294 lines
22 KiB
JSON
294 lines
22 KiB
JSON
[
|
|
{
|
|
"type": "HEADER",
|
|
"value": "І҆ꙋ́лїа л҃"
|
|
},
|
|
{
|
|
"type": "HEADER",
|
|
"value": "Ст҃ы́хъ а҆пⷭ҇лъ, сі́лы и҆ сїлꙋа́на, и҆ и҆̀же съ ни́ми."
|
|
},
|
|
{
|
|
"type": "HEADER",
|
|
"value": "Стїхи̑ры, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Да́лъ є҆сѝ зна́менїе:"
|
|
},
|
|
{
|
|
"type": "TEXT",
|
|
"value": "Бжⷭ҇твенными ѡ҆блиста́еми свѣтоли́тїи, а҆пⷭ҇ли, ꙗ҆́коже ѻ҆рлѝ крила́тїи, мі́ръ проидо́сте, многобо́жїѧ тмꙋ̀ ѿгонѧ́ще, и҆ содѣва́юще сы́ны и҆ наслѣ́дники днѐ всѣ́хъ. Тѣ́мже ва́съ почита́емъ, и҆ ст҃ы́й и҆ бл҃гонаро́читый пра́здникъ ва́шъ чти́мъ, покланѧ́ющесѧ моще́мъ ва́шымъ."
|
|
},
|
|
{
|
|
"type": "TEXT",
|
|
"value": "Сі́лꙋ и҆ а҆ндроні́ка, сїлꙋа́на же и҆ криске́нта, свѧще́ннѡ ᲂу҆блажа́емъ, и҆ хвала́ми почти́мъ, ра́достнымъ дне́сь се́рдцемъ є҆пене́та чꙋ́днаго, гдⷭ҇ни ᲂу҆ч҃никѝ и҆ проповѣ́дники, и҆́миже и҆зба́вихомсѧ і҆́дѡльскагѡ сꙋ́етства, и҆ трⷪ҇ческомꙋ сїѧ́нїю благоче́стнѡ наꙋчи́хомсѧ."
|
|
},
|
|
{
|
|
"type": "TEXT",
|
|
"value": "Ва́съ въ ве́сь мі́ръ хрⷭ҇то́съ посла̀, гноє́нїѧ ѡ҆чища́ющихъ ѕло́бы, а҆пⷭ҇ли, и҆ ᲂу҆ѧ́звлєнныѧ ꙗ҆́домъ дꙋшетлѣ́ннымъ ѡ҆бновлѧ́ющихъ дꙋ́шы, и҆ къ соверше́нномꙋ здра́вїю ведꙋ́щихъ. Тѣ́мже ва́съ почита́емъ, ꙗ҆́кѡ бл҃годѣ́тели прехва́льныѧ, и҆ премꙋ́дрыѧ врачѝ, и҆ дꙋхѡ́вныѧ ѻ҆рга́ны."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ, солнцезра́чнаѧ лꙋчѐ, сл҃нца незаходи́магѡ прⷭ҇то́ле, ꙗ҆́же сл҃нце возсїѧ́вши недоꙋмѣ́нное: ра́дꙋйсѧ, ᲂу҆́ме ѡ҆блиста́ѧй бжⷭ҇твенными сїѧ́ньми, зарѐ мо́лнїйнаѧ, ѡ҆свѣти́вшаѧ землѝ концы̀: и҆́стинное зла́та блиста́нїе, вседо́браѧ и҆ пренепоро́чнаѧ, свѣ́тъ невече́рнїй вѣ̑рнымъ ѡ҆блиста́вши."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: Оу҆мерщвлѧ́ема ви́дѧщи хрⷭ҇та̀, пречⷭ҇таѧ влⷣчце, ᲂу҆мерщвлѧ́юща льсти́ваго, восклица́ше го́рцѣ взыва́ющи и҆зъ ᲂу҆тро́бы тоѧ̀ произше́дшꙋ, и҆ долготерпѣ́нїю є҆гѡ̀ чꙋдѧ́щисѧ взыва́ше: ча́до моѐ любе́знѣйшее, не забꙋ́ди рабꙋ̀ твою̀, не закоснѝ, человѣколю́бче, моѐ ᲂу҆тѣше́нїе."
