646 lines
46 KiB
JSON
646 lines
46 KiB
JSON
[
|
|
{
|
|
"type": "HEADER",
|
|
"value": "Феѵрꙋа́рїа д҃"
|
|
},
|
|
{
|
|
"type": "HEADER",
|
|
"value": "Ст҃а́гѡ бл҃говѣ́рнагѡ вели́кагѡ кнѧ́зѧ геѡ́ргїа."
|
|
},
|
|
{
|
|
"type": "HEADER",
|
|
"value": "На ма́лѣй вече́рни стїхи̑ры, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Нбⷭ҇ныхъ чинѡ́въ слико́вника, и҆ мꙋ́ченикѡвъ сострада́льца, премꙋ́драго во́ина благоче́стїѧ, и҆ и҆́стиннаго проповѣ́дника хрⷭ҇то́ва, геѡ́ргїа великоимени́таго восхва́лимъ, вѣ́рнїи, ра́дꙋющесѧ. Два́жды."
|
|
},
|
|
{
|
|
"type": "TEXT",
|
|
"value": "Хрⷭ҇тїа́нѡмъ забра́ло крѣ́пкое, столпа̀ непоколеби́маго мꙋчи́тельскими прещє́нїи, кꙋпца̀ всеизрѧ́днаго, тлѣ̑ннаѧ на нетлѣ̑ннаѧ и҆змѣни́вшаго, и҆ на́съ свы́ше назира́юща вѣ́рнѡ ᲂу҆блажи́мъ."
|
|
},
|
|
{
|
|
"type": "TEXT",
|
|
"value": "И҆зрѧ́днаго страда́телѧ всѝ геѡ́ргїа, свѣ́тлаго храбо́рника, ны́нѣ на́мъ возсїѧ́вшаго и҆́стиннагѡ страда́нїѧ лꙋча́ми, воспое́мъ веселѧ́щесѧ, и҆ тогѡ̀ моще́мъ покланѧ́емсѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Дне́сь рѡссі́йскаѧ страна̀ страстоте́рпческими просвѣща́етсѧ зарѧ́ми, и҆ хрⷭ҇то́ва це́рковь цвѣ́ты ᲂу҆краша́ема, геѡ́ргїе, вопїе́тъ тѝ: ᲂу҆го́дниче хрⷭ҇то́въ и҆ предста́телю те́плый, не преста́й молѧ́сѧ ѡ҆ рабѣ́хъ твои́хъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "И҆́мамы тѧ̀ мно́гихъ да́телѧ дарова́нїй, ᲂу҆го́дниче гдⷭ҇ень: и҆сполнѧ́еши бо прошє́нїѧ, ꙗ҆̀же и҆́мамы всегда̀."
|
|
},
|
|
{
|
|
"type": "TEXT",
|
|
"value": "Сті́хъ: Пра́ведникъ, ꙗ҆́кѡ фі́нїѯъ, процвѣте́тъ, ꙗ҆́кѡ ке́дръ, и҆́же въ лїва́нѣ, ᲂу҆мно́житсѧ."
|
|
},
|
|
{
|
|
"type": "TEXT",
|
|
"value": "Пѣ̑нїѧ сла̑дкаѧ, страсте́й похвалє́нїѧ, благода́темъ воздаѧ̑нїѧ, предложе́нїе, блаже́нне, прїимѝ, геѡ́ргїе."
|
|
},
|
|
{
|
|
"type": "TEXT",
|
|
"value": "Сті́хъ: Насажде́ни въ домꙋ̀ гдⷭ҇ни, во дво́рѣхъ бг҃а на́шегѡ процвѣтꙋ́тъ."
|
|
},
|
|
{
|
|
"type": "TEXT",
|
|
"value": "Добро́та страда́льцємъ, благолѣ́пїе мꙋ́ченикѡмъ, царє́мъ храни́телю, прїимѝ ны́нѣ похвалꙋ̀ вѣ́рою сла́вѧщихъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Дѣ́ло благолѣ́пно, дв҃а по ржⷭ҇твѣ̀, рожде́нїе бг҃ъ сло́во, человѣ́че є҆стество̀ и҆мѣ́ѧй, и҆ ꙗ҆влѧ́ѧ бжⷭ҇твєннаѧ."
|
|
},
|
|
{
|
|
"type": "HEADER",
|
|
"value": "На вели́цѣй вече́рни. Блаже́нъ мꙋ́жъ: а҃-й а҆нтїфѡ́нъ."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Всехва́льнїи:"
|
|
},
|
|
{
|
|
"type": "TEXT",
|
|
"value": "І҆сма́ильтескими кꙋма́ны твоѐ мꙋ́жество не прело́жсѧ, бл҃говѣ́рный вели́кїй кнѧ́же геѡ́ргїе прехва́льне, и҆ бжⷭ҇твенною благода́тїю побѣдоно́сецъ ꙗ҆ви́сѧ, и҆ ли́къ приве́лъ є҆сѝ мꙋ́чєникъ, хрⷭ҇тꙋ̀ во́инствꙋеши, ѿ всѧ́кагѡ, сла́вне, во́зраста совокꙋплѧ́емь, и҆ ѿ ро́да всѧ́кагѡ составлѧ́емь."
|
|
},
|
|
{
|
|
"type": "TEXT",
|
|
"value": "Геѡ́ргїе прехва́льне, кра́сный ли́къ соста́вивъ спострада́вшихъ съ тобо́ю: съ ни́миже подвиза́лсѧ є҆сѝ до́брымъ по́двигомъ, тече́нїе соверши́въ твоегѡ̀ мꙋ́жества страда́нїе: тѣ́мъ моли́сѧ, дарова́ти дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Во́ини бг҃омꙋ́дрїи, хрⷭ҇то́вымъ раче́нїемъ распалѧ́еми, не́мѡщи є҆сте́ствєнныѧ забы́ша, и҆ си́лою бжⷭ҇твенною ꙗ҆́вѣ ᲂу҆крѣплѧ́еми, го́рдость безбо́жныхъ попра́ша, не ᲂу҆страши́вшесѧ мꙋче́нїѧ болѣ́зней, и҆ ме́чнагѡ стремле́нїѧ не ᲂу҆боѧ́вшесѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ д҃. Самогла́сенъ:"
|
|
},
|
|
{
|
|
"type": "TEXT",
|
|
"value": "Пѣ́сненнѡ пастыренача́льника дне́сь, вѣ́рнїи, є҆диномы́сленнѡ почти́мъ, геѡ́ргїа сла́внаго со дрꙋжи́ною є҆гѡ̀, и҆̀же кро́вь пролїѧ́ша за правосла́внꙋю вѣ́рꙋ: тѣ́мъ и҆ ꙗ҆зы́ческїй ꙗ҆́ростный ѻ҆́блакъ попалѧ́ше на лицы̀ землѝ, ѡ҆блича́ѧ на́шꙋ триплете́ннꙋю ѕло́бꙋ. Тѣ́мъ, хрⷭ҇тѐ бж҃е, и҆́же своего̀ страстоте́рпца ᲂу҆крѣпи́въ, и҆ на́съ соблюдѝ, ꙗ҆́кѡ всѣ́хъ влⷣка, ѿ и҆скꙋше́нїй и҆ скорбе́й, моли́твами ст҃ы́хъ твои́хъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, и҆лѝ бг҃оро́диченъ."
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. Чтє́нїѧ трѝ."
|
|
},
|
|
{
|
|
"type": "HEADER",
|
|
"value": "Прⷪ҇ро́чества и҆са́їина чте́нїе. (Глава̀ м҃г.)"
|
|
},
|
|
{
|
|
"type": "TEXT",
|
|
"value": "Та́кѡ гл҃го́летъ гдⷭ҇ь: всѝ ꙗ҆зы́цы собра́шасѧ вкꙋ́пѣ, и҆ соберꙋ́тсѧ кнѧ́зи ѿ ни́хъ, кто̀ возвѣсти́тъ сїѧ̑ въ ни́хъ; и҆лѝ ꙗ҆̀же ѿ нача́ла, кто̀ слы̑шана сотвори́тъ ва́мъ; да приведꙋ́тъ свидѣ́тели своѧ̑, и҆ ѡ҆правдѧ́тсѧ, и҆ да ᲂу҆слы́шатъ, и҆ да рекꙋ́тъ и҆́стинꙋ. Бꙋ́дите мѝ свидѣ́тели, и҆ а҆́зъ свидѣ́тель, гл҃го́летъ гдⷭ҇ь бг҃ъ: и҆ ѻ҆́трокъ є҆го́же и҆збра́хъ, да позна́ете, и҆ вѣ́рꙋете мѝ, и҆ разꙋмѣ́ете, ꙗ҆́кѡ а҆́зъ є҆́смь, пре́жде менє̀ не бы́сть и҆́нъ бо́гъ, и҆ по мнѣ̀ не бꙋ́детъ. А҆́зъ є҆́смь бг҃ъ, и҆ нѣ́сть ра́звѣ менє̀ спаса́ѧй. А҆́зъ возвѣсти́хъ и҆ спасо́хъ, ᲂу҆ничижи́хъ, и҆ не бѣ̀ въ ва́съ чꙋ́ждїй. Вы̀ мнѣ̀ свидѣ́тели, и҆ а҆́зъ гдⷭ҇ь бг҃ъ, и҆ є҆щѐ ѿ нача́ла а҆́зъ є҆́смь, и҆ нѣ́сть ѿ рꙋ́къ мои́хъ и҆збавлѧ́ѧй. Сотворю̀, и҆ кто̀ ѿврати́тъ то̀; си́це гл҃го́летъ гдⷭ҇ь бг҃ъ, и҆збавлѧ́ѧй ва́съ ст҃ы́й і҆и҃левъ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ г҃.)"
|
|
},
|
|
{
|
|
"type": "TEXT",
|
|
"value": "Пра́ведныхъ дꙋ́ши въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѡ҆ на́съ ше́ствїе сокрꙋше́нїе, ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено. И҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ, ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь, разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ благода́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ д҃.)"
|
|
},
|
|
{
|
|
"type": "TEXT",
|
|
"value": "Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ. Сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости житїѐ нескве́рное. Бл҃гоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ. Лю́дїе же ви́дѣвше и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры, гла́съ д҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ ѕвѣзда̀ пресвѣ́тлаѧ, мі́ръ просвѣща́еши чꙋде́сными блиста̑нїи, страстоте́рпче вели́кїй кнѧ́же геѡ́ргїе, мра́къ грѣхо́вный ѿгонѧ́ѧ: тѣ́мъ восхвалѧ́емъ ра́достнѡ торжествꙋ́юще твою̀ па́мѧть."
|
|
},
|
|
{
|
|
"type": "TEXT",
|
|
"value": "Ка́плѧми кро́ве твоеѧ̀ ѡ҆червлени́въ ри̑зы твоѧ̑, страстоте́рпче геѡ́ргїе: тѣ́мъ весе́лымъ се́рдцемъ па́мѧть твою̀ пра́зднꙋюще, мо́лимсѧ непреста́ннѡ, да мо́лишисѧ ко гдⷭ҇ꙋ за дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Свѣтоза́рнаѧ и҆ свѧта́ѧ наста̀ па́мѧть вели́кагѡ кнѧ́зѧ и҆ страстоте́рпца геѡ́ргїа, ꙗ҆́же рѡссі́йскꙋю зе́млю просвѣща́ющи, и҆ мра́къ грѣхо́вный ѿгонѧ́ющи, и҆сцѣле́нїй благода́ть всѣ̑мъ и҆сточа́етъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃:"
|
|
},
|
|
{
|
|
"type": "TEXT",
|
|
"value": "Разꙋ́мнаго свѣти́льника вѣ́ры геѡ́ргїа восхва́лимъ, до́брѣ пострада́вшагѡ, и҆ кро́вїю мꙋче́нїѧ своегѡ̀ це́рковь ѡ҆багри́вша: тѣ́мъ и҆ прїѧ́тъ и҆сцѣле́нїѧ да́ръ ѻ҆би́льный, и҆сцѣлѧ́ти недꙋ́ги, вѣ́рно приходѧ́щымъ къ ра́цѣ моще́й є҆гѡ̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "Въ рѡссі́йстѣй землѝ, ꙗ҆́коже со́лнце возсїѧ́лъ є҆сѝ, зарѧ́ми страда́нїѧ, всѣ́хъ привлача̀ сердца̀ и҆ помышлє́нїѧ къ твои̑мъ чꙋдесє́мъ, пресла́вне."
