858 lines
72 KiB
JSON
858 lines
72 KiB
JSON
[
|
|
{
|
|
"type": "HEADER",
|
|
"value": "Деке́мврїа к҃д"
|
|
},
|
|
{
|
|
"type": "HEADER",
|
|
"value": "Предпра́зднство ржⷭ҇тва̀ хрⷭ҇то́ва."
|
|
},
|
|
{
|
|
"type": "HEADER",
|
|
"value": "И҆ па́мѧть ст҃ы́ѧ прпⷣбномꙋ́ченицы є҆ѵге́нїи."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры, предпра́зднства, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Ра́дꙋйсѧ:"
|
|
},
|
|
{
|
|
"type": "TEXT",
|
|
"value": "Но́сиши а҆да́мовъ зра́къ, во ѻ҆́бразѣ бж҃їи сы́й всесоверше́нный: и҆ хо́щеши рꙋка́ми держа́тисѧ, рꙋко́ю всѧ̑ содержа́й си́лою твое́ю, чи́стаѧ всенепоро́чнаѧ, провѣщава́ше глаго́лющи: ка́кѡ тѧ̀ пелена́ми повїю̀ ꙗ҆́кѡ младе́нца: ка́кѡ сосца́ми пита́ю тѧ̀, всѧ́чєскаѧ пита́ющаго; ка́кѡ твое́й па́че ᲂу҆ма̀ нищетѣ̀ ᲂу҆дивлѧ́юсѧ; ка́кѡ тѧ̀ сн҃а моего̀ нарекꙋ̀, раба̀ твоѧ̀ ны́нѣ сꙋ́щи; пою̀, бл҃гословлю́ тѧ, подаю́щаго мі́рꙋ ве́лїю ми́лость."
|
|
},
|
|
{
|
|
"type": "TEXT",
|
|
"value": "Младе́нца воплоща́ема и҆зъ неѧ̀, предвѣ́чнаго бг҃а всенепоро́чнаѧ зрѧ́щи, рꙋка́ми держа́щи, и҆ ѡ҆блобыза́ющи ча́стѡ, и҆ ра́дости и҆сполнѧ́ющисѧ провѣщава́ше є҆мꙋ̀: бж҃е вы́шнїй, цр҃ю̀ неви́димый, ка́кѡ зрю̀ тѧ̀, и҆ разꙋмѣ́ти та́инства не могꙋ̀, безмѣ́рныѧ нищеты̀ твоеѧ̀; верте́пъ бо малѣ́йшїй, и҆ се́й чꙋ́ждїй, внꙋ́трь вмѣща́етъ тѧ̀ ро́ждшагосѧ, и҆ дѣ́вства нерѣши́вша, ложесна̀ соблю́дшаго, ꙗ҆́кѡ пре́жде ржⷭ҇тва̀, и҆ даю́щаго ве́лїю ми́лость."
|
|
},
|
|
{
|
|
"type": "TEXT",
|
|
"value": "Сїѧ̑ ра́бски чи́стаѧ ᲂу҆жа́снѡ вѣща́ющи, ᲂу҆слы́шаше волхвѡ́въ предъ верте́помъ, кꙋ́пнѡ предстоѧ́щихъ, и҆ къ ни̑мъ речѐ: когѡ̀ и҆́щете вы̀; ꙗ҆́кѡ ви́ждꙋ бо, ѿ и҆нода́льныѧ страны̀ прїидо́сте, пе́рсскїй ѻ҆́бразъ и҆ мꙋдрова́нїе и҆мꙋ́ще. Стра́ненъ и҆схо́дъ и҆ ше́ствїе сотвори́те: и҆ къ стра́нствовавшемꙋ свы́ше, и҆ стра́ннѡ въ мѧ̀ все́льшемꙋсѧ, ꙗ҆́кѡ вѣ́сть, со тща́нїемъ прїидо́сте томꙋ̀ поклони́тисѧ, да́рꙋющемꙋ мі́рꙋ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры ст҃ы́ѧ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Мі́ра ѡ҆ста́вльши красотꙋ̀, дꙋшѝ благоро́дїе, благоро́дїѧ свы́ше, добро́тами ᲂу҆ѧсни́ла є҆сѝ, є҆ѵге́нїе всехва́льнаѧ, ѻ҆́браза благода́ть немꙋ́тнꙋ житїе́мъ сохра́нши, мꙋ́ченице непобѣди́маѧ, дѣ́вства забра́ло бг҃ови́дно, и҆ цвѣ́те є҆стества̀ всеблагоро́днѣйшїй."
|
|
},
|
|
{
|
|
"type": "TEXT",
|
|
"value": "Сло́вомъ и҆ житїе́мъ и҆ бл҃года́тїю, и҆ терпѣ́нїемъ дꙋшѝ ᲂу҆краси́вшисѧ, привела̀ є҆сѝ страда́лєцъ вѡ́инства, и҆ дѣ́въ собо́ръ, ѿ дв҃ы возсїѧ́вшемꙋ, и҆ свидѣ́тельства ꙗ҆́вѣ ѿве́рзшемꙋ всѣ̑мъ вхо́дъ, є҆ѵге́нїе всемꙋ́драѧ, съ ни́миже и҆ ны́нѣ сего̀ ᲂу҆молѝ, спастѝ ста́до твоѐ."
|
|
},
|
|
{
|
|
"type": "TEXT",
|
|
"value": "Пра́вды строи́тель тѧ̀, ꙗ҆́кѡ дв҃ꙋ чи́стꙋ, и҆ ꙗ҆́кѡ сла́внꙋ мꙋ́ченицꙋ, сꙋгꙋ́быми вѣнцы̑ благолѣ́пнѡ ᲂу҆красѝ, красе́нъ черто́гъ тебѣ̀ дарова́въ свѣтоѧвле́ньми просвѣще́нный: и҆дѣ́же все́льшисѧ, вѣ́чнꙋющимъ, невѣ́сто хрⷭ҇то́ва, ны́нѣ бл҃же́нствомъ ꙗ҆́вѣ ѡ҆богати́ласѧ є҆сѝ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, предпра́зднства, гла́съ в҃:"
|
|
},
|
|
{
|
|
"type": "TEXT",
|
|
"value": "Сѐ вре́мѧ прибли́жисѧ спасе́нїѧ на́шегѡ, гото́висѧ, верте́пе, дв҃а приближа́етсѧ роди́ти: виѳлее́ме, землѐ і҆ꙋ́дова, красꙋ́йсѧ и҆ весели́сѧ, ꙗ҆́кѡ и҆зъ тебє̀ возсїѧ̀ гдⷭ҇ь на́шъ: ᲂу҆слы́шите го́ры и҆ хо́лми, и҆ ѻ҆крє́стныѧ страны̑ і҆ꙋдє́йскїѧ, ꙗ҆́кѡ грѧде́тъ хрⷭ҇то́съ да спасе́тъ, є҆го́же созда̀ человѣ́ка, ꙗ҆́кѡ чл҃вѣколю́бецъ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры предпра́зднства, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Всехва́льнїи мч҃ницы:"
|
|
},
|
|
{
|
|
"type": "TEXT",
|
|
"value": "Да́ры тебѣ̀ приносѧ́ще, сн҃е, ца́рїе прїидо́ша восто́чнїи, цр҃ѧ́ тѧ ᲂу҆вѣ́дѣвше роди́тисѧ, лїва́нъ, и҆ смѵ́рнꙋ, и҆ зла́то: и҆ сѐ стоѧ́тъ предъ две́рми. Си̑мъ повелѝ ви́дѣти тѧ̀ млⷣнца на рꙋкꙋ̀ моє́ю держи́ма, дре́внѧгѡ а҆да́ма старѣ́йша."
|
|
},
|
|
{
|
|
"type": "TEXT",
|
|
"value": "Сті́хъ: Бг҃ъ ѿ ю҆́га прїи́детъ, и҆ ст҃ы́й и҆зъ горы̀ приѡсѣне́нныѧ ча́щи."
|
|
},
|
|
{
|
|
"type": "TEXT",
|
|
"value": "Прїиди́те, вни́дите со тща́нїемъ, дв҃а речѐ дре́вле волхвѡ́мъ: и҆ ви́дите неви́димаго, ви́дима ꙗ҆́вльшасѧ, и҆ млⷣнца бы́вша. Ѻ҆ни́ же со ᲂу҆се́рдїемъ внидо́ша и҆ поклони́шасѧ, и҆ да́ры принесо́ша, прⷪ҇ро́чества бжⷭ҇твенное и҆спо́лнивше."
|
|
},
|
|
{
|
|
"type": "TEXT",
|
|
"value": "Сті́хъ: Гдⷭ҇и, ᲂу҆слы́шахъ слꙋ́хъ тво́й, и҆ ᲂу҆боѧ́хсѧ: гдⷭ҇и, разꙋмѣ́хъ дѣла̀ твоѧ̑, и҆ ᲂу҆жасо́хсѧ."
|
|
},
|
|
{
|
|
"type": "TEXT",
|
|
"value": "Ношꙋ́ тѧ ꙗ҆́кѡ млⷣнца рꙋка́ми, всѧ́чєскаѧ носѧ́щаго, и҆ ᲂу҆дивлѧ́юсѧ, глаго́лаше неискꙋсобра́чнаѧ: ка́кѡ тѧ̀ млеко́мъ воспита́ю, пита́ющаго всѧ̑, сн҃е мо́й и҆ тво́рче мо́й; сла́влю твоѐ безмѣ́рное къ человѣ́кѡмъ снизше́ствїе, и҆́мже спаса́еши мі́ръ погиба́ющїй."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, предпра́зднства, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Сїѡ́не, торжествꙋ́й, і҆ерⷭ҇ли́ме, весели́сѧ, гра́де хрⷭ҇та̀ бг҃а: под̾имѝ зижди́телѧ въ верте́пѣ и҆ ꙗ҆́слехъ вмѣща́емаго, ѿве́рзите мнѣ̀ врата̀, и҆ вше́дъ въ нѧ̀ ᲂу҆зрю̀ ꙗ҆́кѡ млⷣнца пелена́ми повива́емаго, дла́нїю же содержа́щаго тва́рь: є҆го́же пою́тъ а҆́гг҃ли непреста́ннымъ гла́сомъ, жизнода́вца гдⷭ҇а, спаса́ющаго ро́дъ на́шъ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Написова́шесѧ и҆ногда̀ со ста́рцемъ і҆ѡ́сифомъ, ꙗ҆́кѡ ѿ сѣ́мене дв҃дова, въ виѳлее́мѣ марїа́мъ: чревоносѧ́щи безсѣ́менное рожде́нїе: наста́ же вре́мѧ ржⷭ҇тва̀, и҆ мѣ́сто ни є҆ди́ноже бѣ̀ ѻ҆бита́лищꙋ: но ꙗ҆́коже кра́снаѧ пала́та, верте́пъ цр҃и́цѣ показа́шесѧ. Хрⷭ҇то́съ ражда́етсѧ, пре́жде па́дшїй воскреси́ти ѻ҆́бразъ."
