506 lines
45 KiB
JSON
506 lines
45 KiB
JSON
[
|
|
{
|
|
"type": "HEADER",
|
|
"value": "І҆аннꙋа́рїа в҃і"
|
|
},
|
|
{
|
|
"type": "HEADER",
|
|
"value": "Па́мѧть прест҃ѣ́й влⷣчцѣ на́шей бцⷣѣ, въ че́сть и҆ па́мѧть ꙗ҆вле́нїѧ чꙋдотво́рныѧ є҆ѧ̀ і҆кѡ́ны, и҆менꙋ́емыѧ млекопита́тельница."
|
|
},
|
|
{
|
|
"type": "HEADER",
|
|
"value": "На вели́цѣй вече́рни: Блаже́нъ мꙋ́жъ: а҃-й а҆нтїфѡ́нъ."
|
|
},
|
|
{
|
|
"type": "HEADER",
|
|
"value": "На Гдⷭ҇и, воззва́хъ, стїхи̑ры бцⷣы, гла́съ ѕ҃, на и҃."
|
|
},
|
|
{
|
|
"type": "TEXT",
|
|
"value": "Велича́емъ тѧ̀, бцⷣе дв҃о, возвели́чившꙋю ро́дъ на́шъ: и҆з̾ тебє́ бо воплоти́сѧ и҆зба́витель гдⷭ҇ь, и҆́мже а҆да́мъ и҆ є҆́ѵа клѧ́твы свободи́вшасѧ, и҆ ѿ мра́чныхъ ᲂу҆до́лїй во є҆де́мъ па́ки вве́дшасѧ, сы́й бг҃ъ на́шъ, спаса́ѧй при́снѡ тѧ̀ велича́ющыѧ. Два́жды."
|
|
},
|
|
{
|
|
"type": "TEXT",
|
|
"value": "Велича́емъ тѧ̀, бцⷣе дв҃о, застꙋ́пницꙋ ᲂу҆се́рднꙋю ро́да хрⷭ҇тїа́нскагѡ, покро́вомъ ми́лости твоеѧ̀ покрыва́ющꙋю всю̀ вселе́ннꙋю; се́ бо і҆кѡ́на твоѧ̀ чꙋде́съ мно́жество и҆сточа́етъ, и҆ ꙗ҆́кѡ да́ръ бж҃е́ственъ цр҃кви хрⷭ҇то́вой дарова́сѧ блгⷭ҇тїю творца̀ все́льшагосѧ въ тѧ̀ пло́тїю и҆ пита́вшагосѧ ѿ сосє́цъ твои́хъ, ꙗ҆́кѡ младе́нецъ, сы́й предвѣ́чный бг҃ъ, спаса́ѧй при́снѡ тѧ̀ велича́ющыѧ."
|
|
},
|
|
{
|
|
"type": "TEXT",
|
|
"value": "Велича́емъ тѧ̀, бцⷣе дв҃о, ꙗ҆́кѡ ѡ҆дꙋшевле́нный кївѡ́тъ бжⷭ҇тва̀, и҆ маннопрїе́мнꙋю ста́мнꙋ позлаще́ннꙋю дх҃омъ ст҃ы́мъ: ложесна́ бо твоѧ̑ престо́лъ себѣ̀ сотворѝ и҆ ѿ сосє́цъ твои́хъ пита́тисѧ и҆зво́ли, сы́й бг҃ъ на́шъ спаса́ѧй при́снѡ тѧ̀ велича́ющыѧ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Ѿ свѧты́ѧ і҆кѡ́ны твоеѧ̀ влⷣчице преблага́ѧ, и҆сцѣле́нїй стрꙋи̑ и҆стека́ютъ, и҆́миже напаѧ́ютсѧ благода́тнѡ дꙋ́шы на́шѧ и҆ врачꙋ́ютсѧ безме́зднѡ тѣлеса̀ на̑ша: тѣ́мже тѧ̀ ми́лостивꙋю ма́терь и҆ млекопита́тельницꙋ сп҃си́телѧ на́шего при́снѡ въ пѣ́снехъ велича́емъ."
|
|
},
|
|
{
|
|
"type": "HEADER",
|
|
"value": "Вхо́дъ. Прокі́менъ днѐ."
|
|
},
|
|
{
|
|
"type": "HEADER",
|
|
"value": "Бытїѧ̀ чте́нїе."
|
|
},
|
|
{
|
|
"type": "TEXT",
|
|
"value": "И҆зы́де і҆а́кѡвъ ѿ стꙋденца̀ клѧ́твеннагѡ, и҆ и҆́де въ харра́нъ. И҆ ѡ҆брѣ́те мѣ́сто, и҆ спа̀ та́мѡ: за́йде бо со́лнце, и҆ взѧ́тъ ѿ ка́менїѧ мѣ́ста тогѡ̀, и҆ положѝ возгла́вїе себѣ̀, и҆ спа̀ на мѣ́стѣ ѻ҆́номъ. И҆ со́нъ ви́дѣ, и҆ сѐ лѣ́ствица ᲂу҆твержде́на на землѝ, є҆ѧ́же глава̀ досѧза́ше до нб҃съ, и҆ а҆́гг҃ли бж҃їи восхожда́хꙋ и҆ низхожда́хꙋ по не́й. Гдⷭ҇ь же ᲂу҆твержда́шесѧ на не́й, и҆ речѐ: а҆́зъ бг҃ъ а҆враа́мовъ ѻ҆тца̀ твоегѡ̀, и҆ бг҃ъ і҆саа́ковъ, не бо́йсѧ: землѧ̀ и҆дѣ́же ты̀ спи́ши на не́й, тебѣ̀ да́мъ ю҆̀, и҆ сѣ́мени твоемꙋ̀. И҆ бꙋ́детъ сѣ́мѧ твоѐ ꙗ҆́кѡ песо́къ земны́й, и҆ распространи́тсѧ на мо́ре, и҆ лі́вꙋ, и҆ сѣ́веръ, и҆ на восто́ки: и҆ возблагословѧ́тсѧ ѡ҆ тебѣ̀ всѧ̑ колѣ̑на земна̑ѧ, и҆ ѡ҆ сѣ́мени твое́мъ. И҆ сѐ а҆́зъ съ тобо́ю сохранѧ́ѧй тѧ̀ на всѧ́комъ пꙋтѝ, а҆́може а҆́ще по́йдеши. И҆ возвращꙋ́ тѧ въ зе́млю сїю̀: ꙗ҆́кѡ не и҆́мамъ тебѐ ѡ҆ста́вити, до́ндеже сотвори́ти мѝ всѧ̑, є҆ли̑ка глаго́лахъ тебѣ̀. И҆ воста̀ і҆а́кѡвъ ѿ сна̀ своегѡ̀, и҆ речѐ: ꙗ҆́кѡ є҆́сть гдⷭ҇ь на мѣ́стѣ се́мъ, а҆́зъ же не вѣ́дѣхъ. И҆ ᲂу҆боѧ́сѧ, и҆ речѐ: ꙗ҆́кѡ стра́шно мѣ́сто сїѐ: нѣ́сть сїѐ, но до́мъ бж҃їй, и҆ сїѧ̀ врата̀ небе́снаѧ."
|
|
},
|
|
{
|
|
"type": "HEADER",
|
|
"value": "Прⷪ҇ро́чества і҆езекі́илева чте́нїе."
