694 lines
57 KiB
JSON
694 lines
57 KiB
JSON
[
|
|
{
|
|
"type": "HEADER",
|
|
"value": "Недѣ́лѧ свѧты́хъ пра́ѻтєцъ."
|
|
},
|
|
{
|
|
"type": "TEXT",
|
|
"value": "ⷤ На вели́цѣй вече́рни ⷤ На ᲂу҆́трени ⷤ На лїтꙋргі́и"
|
|
},
|
|
{
|
|
"type": "HEADER",
|
|
"value": "На вели́цѣй вече́рни."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры воскрⷭ҇ны, и҆ восто́чны г҃, и҆ пра́ѻц҃євъ на д҃, гла́съ и҃. Подо́бенъ: И҆́же во є҆де́мѣ:"
|
|
},
|
|
{
|
|
"type": "TEXT",
|
|
"value": "П ра́ѻтцєвъ дне́сь, вѣ́рнїи, соверша́юще па́мѧть, / воспои́мъ хрⷭ҇та̀ и҆зба́вителѧ, / возвели́чившаго и҆̀хъ во всѣ́хъ ꙗ҆зы́цѣхъ, / и҆ чꙋде́съ пресла̑внаѧ вѣ́рнѡ соверши́вшаго гдⷭ҇а, / ꙗ҆́кѡ держа́вна и҆ си́льна, / и҆ ѿ ни́хъ показа́вша же́злъ си́лы на́мъ / є҆ди́нꙋ неискꙋсомꙋ́жнꙋю и҆ бг҃оѻтрокови́цꙋ марі́ю чи́стꙋю, / и҆зъ неѧ́же цвѣ́тъ про́йде хрⷭ҇то́съ, / и҆зрасти́вый всѣ̑мъ жи́знь / и҆ неиждива́емꙋю пи́щꙋ, и҆ спасе́нїе вѣ́чное."
|
|
},
|
|
{
|
|
"type": "TEXT",
|
|
"value": "И҆́ же ст҃ы̑ѧ ѻ҆́троки и҆зъ ѻ҆гнѧ̀ и҆зба́вивый, влⷣко, / и҆ ѿ ᲂу҆́стъ льво́выхъ данїи́ла, / бл҃гослови́вый а҆враа́ма, и҆ і҆саа́ка, раба̀ твоего̀, / и҆ сего̀ сн҃а і҆а́кѡва, / бл҃говоли́вый ѿ сѣ́мене и҆́хъ бы́ти по на́мъ: / да пре́жде поползнꙋ́вшыѧсѧ спасе́ши пра́ѻтцы на́шѧ, / крⷭ҇то́мъ твои́мъ и҆ воскресе́нїемъ, / и҆ расто́ргнꙋвъ смє́ртныѧ ᲂу҆́зы, совозста́виши всѧ̑, / ꙗ҆̀же ѿ вѣ́ка сꙋ́щыѧ въ ме́ртвыхъ, / покланѧ́ющыѧсѧ тебѣ̀, хрⷭ҇тѐ, цр҃ю̀ вѣкѡ́въ."
|
|
},
|
|
{
|
|
"type": "TEXT",
|
|
"value": "Ꙗ҆́ коже въ хла́дѣ посредѣ̀ пла́мене, / росо́ю дх҃а ра́дꙋющесѧ ѻ҆́троцы бж҃їи хожда́хꙋ, / та́инственнѡ въ не́мъ проѡбрази́вше трⷪ҇цꙋ, / и҆ воплоще́нїе хрⷭ҇то́во, / и҆ ꙗ҆́кѡ мꙋ́дрїи, вѣ́рою ᲂу҆гаси́ша си́лꙋ ѻ҆́гненнꙋю: / и҆ данїи́лъ же пра́ведный львѡ́въ ꙗ҆ви́сѧ ѡ҆бꙋзда́тель: / и҆́хже моли́твами ᲂу҆моле́нъ бы́въ, чл҃вѣколю́бче сп҃се, / и҆ на́съ негаси́магѡ вѣ́чнагѡ и҆зба́ви ѻ҆гнѧ̀, / и҆ сподо́би ны̀ црⷭ҇твїѧ твоегѡ̀ гдⷭ҇и."
|
|
},
|
|
{
|
|
"type": "TEXT",
|
|
"value": "Ꙗ҆́ коже въ росѣ̀ сꙋ́ще, / вѣ́рнїи и҆ ст҃і́и ѻ҆́троцы твоѝ / въ пещѝ пла́мене ѻ҆́гненнагѡ предживописа́хꙋ та́инственнѡ, / є҆́же и҆зъ дв҃ы, твоѐ прише́ствїе, / неѡпа́льнѡ возсїѧ́вшее на́мъ, / и҆ данїи́лъ же пра́ведный и҆ во прⷪ҇ро́цѣхъ чꙋ́дный, / ꙗ҆́снѡ бжⷭ҇твенное второ́е твоѐ прише́ствїе проѧвлѧ́ѧ, / ви́дѣхъ, до́ндеже прⷭ҇то́ли поста́вишасѧ, глаго́летъ, / и҆ сꙋдїѧ̀ сѣ́де, и҆ ѻ҆́гненнаѧ потечѐ рѣка̀: / є҆ѧ́же да и҆зба́вимсѧ, хрⷭ҇тѐ, моли́твами и҆́хъ, влⷣко."
|
|
},
|
|
{
|
|
"type": "TEXT",
|
|
"value": "Сла́ва, гла́съ ѕ҃. А҆нато́лїево: И҆̀же пре́жде зако́на, / ѻ҆тцы̀ всѧ̑ восхва́лимъ дне́сь, вѣ́рнїи, / а҆враа́ма бг҃олюби́ваго, / и҆ і҆саа́ка ѿ ѡ҆бѣща́нїѧ рожде́ннаго, / и҆ і҆а́кѡва, и҆ двана́десѧть патрїа́рхи, / дв҃да кротча́йшаго, / и҆ данїи́ла, жела́нїй прⷪ҇ро́ка, / и҆ трѝ ѻ҆́троки съ ни́ми сла́вѧще, / пе́щь въ ро́сꙋ преложи́вшыѧ, / просѧ́ще ѡ҆ставле́нїѧ ѿ хрⷭ҇та̀ бг҃а, / прославлѧ́емаго во ст҃ы́хъ свои́хъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ пе́рвый гла́са."
|
|
},
|
|
{
|
|
"type": "HEADER",
|
|
"value": "На лїті́и стїхи́ра хра́ма."
|
|
},
|
|
{
|
|
"type": "TEXT",
|
|
"value": "Сла́ва, гла́съ а҃: Лꙋча́ми ѡ҆блиста́вшесѧ бг҃оглаго́ланїѧ / великоимени́тїи прⷪ҇ро́цы прⷭ҇нѡ блажа́тсѧ: / и҆ речє́нїѧ дх҃а пло́дствꙋюще, / несказа́нное ржⷭ҇тво̀ хрⷭ҇та̀ бг҃а всѣ̑мъ проповѣ́даша: / зако́ннѡ же кончи́нꙋ соверши́ша, / пожи́вше жи́знь пречꙋ́днꙋю."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Сѐ и҆спо́лнисѧ и҆са́їино прорече́нїе, / дв҃а бо родила̀ є҆сѝ, / и҆ по ржⷭ҇твѣ̀ ꙗ҆́кѡ пре́жде ржⷭ҇тва̀ пребыла̀ є҆сѝ: / бг҃ъ бо бѣ̀ рожде́йсѧ, / тѣ́мже и҆ є҆стєства̀ новопресѣчѐ. / но ѽ бг҃ома́ти, / молє́нїѧ твои́хъ рабѡ́въ, / въ твое́мъ хра́мѣ приноси̑маѧ тебѣ̀ не пре́зри: / но ꙗ҆́кѡ бл҃гоꙋтро́бнаго твои́ма рꙋка́ма носѧ́щи, / на твоѧ̑ рабы̑ ᲂу҆милосе́рдисѧ, / и҆ молѝ сп҃сти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Стїхо́вна воскрⷭ҇на. Сла́ва, гла́съ г҃. Ге́рманово:"
|
|
},
|
|
{
|
|
"type": "TEXT",
|
|
"value": "П ра́ѻц҃євъ собо́ръ, празднолю́бцы, / прїиди́те, ѱало́мски да восхва́лимъ, а҆да́ма пра́ѻц҃а, є҆нѡ́ха, нѡ́а, мелхїседе́ка, / а҆враа́ма, і҆саа́ка, и҆ і҆а́кѡва: / по зако́нѣ мѡѷсе́а, и҆ а҆арѡ́на, / і҆исꙋ́са, самꙋи́ла, и҆ дв҃да / съ ни́миже и҆са́їю, і҆еремі́ю, і҆езекі́илѧ, / и҆ данїи́ла, и҆ двана́десѧть, / кꙋ́пнѡ и҆лїю̀, є҆лїссе́а, и҆ всѧ̑: / заха́рїю, и҆ крⷭ҇ти́телѧ, и҆ проповѣ́давшыѧ хрⷭ҇та̀, / жи́знь и҆ воскресе́нїе ро́да на́шегѡ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Безъ сѣ́мене ѿ бжⷭ҇твеннагѡ дх҃а, / во́лею же ѻ҆́ч҃ею зачала̀ є҆сѝ сн҃а бж҃їѧ, / ѿ ѻ҆ц҃а̀ безъ ма́тере пре́жде вѣ̑къ сꙋ́ща, / на́съ же ра́ди, и҆зъ тебє̀ безъ ѻ҆тца̀ бы́вша, пло́тїю родила̀ є҆сѝ, / и҆ млⷣнца млеко́мъ пита́ла є҆сѝ. / тѣ́мже не преста́й моли́ти, / и҆зба́витисѧ ѿ бѣ́дъ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Тропа́рь, воскрⷭ҇нъ. Сла́ва, и҆ ны́нѣ, пра́ѻц҃ємъ, гла́съ в҃:"
|
|
},
|
|
{
|
|
"type": "TEXT",
|
|
"value": "В ѣ́рою пра́ѻц҃ы ѡ҆правда́лъ є҆сѝ, / ѿ ꙗ҆зы̑къ тѣ́ми пред̾ѡбрꙋчи́вый цр҃ковь: / хва́лѧтсѧ въ сла́вѣ ст҃і́и, / ꙗ҆́кѡ ѿ сѣ́мене и҆́хъ є҆́сть пло́дъ бл҃госла́венъ, / безъ сѣ́мене ро́ждшаѧ тѧ̀. / тѣ́хъ моли́твами, хрⷭ҇тѐ бж҃е, поми́лꙋй на́съ."
