254 lines
29 KiB
JSON
254 lines
29 KiB
JSON
[
|
|
{
|
|
"type": "HEADER",
|
|
"value": "Тропарѝ и҆ кондакѝ пра́здникѡвъ, а҆́ѵгꙋстъ"
|
|
},
|
|
{
|
|
"type": "HEADER",
|
|
"value": "Въ а҃-й де́нь. Происхожде́нїе честны́хъ дре́въ, честна́гѡ и҆ животворѧ́щагѡ крⷭ҇та̀."
|
|
},
|
|
{
|
|
"type": "TEXT",
|
|
"value": "Тропа́рь, гла́съ а҃: Спасѝ, гдⷭ҇и, лю́ди твоѧ̑, / и҆ благословѝ достоѧ́нїе твоѐ, / побѣ̑ды на сопроти̑вныѧ да́рꙋѧ, / и҆ твоѐ сохранѧ́ѧ крⷭ҇то́мъ твои́мъ жи́тельство."
|
|
},
|
|
{
|
|
"type": "TEXT",
|
|
"value": "Конда́къ, гла́съ д҃. Подо́бенъ: Вознесы́йсѧ на крⷭ҇тъ во́лею, / тезоимени́томꙋ твоемꙋ̀ но́вомꙋ жи́тельствꙋ, / щедрѡ́ты твоѧ̑ да́рꙋй, хрⷭ҇тѐ бж҃е, / возвеселѝ на́съ си́лою твое́ю, / побѣ̑ды даѧ̀ на́мъ на сопоста́ты, / посо́бїе и҆мꙋ́щымъ твоѐ, ѻ҆рꙋ́жїе ми́ра, / непобѣди́мꙋю побѣ́дꙋ."
|
|
},
|
|
{
|
|
"type": "HEADER",
|
|
"value": "И҆ па́мѧть ст҃ы́хъ седмѝ мꙋ́чєникъ маккавє́й: И҆ ма́тере и҆́хъ соломѡні́и и҆ ᲂу҆чи́телѧ и҆́хъ є҆леаза́ра."
|
|
},
|
|
{
|
|
"type": "TEXT",
|
|
"value": "Тропа́рь, гла́съ а҃: Болѣ́зньми ст҃ы́хъ, и҆́миже ѡ҆ тебѣ̀ пострада́ша, / ᲂу҆моле́нъ бꙋ́ди, гдⷭ҇и, / и҆ всѧ̑ на́шѧ болѣ̑зни и҆сцѣлѝ, / чл҃вѣколю́бче, мо́лимсѧ."
|
|
},
|
|
{
|
|
"type": "TEXT",
|
|
"value": "Конда́къ ст҃ы́хъ, гла́съ в҃. Подо́бенъ: Вы́шнихъ и҆щѧ̀: Премꙋ́дрости бж҃їѧ столпѝ седмочи́сленнїи, / и҆ бжⷭ҇твеннагѡ свѣ́та свѣти̑льницы седмосвѣ́щнїи, / маккаве́и всемꙋ́дрїи, / пре́жде мꙋ́ченикѡвъ преве́лїи мꙋ́чєницы: / съ ни́миже всѣ́хъ бг҃ꙋ моли́тесѧ, / спасти́сѧ почита́ющымъ ва́съ."
|
|
},
|
|
{
|
|
"type": "HEADER",
|
|
"value": "Во в҃-й де́нь. Пренесе́нїе моще́й ст҃а́гѡ первомꙋ́ченика и҆ а҆рхїдїа́кона стефа́на."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Ца́рскимъ вѣнце́мъ вѣнча́сѧ / тво́й ве́рхъ ѿ страда́нїй, / ꙗ҆̀же претерпѣ́лъ є҆сѝ по хрⷭ҇тѣ̀ бз҃ѣ, / мч҃никѡвъ первострада́льче стефа́не: / ты́ бо і҆ꙋде́йское ѡ҆бличи́вый неи́стовство, / ви́дѣлъ є҆сѝ твоего̀ сп҃са ѡ҆деснꙋ́ю ѻ҆ц҃а̀: / того̀ ᲂу҆́бѡ молѝ ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ ѕ҃: Пе́рвый сѣ́ѧлсѧ є҆сѝ на землѝ нбⷭ҇нымъ дѣ́лателемъ, / всехва́льне стефа́не, / пе́рвый на землѝ за хрⷭ҇та̀ кро́въ и҆злїѧ́лъ є҆сѝ, бл҃же́нне: / пе́рвый ѿ негѡ̀ побѣ́ды вѣнце́мъ ᲂу҆вѧ́злсѧ є҆сѝ на нб҃сѣ́хъ, / страда́льцєвъ нача́ло, / вѣне́чниче мч҃никѡвъ первострада́льне."
