730 lines
57 KiB
JSON
730 lines
57 KiB
JSON
[
|
|
{
|
|
"type": "HEADER",
|
|
"value": "Ное́мврїа к҃в"
|
|
},
|
|
{
|
|
"type": "HEADER",
|
|
"value": "Ст҃а́гѡ благовѣ́рнагѡ вели́кагѡ кнѧ́зѧ мїхаи́ла ꙗ҆росла́вича тферска́гѡ."
|
|
},
|
|
{
|
|
"type": "HEADER",
|
|
"value": "На вели́цѣй вече́рни. Блаже́нъ мꙋ́жъ."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Кі́ими похва́льными вѣнцы̀:"
|
|
},
|
|
{
|
|
"type": "TEXT",
|
|
"value": "Кі́ими похва́льными вѣнцы̑ ᲂу҆вѧзе́мъ честнꙋ́ю главꙋ̀ твою̀, и҆ всечⷭ҇тно́е тѣ́ло твоѐ и҆ бг҃оизбра́нное, прїи́мша заколе́нїе непра́ведное, въ чистотѣ̀ воспита́нное житїѐ, и҆ цѣломꙋ́дрое и҆зво́лилъ є҆сѝ, нетлѣ́ннагѡ житїѧ̀ мꙋжеꙋ́мнымъ смы́сломъ вра́жїю держа́вꙋ разрꙋши́лъ є҆сѝ, и҆ бж҃їимъ посо́бїемъ, подаѧ̀ на́мъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Кі́ими пѣ́сненными похвала́ми соста́вимъ пра́здникъ чⷭ҇тенъ бг҃омꙋ́драгѡ мїхаи́ла, и҆́же хрⷭ҇та̀ ра́ди ѡ҆ста́ви тлѣ́ннꙋю сла́вꙋ земнꙋ́ю, и҆ сосꙋ́дъ че́стенъ ꙗ҆ви́сѧ ст҃а́гѡ дх҃а; ѕвѣзда̀ свѣтоно́снаѧ возсїѧ̀ въ рѡссі́и, ѡ҆зарѧ́ющаѧ всѧ̑ концы̀, и҆ ꙗ҆́кѡ же́ртва непоро́чна, принесе́сѧ хрⷭ҇тꙋ̀, є҆мꙋ́же прилѣ́жнѡ мо́литсѧ, дарова́ти на́мъ ми́ръ и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Кі́ими пѣ́нїѧ пѣ́сньми тебѐ, мїхаи́ле, возвели́чимъ; є҆го́же хрⷭ҇то́съ па́че є҆стества̀ возвели́чивъ, и҆ непобѣди́ма во бранѣ́хъ показа̀, свѣтоза́рное твоѐ лицѐ просвѣща́емо па́че со́лнца и҆ въ бж҃їю си́лꙋ ѡ҆болче́нъ, є҆гѡ́же ᲂу҆че́нїю послѣ́довалъ є҆сѝ, беззакѡ́ннымъ пло́ть твою̀ пре́далъ є҆сѝ, и҆ претерпѣ́лъ є҆сѝ лє́стныѧ гнѣ́вы, за любо́вь созда́вшагѡ тѧ̀."
|
|
},
|
|
{
|
|
"type": "HEADER",
|
|
"value": "А҆́ще нѣ́сть лїті́и. И҆́ны стїхи̑ры, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Ꙗ҆́кѡ вои́стиннꙋ бжⷭ҇твеннаѧ и҆ честна́ѧ возсїѧ́вши па́мѧть твоѧ̀ рѡссі́йскимъ страна́мъ дне́сь, сла́вный мїхаи́ле, ца́рскагѡ ко́рене ст҃а́ѧ ѻ҆́трасль, хрⷭ҇та̀ возлюби́въ, є҆гѡ́же ра́ди непра́ведное заколе́нїе претерпѣ́лъ є҆сѝ. Тѣ́мъ молѝ, бл҃же́нне, дарова́ти дꙋша́мъ на́шымъ ѡ҆чище́нїе согрѣше́нїй, ми́ръ и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Ра́дꙋютсѧ человѣ́цы ра́достїю дне́сь, и҆ да пое́тъ ликꙋ́ющи бжⷭ҇твенными пѣ́сньми цр҃ковь хрⷭ҇то́ва, хва́лѧщи блаже́ннаго кнѧ́зѧ же и҆ мч҃ника: хрⷭ҇та́ бо ра́ди, ꙗ҆́кѡ преходѧ́щее ца́рство земно́е возненави́дѣвша, гдⷭ҇а сп҃са ѿ дꙋшѝ возлюби́вша, и҆ непра́веднѡ ᲂу҆бі́йство претерпѣ́вша, ника́коже проти́вѧщасѧ закала́ющемꙋ, и҆ мо́литсѧ спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Въ нбⷭ҇ныѧ ѻ҆би́тєли ꙗ҆́кѡ на колесни́цѣ возше́лъ є҆сѝ, твое́ю кро́вїю ѡ҆червлени́въ ѡ҆дѣѧ́нїе, ꙗ҆́кѡ а҆́гнецъ непра́веднѡ заколе́нїе прїѧ́лъ є҆сѝ ѿ врага̀ кавгады́ѧ, ѕлѣ̀ живо́тъ сво́й и҆спрове́ргшагѡ, соблюдѝ гра́дъ се́й и҆ цр҃ковь твою̀ ѿ вра́жїѧ нападе́нїѧ, благочестна́ѧ лѣ́торасле, блаже́нный мїхаи́ле, мꙋ́чениче пресловꙋ́щїй, те́плый застꙋ́пниче рѡссі́йскїѧ землѝ, и҆ всѣ̑мъ страна́мъ ᲂу҆твержде́нїе: но мо́лимъ тѧ̀, моли́сѧ, свѧ́те, безъ вре́да сохрани́ти ѻ҆те́чество твоѐ, и҆ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Возсїѧ̀ дне́сь, ꙗ҆́кѡ со́лнце, страстоте́рпца па́мѧть, вѣ̑рныѧ созыва́ющи на весе́лїе та́йнѡ. Хвала́ми, ꙗ҆́кѡ цвѣ̑ты кра́сными, вѣнцы̀ спле́тше златоза́рны, къ честнѣ́й є҆гѡ̀ главѣ̀ принесе́мъ, глаго́люще: ра́дꙋйсѧ, свѣ́тлаѧ ѕвѣздо̀ мы́сленныѧ тве́рди, и҆ те́плый застꙋ́пниче гра́дꙋ на́шемꙋ: ра́дꙋйсѧ, поспѣ́шниче сꙋ́щымъ въ бѣда́хъ, и҆ тве́рдое ѡ҆гражде́нїе къ тебѣ̀ притека́ющымъ: ра́дꙋйсѧ, побѣ́ды соверши́въ по́двигъ и҆ вѣне́цъ прїи́мъ ѿ хрⷭ҇та̀ бг҃а. Є҆го́же молѝ прилѣ́жнѡ, пребл҃же́нне мїхаи́ле, наро́дꙋ на́шемꙋ ми́ръ и҆ здра́вїе пода́ти, и҆ на проти̑вныѧ побѣ́дꙋ, и҆ гра́дъ тво́й невреди́мь сохрани́ти моли́твами твои́ми, и҆ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Дне́сь собо́ры вѣ́рныхъ соше́дшесѧ:"
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. И҆ чтє́нїѧ."
|
|
},
|
|
{
|
|
"type": "HEADER",
|
|
"value": "Прⷪ҇ро́чества и҆са́їина чте́нїе. (Глава̀ м҃г.)"
