218 lines
40 KiB
JSON
218 lines
40 KiB
JSON
[
|
|
{
|
|
"type": "HEADER",
|
|
"value": "МѢ́СѦЦЪ І҆Ꙋ́НІЙ."
|
|
},
|
|
{
|
|
"type": "TEXT",
|
|
"value": "ⷤ ́ ⷤ ̀ ⷤ ж҃ ⷤ ́о́ ⷤ ́́ ⷤ ́҆́ ⷤ ́҆̀ ⷤ ́̾ ⷤ ́ж҃ ⷤ ̀҆ ⷤ ̀҆́ ⷤ ̀҆̀ ⷤ ̀̑ ⷤ ̀̾ ⷤ ̀ж҃ ⷤ ҆о́"
|
|
},
|
|
{
|
|
"type": "HEADER",
|
|
"value": "Въ а҃-й де́нь, Преподо́бнагѡ дїонѵ́сїа глꙋши́цкагѡ, но́вагѡ чꙋдотво́рца."
|
|
},
|
|
{
|
|
"type": "TEXT",
|
|
"value": "Парємїѝ прпⷣбномꙋ"
|
|
},
|
|
{
|
|
"type": "HEADER",
|
|
"value": "Мѣ́сѧца і҆ꙋ́нїа во в҃-й де́нь. Ст҃а́гѡ великомꙋ́ченика і҆ѡа́нна но́вагѡ, мꙋ́чена въ бѣлѣгра́дѣ."
|
|
},
|
|
{
|
|
"type": "TEXT",
|
|
"value": "Парємїѝ мч҃нкꙋ"
|
|
},
|
|
{
|
|
"type": "HEADER",
|
|
"value": "Мѣ́сѧца і҆ꙋ́нїа въ ѳ҃-й де́нь. Преподо́бнагѡ ѻ҆ц҃а̀ на́шегѡ кѷрі́лла, и҆гꙋ́мена бѣлоезе́рскагѡ."
|
|
},
|
|
{
|
|
"type": "TEXT",
|
|
"value": "Парємїѝ прпⷣбномꙋ"
|
|
},
|
|
{
|
|
"type": "HEADER",
|
|
"value": "Мѣ́сѧца і҆ꙋ́нїа въ і҃-й де́нь. Ст҃и́телѧ і҆ѡа́нна, митрополі́та тобо́льскагѡ."
|
|
},
|
|
{
|
|
"type": "TEXT",
|
|
"value": "Парємїѝ ст҃и́телю"
|
|
},
|
|
{
|
|
"type": "HEADER",
|
|
"value": "Мѣ́сѧца і҆ꙋ́нїа въ а҃і-й де́нь. Ст҃ы́хъ а҆пⷭ҇лъ, варѳоломе́а и҆ варна́вы."
|
|
},
|
|
{
|
|
"type": "TEXT",
|
|
"value": "Парємїѝ ст҃ы̑мъ а҆пⷭ҇лѡмъ"
|
|
},
|
|
{
|
|
"type": "HEADER",
|
|
"value": "Мѣ́сѧца і҆ꙋ́нїа въ д҃і-й де́нь. Ст҃а́гѡ прⷪ҇ро́ка є҆лїссе́а. а҃. Ца́рствъ четве́ртыхъ чте́нїе."
|
|
},
|
|
{
|
|
"type": "TEXT",
|
|
"value": "Б ы́сть во днѝ ѻ҆́ны, ѡ҆брѣ́те и҆лїа̀ є҆лїссе́а сы́на сафа́това, и҆ то́й ѡ҆ра́ше вола́ми. и҆ и҆́де и҆лїа̀ къ немꙋ̀, и҆ пове́рже и҆лїа̀ ми́лѡть свою̀ на не́мъ: и҆ ѡ҆ста́ви є҆лїссе́й волы̀, и҆ течѐ созадѝ и҆лїѝ, и҆ слꙋжа́ше є҆мꙋ̀. и҆ бы́сть є҆гда̀ взѧ́тꙋ бы́ти и҆лїѝ гдⷭ҇емъ въ ви́хрѣ ꙗ҆́кѡ на нб҃о. и҆ и҆до́ста и҆лїа̀ и҆ є҆лїссе́й въ галга́лы. речѐ и҆лїа̀ къ є҆лїссе́ю: сѣдѝ ᲂу҆́бѡ здѣ̀, ꙗ҆́кѡ гдⷭ҇ь посла̀ мѧ̀ до і҆ѻрда́на. и҆ речѐ є҆лїссе́й: жи́въ гдⷭ҇ь, и҆ жива̀ дꙋша̀ твоѧ̀, а҆́ще ѡ҆ста́влю тебѐ. и҆ поидо́ста ѻ҆́ба, и҆ пѧтьдесѧ́тъ мꙋже́й ѿ сынѡ́въ прⷪ҇ро́ческихъ прїидо́ша и҆ ста́ша прѧ́мѡ и҆здале́ча, ѻ҆́ба же ста́ста при і҆ѻрда́нѣ. и҆ прїѧ́тъ и҆лїа̀ ми́лѡть свою̀, и҆ сви́тъ ю҆̀, и҆ поразѝ є҆́ю во́ды, и҆ раздѣли́сѧ вода̀ сю́дꙋ и҆ сю́дꙋ, и҆ преидо́ста ѻ҆́ба по сꙋ́хꙋ: и҆ бы́сть ꙗ҆́кѡ преидо́ста, и҆ речѐ и҆лїа̀ є҆лїссе́ю: просѝ что̀ сотворю̀ тебѣ̀, пре́жде да́же не взѧ́тъ бꙋ́дꙋ ѿ тебє̀. и҆ речѐ є҆лїссе́й: да бꙋ́детъ ᲂу҆́бѡ дꙋ́хъ, и҆́же въ тебѣ̀, сꙋгꙋ́бъ во мнѣ̀. и҆ речѐ и҆лїа̀: ѡ҆жесточи́лъ є҆сѝ проси́ти: ѻ҆ба́че а҆́ще ᲂу҆ви́диши мѧ̀ взе́млема ѿ тебє̀, бꙋ́детъ тѝ та́кѡ, а҆́ще ли же не ᲂу҆ви́диши, не бꙋ́детъ. и҆ бы́сть и҆дꙋ́щымъ и҆̀мъ, и҆ глаго́лющымъ, и҆ сѐ колесни́ца ѻ҆́гненна, и҆ ко́ни ѻ҆́гненни, и҆ раздѣлѝ междꙋ̀ ѻ҆бѣ́ма, и҆ взѧ́тсѧ и҆лїа̀ трꙋ́сомъ, ꙗ҆́кѡ на не́бо. и҆ є҆лїссе́й зрѧ́ше, и҆ то́й вопїѧ́ше: ѻ҆́ч҃е, ѻ҆́ч҃е, колесни́ца і҆и҃лева, и҆ ко́ни є҆гѡ̀, и҆ не ви́дѣ є҆гѡ̀ ктомꙋ̀. и҆ ꙗ҆́тсѧ є҆лїссе́й за ри̑зы своѧ̑, и҆ раздра̀ ѧ҆̀ на дво́е, и҆ взѧ́тъ ми́лѡть и҆лїинꙋ̀ є҆лїссе́й, па́дшꙋю верхꙋ̀ є҆гѡ̀. и҆ ѡ҆брати́тсѧ є҆лїссе́й, и҆ ста̀ на бре́зѣ і҆ѻрда́на. и҆ прїѧ́тъ є҆лїссе́й ми́лѡть и҆лїинꙋ̀, па́дшꙋю верхꙋ̀ є҆гѡ̀, и҆ ᲂу҆да́ри во́ды, и҆ не раздѣли́шасѧ. и҆ речѐ є҆лїссе́й: гдѣ̀ ᲂу҆́бѡ є҆́сть бг҃ъ и҆лїи́нъ а҆пѳѡ̀; и҆ ᲂу҆да́ри є҆лїссе́й во́ды второ́е, и҆ раздѣли́шасѧ во́ды, и҆ пре́йде по сꙋ́хꙋ. ҆ Цар ́ж҃:́ж҃–̀́; ҆́ Цар ̀:́, ̑–́҆́"
|
|
},
|
|
{
|
|
"type": "HEADER",
|
|
"value": "в҃. Ца́рствъ четве́ртыхъ чте́нїе."
