778 lines
61 KiB
JSON
778 lines
61 KiB
JSON
[
|
|
{
|
|
"type": "HEADER",
|
|
"value": "І҆ꙋ́нїа к҃є"
|
|
},
|
|
{
|
|
"type": "HEADER",
|
|
"value": "Ст҃ы́хъ чꙋдотво́рцєвъ мꙋ́ромскихъ, кнѧ́зѧ петра̀, во и҆́ноцѣхъ дв҃да, и҆ кнѧги́ни феѵрѡ́нїи, во и҆́нокинѧхъ є҆ѵфросѵ́нїи."
|
|
},
|
|
{
|
|
"type": "HEADER",
|
|
"value": "Ве́черъ, Блаже́нъ мꙋ́жъ: На Гдⷭ҇и, воззва́хъ, стїхи̑ры, творе́нїе господи́на пахѡ́мїа мона́ха. Гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ до́блѧ:"
|
|
},
|
|
{
|
|
"type": "TEXT",
|
|
"value": "Прїиди́те дꙋхо́внѣ соше́дшесѧ дне́сь вѣ́рнїи, на́шѧ застꙋ́пники восхва́лимъ, прего́рдаго ѕмі́а попра́вшыѧ, петра̀ благочести́ваго, вкꙋ́пѣ съ феѵрѡ́нїею, чꙋдотво́рцы мꙋ́рѡмскїѧ, ꙗ҆́кѡ цѣломꙋ́дрїѧ рачи́тели, хрⷭ҇тꙋ̀ молѧ́щыѧсѧ ѡ҆ спасе́нїи дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "Наста̀ ны́нѣ всесвѣ́тлаѧ па́мѧть ва́ша, пресла́вный пе́тре, съ премꙋ́дрою феѵрѡ́нїею, ѡ҆сѣнѧ́ющи новоизбра̑нныѧ лю́ди. Тѣ́мъ хрⷭ҇та̀ моли́те ѡ҆ спасе́нїи всѣ́хъ, любо́вїю ва́съ непреста́ннѡ, блаже́ннїи, почита́ющихъ, чꙋдотво́рцєвъ мꙋ́ромскихъ."
|
|
},
|
|
{
|
|
"type": "TEXT",
|
|
"value": "Пе́рвѣе ᲂу҆́бѡ прехва́льнїи, ѿ ю҆́ности ва́шеѧ хрⷭ҇тꙋ̀ рабо́тасте, сꙋ́щыѧ въ мі́рѣ се́мъ ꙗ҆́кѡ ᲂу҆ме́ты презрѣ́вше, и҆ сегѡ̀ ра́ди ми́лостынею и҆ моли́твами до́брѣ томꙋ̀ ᲂу҆годи́вше. Тѣ́мъ и҆ по сме́рти и҆сцѣле́нїе подава́ете всѣ̑мъ, вѣ́рою ва́съ почита́ющымъ."
|
|
},
|
|
{
|
|
"type": "HEADER",
|
|
"value": "И҆́ны стїхи̑ры, творе́нїе мїхаи́ла мона́ха, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Кі́ими похва́льными:"
|
|
},
|
|
{
|
|
"type": "TEXT",
|
|
"value": "Кі́ими похва́льными вѣнцы̑ вѣнча́емъ бл҃же́ннаго петра̀, вкꙋ́пѣ съ премꙋ́дрою феѵрѡ́нїею, раздѣле́нныхъ тѣ́ломъ, и҆ совокꙋ́пленныхъ благода́тїю, ѻ҆́ваго ꙗ҆́кѡ премꙋ́дра, ѕмі́ѧ побѣди́вшаго, ѻ҆́вꙋ же ꙗ҆́кѡ цѣломꙋ́дрїѧ сохра́нницꙋ; сегѡ̀ ра́ди соше́дшесѧ воспое́мъ пѣ́сньми ра́достными, си́це глаго́люще: ра́дꙋйтесѧ, прехва́льнїи, люде́й правосла́вныхъ похвале́нїе, землѝ рѡссі́йскїѧ застꙋпле́нїе, ѻ҆те́чества своегѡ̀ храни́телїе, ва́съ бо безсме́ртныѧ сла́вы вѣнцы̑ вѣнча̀ хрⷭ҇то́съ бг҃ъ, и҆мѣ́ѧй ве́лїю ми́лость."
|
|
},
|
|
{
|
|
"type": "TEXT",
|
|
"value": "Кі́ими пѣ́сненными добро́тами восхва́лимъ петра̀ блаже́ннаго, съ прехва́льною феѵрѡ́нїею; ꙗ҆́кѡ бг҃оразꙋ́мнаѧ кри́ла, прелетѣ́вшаѧ ѿ землѝ на не́бо, и҆ прибли́жишаѧсѧ прⷭ҇то́лꙋ ст҃ы́ѧ трⷪ҇цы, и҆ со а҆́гг҃лы ве́селѡ ликовствꙋ́ющаѧ, и҆ хрⷭ҇тꙋ̀ молѧ́щаѧсѧ ѡ҆ ᲂу҆строе́нїи мі́ра, и҆ ѡ҆ сохране́нїи землѝ рѡссі́йскїѧ ѿ наше́ствїѧ сопроти́вныхъ, и҆ междоꙋсо́бныѧ бра́ни, и҆̀же любо́вїю восхвалѧ́ютъ, и҆ непреста́ннѡ почита́ютъ, мꙋ́ромскїѧ чꙋдотво́рцы."
|
|
},
|
|
{
|
|
"type": "TEXT",
|
|
"value": "Кі́ими пѣ́сньми дꙋхо́вными похва́лимъ бл҃же́нныхъ, спле́тшихсѧ любо́вїю вкꙋ́пѣ ѻ҆бою̀; пѣ́сньми ра́достными воспое́мъ си́це глаго́люще: ра́дꙋйтесѧ, бл҃же́ннїи и҆ требл҃же́ннїи, въ бг҃олю́бїи пожи́вшїи, смире́нїе и҆ поще́нїе сохра́ншїи, и҆ ми́лостыню да́рꙋющїи, ѡ҆ не́йже са́мъ хрⷭ҇то́съ та́кѡ речѐ: бл҃же́ни ми́лостивїи, ꙗ҆́кѡ ті́и поми́ловани бꙋ́дꙋтъ. И҆ сегѡ̀ ра́ди вопїе́мъ къ ни́мъ си́це: пресла́вный пе́тре, вкꙋ́пѣ съ премꙋ́дрою феѵрѡ́нїею, моли́те хрⷭ҇та̀, ѡ҆ гра́дѣ сро́дствїѧ ва́шегѡ, и҆ на́мъ низпосла́ти ми́ръ и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Кі́ими смире́нными ᲂу҆стна́ми воспое́мъ петра̀ бл҃же́ннаго съ пречестно́ю феѵрѡ́нїею, ꙗ҆ви́вшихсѧ въ рѡссі́йстѣй землѝ но́выхъ чꙋдотво́рцєвъ, и҆ свѣти̑лъ незаходи́мыхъ, со́лнца мы́сленнагѡ ѕвѣ́зды пресвѣ́тлыѧ, просвѣща́ющыѧ ве́сь мі́ръ чꙋде́съ свѣ́тлостїю, печа́льныхъ ᲂу҆тѣше́нїе, плѣне́нныхъ и҆збавле́нїе ѿ го́рькїѧ рабо́ты, крѣ́пость и҆ забра́ло гра́да на́шегѡ; тѣ́мже прїиди́те всѝ вѣ́рнїи, пра́здникъ бл҃же́нныхъ ѱало́мски торжествꙋ́емъ, да моли́твами и҆́хъ вра̑жїѧ шата̑нїѧ всѧ̑ хрⷭ҇то́съ низложи́тъ, и҆мѣ́ѧй ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃. Самогла́сенъ:"
|
|
},
|
|
{
|
|
"type": "TEXT",
|
|
"value": "Блаже́нно и҆ треблаже́нно ѻ҆те́чество ва́ше, блаже́нъ же и҆ гра́дъ, въ не́мже жили́ще и҆мѣ́сте, пречи́стенъ же и҆ свѧ́тъ хра́мъ, въ не́мже положє́на бы́ша честна̑ѧ тѣлеса̀ ва̑ша, пресла́вный пе́тре, съ премꙋ́дрою феѵрѡ́нїею: хрⷭ҇тꙋ̀ моли́тесѧ, є҆го́же ѿ ю҆́ности возлюби́сте, сохрани́ти ѻ҆те́чество ва́ше, и҆ дꙋша́мъ на́шымъ дарова́ти ми́ръ, и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "HEADER",
|
|
"value": "Вхо́дъ, прокі́менъ днѐ. Чтє́нїѧ преподо́бничєскаѧ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ є҃.)"
