666 lines
59 KiB
JSON
666 lines
59 KiB
JSON
[
|
|
{
|
|
"type": "HEADER",
|
|
"value": "Ное́мврїа а҃і"
|
|
},
|
|
{
|
|
"type": "HEADER",
|
|
"value": "Слꙋ́жба прпⷣбномꙋ и҆ бг҃оно́сномꙋ ѻ҆тцꙋ̀ на́шемꙋ мартѵ́рїю, зелене́цкомꙋ чꙋдотво́рцꙋ."
|
|
},
|
|
{
|
|
"type": "HEADER",
|
|
"value": "На ма́лѣй вече́рни, на Гдⷭ҇и, воззва́хъ: стїхи̑ры, гла́съ а҃:"
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Добродѣ́телїю бж҃е́ственною ѡ҆сїѧва́емь, пребл҃же́нне мартѵ́рїе, на нбⷭ҇ныѧ крꙋ́ги сла́внѡ встꙋпи́лъ є҆сѝ, разве́рзшымсѧ тѝ зерца́лѡмъ та̑инъ: тѣ́мже въ бл҃года́ти бж҃е́ственнѣй ꙗ҆ви́лсѧ є҆сѝ, прїе́млѧ неизречє́ннаѧ сїѧ̑нїѧ: Два́жды."
|
|
},
|
|
{
|
|
"type": "TEXT",
|
|
"value": "Оу҆мо́мъ ѿве́рстымъ прїе́мъ бл҃года́ть, ве́сь, прпⷣбне ѻ҆́тче, ѡ҆ст҃и́лсѧ є҆сѝ, и҆ ѿ земны́хъ преста́вивсѧ, въ црⷭ҇тво хрⷭ҇то́вы сла́вы всели́лсѧ є҆сѝ, мартѵ́рїе всебл҃же́нне, въ по́стницѣхъ же бы́въ, свѣти́льникъ пресвѣ́тлый ꙗ҆ви́лсѧ є҆сѝ, и҆ пи́щи при́снѡ пребыва́ющїѧ ны́нѣ насыща́ешисѧ, бж҃е́ственною сла́вою ѡ҆блистава́емь."
|
|
},
|
|
{
|
|
"type": "TEXT",
|
|
"value": "Трⷪ҇ца безнача́льнаѧ и҆ є҆диносꙋ́щнаѧ ꙗ҆ви́ тѧ себѣ̀ селе́нїе, бг҃оно́се мартѵ́рїе, и҆ показа́ тѧ пресвѣ́тла свѣти́льника: ѿ жите́йскихъ бо мѧте́жей ᲂу҆клони́лсѧ є҆сѝ се́рдцемъ и҆ житїе́мъ, тѣ́мже съ нбⷭ҇ными а҆́гг҃лы водворѧ́ешисѧ во црⷭ҇твїи нбⷭ҇нѣмъ: и҆ ны́нѣ хрⷭ҇та̀ бг҃а молѝ ѡ҆ и҆̀же вѣ́рою восхвалѧ́ющихъ всечестнꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прїиди́те, мона́шествꙋющихъ мно́жество, дне́сь мартѵ́рїа, бл҃гоче́стїѧ подража́телѧ, пѣ́сньми и҆ пѣ́ньми восхва́лимъ, и҆ честнꙋ́ю и҆ многоцѣле́бнꙋю ра́кꙋ ѡ҆бстоѧ́ще, любе́знѡ ѡ҆блобыза́емъ, глаго́люще: ра́дꙋйсѧ, пресла́вне мартѵ́рїе, ѻ҆те́чествꙋ твоемꙋ̀ пресвѣ́тлый свѣти́льниче: ра́дꙋйсѧ, чи́стѣ чистѣ́йшемꙋ свѣ́тꙋ совокꙋплѧ́ѧйсѧ: ра́дꙋйсѧ, ꙗ҆́кѡ со а҆́гг҃лы предстои́ши прест҃ѣ́й трⷪ҇цѣ, ю҆́же непреста́ннѡ молѝ дарова́ти дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бг҃оро́дице, ты̀ є҆сѝ лоза̀ и҆́стиннаѧ, возрасти́вшаѧ на́мъ пло́дъ живота̀. Тебѣ̀ мо́лимсѧ, моли́сѧ, влⷣчице, со прпⷣбнымъ поми́ловати дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃:"
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "До́мъ и҆ жили́ще дх҃ꙋ прест҃о́мꙋ, премꙋ́дре мартѵ́рїе, бы́лъ є҆сѝ: тѣ́мже и҆ на́съ до́мъ томꙋ̀ содѣ́лай, ст҃ꙋ́ю твою̀ па́мѧть почита́ющихъ."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ пред̾ гдⷭ҇емъ сме́рть преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "До́ме дх҃а ст҃а́гѡ, и҆ гра́дꙋ и҆ ѡ҆би́тели на́шей ᲂу҆твержде́нїе, прпⷣбнымъ похвало̀, соверше́нный вѣ́рою, мартѵ́рїе прпⷣбне, спаса́й на́съ моли́твами твои́ми ко гдⷭ҇ꙋ."
|
|
},
|
|
{
|
|
"type": "TEXT",
|
|
"value": "Сті́хъ: Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "До́ме неѡскꙋ́дныѧ бл҃года́ти и҆ гра́де крѣ́пкїй, на врагѝ побѣ́да, возвы́си ро́гъ і҆мпера́торꙋ на́шемꙋ, моли́твами твои́ми ко гдⷭ҇ꙋ."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ фі́нїѯъ даві́дски процвѣ́лъ є҆сѝ, прпⷣбне ѻ҆́тче, и҆ кре́стное ѡ҆рꙋ́жїе воспрїи́мъ, мартѵ́рїе, бє́здны страсте́й и҆зсꙋши́лъ є҆сѝ воздержа́нїемъ, чистото́ю же возвы́сивсѧ, сосꙋ́дъ ꙗ҆ви́лсѧ є҆сѝ прест҃о́мꙋ дх҃ꙋ. Хрⷭ҇та̀ непреста́ннѡ молѝ ѡ҆ на́съ, вѣ́рою и҆ любо́вїю пра́зднꙋющихъ всечестнꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Всѐ ᲂу҆пова́нїе моѐ на тѧ̀ возлага́ю, мт҃и бж҃їѧ, сохранѝ мѧ̀ под̾ кро́вомъ твои́мъ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ в҃:"
|
|
},
|
|
{
|
|
"type": "TEXT",
|
|
"value": "Ѿ ю҆́ности, бг҃облаже́нне, хрⷭ҇та̀ возлюби́въ, ѻ҆те́чество ѡ҆ста́вилъ є҆сѝ, и҆ всѣ́хъ мїрски́хъ мѧте́жей ᲂу҆клони́всѧ, въ ти́хое приста́нище пречестны́ѧ ѡ҆би́тели бг҃ома́терни дости́глъ є҆сѝ: ѿню́дꙋже ᲂу҆вѣ́дѣвъ непрохо́днꙋю пꙋсты́ню, крестови́дною заре́ю пока́заннꙋю, жела́тельнѣ ю҆̀ ѡ҆брѣ́лъ є҆сѝ, и҆ въ не́й всели́всѧ, и҆́ночествꙋющихъ собра́лъ є҆сѝ, и҆ си́хъ ᲂу҆че́ньми свои́ми, ꙗ҆́кѡ лѣ́ствицею восхо́дною на нб҃о, трꙋдолю́бнѡ тща́лсѧ є҆сѝ возводи́ти къ бг҃ꙋ: є҆мꙋ́же моли́сѧ, бг҃омꙋ́дре мартѵ́рїе, дарова́ти благочести́вѣйшемꙋ і҆мпера́торꙋ на́шемꙋ нїкола́ю а҆леѯа́ндровичꙋ на врагѝ побѣ̑ды и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Всѧ̑ па́че смы́сла, всѧ̑ пресла̑внаѧ твоѧ̑, бг҃оро́дице, та̑инства: чистотѣ̀ запеча́танной и҆ дѣ́вствꙋ храни́мꙋ, мт҃и позна́ласѧ є҆сѝ нело́жна, бг҃а ро́ждши и҆́стиннаго. Того̀ молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "На вели́цѣй вече́рни, на Гдⷭ҇и воззва́хъ: стїхи̑ры на и҃, самогла̑сны, гла́съ и҃:"
|
|
},
|
|
{
|
|
"type": "TEXT",
|
|
"value": "Преподо́бенъ и҆ че́стенъ, свѣти́льникъ бж҃е́ственный и҆ свѣтоно́сный под̾ спꙋ́домъ никогда́же скрыва́етсѧ, но на версѣ̀ полага́етъ є҆го̀ высо́кихъ чꙋде́съ чл҃вѣколю́бецъ. Тогѡ̀ моли́твами, хрⷭ҇тѐ, да́рꙋй лю́демъ твои̑мъ ве́лїю ми́лость. Три́жды."