|
|
},
|
|
{
|
|
"type": "TEXT",
|
|
"value": "Р еко́ша мꙋ́жїе гра́да і҆ерїхѡ́нска ко є҆лїссе́ю: сѐ жили́ще гра́да сегѡ̀ добро̀, ꙗ҆́коже ты̀, гдⷭ҇и́не, ви́диши, и҆ во́ды ѕлы̑ и҆ безча̑дны. и҆ речѐ є҆лїссе́й: принеси́те мѝ водоно́съ но́въ, и҆ всы́плите тꙋ̀ со́ль: и҆ принесо́ша и҆̀. и҆ и҆зы́де на и҆схожде́нїе во́дъ, и҆ вве́рже та́мѡ со́ль, и҆ речѐ: та́кѡ глаго́летъ гдⷭ҇ь: и҆сцѣли́хъ во́ды сїѧ̑, и҆ не ктомꙋ̀ бꙋ́детъ ѿню́дъ ᲂу҆мира́ѧ, нижѐ безча́дствꙋющаѧ си́ми. и҆ и҆сцѣлѣ́ша во́ды до днѐ сегѡ̀, по глаго́лꙋ, и҆́же глаго́ла є҆лїссе́й. ҆́ Цар ̀:́ж҃–̀̀"
|
|
},
|
|
{
|
|
"type": "HEADER",
|
|
"value": "г҃. Ца́рствъ четве́ртыхъ чте́нїе."
|
|
},
|
|
{
|
|
"type": "TEXT",
|
|
"value": "Б ы́сть во є҆ди́нъ де́нь, и҆ пре́йде є҆лїссе́й въ сѡма́нъ, и҆ тꙋ̀ жена̀ ве́лїѧ, и҆ ᲂу҆держа̀ є҆гѡ̀ снѣ́сти хлѣ́ба. и҆ бы́сть є҆мꙋ̀ входи́ти, и҆ и҆сходи́ти мно́жицею, и҆ ᲂу҆клонѧ́шесѧ та́мѡ ꙗ҆́сти хлѣ́ба. и҆ речѐ жена̀ къ мꙋ́жꙋ своемꙋ̀: сѐ ны́нѣ разꙋмѣ́хъ, ꙗ҆́кѡ человѣ́къ бж҃їй ст҃ъ се́й ми́мѡ хо́дитъ на́съ при́снѡ: сотвори́мъ ᲂу҆̀бо є҆мꙋ̀ го́рницꙋ, мѣ́сто ма́ло, и҆ поста́вимъ є҆мꙋ̀ та́мѡ ѻ҆́дръ, и҆ трапе́зꙋ, и҆ престо́лъ, и҆ свѣ́щникъ: и҆ бꙋ́детъ внегда̀ входи́ти є҆мꙋ̀ къ на́мъ, и҆ ᲂу҆клонѧ́етсѧ та́мѡ. и҆ бы́сть во є҆ди́нъ де́нь, и҆ вни́де та́мѡ, и҆ ᲂу҆клони́сѧ въ го́рницꙋ, и҆ спа̀ та́мѡ. и҆ речѐ ко гїезі́ю ѻ҆́трочищꙋ своемꙋ̀: призови́ ми сѡмані́тѧныню сїю̀. и҆ призва̀ ю҆̀, и҆ ста̀ пред̾ ни́мъ. и҆ речѐ є҆мꙋ̀: рцы̀ ᲂу҆́бѡ є҆́й, сѐ ᲂу҆диви́ла є҆сѝ на́съ всѣ́мъ попече́нїемъ си́мъ: что̀ подоба́етъ сотвори́ти тебѣ̀; а҆́ще є҆́сть тебѣ̀ сло́во къ царю̀, и҆лѝ ко кнѧ́зю си́лы; ѻ҆на́ же речѐ: нѣ́сть. посредѣ̀ люде́й мои́хъ а҆́зъ є҆́смь живꙋ́щи. и҆ речѐ ко гїезі́ю: что̀ подоба́етъ сотвори́ти є҆́й; и҆ речѐ гїезі́й ѻ҆́трочищъ є҆гѡ̀: вои́стиннꙋ сы́на нѣ́сть ᲂу҆ неѧ̀, и҆ мꙋ́жъ є҆ѧ̀ ста́ръ. и҆ речѐ, призовѝ ю҆̀: и҆ призва̀ ю҆̀, и҆ ста̀ при две́рехъ. и҆ речѐ є҆лїссе́й къ не́й: во вре́мѧ сїѐ, ꙗ҆́коже ча́съ се́й, живꙋ́щи ты̀ зачне́ши сы́на. ѻ҆на́ же речѐ: нѝ, господи́не, не солжѝ рабѣ̀ твое́й. и҆ зача́тъ во чре́вѣ жена̀, и҆ родѝ сы́на во вре́мѧ сїѐ, ꙗ҆́коже ча́съ се́й живꙋ́щи, ꙗ҆́коже глаго́ла къ не́й є҆лїссе́й. и҆ возмꙋжа̀ ѻ҆́трочищъ: и҆ бы́сть, є҆гда̀ и҆зы́де ко ѻ҆тцꙋ̀ своемꙋ̀, къ жнꙋ́щымъ, и҆ речѐ ко ѻ҆тцꙋ̀ своемꙋ̀: глава̀ моѧ̀, глава̀ моѧ̀ боли́тъ и҆ речѐ ко ѻ҆́трокꙋ: несѝ є҆го̀ къ ма́тери є҆гѡ̀. и҆ несѐ є҆го̀ къ ма́тери є҆гѡ̀ и҆ лежа́ше на колѣ̑нꙋ є҆ѧ̀ до полꙋ́дне, и҆ ᲂу҆́мре. и҆ вознесѐ є҆го̀, и҆ положѝ є҆го̀ на ѻ҆дрѣ̀ человѣ́ка бж҃їѧ: и҆ затворѝ є҆го̀, и҆ и҆зы́де, и҆ призва̀ мꙋ́жа своего̀, и҆ речѐ є҆мꙋ̀: посли́ ми ᲂу҆̀бо є҆ди́наго ѿ ѻ҆́трѡкъ, и҆ є҆ди́но ѿ ѻ҆слѧ́тъ, и҆ текꙋ̀ до человѣ́ка бж҃їѧ, и҆ возвращꙋ́сѧ. и҆ речѐ: что̀ ꙗ҆́кѡ ты̀ и҆́деши къ немꙋ̀ дне́сь; не но́въ мцⷭ҇ъ, нижѐ сꙋббѡ́та. ѻ҆на́ же речѐ: ми́ръ. и҆ ѡ҆сѣдла̀ ѻ҆слѧ̀, и҆ речѐ ко ѻ҆́трочищꙋ своемꙋ̀: ведѝ, и҆ и҆дѝ, да не ᲂу҆держи́ши менѐ, є҆́же всѣ́сти, ꙗ҆́коже рекꙋ̀ тебѣ̀. грѧдѝ, и҆ и҆дѝ, и҆ прїидѝ къ человѣ́кꙋ бж҃їю на го́рꙋ карми́льскꙋю. и҆ и҆́де, и҆ прїи́де до человѣ́ка бж҃їѧ въ горꙋ̀ карми́льскꙋю. и҆ бы́сть ꙗ҆́кѡ ви́дѣ ю҆̀ є҆лїссе́й грѧдꙋ́щꙋю, и҆ речѐ къ гїезі́ю ѻ҆́трочищꙋ своемꙋ̀: сѐ ᲂу҆́бѡ сѡмані́тѧнынѧ ѻ҆́наѧ. ны́нѣ тецы̀ въ срѣ́тенїе є҆ѧ̀, и҆ рече́ши є҆́й: ми́ръ ли тебѣ̀; и҆ течѐ во срѣ́тенїе є҆́й, и҆ речѐ є҆́й: ми́ръ ли тебѣ̀; ми́ръ ли мꙋ́жꙋ твоемꙋ̀; ми́ръ ли ѻ҆́трочищꙋ твоемꙋ̀; ѻ҆на́ же речѐ: ми́ръ. и҆ прїи́де къ є҆лїссе́ю на го́рꙋ, и҆ ꙗ҆́тсѧ за но́зѣ є҆гѡ̀: и҆ прибли́жисѧ гїезі́й ѿри́нꙋти ю҆̀. и҆ речѐ є҆лїссе́й: ѡ҆ста́ви ю҆̀, ꙗ҆́кѡ дꙋша̀ є҆ѧ̀ болѣ́зненна въ не́й, и҆ гдⷭ҇ь ᲂу҆кры̀ ѿ менѐ, и҆ не возвѣстѝ мнѣ̀. ѻ҆на́ же речѐ: є҆да̀ проси́хъ сы́на ᲂу҆ господи́на моегѡ̀; ꙗ҆́кѡ реко́хъ: не прельстѝ менѐ; и҆ речѐ є҆лїссе́й ко гїезі́ю: препоѧ́ши чресла̀ твоѧ̑, и҆ возмѝ же́злъ мо́й въ рꙋ́цѣ твоѝ, и҆ и҆дѝ, ꙗ҆́кѡ а҆́ще ѡ҆брѧ́щеши мꙋ́жа, да не благослови́ши є҆го̀, и҆ а҆́ще благослови́тъ тѧ̀ мꙋ́жъ, не ѿвѣща́й є҆мꙋ̀: и҆ возложѝ же́злъ мо́й на лицѐ ѻ҆́трочища. и҆ речѐ ма́ти ѻ҆́трочища: жи́въ гдⷭ҇ь, и҆ жива̀ дꙋша̀ твоѧ̀, а҆́ще ѡ҆ста́влю тебѐ. и҆ воста̀ є҆лїссе́й, и҆ и҆́де въ слѣ́дъ є҆ѧ̀. и҆ гїезі́й и҆́де пред̾ не́ю, и҆ возложѝ же́злъ на лицѐ ѻ҆́трочища, и҆ не бѣ̀ гла́са, и҆ не бѣ̀ слы́шанїѧ. и҆ возврати́сѧ въ срѣ́тенїе є҆гѡ̀, и҆ повѣ́да є҆мꙋ̀, глаго́лѧ: не воста̀ ѻ҆́трочищъ. и҆ вни́де є҆лїссе́й въ хра́минꙋ, и҆ сѐ ѻ҆́трочищъ ᲂу҆ме́рый положе́нъ на ѻ҆дрѣ̀ є҆гѡ̀. и҆ вни́де є҆лїссе́й въ до́мъ, и҆ затворѝ две́рь за двою̀ собо́ю, и҆ помоли́сѧ гдⷭ҇ꙋ. и҆ взы́де, и҆ лѧ́же на ѻ҆́трочищи, и҆ положѝ ᲂу҆ста̀ своѧ̑ на ᲂу҆стѣ́хъ є҆гѡ̀, и҆ ѻ҆́чи своѝ на ѻ҆́чи є҆гѡ̀, и҆ рꙋ́цѣ своѝ на рꙋ́цѣ є҆гѡ̀, и҆ плеснѣ̀ своѝ на плеснꙋ̀ є҆гѡ̀: и҆ слѧче́сѧ над̾ ни́мъ, и҆ дꙋ́нꙋ на него̀, и҆ согрѣ́ѧсѧ пло́ть ѻ҆́трочища. и҆ ѡ҆брати́сѧ, и҆ походѝ въ хра́минѣ сю́дꙋ и҆ сю́дꙋ: и҆ взы́де и҆ слѧче́сѧ над̾ ѻ҆́трочищемъ седми́жды, и҆ ѿве́рзе ѻ҆́трочищъ ѻ҆́чи своѝ. и҆ возопѝ є҆лїссе́й ко гїезі́ю, и҆ речѐ: призови́ ми сѡмані́тѧныню сїю̀, и҆ призва̀ ю҆̀, и҆ вни́де къ немꙋ̀. и҆ речѐ є҆лїссе́й прїимѝ сы́на твоего̀. и҆ вни́де жена̀, и҆ падѐ на но́гꙋ є҆гѡ̀, и҆ поклони́сѧ є҆мꙋ̀ до землѝ, и҆ прїѧ́тъ сы́на своего̀, и҆ и҆зы́де. ҆́ Цар ҆́:̾–҆҃"
|
|
},
|
|
{
|
|
"type": "HEADER",
|
|
"value": "Мѣ́сѧца і҆ꙋ́нїа въ є҃і-й де́нь. И҆́же во ст҃ы́хъ ѻ҆ц҃а̀ на́шегѡ і҆ѡ́ны, митрополі́та моско́вскагѡ и҆ всеѧ̀ рѡссі́и."
|
|
},
|
|
{
|
|
"type": "TEXT",
|
|
"value": "Парємїѝ ст҃и́телю"
|
|
},
|
|
{
|
|
"type": "HEADER",
|
|
"value": "Мѣ́сѧца і҆ꙋ́нїа въ и҃і-й де́нь. пра́зднованїе прест҃ѣ́й бцⷣѣ, въ че́сть є҆ѧ̀ і҆кѡ́ны боголю́бскїѧ."