|
|
},
|
|
{
|
|
"type": "TEXT",
|
|
"value": "Пра́вєдницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе благолѣ́пїѧ, и҆ вѣне́цъ добро́ты ѿ рꙋкѝ гдⷭ҇ни: занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ: прїи́метъ щи́тъ непобѣди́мый, преподо́бїе: поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ: по́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ благокрꙋ́гла лꙋ́ка ѻ҆блакѡ́въ на намѣ́ренїе полетѧ́тъ. И҆ ѿ каменоме́тныѧ ꙗ҆́рости, и҆спо́лнь падꙋ́тъ гра́ды: вознегодꙋ́етъ на ни́хъ вода̀ морска́ѧ: рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дх҃ъ си́лы, и҆ ꙗ҆́кѡ ви́хоръ развѣ́етъ и҆̀хъ, и҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. Слы́шите ᲂу҆̀бо, ца́рїе, и҆ разꙋмѣ́йте: навы́кните, сꙋдїи̑ концє́въ землѝ. Внꙋши́те, держа́щїи мно́жєства и҆ гордѧ́щїисѧ ѡ҆ наро́дѣхъ ꙗ҆зы̑къ: ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ г҃.)"
|
|
},
|
|
{
|
|
"type": "TEXT",
|
|
"value": "Првⷣныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѿ на́съ ше́ствїе, сокрꙋше́нїе, ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено, и҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ: ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ благода́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. (Глава̀ д҃.)"
|
|
},
|
|
{
|
|
"type": "TEXT",
|
|
"value": "Првⷣникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости житїѐ нескве́рное. Бл҃гоꙋго́денъ бг҃ови бы́въ, возлю́бленъ бы́сть: и҆ живы́й посредѣ̀ грѣ̑шникъ, преста́вленъ бы́сть: восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇еви дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ. Лю́дїе же ви́дѣвше, и҆ не разꙋмѣ́вше, нижѐ поло́жше въ помышле́нїи таково́е: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ вели́кое со́лнце, вселе́ннѣй все́й ꙗ҆ви́стесѧ, блаже́ннїи, чꙋдесы̀ просвѣща́юще ве́сь мі́ръ: тѣ́мже соше́дшесѧ всѝ воспое́мъ ва́съ."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Свѣ́томъ сїѧ́ѧ бжⷭ҇твенныѧ бл҃года́ти, пресвѣ́тлый ва́шъ пра́здникъ ра́достенъ всѣ̑мъ, є҆го́же, ра́дꙋющесѧ, и҆́скреннѡ всѝ восхва́лимъ."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "TEXT",
|
|
"value": "Прїиди́те мꙋ́ромстїи наро́ди, вели́цыи и҆ ма́лїи, восхва́лимъ въ ва́съ пре́жде ца́рствовавшыѧ, тє́плыѧ предста́тели, нѡ́выѧ чꙋдотво́рцы петра̀ и҆ феѵрѡ́нїю."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃. Самогла́сенъ:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ и҆ весели́сѧ ѡ҆ гдⷭ҇ѣ, гра́де мꙋ́роме, и҆ свѣ́тло торжествꙋ́й, и҆ ликꙋ́й цр҃ковь бж҃їѧ, въ не́йже лежи́тъ честно́е сокро́вище, пресла́вныхъ но́выхъ чꙋдотво́рцєвъ, петра̀ благочести́вагѡ и҆ феѵрѡ́нїи премꙋ́дрыѧ, сокро́вище дра́го и҆ ковче́гъ пресла́венъ, тѣлеса̀ чꙋдеса̀ точа̑щаѧ всѣ̑мъ притека́ющымъ съ вѣ́рою. Сегѡ̀ ра́ди прїиди́те всѝ лю́дїе, соше́дшесѧ вѣ́рнїи, поклони́мсѧ ст҃ы̑мъ. Тецы́те собра́вшесѧ, и҆ ѱало́мски восплещи́те рꙋка́ми, и҆ ликꙋ́юще ра́дꙋйтесѧ, и҆ веселѧ́щесѧ си́це глаго́лите: ра́дꙋйтесѧ, пресла́внїи чꙋдотво́рцы, пе́тре бл҃же́нне и҆ феѵрѡ́нїе бг҃омꙋ́драѧ: гра́да бо на́шегѡ ᲂу҆твержде́нїе, и҆ на́съ вѣ́рныхъ спасе́нїе. И҆ ны́нѣ въ па́мѧти ва́шей и҆спроси́те ᲂу҆ хрⷭ҇та̀ дарова́ти дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ. Тропа́рь, гла́съ и҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ благочести́вагѡ ко́рене пречестна́ѧ ѻ҆́трасль бы́лъ є҆сѝ, до́брѣ во бл҃гоче́стїи пожи́въ, бл҃же́нне пе́тре: та́кѡ и҆ съ сꙋпрꙋ́жницею твое́ю, премꙋ́дрою феѵрѡ́нїею, въ мі́рѣ бг҃ꙋ ᲂу҆годи́вше, и҆ прпⷣбныхъ житїю̀ сподо́бистесѧ: съ ни́миже моли́тесѧ гдⷭ҇еви, сохрани́ти безъ вре́да ѻ҆те́чество ва́ше, да ва́съ непреста́ннѡ почита́емъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "И҆́же на́съ ра́ди рожде́йсѧ ѿ дв҃ы:"
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь, тропа́рь два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ: По а҃-й стїхоло́гїи сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Ли́къ а҆́гг҃льскїй:"
|
|
},
|
|
{
|
|
"type": "TEXT",
|
|
"value": "Всѝ пра́зднꙋемъ вкꙋ́пѣ всесвѧтꙋ́ю па́мѧть петра̀ и҆ феѵрѡ́нїи премꙋ́дрыхъ. Цр҃ковь бо сла́витъ, вопїю́щи къ ни̑мъ: моли́твами ва́шими, бл҃же́ннїи, и҆сцѣли́те недꙋ́ги и҆ болѣ̑зни на́шѧ, и҆ всѧ́кихъ и҆скꙋше́нїй и҆зба́вите, вѣ́рою па́мѧть ва́шꙋ восхвалѧ́ющихъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Чꙋ́до чꙋде́съ, бл҃года́тнаѧ, въ тебѣ̀ зрѧ́щи тва́рь ра́дꙋетсѧ: зачала́ бо є҆сѝ безсѣ́меннѡ, и҆ родила̀ є҆сѝ неизрече́ннѡ, є҆го́же чинонача̑лїѧ а҆́гг҃лѡвъ ви́дѣти не мо́гꙋтъ, того̀ молѝ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "По в҃-й стїхоло́гїи сѣда́ленъ, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Красотѣ̀ дѣ́вства:"
|
|
},
|
|
{
|
|
"type": "TEXT",
|
|
"value": "И҆мꙋ́ще дх҃ъ и҆́стинный премꙋ́дрїи, тѣ́мже мы̀ соше́дшесѧ вѣ́рнїи, па́мѧть ва́шꙋ велича́емъ, и҆ ѡ҆блобыза́емъ честнꙋ́ю ра́кꙋ, и҆сцѣле́нїе полꙋча́юще неѡскꙋ́днѡ, и҆ пою́ще рце́мъ си́це: пе́тре пресла́вне, кꙋ́пнѡ съ сꙋпрꙋ́жницею феѵрѡ́нїею, хрⷭ҇тꙋ̀ моли́тесѧ, сохрани́ти ѻ҆те́чество ва́ше, и҆ разрꙋши́ти междоꙋсо́бнꙋю страсте́й на́шихъ бра́нь, и҆ дарова́ти на́мъ ве́лїю ми́лость. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Красотѣ̀ дѣ́вства твоегѡ̀, и҆ пресвѣ́тлой чистотѣ̀ твое́й гаврїи́лъ ᲂу҆диви́всѧ, вопїѧ́ше тѝ, бцⷣе: кꙋ́ю тѝ похвалꙋ̀ принесꙋ̀ досто́йнꙋю; что́ же воз̾именꙋ́ю тѧ̀; недоꙋмѣва́ю и҆ ᲂу҆жаса́юсѧ. Тѣ́мже ꙗ҆́кѡ повелѣ́нъ бы́хъ, вопїю́ ти, ра́дꙋйсѧ, бл҃года́тнаѧ."
