282 lines
21 KiB
JSON
282 lines
21 KiB
JSON
[
|
|
{
|
|
"type": "HEADER",
|
|
"value": "Феѵрꙋа́рїа к҃є"
|
|
},
|
|
{
|
|
"type": "HEADER",
|
|
"value": "И҆́же во ст҃ы́хъ ѻ҆ц҃а̀ на́шегѡ тара́сїа, а҆рхїепⷭ҇копа кѡнстанті́нѧ гра́да."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Є҆гда̀ ѿ дре́ва:"
|
|
},
|
|
{
|
|
"type": "TEXT",
|
|
"value": "Прїиди́те, и҆̀же бжⷭ҇твенныхъ рачи́телїе, и҆ дꙋхо́вныхъ почита́телїе, дне́сь трапе́зꙋ и҆мꙋ́щꙋю ᲂу҆́зримъ воздержа́нїѧ сла́дость, є҆ѧ́же бжⷭ҇твенный ᲂу҆гото́ва на́мъ пита́тель, дꙋ́хомъ тара́сїй, невеще́ственными добродѣ́тельми всѝ несомнѣ́ннѡ вопїю́ще: молѝ, мо́лимсѧ, ꙗ҆́кѡ да ѡ҆брѧ́щемъ согрѣше́нїй проще́нїе."
|
|
},
|
|
{
|
|
"type": "TEXT",
|
|
"value": "Вѣ́рꙋ вселе́ннѣй, верхо́вный ѻ҆́ч҃е, вои́стиннꙋ ꙗ҆влѧ́ѧ, мꙋ́дре, начерта́лъ є҆сѝ, скве́рнꙋ ѿтрѧса́ѧ є҆реті́ческꙋю, и҆ добро́тꙋ водрꙋзи́лъ є҆сѝ церко́внꙋю, ᲂу҆че́нїємъ послѣ́дꙋѧ а҆пⷭ҇лъ хрⷭ҇то́выхъ. Тѣ́мже съ ни́ми тебѣ̀ вопїе́мъ всѝ: достохва́льне ѻ҆́ч҃е, молѝ спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Всего̀ воспрїѧ́лъ є҆сѝ хрⷭ҇та̀, и҆ блаже́нство ми́лости, є҆́же къ ни́щымъ любо́вь, си̑мъ бо ми́лость бога́тнѡ и҆злїѧ́въ, ми́лость полꙋчи́лъ є҆сѝ ѡ҆бѣтова́нїѧ: ми́лость бо на сꙋдѣ̀ хвали́тисѧ вопїе́тъ. Тѣ́мже къ жи́зни ѿше́лъ є҆сѝ, молѝ, мо́лимсѧ, ꙗ҆́кѡ да согрѣше́нїй ѡ҆брѧ́щемъ проще́нїе."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Є҆ди́на невмѣсти́маго бг҃а нетѣсномѣ́стнѡ во чре́вѣ носи́ла є҆сѝ, чл҃вѣ́ка бы́вша за бла́гость, прест҃а́ѧ бг҃оневѣ́сто. Тѣ́мже молю̀ тѧ̀: ᲂу҆тѣснѧ́ющихъ мѧ̀ страсте́й и҆змѣнѝ, ꙗ҆́кѡ да тѣ́снꙋю и҆ пра́вꙋю стезю̀ ше́ствовавъ, дости́гнꙋ ꙗ҆́же къ жи́зни, дв҃о, водѧ́щꙋю."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: Гро́здъ всезрѣ́лый, чⷭ҇таѧ, є҆го́же невоздѣ́ланнѡ во ᲂу҆тро́бѣ носи́ла є҆сѝ, на дре́вѣ ꙗ҆́кѡ ᲂу҆зрѣ́ла є҆сѝ сего̀ повѣ́шена, рыда́ющи восклица́ла є҆сѝ, и҆ взыва́ла є҆сѝ: ча́до, сла́дость и҆ска́пай, є҆́юже ѿи́метсѧ пїѧ́нство всѧ́кое страсте́й, бл҃годѣ́телю, менє̀ ра́ди тебѐ ро́ждшїѧ, свои́мъ бл҃гоꙋтро́бїемъ ᲂу҆молѧ́емь."