634 lines
57 KiB
JSON
634 lines
57 KiB
JSON
[
|
|
{
|
|
"type": "HEADER",
|
|
"value": "Ное́мврїа ѕ҃і"
|
|
},
|
|
{
|
|
"type": "HEADER",
|
|
"value": "Ст҃а́гѡ а҆пⷭ҇ла и҆ є҆ѵⷢ҇лі́ста матѳе́а."
|
|
},
|
|
{
|
|
"type": "HEADER",
|
|
"value": "На вече́рни, Блаже́нъ мꙋ́жъ: а҃ а҆нтїфѡ́нъ."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры на и҃, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Зва́нный свы́ше:"
|
|
},
|
|
{
|
|
"type": "TEXT",
|
|
"value": "И҆спытꙋ́ѧй сердца̀ человѣ́кѡвъ, є҆гда̀ тво́й бжⷭ҇твенный ра́зꙋмъ, а҆пⷭ҇ле, бжⷭ҇твеннымъ провѣ́дѣнїемъ ᲂу҆зрѣ̀, ѿ непра́вды и҆ ѿ мі́ра тѧ̀ и҆зба́ви: тогда́ тѧ всемі́рный свѣ́тъ содѣ́ѧ, вселе́нныѧ концы̀ просвѣща́ти и҆ ѡ҆блиста́ти повелѣ́въ, є҆гѡ́же и҆ бжⷭ҇твенное є҆ѵⷢ҇лїе сподо́билсѧ є҆сѝ ꙗ҆́вѣ написа́ти. Того̀ молѝ, спастѝ и҆ просвѣти́ти дꙋ́шы на́шѧ. Два́жды."
|
|
},
|
|
{
|
|
"type": "TEXT",
|
|
"value": "И҆́же ѿ мыта́рства при́званъ на ᲂу҆ч҃ни́чество, є҆гда́ тѧ безнача́льное сло́во возгласѝ, послѣ́довати повелѣ́въ, и҆ ѻ҆бще́нїе црⷭ҇твїѧ ѡ҆бѣща́въ, тогда̀, всеблаже́нне, всѧ̑ ѡ҆ста́вивъ, и҆ смꙋще́нїѧ мѧте́жнагѡ ѿше́дъ, томꙋ̀ крѣ́пкѡ послѣ́довалъ є҆сѝ, и҆ ны́нѣ, бг҃ови́дче, насыща́емь, неизрече́ннагѡ є҆гѡ̀ видѣ́нїѧ ꙗ҆́снѡ. Є҆го́же молѝ, спастѝ и҆ просвѣти́ти дꙋ́шы на́шѧ. Два́жды."
|
|
},
|
|
{
|
|
"type": "TEXT",
|
|
"value": "Прⷪ҇ро́ческое нѣ́кое ꙗ҆́вѣ ѻ҆строзрѣ́нїе, дре́вле тѧ̀ ст҃а́го ка́менѧ ᲂу҆зрѣ̀, на землѝ валѧ́ющасѧ, и҆ прелє́стнаѧ сокрꙋша́юща ᲂу҆хищрє́нїѧ: сло́во же, всемꙋ́дре, ѵ҆поста́сное, свѣ́тъ тѧ̀ мі́ра и҆ проповѣ́дника пра́вды и҆ и҆́стины совершѝ, ᲂу҆ѧсне́на лꙋча́ми трисо́лнечнагѡ свѣ́та, всече́стне. Є҆го́же молѝ, спастѝ и҆ просвѣти́ти дꙋ́шы на́шѧ. Два́жды."
|
|
},
|
|
{
|
|
"type": "TEXT",
|
|
"value": "Пребжⷭ҇твенныѧ мꙋ́дрости слꙋго̀, є҆гда̀ непристꙋ́пный свѣ́тъ прїи́де пло́тїю, ꙗ҆́коже и҆зво́ли, невѣ́дѣнїѧ разорѧ́ѧ ѡ҆мрачє́нїѧ: тогда̀ призыва́емь послѣ́довалъ є҆сѝ жизнонѡ́снымъ повелѣ́нїємъ, и҆ храни́тель бжⷭ҇твенный бы́въ па́че смы́сла, цр҃ко́вный бы́въ свѣти́льникъ, матѳе́е, хрⷭ҇то́во ѻ҆би́телище. Є҆го́же молѝ, спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Ѧ҆зы́комъ ѻ҆́гненнымъ пре́лесть попалѧ́ѧ, ꙗ҆ви́лсѧ є҆сѝ, всехва́льне, матѳе́е премꙋ́дре, ᲂу҆тѣ́шителево прїе́мъ прише́ствїе, сꙋщество́мъ тебѐ ѡ҆свѣща́юща, ѿсю́дꙋ ᲂу҆диви́лъ є҆сѝ всѧ́ко помышле́нїе, слы́шащихъ слове́съ твои́хъ, къ лю́демъ глаго́лавъ вели́чєствїѧ вседержи́телѧ: и҆ ны́нѣ во всю̀ зе́млю и҆зы́де твоѐ вѣща́нїе, бг҃одохнове́нне. Є҆го́же молѝ, всѧ̑ ᲂу҆ще́дрити, пою́щыѧ тѧ̀."
|
|
},
|
|
{
|
|
"type": "HEADER",
|
|
"value": "Сла́ва, гла́съ д҃. Самогла́сенъ:"
|
|
},
|
|
{
|
|
"type": "TEXT",
|
|
"value": "Зовꙋ́щꙋ хрⷭ҇тꙋ̀ ко ᲂу҆ч҃ни́чествꙋ нбⷭ҇номꙋ, ᲂу҆се́рднѡ послѣ́довалъ є҆сѝ, бг҃опрїѧ́тне, всѐ ᲂу҆пражне́нїе попече́нїѧ земна́гѡ є҆ди́нощи ѿри́нꙋвъ: досто́йный бо го́рнѧгѡ ца́рствїѧ ра́зꙋмъ благопоко́рнѣ воспрїи́мъ, долѣре́вностнагѡ жи́тельства и҆ сла́вы тщі́ѧ ѿстꙋпи́лъ є҆сѝ: благовѣ́стникъ ѿ мытарѧ̀ бы́въ, свѣ́тъ же во тмѣ̀ сꙋ́щымъ ꙗ҆ви́лсѧ є҆сѝ, и҆ заблꙋ́ждшымъ пꙋтево́ждь ко спасе́нїю: ны́нѣ же моли́твенникъ всегѡ̀ мі́ра теплѣ́йшїй, и҆ тебѐ чтꙋ́щихъ, матѳе́е, храни́тель спаси́тельный."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "И҆́же тебє̀ ра́ди:"
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ, и҆ чтє́нїѧ г҃."
|
|
},
|
|
{
|
|
"type": "HEADER",
|
|
"value": "Собо́рнагѡ посла́нїѧ петро́ва чте́нїе. (Заⷱ҇: н҃и.)"
