334 lines
28 KiB
JSON
334 lines
28 KiB
JSON
[
|
|
{
|
|
"type": "HEADER",
|
|
"value": "Канѡ́нъ прест҃ѣ́й бцⷣѣ, пред̾ чꙋдотво́рнѣй і҆кѡ́ною є҆ѧ̀, и҆менꙋ́емыѧ ᲂу҆толѝ моѧ̑ печа̑ли."
|
|
},
|
|
{
|
|
"type": "HEADER",
|
|
"value": "Тропа́рь, гла́съ є҃:"
|
|
},
|
|
{
|
|
"type": "TEXT",
|
|
"value": "Оу҆ толѝ бѡлѣ́зни многовоздыха́ющїѧ дꙋшѝ моеѧ̀, ᲂу҆толи́вшаѧ всѧ́кꙋ слезꙋ̀ ѿ лица̀ землѝ: ты́ бо человѣ́кѡмъ бѡлѣ́зни ѿго́ниши, и҆ грѣ́шныхъ скѡ́рби разрꙋша́еши: тебе́ бо всѝ стѧжа́хомъ наде́ждꙋ и҆ ᲂу҆твержде́нїе, прест҃а́ѧ мт҃и дв҃о."
|
|
},
|
|
{
|
|
"type": "HEADER",
|
|
"value": "Канѡ́нъ прест҃ѣ́й бцⷣѣ, гла́съ в҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Во глꙋбинѣ̀ постла̀ и҆ногда̀ фараѡни́тское всево́инство преѡрꙋже́ннаѧ си́ла: вопло́щшеесѧ же сло́во всеѕло́бный грѣ́хъ потреби́ло є҆́сть, препросла́вленный гдⷭ҇ь: сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "Ꙗ҆́ же всѣ̑мъ ᲂу҆до́бь послꙋ̑шнаѧ въ ско́рби, и҆ въ печа́ли помога́ющаѧ, бцⷣе бл҃га́ѧ, бл҃года́ть пода́ждь пѣ́ти тѧ̀ дерза́ющымъ, влⷣчце, скорбѧ́щихъ ра́досте."
|
|
},
|
|
{
|
|
"type": "TEXT",
|
|
"value": "М ногобога́тнꙋю бл҃года́ть стѧжа́вши, влⷣчце, дерзнове́нною твое́ю мл҃твою пресла́внѡ и҆зми́ мѧ ѿ напа́стей, ᲂу҆бо́гаго раба̀ твоего̀, скорбѧ́щихъ ра́досте."
|
|
},
|
|
{
|
|
"type": "TEXT",
|
|
"value": "Сла́ва: Ѿ вра̑гъ ви́димыхъ и҆ неви́димыхъ и҆зба́ви, мо́лимсѧ, къ тебѣ̀ прибѣга́ющихъ, бцⷣе, и҆ разорѝ всѧ́къ совѣ́тъ борю́щихъ на́съ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Ѿимѝ поноше́нїе человѣ́ческое, и҆ клеветы̑ навѣ̑тникъ ѿ менѐ, бцⷣе, молю́ тѧ: да ᲂу҆се́рднѡ сла́влю гдⷭ҇а, є҆го́же пита́ла є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Оу҆твердѝ на́съ въ тебѣ̀, гдⷭ҇и, дре́вомъ ᲂу҆мерщвле́й грѣ́хъ, и҆ стра́хъ тво́й всадѝ въ сердца̀ на́съ пою́щихъ тѧ̀."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "В рагѡ́въ навѣ́ты разорѝ сꙋ́єтныѧ, всепѣ́таѧ бцⷣе, и҆ не ѡ҆скꙋдѣ́й мл҃твами твои́ми, снабдѧ́щи на́съ восхвалѧ́ющихъ тѧ̀."
|
|
},
|
|
{
|
|
"type": "TEXT",
|
|
"value": "П ри́зри, чⷭ҇таѧ, млⷭ҇тивнымъ твои́мъ ѻ҆́комъ, и҆ и҆зба́ви мѧ̀ всѧ́кагѡ навѣ́та ви́димыхъ и҆ неви́димыхъ врагѡ́въ, ѡ҆слѣпи́вши зѣ̑ницы ѻ҆че́съ и҆́хъ."
