502 lines
38 KiB
JSON
502 lines
38 KiB
JSON
[
|
|
{
|
|
"type": "HEADER",
|
|
"value": "Деке́мврїа г҃"
|
|
},
|
|
{
|
|
"type": "HEADER",
|
|
"value": "Прпⷣбнагѡ ѻ҆тца̀ на́шегѡ са́ввы стороже́вскагѡ"
|
|
},
|
|
{
|
|
"type": "HEADER",
|
|
"value": "Ве́черъ, Блаже́нъ мꙋ́жъ, а҃-й а҆нтїфѡ́нъ."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры на ѕ҃, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: Всѐ ѿло́жше:"
|
|
},
|
|
{
|
|
"type": "TEXT",
|
|
"value": "Мі́ръ возненави́дѣвъ, хрⷭ҇та̀ возлюби́лъ є҆сѝ. Сїѡ́на мы́сленнагѡ жи́тель показа́лсѧ є҆сѝ. Наставле́нїемъ ᲂу҆ч҃телѧ твоегѡ̀, соверше́ннагѡ послꙋша́нїѧ дости́глъ є҆сѝ, и҆ мнѡ́гаѧ и҆скꙋшє́нїѧ претерпѣ́лъ є҆сѝ. Бжⷭ҇твеннымъ дх҃омъ себѐ воѡрꙋжи́въ, къ боре́нїю льсти́вагѡ ра́дꙋѧсѧ и҆зше́лъ є҆сѝ, и҆ сего̀ побѣди́лъ є҆сѝ си́лою и҆зъ дв҃ы возсїѧ́вшагѡ."
|
|
},
|
|
{
|
|
"type": "TEXT",
|
|
"value": "Ѿ ю҆́ности, прпⷣбне, плотска̑ѧ мꙋдрова̑нїѧ покори́лъ є҆сѝ дꙋ́хꙋ, и҆ въ живоно́снꙋю ме́ртвость ѡ҆дѣ́ѧвсѧ, свѣти́льникъ, блаже́нне, ꙗ҆ви́лсѧ є҆сѝ пресвѣ́тлый. Бл҃года́тїю бжⷭ҇твеннагѡ дх҃а и҆́стиненъ па́стырь показа́всѧ, слове́сною, са́вво, цѣвни́цею, собра́нное ста́до ѡ҆ хрⷭ҇тѣ̀ до́брѣ ᲂу҆па́слъ є҆сѝ, и҆ на па́жить дꙋхо́внꙋю возве́лъ є҆сѝ."
|
|
},
|
|
{
|
|
"type": "TEXT",
|
|
"value": "Зрѣ́ти жела́ѧ мы́сленнꙋю свѣ́тлость, бжⷭ҇твеннагѡ ѡ҆боже́нїѧ, житїѐ возжелѣ́въ невеще́ственное, мі́ръ ѡ҆ста́вилъ є҆сѝ: пꙋсты́ню дости́глъ є҆сѝ, и҆ слеза́ми сїю̀ напои́лъ є҆сѝ, жела́нїе ᲂу҆лꙋчи́въ, є҆́же ко влⷣцѣ твоемꙋ̀ предстоѧ́нїе. И҆ ны́нѣ сщ҃еннолѣ́пнѡ предстои́ши, со а҆́гг҃лы ликовствꙋ́ѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ то́йже. Самогла́сенъ:"
|
|
},
|
|
{
|
|
"type": "TEXT",
|
|
"value": "Є҆́же по ѻ҆́бразꙋ соблю́дъ невреди́мо, ᲂу҆́мъ влады́кꙋ на стра̑сти па̑гꙋбныѧ по́стнически поста́вивъ, во є҆́же по подо́бїю ꙗ҆́кѡ мо́щно возше́лъ є҆сѝ: мꙋ́жески бо є҆стество̀ понꙋ́дивъ, потща́лсѧ є҆сѝ хꙋ́ждшее покори́ти лꙋ́чшемꙋ, и҆ пло́ть порабо́тити дꙋ́хꙋ. Тѣ́мже мона́шествꙋющихъ ꙗ҆ви́лсѧ є҆сѝ ве́рхъ, жи́тель пꙋсты́нный, благотекꙋ́щихъ ѡ҆бꙋчи́тель, пра́вило добродѣ́тели и҆звѣ́стнѣйшее: и҆ ны́нѣ на нб҃сѣ́хъ, зерца́лѡмъ разрѣ́шшымсѧ, ѻ҆́ч҃е на́шъ са́вво, чи́стѣ зри́ши ст҃ꙋ́ю трⷪ҇цꙋ, молѧ́сѧ несре́дственнѣ ѡ҆ и҆̀же вѣ́рою и҆ любо́вїю чтꙋ́щихъ тѧ̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Кто̀ тебѐ не ᲂу҆блажи́тъ:"
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ, и҆ чтє́нїѧ г҃."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ г҃.)"