|
|
},
|
|
{
|
|
"type": "TEXT",
|
|
"value": "Сті́хъ: Пра́ведникъ, ꙗ҆́кѡ фі́нїѯъ, процвѣте́тъ, ꙗ҆́кѡ ке́дръ, и҆́же въ лїва́нѣ, ᲂу҆мно́житсѧ."
|
|
},
|
|
{
|
|
"type": "TEXT",
|
|
"value": "Рѡссі̑йскаѧ племена̀ всѧ̑, є҆ли̑ка благочести̑ваѧ, дх҃о́внѣ ликовствꙋ́йте пѣ́сньми, вели́каго кнѧ́зѧ, геѡ́ргїа пострада́вшаго."
|
|
},
|
|
{
|
|
"type": "TEXT",
|
|
"value": "Сті́хъ: Насажде́ни въ домꙋ̀ гдⷭ҇ни, во дво́рѣхъ бг҃а на́шегѡ процвѣтꙋ́тъ."
|
|
},
|
|
{
|
|
"type": "TEXT",
|
|
"value": "Послѣ̑днимъ си̑мъ временє́мъ ты̀ красота̀ показа́лсѧ є҆сѝ, мꙋ́ченикѡмъ ѡ҆бновлѧ́ѧ страда̑нїѧ, и҆ до конца̀ низлага́ѧ пре́лесть, блаже́нне, дꙋшегꙋ́бнꙋю."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Лꙋка́вое и҆ невѣ́рное ѕлосовѣ́тїе баты́ево проразꙋмѣ́въ, благовѣ́рный вели́кїй кнѧ́же геѡ́ргїе, де́рзостїю дꙋхо́вною по хрⷭ҇тѣ̀ подвиза́лсѧ є҆сѝ съ дрꙋжи́ною: и҆ кꙋ́пнѡ до́блественнѣ мꙋ́жески терпѣ́нїемъ пострада́вше, глава́мъ ᲂу҆сѣка́ємымъ стра́шенъ въ мꙋ́ченицѣхъ показа́лсѧ є҆сѝ. Дерзнове́нїе и҆мѣ́ѧ къ бг҃ꙋ, молѝ ѿ прегрѣше́нїй лю́тыхъ и҆зба́витисѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, и҆лѝ бг҃оро́диченъ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ и҃:"
|
|
},
|
|
{
|
|
"type": "TEXT",
|
|
"value": "На высотѣ̀ вели́кагѡ кнѧже́нїѧ сѣдѧ̀, ꙗ҆ви́лсѧ є҆сѝ благоче́стїемъ и҆ вѣ́рою сїѧ́ѧ ѻ҆те́чествꙋ своемꙋ̀ ꙗ҆́кѡ со́лнце: по ст҃ѣ́й трⷪ҇цѣ ре́вностїю разже́гсѧ, и҆ за вѣ́рꙋ крѣ́пкѡ пострада́въ, кро́вь твою̀ пролїѧ́лъ є҆сѝ. Тѣ́мъ и҆ ѿсѣ́ченнаѧ твоѧ̀ за хрⷭ҇та̀ глава̀ свидѣ́тельствꙋетъ ꙗ҆́вѣ ѡ҆ тебѣ̀, прилѣ́пшаѧ по сме́рти къ тѣлесѝ твоемꙋ̀: съ не́юже и҆ до дне́сь нетлѣ̑нны пребыва́ютъ мо́щи твоѧ̑, ѿ ни́хже и҆сточа́еши и҆сцѣлє́нїѧ дꙋша́мъ и҆ тѣлесє́мъ на́шымъ. Но ꙗ҆́кѡ дерзнове́нїе и҆мѣ́ѧ ко хрⷭ҇тꙋ̀, страстоте́рпче геѡ́ргїе, непреста́ннѡ молѝ, держа́вꙋ твою̀, и҆ срѡ́дникъ твои́хъ, безвре́днꙋ сохрани́ти моли́твами твои́ми."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, и҆лѝ бг҃оро́диченъ."
|
|
},
|
|
{
|
|
"type": "HEADER",
|
|
"value": "На ᲂу҆́трени по а҃-й стїхоло́гїи сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆ви́лсѧ є҆сѝ дне́сь:"
|
|
},
|
|
{
|
|
"type": "TEXT",
|
|
"value": "Геѡ́ргїа дне́сь страстоте́рпца пра́здникъ сотворѧ́емъ бг҃омꙋ́дреннѡ, ꙗ҆́кѡ хрⷭ҇тꙋ̀ непреста́ннѡ молѧ́щасѧ, всѣ̑мъ да́ти ми́ръ и҆ ми́лость. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Те́плое застꙋпле́нїе сꙋ́щымъ въ бѣда́хъ, на́шꙋ помо́щницꙋ и҆ къ бг҃ꙋ премѣне́нїе, є҆ѧ́же ра́ди тлѝ и҆зба́вихомсѧ, бцⷣꙋ, вѣ́рнїи, ᲂу҆блажа́емъ."
