510 lines
53 KiB
JSON
510 lines
53 KiB
JSON
[
|
|
{
|
|
"type": "HEADER",
|
|
"value": "Септе́мврїа л҃"
|
|
},
|
|
{
|
|
"type": "HEADER",
|
|
"value": "И҆ и҆́же во ст҃ы́хъ ѻ҆тца̀ на́шегѡ мїхаи́ла, пе́рвагѡ митрополі́та кі́евскагѡ, и҆ всеѧ̀ рѡссі́и чꙋдотво́рца."
|
|
},
|
|
{
|
|
"type": "HEADER",
|
|
"value": "Ве́черъ, Блаже́нъ мꙋ́жъ: а҃-й а҆нтїфѡ́нъ."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ: стїхи̑ры, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Ра́дꙋйсѧ по́стникѡвъ:"
|
|
},
|
|
{
|
|
"type": "TEXT",
|
|
"value": "Пе́рвагѡ тѧ̀ во і҆ера́рсѣхъ, землѧ̀ рѡссі́йскаѧ пѣ́сньми вѣнча́етъ, мїхаи́ле прпⷣбне, ст҃и́телю хрⷭ҇то́въ бл҃же́ннѣйшїй, ꙗ҆́кѡ пе́рвѣе тꙋ̀ бжⷭ҇твеннымъ креще́нїемъ соверше́ннѣ просвѣти́лъ є҆сѝ: пе́рвѣе свѣ́тъ є҆ѵⷢ҇лїе во тмꙋ̀ вне́слъ є҆сѝ: пе́рвѣе і҆́дѡльскїѧ трє́бы разрꙋши́въ зна́менїемъ крⷭ҇тнымъ, тѣ́мъ ᲂу҆диви́лъ є҆сѝ невѣ́рꙋющыѧ лю́ди. И҆ ны́нѣ ꙗ҆́кѡ проповѣ́дникъ, со ст҃и́тєли пе́рвыми предстоѧ̀ влⷣцѣ своемꙋ̀, моли́сѧ прилѣ́жнѡ, всѣ̑мъ ᲂу҆лꙋчи́ти свѣ́тъ невече́рнїй, и҆ прїѧ́ти ѿ хрⷭ҇та̀ бг҃а ве́лїю ми́лость."
|
|
},
|
|
{
|
|
"type": "TEXT",
|
|
"value": "Со́лнца вои́стиннꙋ свѣтлѣ́йшїй да́ръ, всѧ́кїѧ че́сти вы́шшїй, маргарі́тꙋ дража́йшꙋю, всю̀ вселе́ннꙋю ѡ҆богати́вшꙋю, є҆ѵⷢ҇лїе хрⷭ҇то́во, невѣ́рїѧ нището́ю содержи́мѣй землѝ рѡссі́йской, ѿ ца́рскагѡ гра́да прине́слъ є҆сѝ, и҆ сїѐ є҆́й дарова́лъ є҆сѝ: и҆́мже а҆́ки злато́ю ᲂу҆́тварїю ᲂу҆краше́нна, ꙗ҆́кѡ дѣ́ва кра́снаѧ всѣ́хъ цр҃ю̀ предстои́тъ, и҆ наслажда́етсѧ весе́лїѧ въ черто́зѣ нбⷭ҇номъ: и҆дѣ́же ты̀, ст҃и́телю мїхаи́ле, предстоѧ̀, молѝ наслѣ́дникѡмъ про́повѣди твоеѧ̀, прїѧ́ти ѿ хрⷭ҇та̀ бг҃а ве́лїю ми́лость."
|
|
},
|
|
{
|
|
"type": "TEXT",
|
|
"value": "Ти́хими вѣ́тры вы́шнѧгѡ по́мощи носи́мь, а҆́ки перна́тъ и҆ скороше́ственный ѻ҆ре́лъ, носѧ́й є҆ѵⷢ҇лїе хрⷭ҇то́во, въ зе́млю рѡссі́йскꙋю прише́лъ є҆сѝ. И҆ та́мѡ гнѣздѧ́щыѧсѧ подъ сѣ́нїю і҆дѡлобѣ́сїѧ, ле́стныхъ вра́нѡвъ птенцы̀ до конца̀ бжⷭ҇твеннымъ твои́мъ ᲂу҆че́нїемъ подави́лъ є҆сѝ: свирѣ́пѣющыѧ же лю́ди чꙋдесы̀ ᲂу҆кроти́въ, и҆ гла́домъ дꙋше́внымъ и҆знемо́гшыѧ, є҆ѵⷢ҇льскимъ сло́вомъ напита́въ, хрⷭ҇то́ви приве́лъ є҆сѝ: є҆мꙋ́же, ст҃и́телю, моли́сѧ, дарова́ти всѣ̑мъ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Свидѣ́телѧ и҆́стины, и҆ проповѣ́дника є҆ѵⷢ҇лїа хрⷭ҇то́ва, мїхаи́ла і҆ера́рха лю́дїе восхва́лимъ. То́й бо ᲂу҆чени́къ хрⷭ҇та̀, ᲂу҆чи́телѧ своегѡ̀ сꙋ́щи, по́сланъ въ невѣ̑рныѧ лю́ди, прїи́де ꙗ҆́кѡ а҆пⷭ҇лъ, и҆ первозва́ннагѡ прⷪ҇ро́чествїе совершѝ: прельщє́нныѧ ꙗ҆зы́ки зна́менїемъ воспѧтѝ, и҆ си́хъ ѡ҆брати́въ ко влⷣцѣ приведѐ. И҆ ны́нѣ предстоѧ̀ вы́шнѧгѡ престо́лꙋ, мо́литсѧ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ. Догма́тъ."
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. Чтє́нїѧ г҃:"
|
|
},
|
|
{
|
|
"type": "HEADER",
|
|
"value": "При́тчей чте́нїе."
|
|
},
|
|
{
|
|
"type": "TEXT",
|
|
"value": "(Глава̀ г҃) Па́мѧть пра́веднагѡ съ похвала́ми, и҆ благослове́нїе гдⷭ҇не на главѣ̀ є҆гѡ̀. Блаже́нъ человѣ́къ, и҆́же ѡ҆брѣ́те премꙋ́дрость: и҆ сме́ртенъ, и҆́же ᲂу҆вѣ́дѣ ра́зꙋмъ. Лꙋ́чше бо сїю̀ кꙋпова́ти, не́жели зла́та и҆ сребра̀ сокрѡ́вища. Честнѣ́йшаѧ же є҆́сть ка́менїй многоцѣ́нныхъ: все́ же честно́е недосто́йно є҆ѧ̀ є҆́сть. Долгота́ бо дне́й, и҆ лѣ̑та живота̀ въ десни́цѣ є҆ѧ̀: въ шꙋ́ицѣ же є҆ѧ̀ бога́тство и҆ сла́ва: ѿ ᲂу҆́стъ є҆ѧ̀ и҆схо́дитъ пра́вда, зако́нъ же и҆ ми́лость на ѧ҆зы́цѣ но́ситъ. Послꙋ́шайте ᲂу҆̀бо менє̀, ѽ ча̑да! Честна̑ѧ бо рекꙋ̀: и҆ бл҃же́нъ человѣ́къ, и҆́же пꙋти̑ моѧ̑ сохрани́тъ: и҆схо́ди бо моѝ, и҆схо́ди живота̀, и҆ ᲂу҆готовлѧ́етсѧ хотѣ́нїе ѿ гдⷭ҇а. Сегѡ̀ ра́ди молю̀ ва́съ, и҆ предлага́ю мо́й гла́съ сыновѡ́мъ человѣ́чєскимъ: ꙗ҆́кѡ а҆́зъ премꙋ́дрость ᲂу҆стро́ихъ, совѣ́тъ и҆ ра́зꙋмъ и҆ смы́слъ а҆́зъ призва́хъ. Мо́й совѣ́тъ и҆ ᲂу҆твержде́нїе, мо́й ра́зꙋмъ, моѧ́ же крѣ́пость. А҆́зъ менѐ лю́бѧщыѧ люблю̀, и҆́щꙋщїи же менѐ ѡ҆брѧ́щꙋтъ бл҃года́ть. Разꙋмѣ́йте ᲂу҆́бѡ, неѕло́бивїи, кова́рство, ненака́заннїи же, прилага́йте сердца̀. Послꙋ́шайте менє̀ и҆ па́ки, честна̑ѧ бо рекꙋ̀: и҆ ѿве́рзꙋ ѿ ᲂу҆сте́нъ пра̑ваѧ, ꙗ҆́кѡ и҆́стинѣ поꙋчи́тсѧ горта́нь мо́й, мє́рзски же предо мно́ю ᲂу҆стны̀ лжи̑выѧ. Съ пра́вдою всѝ глаго́лы ᲂу҆́стъ мои́хъ: ничто́же въ ни́хъ стро́потно, нижѐ развраще́нно. Всѧ̑ пра̑ва сꙋ́ть разꙋмѣва́ющымъ, и҆ прѡ́ста ѡ҆брѣта́ющымъ ра́зꙋмъ. Наꙋча́ю бо ва́съ и҆́стинѣ, да бꙋ́детъ ѡ҆ гдⷭ҇ѣ наде́жда ва́ша, и҆ и҆спо́лнитесѧ дх҃а."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе."
