1198 lines
114 KiB
JSON
1198 lines
114 KiB
JSON
[
|
|
{
|
|
"type": "HEADER",
|
|
"value": "І҆аннꙋа́рїа в҃і"
|
|
},
|
|
{
|
|
"type": "HEADER",
|
|
"value": "И҆́же во ст҃ы́хъ, ѻ҆ц҃а̀ на́шегѡ са́ввы, пе́рвагѡ а҆рхїепі́скопа и҆ ᲂу҆чи́телѧ се́рбскагѡ."
|
|
},
|
|
{
|
|
"type": "HEADER",
|
|
"value": "На ма́лѣй вече́рни стїхи̑ры на д҃, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Да́лъ є҆сѝ зна́менїе:"
|
|
},
|
|
{
|
|
"type": "TEXT",
|
|
"value": "Свѧти́тель бг҃опрїѧ́тенъ, и҆ па́стырь и҆́стиненъ, сто́лпъ непревра́тенъ, ѡ҆снова́нїе вѣ́ры неподви́жимо, благоче́стїѧ степе́нь непоколе́блемый, забра́ло цр҃кве нерꙋши́мо, ст҃и́телємъ добро́та, и҆ чꙋде́съ и҆сто́чникъ, са́вво, бы́лъ є҆сѝ: тѣ́мъ тѧ̀ ᲂу҆блажа́емъ бл҃гочести́внѡ пѣ́сньми, и҆ всесвѧще́ннꙋю твою̀ соверша́емъ па́мѧть. Два́жды."
|
|
},
|
|
{
|
|
"type": "TEXT",
|
|
"value": "Со́лнца свѣтлѣ́йши просвѣще́ннаѧ па́мѧть твоѧ̀, вѣ̑рнымъ возсїѧ̀ лю́демъ твои̑мъ, бжⷭ҇твенными блиста̑нїи сїѧ̑ просвѣща́ющи, са́вво вседо́блїй ѻ҆́ч҃е свѧще́нне, и҆ де́мѡнѡвъ тмꙋ̀ ѿгонѧ́щи. Тѣ́мже тѧ̀ ᲂу҆блажа́емъ, и҆ моле́бнѡ воспѣва́емъ, ꙗ҆́кѡ ѻ҆течестволю́бца и҆ предста́телѧ, и҆ моли́твенника ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Благоꙋха́етъ ра́ка ст҃а́гѡ твоегѡ̀ тѣ́ла, ст҃и́телю бг҃одꙋхнове́нне: хрⷭ҇то́во бо вселе́нїе и҆ благоꙋха́нїе бы́лъ є҆сѝ, и҆ словесы̀ твои́ми бг҃одохнове́нными є҆́рєси ѕлосмра̑дныѧ низложи́въ, лю́ди твоѧ̑ ѡ҆благоꙋха́лъ є҆сѝ. И҆ ны́нѣ мо́лимъ тѧ̀: помѧнѝ всѧ̑, вѣ́рою тѧ̀ помина́ющыѧ, ко гдⷭ҇ꙋ дерзнове́нїе ꙗ҆́кѡ стѧжа́въ, бг҃оно́се."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃. Самогла́сенъ:"
|
|
},
|
|
{
|
|
"type": "TEXT",
|
|
"value": "Ѡ҆лѧденѣ́вшꙋю зе́млю се́рдца люде́й твои́хъ словесы̀ твои́ми воздѣ́лавъ, и҆ присноцвѣтꙋ́щыѧ плоды̀ благоче́стїѧ въ ни́хъ и҆зрасти́лъ є҆сѝ бг҃ꙋ, и҆ чистото́ю житїѧ̀ твоегѡ̀ ра́зꙋмы и҆́хъ ᲂу҆краси́лъ є҆сѝ, и҆ на ре́вность подви́глъ є҆сѝ съ собо́ю а҆́гг҃льскомꙋ мона́шествꙋющихъ житїю̀, преѡби́дѣти же привре́мєннаѧ ᲂу҆вѣща́лъ є҆сѝ, бжⷭ҇твеннаѧ цѣвни́це, бо́дрое ѻ҆́ко, па́стырей па́стырю, са́вво бл҃же́нне ѻ҆́ч҃е свѧще́нне: прїимѝ и҆ на́съ, хва́лѧщихъ тѧ̀, хрⷭ҇тꙋ̀ бг҃ꙋ молѧ́сѧ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Кро́въ тво́й, бцⷣе:"
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "Оу҆́мъ влⷣкꙋ на стра̑сти поста́вивъ, плотолю́бїемъ не порабо́тивсѧ, а҆́гг҃льски чⷭ҇тото́ю, са́вво, пожи́лъ є҆сѝ."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Влⷣка сы́й своеплемє́ннымъ, а҆пⷭ҇лъ же па́ки и҆ первост҃и́тель, лю́демъ твои̑мъ ѿ хрⷭ҇та̀, ѻ҆́ч҃е, дарова́лсѧ є҆сѝ."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Ста́до твоѐ слове́сное, ѻ҆́ч҃е, проти́вными нерасточа́емо, ко хрⷭ҇тꙋ̀ моли́твами, са́вво, соблюда́й."
|
|
},
|
|
{
|
|
"type": "HEADER",
|
|
"value": "Сла́ва, гла́съ д҃:"
|
|
},
|
|
{
|
|
"type": "TEXT",
|
|
"value": "Ѿ пеле́нъ лю́бѧщыѧ тѧ̀ лю́ди твоѧ̑ возлюби́лъ є҆сѝ, ѡ҆ ни́хже и҆ до сме́рти трꙋди́всѧ, и҆ по сме́рти си́хъ не ѡ҆ста́вилъ є҆сѝ, и҆̀же цѣ́ла и҆ благоꙋха́юща ѿ чꙋждестра́нствїѧ прїе́мше тѧ̀, и҆ ꙗ҆́кѡ ᲂу҆́тварь ца́рскꙋю и҆мꙋ́ще тѧ̀ веселѧ́тсѧ: ᲂу҆краси́ бо си́хъ престо́ломъ первосвѧти́тельства, и҆ црⷭ҇твїемъ ᲂу҆добри́въ почи́лъ є҆сѝ, и҆ вѣ́рою трⷪ҇ческою ᲂу҆тверди́лъ є҆сѝ. И҆ ны́нѣ пѣ́нїемъ пѣ́сней бг҃олѣ́пныхъ твою̀ па́мѧть почита́ютъ молѧ́щесѧ, бг҃оно́се ѻ҆́ч҃е са́вво всесвѧще́нне, хрⷭ҇та̀ бг҃а молѝ, спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "И҆зба́ви на́съ ѿ бѣ́дъ:"
|
|
},
|
|
{
|
|
"type": "HEADER",
|
|
"value": "Тропа́рь, гла́съ г҃:"
|
|
},
|
|
{
|
|
"type": "TEXT",
|
|
"value": "Пꙋтѝ, вводѧ́щагѡ въ жи́знь, наста́вникъ и҆ первопресто́льникъ и҆ ᲂу҆чи́тель бы́лъ є҆сѝ: пе́рвѣе бо прише́дъ, свѧти́телю са́вво, ѻ҆те́чество твоѐ просвѣти́лъ є҆сѝ, и҆ породи́въ то́е дх҃омъ ст҃ы́мъ, ꙗ҆́кѡ древа̀ ма̑слиннаѧ въ мы́сленнѣмъ раѝ насади́лъ є҆сѝ всеѡсвѧщє́ннаѧ твоѧ̑ ча̑да. Тѣ́мъ ꙗ҆́кѡ а҆пⷭ҇лѡмъ и҆ ст҃и́телємъ сопресто́льна, чтꙋ́ще тѧ̀ мо́лимъ: молѝ хрⷭ҇та̀ бг҃а, дарова́ти на́мъ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, и҆лѝ бг҃оро́диченъ:"
|
|
},
|
|
{
|
|
"type": "TEXT",
|
|
"value": "Тѧ̀ хода́тайствовавшꙋю:"
|
|
},
|
|
{
|
|
"type": "HEADER",
|
|
"value": "Та́же, є҆ктенїа̀, и҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На вели́цѣй вече́рни стїхологисꙋ́емъ: Бл҃же́нъ мꙋ́жъ: а҃-й а҆нтїфѡ́нъ."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, поста́вимъ стїхѡ́въ и҃, и҆ пое́мъ стїхи̑ры, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "Ѻ҆ц҃а̀, сꙋ́щаго на нб҃сѣ́хъ, возлюби́въ, земна́го ѡ҆ста́вилъ є҆сѝ, и҆ пꙋсты́ню пости́глъ є҆сѝ. Ѿѻнꙋ́дꙋже поще́нїемъ и҆ мл҃твами дх҃а ст҃а́гѡ зарю̀, ѻ҆́ч҃е, воспрїе́мъ, во тмѣ̀ невѣ́дѣнїѧ лю́ди твоѧ̑, па́че со́лнца прише́дъ просвѣти́лъ є҆сѝ, хрⷭ҇та̀ проповѣ́даѧ во двою̀ сꙋществꙋ̑, на́съ ра́ди и҆з̾ дв҃ы возсїѧ́вшаго. Два́жды."
|
|
},
|
|
{
|
|
"type": "TEXT",
|
|
"value": "А҆пⷭ҇лѡвъ равнопроповѣ́дателѧ, свѧти́телємъ є҆диномꙋ́дренна, по́стникѡмъ сподви́жника, па́стырѧ сꙋ́ща и҆збра́нна, ми́лости же благоꙋтро́бна пода́телѧ, досто́йнѡ восхвалѧ́емъ тѧ̀, са́вво ѻ҆́ч҃е бг҃омꙋ́дре, и҆ бг҃ото́чнꙋю рѣкꙋ̀ ᲂу҆че́нїй, беззакѡ́нныѧ є҆́рєси потопи́вшꙋю."
|
|
},
|
|
{
|
|
"type": "TEXT",
|
|
"value": "Слове́съ твои́хъ ᲂу҆че́нїемъ се́рбскаѧ цр҃ковь ᲂу҆краси́сѧ, и҆ ны́нѣ ра́дꙋющисѧ правосла́вїемъ, съ бжⷭ҇твенными твои́ми ча́ды, сщ҃е́ннꙋю твою̀ па́мѧть свѣ́тлѡ почита́етъ, са́вво ѻ҆́ч҃е свѧще́нне, ст҃и́телємъ равноче́стне, и҆ а҆́гг҃лѡмъ спредстоѧ́телю, и҆ моли́твенниче ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: Всѐ ѿло́жше:"
|
|
},
|
|
{
|
|
"type": "TEXT",
|
|
"value": "Ве́сь ѡ҆свѧще́нъ, бг҃оно́сецъ показа́лсѧ є҆сѝ, ма́стїю бжⷭ҇твенною ст҃о́ю, ст҃ы́мъ дх҃омъ ѡ҆бложе́нъ, и҆ свѣ́тлѡ всегда̀ ликꙋ́ѧ, прпⷣбне, во ст҃а̑ѧ ст҃ы́хъ входѧ̀: и҆ лю́ди твоѧ̑, ꙗ҆́кѡ сщ҃еннотаи́нникъ, спаси́тєльнымъ та́йнамъ наꙋчи́лъ є҆сѝ, ꙗ҆́кѡ вои́стиннꙋ і҆ера́рхъ и҆збра́ненъ, са́вво ѻ҆́ч҃е бг҃оно́се, со дерзнове́нїемъ молѧ́сѧ ѡ҆ дꙋша́хъ на́шихъ. Два́жды."
|
|
},
|
|
{
|
|
"type": "TEXT",
|
|
"value": "Ѿ ю҆́ности ѡ҆блиста̀ твоѐ житїѐ добродѣ́телей лꙋче́ю, свѧти́телю всебл҃же́нне, и҆ лю́ди твоѧ̑ просвѣти́лъ є҆сѝ, пре́лести мра́къ разори́въ вои́стиннꙋ. И҆ ны́нѣ всели́лсѧ є҆сѝ, и҆дѣ́же свѣ́тъ невече́рнїй, и҆дѣ́же а҆́гг҃лъ ликостоѧ̑нїѧ: съ ни́миже предстоѧ̀, преподо́бне, помина́й на́съ, твою̀ па́мѧть, са́вво ѻ҆́ч҃е, соверша́ющихъ, со дерзнове́нїемъ молѧ́сѧ ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Оу҆́мъ тво́й мановє́нїи, сꙋ́щими въ бжⷭ҇твенныхъ, бг҃омꙋ́дре, вѣ́рою ᲂу҆добре́нъ, и҆ свѣ́тлѡ ѡ҆бложе́нъ, пресла́вне, въ ме́ртвеннѣмъ тѣлесѝ и҆ тлѣ́ннѣ, нетлѣ́нїю поꙋчи́всѧ, и҆ страсте́й внѣ̀ бы́въ, притѧжа́лъ є҆сѝ безпло́тныхъ свѣ́тлость, свѧти́телю са́вво бг҃опрїѧ́тне, свѣ́тлый ѻ҆те́чества твоегѡ̀ свѣти́льниче, и҆ моли́твенниче дерзнове́нне ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃:"
|
|
},
|
|
{
|
|
"type": "TEXT",
|
|
"value": "Сла́вы ᲂу҆ всѣ́хъ цр҃ѧ̀ хрⷭ҇та̀ взыска́въ, влады́чествꙋюща ѻ҆тца̀ ѡ҆ста́вивъ, горы̀ а҆ѳѡ́на доше́лъ є҆сѝ, и҆дѣ́же высотꙋ̀ благоро́дїѧ въ раба̀ смире́нїе и҆змѣни́въ, трꙋды̑ мно́гими тѣ́ло ᲂу҆дрꙋчи́лъ є҆сѝ, мл҃твами же дꙋ́шꙋ просвѣти́лъ є҆сѝ, до́брѣ мона́шески пребы́въ, а҆́гг҃льски въ пꙋсты́ни пожи́лъ є҆сѝ: а҆пⷭ҇льски въ мі́рѣ наꙋчи́лъ є҆сѝ, болѣ́зньми поще́нїѧ, и҆ стра́нствїѧ хожде́нїемъ, мч҃ничєскїѧ по́двиги соверши́лъ є҆сѝ. Кто̀ и҆зглаго́летъ твоѧ̑ добродѣ́тєли, и҆́миже нбⷭ҇наѧ на землѝ притѧжа́лъ є҆сѝ,са́вво блаже́нне ѻ҆́ч҃е, па́стырю и҆ ᲂу҆чи́телю; Но ꙗ҆́кѡ ны́нѣ предстоѧ̀ хрⷭ҇тꙋ̀ бг҃ꙋ, молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ."
|
|
},
|
|
{
|
|
"type": "HEADER",
|
|
"value": "Вхо́дъ, прокі́менъ днѐ. Чтє́нїѧ г҃."
|
|
},
|
|
{
|
|
"type": "HEADER",
|
|
"value": "При́тчей чте́нїе. (Глава̀ і҃.)"
|
|
},
|
|
{
|
|
"type": "TEXT",
|
|
"value": "Па́мѧть пра́веднагѡ съ похвала́ми, и҆ бл҃гослове́нїе гдⷭ҇не на главѣ̀ є҆гѡ̀. Бл҃же́нъ человѣ́къ, и҆́же ѡ҆брѣ́те премꙋ́дрость: и҆ сме́ртенъ, и҆́же ᲂу҆вѣ́дѣ ра́зꙋмъ. Лꙋ́чше бо сїю̀ кꙋпова́ти, не́жели зла́та и҆ сребра̀ сокрѡ́вища. Честнѣ́йшаѧ же є҆́сть ка́менїй многоцѣ́нныхъ: все́ же честно́е недосто́йно є҆ѧ̀ є҆́сть. Долгота́ бо дне́й и҆ лѣ̑та живота̀ въ десни́цѣ є҆ѧ̀: въ шꙋ́йцѣ же є҆ѧ̀ бога́тство и҆ сла́ва. Ѿ ᲂу҆́стъ є҆ѧ̀ и҆схо́дитъ пра́вда, зако́нъ же и҆ ми́лость на ѧ҆зы́цѣ но́ситъ. Послꙋ́шайте ᲂу҆́бѡ менє̀, ѽ ча̑да! Честна̑ѧ бо рекꙋ̀: и҆ блаже́нъ человѣ́къ, и҆́же пꙋти̑ моѧ̑ сохрани́тъ: и҆схо́ди бо моѝ, и҆схо́ди живота̀, и҆ ᲂу҆готовлѧ́етсѧ хотѣ́нїе ѿ гдⷭ҇а. Сегѡ̀ ра́ди молю̀ ва́съ, и҆ предлага́ю мо́й гла́съ сыновѡ́мъ человѣ́чєскимъ: ꙗ҆́кѡ а҆́зъ премꙋ́дрость ᲂу҆стро́ихъ, совѣ́тъ и҆ ра́зꙋмъ и҆ смы́слъ а҆́зъ призва́хъ, мо́й совѣ́тъ и҆ ᲂу҆тверже́нїе, мо́й ра́зꙋмъ, моѧ́ же крѣ́пость. А҆́зъ менѐ лю́бѧщыѧ люблю̀, и҆́щꙋщїи же менѐ ѡ҆брѧ́щꙋтъ бл҃года́ть. Разꙋмѣ́йте ᲂу҆́бѡ, неѕло́бивїи, кова́рство, ненака́заннїи же, прилага́йте сердца̀. Послꙋ́шайте менє̀ и҆ па́ки, честна̑ѧ бо рекꙋ̀: и҆ ѿве́рзꙋ ѿ ᲂу҆сте́нъ пра̑ваѧ, ꙗ҆́кѡ и҆́стинѣ поꙋчи́тсѧ горта́нь мо́й, ме́рзски же предо мно́ю ᲂу҆стны̀ лжи̑выѧ. Съ пра́вдою всѝ глаго́лы ᲂу҆́стъ мои́хъ: ничто́же въ ни́хъ стро́потно, нижѐ развраще́нно. Всѧ̑ пра̑ва сꙋ́ть разꙋмѣва́ющымъ и҆ прѡ́ста ѡ҆брѣта́ющымъ ра́зꙋмъ. Наꙋча́ю бо ва́съ и҆́стинѣ, да бꙋ́детъ ѡ҆ гдⷭ҇ѣ наде́жда ва́ша, и҆ и҆спо́лнитесѧ дх҃а."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе. (Главы̑ д҃ и҆ є҃.)"
