106 lines
11 KiB
JSON
106 lines
11 KiB
JSON
[
|
|
{
|
|
"type": "HEADER",
|
|
"value": "Междоча́сїе тогѡ́жде часа̀."
|
|
},
|
|
{
|
|
"type": "TEXT",
|
|
"value": "По Бл҃гослове́нъ бг҃ъ: Трист҃о́е. По Ѻ҆́ ч҃е на́шъ: Сщ҃е́нникъ: Ꙗ҆́кѡ твоѐ є҆́сть црⷭ҇тво: И҆ мы̀: А҆ми́нь. Г дⷭ҇и поми́лꙋй, в҃і. Сла́ва, и҆ ны́нѣ: Прїиди́те, поклони́мсѧ: три́жды."
|
|
},
|
|
{
|
|
"type": "TEXT",
|
|
"value": "И҆ ѱалмы̀:"
|
|
},
|
|
{
|
|
"type": "HEADER",
|
|
"value": "Ѱало́мъ к҃ѳ."
|
|
},
|
|
{
|
|
"type": "TEXT",
|
|
"value": "В ознесꙋ́ тѧ, гдⷭ҇и, ꙗ҆́кѡ под̾ѧ́лъ мѧ̀ є҆сѝ, и҆ не возвесели́лъ є҆сѝ врагѡ́въ мои́хъ ѡ҆ мнѣ̀. гдⷭ҇и бж҃е мо́й, воззва́хъ къ тебѣ̀, и҆ и҆сцѣли́лъ мѧ̀ є҆сѝ. гдⷭ҇и, возве́лъ є҆сѝ ѿ а҆́да дꙋ́шꙋ мою̀, сп҃слъ мѧ̀ є҆сѝ ѿ низходѧ́щихъ въ ро́въ. по́йте гдⷭ҇еви, прпⷣбнїи є҆гѡ̀, и҆ и҆сповѣ́дайте па́мѧть ст҃ы́ни є҆гѡ̀: ꙗ҆́кѡ гнѣ́въ въ ꙗ҆́рости є҆гѡ̀, и҆ живо́тъ въ во́ли є҆гѡ̀: ве́черъ водвори́тсѧ пла́чь, и҆ заꙋ́тра ра́дость. а҆́зъ же рѣ́хъ во ѻ҆би́лїи мое́мъ: не подви́жꙋсѧ во вѣ́къ. гдⷭ҇и, во́лею твое́ю пода́ждь добро́тѣ мое́й си́лꙋ: ѿврати́лъ же є҆сѝ лицѐ твоѐ, и҆ бы́хъ смꙋще́нъ. къ тебѣ̀, гдⷭ҇и, воззовꙋ̀, и҆ къ бг҃ꙋ моемꙋ̀ помолю́сѧ. ка́ѧ по́льза въ кро́ви мое́й, внегда̀ сходи́ти мѝ во и҆стлѣ́нїе; є҆да̀ и҆сповѣ́стсѧ тебѣ̀ пе́рсть; и҆лѝ возвѣсти́тъ и҆́стинꙋ твою̀; слы́ша гдⷭ҇ь и҆ поми́лова мѧ̀: гдⷭ҇ь бы́сть помо́щникъ мо́й. ѡ҆брати́лъ є҆сѝ пла́чь мо́й въ ра́дость мнѣ̀, растерза́лъ є҆сѝ вре́тище моѐ и҆ препоѧ́салъ мѧ̀ є҆сѝ весе́лїемъ, ꙗ҆́кѡ да воспое́тъ тебѣ̀ сла́ва моѧ̀, и҆ не ᲂу҆милю́сѧ. гдⷭ҇и бж҃е мо́й, во вѣ́къ и҆сповѣ́мсѧ тебѣ̀."
|
|
},
|
|
{
|
|
"type": "HEADER",
|
|
"value": "Ѱало́мъ л҃а."