|
|
},
|
|
{
|
|
"type": "TEXT",
|
|
"value": "(Глава̀ і҃) Оу҆ста̀ првⷣнагѡ ка́плютъ премꙋ́дрость: ᲂу҆стнѣ́ же мꙋжі́й мꙋ́дрыхъ вѣ́дѧтъ бл҃года́ть. Оу҆ста̀ мꙋ́дрыхъ поꙋча́тсѧ премꙋ́дрости, пра́вда же и҆збавлѧ́етъ и҆̀хъ ѿ сме́рти. Сконча́вшꙋсѧ мꙋ́жꙋ пра́веднꙋ, не поги́бнетъ наде́жда. Сы́нъ бо пра́веденъ ражда́етсѧ въ живо́тъ, и҆ во бл҃ги́хъ свои́хъ пло́дъ пра́вды ѡ҆б̾и́метъ. Свѣ́тъ пра́вєднымъ всегда̀, и҆ ѿ гдⷭ҇а ѡ҆брѧ́щꙋтъ бл҃года́ть и҆ сла́вꙋ. Ѧ҆зы́къ мꙋ́дрыхъ дѡ́браѧ свѣ́сть, и҆ въ се́рдцѣ и҆́хъ почі́етъ мꙋ́дрость. Лю́битъ гдⷭ҇ь прпⷣбныѧ сердца̀, прїѧ́тни же є҆мꙋ̀ всѝ непоро́чнїи въ пꙋтѝ. (Глава̀ ѕ҃) Мꙋ́дрость гдⷭ҇нѧ просвѣща́етъ лицѐ разꙋ́мнагѡ. Постига́етъ бо жела́ющыѧ ю҆̀, пре́жде да́же разꙋмѣ́ти ю҆̀: и҆ ᲂу҆до́бь ᲂу҆́зритсѧ ѿ лю́бѧщихъ ю҆̀. Оу҆́треневавый къ не́й, не ᲂу҆трꙋди́тсѧ. И҆ бдѧ́й є҆ѧ̀ ра́ди, вско́рѣ безъ печа́ли бꙋ́детъ. Ꙗ҆́кѡ досто́йныхъ є҆ѧ̀ сама̀ ѡ҆бхо́дитъ и҆́щꙋщи, и҆ во стезѧ́хъ є҆ѧ̀ ꙗ҆влѧ́етсѧ и҆̀мъ благопрїе́мнѣ. Мꙋ́дрости никогда́же ѡ҆долѣ́етъ ѕло́ба. Си́хъ ра́ди и҆ рачи́тель бы́хъ добро́ты є҆ѧ̀: и҆ возлюби́хъ ю҆̀, и҆ поиска́хъ ѿ ю҆́ности моеѧ̀: и҆ взыска́хъ невѣ́стꙋ привестѝ себѣ̀, ꙗ҆́кѡ всѣ́хъ влⷣка возлюбѝ ю҆̀: таи́нница бо є҆́сть бж҃їѧ хи́трости, и҆ ѡ҆брѣта́тельница дѣ́лъ є҆гѡ̀. Трꙋды̀ є҆ѧ̀ сꙋ́ть добродѣ́тєли: цѣломꙋ́дрїю же и҆ ра́зꙋмꙋ та̀ ᲂу҆чи́тъ, пра́вдѣ и҆ мꙋ́жествꙋ, и҆́хже потре́бнѣе ничто́же є҆́сть въ житїѝ человѣ́кѡмъ. А҆́ще же и҆ мно́гагѡ и҆скꙋ́сства жела́етъ кто̀, вѣ́сть дрє́внѧѧ, и҆ бы́ти хотѧ̑щаѧ разсмо́тритъ: свѣ́сть и҆зви̑тїѧ слове́съ, и҆ разрѣшє́нїѧ гада́нїй: зна́мєнїѧ и҆ чꙋдеса̀ проразꙋмѣ́етъ, и҆ сбытїѧ̑ време́нъ и҆ лѣ́тъ: и҆ всѣ̑мъ совѣ́тникъ є҆́сть бла́гъ, ꙗ҆́кѡ безсме́ртїе є҆́сть въ не́й, и҆ бл҃госла́вїе во ѻ҆бще́нїи слове́съ є҆ѧ̀. Сегѡ̀ ра́ди бесѣ́довахъ ко гдⷭ҇ꙋ, и҆ помоли́хсѧ є҆мꙋ̀, и҆ рѣ́хъ ѡ҆ всегѡ̀ се́рдца моегѡ̀: бж҃е ѻ҆тцє́въ и҆ гдⷭ҇и ми́лости, сотвори́вый всѧ̑ сло́вомъ твои́мъ, и҆ мꙋ́дростїю твое́ю ᲂу҆стро́ивый человѣ́ка, да владѣ́етъ бы́вшими ѿ тебє̀ тварьмѝ, и҆ да ᲂу҆правлѧ́етъ мі́ръ въ прпⷣбїи и҆ пра́вдѣ, да́ждь мѝ твои́хъ престо́лѡвъ присѣдѧ́щꙋю премꙋ́дрость, и҆ не ѿлꙋчѝ менє̀ ѿ ѻ҆́трѡкъ твои́хъ, ꙗ҆́кѡ а҆́зъ ра́бъ тво́й, и҆ сы́нъ рабы́ни твоеѧ̀. Послѝ ю҆̀ съ нб҃съ ѿ ст҃а́гѡ жили́ща твоегѡ̀, и҆ ѿ престо́ла сла́вы твоеѧ̀, да сꙋ́щи со мно́ю наꙋчи́тъ мѧ̀, что̀ бл҃гоꙋго́дно є҆́сть предъ тобо́ю: и҆ наста́витъ мѧ̀ въ ра́зꙋмъ, и҆ сохрани́тъ мѧ̀ въ сла́вѣ свое́й. Помышлє́нїѧ бо сме́ртныхъ всѧ̑ боѧзли̑ва, и҆ погрѣши́тєльна ᲂу҆мышлє́нїѧ и҆́хъ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе."