|
|
},
|
|
{
|
|
"type": "TEXT",
|
|
"value": "Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ѡ҆сꙋ́дитъ же пра́ведникъ, ᲂу҆мира́ѧй живꙋ́щыѧ нечести̑выѧ. Оу҆́зрѧтъ бо кончи́нꙋ пра́веднагѡ, и҆ не разꙋмѣ́ютъ, что̀ совѣща́ша ѡ҆ не́мъ: ꙗ҆́кѡ пове́ржетъ гдⷭ҇ь нечести̑выѧ, безгла̑сны ни́цъ: и҆ поколе́блетъ и҆̀хъ ѿ ѡ҆снова́нїй, и҆ до послѣ́днѧгѡ и҆сче́знꙋтъ въ болѣ́зни, и҆ па́мѧть и҆́хъ поги́бнетъ. Прїи́дꙋтъ бо въ помышле́нїе согрѣше́нїй свои́хъ ᲂу҆жа́сни, и҆ ѡ҆бличи́тъ и҆̀хъ сопроти́въ беззако́нїѧ и҆́хъ. Тогда̀ ста́нетъ въ дерзнове́нїи мно́зѣ пра́ведникъ предъ лице́мъ ѡ҆скорби́вшихъ є҆го̀, и҆ ѿмета́ющихъ трꙋды̀ є҆гѡ̀. Ви́дѣвше же є҆го̀ смѧтꙋ́тсѧ стра́хомъ мно́гимъ, и҆ ᲂу҆жа́снꙋтсѧ ѡ҆ пресла́вномъ спасе́нїи є҆гѡ̀. Рекꙋ́тъ бо въ себѣ̀ ка́ющесѧ, и҆ въ тѣснотѣ̀ дꙋ́ха воздо́хнꙋтъ, и҆ рекꙋ́тъ: се́й бѣ̀, є҆го́же и҆мѣ́хомъ нѣ́когда въ посмѣ́хъ, и҆ въ при́тчꙋ поноше́нїѧ безꙋ́мнїи. Житїѐ є҆гѡ̀ вмѣни́хомъ неи́стово, и҆ кончи́нꙋ є҆гѡ̀ безче́стнꙋ. Ка́кѡ вмѣни́сѧ въ сынѣ́хъ бж҃їихъ, и҆ во ст҃ы́хъ жре́бїй є҆гѡ̀ є҆́сть; Оу҆́бѡ заблꙋди́хомъ ѿ пꙋтѝ и҆́стиннагѡ, и҆ пра́вды свѣ́тъ не ѡ҆блиста̀ на́мъ, и҆ сл҃нце не возсїѧ̀ на́мъ. Беззако́нныхъ и҆спо́лнихомсѧ сте́зь, и҆ поги́бели, и҆ ходи́хомъ стєзѝ непрохѡ́дны, пꙋти́ же гдⷭ҇нѧ не разꙋмѣ́хомъ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе. (Глава̀ і҃.)"
|
|
},
|
|
{
|
|
"type": "TEXT",
|
|
"value": "Оу҆ста̀ првⷣнагѡ ка́плютъ премꙋ́дрость: ᲂу҆стнѣ́ же мꙋже́й мꙋ́дрыхъ вѣ́дѧтъ бл҃года́ть. Оу҆ста̀ мꙋ́дрыхъ поꙋча́тсѧ премꙋ́дрости, пра́вда же и҆збавлѧ́етъ и҆̀хъ ѿ сме́рти. Сконча́вшꙋсѧ мꙋ́жꙋ пра́веднꙋ, не поги́бнетъ наде́жда. Сы́нъ бо пра́веденъ ражда́етсѧ въ живо́тъ: и҆ во бл҃ги́хъ свои́хъ пло́дъ пра́вды ѡ҆б̾и́метъ. Свѣ́тъ пра́вєднымъ всегда̀, и҆ ѿ гдⷭ҇а ѡ҆брѧ́щꙋтъ бл҃года́ть и҆ сла́вꙋ. ѧ҆зы́къ мꙋ́дрыхъ дѡ́браѧ свѣ́сть, и҆ въ се́рдцѣ и҆́хъ почі́етъ мꙋ́дрость. Лю́битъ гдⷭ҇ь преподѡ́бнаѧ сердца̀, прїѧ́тни же є҆мꙋ̀ всѝ непоро́чнїи въ пꙋтѝ. Мꙋ́дрость гдⷭ҇нѧ просвѣща́етъ лицѐ разꙋ́мнагѡ. Постига́етъ бо жела́ющыѧ ю҆̀, пре́жде да́же разꙋмѣ́ти ю҆̀: и҆ ᲂу҆до́бь ᲂу҆́зритсѧ ѿ лю́бѧщихъ ю҆̀. Оу҆́треневавый къ не́й не ᲂу҆трꙋди́тсѧ: и҆ бдѧ́й є҆ѧ̀ ра́ди вско́рѣ безъ печа́ли бꙋ́детъ. Ꙗ҆́кѡ досто́йныхъ є҆ѧ̀ сама̀ ѡ҆бхо́дитъ и҆́щꙋщи: и҆ во стезѧ́хъ є҆ѧ̀ ꙗ҆влѧ́етсѧ и҆̀мъ благопрїе́мнѣ. Мꙋ́дрости никогда́же ѡ҆долѣ́етъ ѕло́ба. Си́хъ ра́ди и҆ рачи́тель бы́хъ добро́ты є҆ѧ̀: и҆ возлюби́хъ ю҆̀, и҆ поиска́хъ ѿ ю҆́ности моеѧ̀: И҆ взыска́хъ невѣ́стꙋ привестѝ себѣ̀, ꙗ҆́кѡ всѣ́хъ влⷣка возлюбѝ ю҆̀. Таи́нница бо є҆́сть бж҃їѧ хи́трости, и҆ ѡ҆брѣта́тельница дѣ́лъ є҆гѡ̀. Трꙋды̀ є҆ѧ̀ сꙋ́ть добродѣ́тєли: цѣломꙋ́дрїю же и҆ ра́зꙋмꙋ та̀ ᲂу҆чи́тъ, пра́вдѣ и҆ мꙋ́жествꙋ, и҆́хже потре́бнѣе ничто́же є҆́сть въ житїѝ человѣ́кѡмъ. А҆́ще же и҆ многоисскꙋ́ства жела́етъ кто̀, вѣ́сть дрє́внѧѧ, и҆ бы́ти хотѧ̑щаѧ разсмо́тритъ: Свѣ́сть и҆зви̑тїѧ слове́съ, и҆ разрѣшє́нїѧ гада́нїй: зна́мєнїѧ и҆ чꙋдеса̀ проразꙋмѣ́етъ, и҆ сбытїѧ̑ време́нъ и҆ лѣ́тъ: и҆ всѣ̑мъ совѣ́тникъ є҆́сть бла́гъ, ꙗ҆́кѡ безсме́ртїе є҆́сть въ не́й, и҆ бл҃госла́вїе во ѡ҆бще́нїи слове́съ є҆ѧ̀. Сегѡ̀ ра́ди бесѣ́довахъ ко гдⷭ҇ꙋ, и҆ помоли́хсѧ є҆мꙋ̀, и҆ рѣ́хъ ѿ всегѡ̀ се́рдца моегѡ̀: Бж҃е ѻ҆ц҃є́въ и҆ гдⷭ҇и ми́лости, сотвори́вый всѧ̑ сло́вомъ твои́мъ, и҆ мꙋ́дростїю твое́ю ᲂу҆стро́ивый человѣ́ка: да владѣ́етъ бы́вшими ѿ тебє̀ тварьмѝ, и҆ да ᲂу҆правлѧ́етъ мі́ръ въ преподо́бїи и҆ пра́вдѣ. Да́ждь мѝ твои̑мъ престо́лѡмъ присѣдѧ́щꙋю премꙋ́дрость, и҆ не ѿлꙋчѝ менє̀ ѿ ѻ҆́трѡкъ твои́хъ: ꙗ҆́кѡ а҆́зъ ра́бъ тво́й, и҆ сы́нъ рабы́ни твоеѧ̀. Послѝ ю҆̀ съ нб҃съ ѿ ст҃а́гѡ жили́ща твоегѡ̀, и҆ ѿ прⷭ҇то́ла сла́вы твоеѧ̀, да сꙋ́щи со мно́ю наꙋчи́тъ мѧ̀, что̀ бл҃гоꙋго́дно є҆́сть предъ тобо́ю: И҆ наста́витъ мѧ̀ въ ра́зꙋмъ, и҆ сохрани́тъ мѧ̀ въ сла́вѣ свое́й. Помышлє́нїѧ бо сме́ртныхъ всѧ̑ боѧзли̑ва, и҆ погрѣши́тєльна ᲂу҆мышлє́нїѧ и҆́хъ."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры самогла́сны, гла́съ в҃:"
|
|
},
|
|
{
|
|
"type": "TEXT",
|
|
"value": "Оу҆́мъ преподо́бенъ, ꙗ҆́кѡ при́снѡ къ бг҃ꙋ внима́ющь, свобо́денъ же и҆ самоизво́ленъ, ꙗ҆́кѡ страстьмѝ непорабоще́нъ, дꙋ́шꙋ чи́стꙋ поще́нїемъ, се́рдце ми́лостивно и҆ слеза́ми ᲂу҆миле́нно, тѣ́ло же моли́твами къ бг҃ꙋ слꙋже́бно, са́вво бл҃же́нне, стѧжа́лъ є҆сѝ: и҆ сло́во мꙋ́дростно смире́нїемъ ᲂу҆краси́лъ є҆сѝ, ве́сь ѿ ю҆́ности благонра́вїемъ хрⷭ҇тꙋ̀, ѻ҆́ч҃е, ᲂу҆сво́ивсѧ, ѿ негѡ́же первост҃и́тель, ꙗ҆́кѡ а҆пⷭ҇толъ, лю́демъ твои̑мъ дарова́лсѧ є҆сѝ досто́йнѡ, ꙗ҆̀же є҆ѵⷢ҇лїемъ породи́лъ є҆сѝ, и҆ правосла́вїемъ ѡ҆богати́лъ є҆сѝ. И҆ ны́нѣ предстоѧ̀ хрⷭ҇тꙋ̀ бг҃ꙋ, ѿ всѧ́кихъ бѣ́дъ сїѧ̑ и҆зба́вити, и҆ спастѝ дꙋ́шы на́шѧ, моли́сѧ."
|
|
},
|
|
{
|
|
"type": "HEADER",
|
|
"value": "Гла́съ д҃:"
|
|
},
|
|
{
|
|
"type": "TEXT",
|
|
"value": "Є҆ѵⷢ҇льскихъ и҆стѡ́чникъ, словесы̀ твои́ми, ст҃и́телю, люде́й твои́хъ сердца̀ напои́лъ є҆сѝ, и҆ сѣ́мѧ благоче́стїѧ въ ни́хъ моли́твами твои́ми возрасти́лъ є҆сѝ, и҆ сїѧ̑ прине́слъ є҆сѝ хрⷭ҇тꙋ̀ пло́дъ и҆зрѧ́денъ: ны́нѣ, ꙗ҆́кѡ предстоѧ̀ ᲂу҆ негѡ̀ съ ли́ки а҆пⷭ҇тѡлъ и҆ ст҃и́тєль, помина́й къ немꙋ̀ моли́твами твои́ми, сохрани́ти ны̀ ѿ всѧ́кагѡ ѡ҆ѕлобле́нїѧ, ꙗ҆́кѡ въ ми́рѣ соверша́ти па́мѧть твою̀."
|
|
},
|
|
{
|
|
"type": "TEXT",
|
|
"value": "Се́рбскаѧ вели́каѧ це́рковь, со свѧще́нными и҆ всѣ́ми вѣ́рными пра́зднꙋющи, въ па́мѧть благꙋ́ю па́стырѧ и҆ ᲂу҆чи́телѧ, и҆ веселѧ́щисѧ зове́тъ: дꙋ́ши првⷣныхъ въ рꙋцѣ̀ бж҃їи, на́мъ же дарова̀ ст҃ы̑ѧ и҆́хъ мѡ́щи. Прїиди́те, вѣ́рнїи, дх҃о́внѡ возвесели́мсѧ, ᲂу҆спе́нїе и҆ моще́й пренесе́нїе, ѻ҆́ба пра̑зднства ст҃ы́хъ почита́юще, и҆ си́хъ, ꙗ҆́кѡ цвѣ́ты, хвала́ми ᲂу҆вѧзе́мъ, рекꙋ́ще: ра́дꙋйсѧ, ми́лостыни пода́телю, сѷмеѡ́не бл҃же́нне, человѣ́че нбⷭ҇ный: ра́дꙋйсѧ, чистоты̀ ѻ҆би́телище, са́вво свѧще́нне, земны́й а҆́гг҃ле: ра́дꙋйсѧ, дво́ице ст҃а́ѧ, а҆пⷭ҇льски лю́ди своѧ̑ наꙋчи́вшаѧ и҆ предте́кшаѧ и҆̀мъ пꙋтѝ живо́тнагѡ. Но ꙗ҆́кѡ трⷪ҇цѣ со а҆́гг҃лы предстоѧ́ще, ми́ръ землѝ на́шей и҆спроси́те, и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ є҃:"
|
|
},
|
|
{
|
|
"type": "TEXT",
|
|
"value": "А҆пⷭ҇лѡвъ сро́дныѧ чистоты̀ жела́нїемъ плотскі́ѧ любвѐ и҆змла́да и҆збѣжа́въ, тѣ́ло же неꙋдобопокори́вое брозда́ми воздержа́нїѧ ѡ҆бꙋзда́въ, бл҃гопокори́во дꙋшѝ повинꙋ́лъ є҆сѝ, по́мысла си́лою го́ршее лꙋ́чшемꙋ покори́въ, бжⷭ҇твеннагѡ дх҃а сосꙋ́дъ ᲂу҆досто́ивсѧ, пе́рвый сѣда́лище се́рбское ᲂу҆краси́лъ є҆сѝ, и҆ лю́ди твоѧ̑ бг҃омꙋ́дрїю наꙋчи́лъ є҆сѝ: и҆ ны́нѣ ᲂу҆ хрⷭ҇та̀ предстоѧ̀ дерзнове́ннѡ, са́вво бл҃же́нне, ст҃и́телю бг҃омꙋ́дре, прилѣ́жнѡ къ немꙋ̀ моли́сѧ, спастѝ дꙋ́шы пою́щихъ ст҃ꙋ́ю па́мѧть твою̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, гла́съ то́йже."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, две́ре бж҃їѧ: ра́дꙋйсѧ, раю̀, дв҃о чи́стаѧ: ра́дꙋйсѧ, стѣно̀ и҆ покро́ве: ра́дꙋйсѧ, пречⷭ҇таѧ: ра́дꙋйсѧ, вѣ́рныхъ забра́ло неѡбори́мое: ра́дꙋйсѧ, ти́хое приста́нище къ тебѣ̀ прибѣга́ющихъ, чи́стаѧ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры гла́съ в҃:"
|
|
},
|
|
{
|
|
"type": "TEXT",
|
|
"value": "Кі́ими, ꙗ҆́кѡ вѣнцы̀, похвала́ми ᲂу҆краси́мъ са́ввꙋ всебл҃же́ннаго, и҆́же ѿ восто́ка мы́сленнагѡ хрⷭ҇та̀, сл҃нце разꙋ́мное возсїѧ̀, и҆ лю́ди своѧ̑ на за́падѣ бг҃оразꙋ́мїемъ наꙋчи́въ просвѣтѝ, и҆ ꙗ҆́кѡ вѣ́рный ра́бъ влⷣцѣ своемꙋ̀ въ бл҃гоче́стїи си́хъ ᲂу҆мно́жи; сего̀ ᲂу҆̀бо є҆ди́ный досто́йнѣ, безсме́ртныѧ сла́вы ᲂу҆́тварїю ᲂу҆красѝ, хрⷭ҇то́съ чл҃вѣколю́бецъ, и҆мѣ́ѧй ве́лїю ми́лость."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Кі́ими дꙋхо́вными пѣ́сньми похва́лимъ са́ввꙋ свѧще́ннаго; и҆́мже но́вагѡ завѣ́та бж҃їѧ, скрижа̑ли є҆ѵⷢ҇лїа ᲂу҆разꙋмѣ́хомъ: и҆́мже правосла́вїѧ вѣ́рꙋ и҆́стиннѡ позна́хомъ, въ трⷪ҇цѣ слꙋжи́ти є҆ди́номꙋ бг҃ꙋ, и҆ бж҃їихъ та̑инъ дале́че сꙋ́ще и҆ ᲂу҆чꙋждены̑, бли́зъ и҆ самосоверши́телє бы́хомъ: зако́номъ и҆ ѻ҆бы́чаемъ хрⷭ҇тоимени́тїи лю́дїе бы́хомъ: царѧ̀ вѣнча́емъ, и҆ свѧти́телѧ соверша́емъ: и҆ всѣ́ми бл҃ги́ми пра́вы ᲂу҆краша́еми, хрⷭ҇та̀ прославлѧ́емъ, и҆мꙋ́щаго ве́лїю ми́лость."