|
|
},
|
|
{
|
|
"type": "HEADER",
|
|
"value": "На повече́рїи канѡ́нъ, є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Дне́сь же сꙋббѡ́тꙋ пою̀ вели́кꙋю."
|
|
},
|
|
{
|
|
"type": "HEADER",
|
|
"value": "І҆рмосы̀ по два́жды: тропари́ же на ѕ҃. Гла́съ ѕ҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Волно́ю морско́ю скры́вшаго дре́вле, гони́телѧ, мꙋчи́телѧ, въ ꙗ҆́слехъ сокрыва́емаго ᲂу҆би́ти и҆́щетъ и҆́рѡдъ: но мы̀ съ волхвы̑ пои́мъ: гдⷭ҇еви воспои́мъ, сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Гдⷭ҇и бж҃е мо́й, ржⷭ҇твенное пѣ́нїе и҆ предпра́зднственнꙋю пѣ́снь тебѣ̀ воспою̀, рожде́нїемъ твои́мъ бжⷭ҇твеннымъ возрожде́нїе даю́щемꙋ мнѣ̀, и҆ къ пе́рвомꙋ мѧ̀ благоро́дїю возводѧ́щꙋ."
|
|
},
|
|
{
|
|
"type": "TEXT",
|
|
"value": "Горѣ́ тѧ на престо́лѣ и҆ до́лѣ въ ꙗ҆́слехъ премі́рнаѧ и҆ зємна́ѧ разꙋмѣ́вше, сп҃се мо́й, дивлѧ́хꙋсѧ держа́вѣ твое́й, ꙗ҆ви́лсѧ є҆си́ бо па́че ᲂу҆ма̀, сꙋгꙋ́бъ є҆стество́мъ бг҃очеловѣ́къ."
|
|
},
|
|
{
|
|
"type": "TEXT",
|
|
"value": "Да твоеѧ̀ сла́вы всѧ́чєскаѧ и҆спо́лниши, приклони́въ нб҃са̀, на зе́млю прише́лъ є҆сѝ: ꙗ҆́кѡ бо на рꙋно̀ низше́лъ є҆сѝ до́ждь во чре́во дѣ́вственное, и҆зъ неѧ́же ны́нѣ роди́тисѧ сꙋгꙋ́бъ грѧде́ши, бг҃ъ же и҆ чл҃вѣ́къ."
|
|
},
|
|
{
|
|
"type": "HEADER",
|
|
"value": "Послѣди́ же і҆рмо́съ ѻ҆́ба ли̑ка вкꙋ́пѣ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Тебѐ на вода́хъ повѣ́сившаго всю̀ зе́млю неѡдержи́мѡ, тва́рь ви́дѣвши въ верте́пѣ ражда́ющасѧ, ᲂу҆́жасомъ содрога́шесѧ, нѣ́сть свѧ́тъ, па́че тебє̀, гдⷭ҇и, зовꙋ́щи."
|
|
},
|
|
{
|
|
"type": "TEXT",
|
|
"value": "Ѻ҆́бразы неизрече́ннагѡ твоегѡ̀ воплоще́нїѧ проѧвлѧ́ѧ, ще́дре, ᲂу҆мно́жилъ є҆сѝ видѣ̑нїѧ, и҆ прⷪ҇ро́чєствїѧ вдохнꙋ́лъ є҆сѝ, ꙗ҆̀же ны́нѣ прише́дъ и҆спо́лнилъ є҆сѝ, пло́тїю ражда́ѧсѧ и҆зъ чⷭ҇тыѧ ѻ҆трокови́цы во гра́дѣ дв҃довѣ."
|
|
},
|
|
{
|
|
"type": "TEXT",
|
|
"value": "Прострѐ землѧ̀ плещы̀ своѧ̑, и҆ прїе́млетъ прїе́млющаго зижди́телѧ сла́вꙋ ѿ а҆́гг҃лъ, ѿ нб҃съ же ѕвѣздꙋ̀, ѿ па́стырей хвале́нїе, ѿ волхвѡ́въ же да́ры. И҆ ѿ всегѡ̀ мі́ра позна́нїе."
|
|
},
|
|
{
|
|
"type": "TEXT",
|
|
"value": "Волхва̀ ѕвѣздоче́тца валаа́ма гада̑нїѧ ны́нѣ и҆сполнѧ́ютсѧ: возсїѧ́ бо ѕвѣзда̀ ѿ і҆а́кѡва, и҆ наста́ви къ сл҃нцꙋ сла́вы да́ры носѧ́щыѧ волхвы̀, ѿ персі́ды царѝ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿ дв҃ы прише́ствїе твоѐ прови́дѧ а҆ввакꙋ́мъ, ᲂу҆жа́ссѧ вопїѧ́ше: ты̀ ѿ ю҆́га, воплоща́ѧсѧ, прише́лъ є҆сѝ, и҆зба́вителю а҆да́ма ѿринове́ннаго воззва́ти."
|
|
},
|
|
{
|
|
"type": "TEXT",
|
|
"value": "Приближа́етсѧ и҆ прихо́дитъ ны́нѣ гдⷭ҇ь, жда́нїе ꙗ҆зы́кѡвъ и҆ спасе́нїе мі́ра: ᲂу҆гото́ви верте́пъ, гра́де виѳлее́ме, и҆ съ вѡлхвы̀ па́стырїе текꙋ́ще приспѣ́йте."
|
|
},
|
|
{
|
|
"type": "TEXT",
|
|
"value": "Крѣ́постїю бжⷭ҇тва̀ сраствори́всѧ человѣ́кѡмъ, є҆дине́нїемъ несли́тнымъ, пло́ти въ подо́бїи, сп҃се, а҆да́ма ѡ҆бновлѧ́еши и҆ спаса́еши воспрїѧ́тїемъ."
|
|
},
|
|
{
|
|
"type": "TEXT",
|
|
"value": "Сло́во, пло́ть ꙗ҆ви́всѧ, ѡ҆дебелѣва́етъ, и҆ вселѧ́етсѧ въ ны̀ неизрече́ннымъ про́мысломъ. Прїиди́те вѣ́рнїи ᲂу҆́зримъ сла́вꙋ є҆гѡ̀, сла́вꙋ ꙗ҆́кѡ є҆диноро́днагѡ ѿ бг҃а и҆ ѻ҆ц҃а̀."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃оѧвле́нїѧ твоегѡ̀, хрⷭ҇тѐ, є҆́же къ на́мъ ми́лостивнѡ бы́вшагѡ, и҆са́їа свѣ́тъ ви́дѣвъ невече́рнїй, ѿ но́щи ᲂу҆́треневавъ, взыва́ше: се́ дв҃а во чре́вѣ прїи́метъ, и҆ породи́тъ воплоща́емое сло́во, и҆ всѝ земноро́днїи возра́дꙋютсѧ."
|
|
},
|
|
{
|
|
"type": "TEXT",
|
|
"value": "Новотвори́ши земнорѡ́дныѧ, пе́рстенъ бы́въ, зижди́телю, ꙗ҆́сли же и҆ пелєны̀ и҆ верте́пъ, твоегѡ̀ смире́нїѧ ѻ҆́бразы. Ѡ҆брꙋ́чникъ же твоеѧ̀ мт҃ре, тво́й мни́мый ѻ҆те́цъ по пло́ти, ро́ждшагѡ тѧ̀ ѻ҆ц҃а̀ ны́нѣ воѡбража́етъ совѣ́тъ."
|
|
},
|
|
{
|
|
"type": "TEXT",
|
|
"value": "Смѵ́рною сме́рть, зла́томъ ца́рскꙋю держа́вꙋ, лїва́номъ же бжⷭ҇тва̀ преимꙋ́щество проѧвлѧ́ютъ ца́рїе ꙗ҆зы́кѡвъ, нача́тки дароносѧ́ще тебѣ̀, въ верте́пѣ рожде́нномꙋ виѳлее́мстѣмъ, и҆зъ неискꙋсомꙋ́жныѧ мт҃ре."
|
|
},
|
|
{
|
|
"type": "TEXT",
|
|
"value": "И҆зъ безмꙋ́жныѧ проше́дъ ѻ҆ц҃а̀ соприсносꙋ́щное сло́во, пло́тски всели́лсѧ є҆сѝ въ верте́пъ, ꙗ҆́кѡ прⷭ҇то́лъ ꙗ҆́сли вмѣни́въ: ᲂу҆дивлѧ́еши же стра́шнымъ строе́нїемъ твои́мъ волхвы̀ и҆ па́стыри, а҆́гг҃ли же ᲂу҆жаси́лъ є҆сѝ: сла́ва держа́вѣ твое́й."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ꙗ҆́тъ бы́сть, но не ᲂу҆держа́нъ въ пе́рсехъ ки́товыхъ і҆ѡ́на: тво́й бо ѻ҆́бразъ носѧ̀ ро́ждшагѡсѧ, и҆ пло́тїю ꙗ҆́вльшагѡсѧ, ꙗ҆́кѡ ѿ черто́га ѿ ѕвѣ́рѧ и҆зы́де. Рожде́нный бо ны́нѣ пло́тїю, во гро́бъ и҆ сме́рть хотѣ́лъ є҆сѝ вни́ти, па́ки воскре́снꙋти тридне́венъ."
|
|
},
|
|
{
|
|
"type": "TEXT",
|
|
"value": "Поги́бе ны́нѣ и҆ разори́сѧ дре́внїѧ вражды̀ средостѣ́нїе плотски́мъ твои́мъ прише́ствїемъ, хрⷭ҇тѐ, и҆ пла́менное ѻ҆рꙋ́жїе всѣ̑мъ дае́тъ плещы̀, живоно́снагѡ же є҆де́мскагѡ дре́ва причаща́юсѧ вѣ́рнѡ, безсме́ртныхъ садѡ́въ а҆́бїе дѣ́латель показꙋ́ѧсѧ."
|
|
},
|
|
{
|
|
"type": "TEXT",
|
|
"value": "Ца́рствꙋетъ со грѣхо́мъ а҆́дъ, ѿ а҆да́ма да́же до тебє̀: но погиба́етъ тѣ́хъ безстꙋ́дное мꙋчи́тельство, пло́тїю ражда́ющꙋсѧ тебѣ̀, и҆зба́вителю, ѿ пле́мене дв҃дова, и҆ на прⷭ҇то́лѣ црⷭ҇твїѧ є҆гѡ̀ посажде́нꙋ ꙗ҆́вѣ, и҆ во вѣ́ки црⷭ҇твꙋющꙋ."
