686 lines
52 KiB
JSON
686 lines
52 KiB
JSON
[
|
|
{
|
|
"type": "HEADER",
|
|
"value": "Септе́мврїа к҃"
|
|
},
|
|
{
|
|
"type": "HEADER",
|
|
"value": "Ст҃а́гѡ великомч҃ника є҆ѵста́ѳїа, и҆ и҆̀же съ ни́мъ:"
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ: стїхи̑ры пра́здника г҃: и҆ ст҃ы́хъ г҃. Стїхи̑ры пра́здника, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Да́лъ є҆сѝ зна́менїе:"
|
|
},
|
|
{
|
|
"type": "TEXT",
|
|
"value": "Дне́сь возсїѧ̀ свѣтови́днѡ, ꙗ҆́коже со́лнце, крⷭ҇тъ тво́й честны́й, хрⷭ҇тѐ, ᲂу҆твержда́емь на кра́нїевѣ мѣ́стѣ пресла́внѣмъ, и҆ возноси́мь, сп҃се, на горѣ̀ твое́й прест҃ѣ́й, ꙗ҆влѧ́ѧ ст҃ѣ́йшее: ꙗ҆́кѡ тѣ́мъ, всеси́льне, на́ше є҆стество̀ возне́слъ є҆сѝ на нб҃са̀, ꙗ҆́кѡ чл҃вѣколю́бецъ."
|
|
},
|
|
{
|
|
"type": "TEXT",
|
|
"value": "Возвѣсти́ша дне́сь нб҃са̀, непостижи́ме, человѣ́кѡмъ сла́вꙋ твою̀: свѣ́тлѡ бо сїѧ́ѧй, крⷭ҇та̀ ѻ҆́бразъ свѣ́томъ непристꙋ́пнымъ, неи́стовный и҆ жесто́кїй бг҃оꙋбі́йцъ нра́въ ѡ҆бличѝ. Тѣ́мъ твоѐ чл҃вѣколю́бное строе́нїе сла́вимъ, і҆и҃се всеси́льне, сп҃се дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Просте́ртїемъ рꙋ́къ свои́хъ, мѡѷсе́й побѣдѝ а҆мали́ка, ѻ҆́бразъ назна́менꙋѧ крⷭ҇та̀ пре́жде: мы́ же, дре́вꙋ крⷭ҇та̀ покланѧ́ющесѧ ны́нѣ, попира́емъ вра̑жїѧ кѡ́зни и҆ кова̑рства, хрⷭ҇та̀ побо́рника и҆мꙋ́ще, на то́мъ возвы́шеннаго пло́тїю, и҆ ѕмі́ѧ ᲂу҆мертви́вшаго, и҆ человѣ́ка спа́сшаго."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры ст҃ы́хъ, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Свы́ше зва́нїе твоѐ, не ѿ человѣ̑къ, є҆ѵста́ѳїе. Но са́мъ тебѣ̀ ꙗ҆влѧ́етсѧ хрⷭ҇то́съ чл҃вѣколю́бецъ, и҆ ᲂу҆ловлѧ́етъ тѧ̀, бл҃же́нне, вѣ́ры мре́жами, и҆ креще́нїемъ твои́мъ ѡ҆чи́стивъ грѣхѝ твоѧ̑, житїѧ̀ и҆скꙋше́нїемъ, терпѣ́нїе тебѣ̀ простира́етъ ꙗ҆́кѡ влⷣка, и҆ показꙋ́етъ побѣди́телѧ словꙋ́щаго."
|
|
},
|
|
{
|
|
"type": "TEXT",
|
|
"value": "Ра́дꙋѧсѧ, въ ю҆́ности добродѣ́телей ѡ҆бꙋче́нїе прїѧ́лъ. Є҆сѝ, є҆ѵста́ѳїе, дѣте́й лиша́емь, и҆ твоеѧ̀ сопрꙋ́жницы плѣне́нїе претерпѣ́въ до́блественнѡ, и҆ пострада́въ рабо́тꙋ безче́стнꙋю. Но тѧ̀, приснопа́мѧтне, є҆́же въ бра́нехъ мꙋ́жество твоѐ любе́зна сотворѝ, и҆ свѣ́тла возвратѝ."
|
|
},
|
|
{
|
|
"type": "TEXT",
|
|
"value": "Бжⷭ҇твенное ꙗ҆́кѡ кади́ло благово́ннѣйшее во ѻ҆гнѝ, и҆ красно̀ всесожже́нїе, же́ртва благопрїѧ́тна, прино́съ же живꙋ́щъ и҆ соверше́ннѣйшъ ты̀ прине́слсѧ є҆сѝ бг҃ꙋ вседомо́венъ плодоноси́мь. Тѣ́мъ тѧ̀ ны́нѣ нбⷭ҇наѧ ѻ҆би́тель, є҆ѵста́ѳїе, съ твои́ми воспрїѧ́тъ, досточꙋ́дне, и҆ ст҃ы́хъ во́инствы."
|
|
},
|
|
{
|
|
"type": "HEADER",
|
|
"value": "Сла́ва, ст҃ы́хъ, гла́съ в҃. Є҆фре́ма карі́а:"
|
|
},
|
|
{
|
|
"type": "TEXT",
|
|
"value": "Вторы́й і҆́ѡвъ є҆ѵста́ѳїй житїе́мъ, страда́ньми и҆ пѡ́двиги, во ѻ҆́бразъ добродѣ́телей себѐ на́мъ подлага́етъ, и҆ сто́лпъ терпѣ́нїѧ, превозше́дъ и҆́стиннѡ і҆́ѡва добродѣ́телїю, съ сопрꙋ́жницею и҆ ча́ды, вѣ́рный въ житїѝ, и҆ неколе́бленъ во и҆скꙋше́нїихъ, и҆ во страда́нїи побѣдоно́сецъ. Є҆го́же приво́димъ въ моли́твѣ хрⷭ҇тꙋ̀, дарова́ти дꙋша́мъ на́шымъ просвѣще́нїе, и҆ ѡ҆чище́нїе прегрѣше́нїй."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ то́йже:"
|
|
},
|
|
{
|
|
"type": "TEXT",
|
|
"value": "Рꙋ́къ премѣне́нїе патрїа́рха і҆а́кѡва на благослове́нїе ча̑дъ, держа́вное крⷭ҇та̀ твоегѡ̀ пред̾ѧвлѧ́ше зна́менїе: є҆го́же мы̀ держа́ще тве́рда храни́телѧ, де́мѡнскїѧ всемо́щнѡ ѿго́нимъ полкѝ, и҆ велїа́ровꙋ горды́ню въ не́мъ низлага́емъ, вражде́бнѣйшагѡ а҆мали́ка побѣжда́емъ всегꙋби́тельнꙋю си́лꙋ. Того̀ и҆ ны́нѣ возноси́ма бл҃гочестивомꙋ́дреннѡ вѣ́рнїи, во ѡ҆чище́нїе грѣхѡ́въ, твое́й бл҃гости бо многомножа́йшемъ гла́сѣ вопїю́ще прино́симъ: гдⷭ҇и поми́лꙋй. И҆зъ дв҃ы воплоти́выйсѧ, ᲂу҆ще́дри рꙋ́къ твои́хъ, бл҃же, мꙋ́дрое созда́нїе."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "Водо́ю бг҃отво́рною, и҆ кро́вїю твое́ю, сло́ве, свѣ́тлѡ цр҃ковь ᲂу҆краша́етсѧ, ꙗ҆́кѡ невѣ́ста, крⷭ҇та̀ сла́вꙋ пою́щи."