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Пра́вило вѣ́ры, и҆ ѻ҆́бразъ кро́тости, воздержа́нїѧ ᲂу҆чи́телѧ, ꙗ҆ви́ тѧ ста́дꙋ твоемꙋ̀, ꙗ҆́же веще́й и҆́стина: сегѡ̀ ра́ди стѧжа́лъ є҆сѝ смире́нїемъ высѡ́каѧ, нището́ю бога̑таѧ, ѻ҆́ч҃е тара́сїе, молѝ хрⷭ҇та̀ бг҃а, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Канѡ́нъ. Гла́съ в҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Грѧди́те, лю́дїе, пои́мъ пѣ́снь хрⷭ҇тꙋ̀ бг҃ꙋ, раздѣ́льшемꙋ мо́ре, и҆ наста́вльшемꙋ лю́ди, ꙗ҆̀же и҆зведѐ и҆зъ рабо́ты є҆гѵ́петскїѧ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Наведе́нїѧ и҆ плѣне́нїѧ, и҆ рабо́ты грѣхо́вныѧ мѧ̀ и҆зба́ви, и҆ къ покаѧ́нїю наста́ви, ще́дре, наводѧ́ мѧ ско́рѡ къ любвѝ твое́й."
|
|
},
|
|
{
|
|
"type": "TEXT",
|
|
"value": "Стрꙋи̑ жи́зни и҆мѣ́ѧ, мꙋ́дре, се́рдце твоѐ, цр҃кве бы́лъ є҆сѝ ꙗ҆́кѡ рѣка̀ бж҃їѧ, напо́лнившисѧ ᲂу҆че́ньми, и҆ сеѧ̀ напоѧ́ѧ, ѻ҆́ч҃е, бразды̑."
|
|
},
|
|
{
|
|
"type": "TEXT",
|
|
"value": "Ма́стїю тво́й ве́рхъ честны́й, дх҃омъ бжⷭ҇твеннымъ пома́засѧ, тара́сїе, на брадꙋ̀ бога́тнѡ ꙗ҆́кѡ а҆арѡ́ню, сни́де на ѻ҆ме́ты твоѧ̑, ꙗ҆́кѡ роса̀ а҆ермѡ́нскаѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сѐ вопїе́тъ и҆са́їа, дв҃о чⷭ҇таѧ: совѣ́та вели́кагѡ а҆́гг҃ла, во ᲂу҆тро́бѣ твое́й заче́нши, безъ сѣ́мене родила̀ є҆сѝ, и҆ дв҃а пребыва́еши по рождествѣ̀, чⷭ҇таѧ."
|
|
},
|
|
{
|
|
"type": "HEADER",
|
|
"value": "По́ѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆твердѝ на́съ въ тебѣ̀, гдⷭ҇и, дре́вомъ ᲂу҆мерщве́й грѣ́хъ, и҆ стра́хъ твоѝ всадѝ въ сердца̀ на́съ пою́щихъ тѧ̀."
|
|
},
|
|
{
|
|
"type": "TEXT",
|
|
"value": "Всѣ̑мъ ᲂу҆тверже́нїе сердца́мъ бы́лъ є҆сѝ, хлѣ́бомъ слове́съ твои́хъ, ст҃и́телю: ᲂу҆маща́ѧ же ꙗ҆́кѡ є҆ле́емъ, весели́ши ꙗ҆́кѡ вїно́мъ сердца̀ на̑ша."
|
|
},
|
|
{
|
|
"type": "TEXT",
|
|
"value": "Теплото́ю ра́зꙋма и҆ ре́вностїю вѣ́ры, ѻ҆ц҃є́въ бы́лъ є҆сѝ верхо́вникъ, и҆ є҆реті́чєскаѧ противлє́нїѧ ꙗ҆́кѡ сꙋ̑щаѧ а҆́дѡва врата̀ разори́лъ є҆сѝ."
