658 lines
67 KiB
JSON
658 lines
67 KiB
JSON
[
|
|
{
|
|
"type": "HEADER",
|
|
"value": "Септе́мврїа к҃ѕ"
|
|
},
|
|
{
|
|
"type": "HEADER",
|
|
"value": "И҆́же во ст҃ы́хъ ѻ҆ц҃а̀ на́шегѡ свѧти́телѧ тѵ́хѡна, патрїа́рха всерѡссі́йскагѡ."
|
|
},
|
|
{
|
|
"type": "HEADER",
|
|
"value": "На вели́цѣй вече́рни: Бл҃же́нъ мꙋ́жъ: а҃-й а҆нтїфѡ́нъ. На Гдⷭ҇и, воззва́хъ: стїхи̑ры, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Землѧ̀ пско́вскаѧ просла́висѧ, ꙗ҆́кѡ въ ма́лѣмъ селе́нїи кли́нѣ ѿ благочести́вагѡ ко́рене пло́дъ благокра́сенъ прозѧбѐ, васі́лїй, ѻ҆троча̀ благонра́вное, ст҃и́телю вели́комꙋ тезоимени́тое. Въ се́мъ же и҆́мени ве́лїй, ꙗ҆́кѡ црⷭ҇твенный, пꙋ́ть є҆мꙋ̀ преднарече́сѧ."
|
|
},
|
|
{
|
|
"type": "TEXT",
|
|
"value": "Благочести́вый і҆ере́й і҆ѡа́ннъ, ѻ҆те́цъ тво́й, ст҃и́телю, ѿкрове́нїѧ ди́внагѡ сподо́бисѧ, є҆гда̀ ма́ти є҆гѡ̀ почи́вшаѧ во снѣ̀ є҆мꙋ̀ ꙗ҆ви́сѧ и҆ тѧ̀, є҆щѐ тѝ ѻ҆́трокꙋ сꙋ́щꙋ, є҆ди́нагѡ ѿ трїе́хъ бра́тїй вели́ка преднаречѐ."
|
|
},
|
|
{
|
|
"type": "TEXT",
|
|
"value": "И҆змла́да цр҃ковь бж҃їю возлюби́въ и҆ благоче́стїѧ вожделѣ́въ, ст҃е, въ дх҃о́внѣмъ вертогра́дѣ во сло́вѣ бж҃їи, ѻ҆ч҃ескихъ и҆ благочести́выхъ писа́нїихъ нача́тъ поꙋча́тисѧ."
|
|
},
|
|
{
|
|
"type": "TEXT",
|
|
"value": "Что̀ ᲂу҆́бѡ сотворю̀, кі́имъ ѻ҆́бразомъ житїѧ̀ моегѡ̀ тебѣ̀, влⷣцѣ и҆ бг҃ꙋ, до́брѣ послꙋжꙋ̀, кі́ими по́двиги, тебѣ̀ содѣ́йствꙋющꙋ, дꙋ́шꙋ мою̀ ѿ грѣ̑хъ ѡ҆чи́щꙋ; въ мѣ́рꙋ во́зраста прише́дъ, сле́знѡ взыва́лъ є҆сѝ ко гдⷭ҇ꙋ, бл҃же́ннѣ тѵ́хѡне."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Пꙋ́ть двⷭ҇тва, нищеты̀, своеѧ̀ вѡ́ли ѿсѣче́нїѧ и҆збра́лъ є҆сѝ, бл҃же́нне, и҆́ноческое постриже́нїе прїи́мъ, въ не́мже и҆́менемъ тѵ́хѡнъ нарече́нъ бѣ̀, да пꙋте́мъ благоче́стїѧ ст҃и́телѧ задо́нскагѡ ше́ствꙋеши."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Цр҃ь нбⷭ҇ный за чл҃вѣколю́бїе на землѝ ꙗ҆ви́сѧ, и҆ съ человѣ́ки поживѐ: ѿ дв҃ы бо чⷭ҇тыѧ пло́ть прїе́мый, и҆ и҆з̾ неѧ̀ проше́дый съ воспрїѧ́тїемъ: є҆ди́нъ є҆́сть сн҃ъ, сꙋгꙋ́бъ є҆стество́мъ, но не ѵ҆поста́сїю. Тѣ́мже соверше́нна того̀ бг҃а, и҆ соверше́нна чл҃вѣ́ка вои́стиннꙋ проповѣ́дающе, и҆сповѣ́дꙋемъ хрⷭ҇та̀ бг҃а на́шего: є҆го́же молѝ мт҃и безневѣ́стнаѧ, поми́ловатисѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. Чтє́нїѧ г҃."
|
|
},
|
|
{
|
|
"type": "HEADER",
|
|
"value": "При́тчей чте́нїе."
|
|
},
|
|
{
|
|
"type": "TEXT",
|
|
"value": "Па́мѧть пра́веднагѡ съ похвала́ми, и҆ бл҃гослове́нїе гдⷭ҇не на главѣ̀ є҆гѡ̀. Бл҃же́нъ чл҃вѣ́къ, и҆́же ѡ҆брѣ́те премꙋ́дрость: и҆ сме́ртенъ, и҆́же ᲂу҆вѣ́дѣ ра́зꙋмъ. Лꙋ́чше бо сїю̀ кꙋпова́ти, не́жели зла́та и҆ сребра̀ сокрѡ́вища. Честнѣ́йшаѧ же є҆́сть ка́менїй многоцѣ́нныхъ: все́ же честно́е недосто́йно є҆ѧ̀ є҆́сть. Долгота́ бо дне́й, и҆ лѣ̑та живота̀ въ десни́це є҆ѧ̀: въ шꙋ́йцѣ же є҆ѧ̀ бога́тство и҆ сла́ва. Ѿ ᲂу҆́стъ є҆ѧ̀ и҆схо́дитъ пра́вда, закѡ́нъ же и҆ ми́лость на ѧ҆зы́цѣ но́ситъ. Послꙋ́шайте ᲂу҆̀бо менѐ, ѡ҆ ча̑да, честна̑ѧ бо рекꙋ̀: и҆ бл҃же́нъ чл҃вѣ́къ, и҆́же пꙋти̑ моѧ̑ сохрани́тъ: и҆схо́ди бо моѝ, и҆схо́ди живота̀, и҆ ᲂу҆готовлѧ́етсѧ хотѣ́нїе ѿ гдⷭ҇а. Сегѡ̀ ра́ди молю̀ ва́съ, и҆ предлага́ю мо́й гла́съ сыновѡ́мъ человѣ́чєскимъ: ꙗ҆́кѡ а҆́зъ премꙋ́дрость ᲂу҆стро́ихъ, совѣ́тъ и҆ ра́зꙋмъ и҆ смы́слъ а҆́зъ призва́хъ. Мо́й совѣ́тъ и҆ ᲂу҆твержде́нїе, мо́й ра́зꙋмъ, моѧ́ же крѣ́пость. А҆́зъ менѐ лю́бѧщыѧ люблю̀, и҆́щꙋщїи же менѐ ѡ҆брѧ́щꙋтъ блгⷣть. Разꙋмѣ́йте ᲂу҆́бѡ неѕло́бивїи кова́рство, ненака́заннїи же, прилага́йте сердца̀. Послꙋ́шайте менѐ и҆ па́ки, честна̑ѧ бо рекꙋ̀: и҆ ѿве́рзꙋ ѿ ᲂу҆сте́нъ пра̑ваѧ, ꙗ҆́кѡ и҆́стинѣ поꙋчи́тсѧ горта́нь мо́й, мє́рзки же предо мно́ю ᲂу҆стны̀ лжи̑выѧ. Съ пра́вдою всѝ глагѡ́лы ᲂу҆́стъ мои́хъ: ничто́же въ ни́хъ стро́потно, нижѐ развраще́нно. Всѧ̑ пра̑ва сꙋ́ть разꙋмѣва́ющымъ, и҆ прѡ́ста ѡ҆брѣта́ющымъ ра́зꙋмъ. Наꙋча́ю бо ва́съ и҆́стинѣ, да бꙋ́детъ ѡ҆ гдⷭ҇ѣ наде́жда ва́ша, и҆ и҆спо́лнитесѧ дх҃а."
|
|
},
|
|
{
|
|
"type": "HEADER",
|
|
"value": "При́тчей чте́нїе."
|
|
},
|
|
{
|
|
"type": "TEXT",
|
|
"value": "Оу҆ста̀ пра́веднагѡ ка́плютъ премꙋ́дрость, ѧ҆зы́къ же непра́веднагѡ поги́бнетъ. Оу҆стнѣ̀ мꙋже́й првⷣныхъ ка́плютъ благода̑ти, ᲂу҆ста́ же нечести́выхъ развраща́ютсѧ. Мѣ̑рила льсти̑ваѧ, ме́рзость пред̾ господє́мъ, вѣ́съ же пра́ведный прїѧ́тенъ є҆мꙋ̀. И҆дѣ́же а҆́ще вни́детъ досажде́нїе, та́мо и҆ безче́стїе: ᲂу҆ста́ же смире́нныхъ поꙋча́ютсѧ премꙋ́дрѡсти. Соверше́нїе пра́выхъ наста́витъ и҆̀хъ, и҆ поползнове́нїе ѿрица́ющихсѧ ᲂу҆пасе́тъ и҆̀хъ. Не по́льзꙋютъ и҆мѣ̑нїѧ въ де́нь ꙗ҆́рости, пра́вда же и҆зба́витъ ѿ смє́рти. Оу҆́меръ пра́ведный, ѡ҆ста́ви раска́ѧнїе: нарꙋ́чна же быва́етъ и҆ посмѣѧ́тельна нечести́выхъ па́гꙋба. Пра́вда непоро́чнагѡ и҆справлѧ́етъ пꙋти̑, въ нече́стїе же па́даетъ непра́вда. Пра́вда мꙋже́й пра́выхъ и҆зба́витъ и҆̀хъ: безсовѣ́тїемъ же плѣнѧ́ютсѧ беззако́ннїи. Сконча́вшꙋсѧ мꙋ́жꙋ пра́веднꙋ, не поги́бнетъ наде́жда: похвала́ же нечести́выхъ поги́бнетъ. Првⷣникъ ѿ ло́ва ᲂу҆бѣ́гнетъ, въ негѡ́же мѣ́сто предае́тсѧ нечести́вый. Во ᲂу҆стѣ́хъ нечести́выхъ сѣ́ть гра́жданѡмъ, чꙋ́вство же првⷣныхъ бл҃госпѣ́шное. Во бл҃ги́хъ првⷣныхъ и҆спра́витсѧ гра́дъ, и҆ въ поги́бели нечести́выхъ ра́дованїе. Во благослове́нїи пра́выхъ возвы́ситсѧ гра́дъ, ᲂу҆сты́ же нечести́выхъ раскопа́етсѧ. Рꙋга́етсѧ гра́жданѡмъ лише́нный ра́зꙋма, мꙋ́жъ же мꙋ́дрый безмо́лвїе во́дитъ."