|
|
},
|
|
{
|
|
"type": "TEXT",
|
|
"value": "(Глава̀ д҃) Похвалѧ́емꙋ пра́ведникꙋ, возвеселѧ́тсѧ лю́дїе: безсме́ртїе бо є҆́сть па́мѧть є҆гѡ̀, ꙗ҆́кѡ ѿ гдⷭ҇а познава́етсѧ, и҆ ѿ человѣ̑къ: и҆ ᲂу҆го́дна гдⷭ҇еви дꙋша̀ є҆гѡ̀. Возлюби́те ᲂу҆́бѡ, ѽ мꙋ́жїе, мꙋ́дрость, и҆ поживетѐ: восхощи́те є҆ѧ̀, и҆ нака́зани бꙋ́дете: Нача́ло бо є҆ѧ̀ любы̀, и҆ соблюде́нїе зако́на. Почти́те премꙋ́дрость, да во вѣ́ки црⷭ҇твꙋете. Возвѣщꙋ̀ ва́мъ, и҆ не скры́ю ѿ ва́съ та̑инъ бж҃їихъ: Ꙗ҆́кѡ то́й мꙋ́дрости наста́вникъ є҆́сть, и҆ мꙋ́дрыхъ и҆спра́витель, и҆ всѧ́комꙋ смы́слꙋ и҆ дѣ́лꙋ хитре́цъ. И҆ всѣ̑мъ смы́слѡмъ наꙋчи́тъ мꙋ́дрость: є҆́сть бо въ не́й дх҃ъ разꙋ́менъ и҆ ст҃ъ и҆ сїѧ́нїе свѣ́та присносꙋ́щнагѡ, и҆ ѻ҆́бразъ бла́гости бж҃їѧ: Та́ѧ дрꙋ́ги бж҃їѧ и҆ прⷪ҇ро́ки ᲂу҆строѧ́етъ. Бл҃голѣ́пнѣйши же є҆́сть со́лнца, и҆ па́че всѧ́кагѡ сотворе́нїѧ ѕвѣ́здъ: свѣ́тꙋ сосꙋжда́ема, ѡ҆брѣта́етсѧ пе́рвѣйши. Та́ѧ ᲂу҆гожда́ющихъ є҆́й ѿ болѣ́зни и҆зба́ви, и҆ наста́ви на стєзѝ пра̑выѧ. Дадѐ и҆̀мъ ра́зꙋмъ и҆мѣ́ти ст҃ъ, и҆ сохранѝ ѧ҆̀ ѿ ловѧ́щихъ, и҆ по́двигъ крѣ́покъ подадѐ и҆̀мъ. Да разꙋмѣ́ютъ всѝ, ꙗ҆́кѡ си́льнѣйши всегѡ̀ є҆́сть бл҃гоче́стїе: И҆ никогда́же премо́жетъ ѕло́ба мꙋ́дрости, нижѐ пре́йдетъ ѕлы̑ѧ ѡ҆блича́ющи сꙋ́дъ. Реко́ша же въ себѣ̀, помы́сливше непра́веднѡ: наси́льствꙋемъ пра́ведномꙋ, и҆ не пощади́мъ преподо́бства є҆гѡ̀, ни ᲂу҆срами́мсѧ сѣди́нъ ста́рости многолѣ́тны. Бꙋ́детъ бо на́мъ крѣ́пость зако́нъ: и҆ ᲂу҆лови́мъ пра́веднаго, ꙗ҆́кѡ неꙋго́денъ на́мъ є҆́сть: и҆ проти́витсѧ дѣлѡ́мъ на́шымъ, и҆ поно́ситъ на́мъ ѿпаде́нїе зако́на, и҆ ѡ҆блича́етъ на́мъ согрѣшє́нїѧ наказа́нїѧ на́шегѡ: Возвѣща́етъ на́мъ ра́зꙋмъ и҆мѣ́ти бж҃їй, и҆ ѻ҆́трока гдⷭ҇нѧ себѐ и҆менꙋ́етъ. Бы́сть на́мъ на ѡ҆бличе́нїе помышле́нїй на́шихъ, и҆ тѧ́жекъ на́мъ є҆́сть и҆ ви́димь, ꙗ҆́кѡ неподо́бно и҆ны̑мъ житїѐ є҆гѡ̀, и҆ и҆змѣнє́ны стєзѝ є҆гѡ̀. Въ порꙋга́нїе вмѣни́хомсѧ є҆мꙋ̀: и҆ ᲂу҆далѧ́етсѧ ѿ пꙋте́й на́шихъ, ꙗ҆́кѡ ѿ нечисто́тъ: и҆ блажи́тъ послѣ̑днѧѧ првⷣныхъ. Оу҆ви́димъ ᲂу҆́бѡ, а҆́ще словеса̀ є҆гѡ̀ и҆́стинна сꙋ́ть, и҆скꙋ́симъ, ꙗ҆̀же сбыва́ютсѧ є҆мꙋ̀. Рꙋга́нїемъ и҆ мꙋ́кою и҆стѧ́жемъ є҆го̀: да разꙋмѣ́емъ кро́тость є҆гѡ̀, и҆ и҆скꙋ́симъ безѕло́бство є҆гѡ̀. Сме́ртїю без̾ѻбра́зною ѡ҆сꙋ́димъ є҆го̀: бꙋ́детъ бо посѣще́нїе ѿ слове́съ є҆гѡ̀. Сїѧ̑ помы́слиша, и҆ прельсти́шасѧ: ѡ҆слѣпи́ бо ѧ҆̀ ѕло́ба и҆́хъ, и҆ не разꙋмѣ́ша та̑инъ бж҃їихъ, и҆ не разсꙋди́ша: ꙗ҆́кѡ ты̀ є҆сѝ бг҃ъ є҆ди́нъ, живота̀ и҆мѣ́ѧй и҆ сме́рти вла́сть: и҆ спаса́ѧй во вре́мѧ ско́рби, и҆ и҆збавлѧ́ѧй ѿ всѧ́кагѡ ѕла̀. Ще́дръ и҆ ми́лостивъ, и҆ даѧ́й прпⷣбнымъ свои̑мъ благода́ть, и҆ свое́ю мы́шцею гѡ́рдымъ противлѧ́ѧйсѧ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Є҆гда̀ ѿ дре́ва."
|
|
},
|
|
{
|
|
"type": "TEXT",
|
|
"value": "Твои́мъ, свѧ́те, прише́ствїемъ, землѧ̀ рѡссі́йскаѧ возвесели́сѧ, и҆ гра́дъ сла́вный кі́евъ, благоче́стнѡ торжествꙋ́етъ, просвѣ́щшисѧ креще́нїемъ бжⷭ҇твеннымъ: и҆ и҆̀же пе́рвѣе жє́ртвы бѣсѡ́мъ приноша́хꙋ, сѐ сі́и вы́шнемꙋ въ чи́стомъ се́рдцѣ, дꙋ́шы своѧ̑ дароно́сѧтъ, и҆мꙋ́ще тѧ̀ пред̾идꙋ́ща хода́таѧ, и҆ моле́бника всѣ́хъ, чтꙋ́щихъ па́мѧть твою̀."
|
|
},
|
|
{
|
|
"type": "TEXT",
|
|
"value": "Сті́хъ: Свѧще́нницы твоѝ ѡ҆блекꙋ́тсѧ въ пра́вдꙋ, и҆ прпⷣбнїи твоѝ возра́дꙋютсѧ."