|
|
},
|
|
{
|
|
"type": "HEADER",
|
|
"value": "На ᲂу҆́трени."
|
|
},
|
|
{
|
|
"type": "HEADER",
|
|
"value": "На Бг҃ъ гдⷭ҇ь, тропа́рь воскрⷭ҇нъ два́жды. Сла́ва, и҆ ны́нѣ, пра́ѻц҃ємъ, гла́съ в҃:"
|
|
},
|
|
{
|
|
"type": "TEXT",
|
|
"value": "В ѣ́рою пра́ѻц҃ы ѡ҆правда́лъ є҆сѝ, / ѿ ꙗ҆зы̑къ тѣ́ми пред̾ѡбрꙋчи́вый цр҃ковь: / хва́лѧтсѧ въ сла́вѣ ст҃і́и, / ꙗ҆́кѡ ѿ сѣ́мене и҆́хъ є҆́сть пло́дъ бл҃госла́венъ, / безъ сѣ́мене ро́ждшаѧ тѧ̀. / тѣ́хъ моли́твами, хрⷭ҇тѐ бж҃е, поми́лꙋй на́съ."
|
|
},
|
|
{
|
|
"type": "TEXT",
|
|
"value": "По ѻ҆бо́ихъ каѳі́смахъ сѣда́льны воскрⷭ҇ны, съ бг҃оро́дичны и҆́хъ. По полѷеле́и ѵ҆пакоѝ гла́са."
|
|
},
|
|
{
|
|
"type": "HEADER",
|
|
"value": "И҆ сѣда́ленъ пра́ѻц҃євъ, гла́съ и҃. Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "А҆ враа́ма, і҆саа́ка же и҆ і҆а́кѡва восхва́лимъ всѝ пѣ́сненнѡ, / дв҃да кро́ткаго, і҆и҃сꙋ́са, и҆ двана́десѧть патрїа́рхи, / кꙋ́пнѡ съ тремѝ ю҆́ношами, ᲂу҆гаси́вшими ѻ҆́гненный пла́мень си́лою дх҃о́вною: / ра́дꙋйтесѧ, вопїю́ще къ ни̑мъ, пре́лесть до́блественнѣ ѡ҆бличи́вше царѧ̀ безꙋ́мнагѡ, / и҆ хрⷭ҇тꙋ̀ моли́тесѧ, / согрѣше́нїй ѡ҆ставле́нїе дарова́ти пра́зднꙋющымъ любо́вїю свѧтꙋ́ю па́мѧть ва́шꙋ. [Два́жды.]"
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, бг҃оро́диченъ: Бл҃года́рственное похвале́нїе до́лжно, / ꙗ҆́коже вдови́ца ѻ҆́наѧ два̀ ле́пта / приношꙋ̀ тебѣ̀ влⷣчце, ѡ҆ всѣ́хъ дарова́нїихъ твои́хъ: / ты́ бо ꙗ҆ви́ласѧ є҆сѝ покро́въ, кꙋ́пнѡ и҆ по́мощь, / напа́стей и҆ скорбе́й при́снѡ мѧ̀ и҆з̾има́ющи. / тѣ́мже ꙗ҆́кѡ ѿ среды̀ горѧ́щїѧ пе́щи и҆зба́вльсѧ ѡ҆скорблѧ́ющихъ мѧ̀, / ѿ се́рдца взыва́ю тебѣ̀: / бцⷣе, помози́ ми, / молѧ́щи хрⷭ҇та̀ бг҃а, согрѣше́нїй ѡ҆ставле́нїе да́ти мнѣ̀, / тѧ́ бо и҆мѣ́ю наде́ждꙋ ра́бъ тво́й."
|
|
},
|
|
{
|
|
"type": "TEXT",
|
|
"value": "Канѡ́ни трѝ: воскрⷭ҇нъ на д҃: и҆ ст҃ы́хъ трїе́хъ ѻ҆трокѡ́въ на д҃. и҆ пра́ѻц҃євъ на ѕ҃."
|
|
},
|
|
{
|
|
"type": "HEADER",
|
|
"value": "Канѡ́нъ ст҃ы́хъ трїе́хъ ѻ҆трокѡ́въ, є҆гѡ́же краегране́сїе: Трѝ ѻ҆́троки пою̀, и҆ данїи́ла вели́каго. Ѳеофа́ново. Гла́съ и҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Во́дꙋ проше́дъ ꙗ҆́кѡ сꙋ́шꙋ, / и҆ є҆гѵ́петскагѡ ѕла̀ и҆збѣжа́въ, / і҆и҃льтѧнинъ вопїѧ́ше: / и҆зба́вителю и҆ бг҃ꙋ на́шемꙋ пои́мъ."
|
|
},
|
|
{
|
|
"type": "TEXT",
|
|
"value": "Б езнача́льное сло́во / и҆зъ ѻ҆ц҃а̀ пре́жде всѣ́хъ вѣкѡ́въ рожде́нно бг҃олѣ́пнѡ, / въ пещѝ ю҆́ношамъ ѻ҆бра́знѡ ви́дѣно бы́вшее просла́вимъ."
|
|
},
|
|
{
|
|
"type": "TEXT",
|
|
"value": "Г лаго́лы мꙋчи́телѧ ѕлочести́вагѡ / бл҃горо́днїи ѻ҆́троцы ѡ҆плева́вше терпѣли́внѡ, / снѣ́дьми беззако́нныхъ ѡ҆скверни́тисѧ халде́йски не восхотѣ́ша."
|
|
},
|
|
{
|
|
"type": "TEXT",
|
|
"value": "П ита́стесѧ ᲂу҆́бѡ сло́вомъ дꙋше́внѣ, / снѣ́дьми же самора́сленными пло́тски, / па́че пита́ющихсѧ дебе́лыми снѣ́дьми, / цр҃ю̀ краснѣ́йшїи ли́цы ꙗ҆ви́стесѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́дъ ѕмїи́нъ въ слꙋ́хи го́рькѡ и҆злїѧ́вшїйсѧ є҆́ѵины, / ꙗ҆́же и҆зъ дв҃да возра́стшаѧ, ѻ҆трокови́це, и҆сцѣлѧ́еши, / и҆зба́вителѧ ро́ждши."
|
|
},
|
|
{
|
|
"type": "HEADER",
|
|
"value": "И҆́нъ канѡ́нъ ст҃ы́хъ пра́ѻц҃євъ, є҆гѡ́же краегране́сїе: Ѻ҆ц҃є́мъ хвалꙋ̀ въ лѣ́потꙋ ны́нѣ приноша́ю. І҆ѡ́сифъ. Гла́съ а҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Хрⷭ҇то́съ ражда́етсѧ, сла́вите:"
|
|
},
|
|
{
|
|
"type": "TEXT",
|
|
"value": "Ѻ҆ ц҃є́мъ пѣ́нїе принесе́мъ, пре́жде зако́на, и҆ въ зако́нѣ возсїѧ́вшымъ, / и҆ и҆зъ дв҃ы возсїѧ́вшемꙋ гдⷭ҇ꙋ и҆ влⷣцѣ во́лею пра́вою ᲂу҆годи́вшымъ, / и҆ незаходи́магѡ просвѣще́нїѧ ны́нѣ наслажда́ющымсѧ."