|
|
},
|
|
{
|
|
"type": "TEXT",
|
|
"value": "Та́кѡ гл҃го́летъ гдⷭ҇ь: всѝ ꙗ҆зы́цы собра́шасѧ вкꙋ́пѣ, и҆ соберꙋ́тсѧ кнѧ́зи ѿ ни́хъ: кто̀ возвѣсти́тъ сїѧ̑ въ ни́хъ; и҆лѝ ꙗ҆̀же ѿ нача́ла, кто̀ слы̑шана сотвори́тъ ва́мъ; да приведꙋ́тъ свидѣ́тели своѧ̑ и҆ ѡ҆правдѧ́тсѧ, и҆ да ᲂу҆слы́шатъ, и҆ да рекꙋ́тъ и҆́стинꙋ. Бꙋ́дите мѝ свидѣ́тели, и҆ а҆́зъ свидѣ́тель, глаго́летъ гдⷭ҇ь бг҃ъ, и҆ ѻ҆́трокъ, є҆го́же и҆збра́хъ, да позна́ете и҆ вѣ́рꙋете мѝ, и҆ разꙋмѣ́ете, ꙗ҆́кѡ а҆́зъ є҆́смь: пре́жде менє̀ не бы́сть и҆́нъ бо́гъ и҆ по мнѣ̀ не бꙋ́детъ. А҆́зъ є҆́смь бг҃ъ, и҆ нѣ́сть ра́звѣ менє̀ спаса́ѧй. А҆́зъ возвѣсти́хъ и҆ спасо́хъ, ᲂу҆ничижи́хъ, и҆ не бѣ̀ въ ва́съ чꙋ́ждїй. Вы̀ мнѣ̀ свидѣ́тели, и҆ а҆́зъ гдⷭ҇ь бг҃ъ: и҆ є҆щѐ ѿ нача́ла а҆́зъ є҆́смь, и҆ нѣ́сть ѿ рꙋ́къ мои́хъ и҆збавлѧ́ѧй. Сотворю̀, и҆ кто̀ ѿврати́тъ то̀; Си́це гл҃го́летъ гдⷭ҇ь бг҃ъ, и҆збавлѧ́ѧй ва́съ ст҃ы́й і҆и҃левъ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ г҃.)"
|
|
},
|
|
{
|
|
"type": "TEXT",
|
|
"value": "Пра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѿ на́съ ше́ствїе, сокрꙋше́нїе, ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено, и҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ, ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ д҃.)"
|
|
},
|
|
{
|
|
"type": "TEXT",
|
|
"value": "Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости, житїѐ нескве́рное. Благоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ: лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ благода́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "А҆́ще настоѧ́тель и҆зво́литъ пѣ́ти лїті́ю, стїхи̑ры:"
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Ꙗ҆́кѡ вои́стиннꙋ бжⷭ҇твеннаѧ и҆ честна́ѧ возсїѧ́вши па́мѧть твоѧ̀ рѡссі́йскимъ страна́мъ дне́сь, сла́вный мїхаи́ле, ца́рскагѡ ко́рене ст҃а́ѧ ѻ҆́трасль, хрⷭ҇та̀ возлюби́въ, є҆гѡ́же ра́ди непра́ведное заколе́нїе претерпѣ́лъ є҆сѝ. Тѣ́мъ молѝ, бл҃же́нне, дарова́ти дꙋша́мъ на́шымъ ѡ҆чище́нїе согрѣше́нїй, ми́ръ и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Ра́дꙋютсѧ человѣ́цы ра́достїю дне́сь, и҆ да пое́тъ ликꙋ́ющи бжⷭ҇твенными пѣ́сньми цр҃ковь хрⷭ҇то́ва, хва́лѧщи блаже́ннаго кнѧ́зѧ же и҆ мч҃ника: хрⷭ҇та́ бо ра́ди, ꙗ҆́кѡ преходѧ́щее ца́рство земно́е возненави́дѣвша, гдⷭ҇а сп҃са ѿ дꙋшѝ возлюби́вша, и҆ непра́веднѡ ᲂу҆бі́йство претерпѣ́вша, ника́коже проти́вѧщасѧ закала́ющемꙋ, и҆ мо́литсѧ спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Въ нбⷭ҇ныѧ ѻ҆би́тєли ꙗ҆́кѡ на колесни́цѣ возше́лъ є҆сѝ, твое́ю кро́вїю ѡ҆червлени́въ ѡ҆дѣѧ́нїе, ꙗ҆́кѡ а҆́гнецъ непра́веднѡ заколе́нїе прїѧ́лъ є҆сѝ ѿ врага̀ кавгады́ѧ, ѕлѣ̀ живо́тъ сво́й и҆спрове́ргшагѡ, соблюдѝ гра́дъ се́й и҆ цр҃ковь твою̀ ѿ вра́жїѧ нападе́нїѧ, благочестна́ѧ лѣ́торасле, блаже́нный мїхаи́ле, мꙋ́чениче пресловꙋ́щїй, те́плый застꙋ́пниче рѡссі́йскїѧ землѝ, и҆ всѣ̑мъ страна́мъ ᲂу҆твержде́нїе: но мо́лимъ тѧ̀, моли́сѧ, свѧ́те, безъ вре́да сохрани́ти ѻ҆те́чество твоѐ, и҆ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ вои́стиннꙋ бжⷭ҇твеннаѧ и҆ честна́ѧ:"
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры пра́здника. Сла́ва, ст҃а́гѡ, гла́съ и҃:"
|
|
},
|
|
{
|
|
"type": "TEXT",
|
|
"value": "Прїиди́те, восхва́лимъ чꙋдотво́рца и҆ мч҃ника, зако́ннѡ пострада́вшаго, побѣ́ждшаго сопроти́внаго врага̀, ны́нѣ бо свѣ́тлѡ ᲂу҆кра́шенъ предстои́тъ хрⷭ҇тꙋ̀ ра́дꙋѧсѧ. Тѣ́мъ и҆ мы̀ пѣ́сньми па́мѧть є҆гѡ̀ ве́селѡ любо́вїю похва́лимъ, вопїю́ще: ра́дꙋйсѧ, вселе́нныѧ застꙋ́пниче, и҆ побори́телю на врагѝ: ра́дꙋйсѧ, врачꙋ̀ болѧ́щихъ, и҆ де́мѡнѡвъ прогони́телю: ра́дꙋйсѧ, чꙋ́дный мїхаи́ле, люби́мый хрⷭ҇тꙋ̀: за ны̀ молѝ ст҃ꙋ́ю трⷪ҇цꙋ, ᲂу҆мири́ти мі́ръ и҆ спастѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ и҃:"
|
|
},
|
|
{
|
|
"type": "TEXT",
|
|
"value": "По ржⷭ҇твѣ̀ твое́мъ:"
|
|
},
|
|
{
|
|
"type": "HEADER",
|
|
"value": "Тропа́рь, гла́съ и҃:"
|
|
},
|
|
{
|
|
"type": "TEXT",
|
|
"value": "Возвы́сивъ ᲂу҆́мъ тво́й къ бг҃ꙋ, и҆ житїѧ̀ со а҆́гг҃лы возжелѣ́лъ є҆сѝ, тлѣ́ннꙋю сла́вꙋ земнꙋ́ю ѡ҆ста́вилъ є҆сѝ, бл҃же́нне, и҆ положи́лъ є҆сѝ дꙋ́шꙋ твою̀ за лю́ди твоѧ̑, воспрїѧ́лъ є҆сѝ вѣне́цъ проти́вꙋ трꙋдѡ́въ твои́хъ, бг҃омꙋ́дре мїхаи́ле. Молѝ хрⷭ҇та̀ бг҃а, ѡ҆ чтꙋ́щихъ любо́вїю свѧтꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь, тропа́рь пра́здника, два́жды."