|
|
},
|
|
{
|
|
"type": "TEXT",
|
|
"value": "Твоѐ, пребл҃же́нне мїхаи́ле, прише́ствїе, і҆́дѡли ѡ҆щꙋти́вше, рыда́юще вопїѧ́хꙋ: ѽ лю́тѣ на́шемꙋ ѡ҆каѧ́нствꙋ: и҆̀же пре́жде чествова́нїемъ ве́лїимъ, ѿ всѣ́хъ почита́еми бы́хомъ, ка́кѡ ны́нѣ порꙋга́нїе под̾е́млемъ, ѿ є҆ди́нагѡ стра́ннагѡ человѣ́ка, стра́ннагѡ і҆и҃са носѧ́щагѡ ѻ҆́бразъ! И҆́же подае́тъ мі́рꙋ всемꙋ̀ ѡ҆бновле́нїе."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Твои́мъ, ѻ҆́ч҃е мїхаи́ле, мѵ́ра дꙋхо́внагѡ пома́занїемъ, пресла́вный гра́дъ кі́евъ благоꙋха́етъ, и҆ прїе́млетъ начерта́нїе ᲂу҆сыновле́нїѧ: ѿпа́дшїи же мы́сленнагѡ свѣ́та, и҆ і҆дѡлобѣ́сїѧ тмо́ю ѡ҆мраче́ннїи, ба́нею креще́нїѧ просвѣща́еми, къ свѣ́тꙋ бг҃оразꙋ́мїѧ прихо́дѧтъ, ꙗ҆́кѡ ча̑да свѣ́та и҆ лю́дїе новоизбра́ннїи."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Дх҃ъ бжⷭ҇твенный хотѧ̀ нѡ́выѧ лю́ди себѣ̀ и҆збра́ти, пе́рвѣе приведѐ въ позна́нїе бжⷭ҇твенное вели́каго въ царѣ́хъ влади́мїра: и҆ то́й ᲂу҆́мнымъ сїѧ́нїемъ ѡ҆свѣ́щсѧ, ѿ ꙗ҆́же свы́ше бл҃года́ти во ст҃ѣ́й кꙋпѣ́ли, прїѧ́тъ тѧ̀ па́стырѧ вы́шнимъ ѿкрове́нїемъ, и҆ приведѐ въ рѡссі́ю, ко ѻ҆вца́мъ въ невѣ́рїи заблꙋ́ждшымъ: ꙗ҆̀же твои́мъ ᲂу҆че́нїемъ, и҆ креще́нїемъ въ водѣ̀ ѡ҆мы́въ, приве́лъ є҆сѝ во дво́ръ ѻ҆ве́цъ хрⷭ҇то́выхъ: съ ни́миже ны́нѣ престо́лꙋ влⷣчню предстоѧ̀, помина́й на́съ во дне́шнїй де́нь па́мѧть твою̀ соверша́ющихъ, мїхаи́ле, ст҃и́телю рѡссі́и первопресто́льне."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бцⷣе, ты̀ є҆сѝ лоза̀:"
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Дне́сь прⷪ҇ро́чествїе во а҆пⷭ҇лѣхъ первозва́ннагѡ и҆спо́лнисѧ: се́ бо на си́хъ гора́хъ возсїѧ̀ бл҃года́ть, и҆ вѣ́ра ᲂу҆мно́жисѧ: и҆ и҆̀же невѣ́рїемъ ѡ҆бветша́вшїи, бжⷭ҇твенною кꙋпѣ́лїю ѿроди́шасѧ, и҆ бы́ша лю́дїе ѡ҆бновле́нїѧ, ца́рское свѧще́нїе, ꙗ҆зы́къ свѧ́тъ, хрⷭ҇то́во ста́до, є҆мꙋ́же ты̀ пе́рвый па́стырь ꙗ҆ви́лсѧ є҆сѝ, ꙗ҆́кѡ пе́рвѣе креще́нїемъ послꙋжи́вый. И҆ ны́нѣ предстоѧ̀ влⷣцѣ хрⷭ҇тꙋ̀ бг҃ꙋ, молѝ всѣ̑мъ сынѡ́мъ рѡссі̑йскимъ спасти́сѧ: и҆́маши бо дерзнове́нїе, ꙗ҆́кѡ і҆ера́рхъ бж҃їй и҆ свѧщеннослꙋжи́тель."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Є҆́же ѿ вѣ́ка ᲂу҆тае́нное:"
|
|
},
|
|
{
|
|
"type": "HEADER",
|
|
"value": "На ᲂу҆́трени, по а҃-мъ стїхосло́вїи сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Гро́бъ тво́й, сп҃се:"
|
|
},
|
|
{
|
|
"type": "TEXT",
|
|
"value": "Сосꙋ́дъ и҆збра́нъ бы́лъ є҆сѝ, ст҃и́телю мїхаи́ле, пронестѝ и҆́мѧ хрⷭ҇то́во предъ невѣ́рными человѣ̑ки, къ ни́мже посла́лсѧ є҆сѝ въ рѡссі́йскꙋю зе́млю: ю҆́же просвѣти́въ ст҃ы́мъ креще́нїемъ, къ бг҃оразꙋ́мїю наста́вилъ є҆сѝ ᲂу҆чє́нїи твои́ми: си́ми и҆ на́съ наста́ви на стезю̀ за́повѣдей гдⷭ҇нихъ, мо́лимтисѧ, ᲂу҆го́дниче бж҃їй преблаже́нне."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ, златокова́ннаѧ ча́ше, пречⷭ҇таѧ дв҃о, въ не́йже вїно̀ спасе́нїю на́шемꙋ ѿ дх҃а ст҃а́гѡ раствори́сѧ: си́мъ ᲂу҆веселѝ сердца̀ на̑ша: ты́ бо є҆сѝ ча́ша, че́рплющаѧ на́мъ вѣ́чнꙋю ра́дость."
|
|
},
|
|
{
|
|
"type": "HEADER",
|
|
"value": "По в҃-мъ стїхосло́вїи сѣда́ленъ, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Собезнача́льное сло́во:"
|
|
},
|
|
{
|
|
"type": "TEXT",
|
|
"value": "Собезнача́льное сло́во ѻ҆ц҃ꙋ̀ и҆ дх҃ови, тобо́ю, ст҃и́телю, въ зе́млю рѡссі́йскꙋю принесе́сѧ, є҆́же проповѣ́далъ є҆сѝ ᲂу҆сты̀ твои́ми несꙋмнѣ́ннѡ, ѡ҆блича́ѧ і҆́дѡльское неи́стовство, и҆ лю́ди но́вы въ достоѧ́нїе гдⷭ҇еви приве́лъ є҆сѝ: съ ни́миже предстоѧ̀ ꙗ҆́кѡ свѧщеннотаи́нникъ и҆ слꙋжи́тель бж҃їй, вы́нꙋ моли́сѧ ѡ҆ дꙋша́хъ, пою́щихъ твоѐ честно́е, ѻ҆́ч҃е, преставле́нїе."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Собезнача́льномꙋ сло́вꙋ и҆́стиннаѧ мт҃и сꙋ́щи, ѡ҆ на́съ хотѧ́щихъ возда́ти въ ча́съ сꙋда̀ сло́во, предста́ни и҆ ᲂу҆молѝ сн҃а своего̀ те́плыми тѝ мольба́ми: вѣ́мы бо ꙗ҆́кѡ мно́гѡ мо́гꙋтъ ма́тєрнїѧ твоѧ̑ моли̑твы, и҆ си́хъ ра́ди надѣ́емсѧ ѡ҆брѣстѝ ми́лость въ де́нь стра́шнагѡ и҆спыта́нїѧ."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Возле́гъ на пе́рси:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ нача́льникꙋ а҆рхїере́євъ, и҆ насади́телю въ рѡссі́и вѣ́ры хрⷭ҇то́вы, разрꙋши́телю і҆́дѡльскагѡ ѕловѣ́рїѧ, и҆ па́стырю новоизбра́нныхъ люде́й, нача́тки пѣ́снєнныѧ тебѣ̀ прино́симъ, ст҃и́телю мїхаи́ле пребл҃же́нне, во дне́шнїй де́нь па́мѧть твою̀ соверша́юще, и҆ любо́вїю тебѣ̀ зовꙋ́ще: ꙗ҆́кѡ предстоѧ̀ вы́шнѧгѡ престо́лꙋ, моли́сѧ, согрѣше́нїй ѡ҆ставле́нїе дарова́ти, бл҃гоче́стнѡ покланѧ́ющымсѧ честно́мꙋ гро́бꙋ твоемꙋ̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ всѣ́хъ скорбѧ́щихъ и҆́стинное ᲂу҆тѣше́нїе, и҆ заблꙋ́ждшихъ ѿ и҆́стиннагѡ пꙋтѝ пра́вое наставле́нїе, предста́ни ско́рѡ на́мъ, пречⷭ҇таѧ бг҃ороди́тельнице, и҆ лю́тѣ ѡ҆би́димыхъ и҆зба́ви ѿ напа́сти: всѧ̑ бо мо́жеши, є҆ли̑ка хо́щеши, и҆мꙋ́щи дерзнове́нїе къ сн҃ꙋ твоемꙋ̀ и҆ бг҃ꙋ: є҆мꙋ́же моли́сѧ, согрѣше́нїй проще́нїе дарова́ти, благочестномꙋ́дреннѡ почита́ющымъ ржⷭ҇тво̀ твоѐ."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ, д҃-гѡ гла́са."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе і҆ѡа́нна, зача́ло л҃ѕ."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Свидѣ́телѧ и҆́стины, и҆ проповѣ́дника є҆ѵⷢ҇лїа хрⷭ҇то́ва, мїхаи́ла і҆ера́рха лю́дїе восхва́лимъ, то́й бо ᲂу҆чени́къ хрⷭ҇та̀ ᲂу҆чи́телѧ своегѡ̀ сꙋ́щи, по́сланъ въ невѣ̑рныѧ лю́ди, прїи́де ꙗ҆́кѡ а҆пⷭ҇лъ, и҆ первозва́ннагѡ проро́чествїе совершѝ: прельщє́нныѧ ꙗ҆зы́ки зна́менїемъ воспѧтѝ, и҆ си́хъ ѡ҆брати́въ ко влⷣцѣ приведѐ: и҆ ны́нѣ, предстоѧ̀ вы́шнѧгѡ престо́лꙋ, мо́литсѧ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "Канѡ́нъ бцⷣы со і҆рмосо́мъ, на ѕ҃: и҆ ст҃а́гѡ, на и҃. Гла́съ ѕ҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ꙗ҆́кѡ по сꙋ́хꙋ, пѣшеше́ствовавъ і҆и҃ль, по бе́зднѣ стопа́ми, гони́телѧ фараѡ́на ви́дѧ потоплѧ́ема, бг҃ꙋ побѣ́днꙋю пѣ́снь, пои́мъ, вопїѧ́ше."
