1 line
2.5 KiB
JSON
1 line
2.5 KiB
JSON
[{"type":"HEADER","value":"мл҃тва вели́кагѡ васі́лїа"},{"type":"TEXT","value":"Влⷣко гдⷭ҇и і҆и҃се хрⷭ҇тѐ бж҃е, долготерпѣ́вый ѡ҆ \nна́шихъ согрѣше́нїихъ и҆ да́же до ны́нѣшнѧгѡ часа̀ \nприведы́й на́съ: во́ньже на животворѧ́щемъ дре́вѣ ви́сѧ, \nбл҃горазꙋ́мномꙋ разбо́йникꙋ, и҆́же въ ра́й пꙋтесотвори́лъ \nє҆сѝ вхо́дъ, и҆ сме́ртїю сме́рть разрꙋши́лъ є҆сѝ: \nѡ҆чи́сти на́съ грѣ́шныхъ, и҆ недосто́йныхъ ра̑бъ \nтвои́хъ. согрѣши́хомъ бо и҆ беззако́нновахомъ, и҆ \nнѣ́смы досто́йни возвестѝ ѻ҆чеса̀ на̑ша, и҆ воззрѣ́ти \nна высотꙋ̀ нбⷭ҇нꙋю: занѐ ѡ҆ста́вихомъ пꙋ́ть пра́вды \nтвоеѧ̀, и҆ ходи́хомъ въ во́лѧхъ серде́цъ на́шихъ. но \nмо́лимъ твою̀ безмѣ́рнꙋю бл҃гость, пощадѝ на́съ, гдⷭ҇и, \nпо мно́жествꙋ млⷭ҇ти твоеѧ̀, и҆ сп҃сѝ на́съ и҆́мене \nтвоегѡ̀ ра́ди ст҃а́гѡ, ꙗ҆́кѡ и҆счезо́ша въ сꙋетѣ̀ дні́е \nна́ши. и҆змѝ на́съ и҆з̾ рꙋкѝ сопроти́внагѡ, и҆ \nѡ҆ста́ви на́мъ грѣхѝ на́шѧ: и҆ ѹ҆мертвѝ плотско́е \nна́ше мꙋдрова́нїе, да ве́тхаго ѿложи́вше человѣ́ка, въ \nно́ваго ѡ҆блеце́мсѧ, и҆ тебѣ̀ поживе́мъ на́шемꙋ влⷣцѣ \nи҆ бл҃годѣ́телю. и҆ та́кѡ твои̑мъ послѣ́дꙋюще \nповелѣ́нїємъ, въ вѣ́чный поко́й дости́гнемъ, и҆дѣ́же \nє҆́сть всѣ́хъ веселѧ́щихсѧ жили́ще. ты́ бо є҆сѝ \nвои́стиннꙋ и҆́стинное весе́лїе, и҆ ра́дость лю́бѧщихъ \nтѧ̀, хрⷭ҇тѐ бж҃е на́шъ: и҆ тебѣ̀ сла́вꙋ возсыла́емъ со \nбезнача́льнымъ твои́мъ ѻ҆ц҃е́мъ, и҆ прест҃ы́мъ и҆ \nбл҃ги́мъ, и҆ животворѧ́щимъ твои́мъ дх҃омъ, ны́нѣ и҆ \nпри́снѡ, и҆ во вѣ́ки вѣкѡ́въ, а҆ми́нь."}] |