|
|
},
|
|
{
|
|
"type": "TEXT",
|
|
"value": "А҆ да́ма пе́рваго почти́мъ, рꙋко́ю почте́ннаго зижди́телѧ, / и҆ всѣ́хъ на́съ пра́ѻтца ᲂу҆жѐ бы́вшаго, / и҆ въ ски́нїахъ нбⷭ҇ныхъ со всѣ́ми и҆збра́нными почива́юща."
|
|
},
|
|
{
|
|
"type": "TEXT",
|
|
"value": "А҆́ велѧ, да́ры прине́сшаго дꙋше́ю бл҃горо́днѣйшею, / прїѧ́тъ всѣ́хъ бг҃ъ и҆ гдⷭ҇ь: / сего́ же па́ки скверноꙋбі́йственною рꙋко́ю ᲂу҆мерщвле́на, / принесѐ къ свѣ́тꙋ, ꙗ҆́кѡ бжⷭ҇твенна мч҃ника."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Рече́нїй бжⷭ҇твенныхъ ᲂу҆слы́шимъ, вопїю́щихъ хрⷭ҇то́во ꙗ҆вле́нїе: / се́ бо въ верте́пѣ ражда́етсѧ и҆зъ ѻ҆трокови́цы неискꙋсомꙋ́жныѧ, / є҆гѡ́же стра́шное ржⷭ҇тво̀ провозвѣща́етъ ѕвѣздосло́вцємъ ѕвѣзда̀ ꙗ҆́вльшаѧсѧ."
|
|
},
|
|
{
|
|
"type": "TEXT",
|
|
"value": "Катава́сїа: Хрⷭ҇то́съ ражда́етсѧ, сла́вите: / хрⷭ҇то́съ съ нб҃съ, срѧ́щите: / хрⷭ҇то́съ на землѝ, возноси́тесѧ. / по́йте гдⷭ҇еви всѧ̀ землѧ̀, / и҆ весе́лїемъ воспо́йте, лю́дїе, / ꙗ҆́кѡ просла́висѧ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ты̀ є҆сѝ ᲂу҆твержде́нїе / притека́ющихъ къ тебѣ̀, гдⷭ҇и, / ты̀ є҆сѝ свѣ́тъ ѡ҆мраче́нныхъ, / и҆ пое́тъ тѧ̀ дꙋ́хъ мо́й."
|
|
},
|
|
{
|
|
"type": "TEXT",
|
|
"value": "Р а́зꙋмъ стѧжа́вше бг҃онаꙋче́нный, влⷣко, ѻ҆́троцы дв҃довы, / зако́ны ѻ҆те́чєскїѧ бг҃омꙋ́дреннѡ соблюдо́ша."
|
|
},
|
|
{
|
|
"type": "TEXT",
|
|
"value": "Ѻ҆́ гнь не ѡ҆палѝ чистѣ̑йшаѧ тѣлеса̀ благочести́выхъ: / посто́мъ бо дꙋшепита́тельнымъ напаѧ́хꙋсѧ."
|
|
},
|
|
{
|
|
"type": "TEXT",
|
|
"value": "Х валꙋ̀ всемі́рнꙋю и҆ многопѣ́тꙋю пою́тъ ѻ҆́троцы трїѐ, / посредѣ̀ пе́щи чꙋ́днѡ ѡ҆роша́еми."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Да ржⷭ҇тво̀, влⷣко, и҆зъ дѣ́вствꙋющагѡ тѣлесѐ пока́жеши на́мъ, / спаса́еши въ пещѝ дѣ̑вствꙋющаѧ тѣлеса̀."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Пре́жде вѣ̑къ:"
|
|
},
|
|
{
|
|
"type": "TEXT",
|
|
"value": "П ое́тсѧ въ мі́рѣ си́ѳово къ зижди́телю разжже́нїе, / и҆́бо въ непоро́чнѣмъ жи́тельствѣ и҆ дꙋше́внѣй любвѝ томꙋ̀ и҆́стиннѡ ᲂу҆годѝ, / и҆ ны́нѣ во странѣ̀ живы́хъ вопїе́тъ: / ст҃ъ є҆сѝ, гдⷭ҇и."
|
|
},
|
|
{
|
|
"type": "TEXT",
|
|
"value": "Оу҆ сты̑ и҆ ѧ҆зы́комъ и҆ се́рдцемъ є҆нѡ́съ чꙋ́дный / призва́ти бг҃омꙋ́дреннѡ влⷣкꙋ всѣ́хъ и҆ бг҃а, надѣ́ѧшесѧ въ дс҃ѣ: / и҆ благоꙋго́днѡ пожи́въ на землѝ, сла́вꙋ воспрїѧ́тъ."
|
|
},
|
|
{
|
|
"type": "TEXT",
|
|
"value": "С вѧщеннослѡ́вїи свѧще́нными є҆нѡ́ха ᲂу҆блажи́мъ, / благоꙋгоди́въ бо гдⷭ҇ꙋ, преста́висѧ въ сла́вѣ, / ꙗ҆ви́всѧ лꙋ́чши сме́рти, ꙗ҆́коже писа́сѧ, / и҆́мже бж҃їй бы́въ ра́бъ и҆́скреннѣйшїй."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ны́нѣ ча́ѧнїе ꙗ҆зы́кѡвъ ѿ дв҃ы предгрѧде́тъ, / и҆ виѳлее́мъ заключе́нный ѿверза́етъ свѣ́тлѡ є҆де́ма, / сло́во воплоща́емое прїе́млѧ, и҆ въ ꙗ҆́слѣхъ пло́тїю возле́гшаго."
|
|
},
|
|
{
|
|
"type": "TEXT",
|
|
"value": "Катава́сїа: Пре́жде вѣ̑къ ѿ ѻ҆ц҃а̀ рожде́нномꙋ нетлѣ́ннѡ сн҃ꙋ, / и҆ въ послѣ̑днѧѧ ѿ дв҃ы / воплоще́нномꙋ безсѣ́меннѡ / хрⷭ҇тꙋ̀ бг҃ꙋ возопїи́мъ: / вознесы́й ро́гъ на́шъ, / ст҃ъ є҆сѝ, гдⷭ҇и."
|
|
},
|
|
{
|
|
"type": "HEADER",
|
|
"value": "И҆ ѵ҆пакоѝ, гла́съ в҃:"
|
|
},
|
|
{
|
|
"type": "TEXT",
|
|
"value": "В ъ ро́сꙋ дѣ́темъ ѻ҆́гнь прелага́шесѧ, / пла́чь въ ра́дость жена́мъ премѣнѧ́шесѧ: / а҆́гг҃лъ бо во ѻ҆бои́хъ слꙋжа́ше чꙋдесѣ́хъ, / ѻ҆́вымъ ᲂу҆́бѡ во ᲂу҆покое́нїе претвори́вый пе́щь, / си̑мъ же воскресе́нїе возвѣсти́вый тридне́вное: / нача́льниче жи́зни на́шеѧ, гдⷭ҇и, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Оу҆слы́шахъ, гдⷭ҇и, / смотре́нїѧ твоегѡ̀ та́инство, / разꙋмѣ́хъ дѣла̀ твоѧ̑, / и҆ просла́вихъ твоѐ бж҃ество̀."
|
|
},
|
|
{
|
|
"type": "TEXT",
|
|
"value": "Д анїи́лъ мꙋдрѣ́йшїй бжⷭ҇твеннѣ ᲂу҆мо́мъ просвѣща́емь, / сѡ́нїѧ разрѣшѝ самоде́ржцєвъ бжⷭ҇твенною бл҃года́тїю."
|
|
},
|
|
{
|
|
"type": "TEXT",
|
|
"value": "Ѡ҆ блиста́етъ чꙋдесмѝ, є҆́же въ пещѝ, ѻ҆трокѡ́въ страда́нїе: / мꙋчи́телѧ бо ᲂу҆лови́ша къ позна́нїю твоемꙋ̀, всеси́льне."
