11 lines
2.3 KiB
JSON
11 lines
2.3 KiB
JSON
[
|
|
{"type":"HEADER","value":"Тропарѝ на непоро́чнахъ, гла́съ є҃:"},
|
|
{"type":"TEXT","value":"Бл҃гослове́нъ є҆сѝ гдⷭ҇и, наꙋчи́ мѧ ѡ҆правда́нїємъ твои̑мъ."},
|
|
{"type":"TEXT","value":"А҆́гг҃льскїй собо́ръ ᲂу҆диви́сѧ, зрѧ̀ тебѐ въ ме́ртвыхъ вмѣни́вшасѧ, сме́ртнаго же сп҃се, крѣ́пость разорѧ́юща, и҆ съ собо́ю а҆да́ма воздви́гша, и҆ ѿ а҆́да всѧ̑ свобо́ждша."},
|
|
{"type":"TEXT","value":"Почто̀ мѵ̑ра съ ми́лостивными слеза́ми, ѽ ᲂу҆чн҃цы, растворѧ́ете; бл҃ста́ѧйсѧ во гро́бѣ а҆́гг҃лъ мѷронѡ́сицамъ вѣща́ше: ви́дите вы̀ гро́бъ и҆ ᲂу҆разꙋмѣ́йте, сп҃съ бо воскрⷭ҇е ѿ гро́ба."},
|
|
{"type":"TEXT","value":"Ѕѣлѡ̀ ра́нѡ мѷронѡ́сицы теча́хꙋ ко гро́бꙋ твоемꙋ̀, рыда́ющыѧ: но предста̀ къ ни̑мъ а҆́гг҃лъ и҆ речѐ: рыда́нїѧ вре́мѧ преста̀, не пла́чите, воскрⷭ҇нїе же а҆пⷭ҇лѡмъ рцы́те."},
|
|
{"type":"TEXT","value":"Мѷронѡ́сицы жены̀, съ мѵ́ры прише́дшѧ ко гро́бꙋ твоемꙋ̀, сп҃се, рыда́хꙋ, а҆́гг҃лъ же къ ни̑мъ речѐ, глаго́лѧ: что̀ съ ме́ртвыми жива́го помышлѧ́ете; ꙗ҆́кѡ бг҃ъ бо воскрⷭ҇е ѿ гро́ба."},
|
|
{"type":"TEXT","value":"Поклони́мсѧ ѻ҆ц҃ꙋ̀, и҆ є҆гѡ̀ сн҃ови, и҆ ст҃о́мꙋ дх҃ꙋ, ст҃ѣ́й тро́ицѣ во є҆ди́номъ сꙋ́ществѣ, ѿ сер̾ді́въ зовꙋ́ще: ст҃ъ, ст҃ъ, ст҃ъ є҆сѝ гдⷭ҇и."},
|
|
{"type":"TEXT","value":"Жизнода́вца ро́ждши, грѣха̀, дв҃о, а҆да́ма и҆зба́вила є҆сѝ, ра́дость же є҆́вѣ въ печа́ли мѣ́сто подала̀ є҆сѝ: па́дшыѧ же ѿ жи́зни къ се́й напра́ви, и҆з̾ тебѐ воплоти́выйсѧ бг҃ъ и҆ чл҃вѣкъ."}
|
|
]
|