|
|
},
|
|
{
|
|
"type": "TEXT",
|
|
"value": "На ра́ло возложи́лъ є҆сѝ, всече́стне, дѣ́ланїе рꙋ́къ твои́хъ, дѣ́лаѧ всегда̀ бж҃е́ствєннаѧ и҆ не возврати́лсѧ є҆сѝ зрѧ̀ вспѧ́ть: но бы́лъ є҆сѝ ᲂу҆пра́вленъ во црⷭ҇твїе хрⷭ҇та̀, вопло́щшагѡсѧ бг҃а во спасе́нїе дꙋ́шъ на́шихъ. Три́жды."
|
|
},
|
|
{
|
|
"type": "TEXT",
|
|
"value": "Въ ладїѝ тѣле́снѣй вози́мь кро́ткими дыха̑нїи кро́ткагѡ дꙋ́ха, легкѡ̀ преше́лъ є҆сѝ жите́йскꙋю пꙋчи́нꙋ, мꙋ́дре, и҆ на би́серѣ многоцѣ́ннѣмъ твоѧ̑ и҆мѣ̑нїѧ прода́въ и҆ ѡ҆брѣ́тъ є҆го̀, въ себѣ̀ ᲂу҆держа́лъ є҆сѝ, бл҃же́нъ бы́въ бж҃е́ственными добро́тами є҆гѡ̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, гла́съ то́йже:"
|
|
},
|
|
{
|
|
"type": "TEXT",
|
|
"value": "Прпⷣбне и҆ бг҃оно́сне ѻ҆́тче мартѵ́рїе пребл҃же́нне, бж҃е́ственнымъ жела́нїемъ распала́емь, всѧ̑ земна̑ѧ и҆ житє́йскаѧ мꙋдрова́нїѧ ни во что́же вмѣни́въ. Хрⷭ҇та̀ є҆ди́наго возлюби́лъ є҆сѝ, и҆ въ приста́нище пꙋсты́нное доше́дъ, бл҃годꙋ́шнѡ бг҃ꙋ рабо́талъ є҆сѝ, и҆ це́рковь прекра́снꙋ ст҃ы́ѧ трⷪ҇цы воздви́гъ, ѡ҆би́тель че́стнꙋ соста́вилъ є҆сѝ, и҆ въ не́й трꙋдолю́бнѡ подвиза́лсѧ є҆сѝ, и҆дѣ́же ны́нѣ лежи́тъ всечестно́е и҆ ст҃о́е тѣ́ло твоѐ, мартѵ́рїе ѻ҆́тче, и҆сцѣле́нїе неѡскꙋ́днѡ подава́ѧ притека́ющымъ съ вѣ́рою, и҆ дꙋшетлѣ̑нныѧ стра̑сти и҆сцѣлѧ́ѧ, мно́жество же бѣсѡ́въ ѿрѣва́ѧ: тѣ́мъ и҆ ста́до ᲂу҆ченикѡ́въ твои́хъ чꙋдесы̀ ᲂу҆дивлѧ́еши, ра́достнѡ ѿ дꙋшѝ вопїю́щихъ: бг҃облаже́нне и҆ прпⷣбне ѻ҆́тче на́шъ мартѵ́рїе, молѝ хрⷭ҇та̀ бг҃а, ᲂу҆мири́ти мі́ръ и҆ спастѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Цр҃ь нбⷭ҇ный:"
|
|
},
|
|
{
|
|
"type": "HEADER",
|
|
"value": "Вхо́дъ, прокі́менъ днѐ. Чтє́нїѧ г҃:"
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе. (Глава̀ г҃.)"
|
|
},
|
|
{
|
|
"type": "TEXT",
|
|
"value": "Првⷣныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша въ ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ. И҆ є҆́же ѿ на́съ ше́ствїе сокрꙋше́нїе, ѻ҆ни́ же сꙋ́ть въ ми́рѣ. И҆́бо пред̾ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено. И҆ вма́лѣ нака́зани бы́вше, вели́кими бл҃годѣ́тельствовани бꙋ́дꙋтъ, ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь, разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ млⷭ҇ть въ прпⷣбныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе (Главы̑ є҃ и҆ ѕ҃.)"
|
|
},
|
|
{
|
|
"type": "TEXT",
|
|
"value": "Првⷣницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ: и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе бл҃голѣ́пїѧ, и҆ вѣне́цъ добро́ты ѿ рꙋкѝ гдⷭ҇ни: занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѡрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ. Прїи́метъ щи́тъ непобѣди́мый преподо́бїе. Поѡстри́тъ же напра́сный гнѣ́въ во ѡ҆рꙋ́жїе: спобо́ретъ же съ ни́мъ мі́ръ на безꙋ̑мныѧ. По́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ бл҃гокрꙋ́гла лꙋ́ка ѻ҆блакѡ́въ, на намѣ́ренїе полетѧ́тъ. И҆ ѿ каменоме́тныѧ ꙗ҆́рости и҆спо́лнь падꙋ́тъ гра́ды. Вознегодꙋ́етъ на ни́хъ вода̀ морска́ѧ, рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дꙋ́хъ си́лы, и҆ ꙗ҆́кѡ ви́хоръ развѣ́етъ и҆̀хъ, и҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. Слы́шите ᲂу҆́бѡ ца́рїе, и҆ разꙋмѣ́йте, навы́кните сꙋдїи̑ концє́въ землѝ. Внꙋши́те держа́щїи мно́жєства, и҆ гордѧ́щїисѧ ѡ҆ наро́дѣхъ ꙗ҆зы́кѡвъ, ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе (Глава̀ д҃.)"