|
|
},
|
|
{
|
|
"type": "TEXT",
|
|
"value": "Ꙗ҆́кѡ бж҃їй і҆ера́рхъ и҆ слꙋжи́тель, вы́шнѧгѡ престо́лꙋ съ ли̑ки ст҃ы́хъ на нб҃сѝ предстоѧ̀, моли́сѧ ѡ҆ на́съ, слꙋжа́щихъ бг҃одꙋхнове́нными пѣ́сньми, предста́ти съ тобо́ю, и҆дѣ́же весе́лїе пра́ведныхъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ и҆збра́нъ гдⷭ҇еви въ слꙋже́нїе сла́вы є҆гѡ̀, на дѣ́ло є҆ѵⷢ҇лїа хрⷭ҇то́ва, ѡ҆ со́бранныхъ на́съ въ па́мѧти твое́й, ст҃и́телю мїхаи́ле, моли́сѧ, да порабо́таемъ въ за́повѣдехъ є҆ѵⷢ҇льскихъ, и҆ прїи́мемъ мздꙋ̀, весе́лїе пра́ведныхъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ свѣща̀ на свѣ́щницѣ стоѧ̀, свѣ́томъ твои́хъ благи́хъ дѣѧ́нїй просїѧ́лъ є҆сѝ дале́че, ꙗ҆́кѡ и҆ невѣ́рнїи лю́дїе, твои́мъ, ѻ҆́ч҃е, наставле́нїемъ ᲂу҆зрѣ́ша свѣ́тъ бг҃овидѣ́нїѧ, и҆ ра́дꙋетсѧ страна̀, тобо́ю просвѣще́нна."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆́стинный свѣ́тъ ѿ ложе́снъ твои́хъ ꙗ҆ви́вшаѧ мі́рꙋ, на́съ во тмѣ̀ страсте́й ходѧ́щихъ просвѣтѝ: и҆ наста́ви на пꙋ́ть, пꙋ́ть поро́ждшаѧ ро́дꙋ хрⷭ҇тїа́нскомꙋ, марі́е бг҃оневѣ́сто."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Нѣ́сть свѧ́тъ, ꙗ҆́коже ты̀, гдⷭ҇и бж҃е мо́й, вознесы́й ро́гъ вѣ́рныхъ твои́хъ, бл҃же, и҆ ᲂу҆тверди́вый на́съ на ка́мени и҆сповѣ́данїѧ твоегѡ̀."
|
|
},
|
|
{
|
|
"type": "TEXT",
|
|
"value": "Не бѣ̀ вѣ́ра насаждена̀ въ рѡссі́и, нижѐ благоче́стїе вкорене́но, до́ндеже ты̀, свѧти́телю мїхаи́ле, а҆́ки премꙋ́дръ дѣ́латель, лѧди́нꙋ многобо́жїѧ и҆стреби́въ, всѣ́ѧлъ є҆сѝ бг҃оразꙋ́мїѧ сѣ́мѧ доброплодови́тое."
|
|
},
|
|
{
|
|
"type": "TEXT",
|
|
"value": "Свѣ́томъ свы́ше ѡ҆свѣ́щсѧ вели́кїй влади́мїръ, а҆́ки зарю̀ прїе́мь тѧ̀, бж҃їй ст҃и́телю, приведѐ во ѡ҆мраче́ннꙋю і҆дѡлослꙋже́нїемъ рѡссі́йскꙋю зе́млю, да и҆ та́мѡ ѡ҆свѧтѧ́тсѧ лю́дїе твои́мъ прише́ствїемъ, и҆ вразꙋмлѧ́тсѧ и҆́стинныѧ вѣ́ры позна́нїемъ."
|
|
},
|
|
{
|
|
"type": "TEXT",
|
|
"value": "Сл҃нце пра́вды, хрⷭ҇то́съ бг҃ъ, а҆́ки лꙋчꙋ̀ свѣтоза́рнꙋю ꙗ҆вѝ тебѐ, мїхаи́ле, землѝ рѡссі́йской: ю҆́же ты̀, просвѣти́въ свѣ́томъ позна́нїѧ бжⷭ҇твенныѧ вѣ́ры, и҆ ѡ҆чи́стивъ ба́нею возрожде́нїѧ, влⷣцѣ приве́лъ є҆сѝ лю́ди нѡ́вы, ѡ҆бновлє́ны до́брымъ вѣ́ры и҆сповѣ́данїемъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сл҃нце пра́вды, хрⷭ҇то́съ и҆́стинный бг҃ъ на́шъ, пло́ть заи́мствовавъ ѿ тебє̀, мі́рꙋ возсїѧ́лъ є҆́сть, и҆ тлю̀ многобо́жїѧ потребѝ до конца̀. Свѣ́та жили́ще, дв҃о марі́е, ᲂу҆ны́нїемъ мѧ̀ ѡ҆мраче́нна просвѣтѝ, и҆ наста́ви на пꙋ́ть благодѣѧ́нїѧ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃:"
|
|
},
|
|
{
|
|
"type": "TEXT",
|
|
"value": "Сѣ́чивомъ є҆ѵⷢ҇льскагѡ ᲂу҆че́нїѧ посѣ́клъ є҆сѝ і҆́дѡльское и҆зва́ѧнїе, ка̑пища же на зе́млю ѡ҆прове́ргъ, благоче́стїе насади́лъ є҆сѝ: и҆́мже красꙋ́ющисѧ гра́дъ кі́евъ, любо́вїю зове́тъ тѝ: ра́дꙋйсѧ, мїхаи́ле, а҆рхїере́е рѡссі́и первопресто́льне."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Пою́щихъ тѝ ра́дꙋйсѧ, и҆зба́вльшаѧ ва́рварскагѡ слꙋже́нїѧ, и҆змѝ рабо́ты чꙋжда́гѡ: и҆ сокрꙋши́вши въ мы́слехъ і҆́дѡлы стра̑стныѧ, насадѝ бг҃оразꙋ́мїе стра́ха бж҃їѧ: ты́ бо є҆сѝ всемꙋ̀ бла́гꙋ вина̀, нача́токъ и҆ и҆сполне́нїе."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Хрⷭ҇то́съ моѧ̀ си́ла, бг҃ъ и҆ гдⷭ҇ь, честна́ѧ цр҃ковь бг҃олѣ́пнѡ пое́тъ, взыва́ющи: ѿ смы́сла чи́ста, ѡ҆ гдⷭ҇ѣ пра́зднꙋющи."
