974 lines
78 KiB
JSON
974 lines
78 KiB
JSON
[
|
|
{
|
|
"type": "HEADER",
|
|
"value": "Ное́мврїа к҃г"
|
|
},
|
|
{
|
|
"type": "HEADER",
|
|
"value": "Ст҃а́гѡ благовѣ́рнагѡ вели́кагѡ кнѧ́зѧ а҆леѯа́ндра не́вскагѡ, влади́мїрскагѡ и҆ новгоро́дскагѡ, нарече́ннагѡ во и҆́ноцѣхъ а҆леѯі́а:"
|
|
},
|
|
{
|
|
"type": "HEADER",
|
|
"value": "На ма́лѣй вече́рни, стїхи̑ры, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Всехва́льнїи мч҃ницы:"
|
|
},
|
|
{
|
|
"type": "TEXT",
|
|
"value": "Ѿ благочести́вагѡ ко́рене свѧтопома́заннаѧ розга̀ произше́дъ, пло́дъ произнесѐ себѐ преподо́бїѧ и҆ пра́вды, премі́рнѡ благоꙋха́ѧ, вѣ́рнѡ ѿ дꙋшѝ чтꙋ́щыѧ тѧ̀:. Ѡ҆ ни́хже со а҆́гг҃лы хрⷭ҇тꙋ̀ моли́сѧ, блаже́нне, дарова́ти ми́ръ и҆ ве́лїю ми́лость. Два́жды."
|
|
},
|
|
{
|
|
"type": "TEXT",
|
|
"value": "Земны́хъ всѣ́хъ возгнꙋша́всѧ, къ нбⷭ҇нымъ дꙋ́хомъ прилѣпи́лъ є҆сѝ себѐ. Тѣ́мъ безпло́тныхъ подража́въ житїѐ, со ст҃ы́ми всѣ́ми водвори́лсѧ є҆сѝ. Съ ни́миже, прпⷣбне, хрⷭ҇тꙋ̀ моли́сѧ, па́мѧть твою̀ творѧ́щымъ пода́ти ми́ръ и҆ ве́лїю ми́лость."
|
|
},
|
|
{
|
|
"type": "TEXT",
|
|
"value": "Благоче́стїемъ и҆ вѣ́рою пресвѣ́тлѡ ᲂу҆кра́шенъ, ꙗ҆́кѡ благочести́въ скиптроно́сецъ и҆ преизрѧ́денъ, и҆ преимени́тъ прест҃ы́ѧ трⷪ҇цы побо́рникъ бы́лъ є҆сѝ: ѿ неѧ́же просвѣти́всѧ, чꙋде́съ свѣ́тъ мі́рꙋ провозсїѧ́лъ є҆сѝ, и҆ моли́твенникъ ꙗ҆ви́лсѧ є҆сѝ ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прпⷣбне ѻ҆́ч҃е а҆леѯа́ндре, и҆змла́да возлюби́въ хрⷭ҇та̀, бг҃оимени́тъ вѣнцено́сецъ бы́лъ є҆сѝ, преподо́бїемъ и҆ пра́вдою свѣ́тлѡ ᲂу҆кра́шенъ: ми́лостынѧми же и҆ чистото́ю, простра́нное селе́нїе бы́лъ є҆сѝ дх҃а ст҃а́гѡ: є҆мꙋ́же непреста́ннѡ моли́сѧ, ѡ҆ є҆́же сохрани́ти ѻ҆те́чество твоѐ и҆ гра́дъ тво́й, ѿ пога́ныхъ неѡбори̑мымъ бы́ти, и҆ сыновѡ́мъ рѡссі́йскимъ спасти́сѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ и҃:"
|
|
},
|
|
{
|
|
"type": "TEXT",
|
|
"value": "Дв҃дъ провозглаша́ше тебѣ̀, пречⷭ҇таѧ, прови́дѧ ѡ҆свѧще́нїе вхо́да твоегѡ̀ въ хра́мъ, въ не́мже концы̀ дне́сь пра́зднꙋюще, славосло́вѧтъ тѧ̀, всепѣ́таѧ: ꙗ҆́же бо пре́жде ржⷭ҇тва̀ дѣ́ва, и҆ по ржⷭ҇твѣ̀ пребы́вши нетлѣ́нна, мт҃и сло́ва жи́зни. Дне́сь въ хра́мѣ заха́рїа весели́тсѧ, воспрїе́мъ тѧ̀, влⷣчце: и҆ ст҃а̑ѧ ст҃ы́хъ ра́дꙋютсѧ, под̾е́мши тѧ̀, и҆сто́чника жи́зни на́шеѧ. Сегѡ̀ ра́ди и҆ мы̀ ѱало́мски вопїе́мъ тѝ: ѡ҆ на́съ молѝ сн҃а твоего̀ и҆ бг҃а на́шего, дарова́ти на́мъ ве́лїю ми́лость."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: До́ме є҆ѵфра́ѳовъ:"
|
|
},
|
|
{
|
|
"type": "TEXT",
|
|
"value": "До́мъ ст҃а́гѡ дх҃а, поспѣше́нїемъ благода́ти, а҆леѯа́ндръ ꙗ҆ви́сѧ: тѣ́мже ны́нѣ соше́дшесѧ, томꙋ̀ воспои́мъ пѣ́снь."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Ра́дꙋйсѧ, кнѧзе́й рꙋ́сскихъ похвало̀, и҆ во́инѡвъ соблюде́нїе, ва́рварѡвъ побѣжде́нїе, сирѡ́тъ и҆ вдѡ́въ застꙋ́пниче, и҆ гра́да на́шегѡ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Сті́хъ: Блаже́нъ мꙋ́жъ, боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Прїимѝ ны́нѣ пѣ́нїе люде́й твои́хъ, бл҃же́нне, и҆ молѧ́щымсѧ тѝ ᲂу҆ хрⷭ҇та̀ и҆спросѝ ѿ грѣхѡ́въ и҆збавле́нїе, да ᲂу҆блажа́емъ тѧ̀ при́снѡ."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃:"
|
|
},
|
|
{
|
|
"type": "TEXT",
|
|
"value": "Бг҃омꙋ́дре а҆леѯа́ндре, вели́кїй кнѧ́же, блаже́нъ є҆сѝ, ꙗ҆́кѡ бл҃же́нство наслѣ́довалъ є҆сѝ, є҆гѡ́же ра́ди всѧ̑ земна̑ѧ презрѣ́въ, неѿло́жнѡ того̀ взыскꙋ́ѧ, ни́щыѧ ᲂу҆довли́лъ є҆сѝ, сирѡ́тъ пита́тель, плѣ́нныхъ свободи́тель бы́лъ є҆сѝ. Тѣ́мъ въ нестарѣ́емꙋю ра́дость вше́лъ є҆сѝ гдⷭ҇а твоегѡ̀, є҆мꙋ́же со а҆́гг҃лы предстоѧ̀, молѝ вѣ́рою пою́щымъ тѧ̀ гобзова́нїе щедро́тъ пода́ти и҆ грѣхѡ́въ ѡ҆ставле́нїе."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ д҃:"
|
|
},
|
|
{
|
|
"type": "TEXT",
|
|
"value": "Прїиди́те, всѝ вѣ́рнїи, є҆ди́нꙋ непоро́чнꙋю восхва́лимъ, ѿ прⷪ҇ро́кѡвъ проповѣ́данꙋю, и҆ въ хра́мъ приведе́ннꙋю, пре́жде вѣ̑къ пронарече́ннꙋю мт҃рь, и҆ въ послѣ̑днѧѧ лѣ̑та ꙗ҆́вльшꙋюсѧ бцⷣꙋ. Гдⷭ҇и, моли́твами є҆ѧ̀, ми́ръ тво́й пода́ждь на́мъ и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "По трист҃о́мъ тропа́рь, гла́съ д҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ благочести́вагѡ ко́рене пречестна́ѧ ѻ҆́трасль бы́лъ є҆сѝ, блаже́нне а҆леѯа́ндре: ꙗ҆ви́ бо тѧ̀ хрⷭ҇то́съ, ꙗ҆́кѡ нѣ́кое бжⷭ҇твенное сокро́вище рѡссі́йстѣй землѝ, но́ваго чꙋдотво́рца, пресла́вна и҆ бг҃опрїѧ́тна. И҆ дне́сь, соше́дшесѧ въ па́мѧть твою̀ вѣ́рою и҆ любо́вїю, во ѱалмѣ́хъ и҆ пѣ́нїихъ ра́дꙋющесѧ, сла́вимъ гдⷭ҇а, да́вшаго тебѣ̀ бл҃года́ть и҆сцѣле́нїй: є҆го́же молѝ спастѝ гра́дъ се́й, и҆ держа́вѣ срѡ́дникъ твои́хъ бг҃оꙋго́днѣй бы́ти, и҆ сыновѡ́мъ рѡссі́йскимъ спасти́сѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, гла́съ то́йже:"
|
|
},
|
|
{
|
|
"type": "TEXT",
|
|
"value": "Дне́сь благоволе́нїѧ бж҃їѧ пред̾ѡбраже́нїе, и҆ человѣ́кѡвъ спасе́нїѧ проповѣ́данїе, въ хра́мѣ бж҃їи ꙗ҆́снѡ дв҃а ꙗ҆влѧ́етсѧ и҆ хрⷭ҇та̀ всѣ̑мъ предвозвѣща́етъ. То́й и҆ мы̀ велегла́снѡ возопїи́мъ: ра́дꙋйсѧ, смотре́нїѧ зижди́телева и҆сполне́нїе."
|
|
},
|
|
{
|
|
"type": "HEADER",
|
|
"value": "Та́же, є҆ктенїа̀ ма́лаѧ:"
|
|
},
|
|
{
|
|
"type": "TEXT",
|
|
"value": "Поми́лꙋй на́съ бж҃е:"
|
|
},
|
|
{
|
|
"type": "HEADER",
|
|
"value": "И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На вели́цѣй вече́рни стїхосло́вимъ, Бл҃же́нъ мꙋ́жъ, а҃-й а҆нтїфѡ́нъ."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры на и҃: пра́здника, г҃: и҆ а҆леѯа́ндра, є҃."
|
|
},
|
|
{
|
|
"type": "HEADER",
|
|
"value": "Стїхи̑ры а҆леѯа́ндра, гла́съ в҃."
|
|
},
|
|
{
|
|
"type": "TEXT",
|
|
"value": "Подо́бенъ: Кі́ими похва́льными:"
|
|
},
|
|
{
|
|
"type": "TEXT",
|
|
"value": "Кі́ими похва́льными вѣнцы̑, вѣнча́емъ блаже́ннаго а҆леѯа́ндра; люде́й благовѣ́рныхъ держа́вꙋ, и҆ кнѧзе́й правосла́вныхъ похвалꙋ̀, ди́внаго въ чꙋдесѣ́хъ: безпло́тныхъ сожи́телѧ, и҆сто́чника бжⷭ҇твенныхъ и҆сцѣле́нїй неисчерпа́емаго, рѣкꙋ̀ чꙋде́съ мно́гихъ, проли́тїе дарова́нїй дꙋхо́вныхъ: є҆гѡ́же ра́ди хрⷭ҇то́съ землѝ рѡссі́йстѣй да́рꙋетъ ми́ръ и҆ ве́лїю ми́лость. Два́жды."