|
|
},
|
|
{
|
|
"type": "HEADER",
|
|
"value": "Премꙋ́дрѡсти соломѡ́ни чте́нїе."
|
|
},
|
|
{
|
|
"type": "TEXT",
|
|
"value": "Пра́ведникъ а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: Сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости житїѐ нескве́рное. Бл҃гоꙋго́денъ бг҃ови бы́въ, возлю́бленъ бы́сть, и҆ жи́вый посредѣ̀ грѣ̑шникъ преста́вленъ бы́сть: Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ: Сконча́всѧ вма́лѣ и҆спо́лни лѣ́та дѡ́лга: Оу҆гѡ́дна бо бѣ̀ гдⷭ҇еви дꙋша̀ є҆гѡ̀, сегѡ̀ ра́ди потща́сѧ ѿ сре́ды лꙋка́вствїѧ. Лю́дїе же ви́дѣвше, и҆ не разꙋмѣ́вше, нижѐ поло́жше въ помышлє́нїи таково́е, ꙗ҆́кѡ бл҃года́ть и҆ ми́лость въ прпⷣбныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры, гла́съ г҃:"
|
|
},
|
|
{
|
|
"type": "TEXT",
|
|
"value": "Во гра́дѣ торопцѣ̀, во хра́ме бж҃їи, и҆дѣ́же роди́тель тво́й слꙋжа́ше, благоче́стїю въ ю҆́ныхъ лѣ́тѣхъ поꙋча́лсѧ є҆сѝ, ст҃и́телю."
|
|
},
|
|
{
|
|
"type": "TEXT",
|
|
"value": "Ти́хъ нра́вомъ, кро́токъ и҆ смире́нъ срⷣцемъ вои́стинꙋ пред̾ бг҃омъ и҆ людьмѝ ꙗ҆ви́лсѧ є҆сѝ, и҆́го хрⷭ҇то́во чре́зъ всѐ житїѐ до́брѣ пронесы́й, во ѻ҆би́телехъ нбⷭ҇ныхъ ᲂу҆поко́илсѧ є҆сѝ, бл҃же́нне: моли́сѧ ны́нѣ и҆ ѡ҆ на́съ, да и҆ мы̀ на зе́мли до́брѣ пожи́вше, црⷭ҇твїѧ бж҃їѧ наслѣ́дницы бы́ти сподо́бимсѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Бг҃ъ тѧ̀ возвели́чи, ст҃и́телю ѻ҆́ч҃е тѵ́хѡне, первоїера́рха цр҃кве своеѧ̀ поста́вивъ, ты́ же жре́бїй слꙋже́нїѧ сегѡ̀ ꙗ҆́кѡ во́лю благꙋ́ю є҆гѡ̀ воспрїи́мъ, въ первост҃и́тельстѣмъ по́двизѣ твое́мъ при́снѡ ревнова́лъ є҆сѝ ѡ҆ сла́вѣ ѻ҆ц҃а̀ и҆ сн҃а и҆ ст҃а́го дх҃а, трⷪ҇цы є҆диносꙋ́щныѧ и҆ нераздѣ́льныѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Къ тебѣ̀, ѡ҆ бг҃ома́ти, всѝ ны́нѣ сле́знѡ взыва́емъ: вонмѝ предста́тельствꙋ ст҃и́телѧ тѵ́хѡна ѡ҆ на́съ и҆ сн҃ꙋ твоемꙋ̀ моли̑твы вознесѝ ѡ҆ спасе́нїи дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃:"
|
|
},
|
|
{
|
|
"type": "TEXT",
|
|
"value": "Ꙗ҆́коже свѣща̀ на свѣ́щницѣ свѣ́титъ всѣ̑мъ, та́кѡ ты̀ благоче́стїемъ сїѧ́ѧ, бл҃же́нне, поста́вленъ бы́сть гдⷭ҇емъ во є҆пⷭ҇кпа зе́мли хо́лмскїѧ, да свѣ́тѡмъ хрⷭ҇то́ва ᲂу҆че́нїѧ ѡ҆сїѧва́еши лю́ди, въ не́й живꙋ́щыѧ."
|
|
},
|
|
{
|
|
"type": "TEXT",
|
|
"value": "Сті́хъ: Оу҆ста̀ моѧ̑ возглаго́лютъ премꙋ́дрость, и҆ поꙋче́нїе се́рдца моегѡ̀ ра́зꙋмъ."
|
|
},
|
|
{
|
|
"type": "TEXT",
|
|
"value": "Бг҃ъ благословѝ и҆ ѡ҆свѧтѝ тѧ̀, землѐ а҆мерика́нскаѧ, правосла́внымъ бо лю́демъ твои̑мъ, во ѡ҆гра́дѣ рѡссі́йскїѧ цр҃кве сꙋ́щимъ, бл҃же́ннагѡ тѵ́хѡна є҆пⷭ҇кпа дадѐ, то́й мно́гими хра̑мы лицѐ твоѐ ᲂу҆красѝ, и҆ ꙗ҆́кѡ бг҃омꙋ́дрый сщ҃еннонача́льникъ па́ствꙋ свою̀ ко хрⷭ҇тꙋ̀ приведѐ."
|
|
},
|
|
{
|
|
"type": "TEXT",
|
|
"value": "Сті́хъ: Благовѣсти́хъ пра́вдꙋ, въ цр҃кви вели́цѣй."
|
|
},
|
|
{
|
|
"type": "TEXT",
|
|
"value": "Ст҃і́и всѝ зе́мли ꙗ҆росла́вскїѧ, срѣта́йте і҆ера́рха до́бра, тѵ́хѡна бл҃же́ннагѡ, то́й бо, ꙗ҆́коже и҆ вы̀, мнѡ́гїѧ трꙋды̀ здѣ̀ понесѐ, и҆ ны́нѣ тщи́тсѧ вкꙋ́пѣ съ ва́ми моли́тисѧ хрⷭ҇тꙋ̀ бг҃ꙋ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ д҃:"
|
|
},
|
|
{
|
|
"type": "TEXT",
|
|
"value": "Землѧ̀ лито́вскаѧ просла́висѧ прише́ствїемъ твои́мъ, бл҃же́нне, лю́дїе же правосла́внїи, въ не́й сꙋ́щїи, ꙗ҆́кѡ свѣти́льника вѣ́ры и҆ благоче́стїѧ тѧ̀ прїѧ́ша, и҆ въ поклоне́нїи трїеди́номꙋ бг҃ꙋ тобо́ю ᲂу҆тверди́шасѧ, ст҃и́тельскїй же ѡ҆мофо́ръ тво́й, наде́жный покро́въ и҆ защи́та ѿ ѕлы́хъ ѡ҆бстоѧ́нїй тѣ́мъ ꙗ҆ви́сѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "При́зри на молє́нїѧ твои́хъ ра̑бъ всенепоро́чнаѧ, ᲂу҆толѧ́ющи лю̑таѧ на ны̀ воста̑нїѧ, всѧ́кїѧ ско́рби на́съ и҆змѣнѧ́ющи: тѧ́ бо є҆ди́нꙋ тве́рдое и҆ и҆звѣ́стное ᲂу҆твержде́нїе и҆́мамы, и҆ твоѐ предста́тельство стѧжа́хомъ. Да не постыди́мсѧ влⷣчце, тѧ̀ призыва́ющїи, потщи́сѧ на ᲂу҆моле́нїе, тебѣ̀ вѣ́рнѡ вопїю́щихъ: ра́дꙋйсѧ влⷣчце, всѣ́хъ по́моще, ра́досте и҆ покро́ве, и҆ сп҃се́нїе дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ а҃:"
|
|
},
|
|
{
|
|
"type": "TEXT",
|
|
"value": "А҆пⷭ҇льскихъ преда́нїй ревни́телѧ и҆ хрⷭ҇то́вы цр҃кве па́стырѧ до́браго, дꙋ́шꙋ свою̀ за ѻ҆́вцы положи́вшаго, жре́бїемъ бж҃їимъ и҆збра́ннаго всерѡссі́йскагѡ патрїа́рха тѵ́хѡна восхва́лимъ, и҆ къ немꙋ̀ съ вѣ́рою и҆ ᲂу҆пова́нїемъ возопїи́мъ: предста́тельствомъ ст҃и́тельскимъ ко гдⷭ҇ꙋ цр҃ковь рꙋ́сскꙋю въ тишинѣ̀ соблюдѝ, расточє́ннаѧ ча̑да є҆ѧ̀ во є҆ди́но ста́до соберѝ, ѿстꙋпи́вшыѧ ѿ пра́выѧ вѣ́ры къ покаѧ́нїю ѡ҆братѝ, странꙋ̀ на́шꙋ ѿ междоꙋсо́бныѧ бра́ни сохранѝ, и҆ ми́ръ бж҃їй лю́демъ и҆спросѝ."