|
|
},
|
|
{
|
|
"type": "TEXT",
|
|
"value": "Б л҃же́ни, и҆́хже ѡ҆ста́вишасѧ беззакѡ́нїѧ, и҆ и҆́хже прикры́шасѧ грѣсѝ. бл҃же́нъ мꙋ́жъ, є҆мꙋ́же не вмѣни́тъ гдⷭ҇ь грѣха̀, нижѐ є҆́сть во ᲂу҆стѣ́хъ є҆гѡ̀ ле́сть. ꙗ҆́кѡ ᲂу҆молча́хъ, ѡ҆бетша́ша кѡ́сти моѧ̑, ѿ є҆́же зва́ти мѝ ве́сь де́нь, ꙗ҆́кѡ де́нь и҆ но́щь ѡ҆тѧготѣ̀ на мнѣ̀ рꙋка̀ твоѧ̀: возврати́хсѧ на стра́сть, є҆гда̀ ᲂу҆нзе́ ми те́рнъ. беззако́нїе моѐ позна́хъ и҆ грѣха̀ моегѡ̀ не покры́хъ, рѣ́хъ: и҆сповѣ́мъ на мѧ̀ беззако́нїе моѐ гдⷭ҇еви: и҆ ты̀ ѡ҆ста́вилъ є҆сѝ нече́стїе се́рдца моегѡ̀. за то̀ помо́литсѧ къ тебѣ̀ всѧ́къ прпⷣбный во вре́мѧ бл҃гопотре́бно: ѻ҆ба́че въ пото́пѣ во́дъ мно́гихъ къ немꙋ̀ не прибли́жатсѧ. ты̀ є҆сѝ прибѣ́жище моѐ ѿ ско́рби ѡ҆бдержа́щїѧ мѧ̀: ра́досте моѧ̀, и҆зба́ви мѧ̀ ѿ ѡ҆быше́дшихъ мѧ̀. вразꙋмлю́ тѧ, и҆ наста́влю тѧ̀ на пꙋ́ть се́й, во́ньже по́йдеши: ᲂу҆твержꙋ̀ на тѧ̀ ѻ҆́чи моѝ. не бꙋ́дите ꙗ҆́кѡ ко́нь и҆ ме́скъ, и҆́мже нѣ́сть ра́зꙋма: брозда́ми и҆ ᲂу҆здо́ю чє́люсти и҆́хъ востѧ́гнеши, не приближа́ющихсѧ къ тебѣ̀. мнѡ́ги ра̑ны грѣ́шномꙋ: ᲂу҆пова́ющаго же на гдⷭ҇а млⷭ҇ть ѡ҆бы́детъ. весели́тесѧ ѡ҆ гдⷭ҇ѣ и҆ ра́дꙋйтесѧ првⷣнїи, и҆ хвали́тесѧ, всѝ пра́вїи срⷣцемъ."
|
|
},
|
|
{
|
|
"type": "HEADER",
|
|
"value": "Ѱало́мъ ѯ҃."
|
|
},
|
|
{
|
|
"type": "TEXT",
|
|
"value": "Оу҆ слы́ши, бж҃е, моле́нїе моѐ, вонмѝ моли́твѣ мое́й: ѿ конє́цъ землѝ къ тебѣ̀ воззва́хъ, внегда̀ ᲂу҆ны̀ се́рдце моѐ: на ка́мень возне́слъ мѧ̀ є҆сѝ, наста́вилъ мѧ̀ є҆сѝ, ꙗ҆́кѡ бы́лъ є҆сѝ ᲂу҆пова́нїе моѐ, сто́лпъ крѣ́пости ѿ лица̀ вра́жїѧ. вселю́сѧ въ селе́нїи твое́мъ во вѣ́ки, покры́юсѧ въ кро́вѣ кри́лъ твои́хъ. ꙗ҆́кѡ ты̀, бж҃е, ᲂу҆слы́шалъ є҆сѝ моли̑твы моѧ̑, да́лъ є҆сѝ достоѧ́нїе боѧ́щымсѧ и҆́мене твоегѡ̀. дни̑ на дни̑ царє́вы приложи́ши, лѣ̑та є҆гѡ̀ до днѐ ро́да и҆ ро́да. пребꙋ́детъ въ вѣ́къ пред̾ бг҃омъ: млⷭ҇ть и҆ и҆́стинꙋ є҆гѡ̀ кто̀ взы́щетъ; та́кѡ воспою̀ и҆́мени твоемꙋ̀ во вѣ́ки, возда́ти мѝ моли̑твы моѧ̑ де́нь ѿ днѐ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ: Трист҃о́е. Покло́ны трѝ. П рест҃а́ѧ трⷪ҇це: по Ѻ҆́ ч҃е на́шъ: Сщ҃е́нникъ: Ꙗ҆́кѡ твоѐ є҆́сть црⷭ҇тво: И҆ мы̀: А҆ми́нь."
|
|
},
|
|
{
|
|
"type": "HEADER",
|
|
"value": "И҆ тропарѝ сїѧ̑, во гла́съ ѕ҃:"
|
|
},
|
|
{
|
|
"type": "TEXT",
|
|
"value": "Б ж҃е ѻ҆тє́цъ на́шихъ, / творѧ́й при́снѡ съ на́ми по твое́й кро́тости, / не ѿста́ви млⷭ҇ть твою̀ ѿ на́съ: / но мл҃твами и҆́хъ / въ ми́рѣ ᲂу҆пра́ви живо́тъ на́шъ."
|
|
},
|
|
{
|
|
"type": "TEXT",
|
|
"value": "Сла́ва: Мч҃ницы твоѝ, гдⷭ҇и, / во страда́нїихъ свои́хъ вѣнцы̀ прїѧ́ша нетлѣ̑нныѧ ѿ тебє̀ бг҃а на́шегѡ: / и҆мꙋ́ще бо крѣ́пость твою̀, / мꙋчи́телей низложи́ша, / сокрꙋши́ша и҆ де́мѡнѡвъ немѡщны́ѧ де́рзѡсти. / тѣ́хъ моли́твами / спасѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Стѣна̀ неѡбори́маѧ на́мъ хрⷭ҇тїа́нѡмъ є҆сѝ, бцⷣе дв҃о: / къ тебѣ́ бо прибѣга́юще, невреди́ми пребыва́емъ, / и҆ па́ки согрѣша́юще, и҆́мамы тѧ̀ моли́твенницꙋ, / тѣ́мъ благодарѧ́ще вопїе́мъ тѝ: / ра́дꙋйсѧ, бл҃года́тнаѧ, гдⷭ҇ь съ тобо́ю."
