742 lines
55 KiB
JSON
742 lines
55 KiB
JSON
[
|
|
{
|
|
"type": "HEADER",
|
|
"value": "Ное́мврїа а҃і"
|
|
},
|
|
{
|
|
"type": "HEADER",
|
|
"value": "Ст҃а́гѡ и҆ бл҃же́ннагѡ маѯі́ма ю҆ро́дивагѡ, моско́вскагѡ чꙋдотво́рца."
|
|
},
|
|
{
|
|
"type": "HEADER",
|
|
"value": "На вели́цѣй вече́рни, Бл҃же́нъ мꙋ́жъ: Стїхи̑ры ст҃а́гѡ, на ѕ҃, гла́съ д҃:"
|
|
},
|
|
{
|
|
"type": "TEXT",
|
|
"value": "Ю҆ро́дивыми притворє́нїи мꙋдреца̀ ѕло́бы ѡ҆безꙋ́милъ є҆сѝ, бл҃же́нне, соверша́ѧ сла̑внаѧ, дѣ́йствꙋѧ зна́мєнїѧ, де́мѡны ѿгонѧ́ѧ, просвѣща́ѧ сꙋ́щыѧ въ нощѝ грѣхо́внѣй, ѻ҆́ч҃е, и҆ ᲂу҆́мъ несмꙋще́нъ, посредѣ̀ мо́лвъ соблю́лъ є҆сѝ, маѯі́ме, безстра́стїе ѿ бг҃а прїи́мъ."
|
|
},
|
|
{
|
|
"type": "TEXT",
|
|
"value": "Свѣ́та незаходи́магѡ зри́тель бы́въ, ѻ҆́ч҃е, мїрски́ми красота́ми не восхотѣ́лъ є҆сѝ наслажда́тисѧ, и҆ пло́ть презрѣ́въ, прирадѣ́лъ є҆сѝ ѡ҆ дꙋшѝ, и҆ тоѧ̀ добродѣ́телей свѣ́тлостїю свѣщꙋ̀ ᲂу҆краси́въ, незаходи́мымъ сїѧ́нїемъ ѡ҆блиста́емь, гдⷭ҇еви предстоѧ̀, ѡ҆ на́съ моли́сѧ, свѧще́нное твоѐ преставле́нїе пра́зднꙋющихъ."
|
|
},
|
|
{
|
|
"type": "TEXT",
|
|
"value": "Сосꙋ́дъ ст҃а́гѡ дх҃а ѡ҆свѧще́нъ сотвори́лъ є҆сѝ себѐ, ѻ҆́ч҃е. Сегѡ̀ ра́ди и҆ къ подвигѡ́мъ прилѣ́жнѡ впери́въ ᲂу҆́мъ, маѯі́ме, и҆ на дꙋ́сѣхъ нечи́стыхъ вла́сть прїи́мъ, бг҃оно́се, си́хъ моли́твою ᲂу҆ѧзвлѧ́еши, и҆ ѿ человѣ̑къ ѿго́ниши: и҆ ны́нѣ прⷭ҇то́лꙋ всѣ́хъ цр҃ѧ̀ предстои́ши, ѡ҆ на́съ молѧ́сѧ, вѣ́рнѡ тѧ̀ сла́вѧщихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Человѣ́че бж҃їй маѯі́ме чꙋ́дный, ты̀ ᲂу҆́бѡ возше́дъ на лѣ́ствицꙋ добродѣ́телей, по не́йже вше́лъ є҆сѝ къ го́рнемꙋ і҆ерⷭ҇ли́мꙋ, и҆ та́мѡ ᲂу҆зрѣ́лъ є҆сѝ жела́емаго хрⷭ҇та̀: є҆гѡ́же ра́ди пло́ть твою̀ и҆знꙋри́лъ є҆сѝ, и҆ тѣ́ло ме́ртвенное на безсме́ртнꙋю жи́знь и҆змѣни́лъ є҆сѝ. И҆ ѡ҆ на́съ непреста́ннѡ моли́сѧ, дарова́ти дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Цр҃ь нбⷭ҇ный:"
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. Чтє́нїѧ трѝ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе. (Глава̀ г҃.)"
|
|
},
|
|
{
|
|
"type": "TEXT",
|
|
"value": "Пра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѿ на́съ ше́ствїе, сокрꙋше́нїе, ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено, и҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ, ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе. (Глава̀ є҃.)"
|
|
},
|
|
{
|
|
"type": "TEXT",
|
|
"value": "Пра́вєдницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе благолѣ́пїѧ, и҆ вѣне́цъ добро́ты ѿ рꙋкѝ гдⷭ҇ни: занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ: прїи́метъ щи́тъ непобѣди́мый преподо́бїе: поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ: по́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ благокрꙋ́гла лꙋ́ка ѻ҆блакѡ́въ на намѣ́ренїе полетѧ́тъ: и҆ ѿ каменоме́тныѧ ꙗ҆́рости, и҆спо́лнь падꙋ́тъ гра́ды: вознегодꙋ́етъ на ни́хъ вода̀ морска́ѧ, рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дꙋ́хъ си́лы, и҆ ꙗ҆́кѡ ви́хоръ развѣ́етъ и҆̀хъ: и҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. Слы́шите ᲂу҆̀бо, ца́рїе, и҆ разꙋмѣ́йте: навы́кните, сꙋдїи̑ концє́въ землѝ. Внꙋши́те держа́щїи мно́жєства и҆ гордѧ́щїисѧ ѡ҆ наро́дѣхъ ꙗ҆зы̑къ: ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе. (Глава̀ д҃.)"
|
|
},
|
|
{
|
|
"type": "TEXT",
|
|
"value": "Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости, житїѐ нескве́рное. Благоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇ꙋ дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ: лю́дїе же ви́дѣвше, и҆ не разꙋмѣ́вше, нижѐ положи́вше въ помышле́нїи таково́е: ꙗ҆́кѡ благода́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "До́мъ и҆ жили́ще дх҃а прест҃а́гѡ, премꙋ́дре маѯі́ме, бы́лъ є҆сѝ. Тѣ́мже и҆ на́съ до́мы тогѡ̀ содѣ́лай, ст҃ꙋ́ю твою̀ па́мѧть почита́ющихъ."
|
|
},
|
|
{
|
|
"type": "TEXT",
|
|
"value": "Сті́хъ: Возвесели́тсѧ првⷣникъ ѡ҆ гдⷭ҇ѣ, и҆ ᲂу҆пова́етъ на негѡ̀."
|
|
},
|
|
{
|
|
"type": "TEXT",
|
|
"value": "Житїѐ твоѐ, ꙗ҆́кѡ со́лнце, въ сердца̀ вѣ́рныхъ возсїѧ̀, чꙋдеса̀ и҆спꙋща́ѧ. Тѣ́мже и҆ на́съ свѣ́томъ невече́рнимъ ѡ҆зарѝ, всечестнꙋ́ю твою̀ па́мѧть почита́ющихъ."
|
|
},
|
|
{
|
|
"type": "TEXT",
|
|
"value": "Сті́хъ: Првⷣникъ, ꙗ҆́кѡ фі́нїѯъ, процвѣте́тъ, ꙗ҆́кѡ ке́дръ, въ лїва́нѣ, ᲂу҆мно́житсѧ."
