774 lines
69 KiB
JSON
774 lines
69 KiB
JSON
[
|
|
{
|
|
"type": "HEADER",
|
|
"value": "Феѵрꙋа́рїа ѳ҃і"
|
|
},
|
|
{
|
|
"type": "HEADER",
|
|
"value": "Слꙋ́жба прпⷣбномꙋ и҆ бг҃оно́сномꙋ ѻ҆ц҃ꙋ̀ на́шемꙋ ѳео́дѡрꙋ санаѯа́рскомꙋ."
|
|
},
|
|
{
|
|
"type": "HEADER",
|
|
"value": "Творе́нїе сщ҃еннои́нока а҆гапі́та."
|
|
},
|
|
{
|
|
"type": "HEADER",
|
|
"value": "Ве́черъ, на ма́лѣй вече́рни стїхи̑ры на д҃, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "И҆збра́нниче хрⷭ҇то́въ ѳео́дѡре, въ ча́съ тре́тїй жи́зни твоеѧ̀ съ дꙋхо́внѡ пра́зднагѡ то́ржища мі́ра сегѡ̀, рабо́тати гдⷭ҇ви въ вїногра́дникѣ є҆гѡ̀ призва́нный, и҆спросѝ на́мъ вы̑шнїѧ ми́лѡсти сопричи́слитисѧ рабо́тникѡмъ часа̀ є҆динонадесѧ́тагѡ."
|
|
},
|
|
{
|
|
"type": "TEXT",
|
|
"value": "Оу҆блажа́емъ долготерпѣ́нїе твоѐ, многострада́льне ѻ҆́ч҃е ѳео́дѡре, ꙗ҆́кѡ и҆спо́лнисѧ на тебѣ̀ хрⷭ҇то́во ѡ҆бѣтова́нїе: и҆́мене моегѡ̀ ра́ди бꙋ́дете ненави́дими, на мꙋче́нїе предава́еми бра́тїею, ѻ҆тца́ми и҆ ча́дами, но дерза́йте, ѻ҆ц҃е́мъ мои́мъ нбⷭ҇нымъ возлю́бленнїи, ꙗ҆́кѡ претерпѣ́вше до конца̀ спасе́ни бꙋ́дете."
|
|
},
|
|
{
|
|
"type": "TEXT",
|
|
"value": "Преподо́бне ѻ҆́ч҃е на́шъ и҆ ста́рче ѳео́дѡре, ни́вꙋ хрⷭ҇то́вꙋ здѣ̀ до́брѣ воздѣ́лывавый, моли́сѧ со ст҃ы́ми а҆по́стѡлы ко гдⷭ҇ꙋ, ꙗ҆́кѡ да и҆зведе́тъ дѣ́латели на жа́твꙋ свою̀. Ви́дите бо, ꙗ҆́кѡ бѧ́хꙋ наро́ди смѧте́ни и҆ ѿве́ржени, ꙗ҆́кѡ ста̑да ѻ҆́вчаѧ, не и҆мꙋ̑щаѧ па́стырей."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Ѽ блаже́нне ѻ҆́ч҃е ѳео́дѡре, лозы̀ и҆́стинныѧ розго̀ санаѯа́рскаѧ, во хрⷭ҇тѣ̀ многопло́днаѧ, ѻ҆ц҃е́мъ нбⷭ҇нымъ воздѣ́ланнаѧ и҆ ѡ҆требле́ннаѧ, дх҃омъ ст҃ы́мъ ѡ҆роша́емаѧ, ѻ҆би́тель твою̀ честнꙋ́ю плода́ми дꙋхо́вными богатѧ́щаѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Бцⷣе, и҆ ты̀ є҆сѝ лоза̀ и҆́стиннаѧ, пло́дъ живота̀ на́мъ возрасти́вшаѧ, тебѣ̀ мо́лимсѧ, моли́сѧ влⷣчице ко гдⷭ҇ꙋ, поми́ловатисѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "Мі́ра сегѡ̀ преле́стнагѡ, преходѧ́щагѡ и҆ тлѣ́нꙋ прича́стнагѡ, бѣ́галъ є҆сѝ, спаса́ѧ дꙋ́шꙋ свою̀, бг҃омꙋ́дре ѳео́дѡре."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Мнѡ́гаѧ ѕлострада̑нїѧ претерпѣ́въ порꙋга́нїе и҆ и҆згна́нїе, возврати́лсѧ є҆сѝ, ѳео́дѡре, во ѻ҆би́тель свою̀ санаѯа́рскꙋю, и҆дѣ́же є҆сѝ ᲂу҆поко́илсѧ."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ, боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Нача́ломъ премꙋ́дрости твоеѧ̀ положи́лъ є҆сѝ, блаже́нне ѳео́дѡре, па́мѧть сме́ртнꙋю, и҆з̾ неѧ́ же рожда́етсѧ благода́тный стра́хъ бж҃їй."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ: бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Пречⷭ҇таѧ дв҃о, ра́дꙋйсѧ, непреста́ннѡ бо сла́витсѧ въ санаѯа́рстѣй ѻ҆би́тели преподо́бнагѡ а҆́ввы ѳео́дѡра ржⷭ҇тво̀ твоѐ ѿ непло́дныѧ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Ѿ ю҆́ности твоеѧ̀ сыно́внѣ хрⷭ҇та̀ возлюби́лъ є҆сѝ, и҆ то́кмѡ гдⷭ҇еви слꙋжи́ти восхотѣ́въ, благꙋ́ю ча́сть и҆збра́лъ є҆сѝ, ꙗ҆́же не и҆схища́етсѧ сме́ртїю. Є҆ди́номꙋ на потре́бꙋ себѐ преда́въ и҆ жи́зни пода́телю, ѿ негѡ́ же сподо́билсѧ є҆сѝ дарѡ́въ боже́ственнагѡ ᲂу҆чи́тельства и҆ дꙋхо́внагѡ разсꙋжде́нїѧ, ѡ҆кормлѧ́ѧ всѣ́хъ прибѣга́ющихъ къ тебѣ̀ и҆ и҆́щꙋщихъ дꙋшѝ спасе́нїѧ, бг҃омꙋ́дре ста́рче санаѯа́рскїй ѳео́дѡре."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ:"
|
|
},
|
|
{
|
|
"type": "TEXT",
|
|
"value": "Є҆́же ѿ вѣ́ка ᲂу҆тае́ное:"
|
|
},
|
|
{
|
|
"type": "HEADER",
|
|
"value": "На вели́цѣй вече́рни: Блаже́нъ мꙋ́жъ: пе́рвый а҆нтїфѡ́нъ."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ: стїхи̑ры на и҃, гла́съ ѕ҃."
|
|
},
|
|
{
|
|
"type": "TEXT",
|
|
"value": "Подо́бенъ: Всѐ ѿло́жше:"
|
|
},
|
|
{
|
|
"type": "TEXT",
|
|
"value": "Преподо́бне ѻ҆́ч҃е ѳео́дѡре, мꙋ́жꙋ мꙋ́дрꙋ ᲂу҆подо́билсѧ ты̀ є҆сѝ, и҆́же слы́шитъ словеса̀ бж҃їѧ и҆ твори́тъ ѧ҆̀, и҆́же хра́минꙋ свою̀ на ка́мени созда̀. И҆ сни́де до́ждь, и҆ прїидо́ша рѣ́ки, и҆ вѣ́три возвѣ́ѧша и҆ нападо́ша на хра́минꙋ тꙋ̀, и҆ не паде́сѧ ѻ҆на̀, на є҆ѵⷢ҇льстѣмъ бо ка́мени бѣ̀ ѡ҆снована̀. Два́жды."
|
|
},
|
|
{
|
|
"type": "TEXT",
|
|
"value": "И҆збра́нниче бж҃їй ѳео́дѡре, речѐ хрⷭ҇то́съ подѡ́бнымъ тебѣ̀: а҆́ще кто̀ лю́битъ мѧ̀, сло́во моѐ соблюде́тъ: и҆ ѻ҆ц҃ъ мо́й возлю́битъ є҆го̀: и҆ прїи́демъ къ немꙋ̀, и҆ ѻ҆би́тель ᲂу҆ негѡ̀ сотвори́мъ. Два́жды."
|
|
},
|
|
{
|
|
"type": "TEXT",
|
|
"value": "Ржⷭ҇тво̀ твоѐ, дв҃о пречⷭ҇таѧ, и҆ і҆кѡ́ны влади́мїрскїѧ срѣ́тенїе, и҆ сла́вное прⷣте́чево ᲂу҆сѣкнове́нїе во ѻ҆би́тели санаѯа́рстѣй вы́нꙋ воспомина́ютсѧ. Се́ бо дх҃ꙋ ст҃о́мꙋ та́кѡ и҆зво́лисѧ и҆ возжада́сѧ ѳео́дѡрꙋ зижди́телю бг҃омꙋ́дромꙋ во сла́вꙋ и҆ па́мѧть ва́шꙋ трѝ хра́мы воздви́гнꙋти. Два́жды."
|
|
},
|
|
{
|
|
"type": "TEXT",
|
|
"value": "Санаѯа́рскїй ѻ҆́ч҃е ѳео́дѡре, ѻ҆би́тель твоѧ̀ ст҃а́ѧ тобо́ю хва́литсѧ, моща́ми твои́ми свѣ́тлѡ красꙋ́етсѧ, и҆́менемъ твои́мъ сла́витсѧ, сло́вомъ твои́мъ наставлѧ́етсѧ, писа́нїѧми твои́ми ѿ собла̑знъ ѡ҆гражда́етсѧ, моли́твами твои́ми и҆з̾ небытїѧ̀ возрожда́етсѧ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Дꙋхоно́сне ста́рче ѳео́дѡре, назида́вый ᲂу҆ченикѝ твоѧ̑ и҆з̾ є҆ѵⷢ҇лїѧ, словеса́ми гдⷭ҇а на́шегѡ, ре́кшагѡ: подоба́етъ ва́мъ свы́ше роди́тисѧ, ꙗ҆́кѡ а҆́ще кто̀ не роди́тсѧ ѿ дх҃а, не мо́жетъ ви́дѣти црⷭ҇твїе бж҃їе. Дх҃ъ же ды́шетъ, и҆дѣ́же хо́щетъ, не вѣ́си ка́кѡ прихо́дитъ, и҆ ка́мѡ и҆́детъ, се́ бо дх҃ъ ст҃ы́й дѣ́йствꙋетъ сокрове́ннѡ. Тѣ́мже моли́сѧ за ны̀, ѿ дх҃а рожде́нне, да и҆ мы̀ во црⷭ҇твїе бж҃їе вни́демъ."