|
|
},
|
|
{
|
|
"type": "HEADER",
|
|
"value": "Въ то́йже де́нь, преставле́нїе блаже́ннагѡ васі́лїа, хрⷭ҇та̀ ра́ди ю҆ро́дивагѡ, моско́вскагѡ чꙋдотво́рца."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Житїѐ твоѐ, васі́лїе, нело́жное, и҆ чистота̀ нескве́рна, / хрⷭ҇та̀ ра́ди тѣ́ло твоѐ и҆знꙋри́лъ є҆сѝ посто́мъ и҆ бдѣ́нїемъ, / и҆ мра́зомъ и҆ теплото́ю со́лнечною, / и҆ слото́ю и҆ дожде́внымъ ѻ҆́блакомъ, / и҆ просвѣти́сѧ лицѐ твоѐ ꙗ҆́кѡ со́лнце: / и҆ ны́нѣ прихо́дѧтъ къ тебѣ̀ рѡссі́йстїи наро́ди и҆ всѝ лю́дїе, / прославлѧ́юще ст҃о́е твоѐ ᲂу҆спе́нїе. / Тѣ́мъ хрⷭ҇та̀ бг҃а молѝ, / да и҆зба́витъ ны̀ ѿ ва́рварскагѡ плѣне́нїѧ, и҆ междоꙋсо́бныѧ бра́ни, / и҆ ми́ръ мі́рови пода́стъ, и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Конда́къ, гла́съ д҃: Дх҃омъ бж҃їимъ води́мь, пребл҃же́нне васі́лїе, / ѿтрѧ́слъ є҆сѝ мїрскі́й мѧте́жъ, / и҆ житїѧ̀ треволне́нїѧ возгнꙋша́лсѧ є҆сѝ, / и҆ совле́ксѧ ѡ҆дѣѧ́нїй тлѣ́нныхъ, и҆ ѡ҆бле́ксѧ въ ри́зꙋ безстра́стїѧ, / ᲂу҆бѣжа́лъ є҆сѝ ловле́нїѧ льсти́вагѡ мїроде́ржца, / и҆ бы́лъ є҆сѝ стра́ненъ во твое́мъ ꙗ҆зы́цѣ, / и҆ па́че земна́гѡ бога́тства и҆збра́въ бога́тство небе́сное, / ᲂу҆вѧ́злсѧ є҆сѝ вѣнце́мъ терпѣ́нїѧ. / И҆ ны́нѣ, пребл҃же́нне васі́лїе, молѝ хрⷭ҇та̀ бг҃а / ѡ҆ творѧ́щихъ свѧтꙋ́ю па́мѧть твою̀, да зове́мъ тѝ: / ра́дꙋйсѧ, пребл҃же́нне васі́лїе."
|
|
},
|
|
{
|
|
"type": "HEADER",
|
|
"value": "Въ г҃-й де́нь. Прпⷣбнагѡ а҆нтѡ́нїа ри́млѧнина, новгоро́дскагѡ чꙋдотво́рца."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Ве́тхїй ри́мъ ѻ҆те́чество твоѐ ѡ҆ста́вивъ, / на ка́мень ꙗ҆́кѡ на ле́гкїй кора́бль возше́лъ є҆сѝ, / и҆ на не́мъ па́че є҆стества̀ а҆́ки безпло́тенъ по вода́мъ ше́ствовалъ є҆сѝ, / промышле́нїемъ бжⷭ҇твеннагѡ ра́зꙋма направлѧ́емь, / вели́кагѡ нова́града дости́глъ є҆сѝ: / и҆ ѻ҆би́тель въ не́мъ сотвори́въ, / тѣ́ло твоѐ въ не́й предложи́лъ є҆сѝ, ꙗ҆́кѡ да́ръ ѡ҆свѧще́нъ. / Тѣ́мъ мо́лимъ тѧ̀, ѻ҆́ч҃е а҆нтѡ́нїе, / молѝ хрⷭ҇та̀ бг҃а, да спасе́тъ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃. Подо́бенъ: Взбра́нной: Ри́мское воспита́нїе, вели́комꙋ же новꙋ́градꙋ бл҃года́тное процвѣте́нїе, / мно́гими бо трꙋды̑ и҆ пѡ́двиги въ не́мъ бг҃ꙋ ᲂу҆годи́лъ є҆сѝ: / сегѡ̀ ра́ди чꙋде́съ дарова́нїй ѿ негѡ̀ сподо́билсѧ є҆сѝ, / и҆ тѣ́ло твоѐ мно́гими лѣ̑ты соблюдѐ нетлѣ́нно. / Мы́ же сїѐ лобыза́юще, ра́достнѡ ѿ дꙋшѝ вопїе́мъ тѝ: / ра́дꙋйсѧ, ѻ҆́ч҃е а҆нтѡ́нїе."
