734 lines
67 KiB
JSON
734 lines
67 KiB
JSON
[
|
|
{
|
|
"type": "HEADER",
|
|
"value": "Па́мѧть соверша́емъ ст҃ы́хъ ѻ҆тє́цъ вселе́нскихъ шестѝ собо́рѡвъ."
|
|
},
|
|
{
|
|
"type": "TEXT",
|
|
"value": "ⷤ На вели́цѣй вече́рни ⷤ На ᲂу҆́трени ⷤ На лїтꙋргі́и"
|
|
},
|
|
{
|
|
"type": "TEXT",
|
|
"value": "Прилꙋчи́вшагѡсѧ же ст҃а́гѡ пое́мъ на повече́рїи."
|
|
},
|
|
{
|
|
"type": "TEXT",
|
|
"value": "Въ сꙋббѡ́тꙋ на ма́лѣй вече́рни стїхи̑ры воскре́сны, и҆ бцⷣѣ по ѻ҆бы́чаю."
|
|
},
|
|
{
|
|
"type": "HEADER",
|
|
"value": "На вели́цѣй вече́рни."
|
|
},
|
|
{
|
|
"type": "TEXT",
|
|
"value": "По ѻ҆бы́чномъ ѱалмѣ̀, пое́мъ: Блаже́нъ мꙋ́жъ: каѳі́смꙋ всю̀."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры воскре́сны д҃, и҆ ѻ҆тцє́въ ѕ҃, гла́съ ѕ҃. Подо́бенъ: Ѿча́ѧннаѧ:"
|
|
},
|
|
{
|
|
"type": "TEXT",
|
|
"value": "И҆ зъ чре́ва роди́лсѧ є҆сѝ пре́жде денни́цы, / ѿ ѻ҆ц҃а̀ безма́теренъ пре́жде вѣ̑къ: / а҆́ще и҆ а҆́рїй тва́рь тѧ̀, а҆ не бг҃а сла́витъ, / де́рзостїю смѣша́ѧ тѧ̀ зижди́телѧ тва́ремъ безꙋ́мнѡ, / вещество̀ ѻ҆гнѧ̀ вѣ́чнагѡ себѣ̀ сокро́вищствꙋѧй. / но собо́ръ, и҆́же въ нїке́и, / сн҃а бж҃їѧ тѧ̀ проповѣ́да гдⷭ҇и, / ѻ҆ц҃ꙋ̀ и҆ дх҃ꙋ сопресто́льна. [Два́жды.]"
|
|
},
|
|
{
|
|
"type": "TEXT",
|
|
"value": "Р аздра́нꙋю хрⷭ҇то́вꙋ ри́зꙋ / и҆ разтерза́нꙋю пе́сїими че́люстьми, / мꙋ́дрѣ сши́сте, честні́и ѻ҆тцы̀, / зрѣ́ти наготꙋ̀ сегѡ̀ ника́коже терпѧ́ще, / ꙗ҆́коже си́мъ и҆ і҆а́феѳъ ѻ҆те́ческꙋю дре́вле: / посрами́сте несмы́сленнаго, / и҆ тогѡ̀ є҆диномы́сленники, / а҆́рїа, гнѣ́вꙋ тезоимени́таго. [Два́жды.]"
|
|
},
|
|
{
|
|
"type": "TEXT",
|
|
"value": "М акедо́нѧны, и҆ несторїа́ны, / є҆ѵтѷхі́аны, и҆ дїоско́рѧны, / а҆поллїнарїа́ны же и҆ савеллїа́ны, и҆ севи́рѧны, / во́лки тѧ́жкїѧ прише́дшыѧ въ ко́жахъ ѻ҆́вчїихъ, / дале́че ѿ ста́да сп҃сова, / ꙗ҆́коже и҆́стиннїи па́стырїе, ѿгна́сте, / на́ги ѿ ко́жъ ѻ҆́вчїихъ треѻкаѧ́нныѧ поста́вльше и҆зрѧ́днѣ. / тѣ́мже вы̀ ᲂу҆блажа́емъ. [Два́жды.]"
|
|
},
|
|
{
|
|
"type": "TEXT",
|
|
"value": "Сла́ва, гла́съ ѕ҃. Самогла́сенъ: Та̑йныѧ дне́сь дх҃а трꙋбы̑, / бг҃онѡ́сныѧ ѻ҆тцы̀ восхва́лимъ, / воспѣ́вшыѧ посредѣ̀ цр҃кве / пѣ́снь сли́чнꙋю бг҃осло́вїѧ, / трⷪ҇цꙋ є҆ди́нꙋ непремѣ́ннꙋю, / сꙋщество́ же и҆ бжⷭ҇тво̀: / низложи́тели а҆́рїевы, / и҆ правосла́вныхъ побо́рники, / молѧ́щыѧсѧ всегда̀ гдⷭ҇еви, / поми́ловатисѧ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ пе́рвый, гла́са."
|
|
},
|
|
{
|
|
"type": "TEXT",
|
|
"value": "Вхо́дъ. Прокі́менъ днѐ. Чтє́нїѧ трѝ."
|
|
},
|
|
{
|
|
"type": "HEADER",
|
|
"value": "Бытїѧ̀ чте́нїе."
|
|
},
|
|
{
|
|
"type": "TEXT",
|
|
"value": "[Глава̀ д҃і] Слы́шавъ а҆вра́мъ, ꙗ҆́кѡ плѣне́нъ бы́сть лѡ́тъ, брата́ничь є҆гѡ̀, сочтѐ свои́хъ сѝ домоча́дєцъ, три́ста и҆ ѻ҆смьна́десѧть, и҆ погна̀ во слѣ́дъ и҆́хъ да́же до да́на. и҆ нападѐ на нѧ̀ но́щїю са́мъ, и҆ ѻ҆́троцы є҆гѡ̀ съ ни́мъ: и҆ поразѝ и҆̀хъ, и҆ гонѝ и҆̀хъ до хѡва́ла, є҆́же є҆́сть ѡ҆шꙋ́юю дама́ска. и҆ возвратѝ всѧ́каго конѧ̀ содо́мскаго, и҆ лѡ́та брата́нича своего̀ возвратѝ, и҆ всѧ̑ и҆мѣ̑нїѧ є҆гѡ̀, и҆ жєны̀, и҆ лю́ди. и҆зы́де же ца́рь содо́мскїй во срѣ́тенїе є҆мꙋ̀, повнегда̀ возврати́тисѧ є҆мꙋ̀ ѿ сѣ́ча ходоллогомо́рскагѡ, и҆ съ царьмѝ, и҆̀же съ ни́мъ, во ᲂу҆до́ль са́винъ: сїе́ же бѧ́ше по́ле царе́во. и҆ мелхїседе́къ ца́рь сали́мскїй и҆знесѐ хлѣ́бы и҆ вїно̀, бѧ́ше же свѧще́нникъ бг҃а вы́шнѧгѡ. и҆ бл҃гословѝ а҆вра́ма, и҆ речѐ: бл҃гослове́нъ а҆вра́мъ бг҃омъ вы́шнимъ, и҆́же созда̀ нб҃о и҆ зе́млю. и҆ бл҃гослове́нъ бг҃ъ вы́шнїй, и҆́же предадѐ врагѝ твоѧ̑ подъ рꙋ́ки тебѣ̀."
|
|
},
|
|
{
|
|
"type": "HEADER",
|
|
"value": "Втора́гѡ зако́на чте́нїе."
|
|
},
|
|
{
|
|
"type": "TEXT",
|
|
"value": "[Глава̀ а҃] Во дне́хъ ѻ҆́нѣхъ, речѐ мѡѷсе́й къ сынѡ́мъ і҆и҃лєвымъ: ви́дите, преда́хъ предъ лице́мъ ва́шимъ зе́млю, вше́дше наслѣ́дꙋйте зе́млю, ю҆́же клѧ́тсѧ гдⷭ҇ь ѻ҆тцє́мъ ва́шымъ, а҆враа́мꙋ и҆ і҆саа́кꙋ и҆ і҆а́кѡвꙋ да́ти и҆̀мъ, и҆ сѣ́мени и҆́хъ по ни́хъ. и҆ реко́хъ къ ва́мъ во вре́мѧ ѻ҆́но, гл҃го́лѧ: не возмогꙋ̀ є҆ди́нъ води́ти ва́съ. гдⷭ҇ь бг҃ъ на́шъ ᲂу҆мно́жилъ вы̀ є҆́сть, и҆ сѐ є҆стѐ дне́сь ꙗ҆́кѡ ѕвѣ́зды нбⷭ҇ныѧ мно́жествомъ: гдⷭ҇ь бг҃ъ ѻ҆тє́цъ на́шихъ да приложи́тъ ва́мъ, ꙗ҆́кѡ да бꙋ́дете ты́сѧщами сꙋгꙋ́бѡ, и҆ да благослови́тъ ва́съ, ꙗ҆́коже гл҃го́ла ва́мъ. и҆ взѧ́хъ ѿ ва́съ мꙋ́жи мꙋ́дры, и҆ свѣ́домы, и҆ смы́сленны, и҆ поста́вихъ и҆̀хъ владѣ́ти надъ ва́ми, тысѧщенача́льники, и҆ стонача́льники, и҆ пѧтдесѧтонача́льники, и҆ десѧтонача́льники, и҆ писмоводи́тели сꙋдїѧ́мъ ва́шымъ, и҆ заповѣ́дахъ сꙋдїѧ́мъ ва́шымъ во вре́мѧ ѻ҆́но, гл҃го́лѧ: разслꙋ́шайте посредѣ̀ бра́тїй ва́шихъ, и҆ сꙋди́те пра́веднѡ посредѣ̀ мꙋ́жа, и҆ посредѣ̀ бра́та є҆гѡ̀, и҆ посредѣ̀ прише́льца є҆гѡ̀. да не позна́ете лица̀ въ сꙋдѣ̀, ма́ломꙋ и҆ вели́комꙋ сꙋ́диши, и҆ не ᲂу҆стыди́шисѧ лица̀ человѣ́ческа, ꙗ҆́кѡ сꙋ́дъ бж҃їй є҆́сть."
|
|
},
|
|
{
|
|
"type": "HEADER",
|
|
"value": "Втора́гѡ зако́на чте́нїе."
