1458 lines
130 KiB
JSON
1458 lines
130 KiB
JSON
[
|
|
{
|
|
"type": "HEADER",
|
|
"value": "И҆́на слꙋ́жба всѣ́мъ ст҃ы́мъ въ землѝ рѡссі́йстей просїѧ́вшымъ."
|
|
},
|
|
{
|
|
"type": "TEXT",
|
|
"value": "Въ пе́рвꙋю недѣ́лю по па́мѧти всѣ́хъ ст҃ы́хъ, сі́есть, въ пе́рвꙋю недѣ́лю поста̀ ст҃ы́хъ сла́вныхъ и҆ всехва́льныхъ а҆пⷭ҇л, па́мѧть соверша́емъ всѣ́хъ ст҃ы́хъ, въ землѝ рѡссі́йстѣй просїѧ́вшихъ."
|
|
},
|
|
{
|
|
"type": "TEXT",
|
|
"value": "ⷤ На вели́цѣй вече́рни ⷤ На ᲂу҆́трени ⷤ На лїтꙋргі́и"
|
|
},
|
|
{
|
|
"type": "HEADER",
|
|
"value": "Въ сꙋббѡ́тꙋ, на вели́цѣй вече́рни."
|
|
},
|
|
{
|
|
"type": "HEADER",
|
|
"value": "На Гдⷭ҇и воззва́хъ, стїхи̑ры на і҃. И҆ пое́мъ стїхи̑ры воскрⷭ҇ны гла́са д҃. И҆ ст҃ы́хъ ѕ҃. Стїхи̑ры воскрⷭ҇ны ѻ҆смогла́сника, гла́съ а҃."
|
|
},
|
|
{
|
|
"type": "TEXT",
|
|
"value": "В ечє́рнїѧ на́шѧ мл҃твы / прїимѝ ст҃ы́й гдⷭ҇и, / и҆ пода́ждь на́мъ ѡ҆ставле́нїе грѣхѡ́въ, / ꙗ҆́кѡ є҆ди́нъ є҆сѝ / ꙗ҆вле́й въ мі́рѣ воскрⷭ҇нїе."
|
|
},
|
|
{
|
|
"type": "TEXT",
|
|
"value": "Ѡ҆ быди́те лю́дїе сїѡ́нъ, / и҆ ѡ҆б̾ими́те є҆го̀, / и҆ дади́те сла́вꙋ въ не́мъ воскрⷭ҇шемꙋ и҆з̾ ме́ртвыхъ: / ꙗ҆́кѡ то́й є҆́сть бг҃ъ на́шъ, / и҆збавле́й на́съ ѿ беззако́нїй на́шихъ."
|
|
},
|
|
{
|
|
"type": "TEXT",
|
|
"value": "П рїиди́те лю́дїе, / воспои́мъ, и҆ поклони́мсѧ хрⷭ҇тꙋ̀, / сла́вѧще є҆гѡ̀ и҆з̾ ме́ртвыхъ воскрⷭ҇нїе: / ꙗ҆́кѡ то́й є҆́сть бг҃ъ на́шъ, / ѿ пре́лести вра́жїѧ мі́ръ и҆збавле́й."
|
|
},
|
|
{
|
|
"type": "HEADER",
|
|
"value": "И҆́на стїхи̑ра а҆нато́лїева, гла́съ а҃."
|
|
},
|
|
{
|
|
"type": "TEXT",
|
|
"value": "В есели́тесѧ нб҃са̀, / вострꙋби́те ѡ҆снова̑нїѧ землѝ, / возопі́йте го́ры весе́лїе: / се́ бо є҆мманꙋ́илъ грѣхѝ на́шѧ на крⷭ҇тѣ̀ пригвоздѝ, / и҆ живо́тъ даѧ́й, сме́рть ᲂу҆мертвѝ, / а҆да́ма воскр҃си́вый, ꙗ҆́кѡ чл҃вѣколю́бецъ."
|
|
},
|
|
{
|
|
"type": "HEADER",
|
|
"value": "И҆ стїхи̑ры ст҃ы́хъ ѕ҃, гла́съ а҃:"
|
|
},
|
|
{
|
|
"type": "TEXT",
|
|
"value": "П рїиди́те, собо́ри рѡссі́йстїи, / сꙋ́щыѧ въ странѣ̀ на́шей ст҃ы̑ѧ восхва́лимъ, / прпⷣбныѧ и҆ і҆ера́рхи, и҆ кнѧ́зи бл҃говѣ̑рныѧ, / мч҃ники и҆ сщ҃енномч҃ники, / и҆ хрⷭ҇та̀ ра́ди ю҆рѡ́дивыѧ, / и҆ же́нъ ст҃ы́хъ сосло́вїе, / вкꙋ́пѣ и҆менꙋ̑емыѧ и҆ неименꙋ̑емыѧ: / сі́и вои́стиннꙋ дѣ́лы и҆ словесы̀ и҆ многови́днымъ житїе́мъ, / и҆ ѿ бг҃а дарова́ньми / содѣ́лашасѧ свѧ́ти, / и҆́хже и҆ гро́бы бг҃ъ чꙋдесы̀ просла́ви. / и҆ ны́нѣ несре́дственнѣ просла́вльшемꙋ и҆̀хъ хрⷭ҇тꙋ̀ предстоѧ́ще, / мо́лѧтсѧ прилѣ́жнѡ ѡ҆ на́съ, / любо́вїю соверша́ющихъ свѣ́тлое и҆́хъ торжество̀."
|
|
},
|
|
{
|
|
"type": "TEXT",
|
|
"value": "Гла́съ в҃: Кі́ими пѣ́сненными добро́тами / похва́лимъ бг҃омꙋ̑дрыѧ свѧти́тели рѡссі́йскїѧ, / хрⷭ҇то́вы цр҃кве свѣ́тлое ᲂу҆краше́нїе, / свѧще́нства вѣнцы̀, бл҃гоче́стїѧ ᲂу҆правле́нїе, / и҆сто́чники бж҃е́ственныхъ и҆сцѣле́нїй неисчерпа́емыѧ, / проли́тїе дарова́ний дꙋхо́вных, / рѣ́ки мно́гихъ чꙋде́съ, / зе́млю рѡссі́йскꙋю веселѧ́щыѧ тече́нїемъ, / бл҃говѣ̑рнымъ лю́демъ те́плыѧ посо́бники, / и҆́хже ра́ди хрⷭ҇тосъ врагѡ́въ возноше́нїѧ низложѝ, / и҆мѣ́ѧй ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Гла́съ и҃: Землѧ̀ весели́тсѧ и҆ нб҃о ра́дꙋетсѧ, / ѻ҆ц҃ы̀ прпⷣбнїи, / восхвалѧ́юще по́двиги и҆ трꙋды̀ ва́шѧ, / дꙋше́вное бл҃гомо́щїе и҆ ᲂу҆ма̀ чистотꙋ̀, / зако́номъ бо є҆стества̀ не побѣди́стесѧ. / ѽ, собо́ре ст҃ы́й и҆ по́лче бж҃е́ственный, / землѝ на́шеѧ ᲂу҆твержде́нїе вы̀ є҆стѐ вои́стиннꙋ."
|
|
},
|
|
{
|
|
"type": "HEADER",
|
|
"value": "Гла́съ то́йже. Подо́бенъ: Ѽ, пресла́внагѡ чꙋдесѐ:"
|
|
},
|
|
{
|
|
"type": "TEXT",
|
|
"value": "Б л҃же́ннїи бг҃омꙋ́дрїи кнѧ́зи рѡссі́йстїи, / правосла́вною мꙋ́дростїю сїѧ́ющїи, / добродѣ́телей же свѣ́тлостїю блиста́ющїи, / ѡ҆зарѧ́ете вѣ́рныхъ и҆сполне́нїѧ, / бѣсѡ́въ тьмꙋ̀ ѿгонѧ́юще. / тѣ́мже, ꙗ҆́кѡ прича́стники невече́рнїѧ бл҃года́ти / и҆ наслѣ́дїѧ ва́шегѡ храни́тели непосты̑дныѧ, / ва́съ почита́емъ, досточꙋ́днїи."
|
|
},
|
|
{
|
|
"type": "TEXT",
|
|
"value": "М ч҃ницы хрⷭ҇тѡ́вы пребл҃же́ннїи, / на во́льное заколе́нїе са́ми себѐ преда́сте, / и҆ зе́млю рꙋ́сскꙋю кровьмѝ ва́шими ѡ҆ст҃и́сте, / и҆ воздꙋ́хъ просвѣти́сте преставле́нїемъ: / ны́нѣ же живетѐ на нб҃се́хъ, во свѣ́тѣ невече́рнемъ, / ѡ҆ на́съ всегда̀ молѧ́щесѧ, бг҃ови́дцы."
|
|
},
|
|
{
|
|
"type": "TEXT",
|
|
"value": "Д обродѣ́телей ва́шихъ и҆справлє́нїѧ / ᲂу҆ѧсни́ша вѣ́рныхъ сердца̀, / хрⷭ҇та̀ ра́ди ю҆ро́дивїи и҆ пра́веднїи, въ рѡссі́и просїѧ́вшїи: / кто́ бо слы́ша безмѣ́рное ва́ше смире́нїе и҆ терпѣ́нїе, не ᲂу҆диви́тсѧ: / ко всѣ́мъ кро́тость и҆ незло́бїе, / къ скорбѧ́щымъ ми́лованїе и҆ сꙋ́щымъ въ бѣда́хъ ско́рое поможе́нїе, / пла́вающымъ немѧте́жное приста́нище / и҆ пꙋтеше́ствꙋющымъ бл҃го́е поспѣше́нїе: / всѧ̑ бл҃голѣ́пнѡ предвари́сте, досточꙋ́днїи. / и҆ ны́нѣ неꙋвѧда́емыми вѣнцы̑ вѣнча́лисѧ є҆стѐ / ѿ рꙋкѝ вседержи́телѧ бг҃а: / є҆го́же моли́те спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Сла́ва, гла́съ є҃: Ра́дꙋйсѧ, держа́во рѡссі́йскаѧ вѣ́рнаѧ, / ра́дꙋйсѧ, кнѧ́зю бл҃говѣ́рный влади́мїре пребога́тый, / ра́дꙋйсѧ, ѻ҆́льго и҆збра́ннаѧ: / вы́ бо є҆стѐ пе́рвѣйшїи ко влⷣцѣ всѣ́хъ на́ши хода̑таи, / и҆ нача̑льницы правосла́вїѧ, / и҆ наста̑вницы ко и҆́стиннѣй вѣ́рѣ. / ра́дꙋйсѧ, всѧ́ко мѣ́сто, и҆ страна̀, и҆ гра́дъ, / гра́жданы воспита́вшїи нбⷭ҇наго црⷭ҇тва. / сі́и ст҃і́и свѣти́ла дꙋша́мъ на́шымъ ꙗ҆ви́шасѧ, / сі́и чꙋде́съ заре́ю, и҆ дѣ́лы, и҆ зна́меньми / просїѧ́ша мы́сленнѡ во всѧ̑ концы̀, / и҆ ны́нѣ хрⷭ҇тꙋ̀ мо́лѧтсѧ ѡ҆ спасе́нїи дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ догма́тикъ, гла́съ а҃: Всемі́рнꙋю сла́вꙋ, / ѿ человѣ̑къ прозѧ́бшꙋю, / и҆ влⷣкꙋ ро́ждшꙋю, / нбⷭ҇нꙋю две́рь / воспои́мъ мр҃і́ю дв҃ꙋ, / безпло́тныхъ пѣ́снь, и҆ вѣ́рныхъ ᲂу҆добре́нїе: / сїѧ́ бо ꙗ҆ви́сѧ нб҃о, и҆ хра́мъ бжⷭ҇тва̀: / сїѧ̀ прегражде́нїе вражды̀ разрꙋши́вши, / мі́ръ введѐ, и҆ црⷭ҇твїе ѿве́рзе. / сїю̀ ᲂу҆́бѡ и҆мꙋ́ще вѣ́ры ᲂу҆твержде́нїе, / побо́рника и҆́мамы и҆з̾ неѧ̀ ро́ждшагосѧ гдⷭ҇а. / дерза́йте ᲂу҆́бѡ, дерза́йте лю́дїе бж҃їи: / и҆́бо то́й побѣди́тъ врагѝ, ꙗ҆́кѡ всеси́ленъ."
|
|
},
|
|
{
|
|
"type": "TEXT",
|
|
"value": "Вхо́дъ: Свѣ́те ти́хїй: Прокі́менъ: Гдⷭ҇ь воцр҃и́сѧ: и҆ чтє́нїѧ г҃."
|
|
},
|
|
{
|
|
"type": "HEADER",
|
|
"value": "Проро́чества и҆са́їина чте́нїе. [Глава̀ м҃г.]"
|
|
},
|
|
{
|
|
"type": "TEXT",
|
|
"value": "Т а́кѡ глаго́летъ гдⷭ҇ь: всѝ ꙗ҆зы́цы собра́шасѧ вкꙋ́пѣ, и҆ соберꙋ́тсѧ кнѧ́зи ѿ ни́хъ. кто̀ возвѣсти́тъ сїѧ̑; и҆лѝ ꙗ҆̀же ѿ нача́ла, кто̀ слы́шана сотвори́тъ ва́мъ; да приведꙋ́тъ свидѣ́тели своѧ̑, и҆ ѡ҆правдѧ́тсѧ, и҆ да ᲂу҆слы́шатъ, и҆ да рекꙋ́тъ и҆́стинꙋ. бꙋ́дите мѝ свидѣ́тели, и҆ а҆́зъ свидѣ́тель, глаго́летъ гдⷭ҇ь бг҃ъ, и҆ ѻ҆́трокъ є҆го́же и҆збра́хъ: да позна́ете, и҆ вѣ́рꙋете мѝ, и҆ разꙋмѣ́ете, ꙗ҆́кѡ а҆́зъ є҆́смь: пре́жде менѐ не бы́сть и҆́нъ бг҃ъ, и҆ по мнѣ̀ не бꙋ́детъ. а҆́зъ є҆́смь бг҃ъ, и҆ нѣ́сть ра́звѣ менѐ спаса́ѧй. а҆́зъ возвѣсти́хъ и҆ спасо́хъ, ᲂу҆ничижи́хъ, и҆ не бѣ̀ въ ва́съ чꙋжді́й. вы̀ мнѣ̀ свидѣ́тели, и҆ а҆́зъ гдⷭ҇ь бг҃ъ, и҆ є҆щѐ ѿ нача́ла а҆́зъ є҆́смь, и҆ нѣ́сть ѿ рꙋ́къ мои́хъ и҆збавлѧ́ѧй: сотворю̀, и҆ кто̀ ѿврати́тъ то̀; си́це глаго́летъ гдⷭ҇ь бг҃ъ, и҆збавлѧ́ѧй ва́съ ст҃ы́й і҆и҃левъ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. [Глава̀ г҃.]"
|
|
},
|
|
{
|
|
"type": "TEXT",
|
|
"value": "П ра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѿ на́съ ше́ствїе сокрꙋше́нїе, ѻ҆ни́ же сꙋ́ть въ ми́рѣ. и҆́бо пред̾ лице́мъ чл҃вѣ́ческимъ, а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено: и҆ въ ма́лѣ нака́зани бы́вше, вели́кими бл҃годѣ́тельствовани бꙋ́дꙋтъ: ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ досто́йны себѣ̀. ꙗ҆́кѡ зла́то въ горни́лѣ и҆скꙋсѝ и҆̀хъ: и҆ ꙗ҆́кѡ всепло́дїе же́ртвенное прїѧ́тъ ѧ҆̀. и҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. сꙋ́дѧтъ ꙗ҆зы́кѡмъ и҆ ѡ҆блада́ютъ людьмѝ, и҆ воцари́тсѧ гдⷭ҇ь въ ни́хъ во вѣ́ки. надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀. ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́ни чте́нїе. [Глава̀ є҃.]"
|
|
},
|
|
{
|
|
"type": "TEXT",
|
|
"value": "П ра́вєдницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, попече́нїе и҆́хъ ᲂу҆ вы́шнѧгѡ. сегѡ̀ ра́ди прїи́мꙋтъ црⷭ҇твїе благолѣ́пїѧ, и҆ вѣне́цъ добро́ты ѿ рꙋкѝ гдⷭ҇ни: занѐ десни́цею покры́етъ ѧ҆̀, и҆ мы́шцею защити́тъ и҆́хъ. прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ. прїи́метъ щи́тъ непобѣди́мый, преподо́бїе: поѡстри́тъ же напра́сный гнѣ́въ ѻ҆рꙋ́жїе: спобо́ретъ же съ ни́мъ мі́ръ на безꙋ́мныѧ. по́йдꙋтъ праволꙋ̑чныѧ стрѣ́лы мо́лнїины, и҆ ꙗ҆́кѡ ѿ благокрꙋ́гла лꙋ́ка ѻ҆блакѡ́въ, на намѣ́ренїе полетѧ́тъ: и҆ ѿ каменоме́тныѧ ꙗ҆́рости, и҆спо́лнь падꙋ́тъ гра́ды. вознегодꙋ́етъ на ни́хъ вода̀ морска́ѧ, рѣ́ки же пото́пѧтъ ѧ҆̀ на́глѡ. сопроти́въ ста́нетъ и҆̀мъ дх҃ъ си́лы, и҆ ꙗ҆́кѡ ви́хоръ развѣ́етъ и҆̀хъ: и҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. слы́шите ᲂу҆́бѡ ца́рїе и҆ разꙋмѣ́йте, навы́кните сꙋдїѝ концє́въ землѝ. внꙋши́те держа́щїи мно́жєства, и҆ гордѧ́щїисѧ ѡ҆ наро́дѣхъ ꙗ҆зы̑къ: ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
|
},
|
|
{
|
|
"type": "HEADER",
|
|
"value": "На лїті́и стїхи́ра хра́ма и҆ ст҃ы́хъ стїхи́ра, гла́съ и҃:"
|
|
},
|
|
{
|
|
"type": "TEXT",
|
|
"value": "С ра́дꙋйтесѧ съ на́ми, всѝ ли́цы ст҃ы́хъ / и҆ всѧ̑ а҆́гг҃льскаѧ чинѡнача̑лїѧ, / дꙋхо́внѡ совокꙋ́пльшесѧ, прїи́демъ и҆ воспои́мъ / бл҃года́рнꙋю пѣ́снь хрⷭ҇тꙋ̀ бг҃ꙋ: / се́ бо безчи́сленный со́нмъ срѡ́дникъ на́шихъ, бг҃ꙋ благоꙋгоди́вшихъ, / предстои́тъ цр҃ю̀ сла́вы, и҆ моле́бнѡ хода́тайствꙋетъ ѡ҆ на́съ. / сі́и сꙋ́ть правосла́вныѧ вѣ́ры столпѝ и҆ красота̀: / сі́и цр҃ковь бж҃їю просла́виша пѡ́двиги / и҆ крове́й и҆злїѧ̑нїи, ᲂу҆чє́нїи и҆ дѣ́лы: / сі́и чꙋдесы̀ и҆ зна́менїи вѣ́рꙋ хрⷭ҇то́вꙋ ᲂу҆тверди́ша: / сі́и ѿ всѣ́хъ прєдѣ́лъ землѝ на́шеѧ возсїѧ́ша, / и҆ вѣ́рꙋ правосла́внꙋю въ ни́хъ ᲂу҆тверди́ша, / и҆ во и҆ны̑ѧ страны̑ пронесо́ша, а҆пⷭ҇льски ревнꙋ́юще: / и҆ні́и же пꙋсты̑ни и҆ гра́ды ѻ҆би́тельми ст҃ы́ми ᲂу҆краси́ша, / а҆́гг҃льское житїѐ показꙋ́юще. / мнѡ́зи ѿ сынѡ́въ вѣ́ка сегѡ̀ рꙋга̑нїи и҆ ра́нами, / и҆ лю́тою сме́ртїю и҆скꙋси́шасѧ. / мно́зи же и҆ и҆нѣ́ми пѡ́двиги / во всѧ́цѣмъ чи́нѣ подвиза́шасѧ, / и҆ всѝ мо́лѧтсѧ гдⷭ҇еви / и҆зба́вити ѿ бѣ́дъ ѻ҆те́чество на́ше, / и҆ на́мъ терпѣ́нїѧ ѕлострада́нїѧ ѡ҆́бразъ подаю́тъ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, гла́съ то́йже: Сра́дꙋютсѧ съ на́ми ᲂу̑мнаѧ всѧ̑ чинѡнача̑лїѧ, / дх҃о́вный совокꙋ́пльше ли́къ, / ви́дѧще цр҃и́цꙋ и҆ влⷣчцꙋ всѣ́хъ, / многоиме́ннѣ вѣ́рными сла́вимꙋ: / ра́дꙋютсѧ же и҆ дꙋ́си пра́ведныхъ, / сꙋ́щїи зри́телїе видѣ́нїѧ, / на воздꙋ́сѣ моле́бнѡ простира́ющꙋ всечⷭ҇тнѣ́и своѝ рꙋ́цѣ, / просѧ́щꙋ ᲂу҆мире́нїѧ мі́рꙋ, / и҆ странѣ̀ рѡссі́йстѣй ᲂу҆твержде́нїѧ, / и҆ сп҃се́нїѧ дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры воскрє́сны, гла́съ а҃:"
|
|
},
|
|
{
|
|
"type": "TEXT",
|
|
"value": "С трⷭ҇тїю твое́ю хрⷭ҇тѐ, / ѿ страсте́й свободи́хомсѧ, / и҆ воскрⷭ҇нїемъ твои́мъ и҆з̾ и҆стлѣ́нїѧ и҆зба́вихомсѧ, / гдⷭ҇и, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сті́хъ: Гдⷭ҇ь воцр҃и́сѧ, / въ лѣ́потꙋ ѡ҆блече́сѧ."