|
|
},
|
|
{
|
|
"type": "HEADER",
|
|
"value": "По в҃-й стїхоло́гїи сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ско́рѡ предварѝ:"
|
|
},
|
|
{
|
|
"type": "TEXT",
|
|
"value": "Па́мѧть твоѧ̀, сла́вне мꙋ́чениче геѡ́ргїе, ᲂу҆ѧснѝ дне́сь цр҃ковь хрⷭ҇то́вꙋ, и҆ всѧ̑ собра̀ пѣ́сньми по достоѧ́нїю восхвали́ти тѧ̀, бг҃омꙋ́дре, ꙗ҆́кѡ вои́стиннꙋ во́ина, и҆ врагѡ́въ потреби́телѧ: тѣ́мже мольба́ми твои́ми и҆зба́ви на́съ ѿ и҆скꙋше́нїй. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Пое́мъ тѧ̀, бг҃оневѣ́сто, мт҃и хрⷭ҇та̀ бг҃а, сла́вѧще ржⷭ҇тво̀ твоѐ непостижи́мое, и҆́мже и҆зба́вихомсѧ ѿ ле́сти дїа́воли, и҆ всѧ́ческихъ бѣ́дъ, влⷣчце бцⷣе, и҆ вѣ́рнѡ взыва́емъ: поми́лꙋй ста́до твоѐ, є҆ди́на всепѣ́таѧ."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Сїѧ̑нїи чꙋде́съ ꙗ҆́кѡ лꙋчы̀ ѡ҆блиста́еши, и҆ всѧ̑ просвѣща́еши мі́ра концы̀ ꙗ҆́кѡ ѕвѣзда̀ пресвѣ́тлаѧ, и҆ краснѡ̀ благоꙋха́еши ꙗ҆́коже дрꙋгі́й ра́й, и҆ дꙋ́шы весели́ши, и҆ ᲂу҆ставлѧ́еши недꙋ́ги: тѣ́мже тѧ̀, всеблаже́нне, по до́лгꙋ пое́мъ, и҆ любо́вїю почита́емъ честнꙋ́ю па́мѧть твою̀, страстоте́рпче вели́кїй кнѧ́же геѡ́ргїе: молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти чтꙋ́щымъ любо́вїю свѧтꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ дв҃ꙋ и҆ є҆ди́нꙋ въ жена́хъ, тѧ̀ безъ сѣ́мене ро́ждшꙋю бг҃а пло́тїю, всѝ ᲂу҆блажа́емъ ро́ди человѣ́честїи: ѻ҆́гнь бо всели́сѧ въ тѧ̀ бжⷭ҇тва̀, и҆ ꙗ҆́кѡ младе́нца дои́ши зижди́телѧ и҆ гдⷭ҇а. Тѣ́мъ а҆́гг҃льскїй и҆ человѣ́ческїй ро́дъ досто́йнѡ сла́вимъ прест҃о́е ржⷭ҇тво̀ твоѐ, и҆ согла́снѡ вопїе́мъ тѝ: молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти покланѧ́ющымсѧ вѣ́рою прест҃о́мꙋ ржⷭ҇твꙋ̀ твоемꙋ̀."
|
|
},
|
|
{
|
|
"type": "HEADER",
|
|
"value": "Та́же степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Возвесели́тсѧ пра́ведникъ ѡ҆ гдⷭ҇ѣ:"
|
|
},
|
|
{
|
|
"type": "TEXT",
|
|
"value": "Сті́хъ: Оу҆слы́ши, бж҃е, гла́съ мо́й:"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ матѳе́а, зача́ло л҃ѕ."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Дне́сь цр҃ковь торжествꙋ́етъ, страстоте́рпца красѧ́щисѧ пѡ́двиги, ꙗ҆́кѡ многоцѣ́нною ѻ҆де́ждею, и҆ вопїе́тъ хва́лѧщисѧ: сицева̑ моѧ̑ рождє́нїѧ, таковы̑ моѝ сы́нове, и҆̀хже пе́рвѣе породи́хъ креще́нїемъ, воспита́хъ же стра́хомъ гдⷭ҇нимъ, и҆ ны́нѣ мꙋ́ченики ви́жꙋ, и҆́стинѣ вѣне́чники и҆збра̑нны, да мо́лѧтсѧ ѡ҆ вселе́ннѣй ко гдⷭ҇ꙋ."
|
|
},
|
|
{
|
|
"type": "HEADER",
|
|
"value": "Канѡ́нъ бцⷣы на ѕ҃, гла́съ в҃:"
|
|
},
|
|
{
|
|
"type": "TEXT",
|
|
"value": "Нетре́ннꙋ, неѻбы́чнꙋ:"
|
|
},
|
|
{
|
|
"type": "HEADER",
|
|
"value": "Канѡ́нъ ст҃а́гѡ на и҃, гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃и́цѣ мт҃ри, и҆ ꙗ҆влю́сѧ, свѣ́тлѡ торжествꙋ́ѧ, и҆ воспою̀, ра́дꙋѧсѧ, тоѧ̀ чꙋдеса̀."
|
|
},
|
|
{
|
|
"type": "TEXT",
|
|
"value": "Новоѧвле́нъ мч҃никъ, блаже́нне геѡ́ргїе, вселе́ннѣй напослѣ́докъ ꙗ҆ви́сѧ: тѣ́мже мѝ пода́ждь сло́во твоѐ бж҃їею бл҃года́тїю, твоѧ̑ по́двиги воспѣ́ти по достоѧ́нїю."
|
|
},
|
|
{
|
|
"type": "TEXT",
|
|
"value": "Во́инствомъ досточꙋ́днымъ твоегѡ̀ сопротивле́нїѧ побѣ̑днаѧ прїѧ́хомъ, на мꙋчи́телѧ є҆стествꙋ̀: соверше́ннѣ бо посра́мленъ бы́въ, не ктомꙋ̀ мꙋчи́тєльскаѧ дерза́ти начина́етъ."