|
|
},
|
|
{
|
|
"type": "HEADER",
|
|
"value": "Въ є҃-й де́нь. Предпра́зднство преѡбраже́нїѧ гдⷭ҇а на́шегѡ і҆и҃са хрⷭ҇та̀."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Хрⷭ҇то́во преѡбраже́нїе пред̾ꙋсрѧ́щемъ, / свѣ́тлѡ торжествꙋ́юще предпра́зднствєннаѧ, вѣ́рнїи, и҆ возопїи́мъ: / приспѣ̀ де́нь бжⷭ҇твеннагѡ весе́лїѧ. / Восхо́дитъ на го́рꙋ ѳавѡ́рскꙋю влⷣка, / бжⷭ҇тва̀ своегѡ̀ ѡ҆блиста́ти красотꙋ̀."
|
|
},
|
|
{
|
|
"type": "TEXT",
|
|
"value": "Конда́къ, гла́съ д҃. Подо́бенъ: Ꙗ҆ви́лсѧ є҆сѝ: Бжⷭ҇твеннымъ дне́сь преѡбраже́нїемъ, / человѣ́ческое всѐ є҆стество̀ / просїѧва́етъ бжⷭ҇твеннѡ, / въ весе́лїи зовꙋ́ще: / преѡбразꙋ́етсѧ хрⷭ҇то́съ, спаса́ѧй всѧ̑."
|
|
},
|
|
{
|
|
"type": "HEADER",
|
|
"value": "Въ ѕ҃-й де́нь. Ст҃о́е преѡбраже́нїе гдⷭ҇а бг҃а и҆ сп҃са на́шегѡ і҆и҃са хрⷭ҇та̀."
|
|
},
|
|
{
|
|
"type": "TEXT",
|
|
"value": "Тропа́рь, гла́съ з҃: Преѡбрази́лсѧ є҆сѝ на горѣ̀, хрⷭ҇тѐ бж҃е, / показа́вый ᲂу҆ч҃никѡ́мъ твои̑мъ сла́вꙋ твою̀, / ꙗ҆́коже можа́хꙋ: / да возсїѧ́етъ и҆ на́мъ грѣ̑шнымъ / свѣ́тъ тво́й присносꙋ́щный, / моли́твами бцⷣы, / свѣтода́вче, сла́ва тебѣ̀."
|
|
},
|
|
{
|
|
"type": "TEXT",
|
|
"value": "Конда́къ, гла́съ з҃. Самогла́сенъ: На горѣ̀ преѡбрази́лсѧ є҆сѝ, / и҆ ꙗ҆́коже вмѣща́хꙋ ᲂу҆ч҃ницы̀ твоѝ, / сла́вꙋ твою̀, хрⷭ҇тѐ бж҃е, ви́дѣша: / да є҆гда́ тѧ ᲂу҆́зрѧтъ распина́ема, / страда́нїе ᲂу҆́бѡ ᲂу҆разꙋмѣ́ютъ во́льное, / мі́рови же проповѣ́дѧтъ: / ꙗ҆́кѡ ты̀ є҆сѝ вои́стиннꙋ ѻ҆́ч҃ее сїѧ́нїе."