|
|
},
|
|
{
|
|
"type": "TEXT",
|
|
"value": "Д а ра́дꙋетсѧ тва́рь, нб҃са̀ да веселѧ́тсѧ, / рꙋка́ми да воспле́щꙋтъ ꙗ҆зы́цы съ весе́лїемъ: / хрⷭ҇то́съ бо сп҃съ на́шъ, / на крⷭ҇тѣ̀ пригвоздѝ грѣхѝ на́шѧ: / и҆ сме́рть ᲂу҆мертви́въ живо́тъ на́мъ дарова̀, / па́дшаго а҆да́ма всеро́днаго воскр҃си́вый, / ꙗ҆́кѡ чл҃вѣколю́бецъ."
|
|
},
|
|
{
|
|
"type": "TEXT",
|
|
"value": "Сті́хъ: И҆́бо ᲂу҆твердѝ вселе́ннꙋю, / ꙗ҆́же не подви́житсѧ."
|
|
},
|
|
{
|
|
"type": "TEXT",
|
|
"value": "Ц р҃ь сы́й нб҃сѐ и҆ землѝ, непостижи́ме, / во́лею распѧ́лсѧ є҆сѝ за чл҃вѣколю́бїе. / є҆го́же а҆́дъ срѣ́тъ до́лѣ, ѡ҆горчи́сѧ, / и҆ пра́ведныхъ дꙋ́шы прїе́мшѧ возра́довашасѧ: / а҆да́мъ же, ви́дѣвъ тѧ̀ зижди́телѧ въ преиспо́днихъ, воскр҃се. / ѽ чꙋдесѐ! / ка́кѡ сме́рти вкꙋсѝ всѣ́хъ жи́знь; / но ꙗ҆́коже восхотѣ̀ мі́ръ просвѣти́ти зовꙋ́щїй, и҆ глаго́лющїй: / воскр҃сы́й и҆з̾ ме́ртвыхъ, гдⷭ҇и, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Сті́хъ: До́мꙋ твоемꙋ̀ подоба́етъ ст҃ы́нѧ, / гдⷭ҇и, въ долготꙋ̀ дні́й."
|
|
},
|
|
{
|
|
"type": "TEXT",
|
|
"value": "Ж єны̀ мѷронѡ́сицы, мѵ́ра носѧ́щѧ, / со тща́нїемъ и҆ рыда́нїемъ гро́ба твоегѡ̀ достиго́ша, / и҆ не ѡ҆брѣ́тшѧ пречⷭ҇тагѡ тѣ́ла твоегѡ̀, / ѿ а҆́гг҃ла же ᲂу҆вѣ́дѣвшѧ но́вое и҆ пресла́вное чꙋ́до, / а҆пⷭ҇лѡмъ глаго́лахꙋ: / воскр҃се гдⷭ҇ь подаѧ̀ мі́рови ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Сла́ва, гла́съ д҃: Лѣ́тнюю па́мѧть дне́сь / ст҃ы́хъ срѡ́дникъ на́шихъ соверша́юще, / досто́йнѡ сїѧ̑ да ᲂу҆блажи́мъ. / ті́и бо вои́стиннꙋ чре́зъ всѧ̑ бл҃же́нства гдⷭ҇нѧ проидо́ша: / ѡ҆бнища́вше бо, дх҃омъ ѡ҆богати́шасѧ: / и҆ кро́тцы бы́вше, зе́млю кро́ткихъ наслѣ́доваша; / пла́кавше, ᲂу҆тѣ́шишасѧ: / а҆лка́вше пра́вды, насы́тишасѧ: / поми́ловавше, поми́ловани бы́ша: / чи́сти се́рдцемъ, бг҃а ꙗ҆́кѡже мо́щнѡ ᲂу҆зрѣ́ша: / миротвори́вше, бж҃е́ственнагѡ сподо́бишасѧ сн҃оположе́нїѧ: / гони́ми же и҆ мꙋ́чими пра́вды ра́ди и҆ бл҃гоче́стїѧ, / на нб҃сѣ́хъ ны́нѣ веселѧ́тсѧ и҆ ра́дꙋютсѧ: / и҆ прилѣ́жнѡ мо́лѧтсѧ гдⷭ҇еви / поми́ловатисѧ ѻ҆те́чествꙋ на́шемꙋ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, гла́съ є҃: Вострꙋ́бимъ трꙋбо́ю пѣ́сней, / воспои́мъ согла́снѡ застꙋ́пницѣ страны̀ на́шеѧ, / цр҃и́цѣ бцⷣѣ: / ра́дꙋйсѧ, бл҃говоле́нїемъ твои́мъ ѻ҆те́чество на́ше ѿ лѣ́тъ дре́внихъ вѣнча́вшаѧ / и҆ бл҃года́ть твою̀ томꙋ̀ и҆сточа́ющаѧ. / тѣ́мже и҆ пречⷭ҇тный тво́й покро́въ / и҆ па̑мѧти те́мъ чꙋде́съ твои́хъ / цр҃ковь на́ша рѡссі́йскаѧ свѣ́тлѡ пра́зднꙋетъ. / не ѿимѝ ѿ на́съ влⷣчце, и҆ ны́нѣ млⷭ҇ти твоѧ̑: / при́зри на скѡ́рби и҆ тѣснотꙋ̀ на́шꙋ, / и҆ воздви́гни на́съ держа́внымъ застꙋпле́нїемъ твои́мъ."
|
|
},
|
|
{
|
|
"type": "TEXT",
|
|
"value": "На бл҃гослове́нїи хлѣ́бѡвъ пое́мъ, Бцⷣе дв҃о: [Два́жды]."
|
|
},
|
|
{
|
|
"type": "HEADER",
|
|
"value": "И҆ ст҃ы́мъ тропа́рь, гла́съ и҃, є҆ди́ножды."
|
|
},
|
|
{
|
|
"type": "TEXT",
|
|
"value": "Ꙗ҆́ коже пло́дъ кра́сный твоегѡ̀ сп҃си́тельнагѡ сѣ́ѧнїѧ, / землѧ̀ рѡссі́йскаѧ прино́ситъ тѝ, гдⷭ҇и, / всѧ̑ ст҃ы̑ѧ въ то́й просїѧ́вшыѧ. / тѣ́хъ мл҃твами въ ми́рѣ глꙋбо́цѣ / цр҃ковь и҆ странꙋ̀ на́шꙋ бцⷣею соблюдѝ, многомлⷭ҇тиве."
|
|
},
|
|
{
|
|
"type": "HEADER",
|
|
"value": "Въ недѣ́лю на ᲂу҆́трени."
|
|
},
|
|
{
|
|
"type": "HEADER",
|
|
"value": "На Бг҃ъ гдⷭ҇ь, тропа́рь воскрⷭ҇нъ, гла́съ а҃:"
|
|
},
|
|
{
|
|
"type": "TEXT",
|
|
"value": "К а́мени запеча́танꙋ ѿ і҆ꙋдє́й, / и҆ во́инѡмъ стрегꙋ́щымъ пречⷭ҇тое тѣ́ло твоѐ, / воскрⷭ҇лъ є҆сѝ тридне́вный, сп҃се, / да́рꙋѧй мі́рови жи́знь. / сегѡ̀ ра́ди си̑лы нбⷭ҇ныѧ вопїѧ́хꙋ тѝ, жизнода́вче: / сла́ва воскрⷭ҇нїю твоемꙋ̀, хрⷭ҇тѐ: / сла́ва црⷭ҇твїю твоемꙋ̀: / сла́ва смотре́нїю твоемꙋ̀, є҆ди́не чл҃вѣколю́бче. [Два́жды]."
|
|
},
|
|
{
|
|
"type": "HEADER",
|
|
"value": "Сла́ва, тропа́рь ст҃ы́хъ, гла́съ и҃:"
|
|
},
|
|
{
|
|
"type": "TEXT",
|
|
"value": "Ꙗ҆́ коже пло́дъ кра́сный твоегѡ̀ сп҃си́тельнагѡ сѣ́ѧнїѧ, / землѧ̀ рѡссі́йскаѧ прино́ситъ тѝ, гдⷭ҇и, / всѧ̑ ст҃ы̑ѧ въ то́й просїѧ́вшыѧ. / тѣ́хъ мл҃твами въ ми́рѣ глꙋбо́цѣ / цр҃ковь и҆ странꙋ̀ на́шꙋ бцⷣею соблюдѝ, многомлⷭ҇тиве."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "И҆́ же на́съ ра́ди рожде́йсѧ ѿ дв҃ы, / и҆ распѧ́тїе претерпѣ́въ бл҃гі́й, / и҆спрове́ргїй сме́ртїю сме́рть, / и҆ воскрⷭ҇нїе ꙗ҆вле́й ꙗ҆́кѡ бг҃ъ, / не пре́зри ꙗ҆̀же созда́лъ є҆сѝ рꙋко́ю твое́ю: / ꙗ҆вѝ чл҃вѣколю́бїе твоѐ млⷭ҇тиве, / прїимѝ ро́ждшꙋю тѧ̀ бцⷣꙋ молѧ́щꙋюсѧ за ны̀: / и҆ сп҃сѝ сп҃се на́шъ, лю́ди ѿча̑ѧнныѧ."
|
|
},
|
|
{
|
|
"type": "TEXT",
|
|
"value": "Та́же ѻ҆бы́чное стїхосло́вїе."
|
|
},
|
|
{
|
|
"type": "HEADER",
|
|
"value": "По а҃-мъ стїхосло́вїи сѣда́льны воскрⷭ҇ны, гла́съ а҃:"
|
|
},
|
|
{
|
|
"type": "TEXT",
|
|
"value": "Г ро́бъ тво́й сп҃се, во́ини стрегꙋ́щїи, / ме́ртвїи ѿ ѡ҆блиста́нїѧ ꙗ҆́вльшагѡсѧ а҆́гг҃ла бы́ша, / проповѣ́дающа жена́мъ воскр҃се́нїе. / тебѐ сла́вимъ тлѝ потреби́телѧ, / тебѣ̀ припа́даемъ воскрⷭ҇шемꙋ и҆з̾ гро́ба, / и҆ є҆ди́номꙋ бг҃ꙋ на́шемꙋ."
|
|
},
|
|
{
|
|
"type": "TEXT",
|
|
"value": "Сті́хъ: Воскрⷭ҇нѝ гдⷭ҇и бж҃е мо́й, да вознесе́тсѧ рꙋка̀ твоѧ̀, / не забꙋ́ди ᲂу҆бо́гихъ твои́хъ до конца̀."
|
|
},
|
|
{
|
|
"type": "TEXT",
|
|
"value": "К о крⷭ҇тꙋ̀ пригво́ждьсѧ во́лею ще́дре, / во гро́бѣ положе́нъ бы́въ ꙗ҆́кѡ ме́ртвъ животода́вче, / держа́вꙋ сте́рлъ є҆сѝ си́льне сме́ртїю твое́ю: / тебе́ бо вострепета́ша вра́тницы а҆́дѡвы, / ты̀ совоздви́глъ є҆сѝ ѿ вѣ́ка ᲂу҆ме́ршыѧ, / ꙗ҆́кѡ є҆ди́нъ чл҃вѣколю́бецъ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, бг҃оро́диченъ: Мт҃рь тѧ̀ бж҃їю свѣ́мы всѝ дв҃ꙋ вои́стиннꙋ, и҆ по ржⷭ҇твѣ̀ ꙗ҆́вльшꙋюсѧ, / и҆̀же любо́вїю прибѣга́ющїи къ твое́й бл҃гости: / тебе́ бо и҆́мамы грѣ́шнїи предста́тельство, / тебѐ стѧжа́хомъ въ напа́стехъ сп҃се́нїе, / є҆ди́нꙋ всенепоро́чнꙋю."
|
|
},
|
|
{
|
|
"type": "HEADER",
|
|
"value": "По в҃-мъ стїхосло́вїи, сѣда́ленъ, гла́съ а҃. Подо́бенъ: Ка́мени запеча́танꙋ:"
|
|
},
|
|
{
|
|
"type": "TEXT",
|
|
"value": "Ж єны̀ ко гро́бꙋ прїидо́ша ᲂу҆ра́ншѧ, / и҆ а҆́гг҃льское ꙗ҆вле́нїе ви́дѣвшѧ трепета́хꙋ: / гро́бъ ѡ҆блиста̀ жи́знь, чꙋ́до ᲂу҆дивлѧ́ше ѧ҆̀: / сегѡ̀ ра́ди ше́дшѧ ᲂу҆ч҃нкѡ́мъ проповѣ́дахꙋ воста́нїе: / а҆́дъ плѣнѝ хрⷭ҇то́съ, ꙗ҆́кѡ є҆ди́нъ крѣ́покъ и҆ си́ленъ, / и҆ и҆стлѣ́вшыѧ всѧ̑ совоздви́же, / ѡ҆сꙋжде́нїѧ стра́хъ разрꙋши́въ крⷭ҇то́мъ."
|
|
},
|
|
{
|
|
"type": "TEXT",
|
|
"value": "Сті́хъ: И҆сповѣ́мсѧ тебѐ гдⷭ҇и всѣ́мъ се́рдцемъ мои́мъ, / повѣ́мъ всѧ̑ чꙋдеса̀ твоѧ̑."
|
|
},
|
|
{
|
|
"type": "TEXT",
|
|
"value": "Н а крⷭ҇тѣ̀ пригвозди́лсѧ є҆сѝ животѐ всѣ́хъ, / и҆ въ ме́ртвыхъ вмѣни́лсѧ є҆сѝ безсме́ртный гдⷭ҇и, / воскр҃слъ є҆сѝ тридне́венъ сп҃се, / совоздви́гъ а҆да́ма ѿ тлѣ́нїѧ. / сегѡ̀ ра́ди си̑лы нбⷭ҇ныѧ вопїѧ́хꙋ тебѣ̀, жизнода́вче хрⷭ҇тѐ: / сла́ва воскрⷭ҇нїю твоемꙋ̀, / сла́ва снизхожде́нїю твоемꙋ̀, / є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, бг҃оро́диченъ: Мр҃і́е, чⷭ҇тно́е влⷣки прїѧ́телище, / воскр҃си́ ны па́дшыѧ въ про́пасть лю́тагѡ ѿча́ѧнїѧ, и҆ прегрѣше́нїй и҆ скорбе́й, / ты́ бо є҆сѝ грѣ̑шнымъ сп҃се́нїе и҆ по́мощь, и҆ крѣ́пкое предста́тельство, / и҆ сп҃са́еши рабы̑ твоѧ̑."
|
|
},
|
|
{
|
|
"type": "HEADER",
|
|
"value": "Полѷеле́й и҆ велича́нїе ст҃ы́мъ:"
|
|
},
|
|
{
|
|
"type": "TEXT",
|
|
"value": "В елича́емъ ва́съ / свѧті́и всѝ, въ землѝ рѡссі́йстѣй просїѧ́вшїи, / и҆ чте́мъ ст҃ꙋ́ю па́мѧть ва́шꙋ, / вы́ бо моли́те за на́съ / хрⷭ҇та̀ бг҃а на́шего."
|
|
},
|
|
{
|
|
"type": "HEADER",
|
|
"value": "Ѱало́мъ и҆збра́нный."
|
|
},
|
|
{
|
|
"type": "TEXT",
|
|
"value": "а҃ ли́къ: Оу҆слы́шите сїѧ̑ всѝ ꙗ҆зы́цы, внꙋши́те всѝ живꙋ́щїи по вселе́ннѣй. в҃. ᲂу҆ста̀ моѧ̑ возглаго́лютъ премꙋ́дрость, и҆ поꙋче́нїе се́рдца моегѡ̀ ра́зꙋмъ. а҃. прїиди́те ча̑да, послꙋ́шайте менѐ, стра́хꙋ гдⷭ҇ню наꙋчꙋ̀ ва́съ. в҃. бл҃говѣсти́хъ пра́вдꙋ въ цр҃кви вели́цѣй. а҃. и҆́стинꙋ твою̀ и҆ сп҃се́нїе твоѐ рѣ́хъ. в҃. повѣ́мъ и҆́мѧ твоѐ бра́тїи мое́й, посредѣ̀ цр҃кве воспою́ тѧ. а҃. ᲂу҆слы́шати мѝ гла́съ хвалы̀ твоеѧ̀, и҆ повѣ́дати всѧ̑ чꙋдеса̀ твоѧ̑. в҃. гдⷭ҇и, возлюби́хъ бл҃голѣ́пїе домꙋ̀ твоегѡ̀, и҆ мѣ́сто селе́нїѧ сла́вы твоеѧ̀. а҃. возненави́дѣхъ це́рковь лꙋка́внꙋющихъ и҆ съ нечести́выми не сѧ́дꙋ. в҃. ꙗ҆́кѡ сохрани́хъ пꙋти̑ гдⷭ҇ни, и҆ не нече́ствовахъ ѿ бг҃а моегѡ̀. а҃. ᲂу҆ста̀ првⷣнагѡ поꙋча́тсѧ премꙋ́дрости, и҆ ѧ҆зы́къ є҆гѡ̀ возглаго́летъ сꙋ́дъ. в҃. пра́вда є҆гѡ̀ пребыва́етъ въ вѣ́къ вѣ́ка. а҃. сщ҃е́нницы твоѝ ѡ҆блекꙋ́тсѧ пра́вдою, и҆ прпⷣбнїи твоѝ возра́дꙋютсѧ. в҃. бл҃же́ни живꙋ́щїи въ домꙋ̀ твое́мъ, въ вѣ́ки вѣкѡ́въ восхва́лѧтъ тѧ̀."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ: А҆ллилꙋ́їа, три́жды."
|
|
},
|
|
{
|
|
"type": "TEXT",
|
|
"value": "По непоро́чныхъ тропарѝ: А҆́гг҃льскїй собо́ръ:"
|
|
},
|
|
{
|
|
"type": "HEADER",
|
|
"value": "Та́же ѵ҆пакоѝ, гла́съ а҃:"
|
|
},
|
|
{
|
|
"type": "TEXT",
|
|
"value": "Р азбо́йничо покаѧ́нїе ра́й ѡ҆кра́де, / пла́чь же мѷроно́сицъ ра́дость возвѣстѝ, / ꙗ҆́кѡ воскрⷭ҇лъ є҆сѝ хрⷭ҇тѐ бж҃е, / подаѧ́й мі́рови ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "И҆ сѣда́льны ст҃ы́хъ, гла́съ и҃. Подо́бенъ: Повелѣ́нное:"
|
|
},
|
|
{
|
|
"type": "TEXT",
|
|
"value": "С т҃ы́хъ мо́лнїѧми ѡ҆зари́вшесѧ, / ꙗ҆́кѡ въ ра́й кра́сный входѧ́ще, / сла́дости пото́ка наслади́хомсѧ, / и҆ си́хъ до́блести чꙋ́днѡ смотрѧ́юще, / поревнꙋ́имъ добродѣ́телемъ и҆́хъ, сп҃сꙋ взыва́юще: / моли́твами и҆́хъ бж҃е, / црⷭ҇твїѧ твоегѡ̀ прича́стники на́съ сотворѝ."
