766 lines
72 KiB
JSON
766 lines
72 KiB
JSON
[
|
|
{
|
|
"type": "HEADER",
|
|
"value": "Ное́мврїа к҃з"
|
|
},
|
|
{
|
|
"type": "HEADER",
|
|
"value": "По бз҃ѣ зна́менїе, бы́вшее пречⷭ҇тою бцⷣею въ вели́комъ новѣ́градѣ."
|
|
},
|
|
{
|
|
"type": "HEADER",
|
|
"value": "На ма́лѣй вече́рни, На Гдⷭ҇и, воззва́хъ, стїхи̑ры на д҃, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Ны́нѣ наста̀ де́нь ра́достенъ и҆ весе́лїѧ и҆спо́лненъ дне́сь: ѿ скорбе́й бо премѣне́нїе, дв҃о бг҃ороди́тельнице, зна́менїе і҆кѡ́ны твоеѧ̀, пречⷭ҇таѧ, пра́здникъ свѣ́телъ торжествꙋ́юще зове́мъ: влⷣчце, и҆зба́ви ѿ бѣ́дъ дꙋ́шы на̑ша. Два́жды."
|
|
},
|
|
{
|
|
"type": "TEXT",
|
|
"value": "Сѐ ны́нѣ вре́мѧ благопрїѧ́тно, сѐ ны́нѣ де́нь спасе́нїѧ, сѐ хра́мъ пресвѣ́телъ и҆ мѣ́сто свѧще́нїѧ, зна́менїѧ і҆кѡ́ны твоеѧ̀, пречⷭ҇таѧ, пра́здникъ дꙋхо́внѣ соверша́юще, вопїе́мъ: влⷣчце мт҃и хрⷭ҇та̀ бг҃а, и҆зба́ви ѿ бѣ́дъ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Чꙋ́дное ѡ҆долѣ́нїе, и҆ зна́менїе стра́шно и҆ ве́щь пресла́внꙋю дне́сь пра́зднꙋюще лю́дїе твоѝ, бцⷣе, похва́льнꙋю пѣ́снь съ гаврїи́ломъ прино́симъ тѝ, глаго́люще: ра́дꙋйсѧ, ѡ҆бра́дованнаѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ а҃:"
|
|
},
|
|
{
|
|
"type": "TEXT",
|
|
"value": "Ди̑вна правосла́вныхъ торжєства̀, дне́сь сте́кшесѧ ѱалѡ́мскаѧ пѣ̑нїѧ принесе́мъ, глаго́люще: воскрⷭ҇нѝ, гдⷭ҇и, въ поко́й тво́й, ты̀ и҆ кївѡ́тъ ст҃ы́ни твоеѧ̀: ꙗ҆́кѡ побѣ́дꙋ дарова́лъ є҆сѝ ѻ҆́бразъ пречⷭ҇тыѧ твоеѧ̀ мт҃ре, сло́ве. Є҆ѧ́же моли́твами, і҆и҃се всеси́льне, спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "До́мꙋ премꙋ́дрости бж҃їѧ, чꙋ́дномꙋ ст҃и́телю, ꙗ҆́вльсѧ свѣ́тлымъ ѻ҆́бразомъ, дерза́ти повелѣва́етъ, и҆ наде́жди не ѿпа́дати."
|
|
},
|
|
{
|
|
"type": "TEXT",
|
|
"value": "Сті́хъ: Воскреснѝ, гдⷭ҇и, въ поко́й тво́й, ты̀ и҆ кївѡ́тъ ст҃ы́ни твоеѧ̀."
|
|
},
|
|
{
|
|
"type": "TEXT",
|
|
"value": "Въ хра́мъ тво́й, влⷣчце, соше́дшесѧ наро́ди, молѧ́шесѧ глаго́лахꙋ: ви́ждь ѡ҆ѕлобле́нїе на́ше, и҆ пода́ждь на́мъ по́мощь, пречⷭ҇таѧ."
|
|
},
|
|
{
|
|
"type": "TEXT",
|
|
"value": "Сті́хъ: Клѧ́тсѧ гдⷭ҇ь дв҃дꙋ и҆́стиною, и҆ не ѿве́ржетсѧ є҆ѧ̀."
|
|
},
|
|
{
|
|
"type": "TEXT",
|
|
"value": "Ви́ждь, пречⷭ҇таѧ, бѣды̑ ра̑бъ твои́хъ, и҆ не ѿри́ни на́съ въ коне́цъ, на твою̀ по́мощь надѣ́ющихсѧ, да всѝ вопїе́мъ тѝ: ра́дꙋйсѧ, ѡ҆бра́дованнаѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ а҃:"
|
|
},
|
|
{
|
|
"type": "TEXT",
|
|
"value": "Стрѣло́ю стрѣли́вшихъ неразꙋ́мнѣ, ѻ҆́бразꙋ твоемꙋ̀, пречⷭ҇таѧ, бг҃ора́нною стрѣло́ю тѣ́хъ ᲂу҆ѧзвѝ, не то́кмѡ сердца̀, но и҆ дꙋ́шы: и҆ и҆сто́чникъ честны́ѧ і҆кѡ́ны твоеѧ̀, тѣ̑мъ неꙋтѣ́шимый пла́чь наведѐ, на́мъ же лю́демъ твои̑мъ ра́дость ве́лїю сотворѝ і҆кѡ́ною твое́ю, пречⷭ҇таѧ мт҃и сло́ва: є҆ѧ́же ра́ди спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ неѡбори́мꙋю стѣ́нꙋ и҆ и҆сто́чникъ чꙋде́съ стѧжа́вше тѧ̀ рабѝ твоѝ, бцⷣе пречⷭ҇таѧ, сопроти́вныхъ ѡ҆полчє́нїѧ низлага́емъ. Тѣ́мже мо́лимъ тѧ̀: ми́ръ гра́дꙋ твоемꙋ̀ да́рꙋй, и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "HEADER",
|
|
"value": "На вели́цѣй вече́рни стїхологисꙋ́емъ, Бл҃же́нъ мꙋ́жъ: пе́рвый а҆нтїфѡ́нъ."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры на п҃, гла́съ и҃. Самогла́сны:"
|
|
},
|
|
{
|
|
"type": "TEXT",
|
|
"value": "Го́рдостїю за́висти распали́вшесѧ, и҆ неи́стовствомъ ѡ҆держи́ми, и҆ногда̀ ненака́заннїи, наче́нше проти̑внаѧ на гра́дъ тво́й, пречⷭ҇таѧ: но ѻ҆ба́че са́ми спѧ́ти бы́ша и҆ падо́ша, ѱало́мски, при а҆́дѣ, бг҃ороди́тельнице."
|
|
},
|
|
{
|
|
"type": "TEXT",
|
|
"value": "Внегда̀ ᲂу҆́бѡ мꙋ́жїе вели́кагѡ нова́града, ви́дѣвше себѐ проти́вными ѡ҆бстои́мы, ни ѿкꙋ́дꙋ же по́мощи надѣ́ющесѧ, то́кмѡ тебѣ̀, пречⷭ҇таѧ, молѧ́щесѧ, глаго́лахꙋ: ви́ждь, бцⷣе, бѣды̑ ра̑бъ твои́хъ, и҆ не ѿри́ни моле́нїѧ на́шегѡ въ коне́цъ, да разꙋмѣ́ютъ сопроти́внїи, ꙗ҆́кѡ ты̀ є҆сѝ, пречⷭ҇таѧ, застꙋпле́нїе дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Ди́внꙋю гра́дꙋ твоемꙋ̀ побѣ́дꙋ дарова́ла є҆сѝ, дв҃о пречⷭ҇таѧ. Ты́ бо є҆сѝ томꙋ̀ тве́рдое ѡ҆гражде́нїе, на врагѝ ᲂу҆крѣплѧ́ющи́, и҆ держа́внѡ непокори̑выѧ покарѧ́ющи при́снѡ. Тѣ́мже чи́стою вѣ́рою сла́вимъ тѧ̀, и҆ сн҃ꙋ твоемꙋ̀ любе́знѡ вопїе́мъ: і҆и҃се всеси́льне, спасѝ всѣ́хъ, ꙗ҆́кѡ милосе́рдъ."
|
|
},
|
|
{
|
|
"type": "TEXT",
|
|
"value": "Да́лъ є҆сѝ зна́менїе живо́тное, ѻ҆́бразъ, пречⷭ҇тыѧ твоеѧ̀ мт҃ре, сло́ве, ю҆́же зрѧ́ще любе́знѡ ѡ҆блобыза́емъ, и҆ ѿ сеѧ̀ ра́дости и҆спо́лнившесѧ, стра́шни врагѡ́мъ борю́щымсѧ съ на́ми ꙗ҆влѧ́емсѧ, и҆ та́инство премꙋ́дрости бж҃їѧ ви́дѣвше, хва́лимъ тѧ̀ па́че сло́ва ро́ждшагосѧ и҆зъ неѧ̀: і҆и҃се, чꙋ́днаѧ добро́то, спасѝ всѣ́хъ, ꙗ҆́кѡ милосе́рдъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Весели́тесѧ, лю́дїе, и҆ всѝ правосла́внїи собо́ри вели́кагѡ нова́града дне́сь, и҆ рꙋка́ми восплещи́те ꙗ҆зы́цы съ весе́лїемъ: се́ бо цр҃и́ца, цр҃ѧ̀ хрⷭ҇та̀ ро́ждшаѧ, ст҃и́телю ꙗ҆ви́сѧ чꙋ́днымъ ѻ҆́бразомъ, дерза́ти наро́дѡмъ повелѣва́ѧ, ꙗ҆́коже нѣ́кїй воево́да: въ печа́ли сꙋ́щымъ тогда̀ ра́дость сотворѝ, сопроти́вныхъ побѣди́вши. И҆ тебѣ̀, ра́дость ро́ждшей всѣ̑мъ, любо́вїю вопїе́мъ: дв҃о пречⷭ҇таѧ, молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. И҆ чтє́нїѧ."
|
|
},
|
|
{
|
|
"type": "HEADER",
|
|
"value": "Бытїѧ̀ чте́нїе. (Глава̀ к҃и.)"
