́нїе водо́ю ро́дꙋ человѣ́ческомꙋ да́рꙋетъ. / томꙋ̀ возопїе́мъ: / ꙗ҆вле́йсѧ бж҃е на́шъ, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ ѕ҃. Ѳеофа́ново:"
|
|
},
|
|
{
|
|
"type": "TEXT",
|
|
"value": "Є҆́ же ѿ дв҃ы сл҃нце, / ви́дѧ, и҆́же ѿ непло́дове, свѣти́льникъ свѣ́тлый / во і҆ѻрда́нѣ просѧ́ща креще́нїѧ, / ᲂу҆́жасомъ и҆ ра́достїю вопїѧ́ше къ немꙋ̀: / ты́ мѧ ѡ҆свѧтѝ, влⷣко, / бж҃е́ственнымъ ꙗ҆вле́нїемъ твои́мъ."
|
|
},
|
|
{
|
|
"type": "TEXT",
|
|
"value": "Та́же, Ны́нѣ ѿпꙋща́еши: Трист҃о́е. По Ѻ҆́ч҃е на́шъ:"
|
|
},
|
|
{
|
|
"type": "HEADER",
|
|
"value": "Тропа́рь пра́здника, гла́съ а҃:"
|
|
},
|
|
{
|
|
"type": "TEXT",
|
|
"value": "В о і҆ѻрда́нѣ кр҃ща́ющꙋсѧ тебѣ̀, гдⷭ҇и, / трⷪ҇ческое ꙗ҆ви́сѧ поклоне́нїе: / роди́телевъ бо гла́съ свидѣ́тельствоваше тебѣ̀, / возлю́бленнаго тѧ̀ сн҃а и҆менꙋ́ѧ, / и҆ дх҃ъ въ ви́дѣ голꙋби́нѣ, / и҆звѣ́ствоваше словесѐ ᲂу҆твержде́нїе. / ꙗ҆вле́йсѧ хрⷭ҇тѐ бж҃е / и҆ мі́ръ просвѣще́й, сла́ва тебѣ̀. [Три́жды.]"
|
|
},
|
|
{
|
|
"type": "TEXT",
|
|
"value": "И҆ бл҃гослове́нїе хлѣ́бѡвъ по ѻ҆бы́чаю. Та́же, Бꙋ́ди и҆́мѧ гдⷭ҇не: три́жды. И҆ ѱало́мъ: Бл҃гословлю̀ гдⷭ҇а на всѧ́кое вре́мѧ: До Не лиша́тсѧ всѧ́кагѡ бла́га. И҆ чте́нїе пра́здника."
|
|
},
|
|
{
|
|
"type": "HEADER",
|
|
"value": "На ᲂу҆́трени."
|
|
},
|
|
{
|
|
"type": "HEADER",
|
|
"value": "По шестоѱа́лмїи, на Бг҃ъ гдⷭ҇ь, тропа́рь пра́здника, гла́съ а҃:"
|
|
},
|
|
{
|
|
"type": "TEXT",
|
|
"value": "В о і҆ѻрда́нѣ кр҃ща́ющꙋсѧ тебѣ̀, гдⷭ҇и, / трⷪ҇ческое ꙗ҆ви́сѧ поклоне́нїе: / роди́телевъ бо гла́съ свидѣ́тельствоваше тебѣ̀, / возлю́бленнаго тѧ̀ сн҃а и҆менꙋ́ѧ, / и҆ дх҃ъ въ ви́дѣ голꙋби́нѣ, / и҆звѣ́ствоваше словесѐ ᲂу҆твержде́нїе. / ꙗ҆вле́йсѧ хрⷭ҇тѐ бж҃е / и҆ мі́ръ просвѣще́й, сла́ва тебѣ̀. [Три́жды.]"
|
|
},
|
|
{
|
|
"type": "TEXT",
|
|
"value": "И҆ ѻ҆бы̑чныѧ стїхолѡ́гїи."
|
|
},
|
|
{
|
|
"type": "HEADER",
|
|
"value": "По а҃-й стїхоло́гїи сѣда́ленъ, гла́съ г҃. Подо́бенъ: Красотѣ̀:"
|
|
},
|
|
{
|
|
"type": "TEXT",
|
|
"value": "Ꙗ҆́ вльшꙋсѧ тебѣ̀ во і҆ѻрда́нѣ, сп҃се, / и҆ кре́щшꙋсѧ тебѣ̀ ѿ предте́чи, хрⷭ҇тѐ, / возлю́бленный сн҃ъ свидѣ́тельствованъ бы́лъ є҆сѝ: / тѣ́мже и҆ собезнача́ленъ ѻ҆ц҃ꙋ̀ ꙗ҆ви́лсѧ є҆сѝ, / дх҃ъ же ст҃ы́й на тѧ̀ схожда́ше, / и҆́мже и҆ просвѣти́вшесѧ вопїе́мъ: / сла́ва бг҃ꙋ, сꙋ́щемꙋ въ трⷪ҇цѣ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ д҃. Подо́бенъ: Ско́рѡ предварѝ:"
|
|
},
|
|
{
|
|
"type": "TEXT",
|
|
"value": "С трꙋи̑ ѡ҆свѧти́лъ є҆сѝ і҆ѻрда̑нскїѧ, / держа́вꙋ сокрꙋши́лъ є҆сѝ грѣхо́внꙋю, хрⷭ҇тѐ бж҃е на́шъ: / преклони́лъ є҆сѝ себѣ̀ дла́ни предте́чевѣ, / и҆ спа́слъ є҆сѝ ѿ ле́сти человѣ́ческїй ро́дъ. / тѣ́мже тѧ̀ мо́лимъ: / спасѝ дꙋ́шы на̑ша."
|
|
},
|
|
{
|
|
"type": "TEXT",
|
|
"value": "И҆ чте́нїе пра́здника."
|
|
},
|
|
{
|
|
"type": "HEADER",
|
|
"value": "По в҃ стїхоло́гїи сѣда́ленъ, гла́съ є҃. Подо́бенъ: Собезнача́льное сло́во:"
|
|
},
|
|
{
|
|
"type": "TEXT",
|
|
"value": "І҆ ѻрда́нскими стрꙋѧ́ми ѡ҆бло́жсѧ, / и҆́же свѣ́томъ пресла́внѡ ѡ҆дѣва́ѧйсѧ, / въ ни́хже а҆да́мово є҆стество̀ ѡ҆бнови́лъ є҆сѝ, / сокрꙋ́шшеесѧ ѕлы́мъ преслꙋша́нїемъ, сло́ве бж҃їй. / тѣ́мже тѧ̀ восхвалѧ́емъ, и҆ ст҃о́е твоѐ всѝ славосло́вимъ ꙗ҆вле́нїе."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ д҃. Подо́бенъ: Оу҆диви́сѧ і҆ѡ́сифъ:"
|
|
},
|
|
{
|
|
"type": "TEXT",
|
|
"value": "І҆ ѻрда́не рѣко̀, / что̀ ᲂу҆диви́лсѧ є҆сѝ, зрѧ̀ неви́димаго на́га; / ви́дѣхъ и҆ вострепета́хъ, речѐ, / и҆ ка́кѡ бо сегѡ̀ не хотѣ́хъ ᲂу҆страши́тисѧ и҆ зайтѝ; / а҆́гг҃ли є҆го̀ ᲂу҆страши́шасѧ зрѧ́ще, / ᲂу҆жасе́сѧ нб҃о, и҆ землѧ̀ вострепета̀, / и҆ смѧте́сѧ мо́ре, и҆ всѧ̑ ви̑димаѧ и҆ неви̑димаѧ. / хрⷭ҇то́съ ꙗ҆ви́сѧ на і҆ѻрда́нѣ ѡ҆свѧти́ти во́ды."
|
|
},
|
|
{
|
|
"type": "TEXT",
|
|
"value": "И҆ чте́нїе пра́здника."
|
|
},
|
|
{
|
|
"type": "HEADER",
|
|
"value": "Полѷеле́й и҆ велича́нїе:"
|
|
},
|
|
{
|
|
"type": "TEXT",
|
|
"value": "В елича́емъ тѧ̀, / живода́вче хрⷭ҇тѐ, / на́съ ра́ди ны́нѣ пло́тїю крⷭ҇ти́вшагосѧ / ѿ і҆ѡа́нна / въ вода́хъ і҆ѻрда́нскихъ."