|
|
},
|
|
{
|
|
"type": "TEXT",
|
|
"value": "Сті́хъ: Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Кі́ими пѣ́сненными добро́тами ᲂу҆блажи́мъ тѧ̀, са́вво ѻ҆́ч҃е досточꙋ́дне; житїѧ́ бо свѣ́тлостїю въ бж҃їй ра́зꙋмъ приводѧ́ща всѧ̑, и҆ чꙋдесы̀ ди́вными ᲂу҆дивлѧ́еши. Ꙗ҆́коже бо и҆лїа̀ ѻ҆́гнь дре́вле, гра́дъ съ нб҃съ моли́твою све́лъ є҆сѝ, бра́та же ᲂу҆ме́рша ѡ҆живи́лъ є҆сѝ, разсла́бленнаго воздви́глъ є҆сѝ, мо́ре ры́бою дароноси́во тебѣ̀ повинꙋ́лъ є҆сѝ, и҆ слꙋка́го го́рбомъ и҆спра́вилъ є҆сѝ, мнѡ́га чꙋдеса̀ ѡ҆ бз҃ѣ сотвори́лъ є҆сѝ. Тѣ́мъ твою̀ па́мѧть любо́вїю пра́зднꙋемъ, хрⷭ҇та̀ велича́юще, и҆мꙋ́щаго ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Сла́ва, гла́съ д҃:"
|
|
},
|
|
{
|
|
"type": "TEXT",
|
|
"value": "Бж҃е́ственнагѡ дх҃а бл҃года́тїю собра́ннїи веселѧ́щесѧ, сѷмеѡ́на ло́зꙋ благоче́стїѧ ᲂу҆блажи́мъ, ѿ неѧ́же гро́здъ чистоты̀ са́вва всесвѧще́нный и҆зрастѐ: ѻ҆бою́ же пѣ́сньми похва́лимъ мы́сленныѧ це́ркве свѣти́льники, трⷪ҇ческїѧ побо́рники, є҆ресе́й низложи́тели, і҆ере́євъ лѣ́потꙋ, мона́хѡвъ собра́нїе, ни́щихъ же ᲂу҆тѣше́нїе, всѧ́кою добродѣ́телїю бога̑тыѧ, и҆̀же ᲂу҆ хрⷭ҇та̀ ны́нѣ предстоѧ́ще, а҆пⷭ҇льскими ꙗ҆́кѡ досто́йнѡ, и҆ по́стническими вѣнцы̀ ᲂу҆краша́еми, къ ни́мже моле́бнѡ возопїе́мъ: проси́те мі́рꙋ ми́ра, и҆ дꙋша́мъ на́шымъ ве́лїѧ млⷭ҇ти."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, и҆лѝ бг҃оро́диченъ."
|
|
},
|
|
{
|
|
"type": "HEADER",
|
|
"value": "На бл҃гослове́нїи хлѣ́бѡвъ, тропа́рь, гла́съ г҃:"
|
|
},
|
|
{
|
|
"type": "TEXT",
|
|
"value": "Пꙋтѝ, вводѧ́щагѡ въ жи́знь, наста́вникъ и҆ первопресто́льникъ и҆ ᲂу҆чи́тель бы́лъ є҆сѝ: пе́рвѣе бо прише́дъ, свѧти́телю са́вво, ѻ҆те́чество твоѐ просвѣти́лъ є҆сѝ, и҆ породи́въ то́е дх҃омъ ст҃ы́мъ, ꙗ҆́кѡ древа̀ ма̑слиннаѧ въ мы́сленнѣмъ раѝ насади́лъ є҆сѝ всеѡсвѧщє́ннаѧ твоѧ̑ ча̑да. Тѣ́мъ ꙗ҆́кѡ а҆пⷭ҇лѡмъ и҆ ст҃и́телємъ сопресто́льна, чтꙋ́ще тѧ̀ мо́лимъ: молѝ хрⷭ҇та̀ бг҃а, дарова́ти на́мъ ве́лїю млⷭ҇ть. Два́жды."
|
|
},
|
|
{
|
|
"type": "HEADER",
|
|
"value": "И҆ пра́здника, є҆ди́ножды."
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь, тропа́рь пра́здника, є҆ди́ножды. И҆ ст҃а́гѡ тропа́рь, гла́съ и҃:"
|
|
},
|
|
{
|
|
"type": "TEXT",
|
|
"value": "Правосла́вїѧ наста́вниче, бл҃гоче́стїѧ ᲂу҆чи́телю и҆ чистоты̀, вселе́нныѧ свѣти́льниче, а҆рхїере́євъ бг҃одꙋхнове́нное ᲂу҆добре́нїе, са́вво премꙋ́дре, ᲂу҆че́ньми твои́ми всѧ̑ просвѣти́лъ є҆сѝ, цѣвни́це дх҃о́внаѧ, молѝ хрⷭ҇та̀ бг҃а, спасти́сѧ дꙋша́мъ на́шымъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, дрꙋгі́й тропа́рь, гла́съ г҃:"
|
|
},
|
|
{
|
|
"type": "TEXT",
|
|
"value": "Пꙋтѝ, вводѧ́щагѡ въ жи́знь, наста́вникъ и҆ первопресто́льникъ и҆ ᲂу҆чи́тель бы́лъ є҆сѝ: пе́рвѣе бо прише́дъ, свѧти́телю са́вво, ѻ҆те́чество твоѐ просвѣти́лъ є҆сѝ, и҆ породи́въ то́е дх҃омъ ст҃ы́мъ, ꙗ҆́кѡ древа̀ ма̑слиннаѧ въ мы́сленнѣмъ раѝ насади́лъ є҆сѝ всеѡсвѧщє́ннаѧ твоѧ̑ ча̑да. Тѣ́мъ ꙗ҆́кѡ а҆пⷭ҇лѡмъ и҆ ст҃и́телємъ сопресто́льна, чтꙋ́ще тѧ̀ мо́лимъ: молѝ хрⷭ҇та̀ бг҃а, дарова́ти на́мъ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Тѧ̀ хода́тайствовавшꙋю:"
|
|
},
|
|
{
|
|
"type": "HEADER",
|
|
"value": "По а҃-й стїхоло́гїи сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Ле́сть мі́ра, бога́тства и҆ свѣ́тлости, всѧ̑ є҆ли̑ка ви́димыхъ добро́тъ малолѣ̑пїѧ, и҆ высо́кꙋю любо́вь роди́телѧ преѡби́дѣвъ, смире́нїемъ же къ нищетѣ̀ ᲂу҆ча́щемꙋ, влⷣцѣ хрⷭ҇тꙋ̀ послѣ́довалъ є҆сѝ: ѿ негѡ́же поще́нїемъ и҆ моли́твами, и҆́стинное бога́тство и҆ сꙋ́щꙋю свѣ́тлость, црⷭ҇тво недви́жимо, и҆ во вѣ́ки благобы́тїе, са́вво ѻ҆́ч҃е, наслѣ́довалъ є҆сѝ: къ немꙋ́же ны́нѣ моли́сѧ, грѣхѡ́въ ѡ҆ставле́нїе пода́ти чтꙋ́щымъ любо́вїю ст҃ꙋ́ю твою̀ па́мѧть. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ."
|
|
},
|
|
{
|
|
"type": "TEXT",
|
|
"value": "Нбⷭ҇нꙋю две́рь и҆ кївѡ́тъ, прест҃ꙋ́ю го́рꙋ, свѣ́тлый ѻ҆́блакъ воспои́мъ, неѡпали́мꙋю кꙋпинꙋ̀, слове́сный ра́й, є҆́ѵы воззва́нїе, вселе́нныѧ всеѧ̀ вели́кое сокро́вище, ꙗ҆́кѡ спасе́нїе въ не́й содѣ́ласѧ мі́рꙋ, и҆ ѡ҆ставле́нїе дре́внихъ согрѣше́нїй. Сегѡ̀ ра́ди вопїе́мъ є҆́й: моли́сѧ сн҃ꙋ твоемꙋ̀, прегрѣше́нїй ѡ҆ставле́нїе дарова́ти благоче́стнѡ покланѧ́ющымсѧ всест҃о́мꙋ ржⷭ҇твꙋ̀ твоемꙋ̀."
|
|
},
|
|
{
|
|
"type": "HEADER",
|
|
"value": "По в҃-й стїхоло́гїи сѣда́ленъ, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Бжⷭ҇твенныѧ вѣ́ры:"
|
|
},
|
|
{
|
|
"type": "TEXT",
|
|
"value": "Добродѣ́телей дѣ́ланїемъ, цр҃кви вели́кое возсїѧ́лъ є҆сѝ сл҃нце, и҆ сїѧ́нїемъ слове́съ твои́хъ, просвѣти́лъ є҆сѝ вѣ́рныхъ люде́й твои́хъ собо́ры, и҆ потреби́лъ є҆сѝ страсте́й ѡ҆черне́нїе. Свѧти́телю са́вво, хрⷭ҇та̀ бг҃а молѝ, дарова́ти на́мъ ве́лїю ми́лость."
|
|
},
|
|
{
|
|
"type": "HEADER",
|
|
"value": "Дрꙋгі́й сѣда́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Красотѣ̀ дѣ́вства:"
|
|
},
|
|
{
|
|
"type": "TEXT",
|
|
"value": "Сто́лпъ и҆ ᲂу҆твержде́нїе цр҃кве хрⷭ҇то́вы, ѻ҆́ч҃е, бы́въ, сїю̀ непоколеби́мꙋ ѿ и҆скꙋше́нїй лꙋка́вагѡ, премꙋ́дре, соблю́лъ є҆сѝ: всѧ̑ бо є҆́рєси ѕлодѣ́йства разори́лъ є҆сѝ, и҆ лю́ди твоѧ̑ наꙋчи́лъ є҆сѝ трⷪ҇цѣ є҆диносꙋ́щнѣй, во є҆ди́номъ бжⷭ҇твѣ̀ слꙋжи́ти. Тѣ́мже соше́дшесѧ, почита́емъ тѧ̀, са́вво бг҃омꙋ́дре."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ невоздѣ́ланнаѧ, дв҃о, лоза̀, краснѣ́йшїй гро́здъ прозѧбла̀ є҆сѝ, и҆сточа́ющъ на́мъ вїно̀ спасе́нїѧ, всѣ́хъ веселѧ́щее дꙋ́шы же и҆ тѣлеса̀. Тѣ́мже ꙗ҆́кѡ винꙋ́ тѧ до́брыхъ блажа́ще при́снѡ, со а҆́гг҃ломъ вопїе́мъ тѝ: ра́дꙋйсѧ, благода́тнаѧ."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Воздержа́нїемъ житїѐ ᲂу҆краси́въ, и҆ житїе́мъ мꙋ́дрости сло́во ᲂу҆вѣрѧ́ѧ, и҆зрѧ́денъ къ добродѣ́тели наказа́нїемъ ꙗ҆ви́лсѧ є҆сѝ. Ѿ зако́на и҆ проро́кѡвъ а҆пⷭ҇льски наꙋча́ѧ ѡ҆ хрⷭ҇тѣ̀ і҆и҃сѣ, лю́ди твоѧ̑ є҆ѵⷢ҇лїемъ породи́лъ є҆сѝ, и҆ сїѧ̑ правосла́вїѧ вѣ́рою возрасти́лъ є҆сѝ. Тѣ́мже и҆ по концѣ̀ неконча́емꙋ благода́ть прїѧ́лъ є҆сѝ, и҆ во гро́бѣ лежѧ̀ неразрꙋши́мь пребыва́еши. Са́вво ѻ҆́ч҃е, свѧти́телю бг҃облаже́нне, молѝ хрⷭ҇та̀ бг҃а, согрѣше́нїй проще́нїе пода́ти чтꙋ́щымъ любо́вїю ст҃ꙋ́ю твою̀ па́мѧть. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ. Подо́бенъ то́йже:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ всенепоро́чнаѧ невѣ́сто творца̀, ꙗ҆́кѡ неискꙋсомꙋ́жнаѧ мт҃и и҆зба́вителѧ, прїѧ́телище ꙗ҆́кѡ сꙋ́щи ᲂу҆тѣ́шителѧ, всепѣ́таѧ, беззако́нїѧ мѧ̀ сꙋ́ща скве́рное ѻ҆би́телище, и҆ де́мѡнѡвъ и҆гра́лище въ ра́зꙋмѣ бы́вша, потщи́сѧ ѿ тѣ́хъ ѕлодѣ́йства мѧ̀ и҆зба́вити: и҆ свѣ́тло жили́ще добродѣ́телей совершѝ, свѣтоно́снаѧ нетлѣ́ннаѧ: ѿженѝ ѻ҆́блакъ страсте́й, и҆ вы́шнѧгѡ прича́стїѧ сподо́би, и҆ свѣ́та невече́рнѧгѡ, моли́твами твои́ми."
|
|
},
|
|
{
|
|
"type": "HEADER",
|
|
"value": "Та́же степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Свѧще́нницы твоѝ ѡ҆блекꙋ́тсѧ въ пра́вдꙋ, и҆ прпⷣбнїи твоѝ возра́дꙋютсѧ."
|
|
},
|
|
{
|
|
"type": "TEXT",
|
|
"value": "Сті́хъ: Та́мѡ возращꙋ̀ ро́гъ дв҃дови, ᲂу҆гото́вахъ свѣти́льникъ пома́занномꙋ моемꙋ̀."