|
|
},
|
|
{
|
|
"type": "TEXT",
|
|
"value": "Сла́ва: Ѕло́е нападе́нїе врагѡ́въ, ꙗ҆́кѡ ѻ҆́гнь палѧ́щее, и҆́щꙋщихъ всегда̀ погꙋби́ти на́съ, дв҃о, росо́ю мл҃твъ твои́хъ ᲂу҆гасѝ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Неꙋгаси́маѧ лампа́до, зарѧ̀ присносїѧ́тельнаѧ, но́щїю мѧ̀ скорбе́й ѡ҆держи́ма просвѣтѝ мл҃твами твои́ми, ро́ждшаѧ сл҃нце сла́вы хрⷭ҇та̀."
|
|
},
|
|
{
|
|
"type": "TEXT",
|
|
"value": "Г дⷭ҇и, поми́лꙋй. [Три́жды.]"
|
|
},
|
|
{
|
|
"type": "HEADER",
|
|
"value": "Конда́къ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "П редста́тельство хрⷭ҇тїа́нъ непосты́дное, хода́тайство ко творцꙋ̀ непрело́жное, не пре́зри грѣ́шныхъ моле́нїй гла́сы, но предварѝ, ꙗ҆́кѡ бл҃га́ѧ, на по́мощь на́съ, вѣ́рнѡ зовꙋ́щихъ тѝ: ᲂу҆скорѝ на мл҃твꙋ и҆ потщи́сѧ на ᲂу҆моле́нїе, предста́тельствꙋющи при́снѡ, бцⷣе, чтꙋ́щихъ тѧ̀."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ в҃."
|
|
},
|
|
{
|
|
"type": "TEXT",
|
|
"value": "М оле́нїе те́плое и҆ стѣна̀ неѡбори́маѧ, млⷭ҇ти и҆сто́чниче, мі́рови прибѣ́жище, прилѣ́жнѡ вопїе́мъ тѝ: бцⷣе влⷣчце, предварѝ и҆ ѿ бѣ́дъ и҆зба́ви на́съ, є҆ди́на вско́рѣ предста́тельствꙋющаѧ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Оу҆слы́шахъ, гдⷭ҇и, гла́съ тво́й, є҆го́же ре́клъ є҆сѝ, гла́съ вопїю́щагѡ въ пꙋсты́ни, ꙗ҆́кѡ возгремѣ́лъ є҆сѝ над̾ вода́ми мно́гими, твоемꙋ̀ свидѣ́тельствꙋѧй сн҃ꙋ, ве́сь бы́въ соше́дшагѡ дх҃а, возопѝ: ты̀ є҆сѝ хрⷭ҇то́съ, бж҃їѧ мꙋ́дрость и҆ си́ла."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "М л҃твꙋ неꙋсы́пнꙋ, застꙋпле́нїе тве́рдо мо́лимъ: ᲂу҆млⷭ҇рдисѧ и҆ ви́ждь на́шꙋ нестерпи́мꙋю печа́ль, бѡлѣ́зни, скѡ́рби, стра̑сти: и҆ бл҃гопремѣ́ннѡ посѣтѝ, мт҃и бж҃їѧ, ра́дость ско́рꙋю подаю́щи."
|
|
},
|
|
{
|
|
"type": "TEXT",
|
|
"value": "Н е неприча́стни є҆смы̀, влⷣчце, твоегѡ̀ застꙋпле́нїѧ въ ско́рбехъ: тѣ́мже и҆ ны́нѣ на́мъ помозѝ вско́рѣ, лю́тѣ ѡ҆бꙋрева́ємымъ рꙋ́кꙋ простира́ющи, чⷭ҇таѧ. бꙋ́ди млⷭ҇тива болѣ́знємъ на́шымъ, мт҃и бж҃їѧ, ра́дость ско́рꙋю подаю́щи."