|
|
},
|
|
{
|
|
"type": "TEXT",
|
|
"value": "Првⷣникъ а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ. Сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости, житїѐ нескве́рное. Бл҃гоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: Оу҆го́дна бо бѣ̀ гдⷭ҇ви дꙋша̀ є҆гѡ̀. Сегѡ̀ ра́ди потща́сѧ ѿ среды̀ лꙋка́вствїѧ. Лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ бл҃года́ть и҆ млⷭ҇ть въ прпⷣбныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры хра́ма: ст҃а́гѡ, гла́съ г҃:"
|
|
},
|
|
{
|
|
"type": "TEXT",
|
|
"value": "Наста̀, бг҃оно́се, со́лнца свѣтлѣ́йшїй тво́й пра́здникъ, ѡ҆зарѧ́ѧ приходѧ́щыѧ къ тебѣ̀ вѣ́рою. Безсме́ртїемъ бо ѡ҆благоꙋха́еши дꙋ́шы на́шѧ, и҆сточа́ѧ и҆сцѣле́нїе ѿ ст҃а́гѡ твоегѡ̀ тѣлесѐ, мартѵ́рїе прпⷣбне, моли́твенниче ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Чꙋ́вствєнныѧ стра̑сти побѣди́въ воздержа́нїѧ брозда́ми, прпⷣбне мартѵ́рїе, ре́вность на землѝ къ нбⷭ҇нымъ показа́лъ є҆сѝ, всѧ́кое плотско́е жела́нїе дꙋ́хови повинꙋ́въ: тѣ́мъ ны́нѣ въ нбⷭ҇ныхъ селе́нїихъ водворѧ́ешисѧ, молѧ̀ ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Свѣ́тлаѧ твоѧ̀ па́мѧть, прпⷣбне мартѵ́рїе, на̑ша сердца̀ просвѣща́етъ заре́ю нетлѣ́нныѧ и҆ бл҃же́нныѧ жи́зни. Зрѧ́ще бо честнꙋ́ю твою̀ ра́кꙋ, ꙗ҆́кѡ ѿ неѧ̀ врачевство̀ ѿ всѧ́кихъ недꙋ́гѡвъ болѧ́щымъ неѡскꙋ́днѡ подава́емо быва́етъ, хва́лимъ просла́вившаго тѧ̀ гдⷭ҇а, є҆го́же молѝ спастѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Гла́съ и҃:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́тче всече́стне мартѵ́рїе, добродѣ́тельми возше́дъ дꙋше́ю на нб҃о ꙗ҆́кѡ на колесни́цѣ, побѣ̑дныѧ по́чєсти прїе́млеши, тѣ́ло же твоѐ трꙋдолю́бное ꙗ҆́кѡ ма̑сти во гро́бѣ ѡ҆ста́вилъ є҆сѝ, ѻ҆́тче, и҆сточа́еши бо и҆сцѣлє́нїѧ и҆ прогонѧ́еши дꙋ́хи лꙋка̑выѧ. Тѣ́мже тѧ̀ ᲂу҆блажа́емъ, всече́стне."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ и҆ весели́сѧ, рѡссі́йскаѧ всеѡсщ҃е́ннаѧ цр҃ковь, со свѧщє́нники и҆ кнѧ̑зи благочести́выми, мона̑хи же и҆ просты́ми. Бл҃же́ннагѡ мартѵ́рїа па́мѧть дне́сь почита́юще, дꙋхо́внѣ соше́дшесѧ пра́зднꙋемъ, и҆ честны́й є҆гѡ̀ гро́бъ ѡ҆бстоѧ́ще и҆ любе́знѡ покланѧ́ющесѧ, мо́лимсѧ глаго́люще: ра́дꙋйсѧ, пребл҃же́нне мартѵ́рїе, свѣти́льниче пресвѣ́тлый, врачꙋ̀ болѧ́щымъ, моли́твенниче ко сп҃сꙋ хрⷭ҇тꙋ̀ бг҃ꙋ на́шемꙋ ѡ҆ и҆̀же вѣ́рою и҆ любо́вїю притека́ющихъ къ ра́цѣ моще́й твои́хъ, молѝ во є҆́же спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Творе́цъ и҆ и҆зба́витель мо́й, пречи́стаѧ, хрⷭ҇то́съ гдⷭ҇ь, и҆з̾ твои́хъ ложе́снъ проше́дъ, въ мѧ̀ ѡ҆болкі́йсѧ, пе́рвыѧ клѧ́твы а҆да́ма свободѝ. Тѣ́мже тѝ, всечи́стаѧ, ꙗ҆́кѡ бж҃їи мт҃ри же и҆ дв҃ѣ вои́стиннꙋ, вопїе́мъ немо́лчнѡ: ра́дꙋйсѧ, а҆́гг҃льски, ра́дꙋйсѧ, влⷣчице, предста́тельство и҆ покро́ве и҆ спасе́нїе дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Подо́бенъ: Ра́дꙋйсѧ:"
|
|
},
|
|
{
|
|
"type": "TEXT",
|
|
"value": "Съ вѣ́рою и҆ любо́вїю празднолю́бцы соше́дшесѧ, ѱалмы̑ и҆ пѣ́сньми восхва́лимъ дне́сь нбⷭ҇наго человѣ́ка и҆ земна́го а҆́гг҃ла. Ѽ всебл҃же́нне и҆ прпⷣбне, по́стникѡвъ похвало̀ ѡ҆ на́съ моли́сѧ ко гдⷭ҇ꙋ, мартѵ́рїе ѻ҆́тче на́шъ, поми́ловатисѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ пред̾ гдⷭ҇емъ сме́рть преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Честны́й и҆ свѣтоно́сный, прпⷣбне, тво́й пра́здникъ и҆спо́лни ра́дости и҆ весе́лїѧ дꙋхо́внагѡ. Тѣ́мже соше́дшесѧ мона́хѡвъ мно́жество, и҆ хрїстоимени́тїи лю́дїе, любо́вїю восхвалѧ́юще, блажи́мъ пресла̑внаѧ бл҃годѣѧ̑нїѧ твоѧ̑: ꙗ҆́кѡ бо крі́нъ во ю҆до́ли процвѣ́лъ є҆сѝ, бл҃гоꙋха́еши дꙋ́шы на́шѧ и҆ чꙋ̑вства, мартѵ́рїе ѻ҆́тче на́шъ, молѝ спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Сті́хъ: Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Ꙗ҆́кѡ ᲂу҆ѧзви́выйсѧ жела́нїемъ бж҃е́ственнымъ, прпⷣбне ѻ҆́тче мартѵ́рїе, взе́мъ кре́стъ сво́й послѣ́довалъ є҆сѝ хрⷭ҇тꙋ̀: всѧ̑ же плотска̑ѧ мꙋдрова̑нїѧ ᲂу҆мертви́лъ є҆сѝ, и҆ наслѣ́довалъ є҆сѝ вои́стиннꙋ кро́ткихъ зе́млю, прича́стїемъ ѡ҆божа́емь, и҆ неизрече́ннагѡ ѻ҆́нагѡ весе́лїѧ наслажда́ѧсѧ, помина́й на́съ творѧ́щихъ всечестнꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Мона́хѡвъ мно́жєства, наста́вника тѧ̀ почита́емъ, ѻ҆́тче на́шъ мартѵ́рїе, твое́ю бо стезе́ю вои́стиннꙋ пра́вѡ ходи́ти позна́хомъ. Бл҃же́нъ є҆сѝ хрⷭ҇тꙋ̀ рабо́тавъ, и҆ вра́жїю ѡ҆бличи́лъ є҆сѝ си́лꙋ, а҆́гг҃лѡвъ собесѣ́дниче, прпⷣбныхъ соприча́стниче и҆ пра́ведныхъ: съ ни́миже моли́сѧ гдⷭ҇еви, поми́ловатисѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Безневѣ́стнаѧ дв҃о, ꙗ҆́же бг҃а неизрече́ннѡ заче́нши пло́тїю, мт҃и бг҃а вы́шнѧгѡ, твои́хъ рабѡ́въ мольбы̑ прїимѝ, всенепоро́чнаѧ, всѣ̑мъ подаю́щи ѡ҆чище́нїе прегрѣше́нїй: ны́нѣ на̑ша молє́нїѧ прїе́млющи, молѝ спасти́сѧ всѣ́мъ на́мъ."
