1526 lines
134 KiB
JSON
1526 lines
134 KiB
JSON
[
|
|
{
|
|
"type": "HEADER",
|
|
"value": "Недѣ́лѧ ст҃ы́ѧ пентико́стїи."
|
|
},
|
|
{
|
|
"type": "TEXT",
|
|
"value": "ⷤ На ма́лѣй вече́рни ⷤ На вели́цѣй вече́рни ⷤ На ᲂу҆́трени ⷤ На лїтꙋргі́и ⷤ Въ недѣ́лю ве́чера"
|
|
},
|
|
{
|
|
"type": "HEADER",
|
|
"value": "Въ сꙋббѡ́тꙋ ве́чера, на ма́лѣй вече́рни."
|
|
},
|
|
{
|
|
"type": "HEADER",
|
|
"value": "На Гдⷭ҇и воззва́хъ: поста́вимъ стїхѝ д҃. И҆ пое́мъ стїхи̑ры, гла́съ а҃:"
|
|
},
|
|
{
|
|
"type": "TEXT",
|
|
"value": "П ѧтдесѧ́тницꙋ пра́зднꙋимъ, / и҆ дх҃а прише́ствїе, / и҆ предложе́нїе ѡ҆бѣща́нїѧ, и҆ наде́жди и҆сполне́нїе, / и҆ та́инство є҆ли́ко, ꙗ҆́кѡ вели́ко же и҆ че́стно. / тѣ́мже вопїе́мъ тѝ: / содѣ́телю всѣ́хъ гдⷭ҇и, сла́ва тебѣ̀. [Два́жды]."
|
|
},
|
|
{
|
|
"type": "TEXT",
|
|
"value": "Ѧ҆ зы́ками и҆норо́дныхъ / ѡ҆бнови́лъ є҆сѝ хрⷭ҇тѐ, твоѧ̑ ᲂу҆ченикѝ, / да тѣ́ми тѧ̀ проповѣ́дѧтъ безсме́ртнаго сло́ва и҆ бг҃а, / подаю́щаго дꙋша́мъ на́шымъ ве́лїю ми́лость."
|
|
},
|
|
{
|
|
"type": "TEXT",
|
|
"value": "В сѧ̑ подае́тъ дх҃ъ ст҃ы́й, / то́читъ проро́чєствїѧ, сщ҃е́нники соверша́етъ, / некни̑жныѧ мꙋ́дрости наꙋчѝ, ры́бари бг҃осло́вцы показа̀, / ве́сь собира́етъ собо́ръ цр҃ко́вный: / є҆диносꙋ́щне, и҆ сопресто́льне ѻ҆ц҃ꙋ̀ и҆ сн҃ꙋ, / ᲂу҆тѣ́шителю, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, гла́съ и҃: Є҆гда̀ дх҃а твоего̀ посла́лъ є҆сѝ гдⷭ҇и, сѣдѧ́щымъ а҆пⷭ҇лѡмъ, / тогда̀ є҆врє́йскїѧ дѣ́ти зрѧ́ще ᲂу҆жаса́хꙋсѧ ᲂу҆́жасомъ: / слы́шахꙋ бо ѧ҆̀ вѣща́ющѧ и҆ны́ми стра́нными ѧ҆зы́ки, / ꙗ҆́коже дх҃ъ подава́ше и҆̀мъ: / невѣ́жди бо сꙋ́ще ᲂу҆мꙋдри́шасѧ, / и҆ ꙗ҆зы́ки въ вѣ́рꙋ ᲂу҆лови́вше, / бж҃е́ствєннаѧ вѣті́йствовахꙋ. / тѣ́мже и҆ мы̀ вопїе́мъ тѝ: / и҆́же на землѝ ꙗ҆вле́йсѧ, и҆ ѿ пре́лести спасы́й на́съ, / гдⷭ҇и сла́ва тебѣ̀."
|
|
},
|
|
{
|
|
"type": "HEADER",
|
|
"value": "На стїхо́внѣ самогла́сны, гла́съ в҃:"
|
|
},
|
|
{
|
|
"type": "TEXT",
|
|
"value": "В и́дѣхомъ свѣ́тъ и҆́стинный, / прїѧ́хомъ дх҃а небе́снаго, / ѡ҆брѣто́хомъ вѣ́рꙋ и҆́стиннꙋю, / нераздѣ́льнѣй трⷪ҇цѣ покланѧ́емсѧ: / та́ бо на́съ спасла̀ є҆́сть."
|
|
},
|
|
{
|
|
"type": "TEXT",
|
|
"value": "Сті́хъ: Се́рдце чи́сто сози́жди во мнѣ̀ бж҃е, / и҆ дх҃ъ пра́въ ѡ҆бновѝ во ᲂу҆тро́бѣ мое́й."
|
|
},
|
|
{
|
|
"type": "TEXT",
|
|
"value": "В о проро́цѣхъ возвѣсти́лъ є҆сѝ на́мъ пꙋ́ть спасе́нїѧ, / и҆ во а҆пⷭ҇лѣхъ возсїѧ̀ сп҃се на́шъ, бл҃года́ть дх҃а твоегѡ̀. / ты̀ є҆сѝ бг҃ъ пе́рвый, ты̀ и҆ по си́хъ, / и҆ во вѣ́ки ты̀ є҆сѝ бг҃ъ на́шъ."
|
|
},
|
|
{
|
|
"type": "TEXT",
|
|
"value": "Сті́хъ: Не ѿве́ржи менѐ ѿ лица̀ твоегѡ̀, / и҆ дх҃а твоегѡ̀ ст҃а́гѡ не ѿимѝ ѿ менѐ."
|
|
},
|
|
{
|
|
"type": "TEXT",
|
|
"value": "В о дво́рѣхъ твои́хъ воспою́ тѧ сп҃са мі́ра, / и҆ прекло́нь кѡлѣ́на, поклоню́сѧ твое́й непобѣди́мѣй си́лѣ, / ве́черъ, и҆ ᲂу҆́трѡ, и҆ полꙋ́дне, / и҆ на всѧ́кое вре́мѧ бл҃гословлю́ тѧ гдⷭ҇и."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, гла́съ то́йже: Трⷪ҇цꙋ є҆диносꙋ́щнꙋю пѣсносло́вимъ, / ѻ҆ц҃а̀ и҆ сн҃а, со ст҃ы́мъ дх҃омъ: / та́кѡ бо проповѣ́даша всѝ проро́цы, / и҆ а҆по́столи съ мꙋ́ченики."
|
|
},
|
|
{
|
|
"type": "TEXT",
|
|
"value": "Н ы́нѣ ѿпꙋща́еши: Трист҃о́е. Прест҃а́ѧ трⷪ҇це. Ѻ҆́ ч҃е на́шъ: Ꙗ҆́ кѡ твоѐ є҆́сть црⷭ҇тво:"
|
|
},
|
|
{
|
|
"type": "HEADER",
|
|
"value": "Ѿпꙋсти́тельный тропа́рь, гла́съ и҃:"
|
|
},
|
|
{
|
|
"type": "TEXT",
|
|
"value": "Б л҃гослове́нъ є҆сѝ хрⷭ҇тѐ бж҃е на́шъ, / и҆́же премꙋ́дры ловцы̀ ꙗ҆вле́й, / низпосла́въ и҆̀мъ дх҃а ст҃а́го, / и҆ тѣ́ми ᲂу҆ловле́й вселе́ннꙋю, / человѣколю́бче сла́ва тебѣ̀."
|
|
},
|
|
{
|
|
"type": "TEXT",
|
|
"value": "И҆ про́чее ѻ҆бы́чно. И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На вели́цѣй вече́рни."
|
|
},
|
|
{
|
|
"type": "TEXT",
|
|
"value": "Ѻ҆бы́чное стїхосло́вїе. На Гдⷭ҇и воззва́хъ: поста́вимъ стїхѡ́въ і҃. И҆ пое́мъ стїхи̑ры самогла́сны г҃ пе́рвыѧ, повторѧ́юще пе́рвꙋю. Та́же є҃, втора́гѡ гла́са, повторѧ́юще пе́рвꙋю."
|
|
},
|
|
{
|
|
"type": "HEADER",
|
|
"value": "Гла́съ а҃:"
|
|
},
|
|
{
|
|
"type": "TEXT",
|
|
"value": "П ѧтдесѧ́тницꙋ пра́зднꙋимъ, / и҆ дх҃а прише́ствїе, / и҆ предложе́нїе ѡ҆бѣща́нїѧ, / и҆ наде́жди и҆сполне́нїе, / и҆ та́инство є҆ли́ко, / ꙗ҆́кѡ вели́ко же и҆ че́стно. / тѣ́мже вопїе́мъ тѝ: / содѣ́телю всѣ́хъ гдⷭ҇и, сла́ва тебѣ̀. [Два́жды]."
|
|
},
|
|
{
|
|
"type": "TEXT",
|
|
"value": "Ѧ҆ зы́ками и҆норо́дныхъ / ѡ҆бнови́лъ є҆сѝ хрⷭ҇тѐ, твоѧ̑ ᲂу҆ченикѝ, / да тѣ́ми тѧ̀ проповѣ́дѧтъ / безсме́ртнаго сло́ва и҆ бг҃а, / подаю́щаго дꙋша́мъ на́шымъ ве́лїю ми́лость."
|
|
},
|
|
{
|
|
"type": "TEXT",
|
|
"value": "В сѧ̑ подае́тъ дх҃ъ ст҃ы́й, / то́читъ проро́чєствїѧ, сщ҃е́нники соверша́етъ, / некни̑жныѧ мꙋ́дрости наꙋчѝ, / ры́бари бг҃осло́вцы показа̀, / ве́сь собира́етъ собо́ръ цр҃ко́вный. / є҆диносꙋ́щне и҆ сопресто́льне ѻ҆ц҃ꙋ̀ и҆ сн҃ꙋ, / ᲂу҆тѣ́шителю, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Гла́съ в҃:"
|
|
},
|
|
{
|
|
"type": "TEXT",
|
|
"value": "В и́дѣхомъ свѣ́тъ и҆́стинный, / прїѧ́хомъ дх҃а нбⷭ҇наго, / ѡ҆брѣто́хомъ вѣ́рꙋ и҆́стиннꙋю, / нераздѣ́льнѣй трⷪ҇цѣ покланѧ́емсѧ: / та́ бо на́съ спасла̀ є҆́сть. [Два́жды]."
|
|
},
|
|
{
|
|
"type": "TEXT",
|
|
"value": "В о проро́цѣхъ возвѣсти́лъ є҆сѝ на́мъ пꙋ́ть спасе́нїѧ, / и҆ во а҆пⷭ҇лѣхъ возсїѧ̀ сп҃се на́шъ, бл҃года́ть дх҃а твоегѡ̀: / ты̀ є҆сѝ бг҃ъ пе́рвый, ты̀ и҆ по си́хъ, / и҆ во вѣ́ки ты̀ є҆сѝ бг҃ъ на́шъ."
|
|
},
|
|
{
|
|
"type": "TEXT",
|
|
"value": "В о дво́рѣхъ твои́хъ воспою́ тѧ сп҃са мі́ра, / и҆ прекло́нь кѡлѣ́на, поклоню́сѧ твое́й непобѣди́мѣй си́лѣ, / ве́черъ, и҆ ᲂу҆́трѡ, и҆ полꙋ́дне, / и҆ на всѧ́кое вре́мѧ бл҃гословлю́ тѧ гдⷭ҇и."
|
|
},
|
|
{
|
|
"type": "TEXT",
|
|
"value": "В о дво́рѣхъ твои́хъ гдⷭ҇и, вѣ́рнїи / кѡлѣ́на дꙋ́шъ и҆ тѣле́съ прекло́нше, / воспѣва́емъ тѧ̀ безнача́льнаго ѻ҆ц҃а̀, / и҆ собезнача́льнаго сн҃а, / и҆ соприсносꙋ́щнаго и҆ прест҃а́го дх҃а, / просвѣща́ющаго и҆ ѡ҆свѧща́ющаго дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Т рⷪ҇цꙋ є҆диносꙋ́щнꙋю пѣсносло́вимъ, / ѻ҆ц҃а̀ и҆ сн҃а, со ст҃ы́мъ дх҃омъ: / та́кѡ бо проповѣ́даша всѝ проро́цы, / и҆ а҆пⷭ҇ли съ мꙋ́ченики."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ: гла́съ и҃. Творе́нїе льва̀ влады́ки:"
|
|
},
|
|
{
|
|
"type": "TEXT",
|
|
"value": "П рїиди́те лю́дїе, / трїѷпоста́сномꙋ бж҃ествꙋ̀ поклони́мсѧ, / сн҃ꙋ во ѻ҆ц҃ѣ̀, со ст҃ы́мъ дх҃омъ: / ѻ҆ц҃ъ бо безлѣ́тнѡ родѝ / сн҃а соприсносꙋ́щна и҆ сопресто́льна, / и҆ дх҃ъ ст҃ы́й бѣ̀ во ѻ҆ц҃ѣ̀, съ сн҃омъ прославлѧ́емь: / є҆ди́на си́ла, є҆ди́но сꙋщество̀, є҆ди́но бж҃ество̀. / є҆мꙋ́же покланѧ́ющесѧ всѝ глаго́лемъ: / ст҃ы́й бж҃е, всѧ̑ содѣ́ѧвый сн҃омъ, содѣ́йствомъ ст҃а́гѡ дх҃а: / ст҃ы́й крѣ́пкїй, и҆́мже ѻ҆ц҃а̀ позна́хомъ, / и҆ дх҃ъ ст҃ы́й прїи́де въ мі́ръ: / ст҃ы́й безсме́ртный, ᲂу҆тѣ́шительный дш҃е, / ѿ ѻ҆ц҃а̀ и҆сходѧ́й, и҆ въ сн҃ѣ почива́ѧй: / трⷪ҇це ст҃а́ѧ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Вхо́дъ. Свѣ́те ти́хїй: Прокі́менъ днѐ, и҆ чтє́нїѧ."
|
|
},
|
|
{
|
|
"type": "HEADER",
|
|
"value": "Чи́слъ чте́нїе. [Глава̀ а҃і.]"
|
|
},
|
|
{
|
|
"type": "TEXT",
|
|
"value": "Р ечѐ гдⷭ҇ь къ мѡѷсе́ю: собери́ ми се́дмьдесѧтъ мꙋже́й ѿ ста́рєцъ і҆и҃левыхъ, и҆̀хже ты̀ са́мъ вѣ́си, ꙗ҆́кѡ сі́и сꙋ́ть ста́рцы люде́й, и҆ кни́жники и҆́хъ: и҆ приведе́ши и҆̀хъ въ сѣ́нь свидѣ́нїѧ, и҆ ста́нꙋтъ тꙋ̀ съ тобо́ю. и҆ сни́дꙋ и҆ возглаго́лю та́мѡ съ тобо́ю, и҆ ѿимꙋ̀ ѿ дх҃а сꙋ́щагѡ въ тебѣ̀, и҆ возложꙋ̀ на ни́хъ, и҆ посо́бствꙋютъ съ тобо́ю стремлє́нїѧ люде́й, и҆ не пово́диши и҆̀хъ ты̀ є҆ди́нъ. и҆ собра̀ мѡѷсе́й се́дмьдесѧтъ мꙋже́й ѿ ста́рєцъ люде́й, и҆ поста́ви и҆̀хъ ѻ҆́крестъ сѣ́ни. и҆ сни́де гдⷭ҇ь во ѻ҆́блацѣ, и҆ глаго́ла мѡѷсе́ю, и҆ взѧ́тъ ѿ дх҃а и҆́же въ не́мъ, и҆ положѝ на седми́десѧти мꙋже́й ста́рєцъ: а҆ ꙗ҆́коже почѝ дх҃ъ на ни́хъ, и҆ прореко́ша въ станꙋ̀, и҆ ктомꙋ̀ не приложи́ша. и҆ ѡ҆ста́ша два̀ мꙋ̑жа въ станꙋ̀, и҆́мѧ є҆ди́номꙋ є҆лда́дъ, и҆ и҆́мѧ второ́мꙋ мѡда́дъ, и҆ почѝ на ни́хъ дх҃ъ: и҆ сі́и бѣ́ша ѿ напи́санныхъ, и҆ не прїидо́ша въ сѣ́нь, и҆ проро́чествоваста въ станꙋ̀. и҆ прите́къ ю҆́ноша возвѣстѝ мѡѷсе́ю, и҆ речѐ є҆мꙋ̀, глаго́лѧ: є҆лда́дъ и҆ мѡда́дъ проро́чествꙋета въ станꙋ̀. и҆ ѿвѣща́въ і҆исꙋ́съ сы́нъ наѵи́нъ, предстоѧ́й мѡѷсе́ю, и҆збра́нный є҆гѡ̀, речѐ: го́споди мѡѷсе́е, возбранѝ и҆́ма. и҆ речѐ є҆мꙋ̀ мѡѷсе́й: не ревнꙋ́еши ли ты̀ мнѣ̀; и҆ кто̀ да́стъ всѣ̑мъ лю́демъ гдⷭ҇нимъ бы́ти проро́ки, є҆гда̀ да́стъ гдⷭ҇ь дх҃а своего̀ на ни́хъ;"
|
|
},
|
|
{
|
|
"type": "HEADER",
|
|
"value": "Проро́чества і҆ѡ́илева чте́нїе. [Глава̀ в҃.]"
|
|
},
|
|
{
|
|
"type": "TEXT",
|
|
"value": "Т а́кѡ глаго́летъ гдⷭ҇ь: ча́да сїѡ́нова ра́дꙋйтесѧ, и҆ весели́тесѧ ѡ҆ гдⷭ҇ѣ бз҃ѣ ва́шемъ: ꙗ҆́кѡ дадѐ ва́мъ бра̑шна въ пра́вдꙋ, и҆ ѡ҆дожди́тъ ва́мъ до́ждь ра́нный и҆ по́здный, ꙗ҆́коже пре́жде. и҆ напо́лнѧтсѧ гꙋ́мна пшени́цы, и҆ и҆злїю́тсѧ точи̑лїѧ вїна̀ и҆ є҆ле́а. и҆ вда́мъ ва́мъ вмѣ́стѡ лѣ́тъ и҆̀хже поѧдо́ша прꙋ́зи и҆ гꙋ́сєницы, и҆ ржа̀ и҆ хрꙋ́стове, си́ла моѧ̀ вели́каѧ, ю҆́же посла́хъ на вы̀. и҆ снѣ́сте ꙗ҆дꙋ́ще и҆ насытите́сѧ, и҆ похва́лите и҆́мѧ гдⷭ҇а бг҃а ва́шегѡ, и҆́же сотворѝ свы́ше чꙋдеса̀: и҆ не постыдѧ́тсѧ лю́дїе моѝ въ вѣ́къ. и҆ разꙋмѣ́ете, ꙗ҆́кѡ посредѣ̀ і҆и҃лѧ а҆́зъ є҆́смь, и҆ а҆́зъ гдⷭ҇ь бг҃ъ ва́шъ, и҆ нѣ́сть и҆но́гѡ ра́звѣ менѐ: и҆ не постыдѧ́тсѧ ктомꙋ̀ лю́дїе моѝ въ вѣ́къ. и҆ бꙋ́детъ по си́хъ, и҆злїю̀ ѿ дх҃а моегѡ̀ на всѧ́кꙋю пло́ть, и҆ прорекꙋ́тъ сы́нове ва́ши и҆ дщє́ри ва́шѧ, и҆ ста́рцы ва́ши сѡ́нїѧ ви́дѧтъ, и҆ ю҆́нѡши ва́ши видѣ̑нїѧ ᲂу҆́зрѧтъ. и҆́бо на рабы̀ моѧ̀, и҆ на рабы̑ни моѧ̀ во днѝ ѻ҆́ны и҆злїю̀ ѿ дх҃а моегѡ̀, и҆ прорекꙋ́тъ. и҆ да́мъ чꙋдеса̀ на небесѝ горѣ̀, и҆ зна́мєнїѧ на землѝ ни́зꙋ, кро́вь и҆ ѻ҆́гнь, и҆ кꙋре́нїе ды́ма. со́лнце преложи́тсѧ во тмꙋ̀, и҆ лꙋна̀ въ кро́вь, пре́жде прише́ствїѧ днѐ гдⷭ҇нѧ вели́кагѡ и҆ стра́шнагѡ. и҆ бꙋ́детъ всѧ́къ, и҆́же а҆́ще призове́тъ и҆́мѧ гдⷭ҇не, спасе́тсѧ."
|
|
},
|
|
{
|
|
"type": "HEADER",
|
|
"value": "Проро́чества і҆езекі́илева чте́нїе. [Глава̀ л҃ѕ.]"