|
|
},
|
|
{
|
|
"type": "HEADER",
|
|
"value": "Гла́съ а҃. Подо́бенъ: Гро́бъ тво́й, сп҃се:"
|
|
},
|
|
{
|
|
"type": "TEXT",
|
|
"value": "Ꙗ҆́ кѡ сл҃нце свѣ́тлое, / ꙗ҆́кѡ блиста́ющаѧ денни́ца, / па́мѧть честна́ѧ въ землѝ рѡссі́йстѣй просїѧ́вшихъ свѧты́хъ возсїѧ̀, / всѣ́хъ на́съ ѡ҆свѣща́ющи / и҆ согрѣва́ющи сердца̀ на́ша / къ подража́нїю житїю̀ и҆́хъ бж҃е́ственномꙋ / и҆ къ ре́вности ѡ҆ вѣ́рѣ."
|
|
},
|
|
{
|
|
"type": "TEXT",
|
|
"value": "Сла́ва, гла́съ и҃: Въ па́мѧти ст҃ы́хъ твои́хъ гдⷭ҇и, / всѝ вѣ́рнїи лю́дїе рѡссі́йстїи пра́зднꙋют: / нб҃са̀ ра́дꙋютсѧ, / и҆ землѝ на́шеѧ концы̀ веселѧ́тсѧ. / тѣ́хъ мл҃твами да́рꙋй дꙋша́мъ на́шымъ ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "И҆ ны́нѣ, гла́съ то́йже: Съ вы́шнихъ призира́ѧ, ᲂу҆бо́гїѧ прїемлѧ, / посѣтѝ ны̀, ѡ҆злѡ́бленныѧ грѣхи̑, влⷣко всемлⷭ҇тиве, / мл҃твами бцⷣы и҆ всѣ́хъ ст҃ы́хъ рѡссі́йскихъ / да́рꙋй дꙋша́мъ на́шымъ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Степє́нна, гла́съ а҃. А҆нтїфѡ́нъ а҃. И҆́хже стїхѝ повторѧ́юще пое́мъ:"
|
|
},
|
|
{
|
|
"type": "TEXT",
|
|
"value": "В негда̀ скорбѣ́ти мѝ, ᲂу҆слы́ши моѧ̑ болѣ̑зни, / гдⷭ҇и тебѣ̀ зовꙋ̀."
|
|
},
|
|
{
|
|
"type": "TEXT",
|
|
"value": "П ꙋсты̑ннымъ непреста́нное бж҃е́ственное жела́нїе быва́етъ, / мі́ра сꙋ́щымъ сꙋ́етнагѡ кромѣ̀."
|
|
},
|
|
{
|
|
"type": "TEXT",
|
|
"value": "Сла́ва: Ст҃о́мꙋ дх҃ꙋ че́сть и҆ сла́ва, / ꙗ҆́коже ѻ҆ц҃ꙋ̀ подоба́етъ, кꙋ́пнѡ же и҆ сн҃ꙋ, / сегѡ̀ ра́ди да пое́мъ трⷪ҇цѣ є҆динодержа́вїе."
|
|
},
|
|
{
|
|
"type": "TEXT",
|
|
"value": "И҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "А҆нтїфѡ́нъ в҃:"
|
|
},
|
|
{
|
|
"type": "TEXT",
|
|
"value": "Н а го́ры твои́хъ возне́слъ є҆сѝ мѧ̀ зако́нѡвъ, / добродѣ́тельми просвѣтѝ бж҃е, да пою́ тѧ."
|
|
},
|
|
{
|
|
"type": "TEXT",
|
|
"value": "Д есно́ю твое́ю рꙋко́ю прїи́мъ ты̀ сло́ве, / сохрани́ мѧ, соблюдѝ, / да не ѻ҆́гнь менѐ ѡ҆пали́тъ грѣхо́вный."
|
|
},
|
|
{
|
|
"type": "TEXT",
|
|
"value": "Сла́ва: Ст҃ы́мъ дх҃омъ всѧ́каѧ тва́рь ѡ҆бновлѧ́етсѧ, / па́ки текꙋ́щи на пе́рвое: / равномо́щенъ бо є҆́сть ѻ҆ц҃ꙋ̀ и҆ сло́вꙋ."
|
|
},
|
|
{
|
|
"type": "TEXT",
|
|
"value": "И҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "А҆нтїфѡ́нъ г҃:"
|
|
},
|
|
{
|
|
"type": "TEXT",
|
|
"value": "Ѡ҆ ре́кшихъ мнѣ̀, вни́демъ во дворы̀ гдⷭ҇ни, / возвесели́сѧ мо́й дꙋ́хъ, сра́дꙋетсѧ се́рдце."
|
|
},
|
|
{
|
|
"type": "TEXT",
|
|
"value": "В ъ домꙋ̀ дв҃довѣ стра́хъ вели́къ: / та́мѡ во прⷭ҇то́лѡмъ поста́влєннымъ, / сꙋ́дѧтсѧ всѧ̑ племена̀ земна̑ѧ, и҆ ꙗ҆зы́цы."
|
|
},
|
|
{
|
|
"type": "TEXT",
|
|
"value": "Сла́ва: Ст҃о́мꙋ дх҃ꙋ, че́сть, поклоне́нїе, сла́вꙋ и҆ держа́вꙋ, / ꙗ҆́коже ѻ҆ц҃ꙋ̀ досто́итъ, и҆ сн҃ови подоба́етъ приноси́ти: / є҆ди́ница бо є҆́сть трⷪ҇ца є҆стество́мъ, но не ли́цы."
|
|
},
|
|
{
|
|
"type": "TEXT",
|
|
"value": "И҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ а҃:"
|
|
},
|
|
{
|
|
"type": "TEXT",
|
|
"value": "Н ы́нѣ воскрⷭ҇нꙋ̀, глаго́летъ гдⷭ҇ь, / положꙋ́сѧ во сп҃се́нїе, не ѡ҆биню́сѧ ѡ҆ не́мъ. Сті́хъ: Словеса̀ гдⷭ҇нѧ, словеса̀ чи́ста."
|
|
},
|
|
{
|
|
"type": "TEXT",
|
|
"value": "Та́же дрꙋгі́й прокі́менъ: Всѧ́кое дыха́нїе / да хва́литъ гдⷭ҇а. Сті́хъ: Хвали́те бг҃а во ст҃ы́хъ є҆гѡ̀, хвали́те є҆го̀ во ᲂу҆твержде́нїи си́лы є҆гѡ̀."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ᲂу҆́треннее воскрⷭ҇но в҃, ѿ ма́рка, зача́ло ѻ҃."
|
|
},
|
|
{
|
|
"type": "TEXT",
|
|
"value": "В о вре́мѧ ѻ҆́но, минꙋ́вши сꙋббѡ́тѣ, марі́а магдали́на, и҆ марі́а і҆а́кѡвлѧ и҆ салѡмі́а, кꙋпи́ша а҆рѡма́ты, да прише́дше пома́жꙋтъ і҆и҃са. и҆ ѕѣлѡ̀ заꙋ́тра во є҆ди́нꙋ ѿ сꙋббѡ́тъ прїидо́ша на гро́бъ, возсїѧ́вшꙋ со́лнцꙋ. и҆ глаго́лахꙋ къ себѣ̀: кто̀ ѿвали́тъ на́мъ ка́мень ѿ две́рїй гро́ба; и҆ воззрѣ́вше ви́дѣша, ꙗ҆́кѡ ѿвале́нъ бѣ̀ ка́мень: бѣ́ бо ве́лїй ѕѣлѡ̀. и҆ влѣ́зше во гро́бъ, ви́дѣша ю҆́ношꙋ сѣдѧ́ща въ десны́хъ, ѡ҆дѣ́ѧна во ѻ҆де́ждꙋ бѣлꙋ̀, и҆ ᲂу҆жасо́шасѧ. ѻ҆́нъ же глаго́ла и҆̀мъ: не ᲂу҆жаса́йтесѧ. і҆и҃са и҆́щете назарѧни́на распѧ́таго: воста̀, нѣ́сть здѣ̀: сѐ мѣ́сто, и҆дѣ́же положи́ша є҆го̀. но и҆ди́те, рцы́те ᲂу҆ченикѡ́мъ є҆гѡ̀, и҆ петро́ви, ꙗ҆́кѡ варѧ́етъ вы̀ въ галїле́и: та́мѡ є҆го̀ ви́дите, ꙗ҆́коже речѐ ва́мъ. и҆ и҆зше́дше бѣжа́ша ѿ гро́ба. и҆мѧ́ше же и҆̀хъ тре́петъ и҆ ᲂу҆́жасъ. и҆ никомꙋ́же ничто́же рѣ́ша, боѧ́хꙋ бо сѧ."
|
|
},
|
|
{
|
|
"type": "TEXT",
|
|
"value": "Та́же: Воскрⷭ҇нїе хрⷭ҇то́во ви́дѣвше: Ѱало́мъ н҃. Сла́ва: гла́съ в҃: Моли́твами а҆по́столѡвъ: И҆ ны́нѣ: Мл҃твами бцⷣы: Та́же, сті́хъ: Поми́лꙋй мѧ̀ бж҃е, по вели́цѣй ми́лости твое́й: Посе́мъ стїхи́ра: Воскре́съ і҆и҃съ ѿ гро́ба: И҆ глаго́летъ дїа́конъ: Сп҃сѝ бж҃е, лю́ди твоѧ̑:"
|
|
},
|
|
{
|
|
"type": "TEXT",
|
|
"value": "Канѡ́ны: воскрⷭ҇нъ а҃-гѡ гла́са, со і҆рмосо́мъ на д҃: и҆ бцⷣы на в҃, и҆ ст҃ы́хъ на и҃."
|
|
},
|
|
{
|
|
"type": "HEADER",
|
|
"value": "Канѡ́нъ воскрⷭ҇ный, гла́съ а҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Твоѧ̀ побѣди́тельнаѧ десни́ца / бг҃олѣ́пнѡ въ крѣ́пости просла́висѧ: / та́ бо безсме́ртне, / ꙗ҆́кѡ всемогꙋ́щаѧ, проти̑вныѧ сотрѐ, / і҆и҃льтѧнѡмъ / пꙋ́ть глꙋбины̀ новосодѣ́лавшаѧ."
|
|
},
|
|
{
|
|
"type": "TEXT",
|
|
"value": "И҆́ же рꙋка́ма пречи́стыма ѿ пе́рсти / бг҃одѣ́тельнѣ и҆спе́рва созда́въ мѧ̀, / рꙋ́цѣ распросте́рлъ є҆сѝ на крⷭ҇тѣ̀, / ѿ землѝ взыва́ѧ тлѣ́нное моѐ тѣ́ло, / є҆́же ѿ дв҃ы прїѧ́лъ є҆сѝ."
|
|
},
|
|
{
|
|
"type": "TEXT",
|
|
"value": "Оу҆ мерщвле́нїе под̾ѧ́лъ є҆сѝ менѐ ра́ди, / и҆ дꙋ́шꙋ сме́рти пре́далъ є҆сѝ, / и҆́же вдохнове́нїемъ бж҃е́ственнымъ дꙋ́шꙋ мѝ вложи́вый, / и҆ ѿрѣши́въ вѣ́чныхъ ᲂу҆́зъ, и҆ совоскр҃си́въ / нетлѣ́нїемъ просла́вилъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ра́дꙋйсѧ бл҃года́ти и҆сто́чниче. / ра́дꙋйсѧ лѣ́ствице, и҆ две́ре нбⷭ҇наѧ, / ра́дꙋйсѧ свѣ́щниче, и҆ рꙋ́чко злата́ѧ, и҆ горо̀ несѣко́маѧ, / ꙗ҆́же жизнода́вца хрⷭ҇та̀ мі́рови ро́ждшаѧ."
|
|
},
|
|
{
|
|
"type": "HEADER",
|
|
"value": "И҆́нъ канѡ́нъ, прест҃ѣ́й бцⷣѣ. Пѣ́снь а҃, гла́съ то́йже."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Твоѧ̀ побѣди́тельнаѧ:"
|
|
},
|
|
{
|
|
"type": "TEXT",
|
|
"value": "К ꙋ́ю тѝ досто́йнꙋю пѣ́снь на́ше принесе́тъ неможе́нїе; / то́чїю ѡ҆бра́довательнꙋю, / є҆́йже на́съ гаврїи́лъ та́йнѡ наꙋчи́лъ є҆́сть: / ра́дꙋйсѧ бцⷣе дв҃о, мт҃и неневѣ́стнаѧ."
|
|
},
|
|
{
|
|
"type": "TEXT",
|
|
"value": "П риснодв҃ѣ и҆ мт҃ри цр҃ѧ̀ вы́шнихъ си́лъ, / ѿ чистѣ́йша се́рдца вѣ́рнїи дꙋхо́внѣ возопїи́мъ: / ра́дꙋйсѧ бцⷣе дв҃о, мт҃и неневѣ́стнаѧ."
|
|
},
|
|
{
|
|
"type": "HEADER",
|
|
"value": "Канѡ́нъ всѣ̑мъ ст҃ы̑мъ, гла́съ и҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Пѣ́снь возсле́мъ лю́дїе / чꙋ́дномꙋ бг҃ꙋ на́шемꙋ, / свободи́вшемꙋ і҆и҃лѧ ѿ рабо́ты, / пѣ́снь побѣ́днꙋю пою́ще, и҆ вопїю́ще: / пои́мъ тебѣ̀ є҆ди́номꙋ влⷣцѣ."
|
|
},
|
|
{
|
|
"type": "TEXT",
|
|
"value": "Припѣ́в: Всѝ ст҃і́и землѝ рꙋ́сскїѧ, моли́те бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "В сѝ въ пѣ́снехъ дх҃о́вныхъ воспои́мъ согла́снѡ / въ бл҃гоче́стїи просїѧ́вшыѧ бжⷭ҇твєнныѧ ѻ҆тцы̀ на́шѧ, / и҆́хже и҆знесѐ рꙋ́сскїѧ землѝ всѧ́ко мѣ́сто и҆ страна̀ / и҆ ꙗ҆́же цр҃ковь рꙋ́сскаѧ воспита̀."
|
|
},
|
|
{
|
|
"type": "TEXT",
|
|
"value": "Р а́дꙋйтесѧ, ст҃и́телїе седмочи́сленнїи: / васі́лїе, є҆фре́ме, є҆ѵге́нїе, є҆лпі́дїе, а҆гаѳодѡ́ре, є҆ѵѳе́рїе и҆ капїтѡ́не, / въ херсони́сѣ є҆пⷭ҇копствовавшїи / и҆ зе́млю на́шꙋ кровьмѝ свои́ми ѡ҆ст҃и́вшїи."
|
|
},
|
|
{
|
|
"type": "TEXT",
|
|
"value": "П рїиди́те, мч҃николю́бцы вѣ́рнїи, / пѣ́сньми почти́мъ первомч҃ники рѡссі̑йскїѧ, / ѳео́дѡра и҆ ю҆́нагѡ і҆ѡа́нна, / і҆́дѡлѡмъ не порабо́тавшыѧ и҆ кро́ви своѧ̑ за хрⷭ҇та̀ да́вшыѧ."
|
|
},
|
|
{
|
|
"type": "TEXT",
|
|
"value": "В ели́чїе на́ше и҆ похвала̀ ты̀ є҆сѝ, ѻ҆́льго бг҃омꙋ́драѧ, / тобо́ю бо ѿ і҆́дѡльскїѧ ле́сти свободи́хомсѧ, / и҆ ны́нѣ моли́сѧ за лю́ди, ꙗ҆̀же бг҃ꙋ привела̀ є҆сѝ."
|
|
},
|
|
{
|
|
"type": "TEXT",
|
|
"value": "Р а́дꙋйсѧ и҆ весели́сѧ, ра́бе хрⷭ҇то́въ, / кн҃же вели́кїй и҆ мꙋ́дрый влади́мїре, / мл҃твенниче ѡ҆ дꙋша́хъ на́шихъ: / тобо́ю бо мы̀ всѝ и҆зба́влени є҆смы̀ бѣсо́вскїѧ ле́сти. / тѣ́мъ ра́дꙋйсѧ вопїе́мъ тѝ."
|
|
},
|
|
{
|
|
"type": "TEXT",
|
|
"value": "С їѧ́етъ, ꙗ҆́кѡ ѕвѣзда̀ на нб҃сѝ, бж҃їй і҆ера́рхъ мїхаи́лъ, / зе́млю рѡссі́йскꙋю просвѣти́вый / свѣ́томъ позна́нїѧ бжⷭ҇твенныѧ вѣ́ры / и҆ влⷣцѣ приведы́й лю́ди нѡ́вы, / ба́нею креще́нїѧ ѡ҆бновлє́нныѧ."
|
|
},
|
|
{
|
|
"type": "TEXT",
|
|
"value": "Сла́ва: Ѽ бл҃же́ннїи страстоте́рпцы хрⷭ҇тѡ́вы, бори́се и҆ глѣ́бе, / не забꙋ́дьте ѻ҆те́чества ва́шегѡ: / гла́дъ и҆ ѡ҆ѕлобле́нїе ѿжени́те, / междоꙋсо́бныѧ бра́ни и҆ всѧ́каго грѣхопаде́нїѧ и҆зба́вите на́съ, ᲂу҆пова́ющихъ на ва́съ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Съ чи́нми а҆́гг҃лъ, влⷣчице, / съ честны́ми и҆ сла́вными прⷪ҇рѡ́ки, верхо́вными а҆пⷭ҇лы и҆ сщ҃енномꙋ́ченики и҆ со а҆рх҃а́гг҃лы / за ны̀ грѣ̑шныѧ бг҃ꙋ помоли́сѧ, / твоегѡ̀ покро́ва пра́здникъ въ рѡссі́йстѣй землѝ просла́вльшыѧ."
|
|
},
|
|
{
|
|
"type": "TEXT",
|
|
"value": "Катава́сїа: Ѿве́рзꙋ ᲂу҆ста̀ моѧ̑, / и҆ напо́лнѧтсѧ дх҃а, / и҆ сло́во ѿры́гнꙋ цр҃и́цѣ мт҃ри, / и҆ ꙗ҆влю́сѧ свѣ́тлѡ торжествꙋ́ѧ, / и҆ воспою̀ ра́дꙋѧсѧ тоѧ̀ чꙋдеса̀."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Є҆ди́не вѣ́дый человѣ́ческагѡ сꙋщества̀ не́мощь, / и҆ ми́лостивнѡ въ нѐ воѡбра́жсѧ, / препоѧ́ши мѧ̀ съ высоты̀ си́лою, / є҆́же вопи́ти тебѣ̀ ст҃ы́й: / ѡ҆дꙋшевле́нный хра́ме / неизрече́нныѧ сла́вы твоеѧ̀ чл҃вѣколю́бче."
|
|
},
|
|
{
|
|
"type": "TEXT",
|
|
"value": "Б г҃ъ сы́й мнѣ̀ бл҃же, па́дшаго ᲂу҆ще́дрилъ є҆сѝ, / и҆ сни́ти ко мнѣ̀ бл҃говоли́въ, возне́слъ мѧ̀ є҆сѝ распѧ́тїемъ, / є҆́же вопи́ти тебѣ̀ ст҃ы́й: / хра́ме ѡ҆дꙋшевле́нный неизрече́нныѧ твоеѧ̀ сла́вы чл҃вѣколю́бче."
|
|
},
|
|
{
|
|
"type": "TEXT",
|
|
"value": "Ж иво́тъ ѵ҆поста́сный хрⷭ҇тѐ сы́й, / въ и҆стлѣ́вша мѧ̀, ꙗ҆́кѡ милосе́рдый бг҃ъ ѡ҆бо́лксѧ, / въ пе́рсть сме́ртнꙋю соше́дъ влⷣко, / сме́ртнꙋю держа́вꙋ разрꙋши́лъ є҆сѝ, / и҆ ме́ртвъ тридне́венъ воскр҃съ, / въ нетлѣ́нїе мѧ̀ ѡ҆бле́клъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Бг҃а заче́нши во чре́вѣ дв҃о, дх҃омъ прест҃ы́мъ, / пребыла̀ є҆сѝ неѡпали́ма, / поне́же тѧ̀ кꙋпина̀ законополо́жникꙋ мѡѷсе́ю, / пали́мꙋю нежего́мѡ, ꙗ҆́вѣ предвозвѣстѝ, / ѻ҆́гнь нестерпи́мый прїе́мшꙋю."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Є҆ди́не вѣ́дый:"
|
|
},
|
|
{
|
|
"type": "TEXT",
|
|
"value": "Ѻ҆́ блакъ тѧ̀ ле́гкїй нело́жнѡ дв҃о и҆менꙋ́емъ, / проро́чєскимъ возслѣ́дꙋюще рече́нїємъ: / прїи́де бо на тебѣ̀ гдⷭ҇ь / низложи́ти є҆гѵ́петскїѧ пре́лести рꙋкотворє́нїѧ, / и҆ просвѣти́ти си̑мъ слꙋжа́щыѧ."