|
|
},
|
|
{
|
|
"type": "TEXT",
|
|
"value": "Та́кѡ глаго́летъ гдⷭ҇ь: бꙋ́детъ ѿ днѐ ѻ҆сма́гѡ и҆ про́чее, сотворѧ́тъ і҆ерє́и на ѻ҆лтарѝ всесожже́нїѧ ва́шегѡ, и҆ ꙗ҆́же спасе́нїѧ ва́шегѡ, и҆ прїимꙋ̀ вы̀, глаго́летъ а҆дѡнаі̀ гдⷭ҇ь. И҆ ѡ҆брати́ мѧ на пꙋ́ть вра́тъ ст҃ы́хъ внѣ́шнихъ, зрѧ́щихъ на восто́ки, и҆ сїѧ̑ бѧ́хꙋ затворє́на. И҆ речѐ гдⷭ҇ь ко мнѣ̀: врата̀ сїѧ̀ затворє́на. Ꙗ҆́кѡ и҆гꙋ́менъ сѧ́детъ въ ни́хъ снѣ́сти хлѣ́бъ, по пꙋтѝ є҆ла́мскихъ вра́тъ вни́детъ, и҆ по пꙋтѝ є҆гѡ̀ и҆зы́детъ. И҆ введе́ мѧ по пꙋтѝ вра́тъ ст҃ы́хъ сꙋ́щимъ къ сѣ́верꙋ, прѧ́мѡ хра́мꙋ: и҆ ви́дѣ, и҆ сѐ и҆спо́лнь сла́вы хра́мъ гдⷭ҇ень."
|
|
},
|
|
{
|
|
"type": "HEADER",
|
|
"value": "При́тчей чте́нїе."
|
|
},
|
|
{
|
|
"type": "TEXT",
|
|
"value": "Премꙋ́дрость созда̀ себѣ̀ до́мъ, и҆ ᲂу҆твердѝ столпѡ́въ се́дмь: Закла̀ своѧ̀ же́ртвєннаѧ, и҆ растворѝ въ ча́ша свое́й вїно̀, и҆ ᲂу҆гото́ва свою̀ трапе́зꙋ: Посла̀ своѧ̀ рабы̑ созыва́ющи съ высо́кимъ проповѣ́данїемъ на ча́шꙋ, глаго́лющи: и҆́же є҆́сть безꙋ́менъ, да ᲂу҆клони́тсѧ ко мнѣ̀. И҆ тре́бꙋющымъ ᲂу҆ма̀ речѐ: прїиди́те, ꙗ҆ди́те мо́й хлѣ́бъ, и҆ пі́йте вїно̀, є҆́же раствори́хъ ва́мъ. Ѡ҆ста́вите безꙋ́мїе, и҆ жи́ви бꙋ́дете: и҆ взыщи́те ра́зꙋма, да поживетѐ: и҆ и҆спра́вите ра́зꙋмъ въ вѣ́дѣнїи. Наказꙋ́ѧй ѕлы̑ѧ, прїи́метъ себѣ̀ безче́стїе, ѡ҆блича́ѧй же нечести́ваго ѡ҆поро́читъ себѐ: ѡ҆бличе́нїѧ бо нечести́вомꙋ, ра̑ны є҆мꙋ̀. Не ѡ҆блича́й ѕлы́хъ, да не возненави́дѧтъ тебѐ: ѡ҆блича́й премꙋ́дра, и҆ возлю́битъ тѧ̀. Да́ждь премꙋ́дромꙋ винꙋ̀, и҆ премꙋ́дрѣйшїй бꙋ́детъ: сказꙋ́й пра́ведномꙋ, и҆ приложи́тъ прїима́ти. Нача́ло премꙋ́дрости, стра́хъ гдⷭ҇ень, и҆ совѣ́тъ ст҃ы́хъ, ра́зꙋмъ: разꙋмѣ́ти бо зако́нъ, по́мысла є҆́сть блага́гѡ. Си́мъ бо ѻ҆́бразомъ мно́гое поживе́ши вре́мѧ, и҆ приложа́тсѧ тебѣ̀ лѣ̑та живота̀."
|
|
},
|
|
{
|
|
"type": "HEADER",
|
|
"value": "На стїхо́внѣ стїхи̑ры, гла́съ в҃, самогла́сны."
|
|
},
|
|
{
|
|
"type": "TEXT",
|
|
"value": "Пресвѧта́ѧ мт҃и бж҃їѧ, ка́кѡ тѧ̀ возблагодари́мъ досто́йнѡ, ꙗ҆́кѡ пресла́внѡ і҆кѡ́нꙋ твою̀ на́мъ ꙗ҆ви́ла є҆сѝ, въ покро́въ и҆ ᲂу҆тѣше́нїе вѣ̑рнымъ, и҆ въ защище́нїе ѻ҆би́тели на́шеѧ ѿ всѧ́кагѡ ѕла̀ и҆ тоѧ̀ свѣтоно́снымъ ꙗ҆вле́нїемъ ᲂу҆тверди́ла є҆сѝ въ сердца́хъ на́шихъ правосла́внꙋю вѣ́рꙋ."
|
|
},
|
|
{
|
|
"type": "TEXT",
|
|
"value": "Сті́хъ: Слы́ши дщѝ и҆ ви́ждь, и҆ приклонѝ ᲂу҆́хо твоѐ."
|
|
},
|
|
{
|
|
"type": "TEXT",
|
|
"value": "Влⷣчце пребл҃га́ѧ, не забꙋ́ди на́съ смире́нныхъ вѣ́рнѡ покланѧ́ющихъ твое́й чꙋдотво́рнѣй і҆кѡ́нѣ, и҆ ᲂу҆миле́ннѡ на не́й созерца́ющихъ млекопита́нїе тобо́ю хрⷭ҇та̀ бг҃а, ꙗ҆́кѡ млⷣнца въ ѡ҆б̾ѧ́тїѧхъ твои́хъ держи́маго. Є҆го́же молѝ всебл҃га́ѧ и҆зба́вити ны̀ скорбе́й вре́менныхъ и҆ вѣ́чныхъ и҆ спастѝ дꙋ́шы на́шѧ."
|
|
},
|
|
{
|
|
"type": "TEXT",
|
|
"value": "Сті́хъ: Помѧнꙋ̀ и҆́мѧ твоѐ во всѧ́комъ ро́дѣ и҆ ро́дѣ."
|
|
},
|
|
{
|
|
"type": "TEXT",
|
|
"value": "Ѽ всепѣ́таѧ мт҃и дв҃о, преклони́сѧ ми́лостивнѡ къ моли́твамъ на́шимъ предъ пречи́стымъ ѻ҆́бразомъ твои́мъ приноси́мымъ дне́сь: покры́й на́съ ма́тернимъ твои́мъ покро́вомъ ѿ всѧ́кагѡ ѕла̀ и҆ защитѝ на́съ ѿ и҆скꙋше́нїй вра́жїихъ: да всѝ непреста́ннѡ тѧ̀ велича́емъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ то́йже:"
|
|
},
|
|
{
|
|
"type": "TEXT",
|
|
"value": "Ны́нѣ наста̀ де́нь ра́достенъ, де́нь чтⷭ҇на́гѡ торжества̀ застꙋ́пницы на́шеѧ влⷣчцы бцⷣы ꙗ҆́же ꙗ҆влѧ́етъ на́мъ і҆кѡ́нꙋ свою̀ ст҃ꙋ́ю въ покро́въ и҆ ᲂу҆тѣше́нїе: сїю̀ ᲂу҆́бѡ ѡ҆бы́мемъ любо́вїю серде́чною и҆ лобыза́ѧ рце́мъ и҆з̾ѡбраже́ннѣй на не́й млекопита́тельницѣ сп҃са на́шегѡ: ѽ всеблага́ѧ, сотвори́ ны досто́йны бы́ти такова́гѡ да́ра ми́лости твоеѧ̀, и҆ чтꙋ́щихъ тѧ̀ всегда̀ спаса́й ѿ всѧ́кихъ бѣ́дъ, бцⷣе чи́стаѧ и҆ неискꙋсобра́чнаѧ."