|
|
},
|
|
{
|
|
"type": "TEXT",
|
|
"value": "Воздѣ́въ къ бг҃ꙋ прпⷣбныѧ рꙋ́ки твоѧ̑, ми́ръ ста́дꙋ твоемꙋ̀ и҆спросѝ. Тѣ́мже и҆ къ вы́шнемꙋ наслѣ́дїю возше́дъ почи́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Стра́нно ржⷭ҇тво̀, стра́нно происхожде́нїе во ᲂу҆тро́бѣ ѡ҆бновлѧ́етсѧ дв҃ы, и҆ є҆стество̀ попо́лзшеесѧ въ тлѣ́нїе, ѿ ле́сти воздви́же."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Бжⷭ҇твенныѧ вѣ́ры:"
|
|
},
|
|
{
|
|
"type": "TEXT",
|
|
"value": "Дѣ́лы просїѧ́лъ є҆сѝ бг҃оразꙋ́мїѧ, заре́ю ѡ҆блиста́лъ є҆сѝ цр҃ковь, є҆́рєси ᲂу҆мертви́лъ є҆сѝ словесы̀ твои́ми, нищелю́бїе и҆ любо́вь и҆сточи́лъ є҆сѝ, а҆враа́мовꙋ страннопрїѧ́тїю подо́бѧсѧ, ѻ҆́ч҃е тара́сїе, хрⷭ҇та̀ бг҃а молѝ, дарова́ти на́мъ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бжⷭ҇твеннаѧ ски́нїѧ была̀ є҆сѝ сло́ва, є҆ди́на пречⷭ҇таѧ мт҃и дв҃о, чистото́ю а҆́гг҃лы превозше́дшаѧ, па́че всѣ́хъ менѐ пе́рсть бы́вша, ѡ҆скверне́на плотски́ми прегрѣше́ньми, ѡ҆чи́сти моли́твъ твои́хъ бжⷭ҇твенными вода́ми, подаю́щи, чⷭ҇таѧ, ве́лїю ми́лость."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: Нескве́рнаѧ а҆́гница сло́ва, нетлѣ́ннаѧ дв҃а мт҃и, на крⷭ҇тѣ̀ зрѧ́щи повѣ́шена, и҆зъ неѧ̀ безъ болѣ́зни прозѧ́бшаго, мт҃рски подо́бнѡ рыда́ющи, вопїѧ́ше: ᲂу҆вы̀ мнѣ̀, ча́до моѐ, ка́кѡ стра́ждеши во́лею, хотѧ̀ и҆зба́вити ѿ страсте́й безче́стїѧ человѣ́ка;"
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пою́ тѧ, слꙋ́хомъ бо, гдⷭ҇и, ᲂу҆слы́шахъ, и҆ ᲂу҆жасо́хсѧ, до менє́ бо и҆́деши, менѐ и҆щѧ̀ заблꙋ́ждшаго. Тѣ́мъ мно́гое твоѐ снизхожде́нїе, є҆́же на мѧ̀, прославлѧ́ю, многоми́лостиве."
|
|
},
|
|
{
|
|
"type": "TEXT",
|
|
"value": "По́томъ благоче́стїѧ всѣ́ѧлъ є҆сѝ бжⷭ҇твенное сло́во цр҃кви, и҆ пожа́лъ є҆сѝ кла́съ, тара́сїе, правосла́вїѧ: на землѝ кро́ткихъ всели́лсѧ є҆сѝ, и҆ съ ни́ми ра́дꙋешисѧ веселѧ́сѧ."
|
|
},
|
|
{
|
|
"type": "TEXT",
|
|
"value": "Є҆го́же речѐ и҆са́їа, преподо́бне, бжⷭ҇твенный стра́хъ во чре́вѣ прїѧ́лъ є҆сѝ дꙋ́хомъ, и҆ роди́лъ є҆сѝ цр҃кви, и҆́мже є҆ресе́й прозѧбє́нїѧ разбива́ютсѧ ѡ҆ ка́мень вѣ́ры."