|
|
},
|
|
{
|
|
"type": "TEXT",
|
|
"value": "[Глава̀ і҃] Во дне́хъ ѻ҆́нѣхъ, речѐ мѡѷсе́й къ сынѡ́мъ і҆и҃лєвымъ: сѐ гдⷭ҇а бг҃а твоегѡ̀ нб҃о, и҆ нб҃о нб҃сѐ, землѧ̀ и҆ всѧ̑ є҆ли̑ка сꙋ́ть на не́й. ѻ҆ба́че ѻ҆тцы̀ ва́шѧ произво́ли гдⷭ҇ь люби́ти ѧ҆̀: и҆ и҆збра̀ сѣ́мѧ и҆́хъ по ни́хъ, ва́съ, па́че всѣ́хъ ꙗ҆зы̑къ въ де́нь се́й. и҆ ѡ҆брѣ́жите жестосе́рдїе ва́ше, и҆ вы̑ѧ ва́шѧ не ѡ҆жесточи́те ктомꙋ̀. и҆́бо гдⷭ҇ь бг҃ъ на́шъ, се́й бг҃ъ богѡ́въ, и҆ гдⷭ҇ь господе́й: бг҃ъ вели́кїй, и҆ крѣ́пкїй, и҆ стра́шный, и҆́же не диви́тсѧ лицꙋ̀, нижѐ взе́млетъ да́ръ: творѧ́й сꙋ́дъ прише́льцꙋ, и҆ сиротѣ̀ и҆ вдовѣ̀, и҆ лю́битъ прише́льца, да́ти є҆мꙋ̀ хлѣ́бъ и҆ ри́зꙋ. и҆ возлюби́те прише́льца, прише́льцы бо бѣ́сте въ землѝ є҆гѵ́петстѣй. гдⷭ҇а бг҃а твоегѡ̀ да ᲂу҆бои́шисѧ, и҆ томꙋ̀ є҆ди́номꙋ послꙋ́жиши, и҆ къ немꙋ̀ прилѣпи́шисѧ, и҆ и҆́менемъ є҆гѡ̀ клене́шисѧ. то́й хвала̀ твоѧ̀, и҆ то́й бг҃ъ тво́й, и҆́же сотворѝ тебѣ̀ вели̑каѧ, и҆ сла̑внаѧ сїѧ̑, ꙗ҆̀же ви́дѣстѣ ѻ҆́чи твоѝ."
|
|
},
|
|
{
|
|
"type": "HEADER",
|
|
"value": "На лїті́и стїхи́ра хра́ма."
|
|
},
|
|
{
|
|
"type": "TEXT",
|
|
"value": "Сла́ва, гла́съ г҃: А҆пⷭ҇льскихъ преда́нїй / и҆звѣ́стнїи храни́телїе бы́сте, ст҃і́и ѻ҆тцы̀: / ст҃ы́ѧ бо трⷪ҇цы є҆диносꙋ́щное правосла́внѡ проповѣ́давше, / а҆́рїево хꙋле́нїе собо́рнѣ низложи́сте: / съ ни́мже и҆ македо́нїа дꙋхобо́рца ѡ҆бличи́вше, / ѡ҆сꙋди́сте несто́рїа, / є҆ѵтѵ́хїа и҆ дїоско́ра, / саве́ллїа же и҆ севи́ра безгла́внаго. / и҆́хже пре́лести и҆спроси́те и҆зба́витисѧ на́мъ, / и҆ нескве́рнꙋ на́шемꙋ житїю̀, / въ вѣ́рѣ сохрани́тисѧ мо́лимсѧ."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: Без̾ сѣ́мене ѿ бж҃е́ственнагѡ дх҃а, / во́лею же ѻ҆́ч҃ею зачала̀ є҆сѝ сн҃а бж҃їѧ, / ѿ ѻ҆ц҃а̀ без̾ мт҃ре пре́жде вѣ̑къ сꙋ́ща: / на́съ же ра́ди, и҆зъ тебѐ без̾ ѻ҆ц҃а̀ бы́вша, пло́тїю родила̀ є҆сѝ, / и҆ млⷣнца млеко́мъ пита́ла є҆сѝ. / тѣ́мже не преста́й моли́ти, / и҆зба́витисѧ ѿ бѣ́дъ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "На стїхо́внѣ ѻ҆ктѡ́иха."
|
|
},
|
|
{
|
|
"type": "TEXT",
|
|
"value": "Сла́ва, гла́съ д҃: Моле́бнꙋю па́мѧть дне́сь бг҃оно́сныхъ ѻ҆тцє́въ, / ѿ всеѧ̀ вселе́нныѧ собра́вшихсѧ / во свѣ́тлѣмъ гра́дѣ нїке́йстѣмъ, / правосла́вныхъ собра̑нїѧ, / благоче́ствꙋюще вѣ́рнѡ пра́зднꙋемъ. / сі́и бо лю́тагѡ а҆́рїа безбо́жное велѣ́нїе благочестномꙋ́дреннѣ низложи́ша, / и҆ ѿ собо́рныѧ цр҃кве собо́рнѣ того̀ и҆згна́ша: / и҆ ꙗ҆́снѡ сн҃а бж҃їѧ є҆диносꙋ́щна, и҆ соприсносꙋ́щна, / пре́жде вѣ̑къ сꙋ́ща, / всѣ́хъ наꙋчи́ша и҆сповѣ́дати во и҆з̾ѡбраже́нїи вѣ́ры, / и҆звѣ́стнѡ и҆ благоче́стнѡ сїѐ и҆зложи́вше. / тѣ́мже и҆ мы̀ бжⷭ҇твєннымъ и҆́хъ повелѣ́нїємъ послѣ́дствꙋюще, / и҆звѣ́стнѡ вѣ́рꙋюще слꙋ́жимъ, / со ѻ҆ц҃е́мъ сн҃ꙋ, и҆ дх҃ꙋ всест҃о́мꙋ во є҆ди́номъ бж҃ествѣ̀, / трⷪ҇цѣ є҆диносꙋ́щнѣй."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: При́зри на молє́нїѧ твои́хъ ра̑бъ, всенепоро́чнаѧ, / ᲂу҆толѧ́ющи лю̑таѧ на ны̀ воста̑нїѧ, / всѧ́кїѧ ско́рби на́съ и҆змѣнѧ́ющи: / тѧ́ бо є҆ди́нꙋ, тве́рдое и҆ и҆звѣ́стное ᲂу҆твержде́нїе и҆́мамы: / и҆ твоѐ предста́тельство стѧжа́хомъ, / да не постыди́мсѧ, влⷣчце, тѧ̀ призыва́ющїи, / потщи́сѧ на ᲂу҆моле́нїе, тебѣ̀ вѣ́рнѡ вопїю́щихъ: / ра́дꙋйсѧ, влⷣчце, / всѣ́хъ по́моще, ра́досте и҆ покро́ве, / и҆ спасе́нїе дꙋ́шъ на́шихъ."
|
|
},
|
|
{
|
|
"type": "TEXT",
|
|
"value": "На благослове́нїи хлѣ́бѡвъ тропа́рь, Бцⷣе дв҃о: два́жды:"
|
|
},
|
|
{
|
|
"type": "HEADER",
|
|
"value": "И҆ ѻ҆тцє́въ, гла́съ и҃:"
|
|
},
|
|
{
|
|
"type": "TEXT",
|
|
"value": "П репросла́вленъ є҆сѝ хрⷭ҇тѐ бж҃е на́шъ, / свѣти̑ла на землѝ ѻ҆тцы̀ на́ши ѡ҆снова́вый, / и҆ тѣ́ми ко и҆́стиннѣй вѣ́рѣ всѧ̑ ны̀ наста́вивый: / многобл҃гоꙋтро́бне, сла́ва тебѣ̀. [Є҆ди́ножды.]"
|
|
},
|
|
{
|
|
"type": "HEADER",
|
|
"value": "На ᲂу҆́трени."
|
|
},
|
|
{
|
|
"type": "HEADER",
|
|
"value": "На Бг҃ъ гдⷭ҇ь, тропа́рь воскрⷭ҇нъ два́жды. Сла́ва, ѻ҆тцє́въ, гла́съ и҃:"
|
|
},
|
|
{
|
|
"type": "TEXT",
|
|
"value": "П репросла́вленъ є҆сѝ хрⷭ҇тѐ бж҃е на́шъ, / свѣти̑ла на землѝ ѻ҆тцы̀ на́ши ѡ҆снова́вый, / и҆ тѣ́ми ко и҆́стиннѣй вѣ́рѣ всѧ̑ ны̀ наста́вивый: / многобл҃гоꙋтро́бне, сла́ва тебѣ̀."
|
|
},
|
|
{
|
|
"type": "HEADER",
|
|
"value": "И҆ ны́нѣ, бг҃оро́диченъ: И҆́же на́съ ра́ди рожде́йсѧ ѿ дв҃ы, / и҆ распѧ́тїе претерпѣ́въ, бл҃гі́й, / и҆спрове́ргїй сме́ртїю сме́рть, / и҆ воскресе́нїе ꙗ҆вле́й ꙗ҆́кѡ бг҃ъ, / не пре́зри, ꙗ҆̀же созда́лъ є҆сѝ рꙋко́ю твое́ю: / ꙗ҆вѝ человѣколю́бїе твоѐ, ми́лостиве, / прїимѝ ро́ждшꙋю тѧ̀ бцⷣꙋ молѧ́щꙋюсѧ за ны̀, / и҆ спасѝ, сп҃се на́шъ, лю́ди ѿча̑ѧнныѧ."
|
|
},
|
|
{
|
|
"type": "TEXT",
|
|
"value": "По каѳі́смахъ сѣда́льны ѻ҆ктѡ́иха."
|
|
},
|
|
{
|
|
"type": "TEXT",
|
|
"value": "Канѡ́нъ воскрⷭ҇нъ со і҆рмосо́мъ на д҃: и҆ бцⷣы на в҃: и҆ ѻ҆ц҃є́въ на и҃."
|
|
},
|
|
{
|
|
"type": "HEADER",
|
|
"value": "Творе́нїе свѧще́ннагѡ и҆ вселе́нскагѡ патрїа́рха кѵ́ръ ге́рмана. Гла́съ ѕ҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ по сꙋ́хꙋ пѣшеше́ствовавъ і҆и҃ль, / по бе́зднѣ стопа́ми, / гони́телѧ фараѡ́на / ви́дѧ потоплѧ́ема, / бг҃ꙋ побѣ́днꙋю пѣ́снь пои́мъ, вопїѧ́ше."
|
|
},
|
|
{
|
|
"type": "TEXT",
|
|
"value": "И҆́ же ѿ нїке́и, ꙗ҆́коже ѿ нѣ́коегѡ нб҃сѐ, / всю́дꙋ возгремѣ́вше сло́во жива́гѡ ѻ҆ц҃а̀, и҆ сегѡ̀ показа́вше врагѝ гро́момъ и҆збїе́ны, / свѧще́нными словесы̀ да почтꙋ́тсѧ."