|
|
},
|
|
{
|
|
"type": "TEXT",
|
|
"value": "Хвали́те и҆́мѧ гдⷭ҇не:"
|
|
},
|
|
{
|
|
"type": "TEXT",
|
|
"value": "Припѣ́въ: Оу҆блажа́емъ ва́съ, ст҃і́и чꙋдотво́рцы пе́тре и҆ феѵрѡ́нїе, и҆ чте́мъ свѧтꙋ́ю па́мѧть ва́шꙋ: вы́ бо мо́лите за ны̀ хрⷭ҇та̀ бг҃а на́шего."
|
|
},
|
|
{
|
|
"type": "TEXT",
|
|
"value": "Ѱало́мъ и҆збра́нный: Блаже́нъ мꙋ́жъ боѧ́йсѧ гдⷭ҇а:"
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Прїиди́те, всѝ лю́дїе, хвалꙋ̀ принесе́мъ пресла̑внымъ и҆ бг҃омꙋ̑дрымъ чꙋдотво́рцємъ, петрꙋ̀ и҆ феѵрѡ́нїи, си́це вопїю́ще: ра́дꙋйсѧ, преблаже́нне пе́тре, и҆́же го́рдагѡ ѕмі́ѧ свирѣ́пство погꙋби́лъ є҆сѝ, та́кожде и҆ ны́нѣ съ сꙋпрꙋ́жницею твое́ю, застꙋ̑пницы и҆ хода̑таи бꙋ́дите ѻ҆те́чествꙋ ва́шемꙋ, и҆ сопроти́вныхъ го́рдость низложи́те, и҆ грѣхѡ́въ ѡ҆ставле́нїе да́рꙋйте, чтꙋ́щымъ любо́вїю свѧтꙋ́ю па́мѧть ва́шꙋ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ѡ҆ тебѣ̀ ра́дꙋетсѧ, бл҃года́тнаѧ, всѧ́каѧ тва́рь, а҆́гг҃льскїй собо́ръ, и҆ человѣ́ческїй ро́дъ. Ѡ҆свѧще́нный хра́ме, и҆ раю̀ слове́сный, дѣ́вственнаѧ похвало̀, и҆зъ неѧ́же бг҃ъ воплоти́сѧ, и҆ млⷣнецъ бы́сть, пре́жде вѣ̑къ сы́й бг҃ъ на́шъ: ложесна́ бо твоѧ̀ престо́лъ сотворѝ, и҆ чре́во твоѐ простра́ннѣе нб҃съ содѣ́ла. Ѡ҆ тебѣ̀ ра́дꙋетсѧ, бл҃года́тнаѧ, всѧ́каѧ тва́рь, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Та́же степє́нна, д҃-гѡ гла́са, а҆нтїфѡ́нъ а҃."
|
|
},
|
|
{
|
|
"type": "TEXT",
|
|
"value": "Прокі́менъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе матѳе́а, зача́ло м҃г."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Всѧ́къ гра́дъ и҆ страна̀ сла́вномꙋ гра́дꙋ на́шемꙋ сра́дꙋйтесѧ, и҆ ѱало́мски восплещи́те рꙋка́ми вкꙋ́пѣ, дꙋхо́вное дне́сь торжество̀ пра́зднꙋюще, петра̀ благочести́вагѡ, и҆ феѵрѡ́нїи сла́вныѧ, и҆ пѣ́сньми похвали́те, всечестны́й се́й де́нь соверша́юще, въ весе́лїи вопїю́ще си́це: прїими́те пѣ́нїе люде́й ва́шихъ, блаже́ннїи, и҆ молѧ́щымсѧ пода́йте неѡскꙋ́дно и҆сцѣле́нїе, и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "Канѡ́нъ бцⷣы, со і҆рмосо́мъ на ѕ҃, гла́съ в҃:"
|
|
},
|
|
{
|
|
"type": "TEXT",
|
|
"value": "Нетре́нꙋ, неѻбы́чнꙋ:"
|
|
},
|
|
{
|
|
"type": "HEADER",
|
|
"value": "Ст҃ы̑мъ же два̀ канѡ́на на и҃. Гла́съ и҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
|
},
|
|
{
|
|
"type": "TEXT",
|
|
"value": "Пѣ́снь твоемꙋ̀ ᲂу҆го́дникꙋ, на землѝ тебѐ просла́вльшемꙋ, петрꙋ̀ принестѝ, бж҃е, да́рꙋй мѝ, ꙗ҆́кѡ да смыслода́вца пѣ́сньми возвели́чꙋ тѧ̀."
|
|
},
|
|
{
|
|
"type": "TEXT",
|
|
"value": "Ва́съ, преблаже́ннїи, ѻ҆те́чествꙋ ва́шемꙋ, ꙗ҆́кѡ пресвѣ́тлое со́лнце хрⷭ҇то́съ показа̀, чꙋдесы̀ всѣ́хъ ѡ҆зарѧ́ющее, вѣ́рою къ ва́мъ приходѧ́щихъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ ѡ҆ тѣле́сныхъ небре́гше, и҆ земна̑ѧ ꙗ҆́кѡ тлѣ̑ннаѧ возненави́дѣвше, и҆ сегѡ̀ ра́ди мі́ра ѿре́кшесѧ, прпⷣбныхъ че́сти сподо́бистесѧ: съ ни́миже ѡ҆ мі́рѣ моли́тесѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пречⷭ҇таѧ бцⷣе, ро́ждшаѧ пло́тїю присносꙋ́щное сло́во безнача́льнагѡ ѻ҆ц҃а̀, приснодв҃о. Є҆мꙋ́же ны́нѣ взыва́емъ: и҆зба́вителю бг҃ꙋ на́шемꙋ пои́мъ."
|
|
},
|
|
{
|
|
"type": "HEADER",
|
|
"value": "Дрꙋгі́й канѡ́нъ чꙋдотво́рцємъ, творе́нїе господи́на мїхаи́ла мона́ха. Гла́съ а҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пѣ́снь побѣ́днꙋю пои́мъ всѝ бг҃ꙋ, сотво́ршемꙋ ди̑внаѧ чꙋдеса̀ мы́шцею высо́кою, и҆ спа́сшемꙋ і҆и҃лѧ, ꙗ҆́кѡ просла́висѧ."