|
|
},
|
|
{
|
|
"type": "TEXT",
|
|
"value": "С огла́сїѧ ѻ҆рга́ны и҆ мꙋсїкі́и пѣ̑сни / всесли̑чныѧ до́блественныхъ не привлеко́ша, / и҆ злато́мꙋ ѻ҆́бразꙋ не подклони́ша."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пѣ́сньми, всепѣ́таѧ, / и҆̀же въ вавѷлѡ́нѣ, дѣ́ти почита́ютъ сн҃а твоего̀ пребжⷭ҇твеннаго, / є҆го́же въ пещѝ позна́ша."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Же́злъ и҆зъ ко́рене і҆ессе́ева:"
|
|
},
|
|
{
|
|
"type": "TEXT",
|
|
"value": "Х валꙋ̀ принесе́мъ бг҃ꙋ, / чтꙋ́ще пѣ́сньми нѡ́а, вои́стиннꙋ сꙋ́ща пра́веднаго: / во всѣ́хъ бо за́повѣдехъ бжⷭ҇твенныхъ ᲂу҆краша́емь ꙗ҆ви́сѧ, хрⷭ҇тꙋ̀ благоꙋгоди́въ, / є҆мꙋ́же пѣснопое́мъ вѣ́рнїи: / сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "В и́дѣвъ твоѐ бг҃ъ благоро́дное нра́ва, и҆ просто́е, / и҆ по всемꙋ̀ нѡ́е соверше́на втора́гѡ мі́ра, ꙗ҆́вѣ началовожда́ тѧ показꙋ́етъ, / спа́сшаго томꙋ̀ всѧ́кагѡ ро́да ѿ пото́па чꙋ́вственнагѡ сѣ́мѧ, / ꙗ҆́коже са́мъ повелѣ̀."
|
|
},
|
|
{
|
|
"type": "TEXT",
|
|
"value": "Н ѡ́а сохра́ншаго бж҃їй зако́нъ невреди́мь, / и҆ ѡ҆брѣ́тшасѧ тогда̀ пра́ведна въ ро́дѣ свое́мъ, / и҆ дре́вѧнымъ спа́сша дре́вле ковче́гомъ безслове́сныхъ ро́ды, повелѣ́нїемъ вседѣ́тельнымъ, / пѣ́сньми благоче́стнѡ ᲂу҆блажи́мъ."
|
|
},
|
|
{
|
|
"type": "TEXT",
|
|
"value": "В їно̀ ᲂу҆миле́нїѧ на́мъ то́читъ, / чтꙋ́щымъ тѧ̀, нѡ́е блаже́нне, па́мѧть твоѧ̀, / веселѧ́щее и҆ дꙋ́шы и҆ сердца̀ всегда̀, / чи́стѣ блажа́щихъ нра́вы твоѧ̑ честны̑ѧ и҆ жи́тельство бжⷭ҇твенное."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ны́нѣ и҆збавле́нїе на́ше въ ꙗ҆́слѣхъ возлега́етъ, / и҆ пелена́ми повива́етсѧ, ꙗ҆́коже младе́нецъ. / и҆ волсвѝ, восто́чнїи ца́рїе прихо́дѧтъ, / сего̀, ꙗ҆́кѡ бг҃а и҆ цр҃ѧ̀, ро́ждшагосѧ ѿ чⷭ҇тыѧ, ви́дѣти, / и҆ поклони́тисѧ съ да̑ры вѣ́рнѡ."
|
|
},
|
|
{
|
|
"type": "TEXT",
|
|
"value": "Катава́сїа: Же́злъ и҆зъ ко́рене і҆ессе́ова, / и҆ цвѣ́тъ ѿ негѡ̀, хрⷭ҇тѐ, / ѿ дв҃ы прозѧ́блъ є҆сѝ, / и҆зъ горы̀ хва́льный приѡсѣне́нныѧ ча́щи, / прише́лъ є҆сѝ вопло́щсѧ, ѿ неискꙋсомꙋ́жныѧ, / невеще́ственный бж҃е: / сла́ва си́лѣ твое́й, гдⷭ҇и."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Вскꙋ́ю мѧ̀ ѿри́нꙋлъ є҆сѝ / ѿ лица̀ твоегѡ̀ свѣ́те незаходи́мый, / и҆ покры́ла мѧ̀ є҆́сть чꙋжда́ѧ тьма̀ ѻ҆каѧ́ннаго; / но ѡ҆брати́ мѧ, / и҆ къ свѣ́тꙋ за́повѣдей твои́хъ / пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Н аꙋчи́вшесѧ зако́нꙋ, сп҃се, / не ѿверго́шасѧ твоѝ ᲂу҆го́дницы, / данїи́лъ вели́кїй съ тремѝ ю҆́ношами бг҃омꙋ́дрыми: / но, крѣ́пость прїе́мше ѿ тебє̀, бл҃годѣ́телѧ, / мꙋчи́тели мꙋ́жески побѣди́ша."
|
|
},
|
|
{
|
|
"type": "TEXT",
|
|
"value": "М ы́сленнѡ наꙋча́шесѧ данїи́лъ, чл҃вѣколю́бче, твои̑мъ та́йнамъ: / на ѻ҆́блацѣ бо, ꙗ҆́кѡ сн҃а тѧ̀ человѣ́ча грѧдꙋ́ща, / ꙗ҆зы́кѡвъ всѣ́хъ, ꙗ҆́кѡ сꙋдїю̀ и҆ цр҃ѧ̀, зрѧ́ше ᲂу҆ма̀ чистото́ю."
|
|
},
|
|
{
|
|
"type": "TEXT",
|
|
"value": "Оу҆ краси́сѧ, ѽ дѣ́ти! па́че ка́мене сапфі́ра, ва́ше совокꙋпле́нїе, / ꙗ҆́кѡ зарѧ̀ злата́ѧ, благоче́стїѧ ре́вностїю распа́льшесѧ, / ходѧ́ще ра́достнѡ въ пещѝ, и҆ собира́юще ликова́нїе всемі́рное."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Данїи́лъ тѧ̀, дв҃о, го́рꙋ прописа̀ ꙗ҆́вѣ бжⷭ҇твенный, / трїе́ же ѻ҆́троцы ви́дѣвше пла́мень ѡ҆роша́ющъ, / твоѐ бжⷭ҇твенное ржⷭ҇тво̀ пѣснопѣ́сненнѡ восхвалѧ́ютъ, / ꙗ҆́кѡ сп҃са и҆ зижди́телѧ и҆ гдⷭ҇а."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Бг҃ъ сы́й ми́ра:"
|
|
},
|
|
{
|
|
"type": "TEXT",
|
|
"value": "Х вала́ми бжⷭ҇твенными да почти́тсѧ си́мъ, / ѻ҆ч҃еское бл҃гослове́нїе приплоди́въ: / и҆ предъ бг҃омъ благоꙋго́денъ ꙗ҆́вльсѧ, / къ пра́ѻч҃єскимъ ликѡ́мъ причте́сѧ, / и҆ во странѣ̀ живы́хъ ра́достнѡ почива́етъ."
|
|
},
|
|
{
|
|
"type": "TEXT",
|
|
"value": "В и́дѣти сподо́бисѧ, ꙗ҆́кѡ дрꙋ́гъ бж҃їй, а҆враа́мъ де́нь зижди́телѧ своегѡ̀, / и҆ и҆спо́лнь быва́етъ ра́дости дх҃о́вныѧ: / сего̀ ᲂу҆́бѡ, ᲂу҆ма̀ пра́востїю чтꙋ́ще, ᲂу҆блажи́мъ всѝ, / ꙗ҆́кѡ хрⷭ҇то́ва бжⷭ҇твенна пра́ѻц҃а."
|
|
},
|
|
{
|
|
"type": "TEXT",
|
|
"value": "В и́дѣлъ є҆сѝ, ꙗ҆́коже є҆́сть мо́щно человѣ́кꙋ ви́дѣти, трⷪ҇цꙋ, / и҆ тꙋ́ю ᲂу҆гости́лъ є҆сѝ, ꙗ҆́кѡ дрꙋ́гъ при́сный, преблаже́нне а҆враа́ме: / тѣ́мже мздꙋ̀ прїѧ́лъ є҆сѝ стра́ннагѡ гоще́нїѧ, / є҆́же бы́ти тебѣ̀ безчи́сленныхъ ꙗ҆зы́кѡвъ ѻ҆ц҃ꙋ̀ вѣ́рою."
|
|
},
|
|
{
|
|
"type": "TEXT",
|
|
"value": "Бг҃оро́диченъ: По́лный и҆стощава́етсѧ пло́тїю на́съ ра́ди, / и҆ нача́ло безнача́льный прїе́млетъ: / ѡ҆бнищева́етъ же бога́тый, / и҆ сло́во сы́й бг҃ъ, въ ꙗ҆́слѣхъ безслове́сныхъ возлежи́тъ, ꙗ҆́кѡ младе́нецъ, / воззва́нїе всѣ́хъ сꙋ́щихъ ѿ вѣ́ка содѣ́ловаѧ."