|
|
},
|
|
{
|
|
"type": "TEXT",
|
|
"value": "Дѣтоꙋбі́йца, но не хрⷭ҇тоꙋбі́йца ꙗ҆ви́сѧ и҆́рѡдъ лю́тый: а҆́ще бо и҆ младе́нцы пожа́тъ го́рькѡ, ꙗ҆́кѡ травꙋ̀, но кла́са жи́зни не возмо́же ᲂу҆держа́ти и҆ ᲂу҆мертви́ти: жи́зни бо сы́й пода́тель, ᲂу҆таи́сѧ, ꙗ҆́кѡ бг҃ъ, бжⷭ҇твенною си́лою, гони́телѧ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Неизрече́нное чꙋ́до, въ пещѝ и҆зба́вивый прпⷣбныѧ ѻ҆́троки и҆зъ пла́мене, въ ꙗ҆́слехъ ᲂу҆бо́гихъ млⷣнецъ возлежѐ, во спасе́нїе на́съ пою́щихъ: и҆зба́вителю бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Оу҆ѧзви́сѧ льсте́цъ вра́гъ, бг҃а ви́дѧ ꙗ҆́кѡ млⷣнца лежа́ща въ ꙗ҆́слехъ хꙋды́хъ, и҆ крѣ́пкою рꙋко́ю бжⷭ҇твенною ᲂу҆бива́етсѧ, во спасе́нїе на́съ, пою́щихъ: и҆зба́вителю бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Блаже́нны ꙗ҆́сли: въ себѣ́ бо прїе́мше ꙗ҆́кѡ млⷣнца содѣ́телѧ, ꙗ҆́кѡ херꙋві́мскїй прⷭ҇то́лъ показа́шасѧ, во спасе́нїе на́съ, пою́щихъ: и҆зба́вителю бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Зако́номъ человѣ́ческимъ въ пелена́хъ положе́нїе прїе́млеши, млⷣнецъ ꙗ҆́вльсѧ: и҆́миже ᲂу҆́зы рѣши́ши прегрѣше́нїй на́шихъ, свобо́дꙋ да́рꙋѧ вопїю́щымъ: и҆зба́вителю бж҃е, бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасни́сѧ боѧ́йсѧ нб҃о, и҆ да подви́жатсѧ ѡ҆снова̑нїѧ землѝ: се́ бо пелена́ми повива́етсѧ всѧ̑ носѧ́й дла́нїю, и҆ во ꙗ҆́слехъ ма́лѣхъ страннопрїе́млетсѧ. Є҆го́же ѻ҆́троцы благослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Разрѣши́сѧ свѧ́занный а҆да́мъ, свобо́да же всѣ̑мъ вѣ̑рнымъ дарова́сѧ, пелена́ми, сп҃се, повива́емꙋ тебѣ̀, и҆ въ верте́пѣ ма́лѣмъ, и҆ въ ꙗ҆́слехъ безслове́сныхъ положе́нꙋ. Тѣ́мъ тебѣ̀, ра́дꙋющесѧ, предпра́зднственнꙋю пѣ́снь въ твое́мъ ржⷭ҇твѣ̀ прино́симъ вѣ́рою."
|
|
},
|
|
{
|
|
"type": "TEXT",
|
|
"value": "Преста̀ пре́лесть пе́рсскаѧ, ѕвѣздосмотри́телє бо, ца́рїе восто́чнїи, ро́ждшемꙋсѧ да́ры прино́сѧтъ хрⷭ҇тꙋ̀ всецр҃ю̀, зла́то же и҆ смѵ́рнꙋ съ лїва́номъ. Є҆го́же ѻ҆́троцы благослови́те, свѧще́нницы воспо́йте, лю́дїе превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ѽ чꙋде́съ но́выхъ! Ѽ бл҃госты́ни! Ѽ неизрече́ннагѡ терпѣ́нїѧ! Се́ бо ꙗ҆́кѡ млⷣнецъ вмѣнѧ́етсѧ въ вы́шнихъ живы́й, и҆ бѣ́гаетъ бг҃ъ во́лею и҆́рѡда. Є҆го́же ѻ҆́троцы благослови́те, свѧще́нницы воспо́йте, лю́дїе превозноси́те во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Не диви́сѧ ны́нѣ, ѽ мт҃и, ви́дѧщи ꙗ҆́кѡ млⷣнца, є҆го́же и҆зъ чре́ва пре́жде денни́цы родѝ ѻ҆ц҃ъ: возста́вити бо и҆ сопросла́вити человѣ́ческое па́дшее є҆стество̀ прїидо́хъ ꙗ҆́вственнѡ, вѣ́рою и҆ любо́вїю тѧ̀ велича́ющее."
|
|
},
|
|
{
|
|
"type": "TEXT",
|
|
"value": "Въ стра́ннѣмъ твое́мъ ржⷭ҇твѣ̀, болѣ́зней и҆збѣ́гши преесте́ственнѡ, ᲂу҆блажи́хсѧ, безнача́льне сн҃е: ны́нѣ же тѧ̀ зрѧ́щи и҆́рѡда бѣ́гающа, ѻ҆рꙋ́жїемъ печа́ли смꙋща́юсѧ дꙋше́ю, взыва́ющи: спаса́й тебѐ почита́ющыѧ."
|
|
},
|
|
{
|
|
"type": "TEXT",
|
|
"value": "Въ зе́млю ᲂу҆́бѡ и҆дꙋ̀ є҆гѵ́петскꙋю, но є҆гѵ̑пєтскаѧ, ѽ мт҃и, рꙋкотворє́ннаѧ низложꙋ̀ трꙋ́сомъ: дꙋши́ же моеѧ̀ всꙋ́е и҆́щꙋщыѧ врагѝ пошлю̀ во а҆́дъ, ꙗ҆́кѡ є҆ди́нъ держа́венъ: вознесꙋ̀ и҆ спасꙋ̀ тебѐ почита́ющыѧ."
|
|
},
|
|
{
|
|
"type": "TEXT",
|
|
"value": "Да ра́дꙋетсѧ тва́рь, зи́ждетсѧ бо зижди́тель, и҆ пре́жде сы́й, ны́нѣ но́въ познава́етсѧ бг҃ъ: съ да́ры волсвѝ да предсрѣта́ютъ, па́стырїе чꙋ́до да пле́щꙋтъ вѣ́рнѣ, и҆ человѣ́цы со а҆́гг҃лы да веселѧ́тсѧ."
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь: тропа́рь предпра́зднства, три́жды."
|
|
},
|
|
{
|
|
"type": "HEADER",
|
|
"value": "По а҃-й каѳі́смѣ сѣда́ленъ, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: А҆́гг҃льскїѧ си̑лы:"
|
|
},
|
|
{
|
|
"type": "TEXT",
|
|
"value": "Прⷪ҇ро́чєскаѧ речє́нїѧ ны́нѣ и҆спо́лнишасѧ: бг҃ъ бо на́шъ ᲂу҆́трѣ ражда́етсѧ и҆зъ дв҃ы марі́и, па́че сло́ва, и҆ пребыва́етъ, ꙗ҆́коже бѣ̀ пре́жде ржⷭ҇тва̀. Собира́ютсѧ волсвѝ, да́ры носѧ́ще: свирѧ́ютъ па́стырїе, да припѣва́емъ и҆ мы̀: и҆́же ѿ дв҃ы рожде́йсѧ, гдⷭ҇и, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "По в҃-й каѳі́смѣ сѣда́ленъ, гла́съ и҃:"
|
|
},
|
|
{
|
|
"type": "TEXT",
|
|
"value": "Свирѣ́лей па́стырскихъ преставлѧ́ющее пѣ̑сни, во́инство а҆́гг҃льское возгласѝ, къ ни̑мъ глаго́лѧ: преста́ните свирѧ́юще, и҆̀же надъ чреда́ми пасо́мыхъ старѣ̑йшины, возопі́йте пою́ще: ꙗ҆́кѡ роди́сѧ хрⷭ҇то́съ гдⷭ҇ь, благоволи́вый спастѝ, ꙗ҆́кѡ бг҃ъ, ро́дъ человѣ́ческїй."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "Предпра́зднства канѡ́нъ, є҆гѡ́же краегране́сїе: По а҆лфави́тꙋ. Творе́нїе і҆ѡ́сифово. Гла́съ в҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во глꙋбинѣ̀ постла̀ и҆ногда̀ фараѡни́тское всево́инство преѡрꙋже́ннаѧ си́ла, вопло́щшеесѧ же сло́во всеѕло́бный грѣ́хъ потреби́ло є҆́сть: препросла́вленный гдⷭ҇ь, сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Написа́лсѧ є҆сѝ ке́саревымъ повелѣ́нїемъ, хотѧ̀ написа́ти въ кни́зѣ жи́зни, всецр҃ю̀, человѣ́ка: стра́ннѡ во своѧ̑ прише́лъ є҆сѝ, лю́тѣ ᲂу҆стра́ншагосѧ ѿ раѧ̀ на нб҃о призыва́ѧ."
|
|
},
|
|
{
|
|
"type": "TEXT",
|
|
"value": "Виѳлее́ме, прїимѝ хрⷭ҇та̀, къ тебѣ́ бо воплоти́выйсѧ прихо́дитъ, є҆де́мъ ѿверза́ѧ мнѣ̀: ᲂу҆гото́висѧ, верте́пе, невмѣсти́маго ᲂу҆́зриши вмѣща́ющасѧ въ тебѣ̀ пресла́внѡ, бога́тствомъ бл҃гоꙋтро́бїѧ ны́нѣ ѡ҆бнища́вша."
|
|
},
|
|
{
|
|
"type": "TEXT",
|
|
"value": "Роди́тисѧ грѧде́тъ хрⷭ҇то́съ, стра́нное возрожде́нїе сꙋ́щымъ и҆зъ а҆да́ма ꙗ҆́кѡ бг҃ъ да́рꙋѧ. Возвесели́сѧ, пꙋсты́не неражда́ющаѧ, земны́хъ є҆стество̀ всѐ: прїи́де бо влⷣка тѧ̀ многоча́днꙋ содѣ́ѧти."