|
|
},
|
|
{
|
|
"type": "HEADER",
|
|
"value": "Сла́ва, ст҃а́гѡ: И҆ ны́нѣ, пра́здника. По пе́рвой и҆ по второ́й каѳі́смѣ, сѣда́льны пра́здника."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ ст҃а́гѡ, гла́съ д҃"
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆ви́лсѧ є҆сѝ дне́сь:"
|
|
},
|
|
{
|
|
"type": "TEXT",
|
|
"value": "Ꙗ҆ви́сѧ дне́сь застꙋпле́нїе гра́дꙋ твоемꙋ̀ и҆ лю́демъ, прест҃о́е тѣ́ло твоѐ честно́е: є҆́же прїи́мши цр҃ковь бж҃їѧ, весели́тъ сердца̀ пою́щихъ тѧ̀, мїхаи́ле. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Пречⷭ҇тыѧ рꙋ́ки твоѧ̑ дв҃омт҃и, просте́рши, покры́й ᲂу҆пова́ющыѧ на тѧ̀, и҆ сн҃ꙋ твоемꙋ̀ зовꙋ́щыѧ: всѣ̑мъ пода́ждь хрⷭ҇тѐ, ми́лѡсти твоѧ̑."
|
|
},
|
|
{
|
|
"type": "HEADER",
|
|
"value": "Та́же чте́мъ ѡ҆ ᲂу҆бїе́нїи є҆гѡ̀."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "TEXT",
|
|
"value": "Прокі́менъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе лꙋкѝ, зача́ло р҃ѕ."
|
|
},
|
|
{
|
|
"type": "HEADER",
|
|
"value": "Ѱало́мъ н҃."
|
|
},
|
|
{
|
|
"type": "HEADER",
|
|
"value": "Стїхи́ра самогла́сна, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Дне́сь вѣ́рныхъ собо́ри ли́къ дꙋхо́вный соста́вльше, въ па́мѧти ст҃а́гѡ мꙋ́ченика свѧтолѣ́пнѡ ликовствꙋ́емъ, дне́сь весе́лїемъ просла́вимъ гдⷭ҇а, просла́вльшаго бл҃же́ннаго мїхаи́ла, семꙋ̀ а҆́бїе ᲂу҆чꙋ́вствившесѧ, дне́сь кла́нѧющесѧ чꙋдото́чномꙋ є҆гѡ̀ гро́бꙋ, возопїи́мъ: ра́дꙋйсѧ, дрꙋ́же гдⷭ҇ень, попра́вый ѕмі́евꙋ главꙋ̀: ра́дꙋйсѧ, по ѻ҆бы́чаю невре́днѡ ѻ҆́бразъ сохрани́вый: ра́дꙋйсѧ, за хрⷭ҇то́вы за́пѡвѣди ᲂу҆бїе́нїе прїе́мый, є҆гѡ́же тѣ́ло по ᲂу҆бїе́нїи на мѣ́стѣ пꙋ́стѣ пове́ржено: мно́зи же вѣ́рнїи ви́дѣша ѿ негѡ̀ сто́лпъ ѻ҆́гненъ ѿ землѝ до нб҃сѐ: ра́дꙋйсѧ, цвѣ́те благово́нный, неꙋвѧда́емый рѡссі́йскїй. Не преста́й молѧ́сѧ хрⷭ҇тꙋ̀ поми́ловати и҆ спастѝ свѣтоно́снꙋю па́мѧть твою̀ пра́зднꙋющихъ."
|
|
},
|
|
{
|
|
"type": "HEADER",
|
|
"value": "Канѡ́нъ пра́здника со і҆рмосо́мъ на ѕ҃: И҆ ст҃а́гѡ два̀ канѡ́на на и҃."
|
|
},
|
|
{
|
|
"type": "HEADER",
|
|
"value": "Канѡ́нъ ст҃а́гѡ. Гла́съ и҃. Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пѣ́снь возсле́мъ, лю́дїе, чꙋ́дномꙋ бг҃ꙋ на́шемꙋ, свободи́вшемꙋ і҆и҃лѧ ѿ рабо́ты, пѣ́снь побѣ́днꙋю пою́ще и҆ вопїю́ще: пои́мъ тебѣ̀ є҆ди́номꙋ влⷣцѣ."
|
|
},
|
|
{
|
|
"type": "TEXT",
|
|
"value": "Въ по́мощь тебѐ, хрⷭ҇тѐ, призыва́ю, и҆ дерза́ю воспѣ́ти страстоте́рпца твоегѡ̀ па́мѧть, ᲂу҆стна́ми недосто́йными: влⷣко хрⷭ҇тѐ, ᲂу҆твердѝ помышле́нїе, на хвалосло́вїе твоегѡ̀ ᲂу҆го́дника."
|
|
},
|
|
{
|
|
"type": "TEXT",
|
|
"value": "Рѡссі́йское ᲂу҆добре́нїе, и҆ правовѣ́рномꙋ наро́дꙋ на́шемꙋ похвалꙋ̀ и҆ крѣ́пость, тво́й показа́въ доброꙋ́мный смы́слъ, бг҃омꙋ́дре мїхаи́ле, досточꙋ́дне."
|
|
},
|
|
{
|
|
"type": "TEXT",
|
|
"value": "Съ де́рзостїю просїѧ́лъ є҆сѝ хрⷭ҇то́во ᲂу҆че́нїе въ се́рдцы, є҆́же положи́ти дꙋ́шꙋ твою̀ за дрꙋ́ги твоѧ̑: ꙗ҆́коже хрⷭ҇то́съ за ны̀ кро́вь свою̀ пролїѧ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Застꙋ́пнице скорбѧ́щихъ, спасе́нїѧ наде́жда ненадѣ́ющихсѧ, бцⷣе всепѣ́таѧ, молѝ прилѣ́жнѡ и҆зба́витисѧ на́мъ ѿ бѣ́дъ."
|
|
},
|
|
{
|
|
"type": "HEADER",
|
|
"value": "Дрꙋгі́й канѡ́нъ ст҃а́гѡ: Гла́съ ѕ҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ꙗ҆́кѡ по сꙋ́хꙋ пѣшеше́ствовавъ і҆и҃ль, по бе́зднѣ стопа́ми, гони́телѧ фараѡ́на ви́дѧ потоплѧ́ема, бг҃ꙋ побѣ́днꙋю пѣ́снь пои́мъ, вопїѧ́ше."
|
|
},
|
|
{
|
|
"type": "TEXT",
|
|
"value": "Ꙗ҆́кѡ по зако́нꙋ ходи́въ, смире́ннꙋю мꙋ́дрость воспрїѧ́лъ є҆сѝ, вели́кїй страда́льче, со ст҃ы́ми трⷪ҇цѣ предстоѧ̀, моли́сѧ ѡ҆чище́нїе на́мъ дарова́ти, тебѐ похвалѧ́ющымъ."
|
|
},
|
|
{
|
|
"type": "TEXT",
|
|
"value": "Бжⷭ҇твенное бога́тство и҆сцѣле́нїй, и҆ мѵ́ро благово́нное и҆сточа́етъ хра́мъ тво́й, свѧ́те, въ не́мже пое́мъ хрⷭ҇та̀ бг҃а, просла́вльшаго тѧ̀."
|
|
},
|
|
{
|
|
"type": "TEXT",
|
|
"value": "Незаходи́мое сл҃нце въ себѣ̀ стѧжа́въ хрⷭ҇та̀ бг҃а на́шего, пресла́вный мїхаи́ле, ѡ҆свѧти́ ны, честнꙋ́ю па́мѧть твою̀ почита́ющыѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Краснꙋ̀ и҆ и҆збра́ннꙋ всечⷭ҇тꙋю разꙋмѣ́въ тѧ̀ сн҃ъ бж҃їй, всенепоро́чнаѧ, сн҃ъ тво́й бы́сть, сы́ны сотворѝ бл҃года́тїю бцⷣꙋ тѧ̀ чтꙋ́щыѧ."