|
|
},
|
|
{
|
|
"type": "TEXT",
|
|
"value": "Не преста́й молѧ́сѧ, маѯі́ме, ѡ҆ при́сныхъ твои́хъ рабѣ́хъ, ꙗ҆̀же дꙋхо́внымъ твои́мъ житїе́мъ просвѣти́лъ є҆сѝ: да всѝ честно́е твоѐ пра́зднество веселѧ́щесѧ почита́емъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Рачи́тель бы́въ, ѻ҆́ч҃е, нбⷭ҇нагѡ житїѧ̀, и҆ равностоѧ́тель безпло́тныхъ си́лъ, маѯі́ме пребл҃же́нне, рѡссі́йское ᲂу҆твержде́нїе, моско́вскїй свѣти́льниче, и҆ вселе́нныѧ ᲂу҆добре́нїе прїидѝ ны́нѣ къ на́мъ, пра́зднꙋющымъ пресвѣ́тлꙋю па́мѧть твою̀ прїимѝ ма́лое на́ше моле́нїе, и҆спросѝ на́мъ ᲂу҆ хрⷭ҇та̀ ми́ръ и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ:"
|
|
},
|
|
{
|
|
"type": "TEXT",
|
|
"value": "Бцⷣе, ты̀ є҆сѝ лоза̀ и҆́стиннаѧ:"
|
|
},
|
|
{
|
|
"type": "HEADER",
|
|
"value": "Тропа́рь, гла́съ є҃:"
|
|
},
|
|
{
|
|
"type": "TEXT",
|
|
"value": "Нагото́ю тѣле́сною и҆ терпѣ́нїемъ ѡ҆бнажи́лъ є҆сѝ вра̑жїѧ кова̑рствїѧ, ѡ҆блича́ѧ неподо́бное є҆гѡ̀ дѣѧ́нїе: ѕѣ́льнѣ стражда̀ со́лнечный ва́ръ, и҆ нꙋ̑ждныѧ вели̑кїѧ стꙋ́дєни, мра́за и҆ ѻ҆гнѧ̀ не чꙋ́лъ є҆сѝ, бж҃їею по́мощїю покрыва́емь, маѯі́ме премꙋ́дре: ѡ҆ вѣ́рою творѧ́щихъ па́мѧть твою̀ че́стнѡ, и҆ ᲂу҆се́рднѡ притека́ющихъ къ ра́цѣ моще́й твои́хъ, молѝ, и҆зба́витисѧ ѿ бѣ́дъ, и҆ паде́нїѧ и҆збѣжа́ти."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ воскрⷭ҇нъ, по гла́сꙋ."
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь, тропа́рь то́йже."
|
|
},
|
|
{
|
|
"type": "HEADER",
|
|
"value": "По а҃-й каѳі́смѣ, сѣда́ленъ, гла́съ, є҃."
|
|
},
|
|
{
|
|
"type": "TEXT",
|
|
"value": "Подо́бенъ: Собезнача́льное:"
|
|
},
|
|
{
|
|
"type": "TEXT",
|
|
"value": "Тве́рдаго а҆дама́нта, и҆ столпа̀ непоколеби́ма вра́жїими прилѡ́ги, бг҃оно́снаго маѯі́ма пѣ́сньми почти́мъ: терпѣ́нїемъ бо вои́стиннꙋ посрами́вша сопроти́внаго врага̀, и҆ безъ вѣ́сти є҆го̀ сотвори́вша, и҆ ны́нѣ молѧ́щасѧ ѡ҆ спасе́нїи дꙋ́шъ на́шихъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Оу҆жа́сно чꙋ́до зача́тїѧ, и҆ несказа́ненъ ѻ҆́бразъ ржⷭ҇тва̀, въ тебѣ̀ позна́сѧ, приснодв҃о чⷭ҇таѧ, ᲂу҆жаса́етъ мо́й ᲂу҆́мъ, и҆ ᲂу҆дивлѧ́етъ по́мыслъ: сла́ва твоѧ̀, бцⷣе, во всѣ́хъ простре́сѧ, ко спасе́нїю дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "По в҃-й каѳі́смѣ, сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ско́рѡ предварѝ:"
|
|
},
|
|
{
|
|
"type": "TEXT",
|
|
"value": "Посто́мъ и҆ воздержа́нїемъ, и҆ на землѝ лега́нїемъ, ᲂу҆вѧди́лъ є҆сѝ плотскі̑ѧ стра̑сти, дꙋ́шꙋ же просвѣти́лъ є҆сѝ, и҆ на нб҃сѣ́хъ ѿ хрⷭ҇та̀ вели́ко возме́здїе воспрїѧ́лъ є҆сѝ. Тѣ́мъ благоꙋгоди́лъ є҆сѝ бг҃ꙋ, досто́инъ сосꙋ́дъ чꙋде́съ и҆ по кончи́нѣ ꙗ҆ви́лсѧ є҆сѝ притека́ющымъ къ ра́цѣ моще́й твои́хъ, маѯі́ме пребл҃же́нне, молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти чтꙋ́щымъ любо́вїю свѧтꙋ́ю па́мѧть твою̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ѡ҆бнови́ла є҆сѝ, чⷭ҇таѧ, бжⷭ҇твеннымъ ржⷭ҇тво́мъ твои́мъ, и҆стлѣ́вшее во страсте́хъ земноро́дныхъ ме́ртвенное сꙋщество̀: и҆ воздви́гла є҆сѝ всѧ̑ ѿ сме́рти къ жи́зни нетлѣ́нїѧ. Тѣ́мже тѧ̀ по до́лгꙋ блажи́мъ всѝ, дв҃о препросла́вленнаѧ, ꙗ҆́коже прорекла̀ є҆сѝ."
|
|
},
|
|
{
|
|
"type": "HEADER",
|
|
"value": "По Хвали́те и҆́мѧ гдⷭ҇не, припѣ́въ:"
|
|
},
|
|
{
|
|
"type": "TEXT",
|
|
"value": "Оу҆бл҃жа́емъ тѧ̀, ст҃ы́й пра́ведный маѯі́ме, и҆ чте́мъ свѧтꙋ́ю па́мѧть твою̀: ты́ бо мо́лиши за на́съ хрⷭ҇та̀ бг҃а на́шего."