|
|
},
|
|
{
|
|
"type": "TEXT",
|
|
"value": "Кі́ими похва́льными вѣнцы̑, ᲂу҆вѧзе́мъ блаже́ннаго а҆леѯа́ндра; благоче́стїѧ ᲂу҆правле́нїе, є҆реті́ческихъ ᲂу҆че́нїй ѡ҆бличе́нїе, це́ркве свѣ́тлое ᲂу҆краше́нїе, врача̀ премꙋ́драго и҆ бг҃опрїѧ́тна, и҆сцѣлѧ́юща недꙋ́ги и҆ болѣ̑зни на́шѧ. Є҆гѡ́же ра́ди врагѡ́въ шата̑нїѧ хрⷭ҇то́съ низложѝ, и҆мѣ́ѧй ве́лїю ми́лость."
|
|
},
|
|
{
|
|
"type": "TEXT",
|
|
"value": "Кі́ими смире́нными ᲂу҆стна́ми, воспое́мъ а҆леѯа́ндра премꙋ́драго; сл҃нца пресвѣ́тлаго, всечестны́ѧ трⷪ҇цы моли́твенника, печа́льныхъ ᲂу҆тѣше́нїе, и҆ ѿча́ѧнныхъ застꙋ́пника, похвалꙋ̀ землѝ рѡссі́йскїѧ, рѣкꙋ̀ ми́лости вои́стиннꙋ, и҆ больны́хъ врача̀ безме́здна, смире́нїѧ хрⷭ҇то́ва подража́телѧ, подаю́щаго на́мъ ве́лїю ми́лость."
|
|
},
|
|
{
|
|
"type": "TEXT",
|
|
"value": "Кі́ими дꙋхо́вными пѣ́сньми, воспое́мъ пресла́внаго; свѣти́льника незаходи́магѡ сл҃нца мы́сленнагѡ, пра́вды пра́вило, весе́лїе землѝ рѡссі́йскїѧ, крѣ́пость гра́да на́шегѡ и҆ забра́ло, сирѡ́тъ пита́телѧ, ѡ҆би́димыхъ застꙋ́пника, столпа̀ пресвѣ́тлаго, просвѣща́ющаго на́съ чꙋде́съ свѣтлостьмѝ, и҆ подаю́ща ве́лїю ми́лость."
|
|
},
|
|
{
|
|
"type": "HEADER",
|
|
"value": "Сла́ва, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Всѧ́къ гра́дъ и҆ страна̀ сла́вномꙋ гра́дꙋ на́шемꙋ сра́дꙋйтесѧ, и҆ ѱало́мски восплещи́те рꙋка́ми вкꙋ́пѣ, дꙋхо́внѡ торжество̀ дне́сь пра́зднꙋюще: сѐ ᲂу҆́бѡ ди́вный на́шъ вра́чь и҆ спаси́тель а҆леѯа́ндръ вели́кїй, нбⷭ҇нагѡ врачевства̀ цѣльбы̑ предлага́етъ, и҆ къ непреста̑ннымъ цѣльба́мъ ти́хѡ созыва́етъ, не хи́тростьми человѣ́ческими, ни ѡ҆бвѧза́нїемъ, но дѣ́йствомъ ст҃а́гѡ дх҃а, дꙋше́вное и҆ тѣле́сное и҆сцѣле́нїе па́че є҆стества̀ подава́ѧ: є҆го́же и҆ прїе́млюще дово́льнѡ всѧ́къ ро́дъ и҆ во́зрастъ сла́вимъ хрⷭ҇та̀ бг҃а, подаю́щаго на́мъ є҆гѡ̀ ра́ди ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ и҃:"
|
|
},
|
|
{
|
|
"type": "TEXT",
|
|
"value": "По ржⷭ҇твѣ̀ твое́мъ, бг҃оневѣ́сто влⷣчце, пришла̀ є҆сѝ въ хра́мъ гдⷭ҇ень воспита́тисѧ во ст҃а̑ѧ ст҃ы́хъ, ꙗ҆́кѡ ѡ҆свѧще́нна: тогда̀ и҆ гаврїи́лъ по́сланъ бы́сть къ тебѣ̀ всенепоро́чнѣй, пи́щꙋ тебѣ̀ приносѧ̀: нбⷭ҇наѧ всѧ̑ ᲂу҆диви́шасѧ, зрѧ́ще дх҃а ст҃а́го въ тѧ̀ все́льшасѧ. Тѣ́мже, пречⷭ҇таѧ и҆ нескве́рнаѧ, ꙗ҆́же на нб҃сѝ и҆ на землѝ сла́вима, мт҃и бж҃їѧ, спасѝ ро́дъ на́шъ."
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ. Чтє́нїѧ г҃."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе. (Глава̀ г҃.)"
|
|
},
|
|
{
|
|
"type": "TEXT",
|
|
"value": "Пра́ведныхъ дꙋ́шы въ рꙋцѣ̀ бж҃їей, и҆ не прико́снетсѧ и҆́хъ мꙋ́ка. Непщева́ни бы́ша во ѻ҆чесѣ́хъ безꙋ́мныхъ ᲂу҆мре́ти, и҆ вмѣни́сѧ ѡ҆ѕлобле́нїе и҆схо́дъ и҆́хъ: и҆ є҆́же ѿ на́съ ше́ствїе, сокрꙋше́нїе, ѻ҆ни́ же сꙋ́ть въ ми́рѣ. И҆́бо предъ лице́мъ человѣ́ческимъ а҆́ще и҆ мꙋ́кꙋ прїи́мꙋтъ, ᲂу҆пова́нїе и҆́хъ безсме́ртїѧ и҆спо́лнено, и҆ вма́лѣ нака́зани бы́вше, вели́кими благодѣ́тельствовани бꙋ́дꙋтъ, ꙗ҆́кѡ бг҃ъ и҆скꙋсѝ ѧ҆̀, и҆ ѡ҆брѣ́те и҆̀хъ достѡ́йны себѣ̀. Ꙗ҆́кѡ зла́то въ горни́лѣ и҆скꙋсѝ и҆̀хъ, и҆ ꙗ҆́кѡ всепло́дїе же́ртвенное прїѧ́тъ ѧ҆̀. И҆ во вре́мѧ посѣще́нїѧ и҆́хъ возсїѧ́ютъ, и҆ ꙗ҆́кѡ и҆́скры по сте́блїю потекꙋ́тъ. Сꙋ́дѧтъ ꙗ҆зы́кѡмъ, и҆ ѡ҆блада́ютъ людьмѝ, и҆ воцр҃и́тсѧ гдⷭ҇ь въ ни́хъ во вѣ́ки. Надѣ́ющїисѧ на́нь разꙋмѣ́ютъ и҆́стинꙋ, и҆ вѣ́рнїи въ любвѝ пребꙋ́дꙋтъ є҆мꙋ̀: ꙗ҆́кѡ бл҃года́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе. (Глава̀ є҃.)"
|
|
},
|
|
{
|
|
"type": "TEXT",
|
|
"value": "Пра́вєдницы во вѣ́ки живꙋ́тъ, и҆ въ гдⷭ҇ѣ мзда̀ и҆́хъ, и҆ попече́нїе и҆́хъ ᲂу҆ вы́шнѧгѡ. Сегѡ̀ ра́ди прїи́мꙋтъ црⷭ҇твїе благолѣ́пїѧ, и҆ вѣне́цъ добро́ты ѿ рꙋкѝ гдⷭ҇ни: занѐ десни́цею покры́етъ ѧ҆̀, и҆ мы́шцею защити́тъ и҆̀хъ. Прїи́метъ всеѻрꙋ́жїе рве́нїе своѐ, и҆ воѡрꙋжи́тъ тва́рь въ ме́сть врагѡ́мъ. Ѡ҆блече́тсѧ въ бронѧ̀ пра́вды, и҆ возложи́тъ шле́мъ, сꙋ́дъ нелицемѣ́ренъ: прїи́метъ щи́тъ непобѣди́мый преподо́бїе: поѡстри́тъ же напра́сный гнѣ́въ во ѻ҆рꙋ́жїе: спобо́ретъ же съ ни́мъ мі́ръ на безꙋ̑мныѧ: по́йдꙋтъ праволꙋ̑чныѧ стрѣ́лы мѡ́лнїины, и҆ ꙗ҆́кѡ ѿ благокрꙋ́гла лꙋ́ка ѻ҆блакѡ́въ на намѣ́ренїе полетѧ́тъ: и҆ ѿ каменоме́тныѧ ꙗ҆́рости, и҆спо́лнь падꙋ́тъ гра́ды: вознегодꙋ́етъ на ни́хъ вода̀ морска́ѧ, рѣ́ки же потопѧ́тъ ѧ҆̀ на́глѡ. Сопроти́въ ста́нетъ и҆̀мъ дꙋ́хъ си́лы, и҆ ꙗ҆́кѡ ви́хоръ развѣ́етъ и҆̀хъ: и҆ ѡ҆пꙋстоши́тъ всю̀ зе́млю беззако́нїе, и҆ ѕлодѣ́йство преврати́тъ престо́лы си́льныхъ. Слы́шите ᲂу҆̀бо, ца́рїе, и҆ разꙋмѣ́йте: навы́кните, сꙋдїи̑ концє́въ землѝ. Внꙋши́те держа́щїи мно́жєства и҆ гордѧ́щїисѧ ѡ҆ наро́дѣхъ ꙗ҆зы̑къ: ꙗ҆́кѡ дана̀ є҆́сть ѿ гдⷭ҇а держа́ва ва́мъ, и҆ си́ла ѿ вы́шнѧгѡ."
|
|
},
|
|
{
|
|
"type": "HEADER",
|
|
"value": "Премꙋ́дрости соломѡ́новы чте́нїе. (Глава̀ д҃.)"
|
|
},
|
|
{
|
|
"type": "TEXT",
|
|
"value": "Пра́ведникъ, а҆́ще пости́гнетъ сконча́тисѧ, въ поко́и бꙋ́детъ. Ста́рость бо честна̀ не многолѣ́тна, нижѐ въ числѣ̀ лѣ́тъ и҆счита́етсѧ: сѣди́на же є҆́сть мꙋ́дрость человѣ́кѡмъ, и҆ во́зрастъ ста́рости, житїѐ нескве́рное. Благоꙋго́денъ бг҃ови бы́въ, возлю́бленъ бы́сть, и҆ живы́й посредѣ̀ грѣ̑шникъ преста́вленъ бы́сть. Восхище́нъ бы́сть, да не ѕло́ба и҆змѣни́тъ ра́зꙋма є҆гѡ̀, и҆лѝ ле́сть прельсти́тъ дꙋ́шꙋ є҆гѡ̀. Раче́нїе бо ѕло́бы помрача́етъ дѡ́браѧ, и҆ паре́нїе по́хоти премѣнѧ́етъ ᲂу҆́мъ неѕло́бивъ. Сконча́всѧ вма́лѣ, и҆спо́лни лѣ̑та дѡ́лга: ᲂу҆го́дна бо бѣ̀ гдⷭ҇ꙋ дꙋша̀ є҆гѡ̀: сегѡ̀ ра́ди потща́сѧ ѿ среды̀ лꙋка́вствїѧ: лю́дїе же ви́дѣвше, и҆ не разꙋмѣ́вше, нижѐ положи́вше въ помышле́нїи таково́е: ꙗ҆́кѡ благода́ть и҆ ми́лость въ преподо́бныхъ є҆гѡ̀, и҆ посѣще́нїе во и҆збра́нныхъ є҆гѡ̀."
