302 lines
23 KiB
JSON
302 lines
23 KiB
JSON
[
|
|
{
|
|
"type": "HEADER",
|
|
"value": "А҆прі́ллїа а҃"
|
|
},
|
|
{
|
|
"type": "HEADER",
|
|
"value": "Прпⷣбныѧ ма́тере на́шеѧ марі́и є҆гѵ́птѧныни."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры прпⷣбныѧ, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: Всѐ ѿло́жше:"
|
|
},
|
|
{
|
|
"type": "TEXT",
|
|
"value": "Тебѣ̀ ᲂу҆́бѡ возбранѧ́ше, честны́хъ взира́нїѧ, скве́рнъ пре́жде привлече́нное скверне́нїе: твое́ же чꙋ́вство, и҆ твоѧ̀ бг҃омꙋ́драѧ, содѣ́ѧнныхъ со́вѣсть, къ лꙋ́чшымъ тебѣ̀ ѡ҆браще́нїе содѣ́ѧша. На і҆кѡ́нꙋ бо воззрѣ́вши бл҃гослове́нныѧ бг҃оѻтрокови́цы, всѣ́хъ пока́ѧвшисѧ прегрѣше́нїй твои́хъ, всехва́льнаѧ, пре́жнихъ, со дерзнове́нїемъ чⷭ҇тно́мꙋ дре́вꙋ поклони́ласѧ є҆сѝ."
|
|
},
|
|
{
|
|
"type": "TEXT",
|
|
"value": "Мѣстѡ́мъ поклони́вшисѧ ра́достнѡ ст҃ы̑мъ, добродѣ́тели напꙋ́тное, спаси́тельнѣйшее ѿсю́дꙋ прїѧ́ла є҆сѝ, и҆ ѕѣлѡ̀ потекла̀ є҆сѝ до́брое ше́ствїе: и҆ стрꙋю̀ преве́зшисѧ і҆ѻрда́нскꙋю, въ крⷭ҇ти́телевѣ ѻ҆бита́лищи ᲂу҆се́рднѡ всели́ласѧ є҆сѝ, и҆ страсте́й свирѣ́пство жи́тельствомъ ѡ҆мрачи́ла є҆сѝ, и҆стончава́ющи тѣ́ла воздержа́нїемъ, приснопа́мѧтнаѧ мт҃и, плотска̑ѧ стремлє́нїѧ."
|
|
},
|
|
{
|
|
"type": "TEXT",
|
|
"value": "Въ пꙋсты́ню всели́вшисѧ, твои́хъ страсте́й ѻ҆́бразы бл҃гоче́стнѡ и҆стреби́ла є҆сѝ, бг҃ови́днѣйшее и҆з̾ѡбраже́нїе въ дꙋшѝ написа́вши добродѣ́телей ви́ды: и҆ толи́кѡ просїѧ́ла є҆сѝ, ꙗ҆́кѡ и҆ на вода́хъ легкѡ̀ преходи́ти стопа́ми, и҆ надъ земле́ю взима́тисѧ во твои́хъ къ бг҃ꙋ моле́нїихъ. И҆ ны́нѣ со дерзнове́нїемъ, пресла́внаѧ марі́е, хрⷭ҇тꙋ̀ предстоѧ́щи, моли́сѧ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃. Самогла́сенъ:"
|
|
},
|
|
{
|
|
"type": "TEXT",
|
|
"value": "Дꙋшє́внаѧ ловлє́нїѧ, и҆ стра̑сти плотскі̑ѧ мече́мъ воздержа́нїѧ посѣ́кла є҆сѝ, и҆ мы́слєннаѧ согрѣшє́нїѧ молча́нїемъ поста̀ ᲂу҆дави́ла є҆сѝ, и҆ стрꙋѧ́ми сле́зъ твои́хъ пꙋсты́ню всю̀ напои́ла є҆сѝ, и҆ прозѧбла̀ є҆сѝ на́мъ покаѧ́нїѧ плоды̀. Тѣ́мже твою̀ па́мѧть, преподо́бнаѧ, пра́зднꙋемъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ:"
|
|
},
|
|
{
|
|
"type": "TEXT",
|
|
"value": "Дре́вꙋ крⷭ҇тномꙋ тѧ̀, і҆и҃се, пригвожде́на, зрѧ́щи неискꙋсобра́чнаѧ, пла́чꙋщи гл҃го́лаше: ча́до сла́дкое, почто̀ ѡ҆ста́вилъ є҆сѝ мѧ̀, ро́ждшꙋю тѧ̀ є҆ди́нꙋ, свѣ́те непристꙋ́пный пребезнача́льнагѡ ѻ҆ц҃а̀; потщи́сѧ и҆ просла́висѧ, ꙗ҆́кѡ да сла́вꙋ полꙋча́тъ бжⷭ҇твеннꙋю, и҆̀же бжⷭ҇твєнныѧ стрⷭ҇ти твоѧ̑ сла́вѧщїи."