|
|
},
|
|
{
|
|
"type": "HEADER",
|
|
"value": "Тропа́рь, гла́съ г҃:"
|
|
},
|
|
{
|
|
"type": "TEXT",
|
|
"value": "Без̾ сѣ́мене ѿ бжⷭ҇твеннагѡ дх҃а, во́лею же ѻ҆́ч҃ею зачала̀ є҆сѝ сн҃а бж҃їѧ, ѿ ѻ҆ц҃а̀ без̾ ма́тере пре́жде вѣ̑къ сꙋ́ща, на́съ же ра́ди, и҆зъ тебє̀ безъ ѻ҆тца̀ бы́вша, пло́тїю родила̀ є҆сѝ, и҆ млнⷣца млеко́мъ пита́ла є҆сѝ. Тѣ́мже не преста́й моли́ти, и҆зба́витисѧ ѿ бѣ́дъ дꙋша́мъ на́шымъ."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ и҆́нъ тропа́рь гла́съ а҃:"
|
|
},
|
|
{
|
|
"type": "TEXT",
|
|
"value": "І҆кѡ́нꙋ твою̀ бжⷭ҇твеннꙋю ꙗ҆́кѡ селе́нїе твоеѧ̀ сла́вы, млекопита́тельнице дѣ́въ, покланѧ́ющесѧ сла́вымъ, и҆зъ тоѧ́ бо та́инственнѡ то́чиши млеко̀ невеществе́нныхъ дарѡ́въ, пита́ющи и҆ сердца̀ и҆ дꙋ́шы вѣ́рою вопїю́щихъ: сла́ва вели́чїю твоемꙋ̀ чи́стаѧ, сла́ва чꙋдесмѝ твои́ми, сла́ва неизглагола́нной къ на́мъ твое́й бла́гости."
|
|
},
|
|
{
|
|
"type": "HEADER",
|
|
"value": "На ᲂу҆́трени, на Бг҃ъ гдⷭ҇ь, тропа́рь гла́съ г҃: два́жды."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ млекопита́тельницы, гла́съ а҃:"
|
|
},
|
|
{
|
|
"type": "HEADER",
|
|
"value": "По а҃-й стїхоло́гїи сѣда́ленъ, гла́съ д҃."
|
|
},
|
|
{
|
|
"type": "TEXT",
|
|
"value": "Бжⷭ҇твенною блгⷣтїю ѡ҆сѣнѝ гдⷭ҇ь пречи́стый ѻ҆́бразъ тво́й влⷣчице, и҆ се́й содѣ́ла многоцѣле́бнымъ сокро́вищемъ свѧта́гѡ са́ввы мл҃ча́лницѣ въ каре́и, слѣпы̑мъ просвѣща́ти, разсла́блєнныѧ ᲂу҆крѣплѧ́ти и҆ всѧ́къ недꙋ́гъ и҆сцѣлѧ́ти, да та́кѡ прославлѧ́ѧ ѻ҆́бразъ тво́й наꙋчи́тъ на́съ сла́вити и҆ велича́ти тѧ̀ сꙋ́щꙋю бцⷣꙋ и҆ пита́тельницꙋ жи́зни на́шеѧ. Два́жды."
|
|
},
|
|
{
|
|
"type": "HEADER",
|
|
"value": "По в҃-й стїхоло́гїи сѣда́ленъ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Ꙗ҆́кѡ ѕвѣзда̀ многосвѣ́тлаѧ, і҆кѡ́на твоѧ̀, бцⷣе дв҃о, просвѣща́етъ на́съ бл҃года́тїю чꙋде́съ, и҆ созыва́етъ на́съ дне́сь сла́вити и҆ воспѣва́ти многопѣ́тое и҆́мѧ твоѐ, ꙗ҆́же мїроизлїѧ́нное є҆́сть длѧ лю́бѧщымъ тѧ̀, вѣ́рныхъ твои́хъ рабѡ́въ. Ѽ гпⷭ҇жѐ прест҃а́ѧ, мо́лимъ тѧ̀, не ѡ҆ста́ви на́съ твои́мъ застꙋпле́нїемъ въ ча́съ кончи́ны живота̀ на́шего."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже:"
|
|
},
|
|
{
|
|
"type": "HEADER",
|
|
"value": "По полѷеле́и велича́нїе:"
|
|
},
|
|
{
|
|
"type": "TEXT",
|
|
"value": "Велича́емъ тѧ̀ прест҃а́ѧ дв҃о, млекопита́тельнице сп҃са на́шегѡ, и҆ чте́мъ ѻ҆́бразъ тво́й ст҃ы́й, ѿ негѡ́ же подае́ши на́мъ блгⷣть и҆сцѣле́нїѧ. Два́жды."
|
|
},
|
|
{
|
|
"type": "HEADER",
|
|
"value": "По велича́нїи наче́ншїй ли́къ пое́тъ и҆збра́нный ѱало́мъ:"
|
|
},
|
|
{
|
|
"type": "TEXT",
|
|
"value": "Помѧнѝ, гдⷭ҇и, дв҃да, и҆ всю̀ кро́тостъ є҆гѡ̀. Ꙗ҆́кѡ клѧ́тсѧ гдⷭ҇еви, ѡ҆бѣща́сѧ бг҃ꙋ і҆а́кѡвлю. Сѐ слы́шахомъ ѧ҆̀ во є҆ѵфра́ѳѣ, ѡ҆брѣто́хомъ ѧ҆̀ въ полѧ́хъ дꙋбра́ви. Пресла̑внаѧ глаго́лашасѧ ѡ҆ тебѣ̀ гра́де бж҃їй. Бг҃ъ посредѣ̀ є҆гѡ̀, и҆ не подви́житсѧ. Клѧ́тсѧ гдⷭ҇ь дв҃дꙋ и҆́стиною, и҆ не ѿве́ржетсѧ є҆ѧ̀. Ѿ плода̀ чре́ва твоегѡ̀ посаждꙋ̀ на прⷭ҇то́лѣ твое́мъ."
|
|
},
|
|
{
|
|
"type": "TEXT",
|
|
"value": "Ꙗ҆́кѡ и҆збра̀ гдⷭ҇ь сїѡ́на, и҆зво́ли є҆го̀ въ жили́ще себѣ̀. Ѡ҆свѧти́лъ є҆́сть селе́нїе своѐ вы́шнїй. Ст҃ы́нѧ и҆ великолѣ́пїе во свѧти́лѣ є҆гѡ̀. Ст҃ъ хра́мъ тво́й, ди́венъ въ пра́вдѣ. До́мꙋ твоемꙋ̀ подоба́етъ ст҃ы́нѧ, гдⷭ҇и, въ долготꙋ̀ дні́й. Помѧнꙋ̀ и҆́мѧ твоѐ во всѧ́комъ ро́дѣ и҆ ро́дѣ. Бл҃гослове́нъ гдⷭ҇ь во вѣ́къ, и҆ въ вѣ́къ вѣ́ка. Сла́ва, и҆ ны́нѣ:"
|
|
},
|
|
{
|
|
"type": "TEXT",
|
|
"value": "А҆ллилꙋ́їа, а҆ллилꙋ́їа, а҆ллилꙋ́їа, сла́ва тебѣ̀ бж҃е. Три́жды."
