394 lines
61 KiB
JSON
394 lines
61 KiB
JSON
[
|
|
{
|
|
"type": "HEADER",
|
|
"value": "МѢ́СѦЦЪ ДЕКЕ́МВРІЙ."
|
|
},
|
|
{
|
|
"type": "TEXT",
|
|
"value": "ⷤ ҆ ⷤ ҆́ ⷤ ҆̀ ⷤ ̑ ⷤ ҃ ⷤ ж҃ ⷤ ́҆ ⷤ ̀о́ ⷤ ̀́ ⷤ ̀҆́ ⷤ ̀҆̀ ⷤ ̀̑ ⷤ ̀҃"
|
|
},
|
|
{
|
|
"type": "HEADER",
|
|
"value": "Въ г҃-й де́нь. Прпⷣбнагѡ ѻ҆тца̀ на́шегѡ са́ввы стороже́вскагѡ."
|
|
},
|
|
{
|
|
"type": "TEXT",
|
|
"value": "Парємїѝ прпⷣбномꙋ"
|
|
},
|
|
{
|
|
"type": "HEADER",
|
|
"value": "Мѣ́сѧца деке́мврїа въ д҃-й де́нь. Ст҃ы́ѧ великомꙋ́ченицы варва́ры."
|
|
},
|
|
{
|
|
"type": "TEXT",
|
|
"value": "Парємїѝ мч҃нцѣ"
|
|
},
|
|
{
|
|
"type": "HEADER",
|
|
"value": "Мѣ́сѧца деке́мврїа въ є҃-й де́нь. Прпⷣбнагѡ ѻ҆тца̀ на́шегѡ са́ввы ѡ҆свѧще́ннагѡ."
|
|
},
|
|
{
|
|
"type": "TEXT",
|
|
"value": "Парємїѝ прпⷣбномꙋ"
|
|
},
|
|
{
|
|
"type": "HEADER",
|
|
"value": "Мѣ́сѧца деке́мврїа въ ѕ҃-й де́нь. И҆́же во ст҃ы́хъ ѻ҆тца̀ на́шегѡ нїкола́а, а҆рхїепі́скопа мѷрлѷкі́йскихъ чꙋдотво́рца."
|
|
},
|
|
{
|
|
"type": "TEXT",
|
|
"value": "Парємїѝ ст҃и́телємъ"
|
|
},
|
|
{
|
|
"type": "HEADER",
|
|
"value": "Мѣ́сѧца деке́мврїа въ з҃-й де́нь. Прпⷣбнагѡ а҆нтѡ́нїа, сі́йскагѡ чꙋдотво́рца и҆ преставле́нїе ні́ла, и҆̀же на є҆́зерѣ селиге́рѣ, на ѻ҆́стровѣ, зово́момъ столобно́е."
|
|
},
|
|
{
|
|
"type": "TEXT",
|
|
"value": "Парємїѝ прпⷣбномꙋ"
|
|
},
|
|
{
|
|
"type": "HEADER",
|
|
"value": "Мѣ́сѧца деке́мврїа въ ѳ҃-й де́нь. Зача́тїе ст҃ы́ѧ а҆́нны, є҆гда̀ зача́тъ прест҃ꙋ́ю бцⷣꙋ."
|
|
},
|
|
{
|
|
"type": "TEXT",
|
|
"value": "Парємїѝ прест҃ѣ́й бцⷣе"
|
|
},
|
|
{
|
|
"type": "HEADER",
|
|
"value": "Мѣ́сѧца деке́мврїа въ г҃і-й де́нь. Ст҃ы́хъ мч҃никъ, є҆ѵстра́тїа, а҆ѵѯе́нтїа, є҆ѵге́нїа, марда́рїа и҆ ѻ҆ре́ста."
|
|
},
|
|
{
|
|
"type": "TEXT",
|
|
"value": "Парємїѝ мч҃нкѡмъ"
|
|
},
|
|
{
|
|
"type": "HEADER",
|
|
"value": "Ѿ и҃і-гѡ до к҃д-гѡ днѐ мѣ́сѧца сегѡ̀. Недѣ́лѧ предъ ржⷭ҇тво́мъ хрⷭ҇то́вымъ ст҃ы́хъ ѻ҆ц҃ъ."
|
|
},
|
|
{
|
|
"type": "TEXT",
|
|
"value": "Парємїѝ ст҃ы́хъ ѻ҆тє́цъ"
|
|
},
|
|
{
|
|
"type": "HEADER",
|
|
"value": "Мѣ́сѧца деке́мврїа въ к҃-й де́нь. Првⷣнагѡ і҆ѡа́нна кроншта́дскагѡ."
|
|
},
|
|
{
|
|
"type": "TEXT",
|
|
"value": "Парємїѝ прпⷣбномꙋ"
|
|
},
|
|
{
|
|
"type": "HEADER",
|
|
"value": "Мѣ́сѧца деке́мврїа въ к҃а-й де́нь. Преставле́нїе и҆́же во ст҃ы́хъ ѻ҆тца̀ на́шегѡ петра̀ митрополі́та всеѧ̀ рѡссі́и. а҃. При́тчей чте́нїе."
|
|
},
|
|
{
|
|
"type": "TEXT",
|
|
"value": "П а́мѧть пра́веднагѡ съ похвала́ми, и҆ бл҃гослове́нїе гдⷭ҇не на главѣ̀ є҆гѡ̀. бл҃же́нъ человѣ́къ, и҆́же ѡ҆брѣ́те премꙋ́дрость: и҆ сме́ртенъ, и҆́же ᲂу҆вѣ́дѣ ра́зꙋмъ. лꙋ́чше бо сїю̀ кꙋпова́ти, не́жели зла́та и҆ сребра̀ сокрѡ́вища. честнѣ́йшаѧ же є҆́сть ка́менїй многоцѣ́нныхъ: все́ же честно́е недосто́йно є҆ѧ̀ є҆́сть. долгота́ бо дне́й и҆ лѣ́та живота̀ въ десни́цѣ є҆ѧ̀: въ шꙋ́йцѣ же є҆ѧ̀ бога́тство и҆ сла́ва. ѿ ᲂу҆́стъ є҆ѧ̀ и҆схо́дитъ пра́вда, зако́нъ же и҆ ми́лость на ѧ҆зы́цѣ но́ситъ. послꙋ́шайте ᲂу҆́бѡ менє̀, ѽ ча̑да, честна̑ѧ бо рекꙋ̀: и҆ блаже́нъ человѣ́къ, и҆́же пꙋти̑ моѧ̑ сохрани́тъ: и҆схо́ди бо моѝ, и҆схо́ди живота̀, и҆ ᲂу҆готовлѧ́етсѧ хотѣ́нїе ѿ гдⷭ҇а. сегѡ̀ ра́ди молю̀ ва́съ, и҆ предлага́ю мо́й гла́съ сыновѡ́мъ человѣ́чєскимъ: ꙗ҆́кѡ а҆́зъ премꙋ́дрость ᲂу҆стро́ихъ, совѣ́тъ и҆ ра́зꙋмъ и҆ смы́слъ а҆́зъ призва́хъ, мо́й совѣ́тъ и҆ ᲂу҆тверже́нїе, мо́й ра́зꙋмъ, моѧ́ же крѣ́пость. а҆́зъ менѐ лю́бѧщыѧ люблю̀, и҆́щꙋщїи же менѐ ѡ҆брѧ́щꙋтъ бл҃года́ть. разꙋмѣ́йте ᲂу҆́бѡ, неѕло́бивїи, кова́рство, ненака́заннїи же, прилага́йте сердца̀. послꙋ́шайте менє̀ и҆ па́ки, честна̑ѧ бо рекꙋ̀: и҆ ѿве́рзꙋ ѿ ᲂу҆сте́нъ пра́ваѧ, ꙗ҆́кѡ и҆́стинѣ поꙋчи́тсѧ. съ пра́вдою всѝ глаго́лы ᲂу҆́стъ мои́хъ: ничто́же въ ни́хъ стро́потно, нижѐ развраще́нно. всѧ̑ пра̑ва сꙋ́ть разꙋмѣва́ющымъ и҆ прѡ́ста ѡ҆брѣта́ющымъ ра́зꙋмъ. наꙋча́ю бо ва́съ и҆́стинѣ, да бꙋ́детъ ѡ҆ гдⷭ҇ѣ наде́жда ва́ша, и҆ и҆спо́лнитесѧ дх҃а. ⷭ҇р. Притч ́о́:҃А, ҆̀А; ҆:́҆–́̑; ̾:̑, ҆҆́А, ҆҆̀, ҆́, ́̀, ́҆́, ́҃, ҆̀–ж҃; (ⷱ҇)"
|
|
},
|
|
{
|
|
"type": "HEADER",
|
|
"value": "в҃. Премꙋ́дрости соломѡ́ни чте́нїе."
|
|
},
|
|
{
|
|
"type": "TEXT",
|
|
"value": "П ра́ведникъ, а҆́ще пости́гнетъ сконча́тисѧ, въ поко́и бꙋ́детъ. ѡ҆сꙋ́дитъ же првⷣникъ ᲂу҆мира́ѧй живꙋ́щыѧ нечести̑выѧ. ᲂу҆́зрѧтъ бо кончи́нꙋ пра́веднагѡ, и҆ не разꙋмѣ́ютъ, что̀ совѣща́ша ѡ҆ не́мъ: ꙗ҆́кѡ пове́ржетъ гдⷭ҇ь нечести̑выѧ безгла́сны ни́цъ, и҆ поколе́блетъ и҆̀хъ ѿ ѡ҆снова́нїй, и҆ до послѣ́днѧгѡ и҆сче́знꙋтъ въ болѣ́зни, и҆ па́мѧть и҆́хъ поги́бнетъ. прїи́дꙋтъ бо въ помышле́нїе согрѣше́нїй свои́хъ ᲂу҆жа́сни, и҆ ѡ҆бличи́тъ и҆̀хъ сопроти́въ беззако́нїѧ и҆́хъ. тогда̀ ста́нетъ въ дерзнове́нїи мно́зѣ првⷣникъ предъ лице́мъ ѡ҆скорби́вшихъ є҆го̀, и҆ ѿмета́ющихъ трꙋды̀ є҆гѡ̀. ви́дѣвше же є҆го̀, смѧтꙋ́тсѧ стра́хомъ мно́гимъ, и҆ ᲂу҆жа́снꙋтсѧ ѡ҆ пресла́вномъ спасе́нїи є҆гѡ̀. рекꙋ́тъ бо въ себѣ̀ ка́ющесѧ, и҆ въ тѣснотѣ̀ дꙋ́ха воздо́хнꙋтъ, и҆ рекꙋ́тъ: се́й бѣ̀, є҆го́же и҆мѣ́хомъ нѣ́когда въ посмѣ́хъ и҆ въ при́тчꙋ поноше́нїѧ безꙋ́мнїи. житїѐ є҆гѡ̀ вмѣни́хомъ неи́стово, и҆ кончи́нꙋ є҆гѡ̀ безче́стнꙋ. ка́кѡ вмѣни́сѧ въ сынѣ́хъ бж҃їихъ, и҆ во ст҃ы́хъ жре́бїй є҆гѡ̀ є҆́сть; ᲂу҆̀бо заблꙋди́хомъ ѿ пꙋтѝ и҆́стиннагѡ, и҆ пра́вды свѣ́тъ не ѡ҆блиста̀ на́мъ, и҆ со́лнце не возсїѧ̀ на́мъ. беззако́нныхъ и҆спо́лнихомсѧ стє́зь, и҆ поги́бели, и҆ ходи́хомъ стєзѝ непрохо́дны, пꙋти́ же гдⷭ҇нѧ не разꙋмѣ́хомъ. Прем ҆́:҃, ́̑А, ́҃, ́ж҃–̀о́; ҆̀:́–҃"
|
|
},
|
|
{
|
|
"type": "HEADER",
|
|
"value": "г҃. Премꙋ́дрости соломѡ́ни чте́нїе."