|
|
},
|
|
{
|
|
"type": "TEXT",
|
|
"value": "Въ тебѣ̀, мт҃и, и҆звѣ́стнѡ спасе́сѧ є҆́же по ѻ҆́бразꙋ: прїи́мши бо крⷭ҇тъ, послѣ́довала є҆сѝ хрⷭ҇тꙋ̀, и҆ дѣ́ющи ᲂу҆чи́ла є҆сѝ презира́ти ᲂу҆́бѡ пло́ть, прехо́дитъ бо, прилѣжа́ти же ѡ҆ дꙋшѝ, ве́щи безсме́ртнѣй. Тѣ́мже и҆ со а҆́гг҃лы сра́дꙋетсѧ, прпⷣбнаѧ марі́е, дꙋ́хъ тво́й."
|
|
},
|
|
{
|
|
"type": "HEADER",
|
|
"value": "Канѡ́нъ, гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Мо́рѧ чермнꙋ́ю пꙋчи́нꙋ невла́жными стопа́ми дре́внїй пѣшеше́ствовавъ і҆и҃ль, крⷭ҇тоѻбра́зными мѡѷсе́овыма рꙋка́ма а҆мали́ковꙋ си́лꙋ въ пꙋсты́ни побѣди́лъ є҆́сть."
|
|
},
|
|
{
|
|
"type": "TEXT",
|
|
"value": "Скве́рнꙋ прегрѣше́нїй ѡ҆чи́сти смире́нныѧ моеѧ̀ дꙋшѝ, твое́ю ми́лостїю, хрⷭ҇тѐ: мглꙋ̀ и҆ ѡ҆мраче́нїе страсте́й ѿженѝ моли́твами преподо́бныѧ твоеѧ̀."
|
|
},
|
|
{
|
|
"type": "TEXT",
|
|
"value": "Страстьмѝ плотски́ми ѡ҆скверни́вши дꙋше́вное благоро́дїе, воздержа́нїемъ па́ки, ѽ честна́ѧ, тво́й ᲂу҆́мъ просвѣти́ла є҆сѝ, тꙋ́чами сле́зъ твои́хъ дꙋ́шꙋ ᲂу҆ѧсни́вши."
|
|
},
|
|
{
|
|
"type": "TEXT",
|
|
"value": "Є҆гѵ́пта страсте́й и҆збѣ́гла є҆сѝ, ꙗ҆́кѡ ѿ грѣхо́вна и҆сто́чника: и҆ фараѡ́на и҆зба́вльшисѧ лю́тагѡ ѡ҆скверне́нїѧ, безстра́стїѧ ны́нѣ зе́млю наслѣ́довала є҆сѝ, и҆ со а҆́гг҃лы ликꙋ́еши при́снѡ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Зрѧ́щи твою̀ і҆кѡ́нꙋ, влⷣчце, бг҃ороди́тельнице чⷭ҇таѧ, и҆ ро́ждшагосѧ сло́ва ѿ твоеѧ̀ пречⷭ҇тыѧ, дв҃о, ᲂу҆тро́бы, и҆ порꙋ́чницꙋ тѧ̀ къ семꙋ̀, те́плѣ про́ситъ, пресла́внаѧ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Весели́тсѧ ѡ҆ тебѣ̀ цр҃ковь твоѧ̀, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище, и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Возсмердѣ́шасѧ дꙋшє́вныѧ, и҆ согни́шасѧ твоѧ̑ ра̑ны: но и҆сто́чникомъ сле́зъ твои́хъ сїѧ̑ ѡ҆мы́ла є҆сѝ те́плѣ."