|
|
},
|
|
{
|
|
"type": "TEXT",
|
|
"value": "И҆зы́де і҆а́кѡвъ ѿ стꙋденца̀ клѧ́твеннагѡ, и҆ и҆́де въ харра́нь. И҆ ѡ҆брѣ́те мѣ́сто, и҆ спа̀ та́мѡ: за́йде бо со́лнце, и҆ взѧ́тъ ѿ ка́менїѧ мѣ́ста тогѡ̀, и҆ положѝ возгла́вїе себѣ̀, и҆ спа̀ на мѣ́стѣ ѻ҆́номъ, и҆ со́нъ ви́дѣ: И҆ сѐ лѣ́ствица ᲂу҆твержде́на на землѝ, є҆ѧ́же глава̀ досѧза́ше до нб҃съ, и҆ а҆́гг҃ли бж҃їи восхожда́хꙋ и҆ низхожда́хꙋ по не́й. Гдⷭ҇ь же ᲂу҆твержда́шесѧ на не́й, и҆ речѐ: а҆́зъ бг҃ъ а҆враа́мовъ, ѻ҆тца̀ твоегѡ̀, и҆ бг҃ъ і҆саа́ковъ, не бо́йсѧ: землѧ̀, и҆дѣ́же ты̀ спи́ши на не́й, тебѣ̀ да́мъ ю҆̀, и҆ сѣ́мени твоемꙋ̀. И҆ бꙋ́детъ сѣ́мѧ твоѐ, ꙗ҆́кѡ песо́къ земны́й, и҆ распространи́тсѧ на мо́ре, и҆ лі́вꙋ, и҆ сѣ́веръ, и҆ на восто́ки. И҆ возблагословѧ́тсѧ ѡ҆ тебѣ̀ всѧ̑ колѣ̑на земна̑ѧ, и҆ ѡ҆ сѣ́мени твое́мъ. И҆ сѐ а҆́зъ съ тобо́ю сохранѧ́ѧй тѧ̀ на всѧ́комъ пꙋтѝ, а҆́може а҆́ще по́йдеши. И҆ возвращꙋ́ тѧ въ зе́млю сїю̀, ꙗ҆́кѡ не и҆́мамъ тебѐ ѡ҆ста́вити, до́ндеже сотвори́ти мѝ всѧ̑, є҆ли̑ка глаго́лахъ тебѣ̀. И҆ воста̀ і҆а́кѡвъ ѿ сна̀ своегѡ̀, и҆ речѐ: ꙗ҆́кѡ є҆́сть гдⷭ҇ь на мѣ́стѣ се́мъ, а҆́зъ же не вѣ́дѣхъ. И҆ ᲂу҆боѧ́сѧ, и҆ речѐ: ꙗ҆́кѡ стра́шно мѣ́сто сїѐ, нѣ́сть сїѐ, но до́мъ бж҃їй, и҆ сїѧ̀ врата̀ небє́снаѧ."
|
|
},
|
|
{
|
|
"type": "HEADER",
|
|
"value": "Прⷪ҇ро́чества і҆езекїи́лева чте́нїе. (Главы̑ м҃г и҆ м҃д.)"
|
|
},
|
|
{
|
|
"type": "TEXT",
|
|
"value": "Та́кѡ глаго́летъ гдⷭ҇ь: бꙋ́детъ ѿ днѐ ѻ҆сма́гѡ и҆ про́чее, сотворѧ́тъ і҆ерє́и на ѻ҆лтарѝ всесожже́нїѧ ва́шегѡ, и҆ ꙗ҆̀же спасе́нїѧ ва́шегѡ, и҆ прїимꙋ̀ вы̀, глаго́летъ а҆дѡнаі̀ гдⷭ҇ь. И҆ ѡ҆брати́ мѧ на пꙋ́ть вра́тъ ст҃ы́хъ внѣ́шнихъ, зрѧ́щихъ на восто́ки, и҆ сїѧ̑ бѧ́хꙋ затворє́на. И҆ речѐ гдⷭ҇ь ко мнѣ̀: врата̀ сїѧ̑ затворє́на бꙋ́дꙋтъ, и҆ не ѿве́рзꙋтсѧ, и҆ никто́же про́йдетъ сквозѣ̀ и҆́хъ: ꙗ҆́кѡ гдⷭ҇ь бг҃ъ і҆и҃левъ про́йдетъ и҆́ми, и҆ бꙋ́дꙋтъ заключє́на. Ꙗ҆́кѡ и҆гꙋ́менъ сѧ́детъ въ ни́хъ снѣ́сти хлѣ́бъ, по пꙋтѝ є҆ла́мскихъ вра́тъ вни́детъ, и҆ по пꙋтѝ є҆гѡ̀ и҆зы́детъ. И҆ введе́ мѧ по пꙋтѝ вра́тъ ст҃ы́хъ, сꙋ́щихъ къ сѣ́верꙋ, прѧ́мѡ до́мꙋ, и҆ ви́дѣхъ, и҆ сѐ и҆спо́лнь сла́вы до́мъ гдⷭ҇ень."
|
|
},
|
|
{
|
|
"type": "HEADER",
|
|
"value": "При́тчей чте́нїе. (Глава̀ ѳ҃.)"
|
|
},
|
|
{
|
|
"type": "TEXT",
|
|
"value": "Премꙋ́дрость созда̀ себѣ̀ до́мъ, и҆ ᲂу҆твердѝ столпѡ́въ се́дмь. Закла̀ своѧ̑ же́ртвєннаѧ, и҆ растворѝ въ ча́ши свое́й вїно̀, и҆ ᲂу҆гото́ва свою̀ трапе́зꙋ. Посла̀ своѧ̑ рабы̑ созыва́ющи съ высо́кимъ проповѣ́данїемъ на ча́шꙋ, глаго́лющи: и҆́же є҆́сть безꙋ́менъ, да ᲂу҆клони́тсѧ ко мнѣ̀, и҆ тре́бꙋющымъ ᲂу҆ма̀ речѐ: прїиди́те, ꙗ҆ди́те мо́й хлѣ́бъ, и҆ пі́йте вїно̀, є҆́же раствори́хъ ва́мъ. Ѡ҆ста́вите безꙋ́мїе, и҆ жи́ви бꙋ́дете: и҆ взыщи́те ра́зꙋма, да поживетѐ, и҆ и҆спра́вите ра́зꙋмъ въ вѣ́дѣнїи. Наказꙋ́ѧй ѕлы̑ѧ, прїи́метъ себѣ̀ безче́стїе: ѡ҆блича́ѧй же нечести́ваго, ѡ҆поро́читъ себѐ: ѡ҆бличе́нїе бо нечести́вомꙋ, ра̑ны є҆мꙋ̀. Не ѡ҆блича́й ѕлы́хъ, да не возненави́дѧтъ тебѐ: ѡ҆блича́й премꙋ́дра, и҆ возлю́битъ тѧ̀. Да́ждь премꙋ́дромꙋ винꙋ̀, и҆ премꙋ́дрѣйшїй бꙋ́детъ: сказꙋ́й пра́ведномꙋ, и҆ приложи́тъ прїима́ти. Нача́ло премꙋ́дрости, стра́хъ гдⷭ҇ень, и҆ совѣ́тъ ст҃ы́хъ, ра́зꙋмъ. Разꙋмѣ́ти бо зако́нъ, по́мысла є҆́сть блага́гѡ: си́мъ бо ѻ҆́бразомъ мно́гое поживе́ши вре́мѧ, и҆ приложа́тсѧ тебѣ̀ лѣ̑та живота̀."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Ро́ги грѣ́шныхъ сотро́шасѧ, и҆ лꙋ́цы и҆́хъ сокрꙋши́шасѧ, грѣхо́вною бо тмо́ю ѻ҆́чи помрачи́вше, и҆ дрꙋ́гъ дрꙋ́га ꙗ҆́кѡ сопроти́вна зрѧ́ще, ѻ҆рꙋ́жїемъ неми́лостивнѡ себѐ ᲂу҆ѧзвлѧ́хꙋ: наро́ди же ви́дѣвше по́мощь твою̀, влⷣчце, на сопроти̑вныѧ ᲂу҆стреми́шасѧ, тебѐ на по́мощь призыва́юще."
|
|
},
|
|
{
|
|
"type": "TEXT",
|
|
"value": "Ꙗ҆́коже и҆ногда̀ крѣ́пкїй дв҃дъ, сопроти́вѧщагосѧ го́рдаго голїа́ѳа, си́лою сн҃а твоегѡ̀ препоѧ́савсѧ, низложѝ: та́кожде и҆ лю́дїе твоѝ, пречⷭ҇таѧ, и҆мꙋ́ще ѻ҆́бразъ тво́й честны́й, пресла́вно ѡ҆долѣ́нїе показа́ша."
|
|
},
|
|
{
|
|
"type": "TEXT",
|
|
"value": "Чꙋ́днаѧ побѣ́да и҆ ди́вное ѡ҆долѣ́нїе, честны́ѧ і҆кѡ́ны твоеѧ̀, пречⷭ҇таѧ мт҃и сло́ва, ᲂу҆дивлѧ́етъ ᲂу҆́мъ, и҆ ᲂу҆жаса́етъ по́мыслъ: без̾ѻрꙋ́жнїи бо ѻ҆рꙋ̑жныѧ побѣжда́хꙋ, си́лою твое́ю, дв҃о всепѣ́таѧ, и҆ посо́бїемъ бжⷭ҇твеннагѡ зра́ка твоегѡ̀, во спасе́нїе дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ то́йже:"
|
|
},
|
|
{
|
|
"type": "TEXT",
|
|
"value": "Сѐ де́нь и҆збавле́нїѧ на́шегѡ наста̀, и҆ сме́рти премѣне́нїе, ра́дꙋйтесѧ собо́ри дне́сь вели́кагѡ нова́града, и҆ веселѧ́щесѧ торжествꙋ́йте: и҆̀же бо на на́съ подви́гшїисѧ, коне́чнѣ бг҃ора́нными ꙗ҆́звами ᲂу҆ѧзви́шасѧ. Тѣ́мже пречⷭ҇тѣй, и҆ и҆зъ неѧ̀ нетлѣ́ннѡ воплоще́нномꙋ сло́вꙋ вопїе́мъ: і҆и҃се всеси́льне, моли́твами ро́ждшїѧ тѧ̀, спасѝ всѣ́хъ на́съ, ꙗ҆́кѡ милосе́рдъ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ а҃. Самогла́сны:"
|
|
},
|
|
{
|
|
"type": "TEXT",
|
|
"value": "Ꙗ҆́коже дре́вле во і҆ерꙋсали́мѣ зорова́велемъ, держа́внаѧ твоѧ̀ десни́ца чꙋдодѣ́йствоваше, гдⷭ҇и, мно́жество безчи́сленное проти́вныхъ побѣдѝ: та́кожде и҆ си́хъ низложѝ прише́дшихъ разори́ти гра́дъ, є҆го́же и҆скꙋпи́лъ є҆сѝ кро́вїю твое́ю, сло́ве, да разꙋмѣ́ютъ ѿ дѣ́лъ, ꙗ҆́кѡ ты̀ и҆зба́витель съ на́ми є҆сѝ."
|
|
},
|
|
{
|
|
"type": "TEXT",
|
|
"value": "Сті́хъ: Воскрⷭ҇нѝ, гдⷭ҇и, въ поко́й тво́й, ты̀, и҆ кївѡ́тъ ст҃ы́ни твоеѧ̀."