|
|
},
|
|
{
|
|
"type": "TEXT",
|
|
"value": "Сла́ва: Не ᲂу҆пова́ша, влⷣчце, на тѧ̀ беззако́ннꙋющїи, но ᲂу҆пова́ша на ѧ҆зы́къ человѣ́чь, при́снѡ зави́стнѡ и҆злїѧ́вшїйсѧ, непра́веднѡ пролїѧ́ти кро́вь и҆́скреннѧгѡ, рыка́юще: ты́ же, чⷭ҇таѧ, чє́люсти и҆́хъ сокрꙋшѝ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Смирѝ, влⷣчце, врагѡ́въ вознесе́ннꙋю вы́ю велерѣ́чꙋющихъ, совѣ́ты и҆ ѕлонра̑вїѧ, и҆ сердца̀ поꙋча́ющаѧсѧ ѕлы̑мъ, на мѧ̀ по всѧ̑ дни̑: крѣ́пость же и҆ побѣ́дꙋ пода́ждь призыва́ющымъ тѧ̀, мт҃и бж҃їѧ, ра́дость ско́рꙋю подаю́щи."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Оу҆́гль и҆са́їи проѧвле́йсѧ, сл҃нце и҆з̾ дв҃ственныѧ ᲂу҆тро́бы возсїѧ̀ во тьмѣ̀ заблꙋ́ждшымъ, бг҃оразꙋ́мїѧ просвѣще́нїе да́рꙋѧ."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "М л҃твеннице нело́жнаѧ, ᲂу҆пова́нїе хрⷭ҇тїа́нъ, ѡ҆бра́дованнаѧ, прїимѝ мольбы̑ ѿ на́съ, прилѣ́жнѡ призыва́ющихъ и҆ молѧ́щихсѧ тебѣ̀."
|
|
},
|
|
{
|
|
"type": "TEXT",
|
|
"value": "И҆ сто́чникъ тѧ̀ жи́зни сꙋ́щїй, чⷭ҇таѧ, безсме́ртїѧ и҆сточа́ющїй во́ды, земноро́днїи позна́вше ᲂу҆бл҃жа́емъ."
|
|
},
|
|
{
|
|
"type": "TEXT",
|
|
"value": "Сла́ва: Воѡрꙋжи́сѧ на ны̀ лꙋка́внѡ вра́гъ, ѧ҆зы́комъ ꙗ҆́коже мече́мъ погꙋби́ти хотѧ̀: но твое́ю, бг҃ороди́тельнице, крѣ́постїю предварѝ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Пꙋчи́нꙋ, чⷭ҇таѧ, застꙋпле́нїй кто̀ и҆зочте́тъ си́лы твоеѧ̀; тѣ́мже на́съ сꙋ́щихъ въ нꙋ́ждѣ ско́рѡ предварѝ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Въ бе́зднѣ грѣхо́внѣй валѧ́ѧсѧ, неизслѣ́днꙋю млⷭ҇рдїѧ твоегѡ̀ призыва́ю бе́зднꙋ: ѿ тлѝ бж҃е мѧ̀ возведѝ."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "Ц ѣломꙋ́дрїѧ сꙋ́щи хода́таица, призыва́ющымъ тѧ̀ ны́нѣ ꙗ҆ви́сѧ, и҆ ѿ всѧ́кихъ и҆зба́ви напа́стей и҆ бѣ́дъ, бг҃оневѣ́сто."
|
|
},
|
|
{
|
|
"type": "TEXT",
|
|
"value": "Ѕ лодѣ̑йства вра̑жїѧ разорѝ, и҆ клеветы̀ непра́вєдныѧ ᲂу҆ста́ви, бл҃гослове́ннаѧ пречⷭ҇таѧ, и҆збавлѧ́ющи непови̑нныѧ ѿ ско́рби."
|
|
},
|
|
{
|
|
"type": "TEXT",
|
|
"value": "Сла́ва: Лю́тыми грѣхѝ ѡ҆крꙋже́ни, и҆ напа́стными бѣда́ми потоплѧ́еми, под̾ бж҃е́ственный покро́въ тво́й прибѣга́емъ, мт҃и хрⷭ҇та̀ бг҃а."
|
|
},
|
|
{
|
|
"type": "TEXT",
|
|
"value": "И҆ ны́нѣ: Неискꙋсомꙋ́жнѡ ро́ждши гдⷭ҇а, ꙗ҆ви́сѧ по бжⷭ҇твѣ̀ па́ки дв҃ствꙋющи. ѽ пресла́внагѡ чꙋдесѐ, въ тебѣ̀ содѣ́ланнагѡ, бг҃оневѣ́сто!"