|
|
},
|
|
{
|
|
"type": "TEXT",
|
|
"value": "И҆злїѧ́нїемъ сле́зъ, прпⷣбне, ѿмы́лъ є҆сѝ сквє́рны, и҆ ко и҆сто́чникꙋ дости́глъ є҆сѝ, въ не́мже неѡдожде́нное пи́во сла́дости присносꙋ́щныѧ пролива́емо, къ жела́нїємъ ты̀ приспѣ́лъ є҆сѝ кра̑йнимъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Безъ сѣ́мене заче́нсѧ, всенепоро́чнаѧ, бг҃ъ сло́во во ᲂу҆тро́бѣ твое́й, происхо́дитъ соѻбра́знѡ непрело́жнѡ къ человѣ́ческомꙋ ро́дꙋ: того̀ ѡ҆ рабѣ́хъ твои́хъ молѝ при́снѡ, ѿ бѣ́дъ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Свѣ́та пода́телю и҆ вѣкѡ́въ тво́рче, гдⷭ҇и, во свѣ́тѣ твои́хъ повелѣ́нїй наста́ви на́съ: ра́звѣ бо тебє̀, и҆но́гѡ бо́га не зна́емъ."
|
|
},
|
|
{
|
|
"type": "TEXT",
|
|
"value": "Си́лою слове́съ твои́хъ не́мощь нечести́выхъ ѡ҆бличи́лъ є҆сѝ, и҆ сою́зомъ свѧза́лъ є҆сѝ бжⷭ҇твенныѧ любвѐ ста́до твоѐ, и҆ наде́ждею, и҆ вѣ́рою сохранѧ́еши невреди́мо."
|
|
},
|
|
{
|
|
"type": "TEXT",
|
|
"value": "Ѿтрѧ́съ воздержа́нїемъ пи́щꙋ, пита́лъ є҆сѝ твою̀ дꙋ́шꙋ, хлѣ́бъ и҆мѣ́ѧ чи̑стыѧ моли̑твы: поꙋче́нїе же бжⷭ҇твенное, и҆ возносѧ́щее смире́нїе."
|
|
},
|
|
{
|
|
"type": "TEXT",
|
|
"value": "Ты̀ ри́зꙋ, мꙋ́дре, цр҃ко́внꙋю ѻ҆те́чески и҆стка́лъ є҆сѝ, въ ню́же хрⷭ҇то́съ честны́мъ ѻ҆́бразомъ ѡ҆дѣ́ѧвъ тѧ̀ вѣ́ры ра́ди: и҆ правосла́вїѧ ᲂу҆ѧсни́лъ є҆сѝ ᲂу҆чє́нїѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Тѧ̀ предста́тельницꙋ, чⷭ҇таѧ, и҆ наде́жди крѣ́пкое ѡ҆снова́нїе и҆ подпо́ръ, и҆ покро́въ, и҆ стѣ́нꙋ и҆́мамы всѝ, и҆ къ црⷭ҇твїю приводѧ́щїй мо́стъ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю милосе́рдїѧ твоегѡ̀ призыва́ю бе́зднꙋ: ѿ тлѝ, бж҃е, мѧ̀ возведѝ."
|
|
},
|
|
{
|
|
"type": "TEXT",
|
|
"value": "Же́ртва и҆ заколе́нїе бы́въ, повинꙋ́лъ є҆сѝ себѐ бг҃ꙋ вѣ́рою, и҆ соблюда́еши безкро́вныѧ слꙋ́жбы є҆гѡ̀ соверше́нїе."
|
|
},
|
|
{
|
|
"type": "TEXT",
|
|
"value": "Ны́нѣ въ невеще́ственнꙋю сла́вꙋ преше́дъ ѿ землѝ, веще́ственными страстьмѝ ѡ҆скве́рншꙋюсѧ, преподо́бне, дꙋ́шꙋ мою̀ прилѣ́жною моли́твою твое́ю и҆сцѣлѝ."
|
|
},
|
|
{
|
|
"type": "TEXT",
|
|
"value": "Ѡ҆строга́лъ є҆сѝ дебельство̀ писа́нїѧ ра́зꙋма глꙋбо́кимъ и҆стонче́нїемъ, цр҃кви бы́лъ є҆сѝ скоропи́сца, тара́сїе, тро́сть."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Недоꙋмѣ́нїемъ покрыва́етсѧ ржⷭ҇тво̀ твоѐ, стра́нно бо, дв҃о, дои́ши пита́телѧ, и҆ млеко́мъ пита́еши невеще́ственнаго, и҆ на рꙋкꙋ̀ держи́ши зижди́телѧ."