|
|
},
|
|
{
|
|
"type": "TEXT",
|
|
"value": "Парємїѝ прест҃ѣ́й бцⷣе"
|
|
},
|
|
{
|
|
"type": "HEADER",
|
|
"value": "Мѣ́сѧца і҆ꙋ́нїа въ ѳ҃і-й де́нь. Ст҃а́гѡ а҆по́стола і҆ꙋ́ды, бра́та гдⷭ҇нѧ. а҃. Собо́рнагѡ посла́нїѧ і҆ꙋ́дина чте́нїе."
|
|
},
|
|
{
|
|
"type": "TEXT",
|
|
"value": "І҆ ꙋ́да, і҆и҃са хрⷭ҇та̀ ра́бъ, бра́тъ же і҆а́кѡва, сꙋ́щымъ ѡ҆ бз҃ѣ ѻ҆ц҃ѣ̀ ѡ҆сщ҃є́ннымъ, і҆и҃съ хрⷭ҇то́мъ соблюдє́ннымъ зва̑ннымъ: ми́лость ва́мъ, и҆ ми́ръ, и҆ любы̀ да ᲂу҆мно́житсѧ. возлю́бленнїи, всѧ́ко тща́нїе творѧ̀ писа́ти ва́мъ ѡ҆ ѻ҆́бщемъ спасе́нїи ва́шемъ, нꙋ́жда мѝ бы́сть писа́ти ва́мъ, молѧ̀ подвиза́тисѧ ѡ҆ преда́ннѣй вѣ́рѣ свѧты̑мъ є҆ди́ною. привнидо́ша бо нѣ́цыи человѣ́цы, дре́вле пред̾ꙋста́вленнїи на сїѐ ѡ҆сꙋжде́нїе, нечести́вїи, бг҃а на́шегѡ благода́ть прелага́ющїи въ скве́рнꙋ, и҆ є҆ди́нагѡ влⷣки бг҃а и҆ гдⷭ҇а на́шегѡ і҆и҃са хрⷭ҇та̀ ѿмета́ющїисѧ. воспомѧнꙋ́ти же ва́мъ хощꙋ̀, вѣ́дꙋщымъ и҆ ва́мъ є҆ди́ною сїѐ, ꙗ҆́кѡ гдⷭ҇ь лю́ди ѿ землѝ є҆гѵ́петскїѧ спасѐ, послѣдѝ невѣ́ровавшыѧ погꙋбѝ. а҆́ггелы же не соблю́дшыѧ своегѡ̀ нача́льства, но ѡ҆ста́вльшыѧ своѐ жили́ще, на сꙋ́дъ вели́кагѡ днѐ, ᲂу҆́зами вѣ́чными подъ мра́комъ соблюдѐ. ꙗ҆́коже содо́ма и҆ гомо́рра, и҆ ѻ҆крє́стныѧ и҆́хъ гра́ды, подо́бнымъ и҆́хъ ѻ҆́бразомъ преблꙋди́вшѧ и҆ ходи́вшѧ въ слѣ́дъ пло́ти и҆ны́ѧ, предлежа́тъ въ показа́нїе ѻ҆гнѧ̀ вѣ́чнагѡ сꙋ́дъ под̾е́мше. та́кожде ᲂу҆́бѡ и҆ сі́и, сѡ́нїѧ ви́дѧще пло́ть ᲂу҆́бѡ сквернѧ́тъ, гдⷭ҇ьства же ѿмета́ютсѧ, сла́вы же хꙋ́лѧще не трепе́щꙋтъ. мїхаи́лъ же а҆рха́гг҃лъ є҆гда̀ со дїа́воломъ разсꙋжда́ѧ гл҃го́лаше ѡ҆ мѡѷсе́овѣ тѣлесѝ, не смѣ́ѧше сꙋда̀ навестѝ хꙋ́льна, но речѐ: да запрети́тъ тебѣ̀ гдⷭ҇ь. сі́и же, є҆ли̑ка ᲂу҆́бѡ не вѣ́дѧтъ, хꙋ́лѧтъ: є҆ли̑ка же по є҆стествꙋ̀ ꙗ҆́кѡ безсловє́снаѧ живѡ́тнаѧ вѣ́дѧтъ, въ си́хъ сквернѧ́тсѧ. Иꙋд ́:́–́о́"
|
|
},
|
|
{
|
|
"type": "HEADER",
|
|
"value": "в҃. Собо́рнагѡ посла́нїѧ і҆ꙋ́дина чте́нїе."
|
|
},
|
|
{
|
|
"type": "TEXT",
|
|
"value": "Г о́ре и҆̀мъ, ꙗ҆́кѡ въ пꙋ́ть ка́їновъ поидо́ша, и҆ въ ле́сть валаа́мовы мзды̀ ᲂу҆стреми́шасѧ, и҆ въ прерѣка́нїи коре́овѣ погибо́ша. сі́и сꙋ́ть въ любва́хъ ва́шихъ скверни́тели, съ ва́ми ꙗ҆дꙋ́ще, безъ боѧ́зни себѐ пасꙋ́ще, ѻ҆́блацы безво́дни, ѿ вѣ̑тръ преноси́ми: древеса̀ є҆сє́нна безплѡ́дна, два́жды ᲂу҆мє́рша и҆скоренє́на. во́лны, свирѣ̑пыѧ мо́рѧ, воспѣнѧ́юще своѧ̑ стыдѣ̑нїѧ, ѕвѣ́зды прелє́стныѧ, и҆̀мже мра́къ тмы̀ во вѣ́ки блюде́тсѧ. прⷪ҇ро́чествова же и҆ ѡ҆ си́хъ седмы́й ѿ а҆да́ма є҆нѡ́хъ, глаго́лѧ: сѐ прїи́детъ гдⷭ҇ь во тма́хъ ст҃ы́хъ а҆́гг҃лъ свои́хъ, сотвори́ти сꙋ́дъ ѡ҆ всѣ́хъ, и҆ и҆з̾ѡбличи́ти всѣ́хъ нечести́выхъ ѡ҆ всѣ́хъ дѣ́лѣхъ нече́стїѧ и҆́хъ, и҆́миже нече́ствоваша, и҆ ѡ҆ всѣ́хъ жесто́кихъ словесѣ́хъ и҆́хъ, ꙗ҆̀же глаго́лаша на́нь грѣ̑шницы нечести́вїи. сі́и сꙋ́ть ропотницы̀, ᲂу҆кори́тели, ча́сть поро́чна, въ по́хотехъ свои́хъ ходѧ́ще нече́стїемъ и҆ законопрестꙋпле́нїемъ, и҆ ᲂу҆ста̀ и҆́хъ глаго́лютъ прегѡ́рдаѧ, чꙋдѧ́щесѧ ли́цамъ по́льзы ра́ди. Иꙋд ́:́́–́̑"
|
|
},
|
|
{
|
|
"type": "HEADER",
|
|
"value": "г҃. Собо́рнагѡ посла́нїѧ і҆ꙋ́дина чте́нїе."