|
|
},
|
|
{
|
|
"type": "HEADER",
|
|
"value": "И ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Цр҃ь нбⷭ҇ный:"
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. Чтє́нїѧ трѝ."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры:"
|
|
},
|
|
{
|
|
"type": "HEADER",
|
|
"value": "Гла́съ а҃:"
|
|
},
|
|
{
|
|
"type": "TEXT",
|
|
"value": "Что̀ тѧ̀ нарече́мъ, ста́рче ѳео́дѡре! Ѻ҆тца̀ преподо́бнаго, и҆сповѣ́дника и҆лѝ а҆́гг҃ла! Ѻ҆тца̀, занѐ ꙗ҆́кѡ возрасти́лъ є҆сѝ мно́жество преподо́бныхъ ᲂу҆чени̑къ. И҆сповѣ́дника, ꙗ҆́кѡ мꙋ́жественнѣ претерпѣ́лъ є҆сѝ гонє́нїѧ и҆ клеветы̑. А҆́гг҃ла же, ꙗ҆́кѡ храни́телѧ ѻ҆би́тели санаѯа́рскїѧ въ тебѣ̀ и҆́мамы. Тѣ́мже зове́мъ тѝ: спаса́й ны̀, блаже́нне, твои́ми моли́твами."
|
|
},
|
|
{
|
|
"type": "HEADER",
|
|
"value": "Гла́съ в҃:"
|
|
},
|
|
{
|
|
"type": "TEXT",
|
|
"value": "Преподо́бне ѻ҆́ч҃е ѳео́дѡре, ю҆́ный помо́рскїй ѿше́льниче, площа́нскїѧ ѻ҆би́тели пꙋсты́нниче, а҆леѯа́ндро-не́вскїѧ ла́ѵры постри́женниче, саро́вскїѧ пꙋ́стыни насе́льниче, санаѯа́рскїѧ ѻ҆би́тели возѡбнови́телю, дꙋхоно́сне ста́рче и҆ спасе́нїѧ ᲂу҆чи́телю, моли́сѧ за ны̀ ко гдⷭ҇ꙋ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Возбра́ннымъ воево́дою чернори́зцємъ полка̀ санаѯа́рскагѡ и҆ па́стырємъ богомꙋ̑дрымъ бѣ́лицамъ а҆леѯе́євскимъ ꙗ҆ви́лсѧ є҆сѝ, блаже́нне ста́рче ѳео́дѡре, смире́нїемъ хрⷭ҇топодража́тельнымъ, моли́твами непреста́нными, бдѣ́нїемъ, трезве́нїемъ и҆ поще́нїемъ ми́ренъ дꙋ́хъ стѧжава́ющымъ, благода́тїю дх҃а ст҃а́гѡ, на тебѣ̀ почива́ющей, ты̑сѧщи спаса́ющїй."
|
|
},
|
|
{
|
|
"type": "HEADER",
|
|
"value": "И ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Бцⷣе, вѣ̑рнымъ спасе́нїе и҆ всѣ̑мъ, къ предста́тельствꙋ твоемꙋ̀ моли́твеннѡ прибѣга́ющымъ, всѣ̑мъ, пречⷭ҇тою тѧ̀ и҆менꙋ́ющымъ, ржⷭ҇тво̀ твоѐ сла́вѧщымъ, спасе́нїѧ дꙋшѝ взыскꙋ́ющымъ, ꙗ҆́кѡ подъ покро́въ тво́й ст҃ы́й, въ хра́мы, и҆́мени твоемꙋ̀ посвѧщє́нныѧ, нелѣ́ностнѡ притека́ющымъ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃:"
|
|
},
|
|
{
|
|
"type": "TEXT",
|
|
"value": "Подо́бенъ: Є҆гда̀ ѿ дре́ва:"
|
|
},
|
|
{
|
|
"type": "TEXT",
|
|
"value": "Гдⷭ҇ь ᲂу҆твержде́нїе моѐ, и҆ прибѣ́жище моѐ, и҆ и҆зба́витель мо́й, бг҃ъ мо́й, помо́щникъ мо́й, и҆ ᲂу҆пова́ю на него̀, защи́титель мо́й, и҆ ро́гъ спасе́нїѧ моегѡ̀; та́кѡ со ѱалмопѣ́вцемъ ты̀ взыва́лъ є҆сѝ, мі́ра и҆ мїролю́бцєвъ бѣ́гаѧ, преподо́бне ѻ҆́ч҃е на́шъ ѳео́дѡре, и҆ та́кѡ спа́слсѧ є҆сѝ."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть преподо́бныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Возлежа̀ на сме́ртнѣмъ свое́мъ ѻ҆дрѣ̀, ѡ҆мака́лъ є҆сѝ є҆го̀ сле́зъ пото́ками, и҆ та́кѡ воздыха́лъ є҆сѝ гдⷭ҇еви, смиренномꙋ́дре ра́бе є҆гѡ̀ ѳео́дѡре: гдⷭ҇и, и҆зба́ви дꙋ́шꙋ мою̀: спаси́ мѧ ра́ди твоеѧ̀ ми́лости. Ꙗ҆́кѡ нѣ́сть въ сме́рти помина́ѧй тебѐ: во а҆́дѣ же кто̀ тебѣ̀ и҆сповѣ́стсѧ. И҆ призрѣ̀ гдⷭ҇ь на смире́нїе твоѐ, и҆ ᲂу҆чинѝ дꙋ́шꙋ твою̀ въ раѝ, и҆ ѡ҆сѣни́ тѧ сла́вою ве́лїею."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ, боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Предзрѧ́ше гдⷭ҇а предъ собо́ю вы́нꙋ, ꙗ҆́кѡ ѡ҆деснꙋ́ю тебє̀ є҆́сть, да не подви́жишисѧ. Сегѡ̀ ра́ди возвесели́сѧ се́рдце твоѐ и҆ возра́довасѧ ѧ҆зы́къ тво́й, блаже́нне ѳео́дѡре, є҆ще́ же и҆ пло́ть твоѧ̀ всели́сѧ на ᲂу҆пова́нїи: ꙗ҆́кѡ не ѡ҆ста́витъ гдⷭ҇ь дꙋшѝ твоеѧ̀ во а҆́дѣ, нижѐ да́стъ тѝ ви́дѣти и҆стлѣ́нїѧ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Мона́хѡвъ мно́жества наста́вника тѧ̀ почита́емъ, ѻ҆́ч҃е на́шъ ѳео́дѡре: твое́ю бо стезе́ю вои́стиннꙋ пра́вѡ ходи́ти позна́хомъ. Блаже́нъ є҆сѝ, хрⷭ҇тꙋ̀ рабо́тавъ, и҆ вра́жїю ѡ҆бличи́лъ є҆сѝ си́лꙋ, а҆́гг҃лѡвъ собесѣ́дниче, преподо́бныхъ соприча́стниче и҆ првⷣныхъ, съ ни́миже моли́сѧ гдⷭ҇еви поми́ловатисѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Безневѣ́стнаѧ дв҃о:"
|
|
},
|
|
{
|
|
"type": "HEADER",
|
|
"value": "Тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Ѿ ю҆́ности твоеѧ̀ сыно́внѣ хрⷭ҇та̀ возлюби́лъ є҆сѝ, и҆ то́кмѡ гдⷭ҇еви слꙋжи́ти восхотѣ́въ, благꙋ́ю ча́сть и҆збра́лъ є҆сѝ, ꙗ҆́же не и҆схища́етсѧ сме́ртїю. Є҆ди́номꙋ на потре́бꙋ себѐ преда́въ и҆ жи́зни пода́телю, ѿ негѡ́ же сподо́билсѧ є҆сѝ дарѡ́въ боже́ственнагѡ ᲂу҆чи́тельства и҆ дꙋхо́внагѡ разсꙋжде́нїѧ, ѡ҆кормлѧ́ѧ всѣ́хъ прибѣга́ющихъ къ тебѣ̀ и҆ и҆́щꙋщихъ дꙋшѝ спасе́нїѧ, бг҃омꙋ́дре ста́рче санаѯа́рскїй ѳео́дѡре."
|
|
},
|
|
{
|
|
"type": "HEADER",
|
|
"value": "И҆́нъ тропа́рь, гла́съ то́йже:"
|
|
},
|
|
{
|
|
"type": "TEXT",
|
|
"value": "Ре́вностїю крⷭ҇ти́телю ᲂу҆подоблѧ́ѧсѧ, ѿ ю҆́ности бг҃ови ᲂу҆годи́въ, ста́рецъ бл҃года́тный мно́жествꙋ ᲂу҆чєни́къ ꙗ҆ви́лсѧ є҆сѝ, съ ни́миже ликꙋ́еши на нб҃сѣ́хъ, ѳео́дѡре прпⷣбне ѻ҆́тче на́шъ, молѝ хрⷭ҇та̀ бг҃а сп҃сти́сѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "На ᲂу҆́трени, тропа́рь ст҃а́гѡ, два́жды. Сла́ва, и҆ ны́нѣ, бг҃оро́диченъ."
|
|
},
|
|
{
|
|
"type": "HEADER",
|
|
"value": "По а҃-мъ стїхосло́вїи сѣда́ленъ, гла́съ а҃:"
|
|
},
|
|
{
|
|
"type": "TEXT",
|
|
"value": "Ѡ҆браще́нъ бы́сть, бг҃омꙋ́дре ѳео́дѡре, ко хрⷭ҇тꙋ̀ жизнода́вцꙋ кресто́мъ надгро́бнымъ. Є҆гда́ бо ѻ҆чи́ма твои́ма тѣле́сныма внеза́пꙋ ᲂу҆ме́ршаго ви́дѣлъ є҆сѝ, ᲂу҆ши́ма мы́сленныма сло́во хрⷭ҇то́во слы́шалъ є҆сѝ: по мнѣ̀ грѧдѝ, и҆ ѡ҆ста́ви мє́ртвымъ погребстѝ своѧ̑ мертвецы̀. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Прест҃а́ѧ бцⷣе, спасѝ на́съ, во грѣсѣ́хъ погиба́ющихъ, въ напа́стехъ многоразли́чныхъ пребыва́ющихъ, скорбѧ́щихъ и҆ ᲂу҆ныва́ющихъ, въ ѿча́ѧнїе впада́ющихъ, а҆́лчꙋщихъ и҆ наготꙋ́ющихъ, въ болѣ́знехъ и҆знемога́ющихъ, ра́дости застꙋ́пничества твоегѡ̀ ча́ющихъ."
