346 lines
39 KiB
JSON
346 lines
39 KiB
JSON
[
|
|
{
|
|
"type": "HEADER",
|
|
"value": "Канѡ́нъ прпⷣбнагѡ ѻ҆тца̀ на́шегѡ се́ргїа и҆гꙋ́мена, ра́донежскагѡ чꙋдотво́рца."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "И҆́ же добродѣ́телей подви́жникъ, ꙗ҆́кѡ и҆́стинный во́инъ хрⷭ҇та̀ бг҃а, на стра̑сти вельмѝ подвиза́лсѧ є҆сѝ въ жи́зни вре́меннѣй, въ пѣ́нїихъ, бдѣ́нїихъ же, и҆ поще́нїихъ ѻ҆́бразъ бы́въ твои̑мъ ᲂу҆ченикѡ́мъ. тѣ́мже и҆ всели́сѧ въ тѧ̀ прест҃ы́й дх҃ъ, є҆гѡ́же дѣ́йствїемъ свѣ́тлѡ ᲂу҆кра́шенъ є҆сѝ: но ꙗ҆́кѡ и҆мѣ́ѧ дерзнове́нїе ко ст҃ѣ́й трⷪ҇цѣ, помина́й ста́до, є҆́же собра́лъ є҆сѝ, мꙋ́дре, и҆ не забꙋ́ди, ꙗ҆́коже ѡ҆бѣща́лсѧ є҆сѝ, посѣща́ѧ ча̑дъ твои́хъ, се́ргїе прпⷣбне, ѻ҆́ч҃е на́шъ."
|
|
},
|
|
{
|
|
"type": "HEADER",
|
|
"value": "И҆́нъ тропа́рь, гла́съ и҃:"
|
|
},
|
|
{
|
|
"type": "TEXT",
|
|
"value": "Ѿ ю҆́ности воспрїѧ́лъ є҆сѝ хрⷭ҇та̀ въ дꙋшѝ твое́й, преподо́бне, и҆ па́че всегѡ̀ вожделѣ́лъ є҆сѝ мїрска́гѡ мѧте́жа ᲂу҆клони́тисѧ: мꙋ́жески въ пꙋсты́ню всели́лсѧ є҆сѝ, и҆ ча̑да послꙋша́шѧ въ не́й, плоды̀ смире́нїѧ возрасти́лъ є҆сѝ. тѣ́мъ бы́въ трⷪ҇цѣ вселе́нїе, чꙋдесы̀ твои́ми всѣ́хъ просвѣти́лъ є҆сѝ, приходѧ́щихъ къ тебѣ̀ вѣ́рою, и҆ и҆сцѣлє́нїѧ всѣ̑мъ подаѧ̀ ѻ҆би́льнѡ: ѻ҆́ч҃е на́шъ се́ргїе, молѝ хрⷭ҇та̀ бг҃а, да спасе́тъ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Канѡ́нъ прпⷣбнагѡ се́ргїа, гла́съ и҃, є҆гѡ́же краегране́сїе сицево̀: Се́ргїа похвали́ти, бж҃е мо́й, да́рꙋй мѝ. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Колесницегони́телѧ фараѡ́нѧ погрꙋзѝ, чꙋдотворѧ́й и҆ногда̀ мѡѷсе́йскїй же́злъ, крⷭ҇тоѻбра́знѡ порази́въ и҆ раздѣли́въ мо́ре: і҆и҃лѧ же бѣглеца̀ пѣшехо́дца спасѐ, пѣ́снь бг҃ови воспѣва́юща."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбне ѻ҆́ч҃е на́шъ се́ргїе, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "Х рⷭ҇та̀ на́съ ра́ди во́лею смири́вшагосѧ, да́же до ра́бїѧ ѻ҆́браза подража́въ, возлюби́лъ є҆сѝ смире́нїе, и҆ ѕѣ́льнымъ бдѣ́нїемъ и҆ моли́твами, дꙋшегꙋ̑бныѧ стра̑сти ᲂу҆мертви́въ, на го́рꙋ безстра́стїѧ возше́лъ є҆сѝ, се́ргїе пребога́те."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ свѣти́льникъ свѣ́та, твою̀ дꙋ́шꙋ сле́зными потѡ́ки ᲂу҆краша́ѧ, и҆ дрꙋга́го і҆саа́ка подо́бнѡ са́мъ себѐ возне́слъ є҆сѝ, прпⷣбне, и҆ се́рдце твоѐ бг҃ꙋ поже́рлъ є҆сѝ."
|
|
},
|
|
{
|
|
"type": "TEXT",
|
|
"value": "Сла́ва: И҆́же во чре́вѣ ма́терни трикра́ты проглаше́нїемъ, трⷪ҇цы слꙋжи́тель показа́лсѧ є҆сѝ, и҆ трисо́лнечнымъ свѣ́томъ ѡ҆зарѧ́емь, де́мѡнскаѧ ѡ҆полчє́нїѧ ꙗ҆́кѡ паꙋчи́нꙋ разори́лъ є҆сѝ, пребл҃же́нне се́ргїе."
|
|
},
|
|
{
|
|
"type": "TEXT",
|
|
"value": "И҆ ны́нѣ: Зако́нѡвъ кромѣ̀ є҆сте́ственныхъ родила̀ є҆сѝ законода́вца бг҃а и҆ чл҃вѣ́ка бы́вша. того̀ ꙗ҆́кѡ бла́га молѝ, всенепоро́чнаѧ, на̑ша беззакѡ́нїѧ презрѣ́ти, вопїю́щихъ всегда̀: пои́мъ гдⷭ҇ꙋ, сла́внѡ бо просла́висѧ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Оу҆твержде́й въ нача́лѣ небеса̀ ра́зꙋмомъ, и҆ зе́млю на вода́хъ ѡ҆снова́вый, на ка́мени мѧ̀, хрⷭ҇тѐ, за́повѣдей твои́хъ ᲂу҆твердѝ, ꙗ҆́кѡ нѣ́сть свѧ́тъ па́че тебє̀, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбне ѻ҆́ч҃е на́шъ се́ргїе, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "Б лаги́хъ ѻ҆́бразъ тебѐ да́въ твои̑мъ ᲂу҆ченикѡ́мъ, и҆ привле́клъ є҆сѝ мнѡ́ги дꙋ́шы во спасе́нїе, ѿлꙋчи́вшихсѧ мїрска́гѡ пристра́стїѧ, и҆̀же ᲂу҆тѣшє́нїѧ ᲂу҆лꙋчи́ша ра́йскагѡ наслажде́нїѧ."