|
|
},
|
|
{
|
|
"type": "TEXT",
|
|
"value": "Пе́тръ, а҆пⷭ҇лъ і҆и҃съ хрⷭ҇то́въ, и҆збра̑ннымъ прише́льцємъ разсѣ́ѧнїѧ, по́нта, галаті́и, каппадокі́и, а҆сі́и и҆ вїѳѷні́и, по прозрѣ́нїю бг҃а ѻ҆ц҃а̀, во ст҃ы́ни дх҃а, въ послꙋша́нїе и҆ кропле́нїе кро́ве і҆и҃съ хрⷭ҇то́вы, бл҃года́ть ва́мъ и҆ ми́ръ да ᲂу҆мно́житсѧ. Бл҃гослове́нъ бг҃ъ и҆ ѻ҆ц҃ъ гдⷭ҇а на́шегѡ і҆и҃съ хрⷭ҇та̀, и҆́же по мно́зѣй свое́й ми́лости порожде́й на́съ во ᲂу҆пова́нїе жи́во, воскрⷭ҇нїемъ і҆и҃съ хрⷭ҇то́вымъ ѿ ме́ртвыхъ, въ наслѣ́дїе нетлѣ́нно, и҆ нескве́рно, и҆ неꙋвѧда́емо, соблюде́но на нб҃сѣ́хъ ва́съ ра́ди: и҆̀же си́лою бж҃їею соблюде́ни вѣ́рою, во спасе́нїе гото́вое ꙗ҆ви́тисѧ во вре́мѧ послѣ́днее. Ѡ҆ не́мже ра́дꙋйтесѧ, ма́лѡ ны́нѣ, а҆́ще лѣ́по є҆́сть, приско́рбни бы́вше въ разли́чныхъ напа́стехъ: Да и҆скꙋше́нїе ва́шеѧ вѣ́ры, многочестнѣ́йше зла́та ги́бнꙋща, ѻ҆гне́мъ же и҆скꙋше́на, ѡ҆брѧ́щетсѧ въ похвалꙋ̀ и҆ че́сть и҆ сла́вꙋ, во ѿкрове́нїи і҆и҃съ хрⷭ҇то́вѣ: є҆го́же не ви́дѣвше лю́бите, и҆ на него́же ны́нѣ не зрѧ́ще, вѣ́рꙋюще же, ра́дꙋетесѧ ра́достїю неизглаго́ланною и҆ просла́вленною, прїе́млюще кончи́нꙋ вѣ́рѣ ва́шей спасе́нїе дꙋша́мъ: ѡ҆ не́мже спасе́нїи взыска́ша и҆ и҆спыта́ша прⷪ҇ро́цы, и҆̀же ѡ҆ ва́шей бл҃года́ти прореко́ша, и҆спыта́юще, въ каково̀ и҆лѝ въ ко́е вре́мѧ ꙗ҆влѧ́ше въ ни́хъ дх҃ъ хрⷭ҇то́въ, пре́жде свидѣ́тельствꙋѧ ѡ҆ хрⷭ҇то́выхъ стрⷭ҇те́хъ, ꙗ҆̀же по си́хъ сла́вахъ: И҆̀мже ѿкры́сѧ, ꙗ҆́кѡ не и҆̀мъ самѣ̑мъ, но на́мъ слꙋжа́хꙋ сїѧ̑, ꙗ҆̀же ны́нѣ возвѣсти́шасѧ ва́мъ благовѣствова́вшими ва́мъ дх҃омъ ст҃ы́мъ, по́сланнымъ съ нб҃сѐ, въ нѧ́же жела́ютъ а҆́гг҃ли прини́кнꙋти. Тѣ́мже, возлю́бленнїи, препоѧ́савше чрє́сла помышле́нїѧ ва́шегѡ, трезвѧ́щесѧ, соверше́ннѣ ᲂу҆пова́йте на приноси́мꙋю ва́мъ бл҃года́ть, ѿкрове́нїемъ і҆и҃съ хрⷭ҇то́вымъ. Ꙗ҆́кѡ ча̑да послꙋша́нїѧ, не преѡбразꙋ́ющесѧ пе́рвыми невѣ́дѣнїѧ ва́шегѡ похотѣ́нїи: но по зва́вшемꙋ вы̀ ст҃о́мꙋ, и҆ са́ми свѧ́ти во все́мъ житїѝ бꙋ́дите. Занѐ пи́сано є҆́сть: свѧ́ти бꙋ́дите, ꙗ҆́кѡ а҆́зъ свѧ́тъ є҆́смь. И҆ а҆́ще ѻ҆ц҃а̀ называ́ете нелицемѣ́рнѡ сꙋдѧ́ща комꙋ́ждо по дѣ́лꙋ, со стра́хомъ житїѧ̀ ва́шегѡ вре́мѧ жи́тельствꙋйте: вѣ́дѧще, ꙗ҆́кѡ не и҆стлѣ́ннымъ сребро́мъ, и҆лѝ зла́томъ и҆зба́вистесѧ ѿ сꙋ́етнагѡ ва́шегѡ житїѧ̀ ѻ҆тцы̀ пре́даннагѡ. Но чⷭ҇тно́ю кро́вїю, ꙗ҆́кѡ а҆́гнца непоро́чна, и҆ пречⷭ҇та хрⷭ҇та̀, Пред̾ꙋвѣ́дѣнаго ᲂу҆́бѡ пре́жде сложе́нїѧ мі́ра, ꙗ҆́вльшасѧ же въ послѣ̑днѧѧ лѣ̑та ва́съ ра́ди. И҆̀же є҆гѡ̀ ра́ди вѣ́рꙋете въ бг҃а, воздви́гшаго є҆го̀ и҆зъ ме́ртвыхъ, и҆ сла́вꙋ є҆мꙋ̀ да́вша, ꙗ҆́кѡ да вѣ́ра ва́ша и҆ ᲂу҆пова́нїе бꙋ́детъ на бг҃а. Дꙋ́шы ва́шѧ ѡ҆чи́стивше въ послꙋша́нїе и҆́стины дх҃омъ, въ братолю́бїе нелицемѣ́рно, ѿ чи́ста се́рдца дрꙋ́гъ дрꙋ́га люби́те прилѣ́жнѡ: порожде́ни не ѿ сѣ́мене и҆стлѣ́нна, но неистлѣ́нна, сло́вомъ жива́гѡ бг҃а и҆ пребыва́юща во вѣ́ки. Занѐ всѧ́ка пло́ть ꙗ҆́кѡ трава̀, и҆ всѧ́ка сла́ва человѣ́ча, ꙗ҆́кѡ цвѣ́тъ тра́вный: и҆́зсше трава̀, и҆ цвѣ́тъ є҆ѧ̀ ѿпадѐ: глаго́лъ же гдⷭ҇ень пребыва́етъ во вѣ́ки: се́ же є҆́сть глаго́лъ, благовѣствова́нный въ ва́съ. Ѿло́жше ᲂу҆̀бо всѧ́кꙋ ѕло́бꙋ, и҆ всѧ́кꙋ ле́сть, и҆ лицемѣ́рїе и҆ за́висть, и҆ всѧ̑ клеветы̑, ꙗ҆́кѡ новорожде́ни младе́нцы, слове́сное и҆ неле́стное млеко̀ возлюби́те, ꙗ҆́кѡ да ѡ҆ не́мъ возрасте́те во спасе́нїе. Поне́же вкꙋси́сте, ꙗ҆́кѡ бл҃гъ гдⷭ҇ь. Къ немꙋ́же приходѧ́ще, ка́меню жи́вꙋ, ѿ человѣ̑къ ᲂу҆́бѡ ᲂу҆ничиже́нꙋ, ѿ бг҃а же и҆збра́ннꙋ, че́стнꙋ, и҆ са́ми ꙗ҆́кѡ ка́менїе жи́во зижди́тесѧ въ хра́мъ дꙋхо́венъ, ст҃и́тельство свѧ́то, возноси́ти жє́ртвы дꙋхѡ́вны, благопрїѧ́тны бг҃ови і҆и҃съ хрⷭ҇то́мъ. Занѐ пи́сано є҆́сть въ писа́нїи: сѐ полага́ю въ сїѡ́нѣ ка́мень краеꙋго́ленъ, и҆збра́нъ, че́стенъ: и҆ вѣ́рꙋѧй въ ѻ҆́нь, не постыди́тсѧ."
|
|
},
|
|
{
|
|
"type": "HEADER",
|
|
"value": "Собо́рнагѡ посла́нїѧ петро́ва чте́нїе. (Заⷱ҇: н҃ѳ.)"