|
|
},
|
|
{
|
|
"type": "TEXT",
|
|
"value": "Пра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѡ҆ на́съ ше́ствїе, сокрꙋше́нїе, ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено. И҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ, ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ є҃.)"
|
|
},
|
|
{
|
|
"type": "TEXT",
|
|
"value": "Пра́вєдницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе благолѣ́пїѧ, и҆ вѣне́цъ добро́ты ѿ рꙋкѝ гдⷭ҇ни: занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ: прїи́метъ щи́тъ непобѣди́мый преподо́бїе: поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ: по́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ благокрꙋ́гла лꙋ́ка ѻ҆блакѡ́въ на намѣ́ренїе полетѧ́тъ: и҆ ѿ каменоме́тныѧ ꙗ҆́рости, и҆спо́лнь падꙋ́тъ гра́ды: вознегодꙋ́етъ на ни́хъ вода̀ морска́ѧ, рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дꙋ́хъ си́лы, и҆ ꙗ҆́кѡ ви́хоръ развѣ́етъ и҆̀хъ: и҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. Слы́шите ᲂу҆̀бо, ца́рїе, и҆ разꙋмѣ́йте: навы́кните, сꙋдїи̑ концє́въ землѝ. Внꙋши́те держа́щїи мно́жєства и҆ гордѧ́щїисѧ ѡ҆ наро́дѣхъ ꙗ҆зы̑къ: ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ д҃.)"
|
|
},
|
|
{
|
|
"type": "TEXT",
|
|
"value": "Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости, житїѐ нескве́рное. Благоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ: лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ благода́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "Бж҃їею си́лою ᲂу҆крѣплѧ́емь, мы́сль свою̀ горѣ̀ возвыша́ѧ, нбⷭ҇ное наслѣ́дїе, ѻ҆́ч҃е, прїѧ́лъ є҆сѝ, и҆ на землѝ благоче́стнѡ сѡбра́ннаѧ твоеѧ̀ па́ствы ча̑да ᲂу҆па́слъ є҆сѝ, до́блимъ твои́мъ нра́вомъ, и҆ равноа́гг҃льнымъ житїе́мъ, дх҃а свѣтлостьмѝ ст҃ы́ми ѡ҆сїѧ́емь, ѡ҆ всѣ́хъ при́снѡ моли́сѧ, творѧ́щихъ свѧще́ннꙋю па́мѧть твою̀."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Жела́ѧ ᲂу҆лꙋчи́ти нбⷭ҇нꙋю добро́тꙋ, на землѝ, ꙗ҆́кѡ безпло́тенъ, ѻ҆́ч҃е, подвиза́лсѧ є҆сѝ: и҆мѣ́ѧ посо́бїе непобѣди́мо, си́лꙋ влⷣки твоегѡ̀, надъ страстьмѝ воцр҃и́лсѧ є҆сѝ, и҆ ны́нѣ вѣ́чномꙋ цр҃ю̀ предстои́ши. Є҆го́же молѝ, са́вво прпⷣбне, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ, боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Житїѐ твоѐ благоче́стнѡ добродѣ́тельми ᲂу҆кра́шено, пра́вдою ꙗ҆́кѡ бжⷭ҇твеннымъ вѣнце́мъ вѣнча́всѧ, влⷣчню прⷭ҇то́лꙋ предстои́ши, со а҆́гг҃льскими ликꙋ́ѧ вѡ́инствы. Сегѡ̀ ра́ди тѧ̀ въ пѣ́снехъ почита́емъ, са́вво прпⷣбне, ѻ҆́ч҃е на́шъ, молѝ спасти́сѧ ста́дꙋ твоемꙋ̀ ѿ всѣ́хъ и҆скꙋше́нїй."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Мона́хѡвъ мно́жества наста́вника тѧ̀ почита́емъ, ѻ҆́ч҃е на́шъ са́вво: твое́ю бо стезе́ю вои́стиннꙋ пра́вѡ ходи́ти позна́хомъ. Блаже́нъ є҆сѝ, хрⷭ҇тꙋ̀ рабо́тавъ, и҆ вра́жїю ѡ҆бличи́лъ є҆сѝ си́лꙋ, а҆́гг҃лѡвъ собесѣ́дниче, прпⷣбныхъ соприча́стниче и҆ пра́ведныхъ: съ ни́миже моли́сѧ гдⷭ҇еви, поми́ловатисѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Безневѣ́стнаѧ дв҃о:"