|
|
},
|
|
{
|
|
"type": "HEADER",
|
|
"value": "На ᲂу҆́трєни, на Бг҃ъ гдⷭ҇ь: тропа́рь ст҃а́гѡ два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ, гла́съ а҃:"
|
|
},
|
|
{
|
|
"type": "TEXT",
|
|
"value": "Гаврїи́лꙋ вѣща́вшꙋ тебѣ̀ дв҃о, ра́дꙋйсѧ, со стра́хомъ воплоща́шесѧ всѣ́хъ влⷣка, въ тебѣ̀ ст҃ѣ́мъ кївѡ́тѣ, ꙗ҆́коже речѐ првⷣный дв҃дъ: ꙗ҆ви́ласѧ є҆сѝ ши́ршаѧ нб҃съ, поноси́вши зижди́телѧ твоего̀. Сла́ва все́льшемꙋсѧ въ тѧ̀: сла́ва проше́дшемꙋ и҆з̾ тебє̀: сла́ва свободи́вшемꙋ на́съ ржⷭ҇тво́мъ твои́мъ."
|
|
},
|
|
{
|
|
"type": "HEADER",
|
|
"value": "По а҃-й стїхоло́гїи сѣда́ленъ, гла́съ в҃:"
|
|
},
|
|
{
|
|
"type": "TEXT",
|
|
"value": "Же́злъ первост҃и́тельскїй дерзнове́ннѡ прїѧ́лъ є҆сѝ, свѧ́те, да ꙗ҆́кѡ до́брый па́стырь, небоѧ́зненнѡ въ по́двизѣ твое́мъ ше́ствꙋѧ, заблꙋ̑ждшаѧ горохи̑щнаѧ ѻ҆вча́та ѻ҆брѧ́щеши, та́тьми похи́щєннаѧ во дво́ръ ѻ҆́вчїй па́ки возврати́ши, многоразли́чными боле́зньми и҆ недꙋ̑ги ѡ҆бдержи̑мыѧ до́брѣ ᲂу҆врачꙋ́еши и҆ всѣ̀ хрⷭ҇то́во ста́до слове́сныхъ ѻ҆ве́цъ въ и҆́стинѣ и҆ пра́вдѣ ᲂу҆пасе́ши."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Покры́й на́съ всемо́щнымъ покро́вомъ твои́мъ, всеми́лостиваѧ влⷣчце бцⷣе, защитѝ на́съ ѿ всѧ́кихъ сѣте́й вра́жїихъ, даде́сѧ бо тѝ благода́тнаѧ си́ла, ꙗ҆́кѡ ро́ждшей влⷣкꙋ хрⷭ҇та̀ и҆ сп҃са дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "По в҃-й стїхоло́гїи сѣда́ленъ, гла́съ є҃:"
|
|
},
|
|
{
|
|
"type": "TEXT",
|
|
"value": "Благодаре́нїе бг҃ꙋ воздади́те, лю́дїе рѡссі́йстїи, то́й бо проба́вилъ є҆́сть ми́лость свою̀ ва́мъ, тѵ́хѡна блаже́ннагѡ первоїера́рха цр҃кве своеѧ̀ поста́ви, да во днѝ и҆спыта́нїй ѡ҆брѧ́щете въ не́мъ ѡ҆́бразъ вѣ́ры, ѿ навѣ́тѡвъ вра́жїихъ неколе́блемый, нело́жнагѡ ᲂу҆пова́нїѧ на по́мощь бж҃їю, и҆ лю́бовїю хрⷭ҇то́вою и҆спо́лненный."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Оу҆толѝ, влⷣчце, бѡлѣ́зни дꙋ́шъ на́шихъ, ра́достїю благода́тною ѡ҆ тебѣ̀ и҆спо́лни сєрдца̀ на́ша, на тѧ́ бо надѣ́ющїисѧ, прича̑стницы жи́зни вѣ̑чныѧ бꙋ́демъ."
|
|
},
|
|
{
|
|
"type": "TEXT",
|
|
"value": "Ѱало́мъ рл҃д: Хвали́те и҆́мѧ гдⷭ҇не:"
|
|
},
|
|
{
|
|
"type": "TEXT",
|
|
"value": "Велича́нїе: Велича́емъ тѧ̀, ст҃лю ѻ҆́ч҃е тѵ́хѡне, и҆ чти́мъ ст҃ꙋ́ю па́мѧть твою̀, ты́ бо мо́лиши за на́съ хрⷭ҇та̀ бг҃а на́шего."
|
|
},
|
|
{
|
|
"type": "HEADER",
|
|
"value": "И҆збра́нный ѱало́мъ:"
|
|
},
|
|
{
|
|
"type": "TEXT",
|
|
"value": "Оу҆слы́шите сїѧ̑ всѝ ꙗ҆зы́цы, внꙋши́те всѝ живꙋ́щїи по вселе́ннѣй. Оу҆ста̀ моѧ̑ возглаго́лютъ премꙋ́дрость, и҆ поꙋче́нїе се́рдца моегѡ̀ ра́зꙋмъ. Прїиди́те, ча̑да, послꙋ́шайте менє̀, стра́хꙋ гдⷭ҇ню наꙋчꙋ̀ ва́съ. Бл҃говѣсти́хъ пра́вдꙋ въ цр҃кви вели́цѣй. И҆́стинꙋ твою̀ и҆ спасе́нїе твоѐ рѣ́хъ. Повѣ́мъ и҆́мѧ твоѐ бра́тїи мое́й, посредѣ̀ цр҃кве воспою́ тѧ̀. Оу҆слы́шати мѝ гла́съ хвалы̀ твоеѧ̀, и҆ повѣ́дати всѧ̑ чꙋдеса̀ твоѧ̑. Гдⷭ҇и, возлюби́хъ бл҃голѣ́пїе до́мꙋ твоегѡ̀, и҆ мѣ́сто селе́нїѧ сла́вы твоеѧ̀. Возненави́дѣхъ цр҃ковь лꙋка́внꙋющихъ, и҆ съ нечести́выми не сѧ́дꙋ. Ꙗ҆́кѡ сохрани́хъ пꙋти̑ гдⷭ҇ни, и҆ не нече́ствовахъ ѿ бг҃а моегѡ̀. Оу҆ста̀ пра́веднагѡ поꙋча́тсѧ премꙋ́дрости, и҆ ѧ҆зы́къ є҆гѡ̀ возглаго́летъ сꙋ́дъ. Пра́вда є҆гѡ̀ пребыва́етъ въ вѣ́къ вѣ́ка. Сщ҃е́нницы твоѝ ѡ҆блекꙋ́тсѧ пра́вдою, и҆ преподо́бнїи твоѝ возра́дꙋютсѧ. Бл҃же́ни живꙋ́щїи въ домꙋ̀ твое́мъ, въ вѣ́ки вѣкѡ́въ восхва́лѧтъ тѧ̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ:"
|
|
},
|
|
{
|
|
"type": "TEXT",
|
|
"value": "А҆ллилꙋ́їа, три́жды."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃:"
|
|
},
|
|
{
|
|
"type": "TEXT",
|
|
"value": "Прїиди́те, вѣ́рнїи, согла́сно всѝ восхва́лимъ ст҃и́телѧ преди́внаго, сщ҃еннонача́льника цр҃кве рѡссі́йскїѧ бг҃омꙋ́драго, тѵ́хѡна бл҃же́ннагѡ, и҆́же досто́йнѡ и҆́го хрⷭ҇то́во чре́зъ всѣ̀ житїѐ своѐ понесѐ, и҆ ны́нѣ во ѻ҆би́телѣхъ ѻ҆ц҃а̀ нб҃е́снагѡ водвори́всѧ, мо́литсѧ ѡ҆ спасе́нїи дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Бꙋ́ди благослове́нъ де́нь и҆ ча́съ, во́ньже благоволѝ гдⷭ҇ь тобо́ю, прчⷭ҇таѧ бцⷣе, ꙗ҆ви́ти сп҃са мі́рꙋ, си́мъ же на́мъ и҆мѣ́ти тѧ̀ ꙗ҆́кѡ дерзнове́ннꙋю предста́тельницꙋ и҆ хода́таицꙋ пред̾ сн҃омъ твои́мъ ѡ҆ спасе́нїи дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Та́же степє́нна, а҃-й а҆нтїфѡ́нъ д҃-гѡ гла́са:"
|
|
},
|
|
{
|
|
"type": "TEXT",
|
|
"value": "Ѿ ю҆́ности моеѧ̀ мно́зи бо́рютъ мѧ̀ стра̑сти, но са́мъ мѧ̀ застꙋпѝ, и҆ спасѝ сп҃се мо́й."
|
|
},
|
|
{
|
|
"type": "TEXT",
|
|
"value": "Ненави́дѧщїи сїѡ́на, посрами́тесѧ ѿ гдⷭ҇а, ꙗ҆́кѡ трава́ бо ѻ҆гне́мъ бꙋ́дете и҆зсо́хше."
|
|
},
|
|
{
|
|
"type": "TEXT",
|
|
"value": "Сла́ва: Ст҃ы́мъ дх҃омъ всѧ́ка дꙋша̀ живи́тсѧ, и҆ чистото́ю возвыша́етсѧ, свѣтлѣ́етсѧ трⷪ҇ческимъ є҆ди́нствомъ сщ҃еннота́йнѣ."
|
|
},
|
|
{
|
|
"type": "HEADER",
|
|
"value": "И҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Вознесо́хъ и҆збра́ннагѡ ѿ люде́й мои́хъ."
|
|
},
|
|
{
|
|
"type": "TEXT",
|
|
"value": "Сті́хъ: Є҆ле́емъ мои́мъ пома́захъ є҆го̀."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе і҆ѡа́нна, зача́ло л҃ѕ."
|
|
},
|
|
{
|
|
"type": "HEADER",
|
|
"value": "Та́же, ѱало́мъ н҃."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Цр҃ковь бж҃їю и҆ ча́дъ є҆ѧ̀ преи́скреннѣ любѧ́й, и҆ къ по́льзѣ тѣ́хъ дѣѧ̑нїѧ своѧ̑ всемѣ́рнѡ направлѧ́ѧ, же́ртвеннѡ и҆ дерзнове́ннѡ, ꙗ҆́коже дре́вле мѡѷсе́й, гдⷭ҇ꙋ взыва́лъ є҆сѝ, ст҃и́телю: ᲂу҆́не мнѣ̀, влⷣко, да забве́нїю преда́стсѧ и҆́мѧ моѐ въ человѣ́цѣхъ, но спасе́на бꙋ́детъ цр҃ковь твоѧ̀ во ѻ҆те́чествїи мое́мъ, и҆ и҆зсѧ́кнꙋтъ пото́цы кро́ве мч҃нкъ, зе́млю рѡссі́йскꙋю ѻ҆би́льнѡ ѡ҆багри́вшїи."