|
|
},
|
|
{
|
|
"type": "HEADER",
|
|
"value": "На бл҃гослове́нїе хлѣ́бѡвъ: Тропа́рь ст҃а́гѡ, гла́съ в҃:"
|
|
},
|
|
{
|
|
"type": "TEXT",
|
|
"value": "Ѿ ю҆́ности, бг҃облаже́нне, хрⷭ҇та̀ возлюби́въ, ѻ҆те́чество ѡ҆ста́вилъ є҆сѝ, и҆ всѣ́хъ мїрски́хъ мѧте́жей ᲂу҆клони́всѧ, въ ти́хое приста́нище пречестны́ѧ ѡ҆би́тели бг҃ома́терни дости́глъ є҆сѝ: ѿню́дꙋже ᲂу҆вѣ́дѣвъ непрохо́днꙋю пꙋсты́ню, крестови́дною заре́ю пока́заннꙋю, жела́тельнѣ ю҆̀ ѡ҆брѣ́лъ є҆сѝ, и҆ въ не́й всели́всѧ, и҆́ночествꙋющихъ собра́лъ є҆сѝ, и҆ си́хъ ᲂу҆че́ньми свои́ми, ꙗ҆́кѡ лѣ́ствицею восхо́дною на нб҃о, трꙋдолю́бнѡ тща́лсѧ є҆сѝ возводи́ти къ бг҃ꙋ: є҆мꙋ́же моли́сѧ, бг҃омꙋ́дре мартѵ́рїе, дарова́ти благочести́вѣйшемꙋ і҆мпера́торꙋ на́шемꙋ нїкола́ю а҆леѯа́ндровичꙋ на врагѝ побѣ̑ды и҆ дꙋша́мъ на́шымъ ве́лїю ми́лость. Два́жды."
|
|
},
|
|
{
|
|
"type": "TEXT",
|
|
"value": "И҆ Бцⷣе дв҃о: Є҆ди́ножды."
|
|
},
|
|
{
|
|
"type": "HEADER",
|
|
"value": "На ᲂу҆́трени, На Бг҃ъ гдⷭ҇ь: тропа́рь два́жды: Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Всѧ̑ па́че смы́сла, всѧ̑ пресла̑внаѧ твоѧ̑, бг҃оро́дице, та̑инства: чистотѣ̀ запеча́танной и҆ дѣ́вствꙋ храни́мꙋ, мт҃и позна́ласѧ є҆сѝ нело́жна, бг҃а ро́ждши и҆́стиннаго. Того̀ молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "По а҃-мъ стїхосло́вїи сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "Зва́нїю гдⷭ҇а твоегѡ̀ послѣ́довалъ є҆сѝ, мі́ръ ѡ҆ста́вивъ и҆ всѧ̑ кра̑снаѧ, пребл҃же́нне мартѵ́рїе: претерпѣ́лъ є҆сѝ тѣле́сное ѡ҆ѕлобле́нїе ᲂу҆се́рднѡ, полки́ же ѿрази́лъ є҆сѝ де́монѡвъ мꙋ́жественнѣ. Тѣ́мже твою̀ па́мѧть при́снѡ пѣ́сньми восхвалѧ́емъ вѣ́рнѡ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ѡ҆бнови́ла є҆сѝ, чи́стаѧ, бж҃е́ственнымъ рождество́мъ твои́мъ, и҆стлѣ́вшее страстьмѝ земноро́дныхъ ме́ртвенное сꙋщество̀, и҆ воздви́гла є҆сѝ всѧ̑ ѿ сме́рти къ жи́зни нетлѣ́нїѧ: тѣ́мже тѧ̀ по до́лгꙋ блажи́мъ всѝ, дв҃о препросла́вленнаѧ, ꙗ҆́коже прорекла̀ є҆сѝ."
|
|
},
|
|
{
|
|
"type": "HEADER",
|
|
"value": "По в҃-мъ стїхосло́вїи сѣда́ленъ, гла́съ є҃:"
|
|
},
|
|
{
|
|
"type": "TEXT",
|
|
"value": "По́стника гдⷭ҇нѧ пѣ́сньми почти́мъ, ꙗ҆́кѡ ᲂу҆мертви́вша всѧ̑ прило́ги страсте́й воздержа́нїемъ и҆ тве́рдымъ терпѣ́нїемъ вои́стиннꙋ, и҆ посрами́вша ѕѣлѡ̀ противобо́рца врага̀ и҆ всю̀ є҆гѡ̀ горды́ню, и҆ ны́нѣ молѧ́щасѧ гдⷭ҇еви, поми́ловатисѧ дꙋша́мъ на́шымъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Оу҆жа́сно чꙋ́до зача́тїѧ и҆ несказа́ненъ ѡ҆́бразъ рождества̀ въ тебѣ̀ позна́сѧ, приснодв҃о чи́стаѧ, ᲂу҆жаса́етъ мо́й ᲂу҆́мъ и҆ ᲂу҆дивлѧ́етъ помышле́нїе: сла́ва твоѧ̀, бг҃оро́дице, во всѣ́хъ простре́сѧ, ко спасе́нїю дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ а҃:"
|
|
},
|
|
{
|
|
"type": "TEXT",
|
|
"value": "Погре́блъ є҆сѝ страсте́й всѧ̑ воста̑нїѧ, ᲂу҆мерщвле́нїемъ пло́ти, сщ҃е́нный ѻ҆́тче, жи́знь безконе́чнꙋю по сме́рти прїѧ́лъ є҆сѝ: тѣ́мже дне́сь хрⷭ҇то́ва цр҃ковь пра́зднꙋетъ твою̀ па́мѧть досточꙋ́днꙋю, прпⷣбныхъ ᲂу҆краше́нїе. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Наста́ви ны̀ на пꙋ́ть покаѧ́нїѧ, ᲂу҆клонѧ́ющыѧсѧ при́снѡ къ ѕлы̑мъ безпꙋ́тїємъ и҆ пребл҃га́го прогнѣвлѧ́ющыѧ гдⷭ҇а, неискꙋсобра́чнаѧ бл҃гослове́ннаѧ марі́е, прибѣ́жище ѿча́ѧнныхъ человѣ́кѡвъ, бж҃їе ѡ҆бита́лище."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "TEXT",
|
|
"value": "Прокі́менъ: Честна̀ пред̾ гдⷭ҇емъ сме́рть преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе да хва́литъ гдⷭ҇а."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ матѳе́а, зача́ло м҃г:"
|
|
},
|
|
{
|
|
"type": "TEXT",
|
|
"value": "Речѐ гдⷭ҇ь свои̑мъ ᲂу҆ченикѡ́мъ: всѧ̑ мнѣ̀ предана̑ сꙋ́ть ѻ҆ц҃е́мъ мои́мъ, и҆ никто́же зна́етъ сн҃а:"
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀, стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́тче, во всю̀ зе́млю и҆зы́де вѣща́нїе и҆справле́нїй твои́хъ: тѣ́мже на нб҃сѣ́хъ ѡ҆брѣ́лъ є҆сѝ мздꙋ̀ трꙋдѡ́въ твои́хъ, де́мѡнскїѧ разори́лъ є҆сѝ пѡ́лчища, и҆ а҆́гг҃льскїѧ дости́глъ є҆сѝ чи́ны, и҆́хже житїю̀ непоро́чнѡ поревнова́лъ є҆сѝ: дерзнове́нїе и҆мѣ́ѧй ко хрⷭ҇тꙋ̀ бг҃ꙋ, ми́ръ и҆спросѝ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Канѡ́нъ прпⷣбнагѡ, на и҃. Гла́съ и҃:"
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбне ѻ҆́тче мартѵ́рїе, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "Бл҃ги́ми нра̑вы ᲂу҆краси́всѧ, хрⷭ҇тꙋ̀ прилѣпи́лсѧ є҆сѝ ѿ ю҆́ности, плѡтскі́ѧ стра̑сти ᲂу҆мертви́въ воздержа́нїемъ, и҆ къ животꙋ̀, прпⷣбне, преста́вилсѧ є҆сѝ. Два́жды."