|
|
},
|
|
{
|
|
"type": "HEADER",
|
|
"value": "Тропа́рь, гла́съ г҃:"
|
|
},
|
|
{
|
|
"type": "TEXT",
|
|
"value": "А҆пⷭ҇ли ст҃і́и, моли́те ми́лостиваго бг҃а, да прегрѣше́нїй ѡ҆ставле́нїе пода́стъ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Канѡ́нъ. Гла́съ в҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Непроходи́мое волнѧ́щеесѧ мо́ре, бж҃їимъ свои́мъ велѣ́нїемъ, и҆зсꙋши́вшемꙋ, и҆ пѣшеше́ствовати сквозѣ̀ є҆̀ і҆и҃льтескїѧ лю́ди наста́вльшемꙋ, гдⷭ҇еви пои́мъ, сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Предстоѧ́ще прⷭ҇то́лꙋ бжⷭ҇твенномꙋ всегда̀, сїѧ́нїемъ же просвѣща́еми незаходи́мымъ, ст҃і́и, просвѣще́нїе дꙋхо́вно всѣ̑мъ и҆спроси́те ѿ ѻ҆ц҃а̀ свѣ́тѡвъ низпосла́ти на́мъ, вѣ́рнѡ ва́съ почита́ющымъ."
|
|
},
|
|
{
|
|
"type": "TEXT",
|
|
"value": "Возсїѧ́вшаго пра́вды сл҃нца, сла́внїи, ᲂу҆зрѣ́вше ѿ дв҃ы бг҃оѻтрокови́цы, прилѣпи́стесѧ є҆мꙋ̀ бжⷭ҇твеннымъ прича́стїемъ, свѣ́тъ бы́вше, и҆ ѿгна́сте пре́лести мра́къ ве́сь."
|
|
},
|
|
{
|
|
"type": "TEXT",
|
|
"value": "Зако́нъ бжⷭ҇твенный на ѧ҆зы́цѣ носѧ́ще, всю̀ зе́млю проидо́сте, беззако́нїе є҆ѧ̀ ѿе́млюще, мꙋ́дрїи криске́нте и҆ а҆ндроні́че, сі́ло и҆ сїлꙋа́не, и҆ всѣва́юще сло́во спаси́тельное."
|
|
},
|
|
{
|
|
"type": "TEXT",
|
|
"value": "Похва́лимъ є҆пене́та сла́внаго, карѳаге́нѡвъ похвалꙋ̀ бжⷭ҇твеннꙋ бы́вшꙋ, и҆ сло́ва ᲂу҆ч҃ника̀, и҆ и҆сцѣле́нїй и҆сто́чника, и҆ вели́ка проповѣ́дника, сꙋ́щымъ па́че ᲂу҆ма̀, и҆ вѣ́ры ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Препѣ́таго бг҃а неизрече́ннѡ породила̀ є҆сѝ, въ пло́ть ѿ тебє̀ ѡ҆бле́кшасѧ за бла́гость, препѣ́таѧ чⷭ҇таѧ. Тѣ́мже благода́рными гла̑сы пѣсносло́вимъ тѧ̀ и҆ ᲂу҆блажа́емъ, ꙗ҆́коже дре́вле прорекла̀ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: На ка́мени мѧ̀ вѣ́ры ᲂу҆тверди́въ, разшири́лъ є҆сѝ ᲂу҆ста̀ моѧ̑ на врагѝ моѧ̑, возвесели́босѧ дꙋ́хъ мо́й, внегда̀ пѣ́ти: нѣ́сть свѧ́тъ, ꙗ҆́коже бг҃ъ на́шъ, и҆ нѣ́сть пра́веденъ, па́че тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Проповѣ́давше воплоще́нїе влⷣчне, и҆ разрꙋши́вше соꙋ́зъ ѕло́бы, и҆̀же дре́вле свѧ̑занныѧ невѣ́рїемъ мꙋ́дрїи разрѣши́сте, великопроповѣ́дницы, и҆ къ бг҃ꙋ приведо́сте вѣ́рою."
|
|
},
|
|
{
|
|
"type": "TEXT",
|
|
"value": "Свѣти́льницы незаходи́магѡ свѣтоли́тїѧ бы́вше, тмꙋ̀ безбо́жїѧ ѿгна́сте, показꙋ́юще человѣ́кѡмъ позна́нїѧ свѣ́тъ прехва́льнїи: сегѡ̀ ра́ди всегда̀ блажи́ми є҆стѐ."