|
|
},
|
|
{
|
|
"type": "HEADER",
|
|
"value": "На лїті́и стїхи̑ры, гла́съ г҃:"
|
|
},
|
|
{
|
|
"type": "TEXT",
|
|
"value": "Землѧ̀ на́ша и҆ страна̀, бл҃же́нне, чꙋдеса̀ твоѧ̑ возвѣща́ютъ, и҆ воспѣва́ютъ ᲂу҆́бѡ всю́дꙋ: хрⷭ҇то́съ бо тѧ̀ на́мъ свѣти́льника показа̀, просвѣща́юща дꙋ́шы на́шѧ."
|
|
},
|
|
{
|
|
"type": "HEADER",
|
|
"value": "Гла́съ д҃:"
|
|
},
|
|
{
|
|
"type": "TEXT",
|
|
"value": "Лю́дїе и҆ кнѧ́зи, вкꙋ́пѣ бога́тїи и҆ ᲂу҆бо́зїи, ра́дꙋйтесѧ, свѣ́тлое дне́сь торжество̀ пра́зднꙋюще ѻ҆́бщагѡ застꙋ́пника, бл҃же́ннагѡ а҆леѯа́ндра: воспѣва́йте ᲂу҆́бѡ, и҆́стиннїи безмѡ́лвницы и҆ прості́и лю́дїе, ѻ҆́бщаго предста́телѧ и҆ помо́щника и҆ моле́бника, ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "Гла́съ є҃:"
|
|
},
|
|
{
|
|
"type": "TEXT",
|
|
"value": "Бг҃опрїѧ́тне и҆ прпⷣбне а҆леѯі́е, ѿ ложе́снъ поро́дъ свѧ́тъ бг҃ꙋ нарече́нъ є҆сѝ, благи́ми дѣ́лы свѣ́тлѡ ᲂу҆краси́лсѧ є҆сѝ, ми́лостынѧми и҆ чистото́ю сосꙋ́дъ ст҃а́гѡ дх҃а бы́лъ є҆сѝ, и҆́мже дѣ́йствꙋеши пресла̑внаѧ чꙋдеса̀ съ вѣ́рою приходѧ́щымъ ко свѧто́мꙋ твоемꙋ̀ гро́бꙋ."
|
|
},
|
|
{
|
|
"type": "TEXT",
|
|
"value": "Бг҃овѣнча́нный а҆леѯа́ндре, страны̀ на́шей держа́ва свѣтоно́снаѧ, кнѧзе́й похвала̀ велехва́льнаѧ, хрⷭ҇тїа́нъ побо́рниче непобѣ́дный, ѡ҆ ни́хже жи́въ сы́й дꙋ́шꙋ твою̀ полага́лъ є҆сѝ: си́це и҆ по сме́рти неѿстꙋ́пнѡ ѻ҆те́чество твоѐ сохранѧ́й, на а҆га́рѧны моли́твами твои́ми спосо́бствꙋѧ."
|
|
},
|
|
{
|
|
"type": "TEXT",
|
|
"value": "Бг҃омꙋ́дре а҆леѯа́ндре прпⷣбне, є҆гда̀ ре́вностїю бж҃їею разже́гсѧ, въ зе́млю ше́ствовати невѣ́дꙋщихъ бг҃а неѿрица́лсѧ є҆сѝ, та́мѡ прише́ствїемъ твои́мъ безбо́жнагѡ царѧ̀ ᲂу҆диви́лъ є҆сѝ, хрⷭ҇тоимени̑тымъ же лю́демъ тишинꙋ̀ и҆схода́тайствовалъ є҆сѝ. Тѣ́мъ и҆ дне́сь къ бг҃ꙋ хода́тайствꙋй ѡ҆ на́съ, да ᲂу҆ще́дритъ ны̀ въ де́нь сꙋ́дный."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃:"
|
|
},
|
|
{
|
|
"type": "TEXT",
|
|
"value": "Прїиди́те, хрⷭ҇тоимени́тїи собо́ри, бг҃опочте́ннїи кнѧ́зи и҆ бл҃говѣ́рнїи, кꙋ́пнѡ же со ст҃и́тєли, и҆ хрⷭ҇толюби́вое мно́жество, свѣ́тлѡ соста́вльше ѱало́мскꙋю пѣ́снь бжⷭ҇твенномꙋ семꙋ̀ вѣнцено́сцꙋ а҆леѯа́ндрꙋ, принесе́мъ рекꙋ́ще: ра́дꙋйсѧ, трⷪ҇цы побо́рниче великоимени́тый: ра́дꙋйсѧ, крⷭ҇тоно́сныхъ кнѧзе́й похвало̀ бг҃овѣнча́ннаѧ: ра́дꙋйсѧ, хрⷭ҇тїа́нъ ро́гъ бг҃оно́сный, ѡ҆ ни́хже хрⷭ҇тꙋ̀ молѧ́сѧ не ѡ҆скꙋдѣ́й, дарова́ти ми́ръ и҆ ве́лїю ми́лость."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ є҃:"
|
|
},
|
|
{
|
|
"type": "TEXT",
|
|
"value": "Возсїѧ̀ де́нь ра́достенъ и҆ пра́здникъ всече́стенъ: дне́сь бо ꙗ҆́же пре́жде ржⷭ҇тва̀, и҆ по ржⷭ҇твѣ̀ дв҃а пребы́вши, въ хра́мъ гдⷭ҇ень приво́дитсѧ, и҆ ра́дꙋетсѧ заха́рїа ста́рецъ, роди́тель прⷣте́чевъ, и҆ вопїе́тъ ве́селѡ: прибли́жисѧ предста́тельница скорбѧ́щихъ въ хра́мъ ст҃ы́й, ꙗ҆́кѡ свѧта́ѧ, ѡ҆свѧти́тисѧ во ѻ҆би́телище всецр҃ѧ̀. Да весели́тсѧ і҆ѡакі́мъ пра́ѻтецъ, и҆ а҆́нна да ра́дꙋетсѧ, ꙗ҆́кѡ принесо́ша бг҃ꙋ, ꙗ҆́кѡ трилѣ́тствꙋющꙋю ю҆́ницꙋ, непоро́чнꙋю влⷣчцꙋ. Ма́тєри, сра́дꙋйтесѧ, дѣ̑вы, взыгра́йте, и҆ непло́ды сликовствꙋ́йте, ꙗ҆́кѡ ѿве́рзе на́мъ нбⷭ҇ное црⷭ҇тво пронарече́ннаѧ всецр҃и́ца, ра́дꙋйтесѧ, лю́дїе, и҆ весели́тесѧ."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Нбⷭ҇ныхъ чинѡ́въ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ ве́лїе со́лнце ꙗ҆ви́лсѧ є҆сѝ, блаже́нне, вселе́ннѣй, чꙋдесы̀ стра́шными просвѣща́ѧ ве́сь мі́ръ. Тѣ́мъ всѝ соше́дшесѧ, хрⷭ҇та̀ воспои́мъ, спаса́ющаго ны̀ ѿ бѣ́дъ моли́твами твои́ми."
|
|
},
|
|
{
|
|
"type": "TEXT",
|
|
"value": "Сті́хъ: Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Свѣ́томъ сїѧ́ѧ бжⷭ҇твенныѧ бл҃года́ти, и҆ чꙋдодѣ́йствꙋеши непреста́ннѡ. И҆ ны́нѣ молѝ хрⷭ҇та̀ бг҃а, блаже́нне а҆леѯа́ндре, и҆зба́вити ѿ бѣ́дъ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Сті́хъ: Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Не ѿ ри́ма возсїѧ́лъ є҆сѝ, ни ѿ сїѡ́на, бг҃омꙋ́дре, но въ рѡссі́йстѣй землѝ ꙗ҆ви́лсѧ є҆сѝ, чꙋдотво́рецъ пресла́венъ, и҆сцѣле́нїе подава́ѧ неѡскꙋ́днѡ всѣ̑мъ приходѧ́щымъ съ вѣ́рою."
|
|
},
|
|
{
|
|
"type": "HEADER",
|
|
"value": "Сла́ва, гла́съ а҃. Самогла́сенъ:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ и҆ весели́сѧ, гра́де влади́мїре, и҆ свѣ́тлѡ торжествꙋ́й, и҆ ликꙋ́й хрⷭ҇то́ва цр҃ковь, въ не́йже положено̀ честно́е тѣ́ло блаже́ннагѡ а҆леѯа́ндра, тѣ́ло драго́е, тѣ́ло пресла́вное, тѣ́ло чꙋдеса̀ точа́ще всѣ̑мъ приходѧ́щымъ съ вѣ́рою. Прїиди́те, всѝ лю́дїе: прїиди́те вѣ́рнїи поклони́мсѧ, тецы́те и҆ собери́тесѧ, и҆ ѱало́мски того̀ воспои́мъ ра́дꙋющесѧ, и҆ ѡ҆блобыза́емъ че́стнѡ мо́щи ди́внагѡ врача̀ на́шегѡ, печа́льныхъ при́снꙋю ᲂу҆тѣ́хꙋ, и҆ ѿча́ѧнныхъ наде́ждꙋ, похвалꙋ̀ землѝ рѡссі́йстѣй, посо́бника на врагѝ и҆ всѣ̑мъ человѣ́кѡмъ застꙋ́пника, и҆ моли́твенника ѡ҆ спасе́нїи дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Дне́сь собо́ри вѣ́рныхъ соше́дшесѧ, дꙋхо́внѣ да торжествꙋ́емъ, и҆ бг҃оѻтрокови́цꙋ дв҃ꙋ и҆ бцⷣꙋ, въ хра́мъ гдⷭ҇ень приводи́мꙋ, благоче́стнѡ восхва́лимъ, пред̾избра́ннꙋю ѿ всѣ́хъ родѡ́въ, во ѻ҆би́телище всѣ́хъ цр҃ѧ̀ хрⷭ҇та̀ и҆ бг҃а: дѣ̑вы, свѣщы̀ носѧ́ще, пред̾иди́те, приснодв҃ы чтꙋ́ще честно́е происхожде́нїе: ма́тєри, печа́ль всю̀ ѿложи́вше, ра́достнѡ спослѣ́дствꙋйте мт҃ри бг҃а быва́ющей, и҆ ра́дости мі́ра хода́таицѣ: всѝ ᲂу҆́бѡ ра́достнѡ, є҆́же ра́дꙋйсѧ, со а҆́гг҃ломъ возопїе́мъ ѡ҆бра́дованнѣй, при́снѡ молѧ́щейсѧ ѡ҆ дꙋша́хъ на́шихъ"
|
|
},
|
|
{
|
|
"type": "HEADER",
|
|
"value": "На благослове́нїи хлѣ́бѡвъ, тропа́рь ст҃а́гѡ, два́жды, и҆ пра́здника, є҆ди́ножды."
|
|
},
|
|
{
|
|
"type": "HEADER",
|
|
"value": "А҆́ще нѣ́сть бдѣ́нїѧ, глаго́лемъ тропа́рь ст҃а́гѡ, є҆ди́ножды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника:"
|
|
},
|
|
{
|
|
"type": "TEXT",
|
|
"value": "Дне́сь благоволе́нїѧ бж҃їѧ пред̾ѡбраже́нїе, и҆ человѣ́кѡвъ спасе́нїѧ проповѣ́данїе, въ хра́мѣ бж҃їи ꙗ҆́снѡ дв҃а ꙗ҆влѧ́етсѧ и҆ хрⷭ҇та̀ всѣ̑мъ предвозвѣща́етъ. То́й и҆ мы̀ велегла́снѡ возопїи́мъ: ра́дꙋйсѧ, смотре́нїѧ зижди́телева и҆сполне́нїе."