|
|
},
|
|
{
|
|
"type": "HEADER",
|
|
"value": "По в҃-мъ стїхосло́вїи сѣда́ленъ, гла́съ в҃:"
|
|
},
|
|
{
|
|
"type": "TEXT",
|
|
"value": "Возжада́въ ѻ҆те́чества го́рнѧгѡ, ѿве́рглсѧ є҆сѝ всѧ́кагѡ попече́нїѧ до́льнѧго, въ ᲂу҆ме́ты вмѣни́лъ є҆сѝ бога́тое своѐ и҆мѣ́нїе, ѿложи́лсѧ є҆сѝ сла́вы во́инскаго слꙋже́нїѧ, и҆ та́кѡ, преподо́бне ѳео́дѡре, слы́шалъ є҆сѝ съ нб҃сѐ: дерза́й, ча́до, ѿпꙋща́ютсѧ тѝ грѣсѝ твоѝ, воста́ни спѧ́й, и҆ ѿ ме́ртвыхъ воскреснѝ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Бцⷣе, хрїстїа́нѡмъ помо́щнице, всѣ̑мъ, и҆́щꙋщымъ спасе́нїѧ прибѣ́жище, по́двигомъ до́брымъ подвиза́ющымсѧ спобо́рнице, на де́мѡнскаѧ пѡ́лчища ѡ҆доле́нїе, цѣломꙋ́дреннѡ живꙋ́щымъ благослове́нїе, моли́сѧ за ны̀ ко ст҃ѣ́й трⷪ҇цѣ, да простѧ́тсѧ всѧ̑ на̑ша прегрѣшє́нїѧ."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Преподо́бне ѻ҆́ч҃е санаѯа́рскїй ѳео́дѡре, во всю̀ зе́млю рꙋ́сскꙋю бг҃омꙋ́дрыхъ слове́съ твои́хъ и҆зы́де вѣща́нїе, и҆́миже доны́нѣ лє́стчїѧ де́мѡнскїѧ полкѝ погꙋблѧ́еши, мздꙋ̀ трꙋдѡ́въ свои́хъ на нб҃сѣ́хъ ѡ҆брѣта́еши, и҆дѣ́же равноа́гг҃льскїѧ сла́вы мꙋже́й ст҃ы́хъ сподоблѧ́ешисѧ, и҆́хже и҆ житїю̀ преподо́бномꙋ поревнова́лъ є҆сѝ. Ны́нѣ же ве́лїе и҆мѣ́ѧ ко хрⷭ҇тꙋ̀ бг҃ꙋ дерзнове́нїе, дꙋша́мъ на́шымъ ми́ръ и҆спросѝ и҆ спасе́нїе."
|
|
},
|
|
{
|
|
"type": "HEADER",
|
|
"value": "Канѡ́нъ бцⷣы, со і҆рмосо́мъ на ѕ҃: и҆ ст҃а́гѡ на и҃."
|
|
},
|
|
{
|
|
"type": "HEADER",
|
|
"value": "Канѡ́нъ прпⷣбнагѡ ѳео́дѡра. Гла́съ в҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во глꙋбинѣ̀ постла̀ и҆ногда̀, фараѡни́тское всево́инство преѡрꙋже́ннаѧ си́ла, вопло́щшеесѧ же сло́во всеѕло́бный грѣ́хъ потреби́ло є҆́сть, препросла́вленный гдⷭ҇ь, сла́внѡ бо просла́висѧ."
|
|
},
|
|
{
|
|
"type": "TEXT",
|
|
"value": "Ра́зꙋмомъ бж҃е́ственнымъ ѡ҆заре́нъ, бг҃омꙋ́дрыхъ дарѡ́въ сподо́билсѧ є҆сѝ, дꙋхѡ́въ различе́нїѧ и҆ сло́ва бж҃їѧ разꙋмѣ́нїѧ, тѣ́мже вои́стиннꙋ є҆сѝ да́рꙋ бж҃е́ственномꙋ тезоимени́тъ."
|
|
},
|
|
{
|
|
"type": "TEXT",
|
|
"value": "Оу҆вѣ́дѣвый, ꙗ҆́кѡ лю́дїе сра́мнѡ живꙋ́тъ, и҆ ви́дѣвый, ꙗ҆́кѡ неꙋгото́вани ᲂу҆мира́ютъ, возжела́лъ є҆сѝ всѣ́мъ житїе́мъ свои́мъ себѐ ѡ҆пла́кати и҆ по всѧ̑ дни̑ мы́сленнѣ ᲂу҆мира́ти, да бг҃ꙋ ᲂу҆го́денъ бꙋ́деши."
|
|
},
|
|
{
|
|
"type": "TEXT",
|
|
"value": "Разсꙋди́лъ є҆сѝ, бг҃омꙋ́дре, ꙗ҆́кѡ лꙋ́чше є҆́сть тѣле́снѣ а҆лка́ти и҆ жа́ждати, дꙋхо́внѡ же ᲂу҆тѣша́тисѧ дх҃омъ ст҃ы́мъ, и҆ въ де́брѣхъ лесѡ́въ помо́рскихъ ке́ллїю пꙋсты́ннꙋю ѡ҆брѣ́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Мі́ра бѣ́гаѧ, мїролю́бцєвъ ѕлоко́зненныхъ ме́сти не и҆збѣжа́лъ є҆сѝ, чꙋ́домъ то́чїю не бы́лъ и҆́ми ᲂу҆мерщвле́нъ. Спасе́нъ же бы́сть взбра́нною воево́дою, хранѧ́щею и҆збра̑нныѧ своѧ̑. Взыва́лъ бо є҆сѝ къ не́й: въ ско́рбехъ спаси́ мѧ̀."
|
|
},
|
|
{
|
|
"type": "HEADER",
|
|
"value": "Дрꙋгі́й канѡ́нъ ст҃а́гѡ. Гла́съ а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Твоѧ̀ побѣди́тельнаѧ десни́ца, бг҃олѣ́пнѡ въ крѣ́пости просла́висѧ: та́ бо, безсме́ртне, ꙗ҆́кѡ всемогꙋ́щаѧ, проти̑вныѧ сотрѐ, і҆и҃льтѧнѡмъ пꙋ́ть глꙋбины̀ новосодѣ́лавшаѧ."
|
|
},
|
|
{
|
|
"type": "TEXT",
|
|
"value": "Твоѧ̀ ѡ҆свѧще́ннаѧ десни́ца, бг҃олѣ́пнѡ въ крѣ́пости просла́висѧ: та́ бо, преподо́бне, ꙗ҆́кѡ всемогꙋ́щаѧ, благослове́нїемъ и҆меносло́внымъ разрѣша́ла є҆́сть ѿ плѣ́на грѣхо́внагѡ стра́ждꙋщихъ."
|
|
},
|
|
{
|
|
"type": "TEXT",
|
|
"value": "Твоѧ̑ многотрꙋ̑днаѧ ра́мена, та́кожде крѣ́постїю бг҃оꙋго́дною просла́вишасѧ: се́ бо ѿ мла́дости твоеѧ̀ взе́мъ на ѻ҆́ныѧ кре́стъ сво́й, съ ни́мже и҆ послѣ́довалъ є҆сѝ за хрⷭ҇то́мъ безро́потнѡ."
|
|
},
|
|
{
|
|
"type": "TEXT",
|
|
"value": "Ѿ гдⷭ҇а милосе́рдагѡ стопы̑ твоѧ̑ ю҆́ныѧ сꙋ́ть и҆справлѧ́лисѧ: се́ бо, ꙗ҆́кѡ на крилꙋ̑ вѣ́трєню, ᲂу҆несо́ша тѧ̀ ѿ мїрскі́ѧ сꙋеты̀, дабы̀ на правотѣ̀ покаѧ́нїѧ ста́лъ є҆сѝ ты̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Мт҃и бж҃їѧ, ты̀ и҆ рабѡ́мъ хрⷭ҇тѡ́вымъ, ꙗ҆ви́сѧ мт҃и: ꙗ҆́кѡ и҆́маши дерзнове́нїе ве́лїе за ро́дъ людскі́й гдⷭ҇а ᲂу҆молѧ́ти, ѿ всѧ́кїѧ нꙋ́жды и҆ печа́ли и҆збавлѧ́ти, наипа́че же ѿ поги́бели вѣ́чныѧ спаса́ти."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Процвѣла̀ є҆́сть пꙋсты́нѧ, ꙗ҆́кѡ крі́нъ, гдⷭ҇и, ꙗ҆зы́ческаѧ неплодѧ́щаѧ цр҃ковь, прише́ствїемъ твои́мъ, въ не́йже ᲂу҆тверди́сѧ моѐ се́рдце."
|
|
},
|
|
{
|
|
"type": "TEXT",
|
|
"value": "Оу҆клони́всѧ ѿ ѕла̀, блаже́нне, ѿ ды́шꙋщихъ на тѧ̀ ᲂу҆бі́йствомъ и҆ ѕло́бою, вои́стиннꙋ сотвори́лъ є҆сѝ бла́го, хрⷭ҇то́вꙋ бо за́повѣдь и҆спо́лнилъ є҆сѝ."
|
|
},
|
|
{
|
|
"type": "TEXT",
|
|
"value": "Де́монскꙋю ѕло́бꙋ посрами́лъ є҆сѝ неѕло́бїемъ свои́мъ, пꙋстыннолю́бче, се́ бо въ площа́нскꙋю ѻ҆би́тель ᲂу҆дали́всѧ и҆ па́ки въ леснꙋ́ю ча́щꙋ всели́всѧ, ᲂу҆тверди́лсѧ є҆сѝ въ спаси́тельнѣмъ смиренномꙋ́дрїи."