|
|
},
|
|
{
|
|
"type": "HEADER",
|
|
"value": "Конда́къ, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Дв҃а дне́сь:"
|
|
},
|
|
{
|
|
"type": "TEXT",
|
|
"value": "Правосла́вными догма́ты цр҃ковь ᲂу҆ѧсни́въ, и҆ хрⷭ҇то́вꙋ, блаже́нне, честнꙋ́ю і҆кѡ́нꙋ почита́ти и҆ покланѧ́тисѧ всѣ́хъ наꙋчи́въ, ѡ҆бличи́лъ є҆сѝ і҆кѡнобо́рцѡвъ безбо́жное велѣ́нїе. Сегѡ̀ ра́ди вопїе́мъ тѝ: ѽ ѻ҆́ч҃е! Ра́дꙋйсѧ, мꙋ́дре тара́сїе."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́бразꙋ злато́мꙋ, на по́лѣ деи́рѣ слꙋжи́мꙋ, трїѐ твоѝ ѻ҆́троцы небрего́ша безбо́жнагѡ велѣ́нїѧ, посредѣ́ же ѻ҆гнѧ̀ вве́ржени, ѡ҆роша́еми поѧ́хꙋ: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Премꙋ́дрости ча́ша ꙗ҆ви́лсѧ є҆сѝ, добродѣ́тельми и҆спо́лнена, и҆ созва́въ проповѣ́данїемъ высо́кагѡ житїѧ̀ твоегѡ̀, наслади́лъ є҆сѝ ста́до, бг҃омꙋ́дре, и҆ съ ни́мъ, ѻ҆́ч҃е, взыва́еши: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ѻ҆би́тєли та́мѡшнїѧ, и҆ наслаждє́нїѧ честна̑ѧ предвари́лъ є҆сѝ, и҆ ра́дꙋешисѧ съ бг҃омъ твои́мъ, и҆ весели́шисѧ ᲂу҆́бѡ. Тѣ́мже тѧ̀ чтꙋ́ще, преблаже́нне, со дерзнове́нїемъ взыва́емъ: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Мꙋ́жествомъ ра́зꙋма препоѧ́санъ въ чре́сла, тара́сїе, и҆ житїе́мъ ѡ҆дѣ́ѧнъ вводѧ́щимъ въ вѣ́рꙋ, на трапе́зꙋ вы́шнѧгѡ цр҃ѧ̀ восте́клъ є҆сѝ, поѧ̀: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Безъ ѻ҆тца̀ и҆зъ тебє̀, и҆́же безъ мт҃ре и҆зъ ѻ҆ц҃а̀ прохо́дитъ, и҆ чистоты̀ твоеѧ̀ зна́мєнїѧ сохра́нь неврє́дна, показа̀ пречⷭ҇то ржⷭ҇тво̀ и҆ дѣ́вство нескве́рно: ѡ҆бновлѧ́етсѧ бо въ тебѣ̀ зако́на ржⷭ҇тво̀."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пещѝ ѻ҆́трочестѣй проѡбрази́лъ є҆сѝ и҆ногда̀ твою̀ мт҃рь, гдⷭ҇и, ѻ҆́бразъ же сїѧ̑ и҆зъ ѻ҆гнѧ̀ и҆з̾има́ше, неѡпа́льнѡ входѧ́щыѧ, ю҆́же пое́мъ ꙗ҆́вльшꙋюсѧ тобо́ю концє́мъ дне́сь, и҆ превозно́симъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ты̀ ꙗ҆́кѡ ѻ҆́блакъ ᲂу҆́треннїй, и҆ ꙗ҆́кѡ ка́плѧ ка́плющаѧ, и҆ роса̀ ꙗ҆ви́лсѧ є҆сѝ, благотворе́нїѧ бога́тство собра́лъ є҆сѝ на землѝ: а҆́лчꙋщихъ сердца̀ ᲂу҆ма́стилъ є҆сѝ, и҆ свѣ́тлꙋ вже́глъ є҆сѝ, мꙋ́дре, дꙋше́внꙋю свѣщꙋ̀."