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь, тропа́рь пра́здника, два́жды."
|
|
},
|
|
{
|
|
"type": "HEADER",
|
|
"value": "Сла́ва, ст҃а́гѡ: И҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "По а҃-мъ стїхосло́вїи сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Оу҆диви́сѧ і҆ѡ́сифъ:"
|
|
},
|
|
{
|
|
"type": "TEXT",
|
|
"value": "Ра́дꙋйсѧ, ꙗ҆́кѡ вторы́й ѳессало́нь въ рѡссі́йстѣй землѝ, сла́вный гра́де влади́мїре, и҆ любе́зными пѣ́сньми вкꙋ́пѣ ликꙋ́й бжⷭ҇твеннаѧ цр҃ковь, въ не́йже пречестно́е тѣ́ло а҆леѯа́ндра премꙋ́драгѡ бл҃же́ннагѡ, подае́тъ разли́чнѡ всѣ̑мъ и҆сцѣле́нїе. И҆ сегѡ̀ ра́ди возопїи́мъ къ немꙋ̀: моли́твами твои́ми, блаже́нне, и҆сцѣлѝ недꙋ́ги и҆ болѣ̑зни на́шѧ, и҆ всѧ́ческихъ и҆зба́ви и҆скꙋше́нїй, вѣ́рою и҆ любо́вїю па́мѧть твою̀ восхвалѧ́ющихъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, гла́съ а҃."
|
|
},
|
|
{
|
|
"type": "TEXT",
|
|
"value": "Подо́бенъ: Ка́мени запеча́танꙋ:"
|
|
},
|
|
{
|
|
"type": "TEXT",
|
|
"value": "Ст҃а́ѧ ст҃ы́хъ, бцⷣе, сꙋ́щи, досто́йнѡ приведе́сѧ жи́ти во ст҃а̑ѧ: ꙗ҆́кѡ ѡ҆дꙋшевле́нъ гдⷭ҇ень кївѡ́тъ, и҆ ст҃а́гѡ дх҃а и҆́стиннѡ вмѣсти́лище, бжⷭ҇твенное, дв҃ома́ти. Тѣ́мже всели́сѧ въ тѧ̀, и҆́же ѻ҆ц҃ꙋ̀ є҆диноро́дный, и҆ ст҃о́мꙋ дх҃ꙋ соесте́ственный, тво́й сн҃ъ неискꙋсомꙋ́жнѡ, ѡ҆бг҃отвори́въ всѐ человѣ́чество."
|
|
},
|
|
{
|
|
"type": "HEADER",
|
|
"value": "По в҃-й каѳі́смѣ, сѣда́ленъ, гла́съ г҃."
|
|
},
|
|
{
|
|
"type": "TEXT",
|
|
"value": "Подо́бенъ: Красотѣ̀ дѣ́вства:"
|
|
},
|
|
{
|
|
"type": "TEXT",
|
|
"value": "Благода́рнѡ зове́мъ всѝ хрⷭ҇то́вꙋ ᲂу҆го́дникꙋ ми́лостивомꙋ, неѕло́бивомꙋ и҆ кро́ткомꙋ, прилѣ́жнѡ молѧ́щесѧ любо́вїю: разрꙋшѝ бра́нь страсте́й на́шихъ, и҆ ѿженѝ де́мѡнскаѧ мечта̑нїѧ, бл҃же́нне, и҆ молѝ хрⷭ҇та̀ бг҃а дарова́ти на́мъ ве́лїю ми́лость. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, гла́съ д҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆ви́лсѧ є҆сѝ дне́сь:"
|
|
},
|
|
{
|
|
"type": "TEXT",
|
|
"value": "Весе́лїѧ дне́сь вселе́ннаѧ и҆спо́лнисѧ всѧ̀, въ благознамени́томъ пра́здницѣ бцⷣы, зовꙋ́щи: та̀ є҆́сть сѣ́нь нбⷭ҇наѧ."
|
|
},
|
|
{
|
|
"type": "HEADER",
|
|
"value": "По полѷеле́и сѣда́ленъ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Премꙋ́дрости:"
|
|
},
|
|
{
|
|
"type": "TEXT",
|
|
"value": "Дх҃ъ ст҃ы́й тѧ̀, бл҃же́нне, наста́ви, ѻ҆те́чествїе твоѐ па́ствити на па́житехъ спаси́тельныхъ, и҆ хрⷭ҇то́съ свѣти́льника тѧ̀ показа̀ ꙗ҆́вѣ: сегѡ̀ ра́ди ликꙋ́й и҆ весели́сѧ со дерзнове́нїемъ, ꙗ҆́кѡ сꙋгꙋ̑быѧ вѣнцы̀ ѿ вѣнцеда́вца прїи́мъ. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника:"
|
|
},
|
|
{
|
|
"type": "TEXT",
|
|
"value": "Пре́жде зача́тїѧ, чⷭ҇таѧ, ѡ҆свѧти́ласѧ є҆сѝ бг҃ꙋ, и҆ ро́ждшисѧ на землѝ, да́ръ принесла́сѧ є҆сѝ ны́нѣ є҆мꙋ̀, и҆сполнѧ́ющи ѻ҆те́ческое ѡ҆бѣща́нїе: въ бжⷭ҇твеннѣмъ же хра́мѣ, ꙗ҆́кѡ сꙋ́щѡ бжⷭ҇твенный хра́мъ, ѿ младе́нства чи́стѣ со свѣща́ми свѣ́тлыми ѿдана̀ бы́вши, ꙗ҆ви́ласѧ є҆сѝ прїѧ́телище непристꙋ́пнагѡ и҆ бжⷭ҇твеннагѡ свѣ́та. Вели́ко вои́стиннꙋ предше́ствїе твоѐ, є҆ди́на бг҃оневѣ́сто и҆ приснодв҃о."
|
|
},
|
|
{
|
|
"type": "HEADER",
|
|
"value": "А҆́ще ли кто̀ и҆зво́литъ пѣ́ти по́слѣ ѿда́нїѧ пра́здника ст҃ы́ѧ бцⷣы, глаго́летъ по сѣда́льнахъ, Сла́ва, и҆ ны́нѣ, бг҃орѡ́дичны сїѧ̑."
|
|
},
|
|
{
|
|
"type": "HEADER",
|
|
"value": "По а҃-мъ сѣда́льнѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Оу҆диви́сѧ і҆ѡ́сифъ, є҆́же па́че є҆стества̀ зрѧ̀, и҆ внима́ше мы́слїю и҆́же на рꙋно̀ до́ждь, въ безсѣ́менномъ зача́тїи твое́мъ, бцⷣе, кꙋпинꙋ̀ ѻ҆гне́мъ неѡпали́мꙋю, же́злъ а҆арѡ́новъ прозѧ́бшїй, и҆ свидѣ́тельствꙋѧ ѻ҆брꙋ́чникъ тво́й и҆ храни́тель, свѧще́нникѡмъ взыва́ше: дв҃а ражда́етъ, и҆ по ржⷭ҇твѣ̀ па́ки дв҃а пребыва́етъ."
|
|
},
|
|
{
|
|
"type": "HEADER",
|
|
"value": "По в҃ сѣда́льнѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Красотѣ̀ дѣ́вства твоегѡ̀, и҆ пресвѣ́тлой чистотѣ̀ твое́й, гаврїи́лъ ᲂу҆диви́всѧ, вопїѧ́ше тѝ, бцⷣе: кꙋ́ю тѝ похвалꙋ̀ принесꙋ̀ досто́йнꙋю; что́ же воз̾именꙋ́ю тѧ̀; недоꙋмѣва́ю и҆ ᲂу҆жаса́юсѧ. Тѣ́мже ꙗ҆́кѡ повелѣ́нъ бы́хъ, вопїю́ ти: ра́дꙋйсѧ, бл҃года́тнаѧ!"
|
|
},
|
|
{
|
|
"type": "HEADER",
|
|
"value": "По полѷеле́и, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ѡ҆ тебѣ̀ ра́дꙋетсѧ, бл҃года́тнаѧ, всѧ́каѧ тва́рь, а҆́гг҃льскїй собо́ръ и҆ человѣ́ческїй ро́дъ, ѡ҆свѧще́нный хра́ме, и҆ раю̀ слове́сный, дѣ́вственнаѧ похвало̀, и҆зъ неѧ́же бг҃ъ воплоти́сѧ и҆ млⷣнцъ бы́сть пре́жде вѣ̑къ сы́й бг҃ъ на́шъ: ложесна́ бо твоѧ̑ прⷭ҇то́лъ сотворѝ, и҆ чре́во твоѐ простра́ннѣе нб҃съ содѣ́ла. Ѡ҆ тебѣ̀ ра́дꙋетсѧ, бл҃года́тнаѧ, всѧ́каѧ тва́рь, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Степє́нна, а҃-й а҆нтїфѡ́нъ д҃-гѡ гла́са."
|
|
},
|
|
{
|
|
"type": "TEXT",
|
|
"value": "Прокі́менъ: Честна̀ пред̾ гдⷭ҇емъ сме́рть прпⷣбныхъ є҆гѡ̀:"
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе матѳе́а, зача́ло м҃г."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀ стїхи́ра, самогла́сна, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прїиди́те, всѝ лю́дїе, хвалꙋ̀ принесе́мъ бл҃же́нномꙋ, вопїю́ще си́це: ра́дꙋйсѧ, пресвѣ́тлый сто́лпе, просвѣща́ѧ на́съ чꙋде́съ свѣтлостьмѝ: ра́дꙋйсѧ, ро́сный ѻ҆́блаче, пла́мень погаша́ѧй страсте́й, и҆ ѡ҆роша́ѧй вѣ́рныхъ мы̑сли, бжⷭ҇твенный а҆леѯа́ндре."
|
|
},
|
|
{
|
|
"type": "HEADER",
|
|
"value": "Канѡ́нъ пра́здника, со і҆рмосо́мъ на ѕ҃: И҆ ст҃о́мꙋ два̀ канѡ́на, на и҃. А҆́ще ли внѣ̀ попра́зднства и҆зво́литъ настоѧ́тель пѣ́ти благовѣ́рномꙋ кнѧ́зю а҆леѯа́ндрꙋ, пое́мъ канѡ́нъ бцⷣѣ, со і҆рмосо́мъ на ѕ҃. Гла́съ в҃. Нетре́нꙋ, неѻбы́чнꙋ:"
|
|
},
|
|
{
|
|
"type": "HEADER",
|
|
"value": "Канѡ́нъ а҆леѯа́ндрꙋ. Гла́съ д҃."
|
|
},
|
|
{
|
|
"type": "HEADER",
|
|
"value": "Пѣ́снь а҃. І҆рмо́съ:"
|
|
},
|
|
{
|
|
"type": "TEXT",
|
|
"value": "Мо́рѧ чермнꙋ́ю пꙋчи́нꙋ, невла́жными стопа́ми, дре́внїй пѣшеше́ствовавъ і҆и҃ль, крестоѻбра́зными мѡѷсе́овыма рꙋка́ма, а҆мали́ковꙋ си́лꙋ въ пꙋсты́ни побѣди́лъ є҆́сть."