|
|
},
|
|
{
|
|
"type": "TEXT",
|
|
"value": "В ы́ же, возлю́бленнїи, помина́йте глаго́лы преждеречє́нныѧ ѿ а҆пⷭ҇лъ гдⷭ҇а на́шегѡ і҆и҃са хрⷭ҇та̀. занѐ глаго́лахꙋ ва́мъ, ꙗ҆́кѡ въ послѣ́днее вре́мѧ бꙋ́дꙋтъ рꙋга́тели, по свои́хъ по́хотехъ ходѧ́ще и҆ нече́стїихъ. сі́и сꙋ́ть ѿдѣлѧ́юще себѐ ѿ є҆ди́ности вѣ́ры: и҆ сꙋ́ть тѣле́сни, дх҃а не и҆мꙋ́ще. вы́ же, возлю́бленнїи, ст҃о́ю ва́шею вѣ́рою назида́юще себѐ, дх҃омъ ст҃ы́мъ, и҆ молѧ́щесѧ. са́ми себѐ въ любвѝ бж҃їей соблюда́йте, ждꙋ́ще ми́лости гдⷭ҇а на́шегѡ і҆и҃са хрⷭ҇та̀, въ жи́знь вѣ́чнꙋю. и҆ ѻ҆́вѣхъ ᲂу҆́бѡ ми́лꙋйте разсꙋжда́юще: ѻ҆́вѣхъ же стра́хомъ спаса́йте, ѿ ѻ҆гнѧ̀ восхища́юще: ѡ҆блича́йте же съ боѧ́знїю, ненави́дѧще и҆ ꙗ҆́же ѿ пло́ти ѡ҆скверне́ннꙋю ри́зꙋ. могꙋ́щемꙋ же сохрани́ти вы̀ безъ грѣха̀ и҆ безъ скве́рны, и҆ поста́вити предъ сла́вою свое́ю непорѡ́чны въ ра́дости, є҆ди́номꙋ премꙋ́дромꙋ бг҃ꙋ и҆ сп҃сꙋ на́шемꙋ, і҆и҃сомъ хрⷭ҇то́мъ гдⷭ҇емъ на́шимъ, сла́ва и҆ вели́чїе, держа́ва и҆ вла́сть, пре́жде всегѡ̀ вѣ́ка, и҆ ны́нѣ, и҆ во всѧ̑ вѣ́ки, а҆ми́нь. Иꙋд ́:́҃–̀҆̀"
|
|
},
|
|
{
|
|
"type": "HEADER",
|
|
"value": "Въ то́йже де́нь, ст҃и́телѧ і҆́ѡва, пе́рвагѡ патрїа́рха моско́вскагѡ и҆ всеѧ́ рꙋсѝ."
|
|
},
|
|
{
|
|
"type": "TEXT",
|
|
"value": "Парємїѝ ст҃и́телю"
|
|
},
|
|
{
|
|
"type": "HEADER",
|
|
"value": "Мѣ́сѧца і҆ꙋ́нїа въ к҃г-й де́нь. Срѣ́тенїе пречⷭ҇тыѧ бцⷣы, чꙋдотво́рныѧ і҆кѡ́ны влади́мїрскїѧ."
|
|
},
|
|
{
|
|
"type": "TEXT",
|
|
"value": "Парємїѝ прест҃ѣ́й бцⷣе"
|
|
},
|
|
{
|
|
"type": "HEADER",
|
|
"value": "Мѣ́сѧца і҆ꙋ́нїа въ к҃д-й де́нь. Рождество̀ честна́гѡ прⷪ҇ро́ка, предте́чи и҆ крести́телѧ і҆ѡа́нна. а҃. Бытїѧ̀ чте́нїе."
|
|
},
|
|
{
|
|
"type": "TEXT",
|
|
"value": "Р ечѐ бг҃ъ а҆враа́мꙋ, са́ра жена̀ твоѧ̀ не нарече́тсѧ и҆́мѧ є҆́й са́ра, но са́рра бꙋ́детъ и҆́мѧ є҆́й. благословлю́ же ю҆̀, и҆ да́мъ тебѣ̀ ѿ неѧ̀ ча́до, и҆ благословлю̀ є҃, и҆ бꙋ́детъ во ꙗ҆зы́ки, и҆ ца́рїе ꙗ҆зы̑къ ѿ негѡ̀ и҆зы́дꙋтъ. и҆ падѐ а҆враа́мъ на лицѣ̀ свое́мъ, и҆ речѐ въ мы́сли свое́й: а҆́ще столѣ́тнꙋ роди́тсѧ сы́нъ; и҆ са́рра де́вѧтьдесѧтъ лѣ́тъ сꙋ́щи роди́тъ; рече́ же бг҃ъ а҆враа́мꙋ: є҆́й, сѐ са́рра жена̀ твоѧ̀ роди́тъ тебѣ̀ сы́на, и҆ нарече́ши и҆́мѧ є҆мꙋ̀ і҆саа́къ. и҆ положꙋ̀ завѣ́тъ мо́й къ немꙋ̀ въ завѣ́тъ вѣ́ченъ. а҆враа́мъ же и҆ са́рра престарѣ́вшасѧ во дне́хъ. возсмѣѧ́жесѧ са́рра въ себѣ̀ глаго́лющи: не ᲂу҆ мѝ бы́сть да́же до ны́нѣ, господи́нъ же мо́й ста́ръ. и҆ речѐ гдⷭ҇ь бг҃ъ а҆враа́мꙋ: что̀ ꙗ҆́кѡ возсмѣѧ́сѧ са́рра въ себѣ̀, глаго́лющи: ᲂу҆̀бо вои́стиннꙋ ли рождꙋ̀; а҆́зъ же состарѣ́хсѧ. є҆да̀ не возмо́жетъ ѿ бг҃а всѧ́къ глаго́лъ; и҆ гдⷭ҇ь бг҃ъ посѣтѝ са́ррꙋ, ꙗ҆́коже глаго́ла: и҆ заче́нши родѝ а҆враа́мꙋ сы́на въ ста́рости, ꙗ҆́коже глаго́ла є҆мꙋ̀ гдⷭ҇ь бг҃ъ. ѡ҆брѣ́за же є҆го̀ въ де́нь ѻ҆смы́й, ꙗ҆́коже заповѣ́да є҆мꙋ̀ гдⷭ҇ь бг҃ъ. и҆ а҆враа́мъ бѧ́ше лѣ́тъ ста̀, є҆гда̀ бы́сть є҆мꙋ̀ і҆саа́къ сы́нъ є҆гѡ̀. рече́ же са́рра: смѣ́хъ мѝ сотворѝ гдⷭ҇ь бг҃ъ. и҆́же бо а҆́ще ᲂу҆слы́шитъ, сра́дꙋетсѧ мнѣ̀. и҆ речѐ: кто̀ возвѣсти́тъ а҆враа́мꙋ, ꙗ҆́кѡ сосца́ми пита́етъ ѻ҆троча̀ са́рра; ꙗ҆́кѡ роди́хъ ѻ҆троча̀ въ ста́рости мое́й. и҆ возрастѐ ѻ҆троча̀, и҆ преста̀ сосца́ми пита́тисѧ. и҆ сотворѝ а҆враа́мъ ᲂу҆чрежде́нїе ве́лїе, въ ѻ҆́ньже де́нь ѿдои́сѧ і҆саа́къ, сы́нъ є҆гѡ̀. Быт ́҃:́҆̀–́҃,́ж҃; ́̾:́́–́҆́; ̀́:́–̀, ҆́–̾"
|
|
},
|
|
{
|
|
"type": "HEADER",
|
|
"value": "в҃. Сꙋде́й чте́нїе."