|
|
},
|
|
{
|
|
"type": "TEXT",
|
|
"value": "Хрⷭ҇то́ва раба̀ и҆ благоче́стна строи́телѧ, тебѐ, ст҃и́телю, і҆́дѡли ѡ҆щꙋти́вше, рыда́хꙋ го́рцѣ поги́бели своеѧ̀: лю́дїе же креще́нїемъ ѡ҆бновле́ннїи веселѧ́хꙋсѧ, пра́здникъ свѣ́телъ ѡ҆ гдⷭ҇ѣ пра́зднꙋюще."
|
|
},
|
|
{
|
|
"type": "TEXT",
|
|
"value": "Тебѣ̀, ѻ҆́ч҃е, на го́ры кі́євскїѧ прише́дшꙋ, пе́рвѣйшїй і҆́дѡлъ перꙋ́нъ низве́рженъ, влача́шесѧ ко́ньми, про́чїимъ ѿ стра́ха трѧсꙋ́щымсѧ кꙋмі́рѡмъ: лю́дїе же ѡ҆бновле́нїѧ веселѧ́хꙋсѧ ѡ҆ гдⷭ҇ѣ, пра́зднꙋюще."
|
|
},
|
|
{
|
|
"type": "TEXT",
|
|
"value": "Всѧ́къ по́лъ и҆ во́зрастъ люде́й пре́жде ѡ҆мраче́нныхъ, ко просвѣще́нїю грѧдѧ́хꙋ на рѣкꙋ̀ поча́йнꙋ: и҆ бы́сть по́лкъ безчи́сленный, тебѐ предводи́телѧ и҆мꙋ́щїй: є҆мꙋ́же послꙋжи́въ ба́нею креще́нїѧ, къ бг҃оразꙋ́мїю наста́вилъ є҆сѝ, мїхаи́ле, бж҃їй а҆рхїере́ю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Всѝ ро́ди блажа́тъ тѧ̀, марі́е всецр҃и́це: и҆ мы̀ пѣ́сньми блажа́ще, и҆з̾ѡбраже́нномꙋ на і҆кѡ́нѣ лицꙋ̀ твоемꙋ̀ покланѧ́емсѧ, пра́здникъ свѣ́телъ въ па́мѧти ст҃и́телѧ твоегѡ̀ пра́зднꙋюще."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃їимъ свѣ́томъ твои́мъ, бл҃же, ᲂу҆́тренюющихъ тѝ дꙋ́шы любо́вїю ѡ҆зарѝ, молю́сѧ, тѧ̀ вѣ́дѣти, сло́ве бж҃їй, и҆́стиннаго бг҃а, ѿ мра́ка грѣхо́внагѡ взыва́юща."
|
|
},
|
|
{
|
|
"type": "TEXT",
|
|
"value": "Бж҃їимъ свѣ́томъ ѡ҆свѣ́щшисѧ новокреще́ннїи лю́дїе, вопїѧ́хꙋ съ тобо́ю, мїхаи́ле: хрⷭ҇тѐ бж҃е, да́ждь тебѐ є҆ди́наго вѣ́дѣти сло́ва бж҃їѧ, ѿ мра́ка і҆дѡлобѣ́сїѧ на́съ и҆з̾има́ющаго."
|
|
},
|
|
{
|
|
"type": "TEXT",
|
|
"value": "Падо́ша і҆ерїхѡ́нскїѧ стѣ́ны, і҆исꙋ́сомъ навѵ́номъ кївѡ́тꙋ ѡ҆бноси́мꙋ: падо́ша и҆ і҆́дѡли, со крⷭ҇то́мъ тебѣ̀, ст҃и́телю, предгрѧдꙋ́щꙋ: лю́дїе же прославлѧ́хꙋ сло́во бж҃їе, тѧ̀ хрⷭ҇тѐ, ѿ мра́ка невѣ́рїѧ человѣ́ки и҆з̾има́ющаго."
|
|
},
|
|
{
|
|
"type": "TEXT",
|
|
"value": "Красꙋ́етсѧ гра́дъ кі́евъ до дне́сь, ри́зою креще́нїѧ ѡ҆дѣ́ѧнъ ѿ тебє̀, ст҃и́телю: и҆ но́ситъ, а҆́ки гри́внꙋ златꙋ̀, на вы́и честно́е є҆ѵⷢ҇лїе хрⷭ҇то́во: є҆́же мы̀ лобыза́юще, прославлѧ́емъ сло́ва бж҃їѧ, ѿ тмы̀ грѣхо́вныѧ на́съ и҆з̾има́юща."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Красꙋ́емсѧ всѝ добро́тою твое́ю, марі́е бг҃оневѣ́сто, красна́ бо є҆сѝ вои́стиннꙋ: и҆ красоты̀ твоеѧ̀ вожделѣ́въ вы́шнїй, пло́ть ѿ тебє̀ заи́мствова: и҆ человѣ́къ бы́въ, тебє̀ ра́ди, чⷭ҇таѧ дв҃о, ѡ҆божѝ на́съ во тлю̀ па́дшихъ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Жите́йское мо́ре, воздвиза́емое зрѧ̀ напа́стей бꙋ́рею, къ ти́хомꙋ приста́нищꙋ твоемꙋ̀ прите́къ, вопїю́ ти: возведѝ ѿ тлѝ живо́тъ мо́й, многоми́лостиве."
|
|
},
|
|
{
|
|
"type": "TEXT",
|
|
"value": "І҆дѡлобѣ́сїѧ смра́дное, а҆́ки мѡѷсе́й жезло́мъ сла́ное, крⷭ҇то́мъ пресѣ́клъ є҆сѝ мо́ре, ст҃и́телю мїхаи́ле, и҆ лю́ди ѡ҆мы́въ бг҃овидѣ́нїѧ водо́ю, приве́лъ є҆сѝ въ приста́нище пою́щыѧ: сла́ва тебѣ̀, хрⷭ҇тѐ многоми́лостиве:"
|
|
},
|
|
{
|
|
"type": "TEXT",
|
|
"value": "Ꙗ҆́же пе́рвѣе блꙋдѧ́щаѧ рѡссі́йскаѧ землѧ̀, не ᲂу҆твержде́на, ны́нѣ тобо́ю, ст҃и́телю мїхаи́ле, наста́влена, прїи́де къ бг҃овѣ́дѣнїю: и҆ прїе́мши пе́рстень ᲂу҆сыновле́нїѧ, весели́тсѧ, зовꙋ́щи: сла́ва тебѣ̀, хрⷭ҇тѐ мо́й, многоми́лостиве."