|
|
},
|
|
{
|
|
"type": "TEXT",
|
|
"value": "Возлю́бленнїи, хрⷭ҇то́съ пострада̀ по на́съ, на́мъ ѡ҆ста́вль ѻ҆́бразъ, да послѣ́дꙋемъ стопа́мъ є҆гѡ̀. И҆́же грѣха̀ не сотворѝ, ни ѡ҆брѣ́тесѧ ле́сть во ᲂу҆стѣ́хъ є҆гѡ̀: и҆́же ᲂу҆корѧ́емь, проти́вꙋ не ᲂу҆карѧ́ше: стражда̀, не преща́ше: предаѧ́ше же сꙋдѧ́щемꙋ пра́веднѡ. И҆́же грѣхѝ на́шѧ са́мъ вознесѐ на тѣ́лѣ свое́мъ на дре́во, да ѿ грѣ̑хъ и҆збы́вше, пра́вдою поживе́мъ, є҆гѡ́же ꙗ҆́звою и҆сцѣлѣ́сте. Бѣ́сте бо ꙗ҆́кѡ ѻ҆́вцы заблꙋ́ждшыѧ, не и҆мꙋ́ще па́стырѧ: но возврати́стесѧ ны́нѣ къ па́стырю, и҆ посѣти́телю дꙋ́шъ ва́шихъ. Та́кожде же и҆ жєны̀ повинꙋ́ющесѧ свои̑мъ мꙋжє́мъ, да и҆ а҆́ще нѣ́цыи не повинꙋ́ютсѧ сло́вꙋ, же́нскимъ житїе́мъ безъ сло́ва плѣне́ни бꙋ́дꙋтъ, ви́дѣвше є҆́же со стра́хомъ чи́сто житїѐ ва́ше. И҆̀мже да бꙋ́детъ не внѣ̑шнѧѧ плетє́нїѧ вла̑съ, и҆ ѡ҆бложє́нїѧ зла́та, и҆лѝ ѡ҆дѣѧ́нїѧ ри́зъ лѣ́пота, но потае́нный се́рдца человѣ́къ, въ неистлѣ́нїи кро́ткагѡ и҆ молчали́вагѡ дꙋ́ха, є҆́же є҆́сть предъ бг҃омъ многоцѣ́нно. Та́кѡ бо и҆ногда̀ и҆ свѧты̑ѧ жєны̀, ᲂу҆пова́ющыѧ на бг҃а, ᲂу҆краша́хꙋ себѐ, повинꙋ́ющесѧ свои̑мъ мꙋжє́мъ: ꙗ҆́коже са́рра послꙋ́шаше а҆враа́ма, господи́на того̀ зовꙋ́щи: є҆ѧ́же бы́сте ча̑да, благотворѧ́ще и҆ не боѧ́щесѧ ни є҆ди́нагѡ стра́ха. Мꙋ́жїе та́кожде, вкꙋ́пѣ живꙋ́ще съ свои́ми жена́ми по ра́зꙋмꙋ, ꙗ҆́кѡ немощнѣ́йшемꙋ сосꙋ́дꙋ же́нскомꙋ воздаю́ще че́сть, ꙗ҆́кѡ и҆ снаслѣ̑дницы бл҃года́тныѧ жи́зни, во є҆́же не прекраща́тисѧ моли́твамъ ва́шымъ. Коне́цъ же, всѝ є҆диномꙋ́дрени бꙋ́дите, ми́лостиви, братолю́бцы, милосе́рдни, благоꙋтро́бни, мꙋдролю́бцы, смиреномꙋ́дри: не воздаю́ще ѕла̀ за ѕло̀, и҆лѝ досажде́нїѧ за досажде́нїе: сꙋпроти́вное же благословѧ́ще, вѣ́дѧше, ꙗ҆́кѡ на сѐ зва́ни бы́сте, да благослове́нїе наслѣ́дите."
|
|
},
|
|
{
|
|
"type": "HEADER",
|
|
"value": "Собо́рнагѡ посла́нїѧ петро́ва чте́нїе. (Заⷱ҇: ѯ҃а.)"
|
|
},
|
|
{
|
|
"type": "TEXT",
|
|
"value": "Возлю́бленнїи, хрⷭ҇тꙋ̀ пострада́вшꙋ за ны̀ пло́тїю, и҆ вы̀ въ тꙋ́ же мы́сль воѡрꙋжи́тесѧ, занѐ пострада́вый пло́тїю, преста̀ ѿ грѣха̀. Во є҆́же не ктомꙋ̀ въ человѣ́чєскїѧ по́хѡти, но въ во́лю бж҃їю, про́чее во пло́ти жи́ти вре́мѧ. Довлѣ́етъ бо ва́мъ мимоше́дшее вре́мѧ житїѧ̀, во́лю ꙗ҆зы́ческꙋю твори́вшымъ, хо́ждшымъ въ нечистота́хъ, въ по́хотехъ, въ скотоло́жствѣ, въ по́мыслѣхъ, въ пїѧ́нствѣ, въ коѕлогласова́нїихъ, въ лихоима́нїи и҆ бг҃оме́рзскихъ і҆дѡлослꙋже́нїихъ. Ѡ҆ не́мже дивѧ́тсѧ, не сходѧ́щымсѧ ва́мъ въ то́же блꙋда̀ разлїѧ́нїе, хꙋ́лѧще: и҆̀же воздадѧ́тъ сло́во, гото́вꙋ сꙋ́щемꙋ сꙋди́ти живы̑мъ и҆ мє́ртвымъ. На се́ бо и҆ мє́ртвымъ благовѣсти́сѧ, да сꙋ́дъ ᲂу҆́бѡ прїи́мꙋтъ по человѣ́кꙋ пло́тїю, поживꙋ́тъ же по бз҃ѣ дꙋ́хомъ. Всѣ̑мъ же кончи́на прибли́жисѧ: ᲂу҆цѣломꙋ́дритесѧ ᲂу҆̀бо, и҆ трезви́тесѧ въ моли́твахъ. Пре́жде же всѣ́хъ дрꙋ́гъ ко дрꙋ́гꙋ любо́вь прилѣ́жнꙋ и҆мѣ́йте, занѐ любо́вь покрыва́етъ мно́жество грѣхѡ́въ. Страннолю́бцы дрꙋ́гъ ко дрꙋ́гꙋ, безъ ропта́нїй. Кі́йждо, ꙗ҆́коже прїѧ́тъ дарова́нїе, междꙋ̀ себє̀ си̑мъ слꙋжа́ще ꙗ҆́кѡ до́брїи строи́телїе разли́чныѧ бл҃года́ти бж҃їѧ. А҆́ще кто̀ глаго́летъ, ꙗ҆́кѡ словеса̀ бж҃їѧ: а҆́ще кто̀ слꙋ́житъ, ꙗ҆́кѡ ѿ крѣ́пости, ю҆́же подае́тъ бг҃ъ: да ѡ҆ все́мъ сла́витсѧ бг҃ъ і҆и҃съ хрⷭ҇то́мъ, є҆мꙋ́же є҆́сть сла́ва и҆ держа́ва во вѣ́ки вѣкѡ́въ, а҆ми́нь."
|
|
},
|
|
{
|
|
"type": "HEADER",
|
|
"value": "А҆́ще и҆зво́литъ настоѧ́тель пѣ́ти лїті́ю, стїхи́ра хра́ма, и҆ а҆пⷭ҇ла, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "Тро́стїю бл҃года́ти ѿ глꙋбины̀ сꙋ́етства человѣ́ки и҆звле́клъ є҆сѝ, досточꙋ́дне, ᲂу҆ч҃телѧ ма́нїемъ повинꙋ́всѧ, матѳе́е, провѣ́щшагѡ по всемꙋ̀ твоѐ разꙋмѣ́нїе, и҆ а҆пⷭ҇ла, и҆ че́стна бг҃оглаго́льника, тѧ̀, всебл҃же́нне, показа́вша тогѡ̀ непостижи́магѡ бжⷭ҇тва̀."
|
|
},
|
|
{
|
|
"type": "TEXT",
|
|
"value": "Дх҃а сїѧ́нїе на тѧ̀ сни́де во ѻ҆́гненнѣ ви́дѣ, и҆ тѧ̀, блаже́нне, бжⷭ҇твенное прїѧ́телище содѣ́ла, ско́рѡ ѿгонѧ́ща безбо́жїѧ мглꙋ̀, и҆ мі́ръ просвѣща́юща сїѧ́нїемъ всемꙋ́дрыхъ твои́хъ слове́съ, тайноглаго́льниче, а҆пⷭ҇лѡвъ ᲂу҆краше́нїе, хрⷭ҇то́въ самови́дче, блаже́нне."