|
|
},
|
|
{
|
|
"type": "TEXT",
|
|
"value": "Г дⷭ҇и, поми́лꙋй. [Три́жды.] Сла́ва, и҆ ны́нѣ:"
|
|
},
|
|
{
|
|
"type": "HEADER",
|
|
"value": "Конда́къ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Н е ввѣ́ри мѧ̀ человѣ́ческомꙋ предста́тельствꙋ, прест҃а́ѧ влⷣчце, но прїимѝ моле́нїе раба̀ твоегѡ̀: ско́рбь бо ѡ҆бдержи́тъ мѧ̀, терпѣ́ти не могꙋ̀ де́мѡнскагѡ стрѣлѧ́нїѧ, покро́ва не и҆́мамъ, нижѐ гдѣ̀ прибѣ́гнꙋ ѻ҆каѧ́нный всегда̀ побѣжда́емь, и҆ ᲂу҆тѣше́нїѧ не и҆́мамъ, ра́звѣ тебѐ, влⷣчце мі́ра, ᲂу҆пова́нїе и҆ предста́тельство вѣ́рныхъ: не пре́зри моле́нїе моѐ, поле́зно сотворѝ."
|
|
},
|
|
{
|
|
"type": "TEXT",
|
|
"value": "І҆́косъ: Прострѝ дла̑ни своѝ, и҆́миже всѣ́хъ влⷣкꙋ ꙗ҆́кѡ млⷣнца прїѧ́ла є҆сѝ, не ѡ҆ста́ви на́съ всегда̀ надѣ́ющихсѧ на тѧ̀. бо́дренною твое́ю мл҃твою, и҆ неисче́тною бл҃гостїю ᲂу҆ще́дри на́съ, и҆ пода́ждь дꙋша́мъ на́шымъ млⷭ҇рдїе своѐ въ вѣ́ки и҆сточа́ющи: тебе́ бо и҆́мамы грѣ́шнїи застꙋ́пницꙋ, ѿ находѧ́щихъ на ны̀ бѣ́дъ и҆ ѕѡ́лъ: но ꙗ҆́кѡ и҆мꙋ́щаѧ млⷭ҇рдїѧ щедрѡ́ты, ᲂу҆скорѝ на мл҃твꙋ и҆ потщи́сѧ на ᲂу҆моле́нїе, застꙋпа́ющи при́снѡ, бцⷣе, чтꙋ́щихъ тѧ̀."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Да пресла́вное ржⷭ҇тво̀ твоѐ хрⷭ҇тѐ, є҆́же ѿ дв҃ы, проѡбрази́ши ꙗ҆́вѣ, неѡпали́мы въ пещѝ ѻ҆́троки сохрани́лъ є҆сѝ, пѣ́сньми пою́щыѧ тебѣ̀: ѻ҆тцє́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "Ѽ бл҃гоꙋтро́бїѧ твоегѡ̀, дв҃о чⷭ҇таѧ! рѣши́ши бо безмѣ̑рныѧ печа̑ли и҆ напа̑сти, призыва́ющымъ въ нꙋ́ждѣ и҆ ѡ҆бстоѧ́нїи. тѣ́мже и҆ ны́нѣ помозѝ, бл҃гослове́ннаѧ, тѧ̀ восхвалѧ́ющымъ."
|
|
},
|
|
{
|
|
"type": "TEXT",
|
|
"value": "П окажѝ ско́рое твоѐ застꙋпле́нїе, покажѝ, ꙗ҆́кѡ мо́жеши ꙗ҆́кѡ мт҃и бг҃а: призыва́емъ тѧ̀ ѿ се́рдца, со слеза́ми припа́дающе: ско́рбь ᲂу҆кротѝ и҆ болѣ́знь рабѡ́въ твои́хъ вско́рѣ."
