334 lines
28 KiB
JSON
334 lines
28 KiB
JSON
[
|
|
{
|
|
"type": "HEADER",
|
|
"value": "Канѡ́нъ ст҃а́гѡ а҆рхїстрати́га бж҃їѧ мїхаи́ла."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Н ебе́сныхъ во́инствъ а҆рхїстрати́же, мо́лимъ тѧ̀ при́снѡ мы̀ недосто́йнїи, да твои́ми моли́твами ѡ҆гради́ши на́съ кро́вомъ кри́лъ невеще́ственныѧ твоеѧ̀ сла́вы, сохранѧ́ѧ на́съ припа́дающихъ прилѣ́жнѡ, и҆ вопїю́щихъ: ѿ бѣ́дъ и҆зба́ви на́съ, ꙗ҆́кѡ чинонача́льникъ вы́шнихъ си́лъ."
|
|
},
|
|
{
|
|
"type": "HEADER",
|
|
"value": "Канѡ́нъ а҆рха́гг҃ла, є҆гѡ́же краегране́сїе: Пе́рваго пою̀ безтѣле́сныхъ ᲂу҆мѡ́въ. І҆ѡ́сифъ. Гла́съ д҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃и́цѣ мт҃ри, и҆ ꙗ҆влю́сѧ свѣ́тлѡ торжествꙋ́ѧ, и҆ воспою̀ ра́дꙋѧсѧ тоѧ̀ чꙋдеса̀."
|
|
},
|
|
{
|
|
"type": "TEXT",
|
|
"value": "Припѣ́въ: Ст҃ы́й а҆рхїстрати́же бж҃їй мїхаи́ле, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "Б жⷭ҇твенными свѣтлостьмѝ ѡ҆блистава́емь всегда̀, ᲂу҆́мъ мо́й ѡ҆зарѝ, є҆́же воспѣ́ти тѧ̀, а҆рхїстрати́же го́рнихъ во́инствъ, всѣ́хъ ᲂу҆твержде́нїе притека́ющихъ къ тебѣ̀."
|
|
},
|
|
{
|
|
"type": "TEXT",
|
|
"value": "Оу҆́ мъ пребезнача́льный, премі́рнагѡ чинонача́льника показа̀ чи́на, тѧ̀ пресла́вне а҆рхїстрати́же, и҆ свѣ́тъ сꙋ́щихъ во тмѣ̀, и҆ бжⷭ҇твенное ᲂу҆краше́нїе цр҃кве своеѧ̀."
|
|
},
|
|
{
|
|
"type": "TEXT",
|
|
"value": "Сла́ва: Оу҆мѡ́въ предварѧ́ѧ нбⷭ҇ныхъ въ дс҃ѣ, дѡ́льнымъ же всеизрѧ́днѣйше мїхаи́ле да́лсѧ є҆сѝ, ѡ҆гражде́нїе, и҆ ᲂу҆твержде́нїе, и҆ ѻ҆рꙋ́жїе, врагѝ закала́ющее и҆ потреблѧ́ющее."
|
|
},
|
|
{
|
|
"type": "TEXT",
|
|
"value": "И҆ ны́нѣ: Дв҃о всенепоро́чнаѧ, ꙗ҆́же а҆́гг҃лѡвъ благолѣ́пїе, человѣ́кѡвъ по́моще: ты̀ мнѣ̀ помозѝ морепла́вающемꙋ, и҆ въ бꙋ̑ри грѣха̀ при́снѡ впа́дающꙋ и҆ бѣ́дствꙋющꙋ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Твоѧ̑ пѣсносло́вцы бцⷣе, живы́й и҆ незави́стный и҆сто́чниче, ли́къ себѣ̀ совокꙋ́пльшыѧ, дх҃о́внѡ ᲂу҆твердѝ, въ бж҃е́ственнѣй твое́й сла́вѣ вѣнцє́въ сла́вы сподо́би."