|
|
},
|
|
{
|
|
"type": "TEXT",
|
|
"value": "Глаго́лѡвъ и҆ зако́нѡвъ бж҃їихъ и҆сполни́тель бы́въ, и҆спо́лнилсѧ є҆сѝ, ѻ҆́тче премꙋ́дре, бж҃е́ственныхъ дарѡ́въ, и҆ чꙋде́съ всѣ̑мъ лꙋчи̑ бога́тнѡ и҆спꙋсти́лъ є҆сѝ. Два́жды."
|
|
},
|
|
{
|
|
"type": "TEXT",
|
|
"value": "Крѣ́постїю хрⷭ҇та̀ возмо́гъ, держа́вꙋ и҆ си́лꙋ вра́жїю низложи́лъ є҆сѝ, и҆ похвалꙋ̀ побѣ́дныѧ по́чести, прпⷣбне, чꙋде́сными сїѧ̑нїи ᲂу҆лꙋчи́лъ є҆сѝ. Два́жды."
|
|
},
|
|
{
|
|
"type": "TEXT",
|
|
"value": "Со́вѣсть и҆мѣ́лъ є҆сѝ бл҃гꙋ, ѻ҆́ко серде́чное взира́ющее къ бг҃ꙋ: тѣ́мже внѧ́тъ моли́твѣ твое́й, премꙋ́дре, и҆ съ прпⷣбными сочета́ тѧ, бг҃облаже́нне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Стра̑сти пло́ти моеѧ̀ и҆ ᲂу҆ма̀ моегѡ̀ двиза̑нїѧ неподѡ́бнаѧ ᲂу҆толѝ, молю́ тѧ, пречи́стаѧ дв҃о, и҆ и҆спра́ви мѧ̀ заблꙋ́ждшаго ᲂу҆мо́мъ."
|
|
},
|
|
{
|
|
"type": "TEXT",
|
|
"value": "Катава́сїа: Ѿве́рзꙋ ᲂу҆ста̀ моѧ̑:"
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ є҆сѝ ᲂу҆твержде́нїе притека́ющихъ къ тебѣ̀, гдⷭ҇и, ты̀ є҆сѝ свѣ́тъ ѡ҆мраче́нныхъ, и҆ пое́тъ тѧ̀ дꙋ́хъ мо́й."
|
|
},
|
|
{
|
|
"type": "TEXT",
|
|
"value": "Ве́сь прилѣжа̀ вседержи́телю, прпⷣбне ѻ҆́тче премꙋ́дре, всеѧ̀ бѣсо́вскїѧ ѕло́бы и҆збѣ́глъ є҆сѝ, досточꙋ́днымъ водворе́нїемъ въ непроходи̑маѧ. Два́жды."
|
|
},
|
|
{
|
|
"type": "TEXT",
|
|
"value": "Высото́ю смире́нїѧ ᲂу҆краша́емь, све́рглъ є҆сѝ на зе́млю велехва́льнаго гордели́вца пло́ти своеѧ̀, бж҃е́ственными велѣ́ньми и҆ до́брыми дѣ́лы твои́ми. Два́жды."
|
|
},
|
|
{
|
|
"type": "TEXT",
|
|
"value": "Пло́тїю ѡ҆бложе́нъ, ѻ҆́тче премꙋ́дре, смири́лъ є҆сѝ надме́ннꙋю вы́ю нечести́вагѡ, бл҃ги́ми къ бг҃ꙋ воздыха́ньми непоро́чнѣ. Два́жды."
|
|
},
|
|
{
|
|
"type": "TEXT",
|
|
"value": "И҆мѣ́ѧ поспѣшествꙋ́ющꙋю тебѣ̀ бж҃їю си́лꙋ, премꙋ́дре, ꙗ҆́кѡ чꙋ́денъ во пло́ти сы́й бы́въ, чꙋдеса̀ и҆сточи́лъ є҆сѝ воскрⷭ҇нїемъ ме́ртвагѡ, и҆ ны́нѣ ѿго́ниши недꙋ́ги."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Въ ложесна̀ твоѧ̑ воплоща́емь, всенепоро́чнаѧ, всели́сѧ зижди́тель, на бл҃годѣѧ́нїе вѣ́рнѡ пою́щымъ тѧ̀."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "Стра́стное порабо́тилъ є҆сѝ пло́ти своеѧ̀ мꙋдрова́нїе, и҆ ни́зшее своѐ покори́лъ є҆сѝ вы́сшемꙋ, ѻ҆́тче пресла́вне: сокрꙋши́въ бо вы̑и бѣсѡ́въ смире́нїемъ, и҆ посто́мъ во всечестны́хъ дѣѧ́нїихъ сы́й, возсїѧ́лъ є҆сѝ въ мі́рѣ: тѣ́мже ꙗ҆́кѡ лꙋча̀ свѣтоли́тнагѡ сїѧ́нїѧ хрⷭ҇то́ва возсїѧ̀ на́мъ дне́сь воспѣва́ющымъ тѧ̀, мартѵ́рїе прпⷣбне. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Пое́мъ тѧ̀, бг҃оневѣ́сто, мт҃и хрⷭ҇та̀ бг҃а, сла́вѧще рождество̀ твоѐ непостижи́мое, и҆́мже и҆зба́ви ны̀ ѿ ле́сти и҆ кова́рствїѧ вра́жїѧ и҆ ѿ всѧ́кихъ бѣ́дъ, влⷣчице бг҃оро́дице, и҆ вѣ́рнѡ тебѣ̀ вопїе́мъ: поми́лꙋй ста́до твоѐ, є҆ди́на пречⷭ҇таѧ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бж҃ество̀."
|
|
},
|
|
{
|
|
"type": "TEXT",
|
|
"value": "Содѣ́ѧвъ, пресла́вне, дꙋ́шꙋ твою̀ хра́мъ ст҃о́мꙋ дх҃ꙋ, бы́лъ є҆сѝ наслѣ́дникъ го́рнѧгѡ црⷭ҇твїѧ, съ вы́шними чи́нми водворѧ́ѧсѧ, всече́стне ѻ҆́тче. Три́жды."
|
|
},
|
|
{
|
|
"type": "TEXT",
|
|
"value": "Многоболѣ́знєнныѧ стра̑сти всегда̀ врачꙋ́еши, пристꙋпа́ющихъ къ тебѣ̀ те́плѣ: бл҃года́ть бо, прпⷣбне, и҆́маши ѿ гдⷭ҇а содѣва́ти зна́мєнїѧ и҆ чꙋдеса̀, пребога́те. Три́жды."
|
|
},
|
|
{
|
|
"type": "TEXT",
|
|
"value": "Краснѣ́йшимъ прозѧбе́нїемъ, ѻ҆́тче, въ домꙋ̀ бж҃їи прозѧ́блъ є҆сѝ, добродѣ́тельми ᲂу҆кра́шенъ и҆ плоды̑ чꙋде́сными ѡ҆благоꙋха́емь."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́коже ни́ва дꙋхо́внаѧ, и҆з̾ бразды̀ кла́съ и҆знесла̀ є҆сѝ, всю̀ тва́рь пита́ющаго всѧ́ческихъ бг҃а, приснодв҃о."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆́тренююще вопїе́мъ тѝ, гдⷭ҇и, спаси́ ны: ты́ бо є҆сѝ бг҃ъ на́шъ, ра́звѣ бо тебє̀ и҆но́гѡ не зна́емъ."
|
|
},
|
|
{
|
|
"type": "TEXT",
|
|
"value": "Оу҆мо́мъ ѡ҆чище́ннымъ пресла́внѣ зри́ши, прпⷣбне, добро́тꙋ неизрече́ннꙋю хрⷭ҇та̀ всѧ́ческихъ бг҃а на́шегѡ. Три́жды."