|
|
},
|
|
{
|
|
"type": "TEXT",
|
|
"value": "Сла́ва: Оу҆ста̀ человѣ́кѡвъ, ꙗ҆́кѡ львѡ́въ лю́тыхъ, гро́ба тѧжча́йше ѿверзо́шасѧ го́рькѡ поглоти́ти мѧ̀: но ты̀, бцⷣе, ꙗ҆ви́сѧ наде́жда ненадѣ́ющымсѧ, и҆ низложѝ крѣ́пость и҆́хъ бл҃гослове́ннаѧ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Да ᲂу҆́зрѧтъ вразѝ и҆ постыдѧ́тсѧ: да разꙋмѣ́ютъ и҆ ви́дѧтъ твою̀, є҆́же по на́мъ сопроти́въ борю́щꙋю си́лꙋ, и҆ въ про́пасть преиспо́днюю низложѝ и҆́хъ, бл҃гослове́ннаѧ, наде́ждо ненадѣ́ющихсѧ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Пе́щь и҆ногда̀ ѻ҆́гненнаѧ въ вавѷлѡ́нѣ дѣ̑йства раздѣлѧ́ше, бж҃їимъ велѣ́нїемъ халдє́и ѡ҆палѧ́ющаѧ, вѣ̑рныѧ же ѡ҆роша́ющаѧ, пою́щыѧ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "П рибѣ́жище на́ше и҆ мі́рꙋ ра́дованїе, бг҃ороди́тельнице, ᲂу҆милосе́рдитисѧ потщи́сѧ, и҆ спѣ́шнѡ бл҃года́ть твою̀ пода́ждь на́мъ ѡ҆скорблє́ннымъ, и҆ застꙋпѝ, бл҃га́ѧ, твоѧ̑ рабы̑."
|
|
},
|
|
{
|
|
"type": "TEXT",
|
|
"value": "С овѣ́тъ сꙋ́етенъ совѣща́ша лю́тѣ на ны̀ безбо́жныхъ сѡ́нмища, ꙗ҆́коже пре́жде а҆хїтофе́лъ. но вопїе́мъ: твои́ми мл҃твами се́й разорѝ, низло́жши си́хъ крѣ́пость, бцⷣе."
|
|
},
|
|
{
|
|
"type": "TEXT",
|
|
"value": "Сла́ва: Призыва́ющихъ тѧ̀, бцⷣе, ѿ дꙋшѝ нело́жнѡ, во всѧ́кой ско́рби и҆ въ болѣ́знехъ разли́чныхъ, и҆ бѣда́хъ лю́тыхъ, спѣ́шнѡ ᲂу҆слы́ши, влⷣчце, си́хъ и҆збавлѧ́ющи при́снѡ мл҃твами твои́ми."
|
|
},
|
|
{
|
|
"type": "TEXT",
|
|
"value": "И҆ ны́нѣ: Да и҆́мѧ твоѐ, бцⷣе, на землѝ славосло́витсѧ, и҆́же и҆з̾ тебѐ возсїѧ́въ, грѣ́шникѡмъ держа́внꙋю наде́ждꙋ и҆ стѣ́нꙋ тѧ̀ дарова̀: тобо́ю бо всѧ́кое дыха́нїе къ бг҃ꙋ притека́етъ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Недоꙋмѣ́етъ всѧ́къ ѧ҆зы́къ бл҃гохвали́ти по достоѧ́нїю, и҆з̾ꙋмѣва́етъ же ᲂу҆́мъ и҆ премі́рный пѣ́ти тѧ̀ бцⷣе: ѻ҆ба́че бл҃га́ѧ сꙋ́щи, вѣ́рꙋ прїимѝ, и҆́бо любо́вь вѣ́си бж҃е́ственнꙋю на́шꙋ, ты́ бо хрⷭ҇тїа́нъ є҆сѝ предста́тельница, тѧ̀ велича́емъ."
|
|
},
|
|
{
|
|
"type": "TEXT",
|
|
"value": "Припѣ́въ: Прест҃а́ѧ бцⷣе, сп҃сѝ на́съ."
|
|
},
|
|
{
|
|
"type": "TEXT",
|
|
"value": "Д а загради́тсѧ всѧ́къ ѧ҆зы́къ, лꙋка̑вымъ поꙋча́ѧйсѧ: да молча́тъ ᲂу҆стна̀ льсти̑ваѧ, и҆ ᲂу҆ста̀ непра́веднѡ глагѡ́лющаѧ на првⷣнаго беззако́нїе, горды́нею и҆ за́вистїю вражде́бною вкꙋ́пѣ, бцⷣы мл҃твою и҆ ст҃ы́хъ хрⷭ҇то́выхъ."
|
|
},
|
|
{
|
|
"type": "TEXT",
|
|
"value": "В ъ мл҃твахъ бо́дрꙋю, чⷭ҇тꙋю бцⷣꙋ призыва́емъ всѝ, болѣ́знїю и҆ ско́рбїю ѡ҆держи́ми, взыва́юще: влⷣчце чⷭ҇таѧ, ско́рѡ и҆зба́ви ѿ ѡ҆держа́щихъ болѣ́зней рабы̑ твоѧ̑ при́снѡ, ꙗ҆́кѡ по бз҃ѣ застꙋ́пницы и҆ны́ѧ не и҆́мамы."