|
|
},
|
|
{
|
|
"type": "TEXT",
|
|
"value": "В о дни̑ ѻ҆́ны, бы́сть мꙋ́жъ ѿ колѣ́на да́нова, и҆ и҆́мѧ є҆мꙋ̀ манѡ́е, и҆ жена̀ є҆гѡ̀ непло́ды, и҆ не ражда́ше. и҆ ꙗ҆ви́сѧ а҆́гг҃лъ гдⷭ҇ень къ женѣ̀, и҆ речѐ къ не́й: сѐ ты̀ непло́ды, и҆ во чре́вѣ прїи́меши, и҆ роди́ши сы́на. и҆ ны́нѣ сохрани́сѧ, не пі́й вїна̀ и҆ сїке́ра, и҆ не ꙗ҆́ждь всѧ́ко нечи́сто. занѐ сѐ ты̀ во чре́вѣ прїи́меши, и҆ роди́ши сы́на: и҆ желѣ́зо не взы́детъ на главꙋ̀ є҆гѡ̀, ꙗ҆́кѡ свѧще́нно бг҃ꙋ бꙋ́детъ ѻ҆троча̀ и҆зъ чре́ва. и҆ прїи́де жена̀, и҆ речѐ мꙋ́жꙋ своемꙋ̀, глаго́лющи: ꙗ҆́кѡ человѣ́къ бж҃їй прїи́де ко мнѣ̀, и҆ видѣ́нїе є҆гѡ̀, ꙗ҆́кѡ видѣ́нїе а҆́гг҃ла бж҃їѧ свѣ́тло ѕѣлѡ̀. и҆ речѐ: сѐ во чре́вѣ прїи́меши, и҆ роди́ши сы́на: и҆ ны́нѣ не пі́й вїна̀ и҆ сїке́ра, и҆ не ꙗ҆́ждь всѧ́ко нечи́сто: ꙗ҆́кѡ ѡ҆свѧще́нно бг҃ꙋ бꙋ́детъ ѻ҆троча̀ и҆зъ чре́ва, да́же до днѐ сме́рти є҆гѡ̀. и҆ помоли́сѧ манѡ́е бг҃ꙋ, и҆ речѐ: ко мнѣ̀, гдⷭ҇и, человѣ́къ бж҃їй, є҆го́же посла́лъ є҆сѝ, къ на́мъ да прїи́детъ ᲂу҆́бѡ, и҆ просвѣти́тъ на́съ, что̀ сотвори́мъ ѻ҆троча́ти ражда́ющемꙋсѧ; прїи́де же а҆́гг҃лъ къ манѡ́ю, и҆ речѐ: ѿ всѣ́хъ, и҆̀хже реко́хъ женѣ̀ твое́й, да сохрани́тсѧ, є҆ли̑ка и҆схо́дѧтъ ѿ вїногра́да, да не ꙗ҆́стъ, и҆ вїна̀, и҆ сїке́ра да не пїе́тъ. и҆ речѐ манѡ́е ко а҆́гг҃лꙋ гдⷭ҇ню: что̀ и҆́мѧ твоѐ; да є҆гда̀ прїи́детъ глаго́лъ тво́й, просла́вимъ тѧ̀. и҆ речѐ є҆мꙋ̀ а҆́гг҃лъ гдⷭ҇ень: вскꙋ́ю ты̀ вопроша́еши и҆́мене моегѡ̀; и҆ то̀ є҆́сть чꙋ́дно. и҆ не приложѝ ктомꙋ̀ а҆́гг҃лъ гдⷭ҇ень ꙗ҆ви́тисѧ къ манѡ́ю и҆ женѣ̀ є҆гѡ̀. Сꙋд ́҆:̀–̾, ́҆–́҆́, ́҃–́̾, ̀́"
|
|
},
|
|
{
|
|
"type": "HEADER",
|
|
"value": "г҃. Прⷪ҇ро́чества и҆са́їина чте́нїе."
|
|
},
|
|
{
|
|
"type": "TEXT",
|
|
"value": "Т а́кѡ гл҃го́летъ гдⷭ҇ь: ᲂу҆тѣша́йте, ᲂу҆тѣша́йте лю́ди моѧ̑ гл҃го́летъ бг҃ъ: свѧще́нницы, глаго́лите въ се́рдце і҆ерꙋсали́мꙋ, ᲂу҆моли́те є҆го̀, ꙗ҆́кѡ ᲂу҆мно́жисѧ смире́нїе є҆гѡ̀, разрѣши́сѧ бо грѣ́хъ є҆гѡ̀, ꙗ҆́кѡ прїѧ́тъ и҆зъ рꙋкѝ гдⷭ҇ни сꙋгꙋ̑ба согрѣшє́нїѧ своѧ̑. гла́съ вопїю́щагѡ въ пꙋсты́ни, ᲂу҆гото́вайте пꙋ́ть гдⷭ҇ень, пра̑вы твори́те стєзѝ бг҃ꙋ на́шемꙋ. на го́рꙋ высокꙋ̀ взы́ди, бл҃говѣствꙋ́й сїѡ́нꙋ, возвыша́й крѣ́постїю гла́съ сво́й, благовѣствꙋ́ѧй і҆ерⷭ҇ли́мꙋ: вознеси́те, не бо́йтесѧ. а҆́зъ гдⷭ҇ь бг҃ъ, а҆́зъ ᲂу҆слы́шꙋ ᲂу҆бо́гихъ і҆и҃левъ, и҆ не ѡ҆ста́влю тѣ́хъ. но ѿве́рзꙋ ѿ го́ръ рѣ́ки, и҆ посредѣ̀ по́лѧ и҆сто́чники, сотворю̀ пꙋсты́ню въ лꙋ́гъ, и҆ жа́ждꙋщꙋю зе́млю во и҆сто́чники водны̑ѧ. да возвесели́тсѧ нб҃о свы́ше, и҆ ѻ҆́блацы да кропѧ́тъ пра́вдꙋ, да возсїѧ́етъ землѧ̀, и҆ да прозѧ́бнетъ ми́лость, и҆ пра́вда да возсїѧ́етъ вкꙋ́пѣ. гла́съ весе́лїѧ возвѣсти́те, и҆ ᲂу҆слы́шано да бꙋ́детъ. возвѣсти́те да́же въ коне́цъ землѝ. глаго́лите: ꙗ҆́кѡ и҆зба́ви гдⷭ҇ь раба̀ своего̀ і҆а́кѡва. и҆ а҆́ще вжа́ждꙋтъ въ пꙋсты́ни, и҆сточи́тъ и҆̀мъ во́дꙋ и҆зъ ка́мене. возвесели́сѧ, непло́ды неражда́ющаѧ, расто́ргни и҆ возопі́й, неболѣ́вшаѧ: ꙗ҆́кѡ мнѡ́га ча̑да пꙋсты̑ѧ па́че, не́жели и҆мꙋ́щїѧ мꙋ́жа. Ис ҆́о́:́–҆, ж҃; ҆́́:́҃–́̾; ҆́҆̀:̾; ҆́̾:̀о́–̀́; ҆̀҆́:́"
|
|
},
|
|
{
|
|
"type": "HEADER",
|
|
"value": "Мѣ́сѧца і҆ꙋ́нїа въ к҃є-й де́нь. Ст҃ы́хъ чꙋдотво́рцєвъ мꙋ́ромскихъ, кнѧ́зѧ петра̀, во и҆́ноцѣхъ дв҃да, и҆ кнѧги́ни феѵрѡ́нїи, во и҆́нокинѧхъ є҆ѵфросѵ́нїи."