|
|
},
|
|
{
|
|
"type": "TEXT",
|
|
"value": "Катава́сїа: Спасѐ лю́ди чꙋдодѣ́йствꙋѧй влⷣка:"
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆тверди́сѧ се́рдце моѐ во гдⷭ҇ѣ, вознесе́сѧ ро́гъ мо́й въ бз҃ѣ мое́мъ, разшири́шасѧ на врагѝ моѧ̑ ᲂу҆ста̀ моѧ̑, возвесели́хсѧ ѡ҆ спасе́нїи твое́мъ."
|
|
},
|
|
{
|
|
"type": "TEXT",
|
|
"value": "Ѻ҆би́телище бы́сть ст҃а́гѡ дх҃а твоѐ ст҃о́е се́рдце, и҆́мже не ᲂу҆боѧ́лсѧ є҆сѝ непра́веднагѡ царѧ̀ ꙗ҆́рости, страстоте́рпче мїхаи́ле."
|
|
},
|
|
{
|
|
"type": "TEXT",
|
|
"value": "Ѿ свѧтꙋ́ю бокꙋ̀ бг҃омꙋ́дрыѧ ѯе́нїи, блаже́нне, роди́лсѧ є҆сѝ, съ не́юже тѧ̀ блажи́мъ, страда́льче прехва́льне, спасѝ гра́дъ тво́й, и҆ лю́ди, пою́щыѧ тѧ̀."
|
|
},
|
|
{
|
|
"type": "TEXT",
|
|
"value": "Заколе́нъ бы́лъ є҆сѝ ѿ непра́ведныхъ твои́хъ ᲂу҆бі́йцъ, и҆ вопїѧ́лъ є҆сѝ влⷣцѣ хрⷭ҇тꙋ̀: прїимѝ дꙋ́хъ мо́й, влⷣко, на тѧ́ бо ᲂу҆пова́нїе моѐ возложи́хъ, гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Глаго́лы проповѣ̑дникъ бг҃огла́сныхъ и҆сполнѧ́ютсѧ, сего̀ родѝ дв҃а но́ваго млⷣнца, а҆да́ма старѣ́йша, и҆ сопресто́льна роди́телю."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Нѣ́сть свѧ́тъ, ꙗ҆́коже ты̀, гдⷭ҇и бж҃е мо́й, вознесы́й ро́гъ вѣ́рныхъ твои́хъ, бл҃же, и҆ ᲂу҆тверди́вый на́съ на ка́мени и҆сповѣ́данїѧ твоегѡ̀."
|
|
},
|
|
{
|
|
"type": "TEXT",
|
|
"value": "Весе́лїемъ весели́тсѧ хрⷭ҇то́ва цр҃ковь въ па́мѧть твою̀ свѧ́те, и҆ творцꙋ̀ вопїе́тъ: ты̀ моѧ̀, гдⷭ҇и, крѣ́пость, и҆ прибѣ́жище и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "До́блѧго вѣне́чника, и҆ страда́льца хрⷭ҇то́ва восхва́лимъ свѣ́тлѡ, наꙋчи́вшаго на́съ хрⷭ҇тꙋ̀ вопи́ти: свѧ́тъ є҆сѝ, гдⷭ҇и."
|
|
},
|
|
{
|
|
"type": "TEXT",
|
|
"value": "Ни ца́рства жела́нїе, ни пи́щи наслажде́нїе, ни сребра̀, ни зла́та возжелѣ́въ, но хрⷭ҇тꙋ̀ є҆ди́номꙋ вопїѧ́ше: свѧ́тъ є҆сѝ, гдⷭ҇и, и҆но́гѡ бо ра́звѣ тебє̀ не зна́ю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆збавлѧ́ющаго человѣ́ки преслꙋша́нїѧ, и҆ лю́тагѡ паде́нїѧ, всемꙋ̀ вино́внаго, чⷭ҇таѧ и҆ всенепоро́чнаѧ, родила̀ є҆сѝ."
|
|
},
|
|
{
|
|
"type": "HEADER",
|
|
"value": "Конда́къ пра́здника:"
|
|
},
|
|
{
|
|
"type": "HEADER",
|
|
"value": "И҆ сѣда́ленъ ст҃а́гѡ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Мꙋ́дростїю бж҃їею ᲂу҆разꙋмѣ́лъ є҆сѝ мимоходѧ́щꙋю жи́знь, и҆ ѡ҆ кнѧже́нїи небре́гъ, но на нбⷭ҇ное црⷭ҇тво прите́клъ є҆сѝ, повинꙋ́ѧсѧ сыновствꙋ̀, ꙗ҆́кѡ ѻ҆вча̀ неѕло́биво, безъ пра́вды ноже́мъ закала́емь бы́лъ є҆сѝ: ꙗ҆́кѡ бо свирѣ́пїи ѕвѣ́рїе, безѕло́бива а҆́гнца безъ вины́ тѧ ᲂу҆бива́хꙋ. Тѣ́мъ и҆ со а҆́гг҃лы веселѧ́сѧ, мїхаи́ле свѧ́те, молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти, чтꙋ́щымъ любо́вїю свѧтꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Безневѣ́стнаѧ чⷭ҇таѧ бцⷣе дв҃о, є҆ди́на вѣ́рныхъ предста́тельнице и҆ покро́ве, бѣ́дъ и҆ скорбе́й, и҆ лю́тыхъ ѡ҆бстоѧ́нїй всѧ̑ и҆зба́ви, на тѧ̀ наде́ждꙋ, ѻ҆трокови́це, и҆мꙋ́щыѧ, и҆ дꙋ́шы на́шѧ спасѝ бжⷭ҇твенными мольба́ми твои́ми."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Прⷪ҇ро́къ а҆ввакꙋ́мъ ᲂу҆́мныма ѻ҆чи́ма прови́дѣ, гдⷭ҇и, прише́ствїе твоѐ, тѣ́мъ и҆ вопїѧ́ше: ѿ ю҆́га прїи́детъ бг҃ъ. Сла́ва си́лѣ твое́й, сла́ва снизхожде́нїю твоемꙋ̀."
|
|
},
|
|
{
|
|
"type": "TEXT",
|
|
"value": "Прїи́демъ, бра́тїе, къ честнѣ́й ра́цѣ во́ина хрⷭ҇то́ва и҆ мꙋ́ченика мїхаи́ла, и҆ ѡ҆блобыза́емъ серде́чными ᲂу҆стна́ми, прїе́млюще неѡскꙋ̑дныѧ да́ры ѿ трꙋдополо́жника хрⷭ҇та̀, и҆ сп҃са дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Бж҃їимъ про́мысломъ, и҆ ст҃а́гѡ дх҃а дѣ́телїю, твоѐ ст҃о́е тѣ́ло ѿ гꙋби́тельныѧ страны̀ принесено̀ бы́сть, и҆сточа́ющее на́мъ рѣ́ки и҆сцѣле́нїй, стрꙋѧ́ми крове́й твои́хъ, мїхаи́ле."