|
|
},
|
|
{
|
|
"type": "TEXT",
|
|
"value": "Т ѧ̀ запеча́танный вои́стиннꙋ ли́къ прⷪ҇ро́ческїй и҆сто́чникъ, / и҆ заключе́ннꙋю две́рь и҆менова̀, дѣ́вства твоегѡ̀ всепѣ́таѧ, / ꙗ҆́вственнѣ зна́мєнїѧ на́мъ пи́шꙋще: / є҆́же сохрани́ла є҆сѝ и҆ по ржⷭ҇твѣ̀."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Нѣ́сть ст҃ъ ꙗ҆́кѡ гдⷭ҇ь, / и҆ нѣ́сть пра́веденъ ꙗ҆́кѡ бг҃ъ на́шъ, / є҆го́же пое́тъ всѧ̀ тва́рь: / нѣ́сть пра́веденъ па́че тебѐ гдⷭ҇и."
|
|
},
|
|
{
|
|
"type": "TEXT",
|
|
"value": "П роповѣ́дꙋетъ пресла́внѡ и҆ па́че трꙋбы̀ вопїе́тъ / сщ҃е́ннаѧ и҆ вели́каѧ ла́ѵра, / тобо́ю нача́ло прїи́мшаѧ, ѻ҆́тче прпⷣбне а҆нтѡ́нїе, / всѣ́хъ рѡссі́йскихъ мона́хѡвъ нача́льниче, / до́мъ же бж҃їѧ мт҃ре свѣ́тлѡ хва́литсѧ, поѧ̀ бг҃ꙋ: / ᲂу҆тверди́хсѧ тобо́ю, гдⷭ҇и."
|
|
},
|
|
{
|
|
"type": "TEXT",
|
|
"value": "В оспои́мъ свѣ́тлѡ и҆зрѧ́днаго въ чꙋдесѣ́хъ, вели́каго въ добродѣ́телехъ / мона́шескагѡ ѻ҆́бщагѡ житїѧ̀ на рꙋсѝ нача́льника, / сла́внаго ᲂу҆го́дника хрⷭ҇то́ва и҆ пречⷭ҇тыѧ бцⷣы, бл҃же́ннагѡ ѳеодо́сїѧ, / съ ни́мже и҆ не́стѡра, достопа́мѧтныхъ дѣѧ́нїй списа́телѧ, / и҆ а҆лѵ́пїа, живописа́нїѧ на рꙋсѝ нача́льника."
|
|
},
|
|
{
|
|
"type": "TEXT",
|
|
"value": "Р а́й мы́сленный є҆сѝ, пече́рскаѧ ст҃а́ѧ горо̀, / ᲂу҆мно́жившаѧ ᲂу҆́мнаѧ древеса̀, бл҃жє́нныѧ ѻ҆тцы̀, / и҆́хже и҆счестѝ поеди́номꙋ не могꙋ́ще, / ѡ҆ всѣ́хъ вкꙋ́пѣ хвалꙋ̀ и҆ пѣ́снь принесе́мъ є҆ди́номꙋ влⷣцѣ."
|
|
},
|
|
{
|
|
"type": "TEXT",
|
|
"value": "А҆ нтѡ́нїе мч҃ниче, и҆ тве́рдый є҆ѵста́ѳїе, вкꙋ́пѣ со і҆ѡа́нномъ, / лито́вскїѧ землѝ ᲂу҆краше́нїе, / горды́ню ѻ҆лге́рдовꙋ низложи́вшїи, / ᲂу҆мерщвлѧ́ющыѧ мѧ̀ стра̑сти ᲂу҆гаси́те."
|
|
},
|
|
{
|
|
"type": "TEXT",
|
|
"value": "Х ода̑таи бꙋ́дите, а҆ѳана́сїе прпⷣбномꙋ́чениче, / и҆ ты̀, ѻ҆́троче гаврїи́ле, / за ѻ҆те́чество ва́ше земно́е, / и҆ за гра́дъ, и҆дѣ́же подвиза́лисѧ є҆стѐ, ᲂу҆мꙋ́ченнїи. / наꙋчи́те и҆ на́съ дерзнове́ннѡ правосла́вїе и҆сповѣ́дати / и҆ стра́ха вра́жїѧ не боѧ́тисѧ."
|
|
},
|
|
{
|
|
"type": "TEXT",
|
|
"value": "Д а почти́тсѧ і҆́ѡвъ прпⷣбный, ла́ѵры поча́евскїѧ ᲂу҆краше́нїе, / вкꙋ́пѣ со всѣ́ми ᲂу҆го́дники и҆ чꙋдотво́рцы волы́нскими, / дѣ́лы свои́ми и҆ чꙋдесы̀ ѡ҆блиста́вшїи землѝ на́шеѧ концы̀."
|
|
},
|
|
{
|
|
"type": "TEXT",
|
|
"value": "Сла́ва: Пѣ́снми сщ҃е́нными восхва́лимъ а҆ѳана́сїѧ, царегра́дскаго ст҃и́телѧ, / своѐ бл҃гослове́нїе землѝ рѡссі́йстѣй прине́сшаго / и҆ чⷭ҇тны̑ѧ своѧ̑ мо́щи, ꙗ҆́кѡ зало́гъ со вселе́нскою цр҃ковїю є҆дине́нїѧ, на́мъ ѡ҆ста́вльшаго."
|
|
},
|
|
{
|
|
"type": "TEXT",
|
|
"value": "И҆ ны́нѣ: Сѐ вре́мѧ застꙋпле́нїѧ прест҃ы́ѧ бцⷣы прїи́де, / ᲂу҆мно́жившымсѧ собла́знѡмъ, / сѐ вре́мѧ на́шихъ къ не́й воздыха́нїй, ѽ бра́тїе, / рце́мъ ᲂу҆̀бо ѿ всегѡ̀ се́рдца на́шегѡ: / влⷣчице, влⷣчице, помозѝ лю́демъ твои̑мъ."
|
|
},
|
|
{
|
|
"type": "TEXT",
|
|
"value": "Катава́сїа: Твоѧ̑ пѣсносло́вцы бцⷣе, / живы́й и҆ незави́стный и҆сто́чниче, / ли́къ себѣ̀ совокꙋ́пльшыѧ дх҃о́внѡ ᲂу҆твердѝ, / въ бж҃е́ственнѣй твое́й сла́вѣ, / вѣнцє́въ сла́вы сподо́би."
|
|
},
|
|
{
|
|
"type": "HEADER",
|
|
"value": "Конда́къ, гла́съ г҃. Подо́бенъ: Дв҃а дне́сь:"
|
|
},
|
|
{
|
|
"type": "TEXT",
|
|
"value": "Д не́сь ли́къ ст҃ы́хъ, въ землѝ на́шей бг҃ꙋ ᲂу҆годи́вшихъ, предстои́тъ въ цр҃кви / и҆ неви́димѡ за ны̀ мо́литсѧ бг҃ꙋ: / а҆́гг҃ли съ ни́мъ славосло́вѧтъ, / и҆ всѝ ст҃і́и цр҃кве хрⷭ҇то́вы є҆мꙋ̀ спра́зднꙋютъ: / ѡ҆ на́съ бо мо́лѧтъ всѝ кꙋ́пно / превѣ́чнаго бг҃а."
|
|
},
|
|
{
|
|
"type": "TEXT",
|
|
"value": "І҆́косъ: Є҆де́мскагѡ раѧ̀ доброплѡ́днаѧ и҆ кра̑снаѧ ꙗ҆ви́шасѧ ст҃і́и, / цвѣ́ты бл҃говѡ́нныѧ ᲂу҆че́нїй, и҆ плоды̀ дѣ́лъ творѧ́щїи, / ѿ ни́хже дꙋ́шы на́шѧ пита́ютсѧ, и҆ гла́дъ на́шъ дх҃о́вный ᲂу҆толѧ́етсѧ. / прїиди́те ᲂу҆̀бо, притеце́мъ под̾ сѣ́нь и҆́хъ и҆ ᲂу҆бл҃жи́мъ, / ꙗ҆́кѡ страны̀ на́шеѧ ѻ҆тра́дꙋ и҆ ᲂу҆кра́шенїе, и҆ ꙗ҆́кѡ житїѧ̀ ѡ҆́бразъ на́мъ и҆ начерта́нїе: / ті́и бо вѣнцы̀ прїѧ́ша нетлѣ̑нныѧ ѿ превѣ́чнагѡ бг҃а."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ д҃. Подо́бенъ: Ско́рѡ предварѝ:"
|
|
},
|
|
{
|
|
"type": "TEXT",
|
|
"value": "С о́лнце пра́вды хрⷭ҇то́съ, ꙗ҆́коже лꙋчѝ ва́съ посла̀, / просвѣща́ющыѧ зе́млю рꙋ́сскꙋю, ᲂу҆́го́дницы бж҃їи, / ѿ ро́да на́шего просїѧ́вшїи: / тѣ́мже помраче́ннꙋю дꙋ́шꙋ мою̀ / бж҃е́ственными ва́шими мл҃твами ѡ҆сїѧ́йте, бг҃облаже́ннїи."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, гла́съ то́йже: Притеце́мъ вѣ́рнїи, / къ бжⷭ҇твеннѣй и҆ цѣльбоно́снѣй ри́зѣ сп҃си́телѧ на́шегѡ бг҃а, / бл҃гоизво́лившагѡ сїю̀ пло́тїю носи́ти / и҆ на крⷭ҇тѣ̀ ст҃ꙋ́ю свою̀ кро́вь и҆злїѧ́ти, / є҆́юже и҆скꙋпѝ на́съ ѿ рабо́ты вра́жїѧ. / тѣ́мъ бл҃года́рственнѡ вопїе́мъ є҆мꙋ̀: / сп҃сѝ ст҃ѣ́йшыѧ патрїа́рхи правосла̑вныѧ, и҆ а҆рхїерє́и, / и҆ гра́ды, и҆ всѧ̑ лю́ди чⷭ҇тно́ю твое́ю ри́зою защитѝ, / и҆ спасѝ дꙋ́шы на́шѧ, ꙗ҆́кѡ чл҃вѣколю́бецъ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Го́рꙋ тѧ̀ бл҃года́тїю бж҃їею прїѡсѣне́ннꙋю, / прозорли́выма а҆ввакꙋ́мъ / ᲂу҆смотри́въ ѻ҆чи́ма, / и҆з̾ тебѐ и҆зы́ти і҆и҃левꙋ провозглаша́ше ст҃о́мꙋ, / во сп҃се́нїе на́ше / и҆ ѡ҆бновле́нїе."
|
|
},
|
|
{
|
|
"type": "TEXT",
|
|
"value": "К то̀ се́й сп҃съ и҆́же и҆з̾ є҆дѡ́ма и҆сходѧ̀, вѣне́цъ носѧ̀ терно́венъ, / ѡ҆червле́ннꙋ ри́зꙋ и҆мы́й, на дре́вѣ ви́сѧ; / і҆и҃левъ є҆́сть се́й ст҃ы́й, / во сп҃се́нїе на́ше и҆ ѡ҆бновле́нїе."
|
|
},
|
|
{
|
|
"type": "TEXT",
|
|
"value": "В и́дите лю́дїе непокори́вїи, и҆ ᲂу҆стыди́тесѧ: / є҆го́же бо ꙗ҆́кѡ ѕлодѣ́ѧ вы̀ вознестѝ на крⷭ҇тъ ᲂу҆ пїла́та и҆спроси́сте ᲂу҆мовре́днѣ, / сме́рти разрꙋши́въ си́лꙋ, бг҃олѣ́пнѡ воскр҃съ и҆з̾ гро́ба."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Дре́во тѧ̀ дв҃о жи́зни вѣ́мы: / не бо̀ снѣ́ди пло́дъ смертоно́сный человѣ́кѡмъ и҆з̾ тебѐ прозѧбѐ, / но живота̀ присносꙋ́щнагѡ наслажде́нїе, / во сп҃се́нїе на́съ пою́щихъ тѧ̀."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Го́рꙋ тѧ̀ бл҃года́тїю:"
|
|
},
|
|
{
|
|
"type": "TEXT",
|
|
"value": "С лы́ши чꙋде́съ нб҃о, и҆ внꙋша́й землѐ, / ꙗ҆́кѡ дщѝ пе́рстнагѡ ᲂу҆́бѡ па́дшагѡ а҆да́ма, бг҃ꙋ нарече́на бы́сть, / и҆ своемꙋ̀ содѣ́телю роди́тельница, / на сп҃се́нїе на́ше и҆ ѡ҆бновле́нїе."
|
|
},
|
|
{
|
|
"type": "TEXT",
|
|
"value": "П ое́мъ вели́кое и҆ стра́шное твоѐ та́инство, / преме́рныхъ бо ᲂу҆таи́всѧ чинонача́лїй, / на тѧ̀ и҆́же сы́й сни́де ꙗ҆́кѡ до́ждь на рꙋно̀, всепѣ́таѧ, / на сп҃се́нїе на́съ пою́щихъ тѧ̀."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "И҆з̾ горы̀ прїѡсѣне́нныѧ сло́ве, прⷪ҇ро́къ, / є҆ди́ныѧ бцⷣы, / хотѧ́ща воплоти́тисѧ, бг҃ови́днѡ ᲂу҆смотрѝ, / и҆ со стра́хомъ славосло́вѧше си́лꙋ твою̀."
|
|
},
|
|
{
|
|
"type": "TEXT",
|
|
"value": "Ѽ снова́телѧ и҆ первонача́льника гра́да москвы̀, / бг҃обл҃же́нный кн҃же данїи́ле, показа́ тѧ гдⷭ҇ь: / къ немꙋ́ же непреста́ннѡ молѧ́сѧ, / гра́дъ москвꙋ̀ и҆ всю̀ зе́млю рꙋ́сскꙋю ѿ бѣ́дъ сп҃сѝ, / и҆ бл҃говѣ̑рныѧ лю́ди ми́лостивнѡ посѣтѝ."
|
|
},
|
|
{
|
|
"type": "TEXT",
|
|
"value": "М о́лимъ ва́съ, ст҃и́телїе хрⷭ҇то́вы / пе́тре, а҆леѯі́е, і҆ѡ́но и҆ фїлі́ппе, и҆ всѝ про́чїи моско́встїи чꙋдотво́рцы, / дꙋше́вное смꙋще́нїе и҆ печа́ли бꙋ́рю разори́ти / и҆ тишинꙋ̀ на́мъ пода́ти къ бг҃ꙋ ва́шими мл҃твами."
|
|
},
|
|
{
|
|
"type": "TEXT",
|
|
"value": "П ервопрⷭ҇то́льникъ а҆пⷭ҇тольскїѧ цр҃кве, / и҆ и҆сповѣ́дникъ правосла́вныѧ вѣ́ры, / и҆ дрꙋгі́й златоꙋ́стъ во ѡ҆бличе́нїе грѣхолю́бныхъ и҆ мѧте́жныхъ, / и҆ строи́тель правосла́внагѡ црⷭ҇твїѧ бы́лъ є҆сѝ, ст҃и́телю є҆рмоге́не, / и҆ за сїѐ темни́цею и҆ гла́домъ мꙋ́чимь бы́лъ є҆сѝ, / и҆ прїѧ́тъ ѿ бг҃а неꙋвѧда́емый вѣне́цъ. / тѣ́мже съ мч҃ники весели́шисѧ."
|
|
},
|
|
{
|
|
"type": "TEXT",
|
|
"value": "Д не́сь ра́дꙋетсѧ сла́вный гра́дъ москва̀, / и҆ весе́лїѧ и҆сполнѧ́етсѧ всѧ̀ рѡссі́ѧ, / чⷭ҇тна́ѧ же ѡ҆би́тель твоѧ̀, бг҃облаже́нне се́ргїе, хва́лѧщисѧ ᲂу҆краша́етсѧ, / и҆мѣ́ющи в себѣ̀ чⷭ҇тны̑ѧ мо́щи твоѧ̑, / ꙗ҆́кѡ сокро́вище неѡскꙋ́дное и҆ пречꙋ́дное."
|
|
},
|
|
{
|
|
"type": "TEXT",
|
|
"value": "П ѣ́сньми сщ҃е́нными восхва́лимъ / прпⷣбнаго ні́кѡна, послꙋша́нїѧ рачи́телѧ: / съ ни́мже воспои́мъ и҆ стефа́на, са́ввꙋ, а҆ндрони́ка / и҆ всѧ̑ прпⷣбныѧ ᲂу҆чн҃кѝ и҆ собесѣ́дники вели́кагѡ се́ргїа, / и҆́хже мл҃твами сы́нове рѡссі́йстїи сп҃са́ютсѧ."
|
|
},
|
|
{
|
|
"type": "TEXT",
|
|
"value": "Є҆ гда̀ не бы́сть ни гра́да, ни ве́си, ни де́бри, / во є҆́же ᲂу҆кры́тисѧ лю́демъ рѡссі́йскимъ ѿ мч҃и́тельства врагѡ́въ, / и҆́мже грѣ̑хъ ра́ди свои́хѣ пре́дани бы́ша, / тогда̀ ты̀, прпⷣбне дїонѵ́сїе, / крѣ́пкое прибѣ́жище всѣ̑мъ стра́ждꙋщымъ ꙗ҆ви́лсѧ є҆сѝ."
|
|
},
|
|
{
|
|
"type": "TEXT",
|
|
"value": "Сла́ва: Ѽ премꙋ́дрїи васі́лїе, маѯі́ме и҆ і҆ѡа́нне моско́встїи, / и҆ всѝ хрⷭ҇та̀ ра́ди ю҆ро́дивїи рѡссі́йстїи, чꙋ́днїи житїе́мъ и҆ ра́зꙋмомъ, / мо́лимъ ва́съ бл҃же́ннїи, / моли́те хрⷭ҇та̀ бг҃а на́шего за земно́е ѻ҆те́чество ва́ше, / и҆ всѣ̑мъ вѣ̑рнымъ спасе́нїе и҆спроси́те."
|
|
},
|
|
{
|
|
"type": "TEXT",
|
|
"value": "И҆ ны́нѣ: Бцⷣе дв҃о, ᲂу҆пова́нїе хрїстїа́нѡмъ, / проба́ви и҆ на́мъ дрє́внїѧ млⷭ҇ти твоѧ̑, бы́вшыѧ ѻ҆ц҃є́мъ на́шымъ, / покры́й и҆ соблюдѝ на́съ ѿ всѧ́кагѡ зла̀."
|
|
},
|
|
{
|
|
"type": "TEXT",
|
|
"value": "Катава́сїа: Сѣдѧ́й въ сла́вѣ, / на прⷭ҇то́лѣ бж҃ества̀, / во ѻ҆́блацѣ ле́гцѣ / прїи́де і҆и҃съ пребж҃е́ственный, / нетлѣ́нною дла́нїю, / и҆ сп҃се зовꙋ́щыѧ: / сла́ва хрⷭ҇тѐ си́лѣ твое́й."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Просвѣти́вый сїѧ́нїемъ прише́ствїѧ твоегѡ̀ хрⷭ҇тѐ, / и҆ ѡ҆свѣти́вый крⷭ҇то́мъ твои́мъ / мі́ра концы̀, / сердца̀ просвѣтѝ / свѣ́томъ твоегѡ̀ бг҃оразꙋ́мїѧ, / правосла́внѡ пою́щихъ тѧ̀."
|
|
},
|
|
{
|
|
"type": "TEXT",
|
|
"value": "П а́стырѧ ѻ҆вца́мъ вели́каго и҆ гдⷭ҇а, / і҆ꙋдє́и дре́вомъ крⷭ҇тнымъ ᲂу҆мертви́ша: / но то́й ꙗ҆́кѡ ѻ҆́вцы, мє́ртвыѧ во а҆́дѣ погребє́нныѧ, / держа́вы сме́ртныѧ и҆зба́ви."