|
|
},
|
|
{
|
|
"type": "TEXT",
|
|
"value": "Свирѣ́пѣющыѧ невѣ́рїемъ лю́ди ᲂу҆кроти́въ въ рѡссі́йстѣй землѝ, и҆ ꙗ҆ре́мъ повинове́нїѧ цр҃кви возложи́въ на нѧ̀, приве́лъ є҆сѝ, мїхаи́ле, мнѡ́гїѧ дѣ́латели въ вїногра́дъ нбⷭ҇нагѡ влⷣки: сотворѝ и҆ на́съ, свѧ́те, понѐ во є҆динонадесѧ́тый ча́съ дѣ́латели, да прїи́мемъ мздꙋ̀ съ послѣ́дними."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свирѣ́пѣющыѧ во мнѣ̀ стра̑сти ᲂу҆кротѝ, и҆ ꙗ҆ре́мъ смире́нїѧ возложѝ на мѧ̀, бцⷣе, да въ то́мъ порабо́таю про́чее вре́мѧ, и҆ ѡ҆брѧ́щꙋ ми́лость въ де́нь сꙋ́дный."
|
|
},
|
|
{
|
|
"type": "HEADER",
|
|
"value": "Конда́къ, гла́съ в҃:"
|
|
},
|
|
{
|
|
"type": "TEXT",
|
|
"value": "Мѡѷсе́й вторы́й рѡссі́и ꙗ҆ви́лсѧ є҆сѝ, ѻ҆́ч҃е, пренесы́й мы́сленный вїногра́дъ ѿ є҆гѵ́петскагѡ і҆дѡлослꙋже́нїѧ, въ зе́млю, проро́чествїемъ пред̾ꙋвѣ́дѣнꙋ, ѡ҆ не́йже подобоѻбра́знѡ рещѝ: бꙋ́детъ ᲂу҆твержде́нїе вѣ́ры на землѝ, и҆ на версѣ́хъ го́ръ кі́евскихъ превознесе́тсѧ па́че лїва́на пло́дъ пита́ющъ мі́ра всего̀: ѿ негѡ́же вкꙋси́вше, ᲂу҆блажа́емъ тѧ̀, мїхаи́ле, бж҃їй ст҃и́телю."
|
|
},
|
|
{
|
|
"type": "TEXT",
|
|
"value": "І҆́косъ: Расточє́нныѧ лю́ди собра́въ во є҆ди́нъ бг҃овѣ́дѣнїѧ ра́зꙋмъ, и҆ креще́нїемъ ѡ҆мы́въ невѣ́дѣнїѧ ве́тхость землѝ рѡссі́йскїѧ, просвѣти́лъ є҆сѝ крⷭ҇то́мъ: и҆ наꙋчи́въ сла́вити прест҃ꙋ́ю трⷪ҇цꙋ, ѻ҆ц҃а̀ и҆ сн҃а и҆ дх҃а прест҃а́го, соедини́лъ є҆сѝ разꙋ́мное ста́до хрⷭ҇тꙋ̀ бг҃ꙋ: є҆мꙋ́же до дне́сь, вѣ́рою неподви́жнѡ стоѧ́щи, взыва́етъ: и҆зба́ви ѿ всѧ́кагѡ ѕла́гѡ ѡ҆бстоѧ́нїѧ гра́дъ, и҆ лю́ди тѧ̀ ᲂу҆блажа́ющыѧ, мїхаи́ле, бж҃їй ст҃и́телю."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Росода́тельнꙋ ᲂу҆́бѡ пе́щь содѣ́ла а҆́гг҃лъ преподѡ́бнымъ ѻ҆трокѡ́мъ, халдє́и же ѡ҆палѧ́ющее велѣ́нїе бж҃їе, мꙋчи́телѧ ᲂу҆вѣща̀ вопи́ти: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Хладода́тельною бл҃года́ти ѿ тебє̀, ст҃и́телю, рѡссі́а ѡ҆мове́на водо́ю, чешꙋѝ разꙋ́мныхъ ѻ҆че́съ и҆зба́висѧ во ст҃ѣ́й кꙋпѣ́ли: и҆ позна́вши є҆ди́наго созда́телѧ своего̀, вѣ́рою зове́тъ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Сла́вномꙋ гра́дꙋ кі́евꙋ по креще́нїи всеселѧ́щꙋсѧ, скве́рнїи і҆́дѡли, въ ни́хже пе́рвѣйшїй перꙋ́нъ, влачи́ми, рыда́хꙋ го́рцѣ. Ѿтꙋ́дꙋ лю́дїе позна́вше своѐ пе́рвое заблꙋжде́нїе, съ тобо́ю, мїхаи́ле, возопи́ша: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Зла́тъ пе́рстень но́выѧ бл҃года́ти, а҆рхїере́е мїхаи́ле, вложи́въ рѡссі́и на рꙋ́кꙋ, ѡ҆брꙋчи́лъ є҆сѝ невѣ́стꙋ чи́стꙋ хрⷭ҇то́ви, ѿ сегѡ̀ ꙗ҆зы́ка цр҃ковь, ꙗ҆́же и҆ до дне́сь дꙋхо́внѣ веселѧ́щисѧ, зове́тъ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Зла́тъ пе́рстень и҆менꙋ́емъ тѧ̀, дв҃о чⷭ҇таѧ, ᲂу҆кра́шенъ а҆́ки драгоцѣ́ннымъ а҆дама́нтомъ, приедине́нїемъ бжⷭ҇тва̀ пло́ти, хрⷭ҇тꙋ̀ ѿ тебє̀ заи́мствованнѣй. Тѣ́мъ любо́вїю зове́мъ: бл҃гослове́нна ты̀ є҆ди́на, нелѣ́потꙋ є҆стества̀ на́шегѡ преꙋкраси́вшаѧ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: И҆зъ пла́мене прпⷣбнымъ ро́сꙋ и҆сточи́лъ є҆сѝ, и҆ пра́веднагѡ же́ртвꙋ водо́ю попали́лъ є҆сѝ: всѧ̑ бо твори́ши, хрⷭ҇тѐ, то́кмѡ є҆́же хотѣ́ти. Тѧ̀ превозно́симъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "И҆зъ пла́мене і҆́дѡльскїѧ ле́сти и҆з̾е́мъ, премꙋ́дре, рѡссі́йскꙋю зе́млю, росо́ю креще́нїѧ прохлади́лъ є҆сѝ, и҆ нѣ́сть ᲂу҆жѐ пали́ма возвраще́нїемъ на пє́рваѧ, превозносѧ́щи хрⷭ҇та̀, и҆ тебѐ, па́стырѧ своего̀, ᲂу҆блажа́ющи во вѣ́ки."
|
|
},
|
|
{
|
|
"type": "TEXT",
|
|
"value": "Всѧ̑ до́брѣ разчини́въ, ꙗ҆̀же ѡ҆ лю́дехъ новоизбра́нныхъ, поста́вилъ є҆сѝ па́стыри и҆ ᲂу҆чи́тели по гра́дѣхъ: и҆ тѣ̑мъ новоизбра́нное ста́до и҆спорꙋчи́въ, са́мъ ѿше́лъ є҆сѝ, па́стырей нача́льникꙋ хрⷭ҇тꙋ̀ бг҃ꙋ сцрⷭ҇твовати во вѣ́ки."