|
|
},
|
|
{
|
|
"type": "TEXT",
|
|
"value": "Т а́кѡ глаго́летъ гдⷭ҇ь: прїимꙋ̀ ва́съ ѿ ꙗ҆зы̑къ, и҆ соберꙋ̀ вы̀ ѿ всѣ́хъ ꙗ҆зы̑къ стра́нныхъ, и҆ введꙋ̀ вы̀ въ зе́млю ва́шꙋ, и҆ ѡ҆кроплю̀ на вы̀ чи́стꙋю во́дꙋ, и҆ ѡ҆чи́ститесѧ ѿ всѣ́хъ нечисто́тъ ва́шихъ, и҆ ѿ всѣ́хъ і҆́дѡлъ ва́шихъ, и҆ ѡ҆чи́щꙋ вы̀. и҆ да́мъ ва́мъ се́рдце но́вое, и҆ дꙋ́хъ но́вый да́мъ ва́мъ, и҆ ѿимꙋ̀ се́рдце ка́менное ѿ пло́ти ва́шеѧ, и҆ да́мъ ва́мъ се́рдце плотѧно́е, и҆ дꙋ́хъ мо́й да́мъ въ ва́съ: и҆ сотворю̀, да во ѡ҆правда́нїихъ мои́хъ хо́дите, и҆ сꙋдьбы̑ моѧ̀ сохранитѐ, и҆ сотворитѐ. и҆ вселите́сѧ въ зе́млю, ю҆́же да́хъ ѻ҆ц҃є́мъ ва́шымъ, и҆ бꙋ́дете мѝ въ лю́ди, и҆ а҆́зъ бꙋ́дꙋ ва́мъ въ бг҃а."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры самогла́сны г҃, втора́гѡ гла́са:"
|
|
},
|
|
{
|
|
"type": "TEXT",
|
|
"value": "В о проро́цѣхъ возвѣсти́лъ є҆сѝ на́мъ пꙋ́ть спасе́нїѧ, / и҆ во а҆по́столѣхъ возсїѧ̀ сп҃се на́шъ, бл҃года́ть дх҃а твоегѡ̀. / ты̀ є҆сѝ бг҃ъ пе́рвый, ты̀ и҆ по си́хъ, / и҆ во вѣ́ки ты̀ є҆сѝ бг҃ъ на́шъ."
|
|
},
|
|
{
|
|
"type": "TEXT",
|
|
"value": "В о дво́рѣхъ твои́хъ воспою́ тѧ сп҃са мі́ра, / и҆ прекло́нь кѡлѣ́на, поклоню́сѧ твое́й непобѣди́мѣй си́лѣ, / ве́черъ, и҆ ᲂу҆́трѡ, и҆ полꙋ́дне, / и҆ на всѧ́кое вре́мѧ бл҃гословлю́ тѧ гдⷭ҇и."
|
|
},
|
|
{
|
|
"type": "TEXT",
|
|
"value": "В о дво́рѣхъ твои́хъ гдⷭ҇и, вѣ́рнїи, / кѡлѣ́на дꙋ́шъ и҆ тѣле́съ прекло́нше, / воспѣва́емъ тѧ̀ безнача́льнаго ѻ҆ц҃а̀, / и҆ собезнача́льнаго сн҃а, / и҆ соприсносꙋ́щнаго и҆ прест҃а́го дх҃а, / просвѣща́ющаго и҆ ѡ҆свѧща́ющаго дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, гла́съ и҃: Є҆гда̀ дх҃а твоего̀ посла́лъ є҆сѝ гдⷭ҇и, / сѣдѧ́щымъ а҆по́столѡмъ, / тогда̀ є҆врє́йскїѧ дѣ́ти зрѧ́ще ᲂу҆жаса́хꙋсѧ ᲂу҆́жасомъ: / слы́шахꙋ бо ѧ҆̀ вѣща́ющѧ / и҆ны́ми стра́нными ѧ҆зы́ки, ꙗ҆́коже дх҃ъ подава́ше и҆́мъ. / невѣ́жди бо сꙋ́ще ᲂу҆мꙋдри́шасѧ, / и҆ ꙗ҆зы́ки въ вѣ́рꙋ ᲂу҆лови́вше, / бж҃е́ствєннаѧ виті́йствовахꙋ. / тѣ́мже и҆ мы̀ вопїе́мъ тѝ: / и҆́же на землѝ ꙗ҆вле́йсѧ, и҆ ѿ пре́лести спасы́й на́съ, / гдⷭ҇и сла́ва тебѣ̀."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры самогла́сны, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Н е разꙋмѣ́юще ꙗ҆зы́цы гдⷭ҇и, прест҃а́гѡ дх҃а / на а҆пⷭ҇лы твоѧ̑ бы́вшїѧ си́лы, / и҆змѣне́нїе ѧ҆зы̑къ пїѧ́нство бы́ти мнѧ́хꙋ. / мы́ же ᲂу҆тверди́вшесѧ ѡ҆ ни́хъ, / непреста́ннѡ си́це глаго́лемъ: / дх҃а твоегѡ̀ ст҃а́гѡ не ѿимѝ ѿ на́съ, / мо́лимъ ти сѧ человѣколю́бче."
|
|
},
|
|
{
|
|
"type": "TEXT",
|
|
"value": "Сті́хъ: Се́рдце чи́сто сози́жди во мнѣ̀ бж҃е, / и҆ дх҃ъ пра́въ ѡ҆бновѝ во ᲂу҆тро́бѣ мое́й."
|
|
},
|
|
{
|
|
"type": "TEXT",
|
|
"value": "Г дⷭ҇и, ст҃а́гѡ дх҃а наше́ствїе, / а҆пⷭ҇лы твоѧ̑ и҆спо́лнившее, / и҆ны́ми ѧ҆зы́ки глаго́лати ᲂу҆стро́и. / тѣ́мже пресла́вное, / невѣ̑рнымъ ᲂу҆́бѡ пїѧ́нство мнѧ́шесѧ, / вѣ̑рнымъ же хода́тайственно спасе́нїѧ: / є҆гѡ́же сїѧ́нїѧ и҆ на́съ сподо́би, / мо́лимъ ти сѧ человѣколю́бче."
|
|
},
|
|
{
|
|
"type": "TEXT",
|
|
"value": "Сті́хъ: Не ѿве́ржи менѐ ѿ лица̀ твоегѡ̀, / и҆ дх҃а твоегѡ̀ ст҃а́гѡ не ѿимѝ ѿ менѐ."
|
|
},
|
|
{
|
|
"type": "TEXT",
|
|
"value": "Ц р҃ю̀ нбⷭ҇ный, / ᲂу҆тѣ́шителю, дш҃е и҆́стины, / и҆́же вездѣ̀ сы́й, / и҆ всѧ̑ и҆сполнѧ́ѧй, / сокро́вище бл҃ги́хъ, / и҆ жи́зни пода́телю, / прїидѝ и҆ всели́сѧ въ ны̀, / и҆ ѡ҆чи́сти ны̀ ѿ всѧ́кїѧ скве́рны, / и҆ спасѝ бл҃же дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, гла́съ и҃: Ꙗ҆зы́цы и҆ногда̀ размѣси́шасѧ, / де́рзости ра́ди столпотворе́нїѧ: / ꙗ҆зы́цы же ны́нѣ ᲂу҆мꙋдри́шасѧ, / сла́вы ра́ди бг҃овѣ́дѣнїѧ. / та́мѡ ѡ҆сꙋдѝ нечести̑выѧ погрѣше́нїемъ: / здѣ̀ просвѣти́лъ є҆́сть хрⷭ҇то́съ ры́бари дх҃омъ. / тогда̀ ᲂу҆праздни́сѧ безгла́сїе къ мꙋче́нїю: / ны́нѣ ѡ҆бновлѧ́етсѧ согла́сїе / ко спасе́нїю дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Ѿпꙋсти́тельный тропа́рь, гла́съ и҃:"
|
|
},
|
|
{
|
|
"type": "TEXT",
|
|
"value": "Б л҃гослове́нъ є҆сѝ хрⷭ҇тѐ бж҃е на́шъ, / и҆́же премꙋ́дры ловцы̀ ꙗ҆вле́й, / низпосла́въ и҆̀мъ дх҃а ст҃а́го, / и҆ тѣ́ми ᲂу҆ловле́й вселе́ннꙋю, / человѣколю́бче сла́ва тебѣ̀. [Три́жды.]"
|
|
},
|
|
{
|
|
"type": "TEXT",
|
|
"value": "Та́же бл҃гослове́нїе хлѣ́бѡвъ. И҆ чте́нїе дѣѧ́нїй ст҃ы́хъ а҆пⷭ҇лъ. [зрѝ] А҆́ще ли не бꙋ́детъ бдѣ́нїѧ: По Ны́нѣ ѿпꙋща́еши: тропа́рь пра́здника є҆ди́ножды. На повече́рїи, по Досто́йно: и҆ по трист҃о́мъ, конда́къ пра́здника. Полꙋ́нощницꙋ пое́мъ по ѻ҆бы́чаю. Канѡ́нъ глаго́лемъ трⷪ҇ченъ во ѻ҆ктѡ́ихѣ, гла́са."
|
|
},
|
|
{
|
|
"type": "HEADER",
|
|
"value": "На ᲂу҆́трени."
|
|
},
|
|
{
|
|
"type": "HEADER",
|
|
"value": "На Бг҃ъ гдⷭ҇ь: тропа́рь пра́здника, три́жды, гла́съ и҃:"
|
|
},
|
|
{
|
|
"type": "TEXT",
|
|
"value": "Б л҃гослове́нъ є҆сѝ хрⷭ҇тѐ бж҃е на́шъ, / и҆́же премꙋ́дры ловцы̀ ꙗ҆вле́й, / низпосла́въ и҆̀мъ дх҃а ст҃а́го, / и҆ тѣ́ми ᲂу҆ловле́й вселе́ннꙋю, / человѣколю́бче сла́ва тебѣ̀."
|
|
},
|
|
{
|
|
"type": "HEADER",
|
|
"value": "По а҃-мъ стїхосло́вїи сѣда́ленъ, гла́съ д҃. Подо́бенъ: Оу҆диви́сѧ і҆ѡ́сифъ:"
|
|
},
|
|
{
|
|
"type": "TEXT",
|
|
"value": "П опра́зднственный вѣ́рнїи, / и҆ коне́чный пра́здникъ пра́зднꙋимъ свѣ́тлѡ, / се́й є҆́сть пѧтдесѧ́тница, / ѡ҆бѣща́нїѧ и҆сполне́нїе и҆ предложе́нїѧ: / въ се́й бо ѻ҆́гнь ᲂу҆тѣ́шителевъ сни́де на зе́млю, ꙗ҆́кѡ въ ви́дѣ ѧ҆зы̑къ, / и҆ ᲂу҆ченикѝ просвѣтѝ, и҆ сїѧ̑ нб҃отаи́нники показа̀. / свѣ́тъ прїи́де ᲂу҆тѣ́шителѧ, и҆ мі́ръ просвѣтѝ. [Два́жды]."
|
|
},
|
|
{
|
|
"type": "TEXT",
|
|
"value": "И҆ быва́етъ чте́нїе въ толкова́нїи і҆ѡа́нна, Сло́во и҃: Въ послѣ́днїй де́нь: на́двое."
|
|
},
|
|
{
|
|
"type": "HEADER",
|
|
"value": "По в҃-й каѳі́смѣ сѣда́ленъ, гла́съ и҃ подо́бенъ то́йже:"
|
|
},
|
|
{
|
|
"type": "TEXT",
|
|
"value": "Д х҃а и҆сто́чникъ прише́дъ на зе́млю, / во ѻ҆́гненныѧ рѣ́ки раздѣлѧ́ѧсѧ мы́сленнѡ, / а҆пⷭ҇лы ѡ҆роша́ше просвѣща́ѧ: / и҆ бы́сть и҆̀мъ ѻ҆́блакъ ѡ҆роша́ѧй / ѻ҆́гнь, просвѣща́ѧй тѣ́хъ, и҆ ѡ҆дождѧ́ѧй пла́мень, / и҆́миже мы̀ прїѧ́хомъ благода́ть, ѻ҆гне́мъ же и҆ водо́ю. / свѣ́тъ прїи́де ᲂу҆тѣ́шителѧ, и҆ мі́ръ просвѣтѝ. [Два́жды]."
|
|
},
|
|
{
|
|
"type": "TEXT",
|
|
"value": "И҆ чте́нїе."
|
|
},
|
|
{
|
|
"type": "HEADER",
|
|
"value": "Велича́нїе:"
|
|
},
|
|
{
|
|
"type": "TEXT",
|
|
"value": "В елича́емъ тѧ̀, / живода́вче хрⷭ҇тѐ, / и҆ чти́мъ всест҃а́го дх҃а твоего̀, / є҆го́же ѿ ѻ҆ц҃а̀ посла́лъ є҆сѝ / бж҃е́ствєннымъ ᲂу҆ч҃нкѡмъ твои̑мъ."
|
|
},
|
|
{
|
|
"type": "HEADER",
|
|
"value": "Ѱало́мъ и҆збра̑нный."
|
|
},
|
|
{
|
|
"type": "TEXT",
|
|
"value": "а҃ ли́къ: Нб҃са̀ повѣ́даютъ сла́вꙋ бж҃їю, творе́нїе же и҆ рꙋкꙋ̀ є҆гѡ̀ возвѣща́етъ тве́рдь. в҃. дх҃омъ ᲂу҆́стъ є҆гѡ̀ всѧ̀ си́ла и҆́хъ. а҃. съ нб҃сѐ призрѣ̀ гдⷭ҇ь, ви́дѣ всѧ̑ сы́ны человѣ́чєскїѧ. в҃. ѻ҆́гнь пред̾ ни́мъ пред̾и́детъ, и҆ ѻ҆́крестъ є҆гѡ̀ бꙋ́рѧ ѕѣ́льна. а҃. ᲂу҆́глїе возгорѣ́сѧ ѿ негѡ̀, и҆ приклонѝ нб҃са̀, и҆ сни́де. в҃. ѿ ѡ҆блиста́нїѧ пред̾ ни́мъ ѻ҆́блацы проидо́ша. а҃. помѧнꙋ́тсѧ, и҆ ѡ҆братѧ́тсѧ ко гдⷭ҇ꙋ всѝ концы̀ землѝ: в҃. и҆ покло́нѧтсѧ пред̾ ни́мъ всѧ̑ ѻ҆те́чествїѧ ꙗ҆зы̑къ. а҃. свидѣ́тельство гдⷭ҇не вѣ́рно, ᲂу҆мꙋдрѧ́ющее младе́нцы. в҃. землѧ̀ потрѧсе́сѧ, и҆́бо небеса̀ ка́нꙋша ѿ лица̀ бг҃а сїна́ина. а҃. до́ждь во́ленъ ѿлꙋчи́ши бж҃е достоѧ́нїю твоемꙋ̀. в҃. поста́виши и҆̀хъ кнѧ́зи по все́й землѝ. а҃. во всю̀ зе́млю и҆зы́де вѣща́нїе и҆́хъ, и҆ въ концы̀ вселе́нныѧ глаго́лы и҆́хъ. в҃. по́слеши дх҃а твоего̀, и҆ сози́ждꙋтсѧ, и҆ ѡ҆бнови́ши лицѐ землѝ. а҃. дх҃ъ а҆ тво́й бл҃гі́й наста́витъ мѧ̀ на зе́млю пра́вꙋ. в҃. се́рдце чи́сто сози́жди во мнѣ̀ бж҃е, и҆ дх҃ъ пра́въ ѡ҆бновѝ во ᲂу҆тро́бѣ мое́й. а҃. не ѿве́ржи менѐ ѿ лица̀ твоегѡ̀ и҆ дх҃а твоегѡ̀ ст҃а́гѡ не ѿимѝ ѿ менѐ. в҃. возда́ждь мѝ ра́дость сп҃се́нїѧ твоегѡ̀, и҆ дх҃омъ влⷣчнимъ ᲂу҆тверди́ мѧ. а҃. гдⷭ҇ь да́стъ глаго́лъ бл҃говѣствꙋ́ющымъ си́лою мно́гою. в҃. гдⷭ҇ь крѣ́пость лю́демъ свои̑мъ да́стъ: гдⷭ҇ь бл҃гослови́тъ лю́ди своѧ̑ ми́ромъ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ: А҆ллилꙋ́їа, три́жды."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃. Подо́бенъ: Повелѣ́нное та́йнѡ:"
|
|
},
|
|
{
|
|
"type": "TEXT",
|
|
"value": "П о воста́нїи хрⷭ҇тѐ, є҆́же ѿ гро́ба, / и҆ є҆́же къ высотѣ̀ нбⷭ҇ной бж҃е́ственномъ вознесе́нїи, / бг҃ови́дцємъ сла́вꙋ твою̀ низпосла́лъ є҆сѝ ще́дре, / дх҃а пра́ваго ѡ҆бнови́вый ᲂу҆ченикѡ́мъ. / тѣ́мже ꙗ҆́кѡ гꙋ́сль мꙋсїкі́йскаѧ, всѣ̑мъ ᲂу҆ѧсни́сѧ / бж҃е́ственнымъ брѧца́ломъ та́йнѡ сп҃се глаше́нїѧ, и҆ смотре́нїе твоѐ. [Два́жды]."
|
|
},
|
|
{
|
|
"type": "TEXT",
|
|
"value": "И҆ чте́нїе въ бг҃осло́вѣ."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "TEXT",
|
|
"value": "Ѿ ю҆́ности моеѧ̀ / мно́зи бо́рютъ мѧ̀ стра̑сти, / но са́мъ мѧ̀ застꙋпѝ, / и҆ сп҃сѝ сп҃се мо́й."
|
|
},
|
|
{
|
|
"type": "TEXT",
|
|
"value": "Н енави́дѧщїи сїѡ́на, / посрами́тесѧ ѿ гдⷭ҇а, / ꙗ҆́кѡ трава́ бо ѻ҆гне́мъ / бꙋ́дете и҆зсо́хше."
|
|
},
|
|
{
|
|
"type": "TEXT",
|
|
"value": "Сла́ва: Ст҃ы́мъ дх҃омъ / всѧ́ка дꙋша̀ живи́тсѧ, / и҆ чистото́ю возвыша́етсѧ, / свѣтлѣ́етсѧ трⷪ҇ческимъ є҆ди́нствомъ сщ҃еннота́йнѣ."
|
|
},
|
|
{
|
|
"type": "TEXT",
|
|
"value": "И҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Д х҃ъ тво́й бл҃гі́й / наста́витъ мѧ̀ на зе́млю пра́вꙋ. Сті́хъ: Гдⷭ҇и ᲂу҆слы́ши мл҃твꙋ мою̀, внꙋшѝ моле́нїе моѐ."
|
|
},
|
|
{
|
|
"type": "TEXT",
|
|
"value": "Та́же дрꙋгі́й прокі́менъ: Всѧ́кое дыха́нїе / да хва́литъ гдⷭ҇а. Сті́хъ: Хвали́те бг҃а во ст҃ы́хъ є҆гѡ̀, хвали́те є҆го̀ во ᲂу҆твержде́нїи си́лы є҆гѡ̀."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ і҆ѡа́нна, зача́ло ѯ҃є."
|
|
},
|
|
{
|
|
"type": "TEXT",
|
|
"value": "С ꙋ́щꙋ по́здѣ въ де́нь то́й во є҆ди́нꙋ ѿ сꙋббѡ́тъ, и҆ две́ремъ затворє́ннымъ, и҆дѣ́же бѧ́хꙋ ᲂу҆ченицы̀ є҆гѡ̀ со́брани стра́ха ра́ди і҆ꙋде́йска, прїи́де і҆и҃съ, и҆ ста̀ посредѣ̀, и҆ глаго́ла и҆̀мъ: ми́ръ ва́мъ. и҆ сїѐ ре́къ, показа̀ и҆̀мъ рꙋ́цѣ и҆ но́зѣ и҆ рє́бра своѧ̀. возра́довашасѧ же ᲂу҆ченицы̀ ви́дѣвше гдⷭ҇а. рече́ же и҆̀мъ і҆и҃съ па́ки: ми́ръ ва́мъ. ꙗ҆́коже посла́ мѧ ѻ҆ц҃ъ, и҆ а҆́зъ посыла́ю вы̀. и҆ сїѐ ре́къ, дꙋ́нꙋ, и҆ глаго́ла и҆̀мъ: прїими́те дх҃ъ ст҃ъ. и҆̀мже ѿпꙋститѐ грѣхѝ, ѿпꙋ́стѧтсѧ и҆̀мъ: и҆ и҆̀мже держитѐ, держа́тсѧ."
|
|
},
|
|
{
|
|
"type": "TEXT",
|
|
"value": "Воскрⷭ҇нїе хрⷭ҇то́во: не глаго́лемъ, но а҆́бїе ѱало́мъ н҃."
|
|
},
|
|
{
|
|
"type": "HEADER",
|
|
"value": "Та́же:"
|
|
},
|
|
{
|
|
"type": "TEXT",
|
|
"value": "Сла́ва: Мл҃твами а҆пⷭ҇лъ, / млⷭ҇тиве, ѡ҆чи́сти / мно́жєства согрѣше́нїй на́шихъ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Мл҃твами бцⷣы, / млⷭ҇тиве, ѡ҆чи́сти / мно́жєства согрѣше́нїй на́шихъ."