|
|
},
|
|
{
|
|
"type": "TEXT",
|
|
"value": "Ѡ҆дѣ́ѧвсѧ во брѡнѧ̀ и҆сповѣ́данїемъ вѣ́ры, и҆ шле́мъ возложи́въ благода́ти свѣтлѣ́йшїй, и҆ ѧ҆зы́комъ же, геѡ́ргїе, благовѣща́ннымъ, ꙗ҆́коже мече́мъ, ссѣчѐ ѻ҆каѧ́ннаго баты́ѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Гора̀ превысо́каѧ, ю҆́же ви́дѣ данїи́лъ, ка́мень горы̀ ѿсѣче́сѧ, кромѣ̀ рꙋ́къ мꙋ́жескихъ, тебѐ проѡбразова̀, бцⷣе: безъ мꙋ́жа бо на́мъ пло́тїю родила̀ є҆сѝ є҆мманꙋ́ила."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Твоѧ̑ пѣсносло́вцы, бцⷣе, живы́й и҆ незави́стный и҆сто́чниче, ли́къ себѣ̀ совокꙋ́пльшыѧ дх҃о́внѡ ᲂу҆твердѝ, въ бж҃е́ственнѣй твое́й сла́вѣ вѣнце́въ сла́вы сподо́би."
|
|
},
|
|
{
|
|
"type": "TEXT",
|
|
"value": "Мꙋ́ками ꙗ҆́кѡ зла́то честно́е и҆скꙋси́лсѧ є҆сѝ, страда́льче сла́вне, и҆ цр҃е́ви си́лъ прине́слсѧ є҆сѝ всепло́дїе словесѝ и҆́стинно, вмѣ́стѡ ѻ҆гнѧ̀ ѻ҆лта́рнагѡ мече́мъ и҆стнѣ́емо."
|
|
},
|
|
{
|
|
"type": "TEXT",
|
|
"value": "Съ ва́рваромъ бра́всѧ, и҆ сего̀ побѣди́лъ є҆сѝ, ѿ хрⷭ҇та̀ дерзнове́нїе прїи́мъ, мно́гꙋ печа́ль бѣсѡ́мъ сотвори́лъ є҆сѝ, свѧты̑мъ же а҆́гг҃лѡмъ весе́лїе и҆ ра́дость: съ ни́миже водворѧ́ешисѧ."
|
|
},
|
|
{
|
|
"type": "TEXT",
|
|
"value": "Ма́слина плодови́таѧ въ цр҃кви жива́гѡ бг҃а, твои́хъ моще́й ра́ка ны́нѣ ꙗ҆ви́сѧ, ѿ неѧ́же прїе́млемъ разли̑чнаѧ недꙋ́гѡвъ и҆сцѣлє́нїѧ, и҆̀же тобо́ю ѡ҆бога́щшїисѧ, и҆ чꙋдесы̀ твои́ми красѧ́щїисѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Речѐ бж҃е́ственный і҆езекі́иль: и҆ бꙋ́детъ две́рь затворе́на, и҆ сїѐ на тебѣ̀ и҆спо́лнисѧ, влⷣчце: вни́де бо несказа́ннѡ въ тѧ̀ ѻ҆́ч҃ее сло́во, и҆ мі́рꙋ ꙗ҆ви́сѧ плотоно́сецъ и҆зъ тебє̀, дв҃о, сохрани́въ тѧ̀ во ѻ҆бои́хъ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Премꙋ́дрости рачи́тель бы́въ, сокро́вище добродѣ́телей, ѿѻнꙋ́дꙋже и҆ почерпѐ бжⷭ҇твєннаѧ разꙋмѣ̑нїѧ: тѣ́мже и҆ вре́мени прише́дшꙋ, къ подвигѡ́мъ ᲂу҆се́рднѡ подви́гсѧ, прїе́млѧ мꙋ́ченичєскїѧ ра̑ны, главѣ̀ ᲂу҆сѣче́нїе, и҆ кро́ви и҆стече́нїе: и҆ ны́нѣ живе́ши въ неизрече́ннѣ свѣ́тѣ съ мꙋ́чєники. Тѣ́мже вопїе́мъ тѝ: молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти покланѧ́ющымсѧ вѣ́рою свѧты̑мъ моще́мъ твои̑мъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Помышлѧ́ю сꙋ́дъ, и҆ и҆спыта̑нїѧ стра̑шнаѧ, трепе́щꙋ и҆ ᲂу҆жаса́юсѧ мꙋ́къ, и҆ ѻ҆гнѧ̀ болѣ̑зни, и҆ тмꙋ́ же и҆ та́ртаръ: ᲂу҆вы̀, что̀ сотворю̀, стꙋ́дъ ка́кѡ претерплю̀, є҆гда̀ кни̑ги разгнꙋ́тсѧ, и҆ дѣѧ̑нїѧ ѡ҆блича́тсѧ; сегѡ̀ ра́ди припа́даю тѝ, бцⷣе пречⷭ҇таѧ, тогда̀ предста́ни мѝ, нꙋ́жды ѻ҆́ныѧ и҆з̾има́ющи: тебе́ бо и҆́мамъ прибѣ́жище, влⷣчце."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Сѣдѧ́й въ сла́вѣ на прⷭ҇то́лѣ бж҃ества̀, во ѻ҆́блацѣ ле́гцѣ, прїи́де і҆и҃съ пребжⷭ҇твенный, нетлѣ́нною дла́нїю, и҆ спасѐ зовꙋ́щыѧ: сла́ва, хрⷭ҇тѐ, си́лѣ твое́й."
|
|
},
|
|
{
|
|
"type": "TEXT",
|
|
"value": "Настꙋпи́въ на ва́рварское стремле́нїе, и҆ попра́въ сего̀, мꙋ́чениче, росо́ю съ нб҃съ бжⷭ҇твеннѡ ѡ҆богати́сѧ, взыва́ѧ хрⷭ҇тꙋ̀: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Па́че смы́сла страстоте́рпца твоегѡ̀ любы̀ превосхо́дитъ всѧ̑ помышлє́нїѧ, сло́ве, борє́нїѧ и҆ мꙋ́жествєнныѧ по́двиги, и҆ натрижнє́нїѧ, ꙗ҆̀же по́далъ є҆сѝ зако́ннѡ є҆мꙋ̀ пострада́ти."