|
|
},
|
|
{
|
|
"type": "TEXT",
|
|
"value": "Мо́лнїѧми проповѣ́данїѧ во тмѣ̀ сѣдѧ́щыѧ невѣ́дѣнїѧ, сла́вне, просвѣти́въ, показа́лъ є҆сѝ сы́ны влⷣки и҆ бг҃а, вѣ́ры ра́ди. Є҆гѡ́же стрⷭ҇те́мъ ревнова́лъ є҆сѝ и҆ сме́рти, и҆ сла́вы бы́лъ є҆сѝ наслѣ́дникъ, ꙗ҆́кѡ мꙋ́дръ и҆ бг҃оглаго́ливъ, ꙗ҆́кѡ ᲂу҆ч҃ни́къ и҆́стины."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃:"
|
|
},
|
|
{
|
|
"type": "TEXT",
|
|
"value": "Ѡ҆ста́вивъ земна̑ѧ, послѣ́довалъ є҆сѝ хрⷭ҇тꙋ̀, и҆ зна́менавсѧ дохнове́нїемъ ст҃а́гѡ дх҃а, по́сланъ бы́въ ѿ негѡ̀ въ ꙗ҆зы́ки поги́бшыѧ, ѡ҆браща́ти человѣ́ки во свѣ́тъ бг҃озна́нїѧ, а҆пⷭ҇ле матѳе́е: и҆ сконча́въ по́двиги бжⷭ҇твенныѧ твоеѧ̀ стра́сти и҆ мꙋ́къ разли́чныхъ, дꙋ́шꙋ твою̀ хрⷭ҇тꙋ̀ пре́далъ є҆сѝ: того̀ молѝ, всеблаже́нне, дарова́ти на́мъ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Всѐ ᲂу҆пова́нїе моѐ на тѧ̀ возлага́ю, мт҃и бж҃їѧ, сохрани́ мѧ подъ кро́вомъ твои́мъ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ д҃"
|
|
},
|
|
{
|
|
"type": "TEXT",
|
|
"value": "Подо́бенъ: Да́лъ є҆сѝ зна́менїе."
|
|
},
|
|
{
|
|
"type": "TEXT",
|
|
"value": "Слове́съ твои́хъ трꙋбо́ю человѣ́ки собра́лъ є҆сѝ въ бж҃їе позна́нїе, приснопѣва́еме: и҆ прелє́стнаѧ собра̑нїѧ ѿ землѝ ѿгна́въ, во є҆ди́но вѣ̑рныѧ є҆диномы́слїе ᲂу҆пра́вилъ є҆сѝ: и҆ мо́лишисѧ ны́нѣ, ѿ тлѝ и҆ бѣ́дъ и҆зба́витисѧ вѣ́рою соверша́ющымъ при́снѡ честнꙋ́ю па́мѧть твою̀."
|
|
},
|
|
{
|
|
"type": "TEXT",
|
|
"value": "Сті́хъ: Во всю̀ зе́млю и҆зы́де вѣща́нїе и҆́хъ, и҆ въ концы̀ вселе́нныѧ глаго́лы и҆́хъ."
|
|
},
|
|
{
|
|
"type": "TEXT",
|
|
"value": "И҆́же ѧ҆зы́комъ тѧ̀ воѡрꙋжи́въ ѻ҆́гненнымъ дх҃а ст҃а́гѡ, крѣ́пка показа́ тѧ борца̀ на пре́лесть, а҆пⷭ҇ле, хрⷭ҇то́съ бг҃ъ на́шъ: и҆́мже прїѧ́лъ є҆сѝ свѣ̑тлыѧ по́чєсти благода́ти. Є҆го́же молѝ ѿ тлѝ и҆ бѣ́дъ и҆зба́витисѧ вѣ́рою соверша́ющымъ при́снѡ честнꙋ́ю па́мѧть твою̀."
|
|
},
|
|
{
|
|
"type": "TEXT",
|
|
"value": "Сті́хъ: Нб҃са̀ повѣ́даютъ сла́вꙋ бж҃їю, творе́нїе же рꙋкꙋ̀ є҆гѡ̀ возвѣща́етъ тве́рдь."
|
|
},
|
|
{
|
|
"type": "TEXT",
|
|
"value": "Во глꙋбины̑ дх҃а прини́къ, а҆пⷭ҇ле, неистощи́мое бога́тство поразꙋмѣ́лъ є҆сѝ, и҆ и҆зъ негѡ̀ поче́рпъ бл҃года́ть ѻ҆би́льнꙋю, на́мъ є҆ѵⷢ҇льски всѣ̑мъ сїю̀ разда́лъ є҆сѝ: и҆ мо́лишисѧ ны́нѣ, ѿ тлѝ и҆ бѣ́дъ и҆зба́витисѧ вѣ́рою соверша́ющымъ при́снѡ честнꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "И҆зъ глꙋбины̀ ѕло́бы послѣ́днїѧ къ ѕѣлѡ̀ кра́йнѣйшей высотѣ̀ добродѣ́тели, ꙗ҆́кѡ ѻ҆ре́лъ высокопа́рный, пресла́внѡ восте́клъ є҆сѝ, матѳе́е всехва́льне: покры́вшагѡ бо нб҃са̀ добродѣ́телїю, и҆ ра́зꙋма своегѡ̀ всю̀ зе́млю и҆спо́лнившагѡ хрⷭ҇та̀ послѣ́довалъ є҆сѝ стопа́мъ: подража́тель разжже́нъ во все́мъ томꙋ̀ ꙗ҆ви́лсѧ є҆сѝ, благовѣствꙋ́ѧ ми́ръ, жи́знь и҆ спасе́нїе повинꙋ́ющымсѧ благоче́стнѣ бжⷭ҇твєннымъ повелѣ́нїємъ: въ нѧ́же и҆ на́съ наста́ви бл҃гоꙋгожда́ющыѧ зижди́телю, и҆ тебѐ ᲂу҆блажа́ющыѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Творе́цъ и҆ и҆зба́витель мо́й:"
|
|
},
|
|
{
|
|
"type": "HEADER",
|
|
"value": "Тропа́рь, гла́съ г҃:"
|
|
},
|
|
{
|
|
"type": "TEXT",
|
|
"value": "А҆пⷭ҇ле ст҃ы́й и҆ є҆ѵⷢ҇лі́сте матѳе́е, молѝ ми́лостиваго бг҃а, да прегрѣше́нїй ѡ҆ставле́нїе пода́стъ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆лѝ се́й, гла́съ то́йже:"
|
|
},
|
|
{
|
|
"type": "TEXT",
|
|
"value": "Оу҆се́рднѡ ѿ мы́тницы, къ зва́вшемꙋ влⷣцѣ хрⷭ҇тꙋ̀, ꙗ҆́вльшꙋсѧ на землѝ человѣ́кѡмъ на бл҃гость, томꙋ̀ послѣ́довавъ, а҆пⷭ҇лъ и҆збра́нный ꙗ҆ви́лсѧ є҆сѝ, и҆ благовѣ́стникъ є҆ѵⷢ҇лїа вселе́ннѣй велегла́сенъ. Сегѡ̀ ра́ди чти́мъ честнꙋ́ю па́мѧть твою̀, матѳе́е бг҃оглаго́ливе: молѝ ми́лостиваго бг҃а, да грѣхѡ́въ ѡ҆ставле́нїе пода́стъ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Тѧ̀ хода́тайствовавшꙋю:"
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь, тропа́рь два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "HEADER",
|
|
"value": "По а҃-й каѳі́смѣ сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Гро́бъ тво́й, сп҃се:"
|
|
},
|
|
{
|
|
"type": "TEXT",
|
|
"value": "Пе́рвый хрⷭ҇то́во є҆ѵⷢ҇лїе написа́въ, и҆ всю̀ просвѣти́въ подсо́лнечнꙋю тва́рь, матѳе́й ѕѣлѡ̀ премꙋ́дрѣйшїй, и҆ хрⷭ҇то́въ таи́нникъ и҆зѧ́щный, ны́нѣ почита́емь свѧще́нными пѣ́сньми, всѣ̑мъ ѿпꙋще́нїѧ грѣхѡ́въ про́ситъ, любо́вїю чтꙋ́щымъ того̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Мт҃рь тѧ̀ бж҃їю вѣ́мы всѝ дв҃ꙋ вои́стиннꙋ, и҆ по рождествѣ̀ ꙗ҆́вльшꙋюсѧ, любо́вїю прибѣга́ющїи къ твое́й бла́гости: тѧ́ бо и҆́мамы грѣ́шнїи предста́тельницꙋ, тѧ̀ стѧжа́хомъ въ напа́стехъ спасе́нїе, є҆ди́нꙋ всенепоро́чнꙋю."