|
|
},
|
|
{
|
|
"type": "TEXT",
|
|
"value": "Д ꙋхобо́рцєвъ дꙋ́хъ лꙋка́вый, ст҃ы́мъ дх҃омъ хрⷭ҇то́съ ѿ своеѧ̀ цр҃кве дале́че ѿгна̀, / вторы́мъ дѣ́йствомъ собо́ра совокꙋпи́въ."
|
|
},
|
|
{
|
|
"type": "TEXT",
|
|
"value": "Х рⷭ҇тобо́рца пре́лесть и҆згна̀ несто́рїа, кѷрі́ллъ собо́ра нача́льникъ, / и҆́же ꙗ҆́снѡ дв҃ꙋ марі́ю и҆сповѣ́да бг҃ꙋ мт҃рь чⷭ҇тꙋю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Несозда́нныѧ трⷪ҇цы є҆ди́наго хрⷭ҇та̀, во двою̀ є҆стєствꙋ̀ и҆ хотѣ̑нїю, чⷭ҇таѧ, ражда́еши, / соедине́нїе человѣ́кѡмъ и҆ а҆́гг҃лѡмъ, тебє̀ ра́ди содѣ́лавшаго."
|
|
},
|
|
{
|
|
"type": "HEADER",
|
|
"value": "Дрꙋгі́й канѡ́нъ ст҃ы́хъ ѻ҆тцє́въ. Гла́съ и҃. Пѣ́снь а҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Колесницегони́телѧ фараѡ́нѧ погрꙋзѝ, / чꙋдотворѧ́й и҆ногда̀ / мѡѷсе́йскїй же́злъ, крⷭ҇тоѡбра́знѡ порази́въ, / и҆ раздѣли́въ мо́ре, / і҆и҃лѧ же бѣглеца̀, пѣшехо́дца сп҃сѐ, / пѣ́снь бг҃ови воспѣва́юща."
|
|
},
|
|
{
|
|
"type": "TEXT",
|
|
"value": "Ѻ҆ тє́цъ благочести́вое собра́нїе, сте́кшесѧ и҆ногда̀ на є҆ѵтѵ́ха / вои́стиннꙋ, сп҃са проповѣ́да, въ нераздѣ́льныхъ є҆стества́хъ сꙋгꙋ́быхъ, / бжⷭ҇твеннагѡ ѻ҆тца̀ кѷрі́лла ᲂу҆че́нїемъ, ше́ствꙋющее ꙗ҆́вѣ и҆ пребыва́ющее."
|
|
},
|
|
{
|
|
"type": "TEXT",
|
|
"value": "Ч исло̀ шестьсѡ́тъ тридесѧ́тое благочести́вѣйшихъ мꙋже́й, / є҆ѵтѵ́ховꙋ пре́лесть, и҆ севи́ровꙋ є҆́ресь низло́жше, / достиго́ша воспѣ́ти си́це: / хрⷭ҇та̀ во двою̀ сꙋщєствꙋ̀ проповѣ́дꙋемъ, / ше́ствꙋюще рече́нїємъ кѷрі́лла блаже́ннагѡ."
|
|
},
|
|
{
|
|
"type": "TEXT",
|
|
"value": "И҆́ же не проповѣ́дꙋетъ во двою̀ є҆стєствꙋ̀, и҆ дѣ́йствїихъ, хрⷭ҇та̀ сло́во ѻ҆́ч҃ее, / прїи́метъ а҆на́ѳемꙋ: / четве́ртый бо собо́ръ ст҃ы́хъ ѻ҆тє́цъ є҆диномꙋ́дреннѡ си́це проповѣ́да: / всѝ ᲂу҆́бѡ и҆̀хъ да ᲂу҆блажи́мъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Пресла̑внаѧ ѡ҆ тебѣ̀ возглаго́лашасѧ въ ро́дѣхъ родѡ́въ, / ꙗ҆́же бг҃а сло́ва во чре́вѣ вмѣсти́вшаѧ, чⷭ҇та́ же пребы́вши, бцⷣе марі́е. / тѣ́мъ тѧ̀ всѝ почита́емъ по бз҃ѣ предста́тельницꙋ на́шꙋ."
|
|
},
|
|
{
|
|
"type": "TEXT",
|
|
"value": "Катава́сїа: Ѿве́рзꙋ ᲂу҆ста̀ моѧ̑, / и҆ напо́лнѧтсѧ дх҃а, / и҆ сло́во ѿры́гнꙋ цр҃и́цѣ мт҃ри, / и҆ ꙗ҆влю́сѧ свѣ́тлѡ торжествꙋ́ѧ, / и҆ воспою̀ ра́дꙋѧсѧ тоѧ̀ чꙋдеса̀."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Нѣ́сть ст҃ъ / ꙗ҆́коже ты̀ гдⷭ҇и бж҃е мо́й, / вознесы́й ро́гъ вѣ́рныхъ твои́хъ бл҃же, / и҆ ᲂу҆тверди́вый на́съ на ка́мени / и҆сповѣ́данїѧ твоегѡ̀."
|
|
},
|
|
{
|
|
"type": "TEXT",
|
|
"value": "Т ва́ри слꙋжи́тель ꙗ҆́вльсѧ а҆́рїй безꙋ́мный, / и҆ македѡ́нїй па́ки ме́рзокъ ꙗ҆́вльсѧ, / въ гее́ннѣ ѻ҆́гненнѣй ра́внѡ мꙋ́чатсѧ со є҆́ллины."
|
|
},
|
|
{
|
|
"type": "TEXT",
|
|
"value": "С едмїю̀ собѡ́ры свѧще́нными ст҃ы́хъ ѻ҆тє́цъ / честнꙋ́ю це́рковь ᲂу҆ѧсни́лъ є҆сѝ, хрⷭ҇тѐ: / ꙗ҆́коже седми́хъ свѣти̑льникъ свѣ́томъ пре́лести тмꙋ̀ прогна́въ дале́че."
|
|
},
|
|
{
|
|
"type": "TEXT",
|
|
"value": "С та́до твоѐ, сло́ве, погꙋблѧ́етъ многоѻбра́знаѧ кра́ста є҆реті̑къ: / па́стырїе же твои́хъ слове́сныхъ ѻ҆вє́цъ ᲂу҆че́нїемъ сїѐ премѣни́ша."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Є҆ди́наго родила̀ є҆сѝ, пречⷭ҇таѧ, / ѿ несозда́нныѧ трⷪ҇цы, во двою̀ сꙋщєствꙋ̀ и҆ хотѣ̑нїю: / є҆гѡ́же ѻ҆́бразꙋ честно́мꙋ покланѧ́емсѧ, бл҃года́ти и҆сполнѧ́еми."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Оу҆твержде́й въ нача́лѣ нб҃са̀ ра́зꙋмомъ, / и҆ зе́млю на вода́хъ ѡ҆снова́вый, / на ка́мени мѧ̀, хрⷭ҇тѐ, за́повѣдей твои́хъ ᲂу҆твердѝ, / ꙗ҆́кѡ нѣ́сть ст҃ъ, па́че тебѐ / є҆ди́не чл҃вѣколю́бче."
|
|
},
|
|
{
|
|
"type": "TEXT",
|
|
"value": "И҆́ же севи́ра безстꙋ́днѡ прекло́ншесѧ словесє́мъ, ꙗ҆́да смертото́чнагѡ и҆спо́лнєннымъ, / посрами́тесѧ при́снѡ, ѿлꙋча́ющесѧ всѝ цр҃кве, / ꙗ҆́коже во́лцы и҆ псѝ хи́щнїи."
|
|
},
|
|
{
|
|
"type": "TEXT",
|
|
"value": "Л ико́вственницы и҆ вѣ́рнїи вседѣ́телѧ и҆ сп҃са, / во двою̀ нераздѣ́льныхъ сꙋще́ствъ и҆ хотѣ́нїихъ сꙋгꙋ́быхъ и҆ дѣ́йствїихъ почита́емъ. / тѣ́мже севи́ра пре́лести въ коне́цъ ѿвраща́емсѧ."
|
|
},
|
|
{
|
|
"type": "TEXT",
|
|
"value": "П рїиди́те, севи́ра и҆ і҆а́кѡва неблагополꙋ́чныхъ пре́лесть, / съ си́ми ѳеодо́сїа, дїоско́ра ѿме́щемъ ꙗ҆́вѣ, / четве́ртый же собо́ръ благочести́выхъ ѻ҆тє́цъ воспое́мъ пѣ́сньми бжⷭ҇твенными."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Херꙋві̑мъ и҆ серафі̑мъ ꙗ҆ви́ласѧ є҆сѝ вы́шши, бцⷣе: / ты́ бо є҆ди́на прїѧ́ла є҆сѝ невмѣсти́маго бг҃а, во твое́мъ чре́вѣ нескве́рнаѧ. / тѣ́мже тѧ̀ всѝ вѣ́рнїи пѣ́сньми, чⷭ҇таѧ, ᲂу҆блажа́емъ."
|
|
},
|
|
{
|
|
"type": "TEXT",
|
|
"value": "Катава́сїа: Твоѧ̑ пѣсносло́вцы бцⷣе, / живы́й и҆ незави́стный и҆сто́чниче, / ли́къ себѣ̀ совокꙋ́пльшыѧ дх҃о́внѡ ᲂу҆твердѝ, / въ бж҃е́ственнѣй твое́й сла́вѣ, / вѣнцє́въ сла́вы сподо́би."
|
|
},
|
|
{
|
|
"type": "HEADER",
|
|
"value": "Конда́къ и҆ і҆́косъ воскрⷭ҇нъ: та́же сѣда́ленъ ѻ҆тцє́въ, гла́съ д҃. Подо́бенъ: Ско́рѡ предварѝ:"
|
|
},
|
|
{
|
|
"type": "TEXT",
|
|
"value": "С вѣти́льницы пресвѣ́тлїи и҆́стины хрⷭ҇то́вы мі́рꙋ ꙗ҆ви́стесѧ на землѝ, / вои́стиннꙋ бл҃же́ннѣйшїи, ѻ҆тцы̀ бг҃овѣща́ннїи, / и҆зсꙋши́вше є҆́рєси хꙋ́льныхъ ꙗ҆зыковре́дїй, / и҆ ᲂу҆гаси́вше пламенови̑днаѧ ѕлосла́вныхъ смꙋщє́нїѧ: / тѣ́мже ꙗ҆́кѡ ст҃и́телїе хрⷭ҇то́вы, моли́тесѧ спасти́сѧ на́мъ. [Два́жды.]"