|
|
},
|
|
{
|
|
"type": "HEADER",
|
|
"value": "По ѱалмѣ̀ сѣда́ленъ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Прїиди́те вѣ́рнїи, прїиди́те просла́вимъ чꙋ́дное ꙗ҆вле́нїе і҆кѡ́ны бж҃їѧ мт҃ере: пресла́внѡ и҆ боголѣ́пнѡ тѧ̀ возсїѧ́вши на тве́рди ст҃ы́ѧ цр҃кви, чꙋдесы̀ вели́кими всѣ́хъ просвѣща́етъ дх҃о́внѡ, и҆ созыва́етъ ве́селѡ вопи́ти бг҃ома́тери пѣ́снь ра́достнꙋю: ра́дꙋйсѧ ѡ҆бра́дованнаѧ гдⷭ҇ь съ тобо́ю."
|
|
},
|
|
{
|
|
"type": "HEADER",
|
|
"value": "Сла́ва и҆ ны́нѣ, то́йже:"
|
|
},
|
|
{
|
|
"type": "HEADER",
|
|
"value": "Степє́нна, пе́рвый а҆нтїфѡ́нъ д҃-гѡ гла́са."
|
|
},
|
|
{
|
|
"type": "HEADER",
|
|
"value": "Прокі́менъ, гла́съ д҃:"
|
|
},
|
|
{
|
|
"type": "TEXT",
|
|
"value": "Помѧнꙋ̀ и҆́мѧ твоѐ во всѧ́комъ ро́дѣ и҆ ро́дѣ."
|
|
},
|
|
{
|
|
"type": "TEXT",
|
|
"value": "Сті́хъ: Слы́ши, дщѝ, и҆ ви́ждь, и҆ приклонѝ ᲂу҆́хо твоѐ."
|
|
},
|
|
{
|
|
"type": "TEXT",
|
|
"value": "Всѧ́кое дыха́нїе:"
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе лꙋкѝ, и҆ зача́ло д҃."
|
|
},
|
|
{
|
|
"type": "HEADER",
|
|
"value": "По н҃-мъ ѱалмѣ̀, гла́съ и҃, стїхи́ра самогла́сна:"
|
|
},
|
|
{
|
|
"type": "TEXT",
|
|
"value": "Пресла̑внаѧ чꙋдеса̀ показа́ла є҆сѝ влⷣчице ꙗ҆вле́нїемъ чꙋдотво́рнагѡ твоегѡ̀ ѻ҆́браза и҆ и҆сцѣле́ньми мно́гими ѿ негѡ̀ быва́емыми недꙋ̑жнымъ. Тѣ́мже твои́ми ми́лостынѧми, гпⷭ҇жѐ хва́лимсѧ и҆ твоѧ̑ чꙋдеса̀ велегла́снѡ проповѣ́дꙋемъ, ꙗ҆́кѡ ты̀ є҆сѝ прибѣ́жище на́ше и҆ къ бг҃ꙋ млⷭ҇тиваѧ хода́таица."
|
|
},
|
|
{
|
|
"type": "HEADER",
|
|
"value": "Канѡ́нъ бцⷣы со і҆рмосо́мъ на в҃і: Гла́съ и҃."
|
|
},
|
|
{
|
|
"type": "HEADER",
|
|
"value": "Пѣ́снь а҃."
|
|
},
|
|
{
|
|
"type": "TEXT",
|
|
"value": "І҆рмо́съ: Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ."
|
|
},
|
|
{
|
|
"type": "TEXT",
|
|
"value": "Водо́ю моли́твъ твои́хъ дв҃о, ѡ҆росѝ на́съ къ плодоно́сїю дх҃о́вномꙋ, и҆ воспламенѝ хла́дное на́ше се́рдце бжⷭ҇твенною любо́вїю, да тебѣ̀ млекопита́тельницѣ пита́телѧ на́шегѡ, пѣ́нїе хвале́бное воспое́мъ досто́йнѡ чи́стаѧ."
|
|
},
|
|
{
|
|
"type": "TEXT",
|
|
"value": "Во́ды стрⷭ҇тны́хъ помышле́нїй ѡ҆бꙋрева́ютъ на́съ гпⷭ҇жѐ всеблага́ѧ, всенепоро́чнаѧ, млекопита́вшаѧ сп҃са дꙋ́шъ на́шихъ, и҆ ѿ і҆кѡ́ны твоеѧ̀ свѧты́ѧ всѣ́мъ да́рꙋющаѧ ᲂу҆тѣше́нїе."
|
|
},
|
|
{
|
|
"type": "TEXT",
|
|
"value": "Сла́ва: Во́дꙋ непостоѧ́ннꙋю жите́йскихъ треволне́нїй преитѝ безбѣ́днѡ помозѝ на́мъ чи́стаѧ, и҆ ѿ лю́тыхъ недꙋ́гѡвъ и҆сцѣле́нїе на́мъ пода́ждь, млекопита́тельнице ст҃а́ѧ и҆ покажѝ прича́стники на́съ бы́ти наслѣ́дїѧ нб҃снагѡ, бг҃оневѣ́стнаѧ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Во́ды цѣлє́бныѧ и҆сточа́етъ на́мъ і҆кѡ́на тво́ѧ всечⷭ҇тна́ѧ бцⷣе дв҃о, и҆ стрⷭ҇ти многоразли̑чныѧ и҆сцѣлѧ́етъ, и҆ по́мощь вѣ̑рнымъ ѿ тебє̀ подае́тъ въ бѣда́хъ, да сла́вимъ чꙋдеса̀ твоѧ̑, и҆ пое́мъ тѧ̀ благи́хъ вино́внꙋю, воплоти́вшꙋю и҆ дои́вшꙋю бг҃омлⷣнца і҆и҃са."
|
|
},
|
|
{
|
|
"type": "TEXT",
|
|
"value": "Катава́сїа: Ѿве́рзꙋ ᲂу҆ста̀ моѧ̑."
|
|
},
|
|
{
|
|
"type": "HEADER",
|
|
"value": "Пѣ́снь г҃."
|
|
},
|
|
{
|
|
"type": "TEXT",
|
|
"value": "І҆рмо́съ: Нб҃е́снагѡ крꙋ́га верхотво́рче гдⷭ҇и, и҆ цр҃кве зижди́телю, ты̀ менѐ ᲂу҆твердѝ въ любвѝ твое́й, жела́нїй кра́ю, вѣ́рныхъ ᲂу҆твержде́нїе є҆ди́не человѣколю́бче."
|
|
},
|
|
{
|
|
"type": "TEXT",
|
|
"value": "Нб҃е́сныхъ ра́дованїе и҆ земны́хъ ᲂу҆пова́нїе є҆сѝ, бцⷣе дв҃о, свѣ́тлаѧ пала́то цр҃ѧ̀ цр҃е́й, млекопита́вшаѧ є҆го̀ сосцꙋ̑ твоє́ю. Є҆го́же молѝ прилѣ́жнѡ, спа́сти и҆ просвѣ́тити дꙋ́шы на́шѧ, є҆ди́на всеблага́ѧ."
|
|
},
|
|
{
|
|
"type": "TEXT",
|
|
"value": "Небе́съ превы́шшаѧ, зе́млю ѡ҆свѧти́вшаѧ ржⷭ҇тво́мъ твои́мъ, и҆ млекопита́вшаѧ зижди́телѧ твоего̀, бг҃оневѣ́стнаѧ мр҃і́е, і҆кѡ́ною сла́дкагѡ подо́бїѧ твоегѡ̀ на́съ ᲂу҆тѣша́еши и҆ недꙋ̑жнымъ и҆сцѣле́нїе подае́ши, є҆ди́на пречи́стаѧ."