|
|
},
|
|
{
|
|
"type": "TEXT",
|
|
"value": "Благочести́ваго и҆ вѣнцено́снаго петра̀, вкꙋ́пѣ съ феѵрѡ́нїею, соше́дшесѧ по достоѧ́нїю, восхва́лимъ чꙋде́съ пода́телѧ ѻ҆би́льныхъ, и҆ спаса́ющаго дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Пѣ́сньми и҆ пѣ́ньми дꙋхо́вными восхва́лимъ блаже́нныхъ вкꙋ́пѣ, си́це глаго́люще: ра́дꙋйтесѧ, прехва́льнїи, ѻ҆те́чествꙋ ва́шемꙋ пресвѣ́тлїи свѣти́льницы и҆ тве́рдїи застꙋ̑пницы."
|
|
},
|
|
{
|
|
"type": "TEXT",
|
|
"value": "А҆́ще и҆ на коне́цъ лѣ́тъ новопросвѣще́ннаѧ рѡссі́йскаѧ землѧ̀ си́хъ блаже́нныхъ и҆зрастѝ, но дре́внихъ че́сти сподо́бишасѧ: дарова̑нїѧ бо чꙋде́съ ѻ҆би́льнѡ подаю́тъ приходѧ́щымъ къ ни̑мъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆ма̀ моегѡ̀, всенепоро́чнаѧ, ѡ҆мрачє́нїѧ свѣ́томъ твои́мъ ѿженѝ, и҆ тмы̀ и҆зба́ви мѧ̀ вѣ́чнꙋющїѧ, ꙗ҆́кѡ да пою̀ вели̑чїѧ твоѧ̑."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Нбⷭ҇нагѡ крꙋ́га верхотво́рче, гдⷭ҇и, и҆ цр҃кве зижди́телю, ты̀ менѐ ᲂу҆твердѝ въ любвѝ твое́й, жела́нїй кра́ю, вѣ́рныхъ ᲂу҆твержде́нїе, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Безпомѡ́щнымъ бꙋ́ди помо́щникъ, блаже́нне пе́тре, и҆ печа̑льнымъ ми́лостивное ᲂу҆тѣше́нїе: да твои́ми моли́твами и҆збавлѧ́еми, почита́емъ тѧ̀."
|
|
},
|
|
{
|
|
"type": "TEXT",
|
|
"value": "Ꙗ҆́коже и҆ногда̀ ѕмі́ѧ ᲂу҆би́въ, коне́чномꙋ безвѣ́стїю пре́далъ є҆сѝ: та́кѡ и҆ ны́нѣ твоѐ ѻ҆те́чество борю́щихъ побѣдѝ, треблаже́ни да тѧ̀ прославлѧ́емъ."
|
|
},
|
|
{
|
|
"type": "TEXT",
|
|
"value": "Ви́ждь ᲂу҆ны́нїе, ви́ждь печа́ль, ви́ждь бѣдꙋ̀, на ны̀ напа́дающꙋю ѿ проти́вныхъ: тѣ́мже моли́твою твое́ю ко гдⷭ҇ꙋ премѣнѝ, пе́тре, да благоче́стнѡ тѧ̀ почита́емъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Тебѐ всѝ стѧжа́хомъ хрⷭ҇тїа́не, прибѣ́жище и҆ стѣ́нꙋ, и҆ тебѐ славосло́вимъ немо́лчнѡ, безневѣ́стнаѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Да ᲂу҆тверди́тсѧ се́рдце моѐ, въ во́ли твое́й, хрⷭ҇тѐ бж҃е, и҆́же надъ вода́ми нб҃о ᲂу҆твержде́й второ́е, и҆ ѡ҆снова́вый на вода́хъ зе́млю, всеси́льне."
|
|
},
|
|
{
|
|
"type": "TEXT",
|
|
"value": "Тебѐ въ чꙋдесѣ́хъ сла́вна рѡссі́йскимъ страна́мъ показа̀ бг҃ъ, пе́тре преблаже́нне, и҆ ᲂу҆краси́ тѧ нбⷭ҇ными дармѝ. Того̀ ны́нѣ молѝ, поми́ловати всѣ́хъ на́съ."
|
|
},
|
|
{
|
|
"type": "TEXT",
|
|
"value": "Свѣти́льницы пресвѣ́тлїи, ꙗ҆́коже со́лнце второ́е сїѧ́юще, на́съ ѡ҆зари́те соверша́ющихъ па́мѧть ва́шꙋ, преблаже́ннїи пе́тре и҆ феѵрѡ́нїе."
|
|
},
|
|
{
|
|
"type": "TEXT",
|
|
"value": "Весе́лїѧ хода́тай наста̀ на́мъ, свѣтоно́сный де́нь петра̀ и҆ феѵрѡ́нїи премꙋ́дрыхъ, и҆̀же вѣ́рою воспѣва́ющымъ и҆̀хъ да́рꙋютъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆зба́ви на́съ ѿ всѣ́хъ напа́стей, и҆ ѿ мно́гихъ собла̑знъ ѕмі́евыхъ и҆ тмы̀, всенепоро́чнаѧ, ꙗ҆́же свѣ́тъ поро́ждшаѧ на́мъ невече́рнїй."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ д҃:"
|
|
},
|
|
{
|
|
"type": "TEXT",
|
|
"value": "Благослове́нномꙋ и҆ свѣтоно́сномꙋ торжествꙋ̀, ꙗ҆́коже со́лнцꙋ возсїѧ́вшꙋ, петра̀ и҆ феѵрѡ́нїи во все́мъ мі́рѣ, къ ни́мже стеце́мсѧ вѣ́рнїи, и҆ непреста́ннѡ вопїе́мъ си́це: а҆́ще и҆ преидо́сте ѿ землѝ, пресла́внїи, но на́съ не ѿлꙋчи́стесѧ, и҆ та́мѡ со а҆́гг҃лы трⷪ҇цѣ предстоитѐ, ю҆́же моли́те, спастѝ дꙋ́шы на́шѧ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Сло́во ѻ҆́ч҃ее, хрⷭ҇та̀ бг҃а на́шего, ѿ тебє̀ воплоти́вшагосѧ позна́хомъ, бцⷣе дв҃о, є҆ди́на чⷭ҇таѧ, є҆ди́на бл҃гослове́ннаѧ. Тѣ́мъ непреста́ннѡ тѧ̀ воспѣва́юще велича́емъ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бжⷭ҇тво̀."
|
|
},
|
|
{
|
|
"type": "TEXT",
|
|
"value": "Ꙗ҆́кѡ хода́тай и҆ застꙋ́пникъ ѻ҆те́чествꙋ твоемꙋ̀, ꙗ҆́кѡ сопроти́вныхъ рѣши́тель, бꙋ́ди застꙋпа́ѧ лю́ди твоѧ̀, тебѐ, пе́тре, сла́вѧщыѧ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ въ нбⷭ҇ныхъ ѻ҆би́телехъ, съ прпⷣбными и҆ пра́ведными веселѧ́сѧ, преблаже́нне пе́тре, кꙋ́пнѡ съ феѵрѡ́нїею, не преста́й молѧ̀ ѡ҆ лю́дехъ твои́хъ."
|
|
},
|
|
{
|
|
"type": "TEXT",
|
|
"value": "Тебѣ̀ мо́лимсѧ, преблаже́нне, сопроти́вныхъ шата́нїе низложѝ, и҆ недꙋ́ги человѣ́кѡвъ ѡ҆блегчѝ, ꙗ҆́кѡ да во гла́сѣхъ хвале́нїѧ тебѐ велича́емъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆чище́нїе на́шымъ да́рꙋй прегрѣше́нїємъ, ꙗ҆́кѡ пребл҃гъ, и҆ ᲂу҆мирѝ мі́ръ тво́й, бж҃е, моли́твами ро́ждшїѧ тѧ̀."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Дх҃омъ прови́дѧ, проро́че а҆ввакꙋ́ме, словесѐ воплоще́нїе, проповѣ́далъ є҆сѝ, вопїѧ̀: внегда̀ прибли́житисѧ лѣ́тѡмъ, позна́ешисѧ, внегда̀ прїитѝ вре́мени, пока́жешисѧ. Сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Ѕмі́ѧ ᲂу҆́бѡ и҆ногда̀ ᲂу҆би́въ, блаже́нне, коне́чнѣй того̀ па́гꙋбѣ пре́далъ є҆сѝ: та́кѡ и҆ ны́нѣ, пе́тре, ѻ҆те́чество твоѐ сохранѧ́й ненавѣ́тнѡ, вкꙋ́пѣ съ феѵрѡ́нїею моли́твами твои́ми."