|
|
},
|
|
{
|
|
"type": "TEXT",
|
|
"value": "Сла́ва, и҆ ны́нѣ, бг҃оро́диченъ: Ѡ҆бнови́ла є҆сѝ, чⷭ҇таѧ, бжⷭ҇твеннымъ ржⷭ҇тво́мъ твои́мъ, / и҆стлѣ́вшее во страсте́хъ земноро́дныхъ ме́ртвенное сꙋщество̀: / и҆ воздви́гла є҆сѝ всѧ̑ ѿ сме́рти къ животꙋ̀ нетлѣ́нїѧ. / тѣ́мже тѧ̀ по до́лгꙋ блажи́мъ всѝ, дв҃о препросла́вленнаѧ, ꙗ҆́коже прорекла̀ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Хрⷭ҇то́съ моѧ̀ си́ла, / бг҃ъ и҆ гдⷭ҇ь, / честна́ѧ цр҃ковь / бг҃олѣ́пнѡ пое́тъ взыва́ющи, / ѿ смы́сла чи́ста, ѡ҆ гдⷭ҇ѣ пра́зднꙋющи."
|
|
},
|
|
{
|
|
"type": "TEXT",
|
|
"value": "В разѝ твоѝ возшꙋмѣ́ша, и҆ ненави́дѧщїи тѧ̀ главꙋ̀ воздвиго́ша, сп҃се, вма́лѣ: / но а҆́бїе падо́ша, не терпѧ́ще гла́са трꙋ́бъ дꙋхо́вныхъ."
|
|
},
|
|
{
|
|
"type": "TEXT",
|
|
"value": "С о́лнца со́лнцы, сꙋгꙋ́бѡ ѡ҆зари́ша, / сн҃ъ и҆ дх҃а ѿ ѻ҆ц҃а̀, несозда́нни, собезнача́льни: / ѻ҆бои́мъ ѻ҆ц҃ъ є҆ди́нъ вино́венъ вѣ́рꙋетсѧ."
|
|
},
|
|
{
|
|
"type": "TEXT",
|
|
"value": "С е́дмь ᲂу҆́бѡ дꙋхѡ́въ, и҆̀же почи́ша на хрⷭ҇тѣ̀, и҆са́їа сїѐ речѐ: / на седми́хъ же собо́рѣхъ почѝ хрⷭ҇то́съ, со ѻ҆ц҃е́мъ и҆ бжⷭ҇твеннымъ дх҃омъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Бг҃а родила̀ є҆сѝ пло́ть носи́вшаго, / ѿ чⷭ҇тыхъ твои́хъ крове́й, ѻ҆трокови́це чⷭ҇таѧ: / є҆го́же сꙋгꙋ́ба є҆стество́мъ, во ѵ҆поста́си же є҆ди́нѣй, ѻ҆тцы̀ проповѣ́даша."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Ты̀ моѧ̀ крѣ́пость гдⷭ҇и, / ты̀ моѧ̀ и҆ си́ла, / ты̀ мо́й бг҃ъ, ты̀ моѐ ра́дованїе, / не ѡ҆ста́вль нѣ́дра ѻ҆́ч҃а, / и҆ на́шꙋ нищетꙋ̀ посѣти́въ. / тѣ́мъ съ прⷪ҇ро́комъ а҆ввакꙋ́момъ зовꙋ́ ти: / си́лѣ твое́й сла́ва чл҃вѣколю́бче."
|
|
},
|
|
{
|
|
"type": "TEXT",
|
|
"value": "Р цы̀ на́мъ, безꙋ́мный севи́ре и҆ сꙋ́етный: / є҆ди́но є҆стество̀ сло́жно безнача́льно, свѣ́тъ сло́во ѻ҆́ч҃ее, и҆ сн҃а; / а҆́ще бо си́це рече́ши, и҆ дрꙋго́е є҆стество̀ знамена́лъ є҆сѝ: / пло́ть бо, и҆ сло́во, не є҆ди́но сꙋщество̀, но сꙋгꙋ́бо сꙋ́щее, ѻ҆каѧ́нне."
|
|
},
|
|
{
|
|
"type": "TEXT",
|
|
"value": "Є҆ ди́но ре́кши є҆стество̀ сло́ва, наведѐ вопло́щшеесѧ є҆стество̀ человѣ́чества, / кромѣ̀ и҆змѣне́нїѧ всѧ́чески и҆ смѣше́нїѧ, / а҆леѯандрі́ѡмъ ᲂу҆чи́тель же и҆ предсѣда́тель, / ꙗ҆́снѡ два̀ є҆стєства̀ и҆ хотѣ́нїѧ наꙋча́ѧ, правосла́внѡ мꙋ́дрствовати хотѧ́щихъ."
|
|
},
|
|
{
|
|
"type": "TEXT",
|
|
"value": "Д ва̀ є҆стества̀ хрⷭ҇то́ва всѝ проповѣ́даемъ неслїѧ́ннѡ, / всѧ́кое нече́стїе є҆ѵтѵ́хїа вѣ́рнїи, а҆́бїе и҆ дїоско́ра безꙋ́мнагѡ попира́юще, / послѣ́дꙋемъ предѣ́лꙋ ст҃ы́хъ ѻ҆тє́цъ, и҆ кѷрі́лла бжⷭ҇твеннагѡ рече́нїємъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Херꙋві́мское носи́ло ты̀, бг҃ома́ти чⷭ҇таѧ, / ты̀ вмѣсти́лище, ты̀ и҆ прїѧ́телище сло́ва ѻ҆́ч҃а, и҆ бг҃а / ѿ пречⷭ҇тыхъ ложе́снъ въ пло́ть ѡ҆бле́кшагѡсѧ. / тѣ́мже во двою̀ сꙋщєствꙋ̀ и҆зъ тебє̀ вопло́щшемꙋсѧ покланѧ́ющесѧ, непреста́ннѡ сла́вимъ."
|
|
},
|
|
{
|
|
"type": "TEXT",
|
|
"value": "Катава́сїа: Сѣдѧ́й въ сла́вѣ, / на прⷭ҇то́лѣ бж҃ества̀, / во ѻ҆́блацѣ ле́гцѣ / прїи́де і҆и҃съ пребж҃е́ственный, / нетлѣ́нною дла́нїю, / и҆ сп҃се зовꙋ́щыѧ: / сла́ва хрⷭ҇тѐ си́лѣ твое́й."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Бж҃їимъ / свѣ́томъ твои́мъ бл҃же, / ᲂу҆́тренюющихъ тѝ дꙋ́шы / любо́вїю ѡ҆зарѝ, молю́сѧ, / тѧ̀ вѣ́дѣти сло́ве бж҃їй, / и҆́стиннаго бг҃а, / ѿ мра́ка грѣхо́внагѡ взыва́юща."
|
|
},
|
|
{
|
|
"type": "TEXT",
|
|
"value": "Б жⷭ҇твенный вїногра́дъ хрⷭ҇то́въ, и҆́же ѿ є҆гѵ́пта принесе́нъ, / те́мнагѡ ѿча́ѧнна гꙋби́телѧ ѕвѣ́рїе, пе́рвѣе поѧда́хꙋ: / пра́щею же ст҃ы́хъ ѻ҆тє́цъ дале́че ѿгна́шасѧ."
|
|
},
|
|
{
|
|
"type": "TEXT",
|
|
"value": "Б жⷭ҇твеннымъ сїѧ́нїемъ трисїѧ́ннымъ ᲂу҆́мъ просвѣ́щше, / честні́и ѻ҆тцы̀ є҆ди́наго проповѣ́даша, чⷭ҇тны́ѧ трⷪ҇цы хрⷭ҇та̀ гдⷭ҇и, / сꙋгꙋ́ба є҆стествы̀ и҆ хотѣ́нїи."
|
|
},
|
|
{
|
|
"type": "TEXT",
|
|
"value": "Трⷪ҇ченъ: Въ ве́щныхъ, ꙗ҆́коже въ серафі́мскихъ мꙋ́дрыми ѻ҆тцы̀, ѽ трⷪ҇це! / цр҃ковь ѡ҆небеси́сѧ, трист҃ꙋ́ю пѣ́снь при́снѡ тебѣ̀ пою́щи, / собира́етъ трⷪ҇ческое твоѐ є҆ди́но бжⷭ҇тво̀."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Мт҃и и҆ раба̀ твоегѡ̀ сн҃а была̀ є҆сѝ, чⷭ҇таѧ: / и҆́бо и҆́же и҆зъ тебє̀ пре́жде тебє̀ бѧ́ше, ꙗ҆́кѡ содѣ́тель тво́й, / є҆го́же во двою̀ сꙋщєствꙋ̀ познава́емъ, и҆ соединѧ́емъ сло́вомъ ѵ҆поста́снымъ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Вскꙋ́ю мѧ̀ ѿри́нꙋлъ є҆сѝ / ѿ лица̀ твоегѡ̀ свѣ́те незаходи́мый, / и҆ покры́ла мѧ̀ є҆́сть чꙋжда́ѧ тьма̀ ѻ҆каѧ́ннаго; / но ѡ҆брати́ мѧ, / и҆ къ свѣ́тꙋ за́повѣдей твои́хъ / пꙋти̑ моѧ̑ напра́ви, молю́сѧ."
|
|
},
|
|
{
|
|
"type": "TEXT",
|
|
"value": "Ѽ севи́ре! є҆сте́ствъ хрⷭ҇то́вы не слива́й лю́тѣ, законопрестꙋ́пне: / и҆́бо жри́телїе и҆ преблаже́ннїи ᲂу҆чи́телїе всѝ, / во двою̀ сꙋщєствꙋ̀, и҆ во є҆ди́номъ хрⷭ҇то́вомъ лицѣ̀ провозвѣсти́вше, всѣ̑мъ и҆зложи́ша."
|
|
},
|
|
{
|
|
"type": "TEXT",
|
|
"value": "П рїѧ́тъ є҆стество̀ человѣ́ческое ꙗ҆́вѣ безнача́льный, ѻ҆́ч҃ее сло́во, / ꙗ҆́кѡ чл҃вѣколю́бецъ, хотѧ̀ ᲂу҆ще́дрити на́съ поги́бшихъ. / тѣ́мже того̀ проповѣ́дꙋю во двою̀ сꙋщєствꙋ̀ и҆ хотѣ̑нїю."
|
|
},
|
|
{
|
|
"type": "TEXT",
|
|
"value": "Н изложи́въ севи́ра четве́ртый собо́ръ, и҆ дїоско́ра, хрⷭ҇та̀ хꙋ́лѧщыѧ, / и҆звѣща́ѧ сви́токъ ле́онта первосѣда́льника ри́мскагѡ ѕѣлѡ̀ до́брѣ, / сꙋгꙋ́ба є҆стества̀ сп҃сова, несѣко́мо ꙗ҆влѧ́ѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Мт҃рнее дерзнове́нїе, є҆́же къ сн҃ꙋ твоемꙋ̀ и҆мꙋ́щи, всечи́стаѧ, / сро́днагѡ промышле́нїѧ, є҆́же ѡ҆ на́съ, не пре́зри, мо́лимсѧ, / ꙗ҆́кѡ тебѐ и҆ є҆ди́нꙋ хрⷭ҇тїа́не ко влⷣцѣ ѡ҆чище́нїе ми́лостивно предлага́емъ."