|
|
},
|
|
{
|
|
"type": "TEXT",
|
|
"value": "Прїи́мша въ свое́мъ се́рдцы, бл҃же, твою̀ благода́ть дꙋхо́внꙋю тве́рдѡ премꙋ́драгѡ повелѣ́нїѧ, и҆ въ дꙋ́шы благочести́выхъ вложи́вшаго, похвала́ми да́ждь ᲂу҆блажи́ти а҆леѯа́ндра пресла́внаго."
|
|
},
|
|
{
|
|
"type": "TEXT",
|
|
"value": "Свѣти́льниче многосвѣ́тлый рѡссі́йскїѧ землѝ, чꙋдесы̀ ꙗ҆́коже со́лнце второ́е сїѧ́ѧ, всѣ́хъ на́съ помина́й, соверша́ющихъ па́мѧть твою̀, а҆леѯа́ндре блаже́нне."
|
|
},
|
|
{
|
|
"type": "TEXT",
|
|
"value": "Це́ркве бы́лъ є҆сѝ хрⷭ҇то́вы красота̀, бл҃же́нне, пѣ́нїемъ бо сїю̀ ᲂу҆краси́лъ є҆сѝ, пресла́вне. И҆ ны́нѣ мо́лимъ тѧ̀: свободи́ ны ѿ всѧ́кїѧ бра́ни бори́телѧ, пою́щыѧ тѧ̀, а҆леѯа́ндре."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ра́дꙋйсѧ, благода́ти и҆сто́чниче, ра́дꙋйсѧ, лѣ́ствице и҆ две́рь нбⷭ҇наѧ, ра́дꙋйсѧ, свѣти́льниче, и҆ ста́мно злата́ѧ, и҆ горо̀ несѣко́маѧ, дв҃о, жизнода́вца хрⷭ҇та̀ мі́рꙋ ро́ждшаѧ."
|
|
},
|
|
{
|
|
"type": "HEADER",
|
|
"value": "Дрꙋгі́й канѡ́нъ ст҃о́мꙋ. Гла́съ и҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
|
},
|
|
{
|
|
"type": "TEXT",
|
|
"value": "Досто́йными похвала́ми воспѣ́ти пресла́внаго чꙋдотво́рца, ᲂу҆́мъ и҆ смы́слъ да́рꙋй мѝ, хрⷭ҇тѐ бж҃е, ꙗ҆́кѡ да воспою̀ ра́дꙋѧсѧ па́мѧть є҆гѡ̀."
|
|
},
|
|
{
|
|
"type": "TEXT",
|
|
"value": "Пѣ́сньми и҆ пѣ́ньми дꙋхо́вными восхва́лимъ бл҃же́ннаго, и҆ честнꙋ́ю є҆гѡ̀ и҆ многоцѣле́бнꙋю ра́кꙋ ѡ҆бстоѧ́ще любе́знѡ ѡ҆блобыза́емъ, и҆ си́це вопїе́мъ: ра́дꙋйсѧ, ѻ҆те́чествꙋ твоемꙋ̀ пресвѣ́тлый свѣти́льниче."
|
|
},
|
|
{
|
|
"type": "TEXT",
|
|
"value": "Бг҃омꙋ́дре а҆леѯа́ндре, а҆́ще тѧ̀ и҆ напослѣ́докъ лѣ́тъ новопросвѣще́ннаѧ рѡссі́йскаѧ страна̀ возрастѝ, но дре́внихъ че́сти сподо́билсѧ є҆сѝ, дарова́нїе чꙋде́съ досто́йнѡ прїе́мъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Закѡ́нъ кромѣ̀ є҆сте́ственныхъ, дв҃о, родила̀ є҆сѝ законода́вца бг҃а, чл҃вѣ́ка бы́вша: того̀ ꙗ҆́кѡ бл҃га молѝ, всенепоро́чнаѧ, на̑ша беззакѡ́нїѧ презрѣ́ти."
|
|
},
|
|
{
|
|
"type": "TEXT",
|
|
"value": "Катава́сїа: Хрⷭ҇то́съ ражда́етсѧ:"
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Весели́тсѧ ѡ҆ тебѣ̀ цр҃ковь твоѧ̀, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище, и҆ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Во ве́сь мі́ръ про́йде сла́ва чꙋде́съ твои́хъ, блаже́нне, и҆́миже просвѣти́лъ є҆сѝ вселе́ннꙋю, ѿ всѣ́хъ напа́стей и҆збавлѧ́ѧ при́снѡ."
|
|
},
|
|
{
|
|
"type": "TEXT",
|
|
"value": "Благочести́вагѡ и҆ вѣнцено́снаго а҆леѯа́ндра, соше́дшесѧ по достоѧ́нїю восхва́лимъ, ꙗ҆́кѡ чꙋде́съ пода́телѧ ѻ҆би́льнаго, и҆ гдⷭ҇ꙋ молѧ́щасѧ ѡ҆ всѣ́хъ на́съ."
|
|
},
|
|
{
|
|
"type": "TEXT",
|
|
"value": "И҆сто́чникъ чꙋде́съ гро́бъ тво́й ꙗ҆ви́сѧ неисчерпа́емый, ѿ негѡ́же рѣ́ки и҆сцѣле́нїй и҆злива́еши вѣ́рнѡ па́мѧть твою̀ творѧ́щымъ, бл҃же́нне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ты̀ є҆ди́на на землѝ, преесте́ственныхъ бл҃ги́хъ хода́таица, мт҃и бж҃їѧ, была̀ є҆сѝ: тѣ́мъ тѝ, ра́дꙋйсѧ, зове́мъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Нбⷭ҇нагѡ крꙋ́га верхотво́рче, гдⷭ҇и, и҆ цр҃кве зижди́телю, ты̀ менѐ ᲂу҆твердѝ въ любвѝ твое́й, жела́нїй кра́ю, вѣ́рныхъ ᲂу҆твержде́нїе, є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "Свѣти́льникъ свѣ́та ꙗ҆ви́лсѧ є҆сѝ, а҆леѯа́ндре бжⷭ҇твенный, недꙋ́гѡвъ глꙋбо́кꙋю тмꙋ̀ разрꙋша́ѧ всегда̀, заре́ю свѣ́тлою чꙋде́съ, премꙋ́дре."
|
|
},
|
|
{
|
|
"type": "TEXT",
|
|
"value": "Престо́лꙋ предстои́ши благода́ти, со всѣ́ми а҆́гг҃лы ра́дꙋѧсѧ дне́сь, и҆ мі́рꙋ и҆сцѣле́нїѧ раздава́ѧ бога́тство, спасѝ всѣ́хъ на́съ моли́твами твои́ми, блаже́нне."
|
|
},
|
|
{
|
|
"type": "TEXT",
|
|
"value": "Житїѧ̀ твоегѡ̀ свѣ́тлость, прпⷣбне, всѣ̑мъ бг҃ъ ꙗ҆́вѣ показа̀, возжже́нїемъ свѣщѝ ᲂу҆ гро́ба твоегѡ̀. Тѣ́мже прибѣга́ющїи къ тебѣ̀ съ вѣ́рою, всѝ просвѣща́ютсѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́кѡ вои́стиннꙋ гдⷭ҇и воцр҃и́сѧ въ црⷭ҇твїе неѿпа́дающее, и҆ ѡ҆блече́сѧ ѱало́мски и҆зъ тебє̀, бг҃ома́ти, въ кра́сное благолѣ́пїе, пло́ть ст҃ꙋ́ю: є҆́юже сме́рть прїѧ́тъ, и҆ разрꙋшѝ є҆ѧ̀ ца́рство."
|
|
},
|
|
{
|
|
"type": "HEADER",
|
|
"value": "Сѣда́ленъ, гла́съ и҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ ѕвѣзда̀ многосвѣ́тлаѧ ѿ восто́ка произше́дъ, ꙗ҆ви́лсѧ є҆сѝ свѣ́тлагѡ ра́ди житїѧ̀ твоегѡ̀, и҆ чистоты̀ дꙋше́вныѧ и҆ тѣле́сныѧ сосꙋ́дъ ст҃а́гѡ дх҃а: и҆ сегѡ̀ ра́ди по ᲂу҆спе́нїи твое́мъ ѿ мно́гихъ лѣ́тъ во гро́бѣ нетлѣ́нны ѡ҆брѣто́шасѧ ст҃ы̑ѧ твоѧ̑ мо́щи ѿ ни́хже и҆сточа́еши рѣ́ки чꙋде́съ и҆сцѣле́нїй вѣ́рнѡ зовꙋ́щымъ тѝ: ра́дꙋйсѧ, благовѣ́рный вели́кїй кнѧ́же а҆леѯа́ндре. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника, гла́съ д҃:"
|
|
},
|
|
{
|
|
"type": "TEXT",
|
|
"value": "Непоро́чнаѧ а҆́гница, и҆ нескве́рный черто́гъ, въ до́мъ бж҃їй бцⷣа марїа́мъ съ весе́лїемъ вво́дитсѧ пресла́внѡ, ю҆́же а҆́гг҃ли бж҃їи дорѷно́сѧтъ вѣ́рнѡ, и҆ всѝ вѣ́рнїи блажа́тъ при́снѡ, и҆ благода́рственнѡ пою́тъ є҆́й непреста́ннѡ ве́лїимъ гла́сомъ: на́ша сла́ва и҆ спасе́нїе ты̀ є҆сѝ, всенепоро́чнаѧ."
|
|
},
|
|
{
|
|
"type": "HEADER",
|
|
"value": "А҆́ще ли нѣ́сть попра́зднства, глаго́лемъ: Сла́ва, и҆ ны́нѣ, бг҃оро́диченъ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ всенепоро́чнаѧ невѣ́сто творца̀, ꙗ҆́кѡ неискꙋсомꙋ́жнаѧ мт҃и и҆зба́вителѧ, прїѧ́телище ꙗ҆́кѡ сꙋ́щи ᲂу҆тѣ́шителѧ, препѣ́таѧ, беззако́нїю мѧ̀ сꙋ́ща скве́рное ѻ҆би́телище, и҆ де́мѡнѡмъ и҆гра́лище въ ра́зꙋмѣ бы́вша, потщи́сѧ ѿ тѣ́хъ ѕлодѣ́йства мѧ̀ и҆зба́вити: и҆ свѣ́тлое жили́ще добродѣ́телей совершѝ, свѣтоно́снаѧ, нетлѣ́ннаѧ: ѿженѝ ѻ҆́блакъ страсте́й, и҆ вы́шнѧгѡ прича́стїѧ сподо́би, и҆ свѣ́та невече́рнѧгѡ, моли́твами твои́ми."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и."
|
|
},
|
|
{
|
|
"type": "TEXT",
|
|
"value": "Кто̀ любо́вь твою̀ и҆ ми́лость ко всѣ̑мъ человѣ́кѡмъ, па́че же къ ни́щымъ и҆зглаго́летъ; и҆ по сме́рти ᲂу҆́бѡ ꙗ҆́кѡ жи́въ просте́рлъ є҆сѝ рꙋ́кꙋ твою̀, и҆ прїѧ́лъ є҆сѝ ѿ і҆ера́рха сви́токъ грѣхѡ́въ проще́нїѧ."
|
|
},
|
|
{
|
|
"type": "TEXT",
|
|
"value": "Дне́сь де́нь ст҃а́гѡ пра́зднственный, мнѡ́гїѧ созыва́етъ на весе́лїе дꙋхо́вное и҆ трапе́зꙋ, и҆ пи́щꙋ нетлѣ́нныѧ жи́зни, бжⷭ҇твеннагѡ наслажде́нїѧ."