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе матѳе́а, зача́ло а҃і."
|
|
},
|
|
{
|
|
"type": "HEADER",
|
|
"value": "Ѱало́мъ н҃. Стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Дх҃а ст҃а́гѡ благода́ть въ твои́хъ ᲂу҆ста́хъ и҆злїѧ́сѧ, ѻ҆́ч҃е, и҆ бы́лъ є҆сѝ па́стырь хрⷭ҇то́вы цр҃кве, ᲂу҆чѧ̀ словє́сныѧ ѻ҆́вцы, лю́ди твоѧ̑, вѣ́ровати въ трⷪ҇цꙋ, во є҆ди́но бжⷭ҇тво̀."
|
|
},
|
|
{
|
|
"type": "HEADER",
|
|
"value": "Канѡ́нъ бцⷣы на ѕ҃, и҆ ст҃а́гѡ два̀ канѡ́на, на и҃. Канѡ́нъ бцⷣы. Гла́съ ѕ҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Волно́ю морско́ю скры́вшаго дре́вле гони́телѧ мꙋчи́телѧ, под̾ земле́ю скры́ша спасе́нныхъ ѻ҆́троцы, но мы̀, ꙗ҆́кѡ ѻ҆трокови̑цы, гдⷭ҇еви пои́мъ, сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, ѻ҆ц҃є́мъ бл҃гопохва́льнаѧ держа́во, ра́дꙋйсѧ, пресла́вное ᲂу҆краше́нїе ро́да на́шегѡ, ра́дꙋйсѧ, и҆сто́чниче спасе́нїѧ, и҆сточа́ющаѧ млⷭ҇ть вѣ́рнѡ просѧ́щымъ ᲂу҆ тебє̀, мр҃і́е неискꙋсобра́чнаѧ."
|
|
},
|
|
{
|
|
"type": "TEXT",
|
|
"value": "Прїимѝ ѿ ᲂу҆́стъ скве́рныхъ хвалꙋ̀, дв҃о пречⷭ҇таѧ, бг҃ороди́тельнице чⷭ҇таѧ, ты́ бо є҆сѝ мі́рꙋ защище́нїе и҆ спасе́нїе: прилѣ́жнѡ молѝ, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Хлѣ́бъ жи́зни хрⷭ҇та̀ родила̀ є҆сѝ, дв҃о, всѧ́ческихъ творца̀: къ немꙋ́же моли́твами твои́ми, мт҃и, свободѝ ѿ всѧ́кагѡ грѣха̀, бѣ́дъ и҆ печа́лей всѧ́кихъ пою́щыѧ тѧ̀."
|
|
},
|
|
{
|
|
"type": "HEADER",
|
|
"value": "Канѡ́нъ ст҃а́гѡ са́ввы, гла́съ в҃, є҆гѡ́же краестро́чїе:"
|
|
},
|
|
{
|
|
"type": "TEXT",
|
|
"value": "Са́ввꙋ похвали́ти ра́зꙋма, бж҃е мо́й, да́рꙋй мѝ."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Грѧди́те, лю́дїе, пои́мъ пѣ́снь хрⷭ҇тꙋ̀ бг҃ꙋ, раздѣ́льшемꙋ мо́ре, и҆ наста́вльшемꙋ лю́ди, ꙗ҆̀же и҆зведѐ и҆зъ рабо́ты є҆гѵ́петскїѧ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Свѣ́тъ ѿ свѣ́та, хрⷭ҇тѐ бж҃е, ѿ ѻ҆ц҃а̀ пре́жде вѣ̑къ рожде́йсѧ, и҆ въ нача́лѣ сы́й со ѻ҆ц҃е́мъ и҆ дх҃омъ, мра́къ дꙋшѝ моеѧ̀ ѿгна́въ, ѡ҆зарѝ ᲂу҆́мъ мо́й, молю́сѧ, ꙗ҆́кѡ да возмогꙋ̀ пѣ́ти твоего̀ ᲂу҆го́дника, са́ввꙋ сщ҃е́ннаго."
|
|
},
|
|
{
|
|
"type": "TEXT",
|
|
"value": "А҆́ще и҆ человѣ́къ є҆сѝ, ѻ҆́ч҃е, є҆стество́мъ, но а҆́гг҃льски на землѝ пожи́лъ є҆сѝ, десна́гѡ и҆зъ ю҆́ности пꙋтѝ є҆́мьсѧ, цѣломꙋ́дрїѧ рачи́тель бы́въ, дх҃а ст҃а́гѡ честно́е ѻ҆би́телище, са́вво всесвѧще́нне, ꙗ҆ви́лсѧ є҆сѝ."
|
|
},
|
|
{
|
|
"type": "TEXT",
|
|
"value": "Возлюби́въ мꙋ́дрости нача́ло стра́хъ бж҃їй, и҆ за́повѣдемъ є҆гѡ̀ при́снѡ поꙋча́ѧсѧ, дре́во насади́лсѧ є҆сѝ при и҆схо́дищихъ во́дъ дх҃о́вныхъ, ѿ ни́хже, ѻ҆́ч҃е, напаѧ́емь, пло́дъ хрⷭ҇тꙋ̀, са́вво, прине́слсѧ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆слы́ша є҆́ѵа прама́ти, чⷭ҇таѧ: въ печа́лехъ роди́ши ча̑да. Ты́ же, дв҃о, ᲂу҆слы́шала є҆сѝ: гдⷭ҇ь съ тобо́ю, ра́дꙋйсѧ, и҆ ра́дованнымъ гла́сомъ, бг҃оневѣ́сто, печа́ль прама́тере потреби́ла є҆сѝ."
|
|
},
|
|
{
|
|
"type": "HEADER",
|
|
"value": "Канѡ́нъ вторы́й ст҃а́гѡ са́ввы: въ не́мже ѡ҆ чꙋдотворе́нїи є҆гѡ̀. Гла́съ и҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Колесницегони́телѧ фараѡ́нѧ погрꙋзѝ, чꙋдотворѧ́й и҆ногда̀ мѡѷсе́йскїй же́злъ, крⷭ҇тоѻбра́знѡ порази́въ, и҆ раздѣли́въ мо́ре, і҆и҃лѧ же бѣглеца̀, пѣшехо́дца спасѐ, пѣ́снь бг҃ови воспѣва́юща."
|
|
},
|
|
{
|
|
"type": "TEXT",
|
|
"value": "Похвалѧ́ющꙋ мнѣ̀ твоѐ житїѐ, ко хрⷭ҇тꙋ̀ твоѐ дерзнове́нїе ꙗ҆́кѡ стѧжа́въ, ѿ бога́тыхъ дх҃а сокро́вищъ ка́плю ра́зꙋма, ѻ҆́ч҃е, да́ти мѝ молю́сѧ, ꙗ҆́кѡ да досто́йнѡ похвали́ти тѧ̀ возмогꙋ̀, хвалы̀ досто́йнаго."
|
|
},
|
|
{
|
|
"type": "TEXT",
|
|
"value": "И҆зъ ко́рене бл҃га́гѡ бл҃жа́йшаѧ ѻ҆́трасль прозѧ́блъ є҆сѝ, бж҃їѧ ра́зꙋма вода́ми напаѧ́емь, и҆ пло́дъ бл҃гоꙋха́ненъ ꙗ҆ви́лсѧ є҆сѝ, житїе́мъ твои́мъ и҆зъ ю҆́ности, бг҃оно́се, сердца̀ и҆ дꙋ́шы весели́ши пою́щихъ тѧ̀."
|
|
},
|
|
{
|
|
"type": "TEXT",
|
|
"value": "Ѽ премꙋ́драгѡ твоегѡ̀ къ бг҃ꙋ ра́зꙋма! И҆́мже прехи́трилъ є҆сѝ ѻ҆тца̀ твоего̀, є҆ле́нѧ лови́твою хрⷭ҇тꙋ̀, ѻ҆́ч҃е, в̾еле́нивъ дꙋ́шꙋ твою̀, є҆гѡ́же любо́вїю жго́мый, ко и҆сто́чникꙋ безсме́ртїѧ томꙋ̀ прите́клъ є҆сѝ."
|
|
},
|
|
{
|
|
"type": "TEXT",
|
|
"value": "Па́че ᲂу҆ма̀ сꙋ́щихъ любо́вїю нбⷭ҇ныхъ добро́тъ подви́жимь, земны́хъ малолѣ́пїѧ и҆збѣжа́въ, є҆ле́нѧ тече́нїемъ хрⷭ҇та̀ взыска́лъ є҆сѝ, ѿ негѡ́же жела́емыхъ, са́вво ѻ҆́ч҃е, не погрѣши́лъ є҆сѝ."
|
|
},
|
|
{
|
|
"type": "TEXT",
|
|
"value": "Чистоты̀ любо́вїю ѡ҆держи́мь, бл҃горо́дїе дꙋшѝ плотолю́бїемъ не порабо́тивъ: тѣ́мъ ны́нѣ чистоты̀ вѣнцы̀ прїе́млѧ, со а҆́гг҃лы ᲂу҆ хрⷭ҇та̀ весели́шисѧ, къ немꙋ́же ѡ҆ на́съ, са́вво ѻ҆́ч҃е, моли́сѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́же ѿ землѝ до небе́съ досѧ́гшаѧ лѣ́ствица, показа́сѧ і҆а́кѡвꙋ, є҆́юже бг҃ъ чл҃вѣ́комъ сподо́бисѧ бы́ти, благослове́ннаѧ пречⷭ҇таѧ: неизрече́нно чꙋ́до, и҆ недоꙋмѣва́емо видѣ́нїе, спаса́й къ тебѣ̀ прибѣга́ющыѧ."
|
|
},
|
|
{
|
|
"type": "HEADER",
|
|
"value": "Катава́сїа по ᲂу҆ста́вꙋ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Тобо́ю, хрⷭ҇тѐ, нб҃са̀ ᲂу҆твержда́єма всѧ̑, сло́во бж҃їе и҆ си́ла, и҆сповѣ́дꙋютъ сла́вꙋ неизрече́ннꙋ, и҆ вседѣ́тельныѧ рꙋкѝ твоеѧ̀ сотворе́нїе: нѣ́сть бо прест҃ъ, ра́звѣ тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Тебѐ всѝ, всест҃а́ѧ, сла́вѧтъ чи́ни а҆́гг҃лъ, мы́ же, бцⷣе, непреста́ннѡ зове́мъ, и҆ бл҃года́рнѡ пое́мъ: ра́дꙋйсѧ, влⷣчце, є҆ди́на по́моще всѣ́хъ и҆ застꙋпле́нїе."
|
|
},
|
|
{
|
|
"type": "TEXT",
|
|
"value": "Кто̀ по достоѧ́нїю, мт҃и, воспое́тъ ржⷭ҇тво̀ твоеѧ̀ ᲂу҆тро́бы; тва́рь ви́дѣвши соверше́нное въ тебѣ̀ та́инство, чꙋде́снѡ зовѧ́ше: нѣ́сть ᲂу҆́бѡ, влⷣчце, па́че тебє̀ и҆но́гѡ спасе́нїѧ на́мъ."
|
|
},
|
|
{
|
|
"type": "TEXT",
|
|
"value": "Приложѝ просѧ́щымъ ѿ тебє̀ млⷭ҇ть, мт҃и дв҃о, держа́вною твое́ю рꙋко́ю сꙋ́щымъ въ бѣда́хъ просте́рши, и҆ въ напа́стехъ предвари́вши: тѧ́ бо стѧжа́хомъ всѝ и҆збавле́нїе въ ско́рбехъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: На ка́мени мѧ̀ вѣ́ры ᲂу҆тверди́въ, разшири́лъ є҆сѝ ᲂу҆ста̀ моѧ̑ на врагѝ моѧ̑, возвесели́босѧ дꙋ́хъ мо́й, внегда̀ пѣ́ти: нѣ́сть ст҃ъ, ꙗ҆́коже бг҃ъ на́шъ, и҆ нѣ́сть пра́веденъ, па́че тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Презрѣ́въ ни̑жнѧѧ, ꙗ҆́кѡ попира́ємаѧ, и҆ любо́вь роди́телей преѡби́дѣвъ, пꙋстыннолю́бнѡ хрⷭ҇та̀ взыска́лъ є҆сѝ, є҆гѡ́же мече́мъ любвѐ ᲂу҆ѧзви́въ дꙋ́шꙋ твою̀, того̀ любѧ̀, и҆ тогѡ̀ и҆щѧ̀ ненасыща́емыѧ красоты̀."
|
|
},
|
|
{
|
|
"type": "TEXT",
|
|
"value": "Ѡ҆ всѣ́хъ сꙋ́щихъ на землѝ неради́въ, ѕвѣре́й лови́твою ᲂу҆ роди́телей и҆спроси́всѧ, пꙋсты́ню, ѻ҆́ч҃е, пости́глъ є҆сѝ, и҆дѣ́же мно́гимъ поще́нїемъ, ско́рымъ же бдѣ́нїемъ и҆ моли́твами, дꙋшегꙋби́тєльныѧ ѕвѣ́ри, стра̑сти ᲂу҆мертви́лъ є҆сѝ."
|
|
},
|
|
{
|
|
"type": "TEXT",
|
|
"value": "Хрⷭ҇та̀ на́съ ра́ди смири́вшагѡсѧ во́лею до ра́бїѧ ѻ҆́браза, возлюби́въ смире́нїе, и҆́мже высо́къ бы́въ, го́рдаго смири́лъ є҆сѝ, и҆ во пло́ти мно́гимъ воздержа́нїемъ трⷪ҇цы до́мъ благоѻби́теленъ, са́вво свѧще́нне, ᲂу҆досто́илсѧ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Во и҆нѣ́хъ жена́хъ ма́ти, до́ндеже дв҃а не позна́сѧ, ни ма́ти по ржⷭ҇твѣ̀ дѣ́вствовати сподо́бисѧ, на тебѣ́ же, дв҃о бг҃ома́ти, ѻ҆боѧ̑ сбы́шасѧ. Тѣ́мъ весе́лїемъ дꙋ́ха воспѣва́ю: нѣ́сть непоро́чны па́че тебє̀, влⷣчце."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆твержде́й въ нача́лѣ нб҃са̀ ра́зꙋмомъ, и҆ зе́млю на вода́хъ ѡ҆снова́вый, на ка́мени мѧ̀, хрⷭ҇тѐ, за́повѣдей твои́хъ ᲂу҆твердѝ: ꙗ҆́кѡ нѣ́сть ст҃ъ, па́че тебє̀, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "На го́рꙋ ра́зꙋма добродѣ́телей возше́дъ, въ чꙋ́вственнѣй же горѣ̀ а҆ѳѡ́нъ, ꙗ҆́кѡ и҆на́го і҆саа́ка подо́бнѡ сама́го себѐ возве́лъ є҆сѝ: и҆дѣ́же ꙗ҆́кѡ всесожже́нїѧ ѻ҆вча̀ се́рдце твоѐ мы́сленнѡ поже́рлъ є҆сѝ."
|
|
},
|
|
{
|
|
"type": "TEXT",
|
|
"value": "Свѣти́льникъ твою̀ дꙋ́шꙋ слеза́ми ᲂу҆краша́ѧ, ра́нѡ ко хрⷭ҇тꙋ̀ ᲂу҆́тренюѧ, рꙋ́къ же просте́ртїемъ въ моли́твахъ а҆мали́ка тѣ́ло ᲂу҆мертви́лъ є҆сѝ, и҆ на го́рꙋ безстра́стїѧ возше́лъ є҆сѝ."
|
|
},
|
|
{
|
|
"type": "TEXT",
|
|
"value": "Безстра́стїѧ любо́вїю пострѣка́емь, плотска̑ѧ взыгра̑нїѧ и҆зсꙋши́лъ є҆сѝ: дꙋ́шꙋ же твою̀ бжⷭ҇твенными сїѧ̑нїи просвѣти́въ, и҆ на́мъ ᲂу҆́бѡ свѣ́тъ разꙋ́мный, са́вво ѻ҆́ч҃е, ᲂу҆лꙋчи́ти, моли́сѧ."
|
|
},
|
|
{
|
|
"type": "TEXT",
|
|
"value": "Ю҆́ности цвѣ́тъ гла́домъ ᲂу҆вѧди́въ, воздержа́нїемъ ᲂу҆́ды ᲂу҆мертви́въ, поще́нїемъ тѣ́ла ѿве́рглсѧ є҆сѝ, бдѣ́нїемъ и҆ моли́твами возмога́ѧ, ѡ҆ гдⷭ҇ѣ же любо́вїю верха̀ добродѣ́телей, са́вво, дости́глъ є҆сѝ."