|
|
},
|
|
{
|
|
"type": "TEXT",
|
|
"value": "Гдⷭ҇ь, и҆спытꙋ́ѧй ра̑бъ свои́хъ, въ жите́йстѣмъ мо́рѣ восхотѣ̀ и҆скꙋси́ти ѿше́льника, ꙗ҆́кѡ зла́то въ горни́лѣ ѡ҆чища́ѧ тѧ̀ ѿ спѧ́щихъ страсте́й и҆ ᲂу҆мꙋдрѧ́ѧ ꙗ҆́кѡ и҆збра́нника своего̀, па́стырѧ бꙋ́дꙋщаго и҆ ко́рмчаго."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Моли́лсѧ є҆сѝ мт҃ри бж҃їей, ѡ҆жида́ѧ сꙋда̀ цр҃и́цы: и҆з̾ темни́цы черто́гѡвъ ца́рскихъ и҆зведи́ мѧ̀ цѣ́ла, въ черто́гъ же бра́чный твоегѡ̀ сн҃а введѝ ѡ҆бнища́вшꙋю мою̀ дꙋ́шꙋ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Є҆ди́не вѣ́дый человѣ́ческагѡ сꙋщества̀ не́мощь, и҆ ми́лостивнѡ въ нѐ воѡбра́жьсѧ, препоѧ́ши мѧ̀ съ высоты̀ си́лою, є҆́же вопи́ти тебѣ̀, ст҃ы́й: ѡ҆дꙋшевле́нный хра́ме неизрече́нныѧ сла́вы твоеѧ̀, человѣколю́бче."
|
|
},
|
|
{
|
|
"type": "TEXT",
|
|
"value": "Въ пꙋсты́нѣ внꙋ́треннѣй се́рдца твоегѡ̀ сокрꙋше́ннагѡ позна́лъ є҆сѝ не́мощь сꙋщества̀ человѣ́ческагѡ, и҆ та́кѡ воззва́лъ є҆сѝ гдⷭ҇еви: препоѧ́ши мѧ̀ съ высоты̀ си́лою, во є҆́же ѡ҆ грѣсѣ́хъ ю҆́ности моеѧ̀ проси́ти проще́нїѧ: поми́лꙋй мѧ̀, бж҃е, вопи́ти тѝ."
|
|
},
|
|
{
|
|
"type": "TEXT",
|
|
"value": "Въ лесꙋ̀ дѣ́вственнѣмъ скве́рнꙋ дꙋшѝ своеѧ̀ ѡ҆мыва́лъ є҆сѝ сле́зъ пото́ками, и҆́миже ѻ҆́чи твоѝ ѿ тлѣтво́рнагѡ зрѣ́нїѧ ѡ҆чища́лъ є҆сѝ, є҆ще́ же и҆ вѣ̑жди твоѧ̑ ᲂу҆де́рживалъ є҆сѝ ѿ нощна́гѡ сна̀ и҆ дрема́нїѧ де́ннагѡ, ᲂу҆стна́ма же и҆ ѧ҆зы́комъ ѿ полноты̀ се́рдца немо́лчнѡ взыва́лъ є҆сѝ: і҆и҃се сладча́йшїй, къ рабꙋ̀ своемꙋ̀ прїидѝ."
|
|
},
|
|
{
|
|
"type": "TEXT",
|
|
"value": "Про́мысломъ бж҃е́ственнымъ а҆пⷭ҇ла первоверхо́внаго превзоше́лъ є҆сѝ, преподо́бне, ꙗ҆́кѡ не то́чїю въ ста́рости твое́й, но и҆ во дни̑ ю҆́ности твоеѧ̀, ѡ҆бѣтова́нїе хрⷭ҇то́во, петрꙋ̀ да́нное, на тебѣ̀ и҆спо́лнисѧ: и҆ сѐ возложи́ша рꙋ́ки на тѧ̀, и҆ а҆́може не хотѧ́ше ведо́ша тѧ̀, и҆ та́кѡ и҆з̾ пꙋсты́ни твоеѧ̀ на сꙋ́дъ ца́рскїй тѧ̀ предста́виша."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вы́нꙋ спаса́еши, дв҃о пречⷭ҇таѧ, всѣ́хъ просѧ́щихъ твоеѧ̀ ми́лости. Доны́нѣ не и҆́мамы ра́звѣ тебє̀ и҆ны́ѧ по́мощи, наде́жды и҆ны́ѧ не и҆́мамы. Никто́же бо то́щь ѿы́де ѿ тебє̀, бцⷣе, николи́же посра́мленъ бы́сть, и҆з̾ молѧ́щихсѧ тебѣ̀ съ вѣ́рою."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ г҃:"
|
|
},
|
|
{
|
|
"type": "TEXT",
|
|
"value": "Хрⷭ҇то́вою любо́вїю разгоре́сѧ се́рдце твоѐ, преподо́бне ѳео́дѡре, ѿ полноты́ же є҆гѡ̀ возглаго́лалъ є҆сѝ и҆ ᲂу҆сты̀, дх҃омъ ст҃ы́мъ наставлѧ́лъ є҆сѝ вопроша́ющихъ ѡ҆ спасе́нїи дꙋшѝ, стезе́ю пра́вою ᲂу҆че́нїѧ ст҃ы́хъ ѻ҆тє́цъ ше́ствовати, благопокорѧ́тисѧ ста́рцємъ богомꙋ̑дрымъ ᲂу҆вѣщава́лъ є҆сѝ, ѿложи́тисѧ дѣ́лъ сꙋ́етныхъ и҆ по́мыслѡвъ ло́жныхъ назида́лъ є҆сѝ, смиренномꙋ́дреннѣ спаса́тисѧ ѡ҆ гдⷭ҇ѣ благословлѧ́лъ є҆сѝ, и҆ та́кѡ подо́бно свѣти́льникꙋ, во тьмѣ̀ невѣ́дѣнїѧ сѣдѧ́щымъ свѣтѧ́щемꙋ, просїѧ́лъ є҆сѝ. Тѣ́мже моли́сѧ за ны̀ къ цр҃ю̀ нбⷭ҇номꙋ, да просвѣти́мсѧ и҆ мы̀ є҆гѡ̀ благода́тїю."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Мт҃и бж҃їѧ, застꙋ́пничество твоѐ всеспаси́тельное мі́рꙋ до́льнемꙋ съ небесѐ ꙗ҆влѧ́ющаѧ, не ѡ҆ста́ви на́съ, во грѣсѣ́хъ погиба́ющихъ, не ѿврати́сѧ ѿ на́съ, гдⷭ҇а милосе́рднаго прогнѣвлѧ́ющихъ, є҆го́же молѝ и҆зба́витисѧ на́мъ всѧ́кагѡ недоꙋмѣ́нїѧ и҆ и҆збѣ́гнꙋти дꙋшепа́гꙋбнагѡ заблꙋжде́нїѧ, и҆спросѝ на́мъ ᲂу҆миле́нїе серде́чное и҆ ѡ҆ грѣсѣ́хъ сокрꙋше́нїе, ꙗ҆́кѡ предста́тельница на́ша крѣ́пкаѧ и҆ помо́щница ско́раѧ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Прише́лъ є҆сѝ ѿ дв҃ы, не хода́тай, ни а҆́гг҃лъ, но са́мъ, гдⷭ҇и, вопло́щьсѧ, и҆ спа́слъ є҆сѝ всего́ мѧ человѣ́ка. Тѣ́мъ зовꙋ́ ти: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Ви́дѣвши тѧ̀ всерѡссі́йскаѧ і҆мператрі́ца и҆ словеса̀ твоѧ̑ слы́шавши, растворє́нныѧ благода́тїю, разꙋмѣ̀ не своего̀ ᲂу҆жѐ во́ина, но раба̀ і҆и҃съ хрⷭ҇то́ва, и҆ всели́ тѧ, ꙗ҆́кѡ да́ръ бж҃їй, въ сла́внꙋю не́вскꙋю ла́ѵрꙋ."
|
|
},
|
|
{
|
|
"type": "TEXT",
|
|
"value": "Воста́нїе пло́ти сокрꙋше́нїемъ серде́чнымъ препобѣди́лъ є҆сѝ, ѻ҆́гнь же бѣсо́вскїй тѣле́снагѡ разжже́нїѧ ᲂу҆гаси́лъ є҆сѝ пото́ками сле́зъ, и҆́миже потреби́сѧ въ тебѣ̀ всѧ́кое страсте́й те́рнїе."
|
|
},
|
|
{
|
|
"type": "TEXT",
|
|
"value": "Зерца́ломъ благода́тнагѡ ѡ҆сїѧ́нїѧ бж҃е́ственныѧ сла́вы ꙗ҆ви́лсѧ є҆сѝ, сами́мъ гдⷭ҇емъ пред̾ѡчище́нный до́брый дѣ́лателю вїногра́да є҆гѡ̀. Къ тебѣ́ бо ста́ша прибѣга́ти дꙋхо́внѡ а҆́лчꙋщїи и҆ жа́ждꙋщїи."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Твоѧ̀, бцⷣе, препобѣди́тельнаѧ десни́ца дѣ́вствꙋющихъ ѿ помраче́нїѧ ѡ҆гражда́етъ, безчи́нства пло́ти ᲂу҆тиша́етъ, вѣнце́мъ нетлѣ́нїѧ цѣломꙋ́дренныхъ ᲂу҆краша́етъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Го́рꙋ тѧ̀ бл҃года́тїю бж҃їею прїѡсѣне́ннꙋю, прозорли́выма а҆ввакꙋ́мъ, ᲂу҆смотри́въ ѻ҆чи́ма, и҆з̾ тебє̀ и҆зы́ти і҆и҃левꙋ провозглаша́ше ст҃о́мꙋ во сп҃се́нїе на́ше и҆ ѡ҆бновле́нїе."
|
|
},
|
|
{
|
|
"type": "TEXT",
|
|
"value": "Ꙗ҆́кѡ на горѣ̀ и҆скꙋше́нїѧ смире́ннѡ предста́лъ є҆сѝ, предъ цари́цею всеси́льною, съ не́ю же до́блественнѡ стѧза́лсѧ є҆сѝ ѡ҆ бꙋ́дꙋщемъ свое́мъ житїѝ. И҆ вѣ́рою и҆́скреннею приклони́лъ є҆сѝ се́рдце є҆ѧ̀ на покаѧ́нїе ѿпꙋсти́ти тѧ̀."