|
|
},
|
|
{
|
|
"type": "HEADER",
|
|
"value": "Въ з҃-й де́нь. Ѡ҆брѣ́тенїе честны́хъ моще́й, ст҃и́телѧ митрофа́на, є҆пі́скопа воро́нежскагѡ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Пра́вило вѣ́ры и҆ ѻ҆́бразъ кро́тости, / сло́вомъ и҆ житїе́мъ, па́ствѣ твое́й, ѻ҆́тче смиренномꙋ́дре митрофа́не, бы́лъ є҆сѝ: / тѣ́мже и҆ во свѣ́тлостехъ ст҃ы́хъ / со́лнца свѣтлѣ́йше возсїѧ́лъ є҆сѝ, / вѣнце́мъ нетлѣ́нїѧ и҆ сла́вы ᲂу҆краша́емь, / молѝ хрⷭ҇та̀ бг҃а, / странѣ̀ на́шей и҆ гра́дꙋ твоемꙋ̀ въ ми́рѣ сп҃сти́сѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃: Воздержа́нїемъ тѣ́ло дꙋ́хꙋ порабо́тивъ, / дꙋ́шꙋ же равноа́гг҃льнꙋ сотвори́въ, / ст҃и́тельскою ѡ҆дѣ́ѧлсѧ є҆сѝ ѡ҆де́ждою, ꙗ҆́кѡ вѣне́цъ сщ҃е́нства: / и҆ ны́нѣ всѣ́хъ влⷣцѣ предстоѧ̀, / молѝ, пребл҃же́нне митрофа́не, ᲂу҆мири́ти и҆ сп҃стѝ дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Въ ѳ҃-й де́нь. Ст҃а́гѡ а҆пⷭ҇ла матѳі́а."
|
|
},
|
|
{
|
|
"type": "TEXT",
|
|
"value": "Тропа́рь, гла́съ г҃: А҆пⷭ҇ле ст҃ы́й матѳі́е, / молѝ ми́лостиваго бг҃а, / да прегрѣше́нїй ѡ҆ставле́нїе / пода́стъ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ д҃. Подо́бенъ: Ꙗ҆ви́лсѧ є҆сѝ дне́сь: Свѣтоза́рное, ꙗ҆́кѡ со́лнце / во ве́сь мі́ръ и҆зше́дшее, / вѣща́нїе твоѐ / просвѣща́етъ ꙗ҆зы́ческꙋю цр҃ковь бл҃года́тїю, / чꙋдоно́сче матѳі́е а҆пⷭ҇ле."
|
|
},
|
|
{
|
|
"type": "HEADER",
|
|
"value": "Въ г҃і-й де́нь. Ст҃и́телѧ тѵ́хѡна, є҆пі́скопа воро́нежскагѡ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Ѿ ю҆́ности возлюби́лъ є҆сѝ хрⷭ҇та̀, бл҃же́нне, / ѡ҆́бразъ всѣ̑мъ бы́лъ є҆сѝ сло́вомъ, житїе́мъ, любо́вїю, / дꙋ́хомъ, вѣ́рою, чистото́ю и҆ смире́нїемъ: / тѣ́мже и҆ всели́лсѧ є҆сѝ въ нбⷭ҇ныѧ ѡ҆би́тєли / и҆дѣ́же предстоѧ̀ прⷭ҇то́лꙋ прест҃ы́ѧ трⷪ҇цы, / молѝ, ст҃и́телю тѵ́хѡне, / сп҃сти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "И҆́нъ тропа́рь, гла́съ д҃: Правосла́вїѧ наста́вниче, бл҃гоче́стїѧ ᲂу҆чи́телю, / покаѧ́нїѧ проповѣ́дниче, златоꙋ́стагѡ ревни́телю, / па́стырю предо́брый, / но́вый рѡссі́и свѣти́льниче и҆ чꙋдотво́рче, / па́ствꙋ твою̀ до́брѣ ᲂу҆па́слъ є҆сѝ, / и҆ писа́ньми твои́ми всѧ̑ ны̀ наста́вилъ є҆сѝ: / тѣ́мже вѣнце́мъ нетлѣ́нїѧ / ᲂу҆кра́шенъ ѿ пастыренача́льника, / молѝ є҆го̀ сп҃сти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃: А҆пⷭ҇лѡвъ прее́мниче, ст҃и́телей ᲂу҆краше́нїе, / правосла́вныѧ цр҃кве ᲂу҆чи́телю, / влⷣцѣ всѣ́хъ моли́сѧ, ми́ръ вселе́ннѣй дарова́ти / и҆ дꙋша́мъ на́шымъ ве́лїю млⷭ҇ть."
|
|
},
|
|
{
|
|
"type": "HEADER",
|
|
"value": "Въ д҃і-й де́нь. Предпра́зднство ᲂу҆спе́нїѧ прест҃ы́ѧ бцⷣы."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Лю́дїе, пред̾игра́йте, / рꙋка́ми пле́щꙋще вѣ́рнѡ, / и҆ любо́вїю собери́тесѧ, / дне́сь ра́дꙋющесѧ, / и҆ свѣ́тлѡ восклица́юще всѝ, весе́лїемъ: / бж҃їѧ бо мт҃и и҆́мать ѿ земны́хъ къ вы̑шнимъ прейтѝ сла́внѡ, / ю҆́же пѣ́сньми при́снѡ ꙗ҆́кѡ бцⷣꙋ сла́вимъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ д҃. Подо́бенъ: Ꙗ҆ви́лсѧ є҆сѝ дне́сь: Въ сла́внѣй па́мѧти твое́й / вселе́ннаѧ невеще́ственнымъ дх҃омъ и҆спещре́на, / ᲂу҆́мнѡ съ весе́лїемъ зове́тъ тебѣ̀: / ра́дꙋйсѧ, дв҃о, / хрⷭ҇тїа́нъ похвало̀."