|
|
},
|
|
{
|
|
"type": "TEXT",
|
|
"value": "Къ бжⷭ҇твенномꙋ свѣ́тꙋ ны́нѣ преста́вилсѧ є҆сѝ, свѣ́та сн҃ъ возлю́бленъ бы́въ, въ ра́дости и҆ красотѣ̀, съ ли̑ки а҆́гг҃льскими ны́нѣ ра́достнѡ ликꙋ́еши, блаже́нне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣ́та твоегѡ̀ блиста́ньми ѡ҆зарѝ, ѻ҆трокови́це всенепоро́чнаѧ, є҆́же въ нощѝ страсте́й и҆скꙋшє́нїи ѡ҆держи́мое се́рдце моѐ, пра́вды сл҃нце свѣ́тъ возсїѧ́вши."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бж҃ество̀."
|
|
},
|
|
{
|
|
"type": "TEXT",
|
|
"value": "Заре́ю трисо́лнечныѧ благода́ти сїѧ́ѧ свѣ́тлѣ тво́й пра́здникъ творѧ́щихъ ѡ҆зарѝ, и҆ стра́стнагѡ ѡ҆мраче́нїѧ де́мѡнскагѡ и҆зба́ви, а҆леѯа́ндре пресла́вне."
|
|
},
|
|
{
|
|
"type": "TEXT",
|
|
"value": "И҆сточи́лъ є҆сѝ рѣ́ки чꙋде́съ, блаже́нне, вѣ́рныхъ напаѧ́ющыѧ сердца̀, и҆ мꙋ̑тныѧ во́ды многобо́жїѧ и҆зсꙋша́ющыѧ."
|
|
},
|
|
{
|
|
"type": "TEXT",
|
|
"value": "А҆рхїерє́и и҆ свѧще́нницы, мона́си и҆ прості́и, и҆ ста́рцы со ю҆́нотами, и҆ ве́сь во́зрастъ свѣ́тлѡ пред̾игра́йте, и҆ па́мѧть бл҃же́ннагѡ въ пѣ́снехъ возвели́чите."
|
|
},
|
|
{
|
|
"type": "TEXT",
|
|
"value": "Бг҃оро́диченъ: И҆мѣ́ю тѧ̀ помо́щницꙋ, и҆ не постыждꙋ́сѧ, пречⷭ҇таѧ мт҃и бж҃їѧ. И҆мѣ́ю тѧ̀ предста́тельницꙋ, и҆ вра̑гъ мои́хъ не ᲂу҆бою́сѧ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ты̀, гдⷭ҇и, мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆зъ мра́чна невѣ́дѣнїѧ, вѣ́рою воспѣва́ющыѧ тѧ̀."
|
|
},
|
|
{
|
|
"type": "TEXT",
|
|
"value": "Досточꙋ́днаѧ и҆ пресла́внаѧ па́мѧть твоѧ̀ возсїѧ̀ въ рѡссі́йстѣй землѝ, блаже́нне, и҆ ра́достнѡ вѣ́рныхъ весели́тъ собо́ры."
|
|
},
|
|
{
|
|
"type": "TEXT",
|
|
"value": "Ѿверзо́шасѧ тебѣ̀ двє́ри є҆дє́мскїѧ, и҆ несказа́ненъ свѣ́тъ и҆ трисїѧ́ненъ возсїѧ̀, бл҃же́нне, въ неподви́жнѣмъ црⷭ҇твїи нбⷭ҇нѣмъ, и҆ пра́ведныхъ весе́лїе прїѧ́лъ є҆сѝ ра́дꙋѧсѧ."
|
|
},
|
|
{
|
|
"type": "TEXT",
|
|
"value": "Ны́нѣ а҆леѯа́ндръ вели́кїй, сирѡ́тъ и҆ вдѡ́въ ми́лостивый печа́льникъ, ѻ҆те́чествїе своѐ и҆ всѧ̑ вкꙋ́пѣ ꙗ҆́вѣ созыва́етъ: прїиди́те собра́вшесѧ, ꙗ҆́кѡ ѻ҆́бщемꙋ застꙋ́пникꙋ свѣ́тлѡ торжествꙋ́емъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сы́й въ зра́цѣ бж҃їи, пребжⷭ҇твенный всели́сѧ во чре́во твоѐ, въ зра́къ мо́й ѡ҆блече́сѧ гдⷭ҇ь, пренепоро́чнаѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆́тренююще, вопїе́мъ тѝ, гдⷭ҇и, спаси́ ны: ты́ бо є҆сѝ бг҃ъ на́шъ, ра́звѣ тебє̀ и҆но́гѡ не вѣ́мы."
|
|
},
|
|
{
|
|
"type": "TEXT",
|
|
"value": "Прїѧ́лъ є҆сѝ и҆сцѣле́нїй благода́ть, а҆леѯа́ндре сла́вне, сꙋ́щымъ въ бѣда́хъ подава́еши здра́вїе твои́мъ застꙋпле́нїемъ: тѣ́мъ ра́тныхъ де́рзость низложѝ, и҆ мі́рꙋ подава́й чꙋдеса̀."
|
|
},
|
|
{
|
|
"type": "TEXT",
|
|
"value": "Ꙗ҆́кѡ ѕвѣзда̀ свѣтла̀ ꙗ҆ви́сѧ непреле́стнаѧ, плѣне́нныхъ свободи́тель, и҆ ни́щихъ богати́тель, и҆ болѧ́щихъ вра́чь, рꙋсѝ побо́рникъ, и҆ гра́да на́шегѡ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "Ꙗ҆ви́сѧ въ рѡссі́йстѣй землѝ чꙋдотво́рецъ пресла́венъ а҆леѯа́ндръ блаже́нный, ꙗ҆́кѡ всесвѣ́телъ свѣти́льникъ сїѧ́ѧ въ все́мъ мі́рѣ, и҆ во мра́цѣ страсте́й ѡ҆зарѧ́ѧ всѧ̑."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ме́ртвости и҆ тлѝ и҆зба́вила є҆сѝ человѣ́чество, є҆стество́мъ бо жизнода́вца и҆ бг҃а безъ сѣ́мене родила̀ є҆сѝ, дв҃о всенепоро́чнаѧ, на благодѣѧ́нїе восхвалѧ́ющихъ тѧ̀ вѣ́рнѡ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю."
|
|
},
|
|
{
|
|
"type": "TEXT",
|
|
"value": "Твоѧ̀ ст҃а́ѧ па́мѧть, а҆леѯа́ндре, вселе́ннꙋю весели́тъ, созыва́ющи вѣ̑рныѧ въ честны́й хра́мъ тво́й, въ не́мже ны́нѣ ра́достїю совокꙋ́пльшесѧ, тѧ̀ мо́лимъ, ꙗ҆зы́ческагѡ наше́ствїѧ и҆зба́ви лю́ди твоѧ̑, пресла́вне."
|
|
},
|
|
{
|
|
"type": "TEXT",
|
|
"value": "Весе́лїѧ дне́сь всѧ̀ и҆спо́лнисѧ рѡссі́йскаѧ землѧ̀, въ наро́читый де́нь пра́здника пресла́внагѡ чꙋдотво́рца, а҆леѯа́ндра блаже́ннагѡ: соблюда́етъ бо ѻ҆те́чество своѐ вы́нꙋ ненавѣ́тно."
|
|
},
|
|
{
|
|
"type": "TEXT",
|
|
"value": "Сирѡ́тъ и҆ вдѡ́въ застꙋ́пника, и҆ въ бѣда́хъ непобори́маго помо́щника, пѣ́сньми а҆леѯа́ндра ᲂу҆блажи́мъ сла́вѧще: пра́зднꙋющихъ бо па́мѧть є҆гѡ̀ ве́селѡ, ѿ бѣ́дъ и҆збавлѧ́етъ и҆ скорбе́й."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ст҃ы́й і҆и҃съ всели́сѧ во ᲂу҆тро́бꙋ твою̀, во ст҃ы́хъ, дв҃о, почива́ѧй, и҆ прославлѧ́ѧй вѣ́рою и҆́стинною сего̀, ѻ҆трокови́це, сла́вѧщыѧ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ѡ҆чи́сти мѧ̀, сп҃се, мнѡ́га бо беззакѡ́нїѧ моѧ̑, и҆ и҆зъ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е спасе́нїѧ моегѡ̀."
|
|
},
|
|
{
|
|
"type": "TEXT",
|
|
"value": "Ѿ пречестна́гѡ ко́рене и҆зра́слъ є҆сѝ вѣ́твь, пресла́вне, и҆ бл҃гоче́стнѡ на землѝ пожи́лъ є҆сѝ, и҆ прїѧ́телище чи́сто дх҃а ꙗ҆ви́лсѧ є҆сѝ, ѡ҆свѧща́ѧ вѣ́рою притека́ющыѧ тѝ, бл҃же́нне."
|
|
},
|
|
{
|
|
"type": "TEXT",
|
|
"value": "Добродѣ́телємъ поло́жника, и҆ благочести̑вымъ кнѧзє́мъ ᲂу҆добре́нїе, цр҃ковь сла́витъ тѧ̀, и҆ воспѣва́етъ, блаже́нне: моли́твами твои́ми пода́ждь чтꙋ́щымъ любо́вїю до́блєсти твоѧ̑ и҆ борє́нїѧ, лю́тыхъ прегрѣше́нїй ѡ҆ставле́нїе."
|
|
},
|
|
{
|
|
"type": "TEXT",
|
|
"value": "И҆́же въ бѣда́хъ и҆ въ ско́рбехъ сꙋ́щїи къ ра́цѣ твое́й притека́юще, прїе́млютъ честна̑ѧ дарова̑нїѧ ѿ въ тебѣ̀ живꙋ́щїѧ благода́ти: ты́ бо мі́рꙋ при́снѡ и҆сточа́еши и҆сцѣле́нїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Сꙋ́щи прест҃ы́й хра́мъ, бцⷣе, и҆сто́чникъ родила̀ є҆сѝ, пренепоро́чнаѧ, неисчерпа́емый, влⷣчце."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ꙗ҆́кѡ нача́тки:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ ѕвѣздꙋ́ тѧ пресвѣ́тлꙋ почита́емъ, ѿ восто́ка возсїѧ́вшꙋю и҆ на за́падъ прише́дшꙋю: всю́ бо странꙋ̀ сїю̀ чꙋдесы̀ и҆ добро́тою ѡ҆богаща́еши, и҆ просвѣща́еши вѣ́рою чтꙋ́щыѧ па́мѧть твою̀, а҆леѯа́ндре блаже́нне: сегѡ̀ ра́ди дне́сь пра́зднꙋемъ твоѐ ᲂу҆спе́нїе, лю́дїе твоѝ сꙋ́щїи. Молѝ спастѝ ѻ҆те́чество твоѐ и҆ всѧ̑ притека́ющыѧ къ ра́цѣ моще́й твои́хъ, и҆ вѣ́рнѡ вопїю́щыѧ тѝ: ра́дꙋйсѧ, гра́дꙋ на́шемꙋ ᲂу҆твержде́нїе."