|
|
},
|
|
{
|
|
"type": "TEXT",
|
|
"value": "Катава́сїа: Бг҃ъ сы́й ми́ра, ѻ҆ц҃ъ щедро́тъ, / вели́кагѡ совѣ́та твоегѡ̀ а҆́гг҃ла, / ми́ръ подава́юща посла́лъ є҆сѝ на́мъ. / тѣ́мъ бг҃оразꙋ́мїѧ къ свѣ́тꙋ наста́вльшесѧ, / ѿ но́щи ᲂу҆́тренююще, / славосло́вимъ тѧ̀ человѣколю́бче."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Бе́здна грѣхѡ́въ и҆ прегрѣше́нїй бꙋ́рѧ мѧ̀ смꙋща́етъ, / и҆ во глꙋбинꙋ̀ нꙋ́жднагѡ рѣ́етъ мѧ̀ ѿча́ѧнїѧ: / но твою̀ крѣ́пкꙋю рꙋ́кꙋ мнѣ̀ прострѝ, ꙗ҆́кѡ петро́ви: / ѽ ᲂу҆пра́вителю! и҆ спасѝ."
|
|
},
|
|
{
|
|
"type": "TEXT",
|
|
"value": "Ѡ҆ блада́вше дꙋше́вными страстьмѝ си́лою сло́ва, / страны̀ ꙗ҆зы̑къ халде́йскихъ вла́стели бы́сте: / вѣ́сть бо добродѣ́тель че́сть дарова́ти стѧжа́вшымъ ю҆̀, / ѽ дв҃довы мꙋ́дрїи внꙋ́цы!"
|
|
},
|
|
{
|
|
"type": "TEXT",
|
|
"value": "В ъ ме́ртвость данїи́лъ живоно́снꙋю ѡ҆дѣ́ѧвсѧ дре́вле, / ꙗ҆́кѡ бг҃а халде́ємъ ѕлочести́внѡ мни́маго, / ᲂу҆бива́етъ снѣ́дїю ѕмі́ѧ ѕлѣ́йшаго. / свѧще́нники же ѕлочести̑выѧ мꙋ́дрѣ ᲂу҆би́лъ є҆́сть."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Млⷭ҇тива мѝ сꙋдїю̀ сн҃а твоего̀, бцⷣе дв҃о, / твои́ми моли́твами бы́ти въ де́нь сꙋда̀, / и҆зба́вителѧ же лю́тыхъ, мт҃и, ᲂу҆молѝ: / на тѧ́ бо є҆ди́нꙋ наде́ждꙋ мою̀ возлага́ю."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "И҆з̾ ᲂу҆тро́бы і҆ѡ́нꙋ:"
|
|
},
|
|
{
|
|
"type": "TEXT",
|
|
"value": "Ѻ҆́ бразъ хрⷭ҇то́вы стрⷭ҇ти бы́лъ є҆сѝ ꙗ҆́вѣ, і҆саа́че преблаже́нне, / возводи́мь ѻ҆́ч҃имъ бл҃гопокоре́нїемъ, є҆́же закала́тисѧ. / сегѡ̀ ра́ди ᲂу҆блажи́лсѧ є҆сѝ, и҆ ра́бъ бж҃їй вои́стиннꙋ ꙗ҆ви́лсѧ є҆сѝ бли́жнїй, / со всѣ́ми пра́ведными вселѧ́ѧсѧ."
|
|
},
|
|
{
|
|
"type": "TEXT",
|
|
"value": "Ꙗ҆ ви́сѧ і҆а́кѡвъ ᲂу҆го́дникъ вѣ́рнѣйшїй всѣ́хъ бг҃а: / тѣ́мже и҆ бра́сѧ со а҆́гг҃ломъ, ᲂу҆́мъ зрѧ̀ бг҃а нарече́сѧ, / и҆ спѧ̀, бжⷭ҇твеннꙋю лѣ́ствицꙋ ви́дѣ, / на не́йже бг҃ъ ᲂу҆твержда́шесѧ, пло́тїю ѡ҆бложи́выйсѧ за благосты́ню."
|
|
},
|
|
{
|
|
"type": "TEXT",
|
|
"value": "Л юбѧ̀ і҆ѡ́сифъ ко ѻ҆ц҃ꙋ̀ благопокоре́нїе, / въ ро́въ вве́рженъ, продаде́сѧ / во ѻ҆́бразъ закла́ннагѡ и҆ въ ро́вѣ положе́ннагѡ хрⷭ҇та̀: / пшеницода́вецъ же є҆гѵ́пта бы́сть, цѣломꙋ́дръ бы́въ и҆ пра́веденъ, / ца́рь же страсте́й и҆́стиннѣйшїй."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Мла́до на землѝ ѻ҆троча̀ познава́етсѧ, / сы́й со ѻ҆ц҃е́мъ при́снѡ и҆ дх҃омъ, / пелена́ми же повива́етсѧ и҆́же зе́млю повива́ѧй мгло́ю ꙗ҆́вѣ, / и҆ въ ꙗ҆́слѣхъ безслове́сныхъ возлежи́тъ. / сегѡ̀ ны́нѣ предпра́зднꙋемъ ра́дꙋющесѧ безсѣ́менное ржⷭ҇тво̀."
|
|
},
|
|
{
|
|
"type": "TEXT",
|
|
"value": "Катава́сїа: И҆зъ ᲂу҆тро́бы і҆ѡ́нꙋ младе́нца и҆зблева̀ морскі́й ѕвѣ́рь, / ꙗ҆кова̀ прїѧ́тъ: / въ дв҃ꙋ же все́льшеесѧ сло́во, / и҆ пло́ть прїе́мше про́йде сохра́ншее нетлѣ́ннꙋ. / є҆гѡ́же бо не пострада̀ и҆стлѣ́нїѧ, / ро́ждшꙋю сохранѝ неврежде́ннꙋ."
|
|
},
|
|
{
|
|
"type": "HEADER",
|
|
"value": "Конда́къ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Р ꙋкопи́саннагѡ ѻ҆́браза не поче́тше, / но неѡпи́саннымъ сꙋщество́мъ защити́вшесѧ, требл҃же́ннїи, / въ по́двизѣ ѻ҆гнѧ̀, просла́вистесѧ: / средѣ́ же пла́мене нестерпи́магѡ стоѧ́ще, бг҃а призва́сте: / ᲂу҆скорѝ, ѽ ще́дрый, и҆ потщи́сѧ, ꙗ҆́кѡ млⷭ҇тивъ, въ по́мощь на́шꙋ, / ꙗ҆́кѡ мо́жеши хотѧ́й."
|
|
},
|
|
{
|
|
"type": "TEXT",
|
|
"value": "І҆́косъ: Прострѝ твою̀ рꙋ́кꙋ, / є҆́юже дре́вле прїѧ́ша и҆скꙋше́нїе є҆гѵ́птѧне борю́щїи, и҆ є҆вре́є бори́мїи. / не ѡ҆ста́ви на́съ, да не пожре́тъ на́съ сме́рть, жа́ждꙋщаѧ на́съ, / и҆ сатана̀ ненави́дѧй на́съ, / но прибли́жисѧ на́мъ, и҆ пощадѝ дꙋ́шы на́шѧ, / ꙗ҆́коже пощади́лъ є҆сѝ и҆ногда̀ ѻ҆́троки твоѧ̑, / сꙋ́щыѧ въ вавѷлѡ́нѣ, непреста́ннѡ сла́вѧщыѧ тѧ̀, / и҆ вве́ржєнныѧ тебє̀ ра́ди въ пе́щь, / и҆ ѿ сеѧ̀ вопїю́щыѧ тѝ: / ᲂу҆скорѝ, ще́дрый, и҆ потщи́сѧ, ꙗ҆́кѡ ми́лостивъ на по́мощь на́шꙋ, / ꙗ҆́кѡ мо́жеши хотѧ́й."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ѻ҆́троцы бг҃очести́вїи въ вавѷлѡ́нѣ / ѻ҆́бразꙋ злато́мꙋ не поклони́шасѧ, / но посредѣ̀ пе́щи ѻ҆́гненныѧ ѡ҆роша́еми, / пѣ́снь воспѣва́хꙋ, глаго́люще: / превозноси́мый ѻ҆ц҃є́въ и҆ на́съ бж҃е, / бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Г ла́съ бг҃олюбе́зенъ поѧ́шесѧ и҆зъ среды̀ ѻ҆гнѧ̀ вседержи́телю, / а҆за́рїа бо бжⷭ҇твенный ли́къ соста́вивъ, / пѣ́снь воспѣва́ѧ, глаго́лаше: / бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ц ѣвни́ца ю҆́ношей бг҃осло́вствꙋетъ всѣ́хъ бг҃а и҆ вседержи́телѧ, / тѣ̑мъ въ пещѝ ꙗ҆́снѡ ꙗ҆́вльшагосѧ / и҆ пѣ́снь воспѣва́хꙋ, глаго́люще: / бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Т рѝ въ пе́щь вве́ржєнныѧ ви́дѣвъ ца́рь, / ꙗ҆́кѡ ᲂу҆зрѣ̀ четве́ртагѡ ви́дъ, / сн҃а пронаречѐ бж҃їѧ, и҆ всѣ̑мъ возопѝ: / бл҃гослове́нъ бг҃ъ ѻ҆ц҃ъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆мѣ́ѧ просвѣще́нъ бжⷭ҇твенною заре́ю ᲂу҆́мъ, данїи́ле бг҃облаже́нне, / дв҃ы ржⷭ҇тво̀ ꙗ҆́вѣ предви́дѣлъ є҆сѝ, та́инственными ѻ҆́бразы ѡ҆бразꙋ́емо, / бл҃гослове́нъ, вопїѧ̀, бж҃е ѻ҆ц҃ъ на́шихъ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Ѻ҆́троцы благоче́стїю совоспита́ни:"