|
|
},
|
|
{
|
|
"type": "TEXT",
|
|
"value": "Катава́сїа: Оу҆жасо́шасѧ всѧ́чєскаѧ / ѡ҆ бж҃е́ственнѣй сла́вѣ твое́й: / ты́ бо неискꙋсобра́чнаѧ дв҃о, / и҆мѣ́ла є҆сѝ во ᲂу҆тро́бѣ над̾ всѣ́ми бг҃а, / и҆ родила̀ є҆сѝ безлѣ́тнаго сн҃а, / всѣ̑мъ воспѣва́ющымъ тѧ̀, / ми́ръ подава́ющаѧ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Жите́йское мо́ре / воздвиза́емое зрѧ̀ напа́стей бꙋ́рею, / къ ти́хомꙋ приста́нищꙋ твоемꙋ̀ прите́къ вопїю́ ти: / возведѝ ѿ тлѝ живо́тъ мо́й, / многомлⷭ҇тиве."
|
|
},
|
|
{
|
|
"type": "TEXT",
|
|
"value": "Б г҃ъ богѡ́въ гдⷭ҇ь, дв҃дъ пре́жде воспѣ́въ глаго́ла, / и҆ призва̀ ѿ востѡ́къ ѿ конє́цъ всеѧ̀ землѝ да́же до за̑падъ и҆́хъ, / вселє́нскїѧ собо́ры ѻ҆тє́цъ назна́менꙋѧ."
|
|
},
|
|
{
|
|
"type": "TEXT",
|
|
"value": "С е́дмь столпѡ́въ ᲂу҆твердѝ премꙋ́дрость бж҃їѧ, / твою̀ цр҃ковь, влⷣко, седмочи́сленными собѡ́ры свѧще́нныхъ ѻ҆ц҃ъ, / неꙋкло́ннꙋ соблюда́емꙋ ѿ всѧ́кихъ є҆ресе́й."
|
|
},
|
|
{
|
|
"type": "TEXT",
|
|
"value": "С ты́дъ лица̀ да покры́етъ є҆ѵтѵ́ха, и҆ дїоско́ра, слїѧ́нїе бꙋесло́вившихъ є҆стества̀ хрⷭ҇то́ва: / не въ привидѣ́нїи бо, но во ѡ҆боже́нїи є҆стество̀ земноро́дныхъ прїѧ́тъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Да во́зметсѧ несто́рїй во є҆врє́йскїѧ тє́мныѧ собо́ры, / и҆ ꙗ҆зы́къ же ѿсѣче́тсѧ хꙋ́льный: / бг҃а бо родѝ дв҃а марі́а, плотоно́сца на́мъ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Ѡ҆чи́сти мѧ̀ сп҃се, / мнѡ́га бо беззакѡ́нїѧ моѧ̑, / и҆ и҆з̾ глꙋбины̀ ѕѡ́лъ возведѝ, молю́сѧ: / къ тебѣ́ бо возопи́хъ, / и҆ ᲂу҆слы́ши мѧ̀, / бж҃е сп҃се́нїѧ моегѡ̀."
|
|
},
|
|
{
|
|
"type": "TEXT",
|
|
"value": "Д ва̀ посла́нїѧ кѷрі́лла, ꙗ҆̀же ко сѵ́ггелꙋ пѡ́сланнаѧ и҆ногда̀, / восто́кꙋ преѡблада́ющꙋ, ѡ҆блича́ютъ севи́ровꙋ всю̀ пре́лесть, / благоче́стнѡ хрⷭ҇та̀ проповѣ̑дающаѧ."
|
|
},
|
|
{
|
|
"type": "TEXT",
|
|
"value": "К ѷрі́ллъ хрⷭ҇та̀ проповѣ́дꙋетъ во двою̀ є҆стєствꙋ̀, и҆ дѣ́йствїихъ сꙋгꙋ́быхъ. / севи́ра несмы́сленнагѡ є҆́ресь ѿсѣца́ѧ: / тѣ́мже всѝ во ᲂу҆че́нїихъ тогѡ̀ пребꙋ́демъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Дв҃ꙋ тѧ̀ и҆ чⷭ҇тꙋю пресла́внꙋю, бг҃ороди́тельнице марі́е, / благочести́вїи вои́стиннꙋ проповѣ́дꙋемъ, / загражда́юще безстꙋ́днаѧ ᲂу҆ста̀ несто́рїа, и҆ дїоско́ра ѕломы́слїе."
|
|
},
|
|
{
|
|
"type": "TEXT",
|
|
"value": "Катава́сїа: Бж҃е́ственное сїѐ и҆ всечестно́е, / соверша́юще пра́зднество, / бг҃омꙋ́дрїи бг҃омт҃ре, / прїиди́те рꙋка́ми воспле́щимъ, / ѿ неѧ̀ ро́ждшагосѧ бг҃а сла́вимъ."
|
|
},
|
|
{
|
|
"type": "HEADER",
|
|
"value": "Конда́къ, гла́съ и҃. Подо́бенъ: Ꙗ҆́кѡ нача́тки:"
|
|
},
|
|
{
|
|
"type": "TEXT",
|
|
"value": "А҆ пⷭ҇лъ проповѣ́данїе, и҆ ѻ҆тє́цъ догма́ты, / цр҃кве є҆ди́нꙋ вѣ́рꙋ запечатлѣ́ша: / ꙗ҆́же и҆ ри́зꙋ носѧ́щи и҆́стины, и҆стка́нꙋ ѿ є҆́же свы́ше бг҃осло́вїѧ, / и҆справлѧ́етъ и҆ сла́витъ благоче́стїѧ вели́кое та́инство."
|
|
},
|
|
{
|
|
"type": "TEXT",
|
|
"value": "І҆́косъ: Высо́кимъ проповѣ́данїемъ бж҃їю це́рковь ᲂу҆слы́шимъ вопїю́щꙋ: / жа́ждай да грѧде́тъ ко мнѣ̀, и҆ пїе́тъ ча́шꙋ, ю҆́же держꙋ̀, / ча́ша є҆́сть премꙋ́дрости. / сїѐ питїѐ и҆́стины сло́вомъ почерпо́хъ, во́дꙋ пролива́ющꙋю не прекосло́вїѧ, / но и҆сповѣ́данїѧ, ю҆́же пїѧ̀ ны́нѣшнїй і҆и҃ль, бг҃а зри́тъ вѣща́юща: / ви́дите, ꙗ҆́кѡ са́мъ а҆́зъ є҆́смь, и҆ не премѣнѧ́юсѧ: / а҆́зъ бг҃ъ пе́рвый, а҆́зъ же и҆ по си́хъ, и҆ ра́звѣ менє̀ нѣ́сть и҆но́гѡ ѿню́дъ. / ѿсю́дꙋ причаща́ющїисѧ насы́тѧтсѧ, / и҆ восхва́лѧтъ благоче́стїѧ вели́кое та́инство."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Росода́тельнꙋ ᲂу҆́бѡ пе́щь / содѣ́ла а҆́гг҃лъ / прпⷣбнымъ ѻ҆трокѡ́мъ, / халде́и же ѡ҆палѧ́ющее / велѣ́нїе бж҃їе / мꙋчи́телѧ ᲂу҆вѣща̀ вопи́ти: / бл҃гослове́нъ є҆сѝ бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "В авѷлѡ́нскаго ᲂу҆́бѡ ѕмі́ѧ разразѝ данїи́лъ пе́рвѣе: / моли́твами же ѻ҆тє́цъ просѧ́десѧ лю́тый є҆гѵ́петскїй ѕмі́й, / ꙗ҆́вѣ а҆́рїй, поѧда́ющїй хрⷭ҇то́во ста́до."
|
|
},
|
|
{
|
|
"type": "TEXT",
|
|
"value": "Н епроще́ннымъ нече́стїемъ негодова̀, во́лкъ македѡ́нїй, / прирази́всѧ дх҃ꙋ, ѡ҆божа́ющемꙋ человѣ́ки, / и҆ всѧ̑ ба́нею креще́нїѧ на пе́рвꙋю добро́тꙋ, воѡбража́ющꙋ вѣ̑рныѧ."
|
|
},
|
|
{
|
|
"type": "TEXT",
|
|
"value": "Д їоско́ръ и҆ є҆ѵтѵ́хъ, и҆ севи́ръ левїаѳа́мъ, / трїѐ слива́ющїи, и҆ смѣша́ющїи хрⷭ҇то́ва сꙋщєства̀, смѣше́нїемъ ᲂу҆́мнымъ, / къ трⷪ҇цѣ честнѣ́й прирази́шасѧ де́рзостїю."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Плотска́гѡ твоегѡ̀ зра́ка ѻ҆́бразъ, влⷣко, че́стнѡ ѡ҆блобыза́емъ, / и҆ мт҃ре твоеѧ̀, и҆ ст҃ы́хъ всѣ́хъ, / по́честь вѣ́дѧще пра́вымъ по́мысломъ, преходи́ти до́брѣ къ первоѻбра́зномꙋ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Бж҃їѧ снизхожде́нїѧ / ѻ҆́гнь ᲂу҆стыдѣ́сѧ въ вавѷлѡ́нѣ и҆ногда̀: / сегѡ̀ ра́ди ѻ҆́троцы въ пещѝ ра́дованною ного́ю, / ꙗ҆́кѡ во цвѣ́тницѣ ликꙋ́юще поѧ́хꙋ: / бл҃гослове́нъ є҆сѝ бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "В о двою̀ ᲂу҆́бѡ є҆стєствꙋ̀ и҆ дѣ́йствїѧхъ и҆сповѣ́дающе хрⷭ҇та̀, / несли́тнѣ, непрело́жнѣ, пре́лесть севи́ра побѣжда́емъ: / тѣ́мже пло́ти прїѧ́тїемъ стрⷭ҇ть претерпѣ́вшемꙋ, вопїе́мъ є҆мꙋ̀: / бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Є҆ ди́наго разꙋмѣ́емъ, и҆́же на дре́вѣ, и҆ въ нѣ́дрѣхъ ѻ҆ч҃ескихъ / ꙗ҆́кѡ бг҃ъ въ вы́шнихъ, и҆ во гро́бѣ, ꙗ҆́кѡ совокꙋпле́нна пло́тїю. / є҆мꙋ́же пое́мъ согла́снѡ, взыва́юще: / бл҃гослове́нъ є҆сѝ, бж҃е ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "А҆́ рїево и҆стоща́нїе, пресѣче́нїе же бг҃а ᲂу҆малѧ́ющагѡ, вѣ́рнїи, / соединомы́слїе а҆́бїе саве́ллїево, / трⷪ҇ческїѧ врагѝ возненави́дѣвше, трⷪ҇цѣ возопїе́мъ: / бл҃гослове́нъ бг҃ъ ѻ҆тє́цъ на́шихъ."