|
|
},
|
|
{
|
|
"type": "TEXT",
|
|
"value": "Мно́гъ пла́чь и҆ рыда́нїе гра́дꙋ кі́евꙋ, твои́мъ, ѻ҆́ч҃е ѿше́ствїемъ къ бг҃ꙋ, сотвори́сѧ: но вы́шнїй і҆ерꙋсали́мъ, прїе́млѧ тѧ̀ въ нѣ̑дра своѧ̑, возра́довасѧ. И҆дѣ́же живы́й, не забꙋ́ди ста́да твоегѡ̀, и҆ молѝ, да съ тобо́ю всели́тсѧ во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Мно́гое весе́лїе творю̀ ѕлы́ми дѣ́лы бѣсѡ́мъ и҆ ра́дость, храни́телю же моемꙋ̀ печа́ль ѿвсю́дꙋ: ѽ чⷭ҇таѧ марі́е, мт҃и хрⷭ҇та̀ бг҃а, наста́ви мѧ̀ на покаѧ́нїе, да бꙋ́детъ ѻ҆́нѣмъ пла́чь, а҆́гг҃лꙋ же моемꙋ̀ ра́дость, и҆ мнѣ̀ съ ни́мъ во вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃а человѣ́кѡмъ не возмо́жно ви́дѣти, на него́же не смѣ́ютъ чи́ни а҆́гг҃льстїи взира́ти: тобо́ю бо, всечⷭ҇таѧ, ꙗ҆ви́сѧ человѣ́кѡмъ сло́во воплоще́нно, є҆го́же велича́юще, съ нбⷭ҇ными вѡ́и тѧ̀ ᲂу҆бл҃жа́емъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ фі́нїѯъ процвѣ́лъ є҆сѝ, ѻ҆́ч҃е, въ домꙋ̀ бж҃їи, и҆ плоды̀ нетлѣ́нїе моще́й твои́хъ всѣ̑мъ ꙗ҆влѧ́етъ: ѿсю́дꙋ ᲂу҆́бѡ мы̀ ᲂу҆разꙋмѣ́вше, ꙗ҆́кѡ предстои́ши хрⷭ҇тꙋ̀, тѧ̀ пѣ́сньми велича́емъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ благово́нный кѷпарі́съ мо́щи твоѧ̀, ст҃и́телю, благоꙋха́ютъ, и҆ наслажда́ютъ покланѧ́ющихсѧ ра́цѣ твое́й: и҆̀хже всегда̀ и҆спо́лни благоꙋха́нїѧ твои́хъ моли́твъ, да твою̀ па́мѧть пѣ́сньми вѣ́рнѡ прославлѧ́ютъ."
|
|
},
|
|
{
|
|
"type": "TEXT",
|
|
"value": "Ли́къ ст҃и́телей рѡссі́йскихъ, и҆ любопра́зднственныхъ собо́ри, ᲂу҆се́рднѡ стецы́тесѧ ко ст҃ѣ́й ра́цѣ первост҃и́телѧ ва́шегѡ, па́стырїе первонача́льнаго па́стырѧ, лю́дїе же ѻ҆тца̀ своего̀ пѣ́сньми почти́те, всѝ кꙋ́пнѡ па́мѧть є҆гѡ̀ ᲂу҆блажа́юще."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Всѧ̀ тва́рь пѣсносло́витъ тѧ̀, дв҃о, ꙗ҆́кѡ проше́дшꙋю всѧ̑ нбⷭ҇наѧ врата̀, и҆ ста́вшꙋю ѡ҆деснꙋ́ю ѻ҆гнезра́чнагѡ престо́ла вы́шнѧгѡ: ѡ҆деснꙋ́ю сн҃а твоегѡ̀ ста́ти и҆ на́съ сподо́би, ꙗ҆́кѡ пѣ́сньми, ро́ждшагосѧ и҆зъ тебє̀, и҆ тѧ̀ велича́емъ."
|
|
},
|
|
{
|
|
"type": "TEXT",
|
|
"value": "Свѣти́ленъ: Цр҃е́ви всѣ́хъ предстои́ши, ст҃и́телю мїхаи́ле, и҆ бл҃гослове́нїемъ вѣнча́етсѧ ве́рхъ тво́й ѿ вы́шнѧгѡ десни́цы. Прострѝ рꙋ́кꙋ твою̀ и҆ благословѝ на́съ, ꙗ҆́коже нѣ́коего на пресвѵ́терство восходѧ́ща: не ᲂу҆ме́рлъ бо є҆сѝ но во вѣ́ки живе́ши. Тѣ́мже па́мѧть твою̀ пѣ́сньми пое́тъ рѡссі́йскаѧ це́рковь, въ не́йже и҆ мы̀ сла́вимъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Цр҃ѧ̀ вѣкѡ́въ мт҃и, цр҃и́це и҆ влⷣчце, надъ страстьмѝ покажѝ царе́й пѣвцы̀ твоѧ̑: се́ бо приво́димъ тѝ въ мл҃твꙋ чꙋ́днаго мїхаи́ла, і҆ера́рха, въ є҆гѡ́же па́мѧти пра́зднꙋюще тебѐ велича́емъ."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, на д҃, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Дне́сь торжествꙋ́етъ па́мѧть твою̀, ст҃и́телю, ма́ти градѡ́въ пресловꙋ́щїй кі́евъ, и҆ лю́дїе рѡссі́йстїи хвала́ми почита́ютъ, въ вѣ́чнꙋю жи́знь твоѐ преставле́нїе: ѿше́лъ бо є҆сѝ къ нбⷭ҇нымъ, и҆ не ѿстꙋпа́еши, земны̑ѧ назира́ѧ, ꙗ҆́кѡ при́сный хода́тай и҆ моли́твенникъ ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Пе́рвое, но́вагѡ лѣ́та начина́юще ѡ҆бхожде́нїе, ꙗ҆́кѡ пе́рвѣйшемꙋ тебѣ̀, бл҃же́нне, и҆ нача́льнѣйшемꙋ рѡссі́йскїѧ землѝ а҆рхїере́ю, пе́рвыѧ пѣ́сней рꙋкоѧ̑ти прино́симъ: прїимѝ ᲂу҆́бѡ сїѧ̑ въ да́ръ че́стенъ, и҆ возда́ждь на́мъ твои́мъ бл҃гослове́нїемъ, ꙗ҆́кѡ при́снѡ сы́й моли́твенникъ ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Оу҆слади́всѧ жела́нїемъ любвѐ хрⷭ҇то́вы, разꙋ̑мныѧ воспрїѧ́лъ є҆сѝ крилѣ̑, прелетѣ́въ ѿ ни́жнихъ въ вы̑шнѧѧ: и҆ ѿверзо́шасѧ тѝ ра́йскїѧ двє́ри, въ нѧ́же вше́дъ наслажда́ешисѧ бг҃овидѣ́нїѧ: то́ю сла́достїю ѡ҆бвеселѝ дꙋ́шы пою́щихъ па́мѧть твою̀, мїхаи́ле свѧти́телю."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃:"
|
|
},
|
|
{
|
|
"type": "TEXT",
|
|
"value": "Ѿ нб҃съ прїе́мь пома́занїе дꙋхо́внѣ, мїхаи́ле пребл҃же́нне, бы́лъ є҆сѝ ꙗ҆́кѡ ма́слина плодови́та въ домꙋ̀ бж҃їи: и҆ плода́ми твои́ми ᲂу҆слади́всѧ вели́кїй въ царѣ́хъ васі́лїй, прїѧ́тъ тѧ̀ любо́вїю, во ᲂу҆правле́нїе землѝ рѡссі́йскїѧ: ю҆́же ѡ҆чи́стивъ ѿ і҆дѡлослꙋже́нїѧ, приве́лъ є҆сѝ бг҃оразꙋ́мїю. Тѣ́мъ по достоѧ́нїю па́мѧть твою̀ соверша́юще, и҆ къ ра́цѣ моще́й твои́хъ припа́дающе, мо́лимсѧ: и҆спросѝ ѿ хрⷭ҇та̀ бг҃а лю́демъ, ста́дꙋ твоемꙋ̀ благостоѧ́нїе, и҆ всѣ̑мъ проще́нїе грѣхѡ́въ и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Спасѝ ѿ бѣ́дъ рабы̑ твоѧ̑:"
|
|
},
|
|
{
|
|
"type": "HEADER",
|
|
"value": "Славосло́вїе вели́кое, и҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и: Бл҃жє́нна ѿ канѡ́на пѣ́снь г҃-ѧ, и҆ ѕ҃-ѧ."
|
|
},
|
|
{
|
|
"type": "HEADER",
|
|
"value": "Прокі́менъ, а҆пⷭ҇лъ, и҆ є҆ѵⷢ҇лїе, и҆ прича́стенъ ст҃и́телѧ."
|
|
}
|
|
] |