|
|
},
|
|
{
|
|
"type": "TEXT",
|
|
"value": "Припѣ́въ: Ст҃ы́й а҆рхїстрати́же бж҃їй мїхаи́ле, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "К рѣ́постїю бжⷭ҇твенною, воево́до а҆́гг҃лѡвъ всехва́льне, ѡ҆бхо́диши всю̀ зе́млю, ѿ лю́тыхъ ны̀ и҆зима́ѧ призыва́ющыѧ твоѐ бжⷭ҇твенное и҆́мѧ."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ бжⷭ҇твенъ проповѣ́дникъ, ꙗ҆́кѡ предста́тель вѣ́рныхъ непосты́денъ, заблꙋ́ждшихъ пꙋтево́ждь, и҆ наказа́тель бы́лъ є҆сѝ, бж҃їй а҆рхїстрати́же бг҃ови́днѣйшїй."
|
|
},
|
|
{
|
|
"type": "TEXT",
|
|
"value": "Сла́ва: Бжⷭ҇твеннагѡ сїѧ́нїѧ чи́стшее зерца́ло бы́лъ є҆сѝ, ꙗ҆вле́нїѧ честна́гѡ свѣ́тлѡ прїе́мь дх҃а, мїхаи́ле первоа́гг҃ле досточꙋ́дне."
|
|
},
|
|
{
|
|
"type": "TEXT",
|
|
"value": "И҆ ны́нѣ: Невеще́ствєнныѧ ᲂу҆мы̀ соста́вивый во́лею, въ веще́ственное твоѐ чре́во всели́сѧ хотѣ́нїемъ, всенепоро́чнаѧ, пло́тїю зри́мь незрѣ́нный."
|
|
},
|
|
{
|
|
"type": "TEXT",
|
|
"value": "Г дⷭ҇и, поми́лꙋй. [Три́жды.]"
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ а҃. Подо́бенъ: Ли́къ а҆́гг҃льскїй:"
|
|
},
|
|
{
|
|
"type": "TEXT",
|
|
"value": "Л и́къ а҆́гг҃льскїй а҆рхїстрати́га и҆мѣ́ѧ, бжⷭ҇твеннаго мїхаи́ла, съ ни́мъ ст҃ѣ́й трⷪ҇цѣ немо́лчное приноша́етъ пѣснопѣ́нїе: и҆зъ не сꙋ́щихъ бо содѣ́тель всѧ́ческихъ, вѡ́инства ѻ҆гнезра́чныхъ чинѡ́въ, сло́вомъ приведѐ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, бг҃оро́диченъ: Оу҆пова́нїе хрⷭ҇тїа́нъ, прест҃а́ѧ дв҃о, є҆го́же родила̀ є҆сѝ бг҃а, па́че ᲂу҆ма́ же и҆ сло́ва, непреста́ннѡ молѝ съ вы́шними си́лами, пода́ти ѡ҆ставле́нїе грѣхѡ́въ на́шихъ всѣ́хъ, и҆ и҆справле́нїе житїѧ̀, вѣ́рою и҆ любо́вїю при́снѡ тѧ̀ сла́вѧщымъ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Сѣдѧ́й въ сла́вѣ на прⷭ҇то́лѣ бжⷭ҇тва̀, во ѻ҆́блацѣ ле́гцѣ, прїи́де і҆и҃съ пребжⷭ҇твенный, нетлѣ́нною дла́нїю, и҆ спасѐ зовꙋ́щыѧ: сла́ва, хрⷭ҇тѐ, си́лѣ твое́й."
|
|
},
|
|
{
|
|
"type": "TEXT",
|
|
"value": "Припѣ́въ: Ст҃ы́й а҆рхїстрати́же бж҃їй мїхаи́ле, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "Оу҆́ мъ сы́й пе́рвый, соста́вилъ є҆сѝ бжⷭ҇твєнныѧ ᲂу҆мы̀ хотѣ́нїемъ, нача́льника посредѣ̀ си́хъ мїхаи́ла содѣ́ла, всебл҃же́ннымъ прича́стїемъ просвѣща́ема, и҆ ᲂу҆́мными бг҃онача̑лїи ѡ҆блиста́ема."
|
|
},
|
|
{
|
|
"type": "TEXT",
|
|
"value": "П ѣ́нїе ст҃о́е со престо́лы, и҆ нача́лы, и҆ си́лами, и҆ властьмѝ, и҆ свѧще́нными гдⷭ҇ьствы возглаша́еши трⷪ҇цѣ, пресла́вне мїхаи́ле, спаса́ѧ ны̀ пою́щыѧ тѧ̀."