|
|
},
|
|
{
|
|
"type": "TEXT",
|
|
"value": "Заре́ю трисо́лнечныѧ благода́ти сїѧ́ѧ свѣ́тлый ва́шъ пра́здникъ, блаже́ннїи, страстна́гѡ ѡ҆мраче́нїѧ бѣсо́вскагѡ и҆збавлѧ́йте творѧ́щихъ вѣ́рою па́мѧть ва́шꙋ."
|
|
},
|
|
{
|
|
"type": "TEXT",
|
|
"value": "Дне́сь де́нь ст҃ы́й пра́здничный, мона́хѡвъ созыва́етъ стада̀ на весе́лїе и҆ трапе́зꙋ дꙋхо́внꙋю, и҆ на пи́щꙋ нетлѣ́нныѧ жи́зни, и҆ бжⷭ҇твеннагѡ наслажде́нїѧ чꙋдотво́рцєвъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Разꙋмѣ́въ прⷪ҇ро́къ дх҃омъ бж҃їимъ, го́рꙋ тѧ̀ приѡсѣне́ннꙋю преднаписа̀, чⷭ҇таѧ, и҆ста́ѧвшꙋю зно́емъ мно́гихъ прегрѣше́нїй, дꙋ́шꙋ мою̀ прохладѝ хода́тайствомъ твои́мъ, дв҃о: є҆ди́на бо ты̀ человѣ́кѡмъ и҆справле́нїе."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннагѡ, но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Землѧ̀ ѡ҆ст҃и́сѧ, прїе́мши честна̑ѧ тѣлеса̀ ва̑ша, бг҃облаже́ннїи пе́тре и҆ феѵрѡ́нїе: человѣ́цы же прїе́млюще ва́ми и҆сцѣле́нїе, хрⷭ҇та̀ сла́вѧтъ, и҆́скреннѡ ва́съ просла́вльшаго."
|
|
},
|
|
{
|
|
"type": "TEXT",
|
|
"value": "А҆́ще и҆ преидо́сте ѿ землѝ, но къ нбⷭ҇нымъ доспѣ́сте, и҆ та́мѡ со а҆́гг҃лы трⷪ҇цѣ предста́сте, ю҆́же моли́те, спастѝ любо́вїю ва́съ почита́ющихъ, бл҃же́ннїи."
|
|
},
|
|
{
|
|
"type": "TEXT",
|
|
"value": "Ꙗ҆́кѡ ѕвѣ́зды пресвѣ́тлыѧ, и҆ ꙗ҆́кѡ незаходи́мое со́лнце, стѧжа́вше ва́съ ѻ҆те́чество ва́ше хва́литсѧ, почита́юще па́мѧть ва́шꙋ пречестнꙋ́ю, пе́тре и҆ феѵрѡ́нїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Дв҃ꙋ пое́мъ тѧ̀ по ржⷭ҇твѣ̀, бцⷣе, ты́ бо пло́тїю бг҃а сло́ва на́мъ родила̀ є҆сѝ, є҆мꙋ́же всѝ си́це зове́мъ: пꙋти̑ на́шѧ напра́ви, мо́лимтисѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Свѣ́тлый на́мъ возсїѧ́й свѣ́тъ присносꙋ́щный, ᲂу҆́тренюющымъ ѡ҆ сꙋдьба́хъ за́повѣдей твои́хъ, влⷣко чл҃вѣколю́бче, хрⷭ҇тѐ бж҃е на́шъ."
|
|
},
|
|
{
|
|
"type": "TEXT",
|
|
"value": "Ѽ предо́браѧ дво́ице! Ѽ пресвѣ̑тлаѧ свѣти̑ла! Ѽ благосопрѧже́нїе, є҆ди́нъ свѣ́тъ во двою̀ тѣлесѐ сꙋ́щъ! Ѽ свѣти́льницы блазі́и своемꙋ̀ житїю̀ бы́вше. Ꙗ҆ре́мъ бо гдⷭ҇ень взе́мше, томꙋ̀ ѿ дꙋшѝ послѣ́довасте вѣ́рою."
|
|
},
|
|
{
|
|
"type": "TEXT",
|
|
"value": "Досточꙋ́днаѧ и҆ пресла́внаѧ па́мѧть ва́ша возсїѧ̀ въ рѡссі́йстѣй землѝ, бл҃же́ннїи, и҆ ра́достнѡ вѣ́рныхъ весели́тъ собо́ръ, и҆́скреннѡ ва́съ въ пѣ́снехъ, свѧті́и, сла́вѧщихъ."
|
|
},
|
|
{
|
|
"type": "TEXT",
|
|
"value": "Свѧти́тели и҆ свѧще́нницы, мона́си и҆ прості́и, и҆ ста́рцы со ю҆́нотами, и҆ всѧ́къ во́зрастъ свѣ́тлѡ пред̾игра́йте, па́мѧть пресла́вныхъ петра̀ и҆ феѵрѡ́нїи въ пѣ́снехъ велича́юще."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣтоѻбра́зный хрⷭ҇то́въ хра́мъ, ѻ҆трокови́це, моли́твами твои́ми, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, и҆ на́съ хра́мы сотворѝ, прпⷣбныѧ содѣва́ющи, пречⷭ҇таѧ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆чи́сти мѧ̀, сп҃се, мнѡ́га бо беззакѡ́нїѧ моѧ̑, и҆ и҆зъ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е спасе́нїѧ моегѡ̀."
|
|
},
|
|
{
|
|
"type": "TEXT",
|
|
"value": "Ѽ пречестна́ѧ дво́ице! Ѽ вели́цыи свѣти́льницы! Ѡ҆свѧти́те и҆ просла́вите любо́вїю ва́съ въ пѣ́снехъ сла́вѧщихъ, чꙋдотво́рцы."
|
|
},
|
|
{
|
|
"type": "TEXT",
|
|
"value": "Ꙗ҆́кѡ пресвѣ́тлаѧ дво́ице, и҆ ꙗ҆́кѡ пречⷭ҇тна́ѧ верста̀, и҆ бл҃госочета́нїе, ꙗ҆ре́мъ гдⷭ҇ень взе́мше, томꙋ̀ ѿ дꙋшѝ порабо́тасте."
|
|
},
|
|
{
|
|
"type": "TEXT",
|
|
"value": "Ꙗ҆́кѡ совѣ́тницы до́брїи своемꙋ̀ житїю̀, є҆ди́нꙋ мы́сль во двою̀ тѣ́лꙋ и҆мꙋ́ще, мі́ръ чꙋдесы̀ просвѣща́ете: тѣ́мже и҆ на́съ ѡ҆зари́те моли́твами ва́шими."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆ѧснѧ́ютъ прⷪ҇ро́честїи гла́си бж҃їю тѧ̀, дв҃о, роди́тельницꙋ: пое́мъ же тѧ̀ и҆ мы̀, ви́дѧще сбытїѐ честны́хъ прорица́нїй, дѣ́вствꙋ вои́стиннꙋ и҆ чистотѣ̀ вмѣсти́лище."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Прⷪ҇ро́ка і҆ѡ́нꙋ подража́ѧ, вопїю̀: живо́тъ мо́й, бл҃же, свободѝ и҆зъ тлѝ, и҆ спаси́ мѧ, сп҃се мі́ра, зовꙋ́ща: сла́ва тебѣ̀."