|
|
},
|
|
{
|
|
"type": "TEXT",
|
|
"value": "Д а воспое́тсѧ а҆на́нїа, а҆за́рїа, мїсаи́лъ съ данїи́ломъ, / пе́щь ᲂу҆гаси́вше ѻ҆́гненнꙋю, и҆ львѡ́въ ѡ҆бꙋзда́вше стремлє́нїѧ, / и҆ хрⷭ҇тꙋ̀ согла́снѡ пою́ще: / ѻ҆тцє́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "З ако́ннѡ пострада́въ въ напа́стехъ и҆ неѡсла́бныхъ ско́рбехъ, / ᲂу҆го́дникъ нарече́сѧ і҆́ѡвъ бж҃їй всеи́стиннѣйшїй, / кро́токъ, неѕло́бивъ, пра́въ, соверше́нъ, непоро́ченъ, вопїѧ̀: / ѻ҆тцє́въ бж҃е, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "В ѣ́рою мѡѷсе́а, а҆арѡ́на же и҆ ѡ҆́ра почти́мъ, / восхвалѧ́юще і҆исꙋ́са и҆ леѵі́ю свѧще́ннѣйшаго, / гедеѡ́на же и҆ самѱѡ́на, и҆ взыва́емъ: / ѻ҆тцє́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сѐ, ꙗ҆́коже проречѐ прⷪ҇ро́къ, / во чре́вѣ зача̀ неискꙋсобра́чнаѧ бг҃а, / и҆ роди́ти ꙗ҆́вѣ и҆́детъ въ верте́пѣ виѳлее́млѣ. / є҆мꙋ́же всѝ пое́мъ: / ѻ҆тцє́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Катава́сїа: Ѻ҆́троцы благоче́стїю совоспита́ни, / ѕлочести́вагѡ велѣ́нїѧ небре́гше, / ѻ҆́гненнагѡ преще́нїѧ не ᲂу҆боѧ́шасѧ, / но посредѝ пла́мене стоѧ́ще поѧ́хꙋ: / ѻ҆тцє́въ бж҃е, бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Седмери́цею пе́щь / халде́йскїй мꙋчи́тель / бг҃очести̑вымъ неи́стовнѡ разжжѐ, / си́лою же лꙋ́чшею сп҃се́ны сїѧ̑ ви́дѣвъ, / творцꙋ̀ и҆ и҆зба́вителю вопїѧ́ше: / ѻ҆́троцы бл҃гослови́те, / сщ҃е́нницы воспо́йте, / лю́дїе превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "А҆ враа́мово благоро́дїе сохрани́ти тща́щесѧ, / сво́йственное къ немꙋ̀ стѧжа́сте ѡ҆снова́нїе вѣ́ры и҆ наде́жды, преподо́бнїи, / терпѣ́нїе и҆ напа́стемъ пожда́нїе, вопїю́ще: / благослови́те, свѧще́нницы влⷣкꙋ, / лю́дїе, превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ свѣти̑ла просїѧ́вше, и҆ зе́млю ѡ҆небеси́вше, / и҆ благоче́стїѧ просвѣще́нїемъ ѡ҆сїѧ́вшесѧ, / всемі́рное соста́вльше ликостоѧ́нїе, пою́тъ ѿ напа́стей спа́сшемꙋ влⷣцѣ: / ѻ҆́троцы, благослови́те, свѧще́нницы, воспо́йте, / лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ю҆́ ношески погаси́вше распали́мꙋю пе́щь, / и҆ львѡ́въ чє́люсти загра́ждше дв҃дѡвы внꙋ́цы, / ны́нѣ ра́дꙋющесѧ пою́тъ тѧ̀ бл҃годѣ́телѧ, цр҃ѧ̀ всѣ́хъ: / ѻ҆́троцы, благослови́те, свѧще́нницы, воспо́йте, / лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Тайнонаꙋча́етъ, пречⷭ҇таѧ, данїи́лъ мꙋдрѣ́йшїй, / и҆ предживописꙋ́ютъ ѻ҆́троцы трїѐ ржⷭ҇тво̀ твоѐ бг҃омꙋ́дреннїи, / ѻ҆́бразы зрѧ́ще и҆зъ ᲂу҆тро́бы твоеѧ̀ проше́дшагѡ несказа́ннѡ: / є҆го́же дѣ́ти благословѧ́тъ, свѧще́нницы воспѣва́ютъ, / лю́дїе превозно́сѧтъ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Чꙋ́да преесте́ственнагѡ:"
|
|
},
|
|
{
|
|
"type": "TEXT",
|
|
"value": "Д не́сь сꙋ́щихъ ѿ вѣ́ка бжⷭ҇твеннꙋю па́мѧть соверша́емъ честны́хъ ѻ҆тє́цъ, / а҆да́ма, а҆́велѧ же, си́ѳа, и҆ нѡ́а, / и҆ є҆нѡ́са, и҆ є҆нѡ́ха, и҆ а҆враа́ма, / мелхїседе́ка и҆ і҆́ѡва, і҆саа́ка и҆ вѣ́рнагѡ і҆а́кѡва: / да благослови́тъ тва́рь, вопїю́ще, гдⷭ҇а, / и҆ превозно́ситъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "П о́лкъ бг҃окра́сный бжⷭ҇твенныхъ ѻ҆тє́цъ да восхва́лимъ, / вара́ка, и҆ наѳа́на, и҆ є҆леаза́ра, / і҆ѡсі́ю, и҆ дв҃да, і҆ефѳа́ѧ, самꙋи́ла же, / прє́днѧѧ зрѧ́ща че́стнѣ, и҆ взыва́юща: / да благослови́тъ тва́рь всѧ̀ гдⷭ҇а / и҆ превозно́ситъ є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "П охвалꙋ̀ пѣснопѣ́сненнѡ да принесе́мъ бж҃їимъ прⷪ҇ро́кѡмъ, / восхвалѧ́юще і҆ѡсі́ю, и҆ мїхе́а, софо́нїа, и҆ а҆ввакꙋ́ма, / заха́рїю, и҆ і҆ѡ́нꙋ, а҆гге́а же, и҆ а҆мѡ́са, / и҆ со а҆вді́емъ малахі́ю, и҆ наꙋ́ма, / и҆са́їю и҆ і҆еремі́ю, и҆ і҆езекі́илѧ, / кꙋ́пнѡ данїи́ла, и҆лїю̀ и҆ є҆лїссе́а."
|
|
},
|
|
{
|
|
"type": "TEXT",
|
|
"value": "Г лаго́лы трⷪ҇ческими всест҃ꙋ́ю воспое́мъ, вѣ́рнїи, трⷪ҇цꙋ, / ѻ҆ц҃а̀ безнача́льнаго, сн҃а же и҆ пра́ваго дх҃а ст҃а́го, є҆ди́ницꙋ трїѷпоста́снꙋю, / ю҆́же всѧ́кое дыха́нїе сла́витъ, зовꙋ́ще: / да благослови́тъ тва́рь всѧ̀ гдⷭ҇а, / и҆ превозно́ситъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆ви́лсѧ є҆сѝ ѿ дѣ́вственныхъ, хрⷭ҇тѐ, крове́й, / воплоща́емь неизрече́ннымъ сло́вомъ, / и҆ ꙗ҆́кѡ млⷣнецъ соверше́нъ въ верте́пѣ, премно́жествомъ бл҃гоꙋтро́бїѧ, і҆и҃се, ражда́ѧсѧ: / ѕвѣзда́ же тѧ̀ и҆здале́ча возвѣстѝ ѕвѣздосло́вцємъ, / по́йте, вѣ́рою зовꙋ́щымъ, и҆ превозноси́те хрⷭ҇та̀ во вѣ́ки."
|
|
},
|
|
{
|
|
"type": "TEXT",
|
|
"value": "Катава́сїа: Чꙋ́да преесте́ственнагѡ / росода́тельнаѧ и҆з̾ѡбразѝ пе́щь ѻ҆́бразъ: / не бо̀ ꙗ҆̀же прїѧ́тъ пали́тъ ю҆́ныѧ, / ꙗ҆́кѡ нижѐ ѻ҆́гнь бж҃ества̀ дв҃ы, / въ ню́же вни́де ᲂу҆тро́бꙋ. / тѣ́мъ воспѣва́юще воспое́мъ: / да бл҃гослови́тъ тва́рь всѧ̀ гдⷭ҇а, / и҆ превозно́ситъ во всѧ̀ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Вои́стиннꙋ бцⷣꙋ / тѧ̀ и҆сповѣ́дꙋемъ, / спасе́ннїи тобо́ю, дв҃о чи́стаѧ, / съ безпло́тными ли́ки тѧ̀ велича́юще."