|
|
},
|
|
{
|
|
"type": "TEXT",
|
|
"value": "Побѣжде́ни бы́ша тобо́ю де́мѡнстїи полцы̀, и҆ стра̑стнаѧ взыгра̑нїѧ слеза́ми ᲂу҆ра́нила є҆сѝ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ ᲂу҆́треннїй ѻ҆́блакъ, и҆ ꙗ҆́коже ка́плѧ ка́плющи была̀ є҆сѝ, всѣ̑мъ пролива́ющи во́ды покаѧ́нїѧ спаси́тельнагѡ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Тѧ̀ предста́тельницꙋ, чⷭ҇таѧ, и҆ спасе́нїе, и҆ крѣ́пость и҆мꙋ́щи, крⷭ҇та̀ ст҃а́гѡ дре́вꙋ честна́ѧ поклони́сѧ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Взыгра̑нїѧ всѧ̑ плотска̑ѧ ѡ҆бꙋзда́вши болѣ́зньми по́стническими, мꙋ́жественное показа́ла є҆сѝ дꙋшѝ твоеѧ̀ мꙋдрова́нїе: крⷭ҇та́ бо возжелѣ́вши ѻ҆́бразъ ви́дѣти, себѐ приснопа́мѧтнаѧ мі́рꙋ распѧ́ла є҆сѝ, ѿѻнꙋ́дꙋже и҆ къ ре́вности житїѧ̀ непоро́чнагѡ ᲂу҆се́рднѡ воздви́гла є҆сѝ себѐ, всебл҃же́ннаѧ, марі́е пресла́внаѧ. Молѝ хрⷭ҇та̀ бг҃а грѣхѡ́въ ѡ҆ставле́нїе пода́ти чествꙋ́ющымъ любо́вїю свѧтꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ дв҃ꙋ и҆ є҆ди́нꙋ въ жена́хъ, тѧ̀ безъ сѣ́мене ро́ждшꙋю бг҃а пло́тїю, всѝ ᲂу҆блажа́емъ ро́ди человѣ́честїи: ѻ҆́гнь бо всели́сѧ въ тѧ̀ бжⷭ҇тва̀, и҆ ꙗ҆́кѡ млⷣнца млеко́мъ пита́еши зижди́телѧ и҆ гдⷭ҇а. Тѣ́мъ а҆́гг҃льскїй и҆ человѣ́ческїй ро́дъ досто́йнѡ сла́вимъ прест҃о́е ржⷭ҇тво̀ твоѐ, и҆ согла́снѡ вопїе́мъ тѝ: молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти покланѧ́ющымсѧ вѣ́рою прест҃о́мꙋ ржⷭ҇твꙋ̀ твоемꙋ̀."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: А҆́гнца и҆ па́стырѧ, и҆ и҆зба́вителѧ а҆́гница зрѧ́щи на крⷭ҇тѣ̀, восклица́ше пла́чꙋщи, и҆ го́рькѡ рыда́ющи, вопїѧ́ше: мі́ръ ᲂу҆́бѡ ра́дꙋетсѧ, прїе́млѧй тобо́ю и҆збавле́нїе: ᲂу҆тро́ба же моѧ̀ гори́тъ, зрѧ́щи твоѐ распѧ́тїе, є҆́же терпи́ши за милосе́рдїе ми́лости. Долготерпѣли́ве гдⷭ҇и, ми́лости бе́здно, и҆ и҆сто́чниче неисчерпа́емый, ᲂу҆милосе́рдисѧ, и҆ да́рꙋй согрѣше́нїй ѡ҆ставле́нїе вѣ́рою пою́щымъ бжⷭ҇твєнныѧ стрⷭ҇ти твоѧ̑."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Оу҆дали́ласѧ є҆сѝ бѣжа́вши сꙋ́щихъ въ мі́рѣ, и҆ сла́дкихъ всѣ́хъ, є҆ди́на же є҆ди́номꙋ чи́стѡ приѡбщи́ласѧ є҆сѝ, кра́йнимъ воздержа́нїемъ и҆ терпѣ́нїемъ дѣ́лъ твои́хъ."
|
|
},
|
|
{
|
|
"type": "TEXT",
|
|
"value": "Тѣлє́снаѧ движє́нїѧ и҆ разжжє́нїѧ воздержа́нїемъ пои́стиннѣ и҆зсꙋши́ла є҆сѝ: ѿѻнꙋ́дꙋже дꙋ́шꙋ ᲂу҆краси́ла є҆сѝ, марі́е всесла́внаѧ, бжⷭ҇твенными видѣ̑нїи и҆ дѣ́тельми."