|
|
},
|
|
{
|
|
"type": "TEXT",
|
|
"value": "Трⷪ҇ченъ: Всѣ́хъ ᲂу҆́бѡ гдⷭ҇ь, є҆ди́наго же то́чїю є҆диноро́днаго сн҃а, / правосла́внѡ ѻ҆ц҃а̀ бг҃осло́вѧще, тѧ̀ возвѣща́емъ, / и҆ є҆ди́нъ вѣ́дѧще тво́й и҆сходѧ́щїй дх҃ъ, пра́въ, сра́сленъ и҆ соприсносꙋ́щенъ."
|
|
},
|
|
{
|
|
"type": "TEXT",
|
|
"value": "Катава́сїа: Не послꙋжи́ша тва́ри бг҃омꙋ́дрїи / па́че созда́вшагѡ, / но ѻ҆́гненное преще́нїе мꙋ́жески попра́вше, / ра́довахꙋсѧ пою́ще: / препѣ́тый ѻ҆тцє́въ гдⷭ҇ь и҆ бг҃ъ бл҃гослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "И҆з̾ пла́мене преподѡ́бнымъ ро́сꙋ и҆сточи́лъ є҆сѝ, / и҆ пра́веднагѡ же́ртвꙋ водо́ю попали́лъ є҆сѝ: / всѧ̑ бо твори́ши хрⷭ҇тѐ то́кмѡ є҆́же хотѣ́ти, / тѧ̀ превозно́симъ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Ꙗ҆́ коже є҆ди́нагѡ ко́рене ѻ҆́трасли бг҃оса́дны, сн҃ъ и҆ дх҃ъ возсїѧ́вше: / и҆́бо ѻ҆ц҃ъ є҆диновино́венъ є҆́сть, безлѣ́тный безлѣ̑тнымъ ли́цамъ є҆диноче́стенъ."
|
|
},
|
|
{
|
|
"type": "TEXT",
|
|
"value": "И҆ зъ чре́ва невеще́ственна безлѣ́тнѡ возсїѧ́лъ є҆сѝ, / є҆диносꙋ́щное сло́во ѻ҆ц҃ꙋ̀ и҆ дх҃ꙋ: / но на́съ ра́ди въ лѣ́тнюю всели́сѧ веще́ственнꙋю ᲂу҆тро́бꙋ є҆ди́ныѧ бцⷣы."
|
|
},
|
|
{
|
|
"type": "TEXT",
|
|
"value": "Р азжжє́нныѧ стрѣ́лы ѻ҆гне́мъ дꙋхо́внымъ / въ стꙋдє́наѧ сердца̀ врагѡ́въ вонзо́шасѧ є҆ретїкѡ́въ, и҆ на сме́рть ᲂу҆дави́ша и҆̀хъ / совокꙋпле́нїи ѻ҆тє́цъ седмочи́сленныхъ и҆ бжⷭ҇твенныхъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Не ли́цы є҆ди́наго хрⷭ҇та̀ сла́вимъ, не смѣше́нїемъ сꙋщества̀ сего̀ соединѧ́емъ: / є҆ди́нъ бо сы́й и҆ то́йже лице́мъ, раздвоѧ́етсѧ є҆стествы̀, / дв҃о, тво́й сн҃ъ и҆ содѣ́тель."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Седмери́цею пе́щь халде́йскїй мꙋчи́тель / бг҃очести̑вымъ неи́стовнѡ разжжѐ, / си́лою же лꙋ́чшею сп҃се́ны сїѧ̑ ви́дѣвъ, / творцꙋ̀ и҆ и҆зба́вителю вопїѧ́ше: / ѻ҆́троцы бл҃гослови́те, / сщ҃е́нницы воспо́йте, / лю́дїе превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Д а постыдѧ́тсѧ ли́ца, и҆ да заградѧ́тсѧ ᲂу҆ста̀ / не проповѣ́дающихъ во двою̀ є҆стєствꙋ̀, / несѣко́мѡ, непрело́жнѡ же и҆ несли́тнѡ, є҆ди́наго сн҃а: / благочести́вїи бо мы̀ прославлѧ́емъ, / и҆́накѡ ᲂу҆́бѡ и҆ и҆́накѡ, дѣ́йствовати же и҆ хотѣ́ти хрⷭ҇тꙋ̀, / не ᲂу҆́бѡ ли́цы, но во двои́хъ є҆стества́хъ."
|
|
},
|
|
{
|
|
"type": "TEXT",
|
|
"value": "И҆́ же і҆а́кѡва и҆мꙋ́щїи кентѡ́на назва́нїе, тогѡ́жде и҆́мѧ себѣ̀ написꙋ́ющїи, ѿвѣща́йте на́мъ: / а҆́ще въ назва́нїи є҆гѡ̀ вы̀ въ кꙋпѣ́ли крⷭ҇ти́стесѧ дре́вле; / тѣ́мже си́хъ ра́ди бл҃года́ти хрⷭ҇та̀ ѿстꙋпи́сте вои́стиннꙋ, / во́лею со лжи́вымъ си́мъ безстꙋ́дствꙋюще."
|
|
},
|
|
{
|
|
"type": "TEXT",
|
|
"value": "В ъ халкидѡ́нѣ собо́ръ четве́ртый, дїоско́ра, є҆ѵтѵ́ха же и҆ севи́ра, лю́тыхъ низложѝ, / и҆ до конца̀ ѿсѣчѐ терно́внꙋю и҆́хъ пре́лесть, / слїѧ́тельнꙋю сꙋще́ствъ сп҃совыхъ, ѿ цр҃кве хрⷭ҇та̀ и҆ влⷣки: / съ не́юже правосла́вѧщїи возненави́димъ си́хъ."
|
|
},
|
|
{
|
|
"type": "TEXT",
|
|
"value": "Трⷪ҇ченъ: Трисвѣ́тлꙋю бжⷭ҇тва̀ є҆ди́нственнꙋю сїѧ́ющꙋю зарю̀, ѿ є҆ди́нагѡ трїѷпоста́снагѡ є҆стества̀: / роди́телѧ безнача́льна, сра́слена же сло́ва ѻ҆́ч҃а, и҆ сцрⷭ҇твꙋющїй є҆диносꙋ́щный дх҃ъ, / дѣ́ти благослови́те, свѧще́нницы воспо́йте, / лю́дїе превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Бг҃ороди́тельнице пречⷭ҇таѧ, дꙋшѝ моеѧ̀ ꙗ҆́звы и҆ грѣхѡ́внаѧ собла́зны ѡ҆чи́сти, / и҆сто́чникомъ ѡ҆мыва́ющи и҆зъ ре́бръ сн҃а твоегѡ̀, и҆ и҆̀же и҆зъ ни́хъ и҆сте́кшими стрꙋѧ́ми: / къ тебѣ́ бо взыва́ю, и҆ къ тебѣ̀ прибѣга́ю, и҆ тебѐ призыва́ю бг҃облагода́тнꙋю."
|
|
},
|
|
{
|
|
"type": "TEXT",
|
|
"value": "Катава́сїа: Ѻ҆́троки бл҃гочєсти́выѧ въ пещѝ / ржⷭ҇тво̀ бг҃оро́дичо сп҃сло̀ є҆́сть, / тогда̀ ᲂу҆́бѡ ѡ҆бразꙋ́емое: / ны́нѣ же дѣ́йствꙋемое, / вселе́ннꙋю всю̀ воздвиза́етъ пѣ́ти тебѣ̀: / гдⷭ҇а по́йте дѣла̀, / и҆ превозноси́те є҆го̀ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "HEADER",
|
|
"value": "І҆рмо́съ:"
|
|
},
|
|
{
|
|
"type": "TEXT",
|
|
"value": "Бг҃а / человѣ́кѡмъ невозмо́жно ви́дѣти / на него́же не смѣ́ютъ чи́ни а҆́гг҃льстїи взира́ти: / тобо́ю же всечⷭ҇таѧ, ꙗ҆ви́сѧ человѣ́кѡмъ / сло́во воплоще́нно: / є҆го́же велича́юще, / съ нбⷭ҇ными вѡ́и / тѧ̀ ᲂу҆бл҃жа́емъ."
|
|
},
|
|
{
|
|
"type": "TEXT",
|
|
"value": "Н е подоба́етъ приложи́ти, и҆лѝ ѡ҆ста́вити что̀ свѧще́ннагѡ преда́нїѧ правосла́вныѧ на́шеѧ вѣ́ры: / въ не́йже бо вѣ́рнѡ крести́хомсѧ. / а҆ и҆̀же преложи́тели сеѧ̀ вѣ́ры, впра́вдꙋ пре́дани бꙋ́дꙋтъ преще́нїю проклѧ́тїѧ."
|
|
},
|
|
{
|
|
"type": "TEXT",
|
|
"value": "Р а́достїю се́рдца всѝ взыгра́имъ, свѧщє́нныѧ собо́ры ѻ҆тє́цъ совокꙋ́пльше: / тѣ́хъ бо ра́ди свѣ́тъ ви́дѣхомъ правосла́вїѧ. / свѣти́льницы бо ꙗ҆ви́шасѧ, всѧ̑ наставлѧ́юще къ пра̑вымъ ᲂу҆че́нїѧ ѡ҆брѣ́тенїємъ."
|
|
},
|
|
{
|
|
"type": "TEXT",
|
|
"value": "Д ꙋша́мъ и҆спро́симъ ѡ҆чище́нїе и҆ благоче́стнѡ житїѐ препроводи́ти потщи́мсѧ, / ꙗ҆́кѡ да прича̑стницы бꙋ́демъ ст҃ы̑мъ ѻ҆тцє́мъ, / и҆̀же скры́ша пра́выхъ ᲂу҆че́нїй бога́тство на́мъ, ча́дѡмъ и҆́хъ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Бг҃ъ ѿ бокꙋ̀ твоє́ю возсїѧ̀, мт҃и бж҃їѧ, и҆ человѣ́ческїй ро́дъ ѡ҆божѝ, / и҆ сла́вы своеѧ̀ сподо́би, и҆ наслѣ́дники всѧ̑ показа̀, / и҆̀же тѧ̀ бцⷣꙋ вои́стиннꙋ при́снѡ проповѣ́дающыѧ."