|
|
},
|
|
{
|
|
"type": "TEXT",
|
|
"value": "Поще́нїемъ стро́гимъ пло́ть твою̀ дꙋ́хови покорѧ́лъ є҆сѝ, сегѡ̀ ра́ди ᲂу҆тро́ба твоѧ̀ хребтꙋ̀ твоемꙋ̀ прильпѐ, кѡлѣ́на и҆знемого́ста и҆ и҆змѣни́сѧ лицѐ твоѐ. И҆ та́кѡ внѣ́шнїй тво́й человѣ́къ ᲂу҆́мре, а҆ внꙋ́треннїй ѡ҆живѐ и҆ гдⷭ҇еви воззва̀: сла́ва тебѣ̀!"
|
|
},
|
|
{
|
|
"type": "TEXT",
|
|
"value": "Са́мꙋю дꙋ́шꙋ свою̀ за бли̑жнїѧ твоѧ̑ положи́ти потща́лсѧ є҆сѝ, сло́вꙋ хрⷭ҇то́вꙋ слѣ́дꙋѧ, любо́вїю бо є҆гѡ̀ дыша́ти ста́ша пе́рси твоѧ̑ и҆ се́рдце твоѐ цѣломꙋ́дренное воспламени́лосѧ є҆́сть любо́вїю къ лю́демъ стра́ждꙋщымъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Приснодв҃о пречⷭ҇таѧ, бцⷣе є҆ди́наѧ, молѝ ро́ждшагосѧ и҆з̾ тебє̀ мі́ра спаси́телѧ, цѣломꙋ́дрїѧ ᲂу҆чи́телѧ и҆ всемо́щнаго покрови́телѧ, да ѡ҆чи́ститъ растлѣ̑нныѧ лю́ди и҆ сподо́битъ всѣ́хъ соверше́нныѧ любвѐ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Хода́тай бг҃ꙋ и҆ человѣ́кѡмъ бы́лъ є҆сѝ, хрⷭ҇тѐ бж҃е: тобо́ю бо, влⷣко, къ свѣтонача́льникꙋ ѻ҆ц҃ꙋ̀ твоемꙋ̀ ѿ но́щи невѣ́дѣнїѧ приведе́нїе и҆́мамы."
|
|
},
|
|
{
|
|
"type": "TEXT",
|
|
"value": "Проси́лъ є҆сѝ въ моли́твахъ твои́хъ і҆и҃са сло́во бж҃їе, да просвѣти́тъ ᲂу҆́мъ тво́й разꙋмѣ́ти писа́нїе, дабы̀ всѣ̑мъ во спасе́нїе трꙋжда́ющымсѧ предлага́ти дꙋшеполе́зное наставле́нїе, грѣхми́ же ѡ҆бременє́ннымъ подава́ти рѣше́нїе благода́тное."
|
|
},
|
|
{
|
|
"type": "TEXT",
|
|
"value": "Златоꙋ́стовымъ сло́вомъ ѿ гдⷭ҇а і҆и҃са вразꙋмле́нный и҆ наста́вленный, дарова́нїемъ дꙋхо́внагѡ разсꙋжде́нїѧ и҆ ᲂу҆чи́тельства ѿ дх҃а ст҃а ѡ҆благода́тствованный, ѡ҆кормлѧ́лъ є҆сѝ люде́й мно́жество, ка́кѡ бг҃ꙋ ᲂу҆годи́ти и҆́щꙋщихъ."
|
|
},
|
|
{
|
|
"type": "TEXT",
|
|
"value": "Внима́нїѧ ца́рскагѡ бѣ́гаѧ и҆ за́висти бра́тскїѧ, наипа́че же и҆ща̀ сꙋро́вагѡ и҆ ᲂу҆добоспаси́тельнагѡ житїѧ̀, пресели́лсѧ є҆сѝ въ пꙋсты́ню саро́вскꙋю, є҆ѧ́же мона́си сла́вилисѧ сꙋ́ть подви́жничествомъ свои́мъ и҆ свѧ́тостїю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: За любо́вь твою̀ соверше́ннꙋю, ѳео́дѡре, блаже́ннымъ и҆збра́нникомъ свои́мъ ꙗ҆ви́ тѧ̀ мт҃рь бж҃їѧ, се́ бо водвори́лсѧ є҆сѝ со ᲂу҆ченики̑ твои́ми въ пꙋ́стынь разоре́ннꙋю, ржⷭ҇твꙋ̀ пречⷭ҇тыѧ посвѧще́ннꙋю, и҆ є҆ѧ́же ра́ди славле́нїѧ возроди́лъ є҆сѝ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Просвѣти́вый сїѧ́нїемъ прише́ствїѧ твоегѡ̀, хрⷭ҇тѐ, и҆ ѡ҆свѣти́вый крⷭ҇то́мъ твои́мъ мі́ра концы̀, сердца̀ просвѣтѝ свѣ́томъ твоегѡ̀ бг҃оразꙋ́мїѧ, правосла́внѡ пою́щихъ тѧ̀."
|
|
},
|
|
{
|
|
"type": "TEXT",
|
|
"value": "Непре́станнѡ моли́лсѧ є҆сѝ сп҃си́телю на́шемꙋ, крⷭ҇то́мъ свои́мъ мі́ра концы̀ ѡ҆свѣти́вшемꙋ и҆ бг҃оразꙋ́мїемъ просвѣща́ющемꙋ лю́ди своѧ̑, є҆ще́ же и҆ свѣ́та нетва́рнагѡ ᲂу҆́мнагѡ видѣ́нїѧ вы́нꙋ и҆ска́лъ є҆сѝ. Сегѡ̀ ра́ди воззрѣ́лъ є҆́сть на тѧ̀ хрⷭ҇то́съ и҆ ѡ҆свѧти́лъ є҆́сть тѧ̀ свѣ́томъ и҆́стины."
|
|
},
|
|
{
|
|
"type": "TEXT",
|
|
"value": "И҆з̾ пото́ка златострꙋ́йнагѡ бж҃е́ственныѧ премꙋ́дрости че́рпалъ є҆сѝ живо́й воды̀, є҆́юже жа́ждꙋ дꙋхо́внꙋю вопроша́ющымъ тѧ̀ ѡ҆ гдⷭ҇ѣ ᲂу҆толѧ́лъ є҆сѝ, и҆ та́кѡ досто́йнымъ ᲂу҆ченико́мъ златоꙋ́стовымъ и҆ богосло́вомъ и҆́стиннымъ ꙗ҆ви́лсѧ є҆сѝ."
|
|
},
|
|
{
|
|
"type": "TEXT",
|
|
"value": "Смиренномꙋ́дрїе спаси́тельное и҆з̾ ла́ѵры столи́чныѧ въ пꙋсты́ню да́льнюю тѧ̀ и҆зведѐ, въ не́й же многоподви́жнически жи́тельствовавъ, дꙋ́хомъ свои́мъ весели́лсѧ є҆сѝ и҆ со́вѣстїю поко́илсѧ. И҆ та́кѡ ѿ си́лы послꙋ́шничества въ си́лꙋ ста́рчества возше́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѡ҆би́тель твоѧ̀, бцⷣе, санаѯа́рскаѧ, и҆з̾ запꙋсте́нїѧ и҆ забве́нїѧ кра́йнѧгѡ ѳео́дѡра преподо́бнагѡ смотре́нїемъ и҆ ча́дъ є҆гѡ̀ многочи́сленныхъ и҆ждиве́нїемъ, промысли́тельнѡ вознесе́сѧ на свѣ́щницꙋ церко́внꙋю, ꙗ҆́кѡ свѣти́льникъ, возжже́нный во сла́вꙋ ржⷭ҇тва̀ твоегѡ̀."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ бе́зднѣ грѣхо́внѣй валѧ́ѧсѧ, неизслѣ́днꙋю млⷭ҇рдїѧ твоегѡ̀ призыва́ю бе́зднꙋ: ѿ тлѝ, бж҃е, мѧ̀ возведѝ."
|
|
},
|
|
{
|
|
"type": "TEXT",
|
|
"value": "Просїѧ́лъ є҆сѝ во ѻ҆би́тели санаѯа́рстѣй сїѧ́нїемъ сла́вы благода́тнагѡ ста́рчества, наставлѧ́ѧ, врачꙋ́ѧ, ᲂу҆тѣша́ѧ и҆ ᲂу҆крѣплѧ́ѧ бг҃омꙋ́дрымъ сло́вомъ и҆ совѣ́томъ свои́мъ всѣ́хъ сѣ́мѡ притека́ющихъ."
|
|
},
|
|
{
|
|
"type": "TEXT",
|
|
"value": "Сы́нꙋ даві́довꙋ храмозда́тельствомъ ᲂу҆подо́билсѧ є҆сѝ, премꙋ́дре, въ ѡ҆снова́нїе же це́ркве ржⷭ҇тва̀ бцⷣы зла́то моли́твъ свои́хъ и҆ ка́мєни драгоцѣ̑нныѧ благослове́нїѧ бж҃їѧ положи́лъ є҆сѝ."
|
|
},
|
|
{
|
|
"type": "TEXT",
|
|
"value": "Пче́лъ ро́й на мѣ́сто го́рнее ѻ҆лтарѧ̀ бꙋ́дꙋщагѡ возсѣ́лъ є҆сѝ, зна́менꙋѧ во ѻ҆би́тели твое́й, преподо́бне, мона́хѡвъ ᲂу҆множе́нїе и҆ па́че со́тъ ме́да сладча́йшїѧ блгⷣти бж҃е́ственныѧ на ню̀ и҆злїѧ́нїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́кѡ пчели́ный ро́й цари́цею и҆ ма́терїю свое́ю ѡ҆кормлѧ́етсѧ, та́кѡ и҆ ѻ҆би́тель санаѯа́рскаѧ и҆́мать мт҃рїю свое́ю цр҃и́цꙋ нбⷭ҇нꙋю, є҆́юже пꙋтево́дствꙋетсѧ, ю҆́же сла́витъ, є҆́йже моли́твеннѡ пое́тъ хвалꙋ̀."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆бы́де на́съ послѣ́днѧѧ бе́здна, нѣ́сть и҆збавлѧ́ѧй, вмѣни́хомсѧ, ꙗ҆́кѡ ѻ҆́вцы заколе́нїѧ, сп҃сѝ лю́ди твоѧ̑, бж҃е на́шъ: ты́ бо крѣ́пость немощствꙋ́ющихъ и҆ и҆справле́нїе."