|
|
},
|
|
{
|
|
"type": "TEXT",
|
|
"value": "Ст҃и́тельства ѻ҆де́ждею дѣ́лъ твои́хъ свѣ́томъ просвѣ́щсѧ, и҆ ꙗ҆ви́лсѧ є҆сѝ цѣломꙋ́дрїѧ клю́чь, воздержа́нїѧ пи́ща, и҆́стинныѧ моли́твы ᲂу҆чи́тель и҆ покаѧ́нїѧ пꙋ́ть, и҆ зако́нъ житїѧ̀."
|
|
},
|
|
{
|
|
"type": "TEXT",
|
|
"value": "Покаѧ́нїѧ вре́мѧ и҆ ѡ҆браще́нїѧ пло́дъ принесѝ, и҆ смоко́вницы непло́дныѧ посѣче́нїѧ преще́нїѧ, дꙋшѐ моѧ̀, клѧ́твы ᲂу҆бо́йсѧ: напита́й же хрⷭ҇та̀ добродѣ́телей благопло́дїемъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Не забꙋ́ди гла́са, предста́тельнице стра́шнаѧ, ра̑бъ твои́хъ, но ѿ всѧ́кїѧ бѣды̀ моли́твами твои́ми, и҆ всѧ́кагѡ преще́нїѧ и҆схитѝ: преклонѧ́етъ бо бг҃а твоѧ̀ мт҃рнѧѧ моли́тва."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿ бг҃а, бг҃а сло́ва, неизрече́нною мꙋ́дростїю прише́дшаго ѡ҆бнови́ти а҆да́ма, ꙗ҆́дїю въ тлѣ́нїе па́дшаго лю́тѣ, ѿ ст҃ы́ѧ дв҃ы неизрече́ннѡ воплоти́вшагосѧ на́съ ра́ди, вѣ́рнїи, є҆диномꙋ́дреннѡ пѣ́сньми велича́емъ."
|
|
},
|
|
{
|
|
"type": "TEXT",
|
|
"value": "Оу҆вѧди́лъ є҆сѝ, ѻ҆́ч҃е, кова̑рствїѧ и҆ стрѣ́лы вра̑жїѧ ѻ҆гне́мъ воздержа́нїѧ, и҆ чистоты̀ ᲂу҆́гльми, пло́ти ве́щный гнѣ́въ попали́лъ є҆сѝ и҆́стиннѡ, ѻ҆́нагѡ свѣтозаре́нїѧ, тара́сїе, сподо́бивсѧ."
|
|
},
|
|
{
|
|
"type": "TEXT",
|
|
"value": "Съ патрїа́ршескими ли́ки водворѧ́ѧсѧ, пое́ши пѣ́снь а҆́гг҃льскꙋю съ ни́ми: ст҃ъ, ст҃ъ, ст҃ъ ѻ҆ц҃ъ роди́тель, и҆ сн҃ъ рожде́йсѧ, и҆ дх҃ъ и҆сходѧ́й нераздѣ́льнѡ: трⷪ҇це ст҃а́ѧ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Ꙗ҆́кѡ вше́дшꙋ въ вы̑шнѧѧ съ па́ѵломъ, вопїе́мъ: преблаже́нне, бж҃їе блаже́нство, цр҃кви ᲂу҆твержде́нїе, во́инствꙋ побѣ́дꙋ, на́мъ же дарова́ти ѡ҆чище́нїе, чтꙋ́щымъ тѧ̀ любо́вїю, тара́сїе, помоли́сѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вопло́щсѧ неизрече́ннѡ ѿ чи́стыхъ твои́хъ крове́й, ꙗ҆́кѡ сл҃нце ꙗ҆ви́сѧ на́мъ, пречⷭ҇таѧ мт҃и безневѣ́стнаѧ: вѣ̑къ всѣ́хъ и҆́же пе́рвѣе, ѻ҆ц҃ꙋ̀ собезнача́ленъ сн҃ъ, и҆ тмꙋ̀ ѿгна́въ, просвѣтѝ всѧ́чєскаѧ."
|
|
}
|
|
] |