|
|
},
|
|
{
|
|
"type": "TEXT",
|
|
"value": "Ꙗ҆́коже и҆лїа̀ на колесни́цѣ, ѻ҆́тче, добродѣ́тельми твои́ми возше́лъ є҆сѝ на нб҃о, и҆ та́мѡ чи́стѣ зри́ши ст҃ꙋ́ю трⷪ҇цꙋ, къ то́йже дꙋ́хомъ горѧ̀ и҆ возлета́ѧ. Три́жды."
|
|
},
|
|
{
|
|
"type": "TEXT",
|
|
"value": "Стѧгнꙋ́въ тѣ́ло твоѐ пелено́ю чистоты̀, и҆ воздержа́нїемъ покори́въ є҆го̀ дꙋ́хꙋ, стро́пѡтнаѧ всѧ̑ ѡ҆ста́вилъ є҆сѝ, любвѐ ра́ди хрⷭ҇та̀ своегѡ̀ и҆ нбⷭ҇нагѡ прїѡбрѣ́тенїѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆сцѣлѝ, милосе́рднаѧ мт҃и, недꙋ́гꙋющагѡ ᲂу҆ма̀ моегѡ̀ дꙋшевре́дное ѡ҆мраче́нїе, и҆ ѡ҆зарѝ свѣ́томъ ра́зꙋма хрⷭ҇та̀ твоегѡ̀, всенепоро́чнаѧ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Моли́твꙋ пролїю̀ ко гдⷭ҇ꙋ, и҆ томꙋ̀ возвѣщꙋ̀ печа̑ли моѧ̑, ꙗ҆́кѡ ѕѡ́лъ дꙋша̀ моѧ̀ и҆спо́лнисѧ, и҆ живо́тъ мо́й а҆́дꙋ прибли́жисѧ, и҆ молю́сѧ, ꙗ҆́кѡ і҆ѡ́на: ѿ тлѝ, бж҃е, возведи́ мѧ."
|
|
},
|
|
{
|
|
"type": "TEXT",
|
|
"value": "Лꙋка́вый ᲂу҆мертви́сѧ ѕмі́й сщ҃е́нными пѡ́двиги твои́ми, прпⷣбне мартѵ́рїе: тѣ́мже и҆ молѧ́щымсѧ тебѣ̀ вспомоществꙋ́еши разрѣши́тисѧ ѿ є҆гѡ̀ ѕло́бы, бл҃же́нне. Три́жды."
|
|
},
|
|
{
|
|
"type": "TEXT",
|
|
"value": "Ѿсѣ́клъ є҆сѝ прилѣ́жнѡ серпо́мъ, є҆го́же ви́дѣ заха́рїа серпови́децъ, стра̑сти ѿ дꙋшѝ твоеѧ̀: тѣ́мже прїѡбрѣ́тъ премꙋ́дрости сѣмена̀, пожа́лъ є҆сѝ мно́гихъ и҆сцѣле́нїй бога̑тныѧ кла́сы. Три́жды."
|
|
},
|
|
{
|
|
"type": "TEXT",
|
|
"value": "Крѣ́постїю дꙋ́ха, ѻ҆́тче, и҆ тве́рдостїю постоѧ́ннагѡ ᲂу҆ма̀ твоегѡ̀ возмо́глъ є҆сѝ держа́вꙋ вра́жїю и҆ си́лꙋ є҆гѡ̀ низложи́ти ѿ себє̀: и҆ тѣ́мъ похвалꙋ̀ побѣ́дныѧ по́чести прїѧ́лъ є҆сѝ, прпⷣбне, вѣ́рныхъ ѡ҆сїѧва́ѧ ᲂу҆мы̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Прест҃а́ѧ чи́стаѧ, творе́цъ ᲂу҆стро́и тѧ̀ въ жили́ще себѣ̀, хрⷭ҇то́съ бг҃ъ на́шъ: тѣ́мже хода́тайствы твои́ми и҆зба́ви на́съ ѿ ѡ҆́бласти льсти́вагѡ, ꙗ҆́кѡ да по до́лгꙋ тѧ̀ чти́мъ и҆ ᲂу҆блажа́емъ."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃:"
|
|
},
|
|
{
|
|
"type": "TEXT",
|
|
"value": "Ѻ҆те́чества, прпⷣбне, и҆ всегѡ̀ мїрска́гѡ мѧте́жа ᲂу҆клони́тисѧ возжелѣ́лъ є҆сѝ, и҆ въ пꙋсты́ню всели́всѧ, та́мѡ во бл҃же́ннѣмъ безмо́лвїи жесто́кое житїѐ показа́лъ є҆сѝ, и҆ ча̑да послꙋша́нїѧ и҆ смире́нїѧ въ не́мъ возрасти́лъ є҆сѝ. Сегѡ̀ ра́ди дерзнове́нїе стѧжа́лъ є҆сѝ ко ст҃ѣ́й трⷪ҇цѣ. Є҆́же моли́тисѧ, бг҃облаже́нне, ѡ҆ на́съ ча́дѣхъ свои́хъ, и҆̀хже собра́лъ є҆сѝ, и҆ ѡ҆ всѣ́хъ правовѣ́рныхъ, да зове́мъ тѝ: ра́дꙋйсѧ, ѻ҆́тче мартѵ́рїе, безмо́лвїѧ пꙋсты́ннагѡ люби́телю."
|
|
},
|
|
{
|
|
"type": "TEXT",
|
|
"value": "І҆́косъ: Возлюби́въ, прпⷣбне, хрⷭ҇тѡ́вы бж҃е́ствєнныѧ за́пѡвѣди, и҆ возненави́дѣвъ пло́ть и҆ ꙗ҆́же по не́й земна̑ѧ мꙋдрова́нїѧ, прише́лъ є҆сѝ ᲂу҆се́рднѣйше въ непроходи́мꙋю пꙋсты́ню бла́тнꙋю, и҆ та́мѡ всели́всѧ любвѐ ра́ди хрⷭ҇то́вы и҆ дꙋше́внагѡ ѡ҆богаще́нїѧ, ꙗ҆́кѡ свѣти́льникъ просїѧ́лъ є҆сѝ чꙋде́съ дарова̑нїи: ца́рскаго бо сы́на ꙗ҆́кѡ ѿ сна̀ возста́вилъ є҆сѝ, и҆ тѣ́мъ царѧ̀ сѷмеѡ́на ᲂу҆диви́лъ є҆сѝ. Сїѧ̑ ѡ҆блобыза́юще вѣ́рнїи, припа́даюше мо́лимсѧ: просвѣтѝ ѻ҆чеса̀ на́ша дꙋшє́внаѧ, воспѣва́ти досто́йнѡ по́двиги твоѧ̑, пощє́нїѧ, бдѣ̑нїѧ, сле́зы и҆ болѣ̑зни, и҆зможде́нїе тѣ́ла, бл҃же́нныѧ ра́ди бꙋ́дꙋщїѧ жи́зни: є҆ѧ́же наслажда́ѧсѧ, молѝ непреста́ннѡ ѡ҆ всѣ́хъ на́съ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿ і҆ꙋде́и доше́дше, ѻ҆́троцы въ вавѷлѡ́нѣ и҆ногда̀ вѣ́рою тро́йческою пла́мень пе́щный попра́ша, пою́ще: ѻ҆тцє́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Проше́дъ по́двиги пѡ́стныѧ, ѻ҆́тче, ᲂу҆мо́мъ крѣ́пкимъ го́рдꙋю вы́ю смири́лъ є҆сѝ, бж҃е́ственнымъ вдохнове́нїемъ, и҆ спаси́тельнымъ бг҃оѡбра́знымъ подви́жничествомъ дꙋ́шꙋ твою̀ ᲂу҆краси́лъ є҆сѝ, поѧ̀: бл҃гослове́нъ бг҃ъ ѻ҆тє́цъ на́шихъ. Три́жды."