|
|
},
|
|
{
|
|
"type": "HEADER",
|
|
"value": "Ѱало́мъ и҆збра́нный:"
|
|
},
|
|
{
|
|
"type": "TEXT",
|
|
"value": "а҃ Бж҃е, ᲂу҆ще́дри ны̀, и҆ бл҃гослови́ ны. в҃ Просвѣтѝ лицѐ твоѐ на ны̀ и҆ поми́лꙋй ны̀. а҃ Пристꙋпи́те къ немꙋ̀, и҆ просвѣти́тесѧ. в҃ И҆ ли́ца ва̑ша не постыдѧ́тсѧ. а҃ Рѣ̑чнаѧ ᲂу҆стремлє́нїѧ веселѧ́тъ гра́дъ бж҃їй. в҃ Гла́съ гдⷭ҇нь на вода́хъ: а҃ Гдⷭ҇ь на вода́хъ мно́гихъ. в҃ Взѧ́ша рѣ́ки гдⷭ҇и, взѧ́ша рѣ́ки гла́сы своѧ̑. а҃ Ѿ гла́сѡвъ во́дъ мно́гихъ. в҃ Сегѡ̀ ра́ди помѧнꙋ́хъ тѧ̀ ѿ землѝ і҆ѻрда́нски и҆ є҆рмѡнїи́мски. а҃ Ꙗ҆́кѡ ᲂу҆ тебѐ и҆сто́чникъ живота̀, во свѣ́тѣ твое́мъ ᲂу҆́зримъ свѣ́тъ. в҃ Мо́ре ви́дѣ и҆ побѣжѐ, і҆ѻрда́нъ возврати́сѧ вспѧ́ть. а҃ Ты̀ ᲂу҆тверди́лъ є҆сѝ си́лою твое́ю мо́ре. в҃ Ты̀ сте́рлъ є҆сѝ главы̑ ѕмїє́въ въ водѣ̀. а҃ Ты̀ расто́рглъ є҆сѝ и҆сто́чники и҆ пото́ки. в҃ Ви́дѣша тѧ̀ во́ды бж҃е, ви́дѣша тѧ̀ во́ды, и҆ ᲂу҆боѧ́шасѧ. а҃ Въ мо́ри пꙋтїѐ твоѝ, и҆ стєзѝ твоѧ̑ въ вода́хъ мно́гихъ. в҃ Ꙗ҆́кѡ возвели́чишасѧ дѣла̀ твоѧ̑ гдⷭ҇и, всѧ̑ премꙋ́дростїю сотвори́лъ є҆сѝ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ: А҆ллилꙋ́їа, три́жды."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ д҃. Подо́бенъ: Оу҆диви́сѧ і҆ѡ́сифъ:"
|
|
},
|
|
{
|
|
"type": "TEXT",
|
|
"value": "П рїиди́те, ᲂу҆ви́димъ, вѣ́рнїи, гдѣ̀ крести́сѧ хрⷭ҇то́съ. / да послѣ́дꙋимъ про́чее ко і҆ѻрда́нꙋ рѣцѣ̀, / ко гла́сꙋ вопїю́щагѡ въ пꙋсты́ни, / и҆ ᲂу҆ви́димъ та́мѡ содѣ́телѧ а҆да́мова, / дла́нїю ра́бскою рꙋкополага́ема за бл҃гоꙋтро́бїе неизрече́нное, / и҆ къ немꙋ̀ велегла́снѡ возопїи́мъ: / прише́лъ є҆сѝ и҆ ꙗ҆ви́лсѧ є҆сѝ во і҆ѻрда́нѣ ѡ҆ст҃и́ти во́ды."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, то́йже, и҆ чте́нїе."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са, и҆́хже стїхѝ повторѧ́юще пое́мъ:"
|
|
},
|
|
{
|
|
"type": "TEXT",
|
|
"value": "Ѿ ю҆́ности моеѧ̀ / мно́зи бо́рютъ мѧ̀ стра̑сти, / но са́мъ мѧ̀ застꙋпѝ, / и҆ сп҃сѝ сп҃се мо́й."
|
|
},
|
|
{
|
|
"type": "TEXT",
|
|
"value": "Н енави́дѧщїи сїѡ́на, / посрами́тесѧ ѿ гдⷭ҇а, / ꙗ҆́кѡ трава́ бо ѻ҆гне́мъ / бꙋ́дете и҆зсо́хше."
|
|
},
|
|
{
|
|
"type": "TEXT",
|
|
"value": "Сла́ва: Ст҃ы́мъ дх҃омъ / всѧ́ка дꙋша̀ живи́тсѧ, / и҆ чистото́ю возвыша́етсѧ, / свѣтлѣ́етсѧ трⷪ҇ческимъ є҆ди́нствомъ сщ҃еннота́йнѣ."
|
|
},
|
|
{
|
|
"type": "TEXT",
|
|
"value": "И҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "М о́ре ви́дѣ и҆ побѣжѐ, / і҆ѻрда́нъ возврати́сѧ вспѧ́ть. Сті́хъ: Что́ ти є҆́сть, мо́ре, ꙗ҆́кѡ побѣ́гло є҆сѝ: и҆ тебѣ̀, і҆ѻрда́не, ꙗ҆́кѡ возврати́лсѧ є҆сѝ вспѧ́ть;"
|
|
},
|
|
{
|
|
"type": "TEXT",
|
|
"value": "Дрꙋгі́й прокі́менъ: Всѧ́кое дыха́нїе / да хва́литъ гдⷭ҇а. Сті́хъ: Хвали́те бг҃а во ст҃ы́хъ є҆гѡ̀, хвали́те є҆го̀ во ᲂу҆твержде́нїи си́лы є҆гѡ̀."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ ма́рка, зача́ло в҃."
|
|
},
|
|
{
|
|
"type": "TEXT",
|
|
"value": "В о вре́мѧ ѻ҆́но, прїи́де і҆и҃съ ѿ назаре́та галїле́йскагѡ, и҆ крⷭ҇ти́сѧ ѿ і҆ѡа́нна во і҆ѻрда́нѣ. и҆ а҆́бїе восходѧ̀ ѿ воды̀, ви́дѣ разводѧ́щасѧ нб҃са̀, и҆ дх҃ъ, ꙗ҆́кѡ го́лꙋбь сходѧ́щь на́нь. и҆ гла́съ бы́сть съ нб҃сѐ: ты̀ є҆сѝ сн҃ъ мо́й возлю́бленный, ѡ҆ не́мже благоволи́хъ."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀."
|
|
},
|
|
{
|
|
"type": "TEXT",
|
|
"value": "Сла́ва, гла́съ в҃: Всѧ́чєскаѧ дне́сь да возра́дꙋютсѧ, / хрⷭ҇тꙋ̀ ꙗ҆́вльшꙋсѧ во і҆ѻрда́нѣ."
|
|
},
|
|
{
|
|
"type": "TEXT",
|
|
"value": "И҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "Та́же, стїхи́ра самогла́сна, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Б г҃ъ сло́во ꙗ҆ви́сѧ пло́тїю ро́дꙋ человѣ́ческомꙋ, / стоѧ́ше крести́тисѧ во і҆ѻрда́нѣ, / и҆ глаго́лаше къ немꙋ̀ предте́ча: / ка́кѡ прострꙋ̀ рꙋ́кꙋ, и҆ прикоснꙋ́сѧ верхꙋ̀ держа́щагѡ всѧ́чєскаѧ; / а҆́ще и҆ ѿ мр҃і́и є҆сѝ младе́нецъ, / но вѣ́мъ тѧ̀ бг҃а превѣ́чнаго: / по землѝ хо́диши пѣва́емый ѿ серафі̑мъ, / и҆ ра́бъ влⷣкꙋ кр҃ща́ти не наꙋчи́хсѧ. / непостижи́ме гдⷭ҇и, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Канѡ́ны два̀: і҆рмосы̀ ѻ҆бою̀ канѡ́нѡвъ по два́жды, тропарѝ на в҃і: послѣди́ же пе́рвый ли́къ пе́рвагѡ канѡ́на і҆рмо́съ: вторы́й ли́къ в҃-гѡ канѡ́на і҆рмо́съ."
|
|
},
|
|
{
|
|
"type": "HEADER",
|
|
"value": "Канѡ́нъ пе́рвый, творе́нїе кѵ́ръ космы̀ мона́ха, є҆гѡ́же краегране́сїе: Креще́нїе ѡ҆чище́нїе земноро́дныхъ грѣхѡ́въ. Гла́съ в҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Глꙋбины̀ ѿкры́лъ є҆́сть дно̀, / и҆ сꙋ́шею своѧ̑ влече́тъ, / въ не́й покры́въ проти̑вныѧ, / крѣ́пкїй во бра́нѣхъ гдⷭ҇ь, / ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "А҆ да́ма и҆стлѣ́вшаго ѡ҆бновлѧ́етъ стрꙋѧ́ми і҆ѻрда́нскими, / и҆ ѕмїє́въ главы̑ гнѣздѧ́щихсѧ сокрꙋша́етъ цр҃ь вѣкѡ́въ гдⷭ҇ь, / ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Ѻ҆ гне́мъ бж҃ества̀ невеще́ственнымъ, / въ пло́ть веще́ственнꙋ ѡ҆дѣ́ѧвсѧ, і҆ѻрда́нскою ѡ҆блага́етсѧ водо́ю, / воплоще́йсѧ ѿ дв҃ы гдⷭ҇ь, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "С кве́рнꙋ ѡ҆мыва́ѧй человѣ́кѡвъ, си́мъ ѡ҆чи́щсѧ во і҆ѻрда́нѣ, / и҆̀мже восхотѣ́въ ᲂу҆подо́бисѧ, є҆́же бѣ̀ пребы́въ, / сꙋ́щыѧ во тмѣ̀ просвѣща́ѧй гдⷭ҇ь, ꙗ҆́кѡ просла́висѧ."
|
|
},
|
|
{
|
|
"type": "HEADER",
|
|
"value": "И҆́нъ канѡ́нъ, творе́нїе і҆ѡа́нна дамаскина̀. Гла́съ в҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ше́ствꙋетъ морскꙋ́ю волнѧ́щꙋюсѧ бꙋ́рю, / сꙋ́шꙋ а҆́бїе і҆и҃ль ꙗ҆́вльшꙋюсѧ: / чермны́й же по́нтъ трїста́ты є҆гѵ́пєтскїѧ покры̀ кꙋ́пнѡ, / водостла́ненъ гро́бъ, / си́лою крѣ́пкою десни́цы влⷣчни."
|
|
},
|
|
{
|
|
"type": "TEXT",
|
|
"value": "Оу҆́ трꙋ ꙗ҆́вльшꙋсѧ человѣ́кѡмъ свѣтоно́снꙋ, / ны́нѣ и҆зъ пꙋсты́ни къ вода́мъ і҆ѻрда̑нскимъ, цр҃ю̀ преклони́лъ є҆сѝ со́лнца твою̀ вы́ю, / ли́ка мра́чна родонача́льника и҆схи́тити, / скве́рны же всѧ́кїѧ ѡ҆чи́стити тва́рь."