|
|
},
|
|
{
|
|
"type": "HEADER",
|
|
"value": "Канѡ́нъ ст҃лѧ, гла́съ ѕ҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ꙗ҆́кѡ по сꙋ́хꙋ, пѣшеше́ствовавъ і҆и҃ль, по бе́зднѣ стопа́ми, гони́телѧ фараѡ́на ви́дѧ потоплѧ́ема, бг҃ꙋ побѣ́днꙋю пѣ́снь пои́мъ, вопїѧ́ше."
|
|
},
|
|
{
|
|
"type": "TEXT",
|
|
"value": "Ꙗ҆́кѡже плѡ́дъ кра́сный спаси́тельнагѡ сѣ́ѧнїѧ бж҃їѧ ꙗ҆ви́лсѧ є҆сѝ въ цр҃кви, ст҃и́телю хрⷭ҇то́въ, роди́телей благочести́выхъ, і҆ере́ѧ і҆ѡа́нна и҆ а҆́нны, бы́въ ѿрасль преди́внаѧ."
|
|
},
|
|
{
|
|
"type": "TEXT",
|
|
"value": "Предрече́нїе ди́вное во снѣ̀ ѻ҆тцꙋ̀ твоемꙋ̀ ѡ҆ грѧдꙋ́щемъ вели́чїи твое́мъ, є҆щѐ тѝ ѻ҆́трокꙋ сꙋ́щꙋ, по мно́зѣхъ лѣ́тѣхъ сбы́стсѧ, занѐ вои́стинꙋ вели́кїй господи́нъ рѡссі́йскїѧ це́ркве ꙗ҆ви́лсѧ є҆сѝ, бл҃же́ннѣ."
|
|
},
|
|
{
|
|
"type": "TEXT",
|
|
"value": "Ѡ҆́бразъ кро́тости, смире́нїѧ и҆ любвѐ ѡ҆ гдⷭ҇ѣ ꙗ҆влѧ́ѧ, до́брый помо́щникъ ю҆́нымъ дрꙋгѡ́мъ твои́мъ бы́лъ є҆сѝ, бл҃же́ннѣ: сегѡ̀ ра́ди и҆ ті́и, є҆щѐ тѝ ѻ҆́трокꙋ сꙋ́щꙋ, а҆рхїере́ѧ бж҃їѧ прореко́ша тѧ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Спасѝ на́съ ѿ всѧ́кихъ бѣ́дъ, всеми́лостиваѧ влⷣчцѣ бцⷣе, и҆ твои́ми моли́твами къ сн҃ꙋ твоемꙋ̀ и҆ бг҃ꙋ на́шемꙋ, и҆сцѣлѝ ѿ грѣхѡ́вныѧ бѡлѣ́зни стра́ждꙋщыѧ дꙋ́ши на́ша."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Нѣ́сть ст҃ъ, ꙗ҆́коже ты̀, гдⷭ҇и бж҃е мо́й, вознесы́й рѡ́гъ вѣ́рныхъ твои́хъ бл҃же, и҆ ᲂу҆тверди́вый на́съ на ка́мени и҆сповѣ́данїѧ твоегѡ̀."
|
|
},
|
|
{
|
|
"type": "TEXT",
|
|
"value": "Въ вертогра́дѣхъ дꙋхо́вныхъ правосла́внѡ бг҃осло́вити, и҆ сло́во бж҃їе и҆ны́ми ѧ҆зы́ки глаго́лати поꙋча́лсѧ є҆сѝ прилѣ́жно, бл҃же́нне, и҆ сїѐ въ цр҃ко́внѣмъ слꙋже́нїи твое́мъ до́брый плѡ́дъ принесѐ."
|
|
},
|
|
{
|
|
"type": "TEXT",
|
|
"value": "Є҆гда̀ влⷣка гдⷭ҇ь ѡ҆б̾ѧ̑тїѧ ѻ҆́ч҃а ѿве́рзе тѝ, и҆ ꙗ҆́кѡ возлю́бленна сы́на, во и҆́ночествѣ тѵ́хѡна, прїѧ́тъ тѧ̀, тогда̀ нача́льника въ вертогра́дѣхъ дꙋхо́вныхъ пско́ва и҆ каза́ни поста́вити тѧ̀ благоволѝ, да правосла̑вныѧ ѻ҆́троки бг҃омꙋ́дрїю и҆ хрⷭ҇тїа́нскомꙋ благоче́стїю наꙋ́чиши, бл҃же́ннѣ."
|
|
},
|
|
{
|
|
"type": "TEXT",
|
|
"value": "Хо́лмскꙋю па́ствꙋ до́брѣ ᲂу҆пра́вити призва̀ тѧ̀ влⷣка хрⷭ҇то́съ, тѣ́мже и҆ нача́ло положѝ ст҃и́тєльскимъ подвигѡ́мъ твои̑мъ, да въ ни́хъ ᲂу҆крѣплѧ́ѧсѧ, и҆зрѧ́денъ а҆рхїере́й всерѡссі́йскїѧ цр҃кве ꙗ҆ви́шисѧ, бл҃же́ннѣ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Мнѡ́жества грѣхѡ́въ лю́тѣ ѡ҆бдержа́тъ дꙋ́шы на́шѧ, ты́ же, пречⷭ҇таѧ бг҃ома́ти, моли́твами твои́ми ко и҆́же ѿ тебє̀ ро́ждшемꙋсѧ плѣне́нїѧ сегѡ̀ грѣхо́внагѡ и҆зба́ви, и҆ на стезю̀ спасе́нїѧ наста́ви на́съ."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ а҃:"
|
|
},
|
|
{
|
|
"type": "TEXT",
|
|
"value": "До́бромꙋ є҆ѵⷢ҇льскомꙋ па́стырю подража́ѧ, дерзнове́ннѡ во дво́ръ ѻ҆́вчїй вше́лъ є҆сѝ, ст҃и́телю, и҆ своѧ̑ ѻ҆́вцы глаша́ѧ по и҆́мени, во ѡ҆гра́дѣ цр҃ко́внѣй ты̑ѧ невреди́мѡ соблю́лъ є҆сѝ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Къ тебѣ̀, ѽ бг҃ома́ти, моли́твеннѡ мы̀ ны́нѣ прибѣга́емъ, и҆ предста́тельства твоегѡ̀ пред̾ сн҃омъ твои́мъ ᲂу҆се́рдно про́симъ: ѿ грѣхо́внагѡ лови́тельства сохранѝ на́съ и҆ на пꙋ́ть спасе́нїѧ наста́ви."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Хрⷭ҇то́съ моѧ̀ си́ла, бг҃ъ и҆ гдⷭ҇ь, честна́ѧ цр҃ковь бг҃олѣ́пнѡ пое́тъ взыва́ющи, ѿ смы́сла чи́ста ѡ҆ гдⷭ҇ѣ пра́зднꙋющи."
|
|
},
|
|
{
|
|
"type": "TEXT",
|
|
"value": "Смотрѣ́нїю бж҃їю слѣ́дꙋѧ, велѣ́нїю ма́тере цр҃кве повинꙋ́ѧсѧ, землѝ да́льнїѧ а҆мерика́нскїѧ дости́глъ є҆сѝ, и҆ та́мѡ но́вꙋю па́ствꙋ: люде́й а҆леꙋ́тскихъ, крео́льскихъ, кена́йскихъ, во ѡ҆гра́дѣ хрⷭ҇то́вы цр҃кве ꙗ҆́кѡ до́брый па́стырь соблю́лъ є҆сѝ, тѵ́хѡне бл҃же́ннѣ."
|
|
},
|
|
{
|
|
"type": "TEXT",
|
|
"value": "Ра́дꙋйтесѧ и҆ веселите́сѧ, вѣ̑рнаѧ ча̑да цр҃кве рѡссі́йскїѧ, и҆̀же въ пенсильва́нїи, калифо́рнїи, флори́дѣ и҆ и҆ны́хъ землѧ́хъ а҆мерика́нскихъ сꙋ́щаѧ, ст҃и́тель бо тѵ́хѡнъ ны́нѣ престо́лꙋ бж҃їю предстои́тъ и҆ мо́литсѧ ѡ҆ спасе́нїи дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Кроншта́дтскагѡ па́стырѧ собесѣ́дникъ бы́ти сподо́билсѧ є҆сѝ, бл҃же́нне, є҆щѐ сы́й є҆пⷭ҇кпъ гра́да ꙗ҆росла́влѧ, и҆ то́й тѝ всерѡссі́йское па́стырство пред̾ꙋказа̀: тѣ́мже и҆ ны́нѣ съ ни́мъ, престо́лꙋ бж҃їю предстоѧ̀, молѝ спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Досто́йно є҆́сть прославлѧ́ти тѧ̀, влⷣчце, при́снѡ спаса́ющꙋю зе́млю рѡссі́йскꙋю. Се́ бо и҆ ст҃и́тель тѵ́хѡнъ въ ꙗ҆росла́встѣмъ хра́мѣ ᲂу҆спе́нїѧ твоегѡ̀ гдⷭ҇рѧ нїкола́ѧ ꙗ҆́кѡ и҆́стиннагѡ пома́занника бж҃їѧ срѣ́те, и҆ бл҃года́рствєнныѧ моли̑твы вкꙋ́пѣ съ ни́мъ ѡ҆ застꙋпле́нїи ѻ҆те́чества на́шегѡ тебѣ̀ и҆ сн҃ꙋ твоемꙋ̀ принесѐ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃їимъ свѣ́тѡмъ твои́мъ бл҃же, ᲂу҆́тренюющихъ тѝ дꙋ́шы любо́вїю ѡ҆зарѝ молю́сѧ, тѧ̀ вѣ́дѣти сло́ве бж҃їй и҆́стиннагѡ бг҃а, ѿ мра́ка грѣхо́внагѡ взыва́юща."