|
|
},
|
|
{
|
|
"type": "TEXT",
|
|
"value": "Послѣ́довалъ є҆сѝ хрⷭ҇тꙋ̀, и҆ мꙋ́цѣ є҆гѡ̀ ᲂу҆подо́билсѧ є҆сѝ, пребл҃же́нне бг҃оно́се мїхаи́ле, пѣвцы̀ твоѧ̑ сохранѧ́й, и҆ гра́дъ на́шъ застꙋпѝ ѿ нахожде́нїѧ пога́ныхъ, и҆ ѿ всѣ́хъ бѣ́дъ бг҃опрїѧ́тными твои́ми моли́твами."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Просвѣтѝ, чⷭ҇таѧ, дꙋшѝ моеѧ̀ ѻ҆́чи, свѣ́тъ роди́вшаѧ, да не пости́гнетъ менѐ грѣхо́внаѧ тма̀ тѧ́жкаѧ, и҆ глꙋбина̀ ѿча́ѧннаѧ покры́етъ мѧ̀: но сама́ мѧ спасѝ, и҆ напра́ви къ тишинѣ̀ бжⷭ҇твеннагѡ хотѣ́нїѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Хрⷭ҇то́съ, моѧ̀ си́ла, бг҃ъ и҆ гдⷭ҇ь, честна́ѧ цр҃ковь бг҃олѣ́пнѡ пое́тъ, взыва́ющи ѿ смы́сла чи́ста, ѡ҆ гдⷭ҇ѣ пра́зднꙋющи."
|
|
},
|
|
{
|
|
"type": "TEXT",
|
|
"value": "Бл҃года́тїю и҆змла́да въ вѣ́рѣ чи́стѣ воспита́нъ, ча́стыми трꙋды̑ и҆ любо́вїю влⷣцѣ послѣ́довалъ є҆сѝ, и҆ наде́ждею є҆гѡ̀ льсти́ваго врага̀ посрами́лъ є҆сѝ."
|
|
},
|
|
{
|
|
"type": "TEXT",
|
|
"value": "Врачевство̀ неистощи́мое ра́ка твоѧ̀ показа́сѧ, бл҃же́нне, и҆ приста́нище небꙋ́рное: всѝ вѣ́рою притека́ющїи ѡ҆брѣта́емъ ѿ ѕлы́хъ и҆збавле́нїе."
|
|
},
|
|
{
|
|
"type": "TEXT",
|
|
"value": "Любо́вїю ко хрⷭ҇тꙋ̀ привѧза́емь, тѣ́мъ и҆ да́ра сподо́бльсѧ, стра̑сти разли̑чныѧ и҆сцѣлѧ́ти. Сего̀ ра́ди твоѐ соверша́емъ пра́зднество, бг҃омꙋ́дре."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Просвѣти́ мѧ, пречⷭ҇таѧ гпⷭ҇жѐ, ѡ҆мраче́ннаго грѣхо́вными страстьмѝ, въ тлѣ́нїи лежа́ща, моли́твами твои́ми свободѝ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Гдⷭ҇и бж҃е на́шъ, ми́ръ да́ждь на́мъ, гдⷭ҇и, бж҃е на́шъ, стѧжи́ ны: гдⷭ҇и, ра́звѣ тебє̀, и҆но́гѡ не вѣ́мы, и҆́мѧ твоѐ и҆менꙋ́емъ."
|
|
},
|
|
{
|
|
"type": "TEXT",
|
|
"value": "Гдⷭ҇и бж҃е мо́й, мїхаи́лъ вопїѧ́ше, ты̀ ᲂу҆́бѡ, гдⷭ҇и, на́съ ра́ди сме́рти вкꙋси́лъ є҆сѝ, и҆ спа́слъ є҆сѝ ро́дъ человѣ́ческїй твое́ю кро́вїю, хрⷭ҇тѐ бж҃е."
|
|
},
|
|
{
|
|
"type": "TEXT",
|
|
"value": "Гдⷭ҇и бж҃е мо́й, сподо́би мѧ̀ прїѧ́ти нбⷭ҇нагѡ селе́нїѧ, и҆ сла́вы неизрече́нныѧ, и҆ въ тлѣ́нныхъ мѣ́стѡ нетлѣ̑ннаѧ пода́ждь, влⷣко, вопїѧ́лъ є҆сѝ, бг҃ови́дче."
|
|
},
|
|
{
|
|
"type": "TEXT",
|
|
"value": "Тезоимени́те вы́шнѧгѡ воево́ды, мїхаи́ле, ѻ҆гнезра́чнагѡ, съ ни́мже ᲂу҆молѝ хрⷭ҇та̀ пода́ти ми́ръ наро́дꙋ на́шемꙋ и҆ ᲂу҆тиши́ти вра̑жїѧ стремлє́нїѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆крѣпѝ, влⷣчце, сла́вѧщихъ тѧ̀ на проти̑вныѧ врагѝ, ꙗ҆́кѡ дв҃да на голїа́ѳа, да тебѐ веселѧ́щесѧ воспѣва́емъ: ра́дꙋйсѧ, покро́ве ст҃ы́й, и҆ застꙋ́пнице ро́да на́шегѡ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃їимъ свѣ́томъ твои́мъ, бл҃же, ᲂу҆́тренюющихъ тѝ дꙋ́шы любо́вїю ѡ҆зарѝ, молю́сѧ, тѧ̀ вѣ́дѣти, сло́ве бж҃їй, и҆́стиннаго бг҃а, ѿ мра́ка грѣхо́внагѡ взыва́юща."
|
|
},
|
|
{
|
|
"type": "TEXT",
|
|
"value": "Наста̀ всечестны́й пра́здникъ, и҆ свѧще́нное торжество̀ мїхаи́ла сла́внагѡ, носѧ́щагѡ на́мъ ра́дость вѣ́чнꙋю, въ не́йже сла́вимъ гдⷭ҇а просла́вльшаго є҆го̀."
|
|
},
|
|
{
|
|
"type": "TEXT",
|
|
"value": "Добродѣ́телей ᲂу҆кра́шенный благолѣ́пїемъ, свѣ́тлый мїхаи́ле, страда́нїемъ вѣнча́всѧ, врага́ же и҆ сыновца̀ посрами́въ, по хрⷭ҇тѣ̀ прїе́млѧ заколе́нїе."
|
|
},
|
|
{
|
|
"type": "TEXT",
|
|
"value": "Слы́шано бы́сть во все́мъ мі́рѣ честно́е и҆ свѧще́нное страда́нїе твоѐ, и҆ всѧ́къ ѧ҆зы́къ составлѧ́етъ сла́вити хрⷭ҇та̀, тебѐ просла́вльшаго."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Преста̀ ᲂу҆́бѡ тлѣ́нїе, дв҃а бо родѝ нетлѣ́ннѡ бг҃а сло́ва, па́че є҆стества̀ и҆ сло́ва, дв҃а и҆ по ржⷭ҇твѣ̀ пребы́вши."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ꙗ҆́коже прⷪ҇ро́ка и҆зба́вилъ є҆сѝ и҆зъ глꙋбины̀ преиспо́днїѧ, хрⷭ҇тѐ бж҃е, и҆ менѐ ѿ грѣхѡ́въ мои́хъ и҆зба́ви, ꙗ҆́кѡ человѣколю́бецъ, и҆ ᲂу҆пра́ви живо́тъ мо́й, молю́сѧ."
|
|
},
|
|
{
|
|
"type": "TEXT",
|
|
"value": "Свѣ́томъ бл҃года́ти ѡ҆зарѧ́емь, страстоте́рпче мꙋ́дре, невозвра́тнѡ ше́ствовалъ є҆сѝ пꙋте́мъ, вводѧ́щимъ къ вы́шнемꙋ і҆ерⷭ҇ли́мꙋ: ст҃ы́й бо дх҃ъ наста́ви тѧ̀, ѡ҆бита́ѧй въ се́рдцѣ твое́мъ, мїхаи́ле."
|
|
},
|
|
{
|
|
"type": "TEXT",
|
|
"value": "Тлѣ̑ннаѧ бꙋ́дꙋщими и҆змѣни́лъ є҆сѝ, ꙗ҆́кѡ ме́чь ѻ҆боюдꙋѻ́стръ, воѡрꙋжи́всѧ стра́хомъ хрⷭ҇то́вымъ, го́рькꙋю сме́рть въ ничто́же вмѣни́лъ є҆сѝ, сла́вы вы́шнїѧ жела́ѧ."