|
|
},
|
|
{
|
|
"type": "TEXT",
|
|
"value": "Б езнача́льне, стрꙋѧ́мъ спогре́бшасѧ тебѣ̀, сло́ве, / но́ваго прево́диши, и҆стлѣ́вшаго ле́стїю: / сегѡ̀ несказа́нны ѿ ѻ҆ц҃а̀ прїе́мъ гла́съ держа́венъ: / се́й возлю́бленный, ра́венъ же мнѣ̀ ѻ҆́трокъ є҆стество́мъ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Крѣ́пость даѧ́й царє́мъ на́шымъ гдⷭ҇ь / и҆ ро́гъ пома́занныхъ свои́хъ возносѧ́й / ѿ дв҃ы ражда́етсѧ, грѧде́тъ же ко креще́нїю. / томꙋ̀ вѣ́рнїи возопїе́мъ: / нѣ́сть ст҃ъ, ꙗ҆́кѡ бг҃ъ на́шъ."
|
|
},
|
|
{
|
|
"type": "TEXT",
|
|
"value": "Н епло́днаѧ дре́вле и҆ безча́днаѧ лю́тѣ дне́сь весели́сѧ хрⷭ҇то́ва цр҃ковь: / водо́ю бо и҆ дх҃омъ сы́нове тебѣ̀ роди́шасѧ, вѣ́рою взыва́юще: / нѣ́сть ст҃ъ, ꙗ҆́коже бг҃ъ на́шъ."
|
|
},
|
|
{
|
|
"type": "TEXT",
|
|
"value": "В е́лїимъ гла́сомъ въ пꙋсты́ни вопїе́тъ прⷣте́ча: / хрⷭ҇тꙋ̀ ᲂу҆гото́вайте пꙋти̑, / и҆ стєзѝ бг҃ꙋ на́шемꙋ пра̑вы содѣ́лайте, вѣ́рою взыва́юще: / нѣ́сть ст҃ъ, ꙗ҆́коже бг҃ъ на́шъ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Є҆ли́цы дре́внихъ и҆зрѣши́хомсѧ сѣ́тей, / бра́шенъ львѡ́въ сотре́нныхъ члено́вными, / ра́дꙋимсѧ и҆ разшири́мъ ᲂу҆ста̀, сло́во плетꙋ́ще ѿ слове́съ сладкопѣ́нїѧ, / и҆́мже къ на́мъ наслажда́етсѧ дарова́нїй."
|
|
},
|
|
{
|
|
"type": "TEXT",
|
|
"value": "Оу҆ мерщвле́нїе пе́рвѣе насади́вый тва́ри / ѕвѣ́рѧ ѕлодѣ́йственнагѡ воѡбра́жсѧ въ є҆стество̀, ѡ҆мрача́етсѧ плотски́мъ прише́ствїемъ: / ᲂу҆́трꙋ ꙗ҆́вльшꙋсѧ прирази́всѧ влⷣцѣ, сокрꙋши́ти свою̀ вражде́бнꙋю главꙋ̀."
|
|
},
|
|
{
|
|
"type": "TEXT",
|
|
"value": "В лече́тъ къ себѣ̀ бг҃озда́нное є҆стество̀, ᲂу҆трѡ́бы мꙋчи́телѧ, погребе́нное предѣ́лы: / ражда́етсѧ па́ки земноро́дныхъ ѡ҆бновле́нїе, / дѣ́ло держа́вно соверша́ѧ влⷣка: / прїи́де бо, то́е ѡ҆чи́стити хотѧ̀."
|
|
},
|
|
{
|
|
"type": "HEADER",
|
|
"value": "Ѵ҆пакоѝ, гла́съ є҃:"
|
|
},
|
|
{
|
|
"type": "TEXT",
|
|
"value": "Є҆ гда̀ ꙗ҆вле́нїемъ твои́мъ просвѣти́лъ є҆сѝ всѧ́чєскаѧ, / тогда̀ сла́ное невѣ́рїѧ мо́ре побѣжѐ, / и҆ і҆ѻрда́нъ, до́лѣ текі́й, возврати́сѧ, / къ нб҃сѝ возвыша́ѧ на́съ: / но высото́ю бжⷭ҇твенныхъ за́повѣдей твои́хъ / соблюдѝ, хрⷭ҇тѐ бж҃е, мл҃твами бцⷣы, и҆ поми́лꙋй на́съ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Оу҆слы́шахъ, гдⷭ҇и, гла́съ тво́й, є҆го́же ре́клъ є҆сѝ, / гла́съ вопїю́щагѡ въ пꙋсты́ни, / ꙗ҆́кѡ возгремѣ́лъ є҆сѝ надъ вода́ми мно́гими, / твоемꙋ̀ свидѣ́тельствꙋѧй сн҃ꙋ, / ве́сь, бы́лъ соше́дшагѡ дх҃а, возопѝ: / ты̀ є҆сѝ хрⷭ҇то́съ, бж҃їѧ мꙋ́дрость и҆ си́ла."
|
|
},
|
|
{
|
|
"type": "TEXT",
|
|
"value": "Ѡ҆ чища́емо со́лнце кто̀ ви́дѣ, / проповѣ́дникъ вопїе́тъ, пресвѣ́тлое є҆стество́мъ; / да тебѐ вода́ми сїѧ́нїе сла́вы, ѻ҆ц҃а̀ ѻ҆́бразъ присносꙋ́щнагѡ ѡ҆мы́ю, / и҆ сѣ́но сы́й ѻ҆гню̀ прикоснꙋ́сѧ твоегѡ̀ бж҃ества̀: / ты́ бо є҆сѝ хрⷭ҇то́съ, бж҃їѧ мꙋ́дрость и҆ си́ла."
|
|
},
|
|
{
|
|
"type": "TEXT",
|
|
"value": "Ꙗ҆ вѝ бжⷭ҇твенное, є҆́же и҆мѣ̀ бл҃гоговѣ́нїе мѡѷсе́й прилꙋчи́всѧ тебѣ̀: / ꙗ҆́кѡ бо и҆зъ кꙋпины́ тѧ возгласи́вша разꙋмѣ̀, а҆́бїе ѿвратѝ лицѐ, / а҆́зъ же ка́кѡ тѧ̀ ᲂу҆ви́жꙋ ꙗ҆́снѡ; / и҆лѝ ка́кѡ рꙋ́кꙋ положꙋ̀ на тѧ̀; / ты́ бо є҆сѝ хрⷭ҇то́съ, бж҃їѧ мꙋ́дрость и҆ си́ла."
|
|
},
|
|
{
|
|
"type": "TEXT",
|
|
"value": "Д ꙋше́вное соверша́ѧ мꙋ́дрѣ, и҆ сло́вомъ почте́ный, бездꙋ́шныхъ стыждꙋ́сѧ. / а҆́ще бо крещꙋ́ тѧ, клеве́тна мѝ є҆́сть ѻ҆гне́мъ дымѧ́щаѧсѧ гора̀, / побѣ́гшее же мо́ре на дво́е, и҆ і҆ѻрда́нъ се́й возврати́выйсѧ: / ты́ бо є҆сѝ хрⷭ҇то́съ, бж҃їѧ мꙋ́дрость и҆ си́ла."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Ѻ҆гне́мъ ѡ҆чи́щсѧ та́йнагѡ зрѣ́нїѧ, / поѧ̀ прⷪ҇ро́къ человѣ́кѡвъ новодѣ́йство, / возглаша́етъ гла́съ, дх҃омъ пле́щꙋщь, / воплоще́нїе ꙗ҆влѧ́ющь неизрече́нна сло́ва: / и҆́мже си́льныхъ держа̑вы сотро́шасѧ."
|
|
},
|
|
{
|
|
"type": "TEXT",
|
|
"value": "П о́сланъ ѿ ѻ҆ц҃а̀ всесвѣ́тлое сло́во, но́щи ѿгна́ти ѕломра́чное стремле́нїе, / и҆ и҆скорени́ти грѧде́ши человѣ́кѡвъ грѣхѝ, / сы́ны же привлещѝ твои́мъ креще́нїемъ, бл҃же, / свѣ́тлы ѿ стрꙋ́й і҆ѻрда́нскихъ."
|
|
},
|
|
{
|
|
"type": "TEXT",
|
|
"value": "С а́мое прови́дѣвъ нарече́нное сло́во, ꙗ҆́снѡ проповѣ́дникъ вопїе́тъ тва́ри: / се́й пре́жде менє̀, вторы́й пло́тїю соѻбра́зенъ, / просїѧ̀ бжⷭ҇твенною си́лою, вражде́бный на́шъ ѿѧ́ти грѣ́хъ."
|
|
},
|
|
{
|
|
"type": "TEXT",
|
|
"value": "П а́жить ᲂу҆ себє̀ животво́рнꙋ носѧ̀, ᲂу҆ловлѧ́етъ ѕмїє́въ / гнѣ́здамъ натека́ѧ мно́гими сѣтьмѝ, низлага́ѧ бг҃ъ сло́во: / запина́етъ же ᲂу҆ѧзви́вшаго всемі́рный ро́дъ, / сего̀ потре́бль, и҆збавлѧ́етъ тва́рь."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "І҆и҃съ, живота̀ нача́льникъ, / разрѣши́ти ѡ҆сꙋжде́нїе грѧде́тъ а҆да́ма первозда́ннагѡ. / ѡ҆чище́нїй же, ꙗ҆́кѡ бг҃ъ, не тре́бꙋѧ, / па́дшаго ѡ҆чища́етъ во і҆ѻрда́нѣ: / въ не́мже враждꙋ̀ ᲂу҆би́въ, / преимꙋ́щь всѧ́къ ᲂу҆́мъ ми́ръ да́рꙋетъ."