|
|
},
|
|
{
|
|
"type": "TEXT",
|
|
"value": "Є҆гда̀ по грѣхѡ́мъ на́шимъ наше́ствїе и҆ноплеме́нныхъ гдⷭ҇ь попꙋстѝ, и҆ землѧ̀ рѡссі́йскаѧ кро́вїю ѡ҆багри́сѧ, ты̀, ст҃и́телю, покаѧ́нїе проповѣ́дꙋѧ, и҆ врачевствꙋ̀ дꙋше́вномꙋ и҆ тѣле́сномꙋ стра́ждꙋщихъ до́брѣ содѣ́йствꙋѧ, крѣ́пцѣ стоѧ́ти за вѣ́рꙋ правосла́внꙋю, царѧ̀ бл҃говѣ́рнагѡ и҆ ѻ҆те́чество ст҃о́е призыва́лъ є҆сѝ."
|
|
},
|
|
{
|
|
"type": "TEXT",
|
|
"value": "Ѡ҆полче́нїю вра́жескꙋ ᲂу҆ стѣ́нъ гра́да ви́льно стоѧ́щꙋ, цѣльбонѡ́сныѧ мѡ́щи ст҃ы́хъ мч҃нкъ а҆нтѡ́нїѧ, і҆ѡа́нна и҆ є҆ѵста́ѳїѧ и҆з̾ ѻ҆би́тєли ст҃а́гѡ дх҃а бл҃гоговѣ́йнѡ и҆зне́слъ є҆сѝ, ст҃и́телю, и҆ во гра́дѣ москвѣ̀ ѿ порꙋга́нїѧ и҆нозе́мныхъ невреди̑мы сохрани́лъ є҆сѝ."
|
|
},
|
|
{
|
|
"type": "TEXT",
|
|
"value": "Благоволе́нїемъ бж҃їимъ, и҆ наро́да бж҃їѧ и҆збра́нїемъ, моско́вскїй а҆рхїпа́стырь поста́вленъ бы́лъ є҆сѝ, ст҃е, тѣ́мже и҆ досто́йный прее́мникъ моско́вскихъ ст҃и́телей ꙗ҆ви́лсѧ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: А҆́гг҃льскїй собо́ръ и҆ члчⷭ҇кїй ро́дъ ѡ҆ тебѣ̀ ра́дꙋетсѧ, бл҃года́тнаѧ марі́е, мт҃и неискꙋсомꙋ́жнаѧ, невмѣсти́магѡ бо во чре́вѣ вмѣсти́ла є҆сѝ, и҆ родила̀ є҆сѝ сп҃са мі́рꙋ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Жите́йское мо́ре воздвиза́емое зрѧ̀ напа́стей бꙋ́рею, къ ти́хомꙋ приста́нищꙋ твоемꙋ̀ прите́къ, вопїю́ тѝ: возведѝ ѿ тлѝ живѡ́тъ мо́й, многомлⷭ҇тиве."
|
|
},
|
|
{
|
|
"type": "TEXT",
|
|
"value": "Пꙋстынножи́тель ста́рецъ, пред̾ ѡ҆́бразомъ влⷣчцы ᲂу҆се́рдно молѧ́сѧ, жре́бїй со тре́петомъ и҆з̾ ковче́жца и҆звлечѐ, на не́мже и҆́мѧ твоѐ, ꙗ҆́кѡ бг҃омъ и҆збра́ннагѡ первост҃и́телѧ, начерта́но бѣ̀: сегѡ̀ ра́ди и҆ мы̀ ны́нѣ, ꙗ҆́кѡже тогда̀ і҆ера́рси собо́ра, немо́лчнѡ а҆́ѯїосъ тебѣ̀, а҆рхїпа́стырю на́шъ, вопїе́мъ: сотворѝ и҆ на́съ ꙗ҆́кѡ словє́сныѧ ѻ҆́вцы достѡ́йны бы́ти па́жити твоеѧ̀."
|
|
},
|
|
{
|
|
"type": "TEXT",
|
|
"value": "Ѽ глꙋбины̀ бога́тства и҆ премꙋ́дрѡсти бж҃їѧ! И҆зво́лисѧ дх҃ꙋ ст҃о́мꙋ со і҆ера̑рхи поста́вити тѧ̀, бл҃же́ннѣ, патрїа́рха цр҃кве рѡссі́йскїѧ, да во дни̑ и҆спыта́нїѧ вѣ́ры свидѣ́тельствꙋеши крѣ́пкое въ не́й стоѧ́нїе, и҆ па́ствꙋ твою̀ неврежде́ннꙋ ѿ навѣ́тѡвъ вра́жїихъ до́брѣ соблюде́ши."
|
|
},
|
|
{
|
|
"type": "TEXT",
|
|
"value": "Ѽ неизрѣче́нныѧ любвѐ и҆ милосе́рдїѧ бж҃їѧ! Ст҃и́тель тѵ́хѡнъ во главꙋ̀ рѡссі́йскїѧ цр҃кве поставлѧ́етсѧ, и҆ мно́зи лю́дїе до́брагѡ па́стырѧ ѡ҆брѣта́ютъ, и҆ во ѡ҆гра́дѣ цр҃ко́внѣй соблюда́ютсѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ра́дꙋютсѧ и҆ ликꙋ́ютъ лю́дїе рѡссі́йстїи, приснодв҃о, введе́нїе твоѐ во хра́мъ пра́зднꙋюще, и҆ возведе́нїе ст҃и́телѧ тѵ́хѡна въ патрїа́рха рѡссі́йскаго въ се́й же де́нь благода́рнѣ воспомина́юще, ᲂу҆се́рднѡ взыва́ютъ тѝ: ѽ влⷣчцѣ держа́внаѧ! Моли́твами ст҃и́телѧ тѵ́хѡна цр҃ковь и҆ зе́млю рѡссі́йскꙋю ѿ всѣ́хъ навѣ́тѡвъ вра́жїихъ спасѝ и҆ всѧ̑ вѣ́рныѧ въ черто́ги нбⷭ҇ныѧ введѝ."
|
|
},
|
|
{
|
|
"type": "HEADER",
|
|
"value": "Конда́къ, гла́съ в҃:"
|
|
},
|
|
{
|
|
"type": "TEXT",
|
|
"value": "Ти́хостїю нра́ва ᲂу҆кра́шенъ, кро́тость и҆ милосе́рдїе ка́ющымсѧ ꙗ҆влѧ́ѧй, во и҆сповѣ́данїи правосла́вныѧ вѣ́ры и҆ любвѐ ко гдⷭ҇ꙋ тве́рдъ и҆ непрекло́ненъ пребы́лъ є҆сѝ, ст҃и́телю хрⷭ҇то́въ тѵ́хѡне. Моли́сѧ ѡ҆ на́съ, да не разлꙋчи́мсѧ ѿ любвѐ бж҃їѧ, ꙗ҆́же ѡ҆ хрⷭ҇тѐ і҆и҃сѣ, гдⷭ҇ѣ на́шемъ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Росода́тельнꙋ ᲂу҆́бѡ пе́щь содѣ́ла а҆́гг҃лъ преподѡ́бнымъ ѻ҆трокѡ́мъ, халдє́и же ѡ҆палѧ́ющее велѣ́нїе бж҃їе мꙋчи́телѧ ᲂу҆вѣща̀ вопи́ти: бл҃гослове́нъ є҆сѝ, бж҃е ѻ҆ц҃ъ на́шихъ."
|
|
},
|
|
{
|
|
"type": "TEXT",
|
|
"value": "Пла́чь, стена́нїе и҆ го́ре вели́кое, грѧдꙋ́щїѧ на цр҃ковь рѡссі́йскꙋю, предзрѣ́лъ є҆сѝ, первост҃и́телю, ѻ҆ба́че хрⷭ҇то́вою любо́вїю ᲂу҆крѣплѧ́емь, мꙋ́жественно взыва́лъ є҆сѝ: бл҃гослове́нъ є҆сѝ, бж҃е ѻ҆ц҃ъ на́шихъ."
|
|
},
|
|
{
|
|
"type": "TEXT",
|
|
"value": "Въ лю́тꙋю годи́нꙋ первост҃и́тельскїй же́злъ со стра́хомъ и҆ тре́петомъ прїи́мъ, бл҃же́ннѣ, цр҃ковь рѡссі́йскꙋю ꙗ҆́кѡ кора́бль нерꙋкотво́рный до́брѣ ᲂу҆пра́вилъ є҆сѝ, вѣ̑рныѧ же наꙋчи́лъ є҆сѝ взыва́ти: бл҃гослове́нъ є҆сѝ, бж҃е ѻ҆ц҃ъ на́шихъ."