|
|
},
|
|
{
|
|
"type": "TEXT",
|
|
"value": "Г дⷭ҇и поми́лꙋй, м҃. Сла́ва, и҆ ны́нѣ:"
|
|
},
|
|
{
|
|
"type": "TEXT",
|
|
"value": "Чⷭ҇ тнѣ́йшꙋю херꙋві̑мъ, / и҆ сла́внѣйшꙋю без̾ сравне́нїѧ серафі̑мъ, / без̾ и҆стлѣ́нїѧ бг҃а сло́ва ро́ждшꙋю, / сꙋ́щꙋю бцⷣꙋ тѧ̀ велича́емъ."
|
|
},
|
|
{
|
|
"type": "TEXT",
|
|
"value": "И҆́ менемъ гдⷭ҇нимъ бл҃гословѝ, ѻ҆́тче."
|
|
},
|
|
{
|
|
"type": "TEXT",
|
|
"value": "Сщ҃е́нникъ: Мл҃твами ст҃ы́хъ ѻ҆тє́цъ на́шихъ, гдⷭ҇и і҆и҃се хрⷭ҇тѐ бж҃е на́шъ, поми́лꙋй на́съ."
|
|
},
|
|
{
|
|
"type": "TEXT",
|
|
"value": "И҆ мы̀: А҆ми́нь."
|
|
},
|
|
{
|
|
"type": "TEXT",
|
|
"value": "И҆ твори́мъ трѝ вели̑кїѧ покло́ны съ мл҃твою ст҃а́гѡ є҆фре́ма:"
|
|
},
|
|
{
|
|
"type": "TEXT",
|
|
"value": "Г дⷭ҇и и҆ влⷣко живота̀ моегѡ̀, дꙋ́хъ пра́здности, ᲂу҆ны́нїѧ, любонача́лїѧ и҆ праздносло́вїѧ не да́ждь мѝ. Покло́нъ."
|
|
},
|
|
{
|
|
"type": "TEXT",
|
|
"value": "Д ꙋ́хъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ, да́рꙋй мѝ рабꙋ̀ твоемꙋ̀. Покло́нъ."
|
|
},
|
|
{
|
|
"type": "TEXT",
|
|
"value": "Є҆́ й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ. Покло́нъ."
|
|
},
|
|
{
|
|
"type": "HEADER",
|
|
"value": "Посе́мъ настоѧ́щꙋю мл҃твꙋ вели́кагѡ васі́лїа:"
|
|
},
|
|
{
|
|
"type": "TEXT",
|
|
"value": "Г дⷭ҇и бж҃е на́шъ, тво́й ми́ръ да́вый человѣ́кѡмъ, и҆ прест҃а́гѡ дх҃а да́ръ твои̑мъ ᲂу҆ч҃нкѡ́мъ и҆ а҆пⷭ҇лѡмъ низпосла́вый, и҆ си́хъ ᲂу҆стнѣ̀ ѻ҆́гненными ѧ҆зы́ки разве́рзый си́лою твое́ю, разве́рзи и҆ на́съ грѣ́шныхъ ᲂу҆стнѣ̀, и҆ наꙋчѝ ны, ка́кѡ подоба́етъ, и҆ ѡ҆ ни́хже тре́бѣ є҆́сть моли́тисѧ: ᲂу҆пра́ви на́шꙋ жи́знь, бл҃гоѡти́шное ѡ҆бꙋрева́емыхъ приста́нище, и҆ скажи́ на́мъ пꙋ́ть, во́ньже по́йдемъ. дх҃ъ пра́въ ѡ҆бновѝ во ᲂу҆тро́бахъ на́шихъ, и҆ дх҃омъ влⷣчнимъ мы́сли на́шеѧ ᲂу҆твердѝ поползнове́нїе, да на всѧ́къ де́нь дх҃омъ твои́мъ бл҃ги́мъ къ поле́зномꙋ наставлѧ́еми, сподо́бимсѧ твори́ти за́пѡвѣди твоѧ̀, и҆ твоѐ при́снѡ помина́ти сла́вное и҆ и҆спыта́тельное прише́ствїе содѣ́ѧнныхъ на́ми человѣ́ки, и҆ не прельща́тисѧ тлѣ́ющими мі́ра сегѡ̀ красота́ми, но бꙋ́дꙋщихъ жела́ти воспрїѧ́тїѧ ᲂу҆крѣпѝ сокро́вищъ. ꙗ҆́кѡ бл҃гослове́нъ є҆сѝ и҆ хва́ленъ ѿ всѣ́хъ ст҃ы́хъ твои́хъ, во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "По чи́нꙋ же бж҃е́ственный ча́съ начина́й шесты́й."
|
|
}
|
|
] |