|
|
},
|
|
{
|
|
"type": "TEXT",
|
|
"value": "Сла́ва: Нб҃е́снаѧ цр҃и́це, всемлⷭ҇тиваѧ влⷣчице, нетлѣ́ннѡ роди́вшаѧ и҆ дои́вшаѧ ст҃ы́хъ ст҃ѣ́йшее сло́во, кꙋ́ю досто́йнꙋю похвалꙋ̀ принесе́мъ тѝ недосто́йнїи, а҆́ще не сама̀ ты̀ помо́жеши на́мъ, неѡсꙋжде́ннѡ сла́вити тѧ̀ и҆ пѣ́ти твоѧ̑ чꙋдеса̀, є҆ди́на бг҃облаже́ннаѧ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Нб҃е́сное а҆́гг҃льское славосло́вїе слы́шиши, гпⷭ҇жѐ въ сїѡ́нѣ го́рнемъ, на́съ же до́льныхъ назира́еши ѿтꙋ́дꙋ мт҃ернимъ твои́мъ ѻ҆́комъ, и҆ вы́нꙋ мо́лиши за на́съ сн҃а твоего̀ и҆ бг҃а, да вѣ́чнагѡ и҆збѣ́гнемъ ѡ҆сꙋжде́нїѧ є҆ди́на пренепоро́чнаѧ."
|
|
},
|
|
{
|
|
"type": "HEADER",
|
|
"value": "Сѣда́ленъ, бцⷣы, гла́съ и҃."
|
|
},
|
|
{
|
|
"type": "TEXT",
|
|
"value": "Вели̑чїѧ твоѧ̑ кто̀ и҆сповѣ́сть, бцⷣы, ꙗ҆вле́нїемъ бо чꙋдотво́рныѧ і҆кѡ́ны твоеѧ̀ возвесели́ла є҆сѝ дꙋ́шы пра́ведныхъ, мнѡ́гїѧ недꙋ́ги є҆́ю врачꙋ́ѧ, и҆ ѿ всѧ́кихъ бѣ́дъ и҆збавлѧ́ѧ, и҆́же по бз҃ѣ ᲂу҆пова́нїе на тѧ̀ возлага́ютъ: ѽ влⷣчце всемлⷭ҇тиваѧ, не лишѝ ᲂу҆̀бо и҆ на́съ твоегѡ̀ застꙋпле́нїѧ, спасѝ правосла́внаго і҆мпера́тора на́шего и҆ гра́дъ се́й, ѻ҆би́тель на́шꙋ ѿ всѧ́кагѡ ѕла̀, да тобо́ю хва́лѧщесѧ, непостыди́маѧ во вѣ́ки."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, то́йже:"
|
|
},
|
|
{
|
|
"type": "HEADER",
|
|
"value": "Пѣ́снь д҃."
|
|
},
|
|
{
|
|
"type": "TEXT",
|
|
"value": "І҆рмо́съ: Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бж҃ество̀."
|
|
},
|
|
{
|
|
"type": "TEXT",
|
|
"value": "Оу҆слы́ши гла́сы на̑ша хвале́бныѧ, бцⷣе преблага́ѧ, и҆ прїимѝ на́ше поклоне́нїе, предъ ст҃о́ю і҆кѡ́ною твое́ю приноси́мое дне́сь: млекопита́ющꙋю сп҃са хрⷭ҇та̀ ви́димъ бо тѧ̀ на і҆кѡ́нѣ, и҆ ра́дꙋемсѧ грѣ́шнїи сла́вѧще ро́ждшагосѧ ѿ тебє̀ бг҃а."
|
|
},
|
|
{
|
|
"type": "TEXT",
|
|
"value": "Оу҆слы́шала є҆сѝ пречи́стаѧ влⷣчице благовѣ́щенїе а҆рха́гг҃лово, ра́дꙋйсѧ блгⷣтнаѧ, гдⷭ҇ь съ тобо́ю, и҆ зачала̀ є҆сѝ во ᲂу҆тро́бѣ твое́й предвѣ́чнаго бг҃а, є҆го́же нетлѣ́ннѡ ро́ждши, млеко́мъ твои́мъ, ꙗ҆́кѡ млнⷣца пита́ла є҆сѝ во спасе́нїе на́ше."
|
|
},
|
|
{
|
|
"type": "TEXT",
|
|
"value": "Сла́ва: Оу҆слы́ша первосвѧти́тель се́рбскїй са́вва завѣ́тъ вели́кагѡ во ѻ҆ц҃ѣ́хъ са́ввы ѡ҆свѧще́ннагѡ ѡ҆ свѧтѣ́й і҆кѡ́нѣ твое́й млекопита́тельницѣ, бцⷣе дв҃о, и҆ прїѧ́тъ ю҆̀ со благоговѣ́нїемъ, ꙗ҆́кѡ зало́гъ твоегѡ̀ благоволе́нїѧ, преблага́ѧ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Оу҆слы́шаша и҆́ноцы ст҃ы́ѧ горы̀ а҆ѳѡ́нскїѧ, ꙗ҆́кѡ ст҃а́ѧ і҆кѡ́на твоѧ̀, млекопита́тельница ѿ і҆ерⷭ҇ли́ма къ ни́мъ прино́ситсѧ, ѽ мт҃и сло́ва и҆ дв҃о, и҆ ра́достнѡ потеко́ша во срѣ́тенїе є҆́й, сла́вѧще и҆ пою́ще многопѣ́тое твоѐ и҆́мѧ."
|
|
},
|
|
{
|
|
"type": "HEADER",
|
|
"value": "Пѣ́снь є҃."
|
|
},
|
|
{
|
|
"type": "TEXT",
|
|
"value": "І҆рмо́съ: Просвѣтѝ на́съ повелѣ̑нїи твои́ми, гдⷭ҇и, и҆ мы́шцею твое́ю высо́кою, тво́й ми́ръ пода́ждь на́мъ человѣколю́бче."
|
|
},
|
|
{
|
|
"type": "TEXT",
|
|
"value": "Просвѣтѝ на́съ, влⷣчице, потемнѣ́нныхъ грѣха́ми, сїѧ́нїемъ бж҃їей блгⷣти, и҆ сподо́би ны̀ зрѣ́ти ст҃ꙋ́ю твою̀ і҆кѡ́нꙋ и҆ на не́й созерца́ти ве́лїе чꙋ́до чꙋде́съ: творца̀ вселе́нныѧ, ꙗ҆́кѡ млнⷣца ѿ сосцꙋ̑ твоє́ю пита́емаго."
|
|
},
|
|
{
|
|
"type": "TEXT",
|
|
"value": "Просвѣще́нїе и҆ сп҃се́нїе на тѧ̀ надѣ́ющихсѧ, бцⷣе дв҃о, ѡ҆благодатѝ на́шъ по́мыслъ досто́йнѡ сла́вити тѧ̀ и҆ пѣ́ти чꙋдеса̀, ꙗ҆́же ѿ і҆кѡ́ны твоеѧ̀ ст҃ы́ѧ ꙗ҆ви́ла є҆сѝ и҆ прⷭ҇нѡ ꙗ҆влѧ́еши во ᲂу҆тѣше́нїе и҆ сп҃се́нїе на́ше."