|
|
},
|
|
{
|
|
"type": "TEXT",
|
|
"value": "К рⷭ҇то́мъ твои́мъ ми́ръ бл҃говѣсти́въ, / и҆ проповѣ́давъ плѣ̑ннымъ сп҃се мо́й ѡ҆ставле́нїе, / держа́вꙋ и҆мꙋ́щаго посрами́лъ є҆сѝ хрⷭ҇тѐ / на́га, ѡ҆бнища́вша показа́вый бж҃е́ственнымъ воста́нїемъ твои́мъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Проше́нїѧ вѣ́рнѡ просѧ́щихъ, всепѣ́таѧ, не пре́зри: / но прїимѝ, и҆ сїѧ̑ доноша́й сн҃ꙋ твоемꙋ̀ пречⷭ҇таѧ, / бг҃ꙋ є҆ди́номꙋ бл҃годѣ́телю, / тебе́ бо предста́тельницꙋ стѧжа́хомъ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Просвѣти́вый сїѧ́нїемъ:"
|
|
},
|
|
{
|
|
"type": "TEXT",
|
|
"value": "В еселѧ́тсѧ нбⷭ҇ныѧ си̑лы зрѧ́ще тѧ̀: / ра́дꙋютсѧ съ ни́ми человѣ́кѡвъ собра̑нїѧ: / ржⷭ҇тво́мъ бо твои́мъ совокꙋпи́шасѧ, дв҃о бцⷣе, / є҆́же досто́йнѡ сла́вимъ."
|
|
},
|
|
{
|
|
"type": "TEXT",
|
|
"value": "Д а дви́жатсѧ всѝ ѧ҆зы́цы человѣ́честїи и҆ мы̑сли, / къ похвалѣ̀ человѣ́ческагѡ вои́стиннꙋ ᲂу҆добре́нїѧ, / дв҃а предстои́тъ ꙗ҆́вѣ сла́вѧщи, / вѣ́рою тоѧ̀ пою́щихъ чꙋдеса̀."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Страсте́й мѧ̀ мглы̀, / ꙗ҆́кѡ ѿ глꙋбо́кїѧ но́щи и҆збавлѧ́ѧй, / ᲂу҆́треневати сподо́би дꙋ́хъ мо́й, молю́сѧ, / во свѣ́тѣ днѐ повелѣ́нїй твои́хъ хрⷭ҇тѐ."
|
|
},
|
|
{
|
|
"type": "TEXT",
|
|
"value": "В ели́кагѡ новагра́да первопа́стырїе: / нїки́то, і҆ѡа́нне и҆ григо́рїе, / ѳеокті́сте, є҆ѵѳѵ́мїе и҆ серапїѡ́не, / вы̀ въ домꙋ̀ премꙋ́дрости бж҃їѧ, ꙗ҆́кѡ фі́нїѯы процвѣлѝ є҆стѐ, / словесы̀ бл҃гопло́дными и҆ непоро́чнымъ житїе́мъ."
|
|
},
|
|
{
|
|
"type": "TEXT",
|
|
"value": "С вѣ́тлѡ да похва́лѧтсѧ кнѧ́зи новгоро́дстїи, / влади́мїръ, ст҃ы́ѧ сѡфі́и пречꙋ́дныѧ ᲂу҆строи́тель, / съ ма́терїею свое́ю а҆́нною, и҆ мстисла́въ и҆ ѳео́дѡръ: / съ ни́миже и҆ всѝ ѿ ро́да кнѧзе́й рѡссі́йскихъ житїе́мъ бг҃оꙋго́днымъ просїѧ́вшїи, / бж҃е́ственными да воспою́тсѧ пѣ́сньми."
|
|
},
|
|
{
|
|
"type": "TEXT",
|
|
"value": "Д и́внаго варлаа́ма, новгоро́дскꙋю добро́тꙋ, всерѡссі́йскаго свѣти́льника, / и҆ а҆нтѡ́нїа, ѿ ри́ма на ка́мени по волна́мъ морски́мъ преплы́вшаго, / кто̀ досто́йнѡ просла́витъ ѿ земны́хъ;"
|
|
},
|
|
{
|
|
"type": "TEXT",
|
|
"value": "Є҆ де́мскагѡ раѧ̀ прїиди́те ви́димъ цвѣ́ты присножи́знєнныѧ и҆ бг҃опрозѧбє́нныѧ, / пѡ́двиги ѻ҆тцє́въ въ предѣ́лѣхъ новгоро́дскихъ просїѧ́вшихъ, / и҆́хже є҆́сть є҆ди́нъ дѣ́латель гдⷭ҇ь."
|
|
},
|
|
{
|
|
"type": "TEXT",
|
|
"value": "В се́володъ кро́ткїй и҆ довмо́нтъ, пско́вꙋ стѣна̀ неѡбори́маѧ, / и҆ нїко́ла бл҃же́нный, и҆ корни́лїй, / лїво́нскꙋю чꙋ́дь ст҃ы́мъ креще́нїемъ просвѣти́вый, / пѣ́сньми да воспою́тсѧ."
|
|
},
|
|
{
|
|
"type": "TEXT",
|
|
"value": "В ѣ́рꙋ правосла́внꙋю предъ лати́ны проповѣ́давшїи, / къ вѣ̑чнымъ востеко́ша ѻ҆би́телемъ і҆сі́дѡръ пресвѵ́теръ, / и҆ съ ни́мъ собо́ръ мч҃ническїй во ю҆́рьевѣ, гра́дѣ ливо́нстѣмъ, / и҆ свѣ́тлѡ цр҃е́ви си́лъ предстоѧ́ще, / мо́лѧтсѧ ѡ҆ на́съ, почита́ющихъ па́мѧть и҆́хъ."
|
|
},
|
|
{
|
|
"type": "TEXT",
|
|
"value": "Сла́ва: Є҆ѵфросѵ́нїю, ра́дованїе по́лотское и҆ дѣ́вамъ сїѧ́нїе, / хрⷭ҇тѐ мо́й, тебѣ̀ приво́димъ мл҃твенницꙋ, / є҆ѧ́же ра́ди сп҃сѝ ны."
|
|
},
|
|
{
|
|
"type": "TEXT",
|
|
"value": "И҆ ны́нѣ: Те́плаѧ застꙋ́пница къ тебѣ̀ прибѣга́ющымъ и҆ ненадѣ́ющихсѧ наде́жда, / ви́ждь ѡ҆ѕлобле́нїе люде́й твои́хъ / и҆ зна́менїе млⷭ҇ти ꙗ҆вѝ на́мъ, пречⷭ҇таѧ."
|
|
},
|
|
{
|
|
"type": "TEXT",
|
|
"value": "Катава́сїа: Оу҆жасо́шасѧ всѧ́чєскаѧ / ѡ҆ бж҃е́ственнѣй сла́вѣ твое́й: / ты́ бо неискꙋсобра́чнаѧ дв҃о, / и҆мѣ́ла є҆сѝ во ᲂу҆тро́бѣ над̾ всѣ́ми бг҃а, / и҆ родила̀ є҆сѝ безлѣ́тнаго сн҃а, / всѣ̑мъ воспѣва́ющымъ тѧ̀, / ми́ръ подава́ющаѧ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ѡ҆бы́де на́съ послѣ́днѧѧ бе́здна, / нѣ́сть и҆збавлѧ́ѧй, / вмѣни́хомсѧ / ꙗ҆́кѡ ѻ҆́вцы заколе́нїѧ, / сп҃сѝ лю́ди твоѧ̑, бж҃е на́шъ: / ты́ бо крѣ́пость немощствꙋ́ющихъ и҆ и҆справле́нїе."
|
|
},
|
|
{
|
|
"type": "TEXT",
|
|
"value": "С огрѣше́нїемъ первозда́ннагѡ гдⷭ҇и, лю́тѣ ᲂу҆ѧзви́хомсѧ, / ра́ною же и҆сцѣли́хомсѧ твое́ю, / є҆́юже за ны̀ ᲂу҆ѧзви́лсѧ є҆сѝ хрⷭ҇тѐ: / ты́ бо крѣ́пость немощствꙋ́ющихъ и҆ и҆справле́нїе."
|
|
},
|
|
{
|
|
"type": "TEXT",
|
|
"value": "В озве́лъ ны̀ є҆сѝ и҆з̾ а҆́да гдⷭ҇и, / ки́та ᲂу҆би́въ всеѧ́дца, всеси́льне, / твое́ю держа́вою низложи́въ тогѡ̀ си́лꙋ: / ты́ бо живо́тъ, и҆ свѣ́тъ є҆сѝ, и҆ воскрⷭ҇нїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Веселѧ́тсѧ ѡ҆ тебѣ̀ дв҃о пречⷭ҇таѧ, / ро́да на́шегѡ пра́ѻтцы, є҆де́мъ воспрїе́мше тобо́ю, / є҆го́же престꙋпле́нїемъ погꙋби́ша: / ты́ бо чⷭ҇таѧ, и҆ пре́жде ржⷭ҇тва̀, и҆ по ржⷭ҇твѣ̀ є҆сѝ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Ѡ҆бы́де на́съ:"
|
|
},
|
|
{
|
|
"type": "TEXT",
|
|
"value": "П редстоѧ́тъ раболѣ́пнѣ ржⷭ҇твꙋ̀ твоемꙋ̀ чи́ни нбⷭ҇нїи, / дивѧ́щесѧ досто́йнѡ твоемꙋ̀ безсѣ́менномꙋ рождествꙋ̀ приснодв҃о: / ты́ бо чⷭ҇таѧ, и҆ пре́жде ржⷭ҇тва̀, и҆ по ржⷭ҇твѣ̀ є҆сѝ."
|
|
},
|
|
{
|
|
"type": "TEXT",
|
|
"value": "В оплоти́сѧ пре́жде сы́й безпло́тенъ, сло́во и҆з̾ тебѐ пречⷭ҇таѧ, / всѧ́чєскаѧ во́лею творѧ́й, / безтѣле́сныхъ вѡ́инства приведы́й ѿ небытїѧ̀ ꙗ҆́кѡ всеси́ленъ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Содержи́ма мѧ̀ прїимѝ чл҃вѣколю́бче, грѣхѝ мно́гими, / и҆ припа́дающа щедро́тамъ твои̑мъ, / ꙗ҆́кѡ прⷪ҇ро́ка гдⷭ҇и, и҆ сп҃си́ мѧ."
|
|
},
|
|
{
|
|
"type": "TEXT",
|
|
"value": "Є҆ ѵⷢ҇льски, прпⷣбнїи зѡсі́мо, савва́тїе и҆ ге́рмане, хрⷭ҇та̀ возлюби́вше, / мі́ра ѿврати́стесѧ, / въ непрохѡди́мыѧ же пꙋсты̑ѧ ѻ҆́стровы солѡве́цкїѧ заше́дше, / всѧ́кїѧ добродѣ́тели ѡ҆́бразꙋ навыко́сте, / мꙋ́дрѣй пчелѣ̀ подо́бѧщесѧ, / и҆ прїѧ́телище и҆зрѧ́дно дх҃ꙋ ст҃о́мꙋ бы́сте, премꙋ́дрїи."
|
|
},
|
|
{
|
|
"type": "TEXT",
|
|
"value": "В ели́каго въ чꙋдесѣ́хъ прпⷣбнаго трѵ́ѳѡна воспои́мъ, ко́льскаго просвѣти́телѧ, / въ послѣ́днихъ концѣ́хъ сѣ́верныѧ страны̀ возсїѧ́вша, / и҆ ѿ го́рькїѧ рабо́ты бѣсо́вскїѧ лю́ди и҆зба́вльша, / и҆ ст҃ы́мъ креще́нїемъ просвѣти́вша."
|
|
},
|
|
{
|
|
"type": "TEXT",
|
|
"value": "Р а́дꙋйсѧ пꙋсты́не, пре́жде безпло́днаѧ и҆ неѡбита́емаѧ, / ны́нѣ же ꙗ҆́кѡ крі́нъ, цвѣтꙋ́щаѧ и҆ и҆́нокѡкъ мно́жествомъ и҆спо́лненнаѧ: / взыгра́йте, го́ры валаа́ма, и҆ всѧ̀ древа̀ дꙋбра̑внаѧ, / хва́лѧще се́ргїа и҆ ге́рмана, / вкꙋ́пѣ же и҆ а҆рсе́нїѧ коне́вскаго съ а҆леѯа́ндромъ сви́рскимъ, / ѻ҆тцы̀ всехва̑льныѧ."
|
|
},
|
|
{
|
|
"type": "TEXT",
|
|
"value": "Ж итїѧ̀ сегѡ̀ непостоѧ́ннꙋю пꙋчи́нꙋ / немѧте́жнѡ преше́лъ є҆сѝ прпⷣбне кѷрі́лле, / ко́рмчꙋю мт҃ерь бж҃їю и҆мѣ́ѧ, / и҆ ты̀ і҆ѡ́сифе, во́лоцкаѧ похвало̀, и҆ ні́ле нестѧжа́телю, / на водѣ̀ поко́йнѣ и҆ на ѕла́цѣ воздержа́нїѧ / ᲂу҆чєни́къ ва́шихъ стада̀ мꙋ́дрѣ ᲂу҆па́сшїи, / и҆ ны́нѣ съ ни́ми неви́димѡ водворѧ́ющесѧ, / моли́тесѧ ѡ҆ чтꙋ́щихъ па́мѧть ва́шꙋ."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ со́лнце просїѧ́лъ є҆сѝ въ мона́шескихъ собо́рѣхъ, / ѿ ю҆́наго во́зраста ѡ҆свѧще́нъ бы́лъ є҆сѝ, / ꙗ҆́коже зарю̀ и҆спꙋща́ѧ добродѣ́тели твоегѡ̀ житїѧ̀, прилꙋ́цкїй дими́трїе, / бг҃оно́се ѻ҆́тче прпⷣбне."
|
|
},
|
|
{
|
|
"type": "TEXT",
|
|
"value": "Б г҃оꙋго́днѡ пожи́въ, пꙋсты́ни ꙗ҆́кѡ гра́ды сотвори́лъ є҆сѝ потре́бны и҆ дꙋшеполе́зны, / и҆сто́чникъ и҆сцѣле́нїй пролива́ѧ вѣ́рою чтꙋ́щымъ тѧ̀, дїонѵ́сїе прпⷣбне."
|
|
},
|
|
{
|
|
"type": "TEXT",
|
|
"value": "Сла́ва: Ликꙋ́й, ѳиваі́до рꙋ́сскаѧ, / красꙋ́йтесѧ, пꙋсты̑ни и҆ дє́бри ѻ҆лѡ́нецкїѧ, бѣлозє́рскїѧ и҆ вологѡ́дскїѧ, / возрасти́вшыѧ ст҃о́е и҆ сла́вное ѻ҆тцє́въ мно́жество, / чꙋ́днымъ житїе́мъ всѣ́хъ наставлѧ́ющихъ мі́рꙋ не прилѣплѧ́тисѧ, / крⷭ҇тъ же сво́й на ра́мена взѧ́ти и҆ во слѣ́дъ хрⷭ҇тꙋ̀ ше́ствовати."
|
|
},
|
|
{
|
|
"type": "TEXT",
|
|
"value": "И҆ ны́нѣ: Твое́ю дв҃о, всечⷭ҇тно́ю і҆кѡ́ною творе́цъ всѣ́хъ чꙋдодѣ́йствова, / спⷭ҇сѐ црⷭ҇кїй гра́дъ ѿ нахожде́нїѧ и҆ноплеме́нныхъ: / си́це и҆ рѡссі́йстѣй странѣ̀ бꙋ́ди, гпⷭ҇жѐ цр҃и́це, покро́въ и҆ застꙋпле́нїе, / сп҃са́ющи ѿ всѣ́хъ навѣ̑тъ вра́жїихъ."
|
|
},
|
|
{
|
|
"type": "TEXT",
|
|
"value": "Катава́сїа: Бж҃е́ственное сїѐ и҆ всечестно́е, / соверша́юще пра́зднество, / бг҃омꙋ́дрїи бг҃омт҃ре, / прїиди́те рꙋка́ми воспле́щимъ, / ѿ неѧ̀ ро́ждшагосѧ бг҃а сла́вимъ."
|
|
},
|
|
{
|
|
"type": "HEADER",
|
|
"value": "Конда́къ воскре́сенъ, гла́съ а҃. Подо́бенъ: Є҆гда̀ прїи́деши:"
|
|
},
|
|
{
|
|
"type": "TEXT",
|
|
"value": "В оскрⷭ҇лъ є҆сѝ ꙗ҆́кѡ бг҃ъ и҆з̾ гро́ба во сла́вѣ, / и҆ мі́ръ совоскр҃си́лъ є҆сѝ, / и҆ є҆стество̀ человѣ́ческое ꙗ҆́кѡ бг҃а воспѣва́етъ тѧ̀, и҆ сме́рть и҆счезѐ: / а҆да́мъ же ликꙋ́етъ влⷣко, / є҆́ѵа ны́нѣ ѿ ᲂу҆́зъ и҆збавлѧ́ема ра́дꙋетсѧ зовꙋ́щи: / ты̀ є҆сѝ, и҆́же всѣ̑мъ подаѧ̀ хрⷭ҇тѐ воскрⷭ҇нїе."
|
|
},
|
|
{
|
|
"type": "TEXT",
|
|
"value": "І҆́косъ: Воскрⷭ҇шаго тридне́внѡ воспои́мъ ꙗ҆́кѡ бг҃а всеси́льна, / и҆ врата̀ а҆́дѡва сте́ршаго, / и҆ ꙗ҆́же ѿ вѣ́ка и҆з̾ гро́ба воздви́гшаго, / мѷроно́сицамъ ꙗ҆́вльшагосѧ, ꙗ҆́коже благоизво́лилъ є҆́сть, / пре́жде си̑мъ є҆́же ра́дꙋйтесѧ, рекі́й: / и҆ а҆пⷭ҇лѡмъ ра́дость возвѣща́ѧ, ꙗ҆́кѡ є҆ди́нъ жизнода́вецъ. / тѣ́мже вѣ́рою жєны̀ ᲂу҆ч҃нкѡ́мъ зна́менїѧ побѣ́ды бл҃говѣствꙋ́ютъ, / и҆ а҆́дъ стене́тъ, и҆ сме́рть рыда́етъ: / мі́ръ же весели́тсѧ. и҆ всѝ съ ни́мъ ра́дꙋютсѧ. / ты́ бо по́далъ є҆сѝ хрⷭ҇тѐ всѣ̑мъ воскрⷭ҇нїе."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Тебѐ ᲂу҆́мнꙋю бцⷣе, пе́щь / разсмотрѧ́емъ вѣ́рнїи: / ꙗ҆́коже бо ѻ҆́троки сп҃сѐ трѝ превозноси́мый, / мі́ръ ѡ҆бновѝ / во чре́вѣ твое́мъ всецѣ́лъ, / хва́льный ѻ҆тцє́въ бг҃ъ, и҆ препросла́вленъ."
|
|
},
|
|
{
|
|
"type": "TEXT",
|
|
"value": "Оу҆ боѧ́сѧ землѧ̀, сокры́сѧ со́лнце, и҆ поме́рче свѣ́тъ, / раздра́сѧ цр҃ко́внаѧ бж҃е́ственнаѧ завѣ́са, / ка́менїе же разсѣ́десѧ: / на крⷭ҇тѣ́ бо ви́ситъ првⷣный, / хва́льный ѻ҆тцє́въ бг҃ъ, и҆ препросла́вленъ."
|
|
},
|
|
{
|
|
"type": "TEXT",
|
|
"value": "Т ы̀ бы́въ а҆́ки безпомо́щенъ, / и҆ ᲂу҆ѧ́звенъ въ ме́ртвыхъ во́лею на́съ ра́ди / превозноси́мый, всѧ̑ свободи́лъ є҆сѝ, / и҆ держа́вною рꙋко́ю совоскр҃си́лъ є҆сѝ, / хва́льный ѻ҆тцє́въ бг҃ъ, и҆ препросла́вленъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ра́дꙋйсѧ, и҆сто́чниче присноживы́ѧ воды̀. / ра́дꙋйсѧ, раю̀ пи́щный. / ра́дꙋйсѧ, стѣно̀ вѣ́рныхъ. / ра́дꙋйсѧ неискꙋсобра́чнаѧ. / ра́дꙋйсѧ всемі́рнаѧ ра́досте, / є҆́юже на́мъ возсїѧ̀ / хва́льный ѻ҆тцє́въ бг҃ъ и҆ препросла́вленъ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Тебѐ ᲂу҆́мнꙋю:"
|
|
},
|
|
{
|
|
"type": "TEXT",
|
|
"value": "Т ѧ̀ бцⷣе лѣ́ствицꙋ і҆а́кѡвъ прⷪ҇ро́чески разꙋмѣва́етъ: / тобо́ю бо превозноси́мый на землѝ ꙗ҆ви́сѧ, / и҆ съ человѣ́ки поживѐ, ꙗ҆́кѡ бл҃говолѝ, / хва́льный ѻ҆тцє́въ бг҃ъ и҆ препросла́вленъ."