|
|
},
|
|
{
|
|
"type": "HEADER",
|
|
"value": "И҆́нъ. І҆рмо́съ:"
|
|
},
|
|
{
|
|
"type": "TEXT",
|
|
"value": "Оу҆жасе́сѧ ѡ҆ се́мъ нб҃о, / и҆ землѝ ᲂу҆диви́шасѧ концы̀, / ꙗ҆́кѡ бг҃ъ ꙗ҆ви́сѧ человѣ́кѡмъ пло́тски, / и҆ чре́во твоѐ бы́сть простра́ннѣйшее нб҃съ. / тѣ́мъ тѧ̀ бцⷣꙋ, / а҆́гг҃лѡвъ и҆ человѣ̑къ чинонача̑лїѧ велича́ютъ."
|
|
},
|
|
{
|
|
"type": "TEXT",
|
|
"value": "П реше́дъ севи́ръ хрⷭ҇то́вꙋ благосла́внꙋю це́рковь льсти́вый, / и҆ ѿмще́нїе совѣ́томъ ѻ҆тє́цъ благочести́выхъ, хꙋле́нїѧ ра́ди и҆ хитростносло́вїѧ своегѡ̀ прїѧ́тъ пра́веднѡ, / и҆ ѿрѣва́етсѧ ᲂу҆чи́телей сосло́вїѧ ѡ҆сꙋжде́нный."
|
|
},
|
|
{
|
|
"type": "TEXT",
|
|
"value": "Є҆ стєства̀ хрⷭ҇то́ва что̀ слива́еши, и҆ смѣше́нїе вво́диши и҆ сли́тїе, / крⷭ҇тнꙋю стрⷭ҇ть и҆ погребе́нїе, прилага́ѧй безстра́стномꙋ бж҃ествꙋ̀, / є҆диноро́днагѡ сло́ва бж҃їѧ, ѽ ѻ҆каѧ́нне севи́ре! / тѣ́мже вели́кагѡ твоегѡ̀ хꙋле́нїѧ гнꙋша́емсѧ."
|
|
},
|
|
{
|
|
"type": "TEXT",
|
|
"value": "Бг҃оро́диченъ: Брѡ́ви и҆ де́рзость вкꙋ́пѣ вражде́бныхъ рожде́йсѧ ѿ дв҃ы низложѝ, / и҆ совѣ́ты ѕлосло́вѧщихъ содѣ́телѧ: / вѣ́рныхъ же собо́ръ ᲂу҆твердѝ непоколе́блемь, ꙗ҆́кѡ бг҃ъ / ро́гъ вознесы́й, и҆ вѣ́рою ᲂу҆крѣпи́вый, да тѧ̀ всѝ велича́емъ."
|
|
},
|
|
{
|
|
"type": "TEXT",
|
|
"value": "Катава́сїа: Всѧ́къ земноро́дный / да взыгра́етсѧ дх҃омъ просвѣща́емь, / да торжествꙋ́етъ же безпло́тныхъ ᲂу҆мѡ́въ є҆стество̀, / почита́ющее сщ҃е́нное торжество̀ бг҃омт҃ре, / и҆ да вопїе́тъ: / ра́дꙋйсѧ всебл҃же́ннаѧ / бцⷣе, чⷭ҇таѧ приснодв҃о."
|
|
},
|
|
{
|
|
"type": "HEADER",
|
|
"value": "Свѣти́ленъ. Подо́бенъ: Жєны̀ ᲂу҆слы́шите:"
|
|
},
|
|
{
|
|
"type": "TEXT",
|
|
"value": "Ѻ҆ тє́цъ бжⷭ҇твенныхъ дне́сь па́мѧть пра́зднꙋюще, моле́ньми тѣ́хъ мо́лимъ, всеще́дре: / всѧ́кагѡ вреда̀ є҆ресе́й и҆зба́ви лю́ди твоѧ̑ гдⷭ҇и, / и҆ всѧ̑ сподо́би, ѻ҆ц҃а̀, сло́во сла́вити и҆ всест҃а́го дх҃а."
|
|
},
|
|
{
|
|
"type": "TEXT",
|
|
"value": "Бг҃оро́диченъ. Подо́бенъ: Ра́дꙋйсѧ, бж҃їѧ пала́то: / ра́дꙋйсѧ, горо̀ присѣ́ннаѧ: / ра́дꙋйсѧ, неѡпали́маѧ кꙋпино̀: / ра́дꙋйсѧ, престо́ле сла́вы: / ра́дꙋйсѧ, бжⷭ҇твеннаѧ трапе́зо: / ра́дꙋйсѧ, рꙋ́чко всезлата́ѧ: / ра́дꙋйсѧ, свѣти́льниче всесвѣ́тлый: / ра́дꙋйсѧ, ле́гкїй ѻ҆́блаче, дв҃о мт҃и мр҃і́е."
|
|
},
|
|
{
|
|
"type": "HEADER",
|
|
"value": "На хвали́техъ стїхи̑ры, воскрⷭ҇ны д҃: и҆ ѻ҆ц҃є́въ д҃, гла́съ ѕ҃. Подо́бенъ: Всѐ ѿло́жше:"
|
|
},
|
|
{
|
|
"type": "TEXT",
|
|
"value": "В сѐ собра́вше дꙋше́вное хꙋдо́жество, / и҆ бжⷭ҇твеннымъ дх҃омъ сразсмотри́вше, / нбⷭ҇ный и҆ честны́й сѷмво́лъ вѣ́ры / честні́и ѻ҆тцы̀ бг҃опи́саннѣ начерта́ша: / въ не́мже ꙗ҆́вственнѣйше, / ро́ждшемꙋ собезнача́льнаго сло́ва наꙋча́ютъ, / и҆ всеи́стиннѡ є҆диносꙋ́щнаго, / а҆пⷭ҇льскимъ послѣ́дꙋюще ꙗ҆́вѣ ᲂу҆че́нїємъ, / благосла́внїи и҆ пребога́тїи, / вои́стиннꙋ и҆ бг҃омꙋ́дрїи. [Два́жды.]"
|
|
},
|
|
{
|
|
"type": "TEXT",
|
|
"value": "Сті́хъ: Бл҃гослове́нъ є҆сѝ, гдⷭ҇и бж҃е ѻ҆тє́цъ на́шихъ, / и҆ хва́льно и҆ просла́влено и҆́мѧ твоѐ во вѣ́ки."
|
|
},
|
|
{
|
|
"type": "TEXT",
|
|
"value": "В сѐ прїе́мше ᲂу҆́мное сїѧ́нїе ст҃а́гѡ дх҃а, / преесте́ственное благосло́вїе / кра́ткими глагѡ́лы, и҆ мно́гимъ ра́зꙋмомъ, / бг҃одꙋхнове́ннѡ провѣща́ша. / ꙗ҆́кѡ хрⷭ҇то́вы проповѣ̑дницы, / є҆ѵⷢ҇льскихъ предста́телїе ᲂу҆че́нїй блаже́ннїи, / и҆ благочести́выхъ преда́нїй, / свы́ше прїе́мше си́хъ ѿкрове́нїе ꙗ҆́вѣ, / и҆ просвѣ́щшесѧ, и҆зложи́ша вѣ́рꙋ бг҃онаꙋче́ннꙋю."
|
|
},
|
|
{
|
|
"type": "TEXT",
|
|
"value": "Сті́хъ: Собери́те є҆мꙋ̀ / прпⷣбныѧ є҆гѡ̀."
|
|
},
|
|
{
|
|
"type": "TEXT",
|
|
"value": "В сѐ собра́вше па́стырское и҆скꙋ́сство, / и҆ ꙗ҆́рость подви́гше ны́нѣ пра́веднѣйшꙋю, / ѿмсти́тельнѣ тѧ̑жкїѧ ѿгла́ша и҆ па́гꙋбныѧ во́лки, / пра́щею дх҃а и҆зве́ргше ѿ церко́внагѡ и҆сполне́нїѧ, / па́дшыѧ ꙗ҆́кѡ къ сме́рти, / и҆ ꙗ҆́кѡ неисцѣ́льнѡ недꙋ́говавшыѧ, / бжⷭ҇твеннїи па́стырїе, / ꙗ҆́кѡ рабѝ и҆́стиннѣйшїи хрⷭ҇то́вы, / и҆ бжⷭ҇твеннагѡ проповѣ́данїѧ таи́нницы свѧще́ннѣйшїи."
|
|
},
|
|
{
|
|
"type": "HEADER",
|
|
"value": "Сла́ва, гла́съ и҃. Геѡ́ргїа нїкомиді́йскагѡ:"
|
|
},
|
|
{
|
|
"type": "TEXT",
|
|
"value": "С т҃ы́хъ ѻ҆тцє́въ ли́къ / ѿ конє́цъ вселе́нныѧ сте́кшїйсѧ, / ѻ҆ц҃а̀, и҆ сн҃а, и҆ дх҃а ст҃а́гѡ, / є҆ди́но сꙋщество̀ наꙋчи́ша, и҆ є҆стество̀: / и҆ та́йнꙋ бг҃осло́вїѧ ꙗ҆́снѡ преда́ша цр҃кви, / и҆̀хже похвалѧ́юще вѣ́рою ᲂу҆блажи́мъ, глаго́люще: / ѽ бжⷭ҇твенный по́лче, / бг҃оглаго́ливїи ѻ҆рꙋ̑жницы ѡ҆полче́нїѧ гдⷭ҇нѧ: / ѕвѣ́зды многосвѣ́тлыѧ мы́сленныѧ тве́рди: / та́инственнагѡ сїѡ́на неѡбори́мїи столпѝ: / мѷродохнове́ннїи цвѣ́ти ра́йстїи: / всезлата́ѧ ᲂу҆ста̀ сло́ва: / нїке́йскаѧ похвало̀: вселе́нныѧ ᲂу҆краше́нїе. / прилѣ́жнѡ мо́литсѧ ѡ҆ дꙋша́хъ на́шихъ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Пребл҃гослове́нна є҆сѝ, бцⷣе дв҃о:"
|
|
},
|
|
{
|
|
"type": "TEXT",
|
|
"value": "Славосло́вїе вели́кое. По трист҃о́мъ, тропа́рь воскрⷭ҇нъ то́чїю: Є҆ктєнїѝ. И҆ ѿпꙋ́стъ. И҆ ѡ҆глаше́нїе стꙋді́тово: И҆ и҆схожде́нїе въ притво́ръ. Сла́ва, и҆ ны́нѣ: стїхи́ра є҆ѵⷢ҇льскаѧ: И҆ ча́съ а҃-й: И҆ коне́чный ѿпꙋ́стъ."
|
|
},
|
|
{
|
|
"type": "TEXT",
|
|
"value": "На часѣ́хъ тропа́рь воскре́сенъ: Сла́ва, ѻ҆тцє́въ: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ: конда́къ воскре́сенъ."