|
|
},
|
|
{
|
|
"type": "TEXT",
|
|
"value": "Ꙗ҆́кѡ до́бръ во́инъ, ꙗ҆́кѡ непобѣди́мь мꙋ́ченикъ, ꙗ҆́кѡ хрⷭ҇то́въ храбо́рникъ, и҆ ꙗ҆́кѡ бл҃гоче́стїѧ побо́рникъ, нбⷭ҇наѧ селє́нїѧ наслѣ́довалъ, ликѡ́мъ а҆́гг҃льскимъ всегда̀ свеселѧ́сѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆з̾ѡбразова́ше въ чермнѣ́мъ проше́ствїе дре́вле і҆и҃лево безмꙋ́жное твоѐ ржⷭ҇тво̀, всецр҃и́це: ꙗ҆́коже бо ѻ҆́нъ тогда̀ пре́йде немо́креннѡ, та́кѡ и҆ хрⷭ҇то́съ безсѣ́меннѡ ѿ твои́хъ пречⷭ҇тыхъ крове́й произы́де, дв҃о."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасо́шасѧ всѧ́чєскаѧ ѡ҆ бжⷭ҇твеннѣй сла́вѣ твое́й: ты́ бо, неискꙋсобра́чнаѧ дв҃о, и҆мѣ́ла є҆сѝ во ᲂу҆тро́бѣ надъ всѣ́ми бг҃а, и҆ родила̀ є҆сѝ безлѣ́тнаго сн҃а, всѣ̑мъ воспѣва́ющымъ тѧ̀ ми́ръ подава́ющаѧ."
|
|
},
|
|
{
|
|
"type": "TEXT",
|
|
"value": "Ра́намъ тѣ́ло твоѐ, вели́кїй кнѧ́же геѡ́ргїе, примѣси́сѧ, и҆ ᲂу҆́зами многоѻбра́зныхъ мꙋ́къ, мѵ́ро благово́нно: тѣ́мъ и҆сточа́етъ на́мъ благоꙋха́ющи дꙋ́шы, вѣ́рою несꙋмнѣ́нною тѧ̀ почита́ющымъ всегда̀."
|
|
},
|
|
{
|
|
"type": "TEXT",
|
|
"value": "Кропле́нїемъ кро́ве твоеѧ̀, погаси́лъ є҆сѝ ᲂу҆́глїе сꙋровства̀ баты́ева, страстоте́рпче, бжⷭ҇твенныхъ чꙋде́съ ѻ҆гне́мъ, премꙋ́дре, ти́нꙋ страстнꙋ́ю лю́тыхъ пожига́ѧ, вели́кою благода́тїю сп҃совою, геѡ́ргїе."
|
|
},
|
|
{
|
|
"type": "TEXT",
|
|
"value": "Ко́ль стра́шно же и҆ сла́вно ѡ҆ хрⷭ҇тѣ̀ сопротивле́нїе твоѐ, є҆мꙋ́же почꙋди́шасѧ племена̀ ѡ҆брѣ́тшаѧсѧ на по́двизѣ, и҆ похвали́ша терпѣ́нїе: ва́рвари же посрами́шасѧ, стꙋдо́мъ ѡ҆бле́кшесѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Горѣ̀ бѧ́ше соприсносꙋ́щенъ ѻ҆ц҃ꙋ̀ и҆ бг҃ꙋ бг҃ъ сло́во, и҆ съ на́ми бг҃ъ и҆ чл҃вѣ́къ, бцⷣе, тобо́ю сше́дъ къ на́шемꙋ смире́нїю, свобожда́ѧ ѿ клѧ́твы пра́дѣднїѧ: тебе́ бо ви́дѣ патрїа́рхъ і҆а́кѡвъ лѣ́ствицꙋ нбⷭ҇нꙋю."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бжⷭ҇твенное сїѐ и҆ всечⷭ҇тно́е соверша́юще пра́зднество, бг҃омꙋ́дрїи, бг҃омт҃ре, прїиди́те, рꙋка́ми воспле́щимъ, ѿ неѧ̀ ро́ждшагосѧ бг҃а сла́вимъ."
|
|
},
|
|
{
|
|
"type": "TEXT",
|
|
"value": "Ника́коже поколеба̀ столпа̀ бл҃гоче́стїѧ свирѣ́пство ва́рварское, нижѐ преще́нїе баты́ево, нижѐ ме́чное ᲂу҆сѣче́нїе, ни ра̑ны, ни сме́рть нꙋ́жднѣйшаѧ."
|
|
},
|
|
{
|
|
"type": "TEXT",
|
|
"value": "Взыгра́шасѧ свѣ́тлѡ мꙋ́ченичестїи тогда̀ ли́кове, ви́дѣвше твоѐ дерзнове́нїе, и҆ прини́кше совокꙋ́пленнѡ со а҆́гг҃лы неви́димѡ ᲂу҆крѣплѧ́хꙋ тѧ̀ въ по́двизѣ."
|
|
},
|
|
{
|
|
"type": "TEXT",
|
|
"value": "Тѣле́съ стра̑сти неисцѣ̑льныѧ бж҃їею бл҃года́тїю и҆сцѣли́лъ є҆сѝ, вели́кїй кнѧ́же геѡ́ргїе, мѵ́ро бл҃гоꙋха́ющее и҆сточа́ѧ ᲂу҆́бѡ, твои̑мъ честны̑мъ моще́мъ прикаса́ющымсѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѻ҆бра́знѣ рꙋно̀ гедеѡ́нъ прїѧ́тъ ѡ҆роше́но, твоѐ предвозвѣща́ѧ чꙋ́до: сни́де бо ꙗ҆́кѡ до́ждь на рꙋно̀, бцⷣе, є҆ди́ный ѿ трⷪ҇цы во ᲂу҆тро́бꙋ твою̀ воплоща́емь."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃:"
|
|
},
|
|
{
|
|
"type": "TEXT",
|
|
"value": "Хрⷭ҇то́вѣ сме́рти подо́бѧсѧ, и҆ тогѡ̀ и҆спи́ти ча́шꙋ возжелѣ́въ ꙗ҆́кѡ живота̀: за него́же мꙋ́жески подвиза́всѧ, презрѣ́въ земно́е ца́рство, ѿ безбо́жныхъ ва̑рваръ пострада́въ до сме́рти, геѡ́ргїе бг҃омꙋ́дре: тѣ́мъ молѝ, спасти́сѧ вѣ̑рнымъ лю́демъ моли́твами твои́ми."