|
|
},
|
|
{
|
|
"type": "TEXT",
|
|
"value": "Сла́ва: Просвѣти́вый нб҃о сл҃нцемъ, и҆ зе́млю ѡ҆снова́вый дыха́нїемъ ᲂу҆́стъ свои́хъ, зижди́тель всѧ́ческихъ, во ᲂу҆тро́бѣ твое́й пречи́стаѧ, нетѣ́снѡ вмѣсти́сѧ, и҆ ѿ сосцꙋ̑ твоє́ю ꙗ҆́кѡ млⷣнцъ пита́шесѧ: на́мъ же дарова̀ и҆сто́чникъ чꙋде́съ, ст҃ꙋ́ю і҆кѡ́нꙋ твою̀ преблага́ѧ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Просвѣти́сѧ бжⷭ҇твенною блгⷣтїю а҆ѳѡ́нскаѧ ѻ҆би́тель прпⷣбнагѡ са́ввы ѡ҆сщ҃е́ннагѡ прїе́мъ въ наслѣ́дїе, щи́тъ и҆ покро́въ ст҃ꙋ́ю і҆кѡ́нꙋ твою̀, бг҃ома́ти влⷣчце, млекопита́тельница и҆менꙋ́емꙋю: сїю̀ ᲂу҆̀бо и҆ мы̀ достодо́лжнымъ поклоне́нїемъ почита́емъ и҆ тѧ̀ предста́тельницꙋ на́шꙋ въ пѣ́снехъ немо́лчнѡ ᲂу҆блажа́емъ."
|
|
},
|
|
{
|
|
"type": "HEADER",
|
|
"value": "Пѣ́снь ѕ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Мл҃твꙋ пролїю̀ ко гдⷭ҇ꙋ, и҆ томꙋ̀ возвѣщꙋ̀ печа̑ли моѧ̑, ꙗ҆́кѡ ѕѡ́лъ дꙋша̀ моѧ̀ и҆спо́лнисѧ, и҆ живо́тъ мо́й а҆́дꙋ прибли́жисѧ, и҆ молю́сѧ, ꙗ҆́кѡ і҆ѡ́на: ѿ тлѝ, бж҃е, возведи́ мѧ."
|
|
},
|
|
{
|
|
"type": "TEXT",
|
|
"value": "Мл҃твꙋ всѧ́къ приносѧ́й тебѣ̀ съ вѣ́рою и҆ любо́вїю, предъ пречи́стымъ ѡ҆́бразомъ твои́мъ, бцⷣе преблага́ѧ, не неꙋслы́шанъ ѿ тебє̀ ѿи́детъ: всѣ̑мъ бо всѧ̑, бл҃га́ѧ, да́рꙋеши, ꙗ҆́кѡ мт҃и всебл҃га́гѡ бг҃а, и҆ пита́тельница пита́телѧ вселе́нныѧ. Два́жды."
|
|
},
|
|
{
|
|
"type": "TEXT",
|
|
"value": "Сла́ва: Моли́твенно тѧ̀ сла́вимъ, пречи́стаѧ, и҆ съ любо́вїю припа́даю къ многоцѣле́бномꙋ твоемꙋ̀ ѻ҆́бразꙋ, срⷣцемъ и҆ ᲂу҆сты̀ є҆гѡ̀ цѣлꙋ́юще, ви́дѧще въ не́мъ зало́гъ блгⷣтный твоегѡ̀ къ на́мъ ма́тернѧгѡ благоволе́нїѧ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Моли́тисѧ всегда̀ ᲂу҆се́рдное хотѣ́нїе, пода́ждь на́мъ, преблага́ѧ влⷣчце, всѧ̑ бо мо́жеши ꙗ҆́кѡ мт҃и и҆ млекопита́тельница всемогꙋ́щагѡ бг҃а: є҆го́же ми́лостива на́мъ сотворѝ, всеси́льнымъ предста́тельствомъ твои́мъ, и҆ не попꙋстѝ до конца̀ поги́бнꙋти рабѡ́мъ твои̑мъ."
|
|
},
|
|
{
|
|
"type": "HEADER",
|
|
"value": "Конда́къ бцⷣы, гла́съ и҃:"
|
|
},
|
|
{
|
|
"type": "TEXT",
|
|
"value": "Ѡ҆чи́стимъ чꙋ̑вствїѧ дꙋ́шъ и҆ тѣле́съ на́шихъ и҆ ᲂу҆́зримъ на і҆кѡ́нѣ твое́й, бцⷣе, та́инство пресла́вное: творца̀ вселе́нныѧ и҆ гдⷭ҇а вы́шнихъ си́лъ, въ ѡ҆б̾ѧ́тїѧхъ твои́хъ держи́ма, и҆ ѿ сосцꙋ̑ твоє́ю пита́ема, ꙗ҆́кѡ млⷣнца. Тѣ́мже со стра́хомъ и҆ ра́достїю покланѧ́емсѧ тебѣ̀, и҆ ро́ждшемꙋсѧ ѿ тебѐ сп҃сꙋ на́шемꙋ зовꙋ́ще: ра́дꙋйсѧ, влⷣчце, пита́тельнице, жи́зни на́шеѧ."
|
|
},
|
|
{
|
|
"type": "TEXT",
|
|
"value": "І҆́косъ: А҆рха́гг҃льское цѣлова́нїе ᲂу҆слы́шала є҆сѝ, приснодв҃о, и҆ въ чистотѣ̀ двⷭ҇твеннѣй бг҃а зачала̀ и҆ родила̀ є҆сѝ, є҆го́же ꙗ҆́кѡ млⷣнца, ѿ сосцꙋ̑ твоє́ю млеко́мъ пита́ла є҆сѝ. А҆́гг҃ли и҆ чл҃вѣ́цы ᲂу҆диви́вши вели́чїемъ твои́хъ соверше́нствъ и҆ содѣ́ѧвшагосѧ ѡ҆ тебѣ̀ бж҃е́ственнагѡ та́инства. Тѣ́мже ᲂу҆блажа́емъ тѧ̀ и҆́стиннꙋю бцⷣꙋ, возвели́чившꙋю па́дшее чл҃вѣ́чество и҆ млⷭ҇рдїемъ неизрече́ннымъ призира́ющꙋю наро́дъ хрⷭ҇тїа́нскїй бг҃оꙋмиле́ннѡ зове́мъ: ра́дꙋйсѧ влⷣчце, пита́тельнице жи́зни на́шеѧ."
|
|
},
|
|
{
|
|
"type": "HEADER",
|
|
"value": "Пѣ́снь з҃."
|
|
},
|
|
{
|
|
"type": "TEXT",
|
|
"value": "І҆рмо́съ: Ѿ і҆ꙋде́и доше́дше ѻ҆́троцы въ вавѷлѡ́нѣ и҆ногда̀, вѣ́рою трⷪ҇ческою пла́мень пе́щный попра́ша, пою́ще: ѻ҆тцє́въ бж҃е, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Ѿ ᲂу҆се́рдїѧ на́шегѡ приноси́мое тебѣ̀ пѣ́нїе, не пре́зри, влⷣчце, но ѿ і҆кѡ́ны твоеѧ̀ ст҃ы́ѧ пода́ждь на́мъ да́ры твоѧ̑ благода̑тныѧ, на по́льзꙋ дꙋ́шъ и҆ тѣле́съ на́шихъ, да ра́достнѡ взыва́емъ ро́ждшемꙋсѧ ѿ тебє̀: ѻ҆ц҃є́въ бж҃е, блгⷭ҇ве́нъ є҆сѝ."
|
|
},
|
|
{
|
|
"type": "TEXT",
|
|
"value": "Ѿ ст҃а́гѡ чꙋдотво́рнагѡ ѻ҆́браза твоегѡ̀, бцⷣе дв҃о, стрꙋи̑ и҆сцѣле́нїй и҆стека́ютъ, и҆ вонѧ̀ живо́тнаѧ бл҃гоꙋха́етъ, є҆го́же ме́ртвостъ грѣхо́внаѧ дꙋ́шъ на́шихъ потреблѧ́етсѧ, и҆ плодоно́сїе дꙋхо́вное подае́тсѧ зовꙋ́щымъ: ѻ҆ц҃є́въ бж҃е, бл҃гослове́нъ є҆сѝ."