|
|
},
|
|
{
|
|
"type": "HEADER",
|
|
"value": "Тропа́рь, гла́съ и҃:"
|
|
},
|
|
{
|
|
"type": "TEXT",
|
|
"value": "Пꙋсты́ни ꙗ҆ви́лсѧ є҆сѝ до́брое прозѧбе́нїе, прпⷣбне: ѿ ю҆́ности бо и҆зво́лилъ є҆сѝ чи́стое житїѐ, дꙋхо́вномꙋ твоемꙋ̀ ᲂу҆чи́телю послѣ́дꙋѧ, и҆ тогѡ̀ ᲂу҆че́нїемъ ᲂу҆́мъ къ нбⷭ҇нымъ впери́въ, и҆ ста́дꙋ твоемꙋ̀ премꙋ́дръ наста́вникъ показа́лсѧ є҆сѝ. Тѣ́мъ и҆ хрⷭ҇то́съ ꙗ҆́кѡ пресвѣ́тла тѧ̀ свѣти́льника чꙋдесы̀ ѡ҆богатѝ: са́вво, ѻ҆́ч҃е на́шъ, молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "На ᲂу҆́трени, по а҃-й стїхоло́гїи сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "Зако́ннѡ ᲂу҆стро́ивъ твою̀ жи́знь, стра̑стнаѧ взыгра̑нїѧ до конца̀ ᲂу҆вѧди́лъ є҆сѝ, побѣ́ды вѣне́цъ ѿ бг҃а прїѧ́лъ є҆сѝ, са́вво, ѻ҆́ч҃е на́шъ, молѝ спасти́сѧ дꙋша́мъ на́шымъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Въ кро́въ тво́й, пречⷭ҇таѧ дв҃о, прибѣга́ющихъ, моли́твꙋ прїе́мши ѿ на́съ, не преста́й молѧ́щи чл҃вѣколю́бца, спасти́сѧ рабѡ́мъ твои̑мъ."
|
|
},
|
|
{
|
|
"type": "HEADER",
|
|
"value": "По в҃-й стїхосло́вїи сѣда́ленъ, гла́съ а҃:"
|
|
},
|
|
{
|
|
"type": "TEXT",
|
|
"value": "Соверше́ннꙋю къ бг҃ꙋ любо́вь стѧжа́лъ є҆сѝ, ѻ҆́ч҃е, земна̑ѧ преѡби́дѣвъ, къ нбⷭ҇нымъ возше́лъ є҆сѝ, ра́дꙋѧсѧ: вѣнцено́сче преблаже́нне, молѝ хрⷭ҇та̀ бг҃а, спасти́сѧ дꙋша́мъ на́шымъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Оу҆пова́нїе хрⷭ҇тїа́нѡмъ, прест҃а́ѧ дв҃о, є҆го́же родила̀ є҆сѝ бг҃а па́че ᲂу҆ма̀ и҆ сло́ва, непреста́ннѡ молѝ ѡ҆ воспѣва́ющихъ тѧ̀, пода́ти ѡ҆ставле́нїе грѣхѡ́въ на́шихъ всѣ́хъ, и҆ и҆справле́нїе житїѧ̀ вѣ́рою и҆ любо́вїю при́снѡ сла́вѧщымъ тѧ̀."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃:"
|
|
},
|
|
{
|
|
"type": "TEXT",
|
|
"value": "Влⷣцѣ хрⷭ҇тꙋ̀ во все́мъ, ѻ҆́ч҃е са́вво, ᲂу҆годи́лъ є҆сѝ, и҆́же своегѡ̀ црⷭ҇тва снаслѣ́дника тѧ̀ сотворѝ: и҆ по ст҃о́мъ преставле́нїи честны̑ѧ твоѧ̑ мо́щи и҆сточа́ютъ разли̑чнаѧ и҆сцѣлє́нїѧ. Тѣ́мже вопїе́мъ тѝ: молѝ спасти́сѧ дꙋша́мъ на́шымъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ѿ всѧ́кагѡ преще́нїѧ и҆ ѡ҆ѕлобле́нїѧ человѣ̑къ спаси́ ны, прест҃а́ѧ дв҃о: тѧ́ бо и҆́мамы покро́въ и҆ застꙋпле́нїе прибѣга́ющїи къ тебѣ̀, бг҃ома́ти, и҆ рожде́ннаго и҆зъ тебє̀ бг҃а на́шего. Є҆го́же молѝ и҆зба́витисѧ ѿ бѣ́дъ рабѡ́мъ твои̑мъ."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "TEXT",
|
|
"value": "Прокі́менъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе матѳе́а, зача́ло м҃г."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ в҃:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е, и҆змла́да въ добродѣ́тели прилѣ́жнѡ ѡ҆бꙋчи́всѧ, ѻ҆рга́нъ бы́лъ є҆сѝ ст҃а́гѡ дх҃а, и҆ ѿ негѡ̀ прїе́мъ чꙋде́съ дѣ́йство, наꙋчи́лъ є҆сѝ человѣ́ки преѡби́дѣти сла̑дкаѧ. Ны́нѣ же бжⷭ҇твеннымъ свѣ́томъ чистѣ́йше ѡ҆сїѧва́емь, просвѣтѝ и҆ на́шѧ мы̑сли, са́вво, ѻ҆́ч҃е на́шъ."