|
|
},
|
|
{
|
|
"type": "TEXT",
|
|
"value": "Бл҃горо́дїемъ высо́къ, и҆ добродꙋ́шїемъ и҆зѧ́щенъ, ра́зꙋма мꙋ́дростїю ᲂу҆дивле́нъ бы́лъ є҆сѝ, цвѣ́тъ ꙗ҆́кѡ прекра́сный чисто́тою сїѧ́ѧ, и҆ свѣ́тлымъ смире́нїемъ, са́вво ѻ҆́ч҃е, ᲂу҆краси́лсѧ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Мт҃и бж҃їѧ пречⷭ҇таѧ, бл҃гослове́ннаѧ и҆ всенепоро́чнаѧ, дꙋшѝ моеѧ̀ стрꙋ́пы и҆сцѣлѝ, и҆ стра̑сти плотскі̑ѧ ѿженѝ: и҆ свободѝ ᲂу҆́мъ мо́й ѿ всѧ́кагѡ вре́да, и҆ ѿ вра́жїѧ мѧ̀ напа́сти и҆змѝ, влⷣчце."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Па́ѵлово насажде́нїе, и҆ а҆поллѡ́сово прїе́мый напое́нїе, и҆ ва́шеѧ вѣ́ры насажде́нїе, и҆ ᲂу҆че́нїемъ напое́нїе, всѧ̑ возраща́ѧй бг҃ъ прїѧ́лъ є҆́сть. Люде́й ва́шихъ бл҃гоче́стїѧ вѣ́рою, моли́твами ва́шими возрасти́въ ᲂу҆мно́жи, и҆ ѿ тогѡ̀ ꙗ҆́кѡ вѣ́рнїи рабѝ и҆ дѣ́латели разꙋ́мнїи, трꙋдѡ́въ возмє́здїѧ досто́йнѡ прїѧ́ли є҆стѐ, сѷмеѡ́не преподо́бне, са́вво свѧще́нне, бг҃оно́снїи ѻ҆ц҃ы̀, па́стырїе и҆ ᲂу҆чи́телїе, первопа́стырѧ и҆ ᲂу҆чи́телѧ хрⷭ҇та̀ моли́те, ста́до ва́ше въ ми́рѣ сохрани́ти, и҆ спастѝ дꙋ́шы на́шѧ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ѡ҆ тебѣ̀ ра́дꙋетсѧ, бл҃года́тнаѧ, всѧ́каѧ тва́рь, а҆́гг҃льскїй собо́ръ и҆ человѣ́ческїй ро́дъ, ѡ҆сщ҃е́нный хра́ме, и҆ раю̀ слове́сный, дѣ́вственнаѧ похвало̀, и҆зъ неѧ́же бг҃ъ воплоти́сѧ, и҆ млⷣнецъ бы́сть, пре́жде вѣ̑къ сы́й бг҃ъ на́шъ: ложесна́ бо твоѧ̑ престо́лъ сотворѝ, и҆ чре́во твоѐ простра́ннѣе небе́съ содѣ́ла. Ѡ҆ тебѣ̀ ра́дꙋетсѧ, бл҃года́тнаѧ, всѧ́каѧ тва́рь, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: На крестѣ̀ твоѐ бжⷭ҇твенное и҆стоща́нїе прови́дѧ а҆ввакꙋ́мъ, ᲂу҆жа́ссѧ вопїѧ́ше: ты̀ си́льныхъ пресѣ́клъ є҆сѝ держа́вꙋ, бл҃же, приѡбща́ѧсѧ сꙋ́щымъ во а҆́дѣ, ꙗ҆́кѡ всеси́ленъ."
|
|
},
|
|
{
|
|
"type": "TEXT",
|
|
"value": "Ты̀ є҆сѝ мі́ра застꙋпле́нїе, бцⷣе чи́стаѧ, и҆ спасе́нїе всѣ́хъ. Тѣ́мже тѧ̀ гла́сы, влⷣчце, всѧ̑ колѣ̑на бцⷣꙋ и҆́стиннѡ проповѣ́дꙋемъ."
|
|
},
|
|
{
|
|
"type": "TEXT",
|
|
"value": "Стѣна̀ є҆сѝ и҆ ᲂу҆твержде́нїе и҆ наде́жда вѣ́рныхъ, и҆ сто́лпъ спасе́нїѧ, ꙗ҆̀же на ны̀ нахо́ды низложѝ, прест҃а́ѧ чи́стаѧ: надє́жды бо всѧ̑ на тѧ̀ возложи́хомъ."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, гра́де ѡ҆дꙋшевле́нный. Ра́дꙋйсѧ, пала́то и҆ престо́ле цр҃ѧ̀ хрⷭ҇та̀. Ра́дꙋйсѧ, преподо́бныхъ похвало̀ и҆ свѧти́телей ᲂу҆добре́нїе. Ра́дꙋйсѧ, всѣ́хъ къ бг҃ꙋ мо́сте. Ра́дꙋйсѧ, мі́ра ра́досте."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Пою́ тѧ, слꙋ́хомъ бо, гдⷭ҇и, ᲂу҆слы́шахъ и҆ ᲂу҆жасо́хсѧ, до менє́ бо и҆́деши, менѐ и҆щѧ̀ заблꙋ́ждшаго. Тѣ́мъ мно́гое твоѐ снизхожде́нїе, є҆́же на мѧ̀, прославлѧ́ю, многоми́лостиве."
|
|
},
|
|
{
|
|
"type": "TEXT",
|
|
"value": "А҆́гг҃льскомꙋ житїю̀ ревнова́въ, влады́чествꙋюща ѻ҆тца̀ ѡ҆ста́вивъ, горы̀ а҆ѳѡ́на дости́глъ є҆сѝ: ѿѻнꙋ́дꙋже поще́нїемъ и҆ моли́твами къ мы́сленномꙋ восто́кꙋ хрⷭ҇тꙋ̀ восте́клъ є҆сѝ, и҆ ѿ тогѡ̀ со́лнце за̑паднымъ возсїѧ́лъ є҆сѝ."
|
|
},
|
|
{
|
|
"type": "TEXT",
|
|
"value": "Любомꙋ́дрїемъ мо́ре жите́йское и҆спыта́въ, и҆ позна́въ сꙋ́етства глꙋбинꙋ̀, бога́тство, и҆ сїѐ ꙗ҆́кѡ гни́ло ѿве́рглъ є҆сѝ, словеса́ же хрⷭ҇тѡ́ва и҆збра́въ, въ сосꙋ́дѣ се́рдца твоегѡ̀ скры́лъ є҆сѝ, и҆ ѻ҆́наѧ ꙗ҆́кѡ честна̑ѧ и҆зво́лилъ є҆сѝ храни́ти."
|
|
},
|
|
{
|
|
"type": "TEXT",
|
|
"value": "И҆̀же въ гора́хъ тѣсноживꙋ́щыѧ босы́ми нога́ми ѡ҆бходѧ̀, преподо́бне, и҆ си́хъ те́плыми хлѣ̑бы насыща́ѧ, тє́плыѧ и҆́хъ прїима́лъ є҆сѝ моли̑твы и҆ ѿ всѣ́хъ ко хрⷭ҇тꙋ̀ поꙋче́ньми, восхождє́нїѧ въ се́рдцы твое́мъ полага́лъ є҆сѝ."
|
|
},
|
|
{
|
|
"type": "TEXT",
|
|
"value": "Ты̀ ро́ждшаго тѧ̀ пло́тїю дх҃омъ породи́лъ є҆сѝ, ᲂу҆вѣща́въ є҆го̀ влады́чество све́рстницꙋ же и҆ ча̑да ѡ҆ста́вити: и҆́же ꙗ҆́кѡ а҆враа́мъ и҆зъ ѻ҆те́чества на зе́млю чꙋ́ждꙋ, къ тебѣ̀, ѻ҆́ч҃е, въ пꙋсты́ню пресе́льникъ и҆ спо́стникъ бы́сть."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆́стиннѡ тѧ̀ сѣ́нь свидѣ́тельствова, многоразли́чнѡ ѡ҆бразꙋ́юща, ꙗ҆́вѣ показꙋ́ющи воплоще́ннаго и҆зъ тебє̀ є҆ди́наго ѿ трⷪ҇цы, пречи́стаѧ, неизмѣ́ннѡ, бг҃ома́ти, влⷣчце, и҆ мі́ръ ѡ҆бно́вльша."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ моѧ̀ крѣ́пость, гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. Тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Многочи́сленное зла́то со ѻ҆ц҃е́мъ разда́вше, ѻ҆́ба ꙗ҆́кѡ мꙋ́дрїи домовлады̑ки тлѣ́нными нетлѣ̑ннаѧ и҆змѣни́вше, ꙗ҆̀же ны́нѣ воспрїе́млюще ра́дꙋетесѧ, и҆ на́съ ко хрⷭ҇тꙋ̀ моли́твами ва́шими пою́щихъ вы̀ спаса́йте."
|
|
},
|
|
{
|
|
"type": "TEXT",
|
|
"value": "Человѣ́ка ѻ҆тца̀ призва́лъ є҆сѝ, а҆́гг҃ла же ко хрⷭ҇тꙋ̀ предпꙋсти́лъ є҆сѝ, є҆гѡ́же посто́мъ и҆ста́ѧвшыѧ ст҃ы̑ѧ мѡ́щи, мѷроточе́нїе мл҃твами твои́ми ᲂу҆стро́илъ є҆сѝ, въ кра́йнее и҆звѣще́нїе се́рдца твоегѡ̀ проше́нїѧ."
|
|
},
|
|
{
|
|
"type": "TEXT",
|
|
"value": "Сꙋемꙋ́дренный го́тѳинъ, братовоскормле́нїе ва́ше и҆ стра́хъ бж҃їй и҆ клѧ́твꙋ преѡби́дѣвъ, потща́сѧ ѻ҆те́чество твоѐ ѡ҆ѕло́бити: є҆гѡ́же такова́гѡ ᲂу҆́мысла премѣни́ти не возмо́гъ, бж҃їю сꙋдꙋ̀ того̀ пре́далъ є҆сѝ."
|
|
},
|
|
{
|
|
"type": "TEXT",
|
|
"value": "Похꙋ́ленъ и҆́же мꙋ́дръ ѡ҆ себѣ̀, ꙗ҆́кѡ и҆ се́й несмы́сленный, благосовѣ́тꙋюща тѧ̀ не прїе́мь, бж҃їю ме́сть на сѧ̀ привлечѐ: ме́чь бо, є҆го́же на па́ствꙋ твою̀, ѻ҆́ч҃е, наѡстрѝ, а҆́гг҃ломъ всеконе́чнѡ въ се́рдце своѐ прїѧ́ше."
|
|
},
|
|
{
|
|
"type": "TEXT",
|
|
"value": "Просвѣща́еми бл҃года́тїю крⷭ҇та̀ твоегѡ̀ ст҃і́и твоѝ, влⷣко, странꙋ̀ люде́й свои́хъ тебѣ̀ вѣ́рою приведо́ша, сы́нъ со ѻ҆тце́мъ, са́вва и҆ сѷмеѡ́нъ бг҃омꙋ́дреннїи, и҆́хже моли́твами спасѝ ѿ пога́ныхъ нахо́да пою́щыѧ: си́лѣ твое́й сла́ва, милосе́рде."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Но́въ ꙗ҆́коже мѡѷсе́й ꙗ҆ви́всѧ, ᲂу҆стро́илъ є҆сѝ ꙗ҆́кѡ ѻ҆́нъ ски́нїю въ пꙋсты́ни, въ горѣ̀ ст҃ѣ́й ѡ҆гра́дꙋ, ю҆́же превозрасти́лъ є҆сѝ трꙋдѡ́въ твои́хъ пѡ́ты, и҆ возложи́лъ є҆сѝ бж҃їи мт҃ри, ю҆́же и҆ сохранѧ́й ко гдⷭ҇ꙋ съ не́ю моли́твами."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Къ тебѣ̀ ᲂу҆́тренюю, милосе́рдїѧ ра́ди себѐ и҆стощи́вшемꙋ непрело́жнѡ, и҆ до страсте́й безстра́стнѡ прекло́ншемꙋсѧ, сло́ве бж҃їй, ми́ръ пода́ждь мѝ па́дшемꙋ, человѣколю́бче."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, стѣно̀ вѣ́рныхъ, держа́внаѧ хода́таице пречи́стаѧ. Ра́дꙋйсѧ, горо̀ ст҃а́ѧ всепѣ́таѧ. Ра́дꙋйсѧ, лѣ́ствице ѡ҆дꙋшевле́ннаѧ, влⷣчце. Ра́дꙋйсѧ, всѣ́хъ ра́досте, и҆ по́моще безпомо́щныхъ, и҆ покро́ве вседꙋ́шнѡ притека́ющихъ къ тебѣ̀."
|
|
},
|
|
{
|
|
"type": "TEXT",
|
|
"value": "Велегла́снѡ взыва́ѧ прⷪ҇ро́ческїй ли́къ, проповѣ́даше ᲂу҆жа́сное ржⷭ҇тва̀ твоегѡ̀ та́инство: ꙗ҆́кѡ є҆ди́на и҆мѣ́ла є҆сѝ гдⷭ҇а въ ложесна́хъ свои́хъ, и҆́же и҆ по ржⷭ҇твѣ̀ па́ки соблю́дъ тѧ̀ дв҃ꙋ, ꙗ҆́коже и҆ пре́жде ржⷭ҇тва̀ сохранѝ."
|
|
},
|
|
{
|
|
"type": "TEXT",
|
|
"value": "Кто̀ возмо́жетъ твоѧ̑, чи́стаѧ, ꙗ҆̀же па́че ᲂу҆ма̀, несказа̑ннаѧ та̑инства человѣ́кѡвъ и҆зрещѝ, пречⷭ҇таѧ; ты́ бо є҆ди́на всѣ́хъ превы́шши є҆сѝ, свѣтоно́снаѧ и҆ бжⷭ҇твеннаѧ сѣ́не, свѣщѐ и҆ прⷭ҇то́ле бж҃їй, дв҃о мр҃і́е, и҆зъ неѧ́же на́мъ возсїѧ̀ садодѣ́латель жи́зни."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Просвѣще́нїе во тмѣ̀ лежа́щихъ, спасе́нїе ѿча́ѧнныхъ, хрⷭ҇тѐ сп҃се мо́й, къ тебѣ̀ ᲂу҆́тренюю, цр҃ю̀ ми́ра, просвѣти́ мѧ сїѧ́нїемъ твои́мъ: и҆но́гѡ бо, ра́звѣ тебє̀, бо́га не зна́ю."
|
|
},
|
|
{
|
|
"type": "TEXT",
|
|
"value": "Ра́зꙋма твоегѡ̀ ре́вность предвѣ́дый ви́дѣвъ, пе́рваго тѧ̀ па́стырѧ на за́падѣ лю́демъ свои̑мъ ᲂу҆стро́и, и҆̀мже мы́сленнаго восто́ка, того̀ вопло́щшасѧ сло́ва хрⷭ҇та̀, проповѣ́далъ є҆сѝ, ра́вна же ѻ҆ц҃ꙋ̀, и҆ дх҃ꙋ ст҃о́мꙋ сопресто́льна."
|
|
},
|
|
{
|
|
"type": "TEXT",
|
|
"value": "А҆ѵсїтїді́йскагѡ і҆́ѡва нра́вѡмъ вои́стиннꙋ, ѻ҆́ч҃е, подо́бѧсѧ, до́мъ тво́й ѿве́рстъ и҆мѣ́лъ є҆сѝ, и҆ ѧ҆зы́ка две́рь па́че ме́да сла́достїю а҆́лчꙋщымъ спасе́нїе ѿверза́ѧ, дꙋ́шы и҆спо́лнилъ є҆сѝ слове́съ а҆́гг҃льскїѧ пи́щи."
|
|
},
|
|
{
|
|
"type": "TEXT",
|
|
"value": "Зако́нѡмъ бжⷭ҇твєннымъ послѣ́дꙋѧ, законополо́жникъ ꙗ҆ви́лсѧ є҆сѝ, а҆рхїере́й бг҃опрїѧ́тенъ, пра́вило и҆звѣ́стнѣйшее, наста́вникъ заблꙋ́ждшихъ, свѣти́льникъ всесвѣ́телъ, ѻ҆те́чество твоѐ просвѣща́ѧ, са́вво бг҃омꙋ́дре."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆пра́ви ᲂу҆́мъ мо́й, влⷣчце, трꙋжда́ющїйсѧ въ пꙋчи́нѣ скорбе́й, и҆ потоплѧ́емый наше́ствїемъ тлетво́рныхъ страсте́й: мене́ же спасѝ, бцⷣе, къ тебѣ̀ прибѣга́ющаго, и҆ны́ѧ бо по́мощи, чи́стаѧ, ра́звѣ тебє̀, не зна́ю."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннаго, но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ гдⷭ҇ень ᲂу҆чени́къ, влⷣки твоегѡ̀ бл҃гоꙋтро́бїе, ѻ҆́ч҃е, подража́ѧ, разсла́бленнаго въ це́рковь не́слъ є҆сѝ: врачева́нїемъ же, ко хрⷭ҇тꙋ̀ моли́твами и҆ слеза́ми, ѡ҆бно́щнѡ прилѣжа́въ є҆мꙋ̀, здра́ва ѿ землѝ воздви́глъ є҆сѝ."
|
|
},
|
|
{
|
|
"type": "TEXT",
|
|
"value": "Ста́рцꙋ ст҃о́мꙋ, твоемꙋ̀ ѻ҆тцꙋ̀ въ животѣ̀ є҆гѡ̀ послꙋшли́въ бы́лъ є҆сѝ, ᲂу҆́меръ же ѻ҆́нъ, и҆ во гро́бѣ тебѐ є҆ди́наго послꙋ́ша: мѵ́ро бо є҆гѡ̀ мно́гими проси́мо и҆ не ᲂу҆лꙋчи́мо, твои́мъ, ѻ҆́ч҃е, посла́нїемъ ѻ҆би́льнѡ лю́демъ свои̑мъ сїѐ и҆сточѝ."