|
|
},
|
|
{
|
|
"type": "TEXT",
|
|
"value": "Ѿ прече́стна ко́рене и҆зрастѐ вѣ́твь пресла́внаѧ, и҆ благоче́стнѡ на землѝ пожи́въ, пе́тре, прїѧ́телище чи́сто дх҃а ст҃а́гѡ бы́лъ є҆сѝ, просвѣща́й пою́щихъ ны́нѣ па́мѧть твою̀."
|
|
},
|
|
{
|
|
"type": "TEXT",
|
|
"value": "Весе́лїѧ дне́сь и҆спо́лнисѧ рѡссі́йскаѧ землѧ̀, въ наро́читый де́нь пра́здника ва́шегѡ, пресла́внїи чꙋдотво́рцы, и҆ пою́щи си́це гл҃го́летъ: моли́те хрⷭ҇та̀, сохрани́ти ѻ҆те́чество ва́ше ѿ ꙗ҆зы́ка чꙋжда́гѡ."
|
|
},
|
|
{
|
|
"type": "TEXT",
|
|
"value": "Сирѡ́тъ и҆ вдови́цъ застꙋ̑пницы, и҆ въ бѣда́хъ неѡбори́мїи помѡ́щницы, и҆ всѣ́хъ притека́ющихъ къ ва́мъ приста́нище небꙋ́рное, и҆ неле́стное ᲂу҆ти́шїе сꙋ́щихъ во грѣсѣ́хъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вели̑чїѧ тебѣ̀, чⷭ҇таѧ, сотворѝ хрⷭ҇то́съ бг҃ъ на́шъ, є҆го́же молѝ при́снѡ, возвели́чити и҆ въ на́съ бога́тꙋю є҆гѡ̀ ми́лость, пренепоро́чнаѧ влⷣчце."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃:"
|
|
},
|
|
{
|
|
"type": "TEXT",
|
|
"value": "Подо́бенъ: Взбра́нной:"
|
|
},
|
|
{
|
|
"type": "TEXT",
|
|
"value": "Мі́ра сегѡ̀ кнѧже́нїе, и҆ сла́вꙋ вре́меннꙋ помышлѧ́ѧ, сегѡ̀ ра́ди благоче́стнѡ въ мі́рѣ пожи́лъ є҆сѝ, пе́тре, кꙋ́пнѡ и҆ съ сꙋпрꙋ́жницею твое́ю премꙋ́дрою феѵрѡ́нїею, ми́лостынею и҆ моли́твами бг҃ꙋ ᲂу҆годи́вше. Тѣ́мже и҆ по сме́рти неразлꙋ́чнѡ во гро́бѣ лежа́ще, и҆сцѣле́нїе неви́димѡ подава́ете: и҆ ны́нѣ хрⷭ҇тꙋ̀ моли́тесѧ, сохрани́ти гра́дъ же и҆ лю́ди, и҆́же ва́съ сла́вѧщихъ."
|
|
},
|
|
{
|
|
"type": "TEXT",
|
|
"value": "І҆́косъ: Оу҆ѧснѝ ѧ҆зы́къ мо́й, сп҃се, и҆ ᲂу҆милѝ се́рдце моѐ, разширѝ ᲂу҆ста̀ моѧ̑, и҆ напо́лни дх҃а и҆ премꙋ́дрости: да и҆́миже возглаго́лю и҆ воспою̀ си́це твоѧ̑ чꙋдотво́рцы: ра́дꙋйсѧ, пе́тре блаже́нне, съ прехва́льною феѵрѡ́нїею вкꙋ́пѣ: ра́дꙋйтесѧ, землѝ рѡссі́йстѣй застꙋ̑пницы и҆ кнѧзє́мъ правосла̑внымъ помѡ́щницы: ра́дꙋйтесѧ, ѻ҆те́чествꙋ ва́шемꙋ храни́тели и҆ гра́дꙋ на́шемꙋ ᲂу҆твержде́нїе. Ѽ пречестна́ѧ дво́ице и҆ благо́е сопрѧже́нїе, хрⷭ҇тꙋ̀ моли́тесѧ, сохрани́ти гра́дъ и҆ лю́ди, и҆̀же ва́съ сла́вѧщихъ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿ і҆ꙋде́и доше́дше, ѻ҆́троцы въ вавѷлѡ́нѣ и҆ногда̀ вѣ́рою трⷪ҇ческою пла́мень пе́щный попра́ша, пою́ще: ѻ҆тцє́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Въ болѣ́зни къ тебѣ̀ прибѣга́ющихъ и҆збавлѧ́й, преблаже́нне пе́тре, кꙋ́пнѡ съ феѵрѡ́нїею, хрⷭ҇тꙋ̀ вопїю́щихъ: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Всѣ̑мъ приста́нище бꙋ́дите, преблаже́ннїи, и҆ небꙋ́рное ѡ҆ти́шїе сꙋ́щымъ во грѣсѣ́хъ, да и҆ мы̀ съ ва́ми хрⷭ҇тꙋ̀ возопїе́мъ: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Прибѣ́жище да мѝ бꙋ́дите въ де́нь гнѣ́ва, бг҃облаже́ннїи, ꙗ҆́кѡ посредѣ̀ хождꙋ̀ сѣте́й мно́гихъ. Тѣ́мже и҆зба́вите мѧ̀ ѿ ни́хъ, да возмогꙋ̀ воспѣ́ти ва́съ."
|
|
},
|
|
{
|
|
"type": "TEXT",
|
|
"value": "Дне́сь пресла́внаѧ па́мѧть петра̀ и҆ феѵрѡ́нїи, ꙗ҆́кѡ со́лнце возсїѧ̀ въ мі́рѣ, въ ню́же соше́дшесѧ всѝ воспое́мъ си́це: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ка́плѧ бг҃ото́чнаѧ, ѿ тебє̀ ро́ждшаѧсѧ, мі́ръ ѡ҆свѧтѝ, бцⷣе дв҃о, ка̑пли мнѣ̀ ми́лости и҆сточѝ, ѡ҆свѧща́ющыѧ дꙋ́шы и҆ помышлє́нїѧ земны́хъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ѻ҆́троцы благоче́стїю совоспита́ни, ѕлочести́вагѡ велѣ́нїѧ небре́гше, ѻ҆́гненнагѡ преще́нїѧ не ᲂу҆боѧ́шасѧ: но посредѝ пла́мене стоѧ́ще поѧ́хꙋ: ѻ҆тцє́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Во всѣ́хъ страна́хъ про́йде вѣща́нїе, ꙗ҆́кѡ гра́дꙋ мꙋ́ромꙋ ꙗ҆ви́шасѧ чꙋдотво́рцы пресла́внїи, да́рꙋюще мно́жество и҆сцѣле́нїй всѣ̑мъ приходѧ́щымъ къ ни́мъ, и҆ вѣ́рою пою́щымъ и҆̀хъ."
|
|
},
|
|
{
|
|
"type": "TEXT",
|
|
"value": "Сѐ ны́нѣ стеко́шасѧ ѿ всѣ́хъ градѡ́въ и҆ стра́нъ всѝ свѧти́телїе и҆ свѧще́нницы, и҆ мона́си и҆ прості́и, бога́тїи и҆ ᲂу҆бо́зїи, всѝ ра́дꙋющесѧ вкꙋ́пѣ, хвалꙋ̀ возда́ти ва́мъ, бг҃облаже́ннїи."