|
|
},
|
|
{
|
|
"type": "TEXT",
|
|
"value": "Проро́кꙋ дре́внемꙋ и҆лїѝ, взыскꙋ́ющꙋ не прекло́ньшихъ кѡлѣ́на пред̾ ваа́ломъ, подража́лъ є҆сѝ, первост҃и́телю, да взы́щеши лю́ди, и҆̀же не преклони́ша вы́ю лови́тельствꙋ безбо́жныхъ, та́же и҆ па́дшихъ и҆з̾ глꙋбины̀ грѣхѡ́вныѧ воздви́гнеши, и҆ вѣ̑рныѧ наꙋчи́ши въ ско́рбныхъ ѡ҆бстоѧ́нїихъ взыва́ти гдⷭ҇ꙋ: бл҃гослове́нъ є҆сѝ, бж҃е ѻ҆ц҃ъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Помо́щницꙋ наде́жнꙋю и҆́мамы тѧ̀, бцⷣе, мно́гажды бо въ ско́рбныхъ ѡ҆бстоѧ́нїихъ предста́тельство ѡ҆ лю́дѣхъ рѡссі́йскихъ пред̾ сы́номъ твои́мъ ꙗ҆влѧ́ла є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: И҆зъ пла́мене преподѡ́бнымъ ро́сꙋ и҆сточи́лъ є҆сѝ, и҆ пра́веднагѡ же́ртвꙋ водо́ю попали́лъ є҆сѝ: всѧ̑ бо твори́ши хрⷭ҇тѐ, то́кмѡ є҆́же хотѣ́ти. Тѧ̀ превозно́симъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Во ѡ҆́бразъ твоегѡ̀ ᲂу҆се́рднагѡ подража́нїѧ слꙋже́нїю первост҃и́телей моско́вскихъ, въ сщ҃є́нныѧ ѻ҆дє́жды тѣ́хъ досто́йнѡ ѡ҆блаче́нъ бы́лъ є҆сѝ, бл҃же́нне, тѣ́мже съ ни́ми ѡ҆ на́съ моли́сѧ, да и҆ мы̀ досто́йни бꙋ́демъ превозноси́ти гдⷭ҇а во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Же́злъ первост҃и́телѧ петра̀ со дерзнове́нїемъ прїѧ́лъ є҆сѝ, бл҃же́нне, да ѡ҆́бразъ вла́сти предстоѧ́телѧ въ цр҃кви рѡссі́йстѣй возста́виши. Мы́ же, вѣ́дѧще сицевꙋ́ю ми́лость бж҃їю къ на́мъ, господа̀ превозно́симъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Грѣхѡ́мъ на́шымъ ᲂу҆мно́жившымсѧ, попꙋстѝ гдⷭ҇ь братоꙋбі́йствꙋ и҆ междоꙋсѡ́бнымъ бра́немъ въ зе́мли рѡссі́йстѣй бы́ти. Ты́ же, ст҃и́телю, люде́й враждꙋ́ющихъ къ покаѧ́нїю и҆ примире́нїю призыва́лъ є҆сѝ, наꙋча́ѧ превозноси́ти хрⷭ҇та̀ во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Въ до́мꙋ твое́мъ, пречⷭ҇таѧ дв҃о, хра́мѣ ᲂу҆спе́нїѧ твоегѡ̀, поставле́нїе блаже́ннагѡ тѵ́хѡна въ первост҃и́телѧ рѡссі́йскаго соверши́сѧ, тѣ́мже моли̑твы тогѡ̀, ꙗ҆́кѡ вѣ́рнагѡ слꙋжи́телѧ твоегѡ̀, къ бг҃ꙋ вознесѝ и҆ спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃а человѣ́кѡмъ невозмо́жно ви́дѣти, на него́же не смѣ́ютъ чи́ни а҆́гг҃льстїи взира́ти: тобо́ю бо всечⷭ҇таѧ ꙗ҆ви́сѧ человѣ́кѡмъ сло́во воплоще́нно. Є҆го́же велича́юще, съ нбⷭ҇ными вѡ́и тѧ̀ ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Пла́чемъ и҆ рыда́нїємъ землѧ̀ рѡссі́йскаѧ ѡ҆гласи́сѧ, кро́вь ст҃ы́хъ мч҃нкъ и҆ и҆сповѣ̑дникъ хрⷭ҇то́выхъ пото́ки по не́й и҆злїѧ́сѧ, хра́мы бж҃їи ѡ҆скверни́шасѧ и҆ попра́нїю преда́шасѧ. Оу҆вы̀ мнѣ̀, землѐ моѧ̀! Взыва́лъ є҆сѝ, ст҃и́телю, ко́е врачева́нїе прилѣжи́тъ тѝ, да всѣ́хъ си́хъ и҆зба́вишисѧ;"
|
|
},
|
|
{
|
|
"type": "TEXT",
|
|
"value": "Оу҆вы̀ мнѣ̀, лю́дїе рѡссі́йстїи! Взыва́лъ є҆сѝ, бл҃же́нне. Гдⷭ҇а забы́хомъ, въ дѣ́лѣхъ на́шихъ ѡ҆сꙋети́хомсѧ, попече́нїѧ же ѡ҆ дꙋшѝ николи́же и҆мѣ́хомъ. Є҆́й, глаго́лю ва́мъ, благоволе́нїѧ бж҃їѧ не ѡ҆брѧ́щемъ, а҆́ще дꙋ́шы на́ша слеза́ми покаѧ́нїѧ пред̾ гдⷭ҇емъ не потщи́мсѧ ѡ҆чи́стити."
|
|
},
|
|
{
|
|
"type": "TEXT",
|
|
"value": "Въ темни́цѣ томѧ́щꙋсѧ тѝ, ст҃и́телю, ѡ҆ цр҃кви премно́гѡ болѣ́зновалъ є҆сѝ, і҆ера́рси бо и҆ сщ҃е́нницы нѣ́цыи на стезю̀ і҆ꙋ́ды преда́телѧ стꙋпи́вше, и҆ непра́веднѡ вла́сть въ цр҃кви восхи́тивше, ѕлохꙋдѡ́жнаѧ дѣѧ̑нїѧ своѧ̑ ꙗ҆́кѡ ѡ҆бновлє́нїѧ блага̑ѧ нареко́ша: и҆ си́мъ па́ствꙋ рѡссі́йскꙋю въ смѧте́нїе приведо́ша, и҆ въ нестрое́нїихъ цр҃ко́вныхъ тѧ́жцѣ пови́нни бы́ша."
|
|
},
|
|
{
|
|
"type": "TEXT",
|
|
"value": "Ни ско́рбь, ни тѣснота̀, ни гоне́нїе, ни гла́дъ, ни нагота̀, нижѐ бѣда̀, ни ме́чь не возмо́гꙋтъ разлꙋчи́ти вѣ́рныхъ ча̑дъ хрⷭ҇то́выхъ ѿ любвѐ є҆гѡ̀, а҆пⷭ҇льски ре́клъ є҆сѝ, ст҃и́телю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Кі̑ѧ похвалы̑ возгласи́мъ тѝ, пречⷭ҇таѧ; кі́ими словесы̀ вели́чїе твоѐ возсла́вимъ, ꙗ҆́кѡ сп҃са родила̀ є҆сѝ дꙋ́шъ на́шихъ;"
|
|
},
|
|
{
|
|
"type": "HEADER",
|
|
"value": "Свѣти́ленъ, гла́съ а҃:"
|
|
},
|
|
{
|
|
"type": "TEXT",
|
|
"value": "Первост҃и́телѧ рѡссі́йскаго тѵ́хѡна дне́сь просла́вимъ, па́мѧть є҆гѡ̀ благоче́стнѡ почита́юще, то́й бо, ꙗ҆́кѡ свѣти́льникъ пресвѣ́тлый, просїѧ́лъ є҆́сть, и҆ ѡ҆́бразомъ пресвѣ́тлагѡ житїѧ̀ своегѡ̀ ре́вностномꙋ слꙋже́нїю бг҃ꙋ лю́ди наꙋча́етъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ, бцⷣе дв҃о, влⷣчцѣ держа́внаѧ, свѣтода́вца хрⷭ҇та̀ мі́рꙋ ро́ждшаѧ: ра́дꙋйсѧ, похвало̀ всеѧ̀ вселє́нныѧ: ра́дꙋйсѧ, пречⷭ҇таѧ мт҃и бж҃їѧ благослове́ннаѧ."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, гла́съ д҃:"
|
|
},
|
|
{
|
|
"type": "TEXT",
|
|
"value": "Вѣ́рѣ въ лю́дѣхъ ѡ҆скꙋдѣ́вшей, любвѝ и҆стощи́вшейсѧ, наде́жди и҆зсѧ́кнꙋвшей, попꙋстѝ гдⷭ҇ь мо́ръ же́стокъ, болѣ́знь и҆ гла́дъ на лю́ди ѻ҆те́чества на́шегѡ. Ты́ же, ст҃и́телю, ст҃ы̑ни бж҃ыѧ ѿ порꙋга́нїѧ невѣ́рныхъ защища́ѧ, ѡ҆ стра́ждꙋщихъ болѣ́зновалъ є҆сѝ, и҆ къ милосе́рдїю, и҆ же́ртвѣ поси́льнѣй ѿ щедрѡ́тъ свои́хъ всерѡссі́йскꙋю па́ствꙋ призыва́лъ є҆сѝ."
|
|
},
|
|
{
|
|
"type": "TEXT",
|
|
"value": "Словеса̀ премꙋ́дра, ѡ҆ є҆́же не лѣ́ты, но дѣѧ́ньми благи́ми полнота̀ житїѧ̀ члⷭ҇чкагѡ пред̾ бг҃омъ и҆змѣрѧ́етсѧ, на тебѣ̀ и҆спо́лнишасѧ, ст҃и́телю. Тѣ́мже дꙋ́шꙋ добродѣ́тельми ѡ҆богаще́ннꙋ и҆мѣ́ѧ, въ нбⷭ҇ныѧ ѻ҆би́тєли всели́лсѧ є҆сѝ, и҆дѣ́же мо́лишисѧ ѡ҆ на́съ при́снѡ."
|
|
},
|
|
{
|
|
"type": "TEXT",
|
|
"value": "Внима́йте ᲂу҆̀бо себѣ̀, лю́дїе рѡссі́йстїи! Проба́ви бо гдⷭ҇ь ны́нѣ ми́лость свою̀ на́мъ: пото́цы кро́ве мч҃нкъ и҆зсѧко́ша, плѣне́нїѧ ѿ вла́сти безбо́жныхъ свободи́хомсѧ, попра́ннїи хра́мы бж҃їи возставлѧ́ютсѧ: бѣжи́мъ всемѣ́рнѡ прираже́нїѧ грѣхо́внагѡ, да не па́ки гнѣ́въ бж҃їй наведе́мъ на сѧ̀, и҆ не бꙋ́дꙋтъ на́мъ послѣ̑днѧѧ гѡ́рша пе́рвыхъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Кровьмѝ ст҃ы́хъ мч҃нкъ цр҃ковь хрⷭ҇то́ва дре́вле ᲂу҆тверди́сѧ, та́кожде и҆ во дни̑ твоѧ̑, ст҃и́телю тѵ́хѡне, во ѻ҆те́чествѣ на́шемъ ꙗ҆́кѡ пото́цы водні́и, кро́вь ст҃ы́хъ мч҃нкъ пролїѧ́сѧ, ѻ҆ба́че смотрѣ́нїемъ бж҃їимъ сїѧ̀ сѣ́мѧ ꙗ҆ви́сѧ, и҆з̾ негѡ́же прозѧбѐ благосѣнноли́ственное дре́во рꙋсѝ правосла́вныѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Пречⷭ҇таѧ дв҃о мт҃и, благоволи́ла є҆сѝ ст҃и́телю тѵ́хѡнꙋ въ де́нь благовѣ́стїѧ тѝ а҆рха́гг҃ла гаврїи́ла по́прище земна́гѡ пꙋтѝ є҆гѡ̀ сконча́ти, и҆ ꙗ҆́кѡ и҆збра́нника твоего̀ въ нбⷭ҇ныхъ черто́зѣхъ всели́ти. Тѣ́мже, ѽ бг҃ома́ти, моли̑твы ст҃и́телѧ тѵ́хѡна ѡ҆ стра́ждꙋщей странѣ̀ рѡссі́йстѣй и҆ лю́дехъ є҆ѧ̀ къ сы́нꙋ твоемꙋ̀ и҆ бг҃ꙋ вознесѝ, и҆ спасѝ дꙋ́шы на́ша."