|
|
},
|
|
{
|
|
"type": "TEXT",
|
|
"value": "І҆́косъ: Ве́лїй чꙋдотво́рецъ ꙗ҆ви́лсѧ є҆сѝ рѡссі́йскїѧ землѝ, блаже́нный а҆леѯа́ндре, неви́димѡ хрⷭ҇то́вы лю́ди посѣща́ѧ, и҆ и҆сцѣлє́нїѧ подава́ѧ бога́тнѡ всѣ̑мъ ѿ дꙋшѝ приходѧ́щымъ, и҆ согла́снѡ вопїю́щымъ си́це: ра́дꙋйсѧ, сто́лпе пресвѣ́тлый, просвѣща́ѧ на́съ чꙋде́съ свѣтлостьмѝ. Ра́дꙋйсѧ, велехва́льнаго кралѧ̀ побѣди́вый посо́бїемъ бж҃їимъ. Ра́дꙋйсѧ, свободи́вый гра́дъ пско́въ ѿ невѣ́рныхъ. Ра́дꙋйсѧ, латі̑нскаѧ ᲂу҆чє́нїѧ презрѣ́вый, и҆ пре́лесть и҆́хъ въ ничто́же вмѣни́вый. Ра́дꙋйсѧ, ꙗ҆́кѡ воспрїѧ́лъ є҆сѝ въ тлѣ́нныхъ мѣ́стѡ нетлѣ̑ннаѧ. Ра́дꙋйсѧ, свѣ́та непристꙋ́пнагѡ зри́телю. Ра́дꙋйсѧ, ꙗ҆́кѡ ликꙋ́еши со а҆́гг҃лы. Ра́дꙋйсѧ, ѻ҆́блаче ро́сный, вѣ́рныхъ мы̑сли ѡ҆роша́ѧй. Ра́дꙋйсѧ, те́мныхъ страсте́й прогони́телю. Ра́дꙋйсѧ, рѡссі́йстѣй землѝ застꙋ́пниче, ра́дꙋйсѧ, гра́дꙋ на́шемꙋ застꙋпле́нїе."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Въ пе́щи а҆враа́мстїи ѻ҆́троцы персі́дстѣй, любо́вїю благоче́стїѧ па́че, не́жели пла́менемъ ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и."
|
|
},
|
|
{
|
|
"type": "TEXT",
|
|
"value": "Дне́сь це́рковь хрⷭ҇то́ва пра́зднꙋющи а҆леѯа́ндрово торжество̀ бы́вшее ѡ҆ бз҃ѣ, соше́дшымсѧ вои́стиннꙋ и҆сточа́етъ и҆сцѣле́нїе, прилѣ́жнѡ молѧ́щымсѧ, и҆ любо́вїю пою́щымъ є҆го̀."
|
|
},
|
|
{
|
|
"type": "TEXT",
|
|
"value": "Во всѣ́хъ страна́хъ произы́де вѣща́нїе: ꙗ҆́кѡ на́шегѡ гра́да ꙗ҆ви́сѧ чꙋдотво́рецъ пресла́венъ, и҆сточа́ѧ и҆сцѣле́нїй мно́жество всѣ̑мъ просѧ́щымъ те́плѣ."
|
|
},
|
|
{
|
|
"type": "TEXT",
|
|
"value": "Дне́сь весе́лїѧ и҆сполнѧ́етсѧ хра́мъ бг҃а на́шегѡ, въ не́мже лежа́тъ честны̑ѧ мо́щи бл҃же́ннагѡ, и҆ всѝ притека́ющїи ѡ҆блобыза́ютъ со стра́хомъ свѧтꙋ́ю ра́кꙋ пресла́внагѡ, и҆ прїе́млютъ и҆сцѣле́нїе."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Вы́шнѧгѡ ѡ҆свѧще́нное бж҃їе селе́нїе, ра́дꙋйсѧ, тобо́ю бо даде́сѧ ра́дость, бцⷣе, вопїю́щымъ тѝ: бл҃гослове́на ты̀ въ жена́хъ є҆сѝ, всенепоро́чнаѧ влⷣчце."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿ і҆ꙋде́и доше́дше, ѻ҆́троцы въ вавѷлѡ́нѣ и҆ногда̀, вѣ́рою трⷪ҇ческою пла́мень пе́щный попра́ша, пою́ще: ѻ҆тцє́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ ѕвѣзда̀ сїѧ́ѧ краснѡ̀, бл҃же́нне, заре́ю добродѣ́телей, и҆ мнѡ́гимъ бы́сть просвѣще́нїе. Тѣ́мъ и҆ на́съ просвѣтѝ вопїю́щихъ тѝ: ра́дꙋйсѧ, а҆леѯа́ндре благоче́стне."
|
|
},
|
|
{
|
|
"type": "TEXT",
|
|
"value": "Ны́нѣ сте́кшесѧ ѿ всѣ́хъ стра́нъ и҆ градѡ́въ, свѧще́нницы, и҆ мона́си, и҆ прості́и, бога́тїи, и҆ ᲂу҆бо́зїи, и҆ вкꙋ́пѣ всѝ ра́дꙋющесѧ хвалꙋ̀ воздади́мъ хрⷭ҇тꙋ̀ и҆ ᲂу҆го́дникꙋ є҆гѡ̀ а҆леѯа́ндрꙋ пресла́вномꙋ."
|
|
},
|
|
{
|
|
"type": "TEXT",
|
|
"value": "Чꙋдесы̀ ᲂу҆́бѡ твои́ми ꙗ҆́кѡ цвѣ́тъ процвѣ́лъ є҆сѝ, блаже́нне: и҆ и҆сцѣлє́нїѧ подава́еши притека́ющымъ въ кро́въ тво́й, мꙋ́дре и҆ досточꙋ́дне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѿ дѣ́вственныхъ ложе́снъ твои́хъ вопло́щсѧ бг҃ъ, и҆ ꙗ҆ви́сѧ на спасе́нїе на́ше. Тѣ́мже тѧ̀ мт҃рь вѣ́дꙋще, бцⷣе, правовѣ́рнѡ вопїе́мъ є҆мꙋ̀: ѻ҆тє́цъ на́шихъ бж҃е, бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Рꙋ́цѣ распросте́ръ данїи́лъ, львѡ́въ зїѧ̑нїѧ въ ро́вѣ затчѐ, ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, благоче́стїѧ рачи́тели ѻ҆́троцы, взыва́юще: бл҃гослови́те, всѧ̑ дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "А҆́гг҃льстїи чи́ни хва́лѧтъ тѧ̀, пресла́вне, и҆ человѣ́честїи ро́ди пою́тъ непреста́ннѡ, творѧ́ще вѣ́рнѡ па́мѧть твою̀, а҆леѯа́ндре великоимени́те."
|
|
},
|
|
{
|
|
"type": "TEXT",
|
|
"value": "Тебѐ въ чꙋдесѣ́хъ сла́вне рѡссі̑йскимъ страна́мъ показа̀ бг҃ъ, а҆леѯа́ндре, и҆ ᲂу҆краси́ тѧ нбⷭ҇ными дармѝ: того̀ молѝ поми́ловати всѣ́хъ на́съ."
|
|
},
|
|
{
|
|
"type": "TEXT",
|
|
"value": "Побѣ́ды и҆стинноимени́тъ, вои́стиннꙋ вѣ̑рнымъ лю́демъ въ бѣда́хъ, и҆ крѣ́покъ помо́щникъ ꙗ҆ви́лсѧ є҆сѝ, а҆леѯа́ндре бл҃же́нне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѧще́нный тѧ̀ прⷪ҇ро́къ благоѻбра́знѡ проповѣ́да, две́рь, и҆ го́рꙋ, и҆ сѣ́нь, и҆ зе́млю ст҃ꙋ́ю, и҆ ѻ҆́блакъ свѣ́та, и҆зъ негѡ́же во тмѣ̀ сꙋ́щымъ возсїѧ̀ сл҃нце, дв҃о, є҆ди́нъ свѣтода́вецъ."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Бг҃оглаго́ливїи ѻ҆́троцы въ пещѝ, со ѻ҆гне́мъ пла́мень попира́юще, поѧ́хꙋ: благослови́те, дѣла̀ гдⷭ҇нѧ, гдⷭ҇а."
|
|
},
|
|
{
|
|
"type": "TEXT",
|
|
"value": "Ꙗ҆́кѡ ᲂу҆́тро, ꙗ҆́кѡ де́нь свѣ́тлый тво́й пра́здникъ ꙗ҆ви́сѧ, просвѣща́ѧ на̑ша сердца̀, и҆ всѣ́хъ съ вѣ́рою восхвалѧ́ющихъ тѧ̀, а҆леѯа́ндре пресла́вне."
|
|
},
|
|
{
|
|
"type": "TEXT",
|
|
"value": "Де́нь спасе́нїѧ, и҆ пра́здникъ весе́лїѧ наста̀, стеце́мсѧ вѣ́рнїи, ѡ҆чи́стивше вкꙋ́пѣ дꙋ́шы и҆ тѣлеса̀: се́ бо на́съ призыва́етъ а҆леѯа́ндръ бжⷭ҇твенный."
|
|
},
|
|
{
|
|
"type": "TEXT",
|
|
"value": "Стрꙋѧ̀ происхо́дитъ ѿ ра́ки твоеѧ̀, а҆леѯа́ндре, и҆сцѣле́нїй всѧ́ческихъ, и҆ ѡ҆мыва́етъ сквє́рны страсте́й, и҆ гноє́нїѧ лю́тыхъ ѡ҆чища́етъ, и҆ всѣ́хъ вѣ́рныхъ напаѧ́етъ сердца̀ любо́вїю чтꙋ́щихъ тѧ̀, пресла́вне."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ѻ҆́бразы носѧ́щи дре́вле ржⷭ҇тва̀ твоегѡ̀, дв҃о мт҃и, пе́щь ᲂу҆́бѡ ю҆́ношей не ѡ҆палѝ, та́кожде и҆ ѻ҆́гнь бжⷭ҇твенный ᲂу҆тро́бы твоеѧ̀, чⷭ҇таѧ."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀. Тѣ́мъ веселѧ́щесѧ, тѧ̀, бцⷣе, велича́емъ."
|
|
},
|
|
{
|
|
"type": "TEXT",
|
|
"value": "Красе́нъ тѣ́ломъ и҆ дꙋше́ю, и҆ благоче́стїемъ сїѧ́ѧ, сла́вне, бжⷭ҇твеннагѡ ра́зꙋма, ѻ҆рга́нъ бы́лъ є҆сѝ ст҃а́гѡ дх҃а: и҆ по сме́рти ᲂу҆́бѡ къ безсме́ртной жи́зни, и҆ неконча́емомꙋ бл҃же́нствꙋ преше́лъ є҆сѝ ра́дꙋѧсѧ, а҆леѯа́ндре бг҃омꙋ́дре."
|
|
},
|
|
{
|
|
"type": "TEXT",
|
|
"value": "Ꙗ҆́кѡ свѣтоза́рное, блаже́нне, со́лнце возсїѧ́въ ѿ за́пада, и҆ всю̀ зарѧ́ми благоче́стїѧ рѡссі́йскꙋю зе́млю просвѣти́лъ є҆сѝ, и҆ ѿгна́лъ є҆сѝ тмꙋ̀ глꙋбо́кꙋю є҆реті́чествꙋющихъ, а҆леѯа́ндре пресла́вне."
|
|
},
|
|
{
|
|
"type": "TEXT",
|
|
"value": "Твоѐ ст҃о́е преставле́нїе дне́сь свѣ́тлѡ пра́зднꙋемъ: и҆спо́лни ра́дости и҆ весе́лїѧ восхвалѧ́ющыѧ тѧ̀, а҆леѯа́ндре великоимени́те."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Свѣ́томъ мѧ̀ твоегѡ̀ милосе́рдїѧ, во тмѣ̀ неразꙋ́мїѧ лежа́щагѡ ѡ҆зарѝ, є҆ди́на свѣтода́вца ро́ждшаѧ, и҆зба́вителѧ и҆ бг҃а, ст҃ы́хъ вѣнча́вшаго."