|
|
},
|
|
{
|
|
"type": "HEADER",
|
|
"value": "По в҃-й каѳі́смѣ сѣда́ленъ, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Бжⷭ҇твенныѧ вѣ́ры:"
|
|
},
|
|
{
|
|
"type": "TEXT",
|
|
"value": "Дѣ́лы просїѧ́въ правовѣ́рїѧ, всѐ ᲂу҆гаси́лъ є҆сѝ ѕлосла́вїе, побѣди́тель бы́въ непребо́ренъ, є҆ѵⷢ҇лїе всѣ̑мъ проповѣ́далъ є҆сѝ, цр҃кви всѧ̑ бога́тнѡ ᲂу҆краси́лъ є҆сѝ, матѳе́е а҆пⷭ҇ле: хрⷭ҇тꙋ̀ бг҃ꙋ моли́сѧ, дарова́ти на́мъ ве́лїю ми́лость. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бжⷭ҇твеннагѡ є҆стества̀ не ѿлꙋ́чсѧ, пло́ть бы́въ во чре́вѣ твое́мъ: но бг҃ъ вочл҃вѣ́чсѧ и҆ пребы́сть, и҆́же по ржⷭ҇твѣ̀ мт҃рь тѧ̀ дв҃ꙋ, ꙗ҆́кѡ пре́жде ржⷭ҇тва̀, сохрани́въ всенепоро́чнꙋ, є҆ди́нъ гдⷭ҇ь: того̀ прилѣ́жнѡ молѝ, дарова́ти на́мъ ве́лїю ми́лость."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости и҆ сло́ва:"
|
|
},
|
|
{
|
|
"type": "TEXT",
|
|
"value": "Во всѧ̑ концы̀ протечѐ мꙋ́дрыхъ твои́хъ глагѡ́лъ, ꙗ҆́кѡ вои́стиннꙋ вѣща́нїе, всехва́льне гдⷭ҇ень а҆пⷭ҇ле, бг҃овидѣ́нїе. Всѣ̑мъ ꙗ҆́снѡ проповѣ́да, и҆ ꙗ҆зы̑къ неразꙋ́мїе въ ра́зꙋмъ приведѐ. Тѣ́мъ і҆́дѡльское ѡ҆мраче́нїе ѿгна́въ, свѣ́тъ ра́зꙋма во тмѣ̀ сꙋ́щымъ возсїѧ̀, матѳе́е всехва́льне, молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти чтꙋ́щымъ любо́вїю свѧтꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ дв҃ꙋ и҆ є҆ди́нꙋ въ жена́хъ, тѧ̀ безъ сѣ́мене ро́ждшꙋю бг҃а пло́тїю, всѝ ᲂу҆блажа́емъ ро́ди человѣ́честїи: ѻ҆́гнь бо всели́сѧ въ тѧ̀ бж҃ества̀, и҆ ꙗ҆́кѡ млⷣнца млеко́мъ пита́еши зижди́телѧ и҆ гдⷭ҇а. Тѣ́мъ а҆́гг҃льскїй и҆ человѣ́ческїй ро́дъ, досто́йнѡ сла́вимъ прест҃о́е ржⷭ҇тво̀ твоѐ, и҆ согла́снѡ вопїе́мъ тѝ: молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти покланѧ́ющымсѧ вѣ́рою прест҃о́мꙋ ржⷭ҇твꙋ̀ твоемꙋ̀."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Во всю̀ зе́млю:"
|
|
},
|
|
{
|
|
"type": "TEXT",
|
|
"value": "Сті́хъ: Нб҃са̀ повѣ́даютъ:"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе і҆ѡа́нна, зача́ло ѯ҃з."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Воспле́щемъ въ пѣ́снехъ дне́сь, вѣ́рнїи, въ па́мѧти честна́гѡ а҆пⷭ҇ла и҆ є҆ѵⷢ҇лі́ста матѳе́а: то́й бо пове́ргъ и҆́го, и҆ зла́то мыта́рства, послѣ́дова хрⷭ҇тꙋ̀, и҆ проповѣ́дникъ є҆ѵⷢ҇лїа бжⷭ҇твеннагѡ бы́сть: ѿню́дꙋже и҆зы́де прⷪ҇ро́чески вѣща́нїе є҆гѡ̀ во вселе́ннꙋю, и҆ мо́литъ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Канѡ́нъ бцⷣы, со і҆рмосо́мъ на ѕ҃: И҆ а҆пⷭ҇ла на и҃. Ѳеофа́ново. Гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿве́рзꙋ ᲂу҆ста̀ моѧ̑, и҆ напо́лнѧтсѧ дх҃а, и҆ сло́во ѿры́гнꙋ цр҃и́цѣ мт҃ри, и҆ ꙗ҆влю́сѧ свѣ́тлѡ торжествꙋ́ѧ, и҆ воспою̀ ра́дꙋѧсѧ тоѧ̀ чꙋдеса̀."
|
|
},
|
|
{
|
|
"type": "TEXT",
|
|
"value": "Бога́тнѡ пода́ждь мѝ все́льшꙋюсѧ въ тѧ̀ бл҃года́ть, матѳе́е всесла́вне, и҆ слꙋго̀ хрⷭ҇то́въ: да вопїю̀ свѣ́тлѡ проповѣ́даѧ, и҆ воспою̀ ра́дꙋѧсѧ твоѧ̑ чꙋдеса̀."
|
|
},
|
|
{
|
|
"type": "TEXT",
|
|
"value": "Весьма̀ ѡ҆ста́вилъ є҆сѝ земны́хъ смꙋще́нїе: сло́ва бо, ꙗ҆́кѡ ᲂу҆слы́шавъ вопло́щшагѡсѧ гла́съ, и҆ бл҃года́ти ꙗ҆ви́лсѧ є҆сѝ строи́тель, и҆ проповѣ́датель бг҃опрїѧ́тенъ, бг҃облаже́нне."
|
|
},
|
|
{
|
|
"type": "TEXT",
|
|
"value": "Самови́децъ бы́въ и҆ слꙋга̀ возсїѧ́вшагѡ сло́ва, а҆пⷭ҇ле, превѣ́чнагѡ ѻ҆ц҃а̀, и҆ проте́клъ є҆сѝ, тогѡ̀ прише́ствїе бл҃говѣствꙋ́ѧ всѣ̑мъ ꙗ҆зы́кѡмъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сме́рти потребле́нїе и҆ тлѝ разрꙋше́нїе, жи́зни же ꙗ҆вле́нїе, благовѣсти́лъ є҆сѝ, мꙋ́дре: дв҃а бо во ᲂу҆тро́бѣ заче́нши непости́жнаго, и҆ мі́ръ ѡ҆бновѝ."
|
|
},
|
|
{
|
|
"type": "TEXT",
|
|
"value": "Катава́сїа: Ѿве́рзꙋ ᲂу҆ста̀ моѧ̑:"
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Твоѧ̑ пѣсносло́вцы, бцⷣе, живы́й и҆ незави́стный и҆сто́чниче, ли́къ себѣ̀ совокꙋ́пльшыѧ, дꙋхо́внѡ ᲂу҆твердѝ, въ бж҃е́ственнѣй твое́й сла́вѣ вѣнцє́въ, сла́вы сподо́би."
|
|
},
|
|
{
|
|
"type": "TEXT",
|
|
"value": "Твоѧ̑ а҆пⷭ҇лы, сло́ве бж҃їй, свѣти́льники показа́лъ є҆сѝ жи́зни, мра́къ ѿгонѧ́щыѧ безбо́жїѧ, влⷣко, и҆ бжⷭ҇твенною твое́ю сла́вою мі́ръ ве́сь просвѣща́ющыѧ."