|
|
},
|
|
{
|
|
"type": "TEXT",
|
|
"value": "Ꙗ҆́ кѡ добропло́днаѧ ма́слина въ домꙋ̀ бж҃їи, блаже́нне, процвѣ́лъ є҆сѝ, и҆ є҆ле́емъ ᲂу҆маща́ѧ дꙋ́шы, любо́вїю тѧ̀ пою́щихъ, пребл҃же́нне се́ргїе, и҆ вѣ́рою хрⷭ҇тꙋ̀ вопїю́щихъ: нѣ́сть свѧ́тъ па́че тебѐ, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Сла́ва: Стра̑сти дꙋшетлѣ̑нныѧ ᲂу҆спи́лъ є҆сѝ бо́дренными бдѣ̑нїи, блаже́нне: и҆ си́хъ ра́ди въ черто́гъ нбⷭ҇ный всели́лсѧ є҆сѝ, прїе́мъ бг҃омꙋ́дре се́ргїе, бл҃года́ть и҆сцѣле́нїй."
|
|
},
|
|
{
|
|
"type": "TEXT",
|
|
"value": "И҆ ны́нѣ: Херꙋві́мѡвъ и҆ серафі́мѡвъ превы́шши ꙗ҆ви́ласѧ є҆сѝ, бцⷣе: ты́ бо є҆ди́на прїѧ́ла є҆сѝ невмѣсти́маго бг҃а во чре́вѣ твое́мъ, нескве́рнаѧ. тѣ́мже тѧ̀ всѝ вѣ́рнїи пѣ́сньми, чи́стаѧ, ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Г дⷭ҇и, поми́лꙋй. [Три́жды.]"
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ д҃. Подо́бенъ: Вознесы́йсѧ на крⷭ҇тъ:"
|
|
},
|
|
{
|
|
"type": "TEXT",
|
|
"value": "Ꙗ҆́ кѡ вои́стиннꙋ тлѣ́нныхъ ѡ҆ста́вивъ нестоѧ́нное, хрⷭ҇тꙋ̀ ѿ дꙋшѝ послѣ́довалъ є҆сѝ, и҆ болѣ́зньми и҆ трꙋды̑ и҆ ѕѣ́льнымъ воздержа́нїемъ, ꙗ҆́кѡ безпло́тенъ пожи́въ, пребл҃же́нне се́ргїе: молѝ хрⷭ҇та̀ бг҃а, спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, бг҃оро́диченъ: Херꙋві́мѡвъ и҆ серафі́мѡвъ превы́шши є҆сѝ, бцⷣе, небесе́ же и҆ землѝ простра́ннѣйши, ви́димыѧ тва́ри и҆ неви́димыѧ ꙗ҆ви́ласѧ є҆сѝ преимꙋ́щи несосꙋ́днымъ сосꙋжде́нїемъ: є҆гѡ́же бо простра́нствїѧ нб҃са̀ не вмѣща́ютъ, въ твое́й ᲂу҆тро́бѣ вмѣсти́ла є҆сѝ, чⷭ҇таѧ: є҆го́же молѝ, спасти́сѧ рабѡ́мъ твои̑мъ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ты̀ моѧ̀ крѣ́пость, гдⷭ҇и, ты̀ моѧ̀ и҆ си́ла, ты̀ мо́й бг҃ъ, ты̀ моѐ ра́дованїе, не ѡ҆ста́вль нѣ́дра ѻ҆́ч҃а, и҆ на́шꙋ нищетꙋ̀ посѣти́въ. тѣ́мъ съ прⷪ҇ро́комъ а҆ввакꙋ́момъ зовꙋ́ ти: си́лѣ твое́й сла́ва, чл҃вѣколю́бче."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбне ѻ҆́ч҃е на́шъ се́ргїе, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "Д х҃а прест҃а́гѡ хра́мъ, ѻ҆́ч҃е, бы́лъ є҆сѝ, и҆ жи́зненныхъ во́дъ рѣка̀ и҆сполнѧ́ема, ѡ҆снова́нїе непоколеби́мо цр҃кве, мона́шествꙋющихъ ᲂу҆твержде́нїе, се́ргїе досточꙋ́дне."
|
|
},
|
|
{
|
|
"type": "TEXT",
|
|
"value": "П рⷪ҇ро́чески сле́зными ка́плѧми на всѧ́къ де́нь посте́лю ѡ҆моча́ѧ, се́ргїе сла́вне, до́ндеже до конца̀ страсте́й пꙋчи́нꙋ и҆зсꙋши́лъ є҆сѝ: тѣ́мже па́мѧть твою̀ почита́емъ, присночестнꙋ́ю и҆ свѧще́ннꙋю."
|
|
},
|
|
{
|
|
"type": "TEXT",
|
|
"value": "Сла́ва: Лицѐ хрⷭ҇то́во лице́мъ, прпⷣбне се́ргїе, зрѣ́ти сподо́билсѧ є҆сѝ, зерца́лѡмъ вои́стиннꙋ разрѣ́шшымсѧ: сїе́ бо и҆ ѿ мі́ра ѿлꙋчи́ тѧ къ возлю́бленномꙋ жела́нїю."