|
|
},
|
|
{
|
|
"type": "TEXT",
|
|
"value": "Ѱало́мъ и҆збра́нный: Бл҃же́нъ мꙋ́жъ, боѧ́йсѧ гдⷭ҇а:"
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ско́рѡ предварѝ:"
|
|
},
|
|
{
|
|
"type": "TEXT",
|
|
"value": "Ꙗ҆ви́лсѧ є҆сѝ чꙋ́денъ въ терпѣ́нїи твое́мъ, всѧ́чески хрⷭ҇то́ви ᲂу҆годи́лъ є҆сѝ, пребл҃же́нне маѯі́ме, мꙋ́дрою мы́слїю ᲂу҆тверди́лъ є҆сѝ дꙋ́шꙋ твою̀, порабо́тивъ плотска̑ѧ мꙋдрова̑нїѧ дꙋ́хꙋ, и҆ и҆збра́въ дѡ́браѧ, є҆́же бг҃а ра́ди трꙋжда́тисѧ, мꙋ́жески глаго́лалъ є҆сѝ: а҆́ще и҆ ꙗ҆́ра зима̀, но сла́докъ ра́й: болѣ́знено є҆́же трꙋжда́тисѧ, но бл҃же́нно воспрїѧ́тїе. Тѣ́мже, пребл҃же́нне, молѝ хрⷭ҇та̀ бг҃а, спастѝ дꙋ́шы на́шѧ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Тебѐ велича́емъ, бцⷣе, вопїю́ще: ты̀ є҆ди́на бл҃гослове́ннаѧ: и҆зъ тебє́ бо неизрече́ннѡ роди́сѧ хрⷭ҇то́съ бг҃ъ на́шъ."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "TEXT",
|
|
"value": "Прокі́менъ: Возвесели́тсѧ првⷣникъ ѡ҆ гдⷭ҇ѣ и҆ ᲂу҆пова́етъ на него̀."
|
|
},
|
|
{
|
|
"type": "TEXT",
|
|
"value": "Сті́хъ: Оу҆слы́ши, бж҃е, гла́съ мо́й, внегда̀ моли́тимисѧ къ тебѣ̀."
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе матѳе́а, зача́ло м҃г."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ и҃:"
|
|
},
|
|
{
|
|
"type": "TEXT",
|
|
"value": "Человѣ́че бж҃їй маѯі́ме чꙋ́дный, ты̀ ᲂу҆́бѡ возше́дъ на лѣ́ствицꙋ добродѣ́телей, по не́йже возше́лъ є҆сѝ къ го́рнемꙋ і҆ерⷭ҇ли́мꙋ, и҆ та́мѡ ᲂу҆зрѣ́лъ є҆сѝ жела́емаго хрⷭ҇та̀: є҆го́же ра́ди пло́ть твою̀ и҆знꙋри́лъ є҆сѝ, и҆ тѣ́ло ме́ртвенное на безсме́ртнꙋю жи́знь и҆змѣни́лъ є҆сѝ. И҆ ѡ҆ на́съ непреста́ннѡ моли́сѧ, дарова́ти дꙋша́мъ на́шымъ ми́ръ и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "Канѡ́нъ, Гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Мо́рѧ чермнꙋ́ю пꙋчи́нꙋ, невла́жными стопа́ми, дре́внїй пѣшеше́ствовавъ і҆и҃ль, крестоѻбра́зными мѡѷсе́овыма рꙋка́ма, а҆мали́ковꙋ си́лꙋ въ пꙋсты́ни побѣди́лъ є҆́сть."
|
|
},
|
|
{
|
|
"type": "TEXT",
|
|
"value": "Прича́стїемъ є҆́же къ бг҃ꙋ, прпⷣбне, свѣ́тъ бы́лъ є҆сѝ, и҆ къ немꙋ̀ ѿлꙋчи́всѧ, маѯі́ме блаже́нне, жела́нїемъ кра́йнимъ, благи̑мъ наде́ждамъ свои̑мъ, ѻ҆́ч҃е, и҆сполне́нїе прїѧ́лъ є҆сѝ."
|
|
},
|
|
{
|
|
"type": "TEXT",
|
|
"value": "Жела́нїемъ, є҆́же къ бг҃ꙋ, распала́емь, мі́ръ ѡ҆ста́вилъ є҆сѝ, спꙋ́тника, ѻ҆́ч҃е, ѡ҆брѣ́тъ хрⷭ҇та̀, маѯі́ме сла́вне, съ ни́мже стезю̀ проше́лъ є҆сѝ спаси́тельнꙋю, ра́дꙋѧсѧ."
|
|
},
|
|
{
|
|
"type": "TEXT",
|
|
"value": "Ѡ҆богати́тисѧ ника́коже и҆стоща́емыми возжелѣ́въ, бога́тство и҆ сла́вꙋ вре́меннꙋю, мꙋ́дре, и҆ пи́щꙋ мимотекꙋ́щꙋю, и҆ мїрско́е достоѧ́нїе, доблемꙋ́дреннѡ ѿри́нꙋлъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Кра́снꙋю и҆ и҆збра́ннꙋю и҆ всечестнꙋ́ю разꙋмѣ́въ тѧ̀ сн҃ъ бж҃їй, пренепоро́чнаѧ, сн҃ъ тво́й бы́сть, сы́ны сотворѝ благода́тїю, бцⷣе, чтꙋ́щыѧ тѧ̀."
|
|
},
|
|
{
|
|
"type": "HEADER",
|
|
"value": "И҆́нъ канѡ́нъ. Гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Трїста́ты крѣ̑пкїѧ, рожде́йсѧ ѿ дв҃ы, безстра́стїѧ во глꙋбинѣ̀ дꙋшѝ трича́стное потопѝ, молю́сѧ: да тебѣ̀, ꙗ҆́кѡ въ тѷмпа́нѣ, во ᲂу҆мерщвле́нїи тѣлесѐ побѣ́дное воспою̀ пѣ́нїе."
|
|
},
|
|
{
|
|
"type": "TEXT",
|
|
"value": "Пода́ждь мѝ, хрⷭ҇тѐ, дх҃а твоегѡ̀ бл҃года́ть, да по достоѧ́нїю воспою̀ пѣ́снь но́вꙋ ѿ ᲂу҆сте́нъ мои́хъ, въ па́мѧть твоегѡ̀ ᲂу҆го́дника маѯі́ма преблаже́ннагѡ."
|
|
},
|
|
{
|
|
"type": "TEXT",
|
|
"value": "И҆́же кре́стъ на ра́мо взе́мъ, бл҃же́нне, и҆ жела́емагѡ тѝ ѻ҆те́чества дости́гъ го́рнѧгѡ і҆ерⷭ҇ли́ма, и҆ въ не́мъ со а҆́гг҃лы ликꙋ́еши, ю҆ро́де премꙋ́дрый, моли́сѧ ѡ҆ на́съ, чтꙋ́щихъ па́мѧть твою̀ всечестнꙋ́ю."
|
|
},
|
|
{
|
|
"type": "TEXT",
|
|
"value": "Бꙋ́йствомъ премѣни́въ мїрско́е мꙋдрова́нїе, ѻ҆́ч҃е, непокрове́нно тѣ́ло и҆мѣ́ѧ, блаже́нне, покры́й на́шѧ стра̑сти, бг҃омꙋ́дре, да твои́ми моли́твами ѿ бѣ́дъ и҆збавлѧ́емсѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆спѝ дꙋшѝ моеѧ̀ свирѣ́пꙋю волнꙋ̀, ꙗ҆́кѡ мно́жество прегрѣше́нїй, и҆скꙋше́нїй и҆ печа́ли, влⷣчце, воста́ша на мѧ̀. Но сама́ мѧ спасѝ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Весели́тсѧ ѡ҆ тебѣ̀ це́рковь твоѧ̀, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Оу҆се́рднѡ къ мы́слєннымъ совлече́сѧ дѣѧ́нїємъ, побѣжда́ѧ вра̑жїѧ полкѝ бжⷭ҇твеннымъ посо́бїемъ дх҃а."