|
|
},
|
|
{
|
|
"type": "HEADER",
|
|
"value": "Канѡ́нѣ бцⷣѣ со і҆рмосо́мъ на ѕ҃. И҆ ст҃а́гѡ на и҃. Гла́съ ѕ҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ꙗ҆́кѡ по сꙋ́хꙋ пѣшеше́ствовавъ і҆и҃ль, по бе́зднѣ стопа́ми, гони́телѧ фараѡ́на ви́дѧ потоплѧ́ема, бг҃ꙋ побѣ́днꙋю пѣ́снь, пои́мъ, вопїѧ́ше."
|
|
},
|
|
{
|
|
"type": "TEXT",
|
|
"value": "Наста́ви мѧ̀, гдⷭ҇и бж҃е мо́й, да возмогꙋ̀ благоче́стнѡ, ᲂу҆го́дника твоегѡ̀ прпⷣбнагѡ са́ввы сла́вное и҆ честно́е восхвали́ти торжество̀."
|
|
},
|
|
{
|
|
"type": "TEXT",
|
|
"value": "Мꙋ́жески подвиза́лсѧ є҆сѝ, и҆ зарю̀ дꙋхо́внꙋю воспрїе́мъ, взѧ́лсѧ є҆сѝ къ высотѣ̀ нбⷭ҇нѣй, и҆ ны́нѣ со а҆́гг҃лы прославлѧ́ешисѧ."
|
|
},
|
|
{
|
|
"type": "TEXT",
|
|
"value": "Ѻ҆рꙋ́жїемъ крⷭ҇та̀ ѡ҆гражда́ѧсѧ, прпⷣбне, всю̀ си́лꙋ проти́внагѡ побѣди́лъ є҆сѝ, и҆ до конца̀ сего̀ безъ вѣ́сти сотвори́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пресꙋ́щное сло́во, сꙋщество̀ на́ше прїе́мъ ѿ чи́стыхъ крове́й твои́хъ, бг҃осодѣ́ла на́съ, тлѣ́нїѧ и҆зба́вивъ, чⷭ҇таѧ: сегѡ̀ ра́ди тѧ̀ при́снѡ сла́вимъ."
|
|
},
|
|
{
|
|
"type": "TEXT",
|
|
"value": "Катава́сїа: Хрⷭ҇то́съ ражда́етсѧ:"
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Нѣ́сть свѧ́тъ, ꙗ҆́коже ты̀, гдⷭ҇и бж҃е мо́й, вознесы́й ро́гъ вѣ́рныхъ твои́хъ, бл҃же, и҆ ᲂу҆тверди́вый на́съ на ка́мени и҆сповѣ́данїѧ твоегѡ̀."
|
|
},
|
|
{
|
|
"type": "TEXT",
|
|
"value": "Молча́нїемъ ѧ҆зы́къ ѡ҆бꙋзда́лъ є҆сѝ, и҆ немѧте́жнымъ житїе́мъ, во пло́ти а҆́гг҃льски, ѻ҆́ч҃е, пожи́лъ є҆сѝ."