|
|
},
|
|
{
|
|
"type": "TEXT",
|
|
"value": "Сла́ва: Велича́емъ всѣ́хъ творца́ же и҆ гдⷭ҇а, за бл҃гоꙋтро́бїе да́вшаго ѡ҆бхране́нїе велича́йшее, и҆ неѡбори́мꙋ стѣ́нꙋ, и҆ забра́ло, мїхаи́ла на́мъ свѣтоза́рнаго а҆рхїстрати́га."
|
|
},
|
|
{
|
|
"type": "TEXT",
|
|
"value": "И҆ ны́нѣ: Мы́сленнѡ, дв҃о, твоегѡ̀ ржⷭ҇тва̀ пресла́вное ска́зоваше дре́вле свѧщенноѧвле́нный, дх҃омъ го́рꙋ присѣ́ннꙋю ви́дѧ тѧ̀ ꙗ҆снѣ́йше, и҆зъ неѧ́же ст҃ы́й прїи́де бг҃ъ воплоща́емь."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Оу҆жасо́шасѧ всѧ́чєскаѧ ѡ҆ бж҃е́ственнѣй сла́вѣ твое́й: ты́ бо неискꙋсобра́чнаѧ дв҃о, и҆мѣ́ла є҆сѝ во ᲂу҆тро́бѣ над̾ всѣ́ми бг҃а, и҆ родила̀ є҆сѝ безлѣ́тнаго сн҃а, всѣ̑мъ воспѣва́ющымъ тѧ̀ ми́ръ подава́ющаѧ."
|
|
},
|
|
{
|
|
"type": "TEXT",
|
|
"value": "Припѣ́въ: Ст҃ы́й а҆рхїстрати́же бж҃їй мїхаи́ле, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "Ꙗ҆ ви́лсѧ є҆сѝ предводѧ́щь дре́внѧго і҆и҃лѧ, повелѣ́нїемъ сꙋ́щагѡ и҆зъ і҆а́кѡва, чл҃вѣ́кѡмъ ꙗ҆́вльшагѡсѧ дебельство́мъ тѣ́ла, мїхаи́ле безтѣле́сный, а҆́гг҃лѡвъ а҆рхїстрати́же."
|
|
},
|
|
{
|
|
"type": "TEXT",
|
|
"value": "Н евеще́ственными сїѧ̑нїи ѡ҆божа́емь при́снѡ, прича́стїемъ бг҃онача́льнымъ, и҆ на́мъ ѡ҆сїѧ́нїе свѣтода́тельное подава́еши первоа́гг҃ле, пресла́внѡ ᲂу҆дивлѧ́емь."
|
|
},
|
|
{
|
|
"type": "TEXT",
|
|
"value": "Сла́ва: Оу҆краси́сѧ бл҃года́тїю бжⷭ҇твенный тво́й хра́мъ: въ то́й бо прише́дъ, враче́вствъ пꙋчи́нꙋ є҆го̀ показа́лъ є҆сѝ, мїхаи́ле первоа́гг҃ле, и҆ страсте́й потреби́телѧ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Оу҆́мныхъ а҆́гг҃лѡвъ тѧ̀ показа̀ бг҃ъ вы́шшꙋю, всели́всѧ въ твоѧ̀, ложесна̀ чⷭ҇таѧ, всенепоро́чнаѧ, є҆го́же молѝ всегда̀, ᲂу҆ще́дрити пою́щыѧ тѧ̀."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Бж҃е́ственное сїѐ и҆ всечⷭ҇тно́е соверша́юще пра́зднество бг҃омꙋ́дрїи бг҃ома́тере, прїиди́те рꙋка́ми воспле́щимъ, ѿ неѧ̀ ро́ждшагосѧ бг҃а сла́вимъ."
|
|
},
|
|
{
|
|
"type": "TEXT",
|
|
"value": "Припѣ́въ: Ст҃ы́й а҆рхїстрати́же бж҃їй мїхаи́ле, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "Р а́дꙋетсѧ вѣ́рныхъ мно́жество благохва́лѧщее тѧ̀, и҆ сла́витъ всест҃а́го сло́ва, совокꙋ́пльшаго земны̑ѧ со а҆́гг҃лы, мїхаи́ле, свое́ю бл҃гостїю."