|
|
},
|
|
{
|
|
"type": "HEADER",
|
|
"value": "Канѡ́нъ свѧты́ѧ, творе́нїе ѳеофа́ново. Є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Є҆ѵге́нїи вели́кꙋю сла́вꙋ въ пѣ́снехъ и҆зрѧ́днѡ пою̀."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во глꙋбинѣ̀ постла̀ и҆ногда̀ фараѡни́тское всево́инство преѡрꙋже́ннаѧ си́ла, вопло́щшеесѧ же сло́во всеѕло́бный грѣ́хъ потреби́ло є҆́сть: препросла́вленный гдⷭ҇ь, сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Є҆ѵге́нїе, мꙋ́ченице хрⷭ҇то́ва, ны́нѣ ликовствꙋ́ющи ра́достнѡ со а҆́гг҃льскими во́инствы, ꙗ҆́кѡ де́ва непоро́чна, и҆ ꙗ҆́кѡ мꙋ́ченица вѣнцено́сица всебога́таѧ, бл҃года́ть дарова́ти моли́сѧ любо́вїю воспѣва́ющымъ тѧ̀."
|
|
},
|
|
{
|
|
"type": "TEXT",
|
|
"value": "Пѣснопѣ́нїѧ, невѣ́сто хрⷭ҇то́ва, бжⷭ҇твеннагѡ послꙋ́шавши, къ высо́комꙋ впери́ласѧ є҆сѝ благоро́дїю: ꙗ҆́кѡ бо свѣ́тъ возсїѧ̀ въ се́рдце твоѐ, пѣ́сней дх҃а бг҃осло́вїе, всѧ́ко безбо́жїе ѿгонѧ̀."
|
|
},
|
|
{
|
|
"type": "TEXT",
|
|
"value": "Же́нское є҆стество̀ тво́й ᲂу҆́мъ забы́въ, къ мꙋ́жєскимъ дѣѧ́нїємъ востечѐ, вмꙋжи́всѧ бл҃года́тїю, и҆ бг҃ꙋ промы́сленнѣ ᲂу҆правлѧ́ѧсѧ, мꙋ́ченице є҆ѵге́нїе, бжⷭ҇твеннагѡ благоро́дїѧ тезоимени́тнаѧ."
|
|
},
|
|
{
|
|
"type": "TEXT",
|
|
"value": "Ѡ҆сїѧ́вшисѧ свѣ́томъ ᲂу҆́мнымъ, мно́жайшыѧ ѡ҆сїѧ́нїѧ сопричасти́тисѧ содѣ́лала є҆сѝ, бг҃омꙋ́драѧ: є҆го́же ны́нѣ пою́щыѧ тѧ̀ и҆збавлѧ́ющи грѣха̀, сподо́би твои́ми мольба́ми, мꙋ́ченице є҆ѵге́нїе всеблаже́ннаѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆мерщвле́ни бы́вше зна́нїѧ са́домъ, дре́вомъ жи́зни, чⷭ҇таѧ, къ жи́зни вѣ́рнїи воззва́хомсѧ, и҆зъ тебє̀ прозѧ́бшимъ па́че смы́сла, бцⷣе, хрⷭ҇то́мъ бг҃омъ: є҆мꙋ́же со дерзнове́нїемъ моли́сѧ, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Процвѣла̀ є҆́сть пꙋсты́нѧ, ꙗ҆́кѡ крі́нъ, гдⷭ҇и, ꙗ҆зы́ческаѧ неплодѧ́щаѧ цр҃ковь прише́ствїемъ твои́мъ, въ не́йже ᲂу҆тверди́сѧ моѐ се́рдце."
|
|
},
|
|
{
|
|
"type": "TEXT",
|
|
"value": "Оу҆́зъ и҆збавлѧ́ѧ мѧ̀ ѕлы́хъ, гдⷭ҇и, пови́тисѧ пелена́ми, ꙗ҆́коже млⷣнцъ прихо́диши, чл҃вѣколю́бче: покланѧ́юсѧ бжⷭ҇твенномꙋ твоемꙋ̀ низхожде́нїю."
|
|
},
|
|
{
|
|
"type": "TEXT",
|
|
"value": "Въ лѣ́то бы́вша тѧ̀, безлѣ́тнѡ возсїѧ́вша и҆зъ ѻ҆ц҃а̀, предгрѧде́тъ дв҃а роди́ти, лѣ̑тныѧ разрѣша́юща стра̑сти дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "И҆скі́й мѧ̀ заблꙋ́ждшаго престꙋпле́нїемъ, верте́пъ ꙗ҆́коже не́бо ѻ҆би́тель сотвори́лъ є҆сѝ: ѻ҆би́тєли мѝ благоꙋготовлѧ́ѧ та́мѡшнїѧ, ще́дре многоми́лостиве."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: На ка́мени мѧ̀ вѣ́ры ᲂу҆тверди́въ, разшири́лъ є҆сѝ ᲂу҆ста̀ моѧ̑ на врагѝ моѧ̑, возвесели́босѧ дꙋ́хъ мо́й, внегда̀ пѣ́ти, нѣ́сть свѧ́тъ, ꙗ҆́коже бг҃ъ на́шъ, и҆ нѣ́сть пра́веденъ, па́че тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Ꙗ҆́коже же́ртва непоро́чна влⷣцѣ принесла́сѧ є҆сѝ мы́слїю соверше́ннѣйшею: и҆ бога́тство тлѣ́емое ѿри́нꙋла є҆сѝ вопїю́щи, всемꙋ́драѧ: ты̀ є҆сѝ бг҃ъ на́шъ, и҆ нѣ́сть свѧ́тъ па́че тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Всечⷭ҇таѧ, позна́сѧ твоѧ̀ чистота̀, просїѧ̀ страда́нїй твои́хъ крѣ́пость, дѣѧ́нїе бо восхожде́нїе видѣ́нїѧ содѣ́лала є҆сѝ, вопїю́щи: ты̀ є҆сѝ бг҃ъ на́шъ, и҆ нѣ́сть свѧ́тъ па́че тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Цѣломꙋ́дрїѧ жела́нїемъ ѡ҆держа́сѧ, соблюла̀ є҆сѝ хвалꙋ̀ чистоты̀, была̀ є҆сѝ прїѧ́тна премꙋ́дрости, хрⷭ҇тꙋ̀ вопїю́щи: ты̀ є҆сѝ бг҃ъ на́шъ, и҆ нѣ́сть свѧ́тъ па́че тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Марі́ю пречⷭ҇тꙋю бцⷣꙋ воспои́мъ, ꙗ҆́кѡ хода́таицꙋ спасе́нїѧ ꙗ҆́вльшꙋюсѧ, бг҃омꙋ́дрїи, и҆ вопїе́мъ: нѣ́сть чи́сты, ꙗ҆́коже ты̀, пречⷭ҇таѧ, и҆ нѣ́сть непоро́чны, па́че тебє̀, влⷣчце."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Воздержа́вшисѧ въ трꙋдѣ́хъ страда́льческихъ, просла́виласѧ є҆сѝ пѡ́двиги мч҃ническими, мно́ги приве́дши спаса́ємыѧ зижди́телю твоемꙋ̀: бжⷭ҇твенною бо любо́вїю ѡ҆ста́вивши привре́мєннаѧ, мꙋ́жєскїѧ по́двиги соверши́ла є҆сѝ, сла́внаѧ. Тѣ́мже по кончи́нѣ безконе́чнꙋю ѡ҆брѣла̀ є҆сѝ жи́знь, пребыва́ющи съ женихо́мъ твои́мъ всегда̀, є҆ѵге́нїе равноа́гг҃льнаѧ. Молѝ хрⷭ҇та̀ бг҃а, прегрѣше́нїй ѡ҆ставле́нїе дарова́ти чтꙋ́щымъ любо́вїю всечестнꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ:"
|
|
},
|
|
{
|
|
"type": "TEXT",
|
|
"value": "Не́бо мнѣ̀ показа́сѧ дне́сь землѧ̀, на не́й бо ражда́етсѧ творе́цъ, и҆ въ ꙗ҆́слехъ восклонѧ́етсѧ, въ виѳлее́мѣ і҆ꙋде́йстѣмъ. Со а҆́гг҃лы пою́тъ па́стырїе непреста́ннѡ: въ вы́шнихъ сла́ва, ми́ръ въ мі́рѣ: ви́дѣша бо ѕвѣздꙋ̀ пꙋтеше́ствꙋющꙋ съ волхвы̑: ско́рѡ же текꙋ́ще принестѝ да́ры, зла́то, смѵ́рнꙋ и҆ лїва́нъ, ꙗ҆́кѡ всѣ́хъ сꙋ́щемꙋ бг҃ꙋ и҆ цр҃ю̀ вѣ́чномꙋ и҆ зижди́телю всѧ́ческихъ, въ верте́пѣ за милосе́рдїе ро́ждшемꙋсѧ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Прише́лъ є҆сѝ ѿ дв҃ы, не хода́тай, ни а҆́гг҃лъ, но са́мъ, гдⷭ҇и, вопло́щсѧ, и҆ спа́слъ є҆сѝ всего́ мѧ человѣ́ка. Тѣ́мъ зовꙋ́ ти: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Тва́рь ны́нѣ ѡ҆бветша́нїе всѐ ѿве́ржи, зижди́телѧ зи́ждема и҆ ѡ҆бновлѧ́юща тѧ̀ ви́дѧщи млⷣнца бы́вша, и҆ къ пе́рвой тѧ̀ добро́тѣ возводѧ́ща."
|
|
},
|
|
{
|
|
"type": "TEXT",
|
|
"value": "Дивѧ́щесѧ пресла́вномꙋ ржⷭ҇твꙋ̀, стоѧ́хꙋ волсвѝ, пꙋтеводи́мы бжⷭ҇твенною ѕвѣздо́ю, и҆ ви́дѣша сл҃нце, восходѧ́щее и҆зъ дѣ́вственнагѡ ѻ҆́блака, да́ры томꙋ̀ принесо́ша."
|
|
},
|
|
{
|
|
"type": "TEXT",
|
|
"value": "Сѐ прихо́дитъ дв҃а, ꙗ҆́кѡ ю҆́ница, носѧ́щи ю҆нца̀ во чре́вѣ ᲂу҆пита́ннаго, ѿе́млющаго мі́ра грѣхѝ, да ра́дꙋетсѧ тва́рь пра́зднꙋющи."
|
|
},
|
|
{
|
|
"type": "TEXT",
|
|
"value": "Про́пѡвѣди прⷪ҇ро́кѡвъ, хрⷭ҇то́во воз̾ѧвле́нїе возвѣща́ющыѧ, прїѧ́ша дне́сь коне́цъ спаси́тельный: прїи́де бо просвѣти́ти пло́тїю во тмѣ̀ бѣ́дствꙋющыѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Прише́лъ є҆сѝ ѿ дв҃ы, не хода́тай, ни а҆́гг҃лъ, но са́мъ, гдⷭ҇и, вопло́щсѧ, и҆ спа́слъ є҆сѝ всего́ мѧ человѣ́ка. Тѣ́мъ зовꙋ́ ти: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Прише́лъ є҆сѝ, воплоти́всѧ ѿ дв҃ы, вы́шнїй, себѣ̀ ѡ҆брꙋчи́въ дѣ́въ соста́вы, тебѐ є҆ди́наго возлю́бльшыѧ дѣ́вственнаго жениха̀ зна́емаго."