|
|
},
|
|
{
|
|
"type": "TEXT",
|
|
"value": "Та́же сті́хъ, гла́съ ѕ҃: Поми́лꙋй мѧ̀, бж҃е, / по вели́цѣй млⷭ҇ти твое́й, / и҆ по мно́жествꙋ щедро́тъ твои́хъ, / ѡ҆чи́сти беззако́нїе моѐ."
|
|
},
|
|
{
|
|
"type": "HEADER",
|
|
"value": "Стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Ц р҃ю̀ нбⷭ҇ный, / ᲂу҆тѣ́шителю, дш҃е и҆́стины, / и҆́же вездѣ̀ сы́й, / и҆ всѧ̑ и҆сполнѧ́ѧй, / сокро́вище бл҃ги́хъ, / и҆ жи́зни пода́телю, / прїидѝ и҆ всели́сѧ въ ны̀, / и҆ ѡ҆чи́сти ны̀ ѿ всѧ́кїѧ скве́рны, / и҆ спасѝ бл҃же дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Канѡ́на пра́здника два̀. І҆рмосы̀ ѻ҆бою̀ канѡ́нѡвъ по два́жды, а҆ тропарѝ на в҃і. Послѣди́ же є҆ди́нъ ли́къ, а҃-й і҆рмо́съ: и҆ дрꙋгі́й ли́къ, дрꙋгі́й і҆рмо́съ."
|
|
},
|
|
{
|
|
"type": "HEADER",
|
|
"value": "Канѡ́нъ, є҆гѡ́же краестро́чїе: Пѧтдесѧ́тницꙋ пра́зднꙋимъ. Творе́нїе космы̀ мона́ха. Гла́съ з҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "По́нтомъ покры̀ / фараѡ́на съ колесни́цами / сокрꙋша́ѧй бра̑ни мы́шцею высо́кою, / пои́мъ є҆мꙋ̀, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Д ѣ́ломъ, ꙗ҆́коже дре́вле ᲂу҆ченикѡ́мъ ѡ҆бѣща́лъ є҆сѝ, / ᲂу҆тѣ́шителѧ дх҃а посла́вый хрⷭ҇тѐ, / возсїѧ́лъ є҆сѝ мі́рꙋ свѣ́тъ человѣколю́бче."
|
|
},
|
|
{
|
|
"type": "TEXT",
|
|
"value": "З ако́номъ дре́вле проповѣ́данное и҆ проро́ки, и҆спо́лнисѧ: / бж҃е́ственнагѡ бо дх҃а дне́сь всѣ̑мъ вѣ̑рнымъ бл҃года́ть и҆злїѧ́сѧ."
|
|
},
|
|
{
|
|
"type": "HEADER",
|
|
"value": "И҆́ный канѡ́нъ і҆амві́ческїй, творе́нїе кѵ́ръ і҆ѡа́нна а҆рклі́йскагѡ. Гла́съ д҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Бж҃е́ственнымъ покрове́нъ / медленоѧзы́чный мра́комъ, / и҆звиті́йствова бг҃опи́санный зако́нъ: / ти́нꙋ бо ѿтрѧ́съ ѻ҆чесѐ ᲂу҆́мнагѡ, / ви́дитъ сꙋ́щаго, / и҆ наꙋча́етсѧ дх҃а ра́зꙋмꙋ, / хвалѧ̀ бж҃е́ственными пѣ́сньми."
|
|
},
|
|
{
|
|
"type": "TEXT",
|
|
"value": "Р еко́ша чи́стаѧ и҆ честна́ѧ ᲂу҆ста̀: / разлꙋче́нїѧ ва́мъ не бꙋ́детъ, ѽ дрꙋ́зи! / а҆́зъ бо на ѻ҆́ч҃емъ вы́шнемъ престо́лѣ сосѣдѧ̀, и҆злїю̀ дх҃а, / возсїѧ́ти жела́ющымъ бл҃года́ть незави́стнꙋю."
|
|
},
|
|
{
|
|
"type": "TEXT",
|
|
"value": "П редѣ́лъ преше́дшее и҆́стиннѣйшее сло́во, / тихоѻбра́знѡ соверша́етъ се́рдце: / дѣ́ло бо сконча́въ, возвеселѝ дрꙋ́ги, / дыха́нїемъ нꙋ́жнымъ и҆ ѻ҆́гненными ѧ҆зы́ки, / пода́въ дх҃а хрⷭ҇то́съ, ꙗ҆́коже ѡ҆бѣща́сѧ."
|
|
},
|
|
{
|
|
"type": "TEXT",
|
|
"value": "Катава́сїа: По́нтомъ покры̀: Б ж҃е́ственнымъ покрове́нъ:"
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Съ высоты̀ си́лою, / ᲂу҆ченикѡ́мъ хрⷭ҇тѐ, до́ндеже ѡ҆блеце́тесѧ, ре́клъ є҆сѝ, / сѣди́те во і҆ерꙋсали́мѣ: / а҆́зъ же ꙗ҆́кѡ менѐ, ᲂу҆тѣ́шителѧ и҆но́го, / дх҃а моего́ же и҆ ѻ҆́ч҃а послю̀, / въ не́мже ᲂу҆твердите́сѧ."
|
|
},
|
|
{
|
|
"type": "TEXT",
|
|
"value": "Б ж҃е́ственнагѡ дх҃а наше́дшаѧ си́ла, / раздѣ́льшїйсѧ дре́вле гла́съ, ѕлѣ̀ согласи́вшихсѧ, / во є҆ди́но прили́чїе бж҃е́ственнѣ совокꙋпѝ, / вѣ́дѣнїемъ трⷪ҇цы вразꙋмлѧ́ющи вѣ̑рныѧ, / въ не́йже ᲂу҆тверди́хомсѧ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Разве́рзе ᲂу҆тро́бы неча́дствовавшїѧ ᲂу҆́зы, / доса́дꙋ же неꙋдоботерпи́мꙋ бл҃гоча́дствꙋющїѧ, / є҆ди́на мл҃тва проро́чицы дре́вле а҆́нны, / носѧ́щїѧ дх҃ъ сокрꙋше́нъ, / къ си́льномꙋ и҆ бг҃ꙋ ра́зꙋмѡвъ."
|
|
},
|
|
{
|
|
"type": "TEXT",
|
|
"value": "Н епостижи́ма є҆́сть бг҃онача́льнѣйшаѧ: / вѣті́ѧ бо и҆з̾ѧвѝ безкни̑жныѧ, / ры́бари премꙋ́дрыѧ, заꙋща́ющыѧ сло́вомъ, / и҆ ѿ глꙋбо́кїѧ но́щи и҆зима́ющыѧ лю́ди безчи́сленны, блиста́нїемъ дх҃а."
|
|
},
|
|
{
|
|
"type": "TEXT",
|
|
"value": "Б ѧ́ше и҆схо́денъ ѿ нерожде́нна свѣ́та, / всеси́льный сїѧ́ющїй свѣ́тъ, / є҆гѡ́же сн҃омъ ѻ҆те́ческїѧ вла́сти, / ны́нѣ ꙗ҆влѧ́етъ сра́сленное ѡ҆заре́нїе, / ѻ҆́гненный гла́съ въ сїѡ́нѣ ꙗ҆зы́кѡмъ."
|
|
},
|
|
{
|
|
"type": "TEXT",
|
|
"value": "Катава́сїа: Съ высоты̀ си́лою: Р азве́рзе ᲂу҆тро́бы:"
|
|
},
|
|
{
|
|
"type": "HEADER",
|
|
"value": "Та́же сѣда́ленъ, гла́съ и҃. Подо́бенъ: Повелѣ́нное та́йнѡ:"
|
|
},
|
|
{
|
|
"type": "TEXT",
|
|
"value": "С п҃совы рачи́телїе ра́дости и҆спо́лнишасѧ, / и҆ дерзнове́нїе прїѧ́ша, пре́жде боѧ́щїисѧ: / ꙗ҆́кѡ дх҃ъ ст҃ы́й дне́сь свы́ше сни́де на до́мъ ᲂу҆чени́ческїй, / и҆ и҆́нъ и҆на̑ѧ глаго́лаше къ лю́демъ. / ѧ҆зы́цы бо разсѣ́ѧшасѧ, ви́дими ꙗ҆́кѡ ѻ҆́гнь: / и҆ си́хъ не ѡ҆палѝ, но па́че ѡ҆росѝ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ: то́йже."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Смотрѧ́ѧй проро́къ / въ послѣ́днѧѧ твоѐ хрⷭ҇тѐ прише́ствїе, вопїѧ́ше: / твою̀ ᲂу҆слы́шахъ гдⷭ҇и си́лꙋ, / ꙗ҆́кѡ всѧ̀ спастѝ пома̑занныѧ твоѧ̀ прише́лъ є҆сѝ."
|
|
},
|
|
{
|
|
"type": "TEXT",
|
|
"value": "В о проро́цѣхъ глаго́лавый, / и҆ зако́номъ проповѣ́данный пе́рвѣе несовершє́ннымъ, / бг҃ъ и҆́стинный ᲂу҆тѣ́шитель, / сло́ва слꙋжи́телємъ и҆ свидѣ́телємъ познава́етсѧ дне́сь."
|
|
},
|
|
{
|
|
"type": "TEXT",
|
|
"value": "З на́менїе бж҃ества̀ носѧ́й, / а҆пⷭ҇лѡмъ во ѻ҆гнѝ, дх҃ъ раздѣли́сѧ, / и҆ стра́нными ѧ҆зы́ки ꙗ҆влѧ́шесѧ, / ꙗ҆́кѡ ѻ҆те́ческаѧ бжⷭ҇твеннаѧ си́ла грѧдꙋ́щаѧ є҆́сть, самоповели́тельнаѧ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Цр҃ю̀ цр҃е́й, / ꙗ҆ковы́й ѿ ꙗ҆кова́гѡ є҆ди́нъ сло́ве произше́дый / ѿ ѻ҆ц҃а̀ безвино́внагѡ, / равномо́щнаго твоего̀ дх҃а / а҆пⷭ҇лѡмъ и҆́стиннѡ посла́лъ є҆сѝ, / ꙗ҆́кѡ бл҃годѣ́телѧ пою́щымъ: / сла́ва держа́вѣ твое́й гдⷭ҇и."
|
|
},
|
|
{
|
|
"type": "TEXT",
|
|
"value": "Б а́ню бж҃е́ственнꙋю пакибытїѧ̀ сло́вомъ раствори́въ, / ссложе́нное є҆стество̀, дождоточи́ши мѝ стрꙋю̀ / ѿ нетлѣннопрободе́ннагѡ твоегѡ̀ ребра̀, ѽ бж҃їй сло́ве, / запечатлѣ́ѧ теплото́ю дх҃а."
|
|
},
|
|
{
|
|
"type": "TEXT",
|
|
"value": "П реклонѧ́ютъ всѧ̑ ᲂу҆тѣ́шителю кѡлѣ́на, / сн҃ꙋ же ѻ҆́ч҃ꙋ, ѻ҆ц҃ꙋ̀ сра́сленномꙋ, / въ ли́цѣхъ бо ви́дѣша трегꙋ́быхъ сꙋщество̀ и҆́стинное, / неприкоснове́нное, безлѣ́тное, є҆ди́ное: / возсїѧ́ бо свѣ́тъ бл҃года́ть дх҃а."
|
|
},
|
|
{
|
|
"type": "TEXT",
|
|
"value": "Д а и҆спо́лнѧтсѧ всѝ бг҃онача́льнѣйшимъ, / є҆ли́цы слꙋжи́телїе трисвѣ́тлагѡ сꙋщества̀: / па́че є҆стества́ бо соверша́етъ ꙗ҆́кѡ бл҃годѣ́тель, / и҆ ѻ҆гнесвѣ́титъ хрⷭ҇то́съ во спасе́нїе, / всю̀ даѧ̀ бл҃года́ть дх҃а."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Стра́ха ра́ди твоегѡ̀ / зача́тый гдⷭ҇и во чре́вѣ проро́кѡвъ, / и҆ рожде́нный на землѝ дх҃ъ спасе́нїѧ, / а҆по́стѡльскаѧ сердца̀ созида́етъ чи̑ста, / и҆ въ вѣ́рныхъ пра́вый ѡ҆бновлѧ́етсѧ: / свѣ́тъ бо и҆ ми́ръ занѐ твоѧ̑ повелѣ̑нїѧ."
|
|
},
|
|
{
|
|
"type": "TEXT",
|
|
"value": "Н аше́дшаѧ си́ла дне́сь сїѧ̀, дх҃ъ бл҃гі́й, / дх҃ъ премꙋ́дрости бж҃їѧ, дх҃ъ ѿ ѻ҆ц҃а̀ и҆сходѧ́й, / и҆ сн҃омъ вѣ̑рнымъ на́мъ ꙗ҆вле́йсѧ подава́теленъ, / въ ни́хже вселѧ́етсѧ є҆стество́мъ ст҃ы́ни, въ не́йже зри́тсѧ."
|
|
},
|
|
{
|
|
"type": "HEADER",
|
|
"value": "И҆́ный. І҆рмо́съ:"
|
|
},
|
|
{
|
|
"type": "TEXT",
|
|
"value": "Рѣши́тельное ѡ҆чище́нїе грѣхѡ́въ, / ѻ҆гнедх҃нове́ннꙋю прїими́те дх҃а ро́сꙋ, / ѽ ча̑да свѣтоѻбра̑знаѧ церкѡ́внаѧ: / ны́нѣ ѿ сїѡ́на бо и҆зы́де зако́нъ, / ѧ҆зыкоѻгнеѻбра́знаѧ дх҃а бл҃года́ть"
|
|
},
|
|
{
|
|
"type": "TEXT",
|
|
"value": "Ꙗ҆́ коже бл҃говолѝ самовла́стнѡ, / неѡблада́нный и҆схо́дитъ дх҃ъ ѿ ѻ҆ц҃а̀, / ᲂу҆мꙋдрѧ́ѧ въ ѧ҆зы́цѣхъ а҆пⷭ҇лы, / печатлѣ́ѧ живоно́сное сло́во, / ѻ҆ч҃еси́льное, соѻбра́зное, є҆го́же сп҃съ речѐ."
|
|
},
|
|
{
|
|
"type": "TEXT",
|
|
"value": "Д а и҆сцѣли́тъ ᲂу҆́бѡ смы́слы ѿ грѣха̀, / и҆ сѐ ᲂу҆строѧ́ше а҆пⷭ҇лѡвъ, бг҃ъ сло́во всенача́льное, пречи́стый до́мъ, / въ не́мже є҆диномо́щнагѡ же и҆ ссꙋ́щественнагѡ ны́нѣ вселѧ́етсѧ дх҃а свѣ́тъ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Пла́вающаго въ молвѣ̀ / жите́йскихъ попече́нїй, / съ корабле́мъ потоплѧ́ема грѣхѝ, / и҆ дꙋшетлѣ́нномꙋ ѕвѣ́рю примета́ема, / ꙗ҆́кѡ і҆ѡ́на хрⷭ҇тѐ, вопїю́ ти: / и҆з̾ смертоно́сныѧ глꙋбины̀ возведи́ мѧ."
|
|
},
|
|
{
|
|
"type": "TEXT",
|
|
"value": "Ѿ дх҃а твоегѡ̀ на пло́ть всѧ́кꙋю, / ꙗ҆́коже ре́клъ є҆сѝ, бога́тнѡ и҆злїѧ́лъ є҆сѝ, / и҆ и҆спо́лнишасѧ всѧ́чєскаѧ твоегѡ̀ вѣ́дѣнїѧ гдⷭ҇и, / ꙗ҆́кѡ и҆з̾ ѻ҆ц҃а̀ сн҃ъ нетлѣ́ннѡ роди́лсѧ є҆сѝ, / и҆ дх҃ъ нераздѣ́льный и҆зы́де."
|
|
},
|
|
{
|
|
"type": "HEADER",
|
|
"value": "И҆́ный. І҆рмо́съ:"
|
|
},
|
|
{
|
|
"type": "TEXT",
|
|
"value": "Ѡ҆чище́нїе на́мъ хрⷭ҇тѐ / и҆ спасе́нїе влⷣко, / возсїѧ́лъ є҆сѝ ѿ дв҃ы, / да ꙗ҆́кѡ проро́ка / ѿ ѕвѣ́рѧ морска́гѡ пе́рсей і҆ѡ́нꙋ, / ѿ тлѝ и҆схити́ши, всего̀ а҆да́ма всеро́дна па́дшаго."
|
|
},
|
|
{
|
|
"type": "TEXT",
|
|
"value": "И҆́ стинный на́мъ пра́вый во ᲂу҆тро́бахъ вѣ́чнѡ прїи́мшымъ дх҃ъ, / да ѡ҆бнови́ши ѻ҆ч҃еисхо́дный, и҆ всесовокꙋпле́ннѡ, / вещества̀ ненави́стнагѡ пали́тельный скве́рнъ, / ка́ла же смы́слѡвъ чисти́тельный, вседержи́телю."
|
|
},
|
|
{
|
|
"type": "TEXT",
|
|
"value": "Ж ела́тельное достоѧ́нїе а҆по́столѡмъ, / сїѡ́нѧнѡмъ ча́ющымъ твоегѡ̀ прише́ствїѧ, позна́нїе / дх҃ъ ѻ҆ч҃ерожде́нна сло́ва, / рѣ́чь жесто́кꙋю ꙗ҆зы́ческихъ ласка́тельствъ ско́рѡ показа́въ, / ѻ҆гнедохнове́ннѡ ᲂу҆твержда́еши."
|
|
},
|
|
{
|
|
"type": "TEXT",
|
|
"value": "Катава́сїа: Пла́вающаго въ молвѣ̀: Ѡ҆ чище́нїе на́мъ хрⷭ҇тѐ:"
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃:"
|
|
},
|
|
{
|
|
"type": "TEXT",
|
|
"value": "Є҆ гда̀ снизше́дъ ѧ҆зы́ки слїѧ̀, / раздѣлѧ́ше ꙗ҆зы́ки вы́шнїй: / є҆гда́ же ѻ҆́гненныѧ ѧ҆зы́ки раздаѧ́ше, / въ соедине́нїе всѧ̑ призва̀, / и҆ согла́снѡ сла́вимъ всест҃а́го дх҃а."
|
|
},
|
|
{
|
|
"type": "TEXT",
|
|
"value": "І҆́косъ: Ско́рое и҆ и҆звѣ́стное да́ждь ᲂу҆тѣше́нїе рабѡ́мъ твои̑мъ і҆и҃се, / внегда̀ ᲂу҆ныва́ти дꙋхѡ́мъ на́шымъ, / не разлꙋча́йсѧ ѿ дꙋ́шъ на́шихъ въ ско́рбехъ, / не ᲂу҆далѧ́йсѧ ѿ мы́слей на́шихъ во ѡ҆бстоѧ́нїихъ: / но при́снѡ на́съ предварѝ. / прибли́жисѧ на́мъ, прибли́жисѧ вездѣ̀ сы́й, / ꙗ҆́коже со а҆по́столы твои́ми всегда̀ є҆сѝ, / си́це и҆ тебѐ жела́ющымъ соединѝ себѐ ще́дре: / да совокꙋ́плени тебѐ пое́мъ, / и҆ славосло́вимъ всест҃а́го дх҃а твоего̀."
|
|
},
|
|
{
|
|
"type": "TEXT",
|
|
"value": "Сѷнаѯа́рїй."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Въ пе́щь ѻ҆́гненнꙋю / вве́ржени преподо́бнїи ѻ҆́троцы, / ѻ҆́гнь въ ро́сꙋ преложи́ша, / воспѣва́нїемъ си́це вопїю́ще: / благослове́нъ є҆сѝ гдⷭ҇и бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "В ѣтꙋ́ющымъ бж҃е́ствєннаѧ вели̑чїѧ а҆по́столѡмъ, / дх҃а дѣ́йство непщева́шесѧ пїѧ́нство невѣ́рствꙋющымъ, / и҆́мже трⷪ҇ца познава́етсѧ, є҆ди́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Н ераздѣ́льное є҆стество̀ правосла́внѡ бг҃осло́вимъ / бг҃а ѻ҆ц҃а̀ безнача́льнаго, / тоѧ́жде вла́сти сло́ва и҆ дх҃а, / бл҃гослове́нъ є҆сѝ, зовꙋ́ще, бж҃е ѻ҆тє́цъ на́шихъ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Согла́снаѧ возшꙋмѣ̀ ѻ҆рга́нскаѧ пѣ́снь, / почита́ти златосотворе́нный бездꙋ́шный и҆стꙋка́нъ: / ᲂу҆тѣ́шителева же свѣтоно́снаѧ бл҃года́ть почествꙋ́етъ, / є҆́же вопи́ти: / трⷪ҇це є҆ди́наѧ, равноси́льнаѧ, безнача́льнаѧ, благослове́на є҆сѝ."