|
|
},
|
|
{
|
|
"type": "TEXT",
|
|
"value": "Твои́мъ воѡрꙋжи́въ всеѻрꙋ́жїемъ матѳе́а хра́брѣйшаго, сп҃се, мꙋчи́телей крѣпча́йша сего̀ содѣ́ѧлъ є҆сѝ, влⷣко, и҆ потреби́телѧ показа́лъ є҆сѝ і҆́дѡльскїѧ ле́сти, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Ѧ҆зы́ка твоегѡ̀ ѻ҆́гненнагѡ вѣща́нїе де́мѡнскаѧ пожжѐ ка̑пища, матѳе́е бг҃одохнове́нне, паракли́товъ ѻ҆рга́не, чрезъ є҆гѡ́же хрⷭ҇то́съ проповѣ́даетсѧ, всѣ́хъ жи́знь ѵ҆поста́снаѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Трꙋба̀ бг҃осло́внаѧ, вѣща́ющаѧ крѣ́пкѡ, просвѣтѝ лю́ди, матѳе́а бг҃омꙋ́драгѡ, трⷪ҇цы сїѧ́нїе, па́че ᲂу҆ма́ же воплоще́нїе сло́ва, и҆зъ тебє̀, пречⷭ҇таѧ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Во всѧ̑ концы̀ протечѐ мꙋ́дрыхъ твои́хъ глагѡ́лъ ꙗ҆́кѡ вои́стиннꙋ вѣща́нїе, всехва́льне гдⷭ҇ень а҆пⷭ҇ле, бг҃овидѣ́нїе всѣ̑мъ ꙗ҆́снѡ проповѣ́далъ є҆сѝ, и҆ ꙗ҆зы́кѡвъ неразꙋ́мїе, въ ра́зꙋмъ приве́лъ є҆сѝ. Тѣ́мже і҆́дѡльское ѡ҆мраче́нїе ѿгна́въ, свѣ́тъ зна́нїѧ во тмѣ̀ сꙋ́щымъ возсїѧ́лъ є҆сѝ, матѳе́е всехва́льне, молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти чтꙋ́щымъ любо́вїю свѧтꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, подо́бенъ то́йже:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ свѣти́льника свѣ́та и҆ ᲂу҆ч҃ника̀, ꙗ҆́кѡ самови́дца сло́ва бжⷭ҇твеннагѡ, всѝ хва́лимъ тѧ̀, гдⷭ҇ень а҆пⷭ҇ле: и҆́бо благода̑тныѧ твоѧ̑ мрє́жи простира́ѧ, словє́сныѧ ры̑бы ᲂу҆ловлѧ́еши повелѣ́нїемъ. Тѣ́мже и҆ ꙗ҆зы́цы ᲂу҆ловлѧ́хꙋсѧ си́лою дх҃а, наставлѧ́еми вѣ́рою, неботаи́нниче всехва́льне: молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти чтꙋ́щымъ любо́вїю свѧтꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ всенепоро́чнаѧ невѣ́сто творца̀, ꙗ҆́кѡ неискꙋсомꙋ́жнаѧ мт҃и и҆зба́вителѧ, прїѧ́телище ꙗ҆́кѡ сꙋ́щи ᲂу҆тѣ́шителѧ, препѣ́таѧ, беззако́нїю мѧ̀ сꙋ́ща скве́рное ѻ҆би́телище, и҆ де́мѡнѡмъ и҆гра́лище въ ра́зꙋмѣ бы́вша, потщи́сѧ ѿ тѣ́хъ ѕлодѣ́йства мѧ̀ и҆зба́вити: и҆ свѣ́тлое жили́ще добродѣ́телей совершѝ, свѣтоно́снаѧ, нетлѣ́ннаѧ: ѿженѝ ѻ҆́блакъ страсте́й, и҆ вы́шнѧгѡ прича́стїѧ сподо́би, и҆ свѣ́та невече́рнѧгѡ, моли́твами твои́ми."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Неизслѣ́дный бж҃їй совѣ́тъ, є҆́же ѿ дв҃ы воплоще́нїѧ тебє̀ вы́шнѧгѡ, прⷪ҇ро́къ а҆ввакꙋ́мъ ᲂу҆смотрѧ́ѧ, зовѧ́ше: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Ѵ҆поста́сномꙋ твоемꙋ̀ сло́вꙋ, бж҃е, наꙋче́нъ, мїрскꙋ́ю мꙋ́дрость разрꙋшѝ бг҃ови́децъ ᲂу҆ч҃ни́къ, велегла́снѡ зовѧ̀ тебѣ̀: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Оу҆блаже́нномꙋ ѿ хрⷭ҇та̀, ко́е благохвале́нїе принесе́мъ тебѣ̀, бг҃оглаго́ливе; не мо́жетъ бо человѣ́къ цвѣтѧ́щїѧ на тебѣ̀ благода́ти сло́вомъ и҆зрещѝ, досточꙋ́дне."
|
|
},
|
|
{
|
|
"type": "TEXT",
|
|
"value": "Нескве́рный тво́й и҆ чи́стый ᲂу҆́мъ ви́дѣвъ высоча́йшїй, ꙗ҆́коже свѣщꙋ̀ на свѣ́щникъ высо́кїй, сꙋ́щымъ во тмѣ̀ свѣтѧ́щꙋю, всѣ̑мъ, бг҃оѧвле́нне, предложѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆мерщвле́нное є҆стество̀ человѣ́ческое, бл҃гослове́ннаѧ, возвы́сила є҆сѝ, ꙗ҆́кѡ высоча́йшагѡ ро́ждшаѧ крѣ́пость, па́че є҆стества̀, всепѣ́таѧ ѻ҆трокови́це, ꙗ҆́коже матѳе́й наꙋчѝ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасо́шасѧ всѧ́чєскаѧ ѡ҆ бжⷭ҇твеннѣй сла́вѣ твое́й: ты́ бо, неискꙋсобра́чнаѧ дв҃о, и҆мѣ́ла є҆сѝ во ᲂу҆тро́бѣ надъ всѣ́ми бг҃а, и҆ родила̀ є҆сѝ безлѣ́тнаго сн҃а, всѣ̑мъ воспѣва́ющымъ тѧ̀ ми́ръ подава́ющаѧ."
|
|
},
|
|
{
|
|
"type": "TEXT",
|
|
"value": "Благода́ть прїе́мъ всест҃а́гѡ дх҃а, бжⷭ҇твенное ѻ҆би́телище показа́лсѧ є҆сѝ: бжⷭ҇твеннѡ наꙋчи́въ бг҃озна́нїѧ свѣ́тꙋ, ввѣ́ренъ бы́въ догма́ты хрⷭ҇тѡ́вы письмє́ны и҆зложи́ти, ꙗ҆́кѡ самови́децъ бг҃оизбра́нный."
|
|
},
|
|
{
|
|
"type": "TEXT",
|
|
"value": "Ѧ҆зы́къ тво́й тро́сть паракли́та бы́сть, ско́рое и҆збавле́нїе даю́щагѡ позна́вшымъ влⷣчество є҆гѡ̀, и҆ мꙋ́дрыхъ вды́шꙋщагѡ дꙋша́мъ ра́зꙋмъ нбⷭ҇ный, ѽ матѳе́е всече́стне."
|
|
},
|
|
{
|
|
"type": "TEXT",
|
|
"value": "Сїѧ́юща чꙋдєсы̀ и҆ и҆сцѣле́нїй благода́тьми, тѧ̀ хрⷭ҇то́съ посла̀ мі́рꙋ, де́мѡнскꙋю попира́юща крѣ́пость, и҆ дꙋ́шы просвѣща́юща вѣ́рныхъ, всѣ́хъ пою́щихъ тѧ̀, ми́ра проповѣ́дника."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Дв҃а родила̀ є҆сѝ сн҃а превѣ́чнаго, въ є҆стество̀ ѡ҆бле́кшасѧ человѣ́ческое, ꙗ҆́коже наꙋча́ѧ бг҃оглаго́ливый речѐ, и҆ спа́сшаго сїѐ ѿ тлѝ коне́чною благосты́нею, и҆ дв҃а пребыла̀ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Прїидо́хъ во глꙋбины̀ морскі̑ѧ, и҆ потопи́ла мѧ̀ є҆́сть бꙋ́рѧ мно́гихъ грѣхѡ́въ: но, ꙗ҆́кѡ бг҃ъ, и҆зъ глꙋбины̀ возведѝ живо́тъ мо́й, многоми́лостиве."
|
|
},
|
|
{
|
|
"type": "TEXT",
|
|
"value": "Є҆ѵⷢ҇лі́стъ ѿ мы́тарства, ꙗ҆́кѡ послѣ́дова тебѣ̀, претвори́сѧ бг҃оглаго́ливый, всеси́льною твое́ю, вседѣ́телю, крѣ́постїю, матѳе́й всеизрѧ́днѣйшїй."
|
|
},
|
|
{
|
|
"type": "TEXT",
|
|
"value": "Оу҆правлѧ́етсѧ твоегѡ̀ благовѣ́стїѧ дꙋшепита́тельными словєсы̀ ꙗ҆зы́кѡвъ мно́жество, возвыша́емо къ добродѣ́телей высо́комꙋ верхꙋ̀, ѽ матѳе́е всеблаже́нне."
|
|
},
|
|
{
|
|
"type": "TEXT",
|
|
"value": "Матѳе́а ᲂу҆ловлѧ́ютсѧ бг҃оплете́нными ᲂу҆ч҃ника̀ мре́жами собо́ры вѣ́рꙋющихъ всегда̀, къ твоемꙋ̀ позна́нїю, бл҃годѣ́телю, наставлѧ́еми."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Дв҃ꙋ ро́ждшꙋю восписꙋ́ѧ, благовѣствꙋ́етъ тѧ̀ всѧ́чєскаѧ сотво́ршаго, безъ сѣ́мене и҆ тлѝ, всенепоро́чнаѧ, матѳе́й всеизѧ́щнѣйшїй."