|
|
},
|
|
{
|
|
"type": "TEXT",
|
|
"value": "Сла́ва: Ѿча́ѧвшихсѧ ве́лїе прибѣ́жище, ѡ҆бꙋрева́емыхъ ти́хое приста́нище ты̀ є҆сѝ бцⷣе. тѣ́мже и҆ мы̀ притека́емъ, взыва́юще: да не постыди́мсѧ, мт҃и и҆́стиннагѡ живота̀, но да бл҃годарѧ́ще ᲂу҆се́рднѡ тѧ̀ велича́емъ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Прїимѝ, ѻ҆трокови́це пречⷭ҇таѧ, бж҃е́ственнꙋю пѣ́снь, воздава́ющи бл҃года́ть на тѧ̀ надѣ́ющымсѧ: и҆ мі́ръ и҆спросѝ цр҃квамъ при́снѡ посла́ти, и҆ ѻ҆те́чествꙋ на́шемꙋ ѡ҆долѣ̑нїѧ и҆ побѣ̑ды, да хрⷭ҇тїа́нскїй всѧ́къ ѧ҆зы́къ тѧ̀ велича́етъ."
|
|
},
|
|
{
|
|
"type": "HEADER",
|
|
"value": "Свѣти́ленъ:"
|
|
},
|
|
{
|
|
"type": "TEXT",
|
|
"value": "Т е́плое застꙋпле́нїе въ бѣда́хъ, въ печа́лехъ ᲂу҆тѣше́нїе, и҆ къ бг҃ꙋ примире́нїе, є҆́юже тлѝ и҆зба́вихомсѧ, бг҃оро́дицꙋ вѣ́рнїи ᲂу҆бл҃жа́емъ."
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ: Тѧ̀ предста́тельницꙋ и҆́мамы грѣ́шнїи, ѽ прест҃а́ѧ дв҃о! ты̀ млⷭ҇тива къ на́мъ сотворѝ сн҃а твоего̀ и҆ бг҃а на́шего, мт҃рними твои́ми мл҃твами."
|
|
},
|
|
{
|
|
"type": "HEADER",
|
|
"value": "Мл҃тва ко прест҃ѣ́й бцⷣѣ:"
|
|
},
|
|
{
|
|
"type": "TEXT",
|
|
"value": "Н аде́ждо всѣ̑мъ концє́мъ землѝ, пречтⷭ҇аѧ дв҃о, гпⷭ҇жѐ бцⷣе, ᲂу҆тѣше́нїе на́ше! Не гнꙋша́йсѧ на́съ грѣ́шныхъ, на твою́ бо млⷭ҇ть ᲂу҆пова́емъ: ᲂу҆гасѝ горѧ́щїй въ на́съ пла́мень грѣхо́вный и҆ покаѧ́нїемъ ѡ҆росѝ и҆зсѡ́хшаѧ сердца̀ на̑ша: ѡ҆чи́сти ᲂу҆́мъ на́шъ ѿ грѣхо́вныхъ по́мыслѡвъ: прїимѝ мѡльбы̀, ѿ дꙋшѝ и҆ се́рдца со воздыха́нїемъ тебѣ̀ приноси̑мыѧ. Бꙋ́ди ѡ҆ на́съ хода́таица къ сн҃ꙋ твоемꙋ̀ и҆ бг҃ꙋ, и҆ ѿвратѝ гнѣ́въ є҆гѡ̀ мт҃рними твои́ми мл҃твами. Дꙋшє́вныѧ и҆ тѣлє́сныѧ ꙗ҆́звы и҆сцѣлѝ, гпⷭ҇жѐ влⷣчце: ᲂу҆толѝ болѣ̑зни дꙋ́шъ и҆ тѣле́съ: ᲂу҆тишѝ бꙋ́рю ѕлы́хъ нападе́нїй вра́жескихъ, ѿимѝ бре́мѧ грѣхѡ́въ на́шихъ, и҆ не ѡ҆ста́ви на́съ до конца̀ поги́бнꙋти, и҆ печа́лїю сокрꙋшє́ннаѧ сердца̀ на̑ша ᲂу҆тѣ́ши, да сла́вимъ тѧ̀ до послѣ́днѧгѡ и҆здыха́нїѧ на́шегѡ."