|
|
},
|
|
{
|
|
"type": "TEXT",
|
|
"value": "И҆ ны́нѣ: Ѡ҆чище́нїе на́шихъ да́рꙋй невѣ́дѣнїй, ꙗ҆́кѡ безгрѣ́шенъ, и҆ ᲂу҆мирѝ мі́ръ тво́й, бж҃е, моли́твами ро́ждшїѧ тѧ̀."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Вскꙋ́ю мѧ̀ ѿри́нꙋлъ є҆сѝ ѿ лица̀ твоегѡ̀, свѣ́те незаходи́мый, и҆ покры́ла мѧ̀ є҆́сть чꙋжда́ѧ тма̀ ѻ҆каѧ́ннаго, но ѡ҆брати́ мѧ, и҆ къ свѣ́тꙋ за́повѣдей твои́хъ пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбне ѻ҆́ч҃е на́шъ се́ргїе, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "В ъ поще́нїихъ непрекло́ненъ пребы́лъ є҆сѝ, мꙋ́дре, и҆ до ѿше́ствїѧ своегѡ̀ хранѧ̀ сїѐ ѡ҆па́снѡ, и҆́мже сподо́билсѧ є҆сѝ ꙗ҆́вѣ нетлѣ́ннагѡ блаже́нства."
|
|
},
|
|
{
|
|
"type": "TEXT",
|
|
"value": "Ѻ҆́ стръ ᲂу҆́мъ и҆мѣ́ѧ къ бг҃ꙋ внима́ти, стра̑сти дꙋшетлѣ̑нныѧ ᲂу҆спи́лъ є҆сѝ, ѻ҆́ч҃е, и҆ снопы̀ благопло́дїѧ пожа́лъ є҆сѝ, пита́ѧ благоче́стнѡ восхвалѧ́ющыѧ тѧ̀, прпⷣбне ѻ҆́ч҃е се́ргїе."
|
|
},
|
|
{
|
|
"type": "TEXT",
|
|
"value": "Сла́ва: Свѣ́тло житїѐ твоѐ, прпⷣбне се́ргїе, и҆ и҆звѣ́стно всѣ̑мъ концє́мъ ꙗ҆ви́сѧ, и҆ бжⷭ҇твенныѧ добро́ты и҆спо́лнено, моли́твами же и҆ поще́ньми, и҆ любо́вїю, ꙗ҆́же ко хрⷭ҇тꙋ̀ чл҃вѣколю́бцꙋ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Тѧ̀ стѣ́нꙋ и҆мꙋ́ще, и҆ застꙋпле́нїемъ твои́мъ соблюда́еми, твое́ю бжⷭ҇твенною сла́вою хва́лѧщесѧ, тѧ̀ ᲂу҆блажа́емъ: ты́ бо, пречⷭ҇таѧ, дꙋша́мъ на́шымъ и҆сточа́еши весе́лїе и҆ ра́дованїе."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ѡ҆чи́сти мѧ̀, сп҃се, мнѡ́га бо беззакѡ́нїѧ моѧ̑, и҆ и҆зъ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е спасе́нїѧ моегѡ̀."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбне ѻ҆́ч҃е на́шъ се́ргїе, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "П а́мѧть твою̀ творѧ́щымъ свѧще́ннꙋю, ѻ҆́ч҃е, не преста́й молѧ̀ и҆зба́вителѧ, дарова́ти согрѣше́нїй ѡ҆ставле́нїе, и҆ нбⷭ҇ное црⷭ҇тво воспрїѧ́ти, и҆дѣ́же гла́съ пра́зднꙋющихъ весели́тъ всѧ̑."
|
|
},
|
|
{
|
|
"type": "TEXT",
|
|
"value": "Ѡ҆ хрⷭ҇тѣ̀ ᲂу҆крѣплѧ́емь, всѧ̑ кова̑рствїѧ лꙋка́вагѡ, тве́рдымъ ᲂу҆мо́мъ, се́ргїе, ꙗ҆́коже сѣ́ть расто́ргнꙋлъ є҆сѝ, и҆ пресвѣ́тло свѣти́ло мі́рꙋ, ѻ҆́ч҃е, показа́лсѧ є҆сѝ."
|
|
},
|
|
{
|
|
"type": "TEXT",
|
|
"value": "Сла́ва: Свѣ́томъ бжⷭ҇твеннымъ ѡ҆сїѧ́емь, и҆ со а҆́гг҃лы ны́нѣ на нб҃сѣ́хъ водворѧ́ѧсѧ, помина́й вѣ́рою чтꙋ́щихъ па́мѧть твою̀, прпⷣбне се́ргїе приснопа́мѧтне."
|
|
},
|
|
{
|
|
"type": "TEXT",
|
|
"value": "И҆ ны́нѣ: Возвы́сила є҆сѝ вои́стиннꙋ па́дшее человѣ́ческое сꙋщество̀, и҆́же ѻ҆́бразомъ бжⷭ҇твеннымъ, и҆ ѻ҆ц҃а̀ ра́венствомъ, ви́димымъ сн҃омъ неизмѣ́ннымъ, бг҃ома́ти, безъ сѣ́мене во чре́вѣ поноси́вши."
|
|
},
|
|
{
|
|
"type": "TEXT",
|
|
"value": "Г дⷭ҇и, поми́лꙋй. [Три́жды.] Сла́ва, и҆ ны́нѣ:"
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃. Подо́бенъ: Взбра́нной воево́дѣ:"
|
|
},
|
|
{
|
|
"type": "TEXT",
|
|
"value": "Х рⷭ҇то́вою любо́вїю ᲂу҆ѧзви́всѧ, прпⷣбне, и҆ томꙋ̀ невозвра́тнымъ жела́нїемъ послѣ́довавъ, всѧ́кое наслажде́нїе плотско́е возненави́дѣлъ є҆сѝ, и҆ ꙗ҆́кѡ со́лнце ѻ҆те́чествꙋ твоемꙋ̀ возсїѧ́лъ є҆сѝ: тѣ́мъ и҆ хрⷭ҇то́съ да́ромъ чꙋде́съ ѡ҆богати́ тѧ, помина́й на́съ, чтꙋ́щихъ пресвѣ́тлꙋю па́мѧть твою̀, да зове́мъ тѝ: ра́дꙋйсѧ, се́ргїе бг҃омꙋ́дре."