|
|
},
|
|
{
|
|
"type": "TEXT",
|
|
"value": "Сла́ва: Ѿ і҆ерⷭ҇ли́ма на ст҃ꙋ́ю го́рꙋ а҆ѳѡ́нскꙋю, і҆кѡ́на твоѧ̀ бл҃года́тнаѧ принесе́сѧ, бг҃ома́ти влⷣчце, въ зало́гъ благоволе́нїѧ твоегѡ̀ къ и҆збра́нномꙋ тобо́ю жре́бїю на землѝ, и҆ насе́льникомъ є҆гѡ̀ прпⷣбнымъ, и҆́же гла́сы немо́лчными воспѣва́ютъ сн҃ꙋ твоемꙋ̀: ѻ҆ц҃є́въ бж҃е, благослове́нъ є҆сѝ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Ѿ глꙋбины̀ ѕѡ́лъ мно́гихъ къ тебѣ̀ припа́даемъ, ѽ ма́ти сло́ва и҆ дв҃о, и҆ мо́лимсѧ прилѣ́жнѡ: пода́ждь на́мъ по́мощь твою̀ блгⷣтнꙋю и҆ не попꙋстѝ поги́бнꙋти на́мъ до конца̀, но спастѝ на́съ десни́цею твое́ю, и҆ воздви́гни пѣ́ти всѣ́хъ творцꙋ̀: ѻ҆тцє́въ бж҃е, благослове́нъ є҆сѝ."
|
|
},
|
|
{
|
|
"type": "HEADER",
|
|
"value": "Пѣ́снь и҃."
|
|
},
|
|
{
|
|
"type": "TEXT",
|
|
"value": "І҆рмо́съ: Цр҃ѧ̀ нбⷭ҇наго, є҆го́же пою́тъ вѡ́и а҆́гг҃льстїи, хвали́те и҆ превозноси́те во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Цр҃ѧ̀ нб҃есѐ и҆ землѝ воплоти́ла є҆сѝ, бцⷣе, ѿ дѣ́вственныхъ крове́й твои́хъ багрѧни́цꙋ пло́ти є҆мꙋ̀ и҆стка́вши, и҆ ꙗ҆́кѡ млⷣнца ѿ сосцꙋ̑ твоє́ю є҆го̀ млекопита́вши и҆́стиннаго бг҃а и҆ чл҃вѣ́ка, хвали́маго и҆ превозноси́маго во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Цр҃и́це на́ша пребл҃га́ѧ и҆ застꙋ́пнице прест҃а́ѧ, мт҃и гдⷭ҇а вы́шнихъ си́лъ съ ни́ми молѝ є҆го̀ прилѣ́жнѡ: ми́ръ мі́рови дарова́ти, плодоно́сїе зе́мли и҆ всѣ̑мъ на́мъ здра́вїе и҆ спасе́нїе, да хва́лимъ и҆ превозно́симъ є҆го̀ во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "Сла́ва: Црⷭ҇тво и҆ гдⷭ҇ьство дарова̀ тебѣ̀, бцⷣе мр҃і́е, сн҃ъ тво́й и҆ бг҃ъ, ца́рствꙋеши бо съ ни́мъ вѣ́чнѡ, и҆ стро́иши и҆ покрыва́еши лю́ди, и҆скꙋплє́нныѧ є҆го̀ чтⷭ҇но́ю кро́вїю, и҆̀же сла́вѧтъ многопѣ́тое и҆́мѧ твоѐ, хва́лѧще и҆ превозносѧ́ще просла́вльшаго тѧ̀ гдⷭ҇а во всѧ̑ вѣ́ки."
|
|
},
|
|
{
|
|
"type": "TEXT",
|
|
"value": "И҆ ны́нѣ: Цр҃ѧ̀ на́шего правосла́внаго, ѻ҆тече́ство на́ше, горꙋ̀ сїю̀ и҆ ѻ҆би́тель на́шꙋ ст҃ꙋ́ю, сохранѝ и҆ соблюдѝ, влⷣчце, въ долготꙋ̀ дне́й невреди́мыми ѿ всѧ́кагѡ ѕла̀, и҆ вознесѝ ро́дъ хрⷭ҇тїа́нскїй надъ ꙗ҆зы́ки невѣ́рными, да пое́мъ твоѐ ма́тернее застꙋпле́нїе, и҆ хва́лимъ и҆ превозно́симъ хрⷭ҇та̀ во всѧ̑ вѣ́ки."
|
|
},
|
|
{
|
|
"type": "HEADER",
|
|
"value": "Пѣ́снь ѳ҃."
|
|
},
|
|
{
|
|
"type": "TEXT",
|
|
"value": "І҆рмо́съ: Вои́стиннꙋ бцⷣꙋ тѧ̀ и҆сповѣ́дꙋемъ, сп҃се́ннїи тобо́ю, дв҃о чтⷭ҇аѧ, съ безпло́тными ли̑ки тѧ̀ велича́юще."
|
|
},
|
|
{
|
|
"type": "TEXT",
|
|
"value": "Вои́стиннꙋ никто́ же притека́ѧ къ тебѣ̀ моли́твеннѡ, то́щь ѿ тебє̀ и҆схо́дитъ, пречи́стаѧ бцⷣе дв҃о: всѣ́хъ ты̀ ми́лꙋеши и҆ ᲂу҆щедрѧ́еши, ꙗ҆́кѡ любоблагоꙋтро́бнаѧ мт҃и: тѣ́мже всѝ ро́ди земні́и благода́рнѡ тѧ̀ велича́емъ."
|
|
},
|
|
{
|
|
"type": "TEXT",
|
|
"value": "Вои́стиннꙋ зало́гъ блгⷣтный, ст҃а́ѧ и҆ чꙋдотво́рнаѧ і҆кѡ́на твоѧ̀ ꙗ҆ви́сѧ бцⷣе преблага́ѧ, на ню́же взира́юще, сїѧ́нїе бж҃їей блгⷣти въ дꙋ́шы на́шѧ неви́димѡ прїе́млемъ и҆ по до́лгꙋ пѣ́сньми хвале́бными тѧ̀ велича́емъ."
|
|
},
|
|
{
|
|
"type": "TEXT",
|
|
"value": "Сла́ва: Вои́стиннꙋ щи́тъ и҆ покро́въ ѻ҆би́тели на́шей, ст҃а́ѧ і҆кѡ́на твоѧ̀ даде́сѧ, преблага́ѧ дв҃о, ѿ щедро́тъ твои́хъ ма́тернихъ: сїю̀ ᲂу҆̀бо съ любо́вїю ѡ҆б̾е́млюще, се́рдцемъ и҆ ᲂу҆сты̀ цѣлꙋ́емъ и҆ тѧ̀ благодѣ́тельницꙋ на́шꙋ непреста́ннѡ велича́емъ."
|
|
},
|
|
{
|
|
"type": "TEXT",
|
|
"value": "И҆ ны́нѣ: Вои́стиннꙋ всѣ́хъ ст҃ы́хъ вы́шша є҆сѝ, бцⷣе дв҃о ро́ждшаѧ ст҃ѣ́йшее сло́во, и҆ млекопита́вшаѧ, ꙗ҆́кѡ млнⷣца воплоще́ннагѡ бг҃а, на́съ ра́ди чл҃вѣ́ка бы́вша, да и҆зба́витъ па́дшїй ро́дъ чл҃вѣ́ческїй ѿ поги́бели вѣ́чныѧ. Тѣ́мже тѧ̀ ꙗ҆́кѡ вино́вницꙋ сп҃се́нїѧ на́шегѡ немо́лчнѡ велича́емъ."