|
|
},
|
|
{
|
|
"type": "TEXT",
|
|
"value": "Оу҆ ста̀ првⷣнагѡ ка́плютъ премꙋ́дрость: ᲂу҆стнѣ́ же мꙋже́й мꙋ́дрыхъ вѣ́дѧтъ бл҃года́ть. ᲂу҆ста̀ мꙋ́дрыхъ поꙋча́тсѧ премꙋ́дрости, пра́вда же и҆збавлѧ́етъ и҆̀хъ ѿ сме́рти. сконча́вшꙋсѧ мꙋ́жꙋ пра́веднꙋ, не поги́бнетъ наде́жда. сы́нъ бо пра́веденъ ражда́етсѧ въ живо́тъ, и҆ во бл҃ги́хъ свои́хъ пло́дъ пра́вды ѡ҆б̾и́метъ. свѣ́тъ првⷣнымъ всегда̀, и҆ ѿ гдⷭ҇а ѡ҆брѧ́щꙋтъ бл҃года́ть и҆ сла́вꙋ. Ѧ҆зы́къ мꙋ́дрыхъ дѡ́браѧ свѣ́сть, и҆ въ се́рдцѣ и҆́хъ почі́етъ мꙋ́дрость. лю́битъ гдⷭ҇ь преподѡ́бнаѧ сердца̀, прїѧ́тни же є҆мꙋ̀ всѝ непоро́чнїи въ пꙋтѝ. мꙋ́дрость гдⷭ҇нѧ просвѣща́етъ лицѐ разꙋ́мнагѡ: постига́етъ бо жела́ющыѧ ю҆̀, пре́жде да́же разꙋмѣ́ти ю҆̀, и҆ ᲂу҆до́бь ᲂу҆́зритсѧ ѿ лю́бѧщихъ ю҆̀. ᲂу҆́треневавый къ не́й, не ᲂу҆трꙋди́тсѧ: и҆ бдѧ́й є҆ѧ̀ ра́ди, вско́рѣ без̾ печа́ли бꙋ́детъ. ꙗ҆́кѡ досто́йныхъ є҆ѧ̀ сама̀ ѡ҆бхо́дитъ и҆́щꙋщи, и҆ во стезѧ́хъ є҆ѧ̀ ꙗ҆влѧ́етсѧ и҆̀мъ бл҃гопрїе́мнѣ. мꙋ́дрости никогда́же ѡ҆долѣ́етъ ѕло́ба. си́хъ ра́ди и҆ рачи́тель бы́хъ добро́ты є҆ѧ̀: и҆ возлюби́хъ ю҆̀, и҆ поиска́хъ ѿ ю҆́ности моеѧ̀: и҆ взыска́хъ невѣ́стꙋ привестѝ себѣ̀, ꙗ҆́кѡ всѣ́хъ влⷣка возлюбѝ ю҆̀. таи́бница бо є҆́сть бж҃їѧ хи́трости и҆ ѡ҆брѣта́тельница дѣ́лъ є҆гѡ̀. трꙋды̀ є҆ѧ̀ сꙋ́ть добродѣ́тєли: цѣломꙋ́дрїю же и҆ ра́зꙋмꙋ та̀ ᲂу҆чи́тъ, пра́вдѣ и҆ мꙋ́жествꙋ, и҆́хже потре́бнѣе ничто́же є҆́сть въ житїѝ человѣ́кѡмъ. а҆́ще же и҆ мно́гагѡ и҆скꙋ́сства жела́етъ кто̀, вѣ́сть дрє́внѧѧ и҆ бы́ти хотѧ̑щаѧ разсмо́тритъ: свѣ́сть и҆зви̑тїѧ слове́съ и҆ разрѣшє́нїѧ гада́нїй: зна́мєнїѧ и҆ чꙋдеса̀ проразꙋмѣ́етъ, и҆ сбытїѧ̑ време́нъ и҆ лѣ́тъ: и҆ всѣ̑мъ совѣ́тникъ є҆́сть бл҃гъ, ꙗ҆́кѡ безсме́ртїе є҆́сть въ не́й, и҆ бл҃госла́вїе во ѻ҆бще́нїи слове́съ є҆ѧ̀. сегѡ̀ ра́ди бесѣ́довахъ ко гдⷭ҇ꙋ, и҆ помоли́хсѧ є҆мꙋ̀, и҆ рѣ́хъ ѿ всегѡ̀ се́рдца моегѡ̀: бж҃е ѻ҆тцє́въ и҆ гдⷭ҇и млⷭ҇ти, сотвори́вый всѧ̑ сло́вомъ твои́мъ и҆ мꙋ́дростїю твое́ю ᲂу҆стро́ивый человѣ́ка, да владѣ́етъ бы́вшими ѿ тебє̀ тварьмѝ и҆ да ᲂу҆правлѧ́етъ мі́ръ въ преподо́бїи и҆ пра́вдѣ: да́ждь мѝ твои́хъ прⷭ҇то́лѡвъ присѣдѧ́щꙋю премꙋ́дрость: и҆ не ѿлꙋчѝ менѐ ѿ ѻ҆́трѡкъ твои́хъ, ꙗ҆́кѡ а҆́зъ ра́бъ тво́й и҆ сы́нъ рабы́ни твоеѧ̀. послѝ ю҆̀ съ нб҃съ ѿ ст҃а́гѡ жили́ща твоегѡ̀ и҆ ѿ прⷭ҇то́ла сла́вы твоеѧ̀, да сꙋ́щи со мно́ю наꙋчи́тъ мѧ̀, что̀ бл҃гоꙋго́дно є҆́сть пред̾ тобо́ю: и҆ наста́витъ мѧ̀ въ ра́зꙋмъ, и҆ сохрани́тъ мѧ̀ во сла́вѣ свое́й. помышлє́нїѧ бо сме́ртныхъ всѧ̑ боѧзли̑ва, и҆ погрѣши́тєльна ᲂу҆мышлє́нїѧ и҆́хъ. Притч ́о́:҆́А; ́о́: ҆̀А; ср. Притч ́́:̀Б; ́о́:̀Б; Притч ́́:҃А; ́́:́ж҃А; ср. Притч ́҆:̀А, ж҃А, ⷱ҇; ́҆̀:̀А; ср. Притч ́҆́:҆҆; Притч ̀̀:́́А, ⷱ҇; Прем ̑:́҆; ̑:́̀Б; ̑:́҆́А; ̑:́҆̀Б; ̑:́̑А; ҃:҆о́Б; ̾:̀Б; ̾:̀Б; ̾:҆Б; ̾:҆́; ̾:҃Б; ̾:̾; ср. Прем ̾:ж҃Б; ср. Прем ̾:́҃Б; Прем ̾:́̾Б; ̾:̀́Б; ж҃:́-҆А; ж҃:҆́-҆̀А; ж҃:́о́; ж҃:́́Б; ж҃:́҆́."
|
|
},
|
|
{
|
|
"type": "HEADER",
|
|
"value": "Мѣ́сѧца деке́мврїа въ к҃д-й де́нь. На́вечерїе рождества̀ хрⷭ҇то́ва. На пе́рвѣмъ часѣ̀. Посе́мъ прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Г дⷭ҇ь речѐ ко мнѣ̀: / сн҃ъ мо́й є҆сѝ ты̀, а҆́зъ дне́сь роди́хъ тѧ̀."
|
|
},
|
|
{
|
|
"type": "TEXT",
|
|
"value": "Сті́хъ: Просѝ ѿ менє̀, и҆ да́мъ тѝ ꙗ҆зы́ки достоѧ́нїе твоѐ, и҆ ѡ҆держа́нїе твоѐ концы̀ землѝ. Пс ̀:̾Б, ж҃"
|
|
},
|
|
{
|
|
"type": "HEADER",
|
|
"value": "Прⷪ҇ро́чества мїхе́ина чте́нїе."
|
|
},
|
|
{
|
|
"type": "TEXT",
|
|
"value": "Т а́кѡ гл҃го́летъ гдⷭ҇ь: и҆ ты̀ виѳлее́ме, до́ме є҆ѵфра́ѳовъ, є҆да̀ ма́лъ є҆сѝ є҆́же бы́ти въ ты́сѧщахъ і҆ꙋ́довыхъ; и҆зъ тебє́ бо мнѣ̀ и҆зы́детъ старѣ́йшина, є҆́же бы́ти въ кнѧ́зѧ во і҆и҃ли: и҆ и҆схо́ди є҆гѡ̀ и҆зъ нача́ла ѿ дне́й вѣ́ка. сегѡ̀ ра́ди да́стъ ѧ҆̀, до вре́мене ражда́ющїѧ роди́тъ, и҆ про́чїи ѿ бра́тїй є҆гѡ̀ ѡ҆братѧ́тсѧ къ сынѡ́мъ і҆и҃лєвымъ. и҆ ста́нетъ, и҆ ᲂу҆́зритъ, и҆ ᲂу҆пасе́тъ ста́до своѐ крѣ́постїю гдⷭ҇ь. и҆ въ сла́вѣ и҆́мени гдⷭ҇а бг҃а своегѡ̀ пребꙋ́дꙋтъ: занѐ ны́нѣ возвели́читсѧ да́же до конє́цъ землѝ. Мих ҆̀:̀–҆́"
|
|
},
|
|
{
|
|
"type": "HEADER",
|
|
"value": "На тре́тїемъ часѣ̀. Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Ѻ҆ троча̀ роди́сѧ на́мъ, / сн҃ъ, и҆ даде́сѧ на́мъ."