|
|
},
|
|
{
|
|
"type": "HEADER",
|
|
"value": "На лїтꙋргі́и."
|
|
},
|
|
{
|
|
"type": "TEXT",
|
|
"value": "Бл҃жє́нна ѻ҆ктѡ́иха на ѕ҃: и҆ ѻ҆тцє́въ, пѣ́снь г҃-ѧ на д҃."
|
|
},
|
|
{
|
|
"type": "HEADER",
|
|
"value": "По вхо́дѣ тропа́рь воскрⷭ҇нъ, и҆ ѻ҆тцє́въ, гла́съ и҃:"
|
|
},
|
|
{
|
|
"type": "TEXT",
|
|
"value": "П репросла́вленъ є҆сѝ хрⷭ҇тѐ бж҃е на́шъ, / свѣти̑ла на землѝ ѻ҆тцы̀ на́ши ѡ҆снова́вый, / и҆ тѣ́ми ко и҆́стиннѣй вѣ́рѣ всѧ̑ ны̀ наста́вивый: / многобл҃гоꙋтро́бне, сла́ва тебѣ̀."
|
|
},
|
|
{
|
|
"type": "HEADER",
|
|
"value": "Та́же конда́къ воскрⷭ҇нъ: Сла́ва, ѻ҆тцє́въ, гла́съ и҃. Подо́бенъ: Ꙗ҆́кѡ нача́тки:"
|
|
},
|
|
{
|
|
"type": "TEXT",
|
|
"value": "А҆ пⷭ҇лъ проповѣ́данїе, и҆ ѻ҆тє́цъ догма́ты, / цр҃кве є҆ди́нꙋ вѣ́рꙋ запечатлѣ́ша: / ꙗ҆́же и҆ ри́зꙋ носѧ́щи и҆́стины, и҆стка́нꙋ ѿ є҆́же свы́ше бг҃осло́вїѧ, / и҆справлѧ́етъ и҆ сла́витъ благоче́стїѧ вели́кое та́инство."
|
|
},
|
|
{
|
|
"type": "TEXT",
|
|
"value": "И҆ ны́нѣ, хра́ма бцⷣы, и҆лѝ, Предста́тельство хрⷭ҇тїа́нъ:"
|
|
},
|
|
{
|
|
"type": "HEADER",
|
|
"value": "Прокі́менъ гла́са: и҆ ѻ҆тцє́въ пѣ́снь, гла́съ д҃:"
|
|
},
|
|
{
|
|
"type": "TEXT",
|
|
"value": "Б л҃гослове́нъ є҆сѝ, гдⷭ҇и бж҃е ѻ҆тє́цъ на́шихъ, и҆ хва́льно и҆ просла́влено и҆́мѧ твоѐ во вѣ́ки."
|
|
},
|
|
{
|
|
"type": "HEADER",
|
|
"value": "А҆пⷭ҇лъ днѐ, и҆ ѻ҆тцє́въ, ко є҆вре́ємъ, зача́ло тл҃д."
|
|
},
|
|
{
|
|
"type": "TEXT",
|
|
"value": "Б ра́тїе, помина́йте наста́вники ва́шѧ, и҆̀же глаго́лаша ва́мъ сло́во бж҃їе: и҆́хже взира́юще на сконча́нїе жи́тельства, подража́йте вѣ́рѣ и҆́хъ. і҆и҃съ хрⷭ҇то́съ, вчера̀ и҆ дне́сь, то́йже и҆ во вѣ́ки. въ наꙋчє́нїѧ стра́нна и҆ разли́чна не прилага́йтесѧ: добро́ бо бл҃года́тїю ᲂу҆твержа́ти сердца̀, а҆ не бра́шны, ѿ ни́хже не прїѧ́ша по́льзы ходи́вшїи въ ни́хъ. и҆́мамы же ѻ҆лта́рь, ѿ негѡ́же не и҆́мꙋтъ вла́сти ꙗ҆́сти слꙋжа́щїи сѣ́ни. и҆́хже бо кро́вь живо́тныхъ вно́ситсѧ во ст҃а̑ѧ за грѣхѝ первосщ҃е́нникомъ, си́хъ тѣлеса̀ сжига́ютсѧ внѣ̀ ста́на. тѣ́мже і҆и҃съ, да ѡ҆свѧти́тъ лю́ди свое́ю кро́вїю, внѣ̀ вра́тъ пострада́ти и҆зво́лилъ. тѣ́мже ᲂу҆́бѡ да и҆схо́димъ къ немꙋ̀ внѣ̀ ста́на, поноше́нїе є҆гѡ̀ носѧ́ще. не и҆́мамы бо здѣ̀ пребыва́ющагѡ гра́да, но грѧдꙋ́щагѡ взыскꙋ́емъ. тѣ́мъ ᲂу҆̀бо прино́симъ же́ртвꙋ хвале́нїѧ вы́нꙋ бг҃ꙋ, си́рѣчь пло́дъ ᲂу҆сте́нъ и҆сповѣ́дающихсѧ и҆́мени є҆гѡ̀. бл҃готворе́нїѧ же и҆ ѻ҆бще́нїѧ не забыва́йте: таковы́ми бо же́ртвами благоꙋгожда́етсѧ бг҃ъ."
|
|
},
|
|
{
|
|
"type": "HEADER",
|
|
"value": "А҆ллилꙋ́їа, гла́са. и҆ ѻ҆тцє́въ, гла́съ а҃."
|
|
},
|
|
{
|
|
"type": "TEXT",
|
|
"value": "Сті́хъ: Бг҃ъ богѡ́въ гдⷭ҇ь гл҃го́ла, и҆ призва̀ зе́млю ѿ востѡ́къ со́лнца до за̑падъ. Сті́хъ: Собери́те є҆мꙋ̀ прпⷣбныѧ є҆гѡ̀, завѣща́ющыѧ завѣ́тъ є҆гѡ̀ ѡ҆ же́ртвахъ."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе днѐ, и҆ ѻ҆ц҃є́въ, і҆ѡа́нна зача́ло н҃ѕ."
|
|
},
|
|
{
|
|
"type": "TEXT",
|
|
"value": "В о вре́мѧ ѻ҆́но, возведѐ і҆и҃съ ѻ҆́чи своѝ на нб҃о, и҆ речѐ: ѻ҆́ч҃е, прїи́де ча́съ: просла́ви сн҃а твоего̀, да и҆ сн҃ъ тво́й просла́витъ тѧ̀: ꙗ҆́коже да́лъ є҆сѝ є҆мꙋ̀ вла́сть всѧ́кїѧ пло́ти, да всѧ́ко є҆́же да́лъ є҆сѝ є҆мꙋ̀, да́стъ и҆̀мъ живо́тъ вѣ́чный. се́ же є҆́сть живо́тъ вѣ́чный, да зна́ютъ тебѐ є҆ди́наго и҆́стиннаго бг҃а, и҆ є҆го́же посла́лъ є҆сѝ і҆и҃съ хрⷭ҇та̀. а҆́зъ просла́вихъ тѧ̀ на землѝ: дѣ́ло соверши́хъ, є҆́же да́лъ є҆сѝ мнѣ̀ да сотворю̀. и҆ ны́нѣ просла́ви мѧ̀ ты̀ ѻ҆́ч҃е ᲂу҆ тебѐ самагѡ̀ сла́вою, ю҆́же и҆мѣ́хъ ᲂу҆ тебѐ пре́жде мі́ръ не бы́сть. ꙗ҆ви́хъ и҆́мѧ твоѐ человѣ́кѡмъ, и҆̀хже да́лъ є҆сѝ мнѣ̀ ѿ мі́ра: твоѝ бѣ́ша, и҆ мнѣ̀ и҆̀хъ да́лъ є҆сѝ, и҆ сло́во твоѐ сохрани́ша. ны́нѣ разꙋмѣ́ша, ꙗ҆́кѡ всѧ̑, є҆ли̑ка да́лъ є҆сѝ мнѣ̀, ѿ тебѐ сꙋ́ть: ꙗ҆́кѡ глаго́лы, и҆̀хже да́лъ є҆сѝ мнѣ̀, да́хъ и҆̀мъ: и҆ ті́и прїѧ́ша, и҆ разꙋмѣ́ша вои́стиннꙋ, ꙗ҆́кѡ ѿ тебѐ и҆зыдо́хъ, и҆ вѣ́роваша, ꙗ҆́кѡ ты́ мѧ посла̀. а҆́зъ ѡ҆ си́хъ молю̀: не ѡ҆ все́мъ мі́рѣ молю̀, но ѡ҆ тѣ́хъ, и҆̀хже да́лъ є҆сѝ мнѣ̀, ꙗ҆́кѡ твоѝ сꙋ́ть. и҆ моѧ̑ всѧ̑, твоѧ̑ сꙋ́ть: и҆ твоѧ̑, моѧ̑: и҆ просла́вихсѧ въ ни́хъ. и҆ ктомꙋ̀ нѣ́смь въ мі́рѣ, и҆ сі́и въ мі́рѣ сꙋ́ть, и҆ а҆́зъ къ тебѣ̀ грѧдꙋ̀. ѻ҆́ч҃е ст҃ы́й, соблюдѝ и҆̀хъ во и҆́мѧ твоѐ, и҆̀хже да́лъ є҆сѝ мнѣ̀, да бꙋ́дꙋтъ є҆ди́но, ꙗ҆́коже и҆ мы̀. є҆гда̀ бѣ́хъ съ ни́ми въ мі́рѣ, а҆́зъ соблюда́хъ и҆̀хъ во и҆́мѧ твоѐ: и҆̀хже да́лъ є҆сѝ мнѣ̀, сохрани́хъ, и҆ никто́же ѿ ни́хъ поги́бе, то́кмѡ сы́нъ поги́бельный, да сбꙋ́детсѧ писа́нїе. ны́нѣ же къ тебѣ̀ грѧдꙋ̀, и҆ сїѧ̑ глаго́лю въ мі́рѣ да и҆́мꙋтъ ра́дость мою̀ и҆спо́лненꙋ въ себѣ̀."
|
|
},
|
|
{
|
|
"type": "HEADER",
|
|
"value": "Прича́стенъ:"
|
|
},
|
|
{
|
|
"type": "TEXT",
|
|
"value": "Х вали́те гдⷭ҇а съ нб҃съ, / хвали́те є҆го̀ въ вы́шнихъ. И҆ ѻ҆тцє́въ: Ра́дꙋйтесѧ, првⷣнїи, ѡ҆ гдⷭ҇ѣ: / пра̑вымъ подоба́етъ похвала̀. / А҆ ллилꙋ́їа, три́жды."
|
|
}
|
|
] |