|
|
},
|
|
{
|
|
"type": "TEXT",
|
|
"value": "І҆́косъ: Є҆ѵⷢ҇льскїй гла́съ, ѻ҆́ч҃е, ᲂу҆слы́шавъ, всѧ̑ ѡ҆ста́вилъ є҆сѝ плотска̑ѧ мꙋдрова̑нїѧ, бога́тство же и҆ сла́вꙋ ꙗ҆́кѡ пра́хъ вмѣни́въ, и҆ на стра̑сти ꙗ҆́кѡ безпло́тенъ подвиза́всѧ, и҆ безпло́тныхъ ликостоѧ́нїємъ, че́сти сподо́билсѧ є҆сѝ. ра́зꙋма дарова́нїе прїѧ́лъ є҆сѝ, є҆́же и҆ пода́ждь въ пѣ́снехъ пою́щымъ тѝ си́це: ра́дꙋйсѧ, се́ргїе прпⷣбне и҆ бг҃оно́се, нбⷭ҇ный человѣ́че, земны́й а҆́гг҃ле. ра́дꙋйсѧ, дх҃а ст҃а́гѡ ѻ҆би́тель. ра́дꙋйсѧ, моли́твами бг҃ода́ренъ да́ръ прїе́мый. ра́дꙋйсѧ, ꙗ҆́кѡ пре́жде рожде́нїѧ проглаше́нїемъ просла́вивъ ст҃ꙋ́ю трⷪ҇цꙋ, ꙗ҆́же тѧ̀ просла́ви въ жи́зни се́й и҆ по сме́рти. ра́дꙋйсѧ, цѣломꙋ́дрїѧ сто́лпе, и҆́мже всѧ́ка стра́сть попра́сѧ. ра́дꙋйсѧ, ꙗ҆́кѡ ѿ млады́хъ ногте́й послѣ́дствовалъ є҆сѝ хрⷭ҇тꙋ̀. ра́дꙋйсѧ, притека́ющымъ къ тебѣ̀ спасе́нїѧ хода́тай. ра́дꙋйсѧ, свѣти́льниче многосвѣ́тлый, возведы́й ко хрⷭ҇тꙋ̀ мона́хѡвъ мно́жєства. ра́дꙋйсѧ, похвало̀ ѻ҆те́чествꙋ твоемꙋ̀. ра́дꙋйсѧ, прⷪ҇ро́чествомъ ᲂу҆кра́шенный, во є҆́же прорица́ти ꙗ҆́кѡ настоѧ̑щаѧ бꙋ̑дꙋщаѧ. ра́дꙋйсѧ, ꙗ҆́кѡ моли́твами твои́ми сопроти́внїи побѣжда́ютсѧ. ра́дꙋйсѧ, правосла́вномꙋ во́инствꙋ на́шемꙋ похвала̀ и҆ ᲂу҆твержде́нїе: є҆го́же соблюдѝ моли́твами твои́ми ѿ вра̑гъ ненавѣ́тнѡ, да зове́мъ тѝ: ра́дꙋйсѧ, се́ргїе бг҃омꙋ́дре."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Бж҃їѧ снизхожде́нїѧ ѻ҆́гнь ᲂу҆стыдѣ́сѧ въ вавѷлѡ́нѣ и҆ногда̀, сегѡ̀ ра́ди ѻ҆́троцы въ пещѝ ра́дованною ного́ю, ꙗ҆́кѡ во цвѣ́тницѣ ликꙋ́юще, поѧ́хꙋ: бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбне ѻ҆́ч҃е на́шъ се́ргїе, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "В ъ пещѝ и҆скꙋше́нїй разжже́нїѧ бжⷭ҇твеннаѧ бл҃года́ть ѡ҆роси́ тѧ, прпⷣбне, и҆ многосвѣ́тла трⷪ҇ческимъ жела́нїемъ показа̀, зовꙋ́ща: бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "М і́ръ преѡби́дѣвъ, сла́вне се́ргїе, на землѝ ꙗ҆́кѡ безпло́тенъ пожи́лъ є҆сѝ, и҆ а҆́гг҃льскимъ ликостоѧ́нїємъ сподо́билсѧ є҆сѝ. тѣ́мъ тѧ̀ вѣ́рою почита́емъ, досточꙋ́дне."
|
|
},
|
|
{
|
|
"type": "TEXT",
|
|
"value": "Сла́ва: Въ приста́нище ти́хое вше́дъ, бг҃омꙋ́дре, жите́йскихъ пла́ванїй ѿбѣ́глъ є҆сѝ, и҆ волнꙋ́ющымсѧ жите́йскими спаси́тельное ѡ҆кормле́нїе бы́лъ є҆сѝ, воспѣва́ющымъ: бл҃гослове́нъ бг҃ъ ѻ҆тцє́въ на́шихъ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Же́злъ прорастѐ, дв҃о, и҆зъ ко́рене і҆ессе́ева всебл҃же́нный пло́дъ, цвѣ́тъ носѧ́щи спаси́тельный, вѣ́рою сн҃ꙋ твоемꙋ̀ вопїю́щымъ: ѻ҆тцє́въ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Седмери́цею пе́щь халде́йскїй мꙋчи́тель, бг҃очести̑вымъ неи́стовнѡ разжжѐ, си́лою же лꙋ́чшею, спасе́ны сїѧ̀ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, благослови́те, свѧще́нницы, воспо́йте, лю́дїе, превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбне ѻ҆́ч҃е на́шъ се́ргїе, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "С вѣтоно́сный тво́й пра́здникъ, пребл҃же́нне се́ргїе, и҆спо́лни ра́дости и҆ весе́лїѧ дꙋхо́внагѡ, благоꙋха́нїѧ же и҆ просвѣще́нїѧ, тѧ̀ и҆мꙋ́щымъ застꙋ́пника и҆ пра́вило мона́шествꙋющымъ."