|
|
},
|
|
{
|
|
"type": "HEADER",
|
|
"value": "Славосло́вїе вели́кое. И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и слꙋ́жба ст҃и́тельскаѧ."
|
|
},
|
|
{
|
|
"type": "HEADER",
|
|
"value": "Моли́тва и҆́же во ст҃ы́хъ ѻ҆ц҃ꙋ̀ на́шемꙋ тѵ́хѡнꙋ, патрїа́рхꙋ всерѡссі́йскомꙋ:"
|
|
},
|
|
{
|
|
"type": "TEXT",
|
|
"value": "Ѽ па́стырю на́шъ до́брый, ст҃ы́й вели́кїй патрїа́рше тѵ́хѡне, ꙗ҆́кѡ гра́дъ го́рнїй ты̀ ꙗ҆ви́лсѧ є҆сѝ: дѡ́браѧ дѣла̑ твоѧ̑ и҆ доны́нѣ свѣ́тѧтсѧ пред̾ человѣ́ки. Вѣ́мы, ꙗ҆́кѡ ты̀, предстоѧ̀ прⷭ҇то́лꙋ прест҃ы́ѧ трⷪ҇цы, ве́лїе и҆́маши дерзнове́нїе въ моли́твахъ предъ гдⷭ҇емъ. Воззрѝ и҆ ны́нѣ на на́съ, грѣ́шныхъ и҆ недосто́йныхъ ча́дъ твои́хъ, къ тебѣ́ бо, ꙗ҆́кѡ и҆мꙋ́щемꙋ ве́лїе дерзнове́нїе предъ творце́мъ всѧ́ческихъ, ны́нѣ припа́даемъ и҆ ᲂу҆се́рднѡ мо́лимсѧ: ᲂу҆молѝ гдⷭ҇а, да пода́стъ на́мъ рѣши́мость стѧжа́ти благоче́стїе ѻ҆ц҃є́въ на́шихъ, є҆го́же ты̀ стѧжа́лъ є҆сѝ ѿ ю҆́ности твоеѧ̀. Ты̀ въ житїѝ свое́мъ ре́вностный защи́титель и҆ храни́тель и҆́стинныѧ вѣ́ры бы́лъ є҆сѝ: помозѝ и҆ на́мъ незы́блемꙋ соблюстѝ вѣ́рꙋ правосла́внꙋю. Ти́хаѧ бо дꙋша̀ твоѧ̀ ѕѣлѡ̀ преꙋспѣ́ла є҆́сть въ бжⷭ҇твеннѣмъ смиренномꙋ́дрїи: наꙋчѝ и҆ на́съ ра́зꙋмъ на́шъ пита́ти не многомѧте́жною мꙋ́дростїю человѣ́ческою, но смире́ннымъ позна́нїемъ во́ли бж҃їѧ. Ты̀ предъ лице́мъ лю́тыхъ врагѡ́въ хрⷭ҇то́выхъ и҆́стиннагѡ бг҃а дерзнове́ннѡ и҆сповѣ́далъ є҆сѝ: моли́твою свое́ю ᲂу҆крѣпѝ на́съ, малодꙋ́шныхъ, да и҆ мы̀ всегда̀ и҆ всю́дꙋ противоста́немъ дꙋ́хꙋ безбо́жїѧ и҆ льстѝ. Є҆́й, ᲂу҆го́дниче бж҃їй, не пре́зри на́съ, молѧ́щихсѧ тебѣ̀, и҆́бо не то́кмѡ ѿ бѣ́дъ и҆ ско́рбей и҆збавле́нїѧ про́симъ, но си́лы и҆ тве́рдости, великодꙋ́шїѧ и҆ любвѐ про́симъ, дабы̀ претерпѣва́ти ѻ҆́ныѧ напа̑сти, востаю́щыѧ на ны̀. И҆спросѝ на́мъ неѡсла́бное терпѣ́нїе да́же до конца̀ житїѧ̀ на́шегѡ, ми́ръ съ гдⷭ҇емъ и҆ грѣхѡ́въ ѿпꙋще́нїе. Ѻ҆́ч҃е ст҃ы́й! Оу҆кротѝ въ странѣ̀ на́шей вѣ́тры невѣ́рїѧ и҆ смꙋ́ты, да водвори́тъ гдⷭ҇ь на землѝ рѡссі́йстѣй тишинꙋ̀ и҆ благоче́стїе, и҆ любо́вь нелицемѣ́рнꙋю. Моли́твами твои́ми да сохрани́тъ ю҆̀ ѿ междоꙋсо́бныѧ бра́ни, да ᲂу҆крѣпи́тъ ст҃ꙋ́ю цр҃ковь на́шꙋ правосла́внꙋю: да не ѡ҆скꙋдѣ́етъ ѻ҆на̀ и҆́стинными па́стырьми, до́брыми дѣ́лательми, пра́вѡ пра́вѧщими сло́во є҆ѵⷢ҇льскїѧ и҆́стины. Оу҆пасѝ и҆ заблꙋ́ждшїѧ ѻ҆́вцы ста́да хрⷭ҇то́ва. Наипа́че же молѝ гдⷭ҇а си́лъ, да возроди́тсѧ рꙋ́сскаѧ землѧ̀ ст҃ы́мъ покаѧ́нїемъ и҆ є҆ди́нымъ се́рдцемъ и҆ є҆ди́ными ᲂу҆сты̑ просла́витъ ди́внагѡ во ст҃ы́хъ свои́хъ бг҃а въ трⷪ҇цѣ сла́вимаго ѻ҆ц҃а̀ и҆ сн҃а и҆ ст҃а́го дх҃а во вѣ́ки вѣкѡ́въ. А҆ми́нь."
|
|
},
|
|
{
|
|
"type": "HEADER",
|
|
"value": "Приложе́нїе (и҆зъ а҆рхи́ва ст҃о-тѵ́хѡновскагѡ и҆нститꙋ́та, и҆́же во гра́дѣ москвѣ̀)"
|
|
},
|
|
{
|
|
"type": "HEADER",
|
|
"value": "Стїхи̑ры сщ҃енноисповѣ́дникꙋ тѵ́хѡнꙋ, патрїа́рхꙋ всерѡссі́йскомꙋ, гла́съ а҃:"
|
|
},
|
|
{
|
|
"type": "TEXT",
|
|
"value": "Страда́нїѧ мнѡ́гаѧ претерпе́лъ є҆сѝ, ѻ҆́ч҃е тѵ́хѡне, клеве́ты, сꙋды̀, заточе́нїѧ, преда́тельства лжебра́тїи и҆ ᲂу҆грѡ́зы сме́ртныѧ, наси́льства и҆ нападє́нїѧ врагѡ́въ цр҃кве хрⷭ҇то́вы, но ты̀ пребыва́лъ є҆сѝ мꙋ́жественъ и҆ кро́токъ, вѣща́ѧ: не ѡ҆жесточа́йте ср҃де́цъ ва́шихъ, но возмога́йте ѡ҆ гдⷭ҇ѣ."
|
|
},
|
|
{
|
|
"type": "TEXT",
|
|
"value": "Во́йны, и҆ гла́дъ, и҆ крова́ваѧ смꙋ́та: жрѣ́бїй тво́й тѧ́жкїй, ст҃лю на́шъ, ты́ же въ покаѧ́нїи пꙋ́ть спасе́нїѧ ᲂу҆казꙋ́ѧй, зва́лъ є҆сѝ ѡ҆ѕлобле́нныхъ: возлюби́те бли́жнѧго своего̀, ѡ҆брати́тесѧ ко гдⷭ҇ꙋ и҆ сп҃се́тесѧ."
|
|
},
|
|
{
|
|
"type": "TEXT",
|
|
"value": "Взыва́ю къ ва́мъ, а҆рхїпа́стырїе и҆ па́стырїе, вѣща́лъ є҆сѝ, ст҃е тѵ́хѡне, патрїа́рше на́шъ, сы́нове моѝ и҆ дще́ри во хрⷭ҇тѐ, спѣши́те съ про́повѣдїю покаѧ́нїѧ, противоста́ните врагѡ́мъ цр҃кви си́лою вѣ́ры ва́шеѧ, зове́мъ вы̀ на страда́нїѧ вмѣ́стѣ съ собо́ю слова́ми а҆пⷭ҇ла: кто̀ ны̀ разлꙋчи́тъ ѿ любвѐ бж҃їѧ!"
|
|
},
|
|
{
|
|
"type": "HEADER",
|
|
"value": "И҆́ны стїхи̑ры, гла́съ то́йже."
|
|
},
|
|
{
|
|
"type": "TEXT",
|
|
"value": "Подо́бенъ: Небѣ́сныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Простотꙋ̀, ми́ръ и҆ кро́тость съ любо́вїю возгрѣва́лъ є҆сѝ въ ср҃дцѣ твое́мъ, ѻ҆́ч҃е тѵ́хѡне, моли́твой ти́хою ѡ҆гражда́лъ є҆сѝ ста́до хрⷭ҇то́во, ѿ волкѡ́въ, гꙋбѧ́щихъ є҆̀."
|
|
},
|
|
{
|
|
"type": "TEXT",
|
|
"value": "Во́ли бж҃їѧ пра́ведный и҆ска́телю и҆ побо́рниче, ѻ҆́ч҃е тѵ́хѡне, моли́твенниче пла́менный за цр҃ковь и҆ зе́млю рꙋ́сскꙋю, любвѐ хрⷭ҇то́вы ст҃ы́й и҆ кро́ткїй подви́жниче, застꙋ́пниче безстра́шный неви́ннѡ стра́ждꙋщихъ, прⷪ҇ро́чествъ твои́хъ ви́дѣхомъ стра́шное сбы́тїе, молѝ сп҃сти́сѧ дꙋша́мъ на́шимъ."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Ра́дꙋйсѧ:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ, ст҃ы́й патрїа́рше на́шъ тѵ́хѡне, ᲂу҆крѣплѧ́ѧй цр҃ковь рꙋ́сскꙋю на по́двигъ хрⷭ҇то́въ, собира́ѧй но́вое хрⷭ҇то́во во́инство, наꙋча́ѧй вѣ́рою и҆ любо́вїю въ кро́тости побѣжда́ти ѕло́бꙋ вра́жїю, во смире́нїи стѧжа́ти си́лꙋ бж҃їю, воево́да взбра́нный ны́нѣ сно́ва бꙋ́ди на́мъ, мо́лимъ, па́стырю люби́мый на́шъ, не ѡ҆ста́ви ча́дъ твои́хъ во вѣ́ки."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, ст҃ѣ́йшїй ѻ҆́ч҃е на́шъ тѵ́хѡне, возлюби́вый бо́льше жи́зни всероссі́йскꙋю па́ствꙋ твою̀, и҆ положи́вый дш҃ꙋ свою̀ за цр҃ковь бж҃їю, за бж҃їй наро́дъ, къ немꙋ́ же со ско́рбїю тѧ́жкою взыва́лъ є҆сѝ: ср҃дце моѐ гори́тъ жа́лостїю до сме́рти, ѡ҆чи́ститесь, бра́тїе, ѿ грѣхѡ́въ свои́хъ, и҆ бꙋ́демъ вмѣ́стѣ моли́ти гдⷭ҇а: ѻ҆́ч҃е на́шъ, ѡ҆ста́ви на́мъ до́лги на́ша."
|
|
},
|
|
{
|
|
"type": "HEADER",
|
|
"value": "Тропа́рь, гла́съ г҃:"
|
|
},
|
|
{
|
|
"type": "TEXT",
|
|
"value": "Въ годи́нꙋ тѧ́жкꙋю бг҃мъ и҆збра́нный, въ соверше́нной ст҃ости и҆ любвѝ бг҃а просла́вилъ є҆сѝ, во смире́нїи вели́чїе, въ простотѣ̀ и҆ кро́тости си́лꙋ бж҃їю ꙗ҆влѧ́ѧй, положи́лъ є҆сѝ дш҃ꙋ за цр҃ковь, за лю́ди своѧ̀, и҆сповѣ́дниче ст҃е, патрїа́рше тѵ́хѡне, молѝ хрⷭ҇та̀ бг҃а, є҆мꙋ́же сораспѧ́лсѧ є҆сѝ, и҆ ны́нѣ спастѝ зе́млю рꙋ́сскꙋю и҆ па́ствꙋ твою̀."
|
|
},
|
|
{
|
|
"type": "HEADER",
|
|
"value": "Конда́къ, гла́съ є҃:"
|
|
},
|
|
{
|
|
"type": "TEXT",
|
|
"value": "Слꙋже́нїе твоѐ и҆спо́лнено сто́номъ и҆ го́ремъ, сщ҃енномꙋ́чениче тѵ́хѡне, патрїа́рше на́шъ, но бы́лъ є҆сѝ пра́вило вѣ́ры и҆ ѻ҆́бразъ кро́тости, побѣжда́ѧй ра́спри и҆ раздѣле́нїѧ, си́лою смире́нїѧ и҆ любвѝ хрⷭ҇то́вой противоста́лъ є҆сѝ ѕло́бѣ сатани́нской, возгла́вилъ є҆сѝ до́брое во́инство но́выхъ мч҃ениковъ, цр҃ковь рꙋ́сскꙋю ᲂу҆тверди́вшихъ навѣ́ки."
|
|
},
|
|
{
|
|
"type": "HEADER",
|
|
"value": "Моли́тва ст҃и́телю тѵ́хѡнꙋ, патрїа́рхꙋ всерѡссі́йскомꙋ:"
|
|
},
|
|
{
|
|
"type": "TEXT",
|
|
"value": "Ѽ сщ҃е́ннаѧ главо̀, ст҃и́телю ѻ҆́ч҃е на́шъ тѵ́хѡне! И҆збра́нниче и҆ и҆сповѣ́дниче хрⷭ҇то́въ, кро́тостїю сниска́вый дх҃о́вный плѡ́дъ ми́ра и҆ ра́дѡсти ѡ҆ дх҃ѣ ст҃о́мъ. Цр҃и́цы нбⷭ҇ныѧ возлю́бленный слꙋжи́телю, па́стырю ди́вный, любо́вїю ѡ҆зари́вый дꙋ́ши и҆ сєрдца̀ слове́снагѡ ста́да хрⷭ҇то́ва, со ᲂу҆миле́нїемъ прикло́ньше кѡлѣ́на (и҆ припа́даѧ къ ра́цѣ твое́й), мо́лимъ тѧ̀: принесѝ моли́твꙋ на́шꙋ ко всѧ̑ содержа́щемꙋ и҆ спаса́ющемꙋ чл҃вѣколю́бцꙋ гдⷭ҇ꙋ, є҆мꙋ́же ны́нѣ съ ли́ки а҆́гг҃ловъ и҆ со всѣ́ми ст҃ы́ми предстои́ши, да ᲂу҆тверди́тъ во ст҃о́й свое́й правосла́вной цр҃кви жи́вый дꙋ́хъ пра́выѧ вѣ́ры и҆ бл҃гоче́стїѧ, па́стырємъ же є҆ѧ̀ да да́стъ ст҃ꙋ́ю ре́вность ѡ҆ спасе́нїи ввѣ́ренныхъ и҆́мъ люде́й."
|
|
},
|
|
{
|
|
"type": "TEXT",
|
|
"value": "Оу҆молѝ гдⷭ҇а сла́вы, да ᲂу҆крѣпи́тъ, ᲂу҆мꙋдри́тъ и҆ сохрани́тъ наро́ды на́ши ѿ ѕла́го наси́лїѧ, ѡ҆бстоѧ́нїй и҆ ѡ҆бма́на. Поста́влєннымъ длѧ ᲂу҆правлє́нїѧ и҆ сꙋда̀ ниспо́шлетъ ᲂу҆се́рдїе, мꙋ́дрость и҆ нелицепрїѧ́тїе, да та́кѡ поживе́мъ ти́хое и҆ безмо́лвное житїѐ."
|
|
},
|
|
{
|
|
"type": "TEXT",
|
|
"value": "Ѽ ст҃и́телю тѵ́хѡне, вѣ́рꙋемъ бо, ꙗ҆́кѡ ты̀, на нб҃сѣ́хъ живы́й, лю́биши ны̀ то́ю же любо́вїю, є҆́ю же всѧ̑ бли̑жнїѧ твоѧ̑ возлюби́лъ є҆сѝ, внегда̀ пребыва́ти тебѣ̀ на землѝ. И҆спросѝ ᲂу҆ всемлⷭ҇тивагѡ гдⷭ҇а всѣ́мъ на́мъ пода́ти да́ръ коемꙋ́ждо бл҃гопотре́бенъ и҆ всѧ̑, ꙗ҆́же къ животꙋ̀ вре́менномꙋ и҆ вѣ́чномꙋ полє́знаѧ, мі́рꙋ ᲂу҆мире́нїе, градѡ́въ ᲂу҆твержде́нїе, землѐ плодоно́сїе, ѿ гла́да и҆ па́гꙋбы и҆збавле́нїе, ѿ нашє́ствїѧ и҆ноплеме́нныхъ сохране́нїе, скорбѧ́щымъ ᲂу҆тѣше́нїе, недꙋ́гꙋющымъ и҆сцѣле́нїе, па́дшымъ возста́нїе, заблꙋжда́ющымъ на пꙋ́ть и҆́стины возвраще́нїе, подвиза́ющымсѧ въ дѣ́лѣхъ благи́хъ ᲂу҆крѣпле́нїе, бл҃годѣ́лающымъ преꙋспѣ́ѧнїе, роди́телємъ бл҃гослове́нїе, ча́домъ въ стра́хѣ гдⷭ҇немъ воспита́нїе и҆ наꙋче́нїе, наста́вникомъ вѣ́дѣнїе и҆ бл҃гоче́стїе, невѣ́дꙋщимъ вразꙋмле́нїе; си̑рымъ, неимꙋ́щымъ и҆ ᲂу҆бѡ́гимъ по́мощь и҆ застꙋпле́нїе; ѿходѧ́щымъ ѿ сегѡ̀ вре́меннагѡ житїѧ̀ къ вѣ́чномꙋ благо́е ᲂу҆готовле́нїе и҆ напꙋ́тствованїе, ѿше́дшымъ бл҃же́нное ᲂу҆покое́нїе."
|
|
},
|
|
{
|
|
"type": "TEXT",
|
|
"value": "Ѽ свѧ́тче тѵ́хѡне, не ѡ҆ста́ви на́съ твои́ми моли́твами. Да́рꙋй на́мъ сп҃си́тельнѡ пожи́ти въ вѣ́цѣ се́мъ и҆ просла́вити великолѣ́пое и҆́мѧ ѻ҆ц҃а̀ и҆ сн҃а и҆ ст҃а́го дх҃а во вѣ́ки вѣкѡ́въ. А҆ми́нь."
|
|
}
|
|
] |