|
|
},
|
|
{
|
|
"type": "TEXT",
|
|
"value": "Парємїѝ прпⷣбнымъ"
|
|
},
|
|
{
|
|
"type": "HEADER",
|
|
"value": "Мѣ́сѧца і҆ꙋ́нїа въ к҃ѕ-й де́нь. Ꙗ҆вле́нїе і҆кѡ́ны прест҃ы́ѧ бцⷣы и҆ приснодв҃ы марі́и, тѵ́хфинскїѧ."
|
|
},
|
|
{
|
|
"type": "TEXT",
|
|
"value": "Парємїѝ прест҃ѣ́й бцⷣе"
|
|
},
|
|
{
|
|
"type": "HEADER",
|
|
"value": "Мѣ́сѧца і҆ꙋ́нїа въ к҃и-й де́нь. Прпⷣбныхъ ѻ҆тє́цъ, се́ргїа и҆ ге́рмана, валаа́мскихъ чꙋдотво́рцѡвъ."
|
|
},
|
|
{
|
|
"type": "TEXT",
|
|
"value": "Парємїѝ прпⷣбнымъ"
|
|
},
|
|
{
|
|
"type": "HEADER",
|
|
"value": "Въ то́йже де́нь, пра́зднованїе прест҃ѣ́й бцⷣѣ, въ че́сть є҆ѧ̀ і҆кѡ́ны троерꙋ́чица."
|
|
},
|
|
{
|
|
"type": "TEXT",
|
|
"value": "Парємїѝ прест҃ѣ́й бцⷣе"
|
|
},
|
|
{
|
|
"type": "HEADER",
|
|
"value": "Мѣ́сѧца і҆ꙋ́нїа въ к҃ѳ-й де́нь. Ст҃ы́хъ первоверхо́вныхъ а҆пⷭ҇лъ, петра̀ и҆ па́ѵла."
|
|
},
|
|
{
|
|
"type": "TEXT",
|
|
"value": "Парємїѝ ст҃ы̑мъ а҆пⷭ҇лѡмъ"
|
|
},
|
|
{
|
|
"type": "HEADER",
|
|
"value": "Мѣ́сѧца і҆ꙋ́нїа въ л҃-й де́нь. Собо́ръ ст҃ы́хъ а҆пⷭ҇тѡлъ в҃і. а҃. И҆схо́да чте́нїе."
|
|
},
|
|
{
|
|
"type": "TEXT",
|
|
"value": "П рїидо́ша сы́нове і҆и҃левы въ ме́ррꙋ, и҆ не можа́хꙋ пи́ти воды̀ и҆зъ ме́рры, горька́ бо бѣ̀: сегѡ̀ ра́ди нарече́сѧ и҆́мѧ мѣ́стꙋ томꙋ̀, го́ресть. и҆ ропта́хꙋ лю́дїе на мѡѷсе́а, глаго́люще: что̀ пїе́мъ; возопи́ же мѡѷсе́й ко гдⷭ҇ꙋ, и҆ показа̀ є҆мꙋ̀ гдⷭ҇ь дре́во, и҆ вложѝ то́е въ во́дꙋ, и҆ сладка̀ бы́сть вода̀: та́мѡ положѝ є҆мꙋ̀ бг҃ъ ѡ҆правда̑нїѧ и҆ сꙋды̀. и҆ та́мѡ и҆скꙋша́ше є҆го̀, и҆ речѐ: а҆́ще слꙋ́хомъ ᲂу҆слы́шиши гла́съ гдⷭ҇а бг҃а твоегѡ̀, и҆ ᲂу҆гѡ́днаѧ предъ ни́мъ сотвори́ши, и҆ внꙋши́ши за́пѡвѣди є҆гѡ̀, и҆ сохрани́ши всѧ̑ ѡ҆правда̑нїѧ є҆гѡ̀: всѧ́кꙋ болѣ́знь, ю҆́же наведо́хъ є҆гѵ́птѧнѡмъ, не наведꙋ̀ на тѧ̀, а҆́зъ бо є҆́смь гдⷭ҇ь и҆сцѣлѧ́ѧй тѧ̀. и҆ прїидо́ша во є҆лі́мъ, и҆ бѧ́хꙋ та́мѡ двана́десѧть и҆сто́чникѡвъ во́дъ, и҆ се́дмьдесѧтъ сте́блїй фі́нїковыхъ: и҆ ѡ҆полчи́шасѧ та́мѡ при вода́хъ. Исх ́҆̀:̀҆–̀҃"
|
|
},
|
|
{
|
|
"type": "HEADER",
|
|
"value": "в҃. І҆исꙋ́са наѵи́на чте́нїе."