|
|
},
|
|
{
|
|
"type": "HEADER",
|
|
"value": "Въ то́йже де́нь, пренесе́нїе честны́хъ моще́й прпⷣбнагѡ ѳеодо́сїа кїевопече́рскагѡ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Правосла́вїѧ наста́вниче, / бл҃гоче́стїѧ ᲂу҆чи́телю и҆ чистоты̀, / вселе́нныѧ свѣти́льниче, / а҆рхїере́євъ бг҃одꙋхнове́нное ᲂу҆добре́нїе, / ѳеодо́сїе премꙋ́дре, / ᲂу҆че́ньми твои́ми всѧ̑ просвѣти́лъ є҆сѝ, цѣвни́це дх҃о́внаѧ, / молѝ хрⷭ҇та̀ бг҃а спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃. Подо́бенъ: Взбра́нной: Наслѣ́дникъ ѻ҆тцє́въ бы́лъ є҆сѝ, прпⷣбне, / тѣ́хъ послѣ́дꙋѧ житїю̀ и҆ ᲂу҆че́нїю, / ѻ҆бы́чаю и҆ воздержа́нїю, / моли́твѣ же и҆ предстоѧ́нїю: / съ ни́миже, и҆мѣ́ѧ дерзнове́нїе ко гдⷭ҇ꙋ, / проще́нїе согрѣше́нїй и҆ спасе́нїе и҆спросѝ вопїю́щымъ тѝ: / ра́дꙋйсѧ, ѻ҆́ч҃е ѳеодо́сїе."
|
|
},
|
|
{
|
|
"type": "HEADER",
|
|
"value": "Въ є҃і-й де́нь. Оу҆спе́нїе прест҃ы́ѧ влⷣчцы на́шеѧ бцⷣы и҆ приснодв҃ы марі́и."
|
|
},
|
|
{
|
|
"type": "TEXT",
|
|
"value": "Тропа́рь, гла́съ а҃: Въ ржⷭ҇твѣ̀ дѣ́вство сохрани́ла є҆сѝ, / во ᲂу҆спе́нїи мі́ра не ѡ҆ста́вила є҆сѝ, бцⷣе, / преста́виласѧ є҆сѝ къ животꙋ̀, мт҃и сꙋ́щи живота̀: / и҆ моли́твами твои́ми и҆збавлѧ́еши ѿ сме́рти дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃: Въ моли́твахъ неꙋсыпа́ющꙋю бцⷣꙋ / и҆ въ предста́тельствахъ непрело́жное ᲂу҆пова́нїе, / гро́бъ и҆ ᲂу҆мерщвле́нїе не ᲂу҆держа́ста: / ꙗ҆́коже бо живота̀ мт҃рь, / къ животꙋ̀ преста́ви, / во ᲂу҆тро́бꙋ всели́выйсѧ приснодѣ́вственнꙋю."
|
|
},
|
|
{
|
|
"type": "HEADER",
|
|
"value": "Въ ѕ҃і-й де́нь. Ѿ є҆де́са пренесе́нїе въ кѡнстанті́нь гра́дъ нерꙋкотворе́ннагѡ ѻ҆́браза, гдⷭ҇а на́шегѡ і҆и҃са хрⷭ҇та̀."