|
|
},
|
|
{
|
|
"type": "TEXT",
|
|
"value": "Вои́стиннꙋ бл҃гі́ѧ жи́зни сподо́билсѧ є҆сѝ, прпⷣбне, чистото́ю и҆ поще́нїемъ сїю̀ ѡ҆брѣ́тъ. И҆ ны́нѣ со безпло́тными вопїе́ши: нѣ́сть ст҃ъ па́че тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Трисїѧ́ннымъ свѣ́томъ ѡ҆заре́нъ, и҆ бл҃года́ть дх҃а ст҃а́гѡ всели́сѧ въ тѧ̀, прпⷣбне, возлю́бльши чи́стꙋю твою̀ дꙋ́шꙋ, и҆ непреста́ннѡ вопїе́ши: нѣ́сть ст҃ъ па́че тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Разꙋмѣ́ти ржⷭ҇тва̀ твоегѡ̀, чⷭ҇таѧ, неизглаго́ланнꙋю глꙋбинꙋ̀, недоꙋмѣ́етъ ᲂу҆́мъ человѣ́чь: бг҃ъ бо, и҆стощи́въ себѐ за милосе́рдїе во ᲂу҆тро́бѣ твое́й, всего́ мѧ ѡ҆бновѝ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Мра́зъ нощны́й претерпѣ́лъ є҆сѝ, и҆ тѧготꙋ̀ ва́ра дневна́гѡ поне́слъ є҆сѝ, и҆ си́хъ ра́ди вѣ́чное наслажде́нїе и҆ пи́щꙋ присноживꙋ́щꙋю воспрїѧ́лъ є҆сѝ, хрⷭ҇то́въ ᲂу҆го́дниче бл҃же́нне са́вво: молѝ спасти́сѧ дꙋша́мъ на́шымъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Чтⷭ҇аѧ, всенепоро́чнаѧ и҆ неискꙋсомꙋ́жнаѧ, ꙗ҆́же є҆ди́на безлѣ́тнаго сн҃а и҆ сло́ва бж҃їѧ въ лѣ́то ро́ждши, сего̀ со ст҃ы́ми и҆ честны́ми патрїа̑рхи, мч҃ники, прⷪ҇рѡ́ки и҆ прпⷣбными молѝ, дарова́ти на́мъ ѡ҆чище́нїе и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Хрⷭ҇то́съ, моѧ̀ си́ла, бг҃ъ и҆ гдⷭ҇ь, честна́ѧ цр҃ковь бг҃олѣ́пнѡ пое́тъ, взыва́ющи ѿ смы́сла чи́ста, ѡ҆ гдⷭ҇ѣ пра́зднꙋющи."
|
|
},
|
|
{
|
|
"type": "TEXT",
|
|
"value": "Безмѣ́рное смире́нїе возлюби́въ, своеѧ̀ мы́сли зри́тельное ѡ҆чи́стилъ є҆сѝ, и҆ ны́нѣ, въ ра́йскихъ селе́нїихъ водворѧ́ѧсѧ, вопїе́ши: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Сле́зными потѡ́ки, прпⷣбне, зе́млю се́рдца твоегѡ̀ напои́лъ є҆сѝ, предстоѧ̀ въ моли́твѣ неколе́бленъ, творцꙋ̀ всѣ́хъ взыва́лъ є҆сѝ: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Не забꙋ́ди ста́да твоегѡ̀, прпⷣбне, є҆́же мꙋ́дрѣ собра́лъ є҆сѝ и҆ въ жи́зни се́й ᲂу҆па́слъ є҆сѝ благоче́стнѡ: потщи́сѧ, ѻ҆́ч҃е на́шъ са́вво, ввестѝ во ѡ҆гра́дꙋ небе́снꙋю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Чистоты̀ жили́ще, селе́нїе влⷣки всѣ́хъ, и҆ прⷪ҇ро́кѡвъ всѣ́хъ сбытїѐ, бг҃ора́дованнаѧ чⷭ҇таѧ, пою́щыѧ тѧ̀ ᲂу҆ще́дри."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃їимъ свѣ́томъ твои́мъ, бл҃же, ᲂу҆́тренюющихъ тѝ дꙋ́шы любо́вїю ѡ҆зарѝ, молю́сѧ, тѧ̀ вѣ́дѣти, сло́ве бж҃їй, и҆́стиннаго бг҃а, ѿ мра́ка грѣхо́внагѡ взыва́юща."
|
|
},
|
|
{
|
|
"type": "TEXT",
|
|
"value": "Бо́дренными бдѣ̑нїи, бл҃же́нне, и҆ ча́стыми воздыха̑нїи, бл҃года́ть дх҃а возрастѐ въ тебѣ̀, ѻ҆́ч҃е, и҆ сла́вна тѧ̀, са́вво, показа̀."
|
|
},
|
|
{
|
|
"type": "TEXT",
|
|
"value": "Влⷣчне смире́нїе воспрїи́мъ, во́дꙋ почерпа́ѧ на ра́мѣхъ свои́хъ носи́ти и҆зво́лилъ є҆сѝ: нача́льника трꙋдополо́жна во все́мъ себѐ показа́лъ є҆сѝ."
|
|
},
|
|
{
|
|
"type": "TEXT",
|
|
"value": "Пребл҃же́нне, бг҃опрїѧ́тне ѻ҆́ч҃е на́шъ са́вво, непреста́ннѡ ста́до твоѐ вопїе́тъ тѝ: моли́твами твои́ми ко гдⷭ҇ꙋ спаси́ ны, мо́лимсѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: По рожде́нїи стра́шнѣмъ пребыла̀ є҆сѝ дв҃а, ꙗ҆́коже пре́жде. Бг҃ъ бѣ̀ рожде́йсѧ, ᲂу҆строѧ́ѧй всѧ̑ во́лею, безневѣ́стнаѧ мр҃і́е бг҃облагода́тнаѧ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Жите́йское мо́ре воздвиза́емое зрѧ̀ напа́стей бꙋ́рею, къ ти́хомꙋ приста́нищꙋ твоемꙋ̀ прите́къ, вопїю́ ти: возведѝ ѿ тлѝ живо́тъ мо́й, многоми́лостиве."