|
|
},
|
|
{
|
|
"type": "TEXT",
|
|
"value": "Д остиго́сте кончи́нꙋ жела́емꙋю, / и҆ жела́нїй кра́йнѣйшемꙋ предстоитѐ въ нбⷭ҇ныхъ черто́зѣхъ, / ѻ҆́троцы всеблаже́ннїи."
|
|
},
|
|
{
|
|
"type": "TEXT",
|
|
"value": "Р а́дꙋющесѧ рꙋкоѧ́тїе, є҆́же ѿ сле́зъ, до́брагѡ ва́шегѡ земледѣ́ланїѧ прїѧ́сте, / нетлѣ́нїѧ кла́съ плодоноси́вше."
|
|
},
|
|
{
|
|
"type": "TEXT",
|
|
"value": "В озсїѧ̀ свѣ́тлость ны́нѣ ва́мъ досто́йнѡ, / и҆ весе́лїе се́рдца процвѣтѐ: / ѿѻнꙋ́дꙋже бо ѿбѣжѐ печа́ль, всели́стесѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Па́жить сме́ртнꙋю ᲂу҆ста́вила є҆сѝ, дв҃о, / жизнода́вца ро́ждши и҆ гдⷭ҇а, / животворѧ́щаго вѣ́рою велича́ющыѧ тѧ̀."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Та́инство стра́нное:"
|
|
},
|
|
{
|
|
"type": "TEXT",
|
|
"value": "К рѣ́постїю твое́ю дре́вле си̑лы сотвори́ша дщє́ри, гдⷭ҇и, / а҆́нна, и҆ і҆ꙋді́ѳъ, и҆ девѡ́ра, ѻ҆лда̀, і҆аи́ль же, / є҆сѳи́рь, са́рра, марїа́мъ же мѡѷсе́ева, / рахи́ль и҆ реве́кка и҆ рꙋ́ѳь, велемꙋ̑дрыѧ."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ ᲂу҆гаси́вшыѧ ѻ҆́троки ст҃ы̑ѧ пе́щь, свѧще́ннѡ почти́мъ, / кꙋ́пнѡ съ данїи́ломъ прⷪ҇ро́комъ, и҆ всѣ́ми пра́ведными ꙗ҆́вѣ, / пре́жде зако́на ѡ҆блиста́вшими до́брѣ / и҆ въ зако́нѣ влⷣцѣ ᲂу҆годи́вшими."
|
|
},
|
|
{
|
|
"type": "TEXT",
|
|
"value": "П ремꙋ́дрїи бжⷭ҇твеннїи прⷪ҇ро́цы бы́вше а҆враа́мѡвы внꙋ́цы, / є҆́же ѿ а҆враа́ма и҆ і҆ꙋ́ды ро́ждшеесѧ сло́во бж҃їе провозвѣсти́ша дх҃омъ: / тѣ́хъ мольба́ми, і҆и҃се, всѧ̑ ᲂу҆ще́дри."
|
|
},
|
|
{
|
|
"type": "TEXT",
|
|
"value": "Ѡ҆ свѧти́сѧ всѧ̀ тва́рь па́мѧтїю ва́шею, / и҆ торжествꙋ́ющи зове́тъ, ра́бски вопїю́щи: / мольбꙋ̀ гдⷭ҇ꙋ при́снѡ принеси́те, блаже́ннїи, / ᲂу҆лꙋчи́ти вѣ́чныхъ бла̑гъ благохва́лѧщымъ ва́съ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆блекі́йсѧ въ мѧ̀, ѿ дв҃ы предгрѧде́тъ, / и҆ въ верте́пѣ ражда́етсѧ сло́во ѻ҆́ч҃ее несли́тнѡ: / ликꙋ́й тва́рь, гла́сы благода́рственными велича́ющи, / тогѡ̀ є҆́же за милосе́рдїе всест҃о́е снизше́ствїе."
|
|
},
|
|
{
|
|
"type": "TEXT",
|
|
"value": "Катава́сїа: Та́инство стра́нное ви́жꙋ и҆ пресла́вное: / нб҃о, верте́пъ: престо́лъ херꙋві́мскїй, дв҃ꙋ: / ꙗ҆́сли, вмѣсти́лище, / въ ни́хже возлежѐ невмѣсти́мый хрⷭ҇то́съ бг҃ъ, / є҆го́же воспѣва́юще велича́емъ."
|
|
},
|
|
{
|
|
"type": "HEADER",
|
|
"value": "Свѣти́ленъ воскрⷭ҇нъ. Сла́ва, пра́ѻц҃євъ. Подо́бенъ: Жєны̀ ᲂу҆слы́шите:"
|
|
},
|
|
{
|
|
"type": "TEXT",
|
|
"value": "А҆ да́ма восхва́лимъ, / а҆́велѧ, си́ѳа и҆ є҆нѡ́са, є҆нѡ́ха и҆ нѡ́а: / а҆враа́ма, і҆саа́ка и҆ і҆а́кѡва: / мѡѷсе́а, і҆́ѡва и҆ а҆арѡ́на: є҆леаза́ра и҆ і҆исꙋ́са: / вара́ка, самѱѡ́на и҆ і҆ефѳа́ѧ: / дв҃да и҆ соломѡ́на."
|
|
},
|
|
{
|
|
"type": "TEXT",
|
|
"value": "И҆ ны́нѣ: Со́лнце вели́кое, созда́тель ѿ неискꙋсомꙋ́жныѧ дв҃ы, / ꙗ҆́же ѿ а҆да́ма просвѣти́ти въ виѳлее́мъ тщи́тсѧ. / тѣ́мже возвѣща́етъ чꙋ́до пра̑ѻц҃ъ, всесвѣтлѣ́йшаѧ па́мѧть."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры воскрⷭ҇ны, д҃: и҆ ст҃ы́хъ пра́ѻц҃євъ д҃, гла́съ в҃. Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "В сѝ честны́хъ ны́нѣ пра́ѻтєцъ па́мѧть соверша́емъ, / пою́ще бг҃оꙋго́дное си́хъ житїѐ, / є҆гѡ́же ра́ди возвели́чишасѧ. [Два́жды.]"
|
|
},
|
|
{
|
|
"type": "TEXT",
|
|
"value": "Сті́хъ: Бл҃гослове́нъ є҆сѝ, гдⷭ҇и бж҃е ѻ҆ц҃ъ на́шихъ, / и҆ хва́льно, и҆ просла́влено и҆́мѧ твоѐ во вѣ́ки."
|
|
},
|
|
{
|
|
"type": "TEXT",
|
|
"value": "Оу҆ гаси́ша си́лꙋ ѻ҆́троцы ѻ҆́гненнꙋю, / ликꙋ́юще посредѣ̀ пе́щи, / и҆ пою́ще бг҃а всеси́льнаго."
|
|
},
|
|
{
|
|
"type": "TEXT",
|
|
"value": "Сті́хъ: Ꙗ҆́кѡ пра́веденъ є҆сѝ ѡ҆ всѣ́хъ, / ꙗ҆̀же сотвори́лъ є҆сѝ на́мъ."
|
|
},
|
|
{
|
|
"type": "TEXT",
|
|
"value": "В ъ ро́вѣ заключе́нъ, ѕвѣрє́мъ соѻбита́тель, / данїи́лъ прⷪ҇ро́къ, / неприча́стенъ си́хъ показа́сѧ ѡ҆ѕлобле́нїѧ."
|
|
},
|
|
{
|
|
"type": "TEXT",
|
|
"value": "Сла́ва, гла́съ з҃. Ге́рманово: Прїиди́те всѝ, вѣ́рнѡ торжествꙋ́имъ, / пре́жде зако́на ѻ҆ц҃ъ, / а҆враа́ма и҆ сꙋ́щихъ съ ни́мъ, лѣ́тнюю па́мѧть. / і҆ꙋ́дово пле́мѧ досто́йнѡ почти́мъ, / и҆̀же въ вавѷлѡ́нѣ ѻ҆́троки ᲂу҆гаси́вшыѧ пе́щный пла́мень, / ꙗ҆́кѡ трⷪ҇цы ѻ҆́бразъ, съ данїи́ломъ восхва́лимъ, / проро́чєскаѧ проречє́нїѧ и҆звѣ́стнѡ держа́ще, / со и҆са́їемъ велегла́снѡ возопїи́мъ: / сѐ дв҃а во чре́вѣ прїи́метъ, / и҆ роди́тъ сн҃а є҆мманꙋ́ила, / и҆́же є҆́сть съ на́ми бг҃ъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Пребл҃гослове́нна є҆сѝ:"
|
|
},
|
|
{
|
|
"type": "TEXT",
|
|
"value": "Славосло́вїе вели́кое. Є҆ктєнїѝ, и҆ ѿпꙋ́стъ: и҆ стїхи́ра є҆ѵⷢ҇льскаѧ. Ча́съ а҃-й, и҆ коне́чный ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и."