|
|
},
|
|
{
|
|
"type": "TEXT",
|
|
"value": "І҆́косъ: Кто̀ и҆зглаго́летъ си̑лы гдⷭ҇нѧ; и҆лѝ кто̀ и҆сповѣ́сть страда̑нїѧ твоѧ̑ и҆ добродѣ́тєли, мꙋ́чениче; и҆лѝ кі́й ѧ҆зы́къ воспѣ́ти возмо́жетъ по досто́инствꙋ; тѣ́мже и҆ а҆́зъ недосто́йный покꙋша́юсѧ хвали́ти же и҆ сла́вити влⷣкꙋ жизнода́вца, да́вшаго тебѣ̀ на ва́рвары де́рзость, ѕлочести́вагѡ баты́ѧ не ᲂу҆боѧ́тисѧ, и҆сповѣ́дающꙋ тебѐ и҆́стиннаго бг҃а. Сегѡ̀ ра́ди тѧ̀ чти́мъ вѣ́рою и҆ любо́вїю, страстоте́рпче геѡ́ргїе: тѣ́мъ молѝ спасти́сѧ вѣ̑рнымъ лю́демъ моли́твами твои́ми."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Не послꙋжи́ша тва́ри бг҃омꙋ́дрїи па́че созда́вшагѡ, но ѻ҆́гненное преще́нїе мꙋ́жески попра́вше, ра́довахꙋсѧ пою́ще: препѣ́тый ѻ҆ц҃є́въ гдⷭ҇ь и҆ бг҃ъ, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "На ка́мени бжⷭ҇твеннагѡ ра́зꙋма ᲂу҆тверди́въ се́рдца своегѡ̀ стѡпы̀, сла́вне, врагѡ́въ же ᲂу҆хищрє́нїѧ не преврати́ша тѧ̀ воспѣва́юща: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Свѣ́тъ невече́рнїй страда́вшꙋ кро́вїю возсїѧ̀ тебѣ̀, и҆ весе́лїе ꙗ҆́вѣ тебѐ прїѧ́тъ, великомꙋ́чениче, воспѣва́юща: ѻ҆тє́цъ на́шихъ бж҃е, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "И҆́стиненъ мч҃никъ, и҆́стиннагѡ хрⷭ҇та̀ бг҃а на́шегѡ страда́лецъ взыва́ше: мꙋчє́нїѧ бо цвѣ́ты бл҃гово́нїѧ вмѣнѧ́ю, и҆ крѡ́вныѧ стрꙋи̑ ба́нею кр҃ще́нїѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ри́торствꙋющїй ѧ҆зы́къ безгла́сенъ же и҆ недви́жимь, ѡ҆ тебѣ̀ зри́мъ, бг҃ора́дованнаѧ: не и҆́мать бо пости́гнꙋти непостижи́магѡ зача́тїѧ неизрече́нное рожде́нїе."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́троки благочести̑выѧ въ пещѝ ржⷭ҇тво̀ бг҃оро́дичо спасло̀ є҆́сть: тогда̀ ᲂу҆́бѡ ѡ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте, дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Оу҆блажи́ша тѧ̀ ца́рїе, благослови́ша ст҃и́телїе, слы́шаще твоѐ мꙋ́жественное терпѣ́нїе, и҆ ко хрⷭ҇тꙋ̀ хода́таѧ стѧжа́вше тѧ̀: и҆ ны́нѣ приходѧ́ще честны̑мъ твои̑мъ моще́мъ покланѧ́ютсѧ."
|
|
},
|
|
{
|
|
"type": "TEXT",
|
|
"value": "Бжⷭ҇твенный геѡ́ргїй и҆сточа́етъ мѵ́ро благода́ти, повелѣва́ѧ вѣ̑рнымъ почерпа́ти на просвѣще́нїе и҆ чистотꙋ̀, взыва́ѧ: гдⷭ҇а по́йте, дѣла̀, и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Хвалѧ́сѧ ꙗ҆́звами хрⷭ҇то́выми, къ вѣ̑чнымъ ѻ҆би́телемъ восте́клъ є҆сѝ, ѿ кро́ве твоеѧ̀ ѡ҆багри́въ пло́ть, и҆ свѣ́тлѡ цр҃е́ви си́лъ предстои́ши, съ мꙋ́ченики ликꙋ́ѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆са́їи ᲂу҆́гль дре́вле по́сланъ бы́сть, клеща́ми носи́мь ѿ серафі́ма, и҆ каса́ѧсѧ томꙋ̀, грѣхѝ ѡ҆ставлѧ́етъ: клеща́ же ты̀ є҆сѝ, дв҃о, бжⷭ҇твенный ᲂу҆́гль носи́вшаѧ, во ѡ҆ставле́нїе грѣхѡ́въ человѣ́чествꙋ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Всѧ́къ земноро́дный да взыгра́етсѧ, дх҃омъ просвѣща́емь, да торжествꙋ́етъ же безпло́тныхъ ᲂу҆мѡ́въ є҆стество̀, почита́ющее свѧще́нное торжество̀ бг҃ома́тере, и҆ да вопїе́тъ: ра́дꙋйсѧ, всеблаже́ннаѧ бцⷣе, чⷭ҇таѧ приснодв҃о."
|
|
},
|
|
{
|
|
"type": "TEXT",
|
|
"value": "Во́инъ и҆́стинный хрⷭ҇то́ва проповѣ́данїѧ бы́лъ є҆сѝ, геѡ́ргїе, и҆ ле́сти потреби́тель безбо́жїѧ. Тѣ́мже и҆ ны́нѣ моли́твами твои́ми потребѝ ва́рварское воста́нїе, во́инствꙋ на́шемꙋ подъ но́зѣ, сла́вне, тѣ́хъ низложѝ."