|
|
},
|
|
{
|
|
"type": "TEXT",
|
|
"value": "Сті́хъ: Возноси́те гдⷭ҇а бг҃а на́шего, и҆ покланѧ́йтесѧ подно́жїю нѡ́гꙋ є҆гѡ̀, ꙗ҆́кѡ свѧ́то є҆́сть."
|
|
},
|
|
{
|
|
"type": "TEXT",
|
|
"value": "Копїѐ со крⷭ҇то́мъ, гво́зди, и҆ и҆на̑ѧ, и҆́миже живоно́сное хрⷭ҇то́во пригвозди́сѧ тѣ́ло, возносѧ́ще, поклони́мсѧ."
|
|
},
|
|
{
|
|
"type": "TEXT",
|
|
"value": "Сті́хъ: Бг҃ъ же цр҃ь на́шъ пре́жде вѣ́ка, содѣ́ла спасе́нїе посредѣ̀ землѝ."
|
|
},
|
|
{
|
|
"type": "TEXT",
|
|
"value": "Є҆гда̀ а҆мали́ка мѡѷсе́й побѣжда́ше, на высотꙋ̀ рꙋ́цѣ и҆мѣ́ѧ крⷭ҇тоѧвле́ннѡ, ѡ҆бразова́ше хрⷭ҇то́вꙋ стрⷭ҇ть пречⷭ҇тꙋю."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃. Є҆фре́ма карі́а:"
|
|
},
|
|
{
|
|
"type": "TEXT",
|
|
"value": "А҆дама́нтъ дꙋше́ю, ка́кѡ тѧ̀ по досто́инствꙋ восхва́лимъ; є҆стество́ бо превозше́лъ є҆сѝ, и҆мѣ́нїй и҆ ча̑дъ, и҆ сожи́тельницы лиша́емъ, бл҃же́нный ѻ҆́нъ и҆ приснопомина́емый гла́съ і҆́ѡвлевъ возопи́лъ є҆сѝ: гдⷭ҇и дадѐ, гдⷭ҇ь ѿѧ̀, ꙗ҆́кѡ гдⷭ҇ꙋ и҆зво́лисѧ, та́кѡ и҆ бы́сть. Но є҆го́же возлюби́лъ є҆сѝ бг҃а, и҆ є҆го́же те́плѣ вожделѣ́лъ є҆сѝ, па́ки тебѣ̀ любє́знѣйшаѧ дарова̀, сострада́льцы тебѣ̀ бы́ти промы́сливый: съ ни́миже разли́чныхъ мꙋ́къ ра́ди бл҃же́нный коне́цъ соверши́въ, сїѧ̑ и҆ смоли́твенники твоѧ̑ прїе́мъ терпѣливодꙋ́шне, є҆ѵста́ѳїе, молѝ, и҆зба́витисѧ на́мъ ѿ беззако́нїй на́шихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ то́йже:"
|
|
},
|
|
{
|
|
"type": "TEXT",
|
|
"value": "Крⷭ҇те хрⷭ҇то́въ, хрⷭ҇тїа́нъ ᲂу҆пова́нїе, заблꙋ́ждшихъ наста́вниче, ѡ҆бꙋрева́емыхъ приста́нище, во бра́нехъ побѣ́да, вселе́нныѧ ᲂу҆твержде́нїе, недꙋ́жныхъ врачꙋ̀, ме́ртвыхъ воскрⷭ҇нїе, поми́лꙋй на́съ."
|
|
},
|
|
{
|
|
"type": "HEADER",
|
|
"value": "Тропа́рь мч҃никѡвъ, гла́съ д҃:"
|
|
},
|
|
{
|
|
"type": "TEXT",
|
|
"value": "Мꙋ́чєницы твоѝ, гдⷭ҇и, во страда́нїихъ свои́хъ вѣнцы̀ прїѧ́ша нетлѣ̑нныѧ ѿ тебє̀ бг҃а на́шегѡ: и҆мꙋ́ще бо крѣ́пость твою̀, мꙋчи́телей низложи́ша, сокрꙋши́ша и҆ де́мѡнѡвъ немѡщны́ѧ де́рзѡсти: тѣ́хъ моли́твами спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "На ᲂу҆́трени, по а҃-мъ стїхосло́вїи сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Оу҆диви́сѧ і҆ѡ́сифъ:"
|
|
},
|
|
{
|
|
"type": "TEXT",
|
|
"value": "Просте́ръ мѡѷсе́й рꙋ́цѣ къ высотѣ̀ нбⷭ҇нѣй, проѡбразова́ше крⷭ҇тъ, бжⷭ҇твенное ѻ҆рꙋ́жїе вѣ́рныхъ, на не́мже хрⷭ҇то́съ грѣхѝ пригвоздѝ. Тѣ́мъ вра́гъ пла́каше, стражда̀ болѣ́зненнѡ чꙋ́вствы, глаго́лаше: древѧно́е мѧ̀ копїѐ прободѐ посредѣ̀ се́рдца моегѡ̀, хрⷭ҇то́съ всѧ̑ ѿ а҆́дскихъ ᲂу҆́зъ рѣши́тъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "По в҃-мъ стїхосло́вїи сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Воскр҃се и҆зъ ме́ртвыхъ:"
|
|
},
|
|
{
|
|
"type": "TEXT",
|
|
"value": "Посредѣ̀ є҆де́ма дре́во прозѧбѐ сме́рть, посредѣ́ же всеѧ̀ землѝ дре́во процвѣтѐ жи́знь: вкꙋси́вше бо пе́рвагѡ нетлѣ́нни сꙋ́ще, тлѣ́нни бы́хомъ: полꙋчи́вше же втора́гѡ, нетлѣ́нїѧ наслади́хомсѧ: крⷭ҇то́мъ бо спаса́еши, ꙗ҆́кѡ бг҃ъ, ро́дъ человѣ́ческїй."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "Канѡ́нъ пра́здника, со і҆рмосо́мъ на ѕ҃. Гла́съ и҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Крⷭ҇тъ начерта́въ мѡѷсе́й, впрѧ́мѡ жезло́мъ чермно́е пресѣчѐ, і҆и҃лю пѣшеходѧ́щꙋ, то́же ѡ҆бра́тнѡ фараѡ́нѡвымъ колесни́цамъ ᲂу҆да́ривъ совокꙋпѝ, вопрекѝ написа́въ непобѣди́мое ѻ҆рꙋ́жїе: тѣ́мъ хрⷭ҇тꙋ̀ пои́мъ бг҃ꙋ на́шемꙋ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Ѻ҆́бразъ дре́вле мѡѷсе́й пречⷭ҇тыѧ стрⷭ҇ти въ себѣ̀ само́мъ проѡбразѝ, свѧще́нныхъ средѣ̀ стоѧ̀: крⷭ҇тъ же воѡбрази́въ, просте́ртыми побѣ́дꙋ дла́ньми воздви́же, держа́вꙋ погꙋби́въ а҆мали́ка всегꙋби́телѧ. Тѣ́мъ хрⷭ҇тꙋ̀ пои́мъ, бг҃ꙋ на́шемꙋ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Возложѝ мѡѷсе́й на столпѣ̀ врачевство̀, тлетвори́вагѡ и҆збавле́нїе, и҆ ꙗ҆дови́тагѡ ᲂу҆грызе́нїѧ, и҆ дре́вꙋ, ѻ҆́бразомъ крⷭ҇та̀, по землѝ пресмыка́ющагосѧ ѕмі́ѧ привѧза̀, лꙋка́вный въ се́мъ ѡ҆бличи́въ вре́дъ: тѣ́мъ хрⷭ҇тꙋ̀ пои́мъ бг҃ꙋ на́шемꙋ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Показа̀ нб҃о креста̀ побѣ́дꙋ, бл҃гоче́стїѧ держа́телю, и҆ цр҃ю̀ бг҃омꙋ́дрꙋ, врагѡ́въ въ не́мже ѕлосе́рдыхъ низложи́сѧ свирѣ́пство, ле́сть же преврати́сѧ, и҆ вѣ́ра распростре́сѧ земны̑мъ концє́мъ бжⷭ҇твеннаѧ. Тѣ́мъ хрⷭ҇тꙋ̀ пои́мъ бг҃ꙋ на́шемꙋ, ꙗ҆́кѡ просла́висѧ."