|
|
},
|
|
{
|
|
"type": "TEXT",
|
|
"value": "Тропа́рь, гла́съ в҃: Пречⷭ҇томꙋ твоемꙋ̀ ѻ҆́бразꙋ покланѧ́емсѧ, бл҃гі́й, / просѧ́ще проще́нїѧ прегрѣше́нїй на́шихъ, хрⷭ҇тѐ бж҃е: / во́лею бо благоволи́лъ є҆сѝ пло́тїю взы́ти на крⷭ҇тъ, / да и҆зба́виши ꙗ҆̀же созда́лъ є҆сѝ, ѿ рабо́ты вра́жїѧ. / Тѣ́мже благода́рственнѡ вопїе́мъ тѝ: / ра́дости и҆спо́лнилъ є҆сѝ всѧ̑, сп҃се на́шъ, / прише́дый спастѝ мі́ръ."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃. Подо́бенъ: Въ моли́твахъ: Неизрече́ннагѡ и҆ бжⷭ҇твеннагѡ твоегѡ̀ къ человѣ́кѡмъ смотре́нїѧ / неѡпи́санное сло́во ѻ҆́ч҃ее, / и҆ ѻ҆́бразъ непи́санный, / и҆ бг҃опи́санный побѣди́теленъ, / вѣ́дꙋще нело́жнагѡ твоегѡ̀ воплоще́нїѧ, / почита́емъ того̀ лобыза́юще."
|
|
},
|
|
{
|
|
"type": "HEADER",
|
|
"value": "Въ к҃а-й де́нь. Прпⷣбнагѡ а҆враа́мїа смоле́нскагѡ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Дне́сь возсїѧ̀ на́мъ па́мѧть твоѧ̀, сла́вне, ꙗ҆́кѡ со́лнце, / свѣтоза́рнѡ лꙋча́ми ѡ҆зарѧ́ющаѧ мі́ръ, / и҆ тмꙋ̀ но́щи ѕлы́хъ дꙋхѡ́въ ѿ на́съ ѿгонѧ́ющаѧ. / Дне́сь нбⷭ҇ныѧ си̑лы ст҃ы́хъ а҆́гг҃лъ / и҆ дꙋ́шы пра́ведныхъ мы́сленнѡ торжествꙋ́ютъ, ра́дꙋющесѧ. / Дне́сь и҆ мы̀ грѣ́шнїи припа́дающе мо́лимсѧ: / ѻ҆́ч҃е прпⷣбне а҆вра́мїе, / хрⷭ҇та̀ бг҃а молѝ непреста́ннѡ, / спастѝ гра́дъ и҆ лю́ди, любе́знѡ тебѐ почита́ющыѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ г҃. Подо́бенъ: Дв҃а дне́сь: Возсїѧ̀, гдⷭ҇и, гра́дꙋ твоемꙋ̀, / па́мѧть твоегѡ̀ ᲂу҆го́дника, / ꙗ҆́кѡ свѣ́тлое со́лнце, / ра́достнѡ всѣ́хъ ꙗ҆́кѡ лꙋча́ми ѡ҆зарѧ́ющи, / па́че же моли̑твы пречⷭ҇тыѧ твоеѧ̀ мт҃ре, / ѿ всѣ́хъ бѣ́дъ и҆збавлѧ́ютъ на́съ, / и҆ ᲂу҆пражднѧ́ютъ ва̑рварскаѧ шата̑нїѧ. / Тѣ́мъ мы̀, лю́дїе твоѝ, и҆ гра́дъ на́шъ, вельмѝ хва́лимсѧ, / и҆ спаса́емсѧ моли́твами / твоегѡ̀ ᲂу҆го́дника а҆вра́мїа, прпⷣбнагѡ ѻ҆тца̀."
|
|
},
|
|
{
|
|
"type": "HEADER",
|
|
"value": "Въ к҃д-й де́нь. Пренесе́нїе честны́хъ моще́й ст҃и́телѧ петра̀, митрополі́та кі́евскагѡ и҆ всеѧ̀ рѡссі́и чꙋдотво́рца."
|
|
},
|
|
{
|
|
"type": "TEXT",
|
|
"value": "Тропа́рь гла́съ д҃: Наста̀ дне́сь всечестны́й пра́здникъ / пренесе́нїѧ честны́хъ моще́й твои́хъ, ст҃и́телю пе́тре, / веселѧ̀ и҆зрѧ́днѡ твоѐ ста́до, / и҆ вѣ́рное ѻ҆те́чество, и҆ лю́ди: / ѡ҆ ни́хже не ѡ҆скꙋдѣва́й молѧ́сѧ хрⷭ҇тꙋ̀ бг҃ꙋ, / є҆́же ѿ негѡ̀ дарова́ннѣй тѝ па́ствѣ сохрани́тисѧ ѿ вра̑гъ ненавѣ́тованнѣй, / и҆ спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃: Ꙗ҆́кѡ врача̀ преизрѧ́дна, и҆ и҆сто́чника чꙋдесє́мъ ѻ҆би́льна, / дне́сь соше́дшесѧ любо́вїю дꙋхѡ́внаѧ твоѧ̑ ча̑да, / въ пренесе́нїе честны́хъ моще́й твои́хъ, / а҆рхїере́ю пе́тре мо́лимъ тѧ̀: / молѝ хрⷭ҇та̀ бг҃а, дарова́ти честны́мъ твои́мъ пренесе́нїемъ, / вѣ́рномꙋ во́инствꙋ на́шемꙋ на врагѝ побѣди́тєльнаѧ: / да твои́ми къ бг҃ꙋ моли́твами находѧ́щихъ ѕѡ́лъ и҆зба́вльшесѧ, / ра́достною дꙋше́ю и҆ весе́лїемъ се́рдца, / благода̑рнаѧ тѝ воспое́мъ, глаго́люще: / ра́дꙋйсѧ, ѻ҆́ч҃е пе́тре, а҆рхїере́євъ и҆ всеѧ̀ рѡссі́йскїѧ землѝ ᲂу҆добре́нїе."