|
|
},
|
|
{
|
|
"type": "TEXT",
|
|
"value": "Во всю̀ зе́млю и҆зы́де, ꙗ҆́коже пое́тъ дв҃дъ, а҆пⷭ҇льское бжⷭ҇твенное вѣща́нїе, ᲂу҆ча́щее стрⷭ҇те́мъ сп҃сѡвымъ и҆ воскресе́нїю, и҆́мже воста́хомъ ѿ гробѡ́въ всѝ сꙋ́етства."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆брѣ́тъ тѧ̀ а҆́гг҃лъ чистѣ́йшꙋю, вни́де во ᲂу҆тро́бꙋ твою̀ ст҃ꙋ́ю свѣ́тъ, сы́й непристꙋ́пенъ, бцⷣе, и҆ ꙗ҆ви́сѧ человѣ́къ и҆зъ тебє̀ воплоща́емь, во двою̀ є҆стєствꙋ̀ познава́емь."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Бжⷭ҇твенныѧ вѣ́ры:"
|
|
},
|
|
{
|
|
"type": "TEXT",
|
|
"value": "Бжⷭ҇твенное ᲂу҆́глїе ᲂу҆тѣ́шителѧ теплото́ю ражже́ни, прехва́льнїи бы́вше а҆пⷭ҇ли, безбо́жїѧ мра́къ разори́сте, и҆ вѣ̑рныѧ свѧще́ннѡ согрѣ́ѧсте. Тѣ́мже дне́сь па́мѧть ва́шꙋ чтꙋ́ще, про́симъ прїѧ́ти ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бжⷭ҇твеннаѧ ски́нїа была̀ є҆сѝ сло́ва, є҆ди́на пречⷭ҇таѧ мт҃и дв҃о, чистото́ю а҆́гг҃лы превозше́дшаѧ: па́че всѣ́хъ менѐ пе́рсть бы́вша, ѡ҆скверне́на плотски́ми прегрѣше́ньми, ѡ҆чи́сти моли́твъ твои́хъ бжⷭ҇твенными вода́ми, подаю́щи, чⷭ҇таѧ, ве́лїю ми́лость."
|
|
},
|
|
{
|
|
"type": "TEXT",
|
|
"value": "Крⷭ҇тобг҃оро́диченъ: Нескве́рнаѧ а҆́гница сло́ва, нетлѣ́ннаѧ дв҃а мт҃и, на крⷭ҇тѣ̀ зрѧ́щи повѣ́шена и҆зъ неѧ̀ безъ болѣ́зни прозѧ́бшаго, мт҃рски подо́бнѡ рыда́ющи, вопїѧ́ше: ᲂу҆вы̀ мнѣ̀, ча́до моѐ, ка́кѡ стра́ждеши во́лею, хотѧ̀ и҆зба́вити ѿ страсте́й безче́стїѧ человѣ́ка;"
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пою́ тѧ, слꙋ́хомъ бо, гдⷭ҇и, ᲂу҆слы́шахъ и҆ ᲂу҆жасо́хсѧ: до менє́ бо и҆́деши, менѐ и҆щѧ̀ заблꙋ́ждшаго. Тѣ́мъ мно́гое твоѐ снизхожде́нїе, є҆́же на мѧ̀, прославлѧ́ю, многоми́лостиве."
|
|
},
|
|
{
|
|
"type": "TEXT",
|
|
"value": "Крѣ́постїю всѧ̑ сотво́ршагѡ, проше́дше вселе́ннꙋю ꙗ҆́коже крила́тїи, спасо́сте сꙋ́щыѧ въ пꙋчи́нѣ лю́тыхъ, бг҃оно́снїи бѣ́дствꙋющыѧ, и҆ къ ти́хомꙋ приста́нищꙋ наста́висте."
|
|
},
|
|
{
|
|
"type": "TEXT",
|
|
"value": "Оу҆твержда́ѧ разсла́блєнныѧ, сла́вне, мы́сли сло́вомъ, сі́ло съ па́ѵломъ проповѣ́дникомъ, проше́дъ ты̀ ве́сь мі́ръ, мно́гими напа́стьми ѡ҆блива́емь, и҆ вѣ̑рнымъ спа́съ ꙗ҆влѧ́ѧсѧ."
|
|
},
|
|
{
|
|
"type": "TEXT",
|
|
"value": "Ве́лїими бл҃года́тьми ᲂу҆краша́емь, ше́ствовалъ є҆сѝ ѿ восто́ка до за́пада, ꙗ҆́коже зарѧ̀, съ па́ѵломъ сі́ло премꙋ́дре, свѣтоза́рнаѧ со́лнцꙋ сꙋ́щи, ꙗ҆зы́кѡвъ сердца̀ просвѣсти́сте."