|
|
},
|
|
{
|
|
"type": "HEADER",
|
|
"value": "Конда́къ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Вознесы́йсѧ:"
|
|
},
|
|
{
|
|
"type": "TEXT",
|
|
"value": "Мыта́рства и҆́го ѿве́ргъ, пра́вды и҆́гꙋ припрѧ́глсѧ є҆сѝ, и҆ ꙗ҆ви́лсѧ є҆сѝ кꙋпе́цъ всеизрѧ́днѣйшїй, бога́тство прине́съ, ю҆́же съ высоты̀ премꙋ́дрость. Ѿѻнꙋ́дꙋже проповѣ́далъ є҆сѝ и҆́стины сло́во, и҆ ᲂу҆ны́лыхъ воздви́глъ є҆сѝ дꙋ́шы, написа́въ ча́съ сꙋ́дный."
|
|
},
|
|
{
|
|
"type": "TEXT",
|
|
"value": "І҆́косъ: Вра́жїе мꙋчи́тельство нꙋ́дитъ мѧ̀ несы́тнѡ, и҆ дꙋшѝ моеѧ̀ всѐ сѣ́мѧ восхища́етъ, матѳе́е, дрꙋ́же хрⷭ҇то́въ, но са́мъ сѣ́мѧ моли́твъ твои́хъ да́въ, ᲂу҆плодѝ къ твоемꙋ̀ слꙋже́нїю и҆ покажи́ мѧ пѣснопѣ́вца твоего̀ малѣ́йшаго, и҆ сказа́телѧ мно́гихъ твои́хъ и҆ вели́кихъ и҆справле́нїй: и҆ ко хрⷭ҇то́вѣ любвѝ, ка́кѡ, всѧ̑ а҆́бїе ѡ҆ста́вивъ, послѣ́довалъ є҆сѝ те́плѣ зва́вшемꙋ, пе́рвый бы́въ благовѣ́стникъ въ мі́рѣ, написа́въ ча́съ сꙋ́дный."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Не послꙋжи́ша тва́ри бг҃омꙋ́дрїи па́че созда́вшагѡ, но ѻ҆́гненное преще́нїе мꙋ́жески попра́вше, ра́довахꙋсѧ пою́ще: препѣ́тый ѻ҆ц҃є́въ гдⷭ҇ь и҆ бг҃ъ, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Бы́лъ є҆сѝ пе́рвагѡ ѡ҆сїѧ́нїѧ бжⷭ҇твенное и҆з̾ѡбраже́нїе, ꙗ҆́кѡ ᲂу҆чени́къ тогѡ̀ свѣтлостьмѝ распалѧ́емь, є҆мꙋ́же поѧ̀ глаго́лалъ є҆сѝ: препѣ́тый ѻ҆тцє́въ гдⷭ҇ь и҆ бг҃ъ, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ слꙋга̀ сло́ва, всеблаже́нне, въ бжⷭ҇твєнныѧ ѻ҆би́тєли, и҆дѣ́же хрⷭ҇то́съ ѡ҆бита́етъ, ты̀ всели́лсѧ є҆сѝ, ꙗ҆́коже тебѣ̀ ѻ҆бѣща̀ пребжⷭ҇твенный ѻ҆тцє́въ гдⷭ҇ь и҆ бг҃ъ є҆ди́нъ всѣ́хъ."
|
|
},
|
|
{
|
|
"type": "TEXT",
|
|
"value": "Недꙋ́зи, матѳе́е, ѿго́нѧтсѧ и҆ ѿбѣга́етъ мно́жество де́мѡнѡвъ, сꙋ́щими въ тебѣ̀ дарова́ньми бжⷭ҇твеннагѡ дх҃а, въ ни́хже пѣ́лъ є҆сѝ: препѣ́тый ѻ҆тцє́въ, гдⷭ҇ь и҆ бг҃ъ, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Всепѣ́тꙋю дв҃ꙋ написа́лъ є҆сѝ бжⷭ҇твенными твои́ми словєсы̀, творца̀ всѣ́хъ ро́ждшꙋю, а҆пⷭ҇ле, є҆мꙋ́же всѝ пое́мъ: препѣ́тый ѻ҆тцє́въ гдⷭ҇ь и҆ бг҃ъ, бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́троки благочести̑выѧ въ пещѝ ржⷭ҇тво̀ бг҃оро́дичо спасло̀ є҆́сть, тогда̀ ᲂу҆́бѡ ѡ҆бразꙋ́емое, ны́нѣ же дѣ́йствꙋемое, вселе́ннꙋю всю̀ воздвиза́етъ пѣ́ти тебѣ̀: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Манове́ньми, ꙗ҆̀же въ тебѣ̀, неѡсла́бными, матѳе́й свѧще́ннѣйшїй ѡ҆божа́емь, положе́нїемъ же бы́въ, є҆стество́мъ є҆́же бы́лъ є҆сѝ, вселе́ннꙋю, влⷣко, привлечѐ, пѣ́ти тебѣ̀: гдⷭ҇а по́йте дѣла̀ и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ꙗ҆́коже мо́лнїю вселе́ннѣй, сло́во бг҃осло́ва посла̀, мра́къ ᲂу҆́бѡ ѿгонѧ́ща, ꙗ҆зы́ки же просвѣща́юща бг҃осло́вїѧ догма̑ты. Тѣ́мже и҆ поѧ́ше: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Сло́вомъ чи́стымъ и҆ ᲂу҆мо́мъ бг҃ъ съ тобо́ю бесѣ́довалъ є҆́сть: ти́нꙋ бо ꙗ҆́кѡ и҆зсѣ́клъ є҆сѝ, томꙋ̀ прибли́жилсѧ є҆сѝ и҆ премѣси́лсѧ є҆сѝ, сла́вне. Тѣ́мже и҆ пое́ши: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: На благодѣѧ́нїе человѣ́кѡвъ сло́во воплоти́тисѧ и҆зво́ли: две́рь бо дѣ́вства про́йде гдⷭ҇ь, и҆ бцⷣꙋ показа̀. Тѣ́мже зове́мъ: гдⷭ҇а по́йте дѣла̀, и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Всѧ́къ земноро́дный да взыгра́етсѧ, дх҃омъ просвѣща́емь, да торжествꙋ́етъ же безпло́тныхъ ᲂу҆мѡ́въ є҆стество̀, почита́ющее свѧще́нное торжество̀ бг҃ома́тере, и҆ да вопїе́тъ. Ра́дꙋйсѧ, всебл҃же́ннаѧ бцⷣе, чⷭ҇таѧ приснодв҃о."
|
|
},
|
|
{
|
|
"type": "TEXT",
|
|
"value": "Добро́ты ᲂу҆́мныѧ прїѧ́лъ є҆сѝ дїади́мꙋ бжⷭ҇твеннꙋю а҆пⷭ҇ле, и҆ црⷭ҇твїѧ же благолѣ́пнѣйшимъ вѣнце́мъ ᲂу҆краси́лсѧ є҆сѝ, десни́цею вседержи́телевою, и҆ свѣ́тишисѧ, мꙋ́дре, со а҆́гг҃лы престо́лꙋ предстоѧ̀ влⷣки хрⷭ҇та̀, всеблаже́нне."
|
|
},
|
|
{
|
|
"type": "TEXT",
|
|
"value": "Дре́ва жи́зни досто́йнѡ полꙋчи́лъ є҆сѝ, проповѣ́дникъ жива́гѡ бг҃а, благовѣствова́въ жи́знь мі́рꙋ бжⷭ҇твенное посѣще́нїе: са́домъ бо зна́нїѧ не растли́лъ є҆сѝ ᲂу҆́мъ, пребы́въ незы́бленъ и҆ неколе́бленъ цр҃кве степе́нь, всебл҃же́нне."