|
|
},
|
|
{
|
|
"type": "TEXT",
|
|
"value": "С ше́дшымсѧ без̾ числа̀ лю́демъ ѿ і҆ѡа́нна крести́тисѧ, са́мъ посредѣ̀ и҆́хъ ста̀. / провозгла́си же предстоѧ́щымъ: / кто̀ показа̀, непокори́вїи, гнѣ́ва ва́мъ ᲂу҆клони́тисѧ хотѧ́щагѡ бы́ти; / плоды̀ достѡ́йны хрⷭ҇тꙋ̀ сотвори́те: / предстоѧ́й бо ны́нѣ ми́ръ да́рꙋетъ."
|
|
},
|
|
{
|
|
"type": "TEXT",
|
|
"value": "Д ѣ́латель и҆ зижди́тель посредѣ̀ стоѧ́й, ꙗ҆́кѡ є҆ди́нъ всѣ́хъ сердца̀ и҆спытꙋ́етъ: / чисти́тельнꙋю же лопа́тꙋ рꙋко́ю прїе́мъ, / всемі́рное гꙋмно̀ всемꙋ́дрѣ разлꙋча́етъ, непло́дїе палѧ̀, / бл҃гоплѡ́днымъ вѣ́чный живо́тъ да́рꙋетъ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Врага̀ те́мнагѡ и҆ ѡ҆скверне́ннагѡ ꙗ҆́да ѡ҆чище́нїемъ дх҃а и҆змове́ни, / къ но́вой приста́хомъ небла́зненной стезѝ, / водѧ́щей въ непристꙋ́пнꙋю ра́дость, є҆ди́нѣмъ пристꙋ́пнꙋ, / и҆́мже бг҃ъ примири́сѧ."
|
|
},
|
|
{
|
|
"type": "TEXT",
|
|
"value": "В и́дѣвъ зижди́тель, во мра́цѣ прегрѣше́нїй плени́цами неизбѣ́жными, / є҆го́же воѡбразѝ пє́рсты, поставлѧ́етъ на ѻ҆бою̀ ра̑мꙋ воздви́гъ горѣ̀, ны́нѣ во многотекꙋ́щихъ вода́хъ ѡ҆мыва́ѧ стꙋда̀ дре́внѧгѡ, / а҆да́мова ѕла́гѡ нра́ва."
|
|
},
|
|
{
|
|
"type": "TEXT",
|
|
"value": "С о бл҃гоче́стїемъ притеце́мъ прилѣ́жнѡ ко и҆сто́чникѡмъ пречи̑стымъ, тече́нїѧ спаси́тельнагѡ. / сло́во ᲂу҆смотрѧ́юще ѿ нетлѣ́нныѧ, / почерпа̑ла приносѧ́ще жа́жди бж҃е́ственныѧ, / мі́ра сла́достнѣ и҆сцѣлѧ́ѧ недꙋ́гъ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Гла́съ словесѐ, свѣти́льникъ свѣ́та, / денни́ца сл҃нца, прⷣте́ча въ пꙋсты́ни, / пока́йтесѧ, всѣ̑мъ вопїе́тъ лю́демъ, и҆ пред̾ѡчи́ститесѧ: / се́ бо предстои́тъ хрⷭ҇то́съ, / ѿ тлѝ мі́ръ и҆збавалѧ́ѧй."
|
|
},
|
|
{
|
|
"type": "TEXT",
|
|
"value": "Р о́ждсѧ нетлѣ́ннѡ ѿ бг҃а и҆ ѻ҆ц҃а̀, / ѿ дв҃ы кромѣ̀ скве́рны воплоща́етсѧ хрⷭ҇то́съ: / є҆мꙋ́же реме́нь, ꙗ҆̀же ѿ на́съ сло́ва сочта́нїѧ, разрѣши́ти неꙋдо́бь ᲂу҆чи́тъ прⷣте́ча, / земнорѡ́дныѧ ѿ ле́сти и҆збавлѧ́ѧ."
|
|
},
|
|
{
|
|
"type": "TEXT",
|
|
"value": "Ѻ҆ гне́мъ крⷭ҇ти́тъ коне́чнымъ хрⷭ҇то́съ проти̑вныѧ, / а҆ не бг҃а мꙋ́дрствꙋющихъ є҆го̀, / дх҃омъ же ѡ҆бновлѧ́етъ водо́ю бл҃года́ти разꙋмли̑выѧ бж҃ества̀ є҆гѡ̀, / ѿ прегрѣше́нїй и҆збавлѧ́ѧ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Возжелѣ́ннаго ꙗ҆́вствова со всебл҃же́ннымъ гла́сомъ ѻ҆ц҃ъ, / є҆го́же и҆з̾ чре́ва ѿры́гнꙋ: / є҆́й, глаго́летъ, се́й соесте́ственъ сн҃ъ, / сы́й свѣтоза́ренъ, произни́че и҆з̾ человѣ́ча ро́да: / сло́во же моѐ жи́во, и҆ человѣ́къ промышле́нїемъ."
|
|
},
|
|
{
|
|
"type": "TEXT",
|
|
"value": "Ѿ глꙋби́ннагѡ льва̀, тревече́рнїй стра́ннѣ прⷪ҇ро́къ во внꙋ́треннихъ валѧ́ѧсѧ, / а҆́бїе произы́де пакибытїѧ̀ спасе́нїе, / ѿ ѕмі́ѧ человѣкоꙋбі́йцы всѣ̑мъ пред̾ѧвлѧ́ѧ въ послѣ̑днѧѧ лѣ̑та."
|
|
},
|
|
{
|
|
"type": "TEXT",
|
|
"value": "Ѿ ве́рстꙋ нб҃ꙋ всесвѣ́тлыхъ писа́нїй, ᲂу҆чени́къ зри́тъ ѿ ѻ҆ц҃а̀ посыла́емый: / пребыва́ющъ же дх҃ъ на пречи́стѣмъ сло́вѣ, / наше́дъ ꙗ҆́кѡ го́лꙋбь, неизрече́ннымъ ѻ҆́бразомъ, лю́демъ же ꙗ҆влѧ́етсѧ, прише́дшымъ ко влⷣцѣ."
|
|
},
|
|
{
|
|
"type": "HEADER",
|
|
"value": "Конда́къ, гла́съ д҃:"
|
|
},
|
|
{
|
|
"type": "TEXT",
|
|
"value": "Ꙗ҆ ви́лсѧ є҆сѝ дне́сь вселе́ннѣй, / и҆ свѣ́тъ тво́й, гдⷭ҇и, зна́менасѧ на на́съ, / въ ра́зꙋмѣ пою́щихъ тѧ̀: / прише́лъ є҆сѝ и҆ ꙗ҆ви́лсѧ є҆сѝ, / свѣ́тъ непристꙋ́пный."
|
|
},
|
|
{
|
|
"type": "TEXT",
|
|
"value": "І҆́косъ: Галїле́и ꙗ҆зы́честѣй, завꙋлѡ́нстѣй странѣ̀, и҆ нефѳали́мстѣй землѝ, / ꙗ҆́коже речѐ прⷪ҇ро́къ, свѣ́тъ вели́къ возсїѧ̀ хрⷭ҇то́съ. / ѡ҆мрачє́ннымъ свѣтла̀ ꙗ҆ви́сѧ зарѧ̀, и҆зъ виѳлее́ма ѡ҆блиста́ющаѧ, / па́че же и҆зъ мр҃і́и гдⷭ҇ь все́й вселе́ннѣй возсїѧва́етъ лꙋчы̀ сл҃нце пра́вды. / тѣ́мже, и҆̀же ѿ а҆да́ма назі́и, прїиди́те, всѝ ѡ҆блече́мсѧ въ него̀, да согрѣ́емсѧ, / покрыва́етъ бо нагі̑ѧ, и҆ просвѣща́етъ тє́мныѧ: / прише́лъ є҆сѝ, и҆ ꙗ҆ви́лсѧ є҆сѝ свѣ́тъ непристꙋ́пный."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ю҆́ношы бл҃гочести̑выѧ, пе́щи ѻ҆́гненнѣй приѡбщи́вшыѧсѧ, / шꙋмѧ́щъ дх҃ъ ро́сный невреди́мы сохранѝ, / и҆ бж҃їѧ а҆́гг҃ла снисхожде́нїе. / тѣ́мже, въ пла́мени ѡ҆роша́еми, благода́рственнѡ воспѣва́хꙋ: / препѣ́тый ѻ҆тє́цъ гдⷭ҇и и҆ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ꙗ҆́ коже на нб҃сѝ съ тре́петомъ и҆ чꙋ́домъ предстоѧ́хꙋ, / во і҆ѻрда́нѣ си̑лы а҆́гг҃льскїѧ, смотрѧ́юще толи́ка бж҃їѧ схожде́нїѧ: / ꙗ҆́кѡ держа́й превы́шнихъ во́дъ соста́въ, въ вода́хъ плотоно́сецъ стоѧ́ше / бг҃ъ ѻ҆ц҃є́въ на́шихъ."
|
|
},
|
|
{
|
|
"type": "TEXT",
|
|
"value": "Ѻ҆́ блакъ дре́вле и҆ мо́ре бжⷭ҇твеннагѡ проѡбража́хꙋ креще́нїѧ чꙋ́до, / въ ни́хже дре́внїи крести́шасѧ и҆сходѧ́ще зако́ннїи лю́дїе. / мо́ре же бѣ̀ ѻ҆́бразъ воды̀, и҆ ѻ҆́блакъ дх҃а, / и҆́миже соверша́еми, бл҃гослове́нъ є҆сѝ, зове́мъ, гдⷭ҇и бж҃е, во вѣ́ки."