|
|
},
|
|
{
|
|
"type": "TEXT",
|
|
"value": "Ржⷭ҇тва̀ плотска́гѡ совлекла̀ є҆сѝ покрыва́ло: пакирожде́нїѧ же нетлѣ́ннꙋю ѻ҆де́ждꙋ, мч҃нице всесла́внаѧ, свѣтови́днѡ ѡ҆блекла̀ є҆сѝ креще́нїемъ."
|
|
},
|
|
{
|
|
"type": "TEXT",
|
|
"value": "Возсїѧ̀ свѣтоно́снаѧ зарѧ̀ се́рдцꙋ твоемꙋ̀, ле́сти ѿгонѧ́щи и҆злїѧ́нный мра́къ, блиста́нїемъ благода́ти, мч҃нице хрⷭ҇то́ва є҆ѵге́нїе, до́браѧ дѣ́во."
|
|
},
|
|
{
|
|
"type": "TEXT",
|
|
"value": "Оу҆добре́ннѡ твоѐ и҆ краснѡ̀ житїѐ просвѣти́ла є҆сѝ, воздержа́нїемъ пе́рвѣе плотскі̑ѧ стра̑сти ᲂу҆вѧди́вши, послѣди́ же страда́нїемъ пресвѣ́тлѡ, є҆ѵге́нїе, сїѧ́ющи."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Превы́шшаѧ а҆́гг҃лъ была̀ є҆сѝ, всепѣ́таѧ, ѻ҆́ч҃а ро́ждши совѣ́та вели́кагѡ а҆́гг҃ла, чл҃вѣ́ка бы́вша за мно́гое бл҃гоꙋтро́бїе, чл҃вѣколю́бца."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Хода́тай бг҃ꙋ и҆ человѣ́кѡмъ бы́лъ є҆сѝ, хрⷭ҇тѐ бж҃е: тобо́ю бо, влⷣко, къ свѣтонача́льникꙋ ѻ҆ц҃ꙋ̀ твоемꙋ̀, ѿ но́щи невѣ́дѣнїѧ приведе́нїе и҆́мамы."
|
|
},
|
|
{
|
|
"type": "TEXT",
|
|
"value": "Лю́дїе, и҆ногда̀ во тмѣ̀ сѣдѧ́щїи, да ви́дѧтъ свѣ́тъ возсїѧ́вшїй невече́рнїй: є҆го́же ѕвѣзда̀ дре́вле возвѣстѝ ѻ҆́гнь почита́ющымъ ѿ персі́ды царє́мъ."
|
|
},
|
|
{
|
|
"type": "TEXT",
|
|
"value": "Въ ма́лый вни́ти цр҃ь вели́кїй тщи́тсѧ верте́пъ, ᲂу҆ма́ленна мѧ̀ ꙗ҆́кѡ да возвели́читъ, и҆ ѡ҆бнища́вша безмѣ́рнымъ бога́тствомъ ѡ҆богати́тъ, пребжⷭ҇твенный."
|
|
},
|
|
{
|
|
"type": "TEXT",
|
|
"value": "Ны́нѣ и҆зъ і҆а́кѡва, ꙗ҆́коже валаа́мъ речѐ, ражда́етсѧ хрⷭ҇то́съ: ꙗ҆зы́ки же ѡ҆госпо́дствꙋетъ, и҆ возвы́ситсѧ благода́тїю црⷭ҇тво є҆гѡ̀, пребыва́ющее непрее́мнѡ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Просвѣще́нїе во тмѣ̀ лежа́щихъ, спасе́нїе ѿча́ѧнныхъ, хрⷭ҇тѐ сп҃се мо́й, къ тебѣ̀ ᲂу҆́тренюю цр҃ю̀ ми́ра, просвѣти́ мѧ сїѧ́нїемъ твои́мъ, и҆но́гѡ бо ра́звѣ тебє̀, бо́га не зна́ю."
|
|
},
|
|
{
|
|
"type": "TEXT",
|
|
"value": "Тече́нїе твоѐ направлѧ́емо ви́дѧ ко спасе́нїю, ѕмі́й дꙋшепа́гꙋбный, страстоно́сице, воздвиза́етъ и҆скꙋшє́нїѧ тебѣ̀ разли̑чнаѧ, твою̀ крѣ́пость разсла́бити покꙋша́ѧсѧ: сего́ же, бг҃омꙋ́драѧ чи́стаѧ, попра́ла є҆сѝ."
|
|
},
|
|
{
|
|
"type": "TEXT",
|
|
"value": "Всѧ̀ добра̀ до́брыхъ да́телю, и҆ благодѣ́телю, и҆ женихꙋ̀ дꙋ́шъ хрⷭ҇тꙋ̀, ꙗ҆ви́ласѧ є҆сѝ, ᲂу҆кра́шена въ по́стницѣхъ воздержа́нїемъ, и҆ мꙋ́ченическимъ страда́нїемъ сїѧ́ющи, мꙋ́ченице є҆ѵге́нїе хрⷭ҇то́ва до́браѧ дѣ́во."
|
|
},
|
|
{
|
|
"type": "TEXT",
|
|
"value": "Вѣне́цъ твоемꙋ̀ верхꙋ̀ наложи́сѧ дарова́нїй: бжⷭ҇твеннꙋю бо почти́ла є҆сѝ мꙋ́дрость, бога́тство и҆ сла́вꙋ ѻ҆те́ческꙋю презрѣ́вши, и҆ съ крѣ́постїю послѣ́довала є҆сѝ возлю́бленномꙋ женихꙋ̀ твоемꙋ̀, всечестна́ѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆зъ тебє̀ жи́знь возсїѧ́вши мі́рꙋ, бг҃ороди́тельнице, пре́жде сме́ртїю ᲂу҆держа̑нныѧ воззыва́етъ къ жи́зни присносꙋ́щнѣй причаще́нїемъ, вѣ́рою вопїю́щыѧ: и҆но́гѡ ра́звѣ тебє̀ бг҃а не зна́емъ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю милосе́рдїѧ твоегѡ̀ призыва́ю бе́зднꙋ: ѿ тлѝ, бж҃е, мѧ̀ возведѝ."
|
|
},
|
|
{
|
|
"type": "TEXT",
|
|
"value": "Странноѻбра́зне хрⷭ҇то́съ во своѧ̑ прихо́дитъ, ᲂу҆страни́мъ себѐ грѣхѡ́въ, и҆ сего̀ прїи́мемъ въ кро́ткихъ дꙋша́хъ ѡ҆бита́ющаго."
|
|
},
|
|
{
|
|
"type": "TEXT",
|
|
"value": "Ника́коже малѣ́йшїй во гра́дѣхъ, виѳлее́ме, бꙋ́деши: въ тебѣ́ бо ражда́етсѧ цр҃ь и҆ гдⷭ҇ь, па́ствити лю́ди бога̑тныѧ."
|
|
},
|
|
{
|
|
"type": "TEXT",
|
|
"value": "Ка́кѡ ма́лый тѧ̀ прїи́метъ верте́пъ, мі́рꙋ невмѣсти́маго, недомы́сленне; ка́кѡ ᲂу҆́зришисѧ млⷣнцъ, ѻ҆ц҃ꙋ̀ соꙋ́мственный безнача́льный;"
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю милосе́рдїѧ твоегѡ̀ призыва́ю бе́зднꙋ: ѿ тлѝ, бж҃е, мѧ̀ возведѝ."
|
|
},
|
|
{
|
|
"type": "TEXT",
|
|
"value": "Дрема́нїѧ твои̑мъ вѣ́ждѡмъ не дала̀ є҆сѝ, до́ндеже сладостра́стїе всѐ ᲂу҆гаси́ла є҆сѝ, и҆ чи́стꙋю зижди́телю твоемꙋ̀ тебѐ самꙋ́ю соверши́ла є҆сѝ ѻ҆би́тель."
|
|
},
|
|
{
|
|
"type": "TEXT",
|
|
"value": "Є҆гѵ́птѧныни нра́вѡмъ поревнова́вши, ѡ҆чернѣ́вшаѧ дѣ́ломъ и҆ и҆́менемъ, клевета́ти ѡ҆стри́тсѧ честно́е житїѐ твоѐ, всечестна́ѧ."
|
|
},
|
|
{
|
|
"type": "TEXT",
|
|
"value": "Тве́рдꙋю показа́вши свѣ́тлость, и҆ врачева́нїй благода́тїю ѡ҆богати́вшисѧ бога́тствомъ вѣ́ры, чернори́зицъ составле́нїю бы́сть ᲂу҆чи́тельница."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Та́инственнѡ ᲂу҆ча́хꙋсѧ несказа́нномꙋ всѝ прⷪ҇ро́цы твоемꙋ̀, всечⷭ҇таѧ, ржⷭ҇твꙋ̀, дꙋхо́внѡ ѡ҆бразꙋ́юще и҆ предглаго́люще всѣ̑мъ бꙋ̑дꙋщаѧ."
|
|
},
|
|
{
|
|
"type": "HEADER",
|
|
"value": "Конда́къ, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Дв҃а дне́сь:"
|
|
},
|
|
{
|
|
"type": "TEXT",
|
|
"value": "Дѣ́ва дне́сь превѣ́чное сло́во въ верте́пѣ грѧде́тъ роди́ти неизрече́ннѡ: ликꙋ́й вселе́ннаѧ ᲂу҆слы́шавши, просла́ви со а҆́гг҃лы и҆ па́стырьми хотѧ́щаго ꙗ҆ви́тисѧ ѻ҆троча̀ мла́до превѣ́чнаго бг҃а."
|
|
},
|
|
{
|
|
"type": "TEXT",
|
|
"value": "І҆́косъ: Свѧщє́ннаѧ прⷪ҇ро́кѡвъ речє́нїѧ коне́цъ прїѧ́ша: се́ бо дв҃а ражда́етъ всесоверше́ннаго въ виѳлее́мѣ гра́дѣ, внꙋ́трь верте́па. Тва́рь всѧ̀ новосотвори́сѧ, ра́дꙋйсѧ и҆ ликꙋ́й: съ рабы̑ пожи́ти влⷣка всѣ́хъ прїи́де, влады́чества чꙋжда́гѡ и҆збавлѧ́ѧ ны̀, низведє́нныѧ тле́ю, и҆ зри́тсѧ ꙗ҆́кѡ млⷣнцъ, пелена́ми повива́емь въ ꙗ҆́слехъ, ѻ҆троча̀ мла́до, превѣ́чный бг҃ъ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃опроти́вное велѣ́нїе беззако́ннꙋющагѡ мꙋчи́телѧ высо́къ пла́мень вознесло̀ є҆́сть: хрⷭ҇то́съ же прострѐ бг҃очести̑вымъ ѻ҆трокѡ́мъ ро́сꙋ дх҃о́внꙋю, сы́й бл҃гослове́нъ и҆ препросла́вленъ."