|
|
},
|
|
{
|
|
"type": "TEXT",
|
|
"value": "Чꙋдесы̀ ᲂу҆́бѡ твои́ми ꙗ҆́кѡ цвѣ́тъ процвѣ́лъ є҆сѝ, пресла́вне пе́тре, ꙗ҆́коже речѐ прⷪ҇ро́къ: пра́ведникъ ꙗ҆́кѡ фі́нїѯъ процвѣте́тъ. Сегѡ̀ ра́ди вси́ тѧ ны́нѣ сла́вимъ, блаже́нне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Тебѐ, всест҃а́ѧ чⷭ҇таѧ, рабѝ твоѝ всегда̀ во днѝ и҆ въ нощѝ мо́лимъ сокрꙋше́нною мы́слїю, просѧ́ще и҆збавле́нїе пода́ти грѣхѡ́въ на́шихъ, твои́ми моли́твами."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Цр҃ѧ̀ нбⷭ҇наго, є҆го́же пою́тъ вѡ́и а҆́гг҃льстїи, хвали́те и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ѡ҆чи́сти и҆ простѝ согрѣшє́нїѧ на̑ша, безгрѣ́шне, моли́твами твои́хъ ᲂу҆гѡ́дникъ, петра̀ и҆ феѵрѡ́нїи, да пое́мъ тѧ̀, хрⷭ҇тѐ, во вѣ́ки."
|
|
},
|
|
{
|
|
"type": "TEXT",
|
|
"value": "И҆́же ѿ се́рдца рꙋко́ю недосто́йною приноси́мое ва́мъ хвале́нїе, блаже́ннїи, прїими́те, и҆ мольбꙋ̀ сотвори́те ѡ҆ на́съ ко хрⷭ҇тꙋ̀ бг҃ꙋ."
|
|
},
|
|
{
|
|
"type": "TEXT",
|
|
"value": "Трⷪ҇ченъ: Пѣвцє́мъ тебѐ пою́щымъ, трⷪ҇це прест҃а́ѧ, согрѣшє́нїѧ ѡ҆ста́ви ꙗ҆́кѡ пребл҃га, моли́твъ ра́ди петра̀ и҆ феѵрѡ́нїи, да тѧ̀ пое́мъ во вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Бжⷭ҇тва̀ сосꙋ́дъ бы́вши, чⷭ҇таѧ, просвѣти́ мѧ въ повелѣ́нїи свѣ́та ходи́ти, пречⷭ҇таѧ, ѿ чре́ва твоегѡ̀ возсїѧ́вшагѡ, и҆ просвѣти́вшагѡ вѣ́рныхъ сердца̀."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Є҆гѡ́же ᲂу҆жаса́ютсѧ а҆́гг҃ли и҆ всѧ̑ вѡ́инства, ꙗ҆́кѡ творца̀ и҆ гдⷭ҇а, по́йте, сщ҃е́нницы, просла́вите, ѻ҆́троцы, благослови́те, лю́дїе и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "А҆́гг҃льстїи чи́нове хва́лѧтъ ва́съ, пресла́внїи, и҆ человѣ́честїи ро́ди пою́тъ непреста́ннѡ, творѧ́ще вѣ́рнѡ па́мѧть ва́шꙋ."
|
|
},
|
|
{
|
|
"type": "TEXT",
|
|
"value": "Досто́йными похвала́ми воспѣ́ти пресла́вныѧ чꙋдотво́рцы, ᲂу҆́мъ и҆ смы́слъ да́рꙋй мѝ, хрⷭ҇тѐ бж҃е: ꙗ҆́кѡ да пою̀ ра́дꙋѧсѧ па́мѧть и҆́хъ."
|
|
},
|
|
{
|
|
"type": "TEXT",
|
|
"value": "Побѣ́да и҆мени́та вои́стиннꙋ вѣ̑рнымъ лю́демъ, въ бѣда́хъ крѣ́пцыи помѡ́щницы ꙗ҆ви́шасѧ, пе́тръ кꙋ́пнѡ съ феѵрѡ́нїею."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆врачꙋ́й, пречⷭ҇таѧ, стра̑сти се́рдца моегѡ̀, ро́ждшаѧ всѣ́хъ цр҃ѧ̀ бг҃а, и҆ пра́ведныхъ ча́сти ꙗ҆ви́ мѧ прича́стника, бцⷣе дв҃о, хрⷭ҇та̀ сн҃а твоего̀ ᲂу҆моли́вши."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вои́стиннꙋ бцⷣꙋ тѧ̀ и҆сповѣ́дꙋемъ, спасе́ннїи тобо́ю, дв҃о чⷭ҇таѧ, съ безпло́тными ли̑ки тѧ̀ велича́юще."
|
|
},
|
|
{
|
|
"type": "TEXT",
|
|
"value": "Ѿ ю҆́ности ва́шеѧ чи́стꙋю со́вѣсть и҆мꙋ́ще къ бг҃ꙋ, сегѡ̀ ра́ди благоче́стнѡ пожи́вше, къ вы̑шнимъ преидо́сте: моли́те хрⷭ҇та̀ ѡ҆ на́съ, да ва́съ любо́вїю почита́емъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ предстоѧ́ще ст҃ѣ́й трⷪ҇цѣ, съ прпⷣбными и҆ пра́ведными, моли́тесѧ, бл҃же́ннїи, и҆зба́вити на́съ всѧ́кагѡ преще́нїѧ и҆ гнѣ́ва, да ва́съ непреста́ннѡ велича́емъ."
|
|
},
|
|
{
|
|
"type": "TEXT",
|
|
"value": "Лю́дїе твоѝ мо́лѧтъ тѧ̀, бг҃облаже́нне пе́тре, кꙋ́пнѡ молѝ хрⷭ҇та̀ съ премꙋ́дрою феѵрѡ́нїю, съ не́юже въ мі́рѣ бг҃оꙋго́днѡ пожи́лъ є҆сѝ, и҆зба́вити на́съ ѿ всѧ́кихъ ѕѡ́лъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѽ чꙋдесѐ вели́кагѡ! Ка́кѡ вмѣсти́сѧ во ᲂу҆тро́бꙋ твою̀ хрⷭ҇то́съ бг҃ъ, ника́коже вмѣсти́мый; є҆го́же за хва́лѧщыѧ тѧ̀ ᲂу҆молѝ, дв҃о, ѿ бѣ́дъ и҆зба́вити на́съ, и҆ ѿ беззако́нныхъ человѣ̑къ всегда̀."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Свѣтоно́сный ѻ҆́блакъ, въ ѻ҆́ньже всѣ́хъ влⷣка, ꙗ҆́кѡ до́ждь съ нб҃сѐ на рꙋно̀ сни́де, и҆ воплоти́сѧ на́съ ра́ди, бы́въ чл҃вѣ́къ, безнача́льный: велича́емъ всѝ ꙗ҆́кѡ мт҃рь бг҃а на́шегѡ чⷭ҇тꙋю."
|
|
},
|
|
{
|
|
"type": "TEXT",
|
|
"value": "Красе́нъ дꙋше́ю и҆ тѣ́ломъ, и҆ бл҃гоче́стїемъ сїѧ́ѧ, сла́вне пе́тре, бж҃е́ственнагѡ и҆спо́лненъ ра́зꙋма и҆ премꙋ́дрости, ѻ҆рга́нъ ст҃а́гѡ дх҃а бы́лъ є҆сѝ, по сме́рти ᲂу҆́бѡ къ безсме́ртнѣй жи́зни и҆ неконча́емомꙋ бл҃же́нствꙋ преше́лъ є҆сѝ ра́дꙋѧсѧ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ ᲂу҆́тро, ꙗ҆́кѡ де́нь свѣ́тлый, ва́шъ пра́здникъ ꙗ҆ви́сѧ, сла́внїи: а҆́ки стрꙋѧ̀ происхо́дитъ ѿ ра́ки ва́шеѧ и҆сцѣле́нїй всѧ́кихъ, и҆ вѣ́рныхъ сердца̀ напоѧ́етъ, любо́вїю ва́съ почита́ющихъ."