|
|
},
|
|
{
|
|
"type": "TEXT",
|
|
"value": "Теча́хꙋ къ тебѣ̀, блаже́нне ѳео́дѡре, ѿ всѣ́хъ концє́въ землѝ рꙋ́сскїѧ лю́дїе. Се́ бо ѡ҆брѣто́ша себѣ̀ ѻ҆тца̀ бг҃омꙋ́драго, дꙋ́хъ ми́ренъ стѧжа́вшаго, немощствꙋ́ющихъ ᲂу҆крѣплѧ́ющаго, заблꙋ́ждшихъ же и҆справлѧ́ющаго."
|
|
},
|
|
{
|
|
"type": "TEXT",
|
|
"value": "Сподо́билсѧ є҆сѝ, преподо́бне, ста́ти строи́телемъ пꙋсты́нныѧ ѻ҆би́тели дв҃ы пречⷭ҇тыѧ, є҆ѧ́же ржⷭ҇тво̀ ѿ непло́дныѧ, и҆ ѻ҆́браза влади́мїрскагѡ срѣ́тенїе, и҆ ю҆́жика є҆ѧ̀ вели́кагѡ главы̀ ᲂу҆сѣкнове́нїе благолѣ́пными хра́мами почти́лъ є҆сѝ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ пчела̀ бг҃омꙋ́драѧ рабо́талъ є҆сѝ, ѳео́дѡре, по всѧ̑ дни̑ живота̀ твоегѡ̀ на бла́го бли́жнѧгѡ, и҆ та́кѡ ще́дрѣ некта́ръ благода́тный, съ цвѣтѡ́въ ра́йскихъ ᲂу҆че́нїѧ ѻ҆тцє́въ ст҃ы́хъ собра́нный, ᲂу҆стна́ма твои́ма медото́чилъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Да́же доны́нѣ не и҆ссѧка́етъ ѻ҆би́тель твоѧ̀, бцⷣе, твое́ю вы́шнею ми́лостїю, поне́же тобо́ю пꙋтево́дствꙋетсѧ, тебѐ сла́витъ, тебѣ̀ же моли́твеннѡ пое́тъ хвалꙋ̀: сп҃сѝ лю́ди твоѧ̑, приснодѣ́вственнаѧ, ты́ бо крѣ́пость немощствꙋ́ющихъ и҆ и҆справле́нїе."
|
|
},
|
|
{
|
|
"type": "HEADER",
|
|
"value": "Конда́къ, гла́съ в҃:"
|
|
},
|
|
{
|
|
"type": "TEXT",
|
|
"value": "Мі́ра сꙋетꙋ̀ и҆ всѧ̑ ꙗ҆̀же въ не́мъ тлѣ̑ннаѧ ѡ҆ста́вивъ, преподо́бне, въ санаѯа́рскꙋю ѻ҆би́тель всели́лсѧ є҆сѝ, и҆дѣ́же а҆́гг҃льски пожи́въ, мнѡ́гимъ пꙋ́ть бы́лъ є҆сѝ ко спасе́нїю, сегѡ̀ ра́ди и҆ хрⷭ҇то́съ тебѐ да́ромъ разсꙋжде́нїѧ и҆ ᲂу҆чи́тельства ѡ҆богатѝ, тѣ́мже и҆ мы̀ вопїе́мъ тѝ: спаса́й ны̀, ѳео́дѡре, ст҃ы́ми твои́ми моли́твами."
|
|
},
|
|
{
|
|
"type": "TEXT",
|
|
"value": "І҆́косъ: Па́мѧть сме́ртнꙋю ѡ҆брѣ́тъ, ꙗ҆́кѡ жемчꙋ́жинꙋ многоцѣ́ннꙋю, ѡ҆ста́вилъ є҆сѝ и҆мѣ́нїе своѐ ве́лїе. Многоподви́жническое проводи́лъ є҆сѝ и҆ многоско́рбное житїѐ, гонє́нїѧ ѿ мїролю́бцєвъ терпѣ́въ и҆ ᲂу҆корє́нїѧ. Во ѻ҆би́тели же санаѯа́рстѣй водвори́лсѧ є҆сѝ, ꙗ҆́кѡ на водѣ̀ ᲂу҆покое́нїѧ. И҆дѣ́же є҆диномы́слєнныѧ себѣ̀ собра́въ ᲂу҆ченикѝ, благоꙋспѣ́шнѡ рꙋково́дствовалъ є҆сѝ и҆̀хъ, спаса́ѧ во хрⷭ҇тѣ̀, и҆ въ црⷭ҇твїе нбⷭ҇ное къ престо́лꙋ бж҃їю приводѧ̀, ꙗ҆́коже младе́нцы неѕлѡ́бивыѧ, и҆ ꙗ҆́кѡ зла́то въ горни́лѣ ѡ҆чи́щєнныѧ, и҆ ꙗ҆́коже волна̀ ᲂу҆бѣлє́нныѧ. Тѣ́мже ѻ҆би́тель твоѧ̀ честна́ѧ, ст҃ы́ми моща́ми твои́ми ны́нѣ свѣ́тлѡ красꙋ́ющисѧ, сликовствꙋ́ющи съ мона́хѡвъ мно́жествомъ, велегла́снѡ пое́тъ тѝ: ра́дꙋйсѧ, ѻ҆́ч҃е на́шъ преподо́бне и҆ ста́рче ѳео́дѡре."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃опроти́вное велѣ́нїе беззако́ннꙋющагѡ мꙋчи́телѧ высо́къ пла́мень вознесло̀ є҆́сть; хрⷭ҇то́съ же прострѐ бг҃очести̑вымъ ѻ҆трокѡ́мъ ро́сꙋ дх҃о́внꙋю, сы́й бл҃гослове́нъ и҆ препросла́вленъ."
|
|
},
|
|
{
|
|
"type": "TEXT",
|
|
"value": "Свѧ́тѡ и҆ непоро́чнѡ ѡ҆кормлѧ́лъ є҆сѝ люде́й мно́жество мїрски́хъ и҆ мона́шествꙋющихъ, ꙗ҆́кѡ къ ста́рцꙋ дꙋхоно́сномꙋ къ тебѣ̀ прибѣга́ющихъ и҆ во всѣ́хъ нꙋ́ждахъ свои́хъ ѿ тебє̀ дꙋхо́внѡ вспомоществꙋ́емыхъ."
|
|
},
|
|
{
|
|
"type": "TEXT",
|
|
"value": "Бы́ша ᲂу҆ченицы̀ и҆ ᲂу҆чени́цы твоѝ, дѣ́вствꙋющїи, ꙗ҆́кѡ бра́тїѧ и҆ се́стры є҆диноꙋтро́бнїи, ѻ҆тца̀ тѧ̀ и҆мꙋ́щїи, кро́тостїю и҆ смире́нїемъ тебѣ̀ подража́ющїи, въ согла́сїи и҆ є҆динодꙋ́шїи живꙋ́щїи."
|
|
},
|
|
{
|
|
"type": "TEXT",
|
|
"value": "И҆ мꙋ́жїе съ жена́ми и҆ ча́дами бы́ша къ тебѣ̀ любо́вїю по бз҃ѣ привѧ́зани, поели́кꙋ въ ско́рбехъ свои́хъ и҆ недоꙋмѣ́нїѧхъ вы́нꙋ полꙋча́ли сꙋ́ть цѣльбꙋ̀ и҆ наставлє́нїѧ, и҆́хже и҆спо́лнити тщи́лисѧ сꙋ́ть съ ра́достїю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Бцⷣе пречⷭ҇таѧ, за сн҃а твоего̀ бж҃е́ственнаго скорбе́й неизглаго́ланныхъ ѻ҆рꙋ̑дїѧ пронзо́ша дꙋ́шꙋ твою̀, моли́сѧ же за ны̀ распе́ншемꙋсѧ сп҃си́телю на́шемꙋ, да и҆зба́витъ на́съ мꙋ́ки а҆́дскїѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Тебѐ ᲂу҆́мнꙋю, бцⷣе, пе́щь, разсмотрѧ́емъ вѣ́рнїи: ꙗ҆́кѡ же бо ѻ҆́троки сп҃сѐ трѝ превозноси́мый, мі́ръ ѡ҆бновѝ во чре́вѣ твое́мъ всецѣ́лъ, хва́льный ѻ҆тцє́въ бг҃ъ, и҆ препросла́вленъ."
|
|
},
|
|
{
|
|
"type": "TEXT",
|
|
"value": "Бж҃їимъ произволе́нїемъ и҆з̾ забве́нїѧ возроди́лъ є҆сѝ въ землѝ рѡссі́йстѣй ста́рчество благода́тное, и҆ мнѡ́гаѧ ѕлострада̑нїѧ претерпѣ́лъ є҆сѝ ѿ невѣ́дꙋщихъ сегѡ̀ благослове́ннагѡ и҆ всѣ́ми ѻ҆тца́ми ст҃ы́ми и҆спы́таннагѡ ца́рскагѡ пꙋтѝ спасе́нїѧ."
|
|
},
|
|
{
|
|
"type": "TEXT",
|
|
"value": "Плоды̀ дѡ́брыѧ спаси́тельнагѡ послꙋ́шанїѧ ѻ҆тцꙋ̀ своемꙋ̀ благода́тномꙋ стѧжева́ли сꙋ́ть ᲂу҆ченицы̀ и҆ ᲂу҆чени́цы твоѝ и҆́скреннїи, свѧ́тѡ и҆ цѣломꙋ́дреннѡ живꙋ́щїи, смиренномꙋ́дрїемъ свои́мъ и҆ мꙋ́жественнымъ скорбе́й терпѣ́нїемъ тебѣ̀ подража́ющїи."
|
|
},
|
|
{
|
|
"type": "TEXT",
|
|
"value": "Са́мъ, семе́йныхъ ᲂу҆́зъ чꙋ́ждый, не гнꙋша́лсѧ є҆сѝ, ѳео́дѡре бг҃омꙋ́дре, хрⷭ҇та̀ ра́ди ѻ҆те́чески рꙋково́дствовати притека́ющихъ къ тебѣ̀ въ печа́лехъ свои́хъ ᲂу҆бо́гихъ и҆ бога́тыхъ мꙋже́й съ жена́ми и҆ ча́дами, и҆́хже недꙋ́ги дꙋшє́вныѧ и҆ тѣлє́сныѧ дꙋхо́внѡ врачева́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Мт҃и бж҃їѧ влⷣчице нбⷭ҇наѧ, лю́демъ стра́ждꙋщымъ покро́ве благода́тный, скоропослꙋ́шнице, цѣли́тельнице и҆ блага́ѧ врата́рнице, моли́сѧ ко хрⷭ҇тꙋ̀ за ны̀, недостѡ́йныѧ, да поми́лꙋетъ рабы̀ своѧ̑ безѿвѣ̑тныѧ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пе́щь и҆ногда̀ ѻ҆́гненнаѧ въ вавѷлѡ́нѣ дѣ̑йства раздѣлѧ́ше, бж҃їимъ велѣ́нїемъ халдє́и ѡ҆палѧ́ющаѧ, вѣ̑рныѧ же ѡ҆роша́ющаѧ пою́щыѧ: бл҃гослови́те всѧ̑ дѣла̀ гдⷭ҇нѧ гдⷭ҇а."