|
|
},
|
|
{
|
|
"type": "HEADER",
|
|
"value": "Мл҃тва ко прест҃ѣ́й бцⷣѣ ст҃а́гѡ є҆фре́ма сѵ́рїна:"
|
|
},
|
|
{
|
|
"type": "TEXT",
|
|
"value": "Д в҃о влⷣчце бцⷣе, па́че є҆стества̀ и҆ сло́ва ро́ждшаѧ є҆диноро́дное бж҃їе сло́во, творца̀ и҆ влⷣкꙋ всеѧ̀ ви́димыѧ и҆ неви́димыѧ тва́ри, є҆ди́наго ѿ трⷪ҇цы бг҃а, и҆ бг҃а и҆ чл҃вѣ́ка, ѡ҆би́тель бж҃ества̀ ꙗ҆́вльшаѧсѧ, вмѣсти́лище всѧ́кїѧ ст҃ы́ни и҆ бл҃года́ти, въ не́мже, по бл҃говоле́нїю бг҃а и҆ ѻ҆ц҃а̀, содѣ́йствꙋющꙋ ст҃о́мꙋ дх҃ꙋ, всели́сѧ и҆сполне́нїе бж҃ества̀ тѣле́снѣ, ца́рскимъ и҆ бг҃олѣ́пнымъ досто́инствомъ несравне́ннѡ превознесе́ннаѧ и҆ над̾ всѧ́кою тва́рїю преимꙋ́щаѧ, сла́во и҆ ᲂу҆тѣше́нїе, и҆ неизрече́нное весе́лїе а҆́гг҃лѡвъ, а҆пⷭ҇лѡвъ же и҆ прⷪ҇ро́кѡвъ ца́рственный вѣ́нче, мꙋ́ченикѡвъ преесте́ственное и҆ ди́вное мꙋ́жество, побо́рнице въ по́двизѣхъ и҆ пода́тельнице побѣ́ды, ᲂу҆готовлѧ́ющаѧ подви́жникѡмъ вѣнцы̀ и҆ воздаѧ̑нїѧ вѣ̑чнаѧ и҆ бг҃олѣ̑пнаѧ, всѧ́кїѧ че́сти превы́шшаѧ, че́сть и҆ сла́во прпⷣбныхъ, непогрѣши́тельнаѧ пꙋтеꙋказа́тельнице и҆ наста́внице безмо́лвїѧ, две́рь ѿкрове́нїй и҆ дх҃о́вныхъ та̑инъ, и҆сто́чниче свѣ́та, врата̀ вѣ̑чныѧ жи́зни, неистощи́маѧ рѣко̀ милосе́рдїѧ, неисчерпа́емое мо́ре всѣ́хъ бг҃олѣ́пныхъ дарова́нїй и҆ чꙋде́съ! Тебѐ про́симъ и҆ тебѐ мо́лимъ, сострада́тельнѣйшꙋю мт҃рь чл҃вѣколюби́вагѡ влⷣки: бꙋ́ди ми́лостива къ на́мъ смирє́ннымъ и҆ недостѡ́йнымъ рабѡ́мъ твои̑мъ, при́зри бл҃госе́рдїемъ на плѣне́нїе и҆ смире́нїе на́ше, ᲂу҆врачꙋ́й сокрꙋшє́нїѧ дꙋ́шъ и҆ тѣле́съ на́шихъ, разсѣ́й ви̑димыѧ и҆ неви̑димыѧ врагѝ, бꙋ́ди на́мъ недостѡ́йнымъ сто́лпъ крѣ́покъ пред̾ лице́мъ вра̑гъ на́шихъ, бра́нное ѡ҆рꙋ́жїе, си́льное ѡ҆полче́нїе, воево́да и҆ неѡбори́маѧ побо́рница: ꙗ҆вѝ ны́нѣ на на́съ дрє́внїѧ и҆ ди̑вныѧ млⷭ҇ти твоѧ̑, да ᲂу҆вѣ́дѧтъ беззако́ннїи вразѝ на́ши, ꙗ҆́кѡ сн҃ъ тво́й и҆ бг҃ъ є҆ди́нъ є҆́сть