|
|
},
|
|
{
|
|
"type": "TEXT",
|
|
"value": "Сті́хъ: Є҆гѡ́же нача́льство бы́сть на ра́мѣ є҆гѡ̀. Ис ж҃:̑А"
|
|
},
|
|
{
|
|
"type": "HEADER",
|
|
"value": "Прⷪ҇ро́чества варꙋ́хова чте́нїе."
|
|
},
|
|
{
|
|
"type": "TEXT",
|
|
"value": "С е́й бг҃ъ на́шъ, и҆ не приложи́тсѧ и҆́нъ къ немꙋ̀. и҆з̾ѡбрѣ́те всѧ́къ пꙋ́ть хꙋдо́жества, и҆ дадѐ и҆ і҆а́кѡвꙋ ѻ҆́трокꙋ своемꙋ̀, и҆ і҆и҃лю возлю́бленномꙋ ѿ негѡ̀. посе́мъ же на землѝ ꙗ҆ви́сѧ, и҆ съ человѣ̑ки поживѐ. сїѧ̀ кни́га повелѣ́нїй бж҃їихъ, и҆ зако́нъ сы́й во вѣ́ки: всѝ держа́щїисѧ є҆ѧ̀ въ живо́тъ вни́дꙋтъ, ѡ҆ста́вившїи же ю҆̀ ᲂу҆́мрꙋтъ. ѡ҆брати́сѧ, і҆а́кѡве, и҆ и҆ми́сѧ є҆ѧ̀. поидѝ къ сїѧ́нїю прѧ́мѡ свѣ́та є҆ѧ̀. не да́ждь и҆но́мꙋ сла́вы твоеѧ̀: и҆ поле́зныхъ тебѣ̀ ꙗ҆зы́кꙋ чꙋжде́мꙋ. бл҃же́ни є҆смы̀, і҆и҃лю, ꙗ҆́кѡ ᲂу҆гѡ́днаѧ бг҃ꙋ на́мъ разꙋ́мна сꙋ́ть. Вар ҆:҆̑–҆̾; ҆́:́–҆́"
|
|
},
|
|
{
|
|
"type": "HEADER",
|
|
"value": "На шесто́мъ часѣ̀. Та́же прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "И҆ зъ чре́ва пре́жде десни́цы роди́хъ тѧ̀, / клѧ́тсѧ гдⷭ҇ь и҆ не раска́етсѧ."
|
|
},
|
|
{
|
|
"type": "TEXT",
|
|
"value": "Сті́хъ: Речѐ гдⷭ҇ь гдⷭ҇еви моемꙋ̀: сѣдѝ ѡ҆деснꙋ́ю менє̀. Пс ́о́ж҃:҆Б–́А"
|
|
},
|
|
{
|
|
"type": "HEADER",
|
|
"value": "Прⷪ҇ро́чества и҆са́їина чте́нїе."
|
|
},
|
|
{
|
|
"type": "TEXT",
|
|
"value": "П риложѝ гдⷭ҇ь гл҃го́лати ко а҆ха́зꙋ, гл҃го́лѧ: просѝ себѣ̀ зна́менїѧ ᲂу҆ гдⷭ҇а бг҃а твоегѡ̀, во глꙋбинꙋ̀, и҆лѝ въ высотꙋ̀. и҆ речѐ а҆ха́зъ: не и҆́мамъ проси́ти, нижѐ и҆скꙋси́ти гдⷭ҇а. и҆ речѐ и҆са́їа: ᲂу҆слы́шите ᲂу҆̀бо, до́ме дв҃довъ: є҆да̀ ма́лъ ва́мъ трꙋ́дъ даѧ́ти человѣ́кѡмъ, и҆ ка́кѡ гдⷭ҇ꙋ трꙋ́дъ даетѐ; сегѡ̀ ра́ди да́стъ гдⷭ҇ь са́мъ ва́мъ зна́менїе. сѐ дв҃а во чре́вѣ прїи́метъ, и҆ роди́тъ сн҃а, и҆ нарекꙋ́тъ и҆́мѧ є҆гѡ̀ є҆мманꙋ́илъ: ма́сло и҆ ме́дъ и҆́мать снѣ́сти, пре́жде не́же ᲂу҆вѣ́дѣти є҆мꙋ̀, и҆лѝ и҆зво́лити лꙋка́вое, и҆збере́тъ благо́е: занѐ пре́жде не́же разꙋмѣ́ти ѻ҆троча́ти благо́е и҆лѝ ѕло́е, ѿри́нетъ лꙋка̑ваѧ, и҆збере́тъ благо́е. и҆ речѐ гдⷭ҇ь ко мнѣ̀: прїимѝ себѣ̀ сви́токъ но́въ, вели́къ, и҆ напишѝ въ не́мъ писа́ломъ человѣ́ческимъ, є҆́же ско́рѡ плѣне́нїе сотвори́ти коры́стей, настоѧ́тъ бо. и҆ свидѣ́тели мнѣ̀ сотворѝ вѣ́рны человѣ́ки, ᲂу҆рі́ю і҆ере́а, и҆ заха́рїю сы́на варахі́ина. и҆ пристꙋпи́хъ ко прⷪ҇ро́чицѣ, и҆ во чре́вѣ прїѧ́тъ, и҆ родѝ сы́на. и҆ речѐ мнѣ̀ гдⷭ҇ь: нарцы̀ и҆́мѧ є҆мꙋ̀, ско́рѡ плѣнѝ, и҆ напра́снѡ и҆спрове́рзи. занѐ пре́жде не́же разꙋмѣ́ти ѻ҆троча́ти назва́ти ѻ҆тца̀ и҆лѝ ма́терь, прїи́метъ си́лꙋ дама́сковꙋ, и҆ коры̑сти самарі̑йскїѧ, прѧ́мѡ царю̀ а҆сѷрі́йскомꙋ. съ на́ми бг҃ъ, разꙋмѣ́йте ꙗ҆зы́цы, и҆ покарѧ́йтесѧ. ᲂу҆слы́шите да́же до послѣ́днихъ землѝ, могꙋ́щїи покарѧ́йтесѧ: а҆́ще бо па́ки возмо́жете, и҆ па́ки побѣжде́ни бꙋ́дете. и҆ и҆́же а҆́ще совѣ́тъ совѣщава́ете, разори́тъ гдⷭ҇ь: и҆ сло́во, є҆́же а҆́ще возглаго́лете, не пребꙋ́детъ въ ва́съ, ꙗ҆́кѡ съ на́ми бг҃ъ. Ис ҃:́о́–́̑; ̾:́–҆́, ̾–́о́"
|
|
},
|
|
{
|
|
"type": "HEADER",
|
|
"value": "На девѧ́томъ часѣ̀. Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "М а́ти сїѡ́нъ, рече́тъ человѣ́къ, / и҆ человѣ́къ роди́сѧ въ не́мъ."
|
|
},
|
|
{
|
|
"type": "TEXT",
|
|
"value": "Сті́хъ: Ѡ҆снова̑нїѧ є҆гѡ̀ на гора́хъ ст҃ы́хъ. Пс ̾̑:҆̀А, ́"
|
|
},
|
|
{
|
|
"type": "HEADER",
|
|
"value": "Прⷪ҇ро́чества и҆са́їина чте́нїе."
|
|
},
|
|
{
|
|
"type": "TEXT",
|
|
"value": "Ѻ҆ троча̀ роди́сѧ на́мъ, сн҃ъ, и҆ даде́сѧ на́мъ, є҆гѡ́же нача́льство бы́сть на ра́мѣ є҆гѡ̀. и҆ нарица́етсѧ и҆́мѧ є҆гѡ̀, вели́кагѡ совѣ́та а҆́гг҃лъ, чꙋ́денъ совѣ́тникъ, бг҃ъ крѣ́покъ, власти́тель, нача́льникъ ми́ра, ѻ҆ц҃ъ бꙋ́дꙋщагѡ вѣ́ка: приведе́тъ бо ми́ръ на нача́льники, и҆ здра́вїе є҆гѡ̀. и҆ ве́лїе нача́льство є҆гѡ̀, и҆ ми́ра є҆гѡ̀ нѣ́сть предѣ́ла. на престо́лъ дв҃довъ, и҆ на ца́рство є҆гѡ̀, и҆спра́вити є҆̀, и҆ застꙋпи́ти є҆̀ сꙋдьбо́ю и҆ пра́вдою ѿ ны́нѣ и҆ до вѣ́ка. ре́вность гдⷭ҇а саваѡ́ѳа сотвори́тъ сїѧ̑. Ис ж҃:̑–҃"
|
|
},
|
|
{
|
|
"type": "HEADER",
|
|
"value": "Мѣ́сѧца деке́мврїа въ к҃є-й де́нь. Є҆́же по пло́ти, ржⷭ҇тво̀ гдⷭ҇а бг҃а и҆ сп҃са на́шегѡ і҆и҃са хрⷭ҇та̀. На вели́цѣй вече́рни. а҃. Бытїѧ̀ чте́нїе."