|
|
},
|
|
{
|
|
"type": "TEXT",
|
|
"value": "Оу҆́мъ тво́й къ бг҃ꙋ впери́въ, наде́ждею и҆ вѣ́рою ᲂу҆крѣпи́всѧ, ꙗ҆́кѡ во́инъ непобѣ́дный, заколе́нїѧ непра́веднагѡ не ᲂу҆боѧ́лсѧ є҆сѝ, мꙋ́дре, бг҃ови́дче мїхаи́ле."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Тебѣ̀ припа́дающе, гпⷭ҇жѐ, и҆ вѣ́рою покланѧ́ющесѧ, мо́лимъ тѧ̀: ра́дꙋйсѧ, бг҃облаже́ннаѧ дв҃о, покро́ве и҆ ѡ҆гражде́нїе на́ше, помо́щнице въ бѣда́хъ сꙋ́щымъ, спаси́ ны, не и҆мꙋ́щыѧ по́мощи, на тѧ́ бо надѣ́емсѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Жите́йское мо́ре воздвиза́емое зрѧ̀ напа́стей бꙋ́рею, къ ти́хомꙋ приста́нищꙋ твоемꙋ̀ прите́къ, вопїю́ ти: возведѝ ѿ тлѝ живо́тъ мо́й, многоми́лостиве."
|
|
},
|
|
{
|
|
"type": "TEXT",
|
|
"value": "Житїѐ вре́менное презрѣ́въ, и҆ ѡ҆ кнѧже́нїи неради́въ свѣ́та сегѡ̀, не воспроти́вльсѧ врагꙋ̀ и҆ сыновцꙋ̀: но па́че на гдⷭ҇а взира́ше мы́слїю."
|
|
},
|
|
{
|
|
"type": "TEXT",
|
|
"value": "Свѣ́тлый тво́й пра́здникъ ѡ҆ соверша́ющихъ, бл҃же́нне, моли́сѧ, ѻ҆те́чество твоѐ сохрани́ти ѿ вра̑гъ ненавѣ́тно, и҆ ми́рно строе́нїе дарова́ти наро́дꙋ на́шемꙋ моли́твами твои́ми."
|
|
},
|
|
{
|
|
"type": "TEXT",
|
|
"value": "Кнѧже́нїе земно́е, и҆ ца́рское ᲂу҆краше́нїе ѡ҆ста́вивъ, воспрїѧ́лъ є҆сѝ вѣне́цъ и҆зъ бж҃їѧ влⷣчни десни́цы, и҆ со а҆́гг҃лы ликꙋ́еши. Молѝ гдⷭ҇а за ны̀, чтꙋ́щыѧ твою̀ па́мѧть."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆сты̀, и҆ по́мысломъ, и҆ се́рдцемъ; пречⷭ҇таѧ, проповѣ́дꙋемъ тѧ̀ веселѧ́щесѧ: тобо́ю бо бг҃ꙋ примири́хомсѧ, ѿринове́ннїи престꙋпле́нїемъ пе́рвѣе пра́ѻтца."
|
|
},
|
|
{
|
|
"type": "HEADER",
|
|
"value": "Конда́къ, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Вы́шнихъ и҆щѧ̀:"
|
|
},
|
|
{
|
|
"type": "TEXT",
|
|
"value": "Вы́шнихъ и҆щѧ̀, и҆ земнꙋ́ю сла́вꙋ презрѣ́въ, цр҃ковь бж҃їю ѡ҆багри́лъ є҆сѝ твое́ю кро́вїю, за ню́же и҆ пострада́лъ є҆сѝ, свѧ́те мїхаи́ле, заколе́нїе непра́ведное прїе́мь веселѧ́сѧ. Тѣ́мже со а҆́гг҃лы предстоѧ̀ хрⷭ҇тꙋ̀ бг҃ꙋ, молѝ непреста́ннѡ за всѧ̑ ны̀."
|
|
},
|
|
{
|
|
"type": "TEXT",
|
|
"value": "І҆́косъ: Сла́вꙋ возненави́дѣлъ є҆сѝ тлѣ́ннꙋю и҆ мимотекꙋ́щꙋю, и҆ добродѣ́тели ꙗ҆ви́лсѧ є҆сѝ сосꙋ́дъ, сла́вне, ѿ ю҆́ности: и҆ зако́нъ бж҃їй ѿ дꙋшѝ возлюби́въ, и҆ зрѣ́нїе къ жи́зни грѧдꙋ́щей, ѡ҆ че́сти земнѣ́й и҆ сла́сти небре́гъ, нетлѣ́нное црⷭ҇тво воспрїѧ́лъ є҆сѝ: хрⷭ҇то́вѣ за́повѣди послѣ́дꙋѧ, положи́лъ є҆сѝ дꙋ́шꙋ твою̀ за ны̀, и҆ хрⷭ҇то́вѣ стрⷭ҇ти ᲂу҆подо́билсѧ є҆сѝ заколе́на въ ре́бра, и҆ кро́вїю твое́ю и҆зба́вилъ є҆си́ ны пога́ныхъ наше́ствїѧ и҆ го́рькїѧ сме́рти. Сегѡ̀ ра́ди вопїе́мъ тѝ: страстоте́рпче мїхаи́ле, со а҆́гг҃лы предстоѧ̀, моли́сѧ за всѧ̑ ны̀."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Халде́йскаѧ пе́щь, ѻ҆гне́мъ распала́емаѧ, ѡ҆роша́шесѧ дх҃омъ, бж҃їимъ предстоѧ́нїемъ ѻ҆́троцы поѧ́хꙋ: бл҃гослове́нъ є҆сѝ, бж҃е ѻ҆ц҃ъ на́шихъ."