|
|
},
|
|
{
|
|
"type": "HEADER",
|
|
"value": "И҆́нъ канѡ́нъ ст҃а́гѡ є҆ѵста́ѳїа, на ѕ҃, ѳеофа́ново, гла́съ д҃. Є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Благостоѧ́нїе тезоимени́томꙋ похвале́нїе."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Мо́рѧ чермнꙋ́ю пꙋчи́нꙋ, невла́жными стопа́ми, дре́внїй пѣшеше́ствовавъ і҆и҃ль, крестоѻбра́зными мѡѷсе́овыма рꙋка́ма, а҆мали́ковꙋ си́лꙋ въ пꙋсты́ни побѣди́лъ є҆́сть."
|
|
},
|
|
{
|
|
"type": "TEXT",
|
|
"value": "Сло́вомъ страсте́й мои́хъ и҆гра́нїе моли́твами твои́ми покори́въ, мч҃ниче хрⷭ҇то́въ: благохвали́ти ᲂу҆стро́й, свѧще́нное торжество̀ твои́хъ подвигѡ́въ, всебл҃же́нне."
|
|
},
|
|
{
|
|
"type": "TEXT",
|
|
"value": "Зва́нїе твоѐ не ѿ человѣ̑къ бы́сть всеизѧ́щнѣйше, но съ нб҃съ, ꙗ҆́кѡ па́ѵла пре́жде хрⷭ҇то́съ тѧ̀ призва̀, ꙗ҆вле́йсѧ ꙗ҆́кѡ є҆ле́нь, ѿ ꙗ҆дови́тыхъ и҆з̾има́ѧ."
|
|
},
|
|
{
|
|
"type": "TEXT",
|
|
"value": "Мꙋ́дрости го́рнѣйшїѧ и҆спо́лненъ бы́въ, мч҃ниче, тлѣ́емагѡ бога́тства, и҆ сла́дости, нбⷭ҇ное наслажде́нїе, всеблагоче́стнѡ проразсꙋди́лъ є҆сѝ, вседомо́внѡ вѣнча́емь."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆брѣ́тъ тѧ̀ чⷭ҇тшꙋ, всечⷭ҇таѧ, всеѧ̀ тва́ри, всѣ́хъ зижди́тель и҆ бг҃ъ, воплоти́тисѧ благоволѝ, и҆зъ тебє̀ пло́тїю человѣ́ка воѡбрази́ти промы́сливый."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Же́злъ въ ѻ҆́бразъ та́йны прїе́млетсѧ, прозѧбе́нїемъ бо предразсꙋжда́етъ свѧще́нника: неплодѧ́щей же пре́жде цр҃кви, ны́нѣ процвѣтѐ дре́во крⷭ҇та̀, въ держа́вꙋ и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Ꙗ҆́кѡ и҆спꙋстѝ ᲂу҆дарѧ́емь во́дꙋ краесѣко́мый, непокори̑вымъ лю́демъ и҆ жестосє́рдымъ, бг҃озва́нныѧ проѧвлѧ́ше цр҃кве та́инство, є҆ѧ́же крⷭ҇тъ держа́ва и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Ре́брѡмъ пречⷭ҇тымъ, копїе́мъ прободє́ннымъ, вода̀ съ кро́вїю и҆стечѐ, ѡ҆бновлѧ́ющаѧ завѣ́тъ и҆ ѡ҆мыва́тельнаѧ грѣха̀: вѣ́рныхъ бо крⷭ҇тъ похвала̀, держа́ва и҆ ᲂу҆твержде́нїе."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Весели́тсѧ ѡ҆ тебѣ̀ цр҃ковь твоѧ̀, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище, и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Терпѣ́лъ є҆сѝ напа́стей треволнє́нїѧ крѣ́пкѡ, сла́вне мч҃ниче хрⷭ҇то́въ є҆ѵста́ѳїе, ча̑дъ и҆ жены̀ лиша́емь."
|
|
},
|
|
{
|
|
"type": "TEXT",
|
|
"value": "Спа́сшесѧ ѿ бг҃а ѕвѣре́й расхище́нїѧ ча̑да твоѧ̑, мч҃ниче хрⷭ҇то́въ є҆ѵста́ѳїе, ѕвѣ́ри мы́слєнныѧ побѣди́ша."
|
|
},
|
|
{
|
|
"type": "TEXT",
|
|
"value": "Житїѐ преходѧ̀ ꙗ҆́кѡ рѣкꙋ̀, и҆скꙋше́ньми, сла́вне, твоеѧ̀ дꙋшѝ сохрани́лъ є҆сѝ бг҃ови́дное непоколеби́мѡ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Чистоты̀ чи́стое, и҆ дѣ́вства честно́е селе́нїе, прїиди́те, вѣ́рнїи, воспои́мъ ра́достными пѣснопѣ́ньми."
|
|
},
|
|
{
|
|
"type": "HEADER",
|
|
"value": "Конда́къ пра́здника, гла́съ д҃. Подо́бенъ:"
|
|
},
|
|
{
|
|
"type": "TEXT",
|
|
"value": "Вознесы́йсѧ на крⷭ҇тъ во́лею, тезоимени́томꙋ твоемꙋ̀ но́вомꙋ жи́тельствꙋ, щедрѡ́ты твоѧ̑ да́рꙋй, хрⷭ҇тѐ бж҃е. Возвеселѝ си́лою твое́ю вѣ̑рныѧ лю́ди твоѧ̑, побѣ̑ды даѧ̀ на́мъ на сопоста́ты, посо́бїе и҆мꙋ́щымъ твоѐ ѻ҆рꙋ́жїе ми́ра, непобѣди́мꙋю побѣ́дꙋ."