|
|
},
|
|
{
|
|
"type": "TEXT",
|
|
"value": "Г ла́са пророковѣща́тельнагѡ не разꙋмѣ́вше, / глаго́лахꙋ безꙋ́мнїи вїносотворе́нное пїѧ́нство, / рѣ̑чи ꙗ҆́кѡ стра́нны слы́шаша а҆по́столѡвъ: / благочести́вїи же тебѣ̀ вопїе́мъ бж҃е́ственнѡ: / бг҃одѣ́телю всѣ́хъ благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Б ж҃е́ственное ᲂу҆че́нїе возгремѣ̀ / ви́дѧй видѣ̑нїѧ бж҃е́ственный і҆ѡ́иль, / бг҃онача́льнѣйшаго, и҆̀мже и҆злїю̀, ре́къ, ꙗ҆́коже сло́ва, дх҃а моего̀ свозопїю́щымъ: / є҆стество̀ тривѣща́нное свѣ́тлое, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Т рⷪ҇чнꙋю ᲂу҆́бѡ раздѣлѝ зрѧ̀ бл҃года́ть, / ꙗ҆́кѡ да ꙗ҆ви́тъ трѝ ѵ҆поста́си, почита́ти въ простотѣ̀ вла́сти, / но во є҆ди́номъ ны́нѣ днѝ гдⷭ҇скомъ, / сн҃ъ, ѻ҆ц҃ъ и҆ дх҃ъ бл҃гослове́нъ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Неѡпа́льнаѧ ѻ҆гню̀ / въ сїна́и прича́щшаѧсѧ / кꙋпина̀, бг҃а ꙗ҆вѝ / медленоѧзы́чномꙋ и҆ гꙋгни́вомꙋ мѡѷсе́ови, / и҆ ѻ҆́троки ре́вность бж҃їѧ / трѝ непребори́мыѧ / во ѻ҆гнѝ пѣвцы̀ показа̀: / всѧ̀ дѣла̀ гдⷭ҇нѧ гдⷭ҇а по́йте, / и҆ превозноси́те во всѧ̀ вѣ́ки."
|
|
},
|
|
{
|
|
"type": "TEXT",
|
|
"value": "Ж иво́тнꙋ свы́ше бꙋ́рнꙋ носи́мꙋ гласо́внѣ, / дх҃а всест҃а́гѡ дыха́нїю рыбарє́мъ, / ѻ҆́гненныхъ ви́домъ ѧ҆зы̑къ вели̑чїѧ бж҃їѧ вѣті́йствовахꙋ: / всѧ̀ дѣла̀ гдⷭ҇а по́йте, и҆ превозноси́те во всѧ̀ вѣ́ки."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ на некаса́емꙋю превосходѧ́ще го́рꙋ, / не боѧ́щесѧ ѻ҆гнѧ̀ страша́ща, / прїиди́те и҆ ста́немъ на горѣ̀ сїѡ́нской, во гра́дѣ жива́гѡ бг҃а, / дх҃онѡ́снымъ ᲂу҆ченикѡ́мъ ны́нѣ сликꙋ́юще: / всѧ̀ дѣла̀ гдⷭ҇а по́йте, и҆ превозноси́те во всѧ̀ вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Разрѣша́етъ ᲂу҆́зы, и҆ ѡ҆роша́етъ пла́мень / трисвѣ́тлый бг҃онача́лїѧ ѻ҆́бразъ, / пою́тъ ѻ҆́троцы, / благослови́тъ же є҆ди́наго сп҃са и҆ вседѣ́телѧ, / ꙗ҆́кѡ благодѣ́телѧ, / сотворе́ннаѧ всѧ́ческаѧ тва́рь."
|
|
},
|
|
{
|
|
"type": "TEXT",
|
|
"value": "П а́мѧть хрⷭ҇то́съ человѣкоспаси́тельныхъ слове́съ, / ꙗ҆̀же ѿ ѻ҆ц҃а̀ слы́шавъ а҆пⷭ҇толѡмъ речѐ, / дх҃ъ ᲂу҆строѧ́етъ ѧ҆зыкоѻ́гненнымъ видѣ́нїемъ, / посажда́ѧ бл҃гослове́ннѡ ᲂу҆свое́ннꙋю, / ᲂу҆чꙋже́ннаѧ же пое́тъ тѧ̀ тва́рь."
|
|
},
|
|
{
|
|
"type": "TEXT",
|
|
"value": "С паси́тельнѡ самовлады́чный є҆ди́нъ, свѣ́тъ самосїѧ́тельный, / и҆ пода́тельный свѣ́та сы́й, прише́лъ є҆сѝ и҆сполнѧ́ѧ а҆пⷭ҇лы, / честны́й ꙗ҆́кѡ ве́рхъ твои̑мъ рабѡ́мъ, / насыти́тельный же дх҃ъ подава́еши."
|
|
},
|
|
{
|
|
"type": "TEXT",
|
|
"value": "П оѧ́хꙋ прорѡ́къ дх҃онасыще́ннаѧ ᲂу҆ста̀, / твоѐ тѣле́сное, ѽ цр҃ю̀, прише́ствїе, / и҆ дх҃ъ ѿ нѣ́дръ ѻ҆́ч҃ихъ произше́дшїй, / несозда́нный, зданнодѣ́теленъ, сопресто́ленъ тебѣ̀, / є҆ди́нагѡ вочеловѣ́ченїѧ вѣ̑рнымъ че́сть."
|
|
},
|
|
{
|
|
"type": "TEXT",
|
|
"value": "Хва́лимъ, благослови́мъ, покланѧ́емсѧ гдⷭ҇ви, пою́ще и҆ превозносѧ́ще во всѧ̀ вѣ́ки."
|
|
},
|
|
{
|
|
"type": "TEXT",
|
|
"value": "Катава́сїа: Неѡпа́льнаѧ ѻ҆гню̀: Р азрѣша́етъ ᲂу҆́зы:"
|
|
},
|
|
{
|
|
"type": "TEXT",
|
|
"value": "Честнѣ́йшꙋю: не пое́мъ, но пое́мъ припѣ́въ: А҆пⷭ҇ли соше́ствїе ᲂу҆тѣ́шителѧ зрѧ́ще ᲂу҆диви́шасѧ, / ка́кѡ въ ви́дѣ ѻ҆́гненныхъ ѧ҆зы̑къ ꙗ҆ви́сѧ дх҃ъ ст҃ы́й."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Не тлѣ́нїѧ и҆скꙋше́нїемъ ро́ждшаѧ, / и҆ всехитрецꙋ̀ сло́вꙋ пло́ть взаимода́вшаѧ, / мт҃и неискꙋсомꙋ́жнаѧ дв҃о бцⷣе, / прїѧ́телище нестерпи́магѡ, / село̀ невмѣсти́магѡ зижди́телѧ твоегѡ̀, / тѧ̀ велича́емъ."
|
|
},
|
|
{
|
|
"type": "TEXT",
|
|
"value": "Н а палѧ́щей дре́вле ѻ҆́гненной колесни́цѣ, / ревни́тель и҆ ѻ҆гнедохнове́нный ра́дꙋѧсѧ носи́мь, / є҆́же ны́нѣ возсїѧ́вшее дохнове́нїе свы́ше а҆по́столѡмъ ꙗ҆влѧ́ше: / ѿ негѡ́же ѡ҆свѧти́вшесѧ, трⷪ҇цꙋ всѣ̑мъ сказа́ша."
|
|
},
|
|
{
|
|
"type": "TEXT",
|
|
"value": "З ако́на є҆сте́ствъ кромѣ̀, стра́нное слы́шашесѧ ᲂу҆ченикѡ́въ: / є҆ди́номꙋ бо гла́сꙋ гласѧ́щꙋ дх҃а благода́тїю, / разли́чнѣ ѡ҆глаша́хꙋсѧ лю́дїе, племена̀ и҆ ꙗ҆зы́ки бж҃е́ственнаѧ вели̑чїѧ, / трⷪ҇цы вѣ́дѣнїю наꙋча́юще."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ цр҃и́це, / матеродѣ́вственнаѧ сла́во: / всѧ́ка бо ᲂу҆добоѡбраща́тельнаѧ / благоглаго́ливаѧ ᲂу҆ста̀ виті́йствовати не мо́гꙋтъ, / тебѐ пѣ́ти досто́йнѡ: / низꙋмѣва́етъ же ᲂу҆́мъ всѧ́къ твоѐ рождество̀ разꙋмѣ́ти. / тѣ́мже тѧ̀ согла́снѡ сла́вимъ."
|
|
},
|
|
{
|
|
"type": "TEXT",
|
|
"value": "П ѣ́ти подоба́ше є҆стественножи́зненнꙋю ѻ҆трокови́цꙋ: / є҆ди́на бо во чре́вѣ скры̀ сло́во, / таѧ́щеесѧ недꙋ́гꙋющагѡ человѣ́ческагѡ є҆стества̀. / и҆́же въ десны́хъ страна́хъ ны́нѣ сѣдѧ́й ѻ҆́ч҃ихъ, / посла̀ бл҃года́ть дх҃а."
|
|
},
|
|
{
|
|
"type": "TEXT",
|
|
"value": "Є҆ ли̑цѣмъ дхнꙋ̀ бг҃ото́чнаѧ бл҃года́ть, / свѣтѧ́щесѧ, блиста́юще, / и҆змѣнѧ́еми стра́ннымъ и҆змѣне́нїемъ благолѣ́пнѣйшимъ, / равноси́льствꙋющꙋю несѣко́мꙋю ᲂу҆вѣ́дѣвше премꙋ́дрость, / трисвѣ́тлое сꙋщество̀ сла́вимъ."
|
|
},
|
|
{
|
|
"type": "TEXT",
|
|
"value": "Та́же: катава́сїа, ѻ҆́ба і҆рмоса̀ вкꙋ́пѣ."
|
|
},
|
|
{
|
|
"type": "HEADER",
|
|
"value": "Є҆ѯапостїла́рїй. Подо́бенъ: Нб҃о ѕвѣзда́ми:"
|
|
},
|
|
{
|
|
"type": "TEXT",
|
|
"value": "В сесвѧты́й дш҃е, и҆сходѧ́й и҆з̾ ѻ҆ц҃а̀, / и҆ сн҃омъ прише́дый къ безкни̑жнымъ ᲂу҆ченикѡ́мъ, / тебѐ бг҃а позна́вшихъ спасѝ и҆ поми́лꙋй всѣ́хъ. [Два́жды]."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ: дрꙋгі́й подо́бенъ:"
|
|
},
|
|
{
|
|
"type": "TEXT",
|
|
"value": "С вѣ́тъ ѻ҆ц҃ъ, свѣ́тъ сло́во, свѣ́тъ и҆ ст҃ы́й дх҃ъ, / и҆́же во ѧ҆зы́цѣхъ ѻ҆́гненныхъ а҆по́столѡмъ посла́сѧ. / и҆ тѣ́мъ ве́сь мі́ръ просвѣща́етсѧ трⷪ҇цꙋ почита́ти ст҃ꙋ́ю."
|
|
},
|
|
{
|
|
"type": "HEADER",
|
|
"value": "На хвали́техъ, Всѧ́кое дыха́нїе: поста́вимъ стїхѡ́въ ѕ҃, и҆ пое́мъ настоѧ́щыѧ самогла́сны, гла́съ д҃, повторѧ́юще ѧ҆̀:"
|
|
},
|
|
{
|
|
"type": "TEXT",
|
|
"value": "П ресла́внаѧ дне́сь / ви́дѣша всѝ ꙗ҆зы́цы во гра́дѣ дв҃довѣ, / є҆гда̀ дх҃ъ сни́де ст҃ы́й во ѻ҆́гненныхъ ѧ҆зы́цѣхъ, / ꙗ҆́коже бг҃оглаго́ливый лꙋка̀ повѣствꙋ́етъ, / глаго́летъ бо: / со́браннымъ ᲂу҆ченикѡ́мъ хрⷭ҇то́вымъ, / бы́сть шꙋ́мъ, ꙗ҆́коже носи́мꙋ дыха́нїю бꙋ́рнꙋ, / и҆ и҆спо́лни до́мъ, и҆дѣ́же бѧ́хꙋ сѣдѧ́ще: / и҆ всѝ нача́ша глаго́лати стра́нными глаго́лы, / стра́нными ᲂу҆че́нїи, / стра́нными повелѣ́нїи ст҃ы́ѧ трⷪ҇цы. [Два́жды]."
|
|
},
|
|
{
|
|
"type": "TEXT",
|
|
"value": "Д х҃ъ ст҃ы́й бѣ̀ ᲂу҆́бѡ при́снѡ, и҆ є҆́сть, и҆ бꙋ́детъ: / нижѐ начина́емь, нижѐ престаѧ́й, / но при́снѡ ѻ҆ц҃ꙋ̀ и҆ сн҃ꙋ счине́нъ и҆ счислѧ́емь: / живо́тъ, и҆ животворѧ́й: / свѣ́тъ, и҆ свѣ́та пода́тель, / самобл҃гі́й, и҆ и҆сто́чникъ бл҃госты́ни: / и҆́мже ѻ҆ц҃ъ познава́етсѧ, и҆ сн҃ъ прославлѧ́етсѧ, / и҆ ѿ всѣ́хъ познава́етсѧ, / є҆ди́на си́ла, є҆ди́но счета́нїе, / є҆ди́но поклоне́нїе ст҃ы́ѧ трⷪ҇цы. [Два́жды]."
|
|
},
|
|
{
|
|
"type": "TEXT",
|
|
"value": "Д х҃ъ ст҃ы́й свѣ́тъ и҆ живо́тъ, / и҆ живы́й и҆сто́чникъ ᲂу҆́мный: / дх҃ъ премꙋ́дрости, дх҃ъ ра́зꙋма, / бл҃гі́й, пра́вый, ᲂу҆́мный: ѡ҆блада́ѧй, / ѡ҆чища́ѧй прегрѣшє́нїѧ: / бг҃ъ и҆ бг҃отворѧ́й, / ѻ҆́гнь ѿ ѻ҆гнѧ̀ происходѧ́й: / глаго́лѧй, дѣ́ѧй, раздѣлѧ́ѧй дарова̑нїѧ, / и҆́мже проро́цы всѝ, / и҆ бж҃е́ственнїи а҆пⷭ҇ли съ мꙋ́ченики вѣнча́шасѧ, / стра́нное слы́шанїе, / стра́нное видѣ́нїе, / ѻ҆́гнь раздѣлѧ́ѧйсѧ въ подаѧ́нїе дарова́нїй. [Два́жды]."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, гла́съ ѕ҃: Цр҃ю̀ небе́сный, / ᲂу҆тѣ́шителю, дш҃е и҆́стины, / и҆́же вездѣ̀ сы́й, / и҆ всѧ̑ и҆сполнѧ́ѧй, / сокро́вище благи́хъ, / и҆ жи́зни пода́телю, / прїидѝ и҆ всели́сѧ въ ны̀, / и҆ ѡ҆чи́сти ны̀ ѿ всѧ́кїѧ скве́рны, / и҆ спасѝ бл҃же дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Славосло́вїе вели́кое. Ѿпꙋсти́тельный тропа́рь пра́здника."
|
|
},
|
|
{
|
|
"type": "TEXT",
|
|
"value": "Та́же, є҆ктєнїѝ."
|
|
},
|
|
{
|
|
"type": "HEADER",
|
|
"value": "И҆ твори́тъ сщ҃е́нникъ ѿпꙋ́стъ си́це:"
|
|
},
|
|
{
|
|
"type": "TEXT",
|
|
"value": "И҆́ же въ ви́дѣ ѻ҆́гненныхъ ѧ҆зы̑къ, съ нб҃сѐ низпосла́вый прест҃а́го дх҃а на ст҃ы́ѧ своѧ̀ ᲂу҆ченикѝ и҆ а҆пⷭ҇лы, хрⷭ҇то́съ и҆́стинный бг҃ъ на́шъ, мл҃твами пречⷭ҇тыѧ своеѧ̀ мт҃ре, ст҃ы́хъ сла́вныхъ и҆ всехва́льныхъ а҆пⷭ҇лъ, и҆ всѣ́хъ ст҃ы́хъ, поми́лꙋетъ и҆ спасе́тъ на́съ, ꙗ҆́кѡ бл҃гі́й и҆ чл҃вѣколю́бецъ."
|
|
},
|
|
{
|
|
"type": "TEXT",
|
|
"value": "И҆ ча́съ а҃. На а҃-мъ часѣ̀ тропа́рь пра́здника. По трист҃о́мъ конда́къ пра́здника. И҆ коне́чный ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и."
|
|
},
|
|
{
|
|
"type": "HEADER",
|
|
"value": "Глаго́лемъ а҆нтїфѡ́ны сїѧ̀. А҆нтїфѡ́нъ а҃, ѱало́мъ и҃і, гла́съ в҃."
|
|
},
|
|
{
|
|
"type": "TEXT",
|
|
"value": "Сті́хъ а҃: Нб҃са̀ повѣ́даютъ / сла́вꙋ бж҃їю."
|
|
},
|
|
{
|
|
"type": "TEXT",
|
|
"value": "Моли́твами бцⷣы, сп҃се спасѝ на́съ."
|
|
},
|
|
{
|
|
"type": "TEXT",
|
|
"value": "И҆ дрꙋгі́й ли́къ, то́йже сті́хъ: Нб҃са̀ повѣ́даютъ сла́вꙋ бж҃їю, / творе́нїе же рꙋкꙋ̀ є҆гѡ̀ возвѣща́етъ тве́рдь."
|
|
},
|
|
{
|
|
"type": "TEXT",
|
|
"value": "Моли́твами бцⷣы, сп҃се спасѝ на́съ."
|
|
},
|
|
{
|
|
"type": "TEXT",
|
|
"value": "Сті́хъ в҃: Де́нь днѝ ѿрыга́етъ глаго́лъ, / и҆ но́щь но́щи возвѣща́етъ ра́зꙋмъ."
|
|
},
|
|
{
|
|
"type": "TEXT",
|
|
"value": "Моли́твами бцⷣы, сп҃се спасѝ на́съ."
|
|
},
|
|
{
|
|
"type": "TEXT",
|
|
"value": "Сті́хъ г҃: Во всю̀ зе́млю и҆зы́де вѣща́нїе и҆́хъ, / и҆ въ концы̀ вселе́нныѧ глаго́лы и҆́хъ."
|
|
},
|
|
{
|
|
"type": "TEXT",
|
|
"value": "Моли́твами бцⷣы, сп҃се спасѝ на́съ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ: Моли́твами бцⷣы, сп҃се спасѝ на́съ."
|
|
},
|
|
{
|
|
"type": "HEADER",
|
|
"value": "А҆нтїфѡ́нъ в҃, ѱало́мъ ѳ҃і, гла́съ то́йже."
|
|
},
|
|
{
|
|
"type": "TEXT",
|
|
"value": "Сті́хъ а҃: Оу҆слы́шитъ тѧ̀ гдⷭ҇ь / въ де́нь печа́ли."
|
|
},
|
|
{
|
|
"type": "TEXT",
|
|
"value": "Спаси́ ны ᲂу҆тѣ́шителю бл҃гі́й пою́щыѧ тѝ: а҆ллилꙋ́їа."
|
|
},
|
|
{
|
|
"type": "TEXT",
|
|
"value": "Дрꙋга́ѧ страна̀ то́йже сті́хъ: Оу҆слы́шитъ тѧ̀ гдⷭ҇ь въ де́нь печа́ли, / защи́титъ тѧ̀ и҆́мѧ бг҃а і҆а́кѡвлѧ."
|
|
},
|
|
{
|
|
"type": "TEXT",
|
|
"value": "Спаси́ ны ᲂу҆тѣ́шителю бл҃гі́й пою́щыѧ тѝ: а҆ллилꙋ́їа."
|
|
},
|
|
{
|
|
"type": "TEXT",
|
|
"value": "Сті́хъ в҃: По́слетъ тѝ по́мощь ѿ ст҃а́гѡ, / и҆ ѿ сїѡ́на застꙋ́питъ тѧ̀."
|
|
},
|
|
{
|
|
"type": "TEXT",
|
|
"value": "Спаси́ ны ᲂу҆тѣ́шителю бл҃гі́й пою́щыѧ тѝ: а҆ллилꙋ́їа."
|
|
},
|
|
{
|
|
"type": "TEXT",
|
|
"value": "Сті́хъ г҃: Да́стъ тѝ гдⷭ҇ь по се́рдцꙋ твоемꙋ̀, / и҆ ве́сь совѣ́тъ тво́й и҆спо́лнитъ."
|
|
},
|
|
{
|
|
"type": "TEXT",
|
|
"value": "Спаси́ ны ᲂу҆тѣ́шителю бл҃гі́й пою́щыѧ тѝ: а҆ллилꙋ́їа."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ: Є҆диноро́дный сн҃е:"
|
|
},
|
|
{
|
|
"type": "HEADER",
|
|
"value": "А҆нтїфѡ́нъ г҃, ѱало́мъ к҃, гла́съ и҃."