|
|
},
|
|
{
|
|
"type": "TEXT",
|
|
"value": "Добродѣ́тельною твое́ю си́лою, слеза́ми и҆ посто́мъ кра́йнимъ, моли́твою же и҆ ва́ромъ, зимо́ю и҆ нагото́ю, прїѧ́телище была̀ є҆сѝ ст҃а́гѡ дх҃а че́стнѡ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Къ твое́й і҆кѡ́нѣ прибѣ́гши, и҆ и҆зъ тебє̀ рожде́ннагѡ, мр҃і́е дв҃о, тобо́ю ны́нѣ ѡ҆брѣ́те жи́знь безсме́ртнꙋю, въ раѝ ликꙋ́ющи."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀, гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆з̾ мра́чна невѣ́дѣнїѧ вѣ́рою воспѣва́ющыѧ тѧ̀."
|
|
},
|
|
{
|
|
"type": "TEXT",
|
|
"value": "Въ слѣ́дъ хрⷭ҇та̀ послѣ́довала є҆сѝ ра́дꙋющисѧ, носѧ́щи крⷭ҇тъ сво́й на ра́мѣ, марі́е, и҆ де́мѡны ᲂу҆ра́нила є҆сѝ."
|
|
},
|
|
{
|
|
"type": "TEXT",
|
|
"value": "Показа́ла є҆сѝ на́мъ покаѧ́нїѧ лѣчбꙋ̀, показа́ла є҆сѝ и҆ стезю̀ ведꙋ́щꙋю па́ки къ жи́зни неги́блющей."
|
|
},
|
|
{
|
|
"type": "TEXT",
|
|
"value": "Ты̀ бꙋ́ди мѝ, честна́ѧ, застꙋ́пница непобѣди́ма, и҆ и҆зба́ви страсте́й мѧ̀, болѣ́зни же всѧ́кїѧ, мольба́ми твои́ми ко гдⷭ҇ꙋ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: На твою̀, влⷣчце чⷭ҇таѧ, і҆кѡ́нꙋ взира́ше, тебѣ̀ всегда̀ молѧ́щисѧ, страсте́й напа̑данїѧ прпⷣбнаѧ посрамлѧ́ше."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю."
|
|
},
|
|
{
|
|
"type": "TEXT",
|
|
"value": "По́томъ грѣхо́внꙋю скве́рнꙋ ѡ҆мы́ла є҆сѝ, къ нетлѣ́ннѣй же сла́вѣ твое́ю мы́слїю смотрѧ́ющи, ны́нѣ ѡ҆брѣла̀ є҆сѝ благопло́дїе болѣ́знемъ твои̑мъ, сла́внаѧ."
|
|
},
|
|
{
|
|
"type": "TEXT",
|
|
"value": "Всѣ̑мъ грѣ́шникѡмъ, марі́е, житїѐ твоѐ ѻ҆́бразъ показа́сѧ, безмѣ́рнѡ согрѣши́вшымъ въ житїѝ воста́ти, и҆ скве́рнꙋ ѡ҆чи́стити слеза́ми."
|
|
},
|
|
{
|
|
"type": "TEXT",
|
|
"value": "Оу҆ще́дри смире́ннꙋю мою̀ дꙋ́шꙋ, чл҃вѣколю́бче, ю҆́же ѡ҆скверни́хъ дѣ́ѧ нечи̑стаѧ хотѣ̑нїѧ пло́ти моеѧ̀: но ты́ мѧ прпⷣбныѧ моли́твами поми́лꙋй."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Все́ю твое́ю дꙋше́ю и҆ се́рдцемъ возлюби́ла є҆сѝ ѿ дв҃ы рожде́ннаго, бг҃а сло́ва жива́го и҆ воплоще́нна, гла́съ тебѣ̀, прпⷣбнаѧ, прине́сша."