|
|
},
|
|
{
|
|
"type": "TEXT",
|
|
"value": "Да восхва́литсѧ криске́нтъ и҆ а҆ндроні́къ, и҆ съ сі́лою да возвели́читсѧ сїлꙋа́нъ дне́сь, є҆пене́тъ же да похва́литсѧ, хрⷭ҇то́ва вїногра́да сꙋ́ще гро́здїе, сла́дость и҆ска́пающе спаси́тельнꙋю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Чꙋде́съ преимꙋ́щее бы́сть є҆́же въ тебѣ̀ бы́вшее чꙋ́до: зако́нѡвъ бо кромѣ̀ є҆сте́ственныхъ законода́вца хрⷭ҇та̀ ражда́еши, престꙋпле́нїе первозда́нныхъ рѣша́ща, всенепоро́чнаѧ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Просвѣще́нїе во тмѣ̀ лежа́щихъ, спасе́нїе ѿча́ѧнныхъ, хрⷭ҇тѐ сп҃се мо́й, къ тебѣ̀ ᲂу҆́тренюю, цр҃ю̀ ми́ра, просвѣти́ мѧ сїѧ́нїемъ твои́мъ: и҆но́гѡ бо, ра́звѣ тебє̀, бг҃а не зна́ю."
|
|
},
|
|
{
|
|
"type": "TEXT",
|
|
"value": "Взѧ́тсѧ твои́хъ ᲂу҆чєни́къ превы́ше небе́съ великолѣ́пїе, проповѣ́дающихъ на землѝ твоѐ сла́вное прише́ствїе, и҆ стрⷭ҇ти и҆ воскресе́нїе, сло́ве бж҃їй, і҆и҃се пребл҃гі́й."
|
|
},
|
|
{
|
|
"type": "TEXT",
|
|
"value": "Проза́рнаго и҆ пресвѣ́тлаго сосꙋ́да ᲂу҆тѣ́шителева, заблꙋ́ждшихъ наставле́нїе, селꙋ́нѧ пресла́внꙋю похвалꙋ̀, а҆пⷭ҇лѡвъ ᲂу҆добре́нїе, ны́нѣ сїлꙋа́на мꙋ́драго восхва́лимъ."
|
|
},
|
|
{
|
|
"type": "TEXT",
|
|
"value": "Оу҆крѣ́пльсѧ тезоимени́тнѡ сло́ва посо́бїемъ, премꙋ́дре а҆ндроні́че, прохо́диши, ᲂу҆твержда́ѧ ѡ҆сла́блєннаѧ сердца̀ и҆скꙋше́ньми бори́телѧ, и҆ наставлѧ́ѧ въ бж҃їе позна́нїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Тѧ̀ дв҃дъ преднаписа̀ го́рꙋ ᲂу҆сыре́ннꙋ, го́рꙋ бг҃а на́шегѡ, го́рꙋ тꙋ́чнꙋ: въ тебѣ́ бо, ѻ҆трокови́це, позна́шасѧ сегѡ̀ шє́ствїѧ пло́тїю ѡ҆бнища́вшагѡ, и҆ къ пе́рвомꙋ на́съ блаже́нствꙋ возве́дшагѡ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ко гдⷭ҇ꙋ ѿ ки́та і҆ѡ́на возопѝ: ты́ мѧ возведѝ и҆зъ глꙋбины̀ а҆́да, молю́сѧ, да ꙗ҆́кѡ и҆зба́вителю, во гла́сѣ хвале́нїѧ, и҆́стины же дꙋ́хомъ пожрꙋ̀ тебѣ̀."
|
|
},
|
|
{
|
|
"type": "TEXT",
|
|
"value": "Возводи́ми ко гдⷭ҇ꙋ чи́стыми манове́нїи, прикло́ншыѧсѧ до́лꙋ въ поги́бєльныѧ ꙗ҆́мы, привлеко́сте, мꙋ́дрїи, къ высотѣ̀ небе́снѣй высо́кагѡ видѣ́нїѧ и҆ дѣѧ́нїѧ."
|
|
},
|
|
{
|
|
"type": "TEXT",
|
|
"value": "Є҆ди́ницꙋ ᲂу҆́бѡ сꙋщество́мъ, ли́цы же трⷪ҇цꙋ, бг҃облаже́ннїи въ концѣ́хъ проповѣ́давше, многобо́жнꙋю мглꙋ̀ до конца̀ разори́сте, и҆ свѣти́льницы дꙋша́мъ ꙗ҆ви́стесѧ."