|
|
},
|
|
{
|
|
"type": "TEXT",
|
|
"value": "Страда̑нїи пѡ́двигъ твои́хъ, пребл҃же́нне, кла́съ бжⷭ҇твенный возрасти́лъ є҆сѝ: и҆ пита́еши благоче́стнѡ восхвалѧ́ющыѧ тѧ̀, са́вво прпⷣбне, ѻ҆́ч҃е на́шъ."
|
|
},
|
|
{
|
|
"type": "TEXT",
|
|
"value": "Кнѧ́зѧ проше́нїе, ѻ҆́ч҃е, со тща́нїемъ и҆сполнѧ́ѧ, хра́мъ бг҃омт҃ре воздви́глъ є҆сѝ, въ не́мже пра́здничною ра́достїю мона́хѡвъ мно́жєства веселѧ́тсѧ, па́мѧть твою̀ прославлѧ́юще."
|
|
},
|
|
{
|
|
"type": "TEXT",
|
|
"value": "Ка́плѧми по́тѡвъ твои́хъ, прпⷣбне, врагѡ́въ ѡ҆полчє́нїѧ попра́лъ є҆сѝ, и҆ дости́глъ є҆сѝ а҆́гг҃льскїѧ невеще́ствєнныѧ ли́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Всеблага́ѧ влⷣчце, ꙗ҆́же пребл҃га́го бг҃а пло́тїю ро́ждши, ѡ҆ѕло́бленное страстьмѝ моѐ се́рдце ѡ҆чи́сти, да вѣ́рою и҆ любо́вїю велича́ю тѧ̀."
|
|
},
|
|
{
|
|
"type": "HEADER",
|
|
"value": "Конда́къ, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Вы́шнихъ и҆щѧ̀:"
|
|
},
|
|
{
|
|
"type": "TEXT",
|
|
"value": "Гдⷭ҇нимъ жела́нїемъ распали́всѧ, стра̑сти плѡтскі́ѧ воздержа́нїемъ ѿтрѧ́съ, бжⷭ҇твеннагѡ свѣ́та незаходи́мое свѣти́ло ꙗ҆ви́лсѧ є҆сѝ, чꙋде́съ лꙋча́ми всѣ́хъ просвѣща́еши притека́ющихъ къ ра́цѣ моще́й твои́хъ, са́вво прпⷣбне, ѻ҆́ч҃е на́шъ."
|
|
},
|
|
{
|
|
"type": "TEXT",
|
|
"value": "І҆́косъ: Всеси́льное дх҃а ст҃а́гѡ дѣ́йство бг҃ови́днѡ въ тѧ̀ всели́сѧ, и҆ бг҃олѣ́пными мановє́нїи благоте́чнѣ и҆ды́й къ горѣ̀, и҆дѣ́же хотѣ́лъ є҆сѝ ѻ҆би́тель воздви́гнꙋти, и҆ ꙗ҆́коже нбⷭ҇ный ра́й бл҃гово́нными насажде́нъ цвѣты̑, сїю̀ ѡ҆брѣ́тъ, всели́лсѧ є҆сѝ, и҆ хра́мъ бг҃ома́тере чꙋ́денъ воздви́глъ є҆сѝ, мона́хѡвъ мно́жество собра́лъ є҆сѝ, и҆ сїѧ̑ добродѣ́тельными дѣѧ̑нїи свѣ́тлѡ блиста́ющыѧ, воздержа̑нїи мꙋ́дрѡстнаѧ воѡбра́жь. И҆ ны́нѣ, въ па́мѧть твою̀ соше́дшесѧ, вопїе́мъ тѝ: молѝ ѡ҆ на́съ, са́вво прпⷣбне, ѻ҆́ч҃е на́шъ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Росода́тельнꙋ ᲂу҆́бѡ пе́щь содѣ́ла а҆́гг҃лъ преподѡ́бнымъ ѻ҆трокѡ́мъ, халдє́и же ѡ҆палѧ́ющее велѣ́нїе бж҃їе, мꙋчи́телѧ ᲂу҆вѣща̀ вопи́ти: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Пꙋчи́ною сле́зъ твои́хъ, пребога́те, ѕлонача́льнаго ѕмі́ѧ потопи́лъ є҆сѝ, ꙗ҆́кѡ побѣдоно́сецъ и҆зрѧ́денъ къ нбⷭ҇нымъ возлетѣ́лъ є҆сѝ, непреста́ннѡ вопїе́ши: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Житїѐ неѕло́биво и҆мѣ́лъ є҆сѝ, и҆ непоро́чно, и҆ ᲂу҆кра́шено пѡ́ты страда́нїѧ, прехва́льне, бжⷭ҇твеннагѡ свѣтоли́тїѧ и҆спо́лнивсѧ, взыва́лъ є҆сѝ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Хва́литсѧ, прпⷣбне, гра́дъ тво́й, ꙗ҆́кѡ вѣнце́мъ ца́рскимъ ѡ҆бложи́сѧ, и҆мѣ́ѧ мо́щи твоѧ̑ въ себѣ̀, ꙗ҆́кѡ добра̀ граждани́на ѿ бг҃а прїѧ́лъ є҆́сть."