|
|
},
|
|
{
|
|
"type": "TEXT",
|
|
"value": "Ра́нами и҆ моли́твеннымъ воздержа́нїемъ, и҆ бїє́нїи, преподо́бне, стра̑сти мїрскі̑ѧ, ѻ҆́ч҃е маѯі́ме, ᲂу҆ѧзви́лъ є҆сѝ."
|
|
},
|
|
{
|
|
"type": "TEXT",
|
|
"value": "Оу҆мори́ша врага̀ пѡ́стницы твоѝ, і҆и҃се, ᲂу҆мерщвле́нїе ра́достнѡ, влⷣко, твоѐ живоно́сное возжелѣ́вше."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆збавлѧ́ющаго человѣ́ки преслꙋша́нїѧ, лю́тагѡ паде́нїѧ, всемꙋ̀ вино́внаго, чⷭ҇таѧ и҆ всенепоро́чнаѧ, родила̀ є҆сѝ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Лꙋ́къ си́льныхъ и҆знемо́же, и҆ немощствꙋ́ющїи препоѧ́сашасѧ си́лою: сегѡ̀ ра́ди ᲂу҆тверди́сѧ въ гдⷭ҇ѣ се́рдце моѐ."
|
|
},
|
|
{
|
|
"type": "TEXT",
|
|
"value": "Оу҆мо́мъ ве́сь къ премі́рнымъ взе́мсѧ, бл҃же́нне, ю҆ро́дъ прозва́лсѧ є҆сѝ, ѻ҆́ч҃е: и҆ на́съ ᲂу҆мовре́дныхъ сохранѝ, да неврежде́ни пребꙋ́демъ козньмѝ чꙋжда́гѡ, и҆ тебѐ ᲂу҆блажа́емъ, маѯі́ме преблаже́нне."
|
|
},
|
|
{
|
|
"type": "TEXT",
|
|
"value": "Ва́ромъ со́лнечнымъ ѡ҆палѧ́емь, ѻ҆́ч҃е, и҆ на́съ пали́мыхъ грѣхо́вными страстьмѝ, ѡ҆росѝ твои́ми моли́твами: да непреста́ннѡ воспѣва́емъ па́мѧть твою̀, маѯі́ме прехва́льне."
|
|
},
|
|
{
|
|
"type": "TEXT",
|
|
"value": "Зимо́ю томи́мь, свѧ́те, небре́глъ є҆сѝ ѡ҆ тѣ́лѣ пе́рстнѣмъ и҆ ны́нѣ наслажда́ешисѧ ра́йскїѧ добро́ты: и҆ на́мъ просѝ ѡ҆ставле́нїѧ ѡ҆ѕло́блєннымъ прилѡ́ги чꙋжда́гѡ, да тебѐ ᲂу҆блажа́емъ, ѻ҆́ч҃е бг҃омꙋ́дре."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́же є҆ди́на въ напа́стехъ и҆ ско́рбехъ защища́ющи, подъ кро́въ тво́й, пречⷭ҇таѧ, прибѣ́гша те́плѣ, прїимѝ, ꙗ҆́кѡ пребл҃га́ѧ, є҆́же ѿ се́рдца моегѡ̀ моле́нїе."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃:"
|
|
},
|
|
{
|
|
"type": "TEXT",
|
|
"value": "Свѣ́томъ бжⷭ҇твеннымъ ѡ҆зарѧ́емь, въ пꙋ́ть, ведꙋ́щїй къ бжⷭ҇твєннымъ сїѧ́нїємъ, ходи́лъ є҆сѝ, вѣ́рнѡ, ѻ҆́ч҃е прпⷣбне, и҆ вра́жїихъ ѿбѣ́глъ є҆сѝ прилѡ́гъ, и҆ сы́нъ свѣ́та и҆ днѐ ꙗ҆ви́лсѧ є҆сѝ, маѯі́ме бг҃облаже́нне."
|
|
},
|
|
{
|
|
"type": "HEADER",
|
|
"value": "Сла́ва, гла́съ то́йже."
|
|
},
|
|
{
|
|
"type": "TEXT",
|
|
"value": "Подо́бенъ: Повелѣ́нное:"
|
|
},
|
|
{
|
|
"type": "TEXT",
|
|
"value": "Ѻ҆́ч҃е бг҃омꙋ́дре и҆ преблаже́нне маѯі́ме, кра̑снаѧ мі́ра сегѡ̀ ꙗ҆́кѡ ᲂу҆ме́ты вмѣни́въ, ве́сь ᲂу҆мо́мъ и҆змѣни́всѧ, и҆змѣ́ншемꙋсѧ на́съ ра́ди хрⷭ҇тꙋ̀ послѣ́довалъ є҆сѝ, и҆ ю҆ро́дъ є҆гѡ̀ ра́ди наре́клсѧ є҆сѝ, и҆ ѿ неразꙋ́мныхъ скѡ́рби претерпѣ́лъ є҆сѝ. И҆ ны́нѣ ѡ҆ на́съ моли́сѧ, па́мѧть твою̀ вѣ́рнѡ сла́вѧщихъ, прехва́льне."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Предста́тельнице вѣ́рныхъ, бг҃ороди́тельнице, скорбѧ́щихъ ра́досте, и҆ пла́чꙋщихъ вели́кое ᲂу҆тѣше́нїе, ѿ чре́ва твоегѡ̀, дв҃о, всест҃а́гѡ преесте́ственнѡ ро́ждшагосѧ, непреста́ннѡ молѝ съ маѯі́момъ преблаже́ннымъ, и҆зба́вити на́съ въ ча́съ и҆спыта́нїѧ, лю́тагѡ ѡ҆сꙋжде́нїѧ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Соедини́всѧ къ стезѣ̀ пра́вды, въ бг҃оспаса́емый бж҃е́ственный гра́дъ вше́лъ є҆сѝ, прпⷣбне, спаси́тельнымъ сїѧ́нїемъ ѡ҆богати́всѧ."
|
|
},
|
|
{
|
|
"type": "TEXT",
|
|
"value": "Є҆диноѻбра́зный, прпⷣбне, смы́слъ бг҃оно́сный ви́дѣвъ, бжⷭ҇твенными повѣстьмѝ, и҆ бжⷭ҇твенною ѻ҆де́ждею ѡ҆дѣ́ѧлсѧ є҆сѝ."
|
|
},
|
|
{
|
|
"type": "TEXT",
|
|
"value": "Се́рдце твоѐ скрижа́ль ѡ҆чище́нꙋ, ст҃а́го дх҃а бл҃года́ть ѡ҆брѣ́тши, ѻ҆́ч҃е, написа̀ соверше́нное безстра́стїе и҆ любо́вь нелицемѣ́рнꙋ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сѣдѧ́й на престо́лѣ превознесе́ннѣ херꙋві́мстѣмъ, ꙗ҆́кѡ прⷭ҇то́лъ тѧ̀ и҆мѣ́ѧ на рꙋкѣ̀ твое́й почѝ, марі́е бг҃оневѣ́сто, препросла́вленный бг҃ъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Любвѐ ра́ди, ще́дре, твоегѡ̀ ѻ҆́браза, на крⷭ҇тѣ̀ твое́мъ ста́лъ є҆сѝ, и҆ раста́ѧшасѧ ꙗ҆зы́цы: ты́ бо є҆сѝ, чл҃вѣколю́бче, крѣ́пость моѧ̀ и҆ хвале́нїе."