|
|
},
|
|
{
|
|
"type": "TEXT",
|
|
"value": "Дрꙋгі́й и҆лїа̀ ты̀ ꙗ҆ви́лсѧ є҆сѝ, гра́дъ съ нб҃сѐ моли́твою, ꙗ҆́коже ѻ҆́нъ ѻ҆́гнь, све́лъ є҆сѝ, и҆ си́мъ царѧ̀ ᲂу҆диви́въ ᲂу҆жаси́лъ є҆сѝ, въ сла́вꙋ бж҃їю и҆ проти̑внымъ на ᲂу҆дивле́нїе сїѧ̑, ѻ҆́ч҃е, сотвори́лъ є҆сѝ, ѡ҆ всѣ́хъ возмога́ющꙋ тѧ̀ хрⷭ҇тꙋ̀ бг҃ꙋ на́шемꙋ."
|
|
},
|
|
{
|
|
"type": "TEXT",
|
|
"value": "Сопоста́тъ ца́рь ᲂу҆́гринъ, на ѻ҆те́чество твоѐ подви́гсѧ, твои́ми словесы̀ свирѣ́пства премѣни́сѧ, дивѧ́сѧ сꙋ́щей въ тебѣ̀ свѧ́тости, ᲂу҆мили́всѧ возврати́сѧ: гра́дное же ка́менїе лобза́ѧ, глаго́лаше: ди́венъ бг҃ъ во ст҃ы́хъ свои́хъ."
|
|
},
|
|
{
|
|
"type": "TEXT",
|
|
"value": "Ка́мене краеꙋго́льна, и҆мꙋ́ща въ се́рдцы хрⷭ҇та̀ ᲂу҆твержде́нїе, пре́лести ᲂу҆твержде́нїе си́льно и҆спрове́ргша, цр҃кви же неѡбори́мое ѡ҆снова́нїе ꙗ҆ви́стесѧ: ю҆́же сохранѧ́йте непоколеби́мꙋ, са́вво свѧще́нне и҆ сѷмеѡ́не бг҃оно́се, моли́твами ва́шими."
|
|
},
|
|
{
|
|
"type": "TEXT",
|
|
"value": "Бг҃оро́диченъ: По хрⷭ҇тꙋ̀ бг҃ꙋ вхо́да жела́юще, предводѧ́щꙋю тѧ̀ взыска́вше, сꙋ́щей тѝ нбⷭ҇нѣй бж҃їей цр҃кви, хра́мъ твоегѡ̀ вхо́да на землѝ твоѝ ᲂу҆гѡ́дницы, бг҃ома́ти, воздвиго́ша, въ не́мже не преста́й даю́щи по́мощь сла́вѧщымъ тѧ̀."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Жите́йское мо́ре, воздвиза́емое зрѧ̀ напа́стей бꙋ́рею, къ ти́хомꙋ приста́нищꙋ твоемꙋ̀ прите́къ, вопїю́ ти: возведѝ ѿ тлѝ живо́тъ мо́й, многоми́лостиве."
|
|
},
|
|
{
|
|
"type": "TEXT",
|
|
"value": "Тебѣ̀ припа́даю, пречⷭ҇таѧ бцⷣе бл҃га́ѧ, твои́ми моли́твами ᲂу҆молѝ всѧ́кїѧ бла́гости пода́телѧ, сн҃а твоего̀ и҆ гдⷭ҇а, и҆зба́вити мі́ръ ѿ всѧ́кагѡ гнѣ́ва."
|
|
},
|
|
{
|
|
"type": "TEXT",
|
|
"value": "Во глꙋбинꙋ̀ ѿве́рженъ бы́хъ бꙋ́ри лю́тыѧ, мо́рю волнꙋ́ющꙋ мѧ̀ ѿ безмѣ́рныхъ прегрѣше́нїй мои́хъ и҆ бѣ́дныхъ, бꙋ́рю ᲂу҆толѝ, и҆ тишинꙋ̀ пода́ждь се́рдцꙋ моемꙋ̀."
|
|
},
|
|
{
|
|
"type": "TEXT",
|
|
"value": "Ты̀ ᲂу҆тѣше́нїе и҆ прибѣ́жище, чⷭ҇таѧ, рабѡ́мъ твои̑мъ є҆сѝ: неѡскꙋ́днѡ творѝ, є҆́же къ бг҃ꙋ, ᲂу҆миле́нное моле́нїе, ѡ҆ и҆̀же вѣ́рою и҆ любо́вїю молѧ́щихъ тѧ̀."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю милосе́рдїѧ твоегѡ̀ призыва́ю бе́зднꙋ: ѿ тлѝ, бж҃е, мѧ̀ возведѝ."
|
|
},
|
|
{
|
|
"type": "TEXT",
|
|
"value": "Мра́комъ є҆́реси покрыва́ема землѧ̀ люде́й твои́хъ и҆ногда̀ ны́нѣ правосла́вїѧ свѣ́томъ свѣтлѣ́етсѧ, ве́тхїѧ пре́лести и҆змѣ́ншисѧ, но́вый і҆и҃ль, и҆ лю́дїе бж҃їи бы́вше, на и҆́стинный зако́нъ тобо́ю, бг҃оно́се, наставлѧ́еми."
|
|
},
|
|
{
|
|
"type": "TEXT",
|
|
"value": "А҆пⷭ҇лъ ꙗ҆́кѡ ѿ хрⷭ҇та̀ посла́сѧ, и҆ сло́вомъ є҆ѵⷢ҇лїа наꙋча́ѧ, сꙋ́щыѧ въ нощѝ невѣ́дѣнїѧ просвѣти́лъ є҆сѝ: и҆сцѣлє́нїѧ же творѧ̀, и҆ чꙋдеса̀ вє́лїѧ, и҆ си́ми ᲂу҆дивлѧ́ѧ, привле́клъ є҆сѝ къ немꙋ̀ вѣ́рою люде́й твои́хъ и҆сполнє́нїѧ."
|
|
},
|
|
{
|
|
"type": "TEXT",
|
|
"value": "Бо́льшихъ и҆щѧ̀, лꙋ̑чшаѧ жела́ѧ, і҆ерꙋсали́ма ᲂу҆́бѡ, є҆гѵ́пта же и҆ сїна́ѧ доше́дъ, и҆ всѧ̑ та́мѡ сꙋ́щыѧ въ пꙋсты́нѧхъ ѡ҆бходѧ̀, ѻ҆би́льною рꙋко́ю на всѣ́хъ призира́ѧ, и҆́хже моли́твами ѻ҆те́чество твоѐ, са́вво, ѡ҆богати́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆бветша́вшыѧ ны̀ го́рькимъ дре́ва пре́жде вкꙋше́нїемъ и҆ па́дшыѧ поползнове́нїемъ, пречⷭ҇таѧ, ѡ҆бнови́ла є҆сѝ, зижди́телѧ ро́ждши, сло́во ѵ҆поста́сное, дв҃о мт҃и влⷣчце."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Моли́твꙋ пролїю̀ ко гдⷭ҇ꙋ, и҆ томꙋ̀ возвѣщꙋ̀ печа̑ли моѧ̑, ꙗ҆́кѡ ѕѡ́лъ дꙋша̀ моѧ̀ и҆спо́лнисѧ, и҆ живо́тъ мо́й а҆́дꙋ прибли́жисѧ, и҆ молю́сѧ, ꙗ҆́кѡ і҆ѡ́на: ѿ тлѝ, бж҃е, возведи́ мѧ."
|
|
},
|
|
{
|
|
"type": "TEXT",
|
|
"value": "Пресвѣ́тлыѧ трⷪ҇цы пе́рвѣе же́ртвенникъ се́рдце твоѐ сотвори́лъ є҆сѝ, и҆ це́рковь бг҃ꙋ сп҃сꙋ во ѻ҆те́чествѣ твое́мъ воздви́глъ є҆сѝ, въ не́йже, ѻ҆́ч҃е, первопресто́ленъ равноапⷭ҇льный ᲂу҆чи́тель ѿ хрⷭ҇та̀ ᲂу҆досто́илсѧ є҆сѝ, и҆ сло́во жи́зни лю́демъ твои̑мъ и҆сточи́лъ є҆сѝ."
|
|
},
|
|
{
|
|
"type": "TEXT",
|
|
"value": "Бра́та твоего̀ ᲂу҆ме́рша слы́шавъ, а҆́гг҃лꙋ, ко хрⷭ҇тꙋ̀ дерзнове́нїемъ, дꙋ́шꙋ є҆гѡ̀ возврати́ти повелѣ́лъ є҆сѝ, и҆ сего̀ вдꙋшевле́нна прише́дъ ѡ҆брѣ́лъ є҆сѝ. Ѽле вѣ́ры! Ѽле дерзнове́нїѧ! Чꙋ́до, ѻ҆́ч҃е, вои́стиннꙋ ᲂу҆жа́сно, зе́менъ сы́й, нбⷭ҇номꙋ повелѣ́лъ є҆сѝ."
|
|
},
|
|
{
|
|
"type": "TEXT",
|
|
"value": "Мы́сленное мо́ре страсте́й ᲂу҆спи́въ поще́нїемъ, чꙋ́вственное же бе́зднꙋ ми́лости призва́въ, свирѣ́пѡ волнꙋ́емо сло́вомъ ᲂу҆кроти́лъ є҆сѝ, кора́бль же спа́слъ ѿ потопле́нїѧ, и҆ въ не́мъ сꙋ́щыѧ въ вѣ́рꙋ приве́лъ є҆сѝ."
|
|
},
|
|
{
|
|
"type": "TEXT",
|
|
"value": "Є҆гѡ́же всѧ̑ боѧ́тсѧ и҆ трепе́щꙋтъ, ꙗ҆́кѡ творца̀ и҆ гдⷭ҇а, і҆и҃са хрⷭ҇та̀ всего̀ стѧжа́въ, хрⷭ҇та̀ въ се́рдцы твое́мъ носѧ̀, хрⷭ҇та̀ въ себѣ̀ и҆мѣ́ѧ глаго́люща, мо́рю и҆ вѣ́трѡмъ тогѡ̀ си́лою запрети́лъ є҆сѝ: и҆ всѧ̑, ѻ҆́ч҃е, повинꙋ́шасѧ тебѣ̀, ꙗ҆́кѡ тогѡ̀ и҆зѧ́щнꙋ ᲂу҆ченикꙋ̀."
|
|
},
|
|
{
|
|
"type": "TEXT",
|
|
"value": "Трⷪ҇ченъ: Пренача́льное є҆стество̀ и҆ трїѷпоста́сное є҆ди́нство, ѻ҆́ч҃е и҆ сн҃е и҆ дш҃е прест҃ы́й, свѣ́те и҆ животѐ бг҃онача́льный, прїимѝ моли́твенники ѡ҆ на́съ твоѧ̑ ᲂу҆го́дники, спаса́й цр҃кви твоѧ̑, въ тѧ̀ вѣ́рꙋющыѧ, и҆ сподо́би ны̀ въ ми́рѣ сла́вити твою̀ держа́вꙋ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ви́дѣти жела́юще твоегѡ̀ сн҃а и҆ бг҃а, нбⷭ҇нагѡ сла́вꙋ црⷭ҇твїѧ, бцⷣе, са́вва и҆ сѷмеѡ́нъ преподо́бнїи, сла́вꙋ земна́гѡ ца́рствїѧ ѡ҆ста́вивше, и҆ сегѡ̀ крⷭ҇тъ на ра́мꙋ взе́мше, послѣ́доваша живонѡ́снымъ є҆гѡ̀ и҆ бжⷭ҇твєннымъ стопа́мъ."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Взбра́нной:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ первосвѧти́телѧ вели́каго и҆ а҆пⷭ҇лѡвъ соѻ́бщника, цр҃ковь прославлѧ́етъ тѧ̀ люде́й твои́хъ, преподо́бне: но ꙗ҆́кѡ и҆мѣ́ѧ дерзнове́нїе ко хрⷭ҇тꙋ̀ бг҃ꙋ, моли́твами твои́ми ѿ всѧ́кихъ на́съ бѣ́дъ спаса́й, да зове́мъ тѝ: ра́дꙋйсѧ, ѻ҆́ч҃е са́вво бг҃омꙋ́дре."
|
|
},
|
|
{
|
|
"type": "TEXT",
|
|
"value": "І҆́косъ: Житїе́мъ ꙗ҆́кѡ а҆́гг҃лъ на землѝ, ѻ҆́ч҃е, ꙗ҆ви́лсѧ є҆сѝ, человѣ́къ бо сы́й є҆стество́мъ, и҆ безпло́тныхъ чистотѣ̀ ᲂу҆подо́билсѧ є҆сѝ. Тѣ́мже и҆ похва̑льнаѧ ᲂу҆дивлѧ́еши на́съ зва́ти такова̑ѧ: ра́дꙋйсѧ, ѻ҆тца̀ благочести́ва прозѧбе́нїе, и҆ ма́тере благоговѣ́йны прижи́тїе. Ра́дꙋйсѧ, моли́твами бг҃ода́нне, и҆ да́вшемꙋ тѧ̀ и҆змла́да послѣ́довавъ. Ра́дꙋйсѧ, поще́нїѧ свѣ́тлый ра́сте, чистото́ю бл҃гоꙋха́нне. Ра́дꙋйсѧ, цѣломꙋ́дрїѧ сто́лпе, и҆́мже всѧ́каѧ стра́сть попра́сѧ. Ра́дꙋйсѧ, смире́нїемъ высо́кїй, де́мѡнѡвъ горды́ню низложи́вый. Ра́дꙋйсѧ, свѣти́льниче многосвѣ́тлый, возведы́й ко хрⷭ҇тꙋ̀ лю́ди твоѧ̑. Ра́дꙋйсѧ, цр҃квей воздви́женїе и҆ свѧти́телємъ ѡ҆свѧще́нїе. Ра́дꙋйсѧ, сиро́тъ пита́телю и҆ ни́щымъ пода́телю благоꙋтро́бный. Ра́дꙋйсѧ, а҆пⷭ҇лѡвъ равноре́вностне є҆ѵⷢ҇льскимъ наꙋче́нїемъ. Ра́дꙋйсѧ, мꙋ́ченикѡмъ сострада́льне стра́нствїѧ хожде́нїемъ. Ра́дꙋйсѧ, чꙋдодѣ́лателю ди́вныхъ ѡ҆ бз҃ѣ и҆ ᲂу҆жа́сныхъ чꙋде́съ. Ра́дꙋйсѧ, похвало̀ ѻ҆те́чествꙋ твоемꙋ̀, спаса́й пою́щихъ тѧ̀. Ра́дꙋйсѧ, ѻ҆́ч҃е са́вво бг҃омꙋ́дре."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́троцы въ вавѷлѡ́нѣ пе́щнагѡ пла́мене не ᲂу҆боѧ́шасѧ, но посредѣ̀ пла́мене вве́ржени, ѡ҆роша́еми поѧ́хꙋ: бл҃гослове́нъ є҆сѝ, гдⷭ҇и, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Не преста́й, дв҃о мт҃и, молѧ́щи гдⷭ҇а, и҆зба́витисѧ на́мъ ѿ бѣ́дъ и҆ скорбе́й, влⷣчце, да ᲂу҆се́рднѡ пое́мъ влⷣцѣ: бж҃е ѻ҆тє́цъ на́шихъ, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Страша́тъ мѧ̀ и҆ смꙋща́ютъ прегрѣше́нїй мои́хъ во́лны: но ты̀, блага́ѧ пречⷭ҇таѧ, проще́нїе и҆спросѝ въ ча́съ и҆спыта́нїѧ, спасе́нїе подаю́щи."
|
|
},
|
|
{
|
|
"type": "TEXT",
|
|
"value": "И҆ ражда́еши и҆ дѣ́вствꙋеши, и҆ по ржⷭ҇твѣ̀ пребыва́еши, ꙗ҆́коже пре́жде ржⷭ҇тва̀, чи́стаѧ бцⷣе: не ѡ҆пали́шасѧ бо ложєсна̀ твоѧ̑, бл҃гослове́ннаѧ пречⷭ҇таѧ, предста́тельнице ро́да на́шегѡ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃опроти́вное велѣ́нїе беззако́ннꙋющагѡ мꙋчи́телѧ, высо́къ пла́мень вознесло̀ є҆́сть: хрⷭ҇то́съ же прострѐ бг҃очести̑вымъ ѻ҆трокѡ́мъ ро́сꙋ дх҃о́внꙋю, сы́й бл҃гослове́нъ и҆ препросла́вленъ."