|
|
},
|
|
{
|
|
"type": "TEXT",
|
|
"value": "М оли́твою непреста́нною къ бг҃ꙋ восте́клъ є҆сѝ, и҆ ѿтꙋ́дꙋ трисо́лнечными сїѧ̑нїи ѡ҆зари́лсѧ є҆сѝ, на врагѝ борє́нїѧ поста́вивъ, приводѧ̀ по́стникѡвъ собо́ры но́вымъ житїе́мъ, хрⷭ҇тꙋ̀ вопїю́щымъ: дѣ́ти, благослови́те, свѧщє́нницы, воспо́йте, лю́дїе, превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "Сла́ва: Въ поще́нїихъ крѣ́пкое, въ моли́твахъ нелѣ́ностное, терпѣ́нїе въ и҆скꙋше́нїихъ, се́ргїе, на землѝ показа́лъ є҆сѝ, зовы́й: дѣ́ти, благослови́те, свѧщє́нницы, воспо́йте, лю́дїе, превозноси́те є҆го̀ во вѣ́ки."
|
|
},
|
|
{
|
|
"type": "TEXT",
|
|
"value": "И҆ ны́нѣ: Бг҃ороди́тельнице чⷭ҇таѧ, дꙋшѝ моеѧ̀ ꙗ҆́звы грѣхѡ́вныѧ и҆ собла́зны ѡ҆чи́сти, ко и҆сто́чникѡмъ примѣша́ющи, ꙗ҆̀же и҆зъ ре́бръ рождества̀ твоегѡ̀, и҆̀же ѿ ни́хъ поте́кшымъ стрꙋѧ́мъ: къ тебѣ́ бо взыва́ю, и҆ къ тебѣ̀ прибѣга́ю, и҆ тѧ̀ призыва́ю бг҃обл҃года́тнꙋю."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее небе́съ. тѣ́мъ тѧ̀, бцⷣꙋ, а҆́гг҃лѡвъ и҆ человѣ̑къ, чинонача̑лїѧ велича́ютъ"
|
|
},
|
|
{
|
|
"type": "TEXT",
|
|
"value": "Припѣ́въ: Прпⷣбне ѻ҆́ч҃е на́шъ се́ргїе, молѝ бг҃а ѡ҆ на́съ."
|
|
},
|
|
{
|
|
"type": "TEXT",
|
|
"value": "С вѣтоѧвле́нїѧ дꙋхо́внагѡ и҆спо́лненъ бы́въ, прпⷣбне се́ргїе, свѣти́льникъ сїѧ́ѧ и҆здале́ча ꙗ҆ви́лсѧ є҆сѝ, словє́сныѧ зари̑ на́мъ ѡ҆блиста́ѧ, и҆ пребжⷭ҇твенныѧ трⷪ҇цы жили́ще показа́лсѧ є҆сѝ."
|
|
},
|
|
{
|
|
"type": "TEXT",
|
|
"value": "В ои́стиннꙋ тѧ̀ вели́ка ᲂу҆чи́телѧ, мꙋ́дре се́ргїе, рѡссі́йскимъ страна́мъ хрⷭ҇то́съ дарова̀, нело́жнымъ правле́нїемъ пра́вѧща ѻ҆те́чество своѐ, и҆ ᲂу҆чє́нїѧ сладча́йша ме́да и҆злива́юща: и҆̀хже ꙗ҆́кѡ ѿ ѻ҆крі́на и҆ мы̀ вѣ́рнїи почерпа́емъ незави́стнѡ."
|
|
},
|
|
{
|
|
"type": "TEXT",
|
|
"value": "Сла́ва: Дꙋшетлѣ̑нныѧ стра̑сти побѣди́въ, ꙗ҆́кѡ па́стырь и҆́стинный ᲂу҆па́слъ є҆сѝ слове́сное хрⷭ҇то́во ста́до, є҆́же вы́нꙋ бл҃года́тїю дх҃а ꙗ҆́кѡ цвѣ́ты ра́йскїѧ пита́ѧ, прпⷣбне."
|
|
},
|
|
{
|
|
"type": "TEXT",
|
|
"value": "И҆ ны́нѣ: Ѱалмы̑ тѧ̀ воспѣва́емъ ѡ҆бра́дованнаѧ, и҆ немо́лчнѡ тѝ, є҆́же ра́дꙋйсѧ, вопїе́мъ: ты́ бо и҆сточи́ла є҆сѝ всѣ̑мъ ра́дованїе."
|
|
},
|
|
{
|
|
"type": "HEADER",
|
|
"value": "Свѣти́ленъ:"
|
|
},
|
|
{
|
|
"type": "TEXT",
|
|
"value": "П роцвѣ́лъ є҆сѝ ꙗ҆́кѡ фі́нїѯъ, дв҃дски, ѻ҆́ч҃е и҆ ѻ҆би́тель ꙗ҆ви́лсѧ є҆сѝ дх҃а всест҃а́гѡ, и҆́же сла́вна тѧ̀ вселе́ннѣй показа̀, ѡ҆ на́съ непреста́ннѡ хрⷭ҇та̀ молѝ, почита́ющихъ вѣ́рою пречестнꙋ́ю па́мѧть твою̀, прпⷣбне се́ргїе."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, бг҃оро́диченъ: Тѧ̀ пѣ́сньми немо́лчными ᲂу҆блажа́емъ, дв҃о, ꙗ҆́кѡ ѿ трⷪ҇цы є҆ди́наго родила̀ є҆сѝ, бцⷣе, и҆ но́сиши на бжⷭ҇твенныхъ ѡ҆б̾ѧ́тїихъ пребога́тое сло́во, невра́щное и҆ неизмѣ́нное."