|
|
},
|
|
{
|
|
"type": "TEXT",
|
|
"value": "І҆́косъ: И҆́же до тре́тїѧгѡ нб҃сѐ восхище́нъ бы́сть въ ра́й, и҆ глаго́лы слы́шавъ неизречє́нныѧ и҆ бжⷭ҇твєнныѧ, и҆̀хже не лѣ́ть ѧ҆зы́ки (человѣ́ческими) глаго́лати, что̀ гала́тѡмъ пи́шетъ, ꙗ҆́кѡ рачи́телїе писа́нїй прочто́сте и҆ позна́сте: мнѣ̀, глаго́летъ, хвали́тисѧ да не бꙋ́детъ, то́кмѡ во є҆ди́номъ крⷭ҇тѣ̀ гдⷭ҇ни, на не́мже страда́въ ᲂу҆бѝ стра̑сти. Того̀ ᲂу҆́бѡ и҆ мы̀ и҆звѣ́стнѡ держи́мъ, крⷭ҇тъ гдⷭ҇ень, хвалꙋ̀ всѝ: є҆́сть бо на́мъ спаси́тельное сїѐ дре́во, ѻ҆рꙋ́жїе ми́ра, непобѣди́маѧ побѣ́да."
|
|
},
|
|
{
|
|
"type": "HEADER",
|
|
"value": "Сѣда́ленъ є҆ѵста́ѳїа, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "На живо́тнѣмъ ᲂу҆зрѣ́лъ є҆сѝ ѻ҆́бразъ крⷭ҇та̀, и҆ на не́мъ ѻ҆́бразъ і҆и҃совъ: ни́цъ же бы́въ, ᲂу҆диви́лсѧ є҆сѝ видѣ́нїю, и҆ вседомо́внѡ прише́лъ є҆сѝ къ бжⷭ҇твенномꙋ креще́нїю, и҆ ѡ҆бнища́въ ꙗ҆́коже вторы́й і҆́ѡвъ ꙗ҆ви́лсѧ є҆сѝ. Тѣ́мъ сопрꙋ́жницы и҆ сынѡ́въ лиши́всѧ, вопїѧ́лъ є҆сѝ: гдⷭ҇ь дадѐ, гдⷭ҇ь и҆ ѿѧ̀. Воинонача́льниче є҆ѵста́ѳїе, молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти, пра́зднꙋющымъ любо́вїю свѧтꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Крⷭ҇тъ сп҃совъ въ землѝ сокрове́нный и҆з̾ѧ́ше, честна́ѧ, ра́дости же наполнѧ́етъ мїрска̑ѧ и҆сполнє́нїѧ, и҆ въ хра́мѣ бжⷭ҇твеннѣмъ провѣщева́етъ возвы́сити въ дс҃ѣ, и҆ ски́птръ но́ситъ въ ца́рскаѧ. Тѣ́мже є҆ле́на сы́нꙋ взыва́ше: прострѝ, влады́ко, и҆ прїимѝ рꙋка́ми твои́ми держа́вꙋ твою̀, и҆ побѣ̑ды, мꙋ́дре, и҆ ꙗ҆зы́ки наꙋчѝ въ бл҃года́ти, покланѧ́тисѧ крⷭ҇тꙋ̀ и҆ стрⷭ҇те́мъ хрⷭ҇тѡ́вымъ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бжⷭ҇тво̀."
|
|
},
|
|
{
|
|
"type": "TEXT",
|
|
"value": "Горькорѡ́дныѧ преложѝ дре́вомъ мѡѷсе́й и҆сто́чники въ пꙋсты́ни дре́вле, крⷭ҇то́мъ, ко благоче́стїю ꙗ҆зы́кѡвъ проѧвлѧ́ѧ преложе́нїе."
|
|
},
|
|
{
|
|
"type": "TEXT",
|
|
"value": "Глꙋбинѣ̀ внѣ́дривый сѣкꙋ́щꙋю, и҆здадѐ і҆ѻрда́нъ дре́вꙋ, крⷭ҇то́мъ и҆ креще́нїемъ сѣче́нїе ле́сти зна́менꙋѧ."
|
|
},
|
|
{
|
|
"type": "TEXT",
|
|
"value": "Свѧще́ннѡ ѡ҆полча́ютсѧ четвероча́стнїи лю́дїе, предходѧ́ще ѻ҆́бразомъ свидѣ́тельства ски́нїи, крⷭ҇тоѻбра́зными чи́нми прославлѧ́емїи."
|
|
},
|
|
{
|
|
"type": "TEXT",
|
|
"value": "Чꙋ́днѡ простира́емь, со́лнєчныѧ лꙋчѝ и҆спꙋща́ше крⷭ҇тъ, и҆ повѣ́даша нб҃са̀ сла́вꙋ бг҃а на́шегѡ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Бжⷭ҇твенною дла́нїю сохра́ншисѧ ѿ мꙋчи́тельства вра́жїѧ, пребы́сть ꙗ҆́же цѣломꙋ́дрїѧ хранѧ́щи сожи́тельница твоѧ̀, взыва́ющи: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Напа́ствованъ и҆ разли́чнѡ и҆скꙋше́нъ бы́въ, мч҃ниче хрⷭ҇то́въ є҆ѵста́ѳїе, и҆ къ свидѣ́тельства те́клъ є҆сѝ три́знищꙋ, вопїѧ̀ влⷣцѣ твоемꙋ̀: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Направлѧ́емь повелѣ́нїемъ влⷣчнимъ, мч҃ническими кровьмѝ ᲂу҆краша́емь ꙗ҆ви́лсѧ є҆сѝ, приснопа́мѧтне є҆ѵста́ѳїе сла́вне, со жено́ю и҆ ча́ды твои́ми."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Неискꙋсобра́чнѡ родила̀ є҆сѝ, ѽ дв҃о, и҆ по ржⷭ҇твѣ̀ ꙗ҆ви́ласѧ є҆сѝ дѣ́вствꙋющи па́ки. Тѣ́мъ немо́лчными гла́сы, ра́дꙋйсѧ, тебѣ̀ влⷣчце вѣ́рою несомнѣ́нною зове́мъ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѽ треблаже́нное дре́во, на не́мже распѧ́сѧ хрⷭ҇то́съ, цр҃ь и҆ гдⷭ҇ь! И҆́мже падѐ, дре́вомъ прельсти́вый, тобо́ю прельсти́всѧ, бг҃ꙋ пригвозди́вшꙋсѧ пло́тїю, подаю́щемꙋ ми́ръ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Тебѐ приснопѣ́тое дре́во, на не́мже простре́сѧ хрⷭ҇то́съ, є҆де́мъ хранѧ́щее, ѡ҆браща́ющеесѧ ѻ҆рꙋ́жїе, крⷭ҇те, ᲂу҆стыдѣ́сѧ: стра́шный же херꙋві́мъ ᲂу҆стꙋпѝ, на тебѣ̀ пригвожде́нномꙋ хрⷭ҇тꙋ̀, подаю́щемꙋ ми́ръ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Подзе́мныхъ си̑лы проти̑вныѧ крⷭ҇та̀ страша́тсѧ, начерта́ема зна́менїѧ на воздꙋ́сѣ, по немꙋ́же хо́дѧтъ нбⷭ҇ныхъ и҆ земноро́дныхъ ро́ди, колѣ̑на преклонѧ́юще хрⷭ҇тꙋ̀, подаю́щемꙋ ми́ръ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Зарѧ́ми нетлѣ́нными ꙗ҆́вльсѧ бжⷭ҇твенный крⷭ҇тъ, ѡ҆мрачє́ннымъ ꙗ҆зы́кѡмъ, заблꙋждє́ннымъ въ пре́лести, бжⷭ҇твенный свѣ́тъ ѡ҆блиста́въ, ᲂу҆своѧ́етъ на не́мъ пригвожде́нномꙋ хрⷭ҇тꙋ̀, подаю́щемꙋ ми́ръ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀, гдⷭ҇и мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й ѡ҆браща́ѧй и҆зъ мра́чна невѣ́дѣнїѧ вѣ́рою воспѣва́ющыѧ тѧ̀."