|
|
},
|
|
{
|
|
"type": "TEXT",
|
|
"value": "Р а́дꙋйсѧ чⷭ҇таѧ, и҆з̾ тебѐ про́йде па́стырь, / и҆́же во а҆да́мовꙋ ко́жꙋ ѡ҆бо́лксѧ вои́стиннꙋ, превозноси́мый, / во всего́ мѧ человѣ́ка, за бл҃гоꙋтро́бїе непости́жное: / хва́льный ѻ҆тцє́въ бг҃ъ и҆ препросла́вленъ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "На по́лѣ деи́рѣ / и҆ногда̀ мꙋчи́тель пе́щь поста́ви на мꙋче́нїе бг҃оно́сныхъ, / въ не́йже трѝ ѻ҆́троки пѣсносло́вѧхꙋ є҆ди́наго бг҃а, / тро́ичнѡ воспѣва́хꙋ глаго́люще: / ѻ҆тє́цъ бж҃е, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Л ео́нтїй, и҆са́їа и҆ і҆гна́тїй, і҆а́кѡвъ и҆ ѳео́дѡръ, / чⷭ҇тні́и дх҃а сосꙋ́ды и҆ росто́вꙋ чⷭ҇тно́е ᲂу҆краше́нїе: / а҆враа́мїй, бѣсѡ́въ лꙋка́выхъ мꙋ́жественный томи́тель, / и҆ дрꙋгі́й і҆ѡаса́фъ, въ рѡссі́и просїѧ́вый, пе́тръ царе́вичъ / и҆ і҆рина́рхъ, самопроизво́льный страда́лецъ, / со и҆ны́ми росто́вскими чꙋдотвѡ́рцы бжⷭ҇твенными да воспою́тсѧ пѣ́сньми."
|
|
},
|
|
{
|
|
"type": "TEXT",
|
|
"value": "З астꙋ̑пницы и҆ покрови́телїе гра́дꙋ влади́мїрꙋ вы̀ є҆стѐ по бз҃ѣ: / мꙋ́жественный а҆леѯа́ндре, свѣ́евъ побѣди́телю, / геѡ́ргїе, дꙋ́шꙋ свою̀ на бра́ни за цр҃ковь бж҃їю и҆ за лю́ди положи́вый: / а҆ндре́е, рꙋ́сскїѧ землѝ ᲂу҆строи́телю, съ цѣломꙋ́дреннымъ глѣ́бомъ, и а҆враа́мїе прпⷣбне, / ꙗ҆́кѡ є҆ѵⷢ҇льскїй кꙋпе́цъ страда́ньми свои́ми ца́рство нб҃е́сное кꙋпи́вый: / напра́вите на́съ ко приста́нищꙋ сп҃се́нїѧ, / вы̀ бо є҆стѐ вѣ́рнымъ ѡ҆гражде́нїе."
|
|
},
|
|
{
|
|
"type": "TEXT",
|
|
"value": "І҆ ѡа́ннꙋ и҆ ѳео́дѡрꙋ сла́ва, сꙋ́ждальскимъ свѣти́льникѡмъ, / съ ни́ми да пою́тсѧ и҆ є҆ѵѳѵ́мїй, въ по́двизѣхъ превысо́кїй, / вели́кагѡ се́ргїа собесѣ́дникъ, / и҆ є҆ѵфросѵ́нїа, пресвѣ́тлаѧ сꙋ́ждальскаѧ ѕвѣзда̀."
|
|
},
|
|
{
|
|
"type": "TEXT",
|
|
"value": "Д а почте́нъ бꙋ́детъ нїки́та, / покаѧ́нїѧ ѻ҆́бразъ, на столпѣ̀ подвиза́выйсѧ / и҆ ѿ срѡ́дникъ сме́рть прїе́мый, / и҆ данїи́лъ, ме́ртвыхъ погреба́тель: / с ни́миже и҆ а҆ндре́й, сла́вꙋ кнѧже́нїѧ ѡ҆ста́вивый / и҆ въ нище́тнѣ ѡ҆́бразѣ житїѐ сконча́вый, / переѧсла́встїи чꙋдотво́рцы."
|
|
},
|
|
{
|
|
"type": "TEXT",
|
|
"value": "К ѡнстанті́не а҆пⷭ҇ле и҆ просвѣти́телю мꙋ́ромскїѧ землѝ, / съ бл҃горо́дными ча̑ды твои́ми ѳео́дѡромъ и҆ мїхаи́ломъ, / и҆ пе́тре хра́брый и҆ бл҃гочести́вый гѡ́рдости змі́ѧ побъди́вый, / съ мꙋ́дрою сꙋпрꙋ́жницею твое́ю феврѡ́нїею / и҆ съ пра́ведною і҆ꙋлїані́ею ми́лостивою, / ѡ҆ на́съ хрⷭ҇та̀ моли́те."
|
|
},
|
|
{
|
|
"type": "TEXT",
|
|
"value": "Т верска́ѧ похвало̀, а҆рсе́нїе ст҃и́телю, / мїхаи́ле, кн҃же и҆ мч҃ниче, / и҆ а҆́нно, гра́да ка́шина сокро́вище: / ні́ле и҆ мака́рїе прпⷣбнїи, / є҆фре́ме, гра́да торжка̀ просвѣти́телю, / со а҆рка́дїемъ и҆ і҆ꙋлїані́ею, цвѣ́томъ цѣломꙋ́дрїѧ, / ѡ҆ на́съ хрⷭ҇та̀ ᲂу҆моли́те."
|
|
},
|
|
{
|
|
"type": "TEXT",
|
|
"value": "Сла́ва: Ѻ҆рꙋ́жїемъ ва́шихъ мл҃твъ, / бл҃говѣ́рнїи кнѧ́зи и҆ прпⷣбнїи, ѳео́дѡре и҆ дв҃де съ кѡнстанті́номъ, / побъди́сте де́моны и҆ съ нб҃сѐ бл҃года́ть прїѧ́сте / и҆сцѣлѧ́ти бѡлѣ́зни и҆ ѿтгонѧ́ти дх҃и лꙋка̑выѧ ѿ взыва́ющихъ: / бл҃гослове́нъ є҆сѝ, бж҃е ѻ҆тє҆цъ на́шихъ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Пода́ждь на́мъ по́мощь мольба́ми твои́ми, пречⷭ҇таѧ бцⷣе: / ско́рби ᲂу҆́бѡ нахо́дѧтъ на ны̀ и҆ печа́ли ᲂу҆множа́ютсѧ, вразѝ ѡ҆полча́ютсѧ. / но ты̀ пречⷭ҇таѧ, предста́вши, и҆зба́ви: / врагѡ́въ на́шихъ возноше́нїе низложѝ, / побѣ́дꙋ на́мъ да́рꙋй, / да посра́мѧтсѧ всѝ, ꙗ҆влѧ́ющїи рабѡ́мъ твои̑мъ зла̑ѧ."
|
|
},
|
|
{
|
|
"type": "TEXT",
|
|
"value": "Катава́сїа: Не послꙋжи́ша тва́ри бг҃омꙋ́дрїи / па́че созда́вшагѡ, / но ѻ҆́гненное преще́нїе мꙋ́жески попра́вше, / ра́довахꙋсѧ пою́ще: / препѣ́тый ѻ҆тцє́въ гдⷭ҇ь и҆ бг҃ъ бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Въ пещѝ ѻ҆́троцы і҆и҃левы, / ꙗ҆́коже въ горни́лѣ / добро́тою бл҃гоче́стїѧ, чистѣ́е зла́та блеща́хꙋсѧ, глаго́люще: / бл҃гослови́те всѧ̑ дѣла̀ гдⷭ҇нѧ гдⷭ҇а, / по́йте и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "И҆́ же во́лею всѧ̑ творѧ́й, и҆ претворѧ́ѧй, / ѡ҆браща́ѧй сѣ́нь сме́ртнꙋю въ вѣ́чнꙋю жи́знь, / стрⷭ҇тїю твое́ю сло́ве бж҃їй, / тебѐ непреста́ннѡ всѧ̑ дѣла̀ гдⷭ҇нѧ / гдⷭ҇а пои́мъ, и҆ превозно́симъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Т ы̀ разори́лъ є҆сѝ сокрꙋше́нїе хрⷭ҇тѐ, и҆ ѻ҆каѧ́нство, / во вратѣ́хъ и҆ тверды́нѧхъ а҆́довыхъ, / воскр҃съ и҆з̾ гро́ба тридне́венъ. / тебѐ непреста́ннѡ всѧ̑ дѣла̀ ꙗ҆́кѡ гдⷭ҇а пою́тъ, / и҆ превозно́сѧтъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́же без̾ сѣ́мене и҆ преесте́ственнѣ ѿ ѡ҆блиста́нїѧ бж҃е́ственнагѡ / ро́ждшꙋю би́сера многоцѣ́ннаго хрⷭ҇та̀, воспои́мъ глаго́люще: / бл҃гослови́те всѧ̑ дѣла̀ гдⷭ҇нѧ гдⷭ҇а, / по́йте и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Въ пещѝ ѻ҆́троцы і҆и҃левы:"
|
|
},
|
|
{
|
|
"type": "TEXT",
|
|
"value": "Ч ерто́гъ свѣтови́дный, и҆з̾ негѡ́же всѣ́хъ влⷣка, / ꙗ҆́кѡ жени́хъ произы́де хрⷭ҇то́съ, / воспои́мъ всѝ вопїю́ще: / всѧ̑ дѣла̀ гдⷭ҇нѧ гдⷭ҇а по́йте, / и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Р а́дꙋйсѧ прⷭ҇то́ле сла́вный бж҃їй, / ра́дꙋйсѧ вѣ́рныхъ стѣно̀, / є҆́юже сꙋ́щымъ во тьмѣ̀ возсїѧ̀ свѣ́тъ хрⷭ҇то́съ, / тебѐ бл҃жа́щымъ, и҆ вопїю́щымъ: / всѧ̑ дѣла̀ гдⷭ҇нѧ гдⷭ҇а по́йте, / и҆ превозноси́те во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Побѣди́тели мꙋчи́телѧ и҆ пла́мене / бл҃года́тїю твое́ю бы́вше, / за́повѣдемъ твои̑мъ ѕѣлѡ̀ прилежа́ще, / ѻ҆́троцы вопїѧ́хꙋ: / бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "К расꙋ́йсѧ гра́де каза́нь, и҆мѣ́ѧ мл҃твенники своѧ̑, / прпⷣбныхъ гꙋ́рїѧ, варсоно́фїѧ и҆ ге́рмана, ѿгна́вшихъ ѿ тебѐ тмꙋ̀ невѣ́рїѧ, / и҆ і҆ѡа́нна мч҃ника, и҆ стефа́на, и҆ петра̀, / ѻ҆те́ческое нече́стїе ѡ҆ста́вльшихъ и҆ мече́мъ ѿ соплемє́нникъ въ нбⷭ҇ное ѻ҆те́чество преше́дшихъ."
|
|
},
|
|
{
|
|
"type": "TEXT",
|
|
"value": "С щ҃е́ннагѡ писа́нїѧ ѿ ю҆́ности наꙋчи́всѧ, бг҃оно́се стефа́не, / ра́ломъ слове́съ твои́хъ ѡ҆лѧденѣ̑вшаѧ пе́рмскихъ люде́й сердца̀ воздѣ́лалъ є҆сѝ, / и҆ бжⷭ҇твенное сѣ́мѧ въ ни́хъ всѣ́ѧвъ, / пло́дъ кра́сный хрⷭ҇тꙋ̀ прине́слъ є҆сѝ."
|
|
},
|
|
{
|
|
"type": "TEXT",
|
|
"value": "Д а весели́тсѧ, сиби́рскаѧ страна̀:, / въ тебѣ̀ бо гдⷭ҇ь ꙗ҆вѝ ᲂу҆го́дники своѧ̑, / првⷣнаго сѷмеѡ́на верхотꙋ́рскаго, и҆ и҆ркꙋ́тскїѧ ст҃и́тели: і҆нноке́нтїа, сѡфро́нїа и҆ і҆ѡа́нна, / нѡ́выѧ ди̑вныѧ свѣти́льники и҆ чꙋдотво́рцы."
|
|
},
|
|
{
|
|
"type": "TEXT",
|
|
"value": "І҆ ера́рше бг҃омꙋ́дре дими́трїе, / житі́й ст҃ы́хъ списа́телю и҆ ревни́телю ѻ҆́҆́нѣмъ до́брый, / тѣ́хъ сла́вы мл҃твами твои́ми ꙗ҆вѝ ны̀ ѻ҆́бщники."
|
|
},
|
|
{
|
|
"type": "TEXT",
|
|
"value": "С т҃и́телю ѻ҆́тче митрофа́не, пе́рвый воро́нежꙋ па́стырю, / мꙋ́жество ве́лїе ꙗ҆ви́вый, / преще́нїѧ царе́ва и҆ сме́рти не ᲂу҆боѧ́всѧ / и҆ въ простотѣ̀ дꙋ́шꙋ свою̀ спасы́й, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ пчела̀, ме́дъ сла́дкїй ѿ цвѣ́тѡвъ скороꙋвѧда́ющихъ, собра́лъ є҆сѝ, ѻ҆́тче тѵ́хѡне, / ѿ тлѣ́ннагѡ мі́ра дх҃о́вное сокро́вище, / и҆́мже всѣ́хъ на́съ ᲂу҆слажда́еши."
|
|
},
|
|
{
|
|
"type": "TEXT",
|
|
"value": "Бл҃гослови́мъ ѻ҆ц҃а̀ и҆ сн҃а и҆ ст҃а́го дх҃а, гдⷭ҇а."
|
|
},
|
|
{
|
|
"type": "TEXT",
|
|
"value": "В ои́стиннꙋ ди̑вна и҆ па́че сло́ва чꙋдеса̀ твоѧ̑, феодо́сїе ѻ҆́тче на́шъ: / ꙗ҆ви́лсѧ бо є҆сѝ красота̀ гра́дꙋ черни́говꙋ, / сла́ва цр҃кви рѡссі́йстѣй, / правосла́вныѧ вѣ́ры нб҃е́сный проповѣ́дникъ, / и҆́стины свидѣ́тель непрело́жный."
|
|
},
|
|
{
|
|
"type": "TEXT",
|
|
"value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "Т ы̀ похвала̀ хрⷭ҇тїа́нѡмъ є҆сѝ влⷣчце, / ты̀ ѻ҆рꙋ́жїе на врагѝ и҆ стѣна̀ къ тебѣ̀ прибѣга́ющымъ. / тѧ̀ и҆ ны́нѣ на по́мощь призыва́емъ, гпⷭ҇жѐ, / не да́ждь вознести́сѧ на лю́ди твоѧ̑ врагѡ́мъ, / и҆́же тебѐ не хва́лѧтъ, ни сн҃а твоего̀ бцⷣе, / и҆ твое́й і҆кѡ́нѣ не кла́нѧютсѧ: / си́хъ побѣдѝ, и҆ дꙋ́шы на́шѧ спасѝ."
|
|
},
|
|
{
|
|
"type": "TEXT",
|
|
"value": "Хва́лимъ, благослови́мъ, покланѧ́емсѧ гдⷭ҇ви, пою́ще и҆ превозносѧ́ще во всѧ̀ вѣ́ки."
|
|
},
|
|
{
|
|
"type": "TEXT",
|
|
"value": "Катава́сїа: Ѻ҆́троки бл҃гочєсти́выѧ въ пещѝ / ржⷭ҇тво̀ бг҃оро́дичо сп҃сло̀ є҆́сть, / тогда̀ ᲂу҆́бѡ ѡ҆бразꙋ́емое: / ны́нѣ же дѣ́йствꙋемое, / вселе́ннꙋю всю̀ воздвиза́етъ пѣ́ти тебѣ̀: / гдⷭ҇а по́йте дѣла̀, / и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Та́же пое́мъ: Честнѣ́йшꙋю херꙋві̑мъ:"
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ѡ҆́бразъ чи́стагѡ ржⷭ҇тва̀ твоегѡ̀, / ѻ҆гнепали́маѧ кꙋпина̀ / показа̀ неѡпа́льнаѧ: / и҆ ны́нѣ на на́съ / напа́стей свирѣ́пѣющꙋю ᲂу҆гаси́ти мо́лимсѧ пе́щь, / да тѧ̀ бцⷣе / непреста́ннѡ велича́емъ."
|
|
},
|
|
{
|
|
"type": "TEXT",
|
|
"value": "Ѽ ка́кѡ, лю́дїе беззако́ннїи и҆ непокори́вїи, / лꙋка̑ваѧ совѣща́вше, / го́рдаго и҆ нечести́ваго ѡ҆правди́ша: / првⷣнаго же на дре́вѣ ѡ҆сꙋди́ша гдⷭ҇а сла́вы, / є҆го́же досто́йнѡ велича́емъ!"
|
|
},
|
|
{
|
|
"type": "TEXT",
|
|
"value": "С п҃се а҆́гнче непоро́чне, / и҆́же мі́ра грѣхѝ взе́мый, / тебѐ сла́вимъ воскрⷭ҇шаго тридне́внѡ, / со ѻ҆тце́мъ и҆ бж҃е́ственнымъ твои́мъ дх҃омъ, / и҆ гдⷭ҇а сла́вы: / є҆го́же бг҃осло́вѧще, велича́емъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сп҃сѝ лю́ди твоѧ̑, гдⷭ҇и, / и҆̀хже стѧжа́лъ є҆сѝ честно́ю твое́ю кро́вїю, / цр҃квамъ твои́мъ подаѧ̀ ми́ръ, чл҃вѣколю́бче, / бцⷣы мл҃твами."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Ѡ҆́бразъ чи́стагѡ:"
|
|
},
|
|
{
|
|
"type": "TEXT",
|
|
"value": "И҆ з̾ ко́рене дв҃дова прозѧбла̀ є҆сѝ прⷪ҇ро́ческагѡ дв҃о, и҆ бг҃оѻч҃ескагѡ: / но и҆ дв҃да ꙗ҆́кѡ вои́стиннꙋ ты̀ просла́вила є҆сѝ, / ꙗ҆́кѡ ро́ждши прⷪ҇ро́чествованнаго гдⷭ҇а сла́вы: / є҆го́же досто́йнѡ велича́емъ."
|
|
},
|
|
{
|
|
"type": "TEXT",
|
|
"value": "В сѧ́къ похва́льный, пречⷭ҇таѧ, зако́нъ / побѣжда́етсѧ вели́чествомъ сла́вы твоеѧ̀. / но ѽ влⷣчце, ѿ ра̑бъ твои́хъ недосто́йныхъ, / ѿ любвѐ тебѣ̀ приноси́мое прїимѝ, бцⷣе, / со ᲂу҆се́рдїемъ пѣ́нїе похва́льное."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Ѽ, дѣ́вства кра́й бцⷣе! / пѣ́снми же сла́вными / пра́здники возвыша́ющаѧ бл҃года́тей твои́хъ / и҆ ны́нѣ дѣ́вственною сло́ва твоегѡ̀ па́мѧтїю / наи́тїемъ та́йнымъ ᲂу҆краша́ющаѧ въ не́й / тѧ̀ велича́ющыѧ."
|
|
},
|
|
{
|
|
"type": "TEXT",
|
|
"value": "Ѽ ра́досте на́ша, серафі́ме прпⷣбне! / вели̑кїѧ твоѧ̑ пꙋсты̑нныѧ по́двиги и҆ трꙋды̀, / и҆ сла́дость ᲂу҆че́нїѧ твоегѡ̀ почита́емъ, / и҆́миже мнѡ́гїѧ приходѧ́щыѧ къ тебѣ̀ просвѣти́лъ є҆сѝ, / и҆ наꙋчи́лъ є҆сѝ воспѣва́ти є҆диносꙋ́щнꙋю трⷪ҇цꙋ."
|
|
},
|
|
{
|
|
"type": "TEXT",
|
|
"value": "Ѽ ст҃и́телю бѣлогра́дскїй і҆ѡаса́фе! / пра́вило вѣ́ры и҆ ѡ҆́бразъ милосе́рдїѧ / бл҃гочести́вымъ житїе́мъ твои́мъ всѣ̑мъ ꙗ҆ви́вый, / ко гдⷭ҇ꙋ непреста́ннѡ моли́сѧ, / да ᲂу҆тверди́тъ въ землѝ рꙋ́сской правовѣ́рїе, ми́ръ и҆ бл҃гоче́стїе."