|
|
},
|
|
{
|
|
"type": "TEXT",
|
|
"value": "В ъ нача́лѣ сотворѝ бг҃ъ не́бо и҆ зе́млю. землѧ́ же бѣ̀ неви́дима и҆ неꙋстро́ена, и҆ тма̀ верхꙋ̀ бе́здны: и҆ дх҃ъ бж҃їй ноша́шесѧ верхꙋ̀ воды̀. и҆ речѐ бг҃ъ: да бꙋ́детъ свѣ́тъ: и҆ бы́сть свѣ́тъ. и҆ ви́дѣ бг҃ъ свѣ́тъ, ꙗ҆́кѡ добро̀: и҆ разлꙋчѝ бг҃ъ междꙋ̀ свѣ́томъ, и҆ междꙋ̀ тмо́ю. и҆ наречѐ бг҃ъ свѣ́тъ, де́нь: и҆ тмꙋ̀ наречѐ, но́щь. и҆ бы́сть ве́черъ, и҆ бы́сть ᲂу҆́тро, де́нь є҆ди́нъ. и҆ речѐ бг҃ъ: да бꙋ́детъ тве́рдь посредѣ̀ воды̀, и҆ да бꙋ́детъ разлꙋча́ющи посредѣ̀ воды̀, и҆ воды̀: и҆ бы́сть та́кѡ. и҆ сотворѝ бг҃ъ тве́рдь: и҆ разлꙋчѝ бг҃ъ междꙋ̀ водо́ю, ꙗ҆́же бѣ̀ подъ тве́рдїю, и҆ междꙋ̀ водо́ю, ꙗ҆́же бѣ̀ надъ тве́рдїю. и҆ наречѐ бг҃ъ тве́рдь не́бо: и҆ ви́дѣ бг҃ъ, ꙗ҆́кѡ добро̀. и҆ бы́сть ве́черъ, и҆ бы́сть ᲂу҆́тро, де́нь вторы́й. и҆ речѐ бг҃ъ: да собере́тсѧ вода̀, ꙗ҆́же подъ небесе́мъ въ собра́нїе є҆ди́но, и҆ да ꙗ҆ви́тсѧ сꙋ́ша: и҆ бы́сть та́кѡ, и҆ собра́сѧ вода̀, ꙗ҆́же подъ небесе́мъ въ собра̑нїѧ своѧ̑, и҆ ꙗ҆ви́сѧ сꙋ́ша. и҆ наречѐ бг҃ъ сꙋ́шꙋ, зе́млю: и҆ собра̑нїѧ во́дъ, наречѐ морѧ̀. и҆ ви́дѣ бг҃ъ, ꙗ҆́кѡ добро̀. и҆ речѐ бг҃ъ: да прорасти́тъ землѧ̀ бы́лїе травно́е, сѣ́ющее сѣ́мѧ по ро́дꙋ и҆ по подо́бїю, и҆ дре́во плодови́тое, творѧ́щее пло́дъ, є҆мꙋ́же сѣ́мѧ є҆гѡ̀ въ не́мъ, по ро́дꙋ на землѝ: и҆ бы́сть та́кѡ. и҆ и҆знесѐ землѧ̀ бы́лїе травно́е, сѣ́ющее сѣ́мѧ по ро́дꙋ и҆ по подо́бїю, и҆ дре́во плодови́тое, творѧ́щее пло́дъ, є҆мꙋ́же сѣ́мѧ є҆гѡ̀ въ не́мъ по ро́дꙋ на землѝ: и҆ ви́дѣ бг҃ъ, ꙗ҆́кѡ добро̀. и҆ бы́сть ве́черъ, и҆ бы́сть ᲂу҆́тро, де́нь тре́тїй. Быт ́:́–́҆"
|
|
},
|
|
{
|
|
"type": "HEADER",
|
|
"value": "в҃. Чи́слъ чте́нїе."
|
|
},
|
|
{
|
|
"type": "TEXT",
|
|
"value": "Б ы́сть дх҃ъ бж҃їй на валаа́мѣ, и҆ воспрїе́мъ при̑тчи своѧ̑, речѐ: ко́ль добрѝ до́ми твоѝ, і҆а́кѡве, и҆ ски̑нїѧ твоѧ̑, і҆и҃лю; ꙗ҆́кѡ страны̑ ѡ҆сѣнѧ́ющыѧ, ꙗ҆́кѡ са́дїе при рѣка́хъ, и҆ ꙗ҆́кѡ ски̑нїѧ, ꙗ҆̀же водрꙋзѝ гдⷭ҇и, и҆ ꙗ҆́кѡ ке́дри при вода́хъ. и҆зы́детъ человѣ́къ ѿ сѣ́мене є҆гѡ̀, и҆ ѡ҆блада́етъ ꙗ҆зы̑ки мно́гими, и҆ возвы́ситсѧ црⷭ҇тво є҆гѡ̀, и҆ возрасте́тъ. бг҃ъ наста́витъ є҆го̀ и҆зъ є҆гѵ́пта, ꙗ҆́кѡ сла́вꙋ є҆диноро́га є҆гѡ̀. поѧ́стъ ꙗ҆зы́ки вра̑гъ свои́хъ, и҆ то́лщꙋ и҆́хъ и҆зможди́тъ: и҆ стрѣла́ми свои́ми ᲂу҆стрѣли́тъ врага̀. возле́гъ почѝ, ꙗ҆́кѡ ле́въ, и҆ ꙗ҆́кѡ скѵ́менъ, кто̀ возста́витъ є҆го̀; благословѧ́щїи тѧ̀ благослове́ни, и҆ проклина́ющїи тѧ̀, про́клѧти. возсїѧ́етъ ѕвѣзда̀ ѿ і҆а́кѡва, и҆ воста́нетъ человѣ́къ ѿ і҆и҃лѧ, и҆ ссѣче́тъ кнѧ́зи мѡави̑тскїѧ: и҆ плѣни́тъ всѧ̑ сы́ны си́ѳовы, и҆ бꙋ́детъ є҆дѡ́мъ достоѧ́нїе, и҆ бꙋ́детъ наслѣ́дїе и҆са́ѵъ вра́гъ є҆гѡ̀, и҆ і҆и҃ль сотворѝ крѣ́пость. Числ ̀҆́:̀–҆, ҆̀–ж҃, ́҃–́̾"
|
|
},
|
|
{
|
|
"type": "HEADER",
|
|
"value": "г҃. Прⷪ҇ро́чества мїхе́ина чте́нїе."
|
|
},
|
|
{
|
|
"type": "TEXT",
|
|
"value": "В о дне́хъ ѻ҆́нѣхъ, гл҃го́летъ гдⷭ҇ь: соберꙋ̀ сокрꙋше́ннꙋю, и҆ ѿринове́ннꙋю прїимꙋ̀, ꙗ҆̀же ѿри́нꙋхъ: и҆ положꙋ̀ сотре́ннꙋю во ѡ҆ста́нокъ, и҆ ѿринове́ннꙋю въ ꙗ҆зы́къ крѣ́покъ, и҆ воцари́сѧ гдⷭ҇ь надъ ни́ми въ горѣ̀ сїѡ́нстѣй ѿ ны́нѣ и҆ во вѣ́ки. и҆ ты̀, виѳлее́ме, до́ме є҆ѵфра́ѳовъ, є҆да̀ ма́лъ є҆сѝ, є҆́же бы́ти въ ты́сѧщахъ і҆ꙋ́довыхъ; и҆зъ тебє́ бо мнѣ̀ и҆зы́детъ старѣ́йшина, є҆́же бы́ти въ кнѧ́зѧ во і҆и҃ли: и҆ и҆схо́ди є҆гѡ̀ и҆зъ нача́ла, ѿ дне́й вѣ́ка. сегѡ̀ ра́ди да́стъ ѧ҆̀, до вре́мене разжда́ющїѧ породи́тъ, и҆ про́чїи ѿ бра́тїй є҆гѡ̀ ѡ҆братѧ́тсѧ къ сынѡ́мъ і҆и҃лєвымъ. и҆ ста́нетъ, и҆ ᲂу҆́зритъ, и҆ ᲂу҆пасе́тъ па́ствꙋ свою̀ крѣ́постїю гдⷭ҇ь. и҆ въ сла́вѣ и҆́мене гдⷭ҇а бг҃а своегѡ̀ пребꙋ́дꙋтъ, занѐ ны́нѣ возвели́читсѧ да́же до конє́цъ землѝ. Мих ҆́:̑–҃; ҆̀:̀–҆́"
|
|
},
|
|
{
|
|
"type": "HEADER",
|
|
"value": "Чте́цъ глаго́летъ тропа́рь се́й, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Т а́йнѡ роди́лсѧ є҆сѝ въ верте́пѣ, / но нб҃о тѧ̀ всѣ̑мъ проповѣ́да, / ꙗ҆́коже ᲂу҆ста̀, ѕвѣздꙋ̀ предлага́ѧ, сп҃се, / и҆ волхвы̀ тѝ приведѐ, / вѣ́рою покланѧ́ющыѧсѧ тебѣ̀: / съ ни́миже поми́лꙋй на́съ."
|
|
},
|
|
{
|
|
"type": "TEXT",
|
|
"value": "Ли́къ пое́тъ то́йже."
|
|
},
|
|
{
|
|
"type": "TEXT",
|
|
"value": "Чте́цъ, сті́хъ а҃: Ѡ҆снова̑нїѧ є҆гѡ̀ на гора́хъ ст҃ы́хъ, лю́битъ гдⷭ҇ь врата̀ сїѡ́нѧ па́че всѣ́хъ селе́нїй і҆а́кѡвлихъ, пресла̑внаѧ глаго́лашасѧ ѡ҆ тебѣ̀, гра́де бж҃їй. помѧнꙋ̀ раа́въ и҆ вавѷлѡ́на, вѣ́дꙋщымъ мѧ̀. Пс ̾̑:́–҆́А"
|
|
},
|
|
{
|
|
"type": "TEXT",
|
|
"value": "И҆ посе́мъ ли́къ пое́тъ коне́цъ: И҆ волхвы̀ тѝ приведѐ, / вѣ́рою покланѧ́ющыѧсѧ тебѣ̀: / съ ни́миже поми́лꙋй на́съ."
|
|
},
|
|
{
|
|
"type": "TEXT",
|
|
"value": "Чте́цъ, сті́хъ в҃: и҆ сѐ и҆ноплемє́нницы, и҆ тѵ́ръ, и҆ лю́дїе є҆ѳїо́пстїи, сі́и бы́ша та́мѡ. мт҃и сїѡ́нъ, рече́тъ человѣ́къ, и҆ человѣ́къ роди́сѧ въ не́мъ, и҆ то́й ѡ҆снова̀ и҆̀ вы́шнїй. Пс ̾̑:҆́Б–҆̀"
|
|
},
|
|
{
|
|
"type": "TEXT",
|
|
"value": "И҆ па́ки ли́къ пое́тъ: И҆ волхвы̀ тѝ приведѐ, / вѣ́рою покланѧ́ющыѧсѧ тебѣ̀: / съ ни́миже поми́лꙋй на́съ."
|
|
},
|
|
{
|
|
"type": "TEXT",
|
|
"value": "Чте́цъ, сті́хъ г҃: Гдⷭ҇ь повѣ́сть въ писа́нїи люде́й, и҆ кнѧзе́й си́хъ бы́вшихъ въ не́мъ: ꙗ҆́кѡ веселѧ́щихсѧ всѣ́хъ жили́ще въ тебѣ̀. Пс ̾̑:̑–҃"
|
|
},
|
|
{
|
|
"type": "TEXT",
|
|
"value": "Ли́къ: И҆ волхвы̀ тѝ приведѐ, / вѣ́рою покланѧ́ющыѧсѧ тебѣ̀: / съ ни́миже поми́лꙋй на́съ."