|
|
},
|
|
{
|
|
"type": "TEXT",
|
|
"value": "В ѡ́инства і҆и҃лева спа́слъ є҆сѝ, ꙗ҆влѧ́ѧсѧ, и҆ бжⷭ҇твєннаѧ подаѧ̀ повелѣ̑нїѧ, а҆рхїстрати́же, врагѝ низложи́лъ є҆сѝ, и҆ въ коне́цъ сїѧ̑ и҆стреби́лъ є҆сѝ."
|
|
},
|
|
{
|
|
"type": "TEXT",
|
|
"value": "Сла́ва: Ꙗ҆́кѡ ви́дѣ тѧ̀ і҆исꙋ́съ наѵи́нъ, поклони́сѧ, вопроси́въ честна́гѡ твоегѡ̀ и҆ ст҃а́гѡ и҆́мене, нача́льниче а҆́гг҃лѡвъ, благоговѣ́нїемъ и҆ стра́хомъ держи́мь."
|
|
},
|
|
{
|
|
"type": "TEXT",
|
|
"value": "И҆ ны́нѣ: Бл҃же́ни лю́дїе при́снѡ блажа́щїи тѧ̀, бл҃же́ннаѧ, ꙗ҆́же бг҃а бл҃же́ннаго ро́ждшаѧ, земны̑ѧ за милосе́рдїе неизрече́ннымъ є҆дине́нїемъ ѡ҆божи́вшаго."
|
|
},
|
|
{
|
|
"type": "TEXT",
|
|
"value": "Г дⷭ҇и, поми́лꙋй. [Три́жды.] Сла́ва, и҆ ны́нѣ:"
|
|
},
|
|
{
|
|
"type": "HEADER",
|
|
"value": "Конда́къ, гла́съ в҃:"
|
|
},
|
|
{
|
|
"type": "TEXT",
|
|
"value": "А҆ рхїстрати́же бж҃їй, слꙋжи́телю бж҃е́ственныѧ сла́вы, а҆́гг҃лѡвъ нача́льниче, и҆ человѣ́кѡвъ наста́вниче, поле́зное на́мъ просѝ, и҆ ве́лїю ми́лость, ꙗ҆́кѡ безпло́тныхъ а҆рхїстрати́гъ."
|
|
},
|
|
{
|
|
"type": "TEXT",
|
|
"value": "І҆́косъ: Ре́клъ є҆сѝ, чл҃вѣколю́бче, въ писа́нїихъ твои́хъ, мно́жествꙋ ра́доватисѧ а҆́гг҃лѡвъ на нб҃сѝ, ѡ҆ человѣ́цѣ є҆ди́номъ ка́ющемсѧ, безсме́ртне. тѣ́мже мы̀, и҆̀же въ беззако́нїихъ, безгрѣ́шне є҆ди́не сердцевѣ́дче, тѧ̀ моли́ти всегда̀ дерза́емъ ꙗ҆́кѡ бл҃гоꙋтро́бнаго, ᲂу҆ще́дрити и҆ низпосла́ти недостѡ́йнымъ ᲂу҆миле́нїе, влⷣко, подаѧ̀ на́мъ проще́нїе: ѡ҆ всѣ́хъ бо на́съ мо́литсѧ тебѣ̀ безпло́тныхъ а҆рхїстрати́гъ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Не послꙋжи́ша тва́ри бг҃омꙋ́дрїи па́че созда́вшагѡ, но ѻ҆́гненное преще́нїе мꙋ́жески попра́вше, ра́довахꙋсѧ пою́ще: препѣ́тый ѻ҆тцє́въ гдⷭ҇ь и҆ бг҃ъ бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Припѣ́въ: Ст҃ы́й а҆рхїстрати́же бж҃їй мїхаи́ле, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "Оу҆ смотри́въ данїи́лъ, ви́дѣ кꙋпностоѧ́ща тѧ̀, блаже́нне, и҆ ᲂу҆мꙋдрѧ́юща того̀ въ хѡва́рѣ, видѣ́нїе, є҆́же ви́дѣ гаврїи́ле молнїезра́чне, мїхаи́ла чинонача́льника томꙋ̀ ꙗ҆влѧ́юща."