|
|
},
|
|
{
|
|
"type": "HEADER",
|
|
"value": "Въ к҃ѕ-й де́нь. Срѣ́тенїю і҆кѡ́ны, прест҃ы́ѧ бцⷣы, влади́мїрскїѧ."
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Дне́сь свѣ́тлѡ красꙋ́етсѧ сла́внѣйшїй гра́дъ москва̀, / ꙗ҆́кѡ зарю̀ со́лнечнꙋю воспрїе́мши, влⷣчце, / чꙋдотво́рнꙋю твою̀ і҆кѡ́нꙋ, / къ не́йже ны́нѣ мы̀ притека́юще, и҆ молѧ́щесѧ тебѣ̀, взыва́емъ си́це: / ѽ пречꙋ́днаѧ влⷣчце бцⷣе, / моли́сѧ и҆зъ тебє̀ воплоще́нномꙋ хрⷭ҇тꙋ̀ бг҃ꙋ на́шемꙋ, / да и҆зба́витъ гра́дъ се́й, и҆ всѧ̑ гра́ды и҆ страны̑ хрⷭ҇тїа̑нскїѧ / невреди́мы ѿ всѣ́хъ навѣ̑тъ вра́жїихъ, / и҆ спасе́тъ дꙋ́шы на́шѧ ꙗ҆́кѡ милосе́рдъ."
|
|
},
|
|
{
|
|
"type": "TEXT",
|
|
"value": "Конда́къ, гла́съ и҃. Подо́бенъ: Взбра́нной: Взбра́нной воево́дѣ побѣди́тєльнаѧ, / ꙗ҆́кѡ и҆зба́вльшесѧ ѿ ѕлы́хъ / прише́ствїемъ твоегѡ̀ честна́гѡ ѻ҆́браза, влⷣчце бцⷣе, / свѣ́тлѡ сотворѧ́емъ пра́зднество срѣ́тенїѧ твоегѡ̀, и҆ ѻ҆бы́чнѡ зове́мъ тѝ: / ра́дꙋйсѧ, невѣ́сто неневѣ́стнаѧ."
|
|
},
|
|
{
|
|
"type": "HEADER",
|
|
"value": "Въ к҃ѳ-й де́нь. Оу҆сѣкнове́нїе честны́ѧ главы̀ прⷪ҇ро́ка прⷣте́чи и҆ крⷭ҇ти́телѧ і҆ѡа́нна."
|
|
},
|
|
{
|
|
"type": "TEXT",
|
|
"value": "Тропа́рь, гла́съ в҃: Па́мѧть пра́веднагѡ съ похвала́ми, / тебѣ́ же довлѣ́етъ свидѣ́тельство гдⷭ҇не, прⷣте́че: / показа́лбосѧ є҆сѝ вои́стиннꙋ и҆ прⷪ҇ро́кѡвъ честнѣ́йшїй, / ꙗ҆́кѡ и҆ въ стрꙋѧ́хъ крⷭ҇ти́ти сподо́билсѧ є҆сѝ проповѣ́даннаго. / Тѣ́мже за и҆́стинꙋ пострада́въ ра́дꙋѧсѧ, / благовѣсти́лъ є҆сѝ и҆ сꙋ́щымъ во а҆́дѣ бг҃а, ꙗ҆́вльшагосѧ пло́тїю, / взе́млющаго грѣ́хъ мі́ра, / и҆ подаю́щаго на́мъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Конда́къ, гла́съ є҃: Прⷣте́чево сла́вное ᲂу҆сѣкнове́нїе, / смотре́нїе бы́сть нѣ́кое бжⷭ҇твенное: / да и҆ сꙋ́щымъ во а҆́дѣ сп҃сово проповѣ́сть прише́ствїе. / Да рыда́етъ ᲂу҆́бѡ и҆рѡді́а, / беззако́нное ᲂу҆бі́йство и҆спроси́вши: / не зако́нъ бо бж҃їй, ни живы́й вѣ́къ возлюбѝ, / но притво́рный привре́менный."