|
|
},
|
|
{
|
|
"type": "TEXT",
|
|
"value": "Любвѐ сро́дникѡвъ ѿре́клсѧ, блаже́нне, любо́вїю хрⷭ҇то́вою ᲂу҆ѧзвлѧ́емь, и҆ пло́ть, ꙗ҆́коже рабы́ню, дх҃ови покори́въ, надъ страстьмѝ ца́рь показа́лсѧ є҆сѝ, ѻ҆́ч҃е, и҆ на́съ, плѣне́нныхъ грѣхо́вными страстьмѝ, свободѝ, бг҃омꙋ́дре."
|
|
},
|
|
{
|
|
"type": "TEXT",
|
|
"value": "Стезе́ю приско́рбнагѡ пꙋтѝ ше́ствовавъ, бл҃же́нне, и҆ простра́ннагѡ жили́ща доше́дъ, съ безпло́тными ликовствова́ти сподо́билсѧ є҆сѝ, ѻ҆́ч҃е бг҃оно́се."
|
|
},
|
|
{
|
|
"type": "TEXT",
|
|
"value": "Вла́сть прїи́мъ на дꙋсѣ́хъ нечи́стыхъ, ѻ҆́ч҃е маѯі́ме, си́хъ ѿ человѣ̑къ прогонѧ́еши, всѧ́кими недꙋ̑ги болѧ́щыѧ и҆сцѣлѣва́еши, съ вѣ́рою приходѧ́щыѧ къ ра́цѣ моще́й твои́хъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ми́лости твое́й сподо́би мѧ̀, благоми́лостивное сло́во ро́ждши, и҆ ны́нѣ, влⷣчце, прибѣга́юща мѧ̀ къ тебѣ̀ спасѝ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀, гдⷭ҇и, мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆зъ мра́чна невѣ́дѣнїѧ, вѣ́рою воспѣва́ющыѧ тѧ̀."
|
|
},
|
|
{
|
|
"type": "TEXT",
|
|
"value": "Пресвѣ́тлꙋю зарю̀, маѯі́ме, прїи́мь, ꙗ҆́кѡ со́лнце ꙗ҆ви́лсѧ є҆сѝ, и҆ де́мѡнскꙋю тмꙋ̀ ѿгна́лъ є҆сѝ, достосла́вне."
|
|
},
|
|
{
|
|
"type": "TEXT",
|
|
"value": "Твои́мъ жела́нїемъ, хрⷭ҇тѐ, ѿве́ргъ всѐ прпⷣбный жела́нїе тѣле́сное, ꙗ҆́коже сгре́бїе мїрско́е ѿтрѧсѐ."
|
|
},
|
|
{
|
|
"type": "TEXT",
|
|
"value": "Си́лою бжⷭ҇твенною дꙋ́шꙋ ᲂу҆крѣпи́въ, въ мі́ръ всели́лсѧ є҆сѝ, ѡ҆пꙋстѣва́ѧ стра̑сти, ѻ҆́ч҃е бг҃омꙋ́дре маѯі́ме."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Раче́нїе преста̀ тлѣ́нное, дв҃а бо нетлѣ́ннѡ родѝ бг҃а сло́ва, па́че є҆стества̀ и҆ сло́ва дв҃а пребыва́етъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Возсїѧ́й мѝ, гдⷭ҇и, свѣ́тъ повелѣ́нїй твои́хъ, ꙗ҆́кѡ къ тебѣ̀ дꙋ́хъ мо́й ᲂу҆́тренюетъ, и҆ пое́тъ тѧ̀: ты́ бо є҆сѝ бг҃ъ на́шъ, и҆ къ тебѣ̀ прибѣга́ю, цр҃ю̀ ми́ра."
|
|
},
|
|
{
|
|
"type": "TEXT",
|
|
"value": "Ю҆ро́дъ ꙗ҆ви́лсѧ є҆сѝ и҆зволе́нїемъ, ѻ҆́ч҃е, и҆ ѻ҆́номꙋ ди́вномꙋ а҆ндре́ю послѣ́довалъ є҆сѝ. И҆ ꙗ҆́коже то́й ви́дѣ дꙋхо́вныма ѻ҆чи́ма бцⷣꙋ на воздꙋ́сѣ, за мі́ръ молѧ́щꙋюсѧ: ты́ же ны́нѣ зри́ши ст҃ꙋ́ю трⷪ҇цꙋ, молѧ́сѧ непреста́ннѡ ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Ревни́тель бы́въ ди́вномꙋ сѷмеѡ́нꙋ, пꙋсты́ню и҆ све́рстника ѡ҆ста́вльшемꙋ, и҆ ю҆ро́дство на сѧ̀ возложи́вшемꙋ, и҆ го́рнїѧ митропо́лїи дости́гшꙋ, съ ни́мже ны́нѣ и҆ ты̀ наслажда́ешисѧ, и҆ на́съ помина́й пра́зднꙋющихъ па́мѧть твою̀ всечестнꙋ́ю."
|
|
},
|
|
{
|
|
"type": "TEXT",
|
|
"value": "Вторы́й твердисло́въ въ рѡссі́и показа́лсѧ є҆сѝ, ѻ҆́ч҃е маѯі́ме, непокрове́но тѣ́ло и҆мѣ́ѧ, покры́й на́съ покро́вомъ моли́твъ твои́хъ, да не ᲂу҆ѧзви́тъ на́съ ᲂу҆ѧзви́вый пра́ѻтца престꙋпле́нїемъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѿ ко́рене и҆сто́чникъ, и҆ винꙋ̀ нетлѣ́нїѧ, тѧ̀, дв҃о, всѝ вѣ́рнїи хвала́ми почита́емъ: ты́ бо ѵ҆поста́сное на́мъ безсме́ртїе родила̀ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю."
|
|
},
|
|
{
|
|
"type": "TEXT",
|
|
"value": "Оу҆́мъ тво́й ве́сь къ бг҃ꙋ простира́ѧ непреста́нными поꙋчє́нїи, плотскꙋ́ю любо́вь не пощадѣ́лъ є҆сѝ, бл҃ги́хъ тебѣ̀ хода́тайствꙋ, маѯі́ме, присвое́нїе."
|
|
},
|
|
{
|
|
"type": "TEXT",
|
|
"value": "Ни скве́рны, ни вра́ски прїѧ́лъ є҆сѝ, блаже́нне, посредѣ̀ тебѣ̀ мі́ра живꙋ́щꙋ, честны́ми же па́че мольба́ми твои́ми ѡ҆чища́еши ѿ дꙋше́вныѧ скве́рны притека́ющыѧ."