|
|
},
|
|
{
|
|
"type": "TEXT",
|
|
"value": "Ди̑вна правосла́вныхъ торжєства̀, дне́сь сте́кшесѧ ѱало́мскаѧ пѣ̑нїѧ принесе́мъ, глаго́люще: воскрⷭ҇нѝ, гдⷭ҇и, въ поко́й тво́й, ты̀, и҆ кївѡ́тъ ст҃ы́ни твоеѧ̀, ꙗ҆́кѡ побѣ́дꙋ дарова̀ ѻ҆́бразъ пречⷭ҇тыѧ твоеѧ̀ мт҃ре, сло́ве. Є҆ѧ́же моли́твами, і҆и҃се всеси́льне, спасѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Сті́хъ: Клѧ́тсѧ гдⷭ҇ь дв҃дꙋ и҆́стиною, и҆ не ѿве́ржетсѧ є҆ѧ̀."
|
|
},
|
|
{
|
|
"type": "TEXT",
|
|
"value": "Стрѣло́ю стрѣли́вшихъ неразꙋ́мнѣ, ѻ҆́бразꙋ твоемꙋ̀, пречⷭ҇таѧ, бг҃ора́нною стрѣло́ю тѣ́хъ ᲂу҆ѧзвѝ, не то́кмѡ сердца̀, но и҆ дꙋ́шы, и҆ и҆сто́чникъ честны́ѧ і҆кѡ́ны твоеѧ̀. Тѣ́мъ неꙋтѣ́шимый пла́чь наведѐ, на́мъ же лю́демъ твои̑мъ ра́дость ве́лїю сотворѝ і҆кѡ́на твоѧ̀, пречⷭ҇таѧ мт҃и сло́ва: є҆ѧ́же ра́ди спасѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ и҃:"
|
|
},
|
|
{
|
|
"type": "TEXT",
|
|
"value": "Мнѧ́щесѧ непокори́вїи ѿ ѡ҆снова́нїѧ разори́ти гра́дъ тво́й, пречⷭ҇таѧ, не разꙋмѣ́вше по́мощь твою̀, влⷣчце: но си́лою твое́ю низложе́ни бы́ша, на бѣжа́нїе ᲂу҆стремлѧ́хꙋсѧ, и҆, ꙗ҆́коже ю҆́зами желѣ́зными, слѣпото́ю свѧ́зани бы́вше, и҆ мра́комъ, ꙗ҆́коже дре́вле є҆гѵ́петъ, ѡ҆б̾ѧ́ти не разꙋмѣ́вше, до́ндеже и҆ коне́чнѣ побѣжде́ни бы́ша. Тѣ́мже чи́стою вѣ́рою сла́вимъ тѧ̀, и҆ сн҃ꙋ твоемꙋ̀ любе́знѡ вопїе́мъ: моли́твами ро́ждшїѧ тѧ̀, і҆и҃се всеси́льне, неизрече́ннаѧ ра́досте, сохранѧ́й гра́дъ тво́й невреди́мь, ꙗ҆́кѡ милосе́рдъ и҆ чл҃вѣколю́бецъ."
|
|
},
|
|
{
|
|
"type": "HEADER",
|
|
"value": "На благослове́нїи хлѣ́бѡвъ тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ неѡбори́мꙋю стѣ́нꙋ и҆ и҆сто́чникъ чꙋде́съ стѧжа́вше тѧ̀ рабѝ твоѝ, бцⷣе пречⷭ҇таѧ, сопроти́вныхъ ѡ҆полчє́нїѧ низлага́емъ. Тѣ́мже мо́лимъ тѧ̀: ми́ръ гра́дꙋ твоемꙋ̀ да́рꙋй, и҆ дꙋша́мъ на́шымъ ве́лїю ми́лость. Три́жды."
|
|
},
|
|
{
|
|
"type": "HEADER",
|
|
"value": "(Зрѝ) А҆́ще нѣ́сть бдѣ́нїѧ, глаго́лемъ тропа́рь є҆ди́ножды. А҆́ще хра́мъ пресвѧты́ѧ бцⷣы зна́менїѧ, пое́тсѧ слꙋ́жба зна́менїѧ є҆ди́нагѡ. Кромѣ́ же хра́ма пое́тсѧ слꙋ́жба зна́менїѧ, со і҆а́кѡвомъ пе́рсѧниномъ, си́це:"
|
|
},
|
|
{
|
|
"type": "TEXT",
|
|
"value": "На ма́лѣй вече́рни: На Гдⷭ҇и, воззва́хъ, стїхи̑ры на д҃, гла́съ а҃. Подо́бенъ: Нбⷭ҇ныхъ чинѡ́въ: Сла́ва, и҆ ны́нѣ гла́съ, то́йже. На стїхо́внѣ стїхи̑ры, гла́съ в҃. Подо́бенъ: До́ме є҆ѵфра́ѳовъ: съ припѣ́вы и҆́хъ. Сла́ва, и҆ ны́нѣ, гла́съ а҃. И҆ про́чее ѻ҆бы́чное. И҆ ѿпꙋ́стъ."
|
|
},
|
|
{
|
|
"type": "TEXT",
|
|
"value": "На вели́цѣй вече́рни: Блаже́нъ мꙋ́жъ, а҃-й а҆нтїфѡ́нъ. На Гдⷭ҇и, воззва́хъ, стїхи̑ры на и҃: Бцⷣы, д҃, гла́съ и҃. Самогла́сны: Го́рдостїю за́висти: и҆ мꙋ́ченика д҃, гла́съ в҃. Подо́бенъ: Є҆гда̀ ѿ дре́ва. Мі́ра кра̑снаѧ ѡ҆ста́вль: Сла́ва, мꙋ́ченика, гла́съ є҃: Ди́венъ бы́лъ є҆сѝ, і҆а́кѡве: И҆ ны́нѣ, бцⷣы, гла́съ ѕ҃: Весели́тесѧ лю́дїе: Вхо́дъ. Прокі́менъ днѐ. Чтє́нїѧ бцⷣы г҃. На лїті́и стїхи̑ры, гла́съ ѕ҃: Ро́ги грѣ́шныхъ сотро́шасѧ: Сла́ва, и҆ ны́нѣ, гла́съ то́йже: Сѐ де́нь и҆збавле́нїѧ на́шегѡ наста̀: На стїхо́внѣ стїхи̑ры, гла́съ а҃, самогла́сны: Ꙗ҆́коже дре́вле во і҆ерⷭ҇ли́мѣ: съ припѣ́вы и҆́хъ. Сті́хъ а҃: Воскрⷭ҇нѝ, гдⷭ҇и, въ поко́й тво́й: Сті́хъ в҃: Клѧ́тсѧ гдⷭ҇ь дв҃дꙋ и҆́стиною: Сла́ва, мꙋ́ченика, гла́съ и҃: Вѣ́рнѡ соше́дшесѧ дне́сь: И҆ ны́нѣ, бцⷣы, гла́съ то́йже: Мнѧ́щесѧ непокори́вїи: Тропа́рь мꙋ́ченика, гла́съ д҃. Сла́ва, и҆ ны́нѣ, гла́съ то́йже: Ꙗ҆́кѡ неѡбори́мꙋю стѣ́нꙋ:"
|
|
},
|
|
{
|
|
"type": "TEXT",
|
|
"value": "На ᲂу҆́трени: На Бг҃ъ гдⷭ҇ь, тропа́рь бцⷣы, два́жды: Сла́ва, мꙋ́ченика: И҆ ны́нѣ, бцⷣы. По а҃ каѳі́смѣ, и҆ по в҃, и҆ по полѷеле́и сѣда́льны бцⷣы, и҆ чте́нїе. Степє́нна, а҃ а҆нтїфѡ́нъ, д҃-гѡ гла́са. Прокі́менъ, гла́съ д҃: Слы́ши, дщѝ, и҆ ви́ждь, и҆ приклонѝ ᲂу҆́хо твоѐ. Сті́хъ: Ѿры́гнꙋ се́рдце моѐ: Є҆ѵⷢ҇лїе лꙋкѝ, зача́ло д҃: Воста́вши марїа́мъ: По н҃- мъ ѱалмѣ̀ стїхи́ра, гла́съ ѕ҃: Весели́тесѧ, лю́дїе: пи́сана на Гдⷭ҇и, воззва́хъ, Сла́ва. Канѡ́на два̀ бцⷣы, на и҃: є҆ди́нъ, гла́съ ѕ҃: дрꙋгі́й, гла́съ и҃: и҆ мꙋ́ченика на ѕ҃, гла́съ в҃: Катава́сїа: Хрⷭ҇то́съ ражда́етсѧ: По г҃ пѣ́сни, конда́къ мꙋ́ченика, и҆ і҆́косъ, и҆ сѣда́ленъ бцⷣы, гла́съ и҃. Сла́ва, ст҃а́гѡ сѣда́ленъ, гла́съ то́йже. И҆ ны́нѣ, бцⷣы. По ѕ҃ пѣ́сни, конда́къ бцⷣы, гла́съ д҃. Подо́бенъ: Ꙗ҆ви́лсѧ є҆сѝ дне́сь: Честна́гѡ ѻ҆́браза твоегѡ̀ зна́менїе: и҆ і҆́косъ. И҆ чте́мъ про́логъ. По ѳ҃ пѣ́сни, свѣти́ленъ бцⷣы: Сла́ва, мꙋ́ченика: И҆ ны́нѣ, бцⷣы. На хвали́техъ стїхи̑ры на д҃, гла́съ ѕ҃, самогла́сны: Непоко́рствомъ ра́зꙋма: Сла́ва, мꙋ́ченика, гла́съ в҃: Терпѣ́въ въ страда́нїи, мч҃ниче: И҆ ны́нѣ, бцⷣы, гла́съ и҃: Мнѧ́щесѧ непокори́вїи: Славосло́вїе вели́кое, по трⷭ҇то́мъ тропа́рь ст҃а́гѡ: Сла́ва, и҆ ны́нѣ, бцⷣы. Є҆ктєнїѝ, и҆ ѿпꙋ́стъ, и҆ ча́съ а҃. На а҃-мъ часѣ̀ тропа́рь бцⷣы: Сла́ва, ст҃а́гѡ: И҆ ны́нѣ, бг҃оро́диченъ часѡ́въ. По Трⷭ҇то́мъ на всѣ́хъ часѣ́хъ конда́къ бцⷣы, непремѣ́ннѡ. И҆ соверше́нный ѿпꙋ́стъ."