|
|
},
|
|
{
|
|
"type": "HEADER",
|
|
"value": "Конда́къ, гла́съ д҃"
|
|
},
|
|
{
|
|
"type": "TEXT",
|
|
"value": "Подо́бенъ: Вознесы́йсѧ:"
|
|
},
|
|
{
|
|
"type": "TEXT",
|
|
"value": "Грѣха̀ мглы̀ и҆збѣжа́вши, покаѧ́нїѧ свѣ́томъ ѡ҆зари́вши твоѐ се́рдце, сла́внаѧ, пришла̀ є҆сѝ ко хрⷭ҇тꙋ̀: сегѡ̀ всенепоро́чнꙋю и҆ ст҃ꙋ́ю мт҃рь моли́твенницꙋ ми́лостивнꙋю принесла̀ є҆сѝ. Ѿѻнꙋ́дꙋже и҆ прегрѣше́нїй ѡ҆брѣла̀ є҆сѝ ѡ҆ставле́нїе, и҆ со а҆́гг҃лы при́снѡ сра́дꙋешисѧ."
|
|
},
|
|
{
|
|
"type": "TEXT",
|
|
"value": "І҆́косъ: Ѕмі́ѧ, дре́вле во є҆де́мѣ запе́ншаго є҆́ѵѣ пре́лестїю дре́ва, низве́ргла є҆сѝ въ ро́въ дре́вомъ крⷭ҇тнымъ, сла́внаѧ марі́е, и҆ ѿбѣ́гши сла́сти, чистоты̀ возжелѣ́ла є҆сѝ: ѿѻнꙋ́дꙋже и҆ съ дѣ́вами сподо́биласѧ є҆сѝ внꙋ́трь черто́га вни́ти твоегѡ̀ влⷣки, съ си́ми наслади́тисѧ досто́йнѡ. Того̀ ᲂу҆̀бо прилѣ́жнѡ молѝ, ꙗ҆́кѡ да мно́гихъ грѣхѡ́въ разрѣше́нїе пода́стъ, и҆ своеѧ̀ жи́зни на́съ сподо́битъ со а҆́гг҃лы при́снѡ ра́доватисѧ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю благоче́стїѧ па́че, не́жели пла́менемъ ѡ҆палѧ́еми, взыва́хꙋ: благослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Ско́рбнꙋю и҆ тѣ́снꙋю ше́ствовавши стезю̀ ꙗ҆́вѣ, добро́тою добродѣ́телей ᲂу҆ѧсни́вши дꙋ́шꙋ, нбⷭ҇нꙋю дости́гла є҆сѝ жи́знь несконча́емꙋю, и҆дѣ́же свѣ́тъ безконе́чный є҆́сть хрⷭ҇то́съ."
|
|
},
|
|
{
|
|
"type": "TEXT",
|
|
"value": "Ꙗ҆̀же въ мі́рѣ попра́вши вре́мєннаѧ всѧ̑, ны́нѣ ликꙋ́еши со всѣ́ми во́инствы а҆́гг҃льскими, воспѣва́ющи: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Кова̑рства вра̑жїѧ, и҆ ѻ҆рꙋ̑жїѧ ѡ҆скꙋдѣ́ша всѧ̑, крѣ́пкимъ посто́мъ, и҆ моли́твою твое́ю, прпⷣбнаѧ, и҆ слеза́ми, и҆ ны́нѣ ᲂу҆́бѡ ѿго́нѧтсѧ и҆ страсте́й настоѧ̑нїѧ, марі́е честна́ѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Неискꙋсобра́чнѡ ꙗ҆́же бг҃а безпло́тна поро́ждши вои́стиннꙋ, и҆ дв҃а пребы́вши пои́стиннѣ, твое́ю си́лою, всечⷭ҇тна́ѧ, ѿгна́ла є҆сѝ страсте́й и҆ де́мѡнѡвъ вѡ́инства."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Рꙋ́цѣ распросте́ръ данїи́лъ, львѡ́въ зїѧ̑нїѧ въ ро́вѣ затчѐ, ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, благоче́стїѧ рачи́тели ѻ҆́троцы, взыва́юще: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Ве́сь сїѧ́нїемъ добродѣ́телей ѡ҆зари́вши ᲂу҆́мъ, марі́е сла́внаѧ, бг҃ꙋ бесѣ́довавши, пло́ть бо и҆стни́вши посто́мъ мно́гимъ, и҆ по́мысломъ бл҃гочести́вымъ, пѣ́ла є҆сѝ ра́дꙋющисѧ: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Крⷭ҇та̀ зна́менїемъ себѐ ѡ҆гради́вши, і҆ѻрда̑нскїѧ нога́ми немо́кренными твои́ми во́ды преплы́вши, марі́е, вѣ́рнѡ, и҆ нбⷭ҇нагѡ хрⷭ҇та̀ тѣ́лꙋ и҆ кро́ви є҆гѡ̀ прича́щшисѧ, ны́нѣ ѿпꙋща́еши рабꙋ̀ твою̀, рекла̀ є҆сѝ."