|
|
},
|
|
{
|
|
"type": "TEXT",
|
|
"value": "Ты̀ ꙗ҆́коже і҆́ѡвъ ꙗ҆ви́лсѧ є҆сѝ, є҆ѵста́ѳїе: ты̀ непоро́ченъ и҆ благочести́въ, долготерпѣли́внѡ житїѐ ѡ҆брѣ́лсѧ є҆сѝ препла́ваѧ."
|
|
},
|
|
{
|
|
"type": "TEXT",
|
|
"value": "Кто̀, бл҃же́нне, воспѣ́ти твоѧ̑ болѣ̑зни возмо́жетъ, є҆ѵста́ѳїе, ꙗ҆̀же под̾ѧ́лъ є҆сѝ, сопрꙋ́жницы, мч҃ниче, и҆ дѣте́й лиша́емь."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѽ мт҃и бж҃їѧ! Дꙋшѝ моеѧ̀ ѡ҆ѕлобле́нїе и҆сцѣлѝ, ро́ждшаѧ всебл҃го́е сло́во, всѧ̑ благосты́нствꙋющее."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во́днагѡ ѕвѣ́рѧ во ᲂу҆тро́бѣ, дла̑ни і҆ѡ́на крⷭ҇тови́днѡ распросте́ръ, спаси́тельнꙋю стрⷭ҇ть проѡбража́ше ꙗ҆́вѣ. Тѣ́мъ тридне́венъ и҆зше́дъ, премі́рное воскрⷭ҇нїе прописа́ше, пло́тїю пригвожде́ннагѡ хрⷭ҇та̀ бг҃а, и҆ тридне́внымъ воскрⷭ҇нїемъ мі́ръ просвѣ́щшагѡ."
|
|
},
|
|
{
|
|
"type": "TEXT",
|
|
"value": "Ста́ростїю преклони́всѧ, и҆ недꙋ́гомъ ѡ҆тѧгче́нъ и҆спра́висѧ, і҆а́кѡвъ рꙋ́цѣ премѣни́въ, дѣ́йствїе ꙗ҆влѧ́ѧ жизноно́снагѡ крⷭ҇та̀: и҆́бо ве́тхость зако́ннагѡ сѣно́внагѡ писа́нїѧ, новописа̀ на се́мъ пло́тїю пригвозди́выйсѧ бг҃ъ, и҆ дꙋшегꙋби́тельный недꙋ́гъ ле́сти ѿгна̀."
|
|
},
|
|
{
|
|
"type": "TEXT",
|
|
"value": "На ю҆́ныѧ возложи́въ дла̑ни, бжⷭ҇твенный і҆и҃ль, крⷭ҇тови́днѡ главы̑ ꙗ҆влѧ́ше, ꙗ҆́кѡ старѣ́йшаѧ сла́ва, законослꙋжи́телє лю́дїе. Тѣ́мже подмнѣ́всѧ та́кѡ и҆зпрельсти́тисѧ, не и҆змѣнѝ жизноно́снагѡ ѻ҆́браза: превзы́дꙋтъ бо лю́дїе хрⷭ҇то́вы бж҃їи новоꙋтвержде́ннїи, вопїѧ́хꙋ, крⷭ҇то́мъ ѡ҆гражда́еми."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю."
|
|
},
|
|
{
|
|
"type": "TEXT",
|
|
"value": "Ꙗ҆́вльшагосѧ ты̀ хрⷭ҇та̀ вожделѣ́лъ є҆сѝ, сла́вне, и҆ совокꙋпи́лсѧ є҆сѝ томꙋ̀ любо́вїю: ꙗ҆́кѡ ꙗ҆ви́лсѧ є҆сѝ, мч҃ниче, ᲂу҆кра́шенъ, багрѧни́цею твои́хъ крове́й ᲂу҆добрѧ́емь."
|
|
},
|
|
{
|
|
"type": "TEXT",
|
|
"value": "Поте́клъ є҆сѝ, послѣ́дꙋѧ хрⷭ҇тѡ́вымъ стопа́мъ бжⷭ҇твєннымъ, и҆ ѻ҆́бщникъ показа́лсѧ є҆сѝ стрⷭ҇те́й тогѡ̀ и҆ ца́рствїѧ, всесоверше́ннѡ, вседомо́внѡ, мч҃ниче, вѣнча́емь."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Глаго́лы гаврїи́ла, дв҃о всенепоро́чнаѧ, ны́нѣ и҆мꙋ́ще вопїе́мъ: ра́дꙋйсѧ, є҆ди́на мт҃и бл҃гослове́ннаѧ: ра́дꙋйсѧ, две́ре, пра́вды сл҃нце и҆мꙋ́щаѧ."
|
|
},
|
|
{
|
|
"type": "HEADER",
|
|
"value": "Конда́къ, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Вы́шнихъ и҆щѧ̀:"
|
|
},
|
|
{
|
|
"type": "TEXT",
|
|
"value": "Стрⷭ҇ти хрⷭ҇то́вы ꙗ҆́вѣ подража́въ, и҆ сегѡ̀ и҆спи́въ ᲂу҆се́рднѡ ча́шꙋ, ѻ҆́бщникъ, є҆ѵста́ѳїе, и҆ сла́вы снаслѣ́дникъ бы́лъ є҆сѝ, ѿ сама́гѡ всѣ́хъ бг҃а, прїе́млѧ съ высоты̀ бжⷭ҇твенное ѡ҆ставле́нїе."