|
|
},
|
|
{
|
|
"type": "TEXT",
|
|
"value": "Ѽ і҆ѡ́сифе, ст҃и́телю и҆ мч҃ниче! / гра́дъ а҆́страхань и҆ всѧ̀ во́лжскаѧ страна̀ тобо́ю хва́литсѧ / и҆ почита́етъ тѧ̀, за пра́вдꙋ ѿ безбо́жныхъ мѧтє́жникъ лю́тѣ пострада́вшаго."
|
|
},
|
|
{
|
|
"type": "TEXT",
|
|
"value": "Ѽ но́выхъ страстоте́рпцєвъ! / по́двигъ проти́вꙋ ѕло́бы ᲂу҆̀бѡ претерпѣ́ша, / вѣ́рꙋ хрⷭ҇то́вꙋ ꙗ҆́кѡ щи́тъ предъ ᲂу҆че́нїи мі́ра сегѡ̀ держа́ще, / и҆ на́мъ ѡ҆́бразъ терпѣ́нїѧ и҆ ѕлострада́нїѧ досто́йнѡ ꙗ҆влѧ́юще."
|
|
},
|
|
{
|
|
"type": "TEXT",
|
|
"value": "Ѽ тве́рдости и҆ мꙋ́жества полка̀ мч҃никъ хрⷭ҇то́выхъ, / за хрⷭ҇та̀ ᲂу҆бїе́нныхъ! / ті́и бо цр҃ковь правосла́внꙋю ᲂу҆краси́ша, / и҆ въ странѣ̀ свое́й крѡ́ви своѧ̑, ꙗ҆́кѡ сѣ́мѧ вѣ́ры да́ша, / и҆ кꙋ́пнѡ со всѣ́ми ст҃ы́ми досто́йнѡ да почтꙋ́тсѧ."
|
|
},
|
|
{
|
|
"type": "TEXT",
|
|
"value": "Ѽ вели́цыи на́ши ѻ҆тцы̀, и҆мени́тїи и҆ без̾име́ннїи, ꙗ҆вле́ннїи и҆ неѧвле́ннїи, / нбⷭ҇нагѡ сїѡ́на дости́гшїи, и҆ сла́вꙋ мно́гꙋ ѿ бг҃а прїи́мшїи, / ᲂу҆тѣше́нїе на́мъ въ ско́рби сꙋ́щымъ и҆спроси́те, / странꙋ̀ на́шꙋ па́дшꙋю возста́вите, и҆ лю́ди расточе́нныѧ собери́те, / ѿ на́съ ꙗ҆́кѡ да́ръ пѣ́снь бл҃годаре́нїѧ прїе́млюще."
|
|
},
|
|
{
|
|
"type": "TEXT",
|
|
"value": "Сла́ва: Ѽ трⷪ҇це прест҃а́ѧ, / прїимѝ, ꙗ҆́же рꙋ́сскаѧ землѧ̀ прино́ситъ тѝ / ꙗ҆́кѡ нача́тки, и҆ ꙗ҆́кѡ ѳѷмїа́мъ и҆збра́нный, / всѧ̑ ᲂу҆годи́вшыѧ и҆ пре́жде, и҆ по́слѣжде въ не́й, / зна́ємыѧ и҆ незна́ємыѧ, / мл҃твами и҆́хъ ѿ всѧ́кагѡ вре́да сїю̀ сохранѧ́й."
|
|
},
|
|
{
|
|
"type": "TEXT",
|
|
"value": "И҆ ны́нѣ: Ѽ дв҃о бл҃года́тнаѧ, / гра́ды и҆ вє́си на́шѧ чⷭ҇тна́гѡ зра́ка твоегѡ̀ и҆зѡбражє́нїи, / ꙗ҆́кѡ бл҃говоле́нїѧ зна́меньми, ѡ҆богати́вшаѧ, / бл҃годаре́нїе на́ше прїимѝ и҆ ѿ бѣ́дъ лю́тыхъ ѻ҆те́чество на́ше и҆зба́ви: / вси́ бо тѧ̀, ꙗ҆́кѡ покро́въ всемо́щный страны̀ на́шеѧ, велича́емъ."
|
|
},
|
|
{
|
|
"type": "TEXT",
|
|
"value": "Катава́сїа: Всѧ́къ земноро́дный / да взыгра́етсѧ дх҃омъ просвѣща́емь, / да торжествꙋ́етъ же безпло́тныхъ ᲂу҆мѡ́въ є҆стество̀, / почита́ющее сщ҃е́нное торжество̀ бг҃омт҃ре, / и҆ да вопїе́тъ: / ра́дꙋйсѧ всебл҃же́ннаѧ / бцⷣе, чⷭ҇таѧ приснодв҃о."
|
|
},
|
|
{
|
|
"type": "TEXT",
|
|
"value": "По ѳ҃-й пѣ́сни є҆ктенїа̀ и҆ Ст҃ъ гдⷭ҇ь бг҃ъ на́шъ:"
|
|
},
|
|
{
|
|
"type": "HEADER",
|
|
"value": "Та́же є҆ѯапостїла́рїй воскре́сенъ в҃-й:"
|
|
},
|
|
{
|
|
"type": "TEXT",
|
|
"value": "К а́мень ᲂу҆зрѣ́вшѧ ѿвале́нъ мѷронѡ́сицы, ра́довахꙋсѧ, / ви́дѣша во ю҆́ношꙋ сѣдѧ́ща во гро́бѣ, / и҆ то́й тѣ̑мъ речѐ: сѐ хрⷭ҇то́съ воста́лъ є҆́сть, / рцы́те съ петро́мъ ᲂу҆ч҃нкѡ́мъ: / на го́рꙋ приспѣ́йте галїле́йскꙋю, та́мѡ ва́мъ ꙗ҆ви́тсѧ, / ꙗ҆́коже предречѐ дрꙋгѡ́мъ."
|
|
},
|
|
{
|
|
"type": "HEADER",
|
|
"value": "Сла́ва, свѣти́ленъ ст҃ы́хъ. Подо́бенъ: Нб҃о ѕвѣзда́ми:"
|
|
},
|
|
{
|
|
"type": "TEXT",
|
|
"value": "В ъ пѣ́снехъ восхва́лимъ свѣти̑ла незаходи̑маѧ рѡссі̑йскїѧ землѝ, / таи́нники бж҃е́ственнагѡ сло́ва, / хрⷭ҇та̀ сла́вѧще, си́хъ просвѣти́вшаго и҆ возлюби́вшаго, / и҆ помо́щники на́мъ да́вшаго въ ско́рби."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ воскрⷭ҇нъ: А҆́гг҃лъ ᲂу҆́бѡ принесѐ дв҃ѣ, є҆́же ра́дꙋйсѧ, / пре́жде твоегѡ̀ зача́тїѧ хрⷭ҇тѐ, / а҆́гг҃лъ же ка́мень ѿвалѝ гро́ба твоегѡ̀, / вмѣ́стѡ печа́ли: ѻ҆́въ ᲂу҆́бѡ ра́дости неизрече́нныѧ зна́мєнїѧ, / ѻ҆́въ же въ сме́рти мѣ́сто, пода́телѧ тѧ̀ жи́зни проповѣ́дꙋѧ и҆ велича́ѧ, / и҆ глаго́лѧ воскрⷭ҇нїе жена́мъ, и҆ таи́нникѡмъ."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры воскрⷭ҇ны д҃҃. Гла́съ а҃:"
|
|
},
|
|
{
|
|
"type": "TEXT",
|
|
"value": "Сті́хъ: Сотвори́ти въ ни́хъ сꙋ́дъ напи́санъ: / сла́ва сїѧ̀ бꙋ́детъ всѣ̑мъ прпⷣбнымъ є҆гѡ̀."
|
|
},
|
|
{
|
|
"type": "TEXT",
|
|
"value": "П ое́мъ твою̀ хрⷭ҇тѐ, сп҃си́тельнꙋю стрⷭ҇ть, / и҆ сла́вимъ твоѐ воскрⷭ҇нїе."
|
|
},
|
|
{
|
|
"type": "TEXT",
|
|
"value": "Сті́хъ: Хвали́те бг҃а во ст҃ы́хъ є҆гѡ̀, / хвали́те є҆го̀ во ᲂу҆тверже́нїи си́лы є҆гѡ̀."
|
|
},
|
|
{
|
|
"type": "TEXT",
|
|
"value": "К рⷭ҇тъ претерпѣ́вый, и҆ сме́рть ᲂу҆праздни́вый, / и҆ воскрⷭ҇сы́й и҆з̾ ме́ртвыхъ, / ᲂу҆мирѝ на́шꙋ жи́знь, гдⷭ҇и, / ꙗ҆́кѡ є҆ди́нъ всеси́ленъ."
|
|
},
|
|
{
|
|
"type": "TEXT",
|
|
"value": "Сті́хъ: Хвали́те є҆го̀ на си́лахъ є҆гѡ̀, / хвали́те є҆го̀ по мно́жествꙋ вели́чествїѧ є҆гѡ̀."
|
|
},
|
|
{
|
|
"type": "TEXT",
|
|
"value": "А҆́ да плѣни́вый, и҆ человѣ́ка воскр҃си́вый, / воскрⷭ҇нїемъ твои́мъ хрⷭ҇тѐ, / сподо́би на́съ чи́стымъ се́рдцемъ, / тебѐ пѣ́ти и҆ сла́вити."
|
|
},
|
|
{
|
|
"type": "TEXT",
|
|
"value": "Сті́хъ: Хвали́те є҆го̀ во гла́сѣ трꙋ́бнѣмъ: / хвали́те є҆го̀ во ѱалти́ри и҆ гꙋ́слехъ."
|
|
},
|
|
{
|
|
"type": "TEXT",
|
|
"value": "Б г҃олѣ́пное твоѐ снисхожде́нїе сла́вѧще, / пое́мъ тѧ̀, хрⷭ҇тѐ. / роди́лсѧ є҆сѝ ѿ дв҃ы, и҆ не разлꙋче́нъ бы́лъ є҆сѝ ѿ ѻ҆ц҃а̀, / пострада́лъ є҆сѝ ꙗ҆́кѡ чл҃вѣ́къ, и҆ во́лею претерпѣ́лъ є҆сѝ крⷭ҇тъ, / воскрⷭ҇лъ є҆сѝ ѿ гро́ба, / ꙗ҆́кѡ ѿ черто́га произше́дъ да сп҃се́ши мі́ръ, / гдⷭ҇и, сла́ва тебѣ̀."
|
|
},
|
|
{
|
|
"type": "HEADER",
|
|
"value": "И҆ стїхи̑ры ст҃ы́хъ д҃, гла́съ а҃:"
|
|
},
|
|
{
|
|
"type": "TEXT",
|
|
"value": "Сті́хъ: Хвали́те є҆го̀ въ тѷмпа́нѣ и҆ ли́цѣ, / хвали́те є҆го̀ во стрꙋ́нахъ и҆ ѻ҆рга́нѣ."
|
|
},
|
|
{
|
|
"type": "TEXT",
|
|
"value": "Д х҃а твоего̀ гдⷭ҇и, / посла́лъ є҆сѝ въ разꙋ́мнꙋю дꙋ́шꙋ кнѧ́зѧ влади́мїра / позна́ти тѧ̀, є҆ди́наго въ трⷪ҇цѣ бг҃а. / тѣ́мже креще́нїемъ просвѣти́въ и҆збра̑нныѧ своѧ̑, / тобо́ю порꙋчє́нныѧ є҆мꙋ̀ лю́ди, / приведѐ и҆́хъ вѣ́рою, / въ цр҃кви твое́й вопїю́щыѧ: / и҆зба́вителю на́шъ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Гла́съ в҃. Сті́хъ: Хвали́те є҆го̀ въ кѷмва́лѣхъ доброгла́сныхъ, хвали́те є҆го̀ въ кѷмва́лѣхъ восклица́нїѧ: / всѧ́кое дыха́нїе да хва́литъ гдⷭ҇а."
|
|
},
|
|
{
|
|
"type": "TEXT",
|
|
"value": "С вѣти̑ла рꙋ́сскїѧ землѝ, мꙋ́ченики прехва́льныѧ, / ст҃и́тели, просвѣти́тєли на́шѧ и҆ вѣ́ры ᲂу҆твержде́нїе, / прпⷣбныѧ же гра́жданы пꙋсты̑нныѧ и҆ наста́вники благоче́стїѧ, / соше́дшесѧ согла́снѡ ᲂу҆бл҃жи́мъ, вопїю́ще къ ни́мъ: / прпⷣбнїи и҆ мч҃ницы, и҆ првⷣнїи, и҆ всѝ рѡссі́йстїи ст҃і́и, / моли́те хрⷭ҇та̀ бг҃а, / дарова́ти на́мъ ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Сті́хъ: Воззва́ша пра́веднїи, / и҆ гдⷭ҇ь ᲂу҆слы́ша и҆̀хъ."
|
|
},
|
|
{
|
|
"type": "TEXT",
|
|
"value": "П рпⷣбнїи ѻ҆тцы̀ / бы́сте цвѣ́ти дх҃о́внїи рѡссі́йстѣй землѝ, / похвала̀ на́ша и҆ ᲂу҆твержде́нїе, / и҆ всѣ́мъ бл҃гоꙋти́шное приста́нище, / ѡ҆ ва́съ бо землѧ̀ на́ша хва́литсѧ, / стѧжа́вши ва́съ ꙗ҆́кѡ неистощи́мое сокро́вище. / и҆ ны́нѣ а҆́ще тѣле́снѣ ѧ҆зы́къ ва́шъ ᲂу҆молчѐ, / ѻ҆ба́че чꙋдеса̀ свидѣ́тельствꙋютъ просла́вившаго ва́съ гдⷭ҇а. / є҆мꙋ́же моли́тесѧ, дарова́ти дꙋша́мъ на́шымъ ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "Гла́съ д҃. Сті́хъ: Бл҃же́ни всѝ боѧ́щїисѧ гдⷭ҇а, / ходѧ́щїи въ пꙋте́хъ є҆гѡ̀:."
|
|
},
|
|
{
|
|
"type": "TEXT",
|
|
"value": "Г ла́съ є҆ѵⷢ҇льскїй ᲂу҆слы́шавше / и҆ а҆пⷭ҇льскою ре́вностїю распали́вшесѧ, / къ наꙋче́нїю невѣ́рныхъ ꙗ҆зы́кѡвъ ᲂу҆стреми́стесѧ, / бг҃обл҃же́ннїи и҆ равноапⷭ҇льнїи / кꙋ́кшо, лео́нтїе, стефа́не и҆ гꙋ́рїе, / и҆ досточꙋ́дный і҆нноке́нтїе, / вели́кїѧ сиби́рскїѧ страны̀ а҆пⷭ҇ле, / и҆ просвѣще́нїѧ за мо́ремъ сꙋ́щихъ, / но́выхъ стра́нъ первонача́льниче: / тѣ́мже со всѣ́ми про́чими / въ бл҃говѣ́стїи хрⷭ҇то́вѣ потрꙋди́вшимисѧ / досто́йнѡ ᲂу҆бл҃жа́етесѧ."
|
|
},
|
|
{
|
|
"type": "HEADER",
|
|
"value": "Сла́ва, стїхи̑ра ᲂу҆́треннѧѧ є҆ѵⷢ҇льскаѧ, гла́съ в҃:"
|
|
},
|
|
{
|
|
"type": "TEXT",
|
|
"value": "С ъ мѵ́ры прише́дшымъ ꙗ҆̀же съ марі́ею жена́мъ, / и҆ недоꙋмѣва́ющымсѧ, / ка́кѡ бꙋ́детъ и҆̀мъ ᲂу҆лꙋчи́ти жела́нїе, / ꙗ҆ви́сѧ ка́мень взѧ́тъ, / и҆ бж҃е́ственный ю҆́ноша ᲂу҆толѧ́ѧ мѧте́жъ дꙋ́шъ и҆́хъ: / воста́ бо глаго́летъ, і҆и҃съ гдⷭ҇ь. / тѣ́мже проповѣ́дите проповѣ́дникѡмъ є҆гѡ̀, / ᲂу҆ч҃никѡ́мъ въ галїле́ю тещѝ, / и҆ ви́дѣти є҆го̀ воскр҃сша и҆з̾ ме́ртвыхъ, / ꙗ҆́кѡ жизнода́вца и҆ гдⷭ҇а."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, гла́съ то́йже: Пребл҃гослове́нна є҆сѝ бцⷣе дв҃о, / вопло́щшимъ бо сѧ и҆з̾ тебѐ а҆́дъ плѣни́сѧ, / а҆да́мъ воззва́сѧ, клѧ́тва потреби́сѧ, / є҆́ѵа свободи́сѧ, сме́рть ᲂу҆мертви́сѧ, и҆ мы̀ ѡ҆жи́хомъ. / тѣ́мъ воспѣва́юще вопїе́мъ: / бл҃гослове́нъ хрⷭ҇то́съ бг҃ъ, / бл҃говоли́вый та́кѡ, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Славосло́вїе вели́кое."
|
|
},
|
|
{
|
|
"type": "HEADER",
|
|
"value": "Та́же, тропа́рь воскрⷭ҇нъ:"
|
|
},
|
|
{
|
|
"type": "TEXT",
|
|
"value": "Д не́сь сп҃се́нїе мі́рꙋ бы́сть, / пое́мъ воскрⷭ҇шемꙋ и҆з̾ гро́ба, / и҆ нача́льникꙋ жи́зни на́шеѧ: / разрꙋши́въ бо сме́ртїю сме́рть, / побѣ́дꙋ дадѐ на́мъ, и҆ ве́лїю млⷭ҇ть."
|
|
},
|
|
{
|
|
"type": "TEXT",
|
|
"value": "И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и."
|
|
},
|
|
{
|
|
"type": "HEADER",
|
|
"value": "Бл҃жє́нны воскрє́сны а҃-гѡ гла́са на ѕ҃:"
|
|
},
|
|
{
|
|
"type": "TEXT",
|
|
"value": "Во црⷭ҇твїи твое́мъ помѧнѝ на́съ гдⷭ҇и."
|
|
},
|
|
{
|
|
"type": "TEXT",
|
|
"value": "Бл҃же́ни ни́щїи дх҃омъ, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
|
},
|
|
{
|
|
"type": "TEXT",
|
|
"value": "Бл҃же́ни пла́чꙋщїи ꙗ҆́кѡ ті́и ᲂу҆тѣ́шатсѧ."
|
|
},
|
|
{
|
|
"type": "TEXT",
|
|
"value": "Бл҃же́ни кро́тцыи, ꙗ҆́кѡ ті́и наслѣ́дѧтъ зе́млю."
|
|
},
|
|
{
|
|
"type": "TEXT",
|
|
"value": "С нѣ́дїю и҆зведѐ и҆з̾ раѧ̀ вра́гъ а҆да́ма: / крⷭ҇то́мъ же разбо́йника введѐ хрⷭ҇то́съ во́нь, / помѧни́ мѧ, зовꙋ́ща, / є҆гда̀ прїи́деши во црⷭ҇твїи твое́мъ."
|
|
},
|
|
{
|
|
"type": "TEXT",
|
|
"value": "Бл҃же́ни а҆́лчꙋщїи и҆ жа́ждꙋщїи пра́вды, ꙗ҆́кѡ ті́и насы́тѧтсѧ."
|
|
},
|
|
{
|
|
"type": "TEXT",
|
|
"value": "П окла́нѧюсѧ стрⷭ҇те́мъ твои̑мъ, / славосло́влю и҆ воскр҃се́нїе со а҆да́момъ и҆ разбо́йникомъ, / со гла́сомъ свѣ́тлымъ вопїю́ ти: / помѧни́ мѧ гдⷭ҇и, / є҆гда̀ прїи́деши во црⷭ҇твїи твое́мъ."
|
|
},
|
|
{
|
|
"type": "TEXT",
|
|
"value": "Бл҃же́ни млⷭ҇тивїи, ꙗ҆́кѡ ті́и поми́ловани бꙋ́дꙋтъ."
|
|
},
|
|
{
|
|
"type": "TEXT",
|
|
"value": "Р аспѧ́лсѧ є҆сѝ безгрѣ́шне, / и҆ во гро́бѣ положи́лсѧ є҆сѝ во́лею: / но воскрⷭ҇лъ є҆сѝ ꙗ҆́кѡ бг҃ъ, / совоздви́гнꙋвый себѣ̀ а҆да́ма, / помѧни́ мѧ, зовꙋ́ща, / є҆гда̀ прїи́деши во црⷭ҇твїи твое́мъ."