|
|
},
|
|
{
|
|
"type": "HEADER",
|
|
"value": "Свѣти́ленъ бцⷣы, гла́съ д҃:"
|
|
},
|
|
{
|
|
"type": "TEXT",
|
|
"value": "Пречи́стагѡ ѻ҆́браза твоегѡ̀ ꙗ҆вле́нїѧ, мт҃и бж҃їѧ, пра́зднꙋемъ свѣ́тлѡ, и҆́бо въ не́мъ позна́емъ зна́менїе твоегѡ̀ къ на́мъ бл҃говоле́нїѧ, преблага́ѧ: покрыва́еши и҆ спаса́еши на тѧ̀ ᲂу҆пова́ющыѧ бцⷣе всепѣ́таѧ и҆ неискꙋсобра́чнаѧ. Два́жды."
|
|
},
|
|
{
|
|
"type": "HEADER",
|
|
"value": "Стїхи̑ры бцⷣы д҃ гла́съ и҃:"
|
|
},
|
|
{
|
|
"type": "TEXT",
|
|
"value": "Подо́бенъ: Ѽ пресла́внагѡ чꙋдесѐ!"
|
|
},
|
|
{
|
|
"type": "TEXT",
|
|
"value": "Ѽ пресла́внагѡ чꙋдесѐ! Ве́лїѧ ра́дость ст҃ѣ́й горѣ̀ а҆ѳѡ́нстѣй свы́ше дарова́сѧ, ст҃а́ѧ и҆ благода́ти пречⷭ҇тна́ѧ і҆кѡ́на твоѧ̀ бцⷣе, ѿ і҆ерⷭ҇ли́ма къ не́й принесе́сѧ, благоче́стїю во ᲂу҆твержде́нїе и҆ вѣ́рнымъ во спасе́нїе, ѡ҆ є҆ѧ́же принесе́нїи ра́дꙋющесѧ, тебѣ̀, влⷣчце, мо́лимсѧ: спасѝ дꙋ́шы на́шѧ, ꙗ҆́кѡ милосе́рда. Два́жды."
|
|
},
|
|
{
|
|
"type": "TEXT",
|
|
"value": "Ѽ пресла́внагѡ чꙋдесѐ! Ди́вный ст҃и́тель са́вва, зало́гъ ми́лостей твои́хъ, і҆кѡ́нꙋ твою̀ ст҃ꙋ́ю, бцⷣе, на́мъ ѿ і҆ерⷭ҇ли́ма прино́ситъ, и҆ всѧ̑ ны̀ призыва́етъ благоговѣ́йнѡ є҆́й поклони́тисѧ сегѡ̀ ра́ди съ любо́вїю къ не́й припа́дающе, моле́бнѡ къ тебѣ̀ вопїе́мъ: ѿ бѣ́дъ и҆зба́ви на́съ, влⷣчце, и҆ сп҃сѝ дꙋ́шы на́шѧ, ꙗ҆́кѡ милосе́рда."
|
|
},
|
|
{
|
|
"type": "TEXT",
|
|
"value": "Ѽ пресла́внагѡ чꙋдесѐ! И҆сто́чникъ и҆сцѣле́нїй на́мъ дне́сь ꙗ҆ви́сѧ, і҆кѡ́на твоѧ̀ многочꙋде́снаѧ, бцⷣе, є҆́юже ст҃а́ѧ ѻ҆би́тель вели́кагѡ во ст҃ы́хъ са́ввы дх҃о́внѡ ѡ҆богати́сѧ, и҆ чꙋде́съ твои́хъ бл҃года́тїю просла́висѧ. Сі́и ᲂу҆̀бо бг҃олѣ́пнымъ поклоне́нїемъ че́ствꙋемъ и҆ со ᲂу҆миле́нїемъ тебѣ̀ вопїе́мъ: правосла́вїе ᲂу҆твердѝ въ на́съ непоколеби́мѡ, влⷣчце, и҆ спасѝ дꙋ́шы на́шѧ, ꙗ҆́кѡ милосе́рда."
|
|
},
|
|
{
|
|
"type": "HEADER",
|
|
"value": "Сла́ва, и҆ ны́нѣ, гла́съ ѕ҃:"
|
|
},
|
|
{
|
|
"type": "TEXT",
|
|
"value": "Блажи́мъ тѧ̀ всѝ ро́ди, бцⷣе, ꙗ҆́кѡ ра́дости всѧ̑ ны̀ и҆спо́лнила є҆сѝ, ꙗ҆вле́нїемъ чꙋдотво́рныѧ твоеѧ̀ і҆кѡ́ны и҆ дарова́нїемъ мно́гихъ ѿ неѧ̀ и҆сцѣле́нїй: дꙋ́ши бо и҆ тѣлеса̀ врачꙋ́еши, и҆ ѿ всѧ́кихъ бѣ́дъ и҆збавлѧ́еши, чтⷭ҇на́гѡ ѻ҆́браза твоегѡ̀ ѡ҆сѣне́нїемъ, є҆мꙋ́же дне́сь покланѧ́ющесѧ, ᲂу҆се́рднѡ мо́лимъ тѧ̀: сподо́би, влⷣчце, твоѧ̑ рабы̑, въ бꙋ́дꙋщемъ вѣ́цѣ, и҆збра́нныхъ ра́досте."
|
|
},
|
|
{
|
|
"type": "HEADER",
|
|
"value": "Та́же славосло́вїе вели́кое и҆ ѿпꙋ́стъ."
|
|
},
|
|
{
|
|
"type": "HEADER",
|
|
"value": "На лїтꙋргі́и, Бл҃жє́нна, пѣ́снь г҃ и҆ ѕ҃ на и҃."
|
|
},
|
|
{
|
|
"type": "HEADER",
|
|
"value": "Прокі́менъ гла́съ г҃:"
|
|
},
|
|
{
|
|
"type": "TEXT",
|
|
"value": "Вели́читъ дꙋша̀ моѧ̀ гдⷭ҇а, и҆ возра́довасѧ дꙋ́хъ мо́й ѡ҆ бз҃ѣ сп҃сѣ мое́мъ."
|
|
},
|
|
{
|
|
"type": "TEXT",
|
|
"value": "Сті́хъ: Ꙗ҆́кѡ призрѣ̀ на смире́нїе рабы̀ своеѧ̀, се́ бо ѿ ны́нѣ ᲂу҆блажа́тъ мѧ̀ всѝ ро́ди."
|
|
},
|
|
{
|
|
"type": "HEADER",
|
|
"value": "А҆пⷭ҇лъ къ фїлїпписі́ємъ, зача́ло с҃м."
|
|
},
|
|
{
|
|
"type": "HEADER",
|
|
"value": "А҆ллилꙋ́їа гла́съ и҃."
|
|
},
|
|
{
|
|
"type": "TEXT",
|
|
"value": "Сті́хъ: Слы́ши дщѝ и҆ ви́ждь, и҆ приклонѝ ᲂу҆́хо твоѐ."
|
|
},
|
|
{
|
|
"type": "HEADER",
|
|
"value": "Є҆ѵⷢ҇лїе ѿ лꙋкѝ зача́ло н҃д."
|
|
},
|
|
{
|
|
"type": "TEXT",
|
|
"value": "Прича́стенъ: Ча́шꙋ спасе́нїѧ прїимꙋ̀ и҆ и҆́мѧ гдⷭ҇не призовꙋ̀."
|
|
}
|
|
] |