|
|
},
|
|
{
|
|
"type": "TEXT",
|
|
"value": "Та́же, Сла́ва: пое́тъ ли́къ пра́вый, коне́цъ тропарѧ̀."
|
|
},
|
|
{
|
|
"type": "TEXT",
|
|
"value": "И҆ ны́нѣ: лѣ́вый пое́тъ та́кожде коне́цъ."
|
|
},
|
|
{
|
|
"type": "TEXT",
|
|
"value": "Посе́мъ глаго́летъ чте́цъ тропа́рь: Та́йнѡ роди́лсѧ є҆сѝ въ верте́пѣ, но нб҃о тѧ̀ всѣ̑мъ проповѣ́да, ꙗ҆́коже ᲂу҆ста̀, ѕвѣздꙋ̀ предлага́ѧ, сп҃се."
|
|
},
|
|
{
|
|
"type": "TEXT",
|
|
"value": "И҆ пое́тъ са́мъ коне́цъ є҆гѡ̀: И҆ волхвы̀ тѝ приведѐ, / вѣ́рою покланѧ́ющыѧсѧ тебѣ̀: / съ ни́миже поми́лꙋй на́съ."
|
|
},
|
|
{
|
|
"type": "TEXT",
|
|
"value": "И҆ чтꙋ́тсѧ па́ки по ѻ҆бы́чаю чтє́нїѧ сїѧ̑."
|
|
},
|
|
{
|
|
"type": "HEADER",
|
|
"value": "д҃. Прⷪ҇ро́чества и҆са́їина чте́нїе."
|
|
},
|
|
{
|
|
"type": "TEXT",
|
|
"value": "Т а́кѡ гл҃го́летъ гдⷭ҇ь: и҆зы́детъ же́злъ ѿ ко́рене і҆ссе́ова и҆ цвѣ́тъ ѿ ко́рене є҆гѡ̀ взы́детъ: и҆ почі́етъ на не́мъ дх҃ъ бж҃їй, дх҃ъ мꙋ́дрости и҆ ра́зꙋма, дх҃ъ совѣ́та и҆ крѣ́пости, дх҃ъ вѣ́дѣнїѧ и҆ благоче́стїѧ: дх҃ъ стра́ха бж҃їѧ и҆спо́лнитъ є҆го̀. не по сла́вѣ сꙋ́дитъ, нижѐ по глаго́ланїю ѡ҆бличи́тъ: но сꙋ́дитъ пра́вдою смире́нныхъ сꙋ́дъ, и҆ ѡ҆бличи́тъ пра́востїю сла̑вныѧ землѝ: и҆ порази́тъ зе́млю сло́вомъ ᲂу҆́стъ свои́хъ, и҆ дх҃омъ ᲂу҆сте́нъ ᲂу҆бїе́тъ нечести́ваго. и҆ бꙋ́детъ пра́вдою препоѧ́санъ по чре́слѣхъ свои́хъ, и҆ и҆́стиною ѡ҆бви́тъ по ре́брѡмъ свои̑мъ. тогда̀ пожирꙋ́етъ во́лкъ со а҆́гнцемъ, и҆ ры́сь почі́етъ съ ко́злищемъ, и҆ теле́цъ и҆ ле́въ и҆ ю҆не́цъ вкꙋ́пѣ пожирꙋ́ютъ, и҆ ѻ҆троча̀ ма́ло поведе́тъ и҆̀хъ. теле́цъ и҆ ле́въ вкꙋ́пѣ пасꙋ́тсѧ, и҆ вкꙋ́пѣ ча̑да и҆́хъ бꙋ́дꙋтъ: и҆ ле́въ ꙗ҆́кѡ во́лъ снѣ́сть плє́вы. и҆ ѻ҆троча̀ мла́до на пеще́рꙋ а҆́спїдскꙋ, и҆ на ло́же пле́мене а҆́спїдска рꙋ́кꙋ возложи́тъ. и҆ не сотворѧ́тъ ѕла̀, нижѐ и҆́мꙋтъ погꙋби́ти ни є҆ди́нагѡ же на горѣ̀ ст҃ѣ́й мое́й: зане́же напо́лнисѧ всѧ̀ землѧ̀ позна́ти гдⷭ҇а, ꙗ҆́кѡ водѣ̀ мно́зѣ покры́ти морѧ̀. и҆ бꙋ́детъ въ де́нь ѻ҆́нъ ко́рень і҆ессе́овъ, и҆ возстаѧ́й владѣ́ти ꙗ҆зы́ки: на него̀ ꙗ҆зы́цы ᲂу҆пова́ютъ, и҆ бꙋ́детъ поко́й є҆гѡ̀, че́сть. Ис ́́:́–́о́"
|
|
},
|
|
{
|
|
"type": "HEADER",
|
|
"value": "є҃. Прⷪ҇ро́чества варꙋ́хова чте́нїе."
|
|
},
|
|
{
|
|
"type": "TEXT",
|
|
"value": "С е́й бг҃ъ на́шъ, и҆ не приложи́тсѧ и҆́нъ къ немꙋ̀. и҆з̾ѡбрѣ́те всѧ́къ пꙋ́ть хꙋдо́жества, и҆ дадѐ и҆ і҆а́кѡвꙋ ѻ҆́трокꙋ своемꙋ̀, и҆ і҆и҃лю возлю́бленномꙋ ѿ негѡ̀. посе́мъ же на землѝ ꙗ҆ви́сѧ, и҆ съ человѣ̑ки поживѐ. сїѧ̀ кни́га повелѣ́нїй бж҃їихъ, и҆ зако́нъ сы́й во вѣ́ки: всѝ держа́щїисѧ є҆ѧ̀ въ живо́тъ вни́дꙋтъ, ѡ҆ста́вившїи же ю҆̀ ᲂу҆́мрꙋтъ. ѡ҆брати́сѧ, і҆а́кѡве, и҆ и҆ми́сѧ є҆ѧ̀. поидѝ къ сїѧ́нїю прѧ́мѡ свѣ́та є҆ѧ̀. не да́ждь и҆но́мꙋ сла́вы твоеѧ̀: и҆ поле́зныхъ тебѣ̀ ꙗ҆зы́кꙋ чꙋжде́мꙋ. бл҃же́ни є҆смы̀, і҆и҃лю, ꙗ҆́кѡ ᲂу҆гѡ́днаѧ бг҃ꙋ на́мъ разꙋ́мна сꙋ́ть. Вар ҆:҆̑–҆̾; ҆́:́–҆́"
|
|
},
|
|
{
|
|
"type": "HEADER",
|
|
"value": "ѕ҃. Прⷪ҇ро́чества данїи́лова чте́нїе."
|
|
},
|
|
{
|
|
"type": "TEXT",
|
|
"value": "Р ечѐ данїи́лъ навꙋходоно́сорꙋ: ты̀ царю̀, ви́дѣлъ є҆сѝ, и҆ сѐ ѻ҆́бразъ є҆ди́нъ, ѻ҆́бразъ ѻ҆́ный вели́къ, и҆ ѻ҆бли́чїе є҆гѡ̀ ѻ҆крꙋ́гло, стоѧ́ше предъ лице́мъ твои́мъ, и҆ видѣ́нїе є҆гѡ̀ стра́шно. ѻ҆́бразъ, є҆гѡ́же глава̀ ѿ зла́та чи́ста: рꙋ́цѣ и҆ пе́рси и҆ мы̑шцы є҆гѡ̀ сре́брѧны: чре́во и҆ сте́гны мѣ̑дѧны: го́лєни желѣ̑зны: но́зѣ ча́сть ᲂу҆́бѡ желѣ́зна, и҆ ча́сть нѣ́каѧ скꙋде́льна. ви́дѣлъ є҆сѝ, до́ндеже ѿто́ржесѧ ка́мень ѿ горы̀ безъ рꙋ́къ, и҆ поразѝ ѻ҆́бразъ, на но́ги жєлѣ́зныѧ и҆ скꙋдє́льныѧ, и҆ и҆стнѝ ѧ҆̀ до конца̀. тогда̀ и҆стни́шасѧ во є҆ди́но, скꙋде́ль, желѣ́зо, мѣ́дь, сребро̀, зла́то, и҆ бы́ша ꙗ҆́кѡ пра́хъ ѿ гꙋмна̀ жа́твеннагѡ, и҆ взѧ́тъ ѧ҆̀ мно́жество дꙋхнове́нїѧ, и҆ мѣ́сто не ѡ҆брѣ́тесѧ и҆̀мъ: ка́мень же, порази́вый ѻ҆́бразъ, бы́сть въ го́рꙋ ве́лїю, и҆ и҆спо́лни всю̀ зе́млю. сїѐ є҆́сть со́нїе, и҆ сказа́нїе є҆гѡ̀ рече́мъ предъ царе́мъ: возста́витъ бг҃ъ нбⷭ҇ный црⷭ҇тво, є҆́же во вѣ́ки не и҆стлѣ́етъ, и҆ црⷭ҇тво є҆гѡ̀ лю́демъ и҆ны̑мъ не ѡ҆ста́витсѧ. и҆ и҆стни́тъ и҆ и҆зможди́тъ всѧ̑ ца̑рствїѧ, и҆ то̀ воста́нетъ во вѣ́ки. и҆́мже ѻ҆́бразомъ ви́дѣлъ є҆сѝ, ꙗ҆́кѡ ѿ горы̀ ѿсѣче́сѧ ка́мень безъ рꙋ́къ, и҆ сотры̀ скꙋде́ль, желѣ́зо, мѣ́дь, сребро̀, зла́то. бг҃ъ вели́кїй сказа̀ царю̀, и҆̀мже подоба́етъ бы́ти по си́хъ, и҆ и҆́стинно со́нїе, и҆ вѣ́рно сказа́нїе є҆гѡ̀. Дан ̀:҆́–҆̑, ҆́҆́–҆́҆̀"
|
|
},
|
|
{
|
|
"type": "HEADER",
|
|
"value": "Посе́мъ чте́цъ глаго́летъ тропа́рь се́й, гла́съ ѕ҃:"
|
|
},
|
|
{
|
|
"type": "TEXT",
|
|
"value": "В озсїѧ́лъ є҆сѝ, хрⷭ҇тѐ, ѿ дв҃ы, / разꙋ́мное сл҃нце пра́вды, / и҆ ѕвѣзда́ тѧ показа̀ / въ верте́пѣ вмѣща́ющасѧ невмѣсти́маго. / волхвы̀ наста́вилъ є҆сѝ на поклоне́нїе твоѐ, / съ ни́миже тѧ̀ велича́емъ: / жизнода́вче, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Ли́къ пое́тъ то́йже."