|
|
},
|
|
{
|
|
"type": "TEXT",
|
|
"value": "Вели́къ щи́тъ и҆ вели́ка крѣ́пость землѝ рѡссі́йстѣй ѡ҆брѣ́лсѧ є҆сѝ, блаже́нне пе́тре вкꙋ́пѣ съ феѵрѡ́нїею наро́дꙋ правосла́вномꙋ похвале́нїе, и҆ сла́ва во всѣ́хъ ꙗ҆зы́цѣхъ. И҆ ны́нѣ мо́лимъ вы̀ сохрани́ти ѻ҆те́чество ва́ше ѿ ва́рварскагѡ нахожде́нїѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́же свѣ́тъ ро́ждшаѧ бжⷭ҇твенный, ѡ҆мраче́ннаго мѧ̀ всѣ́ми прилѡ́ги лꙋка́вагѡ, и҆ во ᲂу҆ны́нїи живꙋ́щаго, и҆ прогнѣвлѧ́ющаго бг҃а, всенепоро́чнаѧ, просвѣтѝ, и҆ наста́ви къ дѡ́брымъ дѣлѡ́мъ, ꙗ҆́кѡ вина̀ всѣ́хъ благи́хъ."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Посѣти́лъ ны̀:"
|
|
},
|
|
{
|
|
"type": "TEXT",
|
|
"value": "И҆̀же благоче́стнѡ пра́зднꙋющымъ па́мѧть ва́шꙋ, бг҃облаже́ннїи пе́тре и҆ феѵрѡ́нїе, вкꙋ́пѣ ми́рнѡ пожи́вше и҆ благоче́стнѡ, моли́те хрⷭ҇та̀, грѣхѡ́въ ѡ҆ставле́нїе дарова́ти рабѡ́мъ ва́шымъ. Два́жды."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Прест҃а́ѧ бцⷣе, ᲂу҆пова́нїе на́ше и҆ похвало̀, тѧ̀ є҆ди́нꙋ вѣ́дꙋще, вѣ́рою покланѧ́ющесѧ, мо́лимъ: ра́дꙋйсѧ, неискꙋсобра́чнаѧ ст҃а́ѧ марі́е, покро́ве и҆ ѡ҆гражде́нїе на́ше, и҆ помо́щница сꙋ́щымъ въ бѣда́хъ. Молѝ хрⷭ҇та̀ сн҃а твоего̀ за рабы̑ твоѧ̑, на тѧ́ бо надѣ́емсѧ."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, на д҃, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Зва́нный свы́ше:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ свѣтоза́рное со́лнце, блаже́ннїи ѿ за́пада возсїѧ́вше, всю̀ рѡссі́йскꙋю зе́млю просвѣти́сте, и҆ къ свѣ́тꙋ весе́лїѧ наста́висте: и҆ ны́нѣ ѡ҆ пою́щихъ ва́съ, пе́тре блаже́нне, съ премꙋ́дрою феѵрѡ́нїею, и҆ сла́вѧщихъ лю́дехъ, и҆ просѧ́щихъ и҆сцѣле́нїѧ, и҆ ко хрⷭ҇тꙋ̀ и҆́скреннѡ притека́ющихъ, моли́те спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Ѽ вели́кое и҆ несказа́нное чꙋ́до, бжⷭ҇твенныѧ бл҃года́ти, петра̀ блаже́ннаго съ премꙋ́дрою феѵрѡ́нїею, ка́кѡ возмо́жемъ воспѣ́ти, и҆лѝ и҆зглаго́лати; ѻ҆́ваго ꙗ҆́кѡ хра́бра и҆ бг҃очести́ва, ѻ҆́вꙋ же ꙗ҆́кѡ мꙋ́дрꙋ, и҆ благовѣ́рїе хранѧ́щꙋ: ѻ҆́въ ᲂу҆́бѡ го́рдаго ѕмі́ѧ побѣдѝ, ѻ҆́ва же смире́нїе люблѧ́ше: и҆ ны́нѣ хрⷭ҇тꙋ̀ бг҃ꙋ мо́лѧтсѧ, спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Всечестны́й приспѣ̀ пра́здникъ ст҃ы́хъ чꙋдотво́рцєвъ, хода́тайствꙋѧ всѣ̑мъ спасе́нїе, въ не́мже та́йнѡ восплеска́вше къ ни́мъ си́це рце́мъ: ра́дꙋйтесѧ, свѣти̑ла тє́мнымъ, мы́сленнагѡ со́лнца: ра́дꙋйсѧ, пе́тре, кꙋ́пнѡ съ сꙋпрꙋ́жницею твое́ю, благовѣ́рїе хранѧ́ще, во є҆ди́нствѣ ст҃ы́ѧ трⷪ҇цы. ю҆́же моли́те, спастѝ и҆ просвѣти́ти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Пе́рвѣе ᲂу҆́бѡ прехва́льнїи, ѿ ю҆́ности своеѧ̀ хрⷭ҇тꙋ̀ порабо́тавше, сꙋ́щаго въ мі́рѣ се́мъ, ꙗ҆́кѡ прехва́льна позна́вше, и҆ сегѡ̀ ра́ди ми́лостынею и҆ моли́твами, до́брѣ томꙋ̀ ᲂу҆годи́вше. Тѣ́мже и҆ по сме́рти и҆сцѣле́нїе подава́ете всѣ̑мъ, вѣ́рою ва́съ почита́ющымъ, пе́тре и҆ феѵрѡ́нїе, и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃: Самогла́сенъ:"
|
|
},
|
|
{
|
|
"type": "TEXT",
|
|
"value": "Прїиди́те, всѝ ꙗ҆зы́цы, восплещи́те рꙋка́ми и҆ ликовствꙋ́йте, прїиди́те всѝ рѡссі́йстїи свѧти́телїе и҆ свѧще́нницы, мона́си же и҆ прості́и, дꙋхо́внѣ возвесели́мсѧ, въ наро́читый де́нь пра́здника но́выхъ чꙋдотво́рцєвъ мꙋ́ромскихъ, петра̀ блаже́ннагѡ и҆ феѵрѡ́нїи премꙋ́дрыѧ. И҆ си́хъ ꙗ҆́кѡ цвѣ̑ты хвала́ми и҆ пѣ́сньми почти́мъ, си́це глаго́люще: ра́дꙋйтесѧ, пресла́внїи, нбⷭ҇нїи человѣ́цы, земні́и а҆́гг҃ли, дх҃а ст҃а́гѡ ѻ҆би́телище, и҆ є҆ѵⷢ҇льскомꙋ гла́сꙋ ᲂу҆́бѡ возслѣ̑дницы: тѣ́мъ и҆ прїѧ́сте вмѣ́стѡ тлѣ́нныхъ нетлѣ̑ннаѧ. И҆ ны́нѣ въ па́мѧти ва́шей моли́те хрⷭ҇та̀ бг҃а сохрани́ти ѻ҆те́чество ва́ше, и҆ поми́ловати гра́дъ и҆ лю́ди, почита́ющыѧ ва́съ, и҆ спастѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "На тѧ̀ ᲂу҆пова́нїе:"
|
|
},
|
|
{
|
|
"type": "HEADER",
|
|
"value": "Та́же, Славосло́вїе вели́кое. Тропа́рь. И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и, бл҃жє́нна, ѿ канѡ́на а҃-гѡ пѣ́снь г҃, на д҃: и҆ дрꙋга́гѡ пѣ́снь ѕ҃."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ з҃:"
|
|
},
|
|
{
|
|
"type": "TEXT",
|
|
"value": "Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ гала́тѡмъ, зача́ло сг҃і."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ ѕ҃: Блаже́нъ мꙋ́жъ боѧ́йсѧ гдⷭ҇а:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе матѳе́а, зача́ло і҃."
|
|
},
|
|
{
|
|
"type": "TEXT",
|
|
"value": "Прича́стенъ: Ра́дꙋйтесѧ, првⷣнїи ѡ҆ гдⷭ҇ѣ."
|
|
}
|
|
] |