|
|
},
|
|
{
|
|
"type": "TEXT",
|
|
"value": "Невѣ́стꙋ хрⷭ҇то́вꙋ бжⷭ҇твеннѡ ᲂу҆краси́лъ є҆сѝ є҆ѵⷢ҇лїемъ твои́мъ, ꙗ҆́кѡ дїади́мою, цр҃ковь, бг҃облаже́нне, и҆ ны́нѣ бжⷭ҇твеннꙋю твою̀ па́мѧть торжествꙋ́етъ свѣ́тлѡ, ю҆́же и҆зба́вити всѧ́кагѡ ѡ҆бстоѧ́нїѧ и҆ бѣ́дъ лю́тыхъ, молѝ матѳе́е а҆пⷭ҇ле."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Нѣ́дръ не ѿстꙋпи́въ безнача́льнагѡ роди́телѧ сло́во безнача́льное, ꙗ҆́коже благовѣствꙋ́етъ матѳе́й, пишѧ̀, бг҃ъ воплоти́сѧ и҆зъ тебє̀, чⷭ҇таѧ всепѣ́таѧ, въ человѣ́чь ѻ҆́бразъ всеѻбра́знѡ ве́сь ѡ҆дѣ́ѧвсѧ, и҆ тогѡ̀ прїе́мъ свѡ́йства."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Посѣти́лъ ны̀ є҆́сть."
|
|
},
|
|
{
|
|
"type": "TEXT",
|
|
"value": "Сказа̀ на́мъ бжⷭ҇твєннаѧ чꙋдодѣѧ̑нїѧ, сла́вный хрⷭ҇то́ва є҆ѵⷢ҇лїа списа́тель, матѳе́й бг҃опрїѧ́тный: є҆го́же, любо́вїю чтꙋ́ще, благосочета́ннѡ воспои́мъ."
|
|
},
|
|
{
|
|
"type": "HEADER",
|
|
"value": "Сла́ва, и҆́нъ:"
|
|
},
|
|
{
|
|
"type": "TEXT",
|
|
"value": "Мыта́рства и҆́го ѿве́ргъ разꙋ́мнѡ, хрⷭ҇тꙋ̀ послѣ́довалъ є҆сѝ, ѽ матѳе́е бг҃омꙋ́дре! Слѣдѡ́мъ же тогѡ̀ чꙋ́днѡ послѣ́дꙋѧ, въ прича́стїи бы́лъ є҆сѝ тогѡ̀ црⷭ҇твїѧ, и҆ сла́вы ѻ҆́бщникъ, и҆ таи́нникъ неизрече́нныхъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Всест҃ы́ѧ рꙋ́ки твоѧ̑, бцⷣе дв҃о, и҆́миже зижди́телѧ носи́ла є҆сѝ, поднесѝ въ моли́твꙋ ѡ҆ на́съ къ немꙋ̀, ꙗ҆́кѡ да и҆зба́витъ ны̀ всѧ́кихъ и҆скꙋше́нїй дїа́вольскихъ, и҆ полꙋчи́ти бꙋ́дꙋщихъ ѻ҆́ныхъ бла̑гъ сподо́битъ, всепѣ́таѧ."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, на д҃, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Да́лъ є҆сѝ зна́менїе:"
|
|
},
|
|
{
|
|
"type": "TEXT",
|
|
"value": "Просїѧ́лъ є҆сѝ, а҆пⷭ҇ле, свѣтови́денъ, ꙗ҆́коже со́лнце, лꙋча́ми дх҃а: и҆ всю̀ ѡ҆зари́лъ є҆сѝ вселе́ннꙋю, блаже́нне, бг҃озна́нїемъ: и҆ ѿгна́лъ є҆сѝ мглꙋ̀ многобо́жїѧ, матѳе́е всемꙋ́дре. Тѣ́мже твоѐ пресвѣ́тлое и҆ досточꙋ́дное дне́сь соверша́емъ торжество̀, ꙗ҆́кѡ и҆сто́чникъ свѧще́нїѧ. Два́жды."
|
|
},
|
|
{
|
|
"type": "TEXT",
|
|
"value": "На высотѣ̀ сѣдѧ̀ бг҃озна́нїѧ, а҆пⷭ҇ле, прїѧ́лъ є҆сѝ дх҃а зарю̀, ꙗ҆ви́вшꙋюсѧ тебѣ̀ въ ви́дѣ и҆ ѧ҆зы́цѣ ѻ҆́гненнѣмъ: всю̀ попали́лъ є҆сѝ ꙗ҆́вѣ нече́стїѧ ве́щь многобо́жнꙋю. Тѣ́мъ тѧ̀, ꙗ҆́кѡ а҆пⷭ҇ла, и҆ бг҃оглаго́льника почита́емъ, свѧто́е твоѐ дне́сь соверша́юще торжество̀."
|
|
},
|
|
{
|
|
"type": "TEXT",
|
|
"value": "Возгремѣ́лъ є҆сѝ, всемꙋ́дре вселе́ннѣй ᲂу҆чє́нїѧ свѧщє́ннаѧ и҆ спаси́тєльнаѧ: и҆ всю̀ тва́рь ѿ і҆дѡлонеи́стовства ѡ҆чи́стилъ є҆сѝ, матѳе́е: и҆ просвѣти́лъ є҆сѝ лю́ди є҆ѵⷢ҇лїа свѣтлостьмѝ: і҆́дѡльскаѧ же ка̑пища разрꙋши́въ бл҃года́тїю, цр҃кви же въ сла́вꙋ бж҃їю созда́лъ є҆сѝ."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃."
|
|
},
|
|
{
|
|
"type": "TEXT",
|
|
"value": "Вѷзанті́ево: И҆́го ѡ҆ста́вивъ непра́вды, и҆ зла́то ѿве́ргъ лихои́мства, и҆́гꙋ пра́вды прите́клъ є҆сѝ, и҆ неистощи́мое бога́тство хища́еши, ꙗ҆́кѡ ᲂу҆моимꙋ́щїй кꙋпе́цъ, воз̾измѣни́въ привре́мєннаѧ на вѣ̑чнаѧ, и҆ погиба̑ющаѧ на пребыва̑ющаѧ, бг҃осїѧ́нный бо и҆ многоцѣ́нный би́серъ стѧжа́въ, ке́сарєва ке́сарю, до́лꙋ влекꙋ̑щаѧ разꙋ́мнѡ ѡ҆ста́вилъ є҆сѝ: и҆ всецр҃ю̀ ᲂу҆добопоко́рнѣ послѣ́довавъ хрⷭ҇тꙋ̀, всю̀ тва́рь ѡ҆богати́лъ є҆сѝ є҆ѵⷢ҇льскими бг҃оглаго́ланьми, мꙋ́дре: но и҆спросѝ и҆ ны́нѣ, матѳе́е преизрѧ́днѣйше, тѧ̀ чтꙋ́щымъ спасе́нїе и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Спасѝ ѿ бѣ́дъ рабы̑ твоѧ̑, бцⷣе дв҃о, ꙗ҆́кѡ всѝ по бз҃ѣ къ тебѣ̀ прибѣга́емъ, ꙗ҆́кѡ къ нерꙋши́мѣй стѣнѣ̀ и҆ предста́тельствꙋ."
|
|
},
|
|
{
|
|
"type": "HEADER",
|
|
"value": "Та́же славосло́вїе вели́кое, и҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и: Бл҃жє́нна а҆пⷭ҇ла, ѿ канѡ́на, пѣ́снь г҃-ѧ и҆ ѕ҃-ѧ."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ и҃:"
|
|
},
|
|
{
|
|
"type": "TEXT",
|
|
"value": "Во всю̀ зе́млю и҆зы́де вѣща́нїе и҆́хъ, и҆ въ концы̀ вселе́нныѧ глаго́лы и҆́хъ."
|
|
},
|
|
{
|
|
"type": "TEXT",
|
|
"value": "Сті́хъ: Нб҃са̀ повѣ́даютъ сла́вꙋ бж҃їю."
|
|
},
|
|
{
|
|
"type": "HEADER",
|
|
"value": "А҆пⷭ҇лъ, къ корі́нѳѧнѡмъ, зача́ло, рл҃а."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ а҃: И҆сповѣ́дѧтъ нб҃са̀ чꙋдеса̀ твоѧ̑, гдⷭ҇и:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе, матѳе́а, зача́ло л҃."
|
|
},
|
|
{
|
|
"type": "TEXT",
|
|
"value": "Прича́стенъ: Во всю̀ зе́млю и҆зы́де вѣща́нїе и҆́хъ, и҆ въ концы̀ вселе́нныѧ глаго́лы и҆́хъ."
|
|
}
|
|
] |