|
|
},
|
|
{
|
|
"type": "TEXT",
|
|
"value": "Сті́хъ а҃: Гдⷭ҇и, си́лою твое́ю возвесели́тсѧ цр҃ь."
|
|
},
|
|
{
|
|
"type": "HEADER",
|
|
"value": "Тропа́рь, гла́съ то́йже:"
|
|
},
|
|
{
|
|
"type": "TEXT",
|
|
"value": "Б лагослове́нъ є҆сѝ хрⷭ҇тѐ бж҃е на́шъ, / и҆́же премꙋ́дры ловцы̀ ꙗ҆вле́й, / низпосла́въ и҆̀мъ дх҃а ст҃а́го, / и҆ тѣ́ми ᲂу҆ловле́й вселе́ннꙋю, / человѣколю́бче сла́ва тебѣ̀."
|
|
},
|
|
{
|
|
"type": "TEXT",
|
|
"value": "Дрꙋгі́й ли́къ, то́йже сті́хъ: Гдⷭ҇и, си́лою твое́ю возвесели́тсѧ цр҃ь, / и҆ ѡ҆ спасе́нїи твое́мъ возра́дꙋетсѧ ѕѣлѡ̀."
|
|
},
|
|
{
|
|
"type": "TEXT",
|
|
"value": "Тропа́рь: Благослове́нъ є҆сѝ хрⷭ҇тѐ бж҃е на́шъ:"
|
|
},
|
|
{
|
|
"type": "TEXT",
|
|
"value": "Сті́хъ в҃: Жела́нїе се́рдца є҆гѡ̀ да́лъ є҆сѝ є҆мꙋ̀, / и҆ хотѣ́нїѧ ᲂу҆стнꙋ̀ є҆гѡ̀ нѣ́си лиши́лъ є҆го̀."
|
|
},
|
|
{
|
|
"type": "TEXT",
|
|
"value": "Тропа́рь: Благослове́нъ є҆сѝ хрⷭ҇тѐ бж҃е на́шъ:"
|
|
},
|
|
{
|
|
"type": "TEXT",
|
|
"value": "Сті́хъ г҃: Ꙗ҆́кѡ предвари́лъ є҆сѝ є҆го̀ бл҃гослове́нїемъ бл҃госты́ннымъ, / положи́лъ є҆сѝ на главѣ̀ є҆гѡ̀ вѣне́цъ ѿ ка́мене че́стна."
|
|
},
|
|
{
|
|
"type": "TEXT",
|
|
"value": "Тропа́рь: Благослове́нъ є҆сѝ хрⷭ҇тѐ бж҃е на́шъ:"
|
|
},
|
|
{
|
|
"type": "HEADER",
|
|
"value": "Вхо́дное:"
|
|
},
|
|
{
|
|
"type": "TEXT",
|
|
"value": "В ознеси́сѧ гдⷭ҇и си́лою твое́ю, / воспое́мъ и҆ пое́мъ си̑лы твоѧ̀."
|
|
},
|
|
{
|
|
"type": "HEADER",
|
|
"value": "Та́же, тропа́рь, гла́съ и҃:"
|
|
},
|
|
{
|
|
"type": "TEXT",
|
|
"value": "Б л҃гослове́нъ є҆сѝ хрⷭ҇тѐ бж҃е на́шъ, / и҆́же премꙋ́дры ловцы̀ ꙗ҆вле́й, / низпосла́въ и҆̀мъ дх҃а ст҃а́го, / и҆ тѣ́ми ᲂу҆ловле́й вселе́ннꙋю, / человѣколю́бче сла́ва тебѣ̀."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ: конда́къ, гла́съ то́йже:"
|
|
},
|
|
{
|
|
"type": "TEXT",
|
|
"value": "Є҆ гда̀ снизше́дъ ѧ҆зы́ки слїѧ̀, / раздѣлѧ́ше ꙗ҆зы́ки вы́шнїй: / є҆гда́ же ѻ҆́гненныѧ ѧ҆зы́ки раздаѧ́ше, / въ соедине́нїе всѧ̑ призва̀, / и҆ согла́снѡ сла́вимъ всест҃а́го дх҃а."
|
|
},
|
|
{
|
|
"type": "HEADER",
|
|
"value": "Вмѣ́стѡ же трист҃а́гѡ:"
|
|
},
|
|
{
|
|
"type": "TEXT",
|
|
"value": "Є҆ ли́цы во хрⷭ҇та̀ крⷭ҇ти́стесѧ, / во хрⷭ҇та̀ ѡ҆блеко́стесѧ, / а҆ллилꙋ́їа."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ и҃:"
|
|
},
|
|
{
|
|
"type": "TEXT",
|
|
"value": "В о всю̀ зе́млю и҆зы́де вѣща́нїе и҆́хъ, / и҆ концы̀ вселе́нныѧ глаго́лы и҆́хъ. Сті́хъ: Нб҃са̀ повѣ́даютъ сла́вꙋ бж҃їю, творе́нїе же рꙋкꙋ̀ є҆гѡ̀ возвѣща́етъ тве́рдь. [И҆ до ѿда́нїѧ.]"
|
|
},
|
|
{
|
|
"type": "HEADER",
|
|
"value": "А҆пⷭ҇лъ въ дѣѧ́нїихъ, зача́ло г҃:"
|
|
},
|
|
{
|
|
"type": "TEXT",
|
|
"value": "В о днѝ ѻ҆́ны, є҆гда̀ скончава́шасѧ дні́е пѧтьдесѧ́тницы, бѣ́ша всѝ а҆пⷭ҇ли є҆динодꙋ́шнѡ вкꙋ́пѣ. и҆ бы́сть внеза́пꙋ съ нб҃сѐ шꙋ́мъ, ꙗ҆́кѡ носи́мꙋ дыха́нїю бꙋ́рнꙋ, и҆ и҆спо́лни ве́сь до́мъ, и҆дѣ́же бѧ́хꙋ сѣдѧ́ще. и҆ ꙗ҆ви́шасѧ и҆̀мъ раздѣле́ни ѧ҆зы́цы ꙗ҆́кѡ ѻ҆́гненни, сѣ́де же на є҆ди́номъ ко́емждо и҆́хъ. и҆ и҆спо́лнишасѧ всѝ дх҃а ст҃а, и҆ нача́ша глаго́лати и҆ны́ми ѧ҆зы́ки, ꙗ҆́коже дх҃ъ даѧ́ше и҆̀мъ провѣщава́ти. бѧ́хꙋ же во і҆ерꙋсали́мѣ живꙋ́щїи і҆ꙋдє́и, мꙋ́жїе благоговѣ́йнїи ѿ всегѡ̀ ꙗ҆зы́ка, и҆́же под̾ нб҃се́мъ. бы́вшꙋ же гла́сꙋ семꙋ̀, сни́десѧ наро́дъ и҆ смѧте́сѧ, ꙗ҆́кѡ слы́шахꙋ є҆ди́нъ ко́йждо и҆́хъ свои́мъ ѧ҆зы́комъ глаго́лющихъ и҆̀хъ. дивлѧ́хꙋсѧ же всѝ и҆ чꙋдѧ́хꙋсѧ, глаго́люще дрꙋ́гъ ко дрꙋ́гꙋ: не се́ ли всѝ сі́и сꙋ́ть глаго́лющїи галїле́ане; и҆ ка́кѡ мы̀ слы́шимъ ко́ждо сво́й ѧ҆зы́къ на́шъ, въ не́мже роди́хомсѧ; па́рѳѧне, и҆ ми́дѧне, и҆ є҆ламі́те, и҆ живꙋ́щїи въ месопота́мїи, во і҆ꙋде́и же и҆ каппадокі́и, въ по́нтѣ и҆ во а҆сі́и, во фрѷгі́и же и҆ памфѷлі́и, во є҆гѵ́птѣ и҆ страна́хъ лївѵ́и, ꙗ҆́же при кѷрині́и, и҆ приходѧ́щїи ри́млѧне, і҆ꙋдє́и же и҆ прише́льцы, кри́тѧне и҆ а҆ра́влѧне, слы́шимъ глаго́лющихъ и҆̀хъ на́шими ѧ҆зы́ки вели́чїѧ бж҃їѧ."
|
|
},
|
|
{
|
|
"type": "HEADER",
|
|
"value": "А҆ллилꙋ́їа, гла́съ а҃:"
|
|
},
|
|
{
|
|
"type": "TEXT",
|
|
"value": "Сті́хъ: Сло́вомъ гдⷭ҇нимъ нб҃са̀ ᲂу҆тверди́шасѧ, и҆ дх҃омъ ᲂу҆́стъ є҆гѡ̀ всѧ̀ си́ла и҆́хъ. Сті́хъ: Съ нб҃сѐ призрѣ̀ гдⷭ҇ь, ви́дѣ всѧ̀ сы́ны чл҃вѣ́ческїѧ."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ і҆ѡа́нна, зача́ло к҃з:"
|
|
},
|
|
{
|
|
"type": "TEXT",
|
|
"value": "В ъ послѣ́днїй де́нь вели́кїй пра́здника стоѧ́ше і҆и҃съ, и҆ зва́ше глаго́лѧ: а҆́ще кто̀ жа́ждетъ, да прїи́детъ ко мнѣ̀, и҆ пїе́тъ. вѣ́рꙋѧй въ мѧ̀, ꙗ҆́коже речѐ писа́нїе, рѣ́ки ѿ чре́ва є҆гѡ̀ и҆стекꙋ́тъ воды̀ жи́вы. сїе́ же речѐ ѡ҆ дс҃ѣ, є҆го́же хотѧ́хꙋ прїима́ти вѣ́рꙋющїи во и҆́мѧ є҆гѡ̀: не ᲂу҆́ бо бѣ̀ дх҃ъ ст҃ы́й, ꙗ҆́кѡ і҆и҃съ не ᲂу҆̀ бѣ̀ просла́вленъ. мно́зи же ѿ наро́да слы́шавше сло́во, глаго́лахꙋ: се́й є҆́сть вои́стиннꙋ проро́къ. дрꙋзі́и глаго́лахꙋ: се́й є҆́сть хрⷭ҇то́съ. ѻ҆́вїи же глаго́лахꙋ: є҆да̀ ѿ галїле́и хрⷭ҇то́съ прихо́дитъ; не писа́нїе ли речѐ, ꙗ҆́кѡ ѿ сѣ́мене даві́дова, и҆ ѿ виѳлее́мскїѧ ве́си, и҆дѣ́же бѣ̀ даві́дъ, хрⷭ҇то́съ прїи́детъ; ра́спрѧ же бы́сть въ наро́дѣ є҆гѡ̀ ра́ди. нѣ́цыи же ѿ ни́хъ хотѧ́хꙋ ꙗ҆́ти є҆го̀: но никто́же возложѝ на́нь рꙋ́цѣ. прїидо́ша же слꙋгѝ ко а҆рхїере́ѡмъ и҆ фарїсе́ѡмъ: и҆ рѣ́ша и҆̀мъ ті́и: почто̀ не приведо́сте є҆гѡ̀; ѿвѣща́ша слꙋгѝ: николи́же та́кѡ є҆́сть глаго́лалъ человѣ́къ, ꙗ҆́кѡ се́й человѣ́къ. ѿвѣща́ша ᲂу҆́бѡ и҆̀мъ фарїсе́є: є҆да̀ и҆ вы̀ прельще́ни бы́сте. є҆да̀ кто̀ ѿ кнѧ̑зь вѣ́рова во́нь, и҆лѝ ѿ фарїсє́й; но наро́дъ се́й, и҆́же не вѣ́сть зако́на, про́клѧти сꙋ́ть. глаго́ла нїкоди́мъ къ ни́мъ, и҆́же прише́дый къ немꙋ̀ но́щїю, є҆ди́нъ сы́й ѿ ни́хъ: є҆да̀ зако́нъ на́шъ сꙋ́дитъ человѣ́кꙋ, а҆́ще не слы́шитъ ѿ негѡ̀ пре́жде, и҆ разꙋмѣ́етъ что̀ твори́тъ; ѿвѣща́ша и҆ реко́ша є҆мꙋ̀: є҆да̀ и҆ ты̀ ѿ галїле́и є҆сѝ; и҆спыта́й и҆ ви́ждь, ꙗ҆́кѡ проро́къ ѿ галїле́и не прихо́дитъ. па́ки же и҆̀мъ і҆и҃съ речѐ, глаго́лѧ: а҆́зъ є҆́смь свѣ́тъ мі́рꙋ, ходѧ́й по мнѣ̀, не и҆́мать ходи́ти во тмѣ̀, но и҆́мать свѣ́тъ живо́тный."
|
|
},
|
|
{
|
|
"type": "HEADER",
|
|
"value": "За Досто́йно: пое́мъ и҆ до ѿда́нїѧ:"
|
|
},
|
|
{
|
|
"type": "TEXT",
|
|
"value": "А҆ пⷭ҇ли соше́ствїе ᲂу҆тѣ́шителѧ зрѧ́ще ᲂу҆диви́шасѧ, / ка́кѡ въ ви́дѣ ѻ҆́гненныхъ ѧ҆зы̑къ ꙗ҆ви́сѧ дх҃ъ ст҃ы́й."
|
|
},
|
|
{
|
|
"type": "HEADER",
|
|
"value": "І҆рмо́съ, гла́съ д҃:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ цр҃и́це, / матеродѣ́вственнаѧ сла́во: / всѧ́ка бо ᲂу҆добоѡбраща́тельнаѧ / благоглаго́ливаѧ ᲂу҆ста̀ виті́йствовати не мо́гꙋтъ, / тебѐ пѣ́ти досто́йнѡ: / низꙋмѣва́етъ же ᲂу҆́мъ всѧ́къ твоѐ рождество̀ разꙋмѣ́ти. / тѣ́мже тѧ̀ согла́снѡ сла́вимъ."
|
|
},
|
|
{
|
|
"type": "HEADER",
|
|
"value": "Прича́стный:"
|
|
},
|
|
{
|
|
"type": "TEXT",
|
|
"value": "Д х҃ъ тво́й бл҃гі́й наста́витъ мѧ̀ на зе́млю пра́вꙋ. / А҆ ллилꙋ́їа, три́жды."
|
|
},
|
|
{
|
|
"type": "TEXT",
|
|
"value": "И҆ по ѿпꙋ́стѣ на лїтꙋргі́и глаго́летсѧ ѳ҃-й ча́съ по ѻ҆бы́чаю."
|
|
},
|
|
{
|
|
"type": "HEADER",
|
|
"value": "Въ недѣ́лю ве́чера ст҃ы́ѧ пѧтдесѧ́тницы. На вели́цѣй вече́рни."
|
|
},
|
|
{
|
|
"type": "HEADER",
|
|
"value": "Зна́менаетъ послѣ́дованїѧ ра́ди колѣнопреклоне́нїѧ."
|
|
},
|
|
{
|
|
"type": "TEXT",
|
|
"value": "Начина́етъ і҆ере́й: Благослове́нъ бг҃ъ на́шъ: И҆ глаго́летъ ᲂу҆чине́нный чте́цъ: Цр҃ю̀ нбⷭ҇ный: и҆ предначина́тельный ѱало́мъ."
|
|
},
|
|
{
|
|
"type": "HEADER",
|
|
"value": "Та́же дїа́конъ, а҆́ще є҆́сть, а҆́ще же нѝ, свѧще́нникъ глаго́летъ є҆ктенїю̀ вели́кꙋю:"
|
|
},
|
|
{
|
|
"type": "TEXT",
|
|
"value": "М и́ромъ гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и, поми́лꙋй."
|
|
},
|
|
{
|
|
"type": "TEXT",
|
|
"value": "Ѡ҆ свы́шнѣмъ ми́рѣ, и҆ спасе́нїи дꙋ́шъ на́шихъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ ми́рѣ всегѡ̀ мі́ра, бл҃гостоѧ́нїи ст҃ы́хъ бж҃їихъ цр҃кве́й, и҆ соедине́нїи всѣ́хъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ ст҃ѣ́мъ хра́мѣ се́мъ, и҆ съ вѣ́рою, бл҃гоговѣ́нїемъ и҆ стра́хомъ бж҃їимъ входѧ́щихъ во́нь, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ вели́комъ господи́нѣ и҆ ѻ҆ц҃ѣ̀ на́шемъ, свѧтѣ́йшемъ патрїа́рхѣ и҆́мⷬ҇къ, и҆ ѡ҆ господи́нѣ на́шемъ преѡсвѧще́ннѣйшемъ є҆пⷭ҇кпѣ [и҆лѝ а҆рхїепⷭ҇кпѣ, и҆лѝ митрополі́тѣ ] и҆́мⷬ҇къ, честнѣ́мъ пресвѵ́терствѣ, во хрⷭ҇тѣ̀ дїа́конствѣ, ѡ҆ все́мъ при́чтѣ и҆ лю́дехъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ бг҃охрани́мѣй странѣ̀ на́шей, властѣ́хъ и҆ во́инствѣ є҆ѧ̀, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ гра́дѣ се́мъ [и҆лѝ ѡ҆ ве́си се́й, и҆лѝ ѡ҆ ст҃ѣ́й ѻ҆би́тели се́й ] , всѧ́комъ гра́дѣ, странѣ̀, и҆ вѣ́рою живꙋ́щихъ въ ни́хъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ бл҃горастворе́нїи воздꙋ́хѡвъ, ѡ҆ и҆з̾ѻби́лїи плодѡ́въ земны́хъ, и҆ вре́менѣхъ ми́рныхъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ пла́вающихъ, пꙋтеше́ствꙋющихъ, недꙋ́гꙋющихъ, стра́ждꙋщихъ, плѣне́нныхъ, и҆ ѡ҆ спасе́нїи и҆́хъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ предстоѧ́щихъ лю́дехъ и҆ ѡ҆жида́ющихъ бл҃года́ти ст҃а́гѡ дх҃а, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ приклонѧ́ющихъ сердца̀ своѧ̀ пред̾ гдⷭ҇емъ и҆ кѡлѣ́на, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ є҆́же ᲂу҆крѣпи́тисѧ на́мъ къ соверше́нїю бг҃оꙋго́днѣ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ є҆́же низпосла́тисѧ бога̑тымъ ми́лостємъ є҆гѡ̀ на ны̀, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ є҆́же прїѧ́ти колѣноприклонє́нїѧ на́ша ꙗ҆́кѡ ѳѷмїа́мъ пред̾ ни́мъ, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ тре́бꙋющихъ ѿ негѡ̀ по́мощи, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ѡ҆ и҆зба́витисѧ на́мъ ѿ всѧ́кїѧ ско́рби, гнѣ́ва и҆ нꙋ́жды, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
|
|
},
|
|
{
|
|
"type": "TEXT",
|
|
"value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋгъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
|
|
},
|
|
{
|
|
"type": "TEXT",
|
|
"value": "Ли́къ: Тебѣ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Та́же сщ҃е́нникъ возгла́съ: Ꙗ҆́кѡ подоба́етъ тебѣ̀ всѧ́каѧ сла́ва, че́сть и҆ поклоне́нїе, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ прⷭ҇нѡ, и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "Ли́къ: А҆ми́нь."
|
|
},
|
|
{
|
|
"type": "HEADER",
|
|
"value": "Та́же пое́мъ: Гдⷭ҇и воззва́хъ: и҆ поста́вимъ стїхѡ́въ ѕ҃. И҆ пое́мъ стїхи̑ры самогла́сны, гла́съ д҃, повторѧ́юще ѧ҆̀:"
|
|
},
|
|
{
|
|
"type": "TEXT",
|
|
"value": "П ресла́внаѧ дне́сь / ви́дѣша всѝ ꙗ҆зы́цы во гра́дѣ дв҃довѣ, / є҆гда̀ дх҃ъ сни́де ст҃ы́й во ѻ҆́гненныхъ ѧ҆зы́цѣхъ, / ꙗ҆́коже бг҃оглаго́ливый лꙋка̀ повѣствꙋ́етъ, / глаго́летъ бо: / со́браннымъ ᲂу҆ченикѡ́мъ хрⷭ҇то́вымъ, / бы́сть шꙋ́мъ, ꙗ҆́коже носи́мꙋ дыха́нїю бꙋ́рнꙋ, / и҆ и҆спо́лни до́мъ, и҆дѣ́же бѧ́хꙋ сѣдѧ́ще: / и҆ всѝ нача́ша глаго́лати стра́нными глаго́лы, / стра́нными ᲂу҆че́нїи, / стра́нными повелѣ́нїи ст҃ы́ѧ трⷪ҇цы. [Два́жды]."
|
|
},
|
|
{
|
|
"type": "TEXT",
|
|
"value": "Д х҃ъ ст҃ы́й бѣ̀ ᲂу҆́бѡ при́снѡ, и҆ є҆́сть, и҆ бꙋ́детъ: / нижѐ начина́емь, нижѐ престаѧ́й, / но при́снѡ ѻ҆ц҃ꙋ̀ и҆ сн҃ꙋ счине́нъ и҆ счислѧ́емь: / живо́тъ, и҆ животворѧ́й: / свѣ́тъ, и҆ свѣ́та пода́тель, / самобл҃гі́й, и҆ и҆сто́чникъ бл҃госты́ни: / и҆́мже ѻ҆ц҃ъ познава́етсѧ, и҆ сн҃ъ прославлѧ́етсѧ, / и҆ ѿ всѣ́хъ познава́етсѧ, / є҆ди́на си́ла, є҆ди́но счета́нїе, / є҆ди́но поклоне́нїе ст҃ы́ѧ трⷪ҇цы. [Два́жды]."