|
|
},
|
|
{
|
|
"type": "TEXT",
|
|
"value": "На лїтꙋргі́и: Блажє́нна бцⷣы, а҃-гѡ канѡ́на пѣ́снь г҃-ѧ, на д҃: в҃-гѡ канѡ́на пѣ́снь ѕ҃-ѧ, на д҃. Прокі́менъ, пѣ́снь бцⷣы, гла́съ г҃: Вели́читъ дꙋша̀ моѧ̀ гдⷭ҇а: Сті́хъ: Ꙗ҆́кѡ призрѣ̀ на смире́нїе рабы̀ своеѧ̀: И҆ мꙋ́ченика прокі́менъ, гла́съ, д҃: Ст҃ы̑мъ, и҆̀же сꙋ́ть на землѝ є҆гѡ̀: бцⷣы а҆пⷭ҇лъ къ є҆вре́ємъ зача́ло т҃к: Мꙋ́ченика а҆пⷭ҇лъ къ є҆фесе́ємъ, зача́ло сл҃г. А҆ллилꙋ́їа, гла́съ и҃. Слы́ши, дщѝ, и҆ ви́ждь: Сті́хъ: Лицꙋ̀ твоемꙋ̀ помо́лѧтсѧ бога́тїи лю́дстїи. И҆ мꙋ́ченика, Сті́хъ: Мнѡ́ги скѡ́рби првⷣнымъ: Бцⷣы, є҆ѵⷢ҇лїе лꙋкѝ, зача́ло н҃д: Вни́де і҆и҃съ въ ве́сь нѣ́кꙋю: Мꙋ́ченика, є҆ѵⷢ҇лїе і҆ѡа́нна, зача́ло и҃: А҆́зъ є҆́смь лоза̀ и҆́стиннаѧ: Прича́стенъ бцⷣы: Ча́шꙋ спасе́нїѧ: Мꙋ́ченика: Въ па́мѧть вѣ́чнꙋю:"
|
|
},
|
|
{
|
|
"type": "HEADER",
|
|
"value": "Потре́бно є҆́сть вѣ́дати и҆ сѐ, ꙗ҆́кѡ а҆́ще слꙋчи́тсѧ въ недѣ́лю пра́здникъ прест҃ы́ѧ бцⷣы чⷭ҇тна́гѡ є҆ѧ̀ зна́менїѧ, и҆ ст҃а́гѡ великомꙋ́ченика і҆а́кѡва пе́рсскагѡ:"
|
|
},
|
|
{
|
|
"type": "TEXT",
|
|
"value": "Ве́черъ, на ма́лѣй вече́рни: На Гдⷭ҇и, воззва́хъ, стїхи̑ры воскрⷭ҇ны гла́са, на д҃: Сла́ва, и҆ ны́нѣ, зна́менїѧ. На стїхо́внѣ стїхи́ра воскрⷭ҇на є҆ди́на, и҆ зна́менїѧ стїхо́вна со стїхѝ є҆ѧ̀: Сла́ва, и҆ ны́нѣ, зна́менїѧ. Та́же, Ны́нѣ ѿпꙋща́еши: и҆ по Трист҃о́мъ тропа́рь воскрⷭ҇нъ: Сла́ва, и҆ ны́нѣ, зна́менїѧ. Є҆ктенїа̀ ма́лаѧ: Поми́лꙋй на́съ, бж҃е: и҆ ѿпꙋ́стъ."
|
|
},
|
|
{
|
|
"type": "TEXT",
|
|
"value": "На вели́цѣй вече́рни: По ѻ҆бы́чномъ стїхосло́вїи, на Гдⷭ҇и, воззва́хъ, стїхи̑ры воскрⷭ҇ны трѝ, и҆ восто́ченъ є҆ди́нъ: и҆ зна́менїѧ трѝ: и҆ мꙋ́ченика і҆а́кѡва г҃. Сла́ва, зна́менїѧ. И҆ ны́нѣ, бг҃оро́диченъ пе́рвый гла́са. Чтє́нїѧ зна́менїѧ. На лїті́и стїхи̑ры зна́менїѧ. Сла́ва, мꙋ́ченика. И҆ ны́нѣ, зна́менїѧ. На стїхо́внѣ стїхи̑ры воскрⷭ҇ны. Сла́ва, і҆а́кѡва. И҆ ны́нѣ, зна́менїѧ. На благослове́нїи хлѣ́бѡвъ тропа́рь зна́менїѧ, три́жды. А҆́ще нѣ́сть бдѣ́нїѧ, глаго́лемъ тропа́рь воскрⷭ҇нъ. Сла́ва, і҆а́кѡва. И҆ ны́нѣ, зна́менїѧ."
|
|
},
|
|
{
|
|
"type": "TEXT",
|
|
"value": "На ᲂу҆́трени: На Бг҃ъ гдⷭ҇ь, тропа́рь воскрⷭ҇нъ два́жды: Сла́ва, і҆а́кѡва, И҆ ны́нѣ, зна́менїѧ. По каѳі́смахъ сѣда́льны воскрⷭ҇ны съ бг҃оро́дичны и҆́хъ: Та́же полѷеле́й, и҆ велича́нїе пое́мъ: Досто́йно є҆́сть: И҆лѝ: Пѣ́снь всѧ́кꙋ дꙋхо́внꙋю принесе́мъ бцⷣѣ. Ѱало́мъ и҆збра́нный: Помѧнѝ, гдⷭ҇и, дв҃да, и҆ всю̀ кро́тость є҆гѡ̀. И҆ тропарѝ: А҆́гг҃льскїй собо́ръ: И҆ сѣда́льны зна́менїѧ кꙋ́пнѡ всѧ̑ трѝ. Степє́нна, и҆ прокі́менъ гла́са. Є҆ѵⷢ҇лїе воскрⷭ҇но. Та́же, Воскрⷭ҇нїе хрⷭ҇то́во: Ѱало́мъ н҃. Стїхи́ра воскрⷭ҇на. Канѡ́нъ воскрⷭ҇нъ со і҆рмосо́мъ на д҃. Зна́менїѧ є҆ди́нъ канѡ́нъ на ѕ҃. Мꙋ́ченикꙋ і҆а́кѡвꙋ, на д҃. Катава́сїа: Хрⷭ҇то́съ ражда́етсѧ: По г҃ пѣ́сни, конда́къ зна́менїѧ, и҆ мꙋ́ченика, и҆ сѣда́ленъ мꙋ́ченика. Сла́ва, и҆ ны́нѣ, зна́менїѧ. По ѕ҃-й пѣ́сни конда́къ, и҆ і҆́косъ воскрⷭ҇нъ. На ѳ҃-й пѣ́сни пое́мъ, Честнѣ́йшꙋю: Свѣти́ленъ воскрⷭ҇нъ. Сла́ва, мꙋ́ченика, И҆ ны́нѣ, зна́менїѧ. На хвали́техъ стїхи̑ры воскрⷭ҇ны д҃: и҆ зна́менїѧ со Сла́внымъ д҃, самогла́сны, гла́съ ѕ҃, со стїхѝ. Стїхи́ же глаго́лемъ: Воскрⷭ҇нѝ, гдⷭ҇и, въ поко́й тво́й: Клѧ́тсѧ гдⷭ҇ь дв҃дꙋ и҆́стиною, и҆ не ѿве́ржетсѧ є҆ѧ̀. Сла́ва, стїхи́ра є҆ѵⷢ҇льскаѧ. И҆ ны́нѣ: Пребл҃гослове́нна є҆сѝ: Славосло́вїе вели́кое, и҆ по Трист҃о́мъ тропа́рь воскрⷭ҇нъ то́чїю. Є҆ктєнїѝ, и҆ ѿпꙋ́стъ. Та́же ча́съ а҃. На а҃-мъ часѣ̀ тропа́рь воскрⷭ҇нъ. Сла́ва, зна́менїѧ. И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ зна́менїѧ, и҆ про́чее послѣ́дованїе пе́рвагѡ часа̀, и҆ ѿпꙋ́стъ. На г҃-мъ часѣ̀ тропа́рь воскрⷭ҇нъ. Сла́ва, мꙋ́ченика, И҆ ны́нѣ, бг҃оро́диченъ часѡ́въ. Та́кожде, и҆ на ѕ҃-мъ часѣ̀, и҆ на ѳ҃-мъ, глаго́лемъ тропа́рь зна́менїѧ и҆ мꙋ́ченикꙋ, премѣнѧ́юще: тропа́рь же воскрⷭ҇нъ глаго́летсѧ непремѣ́ннѡ. По Ѻ҆́ч҃е на́шъ: кондакѝ, воскрⷭ҇нъ и҆ зна́менїѧ, глаго́лемъ премѣнѧ́юще."
|
|
},
|
|
{
|
|
"type": "TEXT",
|
|
"value": "На лїтꙋргі́и: Блажє́нна гла́са, на ѕ҃: и҆ бцⷣы, пѣ́снь г҃-ѧ, на д҃. По вхо́дѣ, тропа́рь воскрⷭ҇нъ, и҆ зна́менїѧ, и҆ мꙋ́ченика. Конда́къ воскрⷭ҇нъ. Сла́ва, конда́къ мꙋ́ченика: И҆ ны́нѣ, зна́менїѧ. Прокі́менъ, а҆пⷭ҇лъ, а҆ллилꙋ́їа, є҆ѵⷢ҇лїе, и҆ прича́стенъ, пре́жде воскрⷭ҇нъ, и҆ пото́мъ бцⷣы."