|
|
},
|
|
{
|
|
"type": "TEXT",
|
|
"value": "Ты̀ плотски́хъ мꙋдрова́нїй вы́шше и҆мѣ́ѧ по́мыслъ, не ᲂу҆ѧзви́лсѧ є҆сѝ посредѣ̀ же́нъ ѡ҆бнажа́емь: безстра́стїѧ бо ѻ҆де́ждею, маѯі́ме, ѡ҆дѣ́ѧлсѧ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Оу҆сты̑ и҆ по́мысломъ и҆ се́рдцемъ, прест҃а́ѧ бцⷣе, тѧ̀ проповѣ́дꙋемъ: тобо́ю бг҃ꙋ примири́хомсѧ, ѿринове́ннїи престꙋпле́нїемъ пе́рвѣе пра́ѻтца."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆чище́нїе на́мъ, хрⷭ҇тѐ, и҆ спасе́нїе, влⷣко, возсїѧ́лъ є҆сѝ ѿ дв҃ы, да, ꙗ҆́кѡ проро́ка ѿ ѕвѣ́рѧ морска́гѡ пе́рсей і҆ѡ́нꙋ, ѿ тлѝ и҆схити́ши всего̀ а҆да́ма всеро́дна па́дшаго."
|
|
},
|
|
{
|
|
"type": "TEXT",
|
|
"value": "На безстра́стїѧ го́рꙋ возше́дъ добродѣ́тельми, на врагѝ храбо́рникъ чꙋ́денъ показа́лсѧ є҆сѝ: и҆ ны́нѣ моли́сѧ хрⷭ҇тꙋ̀ бг҃ꙋ, ѡ҆бъ ѻ҆те́чествѣ на́шемъ, ꙗ҆́кѡ да твои́ми моли́твами проти́внїи побѣжда́ютсѧ."
|
|
},
|
|
{
|
|
"type": "TEXT",
|
|
"value": "Чꙋде́съ и҆сто́чникъ ра́ка твоѧ̀ ꙗ҆ви́сѧ, маѯі́ме блаже́нне, ѿ неѧ́же ѻ҆би́льнѡ всѝ притека́ющїи прїе́млютъ тѣлесє́мъ здра́вїе, и҆ дꙋша́мъ спасе́нїе твои́ми моли́твами."
|
|
},
|
|
{
|
|
"type": "TEXT",
|
|
"value": "Премꙋ́дростїю ра́зꙋма ѡ҆б̾ѧ́тъ, ѻ҆́ч҃е, сꙋ́етнꙋю мꙋ́дрость бꙋ́йствомъ преминꙋ́лъ є҆сѝ: и҆ ᲂу҆тає́наѧ ѿ мꙋ́дрыхъ и҆ разꙋ́мныхъ, трⷪ҇ческимъ благоволе́нїемъ позна́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Мѡѷсе́й въ кꙋпинѣ́ тѧ ви́дѣ, въ горѣ̀ прїе́млющꙋ нестерпи́мый бжⷭ҇тва̀ ѻ҆́гнь неѡпа́льнѡ: тѣ́мъ тѧ̀ всѝ пѣ́сньми велича́емъ."
|
|
},
|
|
{
|
|
"type": "HEADER",
|
|
"value": "Конда́къ, гла́съ в҃:"
|
|
},
|
|
{
|
|
"type": "TEXT",
|
|
"value": "Вы́шнїѧ красоты̀ жела́ѧ, ни̑жнїѧ сла́дѡсти и҆ тѣлє́снаѧ ѡ҆дѣѧ̑нїѧ въ ничто́же вмѣни́лъ є҆сѝ, и҆ нестѧжа́нїе па́че сꙋ́етнагѡ мі́ра возлюби́лъ є҆сѝ. А҆́гг҃льское житїѐ проходѧ̀, сконча́лсѧ є҆сѝ, бл҃же́нне маѯі́ме: съ ни́миже хрⷭ҇та̀ молѝ непреста́ннѡ ѡ҆ всѣ́хъ на́съ."
|
|
},
|
|
{
|
|
"type": "TEXT",
|
|
"value": "І҆́косъ: А҆́гг҃лъ на землѝ житїе́мъ показа́всѧ, а҆́гг҃льскїѧ полкѝ ᲂу҆диви́лъ є҆сѝ, и҆ де́мѡны ᲂу҆страши́лъ є҆сѝ, и҆ человѣ́ки просвѣти́лъ є҆сѝ чꙋде́съ твои́хъ зарѧ́ми, бг҃оно́се и҆ преблаже́нне ѻ҆́ч҃е на́шъ маѯі́ме. И҆ ны́нѣ на́съ вразꙋмѝ воспѣва́ти пѣ́снь къ твоемꙋ̀ хвале́нїю, ра́достнымъ гла́сомъ си́це глаго́лющихъ: ра́дꙋйсѧ, ѡ҆ста́вивый тлѣ́нное мꙋдрова́нїе, и҆ прїе́мый нетлѣ́нный вѣне́цъ: ра́дꙋйсѧ, терпѣли́вый дꙋше́ю: ра́дꙋйсѧ, цѣломꙋ́дренный ра́зꙋмомъ и҆ къ бг҃ꙋ воззрѣ́нїемъ: ра́дꙋйсѧ, предо́блїй ю҆ро́де, и҆́же ѕлоко́зненнаго врага̀ подъ нога́ми сотры́й: ра́дꙋйсѧ, ꙗ҆́кѡ ни́жнее мꙋдрова́нїе ѡ҆ста́вль, и҆ вы́шнѧгѡ црⷭ҇твїѧ дости́гїй: ра́дꙋйсѧ, цѣли́телю болѣ́зней, и҆ ѿгони́телю страсте́й: ра́дꙋйсѧ, маѯі́ме блаже́нне, молѧ̀ непреста́ннѡ ѡ҆ всѣ́хъ на́съ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю благоче́стїѧ па́че, не́жели пла́менемъ ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Содержи́мь хрⷭ҇то́вою подо́бнѡ, ѻ҆́ч҃е, бжⷭ҇твенною любо́вїю, дрꙋги́хъ спастѝ ра́достнѡ ве́сь са́мъ сѧ, вопїѧ̀, и҆зда́лъ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Съ нб҃сѐ тебѣ̀ пода́ннꙋю, ѻ҆́ч҃е, прїи́мъ пи́щꙋ, се́ю препита́лъ є҆сѝ благопоко́рнѡ прїе́млющыѧ твоѧ̑ повелѣ̑нїѧ, и҆ до́лꙋ влекꙋ́щїй грѣ́хъ ѡ҆ставлѧ́ющыѧ, блаже́нне."