|
|
},
|
|
{
|
|
"type": "TEXT",
|
|
"value": "Д х҃ъ ст҃ы́й свѣ́тъ и҆ живо́тъ, / и҆ живы́й и҆сто́чникъ ᲂу҆́мный: / дх҃ъ премꙋ́дрости, дх҃ъ ра́зꙋма, / бл҃гі́й, пра́вый, ᲂу҆́мный: ѡ҆блада́ѧй, / ѡ҆чища́ѧй прегрѣшє́нїѧ: / бг҃ъ и҆ бг҃отворѧ́й, / ѻ҆́гнь ѿ ѻ҆гнѧ̀ происходѧ́й: / глаго́лѧй, дѣ́ѧй, раздѣлѧ́ѧй дарова̑нїѧ, / и҆́мже проро́цы всѝ, / и҆ бж҃е́ственнїи а҆пⷭ҇ли съ мꙋ́ченики вѣнча́шасѧ, / стра́нное слы́шанїе, / стра́нное видѣ́нїе, / ѻ҆́гнь раздѣлѧ́ѧйсѧ въ подаѧ́нїе дарова́нїй. [Два́жды]."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, гла́съ ѕ҃: Цр҃ю̀ нбⷭ҇ный, / ᲂу҆тѣ́шителю, дш҃е и҆́стины, / и҆́же вездѣ̀ сы́й, / и҆ всѧ̑ и҆сполнѧ́ѧй, / сокро́вище бл҃ги́хъ, / и҆ жи́зни пода́телю, / прїидѝ и҆ всели́сѧ въ ны̀, / и҆ ѡ҆чи́сти ны̀ ѿ всѧ́кїѧ скве́рны, / и҆ спасѝ бл҃же дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Вхо́дъ съ кади́ломъ. Свѣ́те ти́хїй:"
|
|
},
|
|
{
|
|
"type": "HEADER",
|
|
"value": "Прокі́менъ вели́кїй, гла́съ з҃:"
|
|
},
|
|
{
|
|
"type": "TEXT",
|
|
"value": "К то̀ бг҃ъ ве́лїй ꙗ҆́кѡ бг҃ъ на́шъ; / ты̀ є҆сѝ бг҃ъ творѧ́й чꙋдеса̀. Сті́хъ а҃: Сказа́лъ є҆сѝ въ лю́дехъ си́лꙋ твою̀. Сті́хъ в҃: И҆ рѣ́хъ: ны́нѣ нача́хъ, сїѧ̀ и҆змѣ́на десни́цы вы́шнѧгѡ. Сті́хъ г҃: Помѧнꙋ́хъ дѣла̀ гдⷭ҇нѧ, ꙗ҆́кѡ помѧнꙋ̀ ѿ нача́ла чꙋдеса̀ твоѧ̀. И҆ па́ки: Кто̀ бг҃ъ ве́лїй:"
|
|
},
|
|
{
|
|
"type": "TEXT",
|
|
"value": "Та́же возглаша́етъ сщ҃е́нникъ, и҆лѝ дїа́конъ: Па́ки и҆ па́ки, прикло́нше колѣ́на, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Мы́ же, Гдⷭ҇и поми́лꙋй, три́жды."
|
|
},
|
|
{
|
|
"type": "TEXT",
|
|
"value": "На́мъ же прикло́ншымъ колѣ̑на на землѝ, и҆ непокровє́ннымъ сꙋ́щымъ, чте́тъ і҆ере́й мл҃твы во ѻ҆лтарѣ̀ велегла́снѡ на лю́ди."
|
|
},
|
|
{
|
|
"type": "TEXT",
|
|
"value": "П речи́сте, нескве́рне, безнача́льне, неви́диме непостижи́ме, неизслѣ́диме, непремѣ́нне, непобѣди́ме, неизче́тне, неѕло́биве гдⷭ҇и, є҆ди́нъ и҆мѣ́ѧй безсме́ртїе, во свѣ́тѣ живы́й непристꙋ́пномъ: сотвори́вый нб҃о и҆ зе́млю, и҆ мо́ре, и҆ всѧ̑ созда̑ннаѧ на ни́хъ, пре́жде є҆́же проси́ти, всѣ̑мъ прошє́нїѧ подава́ѧй, тебѣ̀ мо́лимсѧ, и҆ тебѐ про́симъ, влⷣко человѣколю́бче, ѻ҆ц҃а̀ гдⷭ҇а и҆ бг҃а и҆ сп҃са на́шего і҆и҃са хрⷭ҇та̀, на́съ ра́ди человѣ́кѡвъ, и҆ на́шегѡ ра́ди спасе́нїѧ сше́дшаго съ нб҃съ, и҆ воплоти́вшагосѧ ѿ дх҃а ст҃а́гѡ и҆ мр҃і́и приснодв҃ы, и҆ пресла́вныѧ бцⷣы: и҆́же пе́рвѣе ᲂу҆́бѡ словесы̀ ᲂу҆чѧ̀, послѣди́ же и҆ дѣ́лы показꙋ́ѧ, є҆гда̀ сп҃си́тельнꙋю стра́сть претерпѣ̀, подадѐ на́мъ подписа́нїе смирє́ннымъ, и҆ грѣ̑шнымъ, и҆ недостѡ́йнымъ рабѡ́мъ твои́мъ, мольбы̑ приноси́ти тебѣ̀, въ вы́и и҆ колѣ́нъ преклоне́нїихъ, ѡ҆ свои́хъ грѣсѣ́хъ, и҆ ѡ҆ людски́хъ невѣ́дѣнїихъ. са́мъ многоми́лостиве и҆ человѣколю́бче, ᲂу҆слы́ши ны̀, во́ньже а҆́ще де́нь призове́мъ тѧ̀, и҆зрѧ́днѣе же въ де́нь се́й пѧтдесѧ́тный, во́ньже по вознесе́нїи гдⷭ҇а на́шегѡ і҆и҃са хрⷭ҇та̀ на нб҃са̀, и҆ сѣдѣ́нїи ѡ҆деснꙋ́ю тебѐ бг҃а и҆ ѻ҆ц҃а̀, низпосла̀ ст҃а́го дх҃а на ст҃ы̑ѧ своѧ̑ ᲂу҆ченикѝ и҆ а҆пⷭ҇лы, и҆́же и҆ сѣ́де на є҆ди́номъ коегѡ́ждо и҆́хъ, и҆ и҆спо́лнишасѧ всѝ неистощи́мыѧ бл҃года́ти є҆гѡ̀, и҆ глаго́лаша ѧ҆зы́ки и҆ны́ми вели̑чїѧ твоѧ̑, и҆ прореко́ша. ны́нѣ ᲂу҆́бѡ молѧ́щихсѧ тебѣ̀ ᲂу҆слы́ши на́съ, и҆ помѧнѝ на́съ смире́нныхъ и҆ ѡ҆сꙋжде́нныхъ, и҆ возвратѝ плѣне́нїе дꙋ́шъ на́шихъ, твоѐ ми́лованїе и҆мѣ́ѧ ѡ҆ на́съ молѧ́щеесѧ. прїимѝ на́съ припа́дающихъ тебѣ̀, и҆ вопїю́щихъ: согрѣши́хомъ, къ тебѣ̀ приве́ржени є҆смы̀ ѿ ᲂу҆тро́бы, ѿ чре́ва ма́тере на́шеѧ, ты̀ є҆сѝ бг҃ъ на́шъ. но ꙗ҆́кѡ и҆счезо́ша въ сꙋетѣ̀ дні́е на́ши, ѡ҆бнажи́хомсѧ твоеѧ̀ по́мощи, лиши́хомсѧ всѧ́кагѡ ѿвѣ́та, но дерза́юще на щедрѡ́ты твоѧ̀, зове́мъ: грѣхѝ ю҆́ности на́шеѧ и҆ невѣ́дѣнїѧ не помѧнѝ, и҆ ѿ та́йныхъ на́шихъ ѡ҆чи́сти на́съ, и҆ не ѿри́ни на́съ во вре́мѧ ста́рости, внегда̀ ѡ҆скꙋдѣ́ти крѣ́пости на́шей: не ѡ҆ста́ви на́съ, пре́жде да́же на́мъ въ зе́млю не возврати́тисѧ, сподо́би къ тебѣ̀ возврати́тисѧ, и҆ вонмѝ на́мъ благопрїѧ́тїемъ и҆ бл҃года́тїю. возмѣ́ри беззакѡ́нїѧ на́шѧ щедро́тами твои́ми, сопроти́въ поста́ви бе́зднꙋ щедро́тъ твои́хъ мно́жествꙋ согрѣше́нїй на́шихъ. при́зри съ высоты̀ ст҃ы́ѧ твоеѧ̀ гдⷭ҇и, на предстоѧ́щыѧ лю́ди твоѧ̀, и҆ ча́ющыѧ є҆́же ѿ тебѐ бога́тыѧ ми́лости. посѣтѝ на́съ бла́гостїю твое́ю, и҆зба́ви на́съ ѿ наси́льства дїа́волѧ: ᲂу҆твердѝ живо́тъ на́шъ ст҃ы́ми твои́ми и҆ сщ҃е́нными зако́ны. а҆́гг҃ла, вѣ́рна храни́телѧ приста́ви лю́демъ твои̑мъ, всѣ́хъ соберѝ въ твоѐ црⷭ҇твїе. да́ждь проще́нїе ᲂу҆пова́ющымъ на тѧ̀: ѡ҆ста́ви и҆́мъ и҆ на́мъ грѣхѝ. ѡ҆чи́сти на́съ дѣ́йствомъ ст҃а́гѡ твоегѡ̀ дх҃а: разрꙋшѝ ꙗ҆̀же на на́съ кѡ́зни вра́жїѧ."
|
|
},
|
|
{
|
|
"type": "HEADER",
|
|
"value": "Присовокꙋплѧ́етъ же и҆ сїю̀ моли́твꙋ:"
|
|
},
|
|
{
|
|
"type": "TEXT",
|
|
"value": "Б лагослове́нъ є҆сѝ гдⷭ҇и влⷣко вседержи́телю, просвѣти́вый де́нь свѣ́томъ со́лнечнымъ, и҆ но́щь ᲂу҆ѧсни́вый зарѧ́ми ѻ҆́гненными, долготꙋ̀ дневнꙋ́ю преитѝ на́мъ сподо́бивый, и҆ прибли́житисѧ нача́ткѡмъ но́щи: ᲂу҆слы́ши молє́нїѧ на́шѧ, и҆ всѣ́хъ люде́й твои́хъ, и҆ всѣ̑мъ на́мъ прости́въ вѡ́льныѧ и҆ невѡ́льныѧ грѣхѝ. прїимѝ вечє́рнѧѧ на́шѧ молє́нїѧ, и҆ низпослѝ мно́жество ми́лости твоеѧ̀, и҆ щедрѡ́ты твоѧ̑ на достоѧ́нїе твоѐ. ѡ҆стѣнѝ на́съ ст҃ы́ми а҆́гг҃лы твои́ми, воѡрꙋжѝ на́съ ѻ҆рꙋ́жїемъ пра́вды твоеѧ̀, ѡ҆градѝ на́съ и҆́стиною твое́ю, соблюдѝ на́съ си́лою твое́ю, и҆зба́ви на́съ ѿ всѧ́кагѡ ѡ҆бстоѧ́нїѧ, всѧ́кагѡ навѣ́та сопротиволежа́щагѡ. пода́ждь же на́мъ и҆ настоѧ́щїй ве́черъ, съ приходѧ́щею но́щїю, соверше́нъ, ст҃ъ ми́ренъ, безгрѣ́шенъ, безсобла́зненъ, безмечта́ненъ, и҆ всѧ̑ днѝ живота̀ на́шегѡ: моли́твами ст҃ы́ѧ бцⷣы, и҆ всѣ́хъ ст҃ы́хъ ѿ вѣ́ка тебѣ̀ благоꙋгоди́вшихъ."
|
|
},
|
|
{
|
|
"type": "HEADER",
|
|
"value": "А҆́бїе же глаго́летъ дїа́конъ:"
|
|
},
|
|
{
|
|
"type": "TEXT",
|
|
"value": "З астꙋпѝ, спасѝ, поми́лꙋй, возста́ви, и҆ сохранѝ на́съ бж҃е твое́ю бл҃года́тїю."
|
|
},
|
|
{
|
|
"type": "TEXT",
|
|
"value": "И҆ ли́къ: Гдⷭ҇и поми́лꙋй. Є҆ди́ножды."
|
|
},
|
|
{
|
|
"type": "TEXT",
|
|
"value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ, и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
|
|
},
|
|
{
|
|
"type": "TEXT",
|
|
"value": "Ли́къ: Тебѣ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Та́же і҆ере́й возгла́съ: Твое́ бо є҆́сть, є҆́же ми́ловати, и҆ спаса́ти на́съ гдⷭ҇и бж҃е на́шъ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "Ли́къ: А҆ми́нь."
|
|
},
|
|
{
|
|
"type": "HEADER",
|
|
"value": "Посе́мъ і҆ере́й, и҆лѝ дїа́конъ глаго́летъ сїѧ̀:"
|
|
},
|
|
{
|
|
"type": "TEXT",
|
|
"value": "Р це́мъ всѝ ѿ всеѧ̀ дꙋшѝ, и҆ ѿ всегѡ̀ помышле́нїѧ на́шегѡ рце́мъ."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и поми́лꙋй."
|
|
},
|
|
{
|
|
"type": "TEXT",
|
|
"value": "Г дⷭ҇и вседержи́телю бж҃е ѻ҆ц҃ъ на́шихъ, мо́лимъ ти сѧ, ᲂу҆слы́ши и҆ поми́лꙋй."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и поми́лꙋй."
|
|
},
|
|
{
|
|
"type": "TEXT",
|
|
"value": "П оми́лꙋй на́съ бж҃е, по вели́цѣй ми́лости твое́й, мо́лимъ ти сѧ, ᲂу҆слы́ши и҆ поми́лꙋй."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и поми́лꙋй. три́жды."
|
|
},
|
|
{
|
|
"type": "TEXT",
|
|
"value": "Є҆ щѐ мо́лимсѧ ѡ҆ вели́комъ господи́нѣ и҆ ѻ҆ц҃ѣ̀ на́шемъ, свѧтѣ́йшемъ патрїа́рхѣ и҆́мⷬ҇къ, и҆ ѡ҆ господи́нѣ на́шемъ преѡсвѧще́ннѣйшемъ є҆пⷭ҇кпѣ [и҆лѝ а҆рхїепⷭ҇кпѣ, и҆лѝ митрополі́тѣ ] и҆́мⷬ҇къ, и҆ ѡ҆ все́й во хрⷭ҇тѣ̀ бра́тїи на́шей."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и поми́лꙋй. три́жды."
|
|
},
|
|
{
|
|
"type": "TEXT",
|
|
"value": "Є҆ щѐ мо́лимсѧ ѡ҆ бг҃охрани́мѣй странѣ̀ на́шей, властѣ́хъ, и҆ во́инствѣ є҆ѧ̀, да ти́хое и҆ безмо́лвное житїѐ поживе́мъ во всѧ́комъ благоче́стїи и҆ чистотѣ̀."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и поми́лꙋй. три́жды."
|
|
},
|
|
{
|
|
"type": "TEXT",
|
|
"value": "Є҆ щѐ мо́лимсѧ ѡ҆ бл҃же́нныхъ и҆ приснопа́мѧтныхъ созда́телехъ ст҃ы́ѧ ѻ҆би́тели сеѧ̀."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и поми́лꙋй. три́жды."
|
|
},
|
|
{
|
|
"type": "TEXT",
|
|
"value": "Є҆ щѐ мо́лимсѧ ѡ҆ ми́лости, жи́зни, ми́рѣ, здра́вїи, спасе́нїи, посѣще́нїи, проще́нїи, и҆ ѡ҆ставле́нїи грѣхѡ́въ рабѡ́въ бж҃їихъ бра́тїи ст҃ы́ѧ ѻ҆би́тели сеѧ̀."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и поми́лꙋй, три́жды."
|
|
},
|
|
{
|
|
"type": "TEXT",
|
|
"value": "Є҆ щѐ мо́лимсѧ ѡ҆ плодоносѧ́щихъ, и҆ добродѣ́ющихъ, во ст҃ѣ́мъ и҆ всечестнѣ́мъ хра́мѣ се́мъ, трꙋжда́ющихсѧ, пою́щихъ, и҆ предстоѧ́щихъ лю́дехъ, ѡ҆жида́ющихъ ѿ тебѐ вели́кїѧ и҆ бога́тыѧ ми́лости."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и поми́лꙋй, три́жды."
|
|
},
|
|
{
|
|
"type": "TEXT",
|
|
"value": "Та́же сщ҃е́нникъ, возгла́съ: Ꙗ҆́кѡ ми́лостивъ и҆ чл҃вѣколю́бецъ бг҃ъ є҆сѝ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "Ли́къ: А҆ми́нь."
|
|
},
|
|
{
|
|
"type": "HEADER",
|
|
"value": "А҆́бїе же дїа́конъ глаго́летъ:"
|
|
},
|
|
{
|
|
"type": "TEXT",
|
|
"value": "П а́ки и҆ па́ки прикло́нше колѣ̑на, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Мы́ же: Гдⷭ҇и поми́лꙋй. Три́жды."
|
|
},
|
|
{
|
|
"type": "TEXT",
|
|
"value": "И҆ приклонѧ́емъ колѣ̑на по предпи́санномꙋ."