|
|
},
|
|
{
|
|
"type": "TEXT",
|
|
"value": "І҆́косъ: Пѣ́снь мнѣ̀ да́рꙋй, бж҃е мо́й, воспѣ́ти и҆ глаго́лати по́двиги ны́нѣ страстоте́рпца твоегѡ̀, гдⷭ҇и, ꙗ҆́кѡ да благочи́ннѡ восхвалю̀ до́блѧго во страда́нїихъ є҆ѵста́ѳїа, побѣди́телѧ въ бра́нехъ вра́жїихъ бы́вша всегда̀, вели́каго во бл҃гоче́стїи, въ ли́цѣ мч҃никѡвъ возсїѧ́вшаго: съ ни́ми бо пое́тъ непреста́ннѡ тебѣ̀ со а҆́гг҃лы всемꙋ́дрый, прїе́млѧ съ высоты̀ бжⷭ҇твенное ѡ҆ставле́нїе."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Безꙋ́мное велѣ́нїе мꙋчи́телѧ ѕлочести́вагѡ лю́ди поколеба̀, ды́шꙋщее преще́нїе и҆ ѕлохꙋле́нїе бг҃оме́рзское: ѻ҆ба́че трѝ ѻ҆́троки не ᲂу҆страшѝ ꙗ҆́рость ѕвѣ́рскаѧ, ни ѻ҆́гнь снѣда́ѧй, но противоды́шꙋщꙋ росоно́сномꙋ дх҃ꙋ, со ѻ҆гне́мъ сꙋ́ще поѧ́хꙋ: препѣ́тый ѻ҆тцє́въ и҆ на́съ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ѿ дре́ва вкꙋси́въ пе́рвый въ человѣ́цѣхъ, въ тлѣ́нїе всели́сѧ: ѿверже́нїемъ бо жи́зни безче́стнѣйшимъ ѡ҆сꙋди́всѧ, всемꙋ̀ ро́дꙋ тѣлотлѣ́ненъ нѣ́кїй, ꙗ҆́кѡ вре́дъ недꙋ́га преподадѐ. Но ѡ҆брѣ́тше земноро́днїи воззва́нїе крⷭ҇тнымъ дре́вомъ, зове́мъ: препѣ́тый ѻ҆тцє́въ и҆ на́съ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Разрꙋшѝ повелѣ́нїе бж҃їе преслꙋша́нїе, и҆ дре́во принесѐ сме́рть человѣ́кѡмъ, є҆́же неблаговре́меннѡ прича́стно бы́вшее: во ᲂу҆твержде́нїе же ѕѣлѡ̀ честна́гѡ, ѿтꙋ́дꙋ жи́зни дре́во возбранѧ́емо бѣ̀, є҆́же разбо́йникꙋ ѕлоꙋме́ршꙋ ѿве́рзе, благоразꙋ́мнѡ зовꙋ́щꙋ: препѣ́тый ѻ҆тцє́въ и҆ на́съ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Жезла̀ ѡ҆б̾е́млетъ кра́й і҆ѡ́сифова, бꙋ̑дꙋщаѧ зрѧ̀ і҆и҃ль, ца́рствїѧ держа́вное, ꙗ҆́кѡ воз̾имꙋ́ществитъ пресла́вный крⷭ҇тъ, проѧвлѧ́ѧ: се́й бо побѣдоно́снаѧ похвала̀, и҆ свѣ́тъ вѣ́рою зовꙋ́щымъ: препѣ́тый ѻ҆тцє́въ и҆ на́съ бж҃е, бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю благоче́стїѧ па́че, не́жели пла́менемъ ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Ꙗ҆́кѡ въ пещѝ, разже́ннагѡ вола̀ мѣ́днагѡ внꙋ́трь заключе́ни мч҃ницы хрⷭ҇то́вы, благода́рственнѡ взыва́сте: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Зако́номъ любвѐ ꙗ҆́кѡ соедине́ни и҆ є҆стества̀, є҆ди́но терпѣ́нїе мꙋ́чєницы благосла́внїи, стра́ждꙋще показа́сте, бл҃гослове́нъ є҆сѝ, пою́ще, въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вы́шшаѧ нбⷭ҇ныхъ бжⷭ҇твенныхъ си́лъ, є҆ди́на ѿ вѣкѡ́въ ты̀ є҆сѝ и҆́стиннѡ: зижди́телѧ бо си́хъ родила̀ є҆сѝ несказа́ннѡ, бг҃ороди́тельнице всечⷭ҇таѧ влⷣчце."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Благослови́те, ѻ҆́троцы, трⷪ҇цы равночи́сленнїи, содѣ́телѧ ѻ҆ц҃а̀ бг҃а, по́йте снизше́дшее сло́во, и҆ ѻ҆́гнь въ ро́сꙋ претво́ршее, и҆ превозноси́те всѣ̑мъ жи́знь подава́ющаго, дх҃а всест҃а́го, во вѣ́ки."
|
|
},
|
|
{
|
|
"type": "TEXT",
|
|
"value": "Воздвиза́емꙋ дре́вꙋ ѡ҆кропле́нꙋ кро́вїю, вопло́щшагосѧ сло́ва бг҃а, по́йте нбⷭ҇ныѧ си̑лы: земны́хъ воззва́нїе, пра́зднꙋюще, лю́дїе, поклони́тесѧ хрⷭ҇то́вꙋ крⷭ҇тꙋ̀, и҆́мже мі́рꙋ восста́нїе во вѣ́ки."
|
|
},
|
|
{
|
|
"type": "TEXT",
|
|
"value": "Земноро́днїи, дла́ньми, строи́телїе бл҃года́ти, крⷭ҇тъ, на не́мже стоѧ́ше хрⷭ҇то́съ бг҃ъ, возноси́те свѧщеннолѣ́пнѡ и҆ копїѐ, бж҃їѧ сло́ва тѣ́ло пробо́дшее: да ви́дѧтъ ꙗ҆зы́цы всѝ спасе́нїе бж҃їе, сла́вѧще є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Бжⷭ҇твеннымъ сꙋдо́мъ пред̾избра́ннїи весели́тесѧ, хрⷭ҇тїа́нстїи вѣ́рнїи лю́дїе хвали́тесѧ побѣдоно́снымъ ѻ҆рꙋ́жїемъ, прїе́мше ѿ бг҃а крⷭ҇тъ честны́й: въ се́мъ бо колѣ̑на бра́ней де́рзости и҆́щꙋще, разсыпа́ютсѧ во вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Рꙋ́цѣ распросте́ръ данїи́лъ, львѡ́въ зїѧ̑нїѧ въ ро́вѣ затчѐ, ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, благоче́стїѧ рачи́тели ѻ҆́троцы, взыва́юще: бл҃гослови́те всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Свидѣ́телей нелжи́выхъ ли́къ совокꙋпле́нъ свѣ́тлѡ зако́нами є҆стества̀ и҆ сло́вомъ вѣ́ры, всѝ благоче́стнѡ ны́нѣ похва́лимъ, ꙗ҆́кѡ благоче́стїѧ рачи́тели, и҆ вѣ́рою воспои́мъ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Краснѡ̀ соедини́стесѧ, честні́и, раздѣли́вшесѧ пре́жде про́мысломъ вѧ́щшимъ, ва́шими кровьмѝ ѡ҆багри́вше порфѵ́рꙋ ᲂу҆невѣ́щенїѧ, къ нбⷭ҇номꙋ черто́гꙋ те́плѣ тща́щесѧ, и҆ вопїю́ще: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Пло́дъ чре́ва благоче́стнѡ бг҃ꙋ прине́слъ є҆сѝ, бл҃же́нне є҆ѵста́ѳїе, и҆ сопрꙋ́жницꙋ ра́дꙋющꙋюсѧ: ѻ҆́бщники бо страда́нїѧ ѿ є҆стества̀ хрⷭ҇тꙋ̀ пою́щыѧ прїѧ́лъ є҆сѝ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Же́злъ и҆зъ ко́рене і҆ессе́ева, дв҃о, была̀ є҆сѝ, цвѣ́тъ возрасти́вши всеси́льнаго гдⷭ҇а, на́съ благово́нствꙋющаго, и҆ воню̀ свою̀ всѣ̑мъ подаю́щаго, вопїю́щымъ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Снѣ́дїю дре́ва, ро́дꙋ прибы́вшаѧ сме́рть, крⷭ҇то́мъ ᲂу҆праздни́сѧ дне́сь: и҆́бо прама́тернѧѧ всеро́днаѧ клѧ́тва разрꙋши́сѧ, прозѧбе́нїемъ чⷭ҇тыѧ бг҃ома́тере: ю҆́же всѧ̑ си̑лы нбⷭ҇ныѧ велича́ютъ."