|
|
},
|
|
{
|
|
"type": "TEXT",
|
|
"value": "Бл҃жє́нна ѻ҆ктѡ́иха, на ѕ҃: пра́ѻц҃євъ пѣ́снь г҃-ѧ на д҃."
|
|
},
|
|
{
|
|
"type": "HEADER",
|
|
"value": "По вхо́дѣ тропа́рь воскрⷭ҇нъ, и҆ пра́ѻц҃євъ, гла́съ в҃:"
|
|
},
|
|
{
|
|
"type": "TEXT",
|
|
"value": "В ѣ́рою пра́ѻц҃ы ѡ҆правда́лъ є҆сѝ, / ѿ ꙗ҆зы̑къ тѣ́ми пред̾ѡбрꙋчи́вый цр҃ковь: / хва́лѧтсѧ въ сла́вѣ ст҃і́и, / ꙗ҆́кѡ ѿ сѣ́мене и҆́хъ є҆́сть пло́дъ бл҃госла́венъ, / безъ сѣ́мене ро́ждшаѧ тѧ̀. / тѣ́хъ моли́твами, хрⷭ҇тѐ бж҃е, поми́лꙋй на́съ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, конда́къ пра́ѻц҃євъ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Р ꙋкопи́саннагѡ ѻ҆́браза не поче́тше, / но неѡпи́саннымъ сꙋщество́мъ защити́вшесѧ, требл҃же́ннїи, / въ по́двизѣ ѻ҆гнѧ̀, просла́вистесѧ: / средѣ́ же пла́мене нестерпи́магѡ стоѧ́ще, бг҃а призва́сте: / ᲂу҆скорѝ, ѽ ще́дрый, и҆ потщи́сѧ, ꙗ҆́кѡ млⷭ҇тивъ, въ по́мощь на́шꙋ, / ꙗ҆́кѡ мо́жеши хотѧ́й."
|
|
},
|
|
{
|
|
"type": "HEADER",
|
|
"value": "Прокі́менъ, пѣ́снь ѻ҆ц҃є́въ, гла́съ д҃:"
|
|
},
|
|
{
|
|
"type": "TEXT",
|
|
"value": "Б л҃гослове́нъ є҆сѝ, гдⷭ҇и бж҃е ѻ҆ц҃ъ на́шихъ, / и҆ хва́льно и҆ просла́влено и҆́мѧ твоѐ во вѣ́ки. Сті́хъ: Ꙗ҆́кѡ пра́веденъ є҆сѝ ѡ҆ всѣ́хъ:"
|
|
},
|
|
{
|
|
"type": "HEADER",
|
|
"value": "А҆пⷭ҇лъ пра́ѻц҃євъ, къ колосса́ємъ, зача́ло сн҃з."
|
|
},
|
|
{
|
|
"type": "TEXT",
|
|
"value": "Б ра́тїе, є҆гда̀ хрⷭ҇то́съ ꙗ҆ви́тсѧ живо́тъ ва́шъ, тогда̀ и҆ вы̀ съ ни́мъ ꙗ҆вите́сѧ въ сла́вѣ. ᲂу҆мертви́те ᲂу҆̀бо ᲂу҆́ды ва́шѧ, ꙗ҆̀же на землѝ, блꙋ́дъ, нечистотꙋ̀, стра́сть, по́хоть ѕлꙋ́ю, и҆ лихоима́нїе, є҆́же є҆́сть і҆дѡлослꙋже́нїе: и҆́хже ра́ди грѧде́тъ гнѣ́въ бж҃їй на сы́ны противле́нїѧ, въ ни́хже и҆ вы̀ и҆ногда̀ ходи́сте, є҆гда̀ живѧ́сте въ ни́хъ. ны́нѣ же ѿложи́те и҆ вы̀ та̀ всѧ̑: гнѣ́въ, ꙗ҆́рость, ѕло́бꙋ, хꙋле́нїе, срамосло́вїе ѿ ᲂу҆́стъ ва́шихъ. не лжи́те дрꙋгъдрꙋ́гꙋ, совле́кшесѧ ве́тхагѡ человѣ́ка съ дѣѧ́ньми є҆гѡ̀: и҆ ѡ҆бле́кшесѧ въ но́ваго ѡ҆бновлѧ́емаго въ ра́зꙋмъ, по ѻ҆́бразꙋ созда́вшагѡ є҆го̀: и҆дѣ́же нѣ́сть є҆́ллинъ, ни і҆ꙋде́й: ѡ҆брѣ́занїе, и҆ неѡбрѣ́занїе: ва́рваръ, и҆ скѵ́ѳъ: ра́бъ, и҆ свобо́дь: но всѧ́чєскаѧ, и҆ во всѣ́хъ хрⷭ҇то́съ."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ д҃: Мѡѷсе́й и҆ а҆арѡ́нъ во і҆ере́ехъ є҆гѡ̀, / и҆ самꙋи́лъ въ призыва́ющихъ и҆́мѧ є҆гѡ̀."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе лꙋкѝ, зача́ло ѻ҃ѕ."
|
|
},
|
|
{
|
|
"type": "TEXT",
|
|
"value": "Р ечѐ гдⷭ҇ь при́тчꙋ сїю̀: человѣ́къ нѣ́кїй сотворѝ ве́черю ве́лїю, и҆ зва̀ мнѡ́ги. и҆ посла̀ раба̀ своего̀ въ го́дъ ве́чери, рещѝ зва̑ннымъ: грѧди́те, ꙗ҆́кѡ ᲂу҆жѐ готѡ́ва сꙋ́ть всѧ̑. и҆ нача́ша вкꙋ́пѣ ѿрица́тисѧ всѝ. пе́рвый речѐ є҆мꙋ̀: село̀ кꙋпи́хъ, и҆ и҆́мамъ нꙋ́ждꙋ и҆зы́ти, и҆ ви́дѣти є҆̀: молю́ ти сѧ, и҆мѣ́й мѧ̀ ѿрече́на. и҆ дрꙋгі́й речѐ: сꙋпрꙋ̑гъ воло́вныхъ кꙋпи́хъ пѧ́ть, и҆ грѧдꙋ̀ и҆скꙋси́ти и҆̀хъ: молю́ тѧ, и҆мѣ́й мѧ̀ ѿрече́на. и҆ дрꙋгі́й речѐ: женꙋ̀ поѧ́хъ, и҆ сегѡ̀ ра́ди не могꙋ̀ прїитѝ. и҆ прише́дъ ра́бъ то́й, повѣ́да господи́нꙋ своемꙋ̀ сїѧ̑. тогда̀ разгнѣ́вавсѧ до́мꙋ влады́ка, речѐ рабꙋ̀ своемꙋ̀: и҆зы́ди ско́рѡ на распꙋ̑тїѧ и҆ стѡ́гны гра́да, и҆ ни́щыѧ, и҆ бѣ̑дныѧ, и҆ слѣпы̑ѧ, и҆ хрѡ́мыѧ введѝ сѣ́мѡ. и҆ речѐ ра́бъ: гдⷭ҇и, бы́сть ꙗ҆́коже повелѣ̀, и҆ є҆щѐ мѣ́сто є҆́сть. и҆ речѐ господи́нъ къ рабꙋ̀: и҆зы́ди на пꙋти̑ и҆ халꙋ̑ги, и҆ ᲂу҆бѣдѝ вни́ти, да напо́лнитсѧ до́мъ мо́й. глаго́лю бо ва́мъ: ꙗ҆́кѡ ни є҆ди́нъ мꙋже́й тѣ́хъ зва́нныхъ вкꙋ́ситъ моеѧ̀ ве́чери: мно́зи бо сꙋ́ть зва́ни, ма́лѡ же и҆збра́нныхъ."
|
|
},
|
|
{
|
|
"type": "HEADER",
|
|
"value": "Прича́стенъ:"
|
|
},
|
|
{
|
|
"type": "TEXT",
|
|
"value": "Х вали́те гдⷭ҇а съ нб҃съ, / хвали́те є҆го̀ въ вы́шнихъ. И҆ дрꙋгі́й: Ра́дꙋйтесѧ, првⷣнїи, ѡ҆ гдⷭ҇ѣ: / пра̑вымъ подоба́етъ похвала̀. / А҆ ллилꙋ́їа, три́жды."
|
|
}
|
|
] |