|
|
},
|
|
{
|
|
"type": "TEXT",
|
|
"value": "А҆́ гг҃лѡвъ наста́вники бг҃ови̑дныѧ, и҆ свѣтонѡ́сныѧ, мїхаи́ла и҆ гаврїи́ла на́ши благі̑ѧ ᲂу҆тѣ́шители, и҆ предста́тели, и҆ храни́тели восхва́лимъ вѣ́рою велегла́снѡ."
|
|
},
|
|
{
|
|
"type": "TEXT",
|
|
"value": "Сла́ва: Красе́нъ и҆ всеблаголѣ́пенъ и҆ бг҃ови́денъ сы́й, во́ждь па́че ᲂу҆ма̀ невеще́ственныхъ дꙋхѡ́въ бы́лъ є҆сѝ, мїхаи́ле свѣтоза́рнѣйше: съ ни́ми ᲂу҆́бѡ ѡ҆ всѣ́хъ на́съ моли́сѧ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Оу҆ма̀ вели́кагѡ и҆́стиннѡ сло́во присносꙋ́щное, дв҃о, въ тѧ̀ неизглаго́ланнѡ и҆ стра́шнѡ всели́вшасѧ ви́дѧ, возопѝ гаврїи́лъ а҆рха́гг҃лъ: ра́дꙋйсѧ, престо́ле высоча́йшагѡ, бл҃гослове́ннаѧ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ѻ҆́троки бл҃гочести̑выѧ въ пещѝ, ржⷭ҇тво̀ бг҃оро́дичо сп҃сло̀ є҆́сть. тогда̀ ᲂу҆́бѡ ѡ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Припѣ́въ: Ст҃ы́й а҆рхїстрати́же бж҃їй мїхаи́ле, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "М ы́сленныхъ безтѣле́сныхъ чинонача́льникъ, моли́твенникъ человѣ́кѡвъ спаси́теленъ, бжⷭ҇твенъ бж҃їй слꙋжи́тель, мїхаи́ле, показа́лсѧ є҆сѝ, поѧ̀ непреста́ннѡ: всѧ̑ дѣла̀ благослови́те, по́йте гдⷭ҇а."
|
|
},
|
|
{
|
|
"type": "TEXT",
|
|
"value": "С вѣти̑льника два̀ всесвѣ̑тлаѧ, мїхаи́ле и҆ гаврїи́ле, а҆рха́гг҃ли, трисвѣ́тлагѡ бжⷭ҇тва̀ сїѧ́ньми, тва́рь просвѣща́ющїи, лю́тыхъ мглꙋ̀ ѿгонѧ́ете."
|
|
},
|
|
{
|
|
"type": "TEXT",
|
|
"value": "Сла́ва: Ꙗ҆́кѡ до́брїи ко́рмчїи а҆рха́гг҃ли, ко приста́нищꙋ бжⷭ҇твенныѧ во́ли дꙋше́вный кора́бль мо́й спаса́йте, ѿ бꙋ́ри грѣхѡ́въ па́дшїй и҆ бѣ́дствꙋющїй."
|
|
},
|
|
{
|
|
"type": "TEXT",
|
|
"value": "И҆ ны́нѣ: Невѣстокраси́тель бжⷭ҇твенный а҆рха́гг҃лъ предста́въ, приглаша́ше тебѣ̀, є҆́же ра́дꙋйсѧ невѣ́сто бж҃їѧ безневѣ́стнаѧ, а҆́гг҃лѡвъ сла́во, и҆ человѣ́кѡвъ спасе́нїе и҆ ѡ҆гражде́нїе."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Всѧ́къ земноро́дный да взыгра́етсѧ дх҃омъ просвѣща́емь, да торжествꙋ́етъ же безпло́тныхъ ᲂу҆мѡ́въ є҆стество̀, почита́ющее сщ҃е́нное торжество̀ бг҃омт҃ре, и҆ да вопїе́тъ: ра́дꙋйсѧ всебл҃же́ннаѧ бцⷣе, чⷭ҇таѧ приснодв҃о."