|
|
},
|
|
{
|
|
"type": "HEADER",
|
|
"value": "Въ л҃-й де́нь. Пренесе́нїе моще́й благовѣ́рнагѡ вели́кагѡ кнѧ́зѧ а҆леѯа́ндра не́вскагѡ"
|
|
},
|
|
{
|
|
"type": "TEXT",
|
|
"value": "Тропа́рь, гла́съ д҃: Позна́й свою̀ бра́тїю, рѡссі́йскїй і҆ѡ́сифе, / не въ є҆гѵ́птѣ, но на нб҃сѝ ца́рствꙋющїй, / благовѣ́рный кнѧ́же а҆леѯа́ндре, / и҆ прїимѝ молє́нїѧ и҆́хъ, / ᲂу҆множа́ѧ жи̑та лю́демъ плодоно́сїемъ землѝ твоеѧ̀, / гра́ды влады́чествїѧ твоегѡ̀ ѡ҆гражда́ѧ моле́нїемъ: / и҆ правосла̑внымъ хрⷭ҇тїа́нѡмъ на сопроти̑вныѧ спобо́рствꙋѧ."
|
|
},
|
|
{
|
|
"type": "TEXT",
|
|
"value": "Конда́къ, гла́съ д҃: Ꙗ҆́коже сро́дники твоѝ бори́съ и҆ глѣ́бъ / ꙗ҆ви́шасѧ тебѣ̀ съ нб҃сѐ въ по́мощь, / подвиза́ющемꙋсѧ на ве́лгера свѣ́йскаго и҆ во́євъ є҆гѡ̀: / та́кѡ и҆ ты̀ ны́нѣ, / блаже́нне а҆леѯа́ндре, / прїидѝ въ по́мощь твои̑мъ сро́дникѡмъ, / и҆ поборѝ борю́щыѧ ны̀."
|
|
},
|
|
{
|
|
"type": "HEADER",
|
|
"value": "Въ л҃а-й де́нь. Положе́нїе честна́гѡ по́ѧса прест҃ы́ѧ бцⷣы."
|
|
},
|
|
{
|
|
"type": "TEXT",
|
|
"value": "Тропа́рь, гла́съ и҃: Бцⷣе приснодв҃о, человѣ́кѡвъ покро́ве, / ри́зꙋ и҆ по́ѧсъ пречⷭ҇тагѡ твоегѡ̀ тѣлесѐ, / держа́вное гра́дꙋ твоемꙋ̀ ѡ҆бложе́нїе дарова́ла є҆сѝ, / безсѣ́меннымъ ржⷭ҇тво́мъ твои́мъ, нетлѣ́нна пребыва́ющи: / ѡ҆ тебѣ́ бо и҆ є҆стество̀ ѡ҆бновлѧ́етсѧ и҆ вре́мѧ. / Тѣ́мже мо́лимъ тѧ̀, ми́ръ гра́дꙋ твоемꙋ̀ дарова́ти, / и҆ дꙋша́мъ на́шымъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Конда́къ, гла́съ в҃. Подо́бенъ: Въ моли́твахъ: Бг҃опрїѧ́тное твоѐ чре́во, бцⷣе, / ѡ҆б̾е́мшїй по́ѧсъ тво́й чⷭ҇тны́й, / держа́ва гра́дꙋ твоемꙋ̀ неѡбори́ма, / и҆ сокро́вище є҆́сть, благи́хъ неѡскꙋ́дно, / є҆ди́на ро́ждшаѧ приснодв҃о."
|
|
},
|
|
{
|
|
"type": "TEXT",
|
|
"value": "И҆́нъ конда́къ, гла́съ д҃. Подо́бенъ: Ꙗ҆ви́лсѧ є҆сѝ дне́сь: Честна́гѡ по́ѧса твоегѡ̀ положе́нїе / пра́зднꙋетъ дне́сь, тво́й, препѣ́таѧ, хра́мъ, / и҆ прилѣ́жнѡ взыва́етъ тѝ: / ра́дꙋйсѧ, дв҃о, / хрⷭ҇тїа́нъ похвало̀."
|
|
}
|
|
] |