|
|
},
|
|
{
|
|
"type": "TEXT",
|
|
"value": "Бл҃же́ни чи́стїи се́рдцемъ, ꙗ҆́кѡ ті́и бг҃а ᲂу҆́зрѧтъ."
|
|
},
|
|
{
|
|
"type": "TEXT",
|
|
"value": "Х ра́мъ тво́й тѣле́сный тридне́внымъ воскр҃си́вый погребе́нїемъ, / со а҆да́момъ, и҆ и҆̀же ѡ҆ а҆да́ма, воскр҃си́лъ є҆сѝ хрⷭ҇тѐ бж҃е: / помѧнѝ на́съ зовꙋ́щихъ, / є҆гда̀ прїи́деши во црⷭ҇твїи твое́мъ."
|
|
},
|
|
{
|
|
"type": "TEXT",
|
|
"value": "Бл҃же́ни миротво́рцы, ꙗ҆́кѡ ті́и сы́нове бж҃їи нарекꙋ́тсѧ."
|
|
},
|
|
{
|
|
"type": "TEXT",
|
|
"value": "М ѷронѡ́сицы прїидо́ша пла́чꙋщѧ, / на гро́бъ тво́й хрⷭ҇тѐ бж҃е, ѕѣлѡ̀ ра́нѡ: / и҆ въ бѣ́лыхъ ри́захъ ѡ҆брѣто́ша а҆́гг҃ла сѣдѧ́ща, / что̀ и҆́щете; зовꙋ́ща. / воскр҃се хрⷭ҇то́съ, не рыда́йте про́чее."
|
|
},
|
|
{
|
|
"type": "TEXT",
|
|
"value": "Бл҃же́ни и҆згна́ни пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное."
|
|
},
|
|
{
|
|
"type": "TEXT",
|
|
"value": "А҆ пⷭ҇ли твоѝ гдⷭ҇и / на го́рꙋ, а҆́може повелѣ́лъ є҆сѝ и҆̀мъ, прише́дше сп҃се, / и҆ тѧ̀ ви́дѣвше поклони́шасѧ / и҆̀хже и҆ посла́лъ є҆сѝ во ꙗ҆зы́ки ᲂу҆чи́ти и҆ крести́ти ѧ҆̀."
|
|
},
|
|
{
|
|
"type": "HEADER",
|
|
"value": "Бл҃жє́нна ст҃ы́хъ на д҃, гла́съ и҃:"
|
|
},
|
|
{
|
|
"type": "TEXT",
|
|
"value": "Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менє̀ ра́ди."
|
|
},
|
|
{
|
|
"type": "TEXT",
|
|
"value": "Н е мече́мъ зе́млю на́шꙋ наслѣ́дихомъ, / но десни́цею твое́ю и҆ мы́шцею твое́ю / и҆ просвѣще́нїемъ лица̀ твоегѡ̀: / и҆ ст҃ы́хъ твои́хъ слеза́ми, / по́двиги и҆ по́ты, / кровьмѝ и҆ ᲂу҆че́нїи / ѻ҆те́чество на́ше ᲂу҆тверди́сѧ."
|
|
},
|
|
{
|
|
"type": "TEXT",
|
|
"value": "Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
|
},
|
|
{
|
|
"type": "TEXT",
|
|
"value": "Є҆ гда̀ ѿстꙋпи́хомъ ѿ тебѐ / и҆ за́пѡвѣди твоѧ̑ не сотвори́хомъ, / тогда̀ ѿри́нꙋлъ ны̀ є҆сѝ и҆ низложи́лъ є҆сѝ, / и҆ па́че всѣ́хъ ꙗ҆зы̑къ ᲂу҆ма́лихомсѧ: / но пощадѝ на́съ, бж҃е сп҃си́телю на́шъ, / ст҃ы́хъ твои́хъ мольба́ми."
|
|
},
|
|
{
|
|
"type": "TEXT",
|
|
"value": "Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ."
|
|
},
|
|
{
|
|
"type": "TEXT",
|
|
"value": "Ѽ трⷪ҇це пребж҃е́ственнаѧ, / возвратѝ плѣне́нїе на́ше, / ᲂу҆врачꙋ́й болѣ̑зни и҆ скѡ́рби на́шѧ, / воздви́гни дх҃ъ на́шъ ѿ лѣ́ности и҆ сна̀ грѣхо́внагѡ, / да досто́йни бꙋ́демъ ѻ҆тцє́въ и҆ бра́тїй на́шихъ, / по́двиги свои́ми / въ землѝ на́шей и҆́мѧ твоѐ просла́вльшихъ."
|
|
},
|
|
{
|
|
"type": "TEXT",
|
|
"value": "И҆ ны́нѣ и҆ при́снѡ и҆ во вѣ́ки вѣкѡ́въ, а҆ми́нь."
|
|
},
|
|
{
|
|
"type": "TEXT",
|
|
"value": "Р асточє́нныѧ соберѝ, / ѿлꙋчє́нныѧ возвратѝ, / ѿпа́дшыѧ ѿ вѣ́ры правосла́вныѧ па́ки ѡ҆братѝ, / пла́чꙋщыѧ и҆ скорбѧ́щыѧ ᲂу҆тѣ́ши, / землѝ на́шеѧ пови́гшїѧсѧ сокрꙋше́нїе и҆сцѣлѝ бл҃года́тнаѧ, / со ст҃ы́ми соѻ́тчичи на́шими / бг҃а ѡ҆ на́съ ᲂу҆молѧ́ющи."
|
|
},
|
|
{
|
|
"type": "HEADER",
|
|
"value": "Тропа́рь воскрⷭ҇нъ, гла́съ а҃:"
|
|
},
|
|
{
|
|
"type": "TEXT",
|
|
"value": "К а́мени запеча́танꙋ ѿ і҆ꙋдє́й, / и҆ во́инѡмъ стрегꙋ́щымъ пречⷭ҇тое тѣ́ло твоѐ, / воскрⷭ҇лъ є҆сѝ тридне́вный, сп҃се, / да́рꙋѧй мі́рови жи́знь. / сегѡ̀ ра́ди си̑лы нбⷭ҇ныѧ вопїѧ́хꙋ тѝ, жизнода́вче: / сла́ва воскрⷭ҇нїю твоемꙋ̀, хрⷭ҇тѐ: / сла́ва црⷭ҇твїю твоемꙋ̀: / сла́ва смотре́нїю твоемꙋ̀, є҆ди́не чл҃вѣколю́бче."
|
|
},
|
|
{
|
|
"type": "HEADER",
|
|
"value": "Тропа́рь ст҃ы́хъ, гла́съ и҃:"
|
|
},
|
|
{
|
|
"type": "TEXT",
|
|
"value": "Ꙗ҆́ коже пло́дъ кра́сный твоегѡ̀ сп҃си́тельнагѡ сѣ́ѧнїѧ, / землѧ̀ рѡссі́йскаѧ прино́ситъ тѝ, гдⷭ҇и, / всѧ̑ ст҃ы̑ѧ въ то́й просїѧ́вшыѧ. / тѣ́хъ мл҃твами въ ми́рѣ глꙋбо́цѣ / цр҃ковь и҆ странꙋ̀ на́шꙋ бцⷣею соблюдѝ, многомлⷭ҇тиве."
|
|
},
|
|
{
|
|
"type": "HEADER",
|
|
"value": "Конда́къ воскре́сенъ, гла́съ а҃. Подо́бенъ: Є҆гда̀ прїи́деши:"
|
|
},
|
|
{
|
|
"type": "TEXT",
|
|
"value": "В оскрⷭ҇лъ є҆сѝ ꙗ҆́кѡ бг҃ъ и҆з̾ гро́ба во сла́вѣ, / и҆ мі́ръ совоскр҃си́лъ є҆сѝ, / и҆ є҆стество̀ человѣ́ческое ꙗ҆́кѡ бг҃а воспѣва́етъ тѧ̀, и҆ сме́рть и҆счезѐ: / а҆да́мъ же ликꙋ́етъ влⷣко, / є҆́ѵа ны́нѣ ѿ ᲂу҆́зъ и҆збавлѧ́ема ра́дꙋетсѧ зовꙋ́щи: / ты̀ є҆сѝ, и҆́же всѣ̑мъ подаѧ̀ хрⷭ҇тѐ воскрⷭ҇нїе."
|
|
},
|
|
{
|
|
"type": "HEADER",
|
|
"value": "Конда́къ ст҃ы́хъ, гла́съ г҃. Подо́бенъ: Дв҃а дне́сь:"
|
|
},
|
|
{
|
|
"type": "TEXT",
|
|
"value": "Д не́сь ли́къ ст҃ы́хъ, въ землѝ на́шей бг҃ꙋ ᲂу҆годи́вшихъ, предстои́тъ въ цр҃кви / и҆ неви́димѡ за ны̀ мо́литсѧ бг҃ꙋ. / а҆́гг҃ли съ ни́мъ славосло́вѧтъ, / и҆ всѝ ст҃і́и цр҃кве хрⷭ҇то́вы є҆мꙋ̀ спра́зднꙋютъ, / ѡ҆ на́съ бо мо́лѧтъ всѝ кꙋ́пно / превѣ́чнаго бг҃а."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ а҃:"
|
|
},
|
|
{
|
|
"type": "TEXT",
|
|
"value": "Б ꙋ́ди гдⷭ҇и, млⷭ҇ть твоѧ̀ на на́съ, / ꙗ҆́коже ᲂу҆пова́хомъ на тѧ̀. Сті́хъ: Ра́дꙋйтесѧ првⷣнїи ѡ҆ гдⷭ҇ѣ, пра̑вымъ подоба́етъ похвала̀."
|
|
},
|
|
{
|
|
"type": "TEXT",
|
|
"value": "И҆ прокі́менъ, гла́съ з҃: Честна̀ пред̾ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ ри́млѧнѡмъ, зача́ло п҃а ѿ полꙋ̀."
|
|
},
|
|
{
|
|
"type": "TEXT",
|
|
"value": "Б ра́тїе, сла́ва и҆ че́сть и҆ ми́ръ всѧ́комꙋ дѣ́лающемꙋ бл҃го́е, і҆ꙋде́еви же пре́жде и҆ є҆́ллинꙋ. нѣ́сть бо на лица̀ зрѣ́нїѧ ᲂу҆ бг҃а. є҆ли́цы бо беззако́ннѡ согрѣши́ша, беззако́ннѡ и҆ поги́бнꙋтъ: и҆ є҆ли́цы въ зако́нѣ согрѣши́ша, зако́номъ сꙋ́дъ прїи́мꙋтъ. не слы́шателїе бо зако́на пра́ведни пред̾ бг҃омъ, но творцы̀ зако́на, сі́и ѡ҆правдѧ́тсѧ. є҆гда́ бо ꙗ҆зы́цы не и҆мꙋ́ще зако́на, є҆стество́мъ закѡ́ннаѧ творѧ́тъ: сі́и зако́на не и҆мꙋ́ще, са́ми себѣ̀ сꙋ́ть зако́нъ: и҆́же ꙗ҆влѧ́ютъ дѣ́ло зако́нное напи́сано въ сердца́хъ свои́хъ, спослꙋшествꙋ́ющи и҆̀мъ со́вѣсти, и҆ междꙋ̀ собо́ю помыслѡ́мъ, ѡ҆сꙋжда́ющымъ и҆лѝ ѿвѣща́ющымъ, въ де́нь є҆гда̀ сꙋ́дитъ бг҃ъ та̑йнаѧ человѣ́кѡмъ, по бл҃говѣ́стїю моемꙋ̀, і҆и҃сомъ хрⷭ҇то́мъ."
|
|
},
|
|
{
|
|
"type": "HEADER",
|
|
"value": "И҆ ст҃ы́хъ, ко є҆вре́ємъ посла́нїе, зача́ло т҃л."
|
|
},
|
|
{
|
|
"type": "TEXT",
|
|
"value": "Б ра́тїе, ст҃і́и всѝ вѣ́рою побѣди́ша ца́рствїѧ, содѣ́ѧша пра́вдꙋ, полꙋчи́ша ѡ҆бѣтова̑нїѧ, загради́ша ᲂу҆ста̀ львѡ́въ: ᲂу҆гаси́ша си́лꙋ ѻ҆́гненнꙋю, и҆збѣго́ша ѻ҆́стреѧ меча̀, возмого́ша ѿ не́мощи, бы́ша крѣ́пцы во бране́хъ, ѡ҆брати́ша въ бѣ́гство полкѝ чꙋжи́хъ. прїѧ́ша жєны̀ ѿ воскресе́нїѧ мє́ртвыѧ своѧ̀: и҆ні́и же и҆збїе́ни бы́ша, не прїе́мше и҆збавле́нїѧ, да лꙋ́чшее воскрⷭ҇нїе ᲂу҆лꙋча́тъ: дрꙋзі́и же рꙋга́нїемъ и҆ ра́нами и҆скꙋше́нїе прїѧ́ша, є҆ще́ же и҆ ᲂу҆́зъ и҆ темни́цъ. ка́менїемъ побїе́ни бы́ша, претре́ни бы́ша, и҆скꙋше́ни бы́ша, ᲂу҆бі́йствомъ меча̀ ᲂу҆мро́ша: проидо́ша въ ми́лѡтехъ, и҆ въ ко́зїѧхъ ко́жахъ, лише́ни, скорбѧ́ще, ѡ҆ѕло́блени: и҆́хже не бѣ̀ досто́инъ ве́сь мі́ръ, въ пꙋсты́нѧхъ скита́ющесѧ, и҆ въ гора́хъ, и҆ въ верте́пахъ, и҆ въ про́пастехъ земны́хъ. и҆ сі́и всѝ послꙋ́шествовани бы́вше вѣ́рою, не прїѧ́ша ѡ҆бѣтова́нїѧ: бг҃ꙋ лꙋ́чшее что̀ ѡ҆ на́съ предзрѣ́вшꙋ, да не без̾ на́съ соверше́нство прїи́мꙋтъ. тѣ́мже ᲂу҆́бѡ и҆ мы̀, толи́къ и҆мꙋ́ще ѡ҆блежа́щъ на́съ ѻ҆́блакъ свидѣ́телей, го́рдость всѧ́кꙋ ѿло́жше, и҆ ᲂу҆до́бь ѡ҆бстоѧ́тельный грѣ́хъ, терпѣ́нїемъ да тече́мъ на предлежа́щїй на́мъ по́двигъ: взира́юще на нача́льника вѣ́ры, и҆ соверши́телѧ і҆и҃са."
|
|
},
|
|
{
|
|
"type": "HEADER",
|
|
"value": "А҆ллилꙋ́їа, гла́съ а҃:"
|
|
},
|
|
{
|
|
"type": "TEXT",
|
|
"value": "Сті́хъ: Бг҃ъ даѧ́й ѿмще́нїе мнѣ̀, и҆ покори́вый лю́ди под̾ мѧ̀. Сті́хъ: Велича́ѧй сп҃сє́нїѧ царе́ва, и҆ творѧ́й млⷭ҇ть хрїстꙋ̀ своемꙋ̀ дв҃дꙋ, и҆ сѣ́мени є҆гѡ̀ до вѣ́ка."
|
|
},
|
|
{
|
|
"type": "TEXT",
|
|
"value": "И҆ ст҃ы́хъ. Сті́хъ: Весели́тесѧ ѡ҆ гдⷭ҇ѣ и҆ ра́дꙋйтесѧ првⷣнїи."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ матфе́а, зача́ло ѳ҃."
|
|
},
|
|
{
|
|
"type": "TEXT",
|
|
"value": "В о вре́мѧ ѻ҆́но, ходѧ̀ і҆и҃съ при мо́ри галїле́йстѣмъ, ви́дѣ два̀ бра́та, сі́мѡна глаго́лемаго петра̀, и҆ а҆ндре́а бра́та є҆гѡ̀, вмета́юща мрє́жи въ мо́ре, бѣ́ста бо ры́барѧ. и҆ глаго́ла и҆́ма: грѧди́та по мнѣ̀, и҆ сотворю́ вы ловца̀ чл҃вѣ́кѡмъ. ѻ҆́на же а҆́бїе ѡ҆ста́вльша мрє́жи, по не́мъ и҆до́ста. и҆ прише́дъ ѿтꙋ́дꙋ, ви́дѣ и҆́на два̀ бра́та, і҆а́кѡва зеведе́ева и҆ і҆ѡа́нна бра́та є҆гѡ̀, въ кораблѝ съ зеведе́омъ ѻ҆тце́мъ є҆ю̀, завѧзꙋ́юща мрє́жи своѧ̀, и҆ воззва̀ ѧ҆̀. ѻ҆́на же а҆́бїе ѡ҆ста́вльша кора́бль и҆ ѻ҆тца̀ своего̀, по не́мъ и҆до́ста. и҆ прохожда́ше всю̀ галїле́ю і҆и҃съ, ᲂу҆чѧ̀ на со́нмищахъ и҆́хъ, и҆ проповѣ́даѧ є҆ѵⷢ҇лїе црⷭ҇твїѧ, и҆сцѣлѧ́ѧ всѧ́къ недꙋ́гъ, и҆ всѧ́кꙋ ꙗ҆́зю въ лю́дехъ."
|
|
},
|
|
{
|
|
"type": "HEADER",
|
|
"value": "И҆ ст҃ы́хъ, ѿ матѳе́а, зача́ло і҃."
|
|
},
|
|
{
|
|
"type": "TEXT",
|
|
"value": "В о вре́мѧ ѻ҆́но, по і҆и҃сѣ и҆до́ша наро́ди мно́зи ѿ галїле́и и҆ десѧтѝ гра́дъ, и҆ ѿ і҆ерⷭ҇ли́ма, и҆ і҆ꙋде́и, и҆ со ѻ҆́нагѡ по́лꙋ і҆ѻрда́на. ᲂу҆зрѣ́въ же наро́ды, взы́де на горꙋ̀: и҆ сѣ́дшꙋ є҆мꙋ̀ пристꙋпи́ша къ немꙋ̀ ᲂу҆чн҃цы̀ є҆гѡ̀. и҆ ѿве́рзъ ᲂу҆ста̀ своѧ̀, ᲂу҆ча́ше и҆̀хъ, глаго́лѧ: бл҃же́ни ни́щїи дх҃омъ: ꙗ҆́кѡ тѣ́хъ є҆́сть црⷭ҇твїе нбⷭ҇ное. бл҃же́ни пла́чꙋщїи: ꙗ҆́кѡ ті́и ᲂу҆тѣ́шатсѧ. бл҃же́ни кро́тцыи: ꙗ҆́кѡ ті́и наслѣ́дѧтъ зе́млю. бл҃же́ни а҆́лчꙋщїи и҆ жа́ждꙋщїи пра́вды: ꙗ҆́кѡ ті́и насы́тѧтсѧ. бл҃же́ни млⷭ҇тивїи: ꙗ҆́кѡ ті́и поми́ловани бꙋ́дꙋтъ. бл҃же́ни чи́стїи се́рдцемъ: ꙗ҆́кѡ ті́и бг҃а ᲂу҆́зрѧтъ. бл҃же́ни миротво́рцы: ꙗ҆́кѡ ті́и сн҃ове бж҃їи нарекꙋ́тсѧ. бл҃же́ни и҆згна́ни пра́вды ра́ди: ꙗ҆́кѡ тѣ́хъ є҆́сть црⷭ҇твїе нбⷭ҇ное. бл҃же́ни є҆стѐ, є҆гда̀ поно́сѧтъ ва́мъ, и҆ и҆жденꙋ́тъ, и҆ рекꙋ́тъ всѧ́къ ѕо́лъ глаго́лъ на вы̀ лжꙋ́ще, менѐ ра́ди: ра́дꙋйтесѧ, и҆ весели́тесѧ, ꙗ҆́кѡ мзда̀ ва́ша мно́га на нб҃сѣ́хъ."
|
|
},
|
|
{
|
|
"type": "HEADER",
|
|
"value": "Прича́стенъ:"
|
|
},
|
|
{
|
|
"type": "TEXT",
|
|
"value": "Х вали́те гдⷭ҇а съ нб҃съ, / хвали́те є҆гѡ̀ въ вы́шнихъ. И҆ ст҃ы́хъ: Ра́дꙋйтесѧ пра́веднїи ѡ҆ гдⷭ҇ѣ, / пра̑вымъ подоба́етъ похвала̀. / А҆ ллилꙋ́їа, три́жды."
|
|
},
|
|
{
|
|
"type": "HEADER",
|
|
"value": "Коне́цъ и҆ бг҃ꙋ сла́ва."
|
|
},
|
|
{
|
|
"type": "TEXT",
|
|
"value": "Вертоград"
|
|
}
|
|
] |