|
|
},
|
|
{
|
|
"type": "TEXT",
|
|
"value": "Краснѣ́йшее прозѧбе́нїе, ѻ҆́тче, въ домꙋ̀ бж҃їи произра́слъ є҆сѝ вѣ́рою, сꙋгꙋ́бѣйшїй пло́дъ прине́слъ є҆сѝ добродѣ́тельми: тѣ́ми ᲂу҆кра́шенъ, чꙋдесы̀ ѡ҆благоꙋха́лъ є҆сѝ. Три́жды."
|
|
},
|
|
{
|
|
"type": "TEXT",
|
|
"value": "Просвѣти́въ твоѐ се́рдце ᲂу҆миле́нїемъ, нача́льникъ бы́лъ є҆сѝ свѧще́ннѣйшагѡ собо́ра, ѻ҆́тче, наказꙋ́ѧ и҆ ᲂу҆чѧ̀, и҆ всѧ̑ къ бж҃їей во́ли приводѧ̀, пою́щыѧ: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Но́во ѻ҆троча̀ ро́ждшаѧ, пребезнача́льнаго сло́ва, ѡ҆бетша́вшыѧ ны̀ ѕѣлѡ̀ грѣхо́мъ, вѣ̑рныѧ ѡ҆бнови́ла є҆сѝ, дв҃о, и҆ воспѣва́ти наꙋчи́ла є҆сѝ: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃оглаго́ливїи ѻ҆́троцы въ пещѝ, со ѻ҆гне́мъ пла́мень попира́юще, поѧ́хꙋ: бл҃гослови́те, дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Наслѣ́дниче бж҃е́ственныхъ селе́нїй, а҆́гг҃льски, ѻ҆́тче, пожи́лъ є҆сѝ: тѣ́мъ со а҆́гг҃лы водворѧ́ѧсѧ, ликꙋ́етъ въ черто́зѣхъ нбⷭ҇ныхъ со ст҃ы́ми дꙋ́хъ тво́й. Три́жды."
|
|
},
|
|
{
|
|
"type": "TEXT",
|
|
"value": "Невозвра́тнымъ ᲂу҆мо́мъ и҆ невозвра́тными стопа́ми, бг҃омꙋ́дре ѻ҆́тче, ше́ствовалъ є҆сѝ досточꙋ́днѣ къ нбⷭ҇нымъ селе́нїємъ, є҆ѵⷢ҇льскою стезе́ю направлѧ́емь, ѿ стро́потныхъ же пꙋте́й до конца̀ ᲂу҆клони́лсѧ є҆сѝ. Три́жды."
|
|
},
|
|
{
|
|
"type": "TEXT",
|
|
"value": "Все́льшеюсѧ въ тѧ̀ бл҃года́тїю ст҃а́гѡ дх҃а, ѻ҆́тче мартѵ́рїе, бл҃гоꙋстроѧ́еши дꙋ́шы притека́ющихъ къ тебѣ̀: лꙋка́внѡ бо страстьмѝ въ человѣ́цѣхъ дѣ́йствꙋющїи нечи́стїи дꙋ́си ѿгонѧ́еми быва́ютъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вода̀ є҆сѝ неисчерпа́емаѧ, дв҃и́це, дще́рь цр҃ѧ̀ нбⷭ҇нагѡ, ѿ неѧ́же всѝ вѣ́рнїи пїю́ще, бл҃года́ти и҆сполнѧ́емсѧ дꙋше́ю и҆ тѣ́ломъ ѡ҆свѣща́еми."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆страши́сѧ всѧ́къ слꙋ́хъ неизрече́нна бж҃їѧ снисхожде́нїѧ, ꙗ҆́кѡ вы́шнїй во́лею сни́де да́же и҆ до пло́ти, ѿ дв҃и́ческагѡ чре́ва бы́въ чл҃вѣ́къ: тѣ́мже пречⷭ҇тꙋю бг҃оро́дицꙋ вѣ́рнїи велича́емъ."
|
|
},
|
|
{
|
|
"type": "TEXT",
|
|
"value": "И҆сцѣле́нїе и҆сточа́етъ бога́тнѡ честна́ѧ твоѧ̀ ра́ка бж҃їимъ дх҃омъ, и҆ стра̑сти многовре́мєнныѧ и҆сцѣлѧ́етъ, ѻ҆́тче, приходѧ́щихъ къ тебѣ̀, и҆ прогонѧ́етъ лꙋка̑выѧ дꙋ́хи лю̑тыѧ, и҆ воздвиза́етъ вѣ̑рныѧ восхвалѧ́ти твоѧ̑ свѣ̑тлыѧ по́двиги. Три́жды."
|
|
},
|
|
{
|
|
"type": "TEXT",
|
|
"value": "Ꙗ҆́кѡ вели́кое со́лнце на́мъ вели́чїемъ пѡ́двигъ твои́хъ возсїѧ́лъ є҆сѝ въ предѣ́лѣхъ страны̀ сеѧ̀. Оу҆ме́рый бо преше́лъ є҆сѝ ѿ свѣ́та ко свѣ́тꙋ ѿ гро́ба возсїѧ́вшемꙋ. Тѣ́мъ вопїе́мъ тѝ: просвѣтѝ и҆ на̑ша помышлє́нїѧ, ѻ҆́тче прпⷣбне мартѵ́рїе. Два́жды."
|
|
},
|
|
{
|
|
"type": "TEXT",
|
|
"value": "Тѣ́ло твоѐ, бл҃же́нне, терпѣли́вое, вѧза́вшеесѧ вери́гами, стра̑сти неисцѣ̑льныѧ прикоснове́нїемъ и҆сцѣлѧ́етъ, бг҃ꙋ и҆ сп҃сꙋ тѧ̀ вельмѝ просла́вльшꙋ, ѻ҆́тче премꙋ́дре и҆ досточꙋ́дне мартѵ́рїе, ꙗ҆́кѡ дѣ́лы твои́ми до́брыми просла́вльшꙋсѧ, прпⷣбне. Два́жды."
|
|
},
|
|
{
|
|
"type": "TEXT",
|
|
"value": "Процвѣ́лъ є҆сѝ въ по́стническихъ ᲂу҆до́лїихъ, прехва́льне ѻ҆́тче на́шъ, ꙗ҆́кѡ ши́покъ многоцвѣ́тенъ, и҆ ꙗ҆́кѡ крі́нъ ѡ҆благоꙋха́лъ є҆сѝ сѡ́вѣсти вѣ́рныхъ добродѣ́тельми и҆ чꙋдесы̀: тѣ́мже, прпⷣбне, ѿженѝ ѿ на́съ стра̑сти смердѧ́щыѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Просвѣтѝ, чи́стаѧ дв҃о, сѣ́тꙋющее се́рдце моѐ при́снѡ престꙋпле́ньми и҆ жите́йскими молва́ми, не ѡ҆ста́ви менѐ врагѡ́мъ бы́ти въ ра́дость, ꙗ҆́кѡ да сла́влю тѧ̀ и҆ любо́вїю пою̀, препѣ́таѧ."