|
|
},
|
|
{
|
|
"type": "TEXT",
|
|
"value": "Да кропѧ́тъ свы́ше во́дꙋ ѻ҆́блацы, ѻ҆́блаки полага́ѧй себѣ̀ че́стнѣ на восхожде́нїе ѻ҆́блакомъ носи́мь дв҃ою: грѧде́тъ возсїѧ́ти свѣ́тъ невече́рнїй сꙋ́щымъ пре́жде помрачє́ннымъ и҆ бѣ́дствꙋющымъ."
|
|
},
|
|
{
|
|
"type": "TEXT",
|
|
"value": "Во́инство благоꙋгото́висѧ бжⷭ҇твенныхъ а҆́гг҃лъ воспѣ́ти неизрече́нное гдⷭ҇не низхожде́нїе: волсвѝ, пости́гните, па́стырїе, потщи́тесѧ: прїи́де, є҆мꙋ́же належа́ше, хрⷭ҇то́съ, ѡ҆жида́нїе ꙗ҆зы́кѡвъ и҆ и҆збавле́нїе."
|
|
},
|
|
{
|
|
"type": "TEXT",
|
|
"value": "Что̀ сїѐ стра́нное и҆ велича́йшее чꙋ́до; ка́кѡ понесꙋ́ тѧ, носѧ́щаго глаго́ломъ всѧ́чєскаѧ; неизглаго́ланное ржⷭ҇тво̀, сн҃е мо́й безнача́льне, глаго́лаше всечⷭ҇таѧ, хрⷭ҇та̀ на дла́нѣхъ ᲂу҆жа́снѡ держа́щи."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃опроти́вное велѣ́нїе беззако́ннꙋющагѡ мꙋчи́телѧ высо́къ пла́мень вознесло̀ є҆́сть: хрⷭ҇то́съ же прострѐ бг҃очести̑вымъ ѻ҆трокѡ́мъ ро́сꙋ дх҃о́внꙋю, сы́й бл҃гослове́нъ и҆ препросла́вленъ."
|
|
},
|
|
{
|
|
"type": "TEXT",
|
|
"value": "И҆з̾ѧсни́ла є҆сѝ всѣ̑мъ бг҃одꙋхнове́нныхъ писа́нїй и҆́стинꙋ, же́нское є҆стество̀ ѡ҆мꙋ́жествивши, и҆ всѧ̑ ᲂу҆диви́ла є҆сѝ пресла́внѡ, честна́ѧ, ꙗ҆̀же привела̀ є҆сѝ свѣ́тлы вѣ́ровавшыѧ хрⷭ҇тꙋ̀, всебога́таѧ."
|
|
},
|
|
{
|
|
"type": "TEXT",
|
|
"value": "Ꙗ҆́вственнѡ ѡ҆бличи́ла є҆сѝ і҆́дѡльское неи́стовство, всехва́льнаѧ, бжⷭ҇твенными твои́ми ᲂу҆че́ньми, и҆ дѣ́въ неизче́тное мно́жество ѡ҆брꙋчи́вши всѣ́ми црⷭ҇твꙋющемꙋ хрⷭ҇тꙋ̀ свѣ́тлое мч҃ническою кро́вїю."
|
|
},
|
|
{
|
|
"type": "TEXT",
|
|
"value": "Ви́дѣвши житїѐ твоѐ свѣтоно́сное, васі́лла сла́внаѧ бжⷭ҇твеннѣ поревнова́вши и҆ хрⷭ҇тꙋ̀ ѡ҆брꙋчи́сѧ, ѡ҆ста́вльши плотско́е всѐ сладостра́стїе: и҆ ны́нѣ мꙋ́ченическїѧ ра́дости сподо́бисѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Па́жить и҆сцѣли́ла є҆сѝ сме́ртнꙋю, безсѣ́меннѡ ро́ждши жи́знь ѵ҆поста́снꙋю, дв҃о всенепоро́чнаѧ, бг҃ороди́тельнице чⷭ҇таѧ. Тѣ́мже тѧ̀ ра́дꙋющесѧ и҆сто́чникъ безсме́ртїѧ и҆менꙋ́емь."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пе́щь и҆ногда̀ ѻ҆́гненнаѧ въ вавѷлѡ́нѣ дѣ́йства раздѣлѧ́ше, бж҃їимъ велѣ́нїемъ халдє́и ѡ҆палѧ́ющаѧ, вѣ̑рныѧ же ѡ҆роша́ющаѧ, пою́щыѧ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Высотꙋ̀ вои́стиннꙋ неизрече́ннагѡ та́инства, нб҃са̀ ра́зꙋмомъ покры́вшемꙋ, непоро́чнаѧ зрѧ́щи дивѧ́шесѧ, и҆ глаго́лаше: прⷭ҇то́лъ нбⷭ҇ный пла́менствꙋетсѧ тебѐ держа́й, и҆ ка́кѡ, сн҃е мо́й, понесꙋ́ тѧ."
|
|
},
|
|
{
|
|
"type": "TEXT",
|
|
"value": "Но́сиши ѻ҆ч҃еское подо́бїе, сн҃е мо́й, и҆ ка́кѡ раба̀ подо́бїе ѡ҆бнища́въ воспрїѧ́лъ є҆сѝ; ка́кѡ въ ꙗ҆́слехъ восклоню́ тѧ безслове́сныхъ, и҆збавлѧ́ющаго всѧ̑ ѿ безслове́сїѧ; пѣсносло́влю твоѐ бл҃гоꙋтро́бїе."
|
|
},
|
|
{
|
|
"type": "TEXT",
|
|
"value": "Ра́дꙋйсѧ всѧ̀ землѐ, сѐ хрⷭ҇то́съ приближа́етсѧ въ виѳлее́мѣ ражда́ѧйсѧ: мо́ре, возвесели́сѧ, прⷪ҇ро́ческїй со́нмъ взыгра́й, сбытїѐ зрѧ̀ дне́сь твои́хъ слове́съ, и҆ всѝ ра́дꙋйтесѧ пра́веднїи."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пе́щь ѻ҆́гненнꙋю ко ѻ҆трокѡ́мъ є҆врє́йскимъ снизше́дшаго и҆ пла́мень въ ро́сꙋ прело́жшаго бг҃а, по́йте дѣла̀, ꙗ҆́кѡ гдⷭ҇а, и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Въ рѣцѣ̀ ю҆́ношески, во ѻ҆гни́ же терпѣли́внѡ и҆скꙋси́ласѧ є҆сѝ: проти́внаѧ бо є҆стєства̀ крѣ́пкѡ прешла̀ є҆сѝ, хрⷭ҇та̀ по́йте дѣла̀ зовꙋ́щи, и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Страннолѣ́пнѡ ꙗ҆вле́йсѧ хрⷭ҇то́съ тебѣ̀, въ темни́цѣ держи́мѣй, препитава́етъ бога́тнѡ, и҆ ржⷭ҇тво́мъ свои́мъ совокꙋплѧ́етъ гѡ́рнимъ во́инствѡмъ, тѧ̀ славосло́вѧщꙋю є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Тво́й жени́хъ благолѣ́пнѡ вѣнцы̑ тѧ̀ сꙋгꙋ́быми ᲂу҆краша́етъ, є҆ѵге́нїе бг҃омꙋ́драѧ: и҆ тебѣ̀ черто́гъ свѣ́телъ пра́веднѡ, ꙗ҆́кѡ пра́ведный, дае́тъ. Є҆го́же превозно́симъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бл҃года́ть бж҃їѧ, свѣтови́днѡ ѡ҆блиста́вши тѧ̀, ны́нѣ ѡ҆зарѧ́етъ во ѻ҆би́телехъ нбⷭ҇ныхъ: є҆ѧ́же напо́лнитисѧ твои́ми моли́твами непреста́ннѡ молѝ соверша́ющымъ твою̀ па́мѧть, бг҃омꙋ́драѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Безсме́ртныѧ зарѝ и҆сто́чникъ вѣ́мы тѧ̀, бцⷣе, ꙗ҆́кѡ ро́ждшꙋю сло́во безсме́ртнагѡ ѻ҆ц҃а̀, всѧ̑ сме́рти и҆збавлѧ́ющаго, превозноша́ющыѧ є҆го̀ во вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Безнача́льна роди́телѧ сн҃ъ, бг҃ъ и҆ гдⷭ҇ь, вопло́щсѧ ѿ дв҃ы, на́мъ ꙗ҆ви́сѧ, ѡ҆мрачє́ннаѧ просвѣти́ти, собра́ти расточє́ннаѧ. Тѣ́мъ всепѣ́тꙋю бцⷣꙋ велича́емъ."
|
|
},
|
|
{
|
|
"type": "TEXT",
|
|
"value": "Да пою́тъ ра́дꙋющесѧ црⷭ҇твїѧ всѧ̑ зємна́ѧ, ѻ҆те́чєствїѧ же ꙗ҆зы́кѡвъ да веселѧ́тсѧ: го́ры и҆ ᲂу҆дѡ́лїѧ и҆ хо́лми, рѣ́ки, мо́ре, и҆ всѧ̀ тва́рь гдⷭ҇а ны́нѣ ро́ждшагосѧ велича́етъ."
|
|
},
|
|
{
|
|
"type": "TEXT",
|
|
"value": "Ви́дѣлсѧ є҆сѝ, ꙗ҆́кѡ мо́щно бѣ̀ прⷪ҇ро́кѡмъ тѧ̀ ви́дѣти: въ послѣ̑днѧѧ же времена̀ человѣ́къ бы́въ, всѣ̑мъ ꙗ҆ви́лсѧ є҆сѝ человѣ́кѡмъ, въ виѳлее́мѣ гра́дѣ і҆ꙋде́йстѣмъ, ѕвѣзда̀ показꙋ́ющи тѧ̀ ѕвѣздосло́вцємъ, несказа́нне."
|
|
},
|
|
{
|
|
"type": "TEXT",
|
|
"value": "Ѽ ча́до сладча́йшее ка́кѡ пита́ю тѧ̀ пита́ющаго; ка́кѡ держꙋ́ тѧ, держа́щаго всѧ̑ ма́нїемъ; ка́кѡ же пелена́ми повїю̀ повива́ющаго всю̀ зе́млю мгло́ю; вопїѧ́ше всечⷭ҇таѧ влⷣчца, ю҆́же непреста́ннѡ велича́емъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Безнача́льна роди́телѧ сн҃ъ, бг҃ъ и҆ гдⷭ҇ь, вопло́щсѧ ѿ дв҃ы, на́мъ ꙗ҆ви́сѧ, ѡ҆мрачє́ннаѧ просвѣти́ти, собра́ти расточє́ннаѧ. Тѣ́мъ всепѣ́тꙋю бцⷣꙋ велича́емъ."