|
|
},
|
|
{
|
|
"type": "TEXT",
|
|
"value": "Восхотѣ̀ пастыренача́льникъ хрⷭ҇то́съ ста́рчество твоѐ свѧще́нствомъ ѡ҆богати́ти, да въ ѻ҆лтарѣ̀ є҆гѡ̀ ст҃ѣ́мъ свѧ́тѡ послꙋ́жиши и҆ та́инствомъ покаѧ́нїѧ сꙋпроти́въ человѣкоꙋбі́йцы дре́внѧгѡ преѡрꙋжи́шисѧ."
|
|
},
|
|
{
|
|
"type": "TEXT",
|
|
"value": "Ꙗ҆́коже и҆ ѻ҆те́цъ мно́жества, вѣ́рꙋ и҆ любы̀ совершє́нныѧ показа́лъ є҆сѝ, ѳео́дѡре, сло́вомъ и҆ дѣ́ломъ па́стырское попече́нїе ѡ҆ ста́дѣ хрⷭ҇то́вомъ ꙗ҆ви́лъ є҆сѝ, и҆ дꙋ́шꙋ свою̀ за бли̑жнїѧ твоѧ̑ положи́лъ є҆сѝ."
|
|
},
|
|
{
|
|
"type": "TEXT",
|
|
"value": "Є҆ще́ же и҆згна́нїе за пра́вдꙋ претерпѣ́лъ є҆сѝ, ꙗ҆́кѡ дх҃омъ ст҃ы́мъ води́мый прⷪ҇ро́къ и҆ вѣ́рный послѣ́дователь хрⷭ҇то́въ. Се́ бо воево́дꙋ нечести́ваго, ꙗ҆́кѡ во́лка хи́щнаго по до́лгꙋ ста́рчества ѡ҆бличи́лъ є҆сѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Мт҃рь бж҃їѧ, со́лнце пра́вды ро́ждшаѧ, и҆́мже просвѣти́лисѧ сꙋ́ть бога́тїи лю́дстїи. Ты́ же и҆здре́вле и҆̀хъ въ гоне́нїѧхъ и҆ мꙋче́нїѧхъ ᲂу҆крѣплѧ́еши, ѿ клеветны́хъ и҆ ло́жныхъ ѡ҆пра́вдываеши."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пещѝ ѻ҆́троцы і҆и҃лєвы, ꙗ҆́коже въ горни́лѣ добро́тою бл҃гоче́стїѧ чистѣ́е зла́та блеща́хꙋсѧ, глаго́люще: бл҃гослови́те всѧ̑ дѣла̀ гдⷭ҇нѧ гдⷭ҇а, по́йте и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Дꙋховни́чество соверше́нное, во хрⷭ҇та̀ ѡ҆блече́нное, пресла́внѡ ꙗ҆ви́лъ є҆сѝ, похвало̀ ста́рчествꙋ и҆́стинномꙋ, ѻ҆́ч҃е санаѯа́рскїй и҆ чꙋдотво́рче. На тебѣ́ бо си́лꙋ свою̀ неизрече́ннꙋю гдⷭ҇ь ꙗ҆вѝ, преди́внѡ соверша́ющꙋюсѧ въ человѣ́честѣй не́мощи."
|
|
},
|
|
{
|
|
"type": "TEXT",
|
|
"value": "Дꙋшепопечи́тельствомъ па́стырскимъ, не щадѧ̀ живота̀ своегѡ̀ и҆ волкѡ́въ мы́сленныхъ не бѣ́гаѧ, бг҃оꙋго́днѡ подвиза́лсѧ є҆сѝ и҆ та́кѡ ѡ҆ спасе́нїи ста́да слове́снагѡ, смотре́нїю твоемꙋ̀ ввѣ́реннагѡ, досто́йнѡ трꙋди́лсѧ є҆сѝ."
|
|
},
|
|
{
|
|
"type": "TEXT",
|
|
"value": "Въ наго́рнѣй про́повѣди хрⷭ҇то́вѣ подо́бнїи тебѣ̀, ѳео́дѡре преподо́бне, ѡ҆ гдⷭ҇ѣ дѣ́латели сꙋ́ть ᲂу҆блажа́лисѧ и҆ ми́лѡсти неизглагѡ́ланныѧ нелѣ́ностнѡ потрꙋди́вшымсѧ нело́жнѡ ѡ҆бѣтова́лисѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вы́нꙋ ѿ клеветы̀ и҆збавлѧ́еши, приснодв҃о и҆́стиннаѧ, рабы̑ твоѧ̑ и҆́скрєннїѧ. И҆̀хже хода́тайствомъ свои́мъ всемо́щнымъ ко гдⷭ҇ꙋ ѿ ра́бства грѣхо́внагѡ свобожда́еши и҆ просвѣща́еши ѻ҆чеса̀ и҆́хъ дꙋхѡ́вныѧ и҆ сердца̀ мы́слєнныѧ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Безнача́льна роди́телѧ сн҃ъ, бг҃ъ и҆ гдⷭ҇ь, вопло́щьсѧ ѿ дв҃ы на́мъ ꙗ҆ви́сѧ, ѡ҆мрачє́ннаѧ просвѣти́ти, собра́ти расточє́ннаѧ; тѣ́мъ всепѣ́тꙋю бцⷣꙋ велича́емъ."
|
|
},
|
|
{
|
|
"type": "TEXT",
|
|
"value": "Вє́лїѧ ѕлострада̑нїѧ претерпѣ́лъ є҆сѝ въ солове́цтѣмъ и҆згна́нїи, по всѧ̑ дни̑ тѣле́снѣ ᲂу҆мира́лъ и҆ въ соверше́нное и҆знеможе́нїе приходи́лъ, дꙋ́хомъ же бо́дрствовалъ, ѡ҆ хрⷭ҇тѣ̀ весели́лсѧ и҆ благодꙋ́шествовалъ є҆сѝ."
|
|
},
|
|
{
|
|
"type": "TEXT",
|
|
"value": "Со сла́вою возврати́лсѧ є҆сѝ въ ѻ҆би́тель свою̀ санаѯа́рскꙋю, и҆дѣ́же бесѣ́дою дꙋхо́вною ᲂу҆тѣша́лъ є҆сѝ безчи́слєнныѧ своѧ̑ ᲂу҆ченикѝ, за ни́хже па́ки и҆ па́ки напа́дки и҆ притѣснє́нїѧ терпѣ́лъ є҆сѝ."
|
|
},
|
|
{
|
|
"type": "TEXT",
|
|
"value": "Скорбьмѝ мно́гими восше́лъ є҆сѝ въ го́рнїй сїѡ́нъ, и҆дѣ́же въ сла́вѣ ве́лїей во ѻ҆би́тели небе́снѣй пребыва́еши, и҆̀же во хрⷭ҇тѣ̀ ча́дъ твои́хъ мно́жество та́мѡ поко́иши и҆ трⷪ҇цꙋ ст҃ꙋ́ю велегла́снѡ сла́виши."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Влⷣчце, ᲂу҆слы́ши моли̑твы ра̑бъ твои́хъ, и҆ и҆зба́ви ны̀ ѿ всѧ́кїѧ нꙋ́жды и҆ печа́ли. Во ѻ҆би́тели, и҆́мени твоемꙋ̀ всесла́вномꙋ посвѧще́нной, приходѧ́щихъ благословѝ и҆ всю̀ во хрⷭ҇тѣ̀ бра́тїю спасѝ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆́бразъ чⷭ҇тагѡ ржⷭ҇тва̀ твоегѡ̀, ѻ҆гнепали́маѧ кꙋпина̀ показа̀ неѡпа́льнаѧ: и҆ ны́нѣ на на́съ напа́стей свирѣ́пѣющꙋю ᲂу҆гаси́ти, мо́лимсѧ пе́щь, да тѧ̀, бцⷣе, непреста́ннѡ велича́емъ."
|
|
},
|
|
{
|
|
"type": "TEXT",
|
|
"value": "Съ кро́тостїю терпѣ́лъ є҆сѝ, преподо́бне ѳео́дѡре: ѿ ды́ма пе́щнагѡ ᲂу҆горе́нїе, ѿ мра́за стꙋжа́нїе, ѿ гла́да и҆ жа́жды томле́нїе и҆ без̾исхо́дное темни́чное заточе́нїе. По вре́мени же ᲂу҆тѣ́шенъ бы́сть гдⷭ҇омъ и҆ и҆зба́вленъ бы́сть лю́тыхъ си́хъ."
|
|
},
|
|
{
|
|
"type": "TEXT",
|
|
"value": "Безпоро́чнагѡ ра́ди предъ гдⷭ҇омъ хожде́нїѧ твоегѡ̀ и҆ па́стырства ре́вностнагѡ до гро́ба терпѣ́лъ є҆сѝ ѕлосло́вїе и҆ клеветꙋ̀, и҆̀хже во мно́жествѣ воздвиза́ша на тѧ̀ лю́тїи де́мони и҆ лю́дїе ѕлочести́вїи, не терпѧ́щїи слꙋже́нїѧ твоегѡ̀ бг҃ꙋ є҆ди́номꙋ."