|
|
},
|
|
{
|
|
"type": "HEADER",
|
|
"value": "И҆́нъ."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆жасе́сѧ ѡ҆ се́мъ нб҃о, и҆ землѝ ᲂу҆диви́шасѧ концы̀, ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, и҆ чре́во твоѐ бы́сть простра́ннѣйшее небе́съ. Тѣ́мъ тѧ̀ бцⷣꙋ, а҆́гг҃лѡвъ и҆ человѣ̑къ чинонача̑лїѧ велича́ютъ."
|
|
},
|
|
{
|
|
"type": "TEXT",
|
|
"value": "Ве́лїй щи́тъ и҆ крѣ́пость въ рѡссі́йстѣй землѝ, а҆леѯа́ндре, ѡ҆брѣ́лсѧ є҆сѝ, правосла́вномꙋ же наро́дꙋ на́шемꙋ, похвале́нїе и҆ сла́ва во всѣ́хъ ꙗ҆зы́цѣхъ. И҆ ны́нѣ мо́лимсѧ тѝ: сохранѧ́й ѻ҆те́чество твоѐ ѿ ꙗ҆зы́ка чꙋжда́гѡ."
|
|
},
|
|
{
|
|
"type": "TEXT",
|
|
"value": "Незаходи́магѡ свѣ́та лꙋча́ми, во тмѣ̀ сꙋ́щымъ сїѧ́ѧ, сла́вне, къ просвѣще́нїю весе́лїѧ наста́ви ны̀, пою́щыѧ тѧ̀."
|
|
},
|
|
{
|
|
"type": "TEXT",
|
|
"value": "Бл҃же́нне а҆леѯа́ндре, ка́кѡ тѧ̀ возмо́жемъ воспѣ́ти досто́йнѡ; не мо́жетъ бо ѧ҆зы́къ человѣ́ческїй и҆зглаго́лати твоѧ̑ разли̑чнаѧ и҆сцѣлє́нїѧ, и҆ мнѡ́гаѧ дарова̑нїѧ всѣ̑мъ человѣ́кѡмъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Ꙗ҆́кѡ ᲂу҆́тро тє́мнымъ и҆ блꙋдѧ́щымъ, дв҃о, возсїѧ̀ пра́вды со́лнце хрⷭ҇то́съ: є҆го́же на рꙋка́хъ твои́хъ носи́ла є҆сѝ, чⷭ҇таѧ."
|
|
},
|
|
{
|
|
"type": "HEADER",
|
|
"value": "Свѣти́ленъ."
|
|
},
|
|
{
|
|
"type": "TEXT",
|
|
"value": "Подо́бенъ: Жєны̀ ᲂу҆слы́шите:"
|
|
},
|
|
{
|
|
"type": "TEXT",
|
|
"value": "Слы́шана бы́сть во всѣ́хъ страна́хъ превели́каѧ сла́ва твоѧ̀, и҆ тогда̀ жєны̀ мѡаві̑тскїѧ страша́хꙋ дѣ́ти своѧ̑ гро́знымъ твои́мъ и҆́менемъ. И҆ ны́нѣ, бл҃же́нне, врагѝ на́шѧ неви́димѡ ᲂу҆страша́й, ѡ҆полча́ющыѧсѧ на хрⷭ҇толюби́вое твоѐ во́инство. Два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, пра́здника."
|
|
},
|
|
{
|
|
"type": "HEADER",
|
|
"value": "А҆́ще ли по ѿда́нїи пра́здника пое́тсѧ ст҃о́мꙋ: глаго́лемъ, Сла́ва, и҆ ны́нѣ, бг҃оро́диченъ се́й:"
|
|
},
|
|
{
|
|
"type": "TEXT",
|
|
"value": "Совѣ́та вели́кагѡ а҆́гг҃ла ѻ҆́ч҃а родила̀ є҆сѝ хрⷭ҇та̀, препѣ́таѧ ѻ҆трокови́це, цр҃ѧ̀ сла́вы: є҆гѡ́же крⷭ҇тъ а҆пⷭ҇ли проповѣ́давше, просвѣти́ша ꙗ҆зы́ки, и҆ наꙋчи́ша тѧ̀ бцⷣꙋ сла́вити, и҆ покланѧ́тисѧ твоемꙋ̀ ржⷭ҇твꙋ̀."
|
|
},
|
|
{
|
|
"type": "HEADER",
|
|
"value": "На хвали́техъ, стїхи̑ры, гла́съ и҃."
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Ѽ пресла́внагѡ чꙋдесѐ! Сїѧ́нїемъ дх҃а ст҃а́гѡ просвѣ́щсѧ, а҆леѯа́ндре бг҃омꙋ́дре, ᲂу҆чє́нїѧ латі̑нскаѧ презрѣ́въ, и҆ пре́лесть и҆́хъ ѡ҆бличи́въ, и҆ самѣ́хъ ᲂу҆кори́въ, и҆ чꙋ́жди вѣ́ры пра́выѧ наре́къ, и҆ де́рзость и҆́хъ въ ничто́же вмѣни́въ. И҆ сегѡ̀ ра́ди ѿ хрⷭ҇та̀ бг҃а прїѧ́лъ є҆сѝ воздаѧ́нїе въ црⷭ҇твїи нбⷭ҇нѣмъ, со а҆́гг҃лы ликовствова́нїе, и҆ съ пра́ведными ра́дованїе: и҆ ны́нѣ молѝ спасти́сѧ дꙋша́мъ на́шымъ."
|
|
},
|
|
{
|
|
"type": "TEXT",
|
|
"value": "Ѽ ка́кѡ возмогꙋ̀ досто́йнѡ похвали́ти, и҆лѝ ꙗ҆́снѡ и҆зглаго́лати пресла̑внаѧ чꙋдеса̀ блаже́ннагѡ и҆ сла́внагѡ а҆леѯа́ндра; подае́тъ бо разли̑чнаѧ и҆сцѣлє́нїѧ, не то́кмѡ приходѧ́щымъ къ ра́цѣ моще́й є҆гѡ̀, но и҆ въ да́льнихъ страна́хъ призыва́ющихъ є҆гѡ̀ никогда́же ѡ҆ставлѧ́етъ. Тѣ́мъ и҆ повсю́дꙋ хва́льно и҆́мѧ є҆гѡ̀: и҆ ны́нѣ мо́литъ ᲂу҆мири́ти мі́ръ, и҆ спастѝ всѣ́хъ на́съ."
|
|
},
|
|
{
|
|
"type": "TEXT",
|
|
"value": "Ѽ ка́кѡ возмо́жемъ воспѣ́ти блаже́ннаго а҆леѯа́ндра, ꙗ҆́кѡ а҆пⷭ҇ла, и҆ ꙗ҆́кѡ проповѣ́дника; всѧ́ко ᲂу҆́бѡ є҆реті́ческое нече́стїе попра́лъ є҆́сть, свое́ же ѻ҆те́чество до́брѣ ᲂу҆пра́вивъ и҆ соблюдѐ, хра́мы разорє́нныѧ воздви́гнꙋвъ, пѣ́нїѧ и҆спо́лни, и҆ распꙋжє́нныѧ лю́ди собра̀ въ до́мы своѧ̑, и҆ ни́щымъ и҆ сирота́мъ и҆ вдова́мъ бы́сть печа́льникъ, и҆ въ бѣда́хъ застꙋ́пникъ. И҆ ны́нѣ мо́литъ ѡ҆ спасе́нїи дꙋ́шъ на́шихъ."
|
|
},
|
|
{
|
|
"type": "HEADER",
|
|
"value": "Сла́ва, гла́съ в҃:"
|
|
},
|
|
{
|
|
"type": "TEXT",
|
|
"value": "Прїиди́те, всѝ ꙗ҆зы́цы, восплещи́те рꙋка́ми ликовствꙋ́юще. Прїиди́те всѝ рѡссі́йстїи лю́дїе, свѧще́нницы и҆ мона́си же, и҆ прості́и, дꙋхо́внѣ свесели́мсѧ въ наро́читомъ пра́здницѣ блаже́ннагѡ а҆леѯа́ндра, и҆ многоцѣле́бнꙋю є҆гѡ̀ ра́кꙋ ѡ҆бстоѧ́ще, любе́знѡ ѡ҆блобыза́емъ, и҆ того̀ ꙗ҆́кѡ цвѣ́ты пѣ́сньми, и҆ хвала́ми ᲂу҆вѧзе́мъ, рекꙋ́ще: ра́дꙋйсѧ, землѝ рѡссі́йстѣй похвало̀: ра́дꙋйсѧ, сла́вномꙋ гра́дꙋ влади́мїрꙋ ᲂу҆твержде́нїе. Ра́дꙋйсѧ, наро́дꙋ правосла́вномꙋ помо́щниче. Ра́дꙋйсѧ, ѻ҆те́чествꙋ твоемꙋ̀ застꙋпле́нїе, и҆ моли́твениче ѡ҆ дꙋша́хъ на́шихъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, пра́здника, гла́съ в҃:"
|
|
},
|
|
{
|
|
"type": "TEXT",
|
|
"value": "Дне́сь въ хра́мъ приво́дитсѧ всенепоро́чнаѧ дв҃а, ко ѻ҆би́телище всецр҃ѧ̀ бг҃а, и҆ всеѧ̀ жи́зни на́шеѧ пита́телѧ: дне́сь чистѣ́йшаѧ ст҃ы́нѧ, ꙗ҆́кѡ трилѣ́тствꙋющаѧ ю҆́ница во ст҃а̑ѧ ст҃ы́хъ вво́дитсѧ. То́й возопїи́мъ, ꙗ҆́кѡ а҆́гг҃лъ: ра́дꙋйсѧ, є҆ди́на въ жена́хъ бл҃гослове́ннаѧ."
|
|
},
|
|
{
|
|
"type": "HEADER",
|
|
"value": "Славосло́вїе вели́кое. И҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и, Бл҃жє́нна пра́здника пѣ́снь є҃, на д҃: и҆ ст҃а́гѡ пѣ́снь ѕ҃, на д҃."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ з҃:"
|
|
},
|
|
{
|
|
"type": "TEXT",
|
|
"value": "Честна̀ предъ гдⷭ҇емъ сме́рть прпⷣбныхъ є҆гѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Что̀ возда́мъ гдⷭ҇еви ѡ҆ всѣ́хъ, ꙗ҆̀же воздаде́ ми;"
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ гала́тѡмъ, зача́ло сг҃і."
|
|
},
|
|
{
|
|
"type": "TEXT",
|
|
"value": "А҆ллилꙋ́їа, гла́съ ѕ҃: Бл҃же́нъ мꙋ́жъ, боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀."
|
|
},
|
|
{
|
|
"type": "TEXT",
|
|
"value": "Сті́хъ: Си́льно на землѝ бꙋ́детъ сѣ́мѧ є҆гѡ̀."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе матѳе́а, зача́ло м҃г."
|
|
},
|
|
{
|
|
"type": "TEXT",
|
|
"value": "Прича́стенъ: Въ па́мѧть вѣ́чнꙋю бꙋ́детъ пра́ведникъ:"
|
|
}
|
|
] |