|
|
},
|
|
{
|
|
"type": "TEXT",
|
|
"value": "Чте́цъ, сті́хъ а҃: Гдⷭ҇ь воцр҃и́сѧ, въ лѣ́потꙋ ѡ҆блече́сѧ, ѡ҆блече́сѧ гдⷭ҇ь съ си́лꙋ, и҆ препоѧ́сасѧ: и҆́бо ᲂу҆твердѝ вселе́ннꙋю, ꙗ҆́же не подви́житсѧ. гото́въ престо́лъ тво́й ѿто́лѣ, ѿ вѣ́ка ты̀ є҆сѝ. Пс ж҃̀:́, ̀"
|
|
},
|
|
{
|
|
"type": "TEXT",
|
|
"value": "И҆ посе́мъ ли́къ пое́тъ коне́цъ: Волхвы̀ наста́вилъ є҆сѝ на поклоне́нїе твоѐ, / съ ни́миже тѧ̀ велича́емъ: / жизнода́вче, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Чте́цъ, сті́хъ в҃: Воздвиго́ша рѣ́ки, гдⷭ҇и, воздвиго́ша рѣ́ки гла́сы своѧ̑. во́змꙋтъ рѣ́ки сотрє́нїѧ своѧ̑, ѿ гла́сѡвъ во́дъ мно́гихъ. Пс ж҃̀:҆"
|
|
},
|
|
{
|
|
"type": "TEXT",
|
|
"value": "И҆ па́ки ли́къ пое́тъ: Волхвы̀ наста́вилъ є҆сѝ на поклоне́нїе твоѐ, / съ ни́миже тѧ̀ велича́емъ: / жизнода́вче, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Чте́цъ, сті́хъ г҃: Ди̑вны высѡты̀ морскі̑ѧ, ди́венъ въ высо́кихъ гдⷭ҇ь. свидѣ̑нїѧ твоѧ̑ ᲂу҆вѣ́ришасѧ ѕѣлѡ̀: до́мꙋ твоемꙋ̀ подоба́етъ ст҃ы́нѧ, гдⷭ҇и, въ долготꙋ̀ дні́й. Пс ж҃̀:҆́, ҆̀"
|
|
},
|
|
{
|
|
"type": "TEXT",
|
|
"value": "Ли́къ: Волхвы̀ наста́вилъ є҆сѝ на поклоне́нїе твоѐ, / съ ни́миже тѧ̀ велича́емъ: / жизнода́вче, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Та́же, Сла́ва: пое́тъ ли́къ пра́вый, коне́цъ тропарѧ̀."
|
|
},
|
|
{
|
|
"type": "TEXT",
|
|
"value": "И҆ ны́нѣ: лѣ́вый пое́тъ та́кожде коне́цъ."
|
|
},
|
|
{
|
|
"type": "TEXT",
|
|
"value": "Посе́мъ глаго́летъ чте́цъ тропа́рь: Возсїѧ́лъ є҆сѝ, хрⷭ҇тѐ, ѿ дв҃ы, разꙋ́мное сл҃нце пра́вды, и҆ ѕвѣзда́ тѧ показа̀ въ верте́пѣ вмѣща́ющасѧ невмѣсти́маго."
|
|
},
|
|
{
|
|
"type": "TEXT",
|
|
"value": "И҆ пое́тъ са́мъ коне́цъ є҆гѡ̀: Волхвы̀ наста́вилъ є҆сѝ на поклоне́нїе твоѐ, / съ ни́миже тѧ̀ велича́емъ: / жизнода́вче, сла́ва тебѣ̀."
|
|
},
|
|
{
|
|
"type": "TEXT",
|
|
"value": "И҆ посе́мъ чте́тъ:"
|
|
},
|
|
{
|
|
"type": "HEADER",
|
|
"value": "з҃. Прⷪ҇ро́чества и҆са́їина чте́нїе."
|
|
},
|
|
{
|
|
"type": "TEXT",
|
|
"value": "Ѻ҆ троча̀ роди́сѧ на́мъ, сн҃ъ, и҆ даде́сѧ на́мъ, є҆гѡ́же нача́льство бы́сть на ра́мѣ є҆гѡ̀. и҆ нарица́етсѧ и҆́мѧ є҆гѡ̀, вели́кагѡ совѣ́та а҆́гг҃лъ, чꙋ́денъ совѣ́тникъ, бг҃ъ крѣ́покъ, власти́тель, нача́льникъ ми́ра, ѻ҆ц҃ъ бꙋ́дꙋщагѡ вѣ́ка: приведе́тъ бо ми́ръ на нача́льники, и҆ здра́вїе є҆гѡ̀. и҆ ве́лїе нача́льство є҆гѡ̀, и҆ ми́ра є҆гѡ̀ нѣ́сть предѣ́ла. на престо́лъ дв҃довъ, и҆ на ца́рство є҆гѡ̀, и҆спра́вити є҆̀, и҆ застꙋпи́ти є҆̀ сꙋдьбо́ю и҆ пра́вдою ѿ ны́нѣ и҆ до вѣ́ка. ре́вность гдⷭ҇а саваѡ́ѳа сотвори́тъ сїѧ̑. Ис ж҃:̑–҃"
|
|
},
|
|
{
|
|
"type": "HEADER",
|
|
"value": "и҃. Прⷪ҇ро́чества и҆са́їина чте́нїе."
|
|
},
|
|
{
|
|
"type": "TEXT",
|
|
"value": "П риложѝ гдⷭ҇ь гл҃го́лати ко а҆ха́зꙋ, гл҃го́лѧ: просѝ себѣ̀ зна́менїѧ ᲂу҆ гдⷭ҇а бг҃а твоегѡ̀, во глꙋбинꙋ̀, и҆лѝ въ высотꙋ̀. и҆ речѐ а҆ха́зъ: не и҆́мамъ проси́ти, нижѐ и҆скꙋси́ти гдⷭ҇а. и҆ речѐ и҆са́їа: ᲂу҆слы́шите ᲂу҆̀бо, до́ме дв҃довъ: є҆да̀ ма́лъ ва́мъ трꙋ́дъ даѧ́ти человѣ́кѡмъ, и҆ ка́кѡ гдⷭ҇ꙋ трꙋ́дъ даетѐ; сегѡ̀ ра́ди да́стъ гдⷭ҇ь са́мъ ва́мъ зна́менїе. сѐ дв҃а во чре́вѣ прїи́метъ, и҆ роди́тъ сн҃а, и҆ нарекꙋ́тъ и҆́мѧ є҆гѡ̀ є҆мманꙋ́илъ: ма́сло и҆ ме́дъ и҆́мать снѣ́сти, пре́жде не́же ᲂу҆вѣ́дѣти є҆мꙋ̀, и҆лѝ и҆зво́лити лꙋка́вое, и҆збере́тъ благо́е: занѐ пре́жде не́же разꙋмѣ́ти ѻ҆троча́ти благо́е и҆лѝ ѕло́е, ѿри́нетъ лꙋка̑ваѧ, и҆збере́тъ благо́е. и҆ речѐ гдⷭ҇ь ко мнѣ̀: прїимѝ себѣ̀ сви́токъ но́въ, вели́къ, и҆ напишѝ въ не́мъ писа́ломъ человѣ́ческимъ, є҆́же ско́рѡ плѣне́нїе сотвори́ти коры́стей, настоѧ́тъ бо. и҆ свидѣ́тели мнѣ̀ сотворѝ вѣ́рны человѣ́ки, ᲂу҆рі́ю і҆ере́а, и҆ заха́рїю сы́на варахі́ина. и҆ пристꙋпи́хъ ко прⷪ҇ро́чицѣ, и҆ во чре́вѣ прїѧ́тъ, и҆ родѝ сы́на. и҆ речѐ мнѣ̀ гдⷭ҇ь: нарцы̀ и҆́мѧ є҆мꙋ̀, ско́рѡ плѣнѝ, и҆ напра́снѡ и҆спрове́рзи. занѐ пре́жде не́же разꙋмѣ́ти ѻ҆троча́ти назва́ти ѻ҆тца̀ и҆лѝ ма́терь, прїи́метъ си́лꙋ дама́сковꙋ, и҆ коры̑сти самарі̑йскїѧ, прѧ́мѡ царю̀ а҆сѷрі́йскомꙋ. съ на́ми бг҃ъ, разꙋмѣ́йте ꙗ҆зы́цы, и҆ покарѧ́йтесѧ. ᲂу҆слы́шите да́же до послѣ́днихъ землѝ, могꙋ́щїи покарѧ́йтесѧ: а҆́ще бо па́ки возмо́жете, и҆ па́ки побѣжде́ни бꙋ́дете. и҆ и҆́же а҆́ще совѣ́тъ совѣщава́ете, разори́тъ гдⷭ҇ь: и҆ сло́во, є҆́же а҆́ще возглаго́лете, не пребꙋ́детъ въ ва́съ, ꙗ҆́кѡ съ на́ми бг҃ъ. Ис ҃:́о́–́̑; ̾:́–҆́, ̾–́о́"
|
|
},
|
|
{
|
|
"type": "HEADER",
|
|
"value": "Мѣ́сѧца деке́мврїа въ к҃ѕ-й де́нь. Собо́ръ прест҃ы́ѧ бцⷣы."
|
|
},
|
|
{
|
|
"type": "TEXT",
|
|
"value": "Парємїѝ прест҃ѣ́й бцⷣе"
|
|
},
|
|
{
|
|
"type": "HEADER",
|
|
"value": "Мѣ́сѧца деке́мврїа въ к҃з-й де́нь. Ст҃а́гѡ а҆пⷭ҇ла, первомꙋ́ченика и҆ а҆рхїдїа́кона стефа́на. а҃. Ѿ дѣѧ́нїй ст҃ы́хъ а҆пⷭ҇лъ чте́нїе."