|
|
},
|
|
{
|
|
"type": "TEXT",
|
|
"value": "Припѣ́въ: Ст҃ы́й а҆рхїстрати́же бж҃їй мїхаи́ле, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "С ѐ благолѣ́пїе твоегѡ̀, а҆рха́гг҃ле, бжⷭ҇твеннагѡ хра́ма ѡ҆сїѧ́ющее, свѣтоза́рнымъ твои́мъ присꙋ́тствїемъ, чꙋде́съ мѡ́лнїи и҆спꙋща́етъ, и҆ тмы̑ недꙋ́гѡвъ всегда̀ ѿгонѧ́етъ бжⷭ҇твенною бл҃года́тїю."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ сꙋпрꙋ́гъ красе́нъ, и҆ лѣ́потенъ сꙋ́ще, влⷣчнимъ повелѣ́нїемъ, сꙋ́щымъ на землѝ слꙋ́жите, а҆рха́гг҃ли, ѿ лю́тыхъ и҆зима́юще, и҆ всѣ̑мъ просвѣще́нїе посыла́юще спаси́тельное, бжⷭ҇твеннымъ дх҃омъ."
|
|
},
|
|
{
|
|
"type": "TEXT",
|
|
"value": "Д не́сь ра́дꙋютсѧ съ на́ми безтѣле́снїи бжⷭ҇твеннїи ᲂу҆́ми, воспѣва́ема ви́дѧще сего̀ ѿ всѣ́хъ, вели́каго и҆ свѣ́тлаго а҆рхїстрати́га, и҆ любо́вїю съ на́ми пра́зднꙋютъ жизнода́вца велича́юще."
|
|
},
|
|
{
|
|
"type": "TEXT",
|
|
"value": "Сла́ва: Бжⷭ҇твеннаѧ дво́ице, и҆ свѣтоза́рна, а҆рха́гг҃ли, мїхаи́ле всече́стне, и҆ гаврїи́ле препросла́вленне, трⷪ҇цѣ честнѣ́й предстоѧ́ще, прегрѣше́нїй вины̀ и҆ мꙋ́ки хва́лѧщыѧ ва́съ и҆зба́вите."
|
|
},
|
|
{
|
|
"type": "TEXT",
|
|
"value": "И҆ ны́нѣ: Гла́съ тебѣ̀ бжⷭ҇твеннагѡ гаврїи́ла прино́симъ ра́достнѡ, и҆ взыва́емъ: ра́дꙋйсѧ раю̀, дре́во посредѣ̀ жи́зни и҆мѣ́ѧй пречⷭ҇таѧ пресла́внаѧ сло́ва пала́то, ра́дꙋйсѧ, дв҃о всенепоро́чнаѧ."
|
|
},
|
|
{
|
|
"type": "HEADER",
|
|
"value": "Свѣти́ленъ:"
|
|
},
|
|
{
|
|
"type": "TEXT",
|
|
"value": "Ꙗ҆́ коже дре́вле погрꙋзи́лъ є҆сѝ рѣкѝ безчи̑ннаѧ шє́ствїѧ и҆ шꙋмѣ̑нїѧ, а҆рхїстрати́же сла́вы: та́кѡ и҆ ны́нѣ а҆рха́гг҃ле, ꙗ҆зы́кѡвъ горды́ню, и҆ де́мѡнѡвъ свѣрѣ̑пства потребѝ, ꙗ҆́кѡ да по до́лгꙋ тѧ̀ чте́мъ въ пѣ́снехъ досто́йнѡ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, бг҃оро́диченъ: Почита́ютъ ржⷭ҇тво̀ твоѐ безпло́тныхъ чи́ни: ра́дости бо земна̑ѧ ты̀ напо́лнила є҆сѝ є҆ди́на. тѣ́мъ тѧ̀ всенепоро́чнꙋю вѣ́рнїи сла́вимъ, въ пѣ́нїихъ славосло́вѧще: свѣ́тъ бо сꙋ́щымъ во тмѣ̀ возсїѧ́ла є҆сѝ, ꙗ҆́кѡ ᲂу҆́треннїй возсїѧ́вшїй де́нь."
|
|
},
|
|
{
|
|
"type": "HEADER",
|
|
"value": "Мл҃тва а҃, ст҃о́мꙋ а҆рха́гг҃лꙋ мїхаи́лꙋ."