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь, тропа́рь:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ неѡбори́мꙋю стѣ́нꙋ и҆ и҆сто́чникъ чꙋде́съ стѧжа́вше тѧ̀ рабѝ твоѝ, бцⷣе пречⷭ҇таѧ, сопроти́вныхъ ѡ҆полчє́нїѧ низлага́емъ. Тѣ́мже мо́лимъ тѧ̀: ми́ръ гра́дꙋ твоемꙋ̀ да́рꙋй, и҆ дꙋша́мъ на́шымъ ве́лїю ми́лость. Три́жды."
|
|
},
|
|
{
|
|
"type": "HEADER",
|
|
"value": "По а҃ стїхосло́вїи сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆ви́лсѧ є҆сѝ дне́сь:"
|
|
},
|
|
{
|
|
"type": "TEXT",
|
|
"value": "Ѻ҆́чи мы́слєнныѧ ѡ҆чи́стивше, прїиди́те ли́цы вели́кагѡ нова́града дне́сь, торжествꙋ́имъ свѣ́тлѡ, чтꙋ́ще бг҃оѻтрокови́цꙋ, добро́тꙋ і҆а́кѡвлю, и҆ невѣ́стꙋ всѣ́хъ цр҃ѧ̀ хрⷭ҇та̀ бг҃а на́шегѡ: сїѧ́ бо показа́сѧ нб҃о, и҆ кра́снаѧ пала́та, и҆ хра́мъ ѡ҆дꙋшевле́нный, и҆ сеѧ̀ си́лою проти̑вныѧ побѣжда́емъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "По в҃ стїхосло́вїи сѣда́ленъ, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Гро́бъ тво́й, сп҃се:"
|
|
},
|
|
{
|
|
"type": "TEXT",
|
|
"value": "Пречⷭ҇таѧ твоѧ̀ і҆кѡ́на, бцⷣе дв҃о, врачевство̀ гра́дꙋ твоемꙋ̀ дарова́сѧ дꙋхо́вное: къ не́йже приходѧ́ще покланѧ́емсѧ и҆ чествꙋ́емъ, и҆ ѿ жела́нїѧ се́рдца цѣлꙋ́емъ, и҆сцѣле́нїй благода́ть почерпа́юще, и҆ недꙋ́гъ тѣле́сныхъ, и҆ дꙋше́вныхъ страсте́й, твои́ми моли́твами свобожда́емсѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже:"
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Повелѣ́нное:"
|
|
},
|
|
{
|
|
"type": "TEXT",
|
|
"value": "Ꙗ҆́же нб҃съ превы́шши сꙋ́щи, и҆ херꙋві̑мъ вои́стиннꙋ сла́внѣйши, и҆ всеѧ̀ тва́ри честнѣ́йши, дв҃о пречⷭ҇таѧ, дне́сь благода́рствєннаѧ рабѝ твоѝ прино́симъ ѻ҆́бразꙋ честна́гѡ твоегѡ̀ подо́бїѧ: ты́ бо стра́ннꙋю побѣ́дꙋ, и҆ ди́вное ѡ҆долѣ́нїе гра́дꙋ твоемꙋ̀ дарова́ла є҆сѝ. Тѣ́мже согла́снѡ пою́ще, вопїе́мъ тѝ: влⷣчце, бцⷣе, молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти, тебе́ бо наде́ждꙋ и҆́мамы рабѝ твоѝ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже:"
|
|
},
|
|
{
|
|
"type": "TEXT",
|
|
"value": "Степє́нна, а҃-й а҆нтїфѡ́нъ д҃-гѡ гла́са. Прокі́менъ: Слы́ши, дщѝ, и҆ ви́ждь, и҆ приклонѝ ᲂу҆́хо твоѐ. Сті́хъ: Ѿры́гнꙋ се́рдце моѐ сло́во бла́го: Всѧ́кое дыха́нїе: Є҆ѵⷢ҇лїе лꙋкѝ, зача́ло д҃: Во дни̑ ѻ҆́ны, воста́вши марїа́мъ: По н҃-мъ ѱалмѣ̀ стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Весели́тесѧ, лю́дїе, и҆ всѝ правосла́внїи собо́ри вели́кагѡ нова́града дне́сь, и҆ рꙋка́ми восплещи́те ꙗ҆зы́цы съ весе́лїемъ: се́ бо цр҃и́ца, цр҃ѧ̀ хрⷭ҇та̀ ро́ждшаѧ, ст҃и́телю ꙗ҆ви́сѧ чꙋ́днымъ ѻ҆́бразомъ, дерза́ти наро́дѡмъ повелѣва́ѧ, ꙗ҆́коже нѣ́кїй воево́да: въ печа́ли сꙋ́щымъ тогда̀ ра́дость сотворѝ, сопроти́вныхъ побѣди́вши. И҆ тебѣ̀, ра́дость ро́ждшей всѣ̑мъ, любо́вїю вопїе́мъ: дв҃о пречⷭ҇таѧ, молѝ спасти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Канѡ́нъ пе́рвый, творе́нїе свѧщенномона́ха пахѡ́мїа логоѳе́та, гла́съ ѕ҃, є҆гѡ́же краегране́сїе:"
|
|
},
|
|
{
|
|
"type": "TEXT",
|
|
"value": "Да́ждь мѝ сло́во, сло́ве бж҃їй, восхвали́ти ро́ждшꙋю тѧ̀."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Волно́ю морско́ю скры́вшаго дре́вле, гони́телѧ мꙋчи́телѧ, подъ земле́ю скры́ша спасе́нныхъ ѻ҆́троцы: но мы̀, ꙗ҆́кѡ ѻ҆трокови̑цы, гдⷭ҇еви пои́мъ, сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Да ра́дꙋетсѧ ра́достїю бжⷭ҇твенною мно́жество нова́града дне́сь, зрѧ́ще те́плꙋю застꙋ́пницꙋ, стра́ннꙋ побѣ́дꙋ да́рꙋющꙋ на проти̑вныѧ, и҆ да пое́тъ бжⷭ҇твенными пѣ́сньми."
|
|
},
|
|
{
|
|
"type": "TEXT",
|
|
"value": "Ꙗ҆́коже лѣ́ствицꙋ превысокꙋ̀ зри́мъ дне́сь і҆кѡ́нꙋ твою̀, дв҃о всенепоро́чнаѧ, ю҆́же сопроти́внїи зрѧ́ще, коне́чнѣй слѣпотѣ̀ преда́шасѧ: мы́ же къ не́й вѣ́рнѣ взира́юще ѿ бѣ́дъ и҆збавлѧ́емсѧ."
|
|
},
|
|
{
|
|
"type": "TEXT",
|
|
"value": "Въ ржⷭ҇твѣ̀ тлѝ не прїи́мши, тлѣ́нїѧ всѣ́хъ на́съ, дв҃о, и҆змѣнѝ, печа̑ли ᲂу҆ставлѧ́ющи ма́тернимъ премѣне́нїемъ, бг҃ора́дованнаѧ."
|
|
},
|
|
{
|
|
"type": "HEADER",
|
|
"value": "Дрꙋгі́й канѡ́нъ. Гла́съ и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Посѣче́нный несѣко́маго пресѣчѐ, и҆ ви́дѣ со́лнце зе́млю, ю҆́же не ви́дѣ, лю́таго врага̀ вода̀ потопѝ, и҆ непроходи́мое про́йде і҆и҃ль, пѣ́снь же воспѣва́шесѧ: гдⷭ҇еви пои́мъ, сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Бжⷭ҇твенныѧ си́лы же́злъ дне́сь приѡблиста́ѧ благода́тїю, и҆ свѣ́томъ безмѣ́рнымъ бж҃їе свѧ́то жили́ще, чꙋ́до па́че є҆стества̀ ѻ҆́браза твоегѡ̀, пречⷭ҇таѧ."
|
|
},
|
|
{
|
|
"type": "TEXT",
|
|
"value": "Ви́дѣхомъ пресла́вное дне́сь зна́менїе бы́вшее, бжⷭ҇твеннагѡ твоегѡ̀ зра́ка, мт҃и бж҃їѧ: па́че же и҆ сопроти́внїи ѻ҆́ни ꙗ҆́кѡ ви́дѧще со ѻ҆́бразомъ и҆ си́лꙋ ѿвраща́ющꙋ, а҆́бїе тѣле́сными ѻ҆чи́ма ѡ҆слѣпо́ша."
|
|
},
|
|
{
|
|
"type": "TEXT",
|
|
"value": "Наде́ждꙋ и҆мꙋ́ще на тебѐ, бг҃ороди́тельнице, и҆ несꙋмнѣ́ннꙋ вѣ́рꙋ гра́да сегѡ̀ наро́ди, ꙗ҆́кѡ ца́рскїй ски́птръ, тебѐ гра́дꙋ забра̑ла положи́ша, дв҃о неискꙋсобра́чнаѧ."
|
|
},
|
|
{
|
|
"type": "TEXT",
|
|
"value": "Ꙗ҆́коже жи́вꙋ мт҃рь сло́ва ви́дѣвше тѧ̀, сꙋемꙋ́дренныхъ многочи́сленное во́инство, ꙗ҆́коже бо́дреннаго блюсти́телѧ, на забра́лѣхъ ѡ҆бстои́мꙋ вѣ́рными, а҆́бїе рꙋ́цѣ и҆́хъ съ про́чими ᲂу҆́ды ѡ҆слабѣ́ша."
|
|
},
|
|
{
|
|
"type": "TEXT",
|
|
"value": "Катава́сїа: Хрⷭ҇то́съ ражда́етсѧ:"
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Тобо́ю, хрⷭ҇тѐ, нб҃са̀ ᲂу҆твержда́єма всѧ̑, сло́во бж҃їе и҆ си́ла, и҆сповѣ́даютъ сла́вꙋ неизрече́ннꙋ, и҆ вседѣ́тельныѧ рꙋкѝ твоеѧ̀ сотворе́нїе: нѣ́сть бо прест҃ъ, ра́звѣ тебє̀, гдⷭ҇и."
|
|
},
|
|
{
|
|
"type": "TEXT",
|
|
"value": "Ꙗ҆́кѡ ѕвѣ́ри ᲂу҆стреми́вшесѧ на ста́до твоѐ, пречⷭ҇таѧ, но ты̀ тѣ́хъ чє́люсти сокрꙋшѝ, и҆ си́хъ не́мощны до конца̀ показа̀."
|
|
},
|
|
{
|
|
"type": "TEXT",
|
|
"value": "Ѻ҆́бщаго па́стырѧ влⷣкꙋ хрⷭ҇та̀ ро́ждши, дв҃о неискꙋсобра́чнаѧ, томꙋ̀ моли́сѧ, настоѧ́щагѡ гнѣ́ва и҆зба́вити на́съ, и҆ проти́вныхъ ѡ҆бстоѧ́нїѧ, влⷣчце."
|
|
},
|
|
{
|
|
"type": "TEXT",
|
|
"value": "Ми́лостиваѧ, ми́лостиваго ро́ждши сп҃са, ви́ждь ѡ҆ѕлобле́нїе и҆ воздыха́нїе люде́й твои́хъ, ᲂу҆скорѝ, пречⷭ҇таѧ, и҆ ᲂу҆ще́дри ны̀."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆твержде́й въ нача́лѣ нб҃са̀ ра́зꙋмомъ, и҆ зе́млю на вода́хъ ѡ҆снова́вый, на ка́мени мѧ̀, хрⷭ҇тѐ, за́повѣдей твои́хъ ᲂу҆твердѝ: ꙗ҆́кѡ нѣ́сть свѧ́тъ па́че тебє̀, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Пе́рвѣе ᲂу҆́бѡ вседержи́тельнаѧ твоѧ̀ десни́ца, гдⷭ҇и, мѡѷсе́емъ чꙋдодѣ́йствꙋѧ, помрача́ше є҆гѵ́петъ: та́кожде и҆ здѣ̀ прише́дшыѧ разори́ти гра́дъ тво́й, ѻ҆́бразомъ мт҃ре твоеѧ̀ помрача́еши."