|
|
},
|
|
{
|
|
"type": "TEXT",
|
|
"value": "Вжили́въ тво́й хрⷭ҇то́съ по́мыслъ, криске́нте премꙋ́дре, пома́занїемъ ра́дованїѧ, халкидо́на первопа́стырѧ, ꙗ҆́кѡ сегѡ̀ ᲂу҆ченика̀ благоче́стнѡ показа̀, заблꙋждє́ннымъ стезю̀ показꙋ́ющаго."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Краснꙋ́ тѧ добро́тою творе́цъ ѡ҆брѣ́тъ, въ тѧ̀ всели́сѧ, и҆ красе́нъ па́че всѣ́хъ сынѡ́въ земноро́дныхъ ꙗ҆ви́сѧ воплоща́емь, прест҃а́ѧ дв҃о всепѣ́таѧ."
|
|
},
|
|
{
|
|
"type": "HEADER",
|
|
"value": "Конда́къ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Вознесы́йсѧ:"
|
|
},
|
|
{
|
|
"type": "TEXT",
|
|
"value": "Ло́зїе ꙗ҆ви́стесѧ хрⷭ҇то́ва вїногра́да, гро́здїе приносѧ́ще мꙋ́дрїи въ добродѣ́телехъ, вїно̀ на́мъ спасе́нїѧ и҆сточа́юще: є҆́же прїе́млюще весе́лїѧ и҆сполнѧ́емсѧ, пра́зднꙋюще пречестнꙋ́ю ва́шꙋ па́мѧть: въ ню́же моли́тесѧ ѡ҆ ѡ҆ставле́нїи грѣхѡ́въ на́шихъ, гдⷭ҇ни а҆пⷭ҇ли."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вѣті̑и ꙗ҆ви́шасѧ ѻ҆́троцы любомꙋ́дрѣйшїи дре́вле, ѿ бг҃опрїѧ́тныѧ бо дꙋшѝ бг҃осло́вѧще, ᲂу҆стна́ми поѧ́хꙋ: пребжⷭ҇твенный ѻ҆тцє́въ и҆ на́шъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Сосꙋ́ды вмѣсти́вшыѧ всю̀ ᲂу҆тѣ́шителевꙋ бл҃года́ть, и҆ прїѧ́тєлища пре́лестей бы́вшихъ погꙋби́вшыѧ, и҆ прїѧ́тны бг҃ꙋ сотвори́вшыѧ, сі́лꙋ и҆ сїлꙋа́на воспое́мъ согла́снѡ."
|
|
},
|
|
{
|
|
"type": "TEXT",
|
|
"value": "Нѣ́сть дово́ленъ кто̀ похвали́ти є҆пене́та чꙋ́днаго, соѡбрази́босѧ хрⷭ҇тꙋ̀, є҆гѡ̀ ра́ди под̾е́мь стра̑сти, црⷭ҇твїѧ же причасти́сѧ є҆гѡ̀, до́брѣ подвиза́всѧ."
|
|
},
|
|
{
|
|
"type": "TEXT",
|
|
"value": "Пѣ́тъ бꙋ́ди крі́скъ пѣ́сньми бжⷭ҇твенными, сокровє́нныѧ пꙋти̑ хрⷭ҇то́вы показа́вый, и҆ ѡ҆сꙋди́вый пло́тїю свое́ю ѡ҆сꙋжде́нный грѣ́хъ, и҆ мно́ги неѡсꙋжде́нны показа́вый."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Разрѣшѝ плени̑цы прегрѣше́нїй мои́хъ хода́тайствомъ твои́мъ, чⷭ҇таѧ, и҆ любвѝ соверше́ннѣй бл҃га́гѡ сн҃а твоегѡ̀ привѧжѝ ᲂу҆далѧ́ющасѧ всегда̀ ѿ негѡ̀ сластьмѝ безмѣ́стными."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Велѣ́нїю мꙋчи́телевꙋ преподо́бнїи трїѐ ѻ҆́троцы не повинꙋ́вшесѧ, въ пе́щь вве́ржени, бг҃а и҆сповѣ́дахꙋ пою́ще: благослови́те дѣла̀ гдⷭ҇нѧ гдⷭ҇а."