|
|
},
|
|
{
|
|
"type": "TEXT",
|
|
"value": "В сѝ вѣ́рнїи, въ не́мже соверше́нїе прїѧ́хомъ, / бг҃осло́вѧще немо́лчнѡ со а҆́гг҃лы, просла́вимъ ѻ҆ц҃а̀, и҆ сн҃а и҆ дх҃а ст҃а́го, / се́ бо трⷪ҇ца ѵ҆поста́сьми є҆диносꙋ́щнаѧ, є҆ди́нъ же бг҃ъ. / є҆мꙋ́же пое́мъ: благослове́нъ є҆сѝ, гдⷭ҇и бж҃е, во вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Ѡ҆палѝ стрꙋе́ю ѕмі́євы главы̑ пе́щный высо́кїй пла́мень, / ю҆́ношы носѧ́щъ благочести̑выѧ, / ᲂу҆ти́шивый неꙋдободержи́мꙋю мглꙋ̀ и҆з̾ грѣха̀, / всю́ же ѡ҆мыва́етъ росо́ю дх҃а."
|
|
},
|
|
{
|
|
"type": "TEXT",
|
|
"value": "Т ебѐ живописꙋ́ющїй а҆ссѷрі́йскїй пла́мень, ᲂу҆жа́сенъ поставлѧ́еши, въ ро́сꙋ преведе́нъ: / тѣ́мже вода̀ ны́нѣ, ꙗ҆́коже пла́мень ѡ҆дѣва́ѧй вре́днꙋю ѕло́бꙋ, хрⷭ҇тѐ, прикрове́ннꙋю ѡ҆палѧ́етъ, / ѿ поползнове́нныѧ стезѝ призыва́ющи."
|
|
},
|
|
{
|
|
"type": "TEXT",
|
|
"value": "Р аздѣ́льшꙋсѧ і҆ѻрда́нꙋ дре́вле, но сꙋ́хꙋ прехо́дѧтъ лю́дїе і҆и҃льтестїи, / тебѐ держа́внѣйшаго, содержа́ща тва́рь некосни́тельнѣ, / ны́нѣ въ вода́хъ написꙋ́ющїи, къ нетлѣ́ннѣй и҆ поле́знѣй стезѝ."
|
|
},
|
|
{
|
|
"type": "TEXT",
|
|
"value": "В ѣ́мы пе́рвѣе всепа́гꙋбный пото́пъ, / ми́лостивнѡ тѧ̀ всѣ́хъ во тлю̀ привестѝ, / ѽ тревели̑каѧ сотворѧ́ѧ, и҆ стра̑ннаѧ! / ны́нѣ же пото́пльша, хрⷭ҇тѐ, грѣ́хъ за бл҃госе́рдїе и҆ человѣ́ческое спасе́нїе."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Та́йнꙋ пресла́внꙋю вавѷлѡ́нскаѧ показа̀ пе́щь, и҆сточи́вшаѧ ро́сꙋ, / ꙗ҆́кѡ стрꙋѧ́ми и҆мѧ́ше невеще́ственный ѻ҆́гнь воспрїѧ́ти і҆ѻрда́нъ, / и҆ ѡ҆б̾ѧ́ти пло́тїю креща́ема зижди́телѧ, / є҆го́же благословѧ́тъ лю́дїе, и҆ превозно́сѧтъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ѿ ложѝ стра́хъ ве́сь, и҆зба́витель прⷣте́чи речѐ, / мнѣ́ же повини́сѧ, ꙗ҆́кѡ бл҃го́мꙋ, / мнѣ̀ пристꙋпѝ, сїе́ бо є҆стество́мъ бы́хъ, / мои̑мъ повелѣ́нїємъ покори́сѧ, и҆ крести́ мѧ соше́дшаго: / є҆го́же благословѧ́тъ лю́дїе, и҆ превозно́сѧтъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Г лаго́лы ꙗ҆́коже ᲂу҆слы́ша крⷭ҇ти́тель влⷣчни съ тре́петомъ дла́нь простира́етъ: / ѻ҆ба́че же рꙋко́ю коснꙋ́всѧ верхꙋ̀ зижди́телѧ своегѡ̀, кре́щшемꙋсѧ вопїѧ́ше: / ѡ҆свѧти́ мѧ, ты́ бо є҆сѝ бг҃ъ мо́й: / є҆го́же бл҃гословѧ́тъ лю́дїе, и҆ превозно́сѧтъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Т рⷪ҇цы ꙗ҆вле́нїе во і҆ѻрда́нѣ бы́сть, / са́мое бо пребж҃е́ственное є҆стество̀, ѻ҆ц҃ъ возгласѝ: / се́й креща́емый, сн҃ъ возлю́бленный мо́й: / дх҃ъ же прїи́де къ подо́бномꙋ, / є҆го́же бл҃гословѧ́тъ лю́дїе, и҆ превозно́сѧтъ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Свобо́дна ᲂу҆́бѡ тва́рь познава́етсѧ, / и҆ сы́нове свѣ́та пре́жде ѡ҆мраче́ннїи: / є҆ди́нъ сте́нетъ тмы̀ предста́тель. / ны́нѣ да благослови́тъ ᲂу҆се́рднѡ вино́внаго, / пре́жде ѻ҆каѧ́нное ꙗ҆зы́кѡвъ всенаслѣ́дїе."
|
|
},
|
|
{
|
|
"type": "TEXT",
|
|
"value": "Т рїѐ бг҃ови́днїи, во ѻ҆гнѝ ѡ҆роша́еми, ѡ҆зарѧ́ющесѧ тремѝ всесвѣ́тлѣ ст҃ы́нѧми, / ꙗ҆́вѣ пока́зовахꙋ превы́шнее є҆стество̀ смѣше́нїемъ человѣ́ческимъ, / ѻ҆гнепалѧ́щее росо́ю ми́лостивнѡ всѧ́кꙋ па́гꙋбнꙋю ле́сть."
|
|
},
|
|
{
|
|
"type": "TEXT",
|
|
"value": "Д а ᲂу҆бѣли́тсѧ всѧ́кое земно́е є҆стество̀, / ѿ паде́нїѧ ны́нѣ на нб҃о возводи́мо: / и҆́мже бо всѧ̑ соблюда́ютсѧ сло́вомъ, текꙋ́щими стрꙋѧ́ми ѡ҆мы́вшесѧ, / прегрѣше́нїй пре́жнихъ ᲂу҆бѣжѐ, пресвѣ́тлѡ и҆змове́но."
|
|
},
|
|
{
|
|
"type": "TEXT",
|
|
"value": "На ѳ҃-й пѣ́сни па́ки вжига́ютъ свѣщы̀ бра́тїѧ. Честнѣ́йшꙋю, не пое́мъ, но пое́мъ припѣ́вы пра́здника:"
|
|
},
|
|
{
|
|
"type": "TEXT",
|
|
"value": "В елича́й, дꙋшѐ моѧ̀, / честнѣ́йшꙋю го́рнихъ во́инствъ, / дв҃ꙋ пречⷭ҇тꙋю бцⷣꙋ."
|
|
},
|
|
{
|
|
"type": "TEXT",
|
|
"value": "И҆ і҆рмо́съ: Недоꙋмѣ́етъ всѧ́къ ѧ҆зы́къ:"
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Недоꙋмѣ́етъ всѧ́къ ѧ҆зы́къ благохвали́ти по достоѧ́нїю, / и҆з̾ꙋмѣва́етъ же ᲂу҆́мъ и҆ премі́рный пѣ́ти тѧ̀, бцⷣе. / ѻ҆ба́че, бл҃га́ѧ сꙋ́щи, вѣ́рꙋ прїимѝ: / и҆́бо любо́вь вѣ́си бжⷭ҇твеннꙋю на́шꙋ: / ты́ бо хрⷭ҇тїа́нъ є҆сѝ предста́тельница, тѧ̀ велича́емъ."
|
|
},
|
|
{
|
|
"type": "TEXT",
|
|
"value": "Посе́мъ вторы́й ли́къ пое́тъ то́йже припѣ́въ, и҆ і҆рмо́съ. И҆ про́чихъ ше́сть припѣ́вѡвъ припѣва́ютъ на кі́йждо тропа́рь по є҆ди́ножды:"
|
|
},
|
|
{
|
|
"type": "TEXT",
|
|
"value": "Велича́й, дꙋшѐ моѧ̀, / ѿ прⷣте́чи креще́нїѧ просѧ́ща."
|
|
},
|
|
{
|
|
"type": "TEXT",
|
|
"value": "Велича́й, дꙋшѐ моѧ̀, / во і҆ѻрда́нѣ прише́дшаго крести́тисѧ."
|
|
},
|
|
{
|
|
"type": "TEXT",
|
|
"value": "Д в҃де, прїидѝ дх҃омъ къ просвѣщє́ннымъ, / ны́нѣ пристꙋпи́те, по́й къ бг҃ꙋ, / вѣ́рою глаго́лѧ: просвѣти́тесѧ, / се́й ни́щїй воззва̀ а҆да́мъ въ паде́нїи, и҆́бо того̀ ᲂу҆слы́ша гдⷭ҇ь, / прише́дъ, стрꙋѧ́ми і҆ѻрда́нскими тлѣ́ннаго же ѡ҆бновѝ."
|
|
},
|
|
{
|
|
"type": "TEXT",
|
|
"value": "Велича́й, дꙋшѐ моѧ̀, / ѿ ѻ҆ч҃ескагѡ гла́са свидѣ́тельствованна."
|
|
},
|
|
{
|
|
"type": "TEXT",
|
|
"value": "Велича́й, дꙋшѐ моѧ̀, / є҆ди́наго ѿ трⷪ҇цы, прекло́ншаго вы́ю, и҆ креще́нїе прїе́мша."