|
|
},
|
|
{
|
|
"type": "TEXT",
|
|
"value": "Ꙗ҆́коже ᲂу҆слы́ша чꙋ́дный а҆рхїепі́скопъ, ѡ҆бѣща́нїе твоѐ, бг҃ороди́тельнице, благовѣствова́ше наро́дѡмъ ра́дость, глаго́лѧ. Дерза́йте, мт҃и бо бг҃а на́шегѡ съ на́ми є҆́сть."
|
|
},
|
|
{
|
|
"type": "TEXT",
|
|
"value": "Пресла́внꙋю побѣ́дꙋ и҆спо́лненꙋ ᲂу҆́жаса ви́дѣвше, и҆̀же тогда̀ наро́ди на сопроти̑вныѧ ѡ҆полчи́вшесѧ, и҆ а҆́бїе до конца̀ тѣ́хъ побѣди́ша."
|
|
},
|
|
{
|
|
"type": "TEXT",
|
|
"value": "Ны́нѣ наста̀ де́нь весе́лїѧ, зна́менїѧ і҆кѡ́ны твоеѧ̀, дв҃о бг҃ороди́тельнице, и҆ пра́здникъ свѣ́телъ, є҆го́же соверша́юще, вопїе́мъ: нѣ́сть пречⷭ҇тыѧ па́че тебє̀, бг҃оневѣ́сто."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Ꙗ҆́же дре́вле прⷪ҇рѡ́ки проповѣ́дасѧ две́рь нбⷭ҇наѧ, неѡпали́маѧ кꙋпина̀, свѣ́щникъ многосвѣ́тлый, злата́ѧ кади́льница, рꙋ́чка и҆ же́злъ, пресла́внѡ дне́сь чꙋ́дномꙋ свѧти́телю ꙗ҆влѧ́етсѧ, наро́домъ дерза́ти повелѣва́етъ, и҆ ди́внꙋю побѣ́дꙋ показꙋ́етъ. Тѣ́мже благода̑рнаѧ то́й возопїи́мъ: дв҃о бг҃ороди́тельнице, молѝ хрⷭ҇та̀ бг҃а, грѣхѡ́въ ѡ҆ставле́нїе дарова́ти на́мъ: тебе́ бо и҆́мамы наде́ждꙋ рабѝ твоѝ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆диви́сѧ твоѝ ра́зꙋмъ ѿ менє̀, ᲂу҆слы́шавшꙋ пресла̑внаѧ велѣ̑нїѧ смотрѣ́нїѧ твоегѡ̀, ᲂу҆крѣпи́сѧ же возлюбле́нїемъ твоегѡ̀ схожде́нїѧ: ты́ бо моеѧ̀ нищеты̀ не ѿве́рглсѧ є҆сѝ."
|
|
},
|
|
{
|
|
"type": "TEXT",
|
|
"value": "Почита́ющїй тѧ̀ гра́дъ, пречⷭ҇таѧ, и҆ по до́лгꙋ сла́вѧщїй, ѡ҆гражда́й ѿ безбо́жныхъ, чⷭ҇таѧ, и҆ноплемє́нникъ: ты́ бо томꙋ̀, пречⷭ҇таѧ, бога́тство неѿе́млемо є҆сѝ, покро́въ же и҆ сла́ва."
|
|
},
|
|
{
|
|
"type": "TEXT",
|
|
"value": "Мнѧ́щїисѧ, ꙗ҆́коже дре́вле і҆ерїхѡ́нъ, разори́ти гра́дъ тво́й, пречⷭ҇таѧ мт҃и сло́ва, са́ми коне́чнѣй поги́бели преда́шасѧ, си́лою и҆зъ тебє̀, воплоще́ннагѡ, влⷣчце."
|
|
},
|
|
{
|
|
"type": "TEXT",
|
|
"value": "При́зри, чⷭ҇таѧ, спасѝ пою́щыѧ тѧ̀, потреби́тисѧ хотѧ́щсѧ ѿ сопроти́вныхъ: тѣ́мже наше́дшагѡ преще́нїѧ и҆зба́ви, бг҃ороди́тельнице."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀ моѧ̀ крѣ́пость, гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. Тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Є҆гда̀ ᲂу҆слы́шаша наро́ди чꙋ́дное ѡ҆бѣща́нїе побѣ́ды, ра́достїю неизрече́нною и҆спо́лнившесѧ, и҆ ꙗ҆́коже крѣ́пка нѣ́коего храни́телѧ и҆мꙋ́ще, сопроти̑вныѧ побѣжда́хꙋ."
|
|
},
|
|
{
|
|
"type": "TEXT",
|
|
"value": "Многобога́тный да́ръ, и҆ неистощи́мое сокро́вище дарова́лъ є҆сѝ гра́дꙋ твоемꙋ̀, і҆кѡ́нꙋ мт҃ре твоеѧ̀, сло́ве, и҆ сеѧ̀ по́мощїю проти̑вныѧ низлага́емъ."
|
|
},
|
|
{
|
|
"type": "TEXT",
|
|
"value": "Въ бжⷭ҇твеннѣмъ хра́мѣ твое́мъ, бг҃ора́дованнаѧ, и҆дѣ́же чꙋдотво́рнаѧ твоѧ̀ і҆кѡ́на положена̀ бы́сть, и҆сцѣлє́нїѧ вѣ́рою приходѧ́щымъ подава́етъ."
|
|
},
|
|
{
|
|
"type": "TEXT",
|
|
"value": "Собо́ри вѣ́рныхъ и҆ всѧ́ко состоѧ́нїе человѣ́ческое весели́тсѧ, совокꙋ́пльшесѧ въ честнѣ́мъ хра́мѣ твое́мъ, зрѧ́ще въ не́мъ, ꙗ҆́коже пресвѣ́тлое со́лнце, честны́й ѻ҆́бразъ тво́й, влⷣчце."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Сою́зомъ любвѐ свѧзꙋ́еми а҆пⷭ҇ли, влⷣчествꙋющемꙋ всѣ́ми себѐ хрⷭ҇тꙋ̀ возло́жше, кра́сны но́ги ѡ҆чища́хꙋ, благовѣствꙋ́юще всѣ̑мъ ми́ръ."
|
|
},
|
|
{
|
|
"type": "TEXT",
|
|
"value": "Те́плаѧ застꙋ́пница къ тебѣ̀ прибѣга́ющымъ, и҆ ненадѣ́ющымсѧ наде́жда, ви́ждь ѡ҆ѕлобле́нїе люде́й твои́хъ, и҆ пода́ждь по́мощь, пречⷭ҇таѧ."
|
|
},
|
|
{
|
|
"type": "TEXT",
|
|
"value": "Ꙗ҆́же ѻ҆́гнь ро́ждшаѧ бжⷭ҇твенный, дв҃о,проти́вныхъ, пречⷭ҇таѧ, моли́твою твое́ю ѻ҆гне́мъ попалѝ, ꙗ҆́кѡ мт҃и сꙋ́щи зижди́телѧ, всепѣ́таѧ."
|
|
},
|
|
{
|
|
"type": "TEXT",
|
|
"value": "Чтⷭ҇аѧ бг҃оневѣ́сто, недоꙋмѣ̑нныѧ лю́ди ᲂу҆ще́дри, ма́терними твои́ми мольба́ми, и҆ ꙗ҆̀же на ны̀ проти́вныхъ ѡ҆бстоѧ̑нїѧ разорѝ вско́рѣ моли́твами твои́ми."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннаго. Но ѡ҆брати́ мѧ, и҆ къ свѣ́тꙋ за́повѣдей твои́хъ, пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Ꙗ҆́коже и҆ногда̀ въ црⷭ҇твꙋющымъ гра́дѣ, неи́стовѧщаго и҆ хꙋли́тсѧ, хотѧ́щаго ѻ҆́бразъ тво́й низложи́ти, того̀ а҆́бїе коне́чнѣ ᲂу҆ѧзвѝ: та́коже и҆ ны́нѣ показа́ла є҆сѝ, бг҃ороди́тельнице."
|
|
},
|
|
{
|
|
"type": "TEXT",
|
|
"value": "Ꙗ҆́кѡ щито́мъ ѡ҆гражда́еми непобѣди́мою твое́ю си́лою, дв҃о, проти́вныхъ побѣжда́ютъ неизрече́нное мно́жество, на тѧ̀ наде́ждꙋ и҆мꙋ́щїи лю́дїе твоѝ, всепѣ́таѧ."
|
|
},
|
|
{
|
|
"type": "TEXT",
|
|
"value": "Тѧ̀ бога́тство неистощи́мое и҆мꙋ́ще, и҆ и҆сцѣле́нїй и҆сто́чникъ, вѣ́рою прибѣга́ющїи хра́мꙋ твоемꙋ̀, и҆дѣ́же пребыва́етъ честны́й ѻ҆́бразъ тво́й, влⷣчце."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ꙗ҆́тъ бы́сть, но не ᲂу҆держа́нъ въ пе́рсехъ ки́товыхъ і҆ѡ́на: тво́й бо ѻ҆́бразъ носѧ̀, страда́вшагѡ и҆ погребе́нїю да́вшагѡсѧ, ꙗ҆́кѡ ѿ черто́га, ѿ ѕвѣ́рѧ и҆зы́де, приглаша́ше же кꙋстѡді́и, хранѧ́щїи сꙋ́єтнаѧ и҆ лѡ́жнаѧ, ми́лость сїю̀ ѡ҆ста́вили є҆стѐ."
|
|
},
|
|
{
|
|
"type": "TEXT",
|
|
"value": "И҆зба́ви ра́тныхъ наше́ствїѧ рабы̑ твоѧ̑, пречⷭ҇таѧ, и҆ не преда́ждь до конца̀ поги́бнꙋти наслѣ́дїю твоемꙋ̀, всепѣ́таѧ: но си́лою и҆зъ тебє̀ рожде́ннагѡ проти̑вныѧ низложѝ."
|
|
},
|
|
{
|
|
"type": "TEXT",
|
|
"value": "Многосогрѣ́шшихъ тебѣ̀ не пре́зри, но прїимѝ мольбꙋ̀ мт҃ре твоеѧ̀ ѡ҆ на́съ, ще́дре: да не похва́лѧтсѧ сопроти́внїи, гдѣ́ є҆́сть бг҃ъ и҆́хъ, глаго́люще: но да разꙋмѣ́ютъ всѝ, ꙗ҆́кѡ ты̀ и҆зба́витель съ на́ми є҆сѝ."