|
|
},
|
|
{
|
|
"type": "TEXT",
|
|
"value": "Во ѻ҆би́тєли все́льшисѧ нбⷭ҇ныѧ, сла́внаѧ, ны́нѣ сла́дости ра́йскїѧ сподо́биласѧ є҆сѝ ꙗ҆́вственнѡ съ дѣ́вами, ꙗ҆́кѡ мч҃ница всеи́стинна, и҆ съ мч҃ницами дѣ́ва всенепоро́чнаѧ, є҆ѵге́нїе всеблаже́ннаѧ."
|
|
},
|
|
{
|
|
"type": "TEXT",
|
|
"value": "Жела́нїе полꙋчи́ла є҆сѝ па́че ᲂу҆ма̀ и҆ смы́сла, жела́нїй кра́йнѣйшемꙋ предстоѧ́щи свѣ́тлѡ, и҆ свѣтоза́рными лꙋча́ми нача́льныѧ трⷪ҇цы, бг҃омꙋ́драѧ, ꙗ҆́вственнѡ сїѧ́ющи, є҆ѵге́нїе, до́браѧ дѣ́во."
|
|
},
|
|
{
|
|
"type": "TEXT",
|
|
"value": "Свѣщꙋ̀ держа́щи дѣ́вства неꙋга́снꙋ, мч҃ническимъ вѣнце́мъ ᲂу҆краси́ласѧ є҆сѝ: и҆ ны́нѣ молѧ́щи не преста́й, бл҃гоче́стнѡ тѧ̀ любо́вїю почита́ющымъ спасти́сѧ моли́твами твои́ми, є҆ѵге́нїе всесла́внаѧ."
|
|
},
|
|
{
|
|
"type": "TEXT",
|
|
"value": "Къ бжⷭ҇твенномꙋ ны́нѣ и҆зшла̀ є҆сѝ прохлажде́нїю, вседо́блѧѧ, ра́нъ проше́дши ѻ҆́гнь нестерпи́мый, и҆ непостоѧ́ннꙋю во́дꙋ и҆скꙋше́нїй, мꙋ́ченице є҆ѵге́нїе: хрⷭ҇та̀ ᲂу҆̀бо молѝ спастѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́кѡ рꙋно̀, всенепоро́чнаѧ, до́ждь нбⷭ҇ный во чре́вѣ заче́нши, на́мъ родила̀ є҆сѝ безсме́ртїе даю́щаго, благоче́стнѡ того̀ воспѣва́ющымъ и҆ тѧ̀ всенепоро́чнꙋю бцⷣꙋ велича́ющымъ."
|
|
},
|
|
{
|
|
"type": "HEADER",
|
|
"value": "Свѣти́ленъ предпра́зднства."
|
|
},
|
|
{
|
|
"type": "TEXT",
|
|
"value": "Подо́бенъ: Со ᲂу҆ченики̑:"
|
|
},
|
|
{
|
|
"type": "TEXT",
|
|
"value": "И҆́же во свѣ́тѣ живы́й непристꙋ́пнѣмъ, и҆ содержа́й всѧ́чєскаѧ, за бл҃гоꙋтро́бїе неизрече́нное ѿ дв҃ы ражда́етсѧ, и҆ пелена́ми повива́етсѧ, ꙗ҆́кѡ млⷣнцъ: въ верте́пѣ и҆ въ ꙗ҆́слехъ безслове́сныхъ восклонѧ́етсѧ: потщи́мсѧ спѣ́шнѡ прїитѝ въ виѳлее́мъ на поклоне́нїе є҆гѡ̀ съ волхвы̑, плоды̀ и҆зрѧ́днѣйшихъ дѣѧ́нїй носѧ́ще, ꙗ҆́кѡ да́ры."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ:"
|
|
},
|
|
{
|
|
"type": "TEXT",
|
|
"value": "Пѣ́нїе, вѣ́рнїи, принесе́мъ дв҃ѣ марі́и: се́ бо ны́нѣ предгрѧде́тъ во гра́дѣ виѳлее́мѣ роди́ти хрⷭ҇та̀ сп҃са, тѣ́мже волсвѝ съ да̑ры со ѕвѣздо́ю тецы́те съ на́ми поклони́тисѧ: па́стырїе же возопи́ти потщи́тесѧ со а҆́гг҃лы ражда́емомꙋ: сла́ва тебѣ̀, въ верте́пѣ и҆ ꙗ҆́слехъ лежа́щемꙋ."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, гла́съ ѕ҃, на д҃."
|
|
},
|
|
{
|
|
"type": "TEXT",
|
|
"value": "Подо́бенъ: А҆́гг҃льскїѧ пред̾иди́те:"
|
|
},
|
|
{
|
|
"type": "TEXT",
|
|
"value": "Ѕвѣзда̀ возсїѧ̀ ѿ і҆а́кѡва въ верте́пѣ, прїи́демъ и҆ мы̀, предпра́зднствєннаѧ соверша́юще, теце́мъ съ волхвы̀, съ па́стырьми и҆́демъ, ви́димъ бг҃а въ пелена́хъ, ви́димъ дв҃ꙋ млекопита́ющꙋю. Ѽ ᲂу҆жа́сно видѣ́нїе! Цр҃ь і҆и҃левъ хрⷭ҇то́съ прихо́дитъ."
|
|
},
|
|
{
|
|
"type": "TEXT",
|
|
"value": "Пѣ́сньми ли́къ а҆́гг҃льскїй ны́нѣ почита́етъ тебѐ свѣ́тлꙋю и҆ неискꙋсомꙋ́жнꙋю мт҃рь, ра́дꙋѧсѧ ликꙋ́етъ ржⷭ҇тво́мъ твои́мъ, пречⷭ҇таѧ, ра́дꙋйсѧ, наде́жда правосла́вныхъ, ра́дꙋйсѧ, предста́тельство тебѐ пою́щихъ. Тѣ́мже рце́мъ: бл҃гослове́нъ прише́дый бж҃е на́шъ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Цвѣ́тъ и҆зы́детъ и҆зъ ко́рене і҆ессе́ева, ѿ свѣ́тлагѡ проповѣ́дасѧ прⷪ҇ро́ка: зри́мъ бо дв҃ꙋ, па́че є҆стества̀ ро́ждшꙋю шипо́къ любе́зный въ верте́пѣ, сопресто́ленъ ѻ҆ц҃ꙋ̀ въ вы́шнихъ. Лю́дїе, рце́мъ: бл҃гослове́нъ прише́дый бж҃е на́шъ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Дне́сь а҆да́мъ воззва́сѧ ѿ пре́лести и҆ ѿ мра́чныѧ сопроти́вника ле́сти: хрⷭ҇то́съ бо и҆зъ дв҃ы воплоща́етсѧ ꙗ҆́кѡ чл҃вѣ́къ, и҆́же а҆да́ма ѡ҆бнови́въ, ѿѧ́тъ клѧ́твꙋ дв҃ою. Лю́дїе, рце́мъ: бл҃гослове́нъ прише́дый бж҃е на́шъ, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҆ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Грѧдѝ, виѳлее́ме, гото́ви рожде́ствєннаѧ: прїидѝ, і҆ѡ́сифе, напиши́сѧ съ марі́ею: пречⷭ҇тны̑ѧ ꙗ҆́сли, бг҃онѡ́сныѧ пелєны̀, въ ни́хже жи́знь пови́вшихсѧ, плєни́цы смє́ртныѧ расто́ргнетъ, стѧга́ющи къ нетлѣ́нїю человѣ́ки, хрⷭ҇то́съ бг҃ъ на́шъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, подо́бенъ то́йже:"
|
|
},
|
|
{
|
|
"type": "TEXT",
|
|
"value": "Ѽ бл҃же́нное бг҃оѻтрокови́цы чре́во, ꙗ҆́же мы́сленнѣ нб҃сѐ бо́льши показа́сѧ! Є҆го́же бо не вмѣща́етъ нб҃о, ты̀ содержи́ши въ себѣ̀ носѧ́щи. Ѽ бл҃же́нны сосцы̀ дв҃ы, Ꙗ҆̀же соссе́тъ пита́ѧй всѧ́ко дыха́нїе, хрⷭ҇то́съ, въ ложесна́хъ пло́ть себѣ̀ созда́въ безмꙋ́жныѧ ѻ҆трокови́цы!"
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры предпра́зднства, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "До́мъ вседѣ́телѧ показа́ласѧ є҆сѝ, ѽ дв҃о! Въ тебѣ́ бо всели́всѧ, гдⷭ҇ь сла́вы роди́тисѧ ны́нѣ происхо́дитъ."
|
|
},
|
|
{
|
|
"type": "TEXT",
|
|
"value": "Сті́хъ: Бг҃ъ ѿ ю҆́га прїи́детъ, и҆ ст҃ы́й и҆зъ горы̀ приѡсѣне́нныѧ ча́щи."
|
|
},
|
|
{
|
|
"type": "TEXT",
|
|
"value": "Мла́до въ виѳлее́мѣ дѣ́тище и҆зъ дв҃ы, бг҃ъ превѣ́чный, въ ꙗ҆́слехъ безслове́сныхъ ражда́етсѧ, ѽ чꙋдесѐ!"
|
|
},
|
|
{
|
|
"type": "TEXT",
|
|
"value": "Сті́хъ: Гдⷭ҇и, ᲂу҆слы́шахъ слꙋ́хъ тво́й, и҆ ᲂу҆боѧ́хсѧ: гдⷭ҇и, разꙋмѣ́хъ дѣла̀ твоѧ̑, и҆ ᲂу҆жасо́хсѧ."
|
|
},
|
|
{
|
|
"type": "TEXT",
|
|
"value": "Чи́ни ᲂу҆́мнїи а҆́гг҃льстїи, въ вы́шнихъ бг҃ꙋ, съ па́стырьми воспо́йте и҆ съ волхвы̀, ражда́ющемꙋсѧ: сла́ва тебѣ̀."
|
|
},
|
|
{
|
|
"type": "HEADER",
|
|
"value": "Сла́ва, подо́бенъ то́йже:"
|
|
},
|
|
{
|
|
"type": "TEXT",
|
|
"value": "Сла́ва тебѣ̀ ѻ҆́ч҃е, сн҃е и҆ дш҃е, и҆́мже ᲂу҆стро́исѧ та́инство ᲂу҆жа́сное, человѣ́кѡмъ на возрожде́нїе."