|
|
},
|
|
{
|
|
"type": "TEXT",
|
|
"value": "В о дне́хъ же си́хъ ᲂу҆мно́жившымсѧ ᲂу҆ченикѡ́мъ, бы́сть ропта́нїе є҆́ллинѡмъ ко є҆вре́ємъ, ꙗ҆́кѡ презира́еми быва́хꙋ во вседне́внѣмъ слꙋже́нїи вдови̑цы и҆́хъ. призва́вше же двана́десѧть мно́жество ᲂу҆чени̑къ, рѣ́ша: не ᲂу҆го́дно є҆́сть на́мъ, ѡ҆ста́вльшымъ сло́во бж҃їе, слꙋжи́ти трапе́замъ. ᲂу҆смотри́те ᲂу҆̀бо бра́тїе, мꙋ́жы ѿ ва́съ свидѣ́тельствованы се́дмь, и҆спо́лнены дх҃а ст҃а и҆ премꙋ́дрости, и҆̀хже поста́вимъ над̾ слꙋ́жбою се́ю: мы́ же въ моли́твѣ и҆ слꙋже́нїи сло́ва пребꙋ́демъ. и҆ ᲂу҆го́дно бы́сть сло́во сїѐ пред̾ всѣ́мъ наро́домъ. и҆ и҆збра́ша стефа́на, мꙋ́жа и҆спо́лнена вѣ́ры, и҆ дх҃а ст҃а, и҆ фїлі́ппа, и҆ про́хѡра, и҆ нїкано́ра, и҆ ті́мѡна, и҆ парме́на, и҆ нїкола́а, прише́льца а҆нтїохі́йскаго: ꙗ҆̀же поста́виша пред̾ а҆пⷭ҇лы, и҆ помоли́вшесѧ положи́ша на нѧ̀ рꙋ́ки. и҆ сло́во бж҃їе растѧ́ше, и҆ мно́жашесѧ число̀ ᲂу҆чени̑къ во і҆ерꙋсали́мѣ ѕѣлѡ̀: мно́гъ же наро́дъ свѧще́нникѡвъ послꙋ́шахꙋ вѣ́ры. стефа́нъ же и҆спо́лнь вѣ́ры и҆ си́лы, творѧ́ше зна́мєнїѧ и҆ чꙋдеса̀ вє́лїѧ въ лю́дехъ. воста́ша же нѣ́цыи ѿ со́нма глаго́лемагѡ лїверті́нска, и҆ кѷрине́йска, и҆ а҆леѯа́ндрска, и҆ и҆̀же ѿ кїлїкі́и и҆ а҆сі́и, стѧза́ющесѧ со стефа́номъ: и҆ не можа́хꙋ проти́вꙋ ста́ти премꙋ́дрости и҆ дх҃ꙋ, и҆́мже глаго́лаше. тогда̀ под̾ꙋсти́ша мꙋ́жы, глаго́лющыѧ: ꙗ҆́кѡ слы́шахомъ є҆го̀ глаго́люща глаго́лы хꙋ́льныѧ на мѡѷсе́а и҆ на бг҃а. сподвиго́ша же лю́ди и҆ ста́рцы и҆ кни́жники, и҆ напа́дше восхи́тиша є҆го̀, и҆ приведо́ша на со́нмище. поста́виша же свидѣ́тели ло́жны, глаго́лющыѧ: ꙗ҆́кѡ человѣ́къ се́й не престае́тъ глаго́лы хꙋ́льныѧ глаго́лѧ на мѣ́сто ст҃о́е сїѐ и҆ зако́нъ. слы́шахомъ бо є҆го̀ глаго́люща, ꙗ҆́кѡ і҆и҃съ назѡре́й се́й разори́тъ мѣ́сто сїѐ, и҆ и҆змѣни́тъ ѻ҆бы́чаи, ꙗ҆̀же предадѐ на́мъ мѡѷсе́й. и҆ воззрѣ́вше на́нь всѝ сѣдѧ́щїи въ со́нмищи, ви́дѣша лицѐ є҆гѡ̀, ꙗ҆́кѡ лицѐ а҆́гг҃ла. рече́ же а҆рхїере́й: а҆́ще ᲂу҆́бѡ сїѧ̑ та́кѡ сꙋ́ть; ѻ҆́нъ же речѐ: мꙋ́жїе бра́тїе и҆ ѻ҆ц҃ы̀, послꙋ́шайте: бг҃ъ сла́вы ꙗ҆ви́сѧ ѻ҆ц҃ꙋ̀ на́шемꙋ а҆враа́мꙋ, сꙋ́щꙋ въ месопота́мїи, пре́жде да́же не всели́тисѧ є҆мꙋ̀ въ харра́нь. и҆ речѐ къ немꙋ̀: и҆зы́ди ѿ землѝ твоеѧ̀, и҆ ѿ ро́да твоегѡ̀, и҆ ѿ до́мꙋ ѻ҆ц҃а̀ твоегѡ̀, и҆ прїидѝ въ зе́млю, ю҆́же а҆́ще тѝ покажꙋ̀. тогда̀ и҆зше́дъ ѿ землѝ халде́йскїѧ, всели́сѧ въ харра́нь: и҆ ѿтꙋ́дꙋ, по ᲂу҆ме́ртвїи ѻ҆ц҃а̀ є҆гѡ̀, преселѝ є҆го̀ въ зе́млю сїю̀, на не́йже вы̀ ны́нѣ живетѐ. и҆ не дадѐ є҆мꙋ̀ наслѣ́дїѧ въ не́й, нижѐ стопы̀ нѡ́гꙋ: и҆ ѡ҆бѣща̀ да́ти є҆мꙋ̀ ю҆̀ во ѡ҆держа́нїе, и҆ сѣ́мени є҆гѡ̀ по не́мъ, не сꙋ́щꙋ є҆мꙋ̀ ча́дꙋ. глаго́ла же си́це бг҃ъ: ꙗ҆́кѡ бꙋ́детъ сѣ́мѧ є҆гѡ̀ прише́льцы въ землѝ чꙋжде́й, и҆ порабо́тѧтъ є҆̀ и҆ ѡ҆ѕло́бѧтъ лѣ́тъ четы́реста. и҆ ꙗ҆зы́кꙋ, є҆мꙋ́же порабо́таютъ, сꙋждꙋ̀ а҆́зъ, речѐ бг҃ъ: и҆ по си́хъ и҆зы́дꙋтъ, и҆ послꙋ́жатъ мѝ на мѣ́стѣ се́мъ. и҆ дадѐ є҆мꙋ̀ завѣ́тъ ѡ҆брѣ́занїѧ. и҆ та́кѡ родѝ і҆саа́ка, и҆ ѡ҆брѣ́за є҆го̀ въ де́нь ѻ҆смы́й: и҆ і҆саа́къ і҆а́кѡва, и҆ і҆а́кѡвъ двана́десѧть патрїа̑рхъ. и҆ патрїа́рси позави́дѣвше і҆ѡ́сифꙋ, прода́ша є҆го̀ во є҆гѵ́петъ: и҆ бѣ̀ бг҃ъ съ ни́мъ. и҆ и҆з̾ѧ́тъ є҆го̀ ѿ всѣ́хъ скорбе́й є҆гѡ̀, и҆ дадѐ є҆мꙋ̀ благода́ть и҆ премꙋ́дрость пред̾ фараѡ́номъ царе́мъ є҆гѵ́петскимъ: и҆ поста́ви є҆го̀ нача́льника над̾ є҆гѵ́птомъ, и҆ над̾ всѣ́мъ до́момъ свои́мъ. Деꙗн ̑:́–҃:́о́"
|
|
},
|
|
{
|
|
"type": "HEADER",
|
|
"value": "в҃. Ѿ дѣѧ́нїй ст҃ы́хъ а҆пⷭ҇лъ чте́нїе."
|
|
},
|
|
{
|
|
"type": "TEXT",
|
|
"value": "П рїи́де же гла́дъ на всю̀ зе́млю є҆гѵ́петскꙋю и҆ ханаа́ню, и҆ ско́рбь ве́лїѧ, и҆ не ѡ҆брѣта́хꙋ сы́тости ѻ҆ц҃ы̀ на́ши. слы́шавъ же і҆а́кѡвъ сꙋ́щꙋю пшени́цꙋ во є҆гѵ́птѣ, посла̀ ѻ҆ц҃ы̀ на́шѧ пе́рвѣе. и҆ внегда̀ второ́е прїидо́ша, позна́нъ бы́сть і҆ѡ́сифъ бра́тїи свое́й, и҆ ꙗ҆́вѣ бы́сть фараѡ́нꙋ ро́дъ і҆ѡ́сифовъ. посла́въ же і҆ѡ́сифъ призва̀ ѻ҆ц҃а̀ своего̀ і҆а́кѡва, и҆ всѐ сро́дство своѐ се́дмьдесѧтъ и҆ пѧ́ть дꙋ́шъ. сни́де же і҆а́кѡвъ во є҆гѵ́петъ, и҆ сконча́сѧ са́мъ, и҆ ѻ҆ц҃ы̀ на́ши. и҆ принесе́ни бы́ша въ сѷхе́мъ, и҆ положе́ни бы́ша во гро́бѣ, є҆го́же кꙋпѝ а҆враа́мъ цѣно́ю сребра̀, ѿ сынѡ́въ є҆ммо́ра сѷхе́мова. и҆ ꙗ҆́коже приближа́шесѧ вре́мѧ ѡ҆бѣтова́нїѧ, и҆́мже клѧ́тсѧ бг҃ъ а҆враа́мꙋ, возрасто́ша лю́дїе, и҆ ᲂу҆мно́жишасѧ во є҆гѵ́птѣ: до́ндеже наста̀ ца́рь и҆́нъ во є҆гѵ́птѣ, и҆́же не зна́ше і҆ѡ́сифа. се́й ѕлѣ̀ ᲂу҆мы́сливъ ѡ҆ ро́дѣ на́шемъ, ѡ҆ѕло́би ѻ҆ц҃ы̀ на́шѧ, ᲂу҆мори́ти младе́нцы и҆́хъ, и҆ не ѡ҆живи́ти. въ не́же вре́мѧ роди́сѧ мѡѷсе́й, и҆ бѣ̀ ᲂу҆го́денъ бг҃ови, и҆́же пита́нъ бы́сть мѣ́сѧцы трѝ въ домꙋ̀ ѻ҆ц҃а̀ своегѡ̀. и҆зве́ржена же є҆го̀, взѧ́тъ є҆го̀ дщѝ фараѡ́нова, и҆ воспита̀ и҆̀ себѣ̀ въ сы́на. и҆ нака́занъ бы́сть мѡѷсе́й все́й премꙋ́дрости є҆гѵ́петстѣй: бѣ́ же си́ленъ въ словесѣ́хъ и҆ дѣ́лѣхъ. є҆гда́ же и҆сполнѧ́шесѧ є҆мꙋ̀ лѣ́тъ четы́редесѧтихъ вре́мѧ, взы́де на се́рдце є҆мꙋ̀ посѣти́ти бра́тїю свою̀, сы́ны і҆и҃левы. и҆ ви́дѣвъ нѣ́коего ѡ҆би́дима, посо́бствова, и҆ сотворѝ ѿмще́нїе ѡ҆би́димомꙋ, ᲂу҆би́въ є҆гѵ́птѧнина. мнѧ́ше же разꙋмѣ́ти бра́тїѧмъ свои́мъ, ꙗ҆́кѡ бг҃ъ рꙋко́ю є҆гѡ̀ да́стъ и҆̀мъ спасе́нїе: ѻ҆ни́ же не разꙋмѣ́ша. во ᲂу҆́трїй же де́нь ꙗ҆ви́сѧ и҆̀мъ тѧ́жꙋщымсѧ, и҆ привлача́ше и҆̀хъ въ примире́нїе, ре́къ: мꙋ́жїе, бра́тїѧ є҆стѐ вы̀, вскꙋ́ю ѡ҆би́дите дрꙋ́гъ дрꙋ́га; ѡ҆би́дѧй же бли́жнѧго, ѿри́нꙋ и҆̀, ре́къ: кто́ тѧ поста́ви кнѧ́зѧ и҆ сꙋдїю̀ над̾ на́ми; є҆да̀ ᲂу҆би́ти мѧ̀ ты̀ хо́щеши, и҆́мже ѻ҆́бразомъ ᲂу҆би́лъ є҆сѝ вчера̀ є҆гѵ́птѧнина; бѣжа́ же мѡѷсе́й ѡ҆ словесѝ се́мъ, и҆ бы́сть пришле́цъ въ землѝ мадїа́мстѣй, и҆дѣ́же родѝ сы́на два̀. и҆ и҆спо́лньшымсѧ лѣ́тѡмъ четы́редесѧтимъ, ꙗ҆ви́сѧ є҆мꙋ̀ въ пꙋсты́ни горы̀ сїна́йскїѧ а҆́гг҃лъ гдⷭ҇нь, въ пла́мени ѻ҆́гненнѣ въ кꙋпинѣ̀. мѡѷсе́й же ви́дѣвъ дивлѧ́шесѧ видѣ́нїю. пристꙋпа́ющꙋ же є҆мꙋ̀ разꙋмѣ́ти, бы́сть гла́съ гдⷭ҇нь къ немꙋ̀: а҆́зъ бг҃ъ ѻ҆тє́цъ твои́хъ, бг҃ъ а҆враа́мовъ, и҆ бг҃ъ і҆саа́ковъ, и҆ бг҃ъ і҆а́кѡвль. тре́петенъ же бы́въ мѡѷсе́й, не смѣ́ѧше смотри́ти. рече́ же є҆мꙋ̀ гдⷭ҇ь: и҆ззꙋ́й сапогѝ нѡ́гꙋ твое́ю, мѣ́сто бо на не́мже стои́ши, землѧ̀ ст҃а̀ є҆́сть. ви́дѧ ви́дѣхъ ѡ҆ѕлобле́нїе люде́й мои́хъ, и҆̀же во є҆гѵ́птѣ, и҆ стена́нїе и҆́хъ ᲂу҆слы́шахъ, и҆ снидо́хъ и҆з̾ѧ́ти и҆̀хъ: и҆ ны́нѣ грѧдѝ, и҆ послю́ тѧ во є҆гѵ́петъ. сего̀ мѡѷсе́а, є҆го́же ѿри́нꙋша, ре́кше: кто́ тѧ поста́ви нача́льника и҆ сꙋдїю̀; сего̀ бг҃ъ кнѧ́зѧ и҆ и҆зба́вителѧ посла̀ рꙋко́ю а҆́гг҃ла, ꙗ҆́вльшагѡсѧ є҆мꙋ̀ въ кꙋпинѣ̀. Деꙗн ҃:́́–҆҆̀"
|
|
},
|
|
{
|
|
"type": "HEADER",
|
|
"value": "г҃. Ѿ дѣѧ́нїй ст҃ы́хъ а҆пⷭ҇лъ чте́нїе."
|
|
},
|
|
{
|
|
"type": "TEXT",
|
|
"value": "С е́й и҆зведѐ и҆̀хъ, сотво́рь чꙋдеса̀ и҆ зна́мєнїѧ въ землѝ є҆гѵ́петстѣй, и҆ въ чермно́мъ мо́ри, и҆ въ пꙋсты́ни лѣ́тъ четы́редесѧть. се́й є҆́сть мѡѷсе́й, рекі́й сынѡ́мъ і҆и҃левымъ: прⷪ҇ро́ка ва́мъ воздви́гнетъ гдⷭ҇ь бг҃ъ ва́шъ ѿ бра́тїи ва́шеѧ, ꙗ҆́кѡ менѐ: тогѡ̀ послꙋ́шайте. се́й є҆́сть бы́вый въ цр҃кви въ пꙋсты́ни со а҆́гг҃ломъ глаго́лавшимъ є҆мꙋ̀ на горѣ̀ сїна́йстѣй, и҆ со ѻ҆ц҃ы̀ на́шими, и҆́же прїѧ́тъ словеса̀ жи́ва да́ти на́мъ. є҆гѡ́же не восхотѣ́ша послꙋ́шати ѻ҆ц҃ы̀ на́ши, но ѿри́нꙋша и҆̀, и҆ ѡ҆брати́шасѧ се́рдцемъ свои́мъ во є҆гѵ́петъ, ре́кше а҆арѡ́нꙋ: сотворѝ на́мъ бо́ги, и҆̀же пред̾и́дꙋтъ пред̾ на́ми: мѡѷсе́ю бо семꙋ̀, и҆́же и҆зведѐ на́съ ѿ землѝ є҆гѵ́петскїѧ, не вѣ́мы, что̀ бы́сть є҆мꙋ̀. и҆ сотвори́ша тельца̀ во днѝ ѻ҆́ны, и҆ принесо́ша же́ртвꙋ і҆́дѡлꙋ, и҆ веселѧ́хꙋсѧ въ дѣ́лѣхъ рꙋкꙋ̀ свое́ю. ѿврати́сѧ же бг҃ъ, и҆ предадѐ и҆̀хъ слꙋжи́ти во́ємъ нбⷭ҇нымъ, ꙗ҆́коже пи́сано є҆́сть въ кни́зѣ прⷪ҇рѡ́къ: є҆да̀ заколє́нїѧ и҆ жє́ртвы принесо́сте мѝ лѣ́тъ четы́редесѧть въ пꙋсты́ни, до́ме і҆и҃левъ; и҆ воспрїѧ́сте ски́нїю моло́ховꙋ, и҆ ѕвѣздꙋ̀ бо́га ва́шегѡ ремфа́на, ѻ҆́бразы ꙗ҆̀же сотвори́сте покланѧ́тисѧ и҆̀мъ: и҆ преселю̀ вы̀ да́лѣе вавѷлѡ́на. сѣ́нь свидѣ́нїѧ бѧ́ше ѻ҆ц҃є́мъ на́шымъ въ пꙋсты́ни, ꙗ҆́коже повелѣ̀ глаго́лѧй мѡѷсе́ови, сотвори́ти ю҆̀ по ѻ҆́бразꙋ, є҆го́же ви́дѣ. ю҆́же и҆ внесо́ша прїе́мше ѻ҆тцы̀ на́ши со і҆исꙋ́сомъ во ѡ҆держа́нїе ꙗ҆зы́кѡвъ, и҆̀хже и҆зри́нꙋ бг҃ъ ѿ лица̀ ѻ҆тє́цъ на́шихъ, да́же до дні́й дв҃да: и҆́же ѡ҆брѣ́те бл҃года́ть пред̾ бг҃омъ, и҆ и҆спросѝ ѡ҆брѣстѝ селе́нїе бг҃ꙋ і҆а́кѡвлю. соломѡ́нъ же созда̀ є҆мꙋ̀ хра́мъ. но вы́шнїй не въ рꙋкотворе́нныхъ цр҃квахъ живе́тъ, ꙗ҆́коже проро́къ глаго́летъ: нб҃о мнѣ̀ престо́лъ є҆́сть, землѧ́ же подно́жїе нога́ма мои́ма. кі́й хра́мъ сози́ждете мѝ, глаго́летъ гдⷭ҇ь, и҆лѝ ко́е мѣ́сто поко́ищꙋ моемꙋ̀; не рꙋка́ ли моѧ̀ сотворѝ сїѧ̑ всѧ̑; жестоковы́йнїи и҆ неѡбрѣ́заннїи сердцы̀ и҆ ᲂу҆шесы̀, вы̀ при́снѡ дх҃ꙋ ст҃о́мꙋ проти́витесѧ, ꙗ҆́коже ѻ҆ц҃ы̀ ва́ши, та́кѡ и҆ вы̀. кого̀ ѿ прорѡ́къ не и҆згна́ша ѻ҆ц҃ы̀ ва́ши; и҆ ᲂу҆би́ша предвозвѣсти́вшыѧ ѡ҆ прише́ствїи пра́веднагѡ, є҆гѡ́же вы̀ ны́нѣ преда́телє и҆ ᲂу҆бі́йцы бы́сте: и҆̀же прїѧ́сте зако́нъ ᲂу҆строе́нїемъ а҆́гг҃льскимъ, и҆ не сохрани́сте. слы́шаще же сїѧ̑, распыха́хꙋсѧ сердцы̀ свои́ми, и҆ скрежета́хꙋ зꙋбы̀ на́нь. стефа́нъ же сы́й и҆спо́лнь дх҃а ст҃а, воззрѣ́въ на не́бо, ви́дѣ сла́вꙋ бж҃їю, и҆ і҆и҃са стоѧ́ща ѡ҆деснꙋ́ю бг҃а, и҆ речѐ: сѐ ви́жꙋ нб҃са̀ ѿве́рста, и҆ сн҃а человѣ́ча ѡ҆деснꙋ́ю стоѧ́ща бг҃а. возопи́вше же гла́сомъ ве́лїимъ, затыка́хꙋ ᲂу҆́ши своѝ, и҆ ᲂу҆стреми́шасѧ є҆динодꙋ́шнѡ на́нь. и҆ и҆зве́дше внѣ̀ гра́да, ка́менїемъ побива́хꙋ є҆го̀: и҆ свидѣ́телїе, сне́мше ри̑зы своѧ̀, положи́ша при ногꙋ̀ ю҆́ноши нарица́емагѡ са́ѵла: и҆ ка́менїемъ побива́хꙋ стефа́на, молѧ́щасѧ и҆ глаго́люща: гдⷭ҇и і҆и҃се, прїимѝ дꙋ́хъ мо́й. прекло́нь же колѣ̑на, возопѝ гла́сомъ ве́лїимъ: гдⷭ҇и, не поста́ви и҆̀мъ грѣха̀ сегѡ̀. и҆ сїѧ̑ ре́къ ᲂу҆́спе. Деꙗн ҃:҆̑–̑о́"
|
|
}
|
|
] |