|
|
},
|
|
{
|
|
"type": "TEXT",
|
|
"value": "Ны́нѣ по́мощи прїи́де вре́мѧ, ны́нѣ премѣне́нїѧ потре́ба, чⷭ҇таѧ. Моли́сѧ сн҃ꙋ твоемꙋ̀ и҆ бг҃ꙋ, ꙗ҆́кѡ да ᲂу҆ще́дритъ согрѣши́вшыѧ, и҆ належа́щагѡ гнѣ́ва и҆зба́витъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Моли́твꙋ пролїю̀ ко гдⷭ҇ꙋ, и҆ томꙋ̀ возвѣщꙋ̀ печа̑ли моѧ̑, ꙗ҆́кѡ ѕѡ́лъ дꙋша̀ моѧ̀ и҆спо́лнисѧ, и҆ живо́тъ мо́й а҆́дꙋ прибли́жисѧ, и҆ молю́сѧ, ꙗ҆́кѡ і҆ѡ́на: ѿ тлѝ, бж҃е, возведи́ мѧ."
|
|
},
|
|
{
|
|
"type": "TEXT",
|
|
"value": "Сꙋ́щемꙋ тогда̀ чꙋ́дномꙋ а҆рхїере́ю ꙗ҆ви́ласѧ є҆сѝ стра́ннымъ ѻ҆́бразомъ, на де́рзость подвиза́ющи: наро́ди же неизрече́нныѧ ра́дости и҆спо́лнившесѧ, ѻ҆рꙋ̑жныѧ побѣжда́хꙋ, влⷣчце."
|
|
},
|
|
{
|
|
"type": "TEXT",
|
|
"value": "Зна́менїе стра́шно, и҆ ве́щь пресла́внꙋ, и҆ чꙋ́дное ѡ҆долѣ́нїе дне́сь пра́зднꙋюще лю́дїе твоѝ, бцⷣе, похва̑льнаѧ ꙗ҆́кѡ досто́йной похвалы̀ прино́симъ, глаго́люще: ра́дꙋйсѧ, ѡ҆бра́дованнаѧ."
|
|
},
|
|
{
|
|
"type": "TEXT",
|
|
"value": "Честнꙋ́ю і҆кѡ́нꙋ твою̀ ра́достнымъ се́рдцемъ и҆ дꙋше́ю ѡ҆блобыза́емъ веселѧ́щесѧ, и҆ те́плою вѣ́рою прикаса́ющесѧ, и҆сцѣле́нїе почерпа́емъ."
|
|
},
|
|
{
|
|
"type": "HEADER",
|
|
"value": "Конда́къ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆ви́лсѧ є҆сѝ дне́сь:"
|
|
},
|
|
{
|
|
"type": "TEXT",
|
|
"value": "Честна́гѡ ѻ҆́браза твоегѡ̀ зна́менїе пра́зднꙋюще лю́дїе твоѝ, бг҃ороди́тельнице, и҆́мже ди́внꙋю побѣ́дꙋ на сопроти̑вныѧ гра́дꙋ твоемꙋ̀ дарова́ла є҆сѝ. Тѣ́мже тебѣ̀ вѣ́рою взыва́емъ: ра́дꙋйсѧ, дв҃о, хрⷭ҇тїа́нъ похвало̀."
|
|
},
|
|
{
|
|
"type": "TEXT",
|
|
"value": "І҆́косъ: Разрѣшѝ тмꙋ̀ мои́хъ согрѣше́нїй, во ᲂу҆мѣ̀ мое́мъ лежа́щꙋю, и҆ твои́мъ мѧ̀ свѣ́томъ просвѣтѝ, дв҃о, ꙗ҆́кѡ да возмогꙋ̀ тебѣ̀ похвалꙋ̀ принестѝ, ꙗ҆́же ѻ҆ц҃ъ восхвалѝ, и҆ дх҃ъ ст҃ы́й ѡ҆сѣнѝ, сн҃ъ же и҆ сло́во бж҃їе всели́всѧ, и҆ нетлѣ́ннѡ ѿ пречи́стою твоє́ю бокꙋ̀ проше́дъ, съ человѣ̑ки поживѐ. Тѣ́мже мы̀ грѣ́шнїи и҆ недосто́йнїи рабѝ твоѝ, дне́сь соверша́юще свѧще́нное торжество̀ зна́менїѧ, бы́вшагѡ честно́ю і҆кѡ́ною твое́ю, є҆́юже пресла́внꙋю побѣ́дꙋ на проти̑вныѧ гра́дꙋ твоемꙋ̀ дарова́ла є҆сѝ: и҆ ѿ всѣ́хъ чꙋде́съ и҆спо́лнившесѧ, вмѣ́стѡ благово́нныхъ а҆рѡма̑тъ, є҆ли́кѡ возмо́жно на́мъ земны̑мъ, похва̑льнаѧ тебѣ̀ прино́симъ, глаго́люще: ра́дꙋйсѧ, бцⷣе, ра́досте а҆́гг҃лѡвъ и҆ человѣ́кѡвъ: ра́дꙋйсѧ, тве́рдаѧ наде́жда и҆ покро́ве гра́дꙋ твоемꙋ̀: ра́дꙋйсѧ, ꙗ҆́кѡ проти̑вныѧ си́лою твое́ю низлага́емъ: ра́дꙋйсѧ, ᲂу҆́мнагѡ сл҃нца мт҃и, вѣ̑рныѧ просвѣща́ющагѡ, невѣ̑рныѧ же помрача́ющагѡ: ра́дꙋйсѧ, дв҃о, хрⷭ҇тїа́нъ похвало̀."
|
|
},
|
|
{
|
|
"type": "HEADER",
|
|
"value": "Пѣ́снь з҃. І҆рмо́съ:"
|
|
},
|
|
{
|
|
"type": "TEXT",
|
|
"value": "Неизрече́нное чꙋ́до, въ пещѝ и҆зба́вивый преподѡ́бныѧ ѻ҆́троки и҆зъ пла́мене, во гро́бѣ ме́ртвъ бездыха́ненъ полага́етсѧ, во спасе́нїе на́съ пою́щихъ: и҆зба́вителю бж҃е, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Вои́стиннꙋ сокро́вище че́стно гра́дꙋ твоемꙋ̀, і҆кѡ́на твоѧ̀, пречⷭ҇таѧ дарова́сѧ, ю҆́же и҆ са́ми зрѧ́ще, чꙋдесѝ ᲂу҆дивлѧ́емсѧ, и҆ сн҃ꙋ твоемꙋ̀ вопїе́мъ: и҆зба́вителю бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ꙗ҆́коже и҆ногда̀ нїнеѵі́тѧны покаѧ́нїѧ ра́ди пощади́лъ є҆сѝ, сло́ве бж҃їй, про́повѣдїю і҆ѡ́ны прⷪ҇ро́ка: та́кожде и҆ здѣ̀ показа́лъ є҆сѝ ѻ҆́бразомъ пречⷭ҇тыѧ твоеѧ̀ мт҃ре, хрⷭ҇тѐ, вопїю́щымъ: и҆зба́вителю бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Хра́мъ тѧ̀ бж҃їй, влⷣчце, вѣ́дꙋще, во ст҃ѣ́мъ хра́мѣ твое́мъ рꙋ́ки на́шѧ возно́симъ на моли́твꙋ: ви́ждь ѡ҆ѕлобле́нїе на́ше, и҆ пода́ждь на́мъ по́мощь."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Бж҃їѧ снисхожде́нїѧ ѻ҆́гнь ᲂу҆стыдѣ́сѧ въ вавѷлѡ́нѣ и҆ногда̀, сегѡ̀ ра́ди ѻ҆́троцы въ пещѝ ра́дованною ного́ю, ꙗ҆́кѡ во цвѣ́тницѣ ликꙋ́юще, поѧ́хꙋ: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Ви́ждь, пречⷭ҇таѧ, ѡ҆ѕлобле́нїе ра̑бъ твои́хъ, и҆ не ѿри́ни въ коне́цъ: твое́ бо є҆смы̀ достоѧ́нїе, и҆ твое́ю наде́ждею крѣпи́мсѧ, да всѝ вопїе́мъ тѝ: ра́дꙋйсѧ, ѡ҆бра́дованнаѧ."
|
|
},
|
|
{
|
|
"type": "TEXT",
|
|
"value": "Свѣтоно́снаѧ благода́ть и҆ и҆сцѣле́нїѧ дарова́нїе даде́сѧ гра́дꙋ твоемꙋ̀ ѻ҆́бразъ тво́й, пречⷭ҇таѧ: є҆го́же любе́знѡ ѡ҆блобыза́юще, весели́мсѧ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасни́сѧ боѧ́йсѧ нб҃о, и҆ да подви́жатсѧ ѡ҆снова̑нїѧ землѝ: се́ бо въ мертвецѣ́хъ вмѣнѧ́етсѧ въ вы́шнихъ живы́й, и҆ во гро́бъ ма́лъ страннопрїе́млетсѧ. Є҆го́же, ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Собезнача́льное сло́во ѻ҆́ч҃ее, дв҃о пречⷭ҇таѧ, нетлѣ́ннѡ родила̀ є҆сѝ, и҆ ѿ сосцꙋ̀ пита́ла є҆сѝ. Того̀ молѝ, бг҃ороди́тельнице, ѿ ѡ҆бстоѧ́нїѧ вра́жїѧ спастѝ пою́щыѧ тѧ̀, и҆ превозносѧ́щыѧ во вѣ́ки."
|
|
},
|
|
{
|
|
"type": "TEXT",
|
|
"value": "Є҆го́же прови́дѣ на престо́лѣ превзѧ́тѣмъ и҆са́їа, сего̀ въ ложесна́хъ, дв҃о, вмѣсти́ла є҆сѝ, и҆ нетлѣ́ннѡ родила̀ є҆сѝ: є҆го́же молѝ спасти́сѧ рабѡ́мъ твои̑мъ, пою́щымъ: дѣ́ти, благослови́те, свѧще́ннїи по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Є҆ди́на сꙋ́щи бл҃га́ѧ, пребл҃го́е сло́во молѝ прилѣ́жнѡ, настоѧ́щагѡ гнѣ́ва рабѡ́мъ твои̑мъ и҆зба́витисѧ, несомнѣ́нною вѣ́рою сн҃ꙋ твоемꙋ̀ пою́щымъ: дѣ́ти, благослови́те, свѧще́ннїи по́йте и҆ превозноси́те є҆го̀ во вѣ́ки."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею спасє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ѡ҆ всѣ́хъ наро́ди недоꙋмѣ́вшесѧ, къ тебѣ̀ прибѣга́ютъ, вопїю́ще: не преда́ждь на́съ врагѡ́мъ на́шымъ, влⷣчце бцⷣе, но держа́вною твое́ю рꙋко́ю ты̑ѧ низложѝ, да тѧ̀ непреста́ннѡ пое́мъ и҆ превозно́симъ во вѣ́ки."