|
|
},
|
|
{
|
|
"type": "HEADER",
|
|
"value": "Чте́тъ і҆ере́й в҃-ю мл҃твꙋ во ᲂу҆слы́шанїе всѣ́хъ:"
|
|
},
|
|
{
|
|
"type": "TEXT",
|
|
"value": "Г дⷭ҇и і҆и҃се хрⷭ҇тѐ бж҃е на́шъ, ми́ръ тво́й пода́вый чл҃вѣ́кѡмъ, и҆ прест҃а́гѡ дх҃а да́ръ, є҆щѐ въ житїѝ и҆ съ на́ми сы́й, въ наслѣ́дїе неѿе́млемое вѣ̑рнымъ при́снѡ подава́ѧй: ꙗ҆вле́ннѣйше же сїю̀ бл҃года́ть твои̑мъ ᲂу҆ч҃нкѡ́мъ и҆ а҆по́столѡмъ дне́сь низпосла́вый, и҆ си́хъ ᲂу҆стнѣ̀ ѻ҆́гненными ᲂу҆тверди́вый ѧ҆зы́ки: и҆́миже ве́сь ро́дъ человѣ́ческїй бг҃овѣ́дѣнїе свои́мъ ѧ҆зы́комъ въ слꙋ́хъ ᲂу҆́ха прїи́мше, свѣ́томъ дх҃а просвѣти́хомсѧ, и҆ пре́лести ꙗ҆́коже тмы̀ и҆змѣни́хомсѧ, и҆ чꙋ́вственныхъ и҆ ѻ҆́гненныхъ ѧ҆зы̑къ раздаѧ́нїемъ, и҆ преесте́ственнымъ дѣ́йствомъ, є҆́же въ тѧ̀ вѣ́ры наꙋчи́хомсѧ, и҆ тебѐ бг҃осло́вити со ѻ҆ц҃е́мъ и҆ ст҃ы́мъ дх҃омъ, во є҆ди́номъ бж҃ествѣ̀, и҆ си́лѣ, и҆ вла́сти ѡ҆зари́хомсѧ. ты̀ ᲂу҆́бѡ ѻ҆́ч҃ее сїѧ́нїе, сꙋщества̀ и҆ є҆стества̀ є҆гѡ̀ неизмѣ́нное и҆ недви́жимое начерта́нїе, и҆сто́чниче премꙋ́дрости: и҆ благода́ти: ѿве́рзи и҆ мнѣ̀ грѣ́шномꙋ ᲂу҆стнѣ̀, и҆ наꙋчи́ мѧ, ка́кѡ досто́итъ, и҆ ѡ҆ и҆́хже потре́ба моли́тисѧ: ты́ бо є҆сѝ вѣ́дый мно́гое грѣхѡ́въ мои́хъ мно́жество, но твоѐ благоꙋтро́бїе побѣди́тъ си́хъ безмѣ́рное. се́ бо стра́хомъ предстою́ ти, въ пꙋчи́нꙋ ми́лости твоеѧ̀ ѿча́ѧнїе дꙋшѝ моеѧ̀ пове́ргъ: ѡ҆кормѝ живо́тъ мо́й сло́вомъ всю̀ тва́рь неизрече́нною премꙋ́дрости си́лою ᲂу҆правлѧ́ѧй, ти́хое ѡ҆бꙋрева́емыхъ приста́нище, и҆ скажи́ ми пꙋ́ть, во́ньже пойдꙋ̀. дх҃ъ премꙋ́дрости твоеѧ̀ мои̑мъ пода́ждь помышле́нїємъ, дх҃ъ ра́зꙋма безꙋ́мїю моемꙋ̀ да́рꙋѧй, дх҃омъ стра́ха твоегѡ̀ моѧ̀ ѡ҆сѣнѝ дѣла̀, и҆ дх҃ъ пра́вый ѡ҆бновѝ во ᲂу҆тро́бѣ мое́й, и҆ дх҃омъ влⷣчнимъ мы́слей мои́хъ поползнове́нїе ᲂу҆твердѝ: да на всѧ́къ де́нь дх҃омъ твои́мъ бл҃ги́мъ къ поле́зномꙋ наставлѧ́емь, сподо́блюсѧ твори́ти за́пѡвѣди твоѧ̀, и҆ твоѐ при́снѡ па́мѧтствовати сла́вное прише́ствїе, и҆ и҆стѧза́тельное содѣ́ѧнныхъ на́ми. и҆ да не пре́зриши мѧ̀ тлѣ́нными сопрельща́тисѧ мі́ра сегѡ̀ кра́сными, но бꙋ́дꙋщихъ воспрїѧ́тїѧ жела́ти ᲂу҆крѣпѝ сокро́вищъ. ты́ бо ре́клъ є҆сѝ влⷣко: ꙗ҆́кѡ є҆ли̑ка а҆́ще кто̀ про́ситъ ѡ҆ твое́мъ и҆́мени, невозбра́ннѡ прїе́млетъ ѿ твоегѡ̀ присносꙋ́щнагѡ бг҃а и҆ ѻ҆ц҃а̀. тѣ́мже и҆ а҆́зъ грѣ́шный въ прише́ствїи ст҃а́гѡ твоегѡ̀ дх҃а, твою̀ молю̀ бл҃гость, є҆ли̑ка проси́хъ, возда́ждь мѝ во спасе́нїе. є҆́й гдⷭ҇и, всѧ́кагѡ благодѣѧ́нїѧ бога́тый да́телю, и҆ пода́телю бл҃гі́й, ꙗ҆́кѡ ты̀ є҆сѝ подава́ѧй преиз̾ѻби́льнѡ и҆́хже про́симъ: ты̀ є҆сѝ сострада́теленъ и҆ ми́лостивый, и҆́же безгрѣ́шнѡ бы́въ пло́ти на́шеѧ ѻ҆́бщникъ, и҆ приклонѧ́ющымъ къ тебѣ̀ кѡлѣ́на, приклонѧ́ѧйсѧ любоблагоꙋтро́бнѣ, ѡ҆чище́нїе же бы́въ грѣхѡ́въ на́шихъ. да́ждь ᲂу҆́бѡ гдⷭ҇и, лю́демъ твои̑мъ щедрѡ́ты твоѧ̑: ᲂу҆слы́ши на́съ съ нб҃сѐ ст҃а́гѡ твоегѡ̀: ѡ҆свѧтѝ на́съ си́лою сп҃си́тельныѧ десни́цы твоеѧ̀: покры́й на́съ кро́вомъ крилꙋ̀ твое́ю, да не пре́зриши дѣ́лъ рꙋкꙋ̀ твое́ю. тебѣ̀ є҆ди́номꙋ согрѣша́емъ, но и҆ тебѣ̀ є҆ди́номꙋ слꙋ́жимъ. не вѣ́мы кла́нѧтисѧ бо́гꙋ чꙋжде́мꙋ, нижѐ простира́ти рꙋ́ки на́шѧ влⷣко, къ бо́гꙋ и҆но́мꙋ. ѡ҆ста́ви на́мъ согрѣшє́нїѧ, и҆ прїи́мъ на́шѧ колѣнопоклѡ́ннаѧ молє́нїѧ, прострѝ всѣ̑мъ на́мъ рꙋ́кꙋ по́мощи, прїимѝ моли́твꙋ всѣ́хъ ꙗ҆́кѡ кади́ло прїѧ́тное, воспрїе́млемое пред̾ твои́мъ пребл҃ги́мъ црⷭ҇твомъ."
|
|
},
|
|
{
|
|
"type": "HEADER",
|
|
"value": "Присовокꙋплѧ́етъ же и҆ сїю̀:"
|
|
},
|
|
{
|
|
"type": "TEXT",
|
|
"value": "Г дⷭ҇и гдⷭ҇и, и҆збавле́й на́съ ѿ всѧ́кїѧ стрѣлы̀ летѧ́щїѧ во днѝ: и҆зба́ви на́съ и҆ ѿ всѧ́кїѧ ве́щи во тмѣ̀ преходѧ́щїѧ. прїимѝ же́ртвꙋ вече́рнюю рꙋ́къ на́шихъ воздѣѧ̑нїѧ. сподо́би же на́съ и҆ нощно́е по́прище без̾ поро́ка прейтѝ неискꙋше́ны ѿ ѕлы́хъ: и҆ и҆зба́ви на́съ ѿ всѧ́кагѡ смꙋще́нїѧ и҆ боѧ́зни, ꙗ҆́же ѿ дїа́вола на́мъ прибыва́ющїѧ. да́рꙋй дꙋша́мъ на́шымъ ᲂу҆миле́нїе, и҆ помыслѡ́мъ на́шымъ попече́нїе, є҆́же на стра́шнѣмъ и҆ пра́веднѣмъ твое́мъ сꙋдѣ̀ и҆спыта́нїѧ. пригвоздѝ стра́хꙋ твоемꙋ̀ плѡ́ти на́шѧ, и҆ ᲂу҆мертвѝ ᲂу҆́ды на́шѧ сꙋ́щыѧ на землѝ: да и҆ со́ннымъ безмо́лвїемъ просвѣти́мсѧ, зрѣ́нїемъ сꙋде́бъ твои́хъ. ѿими́ же ѿ на́съ всѧ́кое мечта́нїе неподо́бное и҆ по́хоть вре́днꙋ. возста́ви же на́съ во вре́мѧ моли́твы ᲂу҆твержде́ны въ вѣ́рѣ, и҆ преспѣва́ющыѧ въ за́повѣдехъ твои́хъ."
|
|
},
|
|
{
|
|
"type": "HEADER",
|
|
"value": "Дїа́конъ же глаго́летъ:"
|
|
},
|
|
{
|
|
"type": "TEXT",
|
|
"value": "З астꙋпѝ, спасѝ, поми́лꙋй, возста́ви, и҆ сохранѝ на́съ бж҃е твое́ю бл҃года́тїю."
|
|
},
|
|
{
|
|
"type": "TEXT",
|
|
"value": "И҆ ли́къ: Гдⷭ҇и поми́лꙋй. Є҆ди́ножды."
|
|
},
|
|
{
|
|
"type": "TEXT",
|
|
"value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ, и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
|
|
},
|
|
{
|
|
"type": "TEXT",
|
|
"value": "Ли́къ: Тебѣ̀, гдⷭ҇и."
|
|
},
|
|
{
|
|
"type": "TEXT",
|
|
"value": "І҆ере́й возгла́съ моли́твѣ: Бл҃говоле́нїемъ и҆ бл҃гостїю є҆диноро́днагѡ сн҃а твоегѡ̀, съ ни́мже блгⷭ҇ве́нъ є҆сѝ, съ прест҃ы́мъ, и҆ бл҃ги́мъ, и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "Та́же: Сподо́би гдⷭ҇и въ ве́черъ се́й:"
|
|
},
|
|
{
|
|
"type": "TEXT",
|
|
"value": "Посе́мъ же глаго́летъ дїа́конъ: Па́ки и҆ па́ки прикло́нше колѣ̑на, гдⷭ҇ꙋ помо́лимсѧ."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и поми́лꙋй, три́жды."
|
|
},
|
|
{
|
|
"type": "TEXT",
|
|
"value": "И҆ на́мъ та́кожде колѣ̑на прикло́ншымъ."
|
|
},
|
|
{
|
|
"type": "HEADER",
|
|
"value": "І҆ере́й чте́тъ тре́тїю моли́твꙋ:"
|
|
},
|
|
{
|
|
"type": "TEXT",
|
|
"value": "П риснотекꙋ́щїй, живо́тный, и҆ просвѣти́тельный и҆сто́чниче, соприсносꙋ́щнаѧ ѻ҆ц҃ꙋ̀ содѣ́тельнаѧ си́ло, всѐ смотре́нїе за спасе́нїе человѣ́ческое прекра́снѣ и҆спо́лнивый, хрⷭ҇тѐ бж҃е на́шъ, сме́рти ᲂу҆́зы неразрѣши̑мыѧ, и҆ закле́пы а҆́довы расто́ргнꙋвый, лꙋка́выхъ же дꙋхѡ́въ мно́жество попра́вый. приведы́й себѐ ѡ҆ на́съ непоро́чное заколе́нїе, и҆ тѣ́ло да́вый пречⷭ҇тое въ же́ртвꙋ, всѧ́кагѡ грѣха̀ неприкоснове́нное же и҆ непрохо́дное, и҆ стра́шнымъ си́мъ, и҆ неисповѣди́мымъ сщ҃еннодѣ́йствїемъ живо́тъ на́мъ вѣ́чный дарова́вый: во а҆́дъ сше́дый, и҆ верєѝ вѣ́чныѧ сокрꙋши́вый, и҆ во тмѣ̀ сѣдѧ́щымъ восхо́дъ показа́вый: началоѕло́бнаго же и҆ глꙋби́ннаго ѕмі́ѧ бг҃омꙋ́дростнымъ льще́нїемъ ᲂу҆лови́вый, и҆ вери́гами мра́ка свѧза́вый въ та́ртарѣ и҆ ѻ҆гнѝ негаси́момъ, и҆ во тмѣ̀ кромѣ́шнѣй неисчетноси́льною твое́ю затверди́вый крѣ́постїю, великоимени́таѧ премꙋ́дросте ѻ҆́ч҃аѧ, напа́ствꙋємымъ вели́кїй помо́щникъ ꙗ҆ви́выйсѧ, и҆ просвѣти́вый сѣдѧ́щыѧ во тмѣ̀ и҆ сѣ́ни сме́ртнѣй. ты̀ сла́вы присносꙋ́щныѧ гдⷭ҇и, и҆ ѻ҆ц҃а̀ вы́шнѧгѡ сн҃е возлю́бленный, присносꙋ́щный свѣ́те ѿ присносꙋ́щнагѡ свѣ́та, сл҃нце пра́вды, ᲂу҆слы́ши на́съ молѧ́щихсѧ тебѣ̀, и҆ ᲂу҆поко́й дꙋ́шы рабѡ́въ твои́хъ, пре́жде ᲂу҆со́пшихъ ѻ҆тє́цъ и҆ бра́тїй на́шихъ, и҆ про́чїихъ срѡ́дникъ по пло́ти, и҆ всѣ́хъ свои́хъ въ вѣ́рѣ, ѡ҆ ни́хже и҆ па́мѧть твори́мъ ны́нѣ, ꙗ҆́кѡ въ тебѣ̀ всѣ́хъ держа́ва, и҆ въ рꙋцѣ̀ твое́й содержи́ши всѧ̑ концы̀ землѝ. влⷣко вседержи́телю, бж҃е ѻ҆ц҃ъ и҆ гдⷭ҇и ми́лости, ро́да сме́ртнагѡ же и҆ безсме́ртнагѡ, и҆ всѧ́кагѡ є҆стества̀ человѣ́ческагѡ содѣ́телю, составлѧ́емагѡ же, и҆ па́ки разрѣша́емагѡ, живота́ же и҆ сконча́нїѧ, є҆́же здѣ̀ пребыва́нїѧ, и҆ є҆́же та́мѡ преложе́нїѧ: лѣ̑та и҆змѣрѧ́ѧй живы̑мъ, и҆ времена̀ ᲂу҆ставлѧ́ѧй сме́рти: низводѧ́й во а҆́дъ и҆ возводѧ́й: свѧзꙋ́ѧй въ не́мощи, и҆ ѿпꙋща́ѧй въ си́лѣ: настоѧ̑щаѧ потре́бнѣ стро́ѧй, и҆ бꙋ̑дꙋщаѧ поле́знѡ ᲂу҆правлѧ́ѧй: сме́ртнымъ жа́ломъ ᲂу҆ѧ́звенныхъ воскресе́нїѧ наде́ждами веселѧ́ѧй. са́мъ ᲂу҆́бѡ влⷣко всѣ́хъ, бж҃е сп҃си́телю на́шъ, наде́жде всѣ́хъ концє́въ землѝ, и҆ сꙋ́щихъ въ мо́ри дале́че, и҆́же и҆ въ се́й послѣ́днїй и҆ вели́кїй спаси́тельный де́нь пѧтдесѧ́тницы пра́здника, та́йнꙋ ст҃ы́ѧ и҆ є҆диносꙋ́щныѧ, и҆ соприсносꙋ́щныѧ, и҆ нераздѣли́мыѧ, и҆ неслїѧ́нныѧ трⷪ҇цы показа́вый на́мъ, и҆ наи́тїе и҆ прише́ствїе ст҃а́гѡ и҆ животворѧ́щагѡ твоегѡ̀ дх҃а, въ ви́дѣ ѻ҆́гненныхъ ѧ҆зы́кѡвъ на ст҃ы́ѧ твоѧ̀ а҆по́столы и҆злїѧ́вый, и҆ благовѣ́стники тѣ́хъ поста́вивый, бл҃гочести́выѧ на́шеѧ вѣ́ры, и҆ и҆сповѣ́дники и҆ проповѣ́дники и҆́стиннагѡ бг҃осло́вїѧ показа́вый: и҆́же и҆ въ се́й всесоверше́нный и҆ спаси́тельный пра́здникъ, ѡ҆чищє́нїѧ ᲂу҆́бѡ моли́твєннаѧ, ѡ҆ и҆̀же въ а҆́дѣ держи́мыхъ сподо́бивый прїима́ти, вели̑кїѧ же подава́ѧй на́мъ надє́жды ѡ҆слабле́нїѧ содержи̑мымъ ѿ содержа́щихъ ѧ҆̀ скве́рнъ, и҆ ᲂу҆тѣше́нїю тобо́ю низпосла́тисѧ. ᲂу҆слы́ши на́съ смире́нныхъ, и҆ твои́хъ ра̑бъ молѧ́щихсѧ тѝ, и҆ ᲂу҆поко́й дꙋ́шы рабѡ́въ твои́хъ пре́жде ᲂу҆со́пшихъ, на мѣ́стѣ свѣ́тлѣ, на мѣ́стѣ ѕла́чнѣ, на мѣ́стѣ прохлажде́нїѧ: ѿѻнꙋ́дꙋже ѿбѣжѐ всѧ́каѧ болѣ́знь, печа́ль и҆ воздыха́нїе и҆ ᲂу҆чинѝ дꙋ́хи и҆́хъ въ селе́нїѧхъ пра́ведныхъ, и҆ ми́ра и҆ ѡ҆слабле́нїѧ сподо́би и҆́хъ: ꙗ҆́кѡ не ме́ртвїи восхва́лѧтъ тѧ̀ гдⷭ҇и, нижѐ сꙋ́щїи во а҆́дѣ и҆сповѣ́данїе дерзнꙋ́тъ принестѝ тебѣ̀: но мы̀ живі́и бл҃гослови́мъ тѧ̀ и҆ мо́лимъ, и҆ ѡ҆чисти́тєльныѧ моли̑твы и҆ жє́ртвы прино́симъ тебѣ̀ ѡ҆ дꙋша́хъ и҆́хъ."
|
|
},
|
|
{
|
|
"type": "HEADER",
|
|
"value": "Присовокꙋплѧ́етъ и҆ сїю̀ моли́твꙋ:"
|
|
},
|
|
{
|
|
"type": "TEXT",
|
|
"value": "Б ж҃е вели́кїй, и҆ вѣ́чный, ст҃ы́й, человѣколюби́вый, сподо́бивый на́съ въ се́й ча́съ ста́ти пред̾ непристꙋ́пною твое́ю сла́вою, на пѣ́нїе и҆ хвалꙋ̀ чꙋде́съ твои́хъ, ѡ҆чи́сти ны̀ недосто́йныѧ рабы̑ твоѧ̀, и҆ пода́ждь бл҃года́ть є҆́же сокрꙋше́ннымъ се́рдцемъ, невозноси́тельнѡ приноси́ти тебѣ̀ трист҃о́е славосло́вїе, и҆ бл҃годаре́нїе вели́кихъ твои́хъ дарѡ́въ, ꙗ҆̀же сотвори́лъ є҆сѝ къ на́мъ, и҆ твори́ши всегда̀ въ на́съ. помѧнѝ гдⷭ҇и не́мощь на́шꙋ, и҆ да не погꙋби́ши на́съ со беззако́нїи на́шими: но сотворѝ вели́кꙋю ми́лость со смире́нїемъ на́шимъ, да грѣхо́вныѧ тмы̀ и҆збѣжа́вше, во днѝ пра́вды ходи́ти бꙋ́демъ, и҆ ѡ҆дѣ́ѧвшесѧ ѻ҆рꙋ́жїемъ свѣ́та, ненавѣ́тнѡ пребꙋ́демъ ѿ всѧ́кїѧ ко́зни лꙋка́вагѡ, и҆ со дерзнове́нїемъ просла́вимъ ѡ҆ всѣ́хъ, тебѐ є҆ди́наго и҆́стиннаго и҆ человѣколю́бца бг҃а. твое́ бо ꙗ҆́кѡ вои́стиннꙋ и҆ вели́кое врѣснотꙋ̀ та́инство, влⷣко всѣ́хъ, и҆ тво́рче, вре́менное рѣше́нїе твои́хъ тва́рей, и҆ є҆́же по си́хъ совокꙋпле́нїе, и҆ ᲂу҆покое́нїе є҆́же во вѣ́ки: тебѣ̀ благода́ть ѡ҆ всѣ́хъ и҆сповѣ́дꙋемъ, ѡ҆ вхо́дѣхъ на́шихъ, ꙗ҆̀же въ мі́ръ се́й, и҆ и҆схо́дѣхъ, наде́жды на́мъ воскрⷭ҇нїѧ, и҆ жи́зни нетлѣ́нныѧ, твои́мъ нело́жнымъ ѡ҆бѣща́нїемъ пред̾ѡбрꙋча́ютъ, ꙗ҆̀же прїи́мемъ въ бꙋ́дꙋщемъ второ́мъ прише́ствїи твое́мъ. ты́ бо є҆сѝ и҆ воскресе́нїѧ на́шегѡ нача́льникъ, и҆ пожи́вшихъ неꙋмы́тный и҆ человѣколюби́вый сꙋдїѧ̀, и҆ мздовоздаѧ́нїѧ влⷣка и҆ гдⷭ҇ь, и҆́же и҆ прїѡбщи́выйсѧ на́мъ прїи́скреннѡ пло́ти и҆ кро́ве, снизхожде́нїѧ ра́ди кра́йнѧгѡ: и҆ на́шѧ стра̑сти неѿмє́тныѧ, внегда̀ во́лею во и҆скꙋ́съ поста́вити, прїи́мъ за милосе́рдїе щедро́тъ, и҆ въ не́мже пострада́лъ є҆сѝ са́мъ и҆скꙋси́всѧ, и҆скꙋша́ємымъ на́мъ бы́въ самоѡбѣща́нный помо́щникъ: тѣ́мже и҆ совозве́лъ є҆сѝ на́съ въ твоѐ безстра́стїе. прїимѝ ᲂу҆́бѡ влⷣко, мольбы̑ и҆ молє́нїѧ на́шѧ, и҆ ᲂу҆поко́й всѧ̀ ѻ҆тцы̀ коегѡ́ждо, и҆ ма́тєри, и҆ ча̑да, и҆ бра́тїю, и҆ сестры̑ є҆динорѡ́дныѧ, и҆ кꙋпнорѡ́дныѧ, и҆ всѧ̀ пре́жде почи́вшыѧ дꙋ́шы: въ наде́жди воскресе́нїѧ жи́зни вѣ́чныѧ ᲂу҆чинѝ дꙋ́хи и҆́хъ, и҆ и҆мена̀ въ кни́зѣ живо́тнѣй, въ нѣ́дрѣхъ а҆враа́ма, и҆ і҆саа́ка, и҆ і҆а́кѡва, въ странѣ̀ живы́хъ, въ црⷭ҇твїи небе́снѣмъ, въ раѝ сла́дости, свѣ́тлыми а҆́гг҃лы твои́ми, вводѧ̀ всѧ̑ во ст҃ы̑ѧ твоѧ̑ ѻ҆би́тєли, совоздвиза́ѧй и҆ тѣлеса̀ на́шѧ въ де́нь, во́ньже ѡ҆предѣли́лъ є҆сѝ по ст҃ы̑мъ твои̑мъ и҆ нело́жнымъ ѡ҆бѣтова́нїємъ. нѣ́сть ᲂу҆́бѡ гдⷭ҇и, рабѡ́мъ твои́мъ сме́рть, и҆сходѧ́щымъ на́мъ ѿ тѣ́ла, и҆ къ тебѣ̀ бг҃ꙋ на́шемꙋ приходѧ́щымъ, но преставле́нїе ѿ печа́льнѣйшихъ на полє́знѣйшаѧ, и҆ сла́дѡстнѣйшаѧ, и҆ на ᲂу҆покое́нїе и҆ ра́дость. А҆́ще же и҆ что̀ согрѣши́хомъ къ тебѣ̀, ми́лостивъ бꙋ́ди на́мъ же и҆ тѣ̑мъ, занѐ ниеди́нъ є҆́сть чи́стъ пред̾ тобо́ю ѿ скве́рнъ, нижѐ а҆́ще є҆ди́нъ де́нь живота̀ є҆гѡ̀ є҆́сть, ра́звѣ ты̀ то́чїю є҆ди́нъ, на землѝ ꙗ҆ви́выйсѧ безгрѣ́шный гдⷭ҇ь на́шъ і҆и҃съ хрⷭ҇то́съ: и҆́мже всѝ ᲂу҆пова́емъ ми́лость полꙋчи́ти, и҆ ѡ҆ставле́нїе грѣхѡ́въ. сегѡ̀ ра́ди на́мъ же и҆ ѻ҆́нѣмъ, ꙗ҆́кѡ бла́гъ и҆ человѣколю́бецъ бг҃ъ, ѡ҆сла́би, ѡ҆ста́ви, простѝ грѣхопадє́нїѧ на́шѧ, вѡ́льнаѧ и҆ невѡ́льнаѧ, ꙗ҆̀же въ вѣ́дѣнїи и҆ не въ вѣ́дѣнїи, пред̾ѧвлє́ннаѧ и҆ забыва́ємаѧ: ꙗ҆̀же въ дѣѧ́нїи, ꙗ҆̀же въ помышле́нїи, ꙗ҆̀же въ словесѝ, ꙗ҆̀же во всѣ́хъ на́шихъ житїѧ́хъ и҆ движе́нїихъ. и҆ ѿше́дшымъ ᲂу҆́бѡ свобо́дꙋ и҆ ѡ҆сла́бꙋ да́рꙋй, на́съ же сꙋ́щихъ здѣ̀ благословѝ, коне́цъ благі́й и҆ ми́рный да́рꙋѧ на́мъ же и҆ всѣ́мъ лю́демъ твои́мъ, и҆ ми́лости и҆ человѣколю́бїѧ ᲂу҆тро́бꙋ ѿверза́ѧй на́мъ, на стра́шномъ и҆ ᲂу҆жа́сномъ твое́мъ прише́ствїи, и҆ црⷭ҇твїѧ твоегѡ̀ досто́йныхъ на́съ сотворѝ."