|
|
},
|
|
{
|
|
"type": "TEXT",
|
|
"value": "Вели́чїе на́ше и҆ похвала̀, ты̀ є҆сѝ, мїхаи́ле бг҃омꙋ́дре: тобо́ю бо ѿ пога́нскїѧ рабо́ты свободи́хомсѧ. И҆ ны́нѣ молѝ за ро́дъ тво́й и҆ лю́ди, вопїю́щыѧ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ты̀ ᲂу҆подо́билсѧ є҆сѝ мѡѷсе́ю бг҃ови́дцꙋ, сокрꙋше́ннымъ се́рдцемъ молѧ́сѧ ѡ҆ ста́дѣ твое́мъ, и҆зба́вити гра́дъ тво́й и҆ лю́ди ѿ вра́жїѧ рабо́ты, вопїю́щыѧ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Всехва́льный гла́съ, и҆ мольбꙋ̀ тебѣ̀ возсыла́емъ, къ ра́цѣ моще́й твои́хъ приходѧ́ще, бл҃же́нне мїхаи́ле: просѝ ми́ра наро́дꙋ на́шемꙋ и҆ дꙋша́мъ на́шымъ ѡ҆ставле́нїѧ грѣхѡ́въ, пою́щымъ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Неиспи́саннаѧ мно́гими прⷪ҇рѡ́ки, не свѣ́дома же бы́сть, дв҃о, нбⷭ҇ными слꙋжа́щими бг҃ꙋ а҆́гг҃лы: ны́нѣ же, тѧ̀ всѝ вѣ́дꙋще бцⷣꙋ, твоеѧ̀ тре́бꙋемъ по́мощи и҆ застꙋпле́нїѧ, бл҃гослове́ннаѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Росода́тельнꙋ ᲂу҆́бѡ пе́щь содѣ́ла а҆́гг҃лъ преподѡ́бнымъ ѻ҆трокѡ́мъ, халдє́и же ѡ҆палѧ́ющее велѣ́нїе бж҃їе, мꙋчи́телѧ ᲂу҆вѣща̀ вопи́ти: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ле́стїю прелꙋка́вагѡ дре́вле, ѡ҆червлена̀ бы́сть землѧ̀ кро́вїю а҆́велѧ братоꙋбі́йственною рꙋко́ю ка́їна: ны́нѣ же кро́вїю твое́ю ѡ҆кропи́вшисѧ, благоꙋха́нїѧ же́ртвꙋ хрⷭ҇тꙋ̀ приноша́етъ, вопїю́щи: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бжⷭ҇твенна и҆ пресвѣ́тлаѧ па́мѧть твоѧ̀, ꙗ҆́кѡ не́бо свѣтоза́рно показа́сѧ, ꙗ҆́кѡ со́лнце свѣтоно́сно просвѣща́ѧ, безъ сꙋмнѣ́нїѧ хрⷭ҇тꙋ̀ вопїю́щыѧ: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Кто̀ не ᲂу҆диви́тсѧ, и҆ кто̀ не воспое́тъ и҆ просла́витъ вѣ́рнѡ пресла́внаго мꙋ́ченика хрⷭ҇то́ва мїхаи́ла, хрⷭ҇то́ва ра́ди смире́нїѧ возненави́дѣвша дїадѵ́мꙋ и҆ ца́рство;"
|
|
},
|
|
{
|
|
"type": "TEXT",
|
|
"value": "Бг҃оро́диченъ: Тобо́ю на́мъ, дв҃о, свѣ́тъ возсїѧ̀ тє́мнымъ, и҆ ѿпꙋ́стъ плѣнє́ннымъ: ты́ бо родила̀ є҆сѝ зижди́телѧ всѣ́хъ бг҃а, ᲂу҆ негѡ́же и҆спросѝ, пречⷭ҇таѧ, посла́ти вѣ̑рнымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Покрыва́ѧй вода́ми превы́спрєннѧѧ своѧ̑, полага́ѧй мо́рю предѣ́лъ песо́къ, и҆ содержа́й всѧ̑, тѧ̀ пое́тъ со́лнце, тѧ̀ сла́витъ лꙋна̀, тебѣ̀ прино́ситъ пѣ́снь всѧ̀ тва́рь, ꙗ҆́кѡ содѣ́телю всѣ́хъ во вѣ́ки."
|
|
},
|
|
{
|
|
"type": "TEXT",
|
|
"value": "Въ наро́читый де́нь ст҃а́гѡ преставле́нїѧ ра́достнѡ пра́зднꙋемъ, пѣ́снь моле́бнꙋю хрⷭ҇тꙋ̀ возсыла́юще, нетлѣ́ннымъ вѣнце́мъ вѣнча́вшꙋ тѧ̀, прехва́льне мїхаи́ле: просѝ на́мъ ѡ҆ставле́нїѧ грѣхѡ́въ, сла́вѧщымъ тѧ̀ вѣ́рнѡ."
|
|
},
|
|
{
|
|
"type": "TEXT",
|
|
"value": "Похва̑льныѧ цвѣ́ты, ꙗ҆́кѡ ца́рскїй вѣне́цъ бг҃омꙋ́дрѣй твое́й главѣ̀ въ па́мѧть прино́симъ, ю҆́же хрⷭ҇то́съ нетлѣ́нїемъ вѣнча̀, преблаже́нне мїхаи́ле: моли́сѧ ѡ҆ ста́дѣ твое́мъ, и҆зба́витисѧ гра́дꙋ твоемꙋ̀ ѿ всѧ́кїѧ бѣды̀."
|
|
},
|
|
{
|
|
"type": "TEXT",
|
|
"value": "Лїва́нъ ли го́рꙋ нарече́мъ тѧ̀, бг҃омꙋ́драѧ ѯе́нїе, и҆лѝ фїсѡ́нъ рѣкꙋ̀, добрѣ́йши сапфі́ра, и҆ ка́менїѧ честна́гѡ, блаже́ннаго мїхаи́ла ро́ждшꙋю, и҆́мже просвѣти́сѧ рѡссі́йскаѧ страна̀, и҆́же и҆ мо́литсѧ за на́съ ко гдⷭ҇ꙋ;"
|
|
},
|
|
{
|
|
"type": "TEXT",
|
|
"value": "Бг҃оро́диченъ: Горды́ню и҆ шата̑нїѧ низложѝ, и҆ совѣ́ты непра́вєдныѧ кнѧзе́й разорѝ, и҆ зачина́ющыѧ ра́ть погꙋбѝ, ѽ мт҃и бж҃їѧ, пречⷭ҇таѧ дв҃о! Вѣ́рныхъ люде́й ро́гъ возвы́си, да тво́й, пречⷭ҇таѧ, пра́здникъ сла́вимъ, бцⷣе дв҃о, во вѣ́ки всѧ̑."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: И҆зъ пла́мене прпⷣбнымъ ро́сꙋ и҆сточи́лъ є҆сѝ, и҆ пра́веднагѡ же́ртвꙋ водо́ю попали́лъ є҆сѝ: всѧ̑ бо твори́ши, хрⷭ҇тѐ, то́кмѡ є҆́же хотѣ́ти. Тѧ̀ превозно́симъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Просїѧ́вши дне́сь пресвѣ́тлаѧ па́мѧть твоѧ̀, пребл҃же́нне, вѣ̑рныѧ созыва́етъ ны̀ на торжество̀, просла́вити терпѣ̑нїѧ твоѧ̑, хрⷭ҇тꙋ́ же вопи́ти: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Тѣ́ло твоѐ ст҃о́е и҆ пребл҃же́нное прїи́мши ст҃а́ѧ цр҃ковь, дне́сь весели́тсѧ съ вѣ́рными, преди̑внаѧ чꙋдеса̀ ви́дѧщи, хрⷭ҇та̀ превозно́симъ во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оѧвле́нный но́вый страда́лецъ тебѐ, хрⷭ҇тѐ, є҆ди́наго возлюбѝ, и҆ лю́ди наста́ви пѣ́ти тѧ̀, творца̀ всѣ́хъ: благослови́те и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣ́тъ и҆ свѣтода́вца сло́во зачала̀ є҆сѝ, и҆ неизрече́ннѡ родила̀ є҆сѝ пресꙋ́щнаго: дх҃ъ бж҃їй, дв҃о, въ тѧ̀ всели́сѧ. Тѣ́мъ тѧ̀ пое́мъ, чⷭ҇таѧ, во вѣ́ки всѧ̑."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Чꙋ́жде ма́теремъ дѣ́вство, и҆ стра́нно дѣ́вамъ дѣторожде́нїе: на тебѣ̀, бцⷣе, ѻ҆боѧ̑ ᲂу҆стро́ишасѧ. Тѣ́мъ тѧ̀ всѧ̑ племена̀ земна̑ѧ не преста́ннѡ велича́емъ."
|
|
},
|
|
{
|
|
"type": "TEXT",
|
|
"value": "Прїимѝ похвалꙋ̀ ѿ ра̑бъ недосто́йныхъ, и҆ моли́твꙋ ѡ҆ на́съ сотворѝ къ бг҃ꙋ, че́стнѡ творѧ́щихъ твою̀ па́мѧть, да ѿ бѣ́дъ и҆ печа́лей и҆ грѣ̑хъ лю́тыхъ свободи́мсѧ, тѧ̀ велича́юще."