|
|
},
|
|
{
|
|
"type": "TEXT",
|
|
"value": "С т҃ы́й и҆ вели́кїй а҆рха́гг҃ле бж҃їй мїхаи́ле, неисповѣди́мыѧ и҆ пресꙋ́щественныѧ трⷪ҇цы пе́рвый во а҆́гг҃лѣхъ предстоѧ́телю, ро́да же человѣ́ческагѡ приста́вниче и҆ храни́телю, сокрꙋши́вый съ во́инствы свои́ми главꙋ̀ прего́рдагѡ денни́цы на нб҃сѝ и҆ всегда̀ посрамлѧ́ѧй ѕло́бꙋ и҆ кова̑рства є҆гѡ̀ на землѝ! Къ тебѣ̀ съ вѣ́рою прибѣга́емъ и҆ тебѣ̀ съ любо́вїю мо́лимсѧ: бꙋ́ди щи́тъ несокрꙋши́мь и҆ забра́ло тве́рдо ст҃ѣ́й цр҃кви и҆ правосла́вномꙋ ѻ҆те́чествїю на́шемꙋ, ѡ҆гражда́ѧ и҆́хъ молнїено́снымъ мече́мъ твои́мъ ѿ всѣ́хъ вра̑гъ ви́димыхъ и҆ неви́димыхъ. Бꙋ́ди наста́вникъ премꙋ́дръ и҆ споспѣ́шникъ бл҃гочести́вѣйшемꙋ і҆мпера́торꙋ на́шемꙋ, и҆зносѧ̀ є҆мꙋ̀ ѿ прⷭ҇то́ла цр҃ѧ̀ ца́рствꙋющихъ просвѣще́нїе и҆ си́лꙋ, ра́дость, ми́ръ и҆ ᲂу҆тѣше́нїе. Бꙋ́ди во́ждь и҆ сора́тай непобѣди́мь хрⷭ҇толюби́вомꙋ во́инствꙋ на́шемꙋ, вѣнча́ѧ є҆го̀ сла́вою и҆ побѣ́дами над̾ сꙋпоста̑ты, да позна́ютъ всѝ противаѧ́ющїисѧ на́мъ, ꙗ҆́кѡ съ на́ми бг҃ъ и҆ ст҃і́и а҆́гг҃ли є҆гѡ̀. Не ѡ҆ста́ви же, ѽ а҆рха́гг҃ле бж҃їй, по́мощїю и҆ застꙋпле́нїемъ твои́мъ и҆ на́съ, прославлѧ́ющихъ дне́сь ст҃о́е и҆́мѧ твоѐ: се́ бо, а҆́ще и҆ многогрѣ́шни є҆смы̀, ѻ҆ба́че не хо́щемъ въ беззако́нїихъ на́шихъ поги́бнꙋти, но є҆́же ѡ҆брати́тисѧ ко гдⷭ҇ꙋ и҆ ѡ҆живлє́ннымъ бы́ти ѿ негѡ̀ на дѣла̀ бл҃га̑ѧ. Ѡ҆зарѝ ᲂу҆̀бо ᲂу҆́мъ на́шъ свѣ́томъ бж҃їимъ, да возмо́жемъ разꙋмѣ́ти, что̀ є҆́сть во́лѧ бж҃їѧ ѡ҆ на́съ бл҃га́ѧ и҆ соверше́ннаѧ, и҆ вѣ́дѣти всѧ̑, ꙗ҆̀же подоба́етъ на́мъ твори́ти и҆ ꙗ҆̀же презира́ти и҆ ѡ҆ставлѧ́ти. Оу҆крѣпѝ бл҃года́тїю гдⷭ҇нею сла́бꙋю во́лю и҆ немощно́е произволе́нїе на́ше, да ᲂу҆тверди́вшесѧ въ зако́нѣ гдⷭ҇ни, преста́немъ про́чее вла́ѧтисѧ земны́ми пѡ́мыслы и҆ похотьмѝ пло́ти и҆ ра́ди тлѣ́ннагѡ и҆ земна́гѡ вѣ̑чнаѧ и҆ нбⷭ҇наѧ безꙋ́мнѣ забыва́ти. Над̾ всѣ́ми же си́ми и҆спросѝ на́мъ свы́ше дх҃ъ и҆́стиннагѡ покаѧ́нїѧ, нелицемѣ́рнꙋю печа́ль по бз҃ѣ и҆ сокрꙋше́нїе ѡ҆ грѣсѣ́хъ на́шихъ, да