|
|
},
|
|
{
|
|
"type": "TEXT",
|
|
"value": "Житїѧ̀ твоегѡ̀ бг҃оꙋго́дное зрѧ̀ и҆справле́нїе, провѣ́децъ, ꙗ҆́кѡ всѣ́хъ бг҃ъ, и҆збра́въ тебѐ, сочта̀ а҆пⷭ҇льскомꙋ ли́кꙋ первост҃и́тель бг҃оно́се, и҆ бл҃года́тїю просвѣтѝ се́рдце твоѐ: ты́ же лю́ди твоѧ̑ томꙋ̀ просвѣти́лъ є҆сѝ вопи́ти: бл҃гослове́нъ бг҃ъ и҆ препросла́вленъ."
|
|
},
|
|
{
|
|
"type": "TEXT",
|
|
"value": "Є҆ѵⷢ҇льскихъ слове́съ лꙋча́ми лю́ди твоѧ̑ разꙋ́мнѡ ѡ҆зари́въ, ѿ недосто́йнагѡ въ досто́йное и҆зве́лъ є҆сѝ: и҆ и҆зсѡ́хшаѧ и҆́хъ сердца̀ ѕловѣ́рїемъ, ѡ҆ бз҃ѣ вѣ́рою плодови̑та, са́вво ѻ҆́ч҃е, воздѣ́лалъ є҆сѝ."
|
|
},
|
|
{
|
|
"type": "TEXT",
|
|
"value": "Ми́лостивъ ᲂу҆́бѡ и҆ кро́токъ, преподо́бенъ, и҆ безѕло́бивъ, ти́хъ же и҆ ᲂу҆вѣ́тливъ ꙗ҆ви́лсѧ є҆сѝ, ꙗ҆́коже па́ѵелъ ѡ҆ хрⷭ҇тѣ̀ похвалѧ́ѧ речѐ: тако́въ на́мъ подоба́ше а҆рхїере́й. Є҆го́же молѝ, са́вво а҆рхїере́ю, въ ми́рѣ сохрани́ти ста́до твоѐ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆бновлѧ́ютсѧ въ тебѣ̀ зако́ны є҆стества̀: вы́ше є҆стества́ бо, є҆стество́мъ непости́жнаго бг҃а, дв҃о, є҆мманꙋ́ила пресла́внѡ, чи́стаѧ, родила̀ є҆сѝ, въ на́ше вѣ́рныхъ возрожде́нїе."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃їѧ снизхожде́нїѧ ѻ҆́гнь ᲂу҆стыдѣ́сѧ въ вавѷлѡ́нѣ и҆ногда̀: сегѡ̀ ра́ди ѻ҆́троцы въ пещѝ ра́дованною ного́ю, ꙗ҆́кѡ во цвѣ́тницѣ ликꙋ́юще, поѧ́хꙋ: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Хрⷭ҇та̀ на́съ ра́ди пло́тїю на землѝ во́лею стра́нствовавша, любо́вїю, ѻ҆́ч҃е, побѣжда́емь, престо́ла высотꙋ̀ во́лею ѡ҆ста́вивъ, восто́кꙋ же и҆ за́падꙋ и҆ глꙋбина́мъ морски̑мъ ꙗ҆́кѡ со́лнце ѡ҆бхо́дно стра́нствовалъ є҆сѝ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ хрⷭ҇то́въ ᲂу҆чени́къ, и҆ нача́льникъ ѿ негѡ̀ поста́вленъ, ѻ҆те́чєствїѧ чꙋжди́хъ ѡ҆бходѧ̀, прїе́млемь сы́й ѿ ни́хъ и҆ люби́мь, ᲂу҆дивле́нъ же, ѻ҆́ч҃е, и҆ дароноси́мь: покарѧ́ше бо всѧ̑ сꙋ̑щаѧ въ тебѣ̀ бж҃їѧ любо́вь, кро́тость же и҆ безѕло́бїе."
|
|
},
|
|
{
|
|
"type": "TEXT",
|
|
"value": "И҆́же бе́зднꙋ сотвори́вый велѣ́нїемъ, тогѡ̀ ᲂу҆ченика̀ сїѧ̀ позна́вши тѧ̀, въ болѣ́зни твое́й тебѣ̀, ѻ҆́ч҃е, послꙋжѝ, ры́бꙋ вели́кꙋ, ꙗ҆́кѡ рꙋка́ми, волно́ю взе́мши, и҆ въ кораблѝ тебѣ̀ возлежа́щꙋ, въ твоѝ рꙋ́цѣ предложѝ."
|
|
},
|
|
{
|
|
"type": "TEXT",
|
|
"value": "Въ кораблѝ пꙋчи́нꙋ съ тобо́ю пловꙋ́щїи, мо́ре повинꙋ́вшеесѧ тебѣ̀ и҆ дароноси́мо ви́дѣвше, ᲂу҆́жасомъ, ѻ҆́ч҃е, ѡ҆держи́ми бы́вше, ѿ бездꙋ́шнагѡ наꙋчи́вшесѧ въ бж҃їй ра́зꙋмъ, ᲂу҆мили́вшесѧ поклони́шасѧ твое́й свѧ́тости."
|
|
},
|
|
{
|
|
"type": "TEXT",
|
|
"value": "Твоегѡ̀ се́рдца жела́нїе и҆сполнѧ́ѧ, є҆гѡ́же ра́ди по землѝ стра́нствовалъ є҆сѝ, въ чꙋжестра́нственнѣмъ гра́дѣ бг҃ъ дꙋ́хъ тво́й прїе́млетъ, и҆̀хже въ животѣ̀ чꙋдесы̀, и҆ по сме́рти пе́рстїю гро́ба и҆ гро́бомъ ᲂу҆диви́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Стопа́мъ послѣ́дꙋѧ собо́ръ преподо́бныхъ и҆зъ чре́ва твоегѡ̀ неизрече́ннѡ возсїѧ́вшемꙋ, неизглаго́ланнымъ ржⷭ҇тво́мъ, дв҃о мт҃и, съ небе́сными ли́ки сочта́сѧ: съ ни́миже мо́лимсѧ, и҆спросѝ на́мъ, чтꙋ́щымъ тѧ̀, грѣхѡ́въ ѡ҆ставле́нїе."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: За зако́ны ѻ҆те́чєскїѧ блаже́ннїи въ вавѷлѡ́нѣ ю҆́ношы предбѣ́дствꙋюще, царю́ющагѡ ѡ҆плева́ша повелѣ́нїе безꙋ́мное, и҆ совокꙋ́плени, и҆́мже не свари́шасѧ, ѻ҆гне́мъ, держа́вствꙋющемꙋ досто́йнꙋю воспѣва́хꙋ пѣ́снь: гдⷭ҇а по́йте, дѣла̀, и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ты̀ прибѣ́жище на́ше є҆сѝ, и҆ ᲂу҆тѣше́нїе всѣ́хъ, пречⷭ҇таѧ дв҃о: се́ бо и҆́же всѣ́хъ гдⷭ҇ь ро́ждсѧ и҆зъ ложе́снъ твои́хъ, дв҃ꙋ тѧ̀ соблюдѐ по ржⷭ҇твѣ̀. Є҆го́же всѝ бл҃гослови́мъ ᲂу҆стна́ми недосто́йными, и҆ превозно́симъ во вѣ́ки."
|
|
},
|
|
{
|
|
"type": "TEXT",
|
|
"value": "Ѽ кі́й ѧ҆зы́къ дово́ленъ вели̑чїѧ твоѧ̑ повѣ́дати, чⷭ҇таѧ! Се́ бо всѐ свободи́сѧ земноро́дныхъ мно́жество ѿ всѧ́кагѡ ѡ҆сꙋжде́нїѧ пе́рвагѡ, и҆ тебѣ̀ вопїю́ще пое́тъ, и҆сточа́юще пѣ̑нїѧ, и҆ превозносѧ́ще пречⷭ҇тое твоѐ ржⷭ҇тво̀."
|
|
},
|
|
{
|
|
"type": "TEXT",
|
|
"value": "Ми́лостива и҆спросѝ на́мъ и҆ бл҃гопремѣ́нна сн҃а твоего̀ и҆ бг҃а бы́ти, чⷭ҇таѧ, ны́нѣ рабѡ́мъ твои̑мъ, и҆ соблюдѝ на́съ ѿ всѧ́кагѡ прило́га сопроти́вна, и҆ а҆га́рѧнскꙋю горды́ню низложѝ вско́рѣ, да тѧ̀ пое́мъ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Свѣщено́сцы дꙋше́ю, свѣ́тлїи па́че снѣ́га пресїѧ́юще, прпⷣбнїи ѻ҆́троцы посредѣ̀ пла́мене не ѡ҆пали́шасѧ: всѧ̑ бо вкꙋ́пѣ, є҆ли̑ка подъ тва́рїю, къ бж҃їи пѣ́сни себѣ̀ созыва́юще, съ ра́достїю поѧ́хꙋ: по́йте, дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Во ст҃ы́хъ почива́ющаго ст҃а́гѡ дх҃а бл҃года́тїю, са́вво ст҃и́телю, лю́демъ твои́мъ проповѣ́далъ є҆сѝ, сн҃а собезнача́льна ѻ҆ц҃ꙋ̀ и҆ сопресто́льна, чл҃вѣ́ка бы́вша, человѣ́кѡмъ спасе́нїе содѣва́юща пою́щымъ: дѣла̀ всѧ̑, гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "До́брѣ тече́нїе соверши́въ, къ жела́емомꙋ концꙋ̀ преста́вилсѧ є҆сѝ ра́дꙋѧсѧ. Тѣ́мже свѣтоно́снꙋю твою̀ па́мѧть це́рковь твоѧ̀, ѻ҆́ч҃е соверша́ющи, созыва́етъ преподѡ́бныѧ па́стыри же и҆ ᲂу҆чи́тели, и҆̀же просвѣща́еми пою́тъ: дѣла̀ всѧ̑, гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "А҆га́ри ча́дѡмъ пога̑нымъ и҆сма́ильтѧнѡмъ, внегда̀ ᲂу҆стремлѧ́тисѧ на ста́до твоѐ, возбранѝ, ст҃и́телю, моли́твами твои́ми, ꙗ҆́кѡ мно́го дерзнове́нїе ко хрⷭ҇тꙋ̀ стѧжа́вый, да въ ми́рѣ сщ҃е́ннꙋю твою̀ па́мѧть соверша́юще, ра́достнѡ пое́мъ: дѣла̀ всѧ̑, гдⷭ҇а по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Распѧ́тїе и҆ погребе́нїе, и҆́же ѿ тебє̀ небра́чнѡ, дв҃о, про́йде, претерпѣ́въ на́съ ра́ди и҆ мꙋче́нїе: є҆гѡ́же стрⷭ҇те́мъ ревнꙋ́юще преподо́бнїи, крⷭ҇тови́днѡ мꙋче́нїемъ поще́нїѧ, томꙋ̀, чⷭ҇таѧ, послѣ́доваша."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею спасє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Землѧ̀ ѿ свои́хъ нѣ́дръ предаде́ тѧ свѧщеннолѣ́пна, цѣ́ла же и҆ неразрꙋши́ма, благоꙋха́нїемъ и҆ чꙋдесы̀ ᲂу҆дивлѧ́юща гра́да жи́тели, пе́рстїю гро́ба твоегѡ̀, прⷪ҇ро́чески вопїю́щыѧ: пра́вєдницы во вѣ́ки живꙋ́тъ."
|
|
},
|
|
{
|
|
"type": "TEXT",
|
|
"value": "Ка́мене сапфі́ра, ѡ҆блежа́щаѧ пе́рсть страда́льнагѡ твоегѡ̀ тѣ́ла, дража́йши, ѻ҆́ч҃е, показа́сѧ: цѣле́бна бо и҆ чꙋдотвори́ва, и҃ па́че зла́та вѣ́рными раздѣлѧ́ема пою́щими досто́йнѡ: честна̀ пред̾ гдⷭ҇емъ сме́рть ст҃ы́хъ є҆гѡ̀."
|
|
},
|
|
{
|
|
"type": "TEXT",
|
|
"value": "Царе́й бл҃гочести́выхъ ст҃ы́ню и҆ бл҃гослове́нїе, твоѐ ст҃о́е и҆ честно́е тѣ́ло держа́щихъ, со́ннымъ ꙗ҆вле́нїемъ пода́ти ᲂу҆вѣщава́еши: є҆́же ча̑да твоѧ̑ со ст҃и́тєли и҆ свѧще́нными, ꙗ҆́кѡ пребога́тое сокро́вище во своѧ̑ принесо́ша."
|
|
},
|
|
{
|
|
"type": "TEXT",
|
|
"value": "Хрⷭ҇толюби́вый владисла́въ самоде́ржецъ, ꙗ҆́кѡ дре́вле дв҃дъ пред̾ кївѡ́томъ, предходѧ̀ пред̾ ст҃ы́мъ твои́мъ тѣ́ломъ, ра́довашесѧ поѧ̀: вели́читъ дꙋша̀ моѧ̀ гдⷭ҇а, ꙗ҆́кѡ дадѐ мнѣ̀ ѻ҆ц҃а̀ и҆ ᲂу҆чи́телѧ, и҆ въ це́ркви свое́й ра́дꙋѧсѧ положѝ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ ны́нѣ прⷭ҇то́лꙋ влⷣки своегѡ̀ предстоѧ́ще, и҆ ѿѻнꙋ́дными зарѧ́ми ѡ҆сїѧ́еми, сѷмеѡ́не бг҃оно́се, са́вво бг҃омꙋ́дре, моли́твами ва́шими, ст҃і́и, страсте́й грѣха̀ на́съ и҆зба́вите, и҆ пога́ныхъ нахо́да, и҆ разли́чныхъ ѡ҆бстоѧ́нїй."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Плеща́ми херꙋві́мскими стра́шными носи́мый влⷣка, на прⷭ҇то́лѣ ꙗ҆́коже ѻ҆́гненнѣмъ, въ твою̀, чⷭ҇таѧ, всели́сѧ ᲂу҆тро́бꙋ, и҆ пло́ти прїѧ́тїемъ человѣ́ческое ѡ҆божѝ сꙋщество̀, къ немꙋ́же спасѝ мл҃твами твои́ми пою́щыѧ тѧ̀ мт҃рь є҆гѡ̀."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Безсѣ́меннагѡ зача́тїѧ ржⷭ҇тво̀ несказа́нное, мт҃ре безмꙋ́жныѧ нетлѣ́ненъ пло́дъ: бж҃їе бо рожде́нїе ѡ҆бновлѧ́етъ є҆стєства̀. Тѣ́мже тѧ̀ всѝ ро́ди, ꙗ҆́кѡ бг҃оневѣ́стнꙋю мт҃рь, правосла́внѡ велича́емъ."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, стѣно̀ неѡбори́маѧ, ра́дꙋйсѧ, покро́ве мі́ра, ра́дꙋйсѧ, цр҃кви, ра́дꙋйсѧ, свѣщѐ. Ра́дꙋйсѧ, прⷭ҇то́ле бж҃їй, ра́дꙋйсѧ, всѣ́хъ ра́дость и҆ по́моще на врагѝ неви̑димыѧ сꙋ́щи, чи́стаѧ, спасе́нїе и҆ ѻ҆рꙋ́жїе непобѣди́мое."
|
|
},
|
|
{
|
|
"type": "TEXT",
|
|
"value": "Не забꙋ́ди, дв҃о неискꙋсобра́чнаѧ невѣ́сто, твои́хъ ра̑бъ, притека́ющихъ къ цр҃кви твое́й: ты́ бо є҆ди́на є҆сѝ хрⷭ҇тїа́нъ наде́жда, и҆ ᲂу҆твержде́нїе всѣ̑мъ притека́ющымъ тебѣ̀, чⷭ҇таѧ, на̑ша молє́нїѧ, влⷣчце, и҆спо́лни."
|
|
},
|
|
{
|
|
"type": "TEXT",
|
|
"value": "Ты̀ а҆́гг҃лѡвъ сла́ва, прⷪ҇ро́кѡвъ зерца́ло, патрїа́рхѡвъ и҆ а҆пⷭ҇лѡвъ похвала̀ свѣ́тлаѧ: ты̀ мꙋ́ченикѡвъ хрⷭ҇то́выхъ ᲂу҆краше́нїе, по́стникѡвъ и҆ пра́ведникѡвъ ѡ҆свѧще́нїе красно̀, и҆ всегѡ̀ мі́ра ра́дость. Тѣ́мже тѧ̀ всѝ, чⷭ҇таѧ, по до́лгꙋ пѣ́сньми велича́емъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿ бг҃а бг҃а сло́ва, неизрече́нною мꙋ́дростїю прише́дшаго ѡ҆бнови́ти а҆да́ма, ꙗ҆́дїю въ тлѣ́нїе па́дшаго лю́тѣ, ѿ ст҃ы́ѧ дв҃ы неизрече́ннѡ воплоти́вшагосѧ на́съ ра́ди, вѣ́рнїи, є҆диномꙋ́дреннѡ пѣ́сньми велича́емъ."