|
|
},
|
|
{
|
|
"type": "TEXT",
|
|
"value": "Не да́ша сна̀ ѻ҆чи́ма бо́дрїи сло́ва слꙋжи́тели, до́ндеже сна̀ тѧ́жкагѡ вѣ̑рныѧ ле́сти и҆зба́виша, и҆ свѣ́та и҆ днѐ сы́ны показа́ша."
|
|
},
|
|
{
|
|
"type": "TEXT",
|
|
"value": "Бы́вше колесни́ца бж҃їѧ, стѧжа́сте того̀ ведꙋ́ща къ нбⷭ҇номꙋ ше́ствїю, ва́съ а҆пⷭ҇ли сла́внїи, и҆ ѻ҆рꙋ̑жїѧ всѧ̑ пре́лести сокрꙋша́юща."
|
|
},
|
|
{
|
|
"type": "TEXT",
|
|
"value": "Премꙋ́дрый сі́ла, ꙗ҆́кѡ хрⷭ҇то́въ слꙋжи́тель, досто́йнѡ да похва́литсѧ, и҆ съ ни́мъ да просла́витсѧ вѣ́рнѡ крі́скъ и҆ а҆ндроні́къ, свѣти́льницы всѧ̑ ꙗ҆зы́ки просвѣти́вшыѧ."
|
|
},
|
|
{
|
|
"type": "TEXT",
|
|
"value": "Трⷪ҇ченъ: Воспои́мъ живонача́льнꙋю трⷪ҇цꙋ, ѵ҆поста́сьми ᲂу҆стро́енꙋю, разꙋмѣва́емꙋю же є҆стество́мъ є҆ди́нымъ, и҆ пою́ще рце́мъ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Є҆́же пре́жде со́лнца свѣти́льника бг҃а возсїѧ́вшаго, пло́тски къ на́мъ прише́дшаго, и҆зъ бокꙋ̀ дв҃и́чꙋ, неизрече́ннѡ воплоти́вшаѧ, благослове́ннаѧ всечи́стаѧ, тѧ̀, бцⷣе, велича́емъ."
|
|
},
|
|
{
|
|
"type": "TEXT",
|
|
"value": "Вра́чеве дꙋ́шъ же и҆ тѣле́съ бы́сте спаси́тельнїи, дꙋхо́вными лѣчба́ми ѡ҆чища́ете недꙋ̑жныѧ, и҆ здра́вїе показꙋ́ете сꙋгꙋ́бо, бг҃осїѧ́ннїи а҆пⷭ҇ли: тѣ́мже досто́йнѡ блажи́ми є҆стѐ."
|
|
},
|
|
{
|
|
"type": "TEXT",
|
|
"value": "Ꙗ҆ви́стесѧ теплото́ю дх҃а вже́гшесѧ ꙗ҆́кѡ ᲂу҆́глїе, и҆ ле́дъ пре́лести растопи́сте, и҆ сердца̀ помє́рзшаѧ вѣ́рою согрѣ́ѧсте, и҆ къ веснѣ̀, премꙋ́дрїи, спаси́тельнѣй наста́висте."
|
|
},
|
|
{
|
|
"type": "TEXT",
|
|
"value": "Соста́вимъ ли́къ въ домꙋ̀ бг҃а на́шегѡ, сла́вѧще сїлꙋа́на и҆ сі́лꙋ, и҆ а҆ндроні́ка и҆ вели́каго є҆пене́та, и҆ криске́нта всемꙋ́драго, ꙗ҆́кѡ и҆́стины проповѣ́дники и҆ моли́твенники на́шѧ сꙋ́щыѧ."
|
|
},
|
|
{
|
|
"type": "TEXT",
|
|
"value": "Ст҃а̀ и҆ полна̀ дарова́нїй бжⷭ҇твеннагѡ дх҃а, свѧще́ннаѧ вои́стиннꙋ и҆ достохва́льнаѧ ва́ша па́мѧть, бг҃одѣ́тельными зарѧ́ми ѡ҆сїѧ́ющи благочести́выхъ и҆сполне́нїе, пѣ́ти ва́съ мꙋ́дрїи повелѣва́етъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пощади́ мѧ хотѧ́й во сла́вѣ па́ки прїитѝ бж҃ества̀, сꙋди́ти вселе́ннѣй, всеси́льне, мольба́ми неискꙋсобра́чныѧ, влⷣко, ро́ждшїѧ тѧ̀, и҆ да не во ѻ҆́гнь по́слеши мѧ̀, ѡ҆сꙋжде́на прегрѣше́ньми."
|
|
}
|
|
] |