|
|
},
|
|
{
|
|
"type": "TEXT",
|
|
"value": "Ꙗ҆́кѡ нерꙋши́мое забра́ло и҆мꙋ́ще рабѝ твоѝ і҆кѡ́нꙋ твою̀, пречⷭ҇таѧ, проти́вѧщыѧсѧ низлага́емъ, и҆ сн҃ꙋ твоемꙋ̀ вопїе́мъ: дѣ́ти, благослови́те, свѧще́нницы, воспо́йте, лю́дїе, превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Чꙋ́дномꙋ і҆ера́рхꙋ ꙗ҆ви́ласѧ є҆сѝ, пречⷭ҇таѧ, ѻ҆́нъ же со мно́гимъ наро́домъ чꙋдесѝ ᲂу҆ди́вльсѧ, а҆́бїе съ ра́достїю ко ѻ҆́бразꙋ твоемꙋ̀ прибѣга́етъ: пода́ждь по́мощь, влⷣчце, глаго́лющымъ: дѣ́ти, благослови́те, свѧще́нницы, воспо́йте, лю́дїе, превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Что́ ти принестѝ, пречⷭ҇таѧ, ѿ всеѧ̀ тва́ри сла́вимѣй, недоꙋмѣ́емсѧ, влⷣчце, то́чїю є҆́же гаврїи́лъ на́съ наꙋчѝ: ра́дꙋйсѧ, ѡ҆бра́дованнаѧ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Стра́нствїѧ влⷣчнѧ, и҆ безсме́ртныѧ трапе́зы на го́рнѣмъ мѣ́стѣ, высо́кими ᲂу҆мы̀, вѣ́рнїи, прїиди́те наслади́мсѧ, возше́дша сло́ва, ѿ сло́ва наꙋчи́вшесѧ, є҆го́же велича́емъ."
|
|
},
|
|
{
|
|
"type": "TEXT",
|
|
"value": "Млⷭ҇рдымъ ѻ҆́комъ свы́ше при́зри на гра́дъ и҆ лю́ди твоѧ̑, пречⷭ҇таѧ: и҆ны́ѧ бо по́мощи не и҆́мамы, то́кмѡ тебѐ, всенепоро́чнаѧ, да тѧ̀ всѝ мт҃рь бж҃їю непреста́ннѡ велича́емъ."
|
|
},
|
|
{
|
|
"type": "TEXT",
|
|
"value": "Є҆ди́на ро́ждшаѧ сло́во воплоще́нное, дв҃о всепѣ́таѧ, приснотекꙋ́щїй и҆сто́чникъ и҆сцѣле́нїй и҆злива́еши вѣ́рою притека́ющымъ хра́мꙋ твоемꙋ̀, пречⷭ҇таѧ."
|
|
},
|
|
{
|
|
"type": "TEXT",
|
|
"value": "Сѐ рабѝ твоѝ вопїе́мъ тѝ, мт҃и бж҃їѧ: ѻ҆бы̑чныѧ ми̑лости твоѧ̑ на гра́дъ и҆ лю́ди твоѧ̑ ми́лостивнѡ показꙋ́ющи, проти́вныхъ ѡ҆бстоѧ́нїй на́съ и҆змѣнѝ, да тѧ̀ всѝ непреста́ннѡ велича́емъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее небе́съ. Тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ."
|
|
},
|
|
{
|
|
"type": "TEXT",
|
|
"value": "Сѐ вре́мѧ благопрїѧ́тно и҆ де́нь спасе́нїѧ, въ не́мже зна́менїе і҆кѡ́ны твоеѧ̀, пречⷭ҇таѧ, показа́сѧ: є҆́же пра́зднꙋюще свѣ́тлѡ, дꙋхо́внѣ торжество̀ соверша́емъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ бжⷭ҇твенною свѣ́тлостїю ѡ҆зарѧ́емꙋ, зри́мъ дне́сь, пречⷭ҇таѧ, і҆кѡ́нꙋ твою̀ честнꙋ́ю, є҆́йже вѣ́рою покланѧ́ющесѧ, тѧ̀ велича́емъ."
|
|
},
|
|
{
|
|
"type": "TEXT",
|
|
"value": "Мы̑сли ѡ҆чи́стивше празднолю́бнагѡ нова́града собо́ри, со а҆рхїере́йскимъ ли́комъ восхвали́те, па́че наде́жди по́мощь на сопроти̑вныѧ дарова́вшꙋю."
|
|
},
|
|
{
|
|
"type": "TEXT",
|
|
"value": "Дѣ́вства твоегѡ̀ зна́мєнїѧ невреди́мѡ сохрани́въ сло́во бж҃їе и҆зъ тебє̀ проше́дъ, сохранѝ гра́дъ тво́й невреди́мь, дв҃о всепѣ́таѧ, да тѧ̀ непреста́ннѡ велича́емъ."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Посѣти́лъ ны̀ є҆сѝ:"
|
|
},
|
|
{
|
|
"type": "TEXT",
|
|
"value": "Возжелѣ́въ твоеѧ̀ добро́ты і҆и҃съ, пречⷭ҇таѧ, въ тѧ̀ всели́сѧ, и҆ тебѐ застꙋ́пницꙋ гра́дꙋ твоемꙋ̀ сло́во бж҃їе дарова̀: є҆го́же сохранѧ́й застꙋпле́нїемъ твои́мъ при́снѡ, ꙗ҆́кѡ да тѧ̀ ᲂу҆блажа́емъ, пренепоро́чнаѧ ѻ҆трокови́це. Два́жды."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, на д҃, гла́съ ѕ҃. Самогла́сны:"
|
|
},
|
|
{
|
|
"type": "TEXT",
|
|
"value": "Непоко́рствомъ ра́зꙋма и҆ го́рдостїю разже́гшесѧ ненака́заннїи, на ста́до твоѐ, пречⷭ҇таѧ, є҆́же и҆скорени́ти гра́дъ, въ не́мже пречестны́й тво́й ѻ҆́бразъ водворѧ́етсѧ. Но ᲂу҆́бѡ показа́ла є҆сѝ, ꙗ҆́коже и҆ногда̀ сн҃ъ тво́й є҆вре́ємъ, досто́йнѡ въ пꙋсты́ни тѣлесы̀ па́дшымъ."
|
|
},
|
|
{
|
|
"type": "TEXT",
|
|
"value": "Сѐ хра́мъ пресвѣ́телъ и҆ мѣ́сто свѧще́нїѧ, и҆дѣ́же честна́ѧ і҆кѡ́на мт҃ре твоеѧ̀, сло́ве, пристꙋпи́те, человѣ́цы, и҆ и҆сцѣле́нїе почерпи́те, ꙗ҆́кѡ спасе́нїе тоѧ̀ ра́ди на́мъ дарова́сѧ, и҆ и҆збавле́нїе ѿ проти́вныхъ, потреби́те на́съ хотѧ́щихъ, но ті́и, по прⷪ҇ро́кꙋ, потреби́шасѧ."
|
|
},
|
|
{
|
|
"type": "TEXT",
|
|
"value": "Ꙗ҆́коже и҆ногда̀ кро́ткїй дв҃дъ проти́вѧщагосѧ го́рдаго голїа́ѳа, си́лою сн҃а твоегѡ̀ препоѧ́савсѧ, низложѝ: та́кожде и҆ лю́дїе твоѝ, пречⷭ҇таѧ, и҆мꙋ́ще ѻ҆́бразъ тво́й честны́й, пресла́внѡ ѡ҆долѣ́нїе показа́ша."
|
|
},
|
|
{
|
|
"type": "TEXT",
|
|
"value": "Чꙋ́днаѧ побѣ́да и҆ ди́вное ѡ҆долѣ́нїе честны́ѧ і҆кѡ́ны твоеѧ̀, пречⷭ҇таѧ мт҃и сло́ва, ᲂу҆дивлѧ́етъ ᲂу҆́мъ и҆ ᲂу҆жаса́етъ по́мыслъ: без̾ѻрꙋ́жнїи во ѻ҆рꙋ́жныхъ побѣжда́хꙋ си́лою твое́ю, дв҃о всепѣ́таѧ, и҆ посо́бїемъ бжⷭ҇твеннагѡ зра́ка твоегѡ̀, во спасе́нїе дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ и҃:"
|
|
},
|
|
{
|
|
"type": "TEXT",
|
|
"value": "Мнѧ́щесѧ непокори́вїи ѿ ѡ҆снова́нїѧ разори́ти гра́дъ тво́й, пречⷭ҇таѧ, не разꙋмѣ́вше по́мощь твою̀, влⷣчце: но си́лою твое́ю низложе́ни бы́ша, на бѣжа́нїе ᲂу҆стремлѧ́хꙋсѧ, и҆, ꙗ҆́коже ю҆́зами желѣ́зными, слѣпото́ю свѧ́зани бы́вше, и҆ мра́комъ, ꙗ҆́коже дре́вле є҆гѵ́петъ, ѡ҆б̾ѧ́ти не разꙋмѣ́вше, до́ндеже и҆ коне́чнѣ побѣжде́ни бы́ша. Тѣ́мже чи́стою вѣ́рою сла́вимъ тѧ̀, и҆ сн҃ꙋ твоемꙋ̀ любе́знѡ вопїе́мъ: моли́твами ро́ждшїѧ тѧ̀, і҆и҃се всеси́льне, неизрече́ннаѧ ра́досте, сохранѧ́й гра́дъ тво́й невреди́мь, ꙗ҆́кѡ милосе́рдъ и҆ чл҃вѣколю́бецъ."
|
|
},
|
|
{
|
|
"type": "HEADER",
|
|
"value": "Славосло́вїе вели́кое. И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и прокі́менъ, пѣ́снь бцⷣы, гла́съ г҃:"
|
|
},
|
|
{
|
|
"type": "TEXT",
|
|
"value": "Вели́читъ дꙋша̀ моѧ̀ гдⷭ҇а, и҆ возра́довасѧ дꙋ́хъ мо́й ѡ҆ бз҃ѣ сп҃сѣ мое́мъ."
|
|
},
|
|
{
|
|
"type": "TEXT",
|
|
"value": "Сті́хъ: Ꙗ҆́кѡ призрѣ̀ на смире́нїе рабы̀ своеѧ̀."
|
|
},
|
|
{
|
|
"type": "HEADER",
|
|
"value": "А҆пⷭ҇лъ ко є҆вре́ємъ, зача́ло т҃к."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ и҃: Слы́ши дщѝ и҆ ви́ждь, и҆ приклонѝ ᲂу҆́хо твоѐ."
|
|
},
|
|
{
|
|
"type": "TEXT",
|
|
"value": "Сті́хъ: Лицꙋ̀ твоемꙋ̀ помо́лѧтсѧ бога́тїи лю́дстїи."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе лꙋкѝ, зача́ло н҃д."
|
|
},
|
|
{
|
|
"type": "TEXT",
|
|
"value": "Прича́стенъ: Ча́шꙋ спасе́нїѧ прїимꙋ̀, и҆ и҆́мѧ гдⷭ҇не призовꙋ̀."
|
|
}
|
|
] |