|
|
},
|
|
{
|
|
"type": "TEXT",
|
|
"value": "Оу҆кра́шенъ, ѻ҆́ч҃е, вои́стиннꙋ добродѣ́тельными дѣѧ̑нїи ꙗ҆ви́лсѧ є҆сѝ, ᲂу҆краси́сѧ свѣтоно́снаѧ твоѧ̀ па́мѧть, бл҃года́тными лꙋча́ми на́съ просвѣща́ющи: въ не́йже бѣ́дъ и҆ напа́стей и҆зба́витисѧ твои́ми ко хрⷭ҇тꙋ̀ мл҃твами, мо́лимсѧ."
|
|
},
|
|
{
|
|
"type": "TEXT",
|
|
"value": "И҆зрасти́вшее тѧ̀ хрⷭ҇тꙋ̀ ѻ҆те́чество твоѐ ра́дꙋетсѧ, и҆ свѣтлѣ́етсѧ це́рковь сп҃са и҆ бг҃а, цѣ́ла и҆ благоꙋха́нна и҆мꙋ́щи тѧ̀, и҆ па́мѧть твою̀ дне́сь ра́достнѡ пра́зднꙋетъ: є҆́йже возме́здїе возда́въ, ст҃и́телю, всѧ́кагѡ ѡ҆ѕлобле́нїѧ и҆зба́ви ю҆̀."
|
|
},
|
|
{
|
|
"type": "TEXT",
|
|
"value": "Моле́нїй и҆ пѣ́нїй гла́сы ᲂу҆слы́ши, і҆ера́рше хрⷭ҇то́въ, вѣ́рѣ же и҆ любвѝ вонмѝ люде́й твои́хъ: и҆ ꙗ҆́кѡ ѻ҆течестволю́бецъ, проти́висѧ, ѻ҆́ч҃е, ко гнѣ́вѡмъ на́съ вою́ющихъ: и҆ свы́ше покро́въ тво́й да́рꙋй хва́лѧщымъ тѧ̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆сцѣли́ла є҆сѝ сокрꙋше́нїе, всенепоро́чнаѧ, и҆ ве́тхое страда́нїе земны́хъ, бг҃а поро́ждши цр҃ѧ̀ хрⷭ҇та̀, поне́сшаго пло́тїю недꙋ́ги на́шѧ. Тѣ́мже тѧ̀ всѝ ро́ди, дв҃о влⷣчце, ᲂу҆блажа́юще, бг҃оневѣ́сто, велича́емъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее нб҃съ: тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ."
|
|
},
|
|
{
|
|
"type": "TEXT",
|
|
"value": "Мно́гъ въ терпѣ́нїи и҆ къ ѕло́бѣ благоѿда́тливъ, въ животѣ̀ и҆ по сме́рти, ѻ҆́ч҃е, показа́лсѧ є҆сѝ: слꙋкі́й бо припо́лзъ, и҆ гро́ба твоегѡ̀ верхꙋ̀ возле́гъ, во ѿмще́нїѧ мѣ́сто здра́ва поста́вилъ є҆сѝ, и҆́же въ це́ркви ходѧ̀ велича́ше гдⷭ҇а."
|
|
},
|
|
{
|
|
"type": "TEXT",
|
|
"value": "Преизѧ́щнаѧ ко хрⷭ҇тꙋ̀ ва́ша любо́вь ны́нѣ ѡ҆б̾ѧви́сѧ бл҃года́тїю да́нною ва́мъ, сѷмеѡ́не и҆ са́вво: мѡ́щи ва́шѧ благоꙋха̑нны и҆ мѷроточи̑вы, па́мѧть сла́вна и҆ свѧтопочита́ема, и҆́миже ᲂу҆вѣрѧ́емїи глаго́лемъ: па́мѧть пра́ведникѡвъ съ похвала́ми быва́етъ."
|
|
},
|
|
{
|
|
"type": "TEXT",
|
|
"value": "Ны́нѣ ви́димыхъ глаго́лемъ, сꙋ́щихъ же ꙗ҆̀же лю́бѧщихъ бг҃а, и҆дѣ́же а҆́гг҃ли прини́кнꙋти жела́ютъ, ꙗ҆̀же ва́мъ досто́йнѡ ᲂу҆готѡ́ваннаѧ, ѻ҆́ко не ви́дѣ, и҆ ᲂу҆́хо не слы́ша, па́ѵелъ вѣща́етъ, и҆ кто̀ пости́жетъ си́хъ и҆зглаго́лати;"
|
|
},
|
|
{
|
|
"type": "TEXT",
|
|
"value": "Зрѧ́ще а҆́гг҃льскїѧ и҆ бж҃е́ствєнныѧ свѣ́тлости, и҆ всѣ́хъ ст҃ы́хъ ли́ки, са́вво сщ҃е́нне и҆ сѷмеѡ́не бг҃оно́се, съ ни́ми моли́те чл҃вѣколю́бца, житїѧ̀ и҆справле́нїе и҆ грѣхѡ́въ ѡ҆ставле́нїе пода́ти хва́лѧщымъ вѣ́рою ва́шꙋ па́мѧть."
|
|
},
|
|
{
|
|
"type": "TEXT",
|
|
"value": "Ѻ҆́ба въ житїѝ є҆динодꙋ̑шна, ѻ҆́ба въ пꙋсты́ни спѡ́стника, ѻ҆́ба вы́ше ᲂу҆ма̀ бл҃ги́хъ полꙋчи̑вша, ѻ҆́ба трⷪ҇цѣ ны́нѣ предстоѧ̑ща, ѻ҆бѣ́ма ѻ҆́бщее хвалосло́вїе прино́симъ: є҆́же прїе́мше, ѻ҆ц҃ы̀, пѣвцы̀ ва́шѧ моли́твами ва́шими спаса́йте."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Є҆ди́на преимꙋ́щаѧ дерзнове́нїе, влⷣчце, за ве́сь мі́ръ сн҃ꙋ твоемꙋ̀ моли́сѧ. Не помѧнѝ безчи́сленныхъ собла̑знъ на́шихъ, покры́й лю́ди вопїю́щыѧ тѝ ᲂу҆ми́льнымъ гла́сомъ: спасѝ, чⷭ҇таѧ бцⷣе, тебѐ досто́йнѡ велича́ющихъ."
|
|
},
|
|
{
|
|
"type": "TEXT",
|
|
"value": "Свѣти́ленъ: Свѣти́льникъ тѧ̀ многосвѣ́тлый, ст҃и́телю, зна́емъ, моли́твы ча́до, пꙋсты́ни воспита́нїе, чистоты̀ ѻ҆би́телище, мона́хѡмъ спо́стника, ни́щымъ пита́телѧ, ст҃и́телємъ свѣ́тлость. Тѣ́мже тѧ̀, ѻ҆́ч҃е, вѣ́рнїи пое́мъ."
|
|
},
|
|
{
|
|
"type": "HEADER",
|
|
"value": "Дрꙋгі́й свѣти́ленъ ѻ҆бѣ́ма."
|
|
},
|
|
{
|
|
"type": "TEXT",
|
|
"value": "Ѿ восто́ка мы́сленнагѡ сл҃нца хрⷭ҇та̀, свѣтоза̑рныѧ лꙋчы̀ возсїѧ́вшыѧ, и҆ мра́чнꙋю странꙋ̀ на за́падѣ люде́й свои́хъ просвѣти́вшыѧ свѣ́тлостїю слове́съ, и҆ добродѣ́тели дѣ́ланїемъ: и҆ ны́нѣ не преста́йте гдⷭ҇ꙋ молѧ́щесѧ, и҆ сїѧ̑ въ ми́рѣ сохрани́ти, са́вво и҆ сѷмеѡ́не, па́мѧть ва́шꙋ почита́ющихъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Премꙋ́дрость ѵ҆поста́снꙋю и҆ пресꙋ́щное сло́во, и҆ врача̀ всѣ́хъ ро́ждшаѧ, всечⷭ҇таѧ цр҃и́це, гноє́нїѧ и҆ ꙗ҆́звы и҆сцѣлѝ дꙋ́шъ на́шихъ, и҆ сохранѧ́й неприкосновє́нны всѧ́кагѡ нахо́да, всегда́ тѧ молѧ́щихъ, застꙋ́пнице мі́ра."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры на д҃, гла́съ и҃"
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Ѻ҆́ч҃е свѧще́нне са́вво бг҃омꙋ́дре, воздержа́нїемъ до́брѣ воспита́всѧ, въ пресла́внꙋю добродѣ́телей возра́слъ є҆сѝ высотꙋ̀, хрⷭ҇тѡ́вы та̑йныѧ добрѡ́ты взира́ѧ. Є҆гѡ́же сїѧ́ньми ᲂу҆́мъ тво́й ѡ҆зари́въ, лю́ди твоѧ̑ просвѣти́лъ є҆сѝ, є҆́рєси ѿри́нꙋлъ є҆сѝ ѿ цр҃кве хрⷭ҇то́вы. Тѣ́мже свѣти́льника тѧ̀ стѧжа́вше, пресвѣ́тлꙋю твою̀ па́мѧть хва́лимъ, свѧще́ннѡ ᲂу҆блажа́юще."
|
|
},
|
|
{
|
|
"type": "TEXT",
|
|
"value": "Врꙋче́нный тебѣ̀ тала́нтъ ᲂу҆мно́живъ, ра́дости сподо́билсѧ є҆сѝ гдⷭ҇а твоегѡ̀. И҆ ны́нѣ предстои́ши съ ли́ки ст҃и́тєль и҆ по́стникѡвъ, свѧще́нства ѻ҆де́ждею, преблаже́нне, и҆ вѣнце́мъ поще́нїѧ ᲂу҆кра́шенъ, бл҃года́тїю бж҃е́ственнагѡ сїѧ́нїѧ, и҆ заре́ю мы́сленною блиста́ѧ дꙋхо́внѡ. Ѿѻнꙋ́дꙋже просвѣща́й мл҃твами твои́ми, пра́зднꙋющихъ, са́вво ѻ҆́тче сщ҃е́нне, твою̀ свѣ́тлꙋю и҆ ст҃ꙋ́ю па́мѧть."
|
|
},
|
|
{
|
|
"type": "TEXT",
|
|
"value": "Прїе́мше твоѧ̑ честны̑ѧ мѡ́щи, са́вво бл҃же́нне, вѣ́рою и҆ любо́вїю почита́емъ: ѻ҆рга́нъ бо ꙗ҆ви́лсѧ є҆сѝ ст҃а́гѡ дх҃а, возглаша́ѧ несказа́нное спаси́тельное та́инство бж҃е́ственными твои́ми ᲂу҆чє́нїи велегла́снѡ, проповѣ́дꙋющи на́мъ сло́ва воплоще́нїе: є҆го́же чи́стѣе тобо́ю, ѻ҆́ч҃е, позна́хомъ. Къ немꙋ́же ны́нѣ моли́твенника тѧ̀ предлага́емъ, въ твои́хъ преда́нїихъ сохрани́тисѧ на́мъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Возсїѧ̀ солнцеѻбра́знѡ свѧти́телѧ хрⷭ҇то́ва па́мѧть, вѣ́рныхъ сердца̀ мы́сленнѡ просвѣща́ющи, ꙗ҆́же и҆ мы̀ свѣ́тлѡ соверша́юще дне́сь, моле́бнѡ томꙋ̀ возопїе́мъ: ра́дꙋйсѧ, держа́ва цѣломꙋ́дрїѧ, непорабоще́ннѡ дꙋшѝ соблю́дъ стоѧ́нїе, воздержа́нїѧ щито́мъ ѡ҆бложи́всѧ. Ра́дꙋйсѧ, первопа́стырю и҆ ᲂу҆чи́телю хрⷭ҇тоимени́тыхъ люде́й свои́хъ. Ра́дꙋйсѧ, церко́вное ᲂу҆краше́нїе, а҆рхїере́євъ добро́то и҆ мона́хѡвъ похвало̀, са́вво преѡсвѧще́нне и҆ всебл҃же́нне ѻ҆́ч҃е, хрⷭ҇та̀ бг҃а молѝ непреста́ннѡ, ми́ръ посла́ти вселе́ннѣй, и҆ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бцⷣе, ты̀ є҆сѝ лоза̀ и҆́стиннаѧ:"
|
|
},
|
|
{
|
|
"type": "HEADER",
|
|
"value": "Та́же, славосло́вїе вели́кое. И҆ дае́тсѧ є҆ле́й бра́тїи ѿ канди́ла ст҃а́гѡ."
|
|
},
|
|
{
|
|
"type": "HEADER",
|
|
"value": "Пою́ще вкꙋ́пѣ стїхи̑ры, гла́съ є҃. Самогла̑сны:"
|
|
},
|
|
{
|
|
"type": "TEXT",
|
|
"value": "Прїиди́те, хрⷭ҇толюби́вїи всѝ, прїиди́те, пра́здникъ па́мѧти соверша́юще, са́ввꙋ свѧщеннопроповѣ́дника є҆ѵⷢ҇лїа пѣ́сньми восхва́лимъ, рекꙋ́ще: ра́дꙋйсѧ, пото́че слове́сный мы́сленнагѡ раѧ̀, и҆́же бразды̀ серде́цъ на́шихъ дх҃о́вными вода́ми бж҃їихъ слове́съ напои́въ, плодонѡ́сны показа̀ хрⷭ҇тꙋ̀ бг҃ꙋ, подаю́щемꙋ всѣ̑мъ проще́нїе и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, благовѣ́рїѧ наста́вниче, бжⷭ҇твенныхъ повелѣ́нїй слꙋжи́телю, бг҃освѣ́тлый же свѣти́льниче, и҆́же во мра́цѣ невѣ́дѣнїѧ срⷣца̀ вшє́дшаѧ бг҃оглаго́ливыми словесы̀ просвѣти́въ, къ свѣ́тꙋ ст҃ы́ѧ трⷪ҇цы возве́лъ є҆сѝ, са́вво ѻ҆́ч҃е бг҃оно́се, се́рбскаѧ похвало̀ и҆ ᲂу҆добре́нїе. И҆ ны́нѣ предстоѧ̀ хрⷭ҇тꙋ̀ бг҃ꙋ, моли́сѧ ѡ҆ творѧ́щихъ ст҃ꙋ́ю твою̀ па́мѧть."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Оу҆́мъ впери́въ, а҆́може дх҃о́вными возлетѣ́лъ є҆сѝ кри́лы къ высотѣ̀ бж҃їѧ ра́зꙋма: тогда́ же и҆ ѻ҆тца̀ земна́го ѡ҆ста́вивъ, нбⷭ҇наго возлюби́лъ є҆сѝ, но и҆ ро́ждшаго тѧ̀ пло́тїю дх҃о́внѣ породи́лъ є҆сѝ, и҆ нбⷭ҇номꙋ ѻ҆ц҃ꙋ̀ присво́илъ є҆сѝ, и҆ ѻ҆бою́дꙋ ᲂу҆ негѡ̀ просла́вилъ є҆сѝ, на нб҃сѣ́хъ сꙋ́щихъ бла̑гъ наслади́лъ є҆сѝ є҆го̀: на земли́ же тѣ́ло є҆гѡ̀ че́стно и҆ мѷроточи́во моли́твами твои́ми ᲂу҆стро́илъ є҆сѝ, и҆ лю́ди твоѧ̑ вѣ́рою просвѣти́лъ є҆сѝ. Тѣ́мъ и҆ а҆пⷭ҇льскихъ дарѡ́въ досто́йна ꙗ҆ви́ тѧ прославлѧ́емый тобо́ю хрⷭ҇то́съ, и҆мѣ́ѧй ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, и҆лѝ бг҃оро́диченъ:"
|
|
},
|
|
{
|
|
"type": "TEXT",
|
|
"value": "А҆́зъ, дв҃о ст҃а́ѧ бцⷣе:"
|
|
},
|
|
{
|
|
"type": "HEADER",
|
|
"value": "На лїтꙋргі́и, бл҃жє́нна, ѿ канѡ́на в҃-гѡ гла́са, пѣ́снь г҃, и҆ и҃-гѡ гла́са, пѣ́снь ѕ҃:"
|
|
},
|
|
{
|
|
"type": "HEADER",
|
|
"value": "Прокі́менъ, гла́съ з҃:"
|
|
},
|
|
{
|
|
"type": "TEXT",
|
|
"value": "Честна̀ пред̾ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ є҆вре́ємъ, зача́ло ти҃і."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ в҃: Сщ҃е́нницы твоѝ ѡ҆блекꙋ́тсѧ въ пра́вдꙋ, и҆ прпⷣбнїи твоѝ возра́дꙋютсѧ."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ і҆ѡа́нна, зача́ло л҃ѕ."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю:"
|
|
}
|
|
] |