1 line
2.1 KiB
JSON
1 line
2.1 KiB
JSON
[{"type":"HEADER","value":"мл҃тва вели́кагѡ васі́лїа"},{"type":"TEXT","value":"Бж҃е и҆ гдⷭ҇и си́лъ, и҆ всеѧ̀ тва́ри содѣ́телю, и҆́же \nза млⷭ҇рдїе безприкла́дныѧ млⷭ҇ти твоеѧ̀, є҆диноро́днаго \nсн҃а твоего̀ гдⷭ҇а на́шего і҆и҃са хрⷭ҇та̀ низпосла́вый на \nсп҃се́нїе ро́да на́шегѡ: и҆ чⷭ҇тны́мъ є҆гѡ̀ крⷭ҇то́мъ \nрꙋкописа́нїе грѣ̑хъ на́шихъ растерза́вый, и҆ побѣди́вый \nтѣ́мъ нача̑ла и҆ вла̑сти тьмы̀: са́мъ влⷣко \nчл҃вѣколю́бче, прїимѝ и҆ на́съ грѣ́шныхъ \nбл҃года̑рственныѧ сїѧ̑ и҆ молє́бныѧ мл҃твы, и҆ и҆зба́ви \nна́съ ѿ всѧ́кагѡ всегꙋби́тельнагѡ и҆ мра́чнагѡ \nпрегрѣше́нїѧ, и҆ всѣ́хъ ѡ҆ѕло́бити на́съ и҆́щꙋщихъ, \nви́димыхъ и҆ неви́димыхъ вра̑гъ. пригвоздѝ стра́хꙋ \nтвоемꙋ̀ плѡ́ти на́шѧ, и҆ не ѹ҆клонѝ серде́цъ на́шихъ \nвъ словеса̀ и҆лѝ помышлє́нїѧ лꙋка́вствїѧ: но любо́вїю \nтвое́ю ѹ҆ѧзвѝ дꙋ́шы на́шѧ, да къ тебѣ̀ всегда̀ \nвзира́юще, и҆ є҆́же ѡ҆ тебѐ свѣ́томъ наставлѧ́еми, \nтебѐ непристꙋ́пнаго и҆ присносꙋ́щнаго зрѧ́ще свѣ́та, \nнепреста́нное тебѐ и҆сповѣ́данїе и҆ бл҃годаре́нїе \nвозсыла́емъ, безнача́льномꙋ ѻ҆ц҃ꙋ̀ со є҆диноро́днымъ \nтвои́мъ сн҃омъ, и҆ всест҃ы́мъ, и҆ бл҃ги́мъ, и҆ \nживотворѧ́щимъ твои́мъ дх҃омъ, ны́нѣ и҆ при́снѡ, и҆ во \nвѣ́ки вѣкѡ́въ, а҆ми́нь."}] |