ѡ҆стаю́щее на́мъ число̀ дне́й вре́меннагѡ житїѧ̀ на́шегѡ во и҆зглажде́нїи ѕѡ́лъ содѣ́ѧнныхъ на́ми соверши́мъ. Є҆гда́ же прибли́житсѧ ча́съ сконча́нїѧ на́шегѡ и҆ свобожде́нїѧ ѿ ᲂу҆́зъ бре́ннагѡ сегѡ̀ тѣлесѐ, не ѡ҆ста́ви на́съ, а҆рха́гг҃ле бж҃їй, беззащи́тныхъ проти́вꙋ дꙋхѡ́въ ѕло́бы поднебе́сныхъ, ѡ҆бы́кшихъ прегражда́ти дꙋшѝ человѣ́честѣй восхо́дъ въ гѡ́рнѧѧ: да ѡ҆хранѧ́еми тобо́ю, безпреткнове́ннѣ дости́гнемъ ѻ҆́ныхъ пресла́вныхъ селе́нїй ра́йскихъ, и҆дѣ́же нѣ́сть печа́ль, ни воздыха́нїе, но жи́знь безконе́чнаѧ, и҆ сподо́бимсѧ ᲂу҆зрѣ́ти пресвѣ́тлое лицѐ всебл҃га́гѡ гдⷭ҇а и҆ влⷣки на́шегѡ и҆ томꙋ̀ возда́ти сла́вꙋ, со ѻ҆ц҃е́мъ и҆ ст҃ы́мъ дх҃омъ, во вѣ́ки вѣкѡ́въ. А҆ми́нь."
|
|
},
|
|
{
|
|
"type": "HEADER",
|
|
"value": "Мл҃тва в҃, томꙋ́же а҆рха́гг҃лꙋ."
|
|
},
|
|
{
|
|
"type": "TEXT",
|
|
"value": "Ѽ ст҃ы́й мїхаи́ле а҆рха́гг҃ле, свѣтлоѡбра́зный и҆ гро́зный нбⷭ҇нагѡ цр҃ѧ̀ воево́до! Пре́жде стра́шнагѡ сꙋда̀ ѡ҆сла́би мѝ пока́ѧтисѧ ѿ грѣхѡ́въ мои́хъ, ѿ сѣ́ти ловѧ́щихъ и҆зба́ви дꙋ́шꙋ мою̀ и҆ приведѝ ю҆̀ къ сотво́ршемꙋ ю҆̀ бг҃ꙋ, сѣдѧ́щемꙋ на херꙋві́мѣхъ, и҆ моли́сѧ ѡ҆ не́й приле́жнѡ, да твои́мъ хода́тайствомъ по́слетъ ю҆̀ въ мѣ́сто поко́йное. ѽ гро́зный воево́до нбⷭ҇ныхъ си́лъ, предста́телю всѣ́хъ ᲂу҆ прⷭ҇то́ла влⷣки хрⷭ҇та̀, храни́телю тве́рдый всѣ̑мъ человѣ́кѡмъ и҆ мꙋ́дрый ѡ҆рꙋ́жниче, крѣ́пкїй воево́до нбⷭ҇нагѡ цр҃ѧ̀! поми́лꙋй мѧ̀ грѣ́шнаго, тре́бꙋющаго твоегѡ̀ застꙋпле́нїѧ, сохрани́ мѧ ѿ всѣ́хъ ви́димыхъ и҆ неви́димыхъ вра̑гъ, па́че же подкрѣпѝ ѿ ᲂу҆́жаса сме́ртнагѡ и҆ ѿ смꙋще́нїѧ дїа́вольскагѡ, и҆ сподо́би мѧ̀ непосты́днѡ предста́ти созда́телю на́шемꙋ въ ча́съ стра́шнагѡ и҆ пра́веднагѡ сꙋда̀ є҆гѡ̀. ѽ всест҃ы́й вели́кїй мїхаи́ле а҆рхїстрати́же! не пре́зри менѐ грѣ́шнаго, молѧ́щагосѧ тебѣ̀ ѡ҆ по́мощи и҆ застꙋпле́нїи твое́мъ въ вѣ́цѣ се́мъ и҆ въ бꙋ́дꙋщемъ, но сподо́би мѧ̀ та́мѡ кꙋ́пнѡ съ тобо́ю сла́вити ѻ҆ц҃а̀ и҆ сн҃а и҆ ст҃а́го дх҃а во вѣ́ки вѣкѡ́въ. А҆ми́нь."
|
|
}
|
|
] |