|
|
},
|
|
{
|
|
"type": "TEXT",
|
|
"value": "И҆ са́їа, и҆змы́йтесѧ, ѡ҆чи́ститесѧ, глаго́летъ, / лꙋка̑вствїѧ предъ гдⷭ҇емъ ѡ҆ста́вите, / жа́ждꙋщїи на во́дꙋ жи́вꙋ и҆ди́те: / кропи́тъ бо водо́ю, ѡ҆бновлѧ́ѧ хрⷭ҇то́съ пристꙋпа́ющыѧ къ немꙋ̀ вѣ́рою, / и҆ къ животꙋ̀ нестарѣ́емомꙋ креща́етъ дх҃омъ."
|
|
},
|
|
{
|
|
"type": "TEXT",
|
|
"value": "Прⷪ҇ро́че, прїидѝ ко мнѣ̀, / прострѝ рꙋ́кꙋ, и҆ крести́ мѧ ско́рѡ."
|
|
},
|
|
{
|
|
"type": "TEXT",
|
|
"value": "Прⷪ҇ро́че, ѡ҆ста́ви ны́нѣ, и҆ крести́ мѧ хотѧ́ща: / и҆спо́лнити бо прїидо́хъ всѧ́кꙋ пра́вдꙋ."
|
|
},
|
|
{
|
|
"type": "TEXT",
|
|
"value": "С облюда́емсѧ благода́тїю, вѣ́рнїи, и҆ печа́тїю: / ꙗ҆́кѡ бо гꙋби́телѧ, бѣжа́ша пра́га є҆врє́и дре́вле ѡ҆крова́влена: / та́кѡ и҆ на́мъ и҆схо́дное бжⷭ҇твенное сїѐ, пакибытїѧ̀ ба́нѧ бꙋ́детъ. / ѿсю́дꙋ и҆ трⷪ҇цы ᲂу҆́зримъ свѣ́тъ незаходи́мый."
|
|
},
|
|
{
|
|
"type": "TEXT",
|
|
"value": "Посе́мъ пе́рвый ли́къ пое́тъ втора́гѡ канѡ́на припѣ́въ."
|
|
},
|
|
{
|
|
"type": "TEXT",
|
|
"value": "Д не́сь влⷣка / преклонѧ́етъ вы́ю подъ рꙋ́кꙋ прⷣте́чевꙋ."
|
|
},
|
|
{
|
|
"type": "TEXT",
|
|
"value": "И҆ і҆рмо́съ: Ѽ па́че ᲂу҆ма̀ ржⷭ҇тва̀ твоегѡ̀ чꙋде́съ! / невѣ́сто всечⷭ҇таѧ, / мт҃и бл҃гослове́ннаѧ, / є҆́юже полꙋчи́вше всесоверше́нное спасе́нїе, / досто́йнѡ хва́лимъ, ꙗ҆́кѡ благодѣ́телѧ, да́ръ носѧ́ще пѣ́снь благодаре́нїѧ."
|
|
},
|
|
{
|
|
"type": "TEXT",
|
|
"value": "И҆ вторы́й ли́къ та́кожде пое́тъ припѣ́въ, и҆ і҆рмо́съ: и҆ про́чыѧ пѧ́ть припѣ́вы, є҆ди́нъ два́жды:"
|
|
},
|
|
{
|
|
"type": "TEXT",
|
|
"value": "Дне́сь і҆ѡа́ннъ креща́етъ влⷣкꙋ / во стрꙋѧ́хъ і҆ѻрда́нскихъ."
|
|
},
|
|
{
|
|
"type": "TEXT",
|
|
"value": "Дне́съ влⷣка / вода́ми погреба́етъ человѣ́ческїй грѣ́хъ."
|
|
},
|
|
{
|
|
"type": "TEXT",
|
|
"value": "Оу҆ вѣ́дѣхомъ мѡѷсе́ю кꙋпино́ю ꙗ҆влє́ннаѧ, грѧдѝ стра́нными ᲂу҆ста́вы содѣ̑ланнаѧ: / ꙗ҆́кѡ бо спасе́сѧ ѻ҆́гнь носѧ́щи дв҃а, свѣтоно́сна ро́ждши бл҃годѣ́телѧ, / во і҆ѻрда́нскихъ же стрꙋѧ́хъ ꙗ҆вле́нна."
|
|
},
|
|
{
|
|
"type": "TEXT",
|
|
"value": "Дне́сь влⷣка свы́ше свидѣ́тельствꙋетсѧ, / сн҃ъ возлю́бленный."
|
|
},
|
|
{
|
|
"type": "TEXT",
|
|
"value": "Дне́сь влⷣка / прїи́де ѡ҆свѧти́ти є҆стество̀ водно́е."
|
|
},
|
|
{
|
|
"type": "TEXT",
|
|
"value": "Дне́сь влⷣка / кр҃ще́нїе прїе́млетъ рꙋко́ю прⷣте́чевою."
|
|
},
|
|
{
|
|
"type": "TEXT",
|
|
"value": "П омазꙋ́еши соверша́ѧ человѣ́ческое сꙋщество̀, цр҃ю̀ безнача́льне, / дх҃а ѻ҆бще́нїемъ, стрꙋѧ́ми чⷭ҇тыми ѿмы́въ: / и҆ тмы̀ крѣ́пость же посра́мль возвы́шеннꙋю, / ны́нѣ въ безпреста́ннѣмъ возда́ти житїѝ."
|
|
},
|
|
{
|
|
"type": "TEXT",
|
|
"value": "Та́же ѻ҆́ба ли̑ка, соше́дшесѧ вкꙋ́пѣ, пою́тъ пе́рвый припѣ́въ пра́здника, и҆ і҆рмо́съ: Недоꙋмѣ́етъ всѧ́къ ѧ҆зы́къ: Посе́мъ втора́гѡ канѡ́на припѣ́въ, и҆ і҆рмо́съ: Ѽ па́че ᲂу҆ма̀:"
|
|
},
|
|
{
|
|
"type": "TEXT",
|
|
"value": "И҆ покло́нъ."
|
|
},
|
|
{
|
|
"type": "HEADER",
|
|
"value": "Свѣти́ленъ. Подо́бенъ: Посѣти́лъ ны̀:"
|
|
},
|
|
{
|
|
"type": "TEXT",
|
|
"value": "Ꙗ҆ ви́сѧ сп҃съ, бл҃года́ть и҆ и҆́стина во стрꙋѧ́хъ і҆ѻрда́нскихъ, / и҆ сꙋ́щыѧ во тмѣ̀ и҆ сѣ́ни спѧ́щыѧ просвѣти́лъ є҆́сть: / и҆́бо прїи́де и҆ ꙗ҆ви́сѧ свѣ́тъ непристꙋ́пный. [Три́жды.]"
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, на д҃, гла́съ а҃. Ге́рмана патрїа́рха:"
|
|
},
|
|
{
|
|
"type": "TEXT",
|
|
"value": "С вѣ́тъ ѿ свѣ́та, / возсїѧ̀ мі́рови хрⷭ҇то́съ, сп҃съ на́шъ, / ꙗ҆вле́йсѧ бг҃ъ: / семꙋ̀, лю́дїе, поклони́мсѧ."
|
|
},
|
|
{
|
|
"type": "TEXT",
|
|
"value": "К а́кѡ тѧ̀, хрⷭ҇тѐ, / рабѝ влⷣкꙋ досто́йнѡ почти́мъ; / ꙗ҆́кѡ въ вода́хъ всѣ́хъ на́съ ѡ҆бнови́лъ є҆сѝ."
|
|
},
|
|
{
|
|
"type": "TEXT",
|
|
"value": "Т ы̀ во і҆ѻрда́нѣ кре́щсѧ, сп҃се на́шъ, / во́ды ѡ҆свѧти́лъ є҆сѝ, / дла́нїю раба̀ рꙋкополага́емый, / и҆ стра̑сти мі́ра и҆сцѣлѧ́ѧй. / ве́лїе та́инство ꙗ҆вле́нїѧ твоегѡ̀, / чл҃вѣколю́бче гдⷭ҇и, сла́ва тебѣ̀."
|
|
},
|
|
{
|
|
"type": "TEXT",
|
|
"value": "И҆́ стинный свѣ́тъ ꙗ҆ви́сѧ, / и҆ всѣ̑мъ просвѣще́нїе да́рꙋетъ. / креща́етсѧ хрⷭ҇то́съ съ на́ми, / и҆́же всѧ́кїѧ вы́шши чистоты̀: / влага́етъ свѧще́нїе водѣ̀, / и҆ дꙋша́мъ сїѐ ѡ҆чище́нїе быва́етъ, / земно́е ꙗ҆влѧ́емое, и҆ вы́ше нб҃съ разꙋмѣва́емое. / ба́нею спасе́нїе, водо́ю же дх҃ъ: / погрꙋже́нїѧ ра́ди, и҆́же къ бг҃ꙋ, на́шъ восхо́дъ быва́етъ. / чꙋдє́сна дѣла̀ твоѧ̑, гдⷭ҇и, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сла́ва, гла́съ ѕ҃. А҆нато́лїа: Вода́ми і҆ѻрда́нскими ѡ҆дѣ́ѧлсѧ є҆сѝ, сп҃се, / ѡ҆дѣѧ́йсѧ свѣ́томъ, ꙗ҆́кѡ ри́зою: / и҆ приклони́лъ є҆сѝ главꙋ̀ предте́чи, и҆́же нб҃о и҆змѣ́ривый пѧ́дїю: / да ѡ҆брати́ши мі́ръ ѿ ле́сти и҆ спасе́ши, / ꙗ҆́кѡ человѣколю́бецъ."