|
|
},
|
|
{
|
|
"type": "HEADER",
|
|
"value": "И҆ ны́нѣ, подо́бенъ то́йже:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ, ꙗ҆́же жи́знь ро́ждшаѧ мі́рꙋ, дв҃о бцⷣе ѿ дх҃а ст҃а́гѡ, всѣ́хъ на и҆збавле́нїе."
|
|
},
|
|
{
|
|
"type": "HEADER",
|
|
"value": "Подоба́етъ вѣ́дати, а҆́ще слꙋчи́тсѧ недѣ́лѧ предъ ржⷭ҇тво́мъ хрⷭ҇то́вымъ ст҃ы́хъ ѻ҆ц҃ъ, деке́мврїа въ к҃д де́нь."
|
|
},
|
|
{
|
|
"type": "TEXT",
|
|
"value": "Въ сꙋббѡ́тꙋ на ма́лѣй вече́рни: Стїхи̑ры воскрⷭ҇ны д҃. Сла́ва, и҆ ны́нѣ, предпра́зднства, гла́съ ѕ҃: Верте́пе, благоꙋкраси́сѧ: На стїхо́внѣ стїхи́ра воскрⷭ҇на, и҆ бцⷣы по ѻ҆бы́чаю. Сла́ва, и҆ ны́нѣ, бг҃оро́диченъ. По Трист҃о́мъ тропа́рь воскрⷭ҇нъ. Сла́ва, и҆ ны́нѣ, предпра́зднства. Та́же є҆ктенїа̀ ма́лаѧ, и҆ ѿпꙋ́стъ."
|
|
},
|
|
{
|
|
"type": "TEXT",
|
|
"value": "На вели́цѣй вече́рни: По ѻ҆бы́чномъ ѱалмѣ̀, пое́мъ Блаже́нъ мꙋ́жъ: каѳі́смꙋ всю̀. На Гдⷭ҇и, воззва́хъ: стїхи̑ры на і҃: ѻ҆ц҃є́въ на ѕ҃, гла́съ ѕ҃, подо́бенъ: Всѐ ѿло́жше: И҆ предпра́зднства на д҃, гла́съ и҆ подо́бенъ то́йже. Сла́ва, ѻ҆ц҃є́въ, гла́съ то́йже: Данїи́лъ, мꙋ́жъ жела́нїй: И҆ ны́нѣ, предпра́зднства, гла́съ то́йже: Верте́пе, благоꙋкраси́сѧ: Та́же вхо́дъ. Прокі́менъ днѐ. И҆ чтє́нїѧ ѻ҆ц҃є́въ г҃. На лїті́и стїхи̑ры предпра́зднства, пи́саны на рѧдꙋ̀, на Гдⷭ҇и, воззва́хъ: въ к҃д де́нь: гла́съ є҃, подо́бенъ: Ра́дꙋйсѧ: Сла́ва, ѻ҆ц҃є́въ, гла́съ г҃: Пра̑ѻц҃ъ собо́ръ: И҆ ны́нѣ, гла́съ то́йже: Благоꙋкраси́сѧ, виѳлее́ме: На стїхо́внѣ стїхи̑ры предпра́зднства, гла́съ в҃, самоподо́бенъ: До́ме є҆ѵфра́ѳовъ: Припѣ́въ: Бг҃ъ ѿ ю҆́га прїи́детъ: та́же два̀ самогла́сна. Виѳлее́ме, землѐ і҆ꙋ́дова: Припѣ́въ: Гдⷭ҇и, ᲂу҆слы́шахъ слꙋ́хъ тво́й, и҆ ᲂу҆боѧ́хсѧ: Прїиди́те всѝ хрⷭ҇то́во ржⷭ҇тво̀: Сла́ва, гла́съ то́йже: Ра́дꙋйтесѧ, прⷪ҇ро́цы: И҆ ны́нѣ предпра́зднства, гла́съ то́йже: Сѐ вре́мѧ прибли́жисѧ: На благослове́нїи хлѣ́бѡвъ: Тропа́рь ѻ҆ц҃є́въ, гла́съ в҃: Вє́лїѧ вѣ́ры и҆справлє́нїѧ: два́жды, и҆ предпра́зднства є҆ди́ножды: и҆ чте́нїе въ посла́нїихъ а҆пⷭ҇льскихъ."
|
|
},
|
|
{
|
|
"type": "TEXT",
|
|
"value": "На ᲂу҆́трени: На Бг҃ъ гдⷭ҇ь: тропа́рь воскрⷭ҇нъ два́жды: Сла́ва, ѻ҆ц҃є́въ: Вє́лїѧ вѣ́ры: И҆ ны́нѣ, предпра́зднства: Написова́шесѧ и҆ногда̀: По а҃ каѳі́смѣ сѣда́ленъ ѻ҆ц҃є́въ, гла́съ д҃. Подо́бенъ: Оу҆диви́сѧ: Во ѻ҆ц҃ѣ́хъ, бж҃е: Сла́ва, и҆ ны́нѣ, то́йже. И҆ чте́нїе во є҆ѵⷢ҇лїи толково́мъ матѳе́а: Кни́га родства̀ і҆и҃са хрⷭ҇та̀: По в҃ каѳі́смѣ сѣда́ленъ, гла́съ и҃. Подо́бенъ: Премꙋ́дрости: Пра́здникъ пра́зднꙋемъ, вѣ́рнїи: Сла́ва, и҆ ны́нѣ, то́йже, и҆ чте́нїе. По непоро́чнахъ, тропарѝ и҆́хъ, и҆ є҆ктенїа̀, и҆ сѣда́льны ѻ҆ц҃є́въ, гла́съ и҃. Подо́бенъ: Премꙋ́дрости: А҆враа́ма, і҆саа́ка же и҆ і҆а́кѡва: Сла́ва, и҆ ны́нѣ, гла́съ и҆ подо́бенъ то́йже: И҆зъ нѣ́дръ ѻ҆ч҃ескихъ: и҆ чте́нїе. Степє́нна гла́са, прокі́менъ, и҆ є҆ѵⷢ҇лїе воскрⷭ҇ное. Воскрⷭ҇нїе хрⷭ҇то́во: ѱало́мъ н҃, стїхи́ра воскрⷭ҇на. Канѡ́нъ ѻ҆ц҃є́въ, гла́съ ѕ҃, на и҃. І҆рмо́съ: Волно́ю морско́ю: по два́жды, тропарѝ на ѕ҃. (Зрѝ Въ се́мъ бо канѡ́нѣ по в҃ стїха̀ воскрⷭ҇на, сегѡ̀ ра́ди канѡ́нъ воскрⷭ҇нъ не пое́тсѧ) и҆ дрꙋгі́й канѡ́нъ предпра́зднства на ѕ҃, гла́съ а҃. Катава́сїа: Хрⷭ҇то́съ ражда́етсѧ: ѻ҆́ба ли̑ка вкꙋ́пѣ. По г҃-й пѣ́сни ѵ҆пакоѝ ѻ҆тцє́въ, гла́съ и҃: А҆́гг҃лъ ѻ҆трокѡ́въ ѡ҆росѝ пе́щь: и҆ чте́нїе въ бг҃осло́вѣ: По ѕ҃-й пѣ́сни конда́къ ѻ҆ц҃є́въ, гла́съ а҃: Весели́сѧ, виѳлее́ме: и҆ і҆́косъ, и҆ чте́мъ про́логъ. На ѳ҃-й пѣ́сни пое́мъ, Честнѣ́йшꙋю: Свѣти́ленъ ѻ҆ц҃є́въ: Ѿ сѣ́мене вво́дитсѧ а҆враа́млѧ: Сла́ва, Патрїа́рхѡвъ и҆збра́ннїи: И҆ ны́нѣ, Весели́сѧ, виѳлее́ме: На хвали́техъ стїхи̑ры ѻ҆ц҃є́въ, г҃, гла́съ є҃. Подо́бенъ: Ра́дꙋйсѧ: Возвы́си тво́й гла́съ: И҆ предпра́зднства г҃, гла́съ д҃. Подо́бенъ: Зва́нный свы́ше: И҆са́їинъ гла́съ соверша́етсѧ: Сла́ва, ѻ҆ц҃є́въ, гла́съ и҃: Зако́нныхъ ᲂу҆че́нїй: И҆ ны́нѣ, Пребл҃гослове́нна є҆сѝ бцⷣе дв҃о: Славосло́вїе вели́кое, тропа́рь воскрⷭ҇нъ, и҆ прѡ́чаѧ, и҆ ѿпꙋ́стъ, и҆ ѻ҆бы́чное и҆схожде́нїе. Сла́ва, и҆ ны́нѣ, стїхи́ра є҆ѵⷢ҇льскаѧ: и҆ ча́съ пе́рвый въ притво́рѣ. На часѣ́хъ тропа́рь воскрⷭ҇нъ, Сла́ва, ѻ҆ц҃є́въ: И҆ ны́нѣ, бг҃оро́диченъ часѡ́въ. По Трист҃о́мъ конда́къ ѻ҆ц҃є́въ, и҆ предпра́зднства, глаго́лемъ премѣнѧ́юще."
|
|
},
|
|
{
|
|
"type": "TEXT",
|
|
"value": "На лїтꙋргі́и: Бл҃жє́нна ѿ канѡ́на ѻ҆ц҃є́въ пѣ́снь г҃ на д҃: и҆ предпра́зднства пѣ́снь ѕ҃ на д҃. По вхо́дѣ тропа́рь воскрⷭ҇нъ, и҆ ѻ҆тцє́въ, и҆ предпра́зднства, Сла́ва, конда́къ ѻ҆ц҃є́въ: И҆ ны́нѣ, предпра́зднства. Прокі́менъ, пѣ́снь ѻ҆ц҃є́въ, гла́съ д҃: Бл҃гослове́нъ є҆сѝ, гдⷭ҇и бж҃е ѻ҆ц҃ъ на́шихъ: Сті́хъ: Ꙗ҆́кѡ пра́веденъ є҆сѝ ѡ҆ всѣ́хъ: А҆пⷭ҇лъ къ є҆вре́ємъ, зача́ло тк҃и. А҆ллилꙋ́їа, гла́съ д҃: Бж҃е, ᲂу҆ши́ма на́шима: Є҆ѵⷢ҇лїе матѳе́а, зача́ло а҃. Рѧ́дъ же недѣ́ли ѡ҆ставлѧ́етсѧ. Прича́стенъ: Хвали́те гдⷭ҇а съ нб҃съ: Дрꙋгі́й: Ра́дꙋйтесѧ пра́веднїи ѡ҆ гдⷭ҇ѣ:"
|
|
}
|
|
] |