|
|
},
|
|
{
|
|
"type": "TEXT",
|
|
"value": "А҆́ще и҆ ѿсѣ́чена бы́сть глава̀ твоѧ̀, и҆ кро́вь и҆злїѧ́сѧ, но прильпѐ вѣ́рнѡ, и҆ побѣди́тєльнаѧ тобо́ю соверши́шасѧ. Тѣ́мже и҆ на на́съ востаю́щихъ си́лою твое́ю посрамѝ, и҆ ꙗ҆вѝ на́съ побѣди́тели."
|
|
},
|
|
{
|
|
"type": "TEXT",
|
|
"value": "Лꙋ́къ сокрꙋшѝ нечести́выхъ, страстоте́рпче непобѣди́ме, непра́веднѡ дви́жимый на твоѐ достоѧ́нїе, є҆́же себѣ̀ и҆збра́лъ є҆сѝ возлюби́въ, и҆ во́инствꙋ на́шемꙋ си́лꙋ ᲂу҆твердѝ: да и҆ мы̀ ти́хѡ препрово́димъ жи́тельство."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Є҆го́же проро́цы провозвѣсти́ша всѝ многоѻбра́знѣ, и҆ вопло́щшасѧ на́съ ра́ди ѿ тебє̀ ви́дѣхомъ, бцⷣе, бг҃а и҆ человѣ́ка соверше́нна, и҆збавлѧ́юща человѣ́ки ѿ клѧ́твы пра́дѣднїѧ, твои́ми мл҃твами, и҆ вѣ́чныѧ мꙋ́ки свобожда́юща."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Пло́тїю ᲂу҆снꙋ́въ:"
|
|
},
|
|
{
|
|
"type": "TEXT",
|
|
"value": "Свѣ́тꙋ невече́рнемꙋ предстоѧ̀, страстоте́рпче, съ мꙋ́ченическими ли́ки, воспѣва́ющыѧ тѧ̀ въ па́мѧти твое́й ѿ и҆скꙋше́нїѧ спаса́й моли́твами твои́ми. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Незаходи́магѡ свѣ́та носи́ло, приснодв҃о, просвѣ́щшагѡ сѣдѧ́щихъ во тмѣ̀ невѣ́дѣнїѧ пре́лести, ѡ҆зарѝ и҆ на́мъ грѣ̑шнымъ свѣ́тъ сн҃а твоегѡ̀."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры на д҃, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "На нб҃сѝ препочи́лъ є҆сѝ веселѧ́сѧ, молѝ за ны̀ прест҃ꙋ́ю трⷪ҇цꙋ, ми́лость пода́ти на́мъ и҆ житїѐ ми́рно и҆ безгрѣ́шно, ꙗ҆́кѡ въ тꙋ̀ вѣ́рꙋющихъ при́снѡ скорбе́й ᲂу҆гонза́ти, и҆ ра́дованїе ᲂу҆лꙋчи́ти. Два́жды."
|
|
},
|
|
{
|
|
"type": "TEXT",
|
|
"value": "Милосе́рдїѧ ра́ди твоегѡ̀, и҆сто́чникъ на́мъ да́рꙋй благода́ти, вско́рѣ ра́дости и҆спо́лнь, и҆сточа́ющь ᲂу҆тѣше́нїе сꙋ́щымъ въ печа́лѣхъ, молѧ̀ хрⷭ҇та̀, всесла́вне, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Ты̀ въ весе́лїе вше́дъ нетлѣ́емо, весе́лїе на́мъ да́ти молѝ, и҆ спастѝ рабы̑ твоѧ̑: мо́жеши бо, геѡ́ргїе, призыва́ющымъ тѧ̀ бѣды̑ разгна́ти, молѧ̀ хрⷭ҇та̀, и҆ и҆сцѣли́ти болѧ́щыѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Ѿ бл҃гочести́ва ко́рене прозѧ́бъ и҆зрастѐ, ᲂу҆сыне́нїѧ вода́ми напое́нъ ꙗ҆́снѡ, геѡ́ргїе страстоте́рпче: и҆́бо хрⷭ҇то́вѣ цр҃кви ꙗ҆́кѡ фі́нїѯъ высокове́рхїй процвѣ́лъ є҆сѝ на́мъ, преꙋцвѣтлѣва́ѧ вѣ̑рныѧ. Тѣ́мъ ны́нѣ съ мч҃ники предстоѧ̀ хрⷭ҇тꙋ̀, моли́сѧ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Влⷣчце, прїимѝ моли́твꙋ ра̑бъ твои́хъ:"
|
|
},
|
|
{
|
|
"type": "HEADER",
|
|
"value": "Славосло́вїе вели́кое, и҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и: Блажє́нна ст҃о́мꙋ, пѣ́снь г҃-ѧ и҆ ѕ҃- ѧ."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Ст҃ы̑мъ, и҆̀же сꙋ́ть на землѝ є҆гѡ̀, ᲂу҆дивѝ гдⷭ҇ь всѧ̑ хотѣ̑нїѧ своѧ̑ въ ни́хъ."
|
|
},
|
|
{
|
|
"type": "TEXT",
|
|
"value": "Сті́хъ: Предзрѣ́хъ гдⷭ҇а предо мно́ю вы́нꙋ:"
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ є҆фесе́ємъ, зача́ло сл҃г."
|
|
},
|
|
{
|
|
"type": "TEXT",
|
|
"value": "А҆ллилꙋ́їа: Воззва́ша пра́веднїи, и҆ гдⷭ҇ь ᲂу҆слы́ша и҆̀хъ."
|
|
},
|
|
{
|
|
"type": "TEXT",
|
|
"value": "Сті́хъ: Мнѡ́ги скѡ́рби пра́вєднымъ, и҆ ѡ҆ всѣ́хъ и҆́хъ и҆зба́витъ ѧ҆̀ гдⷭ҇ь."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе лꙋкѝ, зача́ло р҃ѕ."
|
|
},
|
|
{
|
|
"type": "TEXT",
|
|
"value": "Прича́стенъ: Ра́дꙋйтесѧ, пра́веднїи, ѡ҆ гдⷭ҇ѣ:"
|
|
}
|
|
] |