|
|
},
|
|
{
|
|
"type": "TEXT",
|
|
"value": "Го́рести ᲂу҆бі́йственныѧ, ꙗ҆́же ѿ дре́ва, не ѡ҆ста́вивъ, гдⷭ҇и, крⷭ҇то́мъ бо сїю̀ соверше́ннѡ и҆стреби́лъ є҆сѝ: сегѡ̀ ра́ди и҆ дре́вомъ ᲂу҆сладѝ и҆ногда̀ го́ресть вѡ́дъ ме́рры, проѡбразꙋ́юще крⷭ҇та̀ дѣ́йство, є҆́же всѧ̑ си̑лы нбⷭ҇ныѧ велича́ютъ."
|
|
},
|
|
{
|
|
"type": "TEXT",
|
|
"value": "Непреста́ннѡ грꙋжа́ємыѧ мра́комъ пра́ѻтца, гдⷭ҇и, крⷭ҇то́мъ возвы́силъ є҆сѝ дне́сь: ꙗ҆́кѡ бо ле́стїю весьма̀ неꙋдержа́ннѡ є҆стество̀ пре́жде сведено̀ бы́сть, всеро́днѣ ны̀ па́ки и҆спра́ви свѣ́тъ креста̀ твоегѡ̀, є҆го́же вѣ́рнїи велича́емъ."
|
|
},
|
|
{
|
|
"type": "TEXT",
|
|
"value": "На ѻ҆́бразъ пока́жеши мі́рꙋ покланѧ́емый, гдⷭ҇и, крⷭ҇та̀, во всѣ́хъ ꙗ҆́кѡ пресла́вный на нб҃сѣ́хъ и҆з̾ѡбрази́лъ є҆сѝ, свѣ́томъ безмѣ́рнымъ ѡ҆заре́нъ: цр҃кви всеѻрꙋ́жїе непобѣди́мое. Тѣ́мъ тѧ̀ всѧ̑ си̑лы нбⷭ҇ныѧ велича́ютъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ка́мень нерꙋкосѣ́чный ѿ несѣко́мыѧ горы̀, тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀. Тѣ́мъ, веселѧ́щесѧ, тѧ̀, бцⷣе, велича́емъ."
|
|
},
|
|
{
|
|
"type": "TEXT",
|
|
"value": "Ве́сь во свѣ́тъ трⷪ҇цы съ весе́лїемъ преше́лъ є҆сѝ, а҆́гг҃льскимъ во́инствѡмъ ны́нѣ сра́дꙋешисѧ, мч҃ниче є҆ѵста́ѳїе: съ ни́миже непреста́ннѡ молѝ, всѣ̑мъ спасти́сѧ пою́щымъ тѧ̀."
|
|
},
|
|
{
|
|
"type": "TEXT",
|
|
"value": "На землѝ твоѧ̑ по́двиги, и҆ ѡ҆бстоѧ̑нїѧ разли̑чнаѧ, сꙋ́щее на нб҃сѣ́хъ весе́лїе съ пра́ведными ны́нѣ прїѧ́тъ: є҆гѡ́же наслади́тисѧ, сла́вне, тебѐ пою́щымъ сподо́би."
|
|
},
|
|
{
|
|
"type": "TEXT",
|
|
"value": "Всего̀ менѐ тебѣ̀ приношꙋ̀, мч҃ниче є҆ѵста́ѳїе, ᲂу҆се́рднѡ, да тобо́ю ѡ҆богащꙋ́сѧ предста́телемъ ко влⷣцѣ, застꙋпа́ти могꙋ́щымъ ѿ всѧ́кагѡ ѡ҆бстоѧ́нїѧ, и҆ спасе́нїѧ бжⷭ҇твеннагѡ хода́таемъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Тѧ̀ неискꙋсомꙋ́жнѡ ро́ждшꙋю жизнода́вца и҆ сп҃са, всѝ мо́лимъ прилѣ́жнѡ, бцⷣꙋ тѧ̀ и҆сповѣ́дающе, и҆зба́витисѧ всѧ́кїѧ ско́рби твои́ми моли́твами, мт҃и дв҃о."
|
|
},
|
|
{
|
|
"type": "HEADER",
|
|
"value": "Свѣти́ленъ ст҃а́гѡ."
|
|
},
|
|
{
|
|
"type": "TEXT",
|
|
"value": "Подо́бенъ: Дх҃омъ во ст҃и́лищи:"
|
|
},
|
|
{
|
|
"type": "TEXT",
|
|
"value": "Безсме́ртныѧ сла́вы, и҆ жи́зни безконе́чныѧ полꙋчи́лъ є҆сѝ, ѡ҆ста́вивъ мїрскі̑ѧ сла̑сти, є҆ѵста́ѳїе бл҃же́нне, съ дѣтьмѝ бг҃омꙋ́дрыми, и҆ жено́ю всебл҃же́нною. Сегѡ̀ ра́ди любо́вїю всесвѧще́ннꙋю и҆ бжⷭ҇твеннꙋю пра́зднꙋемъ па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника:"
|
|
},
|
|
{
|
|
"type": "TEXT",
|
|
"value": "Мы̀ ѡ҆ тебѣ̀ надѣ́ющесѧ, бцⷣе, сꙋгꙋ̑быѧ врагѝ побѣжда́емъ всесоверше́ннѣ, крⷭ҇тъ и҆мꙋ́ще сн҃а твоегѡ̀, ѻ҆рꙋ́жїе на́ше и҆ побѣ́дꙋ, щи́тъ, ме́чь и҆ копїѐ, и҆ стрѣлꙋ̀ на велїа́ра."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры на д҃, гла́съ д҃. Самогла́сны."
|
|
},
|
|
{
|
|
"type": "HEADER",
|
|
"value": "А҆ндре́а пѵ́рскагѡ:"
|
|
},
|
|
{
|
|
"type": "TEXT",
|
|
"value": "Кто̀ не ᲂу҆блажи́тъ твоегѡ̀ пребл҃же́ннагѡ нра́ва, є҆ѵста́ѳїе; ꙗ҆́кѡ до́блественнѣ под̾ѧ́лъ є҆сѝ началоѕло́бнагѡ врага̀ прило́ги: сопрꙋ́жницы бо и҆ ча̑дъ лише́нїе не тѧжкотерпѣ́лъ є҆сѝ, но вопїѧ́лъ є҆сѝ благода́рственный гла́съ і҆́ѡвлевъ: на́гъ и҆зыдо́хъ и҆зъ чре́ва ма́тере моеѧ̀, на́гъ и҆ ѿидꙋ̀ къ є҆ди́номꙋ содѣ́телю, и҆ сп҃сꙋ дꙋ́шъ на́шихъ. Два́жды."
|
|
},
|
|
{
|
|
"type": "HEADER",
|
|
"value": "Гла́съ ѕ҃:"
|
|
},
|
|
{
|
|
"type": "TEXT",
|
|
"value": "Нетлѣ́ннагѡ ржⷭ҇тва̀ марі́ина, сы́й мч҃ниче, ѻ҆би́телище, непреста́ннѡ пребыва́ѧ во свѣ́тѣ невеще́ственнѣ, и҆ на́мъ благоми́лостивнꙋ твори́ши трⷪ҇цꙋ несозда́ннꙋю."