|
|
},
|
|
{
|
|
"type": "TEXT",
|
|
"value": "Ꙗ҆́кѡ голꙋби́ца цѣломꙋ́драѧ, на фі́нїѯъ добродѣ́тели возше́лъ є҆сѝ, кри́ла и҆мꙋ́щи свѧщє́нна и҆ позлащє́нна, и҆́миже возлетѣ́въ, въ ра́йстѣй пи́щи водворѧ́ешисѧ, пребл҃же́нне."
|
|
},
|
|
{
|
|
"type": "TEXT",
|
|
"value": "Предстоѧ̀ ᲂу҆ престо́ла всѣ́хъ влⷣки, бг҃ови́дче мїхаи́ле, ѡ҆ творѧ́щихъ чⷭ҇тно́е твоѐ пра́зднество, гра́дꙋ на́шемꙋ и҆зба́витисѧ ѿ напа́стей и҆ бѣ́дъ, здра́вїе и҆ побѣ́дꙋ всѣ̑мъ правѡсла́внымъ хрⷭ҇тїа́нѡмъ на проти̑вныѧ врагѝ, и҆спросѝ моли́твами твои́ми."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Высо́кїй цр҃ю̀, со ѻ҆ц҃е́мъ сѣдѧ́й, и҆ ѿ серафі̑мъ пое́мый, при́зри на мольбꙋ̀ ма́терню, ю҆́же тѝ за ны̀ дне́сь прино́ситъ. Ѡ҆чи́сти грѣхѝ на́шѧ, и҆ спасѝ гра́дъ, и҆ лю́ди ᲂу҆мно́жи, и҆ да́ждь на́мъ здра́вїе тѣлесѝ, и҆ на пога̑ныѧ побѣ́дꙋ, моли́твами ро́ждшїѧ тѧ̀."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃а человѣ́кѡмъ не возмо́жно ви́дѣти, на него́же не смѣ́ютъ чи́ни а҆́гг҃льстїи взира́ти: тобо́ю бо, всечⷭ҇таѧ, ꙗ҆ви́сѧ человѣ́кѡмъ сло́во воплоще́нно. Є҆го́же велича́юще, съ нбⷭ҇ными вѡ́и тѧ̀ ᲂу҆бл҃жа́емъ."
|
|
},
|
|
{
|
|
"type": "TEXT",
|
|
"value": "Оу҆кра́шенъ бы́въ бжⷭ҇твенными добро́тами, страда̑нїи твои́ми къ бг҃ꙋ восте́клъ є҆сѝ, вѣне́цъ побѣ́ды ѿ негѡ̀ прїе́мь. Тѣ́мъ твоѧ̑ пѣвцы̀ помина́й, да тѧ̀ непреста́ннѡ велича́емъ."
|
|
},
|
|
{
|
|
"type": "TEXT",
|
|
"value": "Ѿ мла́да во́зраста ѡ҆свѧти́ тѧ вседѣ́тель бг҃ъ, и҆ ко́рмчїѧ и҆зрѧ́дна пла́вающымъ въ мо́ри житїѧ̀ показа́въ. Тѣ́мъ согла́снѡ почита́емъ па́мѧть твою̀."
|
|
},
|
|
{
|
|
"type": "TEXT",
|
|
"value": "Прїи́мъ бл҃же́нный поко́й, не преста́й молѧ́сѧ, пресла́вне, ст҃ы́хъ бл҃же́нствꙋ причасти́тисѧ на́мъ, чтꙋ́щымъ па́мѧть твою̀, мїхаи́ле, пресла́внꙋю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Бцⷣе дв҃о, ро́ждшаѧ сло́во, па́че словесѐ, зижди́телѧ твоегѡ̀, того̀ молѝ за ны̀, съ си́мъ бл҃же́ннымъ мїхаи́ломъ, вѣ́рнѡ чтꙋ́щыѧ тебѐ, бцⷣе."
|
|
},
|
|
{
|
|
"type": "TEXT",
|
|
"value": "Свѣти́ленъ: Свѣти́ло на́мъ просїѧ́вшее въ послѣ́днее вре́мѧ, просвѣти́ ны, твоѧ̑ пѣвцы̀, ст҃ы́й великомꙋ́чениче мїхаи́ле, и҆ молѝ за ны̀ гдⷭ҇а, чтꙋ́щыѧ па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, пра́здника, г҃. И҆ ст҃о́мꙋ, г҃. Гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Свѣтоза́рна и҆ свѧ́та, и҆ благоѻбра́зна, кнѧ́зѧ же и҆ мч҃ника всепра́зднственнаѧ па́мѧть, ꙗ҆́же всю̀ зе́млю просвѣща́ющи, и҆ мра́къ грѣхо́вный ѿгонѧ́ющи, врачева́нїй благода́ть и҆сточа́етъ."
|
|
},
|
|
{
|
|
"type": "TEXT",
|
|
"value": "Ка́плѧми крове́й ст҃ы́ми, ѡ҆червлени́въ ри̑зы твоѧ̑, свѧ́те мїхаи́ле. Тѣ́мъ весе́лымъ се́рдцемъ па́мѧть твою̀ пра́зднꙋюще, мо́лимсѧ непреста́ннѡ, да мо́лишисѧ за всѧ̑ ны̀."
|
|
},
|
|
{
|
|
"type": "TEXT",
|
|
"value": "Ꙗ҆́кѡ ѕвѣзда̀ свѣ́тлаѧ мі́ръ просвѣща́еши, чꙋде́сными блиста́ньми, страстоте́рпче мїхаи́ле, мра́къ грѣхо́вный ѿгонѧ̀. Тѣ́мъ восхвалѧ́емъ ра́достнѡ, похвалѧ́юще твою̀ па́мѧть."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Прїиди́те, дне́сь, собо́ри рѡссі́йстїи, и҆ ви́дите, ꙗ҆́кѡ сꙋ́дъ безъ вины̀ прїе́млетъ мꙋ́ченикъ мїхаи́лъ, ꙗ҆́кѡ а҆́гнецъ безѕло́бивъ заколе́нъ бы́сть ѿ ѻ҆каѧ́ннагѡ кавгады́ѧ, и҆ пове́ржено бы́сть тѣ́ло є҆гѡ̀ на землѝ, и҆ ники́мже врежде́но бы́сть. И҆ се́й ᲂу҆́бѡ вѣнча́сѧ, то́й же безъ па́мѧти поги́бе: и҆ се́й въ мі́рѣ сла́вимый є҆́сть, ѻ҆́нъ же въ гее́ннѣ мꙋ́читсѧ, се́й же хрⷭ҇та̀ бг҃а мо́литъ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника. Славосло́вїе вели́кое, и҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и: Бл҃жє́нна ѿ канѡ́на пра́здника, пѣ́снь а҃: и҆ свѧта́гѡ, пѣ́снь ѕ҃."
|
|
},
|
|
{
|
|
"type": "TEXT",
|
|
"value": "Прокі́менъ: Возвесели́тсѧ пра́ведникъ ѡ҆ гдⷭ҇ѣ, и҆ ᲂу҆пова́етъ на него̀."
|
|
},
|
|
{
|
|
"type": "TEXT",
|
|
"value": "Сті́хъ: Оу҆слы́ши, бж҃е, гла́съ мо́й, внегда̀ моли́тимисѧ къ тебѣ̀."
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ ри́млѧнѡмъ, зача́ло ч҃ѳ."
|
|
},
|
|
{
|
|
"type": "TEXT",
|
|
"value": "А҆ллилꙋ́їа: Пра́ведникъ, ꙗ҆́кѡ фі́нїѯъ, процвѣте́тъ:"
|
|
},
|
|
{
|
|
"type": "TEXT",
|
|
"value": "Сті́хъ: Насажде́ни въ домꙋ̀ гдⷭ҇ни:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе і҆ѡа́нна, зача́ло н҃в."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю бꙋ́детъ пра́ведникъ:"
|
|
}
|
|
] |