|
|
},
|
|
{
|
|
"type": "TEXT",
|
|
"value": "Свѣти́ленъ: Мїрска́гѡ пристра́стїѧ, ꙗ҆́кѡ ѿ скве́рны ᲂу҆клони́лсѧ є҆сѝ, и҆ хвра́стїе страсте́й велѣ́нїемъ бж҃їимъ ꙗ҆́кѡ ѻ҆гне́мъ попали́лъ є҆сѝ, и҆ а҆́лчбою пло́ть свою̀ ᲂу҆вѧди́лъ є҆сѝ, ѻ҆́тче, и҆ нбⷭ҇ною сла́вою со а҆́гг҃лы ѡ҆богати́лсѧ є҆сѝ: тѣ́мже непреста́ннѡ молѝ ѡ҆ на́съ хрⷭ҇та̀ бг҃а, прпⷣбне мартѵ́рїе. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Тѧ̀ предста́тельницꙋ и҆́мамы всѝ грѣ́шнїи, ѽ прест҃а́ѧ дв҃о, ты̀ бл҃гопремѣ́нна сотворѝ сн҃а твоего̀, мт҃рними свои́ми къ немꙋ̀ моли́твами."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, на д҃. Гла́съ є҃:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́тче и҆ бг҃оно́се мартѵ́рїе, въ жи́зни вре́меннѣй подвиза́всѧ, моли́твою, посто́мъ и҆ воздержа́нїемъ, дꙋ́шꙋ свою̀ съ тѣ́ломъ ѡ҆чи́стивъ, дх҃ꙋ прест҃о́мꙋ прекра́снаѧ ѡ҆би́тель ꙗ҆ви́лсѧ є҆сѝ, и҆́же и҆ сла́вна тѧ̀, пребл҃же́нне, содѣ́ла, въ чꙋдесѣ́хъ же вели́каго свѣти́льника, просвѣти́вшаго сꙋ́щихъ во мра́цѣ невѣ́жествїѧ: тѧ̀ ꙗ҆́кѡ наста́вника мона́хѡвъ велемꙋ́дренна ᲂу҆блажа́емъ. Два́жды."
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́тче и҆ бг҃оно́се мартѵ́рїе, ты̀ на бг҃а ᲂу҆пова́нїе ѡ҆ все́мъ возложи́въ, це́рковь прекра́снꙋ ст҃ы́ѧ трⷪ҇цы воздви́глъ є҆сѝ, бг҃ꙋ тѝ помога́ющꙋ, и҆ къ семꙋ̀ ѡ҆би́тель че́стнꙋ поста́вилъ є҆сѝ хотѧ́щымъ спасти́сѧ и҆ ѡ҆ всѣ́хъ моле́нїе приноси́ти ко влⷣцѣ хрⷭ҇тꙋ̀: є҆мꙋ́же моли́сѧ, прпⷣбне, пода́ти дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́тче и҆ бг҃оно́се мартѵ́рїе, свѣти́льника тѧ̀ стѧжа́вше, сщ҃е́ннꙋю твою̀ па́мѧть восхвалѧ́емъ и҆ сщ҃е́нными пѣ́сньми ᲂу҆блажа́емъ, ꙗ҆́кѡ на́съ при́снѡ назира́еши, и҆ ѿ бѣ́дъ и҆ ѕѡ́лъ ѡ҆гражда́еши, и҆ къ покаѧ́нїю воздвиза́еши: и҆ ны́нѣ любо́вїю припа́дающе, и҆ честны̑мъ моще́мъ твои̑мъ, прпⷣбне, каса́ющесѧ мо́лимсѧ, тобо́ю прїѧ́ти ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́тче мартѵ́рїе, не да́лъ є҆сѝ сна̀ твои́ма ѻ҆чи́ма, ни вѣ́ждома дрема́нїѧ, до́ндеже дꙋ́шꙋ и҆ тѣ́ло ѿ страсте́й свободи́лъ є҆сѝ, и҆ себѐ дх҃ꙋ прест҃о́мꙋ жили́ще ᲂу҆гото́валъ є҆сѝ: тѣ́мже є҆диносꙋ́щныѧ трⷪ҇цы ᲂу҆го́дникъ бы́въ, ѻ҆би́льнѡ бл҃года́ть прїѧ́лъ є҆сѝ, и҆збра́нниче хрⷭ҇то́въ, прпⷣбне мартѵ́рїе: моли́сѧ спастѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ:"
|
|
},
|
|
{
|
|
"type": "TEXT",
|
|
"value": "Бцⷣе, ты̀ є҆сѝ лоза̀ и҆́стиннаѧ:"
|
|
},
|
|
{
|
|
"type": "HEADER",
|
|
"value": "Славосло́вїе вели́кое. И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и: Бл҃жє́нна ѿ канѡ́на, пѣ́снь г҃-ѧ и҆ ѕ҃-ѧ."
|
|
},
|
|
{
|
|
"type": "HEADER",
|
|
"value": "А҆пⷭ҇толъ къ гала́тѡмъ, зача́ло сг҃і."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ лꙋкѝ, зача́ло к҃д."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю:"
|
|
},
|
|
{
|
|
"type": "HEADER",
|
|
"value": "Моли́тва прпⷣбномꙋ и҆ бг҃оно́сномꙋ ѻ҆тцꙋ̀ на́шемꙋ мартѵ́рїю, зелене́цкомꙋ чꙋдотво́рцꙋ."
|
|
},
|
|
{
|
|
"type": "TEXT",
|
|
"value": "Ѽ па́стырю до́брый, наста́вниче на́шъ, прпⷣбне ѻ҆́тче мартѵ́рїе! Оу҆слы́ши є҆́же къ тебѣ̀ ны́нѣ приноси́мое моле́нїе на́ше. Вѣ́мы бо, ꙗ҆́кѡ дꙋ́хомъ съ на́ми пребыва́еши. Ты̀ ᲂу҆̀бо, прпⷣбне, ꙗ҆́кѡ и҆мѣ́ѧ дерзнове́нїе ко влⷣцѣ і҆и҃сꙋ хрⷭ҇тꙋ̀, бг҃ꙋ на́шемꙋ, и҆ ко пречⷭ҇тѣй бг҃ома́тери, бꙋ́ди хода́тай и҆ моли́твенникъ те́плый ѡ҆ ѡ҆би́тели се́й, ю҆́же возгради́лъ є҆сѝ, и҆ ѡ҆ на́съ недосто́йныхъ рабѣ́хъ, живꙋ́щихъ въ не́й, є҆ѧ́же ты̀ просвѣти́тель є҆сѝ и҆ нача́льникъ бг҃осо́бранномꙋ твоемꙋ̀ бра́тствꙋ помо́щникъ и҆ застꙋ́пникъ: ꙗ҆́кѡ да твои́мъ предста́тельствомъ и҆ моли́твами невреди́ми на мѣ́стѣ се́мъ пребꙋ́демъ, ѿ бѣсѡ́въ же и҆ ѕлы́хъ человѣ̑къ не навѣ́товани и҆ ѿ всѣ́хъ бѣ́дъ и҆ напа́стей свобо́дни сохрани́мсѧ. Всѣ̑мъ же ѿвсю́дꙋ приходѧ́щымъ во ст҃ꙋ́ю ѡ҆би́тель твою̀, и҆ молѧ́щымсѧ тебѣ̀ съ вѣ́рою, и҆ покланѧ́ющымсѧ ра́цѣ моще́й твои́хъ, ѡ҆ є҆́же и҆зба́витисѧ ѿ всѧ́кїѧ ско́рби, болѣ́зни и҆ напа́сти ми́лостивнѣ поспѣшѝ, дарова́ти же правосла̑внымъ ми́ръ, тишинꙋ̀, благоде́нствїе и҆ и҆з̾ѻби́лїе плодѡ́въ земны́хъ: и҆ ѡ҆ всѣ́хъ на́съ те́плый предста́тель ко гдⷭ҇ꙋ и҆ помо́щникъ дꙋша́мъ на́шымъ бꙋ́ди, є҆́же ѿпꙋсти́тисѧ на́мъ согрѣше́нїємъ на́шымъ и҆ моли́твами твои́ми, свѧ́те, и҆зба́витисѧ на́мъ вѣ́чнагѡ мꙋче́нїѧ и҆ сподо́битисѧ црⷭ҇твїѧ со всѣ́ми ст҃ы́ми, да сла́вꙋ, благодаре́нїе и҆ поклоне́нїе возсыла́емъ є҆ди́номꙋ бг҃ꙋ, въ трⷪ҇цѣ сла́вимомꙋ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ. А҆ми́нь."
|
|
}
|
|
] |