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Препѣ́таѧ дв҃о, препѣ́таго бг҃а ро́ждшаѧ, пою́щыѧ тѧ̀ прича́стники покажѝ свѣ́та, и҆ и҆зба́ви гее́нны ѻ҆гнѧ̀, и҆ всѧ́кагѡ вре́да вра́жїѧ моли́твами твои́ми."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: И҆зъ пла́мене прпⷣбнымъ ро́сꙋ и҆сточи́лъ є҆сѝ, и҆ пра́веднагѡ же́ртвꙋ водо́ю попали́лъ є҆сѝ: всѧ̑ бо твори́ши, хрⷭ҇тѐ, то́кмѡ є҆́же хотѣ́ти. Тѧ̀ превозно́симъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Мꙋдрова́нїе плотско́е ᲂу҆мертви́лъ є҆сѝ, че́сти и҆ и҆мѣ́нїѧ совле́клсѧ є҆сѝ, ѿ землѝ къ нбⷭ҇нымъ взы́ти тща́сѧ, и҆ всѧ̑ пѣ́ти наꙋча́ѧ: гдⷭ҇а по́йте, и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Се́рдца твоегѡ̀ бразды̑, ѻ҆́ч҃е са́вво, мꙋ́дрѣ воздѣ́лалъ є҆сѝ, сле́зными тꙋ́чами сїѧ̑ напои́лъ є҆сѝ, и҆ благоꙋха́нно мѵ́ро прине́слсѧ є҆сѝ хрⷭ҇тꙋ̀, є҆мꙋ́же вопїе́ши: гдⷭ҇а по́йте, и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Хрⷭ҇тꙋ̀ приносѧ̀, бл҃же́нне, пощє́нїѧ и҆ сле́зы, и҆ непоро́чнꙋю моли́твꙋ, ри́знꙋю лѣ́потꙋ, и҆ мѧ̑гкїѧ ѻ҆дє́жды власѧны́ми рꙋ̑бы премѣни́лъ є҆сѝ, си́мъ показꙋ́ѧ глꙋбоча́йшее смире́нїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆зба́вльшесѧ пе́рвыѧ клѧ́твы ржⷭ҇тво́мъ твои́мъ, всебл҃гослове́ннаѧ ѻ҆трокови́це бг҃ора́дованнаѧ, гаврїи́ловъ тебѣ̀ гла́съ возсыла́емъ: ра́дꙋйсѧ, вино́внаѧ всѣ́хъ спасе́нїѧ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃а человѣ́кѡмъ невозмо́жно ви́дѣти, на него́же не смѣ́ютъ чи́ни а҆́гг҃льстїи взира́ти: тобо́ю бо, всечⷭ҇таѧ, ꙗ҆ви́сѧ человѣ́кѡмъ сло́во воплоще́нно, є҆го́же велича́юще, съ нбⷭ҇ными вѡ́и тѧ̀ ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Ви́дѣти сла́вꙋ вседержи́телѧ жела́ѧ, ѡ҆бнови́лъ є҆сѝ дꙋшѝ крѣ́пость, и҆ сла́вою ѡ҆богати́лсѧ є҆сѝ нбⷭ҇ною."
|
|
},
|
|
{
|
|
"type": "TEXT",
|
|
"value": "Честно́е ᲂу҆краше́нїе бл҃года́ти, ѻ҆́ч҃е прпⷣбне са́вво, и҆спросѝ на́мъ во бранѣ́хъ крѣ́пость, и҆ здра́вїе тѣлесѐ: ꙗ҆́кѡ да непреста́ннѡ тѧ̀ велича́емъ."
|
|
},
|
|
{
|
|
"type": "TEXT",
|
|
"value": "Чи́ни а҆́гг҃льстїи тебѐ, ѻ҆́ч҃е, срѣто́ша, и҆ пра́ведныхъ собо́ри возвесели́шасѧ, и҆ ѿ вседержи́тельныѧ десни́цы влⷣчни вѣнча́лсѧ є҆сѝ. Тѣ́мже тѧ̀ досто́йнѡ велича́емъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣ́томъ твои́мъ мѧ̀, бг҃ора́дованнаѧ въ жена́хъ дв҃о, просвѣтѝ, молю́сѧ, и҆ ѻ҆гнѧ̀ вѣ́чнагѡ и҆зба́ви мѧ̀: ꙗ҆́кѡ да велича́ю тѧ̀, и҆ по до́лгꙋ да воспою̀ вели̑чїѧ твоѧ̑."