|
|
},
|
|
{
|
|
"type": "HEADER",
|
|
"value": "Присовокꙋплѧ́етъ и҆ сїю̀ моли́твꙋ:"
|
|
},
|
|
{
|
|
"type": "TEXT",
|
|
"value": "Б ж҃е вели́кїй и҆ вы́шнїй, є҆ди́не и҆мѣ́ѧй безсме́ртїе, во свѣ́тѣ живы́й непристꙋ́пномъ, всю̀ тва́рь мꙋ́дростїю созда́вый, раздѣли́вый посредѣ̀ свѣ́та, и҆ посредѣ̀ тмы̀: и҆ со́лнце ᲂу҆́бѡ положи́вый во ѻ҆́бласть днѐ, лꙋнꙋ́ же и҆ ѕвѣ́зды во ѻ҆́бласть но́щи. сподо́бивый на́съ грѣ́шныхъ и҆ въ настоѧ́щїй де́нь предвари́ти лицѐ твоѐ во и҆сповѣ́данїи, и҆ вече́рнюю тебѣ̀ слꙋ́жбꙋ принестѝ. са́мъ человѣколю́бче гдⷭ҇и, и҆спра́ви моли́твꙋ на́шꙋ, ꙗ҆́кѡ кади́ло пред̾ тобо́ю, и҆ прїимѝ ю҆̀ въ воню̀ бл҃гоꙋха́нїѧ. пода́ждь же на́мъ настоѧ́щїй ве́черъ и҆ приходѧ́щꙋю но́щь ми́рнꙋ: ѡ҆блецы́ ны ѻ҆рꙋ́жїемъ свѣ́та, и҆зба́ви на́съ ѿ стра́ха нощна́гѡ, и҆ ѿ всѧ́кїѧ ве́щи во тмѣ̀ преходѧ́щїѧ. и҆ да́рꙋй на́мъ со́нъ, и҆́же во ᲂу҆покое́нїе не́мощи на́шей дарова́лъ є҆сѝ, ѿ всѧ́кагѡ дїа́вольскагѡ мечта́нїѧ и҆змѣне́нъ. є҆́й влⷣко всѣ́хъ благи́хъ пода́телю, ꙗ҆́кѡ да и҆ на ло́жахъ на́шихъ ᲂу҆милѧ́ющесѧ воспомѧ́немъ и҆ въ нощѝ прест҃о́е и҆́мѧ твоѐ. и҆ поꙋче́нїемъ твои́хъ за́повѣдей ѡ҆зарѧ́еми, въ ра́дости дꙋше́вной воста́немъ къ славосло́вїю твоеѧ̀ бла́гости, моли̑твы и҆ молє́нїѧ твоемꙋ̀ благоꙋтро́бїю приносѧ́ще ѡ҆ свои́хъ грѣсѣ́хъ, и҆ ѡ҆ всѣ́хъ лю́дехъ твои́хъ: и҆̀хже моли́твами прест҃ы́ѧ бцⷣы, въ ми́лости посѣтѝ."
|
|
},
|
|
{
|
|
"type": "HEADER",
|
|
"value": "Дїа́конъ глаго́летъ:"
|
|
},
|
|
{
|
|
"type": "TEXT",
|
|
"value": "З астꙋпѝ, спасѝ, поми́лꙋй, возста́ви, и҆ сохранѝ на́съ бж҃е твое́ю бл҃года́тїю."
|
|
},
|
|
{
|
|
"type": "TEXT",
|
|
"value": "И҆ ли́къ: Гдⷭ҇и поми́лꙋй. Є҆ди́ножды."
|
|
},
|
|
{
|
|
"type": "TEXT",
|
|
"value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ, и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
|
|
},
|
|
{
|
|
"type": "TEXT",
|
|
"value": "Ли́къ: Тебѣ̀, гдⷭ҇и."
|
|
},
|
|
{
|
|
"type": "TEXT",
|
|
"value": "І҆ере́й возглаша́етъ: Ты́ бо є҆сѝ ᲂу҆покое́нїе дꙋ́шъ и҆ тѣле́съ на́шихъ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "Та́же дїа́конъ: И҆спо́лнимъ вече́рнюю моли́твꙋ на́шꙋ гдⷭ҇ви."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и, поми́лꙋй."
|
|
},
|
|
{
|
|
"type": "TEXT",
|
|
"value": "З астꙋпѝ, спасѝ, поми́лꙋй и҆ сохранѝ на́съ, бж҃е, твое́ю бл҃года́тїю."
|
|
},
|
|
{
|
|
"type": "TEXT",
|
|
"value": "Ли́къ: Гдⷭ҇и, поми́лꙋй."
|
|
},
|
|
{
|
|
"type": "TEXT",
|
|
"value": "В е́чера всегѡ̀ соверше́нна, свѧ́та, ми́рна и҆ безгрѣ́шна, ᲂу҆ гдⷭ҇а про́симъ."
|
|
},
|
|
{
|
|
"type": "TEXT",
|
|
"value": "Ли́къ: Пода́й гдⷭ҇и."
|
|
},
|
|
{
|
|
"type": "TEXT",
|
|
"value": "А҆́ гг҃ла ми́рна, вѣ́рна наста́вника, храни́телѧ дꙋ́шъ и҆ тѣле́съ на́шихъ, ᲂу҆ гдⷭ҇а про́симъ."
|
|
},
|
|
{
|
|
"type": "TEXT",
|
|
"value": "Ли́къ: Пода́й гдⷭ҇и."
|
|
},
|
|
{
|
|
"type": "TEXT",
|
|
"value": "П роще́нїѧ и҆ ѡ҆ставле́нїѧ грѣхѡ́въ и҆ прегрѣше́нїй на́шихъ, ᲂу҆ гдⷭ҇а про́симъ."
|
|
},
|
|
{
|
|
"type": "TEXT",
|
|
"value": "Ли́къ: Пода́й гдⷭ҇и."
|
|
},
|
|
{
|
|
"type": "TEXT",
|
|
"value": "Д о́брыхъ и҆ поле́зныхъ дꙋша́мъ на́шымъ, и҆ ми́ра мі́рови, ᲂу҆ гдⷭ҇а про́симъ."
|
|
},
|
|
{
|
|
"type": "TEXT",
|
|
"value": "Ли́къ: Пода́й гдⷭ҇и."
|
|
},
|
|
{
|
|
"type": "TEXT",
|
|
"value": "П ро́чее вре́мѧ живота̀ на́шегѡ въ ми́рѣ и҆ покаѧ́нїи сконча́ти, ᲂу҆ гдⷭ҇а про́симъ."
|
|
},
|
|
{
|
|
"type": "TEXT",
|
|
"value": "Ли́къ: Пода́й гдⷭ҇и."
|
|
},
|
|
{
|
|
"type": "TEXT",
|
|
"value": "Х рⷭ҇тїа́нскїѧ кончи́ны живота̀ на́шегѡ, безболѣ́знены, непосты́дны, ми́рны и҆ до́брагѡ ѿвѣ́та на стра́шнѣмъ сꙋди́щи хрⷭ҇то́вѣ про́симъ."
|
|
},
|
|
{
|
|
"type": "TEXT",
|
|
"value": "Ли́къ: Пода́й гдⷭ҇и."
|
|
},
|
|
{
|
|
"type": "TEXT",
|
|
"value": "П рест҃ꙋ́ю, пречⷭ҇тꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю, со всѣ́ми ст҃ы́ми помѧнꙋ́вше са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷭ҇тꙋ̀ бг҃ꙋ предади́мъ."
|
|
},
|
|
{
|
|
"type": "TEXT",
|
|
"value": "Ли́къ: Тебѣ̀, гдⷭ҇и."
|
|
},
|
|
{
|
|
"type": "TEXT",
|
|
"value": "І҆ере́й возглаша́етъ: Ꙗ҆́кѡ бл҃гъ и҆ чл҃вѣколю́бецъ бг҃ъ є҆сѝ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "Лю́дїе: А҆ми́нь."
|
|
},
|
|
{
|
|
"type": "TEXT",
|
|
"value": "І҆ере́й: Ми́ръ всѣ̑мъ."
|
|
},
|
|
{
|
|
"type": "TEXT",
|
|
"value": "Лю́дїе: И҆ дх҃ови твоемꙋ̀."
|
|
},
|
|
{
|
|
"type": "TEXT",
|
|
"value": "Дїа́конъ: Главы̑ на́шѧ гдⷭ҇ви прикло́нимъ."
|
|
},
|
|
{
|
|
"type": "TEXT",
|
|
"value": "Лю́дїе: Тебѣ̀, гдⷭ҇и."
|
|
},
|
|
{
|
|
"type": "HEADER",
|
|
"value": "І҆ере́й глаго́летъ моли́твꙋ ѻ҆бы́чнꙋю вта́й:"
|
|
},
|
|
{
|
|
"type": "TEXT",
|
|
"value": "Г дⷭ҇и бж҃е на́шъ, приклони́вый нб҃са̀, и҆ сше́дый на спасе́нїе ро́да человѣ́ческагѡ, при́зри на рабы̑ твоѧ̑, и҆ на достоѧ́нїе твоѐ! тебѣ́ бо стра́шномꙋ и҆ человѣколю́бцꙋ сꙋдїѝ, твоѝ рабѝ своѧ̑ приклони́ша главы̑ и҆ своѧ̑ покори́ша вы̑и не ѿ человѣ̑къ ѡ҆жида́юще по́мощи, но твоеѧ̀ ѡ҆жида́юще ми́лости, и҆ твоегѡ̀ ча́юще спасе́нїѧ: ꙗ҆̀же сохранѝ на всѧ́кое вре́мѧ, и҆ въ настоѧ́щемъ часѣ́ же и҆ ве́черѣ и҆ въ приходѧ́щꙋю но́щь, ѿ всѧ́кагѡ врага̀, ѿ всѧ́кагѡ сопротиволежа́щагѡ дѣ́йства дїа́вольскагѡ, помышле́нїй сꙋ́етныхъ, и҆ воспомина́нїй лꙋка́выхъ."
|
|
},
|
|
{
|
|
"type": "TEXT",
|
|
"value": "Та́же возглаша́етъ: Бꙋ́ди держа́ва црⷭ҇твїѧ твоегѡ̀ благослове́на и҆ препросла́влена, ѻ҆ц҃а̀ и҆ сн҃а, и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ."
|
|
},
|
|
{
|
|
"type": "TEXT",
|
|
"value": "Ли́къ: А҆ми́нь."
|
|
},
|
|
{
|
|
"type": "HEADER",
|
|
"value": "И҆ посе́мъ соше́дшесѧ ѻ҆́ба ли́ка, пое́мъ на стїхо́внѣ стїхи̑ры самогла́сны, гла́съ г҃:"
|
|
},
|
|
{
|
|
"type": "TEXT",
|
|
"value": "Н ы́нѣ въ зна́менїе всѣ̑мъ ꙗ҆́вѣ ѧ҆зы́цы бы́ша: / і҆ꙋдє́и бо ѿ ни́хже по пло́ти хрⷭ҇то́съ, / невѣ́рїемъ недꙋ́говавше, бж҃їѧ благода́ти ѿпадо́ша: / и҆ бж҃е́ственнагѡ свѣ́та / сꙋ́щїи ѿ ꙗ҆зы́кѡвъ сподо́бихомсѧ, / ᲂу҆тверди́вшесѧ словесы̀ ᲂу҆ченикѡ́въ, / вѣща́ющихъ сла́вꙋ благодѣ́телѧ всѣ́хъ бг҃а: / съ ни́миже сердца̀ съ колѣ́нами прикло́нше, / вѣ́рою поклони́мсѧ ст҃о́мꙋ дх҃ꙋ, / ᲂу҆тверди́вшесѧ сп҃си́телемъ дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Сті́хъ: Се́рдце чи́сто сози́жди во мнѣ̀ бж҃е, и҆ дх҃ъ пра́въ ѡ҆бновѝ во ᲂу҆тро́бѣ мое́й."
|
|
},
|
|
{
|
|
"type": "TEXT",
|
|
"value": "Н ы́нѣ ᲂу҆тѣ́шительный дх҃ъ на всѧ́кꙋю пло́ть и҆злїѧ́сѧ: / ѿ а҆по́стольскихъ бо ликѡ́въ наче́ншїй, / ѿ тѣ́хъ по прича́стїю вѣ̑рнымъ бл҃года́ть прострѐ, / и҆ ᲂу҆вѣрѧ́етъ своѐ держа́вное наи́тїе во ѻ҆́гненномъ ви́дѣ, / ᲂу҆ч҃нкѡ́мъ раздаѧ́й ѧ҆зы́ки въ пѣснопѣ́нїе и҆ сла́вꙋ бж҃їю. / тѣ́мже сердцы̀ ᲂу҆́мнѡ просвѣща́еми, / въ вѣ́рѣ ᲂу҆тверди́вшесѧ ст҃ы́мъ дх҃омъ, мо́лимсѧ / спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Сті́хъ: Не ѿве́ржи менѐ ѿ лица̀ твоегѡ̀, и҆ дх҃а твоегѡ̀ ст҃а́гѡ не ѿимѝ ѿ менѐ."
|
|
},
|
|
{
|
|
"type": "TEXT",
|
|
"value": "Н ы́нѣ ѡ҆блача́тсѧ держа́вою хрⷭ҇то́вою съ высоты̀ а҆пⷭ҇ли: / ѡ҆бновлѧ́етъ бо и҆̀хъ ᲂу҆тѣ́шитель, / въ ни́хъ ѡ҆бновлѧ́ѧсѧ та́инственнымъ ѡ҆бновле́нїемъ ра́зꙋма: / и҆̀же стра́нными гла́сы, и҆ высокоглаго́ливыми проповѣ́дающе / присносꙋ́щное є҆стество́ же и҆ про́стое, / трїѷпоста́сное почита́ти, / бл҃годѣ́телѧ всѣ́хъ бг҃а. / тѣ́мже просвѣти́вшесѧ ѻ҆́ныхъ ᲂу҆че́ньми, / ѻ҆ц҃ꙋ̀ поклони́мсѧ съ сн҃омъ и҆ дх҃омъ, / молѧ́щесѧ спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, гла́съ и҃: Прїиди́те лю́дїе / трїѷпоста́сномꙋ бжⷭ҇твꙋ̀ поклони́мсѧ, / сн҃ꙋ во ѻ҆ц҃ѣ̀, со ст҃ы́мъ дх҃омъ: / ѻ҆ц҃ъ бо безлѣ́тнѡ родѝ / сн҃а соприсносꙋ́щна, и҆ сопресто́льна, / и҆ дх҃ъ ст҃ы́й бѣ̀ во ѻ҆ц҃ѣ̀ съ сн҃омъ прославлѧ́емь, / є҆ди́на си́ла, є҆ди́но сꙋщество̀, є҆ди́но бж҃ество̀. / є҆мꙋ́же покланѧ́ющесѧ всѝ глаго́лемъ: / ст҃ы́й бж҃е, всѧ̑ содѣ́ѧвый сн҃омъ, / содѣ́йствомъ ст҃а́гѡ дх҃а: / ст҃ы́й крѣ́пкїй, и҆́мже ѻ҆ц҃а̀ позна́хомъ, / и҆ дх҃ъ ст҃ы́й прїи́де въ мі́ръ: / ст҃ы́й безсме́ртный, ᲂу҆тѣ́шительный дш҃е, / ѿ ѻ҆ц҃а̀ и҆сходѧ́й, и҆ въ сн҃ѣ почива́ѧй, / трⷪ҇це ст҃а́ѧ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Та́же, Ны́нѣ ѿпꙋща́еши: Трист҃о́е. Прест҃а́ѧ трⷪ҇це: Ѻ҆́ ч҃е на́шъ:"
|
|
},
|
|
{
|
|
"type": "HEADER",
|
|
"value": "Тропа́рь, гла́съ и҃:"
|
|
},
|
|
{
|
|
"type": "TEXT",
|
|
"value": "Б л҃гослове́нъ є҆сѝ хрⷭ҇тѐ бж҃е на́шъ, / и҆́же премꙋ́дры ловцы̀ ꙗ҆вле́й, / низпосла́въ и҆̀мъ дх҃а ст҃а́го, / и҆ тѣ́ми ᲂу҆ловле́й вселе́ннꙋю, / человѣколю́бче сла́ва тебѣ̀."
|
|
},
|
|
{
|
|
"type": "HEADER",
|
|
"value": "Та́же свѧще́нникъ твори́тъ ѿпꙋ́стъ си́це:"
|
|
},
|
|
{
|
|
"type": "TEXT",
|
|
"value": "И҆́ же ѿ ѻ҆́ч҃ихъ и҆ бж҃е́ственныхъ нѣ́дръ и҆стощи́вый себѐ, и҆ съ нб҃сѐ на зе́млю соше́дый, и҆ на́ше всѐ воспрїе́мый є҆стество̀, и҆ ѡ҆божи́вый є҆̀, по си́хъ же на нб҃са̀ па́ки возше́дый и҆ ѡ҆деснꙋ́ю сѣ́дый бг҃а и҆ ѻ҆ц҃а̀: бж҃е́ственнаго же и҆ ст҃а́го и҆ є҆диносꙋ́щнаго, и҆ є҆диноси́льнаго, и҆ є҆диносла́внаго, и҆ соприсносꙋ́щнаго дх҃а низпосла́вый на ст҃ы̑ѧ своѧ̑ ᲂу҆ченикѝ и҆ а҆пⷭ҇лы, и҆ си́мъ просвѣти́вый ᲂу҆́бѡ и҆́хъ, тѣ́ми же всю̀ вселе́ннꙋю: хрⷭ҇то́съ и҆́стинный бг҃ъ на́шъ, моли́твами пречи́стыѧ и҆ пренепоро́чныѧ ст҃ы́ѧ своеѧ̀ мт҃ре, ст҃ы́хъ сла́вныхъ, прехва́льныхъ, бг҃опроповѣ́дникѡвъ, и҆ дх҃оно́сныхъ а҆пⷭ҇лѡвъ, и҆ всѣ́хъ ст҃ы́хъ, поми́лꙋетъ и҆ спасе́тъ на́съ, ꙗ҆́кѡ бл҃гъ и҆ человѣколю́бецъ."
|
|
}
|
|
] |