|
|
},
|
|
{
|
|
"type": "TEXT",
|
|
"value": "И҆ ны́нѣ, гла́съ в҃. Тогѡ́же: Дне́сь хрⷭ҇то́съ на і҆ѻрда́нъ прїи́де крести́тисѧ, / дне́сь і҆ѡа́ннъ каса́етсѧ верхꙋ̀ влⷣчню. / си̑лы нбⷭ҇ныѧ ᲂу҆жасо́шасѧ, / пресла́вное ви́дѧще та́инство, / мо́ре ви́дѣ, и҆ побѣжѐ, / і҆ѻрда́нъ ви́дѣвъ, возврати́сѧ. / мы́ же просвѣ́щшесѧ вопїе́мъ: / сла́ва ꙗ҆ви́вшемꙋсѧ бг҃ꙋ, / и҆ на землѝ ви́дѣнномꙋ, / и҆ просвѣти́вшемꙋ мі́ръ."
|
|
},
|
|
{
|
|
"type": "TEXT",
|
|
"value": "Славосло́вїе вели́кое. По Трист҃о́мъ тропа́рь пра́здника и҆ є҆ктєнїѝ."
|
|
},
|
|
{
|
|
"type": "HEADER",
|
|
"value": "И҆ ѿпꙋ́стъ:"
|
|
},
|
|
{
|
|
"type": "TEXT",
|
|
"value": "И҆́ же во і҆ѻрда́нѣ крести́тисѧ и҆зво́ливый ѿ і҆ѡа́нна, на́шегѡ ра́ди спасе́нїѧ, хрⷭ҇то́съ и҆́стинный бг҃ъ на́шъ, мл҃твами пречⷭ҇тыѧ своеѧ̀ мт҃ре, ст҃ы́хъ сла́вныхъ и҆ всехва́льныхъ а҆пⷭ҇лъ, и҆ всѣ́хъ ст҃ы́хъ, поми́лꙋетъ и҆ спасе́тъ на́съ, ꙗ҆́кѡ бл҃гъ и҆ человѣколю́бецъ."
|
|
},
|
|
{
|
|
"type": "TEXT",
|
|
"value": "И҆ дае́тсѧ ст҃ы́й є҆ле́й ѿ канди́ла, пою́щымъ на́мъ стїхи́рꙋ пра́здника. Та́же ча́съ а҃-й. На а҃-мъ часѣ̀ тропа́рь пра́здника: по трист҃о́мъ конда́къ пра́здника, и҆ про́чее, и҆ соверше́нный ѿпꙋ́стъ. Въ сі́й де́нь лїтꙋргі́а быва́етъ пора́нꙋ, трꙋда̀ ра́ди бдѣ́ннагѡ."
|
|
},
|
|
{
|
|
"type": "HEADER",
|
|
"value": "На лїтꙋргі́и."
|
|
},
|
|
{
|
|
"type": "HEADER",
|
|
"value": "А҆нтїфѡ́нъ а҃, ѱало́мъ рг҃і, гла́съ а҃."
|
|
},
|
|
{
|
|
"type": "TEXT",
|
|
"value": "Сті́хъ а҃: Во и҆схо́дѣ і҆и҃левѣ ѿ є҆гѵ́пта, / до́мꙋ і҆а́кѡвлѧ и҆зъ люде́й ва̑рваръ."
|
|
},
|
|
{
|
|
"type": "TEXT",
|
|
"value": "Мл҃твами бцⷣы, / сп҃се, спасѝ на́съ."
|
|
},
|
|
{
|
|
"type": "TEXT",
|
|
"value": "И҆ дрꙋгі́й ли́къ."
|
|
},
|
|
{
|
|
"type": "TEXT",
|
|
"value": "Сті́хъ в҃: Бы́сть і҆ꙋде́а ст҃ы́нѧ є҆гѡ̀, / і҆и҃ль ѻ҆́бласть є҆гѡ̀."
|
|
},
|
|
{
|
|
"type": "TEXT",
|
|
"value": "Мл҃твами бцⷣы, / сп҃се, спасѝ на́съ."
|
|
},
|
|
{
|
|
"type": "TEXT",
|
|
"value": "Сті́хъ г҃: Мо́ре ви́дѣ, и҆ побѣжѐ, / і҆ѻрда́нъ возврати́сѧ вспѧ́ть."
|
|
},
|
|
{
|
|
"type": "TEXT",
|
|
"value": "Мл҃твами бцⷣы, / сп҃се, спасѝ на́съ."
|
|
},
|
|
{
|
|
"type": "TEXT",
|
|
"value": "Сті́хъ д҃: Что́ ти є҆́сть, мо́ре, ꙗ҆́кѡ побѣ́гло є҆сѝ; / и҆ тебѣ̀, і҆ѻрда́не, ꙗ҆́кѡ возврати́лсѧ є҆сѝ вспѧ́ть;"
|
|
},
|
|
{
|
|
"type": "TEXT",
|
|
"value": "Мл҃твами бцⷣы, / сп҃се, спасѝ на́съ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ: Мл҃твами бцⷣы, / сп҃се, спасѝ на́съ."
|
|
},
|
|
{
|
|
"type": "HEADER",
|
|
"value": "А҆нтїфѡ́нъ в҃, ѱало́мъ рд҃і, гла́съ в҃."
|
|
},
|
|
{
|
|
"type": "TEXT",
|
|
"value": "Сті́хъ а҃: Возлюби́хъ, ꙗ҆́кѡ ᲂу҆слы́шитъ гдⷭ҇ь / гла́съ моле́нїѧ моегѡ̀."
|
|
},
|
|
{
|
|
"type": "TEXT",
|
|
"value": "Спасѝ ны, сн҃е бж҃їй, / во і҆ѻрда́нѣ крести́выйсѧ, пою́щыѧ тѝ: / а҆ллилꙋ́їа."
|
|
},
|
|
{
|
|
"type": "TEXT",
|
|
"value": "Сті́хъ в҃: Ꙗ҆́кѡ приклонѝ ᲂу҆́хо своѐ мнѣ̀, / и҆ во дни̑ моѧ̑ призовꙋ̀."
|
|
},
|
|
{
|
|
"type": "TEXT",
|
|
"value": "Спасѝ ны, сн҃е бж҃їй, / во і҆ѻрда́нѣ крести́выйсѧ, пою́щыѧ тѝ: / а҆ллилꙋ́їа."
|
|
},
|
|
{
|
|
"type": "TEXT",
|
|
"value": "Сті́хъ г҃: Ѡ҆б̾ѧ́ша мѧ̀ болѣ̑зни смє́ртныѧ, бѣды̑ а҆́дѡвы ѡ҆брѣто́ша мѧ̀: / ско́рбь и҆ болѣ́знь ѡ҆брѣто́хъ, и҆ и҆́мѧ гдⷭ҇не призва́хъ."
|
|
},
|
|
{
|
|
"type": "TEXT",
|
|
"value": "Спасѝ ны, сн҃е бж҃їй, / во і҆ѻрда́нѣ крести́выйсѧ, пою́щыѧ тѝ: / а҆ллилꙋ́їа."
|
|
},
|
|
{
|
|
"type": "TEXT",
|
|
"value": "Сті́хъ д҃: Ми́лостивъ гдⷭ҇ь и҆ пра́веденъ, / и҆ бг҃ъ на́шъ ми́лꙋетъ."
|
|
},
|
|
{
|
|
"type": "TEXT",
|
|
"value": "Спасѝ ны, сн҃е бж҃їй, / во і҆ѻрда́нѣ крести́выйсѧ, пою́щыѧ тѝ: / а҆ллилꙋ́їа."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ: Є҆диноро́дный сн҃е:"
|
|
},
|
|
{
|
|
"type": "HEADER",
|
|
"value": "А҆нтїфѡ́нъ г҃, ѱало́мъ рз҃і, гла́съ а҃."
|
|
},
|
|
{
|
|
"type": "TEXT",
|
|
"value": "Сті́хъ а҃: И҆сповѣ́дайтесѧ гдⷭ҇еви, ꙗ҆́кѡ бл҃гъ, / ꙗ҆́кѡ въ вѣ́къ ми́лость є҆гѡ̀."
|
|
},
|
|
{
|
|
"type": "HEADER",
|
|
"value": "Тропа́рь, гла́съ а҃:"
|
|
},
|
|
{
|
|
"type": "TEXT",
|
|
"value": "В о і҆ѻрда́нѣ кр҃ща́ющꙋсѧ тебѣ̀, гдⷭ҇и, / трⷪ҇ческое ꙗ҆ви́сѧ поклоне́нїе: / роди́телевъ бо гла́съ свидѣ́тельствоваше тебѣ̀, / возлю́бленнаго тѧ̀ сн҃а и҆менꙋ́ѧ, / и҆ дх҃ъ въ ви́дѣ голꙋби́нѣ, / и҆звѣ́ствоваше словесѐ ᲂу҆твержде́нїе. / ꙗ҆вле́йсѧ хрⷭ҇тѐ бж҃е / и҆ мі́ръ просвѣще́й, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сті́хъ в҃: Да рече́тъ ᲂу҆́бѡ до́мъ і҆и҃левъ: / ꙗ҆́кѡ бл҃гъ, ꙗ҆́кѡ въ вѣ́къ ми́лость є҆гѡ̀."
|
|
},
|
|
{
|
|
"type": "TEXT",
|
|
"value": "Тропа́рь: Во і҆ѻрда́нѣ креща́ющꙋсѧ тебѣ̀, гдⷭ҇и:"
|
|
},
|
|
{
|
|
"type": "TEXT",
|
|
"value": "Сті́хъ г҃: Да рече́тъ ᲂу҆́бѡ до́мъ а҆арѡ́нь: / ꙗ҆́кѡ бл҃гъ, ꙗ҆́кѡ въ вѣ́къ ми́лость є҆гѡ̀."
|
|
},
|
|
{
|
|
"type": "TEXT",
|
|
"value": "Тропа́рь: Во і҆ѻрда́нѣ креща́ющꙋсѧ тебѣ̀, гдⷭ҇и:"
|
|
},
|
|
{
|
|
"type": "TEXT",
|
|
"value": "Сті́хъ д҃: Да рекꙋ́тъ ᲂу҆́бѡ всѝ боѧ́щїисѧ гдⷭ҇а: / ꙗ҆́кѡ бл҃гъ, ꙗ҆́кѡ въ вѣ́къ ми́лость є҆гѡ̀."