|
|
},
|
|
{
|
|
"type": "TEXT",
|
|
"value": "Р ечѐ гдⷭ҇ь къ і҆исꙋ́сꙋ, гл҃ѧ: поимѝ двана́десѧть мꙋже́й ѿ люді́й, мꙋ́жа є҆ди́наго ѿ коегѡ́ждо пле́мене, повелѝ и҆̀мъ, глаго́лѧ: возми́те ѿ среды̀ і҆ѻрда́на, и҆дѣ́же стоѧ́ша но́зи жре́честїи, гото́выхъ двана́десѧть ка́меней, и҆ и҆зне́сше ѧ҆̀ съ собо́ю, положи́те въ полцѣ̀ ва́шемъ, и҆дѣ́же ста́нете та́мѡ въ нощѝ. и҆ призва́въ і҆исꙋ́съ двана́десѧть мꙋже́й сла́вныхъ ѿ сынѡ́въ і҆и҃левыхъ, є҆ди́наго ѿ коегѡ́ждо пле́мене, речѐ и҆̀мъ: и҆ди́те предо мно́ю пред̾ лице́мъ гдⷭ҇нимъ въ среди́нꙋ і҆ѻрда́на: и҆ взе́мъ ѿтꙋ́дꙋ кі́йждо ка́мень є҆ди́нъ да возложи́тъ на ра́мена своѧ̑, по числꙋ̀ племе́нъ сынѡ́въ і҆и҃левыхъ: да бꙋ́дꙋтъ ва́мъ сі́и въ зна́менїе посредѣ̀ ва́съ лежа́ще всегда̀, да є҆гда̀ вопро́ситъ тебѐ ᲂу҆́трѡ сы́нъ тво́й, глаго́лѧ: что̀ сꙋ́ть ка́менїе сїѐ ва́мъ; и҆ ты̀ возвѣсти́ши сы́нꙋ твоемꙋ̀, глаго́лѧ: ꙗ҆́кѡ ѡ҆скꙋдѣ̀ і҆ѻрда́нъ рѣка̀ ѿ лица̀ кївѡ́та завѣ́та гдⷭ҇а всеѧ̀ землѝ, є҆гда̀ прехожда́ше є҆го̀, и҆ и҆зсѧ́че вода̀ і҆ѻрда́нова: и҆ бꙋ́дꙋтъ ва́мъ ка́менїе сїѐ въ па́мѧть сынѡ́въ і҆и҃левыхъ да́же до вѣ́ка. и҆ сотвори́ша та́кѡ сы́нове і҆и҃лєвы, ꙗ҆́коже заповѣ́да гдⷭ҇ь і҆исꙋ́сꙋ: и҆ взе́мше двана́десѧть ка́меней ѿ среды̀ і҆ѻрда́на, ꙗ҆́коже заповѣ́да гдⷭ҇ь і҆исꙋ́сꙋ въ сконча́нїи прехожде́нїѧ сынѡ́въ і҆и҃левыхъ, и҆ принесо́ша и҆̀хъ съ собо́ю въ по́лкъ, и҆ положи́ша и҆̀хъ та́мѡ. поста́ви же і҆исꙋ́съ и҆ дрꙋгі̑ѧ двана́десѧть ка́меней въ са́мѣмъ і҆ѻрда́нѣ на мѣ́стѣ, и҆дѣ́же стоѧ́хꙋ но́зи жерцє́въ воздвиза́ющихъ кївѡ́тъ завѣ́та гдⷭ҇нѧ, и҆ сꙋ́ть та́мѡ да́же до сегѡ̀ днѐ. стоѧ́хꙋ же жерцы̀ воздвиза́ющїи кївѡ́тъ завѣ́та гдⷭ҇нѧ во і҆ѻрда́нѣ, до́ндеже сконча̀ і҆исꙋ́съ всѧ̑, є҆ли̑ка заповѣ́да гдⷭ҇ь і҆исꙋ́сꙋ повѣ́дати лю́демъ, по всѣ̑мъ, є҆ли̑ка заповѣ́да мѡѷсе́й і҆исꙋ́сꙋ: и҆ потща́шасѧ лю́дїе, и҆ преидо́ша. и҆ бы́сть є҆гда̀ сконча́ша всѝ лю́дїе преходи́ти і҆ѻрда́нъ, пре́йде и҆ кївѡ́тъ завѣ́та гдⷭ҇нѧ, и҆ жерцы̀ пред̾ ни́ми. Ис Нав ҆́:́–́́"
|
|
},
|
|
{
|
|
"type": "HEADER",
|
|
"value": "г҃. Прⷪ҇ро́чества і҆ѡ́илева чте́нїе."
|
|
},
|
|
{
|
|
"type": "TEXT",
|
|
"value": "В острꙋби́те трꙋбо́ю въ сїѡ́нѣ, проповѣ́дите въ горѣ̀ мое́й ст҃ѣ́й, и҆ да смѧтꙋ́тсѧ всѝ живꙋ́щїи на землѝ, ꙗ҆́кѡ предстои́тъ де́нь гдⷭ҇ень, ꙗ҆́кѡ бли́з̾, де́нь тмы̀ и҆ бꙋ́ри, де́нь ѡ҆́блака и҆ мглы̀: ꙗ҆́коже ᲂу҆́тро разлїю́тсѧ по гора́мъ лю́дїе мно́зи и҆ крѣ́пцы, подо́бни и҆̀мъ не бы́ша ѿ вѣ́ка, и҆ по ни́хъ не приложи́тсѧ до лѣ́тъ въ ро́дъ и҆ ро́дъ: ꙗ҆̀же пред̾ ни́мъ ѻ҆́гнь потреблѧ́ѧй, и҆ ꙗ҆̀же за ни́мъ возгара́ѧсѧ пла́мень: ꙗ҆́коже ра́й сла́дости землѧ̀ пред̾ лице́мъ є҆гѡ̀, и҆ ꙗ҆̀же созадѝ є҆гѡ̀ по́ле па́гꙋбы, и҆ спаса́ющагѡсѧ не бꙋ́детъ и҆̀мъ: ꙗ҆́коже ви́дъ ко́нскїй ви́дъ и҆́хъ, и҆ ꙗ҆́коже кѡ́нницы, та́кѡ проженꙋ́тъ: ꙗ҆́коже гла́съ колесни́цъ на верхѝ го́ръ востекꙋ́тъ, и҆ ꙗ҆́кѡ гла́съ пла́мене ѻ҆́гненна попалѧ́юща тро́стїе, и҆ ꙗ҆́кѡ лю́дїе мно́зи и҆ крѣ́пцы воѡполча́ющїисѧ на бра́нь. ѿ лица̀ и҆́хъ сокрꙋша́тсѧ лю́дїе: всѧ́кое лицѐ а҆́ки ѡ҆пале́нїе горнца̀. ꙗ҆́коже борцы̀ потекꙋ́тъ, и҆ ꙗ҆́коже мꙋ́жїе хра́бри взы́дꙋтъ на ѡ҆гра̑ды: и҆ кі́йждо въ пꙋ́ть сво́й по́йдетъ, и҆ не совратѧ́тъ пꙋті́й свои́хъ. и҆ бꙋ́детъ по си́хъ, и҆ и҆злїю̀ ѿ дх҃а моегѡ̀ на всѧ́кꙋ пло́ть, и҆ прорекꙋ́тъ сы́нове ва́ши и҆ дщє́ри ва́шѧ, и҆ ста́рцы ва́ши сѡ́нїѧ ᲂу҆́зрѧтъ, и҆ ю҆́нѡты ва́ши видѣ̑нїѧ ᲂу҆ви́дѧтъ: и҆́бо на рабы̑ моѧ̑ и҆ на рабы̑ни моѧ̑ во дни̑ ѡ҆́ны и҆злїю̀ ѿ дх҃а моегѡ̀: и҆ да́мъ чꙋдеса̀ на небесѝ и҆ на землѝ, кро́вь и҆ ѻ҆́гнь и҆ кꙋре́нїе ды́ма: со́лнце ѡ҆брати́тсѧ во тмꙋ̀, и҆ лꙋна̀ въ кро́вь, пре́жде не́же прїитѝ дню̀ гдⷭ҇ню вели́комꙋ и҆ просвѣще́нномꙋ: и҆ бꙋ́детъ, всѧ́къ и҆́же призове́тъ и҆́мѧ гдⷭ҇не, спасе́тсѧ: ꙗ҆́кѡ въ горѣ̀ сїѡ́нѣ и҆ во і҆ерⷭ҇ли́мѣ бꙋ́детъ спаса́емый, ꙗ҆́коже речѐ гдⷭ҇ь, и҆ благовѣствꙋ́емїи, и҆̀хже гдⷭ҇ь призва̀. Иоил ̀:́–҃, ̀̾–҆̀"
|
|
}
|
|
] |