|
|
},
|
|
{
|
|
"type": "TEXT",
|
|
"value": "Свѣти́ленъ: По́мысломъ лꙋ́чшимъ стра̑сти ᲂу҆держа́въ, и҆ де́мѡнѡвъ свирѣ̑пства низложи́лъ є҆сѝ. И҆ ны́нѣ со дерзнове́нїемъ предстоѧ̀ хрⷭ҇тꙋ̀, моли́сѧ ѡ҆ ста́дѣ твое́мъ, ѻ҆́ч҃е на́шъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: По бз҃ѣ на тѧ̀ ᲂу҆пова́емъ, пречⷭ҇таѧ, и҆зъ тебє̀ проше́дшемꙋ сраспина́еми хрⷭ҇тꙋ̀, твои́ми, къ немꙋ̀ мольба́ми неврежде́нны до конца̀ ны̀ сохранѝ."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры на д҃, гла́съ и҃. Самогла́сны:"
|
|
},
|
|
{
|
|
"type": "TEXT",
|
|
"value": "Бжⷭ҇твенною си́лою ѡ҆дѣ́ѧвсѧ, ᲂу҆мертви́лъ є҆сѝ себѐ мі́рови: житїѐ непоро́чно пожи́въ, пресла́вне, є҆диножи́тель се́ргїа бжⷭ҇твеннагѡ бы́лъ є҆сѝ."
|
|
},
|
|
{
|
|
"type": "TEXT",
|
|
"value": "Чистоты̀ сосꙋ́дъ показа́всѧ, и҆сцѣле́нїй зари̑ ѡ҆блиста́лъ є҆сѝ, по́стникѡвъ ᲂу҆добре́нїе, мона́шествꙋющихъ похвала̀, са́вво прпⷣбне, ѻ҆́ч҃е на́шъ."
|
|
},
|
|
{
|
|
"type": "TEXT",
|
|
"value": "Оу҆мертви́въ себѐ мі́рꙋ, жи́знь равноа́гг҃льнꙋ на землѝ пожи́лъ є҆сѝ, и҆ ꙗ҆́кѡ да́ръ ѡ҆свѧще́нъ влⷣцѣ, прпⷣбне, твою̀ дꙋ́шꙋ са́вво, прине́слъ є҆сѝ, и҆сцѣле́нїй зари̑ ѡ҆блиста́лъ є҆сѝ, и҆ бжⷭ҇твеннагѡ црⷭ҇твїѧ досто́йнѡ полꙋчи́лъ є҆сѝ. Молѝ спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Свѣ́тлое и҆ бг҃оꙋго́дное житїѐ твоѐ, ꙗ҆́кѡ свѣ́тъ вои́стиннꙋ на землѝ показа́сѧ, бжⷭ҇твеннꙋю ви́дѣти свѣ́тлость, са́вво, сподо́билсѧ є҆сѝ. Тѣ́мже и҆ ви̑димаѧ всѧ̑ ѡ҆ста́вилъ є҆сѝ, и҆ непостижи́маго зрѣ́ти сподо́билсѧ є҆сѝ, є҆го́же молѝ, прпⷣбне, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е са́вво, во всю̀ зе́млю и҆зы́де вѣща́нїе и҆справле́нїй твои́хъ: тѣ́мже на нб҃сѣ́хъ ѡ҆брѣ́лъ є҆сѝ мздꙋ̀ трꙋдѡ́въ твои́хъ, де́мѡнскїѧ разори́лъ є҆сѝ полкѝ, и҆ а҆́гг҃льскїѧ дости́глъ є҆сѝ чи́ны, и҆́хже житїю̀ безъ поро́ка поревнова́лъ є҆сѝ. Дерзнове́нїе и҆мѣ́ѧ ко гдⷭ҇ꙋ, ми́ръ и҆спросѝ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бцⷣе, ты̀ є҆сѝ лоза̀ и҆́стиннаѧ:"
|
|
},
|
|
{
|
|
"type": "HEADER",
|
|
"value": "Славосло́вїе вели́кое, и҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и: Бл҃жє́нна, пѣ́снь г҃ и҆ ѕ҃-ѧ."
|
|
},
|
|
{
|
|
"type": "TEXT",
|
|
"value": "Прокі́менъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ гала́тѡмъ, зача́ло сг҃і."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе матѳе́а зача́ло і҃."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю."
|
|
}
|
|
] |