|
|
},
|
|
{
|
|
"type": "HEADER",
|
|
"value": "Гла́съ и҃:"
|
|
},
|
|
{
|
|
"type": "TEXT",
|
|
"value": "Въ нехо́дный ѻ҆́блакъ вше́дъ, и҆ пра́вды сл҃нцꙋ присво́ивсѧ, ѿ высоты̀ разꙋ́мнѡ ꙗ҆ви́вшꙋсѧ, чрезъ живо́тное ѻ҆́бразꙋ бжⷭ҇твеннѡ прикоснꙋ́всѧ, вдохнове́нъ ѻ҆́бразъ бы́лъ є҆сѝ, всебл҃же́нне є҆ѵста́ѳїе. Тѣ́мъ ѿ дх҃а и҆ воды̀ просвѣти́всѧ, дѣ́йствомъ и҆ мч҃ническою ѡ҆мы́всѧ кро́вїю, нбⷭ҇нымъ сподо́билсѧ є҆сѝ сликовствова́ти а҆́гг҃льскимъ собо́рѡмъ, въ ни́хже и҆ на́съ присво́й сп҃сꙋ хрⷭ҇тꙋ̀ и҆ бг҃ꙋ на́шемꙋ."
|
|
},
|
|
{
|
|
"type": "HEADER",
|
|
"value": "Сла́ва, гла́съ то́йже. Ге́рманово:"
|
|
},
|
|
{
|
|
"type": "TEXT",
|
|
"value": "Воинствонача́лїе ни́жнѧгѡ црⷭ҇тва ѿложи́въ, и҆ на живо́тнѣмъ ꙗ҆ви́вшемꙋсѧ тебѣ̀, во ѻ҆́бразѣ сп҃са на́шегѡ, ны́нѣ сликовствꙋ́еши гѡ́рнимъ съ жено́ю твое́ю и҆ ча̑ды, всебл҃же́нне є҆ѵста́ѳїе. Тѣ́мъ мо́лимъ тѧ̀, гдⷭ҇ꙋ моли́сѧ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ то́йже:"
|
|
},
|
|
{
|
|
"type": "TEXT",
|
|
"value": "Є҆го́же дре́вле мѡѷсе́й проѡбразова́въ собо́ю, а҆мали́ка низложи́въ побѣдѝ: и҆ дв҃дъ пѣснопѣ́вецъ, подно́жїю твоемꙋ̀, вопїѧ̀, кла́нѧтисѧ повелѣва́ше: честно́мꙋ крⷭ҇тꙋ̀ твоемꙋ̀, хрⷭ҇тѐ бж҃е, дне́сь грѣ́шнїи кла́нѧемсѧ, ᲂу҆стна́ми недосто́йными, тѧ̀ и҆зво́лившаго пригвозди́тисѧ на не́мъ, воспѣва́юще мо́лимсѧ: гдⷭ҇и, съ разбо́йникомъ црⷭ҇твїѧ твоегѡ̀ сподо́би на́съ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "Дне́сь крⷭ҇тъ хрⷭ҇то́въ возвыша́етсѧ, живоно́сное дре́во, на не́мже пло́тїю пригвозди́сѧ, всѧ̑ призыва́ѧ."
|
|
},
|
|
{
|
|
"type": "TEXT",
|
|
"value": "Сті́хъ: Возноси́те гдⷭ҇а бг҃а на́шего, и҆ покланѧ́йтесѧ подно́жїю нѡ́гꙋ є҆гѡ̀, ꙗ҆́кѡ свѧ́то є҆́сть."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, вѣ́рныхъ хране́нїе бжⷭ҇твенное, неѡбори́маѧ стѣно̀, крⷭ҇те гдⷭ҇ень, и҆́мже ѿ землѝ вознесо́хомсѧ."
|
|
},
|
|
{
|
|
"type": "TEXT",
|
|
"value": "Сті́хъ: Бг҃ъ же цр҃ь на́шъ пре́жде вѣ́ка, содѣ́ла спасе́нїе посредѣ̀ землѝ."
|
|
},
|
|
{
|
|
"type": "TEXT",
|
|
"value": "Прїиди́те ве́селѡ, цѣлꙋ́емъ всѝ живоно́сное дре́во, на не́мже распростре́сѧ, хрⷭ҇то́съ и҆збавле́нїе."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Ꙗ҆́коже па́ѵелъ зва́нїе не ѿ человѣ̑къ прїе́мъ, мч҃ниче є҆ѵста́ѳїе, и҆ возраста́ѧ въ бз҃ѣ наде́ждою крⷭ҇та̀, мꙋчи́телей ѕлочести́вое, и҆ мꙋ́къ жесто́кое мꙋ́жески посрами́лъ є҆сѝ. Тѣ́мъ и҆ до кро́ве противоста́лъ є҆сѝ ко грѣхꙋ̀, къ неви̑димымъ врагѡ́мъ противобо́рствовавъ: и҆ мо́лишисѧ непреста́ннѡ цр҃ю̀ и҆ бг҃ꙋ, дарова́ти вселе́ннѣй ми́ръ, и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ то́йже:"
|
|
},
|
|
{
|
|
"type": "TEXT",
|
|
"value": "Гла́съ прⷪ҇ро́ка твоегѡ̀ мѡѷсе́а, бж҃е, и҆спо́лнисѧ глаго́лѧй: ᲂу҆́зрите живо́тъ ва́шъ ви́сѧщь предъ ѻ҆чесы̀ ва́шими. Дне́сь крⷭ҇тъ воздвиза́етсѧ, и҆ мі́ръ ѿ ле́сти свобожда́етсѧ. Дне́сь хрⷭ҇то́во воскрⷭ҇нїе ѡ҆бновлѧ́етсѧ, и҆ концы̀ землѝ ра́дꙋютсѧ, въ кѷмва́лѣхъ дв҃дски пѣ́снь тебѣ̀ приносѧ́ще и҆ глаго́люще: содѣ́лалъ є҆сѝ спасе́нїе посредѣ̀ землѝ, бж҃е, крⷭ҇тъ и҆ воскрⷭ҇нїе, и҆́хже ра́ди на́съ спа́слъ є҆сѝ, бл҃же и҆ чл҃вѣколю́бче: всеси́льне гдⷭ҇и, сла́ва тебѣ̀."
|
|
},
|
|
{
|
|
"type": "HEADER",
|
|
"value": "На лїтꙋргі́и: Бл҃жє́нна, пра́здника, пѣ́снь и҃, на д҃: и҆ ст҃а́гѡ пѣ́снь ѕ҃, на д҃."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Ст҃ы̑мъ, и҆̀же сꙋ́ть на землѝ є҆гѡ̀, ᲂу҆дивѝ гдⷭ҇ь всѧ̑ хотѣ̑нїѧ своѧ̑ въ ни́хъ."
|
|
},
|
|
{
|
|
"type": "TEXT",
|
|
"value": "Сті́хъ: Предзрѣ́хъ гдⷭ҇а предо мно́ю вы́нꙋ, ꙗ҆́кѡ ѡ҆деснꙋ́ю менѐ є҆́сть, да не подви́жꙋсѧ."
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ є҆фесе́ємъ, зача́ло сл҃г."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ д҃: Воззва́ша првⷣнїи:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе лꙋкѝ, зача́ло р҃ѕ."
|
|
},
|
|
{
|
|
"type": "TEXT",
|
|
"value": "Прича́стенъ: Ра́дꙋйтесѧ, првⷣнїи, ѡ҆ гдⷭ҇ѣ:"
|
|
}
|
|
] |