|
|
},
|
|
{
|
|
"type": "TEXT",
|
|
"value": "Мно́гажды ꙗ҆влѧ́лъ є҆́сть мздовоздаѧ́тель пра́ведный посме́ртнꙋю сла́вꙋ твою̀, ѳео́дѡре, и҆ благолѣ́пнꙋю ѻ҆би́тель небе́снꙋю дарова́лъ є҆́сть тебѣ̀ со ᲂу҆ченики̑. Ѿню́дꙋже по́мощїю свое́ю моли́твенною по́мнѧщымъ тѧ̀ и҆ ѡ҆ гдⷭ҇ѣ лю́бѧщымъ не закоснѝ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Прест҃а́ѧ бцⷣе, ᲂу҆блажа́ютъ тѧ̀, пречⷭ҇таѧ, восхвалѧ́ютъ, приснодв҃ственнаѧ, почита́ютъ, пребл҃гослове́ннаѧ, всѝ ро́ди трⷪ҇цѣ ст҃ѣ́й вѣ́рныхъ безчи́сленнїи, и҆̀хже спаса́ла є҆сѝ и҆ вы́нꙋ спаса́еши. Не пре́зри и҆ на́съ, немощны́хъ, подъ кро́въ ѻ҆би́телей твои́хъ прибѣга́ющихъ."
|
|
},
|
|
{
|
|
"type": "TEXT",
|
|
"value": "Свѣти́ленъ: По́двигомъ ста́рчества подвиза́всѧ, просїѧ́лъ є҆сѝ въ землѝ рѡссі́йстѣй, ꙗ҆́кѡ свѣти́льникъ бж҃е́ственныѧ благода́ти, возжже́нный въ пꙋ́стыни санаѯа́рстѣй, и҆дѣ́же, ѡ҆свѧще́нный ѳео́дѡре, до́брѣ пасе́ши мона́хѡвъ мно́жество и҆ всю̀ ꙗ҆́же ѡ҆ хрⷭ҇тѣ̀ па́ствꙋ."
|
|
},
|
|
{
|
|
"type": "HEADER",
|
|
"value": "И҆́нъ свѣти́ленъ:"
|
|
},
|
|
{
|
|
"type": "TEXT",
|
|
"value": "Свѣ́томъ трисїѧ́ннагѡ бж҃ества̀ ѡ҆сїѧ́нъ бы́сть, богомꙋ́дре ѻ҆́ч҃е на́шъ ѳео́дѡре, и҆ ѻ҆гне́мъ любвѐ бж҃е́ственныѧ бы́сть ѡ҆пале́нъ, и҆́миже грѣхо́вный мра́къ разсѣва́етсѧ и҆ потреблѧ́етсѧ тимѣ́нїе ѕлы́хъ дѣ́лъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Дв҃о прест҃а́ѧ, сн҃а бж҃їѧ, є҆диноро́днаго пло́тїю ро́ждшаѧ, и҆́же ѿ ѻ҆ц҃а̀ рожде́ннаго пре́жде всѣ́хъ вѣ̑къ; на́шегѡ ра́ди спасе́нїѧ съ нб҃съ сше́дшаго и҆ воплоти́вшагосѧ на́съ ра́ди человѣ̑къ. Є҆го́же молѝ, приснодв҃о, дх҃а ст҃а́гѡ благода́тїю ѡ҆сїѧ́ти ѻ҆би́тель сїю̀, и҆збра́нникомъ твои́мъ санаѯа́рскимъ, ѻ҆тце́мъ на́шимъ преподо́бнымъ ѳео́дѡромъ посвѧще́ннꙋю всесла́вномꙋ ржⷭ҇твꙋ̀ твоемꙋ̀."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры на д҃, гла́съ є҃."
|
|
},
|
|
{
|
|
"type": "TEXT",
|
|
"value": "Подо́бенъ: Ра́дꙋйсѧ:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ, вѣ́рный ра́бе хрⷭ҇то́въ ѳео́дѡре, досто́инство бо ꙗ҆ви́лъ є҆сѝ не ра́бее, но сыно́внее, ѻ҆́ч҃ее и҆мѣ́нїе со тща́нїемъ преꙋмно́жилъ є҆сѝ, въ трꙋдѣ́хъ непреста́нныхъ тала́нтъ є҆ди́ный ᲂу҆десѧтери́лъ є҆сѝ, ревни́телемъ дѡ́брымъ дѣлѡ́мъ показа́лсѧ є҆сѝ, къ па́мѧти сме́ртнѣй пꙋсты́нное жи́тельство приложи́лъ є҆сѝ, скѡ́рби вє́лїѧ ѡ҆ гдⷭ҇ѣ і҆и҃се претерпѣ́лъ є҆сѝ, ѡ҆ не́мже ма́лыхъ си́хъ мно́жество наꙋчи́лъ є҆сѝ и҆ ве́лїимъ въ црⷭ҇твїи нбⷭ҇нѣмъ нарече́нъ."
|
|
},
|
|
{
|
|
"type": "TEXT",
|
|
"value": "Ра́дꙋйтесѧ, ᲂу҆ченицы̀ и҆ ᲂу҆чени́цы ѳео́дѡровы, ѻ҆те́цъ бо ва́шъ просла́висѧ въ ли́цѣ преподо́бныхъ, пожи́лъ бо є҆сѝ подо́бнѣ ѻ҆тцє́мъ дре́внимъ, ше́ствовалъ є҆сѝ пꙋте́мъ ᲂу҆́зкимъ и҆ ско́рбнымъ, вни́де въ живо́тъ вѣ́чный тѣ́сными врата́ми, и҆́миже то́чїю нꙋ́ждницы въ црⷭ҇твїе бж҃їе вхо́дѧтъ, вы́ же наслѣ́довасте є҆го̀ моли́твами ва́шегѡ ста́рца, свѧще́ннꙋю вла́сть и҆мꙋ́щагѡ грѣхѝ ва́шѧ рѣши́ти и҆ вѧза́ти, на по́льзꙋ дꙋшѝ наставлѧ́ти ва́съ и҆ ᲂу҆чи́ти: цѣломꙋ́дреннѡ, и҆ пра́веднѡ, и҆ благоче́стнѡ жи́ти."
|
|
},
|
|
{
|
|
"type": "TEXT",
|
|
"value": "Ра́дꙋйсѧ и҆ ликꙋ́й, ѻ҆би́тель санаѯа́рскаѧ, въ тебѣ́ бо возросло̀ дре́во до́брое, дре́во же до́брое и҆ плоды̀ твори́тъ дѡ́бры, дꙋхо́вное же прино́ситъ дꙋхѡ́вны, плоди́ же дꙋхо́вни сꙋ́ть: любы̀, ра́дость, ми́ръ, долготерпѣ́нїе, бла́гость, милосе́рдїе, вѣ́ра, кро́тость, воздержа́нїе, согрѣши́вшихъ кро́ткое и҆справле́нїе, дрꙋ́гъ дрꙋ́га бреме́нъ ноше́нїе, зако́на хрⷭ҇то́ва и҆сполне́нїе."
|
|
},
|
|
{
|
|
"type": "TEXT",
|
|
"value": "Ра́дꙋйсѧ и҆ ты̀, землѐ рꙋ́сскаѧ, твоѧ́ бо є҆́сть крѣ́пость ѻ҆би́тель санаѯа́рскаѧ, въ не́йже сы́на твоегѡ̀ сла́внагѡ ѡ҆ста́нки поко́ѧтсѧ, и҆з̾ неѧ́же въ гѡ́рнѧѧ моли̑твы ѡ҆ благоде́нствїи твое́мъ возно́сѧтсѧ, пото́ками сѣ́мѡ притека́ютъ правосла́внїи лю́дстїи, се́ бо до́момъ мт҃ри бж҃їей та̀ ꙗ҆влѧ́етсѧ, и҆́менемъ є҆ѧ̀ и҆менꙋ́етсѧ, і҆кѡ́нами є҆ѧ̀ ди́вными ᲂу҆краша́етсѧ, сла́витсѧ ст҃ы́ми моща́ми ѳео́дѡра преподо́бнагѡ."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃, самогла́сенъ:"
|
|
},
|
|
{
|
|
"type": "TEXT",
|
|
"value": "Ра́дꙋешисѧ ны́нѣ, преподо́бне ѳео́дѡре, во ѻ҆би́телехъ ѻ҆ц҃а̀ нбⷭ҇нагѡ, въ трⷪ҇цѣ ст҃ѣ́й сла́вимагѡ, въ моли́твахъ твои́хъ ᲂу҆блажа́емагѡ, є҆гѡ́же неѿмі́рными словесы̀ тобо́ю проповѣ́даннагѡ, твои́ми собра́тїѧми и҆ ᲂу҆ченики̑ вы́нꙋ покланѧ́емагѡ, приснодв҃ꙋ мр҃і́ю возвели́чившагѡ, а҆́гг҃льскаѧ чинонача̑лїѧ ѡ҆свѧща́ющагѡ, де́монѡвъ же лю́тыхъ ᲂу҆жаса́ющагѡ, и҆̀хже и҆ ты̀ препобѣди́лъ є҆сѝ ᲂу҆го́днымъ бг҃ꙋ житїе́мъ, бдѣ́нїемъ моли́твеннымъ и҆ стро́гимъ поще́нїемъ, безро́потнымъ крестоноше́нїемъ и҆ бг҃омꙋ́дрымъ разсꙋжде́нїемъ."
|
|
},
|
|
{
|
|
"type": "HEADER",
|
|
"value": "И ны́нѣ, бг҃оро́диченъ, гла́съ то́йже:"
|
|
},
|
|
{
|
|
"type": "TEXT",
|
|
"value": "Мт҃и бж҃їѧ, сп҃си́телѧ мі́ра ро́ждшаѧ, ᲂу҆ подно́жїѧ крⷭ҇та̀ є҆гѡ̀ на́съ ᲂу҆сынови́вшаѧ, жре́бїй і҆́верскїй слꙋже́нїѧ а҆пⷭ҇льскагѡ прїѧ́вшаѧ, ᲂу҆наслѣ́довавшаѧ же го́рꙋ а҆ѳѡ́нскꙋю, ѿ неѧ́же ѻ҆би́тель кі́ево-пече́рскꙋю сꙋгꙋ́бѡ благослови́вшаѧ, ѻ҆би́тель же серафі́мо-диве́евскꙋю свои́мъ ᲂу҆дѣ́ломъ и҆збра́вшаѧ, моли́сѧ и҆ за ѻ҆би́тель преподо́бнагѡ ѳео́дѡра санаѯа́рскаго, ржⷭ҇твꙋ̀ твоемꙋ̀ досточꙋ́дномꙋ и҆́мъ посвѧще́ннꙋю."
|
|
},
|
|
{
|
|
"type": "HEADER",
|
|
"value": "Славосло́вїе вели́кое. И҆ ѿпꙋ́стъ."
|
|
}
|
|
] |