|
|
},
|
|
{
|
|
"type": "TEXT",
|
|
"value": "Тропа́рь: Во і҆ѻрда́нѣ креща́ющꙋсѧ тебѣ̀, гдⷭ҇и:"
|
|
},
|
|
{
|
|
"type": "HEADER",
|
|
"value": "Вхо́дное:"
|
|
},
|
|
{
|
|
"type": "TEXT",
|
|
"value": "Б л҃гослове́нъ грѧды́й во и҆́мѧ гдⷭ҇не, / бл҃гослови́хомъ вы̀ и҆зъ до́мꙋ гдⷭ҇нѧ, / бг҃ъ гдⷭ҇ь и҆ ꙗ҆ви́сѧ на́мъ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ а҃:"
|
|
},
|
|
{
|
|
"type": "TEXT",
|
|
"value": "В о і҆ѻрда́нѣ кр҃ща́ющꙋсѧ тебѣ̀, гдⷭ҇и, / трⷪ҇ческое ꙗ҆ви́сѧ поклоне́нїе: / роди́телевъ бо гла́съ свидѣ́тельствоваше тебѣ̀, / возлю́бленнаго тѧ̀ сн҃а и҆менꙋ́ѧ, / и҆ дх҃ъ въ ви́дѣ голꙋби́нѣ, / и҆звѣ́ствоваше словесѐ ᲂу҆твержде́нїе. / ꙗ҆вле́йсѧ хрⷭ҇тѐ бж҃е / и҆ мі́ръ просвѣще́й, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ: конда́къ, гла́съ д҃:"
|
|
},
|
|
{
|
|
"type": "TEXT",
|
|
"value": "Ꙗ҆ ви́лсѧ є҆сѝ дне́сь вселе́ннѣй, / и҆ свѣ́тъ тво́й, гдⷭ҇и, зна́менасѧ на на́съ, / въ ра́зꙋмѣ пою́щихъ тѧ̀: / прише́лъ є҆сѝ и҆ ꙗ҆ви́лсѧ є҆сѝ, / свѣ́тъ непристꙋ́пный."
|
|
},
|
|
{
|
|
"type": "HEADER",
|
|
"value": "Вмѣ́стѡ же Трист҃а́гѡ, пое́мъ:"
|
|
},
|
|
{
|
|
"type": "TEXT",
|
|
"value": "Є҆ ли́цы во хрⷭ҇та̀ крⷭ҇ти́стесѧ, / во хрⷭ҇та̀ ѡ҆блеко́стесѧ, / а҆ллилꙋ́їа. [Три́жды.]"
|
|
},
|
|
{
|
|
"type": "TEXT",
|
|
"value": "Прокі́менъ, гла́съ д҃: Бл҃гослове́нъ грѧды́й во и҆́мѧ гдⷭ҇не, / бг҃ъ гдⷭ҇ь и҆ ꙗ҆ви́сѧ на́мъ. Сті́хъ: И҆сповѣ́дайтесѧ гдⷭ҇еви, ꙗ҆́кѡ бл҃гъ, ꙗ҆́кѡ въ вѣ́къ ми́лость є҆гѡ̀."
|
|
},
|
|
{
|
|
"type": "HEADER",
|
|
"value": "А҆пⷭ҇толъ къ ті́тꙋ, зача́ло т҃в."
|
|
},
|
|
{
|
|
"type": "TEXT",
|
|
"value": "Ч а́до ті́те, ꙗ҆ви́сѧ бл҃года́ть бж҃їѧ сп҃си́тельнаѧ всѣ́мъ человѣ́кѡмъ, наказꙋ́ющи на́съ, да ѿве́ргшесѧ нече́стїѧ и҆ мїрски́хъ похоте́й, цѣломꙋ́дреннѡ и҆ пра́веднѡ, и҆ благоче́стнѡ поживе́мъ въ ны́нѣшнѣмъ вѣ́цѣ. ждꙋ́ще блаже́ннагѡ ᲂу҆пова́нїѧ, и҆ ꙗ҆вле́нїѧ сла́вы вели́кагѡ бг҃а и҆ сп҃са на́шегѡ і҆и҃са хрⷭ҇та̀. и҆́же да́лъ є҆́сть себѐ за ны̀, да и҆зба́витъ ны̀ ѿ всѧ́кагѡ беззако́нїѧ, и҆ ѡ҆чи́ститъ себѣ̀ лю́ди и҆збра́нны, ревни́тели дѡ́брымъ дѣлѡ́мъ. є҆гда́ же бл҃года́ть и҆ человѣколю́бїе ꙗ҆ви́сѧ сп҃са на́шегѡ бг҃а: не ѿ дѣ́лъ пра́ведныхъ, и҆̀хже сотвори́хомъ мы̀, но по свое́й є҆гѡ̀ ми́лости, спасѐ на́съ ба́нею пакибытїѧ̀, и҆ ѡ҆бновле́нїемъ дх҃а ст҃а́гѡ, є҆го́же и҆злїѧ̀ на на́съ ѻ҆би́льнѡ і҆и҃съ хрⷭ҇то́мъ, сп҃си́телемъ на́шимъ: да ѡ҆правди́вшесѧ блгⷣтїю є҆гѡ̀, наслѣ́дницы бꙋ́демъ по ᲂу҆пова́нїю жи́зни вѣ́чныѧ."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ д҃: Принеси́те гдⷭ҇ви сы́нове бж҃їи, принеси́те гдⷭ҇ви сы́ны ѻ҆́вни. Сті́хъ: Гла́съ гдⷭ҇нь на вода́хъ, бг҃ъ сла́вы возгремѣ̀, гдⷭ҇ь на вода́хъ мно́гихъ."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ матѳе́а, зача́ло ѕ҃."
|
|
},
|
|
{
|
|
"type": "TEXT",
|
|
"value": "В о вре́мѧ ѻ҆́но, прїи́де і҆и҃съ ѿ галїле́и на і҆ѻрда́нъ ко і҆ѡа́ннꙋ, крⷭ҇ти́тисѧ ѿ негѡ̀. і҆ѡа́ннъ же возбранѧ́ше є҆мꙋ̀, глаго́лѧ: а҆́зъ тре́бꙋю тобо́ю крⷭ҇ти́тисѧ, и҆ ты́ ли грѧде́ши ко мнѣ̀; ѿвѣща́въ же і҆и҃съ речѐ къ немꙋ̀: ѡ҆ста́ви ны́нѣ, та́кѡ бо подо́бно є҆́сть на́мъ и҆спо́лнити всѧ́кꙋ пра́вдꙋ. тогда̀ ѡ҆ста́ви є҆го̀. и҆ крⷭ҇ти́всѧ і҆и҃съ взы́де а҆́бїе ѿ воды̀: и҆ сѐ ѿверзо́шасѧ є҆мꙋ̀ нб҃са̀, и҆ ви́дѣ дх҃а бж҃їѧ сходѧ́ща ꙗ҆́кѡ го́лꙋбѧ, и҆ грѧдꙋ́ща на него̀. и҆ сѐ гла́съ съ нб҃сѐ глаго́лѧ: се́й є҆́сть сн҃ъ мо́й возлю́бленный, ѡ҆ не́мже благоволи́хъ."
|
|
},
|
|
{
|
|
"type": "HEADER",
|
|
"value": "Вмѣ́стѡ Досто́йно:"
|
|
},
|
|
{
|
|
"type": "TEXT",
|
|
"value": "В елича́й, дꙋшѐ моѧ̀, / честнѣ́йшꙋю го́рнихъ во́инствъ, / дв҃ꙋ пречⷭ҇тꙋю бцⷣꙋ."
|
|
},
|
|
{
|
|
"type": "TEXT",
|
|
"value": "И҆ пое́мъ і҆рмо́съ, гла́съ в҃: Недоꙋмѣ́етъ всѧ́къ ѧ҆зы́къ благохвали́ти по достоѧ́нїю, / и҆з̾ꙋмѣва́етъ же ᲂу҆́мъ и҆ премі́рный пѣ́ти тѧ̀, бцⷣе. / ѻ҆ба́че, бл҃га́ѧ сꙋ́щи, вѣ́рꙋ прїимѝ: / и҆́бо любо́вь вѣ́си бжⷭ҇твеннꙋю на́шꙋ: / ты́ бо хрⷭ҇тїа́нъ є҆сѝ предста́тельница, тѧ̀ велича́емъ. И҆ до ѿда́нїѧ."
|
|
},
|
|
{
|
|
"type": "HEADER",
|
|
"value": "Прича́стенъ:"
|
|
},
|
|
{
|
|
"type": "TEXT",
|
|
"value": "Ꙗ҆ ви́сѧ бл҃года́ть бж҃їѧ / спаси́тельнаѧ всѣ̑мъ человѣ́кѡмъ. / А҆ ллилꙋ́їа, три́жды."
|
|
},
|
|
{
|
|
"type": "TEXT",
|
|
"value": "На трапе́зѣ быва́етъ ᲂу҆тѣше́нїе бра́тїи ве́лїе. И҆ ꙗ҆ди́мъ ры́бꙋ, и҆ сы́ръ, и҆ ꙗ҆́ица, и҆ пїе́мъ вїно̀: мїрсті́и же мѧ́со, а҆́ще бꙋ́детъ и҆ въ сре́дꙋ, и҆лѝ пѧто́къ. И҆ чте́тсѧ сло́во златоꙋ́стагѡ, є҆мꙋ́же нача́ло: Всѝ вы̀ во благодꙋ́шїи:"
|
|
}
|
|
] |