цр҃ь и҆ влⷣка, ꙗ҆́кѡ ты̀ є҆сѝ вои́стинꙋ бцⷣа, ро́ждшаѧ по пло́ти и҆́стиннаго бг҃а, ꙗ҆́кѡ всѧ̑ тебѣ̀ возмѡ́жна сꙋ́ть, и҆ є҆ли̑ка а҆́ще восхо́щеши, влⷣчце, вла́сть и҆́маши всѧ̑ сїѧ̑ соверши́ти на нб҃сѝ и҆ на землѝ, и҆ на всѧ́ко проше́нїе дарова́ти, є҆ли̑ка коемꙋ́ждо полє́зна сꙋ́ть: болѧ́щымъ здра́вїе, въ мо́ри же сꙋ́щымъ тишинꙋ̀ и҆ бл҃го́е пла́ванїе. Пꙋтеше́ствꙋющымъ ᲂу҆̀бо спꙋтеше́ствꙋй и҆ ѡ҆хранѧ́й ѧ҆̀, плѣнє́нныѧ сп҃са́й ѿ го́рькагѡ ра́бства, ᲂу҆тѣ́ши печа̑льныѧ, ѡ҆блегчѝ нищетꙋ̀ и҆ всѧ́кое и҆но́е тѣле́сное ѕлострада́нїе: всѣ́хъ свободѝ ѿ дꙋше́вныхъ недꙋ̑гъ и҆ страсте́й неви́димыми твои́ми предста́тельствы и҆ наставлє́нїи, ꙗ҆́кѡ да безпоро́чнѡ и҆ непреткнове́ннѡ пꙋ́ть сеѧ̀ вре́менныѧ жи́зни соверши́вше, наслѣ́димъ тобо́ю и҆ ѻ҆́наѧ вѣ̑чнаѧ бла̑га во црⷭ҇твїи нбⷭ҇нѣмъ. Вѣ̑рныѧ же царѝ на́шѧ, и҆̀же стра́шнымъ и҆́менемъ є҆диноро́днагѡ сн҃а твоегѡ̀ почте́ни сꙋ́ть, и҆ ᲂу҆пова́ютъ на твоѐ предста́тельство и҆ на млⷭ҇ть твою̀, и҆ во всѣ́хъ и҆́мꙋтъ тѧ̀ свою̀ хода́таицꙋ и҆ побо́рницꙋ, ᲂу҆крѣпѝ неви́димѡ проти́вꙋ ѡ҆бстоѧ́щихъ врагѡ́въ: разсѣ́й ѡ҆́блакъ ᲂу҆ны́нїѧ, дꙋ́шы и҆́хъ ѡ҆блежа́щь: и҆зба́ви ѧ҆̀ ѿ дꙋше́внагѡ ᲂу҆трꙋжде́нїѧ, вмѣ́стѡ же ѻ҆́нагѡ да́рꙋй и҆̀мъ свѣ́тлое бл҃годꙋ́шїе и҆ ра́дость, па́ки ᲂу҆твержда́ющи ми́ръ и҆ безмѧте́жїе держа́вы и҆ ца́рства и҆́хъ. Сп҃сѝ мл҃твами твои́ми, влⷣчце, сїю̀ тебѣ̀ наипа́че посвѧще́ннꙋю па́ствꙋ, всѧ́кїй гра́дъ и҆ странꙋ̀, ѿ гла́да, трꙋ́са, пото́па, ѻ҆гнѧ̀, меча̀. наше́ствїѧ и҆ноплеме́нникѡвъ, междоꙋсо́бныѧ бра́ни, и҆ всѧ́кїй пра́веднѡ на ны̀ дви́жимый гнѣ́въ ѿвратѝ, бл҃говоле́нїемъ и҆ бл҃года́тїю є҆диноро́днагѡ сн҃а и҆ бг҃а твоегѡ̀, є҆мꙋ́же подоба́етъ всѧ́каѧ сла́ва, че́сть и҆ поклоне́нїе, со безнача́льнымъ є҆гѡ̀ ѻ҆ц҃е́мъ, и҆ со присносꙋ́щнымъ и҆ животворѧ́щимъ є҆гѡ̀ дх҃омъ, ны́нѣ и҆ при́снѡ и҆ во вѣ́ки вѣкѡ́въ. А҆ми́нь."
|
|
}
|
|
] |