|
|
},
|
|
{
|
|
"type": "TEXT",
|
|
"value": "Послѣ́довавъ ѻ҆те́чєскимъ преда́нїємъ, ѻ҆́ч҃е мꙋ́дре, па́гꙋбы ѿринове́нїе заповѣ́да зовꙋ́щымъ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вы́шнѧгѡ ѡ҆свѧще́нное бжⷭ҇твенное селе́нїе, ра́дꙋйсѧ, тобо́ю бо даде́сѧ ра́дость, бцⷣе, зовꙋ́щымъ: бл҃гослове́на ты̀ въ жена́хъ, всенепоро́чнаѧ влⷣчце."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Спасы́й во ѻ҆гнѝ а҆враа̑мскїѧ твоѧ̑ ѻ҆́троки, и҆ халдє́и ᲂу҆би́въ, ꙗ҆̀же пра́вда пра́веднѡ ᲂу҆ловлѧ́ше: препѣ́тый гдⷭ҇и, бж҃е ѻ҆тє́цъ на́шихъ, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Прича́стїемъ ст҃а́гѡ дх҃а просвѣще́нъ, бл҃же́нне, и҆змѣни́всѧ добро́ты тѣле́сныѧ, и҆ позо́ръ бы́въ человѣ́кѡмъ, непокрове́но тѣ́ло тлѣ́нными ѡ҆де́ждами и҆мѣ́ѧ, хрⷭ҇тꙋ̀ вопїѧ́лъ є҆сѝ: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Нищетꙋ̀ и҆ ю҆ро́дство и҆зво́ливъ, прпⷣбне, на́съ ра́ди ѡ҆бнища́вшагѡ, и҆ сегѡ̀ ле́гкїй ꙗ҆ре́мъ на ра́мена взе́мъ, томꙋ̀ послѣ́довалъ є҆сѝ, хрⷭ҇тꙋ̀ вопїѧ̀: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ѕломꙋ́драгѡ врага̀ кѡ́зни премꙋдри́въ, ю҆ро́де прехва́льне, и҆ сего̀ ꙗ҆́кѡ ры́бꙋ безгла́снꙋ сотвори́лъ є҆сѝ, бг҃омꙋ́дре, хрⷭ҇тꙋ̀ вопїѧ̀: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́коже ло́жницꙋ бж҃їю, и҆ кади́льницꙋ разꙋ́мнагѡ и҆ свѣтоно́снагѡ ᲂу҆́глѧ, приснора́дованнꙋю воспое́мъ, зовꙋ́ще: ра́дꙋйсѧ, вина̀ спаси́тельнагѡ воззва́нїѧ, бл҃гослове́ннаѧ во вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Рꙋ́цѣ распросте́ръ данїи́лъ, львѡ́въ зїѧ̑нїѧ въ ро́вѣ затчѐ, ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, благоче́стїѧ рачи́тели ѻ҆́троцы, взыва́юще: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Всесвѣ́тлаѧ ѕвѣзда̀ сꙋ́щъ во тмѣ̀ и҆ стра́сти, свѣтоводѧ̀ къ жи́зни свѣ́тлѣй: твори́ши бо жєны̀ нечи̑стыѧ цѣломꙋ́дреннѡ жи́ти, и҆ ѿго́ниши лю̑тыѧ недꙋ́ги, вопїѧ̀: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Ты̀ и҆сцѣлѝ ᲂу҆́мъ мо́й въ кро́вѣ чꙋ́дныхъ и҆ мꙋ́дрыхъ, прпⷣбне, повелѣ́нїй бж҃їихъ, мно́ги ᲂу҆лови́лъ є҆сѝ ю҆ро́дствовати гдⷭ҇а ра́ди, вѣ́дый нарꙋга́емь бы́ти, вопїѧ̀ чистѣ́йшею дꙋше́ю: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Соверше́нъ є҆ди́нъ, и҆́же вѣ́сть своѧ̑ прославлѧ́ти гдⷭ҇ь прпⷣбныѧ: се́й бо гро́бꙋ посыла́емь, и҆ а҆́гг҃лѡвъ свѣтлословлє́нїи почита́емь вопїю́щихъ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆збавлѧ́ѧй на́съ, возсїѧ̀ и҆зъ тебє̀ гдⷭ҇и, дв҃о чⷭ҇таѧ, є҆го́же молѝ, влⷣчце, просвѣти́ти пою́щыѧ тѧ̀, и҆ ѡ҆бстоѧ́нїѧ на́съ и҆зба́вити вопїю́щыѧ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: И҆зба́вителю всѣ́хъ всеси́льне, посредѣ̀ пла́мене благоче́ствовавшыѧ, снизше́дъ ѡ҆роси́лъ є҆сѝ, и҆ наꙋчи́лъ є҆сѝ пѣ́ти: всѧ̑ дѣла̀ благослови́те, по́йте гдⷭ҇а."
|
|
},
|
|
{
|
|
"type": "TEXT",
|
|
"value": "Присво́ивсѧ содѣ́телю всѣ́хъ, ѻ҆́ч҃е, и҆ грѣхо́вныѧ ꙗ҆́зи ᲂу҆дали́всѧ, прїѧ́лъ є҆сѝ нбⷭ҇ное наслѣ́дїе, и҆ со а҆́гг҃лы ликꙋ́ѧ, вопїѧ́лъ є҆сѝ: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Ю҆́ношескихъ и҆ плотски́хъ страсте́й ᲂу҆держа́лъ є҆сѝ взыгра̑нїѧ, ѡ҆чи́стивъ всѧ́кїѧ скве́рны дꙋ́шꙋ же и҆ тѣ́ло, маѯі́ме преблаже́нне, хра́мъ показа́лсѧ є҆сѝ нескве́рненъ бг҃ꙋ, є҆мꙋ́же непреста́ннѡ вопїе́ши: благослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Незаходи́мый возсїѧ̀ тебѣ̀ свѣ́тъ, ѻ҆́ч҃е бг҃омꙋ́дре, присносꙋ́щнагѡ весе́лїѧ, въ не́мже ны́нѣ наслажда́ешисѧ, предстоѧ̀ ст҃ѣ́й трⷪ҇цѣ, и҆ воспѣва́ѧ хрⷭ҇та̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Тѧ̀ ѻ҆рꙋ́жїе непобѣди́мое на врагѝ предлага́емъ, тѧ̀ ѡ҆снова́нїе и҆ наде́ждꙋ на́шегѡ спасе́нїѧ, бг҃оневѣ́сто, и҆́мамы, и҆ тѧ̀ воспѣва́емъ во вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀. Тѣ́мъ веселѧ́щесѧ, тѧ̀, бцⷣе, велича́емъ."
|
|
},
|
|
{
|
|
"type": "TEXT",
|
|
"value": "Всѣ́мъ се́рдцемъ, маѯі́ме, трⷪ҇цѣ ᲂу҆се́рднѡ предложи́всѧ, и҆ ѿ неѧ̀ лꙋчы̀ бг҃одѣ́льнѡ прїе́мъ, свѣтови́денъ бы́лъ є҆сѝ, и҆ со а҆́гг҃лы ликꙋ́еши."
|
|
},
|
|
{
|
|
"type": "TEXT",
|
|
"value": "Жела́нїемъ бжⷭ҇твеннымъ прїедини́всѧ, и҆ воздержа́нїемъ просвѣща́емь, бꙋ́дꙋщихъ бла̑гъ въ прича́стїи ᲂу҆жѐ бы́въ, маѯі́ме бг҃облаже́нне, и҆ въ наслажде́нїи."
|
|
},
|
|
{
|
|
"type": "TEXT",
|
|
"value": "Твоѧ̑ болѣ̑зни и҆ по́ты прїѧ́тъ весе́лїе, ника́коже конца̀ и҆мꙋ́щее: въ не́мже пита́ѧсѧ, маѯі́ме прпⷣбне, на́съ непреста́ннѡ помина́й."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Разорѝ дꙋшѝ моеѧ̀ ѻ҆́блаки, свѣ́та ѻ҆́блаче ст҃а́ѧ влⷣчце, и҆ си́льна содѣ́лай мѧ̀ на стра̑сти, борю́щыѧ мѧ̀, сп҃са всѣ́хъ ро́ждшаѧ и҆ и҆зба́вителѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀. Тѣ́мъ веселѧ́щесѧ, тѧ̀, бцⷣе, велича́емъ."
|
|
},
|
|
{
|
|
"type": "TEXT",
|
|
"value": "Ꙗ҆́коже тве́рдый а҆дама́нтъ дꙋше́ю показа́лсѧ є҆сѝ: непоколеби́мь вра́жїими прилѡ́ги, ѻ҆́ч҃е: и҆ на́мъ тве́рдое забра́ло бꙋ́ди, блаже́нне, моли́твами твои́ми ѿ нахожде́нїй проти́вныхъ."
|
|
},
|
|
{
|
|
"type": "TEXT",
|
|
"value": "Ѡ҆ст҃и́сѧ воздꙋ́хъ, маѯі́ме блаже́нне, па́мѧтїю твое́ю, и҆ на́съ торжествова́ти подвиза́етъ ра́достнѡ, ѡ҆свѧще́нное твоѐ пра́зднество."
|
|
},
|
|
{
|
|
"type": "TEXT",
|
|
"value": "Жезло́мъ добродѣ́телей страсте́й мо́ре пресѣ́къ, и҆ го́рдаго врага̀ ꙗ҆́коже и҆на́го фараѡ́на моли́твами твои́ми погрꙋзи́въ, и҆збра́нное ста́до но́вагѡ і҆и҃лѧ невре́днѡ соблю́лъ є҆сѝ, маѯі́ме бл҃же́нне, моли́твами твои́ми."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ски́нїа свидѣ́тельства тѧ̀ проѡбразѝ, хлѣ́бъ и҆́стинный жи́зни, прїе́мшꙋю, чⷭ҇таѧ, сло́во ѻ҆ц҃а̀ соприсносꙋ́щное."
|
|
},
|
|
{
|
|
"type": "HEADER",
|
|
"value": "Свѣти́ленъ:"
|
|
},
|
|
{
|
|
"type": "TEXT",
|
|
"value": "Подо́бенъ: Не́бо ѕвѣзда́ми:"
|
|
},
|
|
{
|
|
"type": "TEXT",
|
|
"value": "А҆́гг҃льскагѡ житїѧ̀ жела́ѧ, прпⷣбне, покори́лъ є҆сѝ стрⷭ҇ти плотскі̑ѧ мꙋ́жески, и҆ равноа́гг҃ленъ бы́лъ є҆сѝ, бг҃оно́се ѻ҆́ч҃е маѯі́ме. Два́жды."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Тѧ̀ предста́тельницꙋ и҆́мамы всѝ грѣ́шнїи, ѽ прест҃а́ѧ дв҃о! Ты̀ благопремѣ́нна сотворѝ твоего̀ сн҃а ма́терними твои́ми моли́твами."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, на д҃, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Да́лъ є҆сѝ зна́менїе:"
|
|
},
|
|
{
|
|
"type": "TEXT",
|
|
"value": "Да́лъ є҆сѝ при́тчꙋ терпѣ́нїѧ и҆ мꙋ́жества, пребл҃гі́й гдⷭ҇и, пра́веднаго маѯі́ма и҆ многочꙋде́снаго, добродѣ́тельми, и҆ словєсы̀, и҆ дѣ̑лы сїѧ́юща, цѣломꙋ́дрїемъ ᲂу҆краша́ема и҆ кро́тостїю. Тѣ́мъ твоѐ неизрече́нное строе́нїе сла́вимъ, і҆и҃се всеси́льне, и҆ сп҃се дꙋ́шъ на́шихъ. Два́жды."
|
|
},
|
|
{
|
|
"type": "TEXT",
|
|
"value": "Пра́веденъ и҆ неѕло́бивъ, и҆́стиненъ же и҆ непоро́ченъ и҆ вѣ́ренъ, ᲂу҆клонѧ́ѧсѧ ѿ всѧ́кїѧ ѕло́бныѧ ве́щи, показа́лсѧ є҆сѝ, маѯі́ме блаже́нне, просвѣще́нъ добродѣ́тельми, и҆ благоче́стїемъ сїѧ́ѧ. Тѣ́мъ тѧ̀ ᲂу҆блажа́емъ, и҆ свѧто́е твоѐ и҆ честно́е дне́сь пра́зднꙋемъ ᲂу҆спе́нїе, ра́дꙋющесѧ, бг҃омꙋ́дре."
|
|
},
|
|
{
|
|
"type": "TEXT",
|
|
"value": "Цѣломꙋ́дрїемъ и҆ благовѣ́рїемъ, ꙗ҆́кѡ багрѧни́цею многоцѣ́нною, ѡ҆дѣ́ѧвсѧ, маѯі́ме, пра́вдою же и҆ кро́тостїю, ꙗ҆́кѡ бжⷭ҇твеннымъ вѣнце́мъ ᲂу҆вѧ́злсѧ є҆сѝ, со стра́ждꙋщими хрⷭ҇та̀ ра́ди, ца́рствовати возжелѣ́лъ є҆сѝ. И҆ ны́нѣ цр҃ю̀ си́лъ предстои́ши, і҆и҃сꙋ всеми́лостивомꙋ, и҆ сп҃сꙋ дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Добродѣ́телей твои́хъ, бг҃омꙋ́дре маѯі́ме, и҆справлє́нїѧ ᲂу҆ѧсни́ша вѣ́рныхъ сердца̀: кто́ бо слы́шѧ безмѣ́рное твоѐ смире́нїе и҆ терпѣ́нїе, не ᲂу҆диви́тсѧ; є҆́же ко всѣ̑мъ кро́тость и҆ безѕло́бїе, къ скорбѧ́щымъ ми́лованїе, и҆ сꙋ́щымъ въ бѣ́дахъ ско́рое поможе́нїе, пла́вающымъ немѧте́жное приста́нище, и҆ пꙋтеше́ствꙋющымъ благо́е поспѣше́нїе, всѧ̑ бг҃олѣ́пнѡ предварѝ, досточꙋ́дне, и҆ ны́нѣ неꙋвѧда́емымъ вѣнце́мъ вѣнча́лсѧ є҆сѝ ѿ рꙋкѝ вседержи́телѧ бг҃а: є҆го́же молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Влⷣчце, прїимѝ моли́твꙋ ра̑бъ твои́хъ, и҆ и҆зба́ви на́съ ѿ всѧ́кїѧ нꙋ́жды и҆ печа́ли."
|
|
},
|
|
{
|
|
"type": "HEADER",
|
|
"value": "На лїтꙋргі́и, блажє́нна, пѣ́снь г҃-ѧ и҆ ѕ҃-ѧ."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ з҃:"
|
|
},
|
|
{
|
|
"type": "TEXT",
|
|
"value": "Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ гала́тѡмъ, зача́ло сг҃і."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе матѳе́а, зача́ло і҃."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю:"
|
|
}
|
|
] |