|
|
},
|
|
{
|
|
"type": "TEXT",
|
|
"value": "Свѧще́нникъ бжⷭ҇твенный зѡсі́ма, таи́нникъ бл҃года́ти, быстринꙋ̀ ꙗ҆́кѡ ви́дѣ тѧ̀ і҆ѻрда́нскꙋю, сла́внаѧ, преше́дшꙋ немо́кренными нога́ми, стра́хомъ и҆ тре́петомъ ѡ҆держи́мь бы́въ, ра́дꙋѧсѧ поѧ́ше: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Тобо́ю пренескве́рнаѧ тлю̀ и҆ скве́рнꙋ всю̀ ѿтрѧсѐ, и҆ ѡ҆блече́сѧ, влⷣчце, въ ри́зꙋ безсме́ртнꙋ, и҆ тобо́ю твоемꙋ̀ сн҃ꙋ прпⷣбнаѧ вопїѧ́ше: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀: тѣ́мъ, веселѧ́щесѧ, тѧ̀, бцⷣе, велича́емъ."
|
|
},
|
|
{
|
|
"type": "TEXT",
|
|
"value": "Ны́нѣ нетлѣ́нною и҆ бжⷭ҇твенною вои́стиннꙋ пи́щею насыща́ема, и҆ свѣ́томъ наслажда́ющисѧ мы́сленнымъ и҆ невече́рнимъ, въ нбⷭ҇ныхъ се́лѣхъ, и҆дѣ́же а҆́гг҃льстїи чи́ни ѡ҆ на́съ бг҃а мо́лѧтъ."
|
|
},
|
|
{
|
|
"type": "TEXT",
|
|
"value": "Сла́вы текꙋ́щїѧ и҆ тлѣ́нныѧ же возгнꙋша́вшисѧ, марі́е, сла́вꙋ и҆ жи́знь наслѣ́довала є҆сѝ бл҃же́ннꙋю: хрⷭ҇та̀ молѝ ѡ҆ соверша́ющихъ твою̀ всест҃ꙋ́ю па́мѧть всегда̀."
|
|
},
|
|
{
|
|
"type": "TEXT",
|
|
"value": "Ви́ждь мою̀ ско́рбь, прпⷣбнаѧ, и҆ стена́нїе се́рдца, ви́ждь тѣснотꙋ̀ жи́зни моеѧ̀, спаси́ мѧ ѿ грѣха̀ моегѡ̀, и҆ дꙋ́шꙋ мою̀ ᲂу҆ще́дри твои́ми хода́тайствы ко гдⷭ҇ꙋ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Влⷣчце чⷭ҇таѧ бцⷣе, грѣ́шникѡвъ спасе́нїе, прїимѝ мольбꙋ̀ сїю̀, и҆зба́ви мѧ̀ ѿ грѣ̑хъ мои́хъ, твоемꙋ̀ сн҃ꙋ прибѣга́юща, моли́твами прпⷣбныѧ твоеѧ̀."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Свѣ́те неизмѣ́нный:"
|
|
},
|
|
{
|
|
"type": "TEXT",
|
|
"value": "Ѻ҆́бразъ покаѧ́нїѧ на́мъ даде́сѧ, марі́е, твои́мъ бо те́плымъ ᲂу҆миле́нїемъ возвратѝ побѣжде́нїе, застꙋ́пницꙋ стѧжа́вши бцⷣꙋ мр҃і́ю: съ не́юже ѡ҆ на́съ помоли́сѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣ́тъ возсїѧ́вшїй безлѣ́тный ѿ ѻ҆ц҃а̀ пре́жде вѣ̑къ, въ лѣ́то ны́нѣ напослѣ́докъ, и҆зъ тебє̀, дв҃о, ꙗ҆ви́сѧ на спасе́нїе мі́ра, къ немꙋ́же не преста́й ѡ҆ лю́дехъ твои́хъ молѧ́щисѧ."
|
|
}
|
|
] |