|
|
},
|
|
{
|
|
"type": "HEADER",
|
|
"value": "Мл҃тва прпⷣбномꙋ се́ргїю, ра́донежскомꙋ чꙋдотво́рцꙋ:"
|
|
},
|
|
{
|
|
"type": "TEXT",
|
|
"value": "Ѽ сщ҃е́ннаѧ главо̀, прпⷣбне и҆ бг҃оно́сне ѻ҆́тче на́шъ се́ргїе, мл҃твою твое́ю, и҆ вѣ́рою и҆ любо́вїю ꙗ҆́же къ бг҃ꙋ, и҆ чистото́ю се́рдца, є҆щѐ на землѝ во ѡ҆би́тель прест҃ы́ѧ трⷪ҇цы дꙋ́шꙋ твою̀ ᲂу҆стро́ивый, и҆ а҆́гг҃льскагѡ ѻ҆бще́нїѧ и҆ прест҃ы́ѧ бцⷣы посѣще́нїѧ сподо́бивыйсѧ, и҆ да́ръ чꙋдодѣ́йственныѧ бл҃года́ти прїе́мый, по ѿше́ствїи же твое́мъ ѿ земны́хъ наипа́че къ бг҃ꙋ прибли́живыйсѧ и҆ нбⷭ҇ныѧ си́лы прїѻбщи́выйсѧ, но и҆ ѿ на́съ дꙋ́хомъ любвѐ твоеѧ̀ не ѿстꙋпи́вый, и҆ чтⷭ҇ны̑ѧ твоѧ̑ мо́щи, ꙗ҆́кѡ сосꙋ́дъ бл҃года́ти по́лный и҆ преизлива́ющїйсѧ, на́мъ ѡ҆ста́вивый! Ве́лїе и҆мѣ́ѧ дерзнове́нїе ко всемлⷭ҇тивомꙋ влⷣцѣ, молѝ сп҃стѝ рабы̑ є҆гѡ̀, сꙋ́щей въ тебѣ̀ бл҃года́ти є҆гѡ̀ вѣ́рꙋющыѧ и҆ къ тебѣ̀ съ любо́вїю притека́ющыѧ. И҆спросѝ на́мъ ѿ великодарови́тагѡ бг҃а на́шегѡ всѧ́кїй да́ръ, всѣ̑мъ и҆ коемꙋ́ждо бл҃гопотре́бенъ, вѣ́ры непоро́чны соблюде́нїе, градѡ́въ на́шихъ ᲂу҆твержде́нїе, мі́ра ᲂу҆мире́нїе, ѿ гла́да и҆ па́гꙋбы и҆збавле́нїе, ѿ наше́ствїѧ и҆ноплеме́нныхъ сохране́нїе, скорбѧ́щымъ ᲂу҆тѣше́нїе, недꙋ́гꙋющымъ и҆сцѣле́нїе, па́дшымъ возставле́нїе, заблꙋжда́ющымъ на пꙋ́ть и҆́стины и҆ сп҃се́нїѧ возвраще́нїе, подвиза́ющымсѧ ᲂу҆крѣпле́нїе, бл҃годѣ́лающымъ въ дѣ́лѣхъ бл҃ги́хъ преспѣ́ѧнїе и҆ бл҃гослове́нїе, младе́нцємъ воспита́нїе, ю҆́нымъ наставле́нїе, невѣ́дꙋщымъ вразꙋмле́нїе, сирота́мъ и҆ вдови́цамъ застꙋпле́нїе, ѿходѧ́щымъ ѿ сегѡ̀ вре́меннагѡ житїѧ̀ къ вѣ́чномꙋ бл҃го́е ᲂу҆готовле́нїе и҆ напꙋ́тствїе, ѿше́дшымъ бл҃же́нное ᲂу҆покое́нїе, и҆ всѧ̑ ны̀ споспѣшествꙋ́ющими твои́ми мл҃твами сподо́би въ де́нь стра́шнагѡ сꙋда̀ шꙋ́їѧ ча́сти и҆зба́витисѧ, десны́ѧ же страны̀ ѻ҆́бщники бы́ти и҆ бл҃же́нный ѻ҆́ный гла́съ влⷣки хрⷭ҇та̀ ᲂу҆слы́шати: прїиди́те, бл҃гослове́ннїи ѻ҆ц҃а̀ моегѡ̀, наслѣ́дꙋйте ᲂу҆гото́ванное ва́мъ црⷭ҇твїе ѿ сложе́нїѧ мі́ра. А҆ми́нь."
|
|
},
|
|
{
|
|
"type": "HEADER",
|
|
"value": "Мл҃тва в҃:"
|
|
},
|
|
{
|
|
"type": "TEXT",
|
|
"value": "Ѽ сщ҃е́ннаѧ главо̀, прпⷣбне ѻ҆́тче, пребл҃же́нне а҆́вво се́ргїе вели́кїй! Не забꙋ́ди ᲂу҆бо́гихъ твои́хъ до конца̀, но помина́й на́съ всегда̀ во ст҃ы́хъ твои́хъ и҆ бл҃гопрїѧ́тныхъ мл҃твахъ къ бг҃ꙋ. Помѧнѝ ста́до твоѐ, є҆́же са́мъ ᲂу҆па́слъ є҆сѝ, и҆ не забꙋ́ди посѣща́ти ча̑дъ твои́хъ. Молѝ за ны̀, ѻ҆́тче сщ҃е́нный, за дѣ́ти твоѧ̑ дꙋхѡ́вныѧ, ꙗ҆́кѡ и҆мѣ́ѧй дерзнове́нїе къ нбⷭ҇номꙋ цр҃ю̀: не премолчѝ за ны̀ ко гдⷭ҇ꙋ, и҆ не пре́зри на́съ, вѣ́рою и҆ любо́вїю чтꙋ́щихъ тѧ̀. Помина́й на́съ недосто́йныхъ ᲂу҆ прⷭ҇то́ла вседержи́телева, и҆ не преста́й молѧ́сѧ ѡ҆ на́съ ко хрⷭ҇тꙋ̀ бг҃ꙋ: и҆́бо дана̀ тебѣ̀ бы́сть бл҃года́ть за ны̀ моли́тисѧ. Не мни́мъ бо тѧ̀ сꙋ́ща ме́ртва: а҆́ще бо тѣ́ломъ и҆ преста́вилсѧ є҆сѝ ѿ на́съ, но и҆ по сме́рти жи́въ сы́й пребыва́еши. Не ѿстꙋпа́й ѿ на́съ дꙋ́хомъ, сохранѧ́ѧ на́съ ѿ стрѣ́лъ вра́жїихъ и҆ всѧ́кїѧ пре́лести бѣсо́вскїѧ и҆ ко́зней дїа́вольскихъ, па́стырю на́шъ до́брый. А҆́ще бо и҆ моще́й твои́хъ ра́ка пред̾ ѻ҆чи́ма на́шима ви́дима є҆́сть всегда̀, но ст҃а́ѧ твоѧ̀ дꙋша̀ со а҆́гг҃льскими во́инствы, со безпло́тными ли̑ки, съ нбⷭ҇ными си́лами, ᲂу҆ прⷭ҇то́ла вседержи́телева предстоѧ́щи, досто́йнѡ весели́тсѧ. Вѣ́дꙋще ᲂу҆̀бо тѧ̀ вои́стинꙋ и҆ по сме́рти жи́ва сꙋ́ща, тебѣ̀ припа́даемъ и҆ тебѣ̀ мо́лимсѧ: моли́сѧ ѡ҆ на́съ всеси́льномꙋ бг҃ꙋ, ѡ҆ по́льзѣ дꙋ́шъ на́шихъ, и҆ и҆спросѝ на́мъ вре́мѧ на покаѧ́нїе, да невозбра́ннѡ пре́йдемъ ѿ землѝ на нб҃о, ѿ мыта́рствъ же го́рькихъ, бѣсѡ́въ воздꙋ́шныхъ кнѧзе́й и҆ ѿ вѣ́чныѧ мꙋ́ки да и҆зба́вимсѧ, и҆ нбⷭ҇нагѡ црⷭ҇твїѧ наслѣ̑дницы да бꙋ́демъ со всѣ́ми пра́ведными, ѿ вѣ́ка ᲂу҆годи́вшими гдⷭ҇ꙋ на́шемꙋ і҆и҃сꙋ хрⷭ҇тꙋ̀: є҆мꙋ́же подоба́етъ всѧ́каѧ сла́ва, че́сть и҆ поклоне́нїе, со безнача́льнымъ є҆гѡ̀ ѻ҆ц҃е́мъ, и҆ съ прест҃ы́мъ и҆ бл҃ги́мъ и҆ животворѧ́щимъ є҆гѡ̀ дх҃омъ, ны́нѣ и҆ при́снѡ и҆ во вѣ́ки вѣкѡ́въ. А҆ми́нь."
|
|
},
|
|
{
|
|
"type": "HEADER",
|
|
"value": "Мл҃тва г҃:"
|
|
},
|
|
{
|
|
"type": "TEXT",
|
|
"value": "Ѽ нбⷭ҇нагѡ і҆ерⷭ҇ли́ма граждани́не, прпⷣбне ѻ҆́тче се́ргїе! Воззрѝ на на́съ ми́лостивнѡ, и҆ къ землѝ приве́рженныхъ возведѝ къ высотѣ̀ нбⷭ҇нѣй. Ты̀ горѣ̀ на нб҃сѝ пребыва́еши, мы́ же на землѝ ни́зꙋ, ᲂу҆дале́ни сꙋ́ще ѿ тебє̀ не толи́кѡ мѣ́стомъ, є҆ли́кѡ грѣхмѝ и҆ беззакѡ́нїи на́шими: но къ тебѣ̀, ꙗ҆́кѡ на́мъ сро́дномꙋ, прибѣга́емъ и҆ взыва́емъ, наста́ви на́съ ходи́ти пꙋте́мъ твои́мъ, вразꙋмѝ и҆ рꙋково́дствꙋй. Сво́йственно є҆́сть тебѣ̀, ѻ҆́тче на́шъ, милосе́рдїе и҆ чл҃вѣколю́бїе: на землѝ живꙋ́щꙋ не ѡ҆ свое́мъ то́кмѡ сп҃се́нїи бы́сть тебѣ̀ попече́нїе, но и҆ ѡ҆ всѣ́хъ къ тебѣ̀ притека́ющихъ. Наставлє́нїѧ твоѧ̑ бы́ша тро́сть кни́жника скоропи́сца, на сердца́хъ люде́й глаго́лы жи́зни начертава́ющагѡ. Не тѣлє́сныѧ то́кмѡ врачева́лъ є҆сѝ болѣ̑зни, но па́че дꙋше́вныхъ вра́чь и҆зѧ́щный ꙗ҆ви́лсѧ є҆сѝ: и҆ всѐ житїѐ твоѐ бы́сть зерца́ло всѧ́кїѧ добродѣ́тели. А҆́ще толи́къ бы́лъ є҆сѝ, свѧ́тче бж҃їй, на землѝ: коли́къ ны́нѣ є҆сѝ на нб҃сѝ! Ты̀ дне́сь предстои́ши прⷭ҇то́лꙋ свѣ́та непристꙋ́пнагѡ, и҆ въ не́мъ, ꙗ҆́коже въ зерца́лѣ, зри́ши всѧ̑ на́шѧ нꙋ̑жды и҆ прошє́нїѧ: ты̀ водворѧ́ешисѧ вкꙋ́пѣ со а҆́гг҃лы, ѡ҆ є҆ди́номъ грѣ́шницѣ ка́ющемсѧ ра́дꙋющимисѧ. И҆ чл҃вѣколю́бїе бж҃їе є҆́сть неистощи́мо, и҆ твоѐ къ немꙋ̀ дерзнове́нїе мно́го: не преста́ни ᲂу҆̀бо ѡ҆ на́съ вопїѧ̀ ко гдⷭ҇ꙋ. И҆спросѝ предста́тельствомъ твои́мъ ᲂу҆ всемлⷭ҇тивагѡ бг҃а на́шегѡ ми́ръ цр҃кви є҆гѡ̀, под̾ зна́менїемъ крⷭ҇та̀ во́инствꙋющей: согла́сїе въ вѣ́рѣ и҆ є҆диномꙋ́дрїе, сꙋемꙋ́дрїѧ же и҆ раско́лѡвъ и҆стребле́нїе, ᲂу҆твержде́нїе во бл҃ги́хъ дѣ́лѣхъ: больны̑мъ и҆сцѣле́нїе, печа̑льнымъ ᲂу҆тѣше́нїе, ѡ҆би́жєннымъ застꙋпле́нїе, бѣ́дствꙋющымъ по́мощь. Не посрамѝ на́съ, къ тебѣ̀ съ вѣ́рою притека́ющихъ. А҆́ще бо и҆ недосто́йни є҆смы̀ толи́кагѡ ѻ҆тца̀ и҆ хода́таѧ: но ты̀, бы́въ подража́тель чл҃вѣколю́бїѧ бж҃їѧ, сотворѝ на́съ достѡ́йны чрез̾ ѡ҆браще́нїе ѿ ѕлы́хъ дѣ́лъ ко бл҃го́мꙋ житїю̀. Всѧ̀ бг҃опросвѣще́ннаѧ рѡссі́а, твои́ми чꙋдесы̀ и҆спо́лненнаѧ и҆ ми́лостьми ѡ҆бл҃годѣ́тельствованнаѧ, и҆сповѣ́дꙋетъ тѧ̀ бы́ти своего̀ покрови́телѧ и҆ застꙋ́пника. Ꙗ҆вѝ дрє́внїѧ ми́лѡсти твоѧ̑, и҆ и҆́хже ѻ҆тцє́мъ спомоществова́лъ є҆сѝ, не ѿри́ни и҆ на́съ ча̑дъ и҆́хъ, стопа́ми и҆́хъ къ тебѣ̀ ше́ствꙋющихъ. Вѣ́рꙋемъ, ꙗ҆́кѡ дꙋ́хомъ на́мъ соприсꙋ́тствꙋеши. И҆дѣ́же бо є҆́сть гдⷭ҇ь, ꙗ҆́коже сло́во є҆гѡ̀ ᲂу҆чи́тъ на́съ, та́мѡ и҆ слꙋга̀ є҆гѡ̀ бꙋ́детъ. Ты̀ вѣ́рный є҆сѝ ра́бъ гдⷭ҇ень: и҆ бг҃ꙋ вездѣ̀ сꙋ́щꙋ, ты̀ въ не́мъ є҆сѝ, и҆ ѻ҆́нъ въ тебѣ̀ є҆́сть, па́че же и҆ тѣ́ломъ съ на́ми є҆сѝ. Сѐ нетлѣ̑нныѧ и҆ живонѡ́сныѧ твоѧ̑ мо́щи, ꙗ҆́кѡ сокро́вище безцѣ́нное, врꙋчѝ на́мъ чꙋде́съ бг҃ъ. Предстоѧ́ще и҆̀мъ, ꙗ҆́кѡ тебѣ̀ жи́вꙋ сꙋ́щꙋ, припа́даемъ и҆ мо́лимсѧ: прїимѝ молє́нїѧ на̑ша, и҆ вознесѝ ѧ҆̀ на же́ртвенникъ милосе́рдїѧ бж҃їѧ, да прїи́мемъ тобо́ю бл҃года́ть и҆ бл҃говре́меннꙋю въ нꙋ́ждахъ на́шихъ по́мощь. Оу҆крѣпѝ на́ше малодꙋ́шїе, и҆ ᲂу҆твердѝ на́съ въ вѣ́рѣ, да несомнѣ́ннѡ ᲂу҆пова́емъ полꙋчи́ти всѧ̑ бл҃га̑ѧ ѿ бл҃госе́рдїѧ влⷣки мл҃твами твои́ми. Па́ствꙋ же твою̀ дꙋхо́внꙋю, тобо́ю со́браннꙋю, не преста́ни ᲂу҆правлѧ́ти жезло́мъ дꙋхо́вныѧ мꙋ́дрости: подвиза́ющымсѧ помозѝ, разсла́блєнныѧ возста́ви, споспѣшѝ и҆́го хрⷭ҇то́во нестѝ во бл҃годꙋ́шїи и҆ терпѣ́нїи: и҆ всѣ́хъ на́съ ᲂу҆пра́ви въ ми́рѣ и҆ покаѧ́нїи сконча́ти жи́знь на́шꙋ и҆ пресели́тисѧ со ᲂу҆пова́нїемъ во бл҃жє́ннаѧ нѣ́дра а҆враа́мѡва, и҆дѣ́же ты̀ ра́достнѡ по трꙋдѣ́хъ и҆ по́двизѣхъ ны́нѣ почива́еши, прославлѧ́ѧ со всѣ́ми ст҃ы́ми бг҃а, въ трⷪ҇цѣ сла́вимаго, ѻ҆ц҃а̀ и҆ сн҃а и҆ ст҃а́го дх҃а, ны́нѣ и҆ при́снѡ и҆ во вѣ́ки вѣкѡ́въ. А҆ми́нь."
|
|
